Bhag - 1
Chakr, samay chakr kitni tej yaa phir kitni dheeme dheeme chal raha hain. Yaha samajh pana sambhav hee nahi balki asambhav saa hain. Jo beet gaya aur bhaviṣy me kya ghaṭne wale hain, sabhi ghaṭnaon ko khud men sameṭ'kar, parat-dar-parat sahej kar rakh rakha hain. Mere jeevan ki bahut si ghaṭnaen jo beet chuka hain. Unhe bhi samay chakr ne khud men sameṭ'kar rakh rakha hain.
Barhaal iss waqt main, mere aalishaan daftar men baiṭha hoon. Jo mere din raat ke athak parishram ka nateeja hain. Lag'bhag ghnṭa bhar hua mujhe daftar aaen hue ki mere mobile ne bajkar mujhe agaah kar diyaa ki manyavar main bhi aapke sath sath daftar aaya hoon aur aapke jeevan ka abhinn ang hoon, jara mujh par bhi dhyan de lo,
mobile ke screen par nazar ḍalte hi ek muskurahaṭ mere lavon par tair gaya aur munh se nikla... Abhi abhi to ghar se aaya hoon aur tumhen meri yaad satane lag gayi.
Phone karne wali meri dharmapatni shalini thi. Jyada waqt barbaad na karte hue turnt phone receive kiya aur bola…haan shalini bolon kaise yaad kiyaa.
Shalini... Yaad to unhen kiya jaata hain jinhen bhula diya jaata hain (thodi der ruki phir khilkhilate hue aage boli) suno na, main pados wali didi ke saath shoping par jaa rahin hoon…..
"to jaao na, maine tumhare kahin aane janen par koi pabandi thodi na laga rakha hain" shalini kee baaton ko beech men kaṭkar main bolaa,
shalini khilkhilati hnsi ko baraqarar rakhte hue bolin... Maine kab kaha ki tum mujh par pabandi laga rakha hain. Kahi bhi aane jane se pahale tumhe batana mera farj banta hain. Jis'se tum nishchint raho ki tumhari bibi tumhare alawa kisi aur se nain nahi ladayegi hee hee hee....
Itna bolkar shalini or jyada khilkhila kar hnsne lag gayi aur mere paas shalini ke baaton ka koi javaab nahin thaa. Islie main bhi shalini ke saath hnsne lag gaya.
Barhaal kuchh kṣaṇ hnsne hnsane ke baad shaline boli... Mujhe aane men der hon jaayegi issliye samay se jaakar parth ko school se le aana nahi to bichara intezaar karte karte pareshaan ho jaayega aur sochega mere maan baap ne beshumaar pyaar karke mujhe paida to kar diya par mera khyaal rakhana bhul gaye hee hee hee....
"shalini tum bhi na achchha ṭheek hain main samay se jaakar use le aaoonga aur uske man men ye khyaal bhi nahi aane doonga ki uske maan baap sirf ek dusare se pyaar karte hain usse nahi!"
Shalini… Ooo.. hoo… mera patidev kitana samajh'daar hain (thoda sa ruka phir jhidkte hue aage boli) dhyaan rakhana mere beṭe ko intejaar na karna pade aur ye na sunne ko mile ki mammi aap mujhe lene nahi aae issliye mujhe kadkadati dhoop men khaḍae rahana pada agar aisa hua to tumhari khair nahi, samjhe tum. main kyaa kah rahi hoon.
Itna kahte hi bina kuchh sune call kaaṭ diya. Shalini aisa hi to karti hai jitna fikr mera karti hain usse kahi jyaada fikr hamare ek maatr beṭe ka karti hain. Kab vo patni se maan aur maan se patni ban jaati hain. Mere liye samajh pana duṣkar ho jata hain.
Khair ek baar phir se main kaam me vyasth ho gaya. Magar mera dhyaan ghadi par raha. Jaise hi school ke chhuṭṭi ka samay najadeek aaya main turnt hi parth ko lene nikal pada.
Kuchh hi vakt men main school pahunch gaya. Jahaan abhi bachchon ki chhuṭṭi nahi huaa thaa. Main intejaar karta raha iske alawa or koi chara nahi tha barhaal kuchh waqt intejaar karne ke baad school ki chhuṭṭi huaa aur mukhy dwar khol diya gaya.
Bachche aate gaye aur apne apne abhibhavak ke sath ghar ko chal diya magar mujhe vo abhi tak nahi dikha jise lene main aaya thaa. Meri nazare bas use hi ḍhoonḍh raha tha magar parth mujhe dikha nahi, dheere dheere bheed kam hua tab apne kṣamta se jyada vajan peeṭh par lade, jameen ki or dekhte hue dheere dheere chal'kar mukhy duwar ki or aata hua mera iklauta chiraag mujhe dikha main turnt hi lambe lambe ḍaag bharta hua uske paas puchha.
mujhe dekhte hi utsahit hote hue parth bola...Papa aap, mamma nahi aayi.
Main uske kndhe se bag lete hue bolaa... Tumhari mamma shopping par gayi hain to kaise aati isalie main…...
Paarth... Kyaa mamma shopping karne gayi aur mujhe lekar nahi gayi. Mamma bahut buri hain main unse baat nahi karunga.
Mere baaton ko beech men kaṭkar apni baate kah diya or munh banate hue sarpaṭ aage ko chal diyaa. Parth ko rooṭhata dekh'kar mere lavon par halki si muskaan aa gaya magar use jaldi se jata hua dekh'kar main bhi sarpaṭ uske paas pucha aur parth ka ek haath thaame bola... Beṭa tum school me the to tumhari mamma tumhe kaise lekar jati.
Parth... Main school men tha to kya hua? School ke chhuṭ hone ke baad mujhe sath men lekar jaa sakate the, par nahin mamma se to wait nahi ho rahi thi. Mamma sach me bahut buri hain. Mamma se kaṭṭi, kaṭṭi, kaṭṭi.
Ungli hilakar parth ke kaṭṭi kahne ke andaaj ne mujhe ek baar fir se hnsane par majboor kar diya. Main hasane ke alawa kar bhi kya sakta tha. Barahaal donon baap beṭe bahar aae aur car men baiṭhne jaa hi rahe the ki ṭan, ṭan ṭan ghnṭi bajne ki aawaz hua. In aawajon ne parth ke kaan khaḍe kar diya aur mujhse bolaa…papa ice cream…dilvao na, ice cream khane ka mera bahut man kar raha hain.
"nahi bilkul nahi ice cream khana achchhi baat nahi hain. Tumhare chhoṭe chhoṭe daant sad jayenge."
parth... Papa aap se achchhi to mamma hain. Unhen ek baar kahte hi ice cream dilwa deti hain. Aap bahut bure hon kaṭṭi, kaṭṭi,kaṭṭi.
"achchha ji, abhi to mamma ko bura kah raha tha ab papa bura ho gaya."
parth... Meri mamma duniya ki sabse achchhi mamma hain. Unhen to main aise hi bura bol diya tha. Bure to aap ho, jaao mujhe aapse baat nahi karna.
Itna bolkar parth munh bana liya aur car ka dwar khol'kar baiṭh gaya. Beṭe ka utra hua munh dekh'kar mere lavon ki hnsi pal bhar me gayab ho gaya. Tab main bola...Achchha baba ab rooṭhana chhodo aur chalo ice cream dilawata hoon.
Parth... Sachchi papa.
Main seer hila'kar haa bola bas itna hi kaafi tha parth ke bujhe hue chehre ko gulab ki tarah khilane ke liye. Turnt hi parth car ka dwar khol'kar ice cream wale ki aur daud laga diya. "paarth dheere" bolte hue main bhi uske peechhe peechhe chal diya.
Apne pasand ki do ice cream kon liya aur paise dekar wapas aate waqt ek ice cream kon mujhe diya. Main kon ko lekar uske seer par hath fira diya phir car men aakar baiṭh gaye.
Jab tak ice cream khatm nahi hua tab tak donon baap beṭe ice cream ka lupt lata raha. Jaise hi ice cream khatm hua ham ghar ki or chal diye.
Ham ghar pahunchne hi wale the ki parth mujhe car rokne ko bola magar main car nahi roka tab phir se car rokne ko bola aur jidd karne lag gaya. Issliye majbooran mujhe car ko rokna pada, car rokte hi parth bahar nikala or bagal me bani phoothpath ki or chal diya.
Use jata hua dekar "parth kaha jaa rahen hon" bolte huye main bhi car se nikala, nikalte hi dekha, ek mahila ke sath khade parth ke umr ke ek bachche se, parth baat kar raha hain. To main vahi rook gaya, na janen dono me kya bate hua ki parth turnt palṭa aur car ke paas aakar apna school bag khali karne lag gaya. Ye dekh'kar main bola... Beṭa kya hua school bag kyo khali kar rahe ho.
Paarth... Papa vo mera dost hain aur pichhle do teen din se school nahi jaa raha hai. Kehta hain uska school bag phat gaya hain issliye school nahi aa raha hain. To main use apna school bag de raha hoon jisse vo school bunk na kare.
Uski bate sunte hi main stabdh sa ho gaya aur mano mere samane kisi ne ek screen chala diya ho, screen me chal rahi chal chitr men main khada hoon aur koi mujhe kitabe dete hue bola "ye le raghav tere naye satr ki kitabe aur man lagakar paḍhayi karna aagar achchhe numbers se paas nahi hua to main tujhse dosti tod doonga."
bas itna hai dekha phir sab kuchh samany ho gaya aur mere dil ki dhad'kane tej ho gayi. Baḍhi hui dhad'kanon ke sath meri aankhen bhi chhalak aaya aur mere munh se nikala "kaha hain yaar too"
itna bol'kar main khayalon me kho gaya. "papa kaha kho gaye, mujhe badi joro ki bhookh laga hain jaldi ghar chalo na"
inn shabdo ko sunte hi meri tndra ṭooṭa tab dekha parth apne peṭ par hath rakhe car ke agle sheet par baiṭha hain.
Ab vo adakari kar raha tha ya use sach me bhookh laga tha. Main nahi janta parantu mujhe laga vo sach kah raha hain. Issliye main sabhi yaaden bhula'kar turnt hi car men baiṭha aur car start kya hi tha ki mera durbhaṣi yntr ghan'ghana uṭha.
To be continue…
Join Our
Discord Server
For Daily Updates
for new story
