Bhag - 7
Mere poochhane par bhi rishi kuchh nahi bola vaise hi munh laṭkaye khaḍa raha. Rishi ka is kadar chuppi sad lena mere andar panpi shnka ko yakin me badal diya. Rishi aur meri dosti ṭooṭne ki baat mere jehan me aate hi main fooṭfooṭ kar ro diya. Rona kaise na aata ek vahi to tha jisne mujhe bhaṭke huye rah se wapas laya dosti ki kasam dekar asambhav sa kaam jo shayad hi kabhi main sambhav kar pata use sambhav karwaya aur aaj ek pal me hamari anmol dosti ṭooṭne ke kagar par aa gayi. Magar rishi bhi ek number ka nauṭnki baaj nikla.
Mujhe rota hua dekhkar khilkhilakar hans diya phir mujhse lipatkar bola... Are too ro kyu raha hain hamari anmol dosti nahi ṭooṭa na tera mujhse kiya wada ṭooṭa hain. Too paas hoon gaya aur mujhse bhi jyaada numbars se paas hua hai sirf paas hi nahi hua balki scholarship pane ki sabhi sharton ko bhi pura kiya.
Uski ye baten aur khushi ne mujhe jatla diya, hamari anmol dosti aṭooṭ hi raha. Kuchh pal uske gale laga raha phir usse alag hokar uske peṭ me mukka marte huye bola...Bata toone itna nauṭnki kyu kiya teri nauṭnki ne meri jaan halak me haṭka diya tha.
Rishi bas muskurata hua mujhe dekha aur phir se mere gale lag gaya. Usse alag hokar dadi se khushi khushi gale mila phir rishi bola... Chal yaar hamari dosti na ṭooṭne ki khushi manate hain.
Itna bolte hi ham dono ghar se bahar ki or chal diya tab dadi rokte huye boli... Rishi beṭa munna ne subah se ann ka ek dana nahi khaya pahle use kuchh kha to lene de.
Rishi... Amma mere dost ne kuchh nahi khaya to maine bhi kaun sa khaya hain. Maan ne aaj ham dono ke liye special taiyari kar rakha hain. Main ise ghar le ja raha hoon baad me sahi salamat aapke pote ko aapke paas lauṭa jaunga.
Itna bolkar ham dono khilkhilati huye chal diye. Sabse pahle apne apne paise se miṭhai liya aur ek doosre ke paas hone ki baat logo ko batate huye miṭhai banṭi phir rishi ke ghar ko chal diya. Amma aur seṭh ji ne ham dono ka bade garm joshi se swagat kiya aur khana paroskar amma ne ham dono ko ek saath biṭhakar khaud se khilaya. Khana peena hone ke baad main ghar pnhucha to dadi mujhe khaaṭ par biṭhakar mere paas baiṭh gayi aur boli…munna main bahut dino se tujhse kuchh kehna chahti thi par himmat juṭa nahi payi lekin aaj badi mushkil se himmat juṭa payi hoon.
Itna bolkar dadi chup hoon gayi aur main dimaagi ghoda daudne lag gaya ki aisi kaun si baat hain jise kahne ke liye dadi kai dinon se himmat juṭa rahi thi. Magar juṭa nahi paye, sochte sochte ekaek mere lavon par hansi chha gaya aur main dadi se bola... Yahi na, aap rishi ke kahne par hi mujhe tane diya karti thi.
Main itna bolkar chup hoon gaya aur mand mand muskaan lavon par liye dadi ko dekhne lag gaya. Dadi ki rookhi aankhen jo beṭe aur bahu ki ek saath maut ke baad ro ro kar sukh chuka tha. Meri bate sunte hi kuchh boonde neer ka baha diya. Jise pochhte huye main bolaa... Dadi aap ro kyu rahi hoon aap ne aur rishi ne jo kuchh bhi kiya mere bhale ke liye kiya tha aagar aap dono aisa nahi karte to shayad main aaj rasta bhaṭakkar kisi or disha me nikal chuka hota. Ab aap chup kare meri achchhi dadi rote huye bhaddi dikhti hain.
Ant me majakiya lahaje me bolne se bhi fayada nahi hua balki dadi mujhse lipaṭkar tez lay me rone lag gayi. Ek pal me main samajh gaya. Mujhe tane dete waqt unko jitni takleef hua tha. Use aaj mujhse lipaṭkar aansoo bahakar kam kar rahi hain. Isliye maine unhe kuchh der tak rone diya phir khud se alag kar unke na maatr ke bahte huye aansuo ko pochhkar bola...Dadi ab bas bhi kijiye aur kitna roengi, pahle hi aap bahut ro chuke ho ab or nahi.
Ek do baar mana karne ke baad dadi ka rona band hua. Rona band hote hi, kab jana kaise jana sawal dagane shuroo kar diya. Mujhe laga jab poochh hi rahi hain to bata dena hi ṭheek hoga. Isliye maine us din kaise jana sab bata diya. Sabhi bate batane ke baad main dadi se bola...Dadi aap kabhi bhi rishi ko ye na kahna ki mujhe pata chal chuka hai ki uske khane par hi aap mujhe tane diya karti thi. Main sahi samay dekhkar use bhi bata doonga.
Dadi mera kahna maan nahi rahi thi. Isliye mujhe unhe tarah tarah ke tark aur vasta dekar chup karvana pada. Aise hi ghoomate firte aur mauj masti karte huye waqt beet gaya aur vo waqt bhi aa gaya jab ham dono dost ko apne apne manjil ki or chalna tha. Rishi doctor ki paḍhai karne Delhi chala gaya aur main business management ki paḍhai karne Mumbai aa gaya.
Phir se ham dono doston men jang chhid gaya. Jee jaan se ham paḍhai karne lag gaye. Shuru shuru me man nahi lagta tha kyonki mera dost mere paas nahi tha magar dheere dheere aadat ban gaya. Jab jab college me kai dinon ki chhuṭṭi padti tab tab main aur rishi ek dusre se milne gaanv pahunch jate the. Aise hi waqt bitane lag gaya aur paḍhai ka result bhi ummeed se behtar aane laga.
Ek varṣ ka samay or sheṣh tha usi waqt college ki taraf se plesamenṭ ke liye badi badi companies ko bulaya gaya. Plesamenṭ ki sabhi karavai poori hone ke baad ek company ko meri certificate aur dusri jaroori ṭesṭ lene ke baad mujhse prabhavit hokar achchhi tankha ki peshagi karke mujhe unki company join karne ki peshkash kar diya.
Mujhe or chahiye hi kiya tha. Bina bhaga daudi ke achchhi tankha ke saath naukri mil raha tha to maine bhi haan kar diya. Ye baat maine phone karke rishi, dadi aur seṭh jee ko bata diya sabhi bahut khush huye. Magar rishi khush hone ke saath saath wada karavane se baaj nahi aaya use ḍaar tha kahi main naukari milne ke karaṇ laparvahi na karne lag jaoon.
Khair sab kuchh achchha raha achchhe numbaro se paas hua. Ab mujhe bas company join karna tha. Main chahta tha naukari join karne se pehle ek baar rishi aur baaki sabse mil aaoon isliye rishi ko phone karke gaon jane ki baat kaha to rishi ne us waqt gaon ane ko mana kar diya uska kahna tha ki vo abhi gaon nahi aa sakta isliye jab tak vo na kahe main gaon na jaoon, main maan nahi raha tha to ek baar phir se hamari dosti ki duhai aur kasam dekar mujhe uski baat manne par majbur kar diya.
Agale din se main naukari join kar liya rahne ke liye ek apartment me company ki taraf se ek flat mila tha to rahne ki samasya bhi hal ho gaya rahi baat khana banane ki vo koi badi baat nahi thi dadi ke tanon ne mujhe pehle se hi khana banana sikha chuka tha. Din par din beetne laga main baar baar rishi se gaon jane ki baat poochhta tha vo har baar mana kar deta tha. Iss beech lagbhag chha saat mahine beet gaya. Ek din achanak rishi mumbai aa pnhucha uska yoon achanak mumbai aana saath me dadi ko bhi lekar aana mujhe hairan kar diya. Magar hairani se jyaada main khush tha kyonki bahut dinon baad main apne dost se mil raha tha.
Donon ko flat pe lekar gaya. Flat dekhkar rishi se jyaada dadi khush hui. Unka khush hona bhi jayaj tha. Poori jindgi unhone jhopdi me beeta diya aur umr ke akhari padav par unhe itne bade flat me rahne ko mil raha tha. Beete chha mahine se maine ek bhi din chhuṭṭi nahi liya tha to chhuṭṭi ki arji ḍalte hi chhuṭṭi mil gayi.
Ek hafte ki chhuṭṭi liya tha ye pura hafta dost aur dadi ke saath bitaya. Inhi dinon mujhe laga rishi khush to hain magar kisi baat ko lekar andar hi andar uljha hua hain. Agar koi uljhan hain to dost hone ke naate use suljhana mera pharz banta hain. Isliye uske ulaljhan ka karaṇ janna chaha, tab rishi kuchh na batakar saaf mukar gaya. Kai baar poochha lekin jawab ek hee mila "kuchh nahi main bilkul ṭheek hoon" baar baar mana karne par main dadi se bhi poochha unhone bhi kuchh nahi bataya tab mujhe laga shaayad mera bharm hoga islye maine bhi ye sochkar ṭal diya agar koi baat hota to rishi mujhe bata deta.
Ek hafte ka waqt beet gaya aur rishi ke lauṭne ka waqt bhi aa gaya. Jis din rishi wapas lauṭ raha tha us din rishi ne kuchh aisa kaha jise sunkar main achambhit hoon gaya.
Shalini... Aisa kya kaha ki tum achambhit hoon gaye.
Shalini ne meri baton ko beech me kaṭkar poochha to maine jab dete hue bola... Usne kaha raghav too aaj ke baad tab tak gaon nahi aayega jab tak too apne dam par kuchh kar nahi leta.
Uski bate sunte hai mujhe laga kisi ne mere pairon tale se jameen hi kheench liya hoon aur mujhe hava me latka diya hoon. Kuchh waqt laga mujhe khud ko sambhalne me, khud ko sambhalkar main bola...rishi too kya kah raha hain kuchh soch samajhkar kah raha hain ya yoon hi hava me teer chala raha hain. Kya tujhe lagta hai? Maine apne dam par kuchh bhi nahi kiya.
Rishi…raghav mere dost too aaj jis mukam pe hai wahan tak too sirf apne dam par hain magar gaon wale ye thodi maan rahe hai unka kahna hain. Too aaj jis mukam par hai yahan tak sirf aur sirf mere vajah se pnhucha hain.
"vo log kah rahe hai to ṭheek hi kah rahe hain kahi na kahi unka kahna bhi ṭheek hain kyonki main aaj jahan par hoon yahan tak pahunchne me tera haath sabse jyaada raha."
Rishi... Chalo achchha hua jo too ye baat man gaya. Ab sun main chahta hoon too yahan se aage ka safar tab tak akela tay kar jab tak too or achchhi mukam tak nahi pahunch jata tab tak na tu mujhse milne ki jidd karega na hi gaon aaega.
"dekh rishi maine teri har baat mana tujhse kiya hua har ek wada pura kiya magar aaj too jo kah raha hai ye main katai nahi manne wala."
Rishi... Tujhe manna to hoga tujhe hamari dosti ka vasta ab too chahe to ye vasta tod de. Aagar toone vasta thoda to hamesha hamesha ke liye hamari anmol dosti khatm hoon jayega. Ab faisla tujhe lena hain. Dosti ka vasta manna hain ya phir hamesha hamesha ke liye apne dost ko khona hain.
To be continued…