Update #36
"hi Komal di" Muskurate hue nisha ne Komal ko ishara kiya.. komal ne bhi ishara kar nisha ko bulaya
"Kya baat hai bhai, jab se USA aayi ho tab se abhi fursat mili hai aapko??" Shikayat bhare andaz me komal boli
"Offo di kya bolun aapko aapka wo rohan hai na?? ek number ka idiot hai.. are kehta hai mai zyada baatein karti hoon, bataiye diya mai zyada baatein karti hoon??" Nisha ne poochha
"Arey nahi to tum jaisi shaant shushil aur sanskari ladki hai koi aaspaas??" Komal muskurate hue boli
"Wahi to....... ek minute ek minute, aap mera mazaak to nahi uda rahi hai na" Nisha ne poochha
"Bilkul nahi nishu, waise tera idiot bhi aa raha hai abhi" Komal boli
"Kya??" Nisha boli
"Wo dekh" Bol Komal mand mand muskurane lagi
Haan wo raha rohan.. uff ise dekhte hi pata nahi kya ho jaata hai nisha ko.. B.P badh jaata hai
"Hi Komal bhabhi, aap log yahan??" Rohan ne nisha ki aur nahi dekha
"Yahan ki masala chai bohut achi banti hai.. urvashi ka recommendation hai isliye aayi lekin tum??" Komal ne poochha
"Wo bas mai bhi kabhi kabhi yahan ki gazal sunkar chai peene aa jaata hoon" "Rohan bola
"Khair mai ab chalti hoon, urvashi aa rahi hai wo tum logo ko company de degi" Apne ghadi ki aur dekhte hue Komal boli
"R..rukiye b..bhabhi aise mat jaiye" Aatankit nazron se dekhte hue rohan bola
"Rohan mai break me aayi hoon.. mujhe kaam par jaana hai nisha ki chutti hai to isliye usne mujhe join kar diya...... waise tum agar free ho to please thodi company de do na nisha ko" Komal boli
"Koi zaroorat nahi di" Nisha boli
"Nahi nisha rohan kaafi kuch jaanta hai is jagah ke baare me, meri maan to wo ek local guide jaisa tujhe help kar dega, kuch bhi problem ho usko approach kar sakti hai" Nisha ke kandhe par haath rakhte hue Komal uthkar chali gayi
Dono bebas aankhon se komal ko jaate hue dekhte rahe fir chupchap baith gaye.. sannata chaya hua tha dono ke beech
"Wo... umm..... chai kaisi bani??"rohan ne poochha
"Mai chai nahi peeti ye coffee hai" Nisha ne do took jawab diya
"Oh... sorry..... waise ye Coffee kaise bani hai??" Rohan ne fir poochha
"Abhi maine sip nahi li hai.. aap agar pareshan na kare to pee kar dekhoon??" Nisha boli
Is ladki ki to mai......
"Hi rohan bhaiya.. hi nisha bhabhi" is awaz ke saath dono chaunk pade.. saamne se urvashi aa rahi thi
"Urvashi kitni baar kaha hai yaar hum dono me aisa kuch nahi" Nisha ne samjhane ki koshish ki
"Offo sorry nisha di wo baar baar yahi lagta hai aap dono made for each other ho" Urvashi boli.
"Chalo baba aage se dhyan rakhna...... ok can I have bill please" Rohan ne waiter ki aur dekhkar kaha
"Sorry sir aap ka bill us madam ne pay kar diya" Waiter bola
"Koun madam??" Fir poochha rohan ne
Waiter kuch bol paane se pehle hi saamne se sanchita aa gayi
"Hi guys.. meri taraf se ye choti si treat kabool kijiye" Sanchita boli
"Kis khushi me?? aur aap hai koun??" Nisha boli
Sanchita ko gussa to aaya nisha par.. par wo gusse ka ghont pee gayi
"Well mai sanchita hoon.. yash ki bohut khaas friend" Sanchita boli
"Mujhe laga ki aapka aur yash bhaiyya ka......" Baat beech me chhod rohan ne aankhon aankhon me samjha diya sanchita ko
"Apno ke beech man mutav nahi hote kya?? waise abhi mai patch up karne ki koshish kar rahi hoon" Sanchita rone lagi
"Hame chalna chahiye.. aage se please aisa mat kijiye.. hum apna bill khud de sakte hai, chalo nisha, urvashi" Bol rohan wahan se nikal gaya aur peeche peecha urvashi aur nisha bhi nikal gayi
Sanchita ka rona band hua aur wo ek kutil muskaan ke saath man hi man bol padi
"Abhi to sirf shuruaat ki hai bachhu ek din tu meri khidmat karega saath me yash ka saara parivar"
-------------------------------------------------------------------------------
Komal ka man bohut khush tha.. kal ka din poora stressful tha.. lekin raat ko yash ke saath khana khana aur thodi bohut baatein karna.. sachmuch kya ho raha hai Komal ko
Bachpan se hi use pyaar mohabbat me koi dilchaspi nahi thi.. kai ladke the.. lekin koi uske dil me nahi utar paya
Fir kyun us adiyal yash ke liye bechain ho uth jaati hai
Aur koi nahi tha is duniya me yash ke alawa??? he bhagwan.
RING RING
"Hello??"
"Komal mai khurana" Khurana doosri aur se bola
"Boliye khurana sahab" Komal bol
"Komal kya tum mere ghar aa sakti ho?? meri wife ko fir se daura pada hai" Khurana bola
"Khurana saab isi baat ke liye aapse milna chahti thi.. darasal mera aapke ghar aana ab munasib nahi hoga.. so mai shayad nahi aa paungi" Komal boli
"Y..ye kya keh rahi ho komal?? aisa mat bolo.. meri wife ko tumhari zaroorat hai" Khurana bola
"Sorry khurana sahab" Bol Komal phone rakh deti hai
Udhar khurana ke samajh me kuch nahi aa raha tha ki kya kiya jaay
Komal ko manana bohut mushkil tha.. aur yash ke saath jo unhone kiya uske baad Komal se kuch expect karna hi galat hoga
Lekin wo kya kare.. unki bhi majboori hai.. lekin ab hoga kya aage?? he Bhagwan Komal kisi tarah maan jaaye.