Fantasy Devilansh (Part Of Devil) FANTASY

Well-known member
1,167
1,335
143
119098440-416-k411664 Frends ek new story start kar Raha Hun
Aapke man ko chho legi ye kahani



Hey dosto, Imagine kijiye.....!! Aap duniya ke sbse mahir Detective or chor ho. Aap dimensions dniyaon me famous ho magical mastery crime case solve krne ke liye



Updated 1


May ki tapati dopahar, chaaro taraph maano aag baras rahi ho. Sadaken, galiya, chauraahe, har taraph garmi ne ha - ha kaar macha rakha tha. Log pankho se, paani se, kisi tarah khud ko thanda rakhane ke jugaad mein lage the. Sadakon par gaadiyaan ka dhuaan bhi maano aag ki lapato mein nikal raha ho. Chaaro taraph logo mein traahi – 2 machi hui thi.
“Bhagavaan kya aaj hamen bhun kar khaane ka iraada hai ?” Kasbe ke chauraahe par kapade ki chhatari mein khud ko kisi chhipaati chhoti si sabji ki dukaan mein baithi Tiger Tai boli.
Naam sunakar aap ko thodi hairaani ho rahi hogi ? Asal mein Tiger Tai city ke paas ke jangal ki sarahad par rahati hai jahaan usane apani bakariyon ko bachaane ke lie ek baagh ke dando se maarakar uske daant tod die the. Tab se log inhen Tiger Tai kahate hai.
Garmi ki vajah se pasine aur umas se Tiger Tai ka bura haal tha. Saamane rakhi sabji bhi maano usaki dukaan par hi rakhi pakane ke mud mein thi.
“Tai lagata hai aaj tera bulaava aa gaya hai upar se.” Paas hi phalo ki rehadi lagaaye khade Jams bond ne kaha.
Inake naam ki bhi apani ek kahaani hai. In mahaashay ko pure city ki khabar rahati hai, ladako ke ladakiyon ko pataane se lekar city ke vidhaayak ki wife ke naitalais kharidane tak aur kisi ki patni ke bhaagane se lekar city mein aaye naye aadami tak. Mr. Jams Bond har marj ki dava hai, aur sabase badi baat, unhen ye naam khud police ne diya hai.
“Kamine mare mere dushman.” Tiger Tai use daantati hui “ Abhi to mujhe 100 saal jina hai.”
“Tai ye duniya paapiyon se bhari padi hai tera yahaan rahana thik nahi hai.”
“Tujhe bataane ki jarurat nahi hai kaun paapi hai kaun kya ? Mujhe kab marana hai mujhe pata hai.” Tai use ghurati hui “ chup chaap apane phal bech.”
“Seb kya bhaav die ?” Rehadi par aakar khada hote aadami ne puchha.
“Ji saahab ji 50 rupaya kilo, bade hi mithe seb hai.”
“He bhagavaan ! ham garibo par thodi si daya kar.” Tiger Tai haath jodati hui “Jyaada kuchh nahi to chhaav (chhaaya) hi kar de, kuchh chain hi mil jaayega.”
Maano bhagavaan Tiger Tai ki praarthana ka wait hi kar raha tha. Tai ne baat puri bhi nahi ki thi achaanak ek bahut bada baadal suraj ke saamane aa gaya. Sab ke chahare par chamak laut aayi.
“Are vaah chaachi !! teri praarthana mein to badi taakat hai.”Bond majaak lete hue “Mere lie ek mahal bhi maang de.”
“Duniya ki bhalai ke baare mein sochoge to sab kuchh mil jaayega, is tarah maangane se kuchh milata to ye duniya kab ki mit jaati.” Tai ne bhadak kar kaha.
“Teri lila tu hi jaane Tai, par tere kahane se bhagavaan ne chhaav kar di is lie.....”Bond Tai ki taraph seb uchhaalate hue “ Ye seb inaam mein le.”
“Taazi sabji lo, taazi sabji........!!!” Tai seb sidai mein rakh apane kaam par lag gayi.
Sab us baadal ko dhanyavaad de rahe the.
===========
Dusari taraph us baadal mein kuchh bijali chamak rahi thi. Vishaal baadal ko dur se dekhane se aisa lag raha tha maano hava ne apane jor par parvat ko utha liya ho, insaani duniya ki hakikat se dur, baadal ke upari taraph kuchh alag hi tha, jo shaayad insaan kabhi soch hi nahi sakata tha. Ek alag duniya, suraj ki raushani mein chaandi se chamakate aakaash ko chhute ped, prakrti ke man lagaakar banaaye, hare bhare pahaad aur dudh sa girata jharanon ka bedaag paani, apani hi dhun mein gaate pakshiyon ki aisi prajaatiyaan jo shaayad hi un baadalo se kabhi niche aayi ho. Har tarah ke phalo se ladhe pedo ke bagiche, aur aapase mein khelate jangali jaanavaron ke bachche, man mein base svarg ki yaande taaja kar rahe the.Dur pahaado ki pahunch se dur dikhata ke bhavy city, jo shaayad chaandani ko bhi phika kar raha tha. Najaro ke aakhiri bindu tak unchi imaarate, vishaal daravaaje, aate – jaate Rajao ke kaal ki poshaake pahane log aur kahin se aati ek mithi ghante ki aavaaj. Dikhane mein kisi puraani raja ki kahaaniyon jaisa city, jahaan bhavyata aur khushahaali ke basere thi, jisako dekhane ki lie shaayad har koi marata ho.
Khair aage badhate hai. Suraj ki Suraj ki chamakadaar aur dharati par tikhi lagane vaali dhup city mein ghum rahe logo ko maano garm kar rahi ho, ye bhi kah sakate hai vahaan ke log dhup ko sek rahe the. City mein phalo, kapado, pakavaan ghar ki saaph - saphai ke saamaanon aur paani ke bartanon ki dukaanon par bhid lagi hui thi. Godha - daagaadi par saamaan le jaate logo ka chillaana, city ki adako ko saaf karate logo ka shor, apani kaanch ke bartan ki dukaan ka promotion karata aadami aur vishaal ped ki patti se patang banaate chhoti si dukaan mein aadami ka bachcho ki lagi bhid ko hata raha tha. Logo ka hansana, bachchon ka khilakhilaana aur dukaanadaaro ka saamaan ke raet ke lie ladana, sab kuchh normal lag raha tha, par vo sab maano aankhon ka dhoka maatr ho.
logo ke hansane mein majaburi, bachcho ke khilakhilaana jabarajasti aur dukaanadaar maano sab ka dhyaan bataane ki koshish kar raha ho. Har kisi ki aankhon mein ek ajib sa khauph aur ek - dusare ko dekhane ki jaldabaaji maahaul ko bhi rahasyamayi bana rahi thi. Achaanak sadako par lohe ki agadane ki aavaaj aane lagi aur jaanavaron ne bhi mano apani saanse rok li ho. Dar mein akadi logo ki gardan dhire – 2 ek sidai ghumane lagi. Maasum se chhote bachche sadak ke kinaare apani maan ke aanchalo mein chhipe liya. Hr koi dur vishaal dravaaje par najare jamaaye hue the maano koi bhoot nikal kar aa raha ho. Bachcho ki aankhe aur apani maan ke kapade ko chhoti ungaliyon se dabaana saaph bata raha tha city mein dar aur khauph ka kitane raaj tha. Kuchh hi palo mein hathiyaar band ek sena ki tukadi mustaid aankhon aur suraj ki roshani mein chamakati dhaar vaale hathiyaaron ke saath logo ki taraph badh rahi thi. Apane kaanpate pairo ko sabhaale log girate – padate sadak ko khali kar rahe the. Jaise -2 sena ki tukadi paas aa rahi thi logo ki dhadakan badhati ja rahi thi.
City ki bhid ke bich mein aa sena ki tukadi ruk gayi aur sab ke aage apani talavaar ko pholaadi kavach mein thaamen, lamba – chhoda bhari sharir ke saath tukadi ka naayak, baaj jaisi najaro se sadak ke donon sidai khade logo ke chahare par ubhar rahe dar ko dekh raha tha. Logo ki tham – 2 kar aa rahi saanse usake kaano mein padi. Do palo baad usane apane jute ko patakana shuru kiya to log kaanpane lage aur apani maa ke aanchal mein chhipa bachcha rone laga. Ghabaraahat mein aurat use chup karane lagi, par tukadi naayak ko dekh bachcha rota raha.
“Mujhe do ise....” Tukadi naayak ne aurat ke saamane haath phailaaye.
“Shama kar dijiye maanyavar bachcha hai !!” Aurat usake pairo mein jhukati boli.
“Maine kaha mujhe do.” Tukadi naayak ne maano aadesh diya ho.Maanyavar.......!!” Aurat bol hi rahi thi, tukadi naayak ne jara si talavaar bahaar nikali.
Aurat ne rota bachcha tukadi naayak ki taraph kar diya.
“Tum ro kyon rahe ho ?” Tukadi naayak ne pyaar mein bachche se puchha.
Bachcha usaki shakl dekh rota raha.
“Tum !! mujhe batao, ye ro kyon raha hai ?” Tukadi naayak ne paas khade aadami se puchha.
Aadami ki maano kisi ne saanse hi chhin li ho.
“Ahahare ho ?”
Pichhe khade sainik muskuraane lage.
“Ji vo .....” Apani saanso ko sabhaalate aadami dhire se “Bachcha aapase dar gaya hai.”
“Kyon....?”
“Ji vo.....” Aadami ki jubaan nahi khuli.
“Mainne puchha kyon !!?” Tukadi naayak lagabhag chillaaya tha.
Maano aadami ke saare javaab tukadi naayak ke chillaane se khatm ho gaye ho.
“Main bataata hun ......” Tukadi naayak dar se ghabara rahe logo ke chahare dekh “I saki vajah hai aap sab.”
Log dar aur chonfusion ke saath ek - dusare ka chahara dekh man mein hi savaal kar rahe the.
“Is bachche ko kisane bataaya dar kya chij hai, mujhase darana hai ise kaise pata chala ? Ise kisane bataaya main ise nukasaan kar sakata hun ?”
Sabake chahare maanon gardan se alag hone lage ho.
“Aap sab ko saamaany dikhane ke lie bola gaya tha par.......!!” Tukadi naayak gusse mein “Aap dikhaava to saamaany ka kar rahe hai, par dare hue, ghabarae hue, marane ke lie hamensha taiyaar. Aap hamaari kya madad karenge, aap to khud hi chaahate hai koi aakar aapako maar daale.” Havaon ko bhi shaant karati raubadaar aavaaj ke saath tukadi naayak “Dard maare jaane mein nahi, marane ki kalpana mein hota hai. Aapake jo haalaat hai unhen dekh koi bhi aasaani se aapake bich ghusakar phaayada utha sakata hai.” Naayak ek pal words rokate hue “Jaise ki ye....!!!” Kahate hue tukadi naayak ne bachche ki gardan ghuma diAurat chillaati hui tukadi naayak ki taraph daudi to ek pal hi laga tukadi naayak ko haath se jaadui kiran usaki gardan par ghumaane mein. Sadak ko apane khun se rangati aurat tin hi pal mein mar gayi. Phir se log chillaane lage.
“Shaant rahiye !!!” Chamakati kiran ke saath haath ko upar uthaata tukadi naayak “Ye hamaare log nahi the.”
Do hi palo mein aurat aur bachcha kaale lambe khataranaak jangali jaanavar mein badal gaye. Logo ko maano apani aankhon par vishvaas hi na ho raha ho.
“Dekha aapake dar ka natija, ye tha hamen aap ko samajhaane ka inaam.” Tukadi naayak pichhe khade sainiko se “Band kar do sab kuchh city mein, ye log isi laayak hai.”
sainik chilaalaate hue logo ko unake gharo mein band karane lage. Dukaan, baajaar, menle sab par taala lagaaya jaane laga. Log chillaate rahe par maano tukadi naayak par phark hi na pad raha ho. Kuchh hi minaton mein city ki sadak par sivae sena ki tukadi aur un do laashon ke koi nahi tha. Sena ki tukadi aage badh gayi.
“Aapako kaise pata chala maanyavar vo ghusapaithiya the ?” Pichhe chal rahe sainik ne jigyaasa ke saath puchha.
“Hamaare logo ki aankhe laal rang ki hoti hai jabaki insaani duniya mein kaali, nili, laal, sunahari.” Nayak Sainik pre ek dekhcr “Un donon ki aankhe nili thi, insaan yahaan nahi aa sakata aur hamaare logo ki aankhe kabhi nili nahi ho sakati to......”
“To phir ye......?” Sainik bol hi raha tha.
“Vahi ghusapaithiya the jinhonne sab ki naak mein dam kar rakha hai.” Tukadi naayak gusse mein saamane khaali baajaar ko dekhane ke baad “ hamaare logo ke dar ka phaayada utha un mein mil gaye.”Par bachcha aapako dekhakar roya kyon ?”
“Gusse se bachane ka sabase aasaan tarika maasumiyat hai, usane usi hathiyaar ka sahaara liya, par....”
“Baaj ki najar dhoka kha sakati hai aapaki nahi.” sainik ne baat puri kar di.
Tukadi naayak chupachaap aage badh gaya.
 
.
Moderator
2,363
1,818
143
:congrats: for new story bro, pehla update bahut acha tha, agar yestory apki h to achi bat h, agr nhi to origional writer ko credit jarur dia kren ,thanks
 
Well-known member
1,167
1,335
143
updated 2
Log apane ghar mein maano kaid ho gaye ho. Daravaaja unake lie kisi jel ki majabut divaar ban gayi thi.
“Pitaaji sainik hamaare saath aisa kyon karate hai ?” Ek chhote bachche ne pita se puchha.
“Aakhir ye sab yahaan ho kya raha hai, kya yahaan ka Raja krur ho gaya hai ?” Aadami ke dusare city se aaye dost ne puchha.
“Aisi koi baat nahi hai ?” Pareshaan aadami apane dost ko baithate hue “Hamaare Raja to bade hi achchhe hai par......?” Aadami ke ruke shabdon ne dost ki jigyaasa badha di.
“Par kya.......?” Dost ki aankhe chhoti hone lagi.
“Kuchh dinon se hamaare city mein kuchh ajib se ghusapaithiye dekhe ja rahe hai, pure city ko unhonne ek khandar banaakar rakha hai, logo ko marate hai aur.....?”
“Aur kya .......?” Dost ne ajib najaro ke saath puchha ?
“Unaki laash par kataar ka nishaan bana dete hai, maano koi chetaavani dena chaahate ho.”
“Par ye sab hone ki vajah kya hai ?”
“Vo hi to pata nahi chal raha hai isilie to city mein dahashat ka maahaul hai, pata nahi hamaare city mein aakhir aisa vo khoj kya rahe hai ?”
“Mujhe aisa kyon lag raha hai maine pahale bhi aisa kuchh suna hai.......” Dost apane dimaag par jor daala par use kuchh yaad nahi aaya.
“Unhonne mahal par bhi do baar hamala kiya hai.” Aadami ne niraashaake saath bola.
“Mahal.....!!!” Dost chaunkate hue “Kya vo ghusapaithiya koi khaas tarah ke jaanavar hai ?”
“Haan.... shaayad kuchh aisa hi suna hai.”
“Mujhe abhi Raja ke paas le chalo !!” Dost hadabahaat mein bola.
“Par hua kya, kuchh batao to sahi ?” Aadami ke saath usaka beta bhi hairaan rah gaya.
“Ye city khatare mein hai, jaldi se Raja ke paas chalo.” Dost aadami ko khinchakar le gaya.
==============
Vishaal gaganachumbi minaaron se ghira hua sone sa chamakata city ka Rajamahal. Subah ki halki si dhund sa ghira ghaans ke chhote – 2 maindaanon mein ghumate pakshi , moti ke daano sa puhaaro se nikalata paani, bagichon, raasto par khade hava mein jhumate ped, aur chaaro taraph phaili shaanti, kitani achchhi lag rahi thi. Naayaab kala ka namuna lie sundar murtiyon se susarjit, raasto, saikado sainiko ki nigaraani mein mahal ka adharuni hissa.Rajadarabaar mein ek ajib si khaamoshi chhai hui thi chappe – 2 par sainiko ke hone ke baad bhi apani jagah par khade mantrimandal mein khauph saaf jhalak raha tha. Tabhi do raubadaar kadam darabaar ke bicho bich padane lage. Mantrimandalane apani saanso ko rok liya, sabaki najare aage badhate kadamo par jami thi. Haatho mein nilam ki anguthi, kamar par bhari bharakam talavaar, kadamo mein raub, aur saans ke saath ubhar rahe gusse ki gandh. Ek naujavaan ek ghutane par upar ratnajadit sihaansan par baithe budhe Raja (chahare par jhuriya, kaantihin chahara, umr 65) ko pranaam karata hai.
“Kya suchna hai Yuvaraaj ?” Raja naujavaan ki jhuki gardan dekhakar “Unhonne hamaare shaanti prastaav ko svikaara ya nahi ?” Raja ki aavaaj ne kadak rukh apana liya tha.
“Aapaka putr kabhi koi kaam adhura nahi chhodata hai mahaaraaj....” Baajuon mein bal, aankhon mein ghamand, aur chahare par jit ki muskaan lie Yuvaraaj raja ko dekhate hue “Mainne unhen mana liya hai, vo bhi saste mein ...” kahate hue Yuvaraaj ne talavaar satarangi pharsh par maari aur hajaaro kiranon ke saath ek prakaash se bani ladaki prakat hui. Suraj ki raushani si ujval paaradarshi kaaya, sunahari baal, saphed vastr pahane ladaki pharsh se 2 inchh upar hava mein thi. pura mantrimandal chaunk gaya.
“Rajan.....!!!” Ungali ka rukh Raja ki taraph kar ladaki chillaati hui “Tere putr ne maryaada ki saari simae laangh di hai, isane is mulyavaan dharati ka vo niyam toda hai jisaka kalank teri har pidhi par lagega....!!!!”
“Apani bakavaas band karo.” Yuvaraaj use dantane ke baad raja se “Unhonne sandhi ki nishaani ke rup mein ise bhent mein diya hai.”
“Bhent nahi chaal se lekar aaya hai tera putr mujhe !!” Ladaki chillaati hui “Bina taiyaari ke tumane aag se khalane koshish ki hai, parinaam tum jhel nahi paoge.”Apani bakavaas band kar !!!” Yuvaraaj us par talavaar uthaane laga.
Tabhi prakaash se bani ladaki Raja ke paas kone mein khinch gayi. Sabaki najar us kone mein jami rahi, Yuvaraaj uth gaya.
“Kahate hai taakat se jyaada, kaam aur kshamata se adhik bolana chaahie ......” Mutthi mein band prakaash ko lie kone se nikalati ladaki boli.
“Didi.....” Yuvaraaj ke chahare par hansi laut aayi.
“Itani to tum bhi samajhadaar ho Rajakumaari, taakat aur kshamata baajuon mein nahi sine mein hoti hai.” Mutthi se aavaaj aayi.
“Bahut botali hai.” Prakaash ko gaayab kar Rajakumaari saamane dekhane lagi.
“Use mainne haasil kiya hai, vo meri hai.” Yuvaraaj ke chahare par gussa aur vidroh saaf dikh raha tha.
“Sihaasan aur taakat usi ki hoti hai jo use sabhaal sake.” Apane makhamali saphed libaas ko sabhaal, reshami baalo ki lat ko jhataka de, tej se bhari aankhon ke saath Rajakumaari sihaansan se niche utarati Yuvaraaj ki taraph mutthi karate hue “Dono mein se ek bhi tumhaare paas ham se jyaada ho.......” Kholati mutthi se uth rahi chingaariyon ki taraph Yuvaraaj ka dhyaan khinchati Rajakumaari “To le sakate ho.”
Yuvaraaj ki talavaar uthane lagi.Naalaayak ..!!!!” Raja ne Yuvaraaj ki taraph hatheli ki aur Yuvaraaj prachand kiranon ke saath dur khambe mein jaakar laga.Khamba phat gaya. Yuvaraaj sihaansan par baithe gusse se dekh rahe apane pita ko dekh raha tha.
“Apani badi bahan par talavaar uthaayega...?” Raja chillaate hue “Sach mein sihaansan chaahiye to apani buddhi se, taakat haasil karo, gusse se nahi !!!”
“Mahaaraaj...!!!” Ek sainik daudakar andar aa gaya.
“Tumhen Rajadarabaar mein aane ka adab bhi nahi pata dusht ..!?” Raja ne sainik ko marane ke lie haath upar karata hai.
“Kshama chaahata hun mahaaraaj par.....” Gardan jhukaaye sainik ko baicheni ho rahi thi vo jaldi – 2 apani baat kahana chaahata tha.
“Aisi kya baat ho gayi ...” Rajakumaari hava ki tarah sainik ke paas jaakar usake gale par chaaku rakh “Jo tumane Rajadarabaar ke niyam tod diye ?”
“Rajakumaari vo.......” Apane gale par chaaku chalate dekh sainik “Baahar ek aadami khada hai jo city mein ho rahi ghusapaith ke baare mein jaanata hai.”
Pure mantrimandal ke saath Raja bhi khada ho gaya. Rajakumaari Yuvaraaj bhi hairaan the. Raja ne Yuvaraaj ko dekha, Yuvaraaj dusare hi pal gaayab ho gaya. Hava ke jhatake ke saath Yuvaraaj aadami aur usake dost ke saath khada tha. Donon Raja ko pranaam karate hai.
“Kaun ho tum donon, aur kya jaanate ho us ghusapaith ke baare mein ?” Raja ne garajate huye puchha.
“Mahaaraaj main isi city ka nivaasi hun ye mera dost Himad city se aaj hi aaya hai.”
sabaki najar ab us dusare aadami par thi.
“Mahaaraaj is city ka urja kendr khatare mein hai.” Dusara aadami tapaak se bola.
“Kya bol rahe ho ?” Aadami ka dost bola.
“Mahaaraaj hamaare padosi city mandaar mein bhi isi tarah ke ajib jaanavaro ne ghusapaith ki thi. Logo ke bich dahashat bana sabaka dhyaan us taraph khinch unhonne city ke urjaakendr ko hi nasht kar diya.”
“Ye bakavaas kar raha hai pitaaji.” Yuvaraaj bola.
“Main sach bol rah hun meri baat ka bharosa kijiye.”
“I saki baat mein sachchai ho sakati hai pitaaji, hamen urjaakendr ki suraksha badha deni chaahiye.” Rajakumaari ne kaha.
“Usaki jarurat nahi padegi pitaaji mere sabase kaabil sainik usaki suraksha mein tainaat hai.” Yuvaraaj akshat, apani bahan ke paas jaakar “ Aur un par bharosa hai.”Meri baato ko gambhirata se lijiye mahaaraaj....” Aadami haath jod praarthana karate hue “Main nahi chaahata is sundar city ka bhi haal mandaar jaisa ho.”
Aadami apani baat puri bhi nahi kar paaya tha mahal ke kendr mein ek jodaar dhamaaka hua. Dharati par kaam kar rahe logo ko aisa laga maano baadal mein maamuli si bijali chamaki ho, sab koi apane kaam mein lag gaye. Upar maano kisi ne mahal ko hava mein uthaakar chhod diya ho. Divaare idhar – udhar dhahane lagi, city ki sadake, makaan tutakar tukade girane lage aur logo ke chillane se pura city gunjane laga.
“Ye thi tumhari suraksha ?” Rajakumaari malabe ke paas padi dhul ko hataate Yuvaraaj par bhadaki.
Kuchh hi palo mein svarg sa dikhana vaala city khandar mein badalane ke lie taiyaar tha.
“Ye nahi ho sakata !!!” Sihaansan ke paas pada Raja chillaate hue “Mera sahar nasht nahi ho sakata.”
“Pitaaji aapaka city aur aapake log kabhi tabaah nahi honge.” Rajakumaari khidaki se gir rahe city ko dekhate hue “Chaahe usasake liye......”
Rajakumaari vaapis darabaar ke bich mein aakar khadi ho gayi.
“Main kabhi tumhaari dushman nahi thi bhai.” Rajakumaari muskuraate hue “Bas tumhen Raja banane se pahale jimmedaari uthaate dekhana chaahati thi.”
“Didi aap kya karane ja rahi hai ?”
“Rajakumaari hone ka muly chuka rahi hun, pitaaji ka khyaal rakhana.” Kahate hue Rajakumaari ne ek joradaar saans li aur usaki puri body chamakane lagi.
“Didi....!!!!”
“Putri...!!” Pada hua Raja chillaaya.Rajakumaari ne muskuraate hue apani taraph aa rahe Yuvaraaj ko dekha aur saans chhod di. hava mein bati bujhane jaisi aavaaj hui aur Rajakumaari tikhi chamak ke saath dhuna ho gayi. Agale hi pal maano pura city chumbak se chipak gaya ho. Sadake, ghar, mahal usi jagah ruk gaye ho. log idhar – udhar dekhane lage aur mahal mein Yuvaraaj haath phailaaye usi tarah khada tha aankhe maano hava mein Rajakumaari ko khoj rahi thi. tabhi Raja ke rone se Yuvaraaj ka dhyaan tut gaya.
“Rona aapako shobha nahi deta pitaaji.” Yuvaraaj apane pita ko sahaara de dradhata ke saath “Aapaki beti viragati ko praapt hui hai aur main is city ka Yuvaraaj akshat, aapako vachan deta hun jab tak unhen aisa kar par majabur karane vaale ka sar nahi kaat leta vaapis nahi aaunga.” Kahate hue Yuvaraaj vahaan se nikal gaya.
Raja rota raha aur mantri ghayal pade rahe.
 
Well-known member
1,167
1,335
143
updated 3

Yuvraj gardan jhuka ek rajmahal mein khada tha . Pura mahal mano khamoshi ki chadar odhe baitha ho . Samane sihansan par kisi tarah aansu roke baitha raja Yuvraj ko dekh raha tha . Chehare par gadhi halki kali ho chuki dadhi, lambe bal, svarn mukut aur reshami dushala odhe raja samane dekh raha tha . Tabhi usake paas baithe rajkumar ke subakane ne sab ka dhyan tod diya .
“Ham se kya apeksha rakhate hai yuvraj ?” Raja ne puchha .
“Apeksha nahi, dand chahiye, didi apaki amanat thi aur .....”
“Vo ek vir yoddha thi aur......” Rajkumar uth apani bhavanao ko rokata hua “Yoddha ki tarah mar gayi, ab ansuo se usake balidan ko vyarth mat karo .”
“Mainne apani ankhon ke samane apani bahan ko rakh hote dekha hai .” Yuvraj ek ghutane par baith “Main pitaji ko un aparadhiyon ke sar katane ka vachan de kar aya hun, ap se vinati hai mujhe itana samarth dijiye taki main unhen khojakar dand de saku .”
“Ap chahate kya hai ?” Raja use dekhate hue “Khulakar bataiye .”
“Hamen chhathamabhut ke lie apaki sahamati chahie .”
“Yuvraj Akshat.............!!!” Raja grjate hue khada ho gaya .
Mantriyon ki talavare tan gayi .
“Pitaji.....!!” Rajkumar ne Raja ko roka .
“Abhi hamari duniya ke itane bure din bhi nahi aye hai jo use davan par lagane mein apaka samarthan kare .” Pure mahal mein gunjayaman svar ke sath Raja “Aap hamare sambandhi banane vale the isi vajah se ap itani badi bat bolane ke bad bhi jivit khade hai .”
“Ap hamen maut ka dar dikha chup nahi kar sakate maharaj, ap mere prastav ko vidroh is lie man rahe hai, abhi ap ka shahar bacha hua hai .”
“Aur ye jyada din tak bacha nahi rah payega .” Darabar mein Senapati ne ate hue kaha .
“Ye ap kya bol rahe hai Senapati ji ?” Raja ne words ko or uncha kar liya .
“Ghusapaithiyon ka agala nishana ham hai .” Senapati Raja ko pranam karata hai .
“Apako ye kaisa pata chala ?” Rajkumar ke bagal mein khade mahamantri ne puchha .
“Rajy ki simao mein ajanabi logo ke ghusane ke sanket hai .” Senapati Yuvraj ko dekh “Sima par sainiko ki maut aur unake sharir par katar ka nishan .”
“Koi aur sakshy ?” Raja ne puchha .
“Gvalin man ne bhi urja ke srot par sankat ki bat kahi hai .” Senapati ne kaha .
“To kya ap bhi Yuvraj ki bat par sahamati jata rahe hai ?” Mahamantri ne apani saphed ho chuki bauh ko upar karate hue bola .
“Nahi maharaj, Yuvraj to nadan hai hamare paas to hajaro sadhan hai unhen rokane ke lie .”
“Sadhan to hamare pas bhi kaphi the Senapati ji, par hua kya ?” Yuvraj sochate hue “Muly to meri didi ko chukana pada na .”
“Ap bachcho ke hath mein Raja ki shakti dene ki bat kar rahe hai, ye to sarasar nadani hai . Unhen dusare tariko se bhi roko ja sakata hai .” Senapati ne kaha .
“Aur vo tarike hai kya ?” Yuvraj ne puchha .
“Hamare vichar se ap ko vishram karana chahiye Yuvraj .”
“Vishram karane ke lie mainne apana shahar nahi chhodo hai.....!” Yuvraj darabar se nikalate hue “ main apane dam par hi unako khoj lugan .”
“Senapati ji apane dusare tarike bataye ." Yuvraj ko raukane ke lie age badh rahe Rajkumar ko hath ke ishare se rokate Raja ne bola .
“Maharaj sabase pahale hamen janch ki avashyakata hai ."
“Ap janch ke lie kise chunane ka sujhav dete hai ?" Raja ne Senapati ke sath dusare mantriyon ko bhi dekha, sabaki ray janane ke lie .
“Maharaj aisa nahi hai hamen apane guptacharon par vishvas hi hai par......” Sankochavash Senapati ruk gaya .Apako bolane ki svatantrata hai Senapati .”
“Maharaj jin halato mein hamare padosi shaharon ke urjakendr nasht kar die gaye hai usase to aisa pratit hota hai ghusapaithiye hamari soch se bhi pare ki kisi duniya ke hai .”
“Ap saf – 2 kahie Senapati ji, kahana kya chahate hai ?” Rajkumar ne kaha .
“Ham unaki takanik ke age nakam hai Rajkumar .” Senapati gardan jhukate hue “Hamen aisa jiv chahie jo unase bhi adhik unnat takanik ko janata ho .”
“Apaki najar mein kaun hai Senapati ?” Raja ne puchha .
“Pranon ka dan de to ek nam lena chahata hun .” Senapati ghutane par baith gaya .
“Agya hai .”
“Devil maharaj.........” Senapati jaise hi bola .
“Senapati.....Raja chillata hua khada ho gaya .
Sare mantri bhi gusse mein khade ho gaye .
“Xama chahata hun maharaj, parantu is samay vo hi hamari madad kar sakata hai .” Senapati najare nichi karate hue “Koi bhi duniya, koi bhi jiv usaki najaro se bacha nahi hai . Agar hamen shanti se is samasya se nikalana hai to usaki madad leni hi hogi .”
“Hamen apani dharati ka vinash svikar hai parantu us chalabaj aur dhokebaj ka yahan ana svikar nahi hai maharaj .” Ek mantri bola .
“Ye samay biti bato ko yad karane ka nahi hai maharaj, sankat samane hai aur hamen apane akhiri vikalp se bachana hai .” Senapati ka ishara chhathamabhut ki taraph tha .
“Bas Senapati,bahut bol chuke tum .” Raja ne kaha .
Sab Raja ke javab ka intajar kar rahe the .
“Sabha khatm ki jati hai .” Raja uthakar chala gaya aur Rajkumar Senapati ko dekhane laga .
 
Well-known member
1,167
1,335
143
Updated 4

Yuvraj kitane hi dinon tak padosi shaharon mein ghumata raha, kitane hi Rajao se chhathamabhut ke lie ijajt mangi par kisi ne usaka sath nahi diya . Yuvraj apane gusse ko sabhal aur apani didi ki maut ko yad karata ghaude par daudata ja raha tha . Apane shahar ki halat, apane pita ka rona , khud ka ghar chhodana, usake andar itani baicheni badha chuka tha use ye bhi hosh nahi raha vo ja kahan raha tha .Ghoda ghane jangal mein puri raphtar se daud aha tha par Yuvraj ko jara sa bhi hosh nahi tha .
Tabhi ek jhadi ko par karate hi Yuvraj ke sine par joradar lakadi se var hua . Yuvraj do palo mein hi dharati ki dhul mein khun se lathapath pada tha . Dard ko sanson mein sament Yuvraj ne dhul bhari ankhe kholi to samane adhe ghode aur adhe insan khade the .
“Gussa............." White ghode ki body aur sunahari insan ke bal lie aurat muskurati hui "Jab ye sar par nachata hai to shahar ke shahar tabah ho jate hai ." Aurat Yuvraj ko lat marati hui " Tum to ek chhote se prani ho ?"
laat padate hi Yuvraj behosh ho gaya . Jab use hosh ay to vo badi si kadhai mein kholate pani ke upar rassi se lataka hua tha . Pani ko ubalata dekh usake hosh ud gaye, usaki body khud hi chhatapatane lagi .
“Jyada hilo mat varana tumhari to mahenat to bekar jayegi hi......." Aaurat usake pas akar usake gore badan ko dekh "Hamen tum par jo itani mahenat ki hai usaka kya hoga ?"
Yuvraj ne apani gardan uthayi to vo ghane jangal mein rahane vali adimanus ki basti mein tha , ek ajib ghans phuns se bana kabile tipai ka gavan , jahan charon taraph us aurat jaise hi kitane dusare adami, aurate, bachche the jo usaki halat par hans rahe the . Yuvraj ne gusse mein apane hatho ko dekha jinamen thodi si raushani uthi aur gayab ho gayi . Yuvraj hairan tha usaki shakti lagabhag khatm ho gayi thi .
“Jyada dimag par jor dalo, tumhari shaktiyan kahin nahi gayi hai, tum bel shakh se bandhe ho jo tumhari shaktiyon ko tumhare sharir se nikalate hi sokh leti hai ."
Yuvraj ne dur ghans ke dher par padi apani talavar ko dekha jo ankhon ke ishare se hi usaki taraph uchhal gayi . Par dusare hi pal usaki hairani ki sima nahi rahi, aurat ne talavar hatho mein pakadi hui thi .
“Is gavan ki mukhiyan hun ....." Aurat talavar ko hatho mein ghuma, Yuvraj ko apani talavar kala dikhati hui "Kuchh to ijjat karo meri."
“Chahati kya ho, tum khaogi to nahi mujhe....?" Yuvraj ki ankhon mein dar nahi tha .
“Kisi ko khila to sakati hun na......" Bol kar aurat hansane lagi sath hi pure gavan ke log bhi .
“Khamosh !!!!" Yuvraj puri kshamata se chillaya .
Sab chup ho ek - dusare ko dekhane lage mano hoth sil die ho kisi ne unake .
“Mujhe ajad karane ka kya logi ?" Chhatapatate Yuvraj ne puchha .
“Akhiri sanse lete tum hamen kya doge ?"
“Agar ham de to ?" Yuvraj ke bolane se pahale hi jhadiyon ke pichhe se avaj ayi .
Sab ne hathiyar utha kiye the . Tabhi ek chandani sa ujval chahara lie ladaki samane a gayi . Chahare se tapakata nur, lambe gzungharale lal rang ke balo par hiro se jada sone ka mukat lie, lal mani si chamakati badi - 2 ankhe , lambi nak aur patale hotho ko muskan ke lie phailati ladaki shalinata ke sath apane pariyon jaise saphed gulab ke rang vale libas se dudh se pairo ko age badhati hui aurat ke pas akar khadi ho gayi .Agar ham tumhen kuchh de to ?" ladaki ne bat ko dauharaya .
“Rajkumari (Bala) ki jay ho ." Aurat hath jod pichhe khadi ho gayi .
“Batao inhen chhodane ke lie kya chahie ?” Rajkumari ne apani hatheli age kar di, jis par sunahari prakash ubhar raha tha .Ye jarur koi khas hoga Rajkumari jo ap isake badale apani shaktiyan dene ke lie taiyar hai .” Aurat muskurate hue “Apake lie to pran hajir hai ye mamuli kya chij hai ?”
“Ham tumhari rajy bhakti se khush hai isalie tumhen uttar disha ki or maidanon mein jane ki anumati dete hai .” Rajkumari ne badi shalinata se kaha .
Sunate hi sab ke chahare khil gaye .
“Rajkumari ki jay ho......!!” Mano pura gavan hi chillaya ho .
“Isake andar samajhadari ki kami hai Rajkumari, apako isase khatara jyada rahega .”
Aurat ke ishare ke sath hi pura gavan jangal mein usake pichhe daud gaya . Rajkumari ab shant ankhon se Yuvraj ko dekhane lagi jo abhi bhi gusse mein hath mein bandhi rassiyon ko kholane ki koshish kar raha tha .
“Jisane bhi kaha tha sabase bada murkh tha .” Yuvraj ankhon se apana gussa darshata hai .
“Vo apaki didi aur hamari hone vali bhabhi thi .”
Do hi palo mein Yuvraj ka gussa shant ho gaya .
“Sath hi ye bhi kaha tha jis din mera bhai is bat ko samajh jayega usi din meri chinta khatm ho jayegi .” Jhadi se nikalate Rajkumar ne kaha .
“Bhaiya ap...........?” Rajkumari ne do kadam pichhe rakh darate hue puchha .
“Tumhen kya lagata hai bahana, tum mahal se chupake se nikalogi aur kisi ko khabar nahi hogi ?”
“Bhaiya vo ham to............”
“Shant raho !” Rajkumar Yuvraj se “Ham apaki baat se sahamat hai par un ghusapaithiyon ko khoj kar khatm karane tak hi .”
“Aap chori se hamen chhathamabhut ka rahasy bataegen ?” Yuvraj pahale hi bol pada .
“Kuchh der ke lie apana muhan band rakhiye .” apne uthe hath ko rokate hue Rajkumar “Hamare Senapati ne guptacharon ka prastav rakha hai, jisamen ham bhi sahamat hai par...”
“Par kya bhaiya......?” Rajkumari ne puchha .
“Jyada anjan banane ki koshish mat karo !!” Rajkumar use dantate hue “Hamen sab khabar rahati hai jo ap gul khilati hai...!!” Do pal ki chuppi ke bad Rajkumar “Parantu is bar apake kary se ham khush hai .”
Rajkumari muskura di .
“Ap tarika batane ka kasht karenge ?” Apane gusse ko rokate hue Yuvraj ne kaha .
“Apako ek khojkrta ko lana padega, yahan....”
“Ek khojkrta kya kar lega ?”
“Vahi jo ap karana chahate hai .” Rajkumari bich mein bol padi .
“Hamari duniya mein aisa koi khojkrta nahi hai jo...........” Yuvraj bol hi raha tha .
“Apako usake lie niche insanon ki duniya mein jana padega .” Rajkumar ne Yuvraj ki bat kat di .
“Ap pagal to nahi ho gaye hai !!?” “Ab vo mamuli insan hamari madad karenge jo nivala Muhan mein dalane se pahale bhi upar ki taraph dekhate hai .” Yuvraj bhadak gaya .
“Sui chhoti hoti hai to isaka matalab ye to nahi usase kisi ki jan nahi li ja sakati ?” Rajkumari bala boli .
“Par vo mamuli insan hamari madad kaise kar sakate hai jabaki unhen ye tak nahi pata unake alava bhi koi duniyan hai vo bhi dharati par ?” Yuvraj ulajhan mein “Upar se vo na to jadui shaktiyan ko janate hai na hi hamari duniya ke bare mein ?”
“Dharati ki upari parat par khade ho ye batana mushkil hai usake niche kya daba hai .” Rajkumar muskurate hue “Jadui shaktiyon se bhi nahi....... .”
“Par........” Yuvraj abhi bhi santusht nahi tha .
“Pahale ap jaie to sahi, apako sab pata chal jaega .” Rajkumar ne Yuvraj ko shant rahane ka ishara kiya .
“Kaun hai.....?” Yuvraj ne laparavahi mein puchha .
“Devil ......” Rajkumari bala ne ankhe sthir karate hue kaha .
“Ye kaun hai ?”
“Apako niche jakar sare savalon ka javab mil jaega, hamen pitaji ki ankhon ke samane rahana padega varana ham apake sath chalate .” Rajkumar majaburi dikhate hue bola .
“Phir main use khojugan kaise ?” Yuvraj ki mushkil or badh gayi .Ham apake sath chalenge .” Bala Rajkumar ke bolane se pahale hi “Hamane hi usaka pata lagaya hai bhaiya aur ham hi janate hai use yahan ane ke lie kaise raji karana hai .”
“Aur pitaji unaka kya ?” Rajkumar ne puchha .
“Unhen apake alava koi or dikhata hi kahan hai ?” Rajkumari bala chahare par pita ki rusavahi saph jhalak rahi thi .
Yuvraj ab Rajkumar ke javab ka intajar kar raha tha .
“Thik hai par kuchh sainik apake sath jayenge .” Rajkumar ne kaha .
“Hamane kuchh khas sainiko ko taiyar kar liya hai, bas apake adesh ka intajar hai .” Rajkumari ne kaha .
“Tumhara dimag kuchh jyada hi tej chal raha hai .” .
“Kahin to dimag dikha lene dijiye bhaiya.....”
“Jane ki taiyari karo .”
Rajkumari Yuvraj ko dekhati rahi .+

==============
Rajkumar mahal mein vapis aya to andhare ki chadar mein koi khada usaka intajar kar raha tha . Rajkumar use dekh ruk gaya .
“Vo maan gaya ?” Aavaj ayi .
“Ji pitaji, Rajkumari bhi usake sath ja rahi hai .” Rajkumar bola .
“Rajkumari ko hamase bahut shikayat rahati hai .” Raja ujale mein ate hue “Is bar dekhate hai vo kya kar dikhaegi ?”
“Vo bahut pratibhashali hai pitaji vo devil ko lekar ayegi .”
“Devil ko lana koi bachcho ka khel nahi hai Rajkumar ,sabase pahale us tak pahunchana hi badi bat hai, usake bad use manana pahad ko bal se uthane ke barabar hai .”
Rajkumar khada sun raha tha .
 
Newbie
35
60
18
updated 2
Log apane ghar mein maano kaid ho gaye ho. Daravaaja unake lie kisi jel ki majabut divaar ban gayi thi.
“Pitaaji sainik hamaare saath aisa kyon karate hai ?” Ek chhote bachche ne pita se puchha.
“Aakhir ye sab yahaan ho kya raha hai, kya yahaan ka Raja krur ho gaya hai ?” Aadami ke dusare city se aaye dost ne puchha.
“Aisi koi baat nahi hai ?” Pareshaan aadami apane dost ko baithate hue “Hamaare Raja to bade hi achchhe hai par......?” Aadami ke ruke shabdon ne dost ki jigyaasa badha di.
“Par kya.......?” Dost ki aankhe chhoti hone lagi.
“Kuchh dinon se hamaare city mein kuchh ajib se ghusapaithiye dekhe ja rahe hai, pure city ko unhonne ek khandar banaakar rakha hai, logo ko marate hai aur.....?”
“Aur kya .......?” Dost ne ajib najaro ke saath puchha ?
“Unaki laash par kataar ka nishaan bana dete hai, maano koi chetaavani dena chaahate ho.”
“Par ye sab hone ki vajah kya hai ?”
“Vo hi to pata nahi chal raha hai isilie to city mein dahashat ka maahaul hai, pata nahi hamaare city mein aakhir aisa vo khoj kya rahe hai ?”
“Mujhe aisa kyon lag raha hai maine pahale bhi aisa kuchh suna hai.......” Dost apane dimaag par jor daala par use kuchh yaad nahi aaya.
“Unhonne mahal par bhi do baar hamala kiya hai.” Aadami ne niraashaake saath bola.
“Mahal.....!!!” Dost chaunkate hue “Kya vo ghusapaithiya koi khaas tarah ke jaanavar hai ?”
“Haan.... shaayad kuchh aisa hi suna hai.”
“Mujhe abhi Raja ke paas le chalo !!” Dost hadabahaat mein bola.
“Par hua kya, kuchh batao to sahi ?” Aadami ke saath usaka beta bhi hairaan rah gaya.
“Ye city khatare mein hai, jaldi se Raja ke paas chalo.” Dost aadami ko khinchakar le gaya.
==============
Vishaal gaganachumbi minaaron se ghira hua sone sa chamakata city ka Rajamahal. Subah ki halki si dhund sa ghira ghaans ke chhote – 2 maindaanon mein ghumate pakshi , moti ke daano sa puhaaro se nikalata paani, bagichon, raasto par khade hava mein jhumate ped, aur chaaro taraph phaili shaanti, kitani achchhi lag rahi thi. Naayaab kala ka namuna lie sundar murtiyon se susarjit, raasto, saikado sainiko ki nigaraani mein mahal ka adharuni hissa.Rajadarabaar mein ek ajib si khaamoshi chhai hui thi chappe – 2 par sainiko ke hone ke baad bhi apani jagah par khade mantrimandal mein khauph saaf jhalak raha tha. Tabhi do raubadaar kadam darabaar ke bicho bich padane lage. Mantrimandalane apani saanso ko rok liya, sabaki najare aage badhate kadamo par jami thi. Haatho mein nilam ki anguthi, kamar par bhari bharakam talavaar, kadamo mein raub, aur saans ke saath ubhar rahe gusse ki gandh. Ek naujavaan ek ghutane par upar ratnajadit sihaansan par baithe budhe Raja (chahare par jhuriya, kaantihin chahara, umr 65) ko pranaam karata hai.
“Kya suchna hai Yuvaraaj ?” Raja naujavaan ki jhuki gardan dekhakar “Unhonne hamaare shaanti prastaav ko svikaara ya nahi ?” Raja ki aavaaj ne kadak rukh apana liya tha.
“Aapaka putr kabhi koi kaam adhura nahi chhodata hai mahaaraaj....” Baajuon mein bal, aankhon mein ghamand, aur chahare par jit ki muskaan lie Yuvaraaj raja ko dekhate hue “Mainne unhen mana liya hai, vo bhi saste mein ...” kahate hue Yuvaraaj ne talavaar satarangi pharsh par maari aur hajaaro kiranon ke saath ek prakaash se bani ladaki prakat hui. Suraj ki raushani si ujval paaradarshi kaaya, sunahari baal, saphed vastr pahane ladaki pharsh se 2 inchh upar hava mein thi. pura mantrimandal chaunk gaya.
“Rajan.....!!!” Ungali ka rukh Raja ki taraph kar ladaki chillaati hui “Tere putr ne maryaada ki saari simae laangh di hai, isane is mulyavaan dharati ka vo niyam toda hai jisaka kalank teri har pidhi par lagega....!!!!”
“Apani bakavaas band karo.” Yuvaraaj use dantane ke baad raja se “Unhonne sandhi ki nishaani ke rup mein ise bhent mein diya hai.”
“Bhent nahi chaal se lekar aaya hai tera putr mujhe !!” Ladaki chillaati hui “Bina taiyaari ke tumane aag se khalane koshish ki hai, parinaam tum jhel nahi paoge.”Apani bakavaas band kar !!!” Yuvaraaj us par talavaar uthaane laga.
Tabhi prakaash se bani ladaki Raja ke paas kone mein khinch gayi. Sabaki najar us kone mein jami rahi, Yuvaraaj uth gaya.
“Kahate hai taakat se jyaada, kaam aur kshamata se adhik bolana chaahie ......” Mutthi mein band prakaash ko lie kone se nikalati ladaki boli.
“Didi.....” Yuvaraaj ke chahare par hansi laut aayi.
“Itani to tum bhi samajhadaar ho Rajakumaari, taakat aur kshamata baajuon mein nahi sine mein hoti hai.” Mutthi se aavaaj aayi.
“Bahut botali hai.” Prakaash ko gaayab kar Rajakumaari saamane dekhane lagi.
“Use mainne haasil kiya hai, vo meri hai.” Yuvaraaj ke chahare par gussa aur vidroh saaf dikh raha tha.
“Sihaasan aur taakat usi ki hoti hai jo use sabhaal sake.” Apane makhamali saphed libaas ko sabhaal, reshami baalo ki lat ko jhataka de, tej se bhari aankhon ke saath Rajakumaari sihaansan se niche utarati Yuvaraaj ki taraph mutthi karate hue “Dono mein se ek bhi tumhaare paas ham se jyaada ho.......” Kholati mutthi se uth rahi chingaariyon ki taraph Yuvaraaj ka dhyaan khinchati Rajakumaari “To le sakate ho.”
Yuvaraaj ki talavaar uthane lagi.Naalaayak ..!!!!” Raja ne Yuvaraaj ki taraph hatheli ki aur Yuvaraaj prachand kiranon ke saath dur khambe mein jaakar laga.Khamba phat gaya. Yuvaraaj sihaansan par baithe gusse se dekh rahe apane pita ko dekh raha tha.
“Apani badi bahan par talavaar uthaayega...?” Raja chillaate hue “Sach mein sihaansan chaahiye to apani buddhi se, taakat haasil karo, gusse se nahi !!!”
“Mahaaraaj...!!!” Ek sainik daudakar andar aa gaya.
“Tumhen Rajadarabaar mein aane ka adab bhi nahi pata dusht ..!?” Raja ne sainik ko marane ke lie haath upar karata hai.
“Kshama chaahata hun mahaaraaj par.....” Gardan jhukaaye sainik ko baicheni ho rahi thi vo jaldi – 2 apani baat kahana chaahata tha.
“Aisi kya baat ho gayi ...” Rajakumaari hava ki tarah sainik ke paas jaakar usake gale par chaaku rakh “Jo tumane Rajadarabaar ke niyam tod diye ?”
“Rajakumaari vo.......” Apane gale par chaaku chalate dekh sainik “Baahar ek aadami khada hai jo city mein ho rahi ghusapaith ke baare mein jaanata hai.”
Pure mantrimandal ke saath Raja bhi khada ho gaya. Rajakumaari Yuvaraaj bhi hairaan the. Raja ne Yuvaraaj ko dekha, Yuvaraaj dusare hi pal gaayab ho gaya. Hava ke jhatake ke saath Yuvaraaj aadami aur usake dost ke saath khada tha. Donon Raja ko pranaam karate hai.
“Kaun ho tum donon, aur kya jaanate ho us ghusapaith ke baare mein ?” Raja ne garajate huye puchha.
“Mahaaraaj main isi city ka nivaasi hun ye mera dost Himad city se aaj hi aaya hai.”
sabaki najar ab us dusare aadami par thi.
“Mahaaraaj is city ka urja kendr khatare mein hai.” Dusara aadami tapaak se bola.
“Kya bol rahe ho ?” Aadami ka dost bola.
“Mahaaraaj hamaare padosi city mandaar mein bhi isi tarah ke ajib jaanavaro ne ghusapaith ki thi. Logo ke bich dahashat bana sabaka dhyaan us taraph khinch unhonne city ke urjaakendr ko hi nasht kar diya.”
“Ye bakavaas kar raha hai pitaaji.” Yuvaraaj bola.
“Main sach bol rah hun meri baat ka bharosa kijiye.”
“I saki baat mein sachchai ho sakati hai pitaaji, hamen urjaakendr ki suraksha badha deni chaahiye.” Rajakumaari ne kaha.
“Usaki jarurat nahi padegi pitaaji mere sabase kaabil sainik usaki suraksha mein tainaat hai.” Yuvaraaj akshat, apani bahan ke paas jaakar “ Aur un par bharosa hai.”Meri baato ko gambhirata se lijiye mahaaraaj....” Aadami haath jod praarthana karate hue “Main nahi chaahata is sundar city ka bhi haal mandaar jaisa ho.”
Aadami apani baat puri bhi nahi kar paaya tha mahal ke kendr mein ek jodaar dhamaaka hua. Dharati par kaam kar rahe logo ko aisa laga maano baadal mein maamuli si bijali chamaki ho, sab koi apane kaam mein lag gaye. Upar maano kisi ne mahal ko hava mein uthaakar chhod diya ho. Divaare idhar – udhar dhahane lagi, city ki sadake, makaan tutakar tukade girane lage aur logo ke chillane se pura city gunjane laga.
“Ye thi tumhari suraksha ?” Rajakumaari malabe ke paas padi dhul ko hataate Yuvaraaj par bhadaki.
Kuchh hi palo mein svarg sa dikhana vaala city khandar mein badalane ke lie taiyaar tha.
“Ye nahi ho sakata !!!” Sihaansan ke paas pada Raja chillaate hue “Mera sahar nasht nahi ho sakata.”
“Pitaaji aapaka city aur aapake log kabhi tabaah nahi honge.” Rajakumaari khidaki se gir rahe city ko dekhate hue “Chaahe usasake liye......”
Rajakumaari vaapis darabaar ke bich mein aakar khadi ho gayi.
“Main kabhi tumhaari dushman nahi thi bhai.” Rajakumaari muskuraate hue “Bas tumhen Raja banane se pahale jimmedaari uthaate dekhana chaahati thi.”
“Didi aap kya karane ja rahi hai ?”
“Rajakumaari hone ka muly chuka rahi hun, pitaaji ka khyaal rakhana.” Kahate hue Rajakumaari ne ek joradaar saans li aur usaki puri body chamakane lagi.
“Didi....!!!!”
“Putri...!!” Pada hua Raja chillaaya.Rajakumaari ne muskuraate hue apani taraph aa rahe Yuvaraaj ko dekha aur saans chhod di. hava mein bati bujhane jaisi aavaaj hui aur Rajakumaari tikhi chamak ke saath dhuna ho gayi. Agale hi pal maano pura city chumbak se chipak gaya ho. Sadake, ghar, mahal usi jagah ruk gaye ho. log idhar – udhar dekhane lage aur mahal mein Yuvaraaj haath phailaaye usi tarah khada tha aankhe maano hava mein Rajakumaari ko khoj rahi thi. tabhi Raja ke rone se Yuvaraaj ka dhyaan tut gaya.
“Rona aapako shobha nahi deta pitaaji.” Yuvaraaj apane pita ko sahaara de dradhata ke saath “Aapaki beti viragati ko praapt hui hai aur main is city ka Yuvaraaj akshat, aapako vachan deta hun jab tak unhen aisa kar par majabur karane vaale ka sar nahi kaat leta vaapis nahi aaunga.” Kahate hue Yuvaraaj vahaan se nikal gaya.
Raja rota raha aur mantri ghayal pade rahe.
NICE update
 

Top