Update #38
"wow madam mast hai ye to" Nitya bol uthi.
"Haan ye hi select kiya hai uske liye" Vishakha bol uthi
Tabhi dono ki nazren komal ko dekh kar ruk gayi
"Arey kya baatein ho rahi thi madam??" Komal ne vishakha ko dekhkar kaha
"dekh na komal I got this for my boyfriend" Bol vishakha ne gift dikhaya komal ko
"wow sachmuch mast gift hai" Komal khush hote hue boli
Fir sochne lagi kya yash ke liye same kuch aisa hi gift le to kaisa rahega
"Kya Baat Hai Tu bhi apne hubby ko gift dene ka soch rahi hai na??" Nitya ne poocha
"N..nahi to bilkul nahi" Hadbadate hue komal boli
Vishakha has padi, Pagal ladki ye khud nahi jaanti kitna pyar karti hai yash se
Komal ke Paas gift khareedne ke paise to the.. Lekin jo yash Ek aisa life style maintain karta hai uske liye mamooli gift se kya Hoga.
Soch fir se hatash ho gayi komal.
------------------------------------------------------------------------------
Sujata chupchaap baithi hui thi.. Aaj Saara din chupchaap hi rahi
Tabhi mrs saraf aati dikhai di
"mummy chaliye na kahi chalte hai, mood thoda off hai" Sujata boli
"Sorry beta aaj kitty party hai meri.. kabhi aur chalenge" Mrs saraf ne sujata ke gaal par haath fera aur chali gayi
Sujata room se bahar nikli to urmila aati dikhai di usko
"urmi kahin ja rahi hai kya mai chaloon tere saath??" Sujata boli
"sorry di lekin aaj mai training class me ja rahi hoon fir kabhi" Haskar urmila bhi chali gayi
Sujata ko rona a raha tha, Manav ne kabhi bhi aisa nahi kiya tha.. Kabhi bhi kitna bhi busy ho hamesha uske liye haazir rehta tha
"Kahin chalna hai sujata di, mai chalun aapke saath??" Peeche se aayi aawaz se chaunk padi sujata
Peeche komal khadi thi.. Bas sujata ke Haan ka intezar kar rahi thai
"mere Saath.... Lekin..... Kya tum chalogi??? Mast chaat milta hai wahan" Sujata boli
"wow panipuri meri favourite hai sujata di.. jaldi chalte hai" Bol sujata ka haath pakadkar komal use kheenchkar le gayi
"Wow solid panipuri banti hai yahan.. aapko kaise pata chala is jagah ke baare me?? Aapka khoosat bhai ne to nahi bataya?? Oh sorry m..mai... Bas aise hi bol gayi" sar jhukate hui komal boli
Sujata has padi.. Bachi hai komal.. Kabhi dhang se Baat tak nahi hui isse.. Itni buri nahi hai.. Saaf dil hai iska.. Sabse dil kholkar milti hai
"Nahi komal.. yash Pehle se aisa nahi tha.. Wo bhi aam logo Jaisa hi tha.. Lekin yash ne nahi bataya mujhe ye jagah manav ne dikhai thi tab...." Bolte bolte ruk gayi sujata.. Lekin uske aansu nahi ruke
Wo din jab dono Saath Saath aaye the
"Sujju idhar na mast chaat banti hai" Manav ne kaha tha
"Uhh mujhe nahi pata USA me chaat??? Burger aur pizza khane waale chaat kya ghanta banayenge??" Munh bana kar sujata ne kaha tha
"Arey kha ke to dekh" Bol manav ne apne haathon se ek spoon khilai thi
Wo taste aaj tak koi bhi chaat se nahi mil paayi thi sujata ko
Bill bhi manav ne hi pay kiya tha.. Aur us din nahi hamesha se manav ne hi pay kiya tha jab bhi dono ghoomne gaye the
Manav ke Saath sujata ko ek alag sa mahoul milta tha
"Sujata di?? Kya hua??" Komal ne poocha
"Kuch nahi komal.. kuch nahi" Bol khane ki koshish karne lagi sujata lekin uska Saara Dhyaan kahi aur tha
"Mera ho gaya sujata di, aapka ho gaya ho to chalein??" Komal uth khadi hui aur sujata bhi uth
gayi
Komal paise nikalne hi wali thi ki sujata ne rok diya.
"Tum mere Saath aayi ho komal mere jagah par isliye ye treat meri taraf se"
Komal muskura uthi.. Aur dono ghar chale aaye
"Bohut maza aaya bhabhi.. next time agar aisa kuch plan ho to mujhe include zaroor kijiyega" Bol haskar komal apne kamre me chali gayi
Kamre me aate hi komal ko ek call aayi
"Hello??? Mujhe bhool to nahi gayi my darling??"
Awaz sunte hi phone haathon se gir gaya komal ka.
Raghav??? Is waqt???? Use phone number kaise mila komal ka????
------------------------------------------------------------------------------
Yash gift ke baare me soch kar Gaadi me ja hi raha tha ki achanak Sanchita ke Saath purane din Yaad aa gaye
"Sanchu sanchu aankhen band karo na??" Yash bola
"Uff kya hai yash, ye sab filmo me hi ache lagte hai.. Real life me practical aur professional hona padta hai" Sanchita chid kar boli
"Pehle aankhen to band karo" Yash ne fir bola
Sanchita ne aankhen band ki to yash ne Sanchita ke gale me kuch pehna di
"Ab aankhen kholo" Yash bola
Sanchita ne Aankhen kholi.. Ek sundar si gold chain Saath me ek heart shape pendant latak raha tha usme se
"oh acha hai thanks" Sanchita boli
Yash ne kuch zyada hi expect kiya tha lekin chalo pasamd to aaya use
"Oh mujhe Jaana hoga baad me milta hoon" Bol yash chala gaya tha.. Lekin kuch door baad use Yaad aaya usne Saath me ek card bhi laaya tha jo usne diya hi nahi tha Sanchita ko
Ulte paanv jaise hi wo bhaagta hua aaya sanchita kisi se Baat kar rahi thi
"Haan bunty, nahi tumhare jaisa nahi ek chota sa gift...... Haan apni apni kismat..... Kaash tum mere boyfriend hote...... Hahaha Haan abhi bhi apna luck aazma sakte ho.. Shaadi to nahi hui na yash ke Saath??? bade bade relationship aise hi toot jaaya karte hai" Sanchita haskar bol rahi thi
Yash ka chehra gussa, apmaan aur dukh se bhar gaya tha
Haath me rakhe card ko usne faadkar tukde tukde kar fenk diye.