"Kuch Hai Tujhme Aisa,
Jo Mujhe Mujhse Milata Hai.
Kuch Hai Tujhme Aisa,
Jo Mujhe Mujhpe Yakeen Dilata Hai,
Warna Aise Hi Thodi Na Tu,
Meri Chinko Ko Surile Rago Me Badalti Hai,
Kuch Hai Tujhme Aisa Jo Mujhe Mujhsa Banata Hai"
To dosto sidha aate he story par, to Laal Ishq me aapko Incest, Action, Thriller or Romance ka ek tagda Rectangle milega jispe Emotions ka ek zhonk bhi padega, ye kahani he Mumbai ke rehne wale Ek bhai behen ki, dosto Inka pariwar koi amir background se nahi he, kehte he na insan ko survive karne ke liye 3 chize chahiye hoti he "Roti, Kapda or Makan" or ye tino chize inke paas thi, or jesa ke hume pata he, Zyadatar middle class family apne baccho ko bas padhana likhana chahte he, use bas ek 9-5 job ke liye prepare karwate he. Is pariwar me bhi kuch aisa hi mahol tha. Maa baap apne bete beti ko acchese padha likha na chahte the. Lekin Character to apne dil o dimag me kuch or hi sapne lekar betha hua tha.
Ab Aap sochiye, Ek tuta dil, khali jeb or bade sapne milkar kya kar sakte he? Ye sab milkar puri zindagi me tufan la sakte he. To bas is tufan me shamil ho jayiye, or dekhte he ye tufan kesa keher dhata he. Jab ye tufan thamega tab uska after impact kya hota he?
CHARACTERS INTRODUCTION:
1) Aksh Joshi(Main Character):
Aksh is story ka pehla ehem kirdar he..... Aksh dikhne me koi hero to nahi he, lekin smart zarur he. To hum Aksh ke bare me kuch bate jaan lete he. Aksh ki soch ek middle class ladke se kuch alag he. Usne 12th ke baad apni padhayi rok di thi, kyu ke use padhai me bilkul intereste nahi tha. Uske marks humesha se hi kam rahe the, use bas kisi tarah ek safal business man bann na he, lekin ye itna asaan to katayi nahi tha. Or is wajah se uske parents uske is decision se bilkul khush nahi the. Lekin sirf ek hi insaan tha is pariwar me jo Aksh ko har mamlo me support karta. Wo insaan or koi nahi Aksh ki behen thi. Usne Aksh ko har mamle me support kiya tha. Aksh ek introvert ladka he, use kisi se zyada baat karna pasand nahi he, wo bas apne me hi khoya rehta. Lekin ye apni behen ko apni sar aakho par bitha ta he, hala ke wo Aksh se thoda darr ke rehti he.
2) Sakshi Joshi(Main Character):
to ye he Aksh ki ek lauti behen Sakshi. Or is kahani ki sabse ehem kirdar. Iska janm Aksh ke kuch der baad hi hua tha. Ye dikhne me bahot pyaari or masum he. Sakshi Abhi Second Year B.cs kar rahi he, Sakshi padhai me kafi hoshiyaar he, humesha se school me top karte ayi thi or ab college me bhi top karti he. Sakshi ke bas kuch gine chune dost he, Sakshi ladko se kam hi baat karti he. Ye Aksh ko humesha har baat me Support karti ayi he. Sakshi ke liye apne pariwar se badh kar kuch bhi nahi he. Waise to Aksh or Sakshi ki acchi jamti he, lekin Aksh me jo badlav aye the use dekh kar to kabhi kabhi to Sakshi bhi darr jati thi.
3) Radha Joshi:
Ye he Aksh or Sakshi ki maa Radha, ye koi padhi likhi aurat nahi he, lekin Radha bas chahti he ke is samaj me uske dono baccho ka naam ho, lekin Radha Aksh ke liye bahot pareshan rehti he. Radha chahti he ke Aksh padhai kar ke ek acchi si naukri kare. Lekin Aksh to iske ulta hi soch kar betha he, jis wajah se Aksh or uske parents ke bich ek tanav bana rehta he.
4) Santosh Joshi:
ye he Aksh or Sakshi ke Pita... Ye ek mehnati or imandar insaan he, ye ek company me chote se level ka kaam karte he. inhone bhi apna bachpan is Middle class soch me hi guzara he, or ye bhi chahte he ke Aksh padh likh kar ek accha insaan bane. Or inka bhi Aksh ke saath tanav bana hi rehta he.
5) Mansi Virani(Main Character): Mansi dikhne me bahot hi Khubsurat ladki he, apne maa baap ki ek lauti santaan. Mansi apne family ke saath Surat me rehti he. Mansi kafi shararati ladki he, masti mazak karna Mansi ki fitrat he. Lekin ye dil ki bahot hi saaf ladki he. Mansi First Year B.ba kar rahi he ise apne Papa ka Business sambhalne me kafi dilchaspi he. Or aage ja kar Mansi ko hi Uske Papa ka Business sambhalna he.
6) Aman Virani:
Surat ke safal business man, Virani Industries ke malik. ye apni fitness par bahot dhyan dete he. India ke shayad har naamchin logo se inki pehchan he, Apni ek lauti beti se jaan se zyada pyaar karte he. Inki or Mansi ki kafi jamti he. Doni humesha ek dost ki tarah rehte he.
7) Kiran Virani:
ye Mansi ki Maa he, Kiran ek khule mijaz ki Aurat he, sabse ghul mil kar baat karti he. Kiran Mansi ke liye humesha se overprotective Rahi he, or Kiran ek Housewife he.
8) D.G.P. Abhinav Roy:
Abhinav 50 Saal ke ek hatte katte or tandarust Officer he, jab baat dimag se kaam lene ki ho to inke samne shayad hi koi tik sakta he, or inka Intro mene is liye diya kyu ke story me inka bhi ek ehem role hone wala he.
To dosto ye the kuch characters jinke aspas ye kahani chalegi, or kuch bahot hi interesting characters he jo aapko aage kahani me pata chal hi jayenge. Agar intro accha laga ho to like karna or Comment kar ke batana ke Intro kesa laga.
Dusri baat, dosto mujhe yaha story likh kar koi sona chandi to nahi milta, or wo mujhe nahi chahiye, me bas aap sab se ek hi chiz mangta hu, or apne pure dil se mangta he, or wo he aapke comments… please dosto har Update me apna review zarur diya kijiye, me ye nahi keh raha hu ke sirf tarifo ke phool bandhiye, jo aapko lagta he wo mere saath zarur share kare, ke is Update me ye accha laga, is update me ye kami thi… ise is tarah se sudhara ja sakta tha etc…. jis se me apne aap ko or zyada correct kar pau, Or ha.... Is Story ka pehla Update 2nd December 12 P.M. ko Post ho jayega. Or dosto me week me 3-4 Update dunga… i know ye zyada nahi he, lekin kya karu, ab sab kuch back to normal life achuka he, apne kaam waam bhi dekhna hota he, jese hi time milta he likhne beth jata hu, or har Update 2500-4000 words ka hoga, agar me update kam de raha hu to har Update ki Length to acchi khasi rakh hi sakta hu na to bas Stay Tuned And Keep Supporting ❤❤
Word Count - 3885 Estimated Reading Time: 00:18:00
Kaali andheri raat, khaufnaam Mosam or jungle ke bicho bich bana ek lauta ghar jisme Aksh dard ke mare niche beth kar karah raha tha, or Sakshi use dekh kar apne asu rok nahi paati or Aksh ko sahara dete hue niche beth kar use sambhal leti he.
Sakshi: Aksh hum ek dusre ko humesha se jante hai, mene tujhe Hasta hua dekha hai, khush dekha hai, Tujhe Rota dekha Hai, Akela dekha hai…. Lekin…. Lekin ye sab……ye sab kya hai Aksh?
Wo rote hue Aksh ka chehra apne haatho me thamkar puchti he. Lekin Aksh bina Sakshi se nazre milaye koi jawab nahi deta.
Sakshi: chup kyu ho mujhe jawab do Aksh….. warna…. Warna..
Ye kehte hue Sakshi niche padi Gun ko utha leti he or apne mathe par point kar deti hai. Usne trigger par apni ungli hi rakhi thi ke Aksh apni dayi taraf ki diwar ko dekhne lagta he, Sakshi uski nazro ka picha karte hue us diwar ko dekhti he lekin jese hi Sakshi ki nazar us diwar par gayi to uske hosh ud gaye the. Uski wajah thi ke diwar pe bahot se logo ki tasveer lagi hui thi lekin center me Aksh, Sakshi, Santosh or Radha ki tasveer thi. Santosh, Radha or bahot si tasveero par red marker se cross bana hua tha.
Sakshi sawalo se bhari nazro se Aksh ko dekh rahi thi, Aksh dhire dhire apne pero par khada ho jata he or jese jese Aksh Sakshi ko apni baat bata raha tha waise waise Sakshi ki akho se Aansu tez behne lage the, Sakshi ke haath se Gun niche gir gayi thi. Lekin suddenly waha Goliya chalne lagti he, or is bich Sakshi ki chink nikalti he jise dekh kar Aksh ki dhadkane ruk si gayi thi.
Aksh: Sakshi………
•
•
•
•
•
•
•
•
•
•
•
•
•
•
•
•
•
•
•
•
Hospital ke bed par ek Aurat bade hi dard me thi, lekin use is dard ki koi parwah nahi thi kyu ke us dard ki wajah thi ke wo kisi nanhi si jaan ko janm dene wali thi, kuch hi der me us Aurat ne ek ladke ko janm diya, or uske kuch hi der baad ek pyaari si ladki ko.... Us Aurat ki halat kafi kharab ho chuki thi, Doctor ne dono baccho ko ek towel me lapet kar Aurat ke samne kar diya, un rote hue baccho ko dekh kar Aurat ka sara dard ek pal me hawa ho jata he, uske aakho se asu behne lage the, un baccho ki awaaz to jese uske kaano me shehed si ghul rahi thi, kehte he ke koi maa apne baccho ko rota nahi dekh sakti lekin aise waqt pe un baccho ka rona dekh kar ek maa ke liye wo to jese puri duniya ki kushi hoti he, usne bade hi pyaar se dono baccho ko chuma. Doctor waha se bahar ajati he jaha Aurat ka pati bahot hi bechain halat me yaha se waha chakkar laga raha tha, doctor ko dekh kar wo aadmi uski taraf ajata he.
Aadmi: Doctor.... K...kya hua... Radha....Radha thik he na?
Wo kafi Ghabrahat bhari awaaz me puchta he.
Abtak to aap samaj gaye honge ke, wo aadmi Santosh or wo Aurat Radha thi.
Doctor: dekhiye sab kuch thik he, aapki patni bhi Normal he or unhone do baccho ko janm diya he....
Wo Santosh ke kandhe par haath rakh kar kehti he, uski baat se Santosh ko to mano puri duniya ki khushi mil gayi thi.
Santosh: kya? Th...thank you... Thank You Doctor.. kya me use mil sakta hu?
Doctor: ji zarur....
Doctor ki permission milte hi Santosh andar dod patda he, samne Radha bed par apne baccho ko liye leti thi, Santosh ko dekh kar Radha ke chehre par ek bahot hi pyaari hasi ajati he, Santosh uske nazdeek ata he or apne baccho ka chehra dekh uska rona ruk nahi pata. Wo pehle Radha ke sar pe haath ferta he or uske mathe ko chum kar dono baccho ko apne haath me le leta he. Is waqt is puri duniya ki khushi Santosh ke haatho me thi, use dekh kar Santosh ki aakhe bhar ati he.
Ek din baad Radha ko discharge kiya jata he, Santosh or Radha apne baccho ko le kar apne ghar ajate he. Ghar akar Santosh Radha ko Aaram se bed par lita deta he, or khud uske paas beth jata he apne baccho ke saath. Ab inka ghar koi alishan mehel nahi tha, lekin jitni mehnat se Santosh ne ise banaya tha uske or Radha ke liye to is ghar ke samne alishan mehel bhi fika lage, or is ghar me 3 average size ke bedroom the, ek hall or us se hi juda kitchen tha, or upar bas chatt bani hui thi jaha ane jane ke liye andar se hi sidhi banayi hui thi.
Santosh: aaj sahi mayno me ye ghar khushnuma ho gaya, aaj humara pariwar ban gaya Radha....
Wo muskurate hue Radha se kehta he.
Radha: Sahi kaha aapne... Deva(bhagwaan) bas aise hi humari zindagi me khushi bani rahe.....
Usne haath jodkar bhagwaan se prarthana karte hue kaha.
Radha: waise inka naam waise hi rakhna he na jo humne socha tha?
Santosh: are ha.... Wahi jo humne tay kiya tha, ke ladki hui to Sakshi or ladka hua to Aksh... lekin dekho to Bhagwaan ne dono hi de diye hume....
Wo apne Baccho par pyaar bhari nazar dalkar kehta he. Dono pati patni bas in baccho me hi khoye hue the.
Aise hi din nikalte gaye, dono baccho ka naamkaran bhi ho gaya tha, dono pati patni apne baccho ke saath apni zindagi bahot hi khushi se ji rahe the. Santosh ko to apne job par jane ka bhi dil nahi karta tha, wo to apna mann marke chala jata, lekin waha ja kar wo bas suraj dhalne ka intezar karta ke jab ye suraj dube or me apne baccho se milu. Santosh or Radha ne apne dono baccho ko ek tarike ka hi pyaar diya, dono bacche bhi humesha haste rehte the.
Din par din, or saal par saal kis tarah guzar gaye kisi ko pata hi nahi chala, ab dono bhai behen bade ho gaye the or ab wo 5th class me chale gaye the, wo dono ek saath apne school jate the. Aksh or Sakshi ki jodi pure school me famous thi, Wajah unki pyaar bhari nok jhok thi.
Subah ke 7 baje hue the, Sakshi nind se uth kar apni aakhe mal rahi thi, usne apne side me dekha to Aksh gehri nind me soya hua tha. Use dekh kar Sakshi ko ek shararat sujhti he or uske chehre par hasi ajati he.
Sakshi jaldi se uthkar kamre se bahar jhakti he to Radha kitchen me kaam kar rahi thi, Sakshi dabe paav ghar ke bahar baramde me jati he jaha kapde sukh rahe the Sakshi ne waha rakhe stool par khade ho ke kapde sukhane ke liye jo clip lagate he wo nikal li or jaldi se andar apne kamre me agayi. Sakshi ne us clip ko Aksh ke naak par laga diya, ab Aksh saas lene ke liye apna muh khol leta he, uska muh pura khula hua tha jise dekh kar Sakshi ke chehre par hasi ajati he or wo apni hasi dabaye Aksh ko dekh rahi thi, ab Aksh ko muh se saas lene me dikkat ho rahi thi uski nind tut chuki thi, wo apni naak se clip hata deta he or dekhta he ke samne Sakshi zor zor se uspar has rahi thi.
Aksh: Sakhsi tu bahot pitegi mujhse aaj.... Rukja....
Wo bed se uth kar Sakshi ko marne ke liye aage badhta he lekin tabtak Sakshi kamre se nikal kar apni Maa ke paas bhag jati he.
Sakshi: Aai(Maa) bachao... Ye dekho Aksh mujhe bina wajah tang kar raha he.
Wo Radha ke piche chup kar kehti he.
Aksh: Jhuti..... Jhuti..... Khud mujhe pareshan karti he ye.... Aai tum hatt jao, me aaj is chipkali ko nahi chhodunga....
Wo Radha ke piche chupi Sakshi ko pakadne ki koshish karte hue kehta he.
Radha: Deva(Bhagwaan)...... Pareshan ho gayi hu me tum dono se.... Roz kutte billi ki tarah shuru ho jate ho, din accha nahi guzarta kya tumhara lade bina?
Radha dono ke kaan pakad kar puchti he.
Aksh: ahhh…. Aai, me so raha tha, ye chipkali ne mere naak pe clip laga di thi....
Uski baat se Radha Aksh ka kaan azaad karti he or Sakshi ko halka sa thappad mar deti he.
Radha: kyu karti rehti ho aise harkate? Ha bolo?
Uski halki si thappad se hi Sakshi ki aakho me asu agaye the, tabhi Santosh hall me akar beth jata he.
Santosh: kya hua meri beti ko kisne rulaya subah subah?
Wo roti hui Sakshi ko dekh kar puchta he, Santosh ko dekh kar Sakshi tezi se bhag kar uske gale lag rona shuru kar deti he.
Sakshi: Baba(Papa)..... Aai ne mara..... Mujhe Thappad mara.....
Wo apna gaal sehlate hue sisak kar rote hue kehti he.
Santosh: accha? Abhi Aai ki khabar leta hu me ruko....
Ye kehkar wo Radha ko pukarta he.
Santosh: kyu mara tumne Radha meri beti ko?.
Radha: aapki beti din ba din badmash hoti ja rahi he, or marungi use me.....
Wo kitchen se hi unchi awaaz me jawab deti he, jise sun kar Aksh Sakshi ke samne akar zor zor se hasne lagte he. Use dekh kar Sakshi ko bahot hi zyada gussa ajata he.
Sakshi: bandar..... Aaj ke baad kabhi baat mat karna....
Wo chillakar Aksh se kehti he or apne kamre me bhaag jati he. Uske jane ke baad Santosh Aksh ka kaan pakad leta he.
Santosh: tu kyu pareshan karta rehta he use? Ha?
Aksh: ahh... Baba mene kuch nahi kiya tha, wo chipkali roz roz mujhe nind se jagane ke naye tarike dhund ti rehti he...
Wo apna kaan ko azaad karne ki koshish me kehta he.
Santosh: ab jaldi se tayar ho jao, school jana he...
Wo Aksh ka kaan chhod kar kehta he. Aksh chala jata he tayar hone Aksh or Sakshi ek hi room me the, Radha ne bhi Sakshi ko tayar kar diya tha or wo dono ke liye nashta banane chali gayi, Sakshi ko ab apne jute ki lace bandh ni thi jo use nahi ata tha, Radha to apne kaam me lag chuki thi or yaha sirf Aksh ko hi jute ki lace bandh na ata tha, Aksh apna school bag check kar raha tha, Sakshi uske piche khadi thi.
Sakshi: Aksh......
Uski awaaz sunkar Aksh ansuna kar deta he.
Sakshi: Aksh.... Sunn na....
Is baar Aksh uski taraf mudkar dekhta he.
Sakshi: meri jute ki lace bandh do na please......
Wo bade hi pyaar se apne bhai ko kehti he.
Aksh: kyu tu to mujhse baat nahi karne wali thi na?
Wo Sakshi ko kuch der pehle ki baad yaad dilate hue kehta he.
Sakshi: h... Wo....me to....
Aksh: chal ab pehle sorry bol mujhe.... Tabhi help karunga Teri....
Sakshi: sorry dada(bhai).......
Wo apne kaan pakad kar bahot hi pyaar se kehti he. Fir Aksh uske lace bandh ne ke liye tayar ho jata he. Sakshi bed par beth jati he or Aksh apne chote chote ungliyo se lace pakad kar bandhne lagta he, Sakshi Aksh ko dekh kar has rahi thi.
Aksh: ho gaya....
Sakshi: thank You Aksh..... Kutta..... Kutta.... Kutta.....
Pehle wo pyaar se Aksh ko bolti he or use dhakka de kar kutta bol ke apna school bag utha kar bhaag jati he.
Aksh: chipkali..... Chipkali... Tu..... Ab fir kabhi madat nahi karunga teri....
Fir wo bhi apna bag utha kar ghar ke bahar ajata he, jaha Sakshi Santosh ki bike par aage tanki ke paas bethi hui thi, wo Aksh ko ata dekh kar use chidane lagti he. Aksh to use Santosh ke samne kuch nahi kar sakta tha, isliye usne ishare se hi use kaha ki badme dekh lunga. Or wo akar bike ke piche ki seat par beth jata he, darasal Sakshi humesha aage beth kar tez chalti hawao ke maze leti thi.
Radha: aaj tum dono ko me pehle hi bata de rahi hu, School se sidha ghar ana, warna bahot pitoge dono....
Wo dono ko ungli dikhate hue kehti he.
Sakshi: Aai, me to is bandar ko kehti hu ghar chal to ye humesha apne dost ke ghar se ho kar hi jata he.
Aksh: jhuti chipkali..... Aai... Baba hume jate hue jo paise dete he na ye chipkali school chutne ke baad uska gola khane ke liye mujhe bhi apne saath le jati he.
Sakshi: to tum bhi to khate ho na.... Bandar.....
Dono bas ek dusre par galati dal rahe the, dono humesha aise hi ladte rehte the.
Santosh: are bas karo..... Ghar me to kabhi shant nahi rehte, bahar jate waqt to chup raha karo....
Uski baat se dono apna muh fulaye chup ho jate he.
Santosh: thik he Radha, me chalta hu.... Shaam ko ajaunga.
Radha: sambhal kar jana....
Wo muskurate hue Santosh se kehti he, Santosh dono ko school drop karne ke liye nikal jata he.
Radha andar akar apne kaamo me lag jati he, wahi Santosh dono ke school pahoch jata he, unka school dur nahi tha, Santosh apne kaam par jate hue dono ko drop kar deta, or wo dono school ki chutti ke baad saath ghar jate the.
Dono bike se utar jate he, or Sakshi Santosh ko ek tak dekhe ja rahi thi. Aksh bhi wahi ruk gaya.
Santosh: kya hua? Aise kyu dekh rahi ho?
Ispar Sakshi bas apna haath aage badha deti he. Santosh us se tali bajata he. Jis se Sakshi ka muh ful jata he.
Sakshi: tali nahi.... Paise do....
Santosh: ohhhh... To ye baat he, nahi.... Aaj to me tum dono ko pese nahi dunga, tum dono school se late jate ho na ghar? Ab sidha ghar pe jana... Shaam ko milta hu...
Or itna kehkar Santosh aage badh jata he, lekin Sakshi or Aksh ka chehra udas ho gaya tha.
Sakshi: sab teri wajah se hua, bandar kahi ka....
Wo gusse me Aksh ko apne nazuk se hatho se marte hue kehti he.
Aksh: mene kya kiya? Mujhe bhi kaha pese mile?
Sakshi: kya zarurat thi Aai ko batane ki school ke baad gola khane jate he?
Aksh: to fir tune kyu mera naam liya tha?
Ab wo dono school ke gate par hi jhagad ne lage the. Tabhi Sakshi ki dost Neha waha ajati he. Or wo dono ko andar le jati he, Aksh waise zyada kisi se baat nahi karta tha, siwaye Sakshi ke. Recess ke waqt Aksh uthkar apne dost ke saath beth jata he, Sakshi ko is se bura laga. Aksh or uska dost tiffin nikal kar khane lagte he, Neha piche ke bench se uthkar Sakshi ke paas ajati he. Wo dono bhi apna tiffin open kar ke khana shuru kar dete he. Aaj Sakshi ke tiffin me ek chocolate bhi thi, Radha dono ko kabhi kabhi hi chocolate deti thi, Sakshi wo chocolate dekh kar khush ho jati he, ek chocolate hone ki wajah se wo aadhi chocolate Neha ko bhi de deti he. Lekin use or chocolate kahni thi, Aksh ko ye baat pata thi to usne apne hisse ki chocolate bacha kar rakh di. Jab sab logo ka khana ho jata he to Neha apne bench par chali jati he, Aksh akar Sakshi ke saath beth jata he.
Aksh: oye chipkali...... Ye le.....
Wo Sakshi ko apni chocolate dete hue kehta he.
Sakshi: tune kyu nahi khayi?
Aksh: mujhe teri tarah apne daat nahi kharab karne he.... Ye le....
Fir Sakshi us se chocolate chin leti he or khushi khushi kha leti he. Aise hi kuch ghanto baad school ki chutti ho jati he, dono saath me ghar jane ke liye nikalte he. Raste me Sakshi ka chehra us gole wale ko dekh kar utar jata he. Kyu ke aaj to Santosh ne un dono ko paise diye hi nahi the. Aksh ne uska udas chehra dekh liya tha.
Aksh: oye chipkali.... Gola khana he tujhe?
Wo apna chalte chalte ruk kar kehta he.
Sakshi: Baba ne paise kaha diye he?
Wo narazgi se apna muh fula kar kehti he.
Aksh: mere paas thode paise he na... Me tere jese sare pese kharch nahi karta samjhi chipkali....
Sakshi: sacchi?
Wo kafi khush ho kar kehti he. Fir Aksh 1 gola le leta he kyu ke uske paas ek gole ke pese hi the, usne Gola sirf Sakshi ke liye liya tha lekin Sakshi use bhi khane ko kehti he, dono ek gola hi apas me share kar ke kha lete he or jaldi se ghar ki taraf badhte he. Aaj bhi dono ko ghar pahoch ne me late ho gaya tha. Radha ghar ke darwaze par hi ruki hui thi, dono dur se hi Radha ko dekh lete he, dono samajh gaye ke aaj to unki kher nahi. Dono ghar ke paas ajate he or jese hi wo darwaze ke paas aye to wo dono apna muh niche kiye ruke the.
Radha: kitni baar kaha he tum dono se ke school se sidha ghar ajaya karo, ha?
Dono hi chup chaap apna muh niche kiye ruke the.
Radha: bolo...
Wo unchi awaaz me kehti he.
Aksh: Sorry Aai.... Wo.....
Radha: tum dono aise nahi manoge na? Thik he aaj khana khane ke baad tum dono shaam tak padhai karte rahoge, Shaam tak TV bhi nahi dekhoge or agar padhai nahi ki to dono ko maar padegi....
Ye saza sunkar dono ka chehra udas ho jata he. Wo dono andar ajate he or kapde badal kar khana kha lete he or ja kar padhai karne lagte he.
Sakshi: aye Aksh....
Kuch der padhai karne ke baad Sakshi use awaaz deti he.
Aksh: bol?
Sakshi: Aksh koi rasta dhund na, kese hum roz Gola bhi kha sake or ghar ane me late bhi na ho....
Aksh: me to roz kehta hu na, chalte hue gola khaya kar, tu kaha manti he.
Sakshi: are buddhu... Agar itni dhup me chalte hue gola khaye to wo pighal jata he, mujhe waha ped ke niche beth kar gola khane me hi maza ata he.
Aksh: ab ye gola khana bhul ja, me roz roz itni der nahi padh sakta....
Sakshi: ha... Hum Kal se school me se jaldi hi nikal jayenge, fir aram se gola kha kar ghar waqt par aya karenge....
Aksh: akele hi kar tu, me nahi karne wala ye sab.....
Sakshi: are lekin.....
Aksh: mujhe nahi karna bas.....
Sakshi: thik he, mat kar.... Huhhhh...
Or wo gusse se firse apni padhai me lag jati he.
Shaam ko Unki padhai ho gayi tab wo log hall me akar cartoon dekhne lage, kuch der baad Santosh ghar ajata he, lekin uske haath me ek bag bhi thi.
Sakshi: Baba.... Ye kya laye ho?
Wo bahot utsukta ke saath bhaag kar darwaze par ja kar Santosh ke haath se wo bag le leti he.
Santosh: tum dono ke liye hi laya hu, khud dekho...
Aksh or Sakshi kafi khush the, wo dono dekhte he ke bag me kaala khatta or kuch syrups ki bottle thi.
Santosh: roz tum raste me ruk kar hi gola khate ho na? Ab se ghar time se aao or jitna marzi utna kha lo….
Wo andar sofe pe beth kar kehta he, Radha uske liye pani le kar ati he. Sakshi or Aksh dono Santosh ko gale laga lete he, kyu ke unhe ye gift kafi pasand aya.
Aksh: thank You Baba....
Sakshi: ha Baba thank you, ab hum time se ghar ajayenge.
Wo Santosh ke galo par kiss karte hue kehti he.
Radha: aap bhi na.... Ab ye roz roz barf khayenge to bimar pad jayenge...
Wo Santosh ke bagal me beth te hue kehti he, Aksh or Sakshi to bas khushi se apne me hi lage the.
Santosh: are koi baat nahi Radha.... Kuch nahi hoga.....
Fir aise hi din nikal jata he, Raat ko charo milkar niche zameen par beth kar khana kha rahe the, lekin Aksh or Sakshi kafi tezi se khana kha rahe the.
Radha: itni kya ghayi he tum dono ko? Aram se khao...
Sakshi: hmm..... Aai..... hume Gola bhi khana he na...
Wo apne chote se muh me bada sa niwala bharte hue apne fule gaalo se kehti he.
Santosh: nahi.... Raat ko nahi, sirf tum school se aaoge tab hi Milega... Or ha Radha, agar ye dono late aye to Gola bana kar mat dena inhe...
Radha: gola nahi dungi, saza dungi... Pata he na saza?
Ispar dono thoda udas ho jate he. Khane ke baad Aksh or Sakshi Cartoon dekh rahe the, kafi der baad Radha ne dono ko sone ke liye bhej diya.
Sakshi bed par let te hi so gayi, Aksh use dekh kar subah ka badla lene ka plan banata he.
Aksh: chipkali.... Mujhe satati he na? Ab dekh kese rulata hu tujhe....
Or itna kehkar wo uthkar apne parents ke kamre me chala jata he, uske jane ke kuch hi minutes baad Sakshi ki aakh khulti he or wo apne aap ko kamre me akela pa kar ghabra jati he.
Sakshi: Aksh.... Aai..... Baba.....
Wo zor zor se chillate hue rone lagti he, or kamre se bahar ajati he. Darasal Sakshi ko raat me akele sone se dar lagta tha, isliye Aksh or wo ek saath sote the. Uski awaaz sunkar Aksh or uske Parents bahar ajate he.
Radha: Sakshi chup ho ja... Me hu na yahi...
Wo Sakshi ko apne sine se laga kar chup karane lagti he.
Sakshi: bandar.... Kutta.... Janbujh ke gaye na room se?
Wo rote hue gusse se Aksh ko puchti he. Lekin Aksh ko uspar hasi arahi thi, tab Santosh uska kaan pakad kar use daant deta he, ab Sakshi or Aksh wapis apne kamre me agaye the.
Sakshi: bahot ganda he tu.... Kutta....
Wo andar ake Aksh ko gusse me kehti he.
Aksh: thik he, so tu fir yaha akeli...
Or ye kehkar wo bahar jane lagta he, lekin Sakshi use piche se pakad leti he.
Sakshi: sone do na mujhe....
Wo roni si shakal banate hue kehti he.
Aksh: to bol, mujhe nahi satayegi ab se...
Sakshi: nahi sataungi... Please mat jao....
Wo apni bhigi palko ke saath kehti he.
Aksh: thik he so ja....
Or wo dono bed par akar let jate he, Sakshi Aksh ka haath zor se pakadkar kar leti hui thi ke kahi Aksh fir se use akela chhod kar na chala jaye.
Fir dono apni gehri nind me chale jate he or is tarah inka aaj ka din nikal jata he. Thodi si masti, dher sara pyaar or ane wale kal ki khabar liye bina ye sab apni zindagi hasi khushi bita rahe the. Lekin ye sab kabtak chalna tha? Iska jawab to aage mil hi jayega.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Subah ke 7 baje hue the, Aksh besudh sa, ulta soya hua tha or Sakshi uske upar apne haath per dale soyi thi. Radha apna kaam adhura chhod kar dono ko jagane ke liye ajati he. Lekin wo dono to uthne ka naam hi nahi le rahe the. Radha ne akhir kar dono ko nind se jaga diya Aksh to uth kar beth gaya lekin Sakshi bethe bethe hi apni aakhe band kare soyi thi.
Radha: Deva.... kitni badi aalsi ladki he dekho ye? Bethe bethe bhi sone lagi? Sakshi..... Jaldi uthja.....
Wo Sakshi ko hila kar uski nind todte hue kehti he.
Sakshi: ahhh.. mujhe nahi jana School.....
Wo roti hui shakal bana kar kehti he or itna kehkar wo apne upar firse chadar odh kar so jati he.
Radha: hmm..... To fir Gola Akele Aksh ko hi milega tujhe nahi.....
Wo Aksh ke sar pe haath fer kar kehti he. Or uski baat ka asar Sakshi par ho jata he or wo jhat se uthkar beth jati he.
Sakshi: nahi... nahi... Mujhe bhi chahiye..... Mujhe bhi chahiye.....
Wo bed par khadi ho kar gusse me uchalte hue kehti he.
Radha: hmm to ab utho jaldi....
Fir dono fresh ho jate he, Aksh ne kapde pehen liye the or Radha Sakshi ki choti bana rahi thi, Aksh Sakshi ke samne use dekhte hue khada ho jata he, Sakshi apna muh banate hue use chidha rahi thi.
Aksh: Aai..... Ye chipkali Choti me kitni acchi dikhti he na?
Usne kafi pyaar se ye baat kahi jis se Radha or Sakshi ke chehre par muskurahat ajati he.
Radha: accha? To fir chipkali kyu bulata he ise humesha?
Aksh: kyu ke wo chipkali he... Lekin kabhi kabhi acchi dikhti he.
Sakshi: accha? To me bhi tujhe Bandar or kutta isliye hi bolti hu ke tu to har waqt waisa hi dikhta he.
Radha: bas bas.... Ab subah subah shuru mat ho jao tum dono.... Chalo ho gaya ab nashta karo or School jao... Or yaad hena late hue to...
Wo dono ko ungli dikhate hue warn karti he. Fir dono breakfast kar ke Santosh ke saath School ke liye nikal jate he. Santosh dono ko school ke gate tak chhod deta he or dono ko kuch paise de kar chala jata he. Dono bhai behen bhi khushi khushi apni class me chale jate he, kuch period ke baad ab inka khelne ka waqt agaya tha, sare bacche School ground me chale aye. Aksh, Sakshi, Neha or Soham ek taraf pakdam pakdayi khelne lage the. Sakshi baki tino ko pakad rahi thi, or ye tino us se bach kar bhaag rahe the, tabhi waha khel raha ek ladka bhagti hui Sakshi ke samne ajata he, Sakshi us se takra kar gir jati he or uske ghutne par kafi chott ajati he. Sakshi ab rone lagi Aksh ye dekh kar ruk gaya or Sakshi ke paas bhagte hue ajata he, jis ladke ki wajah se Sakshi giri thi wo un sab se 2-3 saal bada tha. Aksh jaldi se akar Sakshi ke ghutne se khun saaf karne lagta he.
Ladka: aye.... pagal ladki Tu dekh kar nahi bhaag sakti, agar mujhe lag jata to bahot pita hota tujhe mene..
Wo unchi awaaz me Sakshi ko dekh kar kehta he, lekin uski baat se Aksh ka gussa satve asman par chala jata he or wo uth kar us ladke ki collar pakad leta he or uske muh par ek do ghuse maar deta he lekin Aksh is ladke se 2-3 saal Chota tha, to us ladke ne Aksh ko ek dhakke me niche gira diya or uske upar ake Aksh ko marne laga, ab ye sab dekh kar Sakshi uth jati he or piche se us ladke ke baal pakad kar piche khinch kar gira deti he, tabtak Aksh uth kar use marne lagta he ab Sakshi or Aksh milkar us ladke ki tagdi dhulayi karne lage the. Tabhi ek teacher waha ajati he or wo unka jhagda rok deti he.
Is waqt Aksh or Sakshi ke kapdo ki halat kharab ho chuki thi. Wo log apna muh niche kar ke teacher ke samne khade the.
Teacher: kya chal raha he ye sab? Ha? Tum dono milkar use kyu maar rahe ho?
Wo gusse se Aksh or Sakshi ko puchti he.
Aksh: ma'am isne Sakshi ko dhakka diya tha or us se ulti baat bhi ki....
Teacher: to fir tum dono koi gunde ho kya jo is tarah kisi ko marne pitne lag jao.
Sakshi: lekin isne Aksh ko mara tha to....
Teacher: kyu jhut bol rahi ho? Mene dekha yaha tum dono use buri tarah se maar rahe the.
Aksh: ma'am....
Teacher: basss.... Tum is hi waqt ghar jaoge.... Or ha... Kal apne parents ko le kar hi ana school... Jao ab...
Wo bahot hi gusse me kehti he fir Aksh or Sakshi ghar jane ke liye nikal jate he. Raste me dono dare hue the kyu ke ab ghar pe Radha dono ki buri halat karne wali thi. Aise hi chalte hue wo dono us Gole wale ke yaha se guzarte he, use dekh Sakshi achanak se wahi ruk jati he.
Aksh: kyu ruk gayi?
Wo piche mud kar Sakshi se puchta he.
Sakshi: Gola kha kar jate he na....
Usne kafi masumiyat se kaha lekin Uski baat se Aksh use ek tak dekhne lagta he.
Aksh: ghar jane ke baad Aai kitna dantegi hume, me wo soch raha hu, or tujhe gola khana he?
Sakshi: ha to.... Ab Aai to hume ghar pe gola dene nahi wali yahi kha kar jate he na...
Wo roti hui shakal bana kar Aksh se kehti he.
Aksh: tu pagal....
Wo is se aage kuch kehta ke Sakshi uska haath pakad leti he or use khinch kar Gola khane le jati he. Sakshi ke haath me Gola ate hi uske chehre par wo khushi, wo pyari hasi wapis ajati he, lekin Aksh to Radha ki dant se darr raha tha, tabhi Aksh ki nazar Sakshi par padti he jo bina kisi darr, khushi khushi Gola khane me lagi thi, use dekh kar Pata nahi kyu lekin Aksh ke chehre par bhi ek muskurahat ajati he, or wo bhi Gole ki chuskiya lene lagta he, Gola khatam hote hi dono firse apne raste chal padte he.
Ghar pe Radha ke sab kaam ho chuke the, or wo aram se TV dekhte hue bethi thi. Tabhi darwaze se Aksh or Sakshi dare, sehme se andar apni gardan niche kiye ajate he. Dono ko itni jaldi ghar ate or unki halat dekh kar Radha thodi heran thi.
Radha: tum dono itni jaldi.... Or ye... Ye kya halat bana li he?
Lekin Aksh or Sakshi uski baat ka koi jawaab nahi dete.
Radha: Bolo..... Or ye kya Sakshi.... Tumhare ghutne par chot kese lagi?
Wo Sakshi ke ghutno ki chot dekh kar chintit lehze me puchti he.
Aksh: Aai, wo.... Ma'am ne Kal tumhe... Bulaya he...
Wo ladkhadate hue kehta he.
Radha: zarur kuch karname kar ke aye ho tum dono.... Jaldi se batao warna....
Wo dono ko ungli dikha kar gusse me kehti he.
Sakshi: Aai, humari galati nahi he.... Wo ladka hi mujhse takraya tha or sorry bolne ki jagah mujhpar gussa kiya usne, to Aksh ne or mene milkar use pitt diya.. ..
Wo apna muh fula kar kafi gusse se kehti he.
Radha: wahhh... Matlab To ab gunda gardi karne lage tum dono... Teacher ko nahi bata sakti thi?
Aksh/Sakshi: Sorry Aai....
Wo dono apna muh niche karte hue kehte he.
Radha: Sorry? Din ba din shaitaniya badh rahi he tum dono ki, ab jao andar or kapde badal kar khana khane aajao....
Wo dono ko andar room me janeka ishara karte hue gusse me kehti he. Dono jaldi se andar ajate he.
Aksh: ohh... Bach gaye aaj to.....
Wo andar bed par beth kar chain ki saas lete hue kehta he. Lekin Sakshi to abtak udas lag rahi thi.
Aksh: kya hua chipkali?
Uski baat par Sakshi bas use gusse se dekhti he.
Aksh: kya hua bata na....
Sakshi: ab Aai se Gola kese mange? Wo nahi dene wali hume Gola....
Wo apni school bag niche dalte hue udasi se kehti he.
Aksh: oye pagal ladki..... Abhi to khaya na humne, or ab firse chahiye tujhe?
Sakshi: ha wo to bahar khaya tha, mujhe ghar pe bhi khana he...
Wo roti hui shakal bana kar Aksh ke bagal me beth jati he, tabhi Aksh ki nazar uski chot par chali jati he.
Aksh: Sakshi tujhe dard nahi ho raha na?
Sakshi: kya nahi ho raha? Kitni jalan ho rahi he mujhe...
Wo bahot hi masumiyat se kehti he, tabb Aksh uske samne niche zameen pe apne ghutno par beth jata he or Sakshi ki chot par fook lagane lagta he.
Aksh: ab thik he?
Wo fook marte hue Sakshi se puchta he.
Sakshi: ha thoda thik lag raha he....
Tabhi Radha Sakshi ke chot par lagane ke liye Dawai le kar andar ajati he.
Radha: Aksh tum kapde badal lo jaldi....
Fir Aksh uthkar washroom chala jata he, or Radha Sakshi ki chot par dawai lagane lagti he.
Kuch der baad Tino milkar khana shuru kar dete he, bich bich me Sakshi Aksh ko ishara kar rahi thi ke Aai se Gola maang, lekin Aksh use mana kar raha tha.
Radha: kya ishare bazi chal rahi he tum dono ki?
Wo dono ko ishare se baat karta dekh kar puchti he. Radha ki baat sunkar dono thoda hadbada jate he.
Aksh: n...... nahi Aai... Kuch nahi....
Sakshi: Aai.... Wo Aksh na mujhe Tumse Gola mang ne ko keh raha tha...
Wo apna ilzaam Aksh par dalte hue kehti he, lekin uski baat se Aksh ka muh khula ka khula reh jata he.
Aksh: kitna jhut bolti he chipkali...... Khud kabse mujhe keh rahi he ke Aai se Gola maang... or ab....
Wo gusse me Sakshi ko kehta he.
Radha: koi Gola nahi milne wala dono ko, pehle to School me gunda gardi kar ke aye ho or chahte ho ke tumhe gola du? Bilkul bhi nahi milega.... Khana khao chup chap...
Wo sakht lehze me dono se kehti he. Dono hi chup chap khana khane lagte he, khane ke baad Aksh or Sakshi Cartoon dekh rahe the lekin dono hi udas the, Radha dono ko dekh leti he or fridge me se Barf nikal kar use crush kar ke uspe kal Santosh ne laye syrups daal kar gola bana deti or use le kar dono ke paas ajati he.
Radha: ye lo.....
Wo dono ke samne gola dete hue kehti he. Aksh or Sakshi ki to jese lottery lag gayi. Dono khushi khushi Radha ke haath se Gola le kar khane lagte he. Radha bhi unke bagal me beth jati he.
Radha: dekho aaj maaf kar diya mene dono ko, lekin agli baar aisi harkat nahi honi chahiye... Thik he?
Aksh/Sakshi: thik he Aai....
Or wo dono apna Gola khane me busy ho gaye, kuch der baad Santosh ghar agaya tha uski aaj jald hi chutti ho chuki thi.
Sham ke kareeb 6 baje hue the, puri Joshi family saath bethe baate kar rahi thi.
Radha: kal aap dono ke teacher se mil lena me to nahi jane wali, mujhe pata he ye dono fir se kuch na kuch gadbad karenge school me.
Santosh: tum chinta mat karo me jaunga kal, bacche he shaitani to karte hi rahenge na....
Wo Aksh or Sakshi ki side lete hue kehta he. Tabhi Sakshi akar uske gale laga leti he.
Sakshi: Baba, Thank You aapne humari problem door kar di....
Wo Santosh ke gale lag kar uchalte hue kehti he.
Santosh: konsi problem?
Wo Sakshi ko apne se alag kar ke herani se puchta he
Sakshi: are... ab roz roz bahar Gola nahi khayege, ghar pe akar dher sara gola khate rahenge wo bhi free....
Wo bahot khushi se kehti he.
Santosh: accha? To fir me kal se tum dono ko paise nahi dunga....
Sakshi: kyu nahi doge paise?
Wo kafi chintit lehze me puchti he.
Santosh: are bhai jab tum dono ka kaam ghar me hi ho jata he, to fir paise ki kya zarurat he?
Sakshi: nahi... nahi.... Hume paise bhi chahiye.... Agar kabhi Aai ne hume Gola dene se mana kiya to?
Santosh: Aai kyu mana karegi Gola dene se?
Sakshi: mujhe kuch nahi pata, roz paise bhi dene padenge matlab dene padenge....
Wo gusse me apne per patakte hue kehti he.
Santosh: are.... Thik he, thik he... dunga paise bhi..... bas?
Sakshi: thank you baba....
Wo Santosh ko kas ke gale lagate hue Kehti he.
Santosh: accha chalo park me khelne jana he?
Aksh/Sakshi: ha.... Jana he....
Fir wo charo milkar paas hi ke park me chale jate he. Waha ja kar Santosh or Radha ek bench par beth gaye, Sakshi or Aksh dono waha khelne lage. Kuch der ke baad waha par Aksh ki hi umar ka ek ladka aya jiske paas ek choti cycle thi. Wo ladka us cycle ko kafi khushi ke saath chala raha tha, ab Aksh ko bahot iccha hui ke uske paas bhi waisi cycle honi chahiye thi. Wo bas ek jagah khada ho kar us cycle ko dekh raha tha. lekin Sakshi aage baag chuki thi, jab wo piche mudkar dekhti he to pati he ke Aksh waha khada he.
Sakshi: kya hua Aksh?
Wo Aksh ke paas akar puchti he, Lekin Aksh uski baat ka jawab diye bina apne parents ki taraf bhaag jata he, Sakshi bhi uske piche chali ati he.
Aksh: Baba.... Baba...
Wo chillate hue bhaag kar Santosh ke paas akar kehta he.
Santosh: Kya hua beta?
Aksh: Baba, mujhe bhi waisi cycle chahiye....
Wo us ladke ki cycle ki taraf ungli karte hue kehta he.
Santosh: waisi cycle? Lekin Tumhe kaha ati he cycle beta?
Aksh: Baba me kuch nahi janta, mujhe bhi waisi cycle chahiye....
Wo gusse me apne per patakte hue kehta he.
Radha: beta meri baat....
Aksh: mujhe chahiye wo cycle bas.....
Wo Radha ki baat kaat te hue kehta he.
Santosh: accha... Thik he dila dunga.....
Aksh: sach Baba?
Wo kafi khush hokar kehta he.
Santosh: ha lekin tumhe uske liye agle mahine tak intezar karna hoga.
Aksh: nahi.... Mujhe kal hi wo cycle chahiye....
Santosh: beta kal ke kal cycle nahi mil sakti, mene kaha na me agle mahine tumhare liye waisi cycle le aunga....
Aksh: Baba......
Radha: Aksh..... Bas ho gaya.....
Wo kafi gusse me akar unchi awaaz me kehti he.
Radha: ek baar kaha samajh nahi ata? Or koi cycle nahi milegi....
Wo bahot hi gusse me kehti he jis se Aksh ke akho me asu ajate he.
Santosh: Radha, gussa kyu kar rahi ho? Beta me me tumhe jald se jald waisi cycle la kar de dunga... Thik he?
Wo Aksh ke asu saaf karte hue kehta he. Lekin Aksh apne kadam tez chalate hue waha se nikal jata he. Fir tino bhi uske piche piche hi ghar ajate he. Ghar ane ke baad Aksh sidha andar ke kamre me ja kar bed par let kar rone lagta he. Santosh or Radha apne kamre me chale jate he, Sakshi jese hi andar ati to usne dekha ke Aksh bed par lete hue Ro raha he. Wo Aksh ke paas ja kar beth jati he.
Sakshi: Dada kya hua?
Aksh: kuch nahi hua... Ja yaha se....
Wo kafi gusse me Sakshi se kehta he.
Sakshi: Baba ne kaha na ke wo Cycle le kar denge, to fir ab kyu ro rahe ho?
Aksh: mujhe tujhse baat nahi karni.... ja yaha se...
Sakshi: dekhna fir kabhi baat nahi karungi me....
Aksh: ha to mat kar.....
Sakshi: Sachme nahi karungi....
Lekin Aksh koi jawab nahi deta tab Sakshi uski pith ke upar chad ke uski kamar me gudgudi karne lagti he. Sakshi ke aisa karne se kuch hi seconds me Rota hua Aksh hasne lagta he.
Aksh: Chipkali.....
Jab Sakshi us se alag ho kar side me beth jati he to Aksh us se kehta he.
Sakshi: Bandar......
Or fir wo dono aise hi bethe hue baate karte he, thodi der baad dinner ka time ho gaya tha, Charo saath milkar khana kha rahe the, Aksh ab bhi thoda udas tha khane ke baad wo apne kamre me chala jata he Sakshi bhi kuch der TV dekhne ke baad kamre me ja kar so jati he.
Radha apna sara kaam khatam kar ke Santosh ke saath hall me beth jati he.
Radha: dekha na Aksh ko? Kitna ziddi ho gaya he?
Santosh: Radha wo baccha he, zidd to karega hi na?
Radha: or aap kya mana nahi kar sakte use? Hum log koi Ambani ke pariwar se nahi he jo uski sari farmayishe puri kar sake...
Santosh: Radha use ye baat kese samjhegi? Wo thodi na janta he ke aaj ke samay me ye paisa akhir kitni badi chiz he. Jab wo Bada hoga tab samajh jayega... Or tum chinta mat karo, me bank me jo saving he usme se kuch paise nikal kar uske liye cycle la dunga....
Radha: jesa aap thik samjhe....
Fir wo dono bhi apne kamre me chale jate he, lekin un dono ki baate Aksh ne sun li thi, darasal jab wo washroom jane ke liye waha aya to dono ki baate usne sun li.
Aksh(man me): Aai Baba to bahot pareshan lagg rahe the, matlab paise bahot mushkil se ate he? To fir me Baba ko bol dunga ke mujhe cycle nahi chahiye... Ha.. ye thik he... lekin ye Ambani kon he? Or Aai ne kyu aisa kaha ke hum Ambani ke pariwar se nahi he?
Wo apne mann me kayi sare swal le kar washroom chala jata he or fir bed par akar so jata he
Or is tarah aaj ka din nikal jata he, jaha baccho ki zidd ke samne ek baap har wo chiz karne ke liye tayar he jis se uske bacche ke chehre par khushi aye.
To doato ye tha is story ka pehla mega Update jaha se hum ye ke sakte he ki ab Aksh ki zindagi me change ane ki Shuruwat ho chuki he, kyu ke is masum se bacche ke dil me ek bahot bada sawal paida ho chuka tha ke Akhir life me paise ki importance itni zyada kyu he. Ab bas is sawal ka jawab Aksh ko kis tarah milta he ye dekhna interesting hoga.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Ek chehekti subah me is matlabi duniya se bekhabar Aksh Or Sakshi besud se apni sapno ki duniya me gum the, lekin unki nind todne ke liye waha Radha ajati he. Kafi mashakkat karne ke baad akhir kaar Radha dono ko nind se jaga hi deti he. Dono jaldi se ready ho jate he, aaj Santosh ko dono ke teacher se milna tha, to wo tino ghar se nikal jate he.
School pahoch kar Santosh teacher se milta he, Staff Room me is waqt Teacher, Santosh, Aksh or Sakshi the.
Teacher: dekhiye mujhe in dono se padhai ke mamle me koi pareshani nahi he, kyu ke dono padhai me acche he, lekin ye mar pitai acchi baat nahi he, baki dono bahot hi samjhdar he.
Santosh: ji me firse aapse maafi chahta hu, bacche he galtiya to karte hi he.
Teacher: hmm.... Aksh Sakshi..... Is baar maaf kar rahi hu, agli baar aisa kuch nahi hona chahiye, Okay?
Wo dono ko warn karte hue kehti he.
Aksh/Sakshi: okay ma'am....
Fir tino staff room se bahar ajate he. Aksh to kal se bas kahi gum sa tha.
Santosh: chalo me chalta hu, shaam ko milenge
Wo dono ke sar pe haath ferte hue kehta he.
Sakshi: Aise kese jaoge? Paise kon dega?
Santosh: are haa... Ye lo.... Tumhare paise...
Wo dono ko kuch paise de deta he or waha se apne kaam par jane ke liye nikla hi tha ke piche se Aksh use rok deta he.
Santosh: kya baat he Aksh?
Aksh: Wo....wo Baba mujhe cycle nahi chahiye.....
Santosh: kya? Lekin kyu?
Aksh: bas... Mujhe nahi chahiye.... Aap mere liye cycle mat lana.
Santosh: beta mene kaha na me tumhare liye cycle jald se jald le aunga....
Wo niche jhuk kar Aksh ka chehra apne hatho me thamkar kehta he.
Aksh: nahi Baba... Mujhe sachme cycle nahi chahiye...
Santosh: lekin.....
Aksh: please Baba..... Jab mujhe chahiye hogi tab me aapse maang lunga.....
Santosh: accha thik he.... To ab me jau?
Aksh ha me sar hila deta he, fir Santosh waha se apne kaam par chala jata he. Aksh or Sakshi bhi apni class attend karne ke liye chal padte he.
Sakshi: Aksh Tune kyu mana kar diya cycle lene se?
Aksh: bas mujhe nahi chahiye thi cycle....
Sakshi: jhute kahi ke... Sach kyu nahi bata rahe ho?
Aksh: or kya sach batau? Mujhe nahi chahiye cycle bas.. Or ab tu chup chap chal class me..
Or fir dono apni class Tak pahoch jate he. Aksh aaj pure waqt bas kuch khayalo me duba hua tha. Kuch period khatam ho gaye the, lekin Aksh ab bhi Radha or Santosh ki kal raat ki baate yaad kar raha tha, or Teacher ne Aksh ko dekh liya.
Teacher: Aksh.... Aksh.....
Wo thodi unchi awaaz me kehta he tab ja kar Aksh apni khayalo ki duniya se bahar ajata he or uth kar khada ho jata he.
Teacher: chalo batao mene abhi kya padhaya?
Uske sawal par Aksh hadbada jata he or koi jawab nahi de pata.
Teacher: kaha dhyan tha tumhara? Ha?
Aksh: S.. sorry sir....
Wo apna sar niche jhuka kar kehta he.
Teacher: koi sorry nahi... Chalo class ke bahar jao or murga ban kar khade ho jao...
Wo kafi sakht lehze me kehta he. Jis se Aksh turant bahar ajata he lekin wo murga nahi bana tha bas aise hi apni sapno ki duniya me duba khada tha. Kuch der baad teacher sabko kuch likhne ko kehta he or ek baar Aksh ko dekhne ke liye bahar ajata he to waha Aksh khade khade kuch soch raha tha.
Teacher: are..... Tumhe murga ban ne ke liye kaha tha na mene?
Wo Aksh ke samne ate hue kehta he.
Aksh: Sorry Sir...
Wo apni soch se bahar akar Ghabrate hue kehta he.
Teacher: aaj kya ho gaya he Aksh tumhe?
Aksh: sir wo...... wo Ambani kon he?
Uska sawal sunkar teacher kuch samajh nahi pata.
Teacher: kyu? tumhe kyu jaan na he?
Aksh: nahi sir mene to bas aise hi pucha..
Teacher: hmmm.... to Ambani India ke sabse paise wale insaan he...
Aksh: kya? Sabse paise wale? To itne paise unke paas kese kya aye?
Wo kafi heran sa rehkar teacher se puchta he.
Teacher: kyu ke wo ek kabil business man he, unka bahot hi bada karobaar he.
Aksh: kya? To fir me bhi Ambani jese hi banunga.... or ek kabil business man banunga...
Wo teacher ka jawab sunkar kafi khush ho jata he.
Teacher: thik he bann jana, lekin abhi murga bano, thik he.....
Wo Aksh ke sar se haath ferte hue kehta he. Fir Aksh murga bann jata he, or Teacher firse class ke andar chala jata he, kuch der me Class khatam hone ke baad Teacher bahar Aksh ke paas ajata he.
Teacher: Aksh ab bas, jao andar class me..
Aksh: okay sir...
Wo sidha khada hote hue kehta he. Or class me jane lagta he lekin tabhi Teacher use rok deta he, Aksh uski taraf mudkar ruk jata he.
Teacher: waise Aksh ek baat yaad rakhna, Ambani bann na katayi asaan nahi hota, uske liye tumhe bahot mehnat karni hogi.. paisa kamane ke liye kafi mehnat lagti he or sirf mehnat hi nahi tumhe bahot hoshiyaari se kaam bhi lena padega, tab kahi jaa kar tum Ambani ki tarah ban paoge...
Wo thoda niche jhuk kar Aksh ke kandhe par haath rakhte hue kehta he.
Aksh: ha sir me bahot mehnat karunga... Or ek din Ambani ki tarah ban kar dikhaunga....
Wo kafi josh ke saath jawab deta he, Teacher uski baat par muskurate hue waha se chala jata he.
Recess ke waqt sablog milkar khana kha rahe the. Lekin Aksh to ab bhi apne sapne ki duniya me khoya tha.
Sakshi: Aye bandar.... subah se Kya soch raha he?
Wo Aksh ko ek gehri soch me duba dekh kar puchti he.
Aksh: chup chap khana kha.... Chipkali....
Wo gusse me Sakshi se kehta he, lekin is se Sakshi ka chehra hi utar jata he.
Sakshi: to itna kyu gussa kar rahe ho? Bas aise hi puch liya na mene...
Wo muh fula kar apna sar jhuka ke Aksh se kehti he. Aksh ko kafi hurt hota he ke uski wajah se Sakshi udas ho gayi.
Aksh: Sorry.... Sorry.... Sakshi...
Wo apne kaan pakad kar Sakshi ke gaal par kiss karte hue kehta he, jis se Sakshi ke Chehre par ek pyari si muskurahat wapis ajati he.
Sakshi: to bata, kya soch rahe the?
Aksh: thik he, lekin pehle mujhe promise kar ke tu meri ye baat kisi ko nahi batayegi, Aai Baba ko bhi nahi...
Sakshi: are promise kisi ko nahi bataungi...
Aksh: to sunn... Me na bada ho kar Ambani ki tarah banunga or....
Sakshi: Ambani.... Ye kon he?
Wo Aksh ki baat adhe me hi kaat te hue puchti he.
Aksh: are Ambani humari country ke sabse paise wale insaan he, me bhi unki tarah banunga or fir humare paas bhi bahot sara paisa hoga jis se hum jo chahe wo kharid sakte he na....
Sakshi: sacchi? Hum Jo chahe wo kharid sakte he?
Wo kafi utsukta ke saath puchti he.
Aksh: ha.... Lekin ye baat kisi se mat kehna thik he?
Sakshi: nahi Dada..... Me kisi ko bhi nahi bataungi...
Aksh: hmm, to ab khana kha...
Or fir dono hi khushi khushi khana kha lete he.
Dopehar ko School ki chutti hote hi Aksh or Sakshi apne raste jane lagte he. Ghar akar Aksh sabse pehle apne kamre me rakha ek gullak nikal leta he jispar kafi dhul padi thi, kyu ke Aksh humesha apni jeb me hi kuch paise bacha kar rakhta tha. lekin pata nahi kyu aaj se usne apne sare paise gullak me jama karne ka faisla liya. Jab wo gullak me paise daal raha tha to Sakshi ne use dekh liya.
Sakshi: kya hua Aksh? Tu apne paise gullak me kyu daal raha he?
Piche se Sakshi ki awaz sunn kar Aksh hadbada jata he.
Aksh: ha... ha wo... me wo... ab se me apne sare paise is gullak me jama karunga... or ek din in paiso se hi apne liye cycle kharid lunga....
Uski baat Sakshi bilkul nahi samajh pati, Aksh to gullak rakh kar washroom chala jata he, lekin Sakshi wahi khade ho kar us gullak ko dekh rahi thi, or aise hi dekhte hue wo aage badhti he or apne paise nikal kar us gullak me daal deti he or aisa karne se Sakshi ke chehre par ek pyaari si muskurahat ajati he. Fir wo bhi fresh ho jate he or Radha ke saath milkar lunch kar lete he, uske baad Tino saath milkar gola kha lete he, Aksh or Sakshi kuch der TV dekh rahe the. Kuch der TV dekhne ke baad wo dono apna homework Complete karne me lag jate he. Homework Complete karne ke baad Sakshi turant So jati he, lekin Aksh ki aakho se nind koso dur thi, wo to bas Sakshi ke bagal me leta tha, achanak Uski nazar soti hui Sakshi par padti he, uska masum sa chehra or uspar bikhre baal use Kisi pari jesi Khubsurati de rahe the, use dekh kar Aksh ke chehre par bhi ek muskurahat ajati he, or wo apne haatho se Sakshi ke Chehre se baalo ko hata deta he.
Aksh(man me): chipkali..... Jab jagi hoti he to kitna satati he mujhe.... Or ab itni bholi lag rahi he......
Wo Sakshi ko dekhte hue apne man me soche ja raha tha or aise hi sochte hue uski bhi aakh lag gayi. Shaam ke waqt Radha ne dono ko badi hi mushkil se jagaya, Santosh kuch der baad ghar agaya tha, Sakshi or Aksh baramde me khel rahe the, Santosh or Radha Andar hall me bethe hue the.
Santosh: waise Radha tum keh rahi thi na Aksh kafi ziddi he, aaj usne School me mujhse kaha ke use cycle nahi chahiye...
Radha: kya? Aisa kyu kaha usne?
Wo badi herani se puchti he.
Santosh: pata nahi.... lekin me fir bhi use Cycle le kar dunga...
Radha: dekhiye me use cycle le kar dene se mana nahi kar rahi hu, lekin ab wo cycle nahi lene ke liye bhi maan gaya he to aap thode thode paise bacha kar uske liye cycle le ayiye... Apne saving se kyu paise nikal rahe ho? Ye sab saving to hum un dono ke ane wale kal ke liye hi bacha rahe he na?
Wo Santosh ke haath pe apna haath rakhte hue kehti he.
Santosh: thik kaha tumne... Hum to zyada padh nahi paye... Bas me chahta hu ke ye dono acche se padh likh kar samaj me apna naam kamaye.....
Radha: sahi kaha aapne.... Me Bas chahti hu ke jo mushkilo se hum guzre he, waisi mushkile in dono ki zindagi me kabhi na aye..
Is baat ko kehte hue Radha ki aakhe num ho jati he, Santosh Mahol ko bhari hota dekh uska dhyan bhatkane ki sochta he or uthkar Radha ka haath pakad kar use Room me le jane lagta he.
Radha: kya hua? Aise andar kyu le jane lage?
Santosh: are chalo bhi, bacche bahar khel rahe he, hum apna kaam kar lete he na...
Wo Radha ke ekdum nazdeek akar aakh marte hue kehta he.
Radha: besharam... Hato.... Na waqt na kuch.... kahi bhi kuch bhi bolte rehte ho...
Wo apna haath Santosh se chuddate hue kehti he.
Santosh: yaar kisne kaha ke pyaar karne ka waqt hota he? Chalo bhi ab...
Wo Radha ki kamar ko pakad kar kehta he.
Radha: hato..... Mujhe bahot se kaam pade he...
Wo Santosh ke changul se azad ho kar kitchen ki taraf jate hue kehti he.
Santosh: ek kaam karta hu na, Sadhu hi ban jata hu me....
Radha: jo bann na he bano, mujhe kaam karne do chup chaap....
Aise hi hasi mazak karte hue raat ho jati he, Sab milkar khana kha lete he or TV dekhne lagte he.
Raat ke kareeb 9 baje hue the, Kal Sunday tha isliye Aksh or Sakshi ko School me chutti thi.
Radha: Baccho ab jao sone.. kafi der ho gayi he...
Sakshi: Aai dekhne do na TV thodi der, kal to chutti he na hume....
Wo roti hui shakal bana kar kehti he.
Radha: chutti he to kya puri raat TV dekhte rahoge? Chalo jao jaldi....
Or wo uthkar TV band kar deti he, ab Sakshi or Aksh majburan apne kamre me ajate he. Dono apne bed par lete hue the lekin dono ko nind nahi arahi thi.
Sakshi: waise Aksh, Baba to tujhe cycle le kar de rahe the na... To tune mana kyu kar diya?
Wo Aksh ku taraf mudkar puchti he.
Aksh: are Paise kamane ke liye bahot mehnat karni padti he or mene kal raat Aai Baba ko is bare me baat karte hue bhi suna tha, to mene aaj isi liye baba se cycle lane se mana kar diya.... Or jo paise Baba mujhe roz dete he me usi se cycle kharidunga, Baba ko meri cycle lane ke liye zyada mehnat nahi karni padegi
Sakshi: accha.... Ye baat he...
Aksh: ha... Or ab tu bhi meri baat sun.... Ab se tu bhi Baba ke paas koi bhi chiz lene ki zidd nahi karegi siwaye baba jo hume school jate hue paise dete he uske.. samjhi?
Sakshi: are ye kya baat hui? To Fir mujhe khilone or baki sab kon laa kar dega?
Wo apna muh fula kar Aksh se puchti he.
Aksh: are pagal me bada hokar bahot sare paise kamaunga.... Fir tujhe jo chahiye me tujhe la kar dunga... Lekin baba ko pareshan nahi karna....
Sakshi: sachme jo me kahungi wo laa kar doge na mujhe?
Wo Aksh ko ungli dikhate hue puchti he.
Aksh: are ha tu jo kahegi wo la kar dunga me tujhe....
Sakshi: to thik he... Abse me Kisi bhi chiz ke liye Baba se zidd nahi karungi....
Aksh: ye hui na baat...
Or aise hi dono kuch der tak baate karne lagte he or fir gehri nind ke agosh me chale jate he.
Is tarah inka ye din nikal jata he, humne dekha ke Aksh ko apne sawal ka jawab to mil gaya, or ab usne mann hi mann than liya tha ke use aage jakar kuch bahot bada karna he, wahi humne Sakshi ka ek bahot hi Kindness se bhara Act dekha jab usne apne paise bhi Aksh ke Gullak me daal diye the, jis se pata nahi kyu lekin use kafi khushi hui, jaha Aksh ke dil or dimag me ye Paisa naam ki chiz enter kar chuki thi, Ab ye aage ja kar Aksh or baki logo ki zindagi me kya baldav lane wali thi ye to waqt ane par pata chal hi jayega.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Aaj thi Sunday ki subah, sab log aaj aram se so rahe the, kyu ke aaj hi wo din tha jiska intezar baccho se le kar bade bhi karte he.
Yaha Aksh or Sakshi besudh se soye hue the, or waha Santosh bhi apne kamre me nischint sa so raha tha, lekin Radha to ghar ki aurat he or uske liye Sunday koi mayne nahi rakhta tha, wo to hafte ke saato din bas ghar ko sambhalne me hi lagi rehti thi. W uthkar pure ghar ka kaam karne me jut jati he.
Subah ke 9 baje hue the, Santosh fresh ho kar hall me akar beth jata he.
Santosh: Are Radha.... Ye dono so rahe he abtak?
Wo kitchen me kaam karti Radha se puch leta he.
Radha: ha bas abhi ja hi rahi thi me un dono ko jagane....
Santosh: tum rehne do, me jaga deta hu dono ko...
Itna kehkar wo Aksh or Sakshi ke kamre me chala jata he, jaha Aksh or Sakshi bahot hi gehri nind me, apne haath per ek dusre ke upar dale soye the. Santosh aage akar dono ko awaaz lagata he lekin dono par koi farak nahi padta, dono to ghode bech kar soye hue the.
Santosh: Aksh.... Sakshi.... Utho jaldi..... Aaj me tum dono ko bahar ghumane le jane wala hu....
Uski baat sun kar Sakshi jhat se uth kar beth jati he.
Sakshi: Sach me Baba?
Wo apni adhi khuli ya aisa bhi kehna galat nahi hoga ke aadhi band aakhe le kar puchti he.
Santosh: are me sach keh raha hu.... pehle Jaag jao nind se...
Wo Sakshi ke sar me halke se marte hue kehta he. Lekin Aksh to ab bhi sapno ki duniya me hi tha.
Santosh: Aksh.... Jaldi uthja beta....
Wo Aksh ko hila kar uthane ki koshish kar raha tha lekin wo nakamyab raha.
Sakshi: Baba ye bandar aise nahi jagega... Ek minute....
Or Ye kehkar wo ulte soye hue Aksh ki pith par beth jati he, or zor zor se uske baal khinch ne lagte he.
Santosh: Sakshi.... Ye kya kar rahi he.... hatt ja.....
Wo Sakshi ko Aksh ke upar se hata deta he, lekin tabtak Sakshi ne to Aksh ki nind bigad di thi, Aksh bechara aadhi nind me uth kar beth jata he. Use pata hi nahi tha ke abhi abhi hua kya. Wo to bas apna sar sehla raha tha. Sakshi uski halat par apni hasi daba rahi thi.
Santosh: Chalo ab jaldi se tayar ho jao, fir hum bahar ghumne jayenge.....
Or fir wo kamre ke bahar chala jata he, Sakshi or Aksh bhi jaldi jaldi tayar ho jate he. Puri family milkar breakfast kar rahe the.
Sakshi: Baba.... Aap kaha le kar jaoge hume?
Wo aaj ghumne jane ki baat se bahot khush thi.
Santosh: hmmm... to hum aaj circus dekhne jayenge.... Yaha kuch duri par hi ek circus shuru hua he....
Circus ka naam sunte hi Sakshi or Aksh bahot khush ho jate he.
Sakshi: kya? Circus.... To Chalo na jaldi se....
Wo adha khana chhod kar hi uth jati he. or Santosh ka haath pakad kar use uthane ki koshish karne lagti he.
Radha: pehle pura khatam kar lo... Abhi jane me waqt he.....
Sakshi: mera ho gaya, aap sab jaldi chaliye na....
Wo circus jane ke liye bahot hi utsuk thi.
Santosh: beta pehle pura khatam karo fir hi jayenge warna circus jana cancel....
Sakshi: nahi... Nahi...... Me abhi khati hu.....
Or wo jaldi se niche beth kar apna breakfast khatam karne lagi.
Kuch der baad sab log circus jane ke liye nikal gaye. Pure Raste Sakshi or Aksh kafi khush nazar arahe the. Thodi der me wo log circus pahoch gaye andar kafi khel hue jise dekh Sakshi bahot khush thi tabhi waha ek Aadmi Bandar ka show dikhane ke liye ajata he.
Sakshi: Aai Baba, wo Dekho Aksh waha kya kar raha he? Aksh...... Aksh......
Wo us bandar ki taraf dekh kar Aksh ka naam pukar rahi thi jis se Santosh or Radha ki bhi hasi chutt gayi.
Aksh: chup kar chipkali..... Bhagwaan ne insaan banane ke chakkar me Bandariya bana di.... Huhhh
Sakshi: ha khud to Jese hero hi he na? Bandar.....
Radha: Deva...... Tum dono kabhi nahi sudhruge.... Bilkul Chup... Warna ghar chale jayenge yahi se...
Wo dono ko chup karate hue kehti he. Fir dono hi chup ho jate he or circus dekhne lagte he.
Circus khatam hone ke baad wo log bahar ajate he or waha se market me tehelte hue jane lagte he. Sakshi Santosh ka haath pakde hue chal rahi thi or uske bagal me Aksh ka haath Radha thame chal rahi thi. Aise hi chalte hue Sakshi ki nazar ek gift shop me rakhi Doll set par padti he, use dekh kar Sakshi ke Chehre par ek muskurahat ajati he, lekin Aksh ne ye sab dekh liya tha.
Sakshi: Baba... Mujhe wo.......
Wo Santosh se us Doll set ko lene ki baat karna chahti thi lekin uske bich me hi Aksh uska haath zor se jakad leta he or use gardan hila kar mana kar deta he. Sakshi ko bhi kal ki baat yaad ajati he or wo Doll na mangne ka faisla karti he.
Santosh: Kya hua?
Sakshi: n...nahi kuch nahi.....
Santosh: are.... Abhi kuch kehne wali thi na tum?
Sakshi: nahi to.... Me to kuch bhi nahi keh rahi thi....
Wo kisi tarah baat ko sambhal leti he. Fir wo sab aage badh jate he lekin Sakshi bahot udas ho chuki thi. Aksh ne use Udaas dekh liya tha lekin wo bhi kya kar sakta tha, aaj pura din ghumne firne ke baad wo log ghar ajate he. Ab raat dhal chuki thi or wo sab khana bhi kha kar aye the to sab apne kamre me chale jate he.
Sakshi or Aksh bed par lete hue the Sakshi ab bhi kuch udas si lagg rahi thi.
Aksh: Kya hua Sakshi?
Wo Sakshi ko udas sa dekh kar puch leta he. Lekin Sakshi bas Naa me gardan hilati he.
Aksh: Mujhe pata he, tujhe wo Doll set chahiye tha na?
Sakshi: ha.....
Aksh: Sorry Sakshi, Meri wajah se tu....
Sakshi: nahi.. nahi.. teri wajah se kuch nahi hua, me samajh gayi hu ke paise kamane ke liye bahot mehnat karni padti he, or Baba bhi bahot mehnat karte he, to me bhi abse Baba ke paas faltu ki zidd nahi karungi....
Aksh: dekhna Sakshi, jab me paise kamane lagunga na, to tujhe waisi 100 Doll set la kar dunga.....
Wo uthkar beth te hue Sakshi ka haath thamkar kehta he, jis se Sakshi ke Chehre se udasi hawa ho jati he, fir dono kuch baate karte hue so jate he.
Aise hi ek ke baad ek din nikalte ja rahe the, Aksh roz Santosh ne diye paise bina kharch kiya gullak me daal diya karta tha, wahi Sakshi bhi use bina pata chale apne paise Aksh ke Gullak me daal ti thi, use bahot mann karta tha ke wo un paiso se apne liye chocolate, toffee kharide lekin wo har roz apna mann maar kar paise Aksh ke gullak me daal diya karti thi, or pata nahi kyu lekin Sakshi ko aisa karne se bahot hi khushi ho rahi thi.
Lekin Dusri taraf Aksh din ba din gehri soch me duba ja raha tha, uska behavior bhi kafi change ho chuka tha, Aksh ab padhai me bhi piche padne laga, jis se uske parents ne use kafi danta bhi, lekin Aksh to is dal dal me fase hi ja raha tha.
Aise hi Kuch mahine nikal gaye, ab 2 din baad Raksha Bamdhan tha, raat ke kareeb 11 baje hue the Sakshi to gehri nind me thi lekin Aksh ko nind nahi arahi thi, wo uthkar beth jata he or uske dimag me pata nahi kya agaya, or wo uthkar apna Gullak haath me le leta he. Gullak ab kafi wazan daar ho chuka tha jis se Aksh ko kafi khushi hoti he.
Aksh(man me): isme to kafi paise jama ho gaye he.... lekin ab bhi itne paise nahi he ke me is se cycle le saku...
Wo nirasha se apne mann me soch raha tha.
Aksh(mann me): kya me Gullak ko khol kar dekh lu kitne paise jama ho gaye he? Ha chalo dekh hi leta hu.
Or wo Gullak ko kholne ka faisla karta he, jese hi usne niche se gullak khola to usme kafi paise jama ho gaye the, Aksh ek ek karke sare paise gin leta he lekin ginti khatam hote hi use herani ho jati he. Kyu ke paise uske ummid se zyada the.
Aksh(mann me): ye kya? Ye to zyada he, jabse mene Gullak me paise dalna shuru kiya he tabse to isme itne paise nahi hone chahiye the....
Wo Gullak me zyada paise pane par thoda chonk gaya tha.
Aksh(mann me): ye kese......
Wo kuch soch hi raha tha ke uski nazar Sakshi par padti he. Or use kuch waqt pehle ki baat yaad ajati he. Jab Aksh Sakshi se puchta he kya uske paas toffee lane ke liye paise he, to Sakshi mana kar deti he or kehti he ke usne to aaj un paise se Chocolate kharid li, lekin Sakshi school se ane ke baad pure din ghar se bahar gayi hi nahi thi, jis se Aksh ko kuch ajib laga lekin tab usne is baat par zyada dhyaan nahi diya tha. Lekin ab Aksh ko kuch gadbad lag rahi thi.
Aksh(mann me): kahi ye Sakshi bhi to mere Gullak me paise nahi dalti? Kya me use abhi puch lu? Nahi kal subah puch leta hu....
Or wo itna sochte hue sare paise Gullak me wapis daal deta he or apni soch me duba gehri nind me chala jata he.
Dusri din Aksh school jane se pehle apne kamre me Sakshi se is bare me puchta he.
Aksh: Sakshi.... Kya tu tere paise bhi is Gullak me dalti he?
Uske sidhe sawal se Sakshi thoda hadbada jati he.
Sakshi: n...nahi..... M..me kyu Tere Gullak me paise dalu.... Cycle to tujhe leni he na?
Aksh: Lekin.....
Sakshi: ab jaldi chal.... Baba ruke he bahar.....
Aksh aage kuch kehta Ke Sakshi itna bol ke apna school bag utha kar bahar bhag jati he.
Ab Aksh tehra ek chota baccha use kuch samajh nahi aya or usne bhi is baat ko chhod diya.
Sakshi: Baba, Kal Raksha Bandhan he na, to aap is bandar ki taraf se mujhe kya tofa dene wale ho?
School jate waqt Bike par aage bethi Sakshi Santosh se puch ti he.
Santosh: are ye kya baat hui bhala? Tofa aise batate thodi na he....
Sakshi: batao na Baba....
Santosh: bilkul nahi bataunga..... Kal hi dekh lena...
Or aise hi bate karte hue wo school pahoch jate he. Apni class me bethe hue Aksh kuch soch raha tha.
Aksh(mann me): humesha Raksha Bandhan par Baba hi Sakshi ko Gift dete he.... Is baar to mere paas kafi paise he.... Kya me hi Sakshi ko Gift de du? Haa.... Ye thik hoga, lekin use kya du me? Are haa... Sakshi ko ek baar wo Doll set pasand aya tha na... Wahi le kar de deta hu use.... Ha ye thik he...
Ye sab sochte hue uske chehre par hasi ajati he, Sakshi use is Tarah hasta dekh leti he.
Sakshi: Aye Bandar..... Kyu has raha he?
Wo Aksh ko kohni se marte hue puchti he.
Aksh: n....nahi kuch nahi.....
Wo hadbadate hue jawab deta he tabhi class teacher andar ajati he.
School se ghar jane ke baad Sab khana kha lete he, aaj bhi Sakshi ne chupke se Aksh ke Gullak me Paise Daal diye. Aaj Aksh Santosh ka besabri se intezar kar raha tha. Sham ke 5 baje Santosh ghar ajata he Aksh ko us se baat karni thi lekin Sakshi bhi wahi thi to wo kuch baat nahi kar paya, kuch der baad Radha or Santosh apne kamre me chale gaye, Sakshi TV dekhne me gum thi, Aksh ne moke ka fayda uthaya or chupke se Santosh ke paas chala gaya.
Aksh: Baba..... Baba.... Chaliye jaldi.....
Wo tezi se kamre me akar Santosh ka haath pakad kar use khichte hue kehta he.
Santosh: are kya baat hui? Batao to sahi....
Aksh: Baba kal Raksha Bandhan he to Sakshi ke liye Gift lene chalte he na....
Santosh: ha wo me le aunga..... Kuch der baad tumhare Mama ko lene ke liye ja raha hu na station tab ate hue le aunga Sakshi or Anu (Mama ki Beti) ke liye gift....
Aksh: nahi Baba.... Aap nahi laoge me launga...
Radha: kya matlab tum laoge?
Wo dono Aksh ki baat ko samajh nahi pate.
Aksh: wo Baba mene na Gullak me paise jama kare he, to me un paiso se hi Sakshi ke liye gift lunga.... Or aap Sakshi ko mat batana....
Uski baat sunke Dono heran ho jate he, wo dono hi apne bete par naaz kar rahe the.
Radha: bada samjhdar ho gaya mera beta to....
Wo Aksh ka matha chumkar kehti he. Fir Aksh Santosh ke saath market chala jata he or jaha Sakshi ko wo Doll set pasand aya tha usi shop se Doll set kharid leta he. Uske paas ab bhi kuch paise bache hue the, jis se wo Anu ke liye bhi ek Gift le leta he. Fir wo dono ghar ajate he, Santosh ne uska Gift apne kamre me rakh diya tha, thodi der baad wo Aksh ke Mama or Mami ko lene station chala jata he. Jab Santosh unko le kar ghar aya to sab bahot khush ho gaye.
Sakshi: Mama.... Mami......
Wo Dono ko darwaze par dekhte hi unki taraf dod padi or ja kar unke gale lag gayi. Aksh bhi jaldi se unke paas ajate he.
Rohan: are meri jaan..... kese ho tum dono?
Wo dono ka sar sehla te hue kehta he.
Sakshi: aap kabhi ate kyu nahi ho mama humse milne?
Wo apna muh fula kar puchti he.
Rohan: are sorry beta.... lekin ab agaya hu na, or kuch din hum yahi rehne wale he.
Wo Sakshi ka chehra apne hatho me thamkar kehta he. Jise sunkar Sakshi or Aksh kafi khush ho jate he.
Fir sablog milkar khana kha lete he, khana hote hi Anu, Sakshi Or Aksh khelne lagte he.
Radha: chalo baccho ab sone jao..... Bahot der ho chuki he....
Sakshi: Aai... Khelne do na thodi der....
Anu: Ha Bua khelne dijiye na..... Please...
Radha: are tum ab kuch din yahi ho na to aram se khelna... Itni raat ho gayi he ab jao, Subah jaldi uthna he sabko...
Or wo tino ko andar Sone ke liye bhej deti he. Aksh, Sakshi or Anu ek kamre me soye the, ya ye kehna galat nahi hoga ke kamre me dhum macha rahe the. Kafi der khel kud karne ke baad tino so hi jate he.
aaj Raksha Bandhan ka din tha, subah subah pure ghar me in tino baccho ka hi shor macha hua tha, tino ek saath khel rahe the.
Radha: Anu, Sakshi..... Ab Raakhi Bandhogi bhi ya pura din bas khelna hi he?
Anu: Bua Aksh kaha bhaga ja raha he, khelne do na....
Radha: tum logo ka khelna to kabhi khatam hi nahi hoga... Chalo jaldi pehle Raakhi bandho fir khel lena....
Or fir wo sab hall me ikhatta ho jate he. Radha apne bhai ko raakhi bandh ti he, Anu or Sakshi Aksh ko Raakhi bandh dete he.
Sakshi: Baba.... Mera Gift...
Santosh: beta me to Gift laya hi nahi....
Uska jawab sun kar Sakshi ka chehra hi utar jata he. Uske aakho se bas Asu ana reh gaya tha.
Sakshi: Kyu nahi laye?
Santosh: are mene to tumhare liye gift lane wala tha, lekin Aksh ne mujhe mana kar diya....
Ab Sakshi Aksh ko kha jane wali nazro se dekhne lagti he.
Santosh: Are Are.... Aise mat dekho use, mera matlab he ke Tumhare liye Gift me nahi laya, lekin Aksh ne khud tumhare liye Gift liya he.
Is baat par Sakshi thoda heran si reh jati he, Tabhi Radha us Doll set ko Aksh ke paas de deti he.
Aksh: Ye le tera Gift...
Wo Gift Sakshi ke haath me dete hue kehta he. Sakshi nasamjhi ki halat me hi us se Gift le leti he or use kholne lagti he, jese hi Wo Doll set Sakshi ke samne aya to uske hosh ud jate he. Doll set dekh kar Uske chehre par bahot hi pyaari Muskurahat ajati he. Wo jaldi se us Box ko open kar ke Dolls apne haatho me le leti he. Or ye Doll set pane ki khushi me wo ye bhul jati he ke akhir ye Gift Aksh kese laya. Anu apne Gift ke liye Aksh ko thank you kehti he or fir Santosh or Radha ko.
Radha: beta hume Thank You mat kaho, ye Gift Aksh apne paiso se laya he.
Ab ye baat Sunkar Sakshi thoda alert si ho jati he.
Rohan: matlab?
Radha: are Aksh khud paise bacha kar use jama karta gaya, or kal usne khud Sakshi or Anu ke liye Gifts kharide.
Sacchayi samne ate hi Sakshi ka dil to jese tut sa jata he. Uski Akho me Aansu ajate he. Or wo Doll set ko wahi niche Dalkar Aksh ki taraf badhti he or use khinch kar thappad marti he. Sakshi ki is harkat par sab heran se reh gaye the, Aksh apna gaal par haath rakh ke Sakshi ko dekhe ja raha tha.
Aksh: Kitna bura he Aksh tu..... In paiso se to apne liye cycle lene wala tha na? Fir kyu kharch kiye tune apne paise?
Wo rote hue bahot hi Chillakar Aksh se puch rahi thi, Aksh ke paas is sawal ka koi jawab nahi tha.
Radha: Sakshi ye kya tarika he….
Wo Sakshi ko piche khinch te hue kehti he. Lekin Sakshi to bas roye ja rahi thi.
Sakshi: mujhe nahi chahiye koi Gift…. Le jao ise yaha se…
Wo chillate hue kehti he or us bikhre doll set ko laat maar ke bhag kar apne kamre me chali jati he. Radha or baki sab use chup karane ke liye andar chale jate he, bahar Aksh akela khada tha, wo aage badh kar us Doll set ko uthata he, us box me se Sari Dolls or baki sab niche gir gaya tha. Aksh sabkuch samet kar Box me daal deta he, or Box ko apne Parents ke kamre me rakh deta he, or khud ghar se bahar chala jata he.
Yaha ghar me sabne Sakshi ka rona band karwa diya tha.
Radha: beta aise gussa hona acchi baat nahi he, Aksh ne itne pyaar se tunhare liye gift layi wo bhi apne paise bacha kar.. or tum ne aisa kiya, use kitna bura laga hoga ab.
Wo Sakshi ke bagal me beth kar uske sar pe haath ferte hue Sakshi ko samjha rahi thi. Sakshi ko bhi ab realize ho gaya ke usne galat kiya.
Sakshi: Sorry Aai……
Wo apne kaan pakad kar Radha se mafi mangti he.
Radha: mujhse nahi, Aksh se maafi mango… or itne pyaare tofe ke liye use Thank You bhi kaho….
Sakshi: thik he Aai… me abhi Aksh se Sorry bol deti hu…
Or ye kehkar wo bahar Hall me ajati he, lekin Aksh to waha tha hi nahi, sablog bhi uske piche piche hi hall me agaye the.
Sakshi: Aksh….. Aksh…..
Wo kabse Aksh ko pukarti he lekin Aksh to ghar ne hi nahi tha.
Radha: kaha chala gaya ye ladka? Aap dekhiye na jaldi se bahar use..
Wo ghabrayi si Santosh se kehti he.
Santosh: are tum ghabrao mat… me dekhta hua use….
Fir Santosh or Rohan Aksh ko dekhne ke liye bahar ajate he. Sakshi ko ab darr lag raha tha ke Aksh kaha chala gaya.
Dusri taraf Aksh ghar se nikal kar bas Raste se guzar raha tha.
Aksh(mann me): yaar mene to socha Sakshi wo Gift dekh kar khush ho jayegi… lekin usne to mujhe hi thappad maar diya…. Pagal ladki he ek number ki….. huhhh….. koi baat nahi uska gussa shant hone ke baad us se baat karunga….
Wo bas aise hi sochte hue chal raha tha or chalte chalte wo main Road par agaya, tabhi waha ek Supercar ajati he, Aksh to us car ko bas dekhta hi reh gaya. Tabhi wo car samne ke Car Showroom me ruk jati he. Aksh jaldi se waha chala jata he. Waha ja kar wo gate se hi us car ko dekhne lagta he, us car ko dekhte waqt Aksh ke chehre par kafi khushi nazar arahi thi. Lekin tabhi piche se 2 log guzarte he wo Aksh ko dekh rahe the.
Aadm: are ye ladke ko to dekh…. Aise gaadi ko dekh raha he jese ke ye car wo kharidne wala he hahahah….
Wo apne saath chal rahe aadmi se kehta he or dono hi Aksh par Hasne lagte he. Aksh ka dil to is se tut sa jata he. Fir wo us jagah se nikal jata he or apne Ghar ke raste chal padta he. Aadhe Raste me Santosh or Rohan use dikhte he. wo dono jaldi se Aksh ke paas ajate he.
Santosh: Aksh…. Kaha chala gaya tha beta?
Wo Aksh ke sar pe haath ferte hue puchta he.
Aksh: Baba me to wo apne Dost Soham ke paas gaya tha lekin wo to ghar pe nahi tha…
Santosh: kam se kam bata kar jana chahiye tha na beta…
Wo Akah ka chehra apne hatho me thamkar kehta he.
Aksh: Sorry Baba….
Wo apni nazre jhuka kar kehta he.
Rohan: ab chalo jaldi ghar…. Wo sab chinta kar rahe honge….
Fir wo dono Aksh ko le kar ghar ajate he.
Ghar pe Sakshi to apni nazre darwaze par hi tikaye ruki thi. Jese hi Aksh use ata dikhayi deta he to wo Dod kar Aksh ke paas jati he or uske Gale lag jati he.
Sakshi: Sorry Dada…… Sorry….. lo tum bhi mujhe maro…..
Wo rote hue Aksh se alag hoti he or uska haath pakad kar apne gaal par marne lagti he.
Aksh: are ye kya kar rahi he tu?
Wo Sakshi se apne haath chuddate hue kehta he.
Sakshi: Sorry Aksh…. Tum gussa to nahi ho na mujhpar?
Aksh: Nahi to…. Me kyu gussa honga….. or ek minute ruk yahi….
Itna kehkar wo apne parents ke kamre me chala jata he or us Doll set ko le kar bahar Sakshi ke samne aake khada ho jata he.
Aksh: hmm… ye le… ab firse fekna mat ise….
Wo Doll set ko Sakshi ke hatho me dete hue kehta he. Sakshi us se Doll set le leti he, or wo kafi khush bhi lag rai thi.
Sakshi: Thank You Dada….
Wo Aksh ko gale laga kar kehti he.
Fir sab kuch pehle jesa Normal ho jata he. Sakshi or Anu to Aksh ne di Doll set ke saath khelte thak hi nahi rahe the.
Raat ko Sablog so rahe the. Lekin Aksh ko nind hi nahi arahi thi, uske dimag me bas us Aadmi ki hi baate ghum rahi thi. Aksh ko us baat se hurt bhi hua tha, wo bas soch raha tha ke use bhi waise hi car leni he. Kafi der tak karwate badalne ke baad uski aakh lag hi jati he.
Or is tarah se inka din nikal jata he. jaha Aksh ke dimag se pehle wali chiz gayi bhi nahi thi ke ab us aadmi ki baat bhi Aksh ke dil o dimag me chap si gayi thi. Kuch samay baad jab Aksh ka birthday tha, tab Santosh ne use Cycle gift lar di, lekin pehli baar Aksh ko Santosh ne diya gift pasand nahi aya. Kuch mahino baad dono ka result tha, Aksh ke grades kafi kam ho chuke the, jis se Santosh or Radha ne use danta bhi lekin ye sil sila kuch saalo tak jari raha, har saal Aksh ke grades kam ate, har Saal Sakshi padhayme hoshiyaar ho rahi thi. Aksh ab kafi chup chup sa hone laga tha, ab Aksh or Sakshi 10th me chale gaye, or ab unka results tha. Dekhte he inka results aage kya mod lata he.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Aaj ka din har students ke liye bahot hi bhari din hota he, kyu ke aaj 10th ke results ane the, Sakshi or Aksh ke bhi aaj haal bura tha, Ek Taraf Sakshi soch rahi thi ke use kitne percentage milenge, wahi Aksh to soch raha tha ke wo pass bhi hoga ya nahi....
Sakshi or Aksh is waqt Aksh ke kamre me the.
Sakshi: mujhe bahot hi darr lag raha he Aksh.... Kitne percentage milenge mujhe?
Wo kamre me yaha se waha chakkar lagate hue Aksh se puchti he.
Aksh: ye sahi he..... tujhe percentage ki chinta ho rahi he, yaha pe mere pass hone ke Chance nahi he....
Sakshi: pura saal to kehti rahi na me tujhse padh le padh le... Lekin nahi... Baat kaha manega tu?
Wo Aksh ke samne gusse me apne kamar pe dono haath rakh kar kehti he.
Aksh: ab chhod bhi ye baat.... Or waise bhi mene soch liya he ke me ab aage padhai nahi karne wala...
Or wo uthkar samne ki table ki taraf chala jata he or table par rakhi bahot si books me se ek book nikal kar use padhne lagta he. Ab yaha Aksh ko padhai me bilkul mann nahi lagta tha, lekin use Self Development, Inspirational, Spiritual Books padhna pasand tha.
Uski baat sunkar Sakshi heran si reh jati he.
Sakshi: mere samne bol diya tune wo thik he, galati se Aai Baba ke samne mat bol dena.. bewajah pitt jayega nahi to tu...
Aksh: to usme konsi badi baat he.... Zindagi to waise bhi pitt hi rahi he, Aai Baba bhi haath saaf kar lenge....
Wo ek Sarcastic hasi ke saath kehta he.
Sakshi: Aksh tu kyu aisi baate karta rehta he?
Wo aage badhkar Aksh ke kandhe par haath rakh kar kehti he.
Aksh: yaar mera bilkul mann nahi karta padhai karne ka.... Ghutan si hoti he mujhe school ki kitabe padhne se....
Wo apne haath me jo book thi use table par rakh kar badi hi frustration me akar kehta he.
Sakshi: accha? To ye kitabe to kitni shok se padhta he tu....
Aksh: in dono kitabo me zameen asmaan ka fark he Sakshi.... Teri wali kitabe sirf or sirf padhai tak hi simit he, lekin ye... Ye wali kitabe zindagi ke daav pej sikhati he....
Sakshi: Deva.... Tu or teri baate....
Wo apne mathe par haath marte hue kehti he.
Sakshi: ab ye sab chhod or college me to acche se padhai kar lena...
Aksh: dekhte he....
Or aise hi kuch der tak dono wahi bethe rahe, kuch der baad Results ka time ho gaya tha, sab log bahar hall me jama the, Sakshi apni sari details daal kar page load hone ka intezar apne haath jodkar kar rahi thi, jese hi page load hua, to sabke chehre par khushi ajati he, wajah sirf ye nahi thi ke wo pass ho gati, balki use 94% mile the. Aksh bhi uske liye bahot khush tha lekin ab baari Aksh ki hi thi, jese hi Page load hota he to sabke chehre par jo khushi thi wo ek pal me hawa ho jati he or sab kafi nirash se khade the. Darasal Aksh pass to ho gaya tha lekin use sirf 38% mile hue the.
Santosh: Are.... Tum sab udaas kyu ho gaye? Bhai sahab ne passing mark se pure 3% zyada number laye he...
Wo Aksh ko taana marte hue kehta he.
Sakshi: Baba....
Santosh: Bolu De Mala (Mujhe bolne Do)
Wo Sakshi ko haath dikhate hue kehta he. Jis se Sakshi bhi chup ho jati he. Aksh to bas apna sar jhukaye khada tha, or Santosh uske paas ajata he.
Santosh: Pata nahi konsi konsi kitabe padhta rehta he din bhar.... Beta agar thodi si padhai kar li hoti to kam se kam muh dikhane layak number to ajate tere.....
Aksh: Baba ye School wali kitabe to bas insaan ko khacchar bann na sikhati he, bas ye sikhati he ke ek accha khacchar kese bane... Me jo kitabe padhta hu na wo ye samjhati he ke in khaccharo ki race se alag kese ho...
Wo Santosh ki akho me akhe dale bina dare apni baat samne rakhta he.
Santosh: jin logo ki kitabe padhta he na tu... Wo bass kahaniya he, asli Zindagi nahi....
Aksh: sahi kaha aapne... Or wahi log ye bhi batate he ke apni khud ki kahani kese likhe....
Santosh: beta is kahani ko chalaye rakhne ke liye society ke saath chalna hota he.... Warna use log Pagal ghoshit kar dete he.
Aksh: huhhh... Society.... Baba jab me is society par nazar dalta hu na, to mujhe apne charo taraf jhut dikhta he, sab nakli he, sablog acting karte he, ek natak chal raha he, ek script he jo kayi saal pehle koi likh kar chala gaya, wo darr ki script, wo maze marne ki script, sirf paise ke piche bhagne ki script... Or jab me unki script ke hisab se nahi chalta to ye log mujhe Pagal kehte he, me inki script ke hisab ss nahi chalunga, meri kahani, meri script me khud likhunga....
Santosh: huhh.... Pagal ho gaya he tu....
Wo apni gardan ko hilate hue kehta he.
Aksh: haha.... Ek junoon he, ek sukoon he, ek Ishq he, ek Muhabbat he... Jise aap sab pagalpan keh rahe ho, or sirf aap hi nahi agar ye puri duniya ke 700crore log akar bhi mujhe kahenge na ke tu pagal ho gaya he, me fir bhi apne Pagal pan ko khatam nahi hone dunga...
Is baar Santosh ko bahot gussa ajata he, lekin Aksh us se ek or aisi baat karne wala tha jis se Shayad Santosh apna aapa kho bethe...
Aksh: or waise bhi mene soch liya he ke mujhe ab padhai nahi karni.....
Uski baat sunte hi Santosh use kas kar thappad laga deta he, aaj pehli baar ye din agaya tha jab Santosh ko apne baccho par haath uthana pada.
Uske thappad marte hi Radha aage akar Santosh ko rok deti he or use thoda piche karti he, Aksh apna sar jhukaye khada tha Sakshi uske paas akar Aksh ka haath tham leti he.
Santosh: Suna..... Suna kya keh raha he ye? Padhai nahi karni? To kya karna he tujhe? Bata?
Wo bahot hi gusse me unchi awaz me Aksh se puchta he.
Radha: aap shant ho jayiye....
Santosh: are kese shant ho jau? Kese? Aye din ye ladka bigadne laga he....
Radha: aap chup ho jayiye me samjhati hu use.... Aap chaliye andar...
Fir Wo Santosh ko andar kamre me le jati he.
Sakshi: Aksh tujhe kaha tha na mene Aai Baba ke samne ye baat mat kar fir kyu tune meri baat nahi suni?
Aksh: jane bhi de na Sakshi.... Thappad hi to khaya he..
Wo ek Sarcastic hasi ke saath kehta he.
Sakshi: Aksh meri.....
Radha: Sakshi zara Pani le kar ana.....
Wo andar se hi Sakshi ko awaaz lagati he.
Sakshi: tu ja andar kamre me... Me bas abhi ayi....
Or wo kitchen se pani ka glass le kar Apne parents ke kamre me chali jati he. Lekin tabhi Aksh ghar ke bahar chala jata he.
Sakshi or Radha ne Santosh ko shant kar diya tha, fir Sakshi Aksh se baat karne ka sochti he, or kamre se bahar ajati he, lekin Aksh waha nahi tha to Sakshi uske kamre me dekhti he to Aksh waha bhi nahi tha. Ab Sakshi ke paas uska wait karne ke siwaye koi rasta nahi tha.
Yaha Aksh apne ghar se nikal kar Soham ke ghar chala jata he, waha Soham ki mummy ne door open kiya.
S. Mummy: are Aksh.... Aao andar ajao....
Wo Aksh ko ghar me bulate hue kehti he.
S. Mummy: to kitne percentage mile tumhe?
Aksh: kya Aunty aap bhi.... Ye puchna chahiye ke paas bhi hua ya fail... Aap to percentage par agayi....
Wo andar sofe par beth te hue kehta he.
S. Mummy: are aise kese.... Mera beta bahot hoshiyar he...
Wo Aksh ke sar se haath ferte hue kehti he, tabhi Soham apne kamre se bahar ajata he.
Soham: or bata bhai.... Fail ho gaya?
Wo piche se akar Aksh ke khande par thapki marte hue puchta he.
Aksh: dekha Aunty... Ye hota he tarika puchne ka....
S. Mummy: bakwas mat kar... Kitne percentage mile wo bata...
Aksh: pure 38%
S. Mummy: ohhh... Koi baat nahi ab College me Dil laga kar padhai karna, thik he?
Aksh: dekhte he....
S. Mummy: tum betho me dono ke liye sharbat le kar ati hu.....
Or wo Kitchen me dono ke liye sharbat banane chali jati he.
Soham: yaar chal tension na le.... Games khelte he...
Aksh: me kyu tension lunga... Chal...
Or wo dono beth kar Games khelne lagte he.
Ghar pe sab log khana khane ke liye Aksh ka intezar kar rahe the. Lekin uska koi ata pata hi nahi tha.
Radha: Pata nahi kaha chala gaya ab ye ladka?
Sakshi: Aai, wo zarur Soham ke ghar gaya hoga... Tum call kar ke pucho na...
Radha: Sahi kaha.... Kabhi bata kar to jata nahi he ladka...
Wo kafi pareshani se kehti he, or Soham ke ghar pe call kar deti he.
Is waqt Soham ki Mummy kitchen me khana banane me lagi thi or Soham, Aksh hall me games khel rahe the, tabhi Soham dekhta he ke Radha ka call aya he.
Soham: Oye... Teri Aai ka call aya he.....
Aksh: are yaar..... Tu bolde ki me ghar ane ke liye nikal gaya hu...
Soham: me jhut kyu bolu bhai?
Aksh: accha?
Or itna kehkar Aksh ghar se bahar chala jata he.
Aksh: ab bata dena sach....
Soham: Are Aksh.... Abe sunn to....
Wo darwaze par ja kar Aksh ko awaaz lagate hue bolta he, lekin tabtak to Aksh dur nikal gaya tha. Soham call pick kar ke Radha ko bata deta he ke Aksh ghar chala gaya.
Yaha Aksh ghar jane ki bajaye dusre raste chal padta he, kuch der me hi wo ek Garage par pahoch jata he, jaha Ek aadmi car ki marammat kar raha tha.
Aksh: Salam Karim chcha.....
Karim: are Aksh.... Salam.. Salam.... Aja andar....
Wo piche Aksh ki taraf mudkar kehta he.
Karim: are aaj to tere Results the na? Kya hua?
Aksh: kya hona tha, pass ho gaya or Gift ke rup me Baba ka Thappad bhi mil gaya....
Wo andar akar ek car ke bonnet par beth the hue kehta he.
Karim: Thappad? Or wo kis liye?
Aksh: wo mene pure 38% marks laye is liye....
Karim: hmm... To tu Santosh se naraz ho kar ghar se chala aya?
Wo Aksh me paas akar uske kandhe par haath rakhte hue kehta he.
Aksh: n... Nahi... To... Me kyu naraz hounga....
Wo Karim ke sawal ka hadbadate hue jawab deta he.
Karim: wahh... Dekh Aksh bhale hi humara koi khun ka rishta nahi he, lekin tereko bachpan se janta hu me...... Dekh Aksh... Santosh ki isme koi galati nahi he, are me janta hu na yaar usne kitni mehnat ki he bachpan se... Are wo to chahta he ke tu or Sakshi ek sukoon bhari zindagi jiyo.... Is liye wo kabhi kabhi Sakth ho jata he....
Aksh: Chacha me Baba se naraz nahi hu, me to apne aap se naraz hu, samajh hi nahi ata kya hoga aage... Apne sapno par kaam karu, lekin dusri taraf dekhta hu to ye duniya to kisi alag hi disha me dod rahi he....
Uski baat par Karim use halke se sar pe marta he.
Karim: abe tu itna bhi bada nahi hua he jo duniya or iski baate kare...
Aksh: kya chacha aap bhi... Kuch saal or nahi karunga is duniya ki baate, lekin parents to bachpan me hi apne baccho ko is chuho ki daud me daal dete he na.... Yahi se to Shuruwat hoti he in sab ki....
Wo Karim ki Akho me akhe daal kar kehta he.
Karim: yaar tu itni badi badi baate kar kese leta he be?
Wo Aksh ke paas se uthkar thoda aage ki taraf khade hote hue puchta he. Jis par Aksh halka sa muskura deta he.
Karim: dekh beta.... Padhai likhayi par dhyan de, or ek accha insaan bann...
Aksh: kyu chacha... Jo log padhe likhe nahi hote kya wo acche insaan nahi he.... Aap hi dekh lo.... Aapne kaha padhai ki he, lekin aap to kitne acche insaan ho....
Karim: are bhai tu rehne de.... Tere saath kabhi behes nahi kar sakta me mere baap....
Wo piche mudkar Aksh ke samne haath jodte hue kehta he. Or firse apne kaam me lagg jata he.
Aksh: waise ek baat puchu chacha?
Kuch der baad Aksh ke dimag koi baat ajati he jise wo Karim se puchna tha.
Karim: ha puch na....
Wo apna kaam jaari rakhte hue kehta he.
Aksh: kya aap mujhe apne paas kaam par rakhoge?
Uska sawal sun kar Karim apna kaam rok deta he or Aksh ki taraf dekhne lagta he.
Karim: ab ye kya naya natak he tera?
Aksh: natak? Nahi.. nahi... Me to sach me ye kaam sikhna chahta hu....
Karim: are tereko to business karna he na to ye kya he?
Aksh: Aap please bataye na.... Kya mujhe aap yaha kaam par rakhoge?
Karim: are Aksh... Ye tera hi garage he or apne hi garage me koi nokri karta he kya?
Aksh: thik he... To aap nokri par mat rakhna... Lekin please aap mujhe ye kaam to sikha hi sakte ho na...
Karim: beta....
Aksh: please chacha.....
Karim: chal thik he.... Sikha dunga tujhe ye kaam...
Uska jawab sunkar Aksh bahot hi zyada khush ho jata he.
Karim: waise tune khana khaya ya nahi?
Aksh: ahhh... Ha... Ha mene kha liya...
Wo haklate hue Jawab deta he.
Karim: huhh... Jhut bhi bolne laga tu to? Chal ab... Ghar ja kar khana kha lete he... Teri chachi ne Biryani banayi he aaj.... Pasand he na tujhe?
Wo Aksh ke nazdeek akar uske sar pe haath ferte hue kehta he. Fir wo dono Karim ke ghar jane ke liye nikal jate he, Karim ne Santosh ko call kar ke bata diya tha ke Aksh uske saath hi he, or wo khana kha kar ayega.
Suraj ab dhire dhire dhalne laga tha, Aksh Karim ke saath khana kha kar Garage par kaam sikh raha tha, Dusri taraf ghar pe Sakshi or uski dost Neha apne ghar ki chatt par bethi hui thi.
Neha: yaar Sakshi.... College me ja kar kitna maza ayega na?
Wo bahot hi utsukta ke saath Sakshi se kehti he.
Sakshi: hmmm... Sahi kaha.. waha ab school se alag hi mahol hoga...
Neha: wahi to.... School me to kitne strict rules hote he... Lekin ab College me aisa kuch nahi hoga... Na kisi ki rok tok... Ab jab chahe class bunk karenge or....
Sakshi: kya kaha? Class bunk... Huhh.. wo tu akeli hi karna... Me nahi karne wali koi class bunk wunk...
Wo Neha ki baat ko bich me kaat te hue kehti he.
Neha: yaar kya Sakshi tu bhi... Kitni boaring he tu...
Wo apna muh fulakar Sakshi ko dhakka dete hue kehti he.
Sakshi: are... Isme boaring ki kya baat he? College me padhai karne jate he, na ke class bunk karne...
Wo Halke se Neha ke sar me thapki marte hue kehti he.
Neha: yaar Sakshi masti karne ke yahi to lamhe hote he.... Ek baar bade ho gaye to sab matang me badal jata he...
Sakshi: accha? Or wo kese?
Neha: are baba.... Bade ho jane ke baad fir job karo.... Uske baad shadi... Or....
Sakshi: ek.. ek... Minute... Tu itni dur shadi tak kaha chali gayi.... Wapis aa... Pagal...
Neha: kya dur.... Dekhna jese hi padhai khatam hogi na to gharwale shadi ke piche pad jayenge.... Huhhh...
Wo apna muh fulate hue kehti he.
Neha: Waise Sakshi tujhe kesa husband chahiye?
Uske sawal par Sakshi bahot sharma jati he.
Sakshi: ye...ye kya baate le kar beth gayi tu... Chup kar...
Wo Gusse se Neha ko aakhe dikhate hue kehti he.
Neha: bata bhi de na yaar Sakshi....
Wo Sakshi ko kohni marte hue kehti he. Ispar Sakshi apne chehre par bikhre balo ko apni ungliyo se kaan ke piche le jati he. Or wo kafi sharma gayi thi.
Sakshi: m...mujhe nahi pata....
Neha: hayee... Dekho to kese sharma rahi he...
Wo Sakshi ko dhakka marte hue kehti he jis par Sakshi ke chehre par hasi ajati he.
Neha: waise mujhe na.... Mujhe na..... Aksh husband ke roop me chahiye.....
Wo khudko hi apni baho me bharte hue kehti he. Lekin is se Sakshi Gussa ho jati he.
Sakshi: chup.... Ye kya keh rahi he tu?
Wo gusse me Neha se puchti he.
Neha: tu gussa kyu ho rahi he?
Sakshi: kuch nahi... Bas chup kar tu....
Wo narazgi se kehti he.
Neha: accha sorry baba.... Kyu gussa hoti he... Has bhi de jaldi se....
Or wo Sakshi ki kamar me gudgudi karne lagti he, jis se Naraz bethi Sakshi khil khila kar hasne lagti he.
Neha: waise Sakshi... Kya me itni buri hu jo Aksh ki wife nahi ban sakti?
Kuch der baad wo Sakshi se puchti he.
Sakshi: are pagal.... tu buri nahi he... Wo ladka hi alag he.. use samajh pana har kisi ke bass ki nahi he... Pata nahi kab kya kar de...
Neha: aisa nahi he.. Aksh bahot accha ladka he...
Sakshi: to mene kab kaha ke wo bura he... In fact us se accha insan to mene apni zindagi me nahi dekha... Bas tu use kabhi samajh nahi payegi...
Neha: accha? To Aksh ko samajhne wali kabhi milegi bhi?
Sakshi: zarur milegi... Zarur milegi......
Wo bahot hi gehri soch me akar kehti he. Kuch der dono chup si wahi bethi rehti he. Tabhi Radha un dono ko niche bula leti he, niche kuch nashta karne ke baad Neha apne ghar chali jati he.
Is waqt raat ke khane ka waqt ho raha tha, waha Karim pure din Karim ki zidd karte hue bhi Aksh ghar nahi gaya, ab Karim Garage band hone ka waqt tha, Karim use apne saath khane ke liye kehta he lekin Aksh mana kar deta he or apne ghar ke raste chal padta he. Or yaha Ghar pe sab uska intezar kar rahe the, Santosh ab uspe thoda gussa ho gaya tha, Sakshi darwaze par ruk kar Aksh ki raah dekh rahi thi, wo janti thi ke Santosh Aksh par gussa karne wala he to wo mahol ko sambhalne ke liye tayar thi, tabhi use Raste se Aksh ata dikhayi deta he. Aksh baramde me agaya tha Sakshi use gusse se dekh rahi thi.
Aksh: aise kyu dekh rahi he?
Wo ghar ke darwaze ke bahar hi baramde me ruk kar puchta he.
Sakshi: ye kya waqt he Aksh ghar ane ka? Firse Baba ko gussa dila diya na?
Wo bahot hi dhimi awaaz me Aksh se kehti he.
Aksh: Baba ka mujhpar gussa karna koi nayi baat thode na he.... Ab hatt samne se....
Wo Sakshi ko Darwaze se hatate hue kehta he or ghar ke andar ajata he.
Santosh: bahot jaldi agaye laat sahab aap to?
Lekin Aksh bas uski baat khatam hone tak waha rukta he or sidha apne kamre me chala jata he.
Santosh: dekha.... He koi sharm... Jawab diye bina hi chala gaya....
Wo gusse me Radha se kehta he.
Radha: aap jane dijiye na.... Wo pehle se pareshan he or aap he ki...
Wo Santosh ko shant karate hue kehti he.
Radha: Sakshi ja use khane ke liye bula la....
Sakshi: ha abhi bulati hu....
Or ye kehkar wo Aksh ke kamre me chali jati he jaha Aksh bed par leta hua tha.
Sakshi: oh hero... Kaha ghum raha tha din bhar tu?
Wo andar akar Aksh ke bagal me beth te hue Aksh se puchti he.
Aksh: Karim chacha ke yaha tha pata nahi kya tujhe?
Sakshi: accha? Pura din kya kar raha tha waha?
Aksh: kuch nahi... Bas aise hi time pass kar raha tha...
Sakshi: tu itna thaka hua kyu lag raha he?
Aksh: thodi thakan to lagg rahi he....
Sakshi: chal pehle khana kha le... Badme me tere haath per daba dungi....
Aksh; are nahi mujhe bhuk nahi he tum log kha lo....
Ispar Sakshi Aksh ka haath pakad leti he or use sidha bitha deti he.
Sakshi: Aksh.... Kabtak Baba se naraz rahega tu? Wo tera bura thodi na chahte he...
Aksh: are yaar tu na.... Mujhe sachme bhuk nahi lagi he... Mene Karim chacha ke ghar pe hi Biryani kha li thi... Ye ghas pus tu kha.... or tujhe pata he na mujhe non veg khane se firse bhuk nahi lagti...
Sakshi: sach keh raha he na?
Aksh: to jhut kyu bolunga... Puchle chacha ko call kar ke...
Sakshi: chal ab tu keh raha he to maan leti hu.
Or fir Sakshi bahar akar Radha or Santosh ko ye baat bata deti he fir tino milkar khana kha lete he, khane ke baad Sakshi Radha ke kaam me haath bata rahi thi, kaam khatam hone ke baad wo Aksh ke kamre me us se kuch baat karne ajati he lekin dekhti he ke Aksh to kafi gehri nind me tha. To Sakshi apne kamre me ja kar so jati he.
Or is tarah inka ye din nikal jata he, jaha Aksh or Santosh ke bich kafi gehma gehmi ho gayi thi, aaj humne dekh ke Aksh kis tarah se apni baate bina dare samne rakhta he, lekin ab uski ye adat bakiyo ke liye kesi hogi ye to ane wala kal hi batayega.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Ek or chehekti subah, adha ugta hua suraj is duniya me laali faila raha tha, ek bahot Khubsurat nazara pesh kar raha tha, or is Khubsurat nazare ko Aksh apne ghar ki chatt par khada dekh raha tha. Uske dimag me is waqt kafi baate chal rahi thi, ab wo kya soch raha tha ye to Aksh khud jane.
Wahi Sakshi subah subah naha kar tayar ho chuki thi. Din chuttiyo ke ho ya fir normal days, Sakshi humesha se jaldi uthkar tayar ho jati, or sabse pehla uska jo kaam hota wo Bhagwaan ke samne haath jodkar prarthana karna.
Sakshi(mann me): Deva... Aapki Krupa drushti aise hi hum sab par banaye rakhna... Or Aksh ko thodi sadbuddhi dena... Humesha bewajah sabse behes karta rehta he... Please use samjhana Deva....
Wo apni aakhe band kare apne pure dil se Bhagwaan ke samne haath jode khadi thi, uski har roz ki prarthana me Aksh ka naam zarur hota tha, kuch der baad Sakshi bhi upar chatt par jane ka sochti he, wo jese hi upar pahochi to usne dekha ke Aksh badi gehri soch me waha suraj ki taraf dekh raha tha. Sakshi aage akar Aksh ke kandhe par haath rakh deti he.
Aksh: kuch nahi.... Bas accha lagg raha he yaha par to ruk gaya me....
Jese hi use apne kandhe par Sakshi ka haath mehsus hua usne bol diya.
Sakshi: hmm... lekin mene to kuch pucha hi nahi...
Wo Aksh ke bagal me khade ho kar Aksh se kehti he.
Aksh: kyu? Yahi to puchne wali thi na tu?
Wo Sakshi ki akho me dekhte hue kehta he.
Sakshi: Bavlat(Pagal).....
Wo muskurate hue Aksh ke sar me marte hue kehti he.
Kuch der tak dono bas Suraj ki ugti kirano ko nihar rahe the, thodi der baad Sakshi ko Aksh se baat karne ka ye sahi waqt laga to wo Aksh se baat karne ka sochti he.
Sakshi: Aksh meri ek baat manega tu?
Wo bina Aksh ko dekhe hi puchti he.
Aksh: konsi baat?
Fir Sakshi Aksh ki taraf dekhne lagti he.
Sakshi: dekh Aksh me janti hu ke tujhe ye padhai wadhai me bilkul intereste nahi he lekin.....
Aksh: yaar Sakshi please ab tu subah subah shuru mat ho jana....
Wo Sakshi ki baat bich me kaat te hue kehta he.
Sakshi: Dada meri baat to sunn na pehle... Mujhe ek baat bata, tujhe padhai nahi karni to tu kya karega tabtak?
Aksh: pata nahi... lekin kabhi na kabhi kuch zarur karunga...
Sakshi: to fir tabtak padhai kar le na.... Abhi teri koi umar bhi nahi he jo tu kuch kar sake... Ek baar tu 18 ka ho gaya to jo tera dil kare waisa hi karna... Me humesha tera saath dungi.... Or agar tab bhi Aai Baba tere faisle ke khilaf honge to me fir bhi tera hi saath dungi... Lekin please tabtak padhai kar lena....
Wo Aksh ke samne khade ho kar uske haath thamkar kehti he, ab Aksh bhi sochne par majbur ho gaya ke akhir wo padhai chhod kar kya karega...
Sakshi: bolna Dada meri itni si baat manega na?
Ab Aksh kafi gehri soch me tha. Or shayad usko apne sawal ka jawab bhi mil gaya.
Aksh: thik he....
Uske jawab se Sakshi bahot hi khush ho jati he, or kas kar Aksh ko gale laga leti he.
Sakshi: thank you Aksh meri baat maan ne ke liye...
Aksh: ha... is baar teri baat maan li mene, Lekin ye mat samajh lena ke har baar teri mann mani chalegi...
Wo Sakshi ko apne se alag kar ke use ungli dikhate hue kehta he.
Sakshi: thik he..... Matt maan na meri baat, lekin ab se acche se padhai karna, thik he?
Uski baat ka jawab Aksh bas apni gardan ha me hila kar deta he.
Fir wo dono kuch der tak upar chatt par hi bate karte hue beth jate he.
Santosh apne kaam par janeke liye tayar ho chuka tha.
Santosh: Radha... Aksh ko bulao... Mujhe us se baat karni he.
Radha: dekhiye subah subah shuru mat ho jana ab aap, kya baat karni he?
Santosh: us se akhri baar puchunga ke padhai karni he ya nahi... Warna...
Sakshi: Baba aap chinta mat kijiye.... Aksh to bas aise hi bol raha tha ke use padhai nahi karni...
Santosh: chalo thik he.... Me chalta hu...
Or wo apne kaam par chala jata he. Tabhi Aksh apne kamre se bahar ajata he or sidha ghar ke bahar jane lagta he.
Radha: Aksh kaha ja raha he t subah subah?
Wo Aksh ko darwaze par hi rokte hue puchti he.
Aksh: Karim chacha ke yaha ja raha hu or me sham ko 4 baje aunga ghar pe...
Or ye kehkar wo bahar chala jata he
Radha: 4 baje? Lekin... Aksh... Aksh... Sunn to...
Wo piche se Aksh ko pukarti he lekin tabtak to wo nikal gaya tha.
Radha: pata nahi kab sudhrega ye ladka?
Sakshi: kya Aai tum bhi... Aksh kaha bigda hua he jo sudharne ki baat kar rahi ho...
Wo aage akar Radha ke gale me bahe dalte hue kehti he.
Radha: ha... Tu to bas humesha uski hi tarafdari karti reh..... Dada chi ladki (Bhai ki ladli)
Wo narazgi se Sakshi se alag hote hue kehti he.
Sakshi: isme tarafdari ki kya baat agayi Aai? Uski soch thodi alag si he, or mujhe usme koi galat baat nahi lagti or me uski kisi bhi galat baat me saath nahi deti....
Radha: Rahude Rahude (Rehne do).... Bahot bolne lagi he ab tu bhi...
Wo Sakshi ke sar pe halke se thapki marte hue kehti he.
Aise hi dono masti mazak me ghar ke kaam nipta dete he, waha Aksh Garage par pahoch gaya tha. Karim use chote mote kaam sikha raha tha or Aksh bhi mann laga kar kaam sikh raha tha, lekin jab Karim apne customers se baat karta to Aksh kafi bariki se unki baate sunta tha, kyu ke Karim ke sare customer us se bahot hi friendly tarike se baat karte the, Karim ne apne customers ko shikayat ka mauka kabhi bhi nahi diya tha or isi wajah se har koi Karim se kafi acche se baat karte, or is area me Karim ka hi ek lauta garage tha kisi me itni himmat nahi thi ke wo yaha par ek Garage open kare, kyu ke log humesha Karim se hi apni gadiyo ki marammat karwate the. Aise hi waqt nikalta gaya, dopehar ko khane ka samay ho gaya tha, Karim Aksh ko apne saath ghar le gaya jaha wo log khana kha kar firse garage agaye.
Karim: Aksh bahot der ho gayi he, ab chala ja tu ghar pe.
Aksh: nahi chacha me shaam ko chala jaunga....
Karim: are Aksh tu thak gaya he, ghar ja aram kar le....
Aksh: chacha me nahi thaka hu, chaliye kaam par lagg jate he.
Or wo aage badh kar apna adhura kaam pura karne me lagg jata he.
Karim(mann me): ise samajh pana namunkin he... Yaa Khuda... Iski humesha madat karte rehna, ye ladka kuch alag hi he... Lekin dil ka kafi saaf he....
Or fir Karim bhi apne kaam me lagg jata he. Shaam ke 4 baje hue the Karim Aksh ko ghar jane ko kehta he, Aksh ka dil ghar jane ke liye nahi kar raha tha, lekin Karim ki zidd par wo ghar chala jata he, Raste me jate hue Aksh ko usi Showroom me ek Supercar dikhit he, jaha bachpan me do admiyo ne uska mazak udaya tha, us car ko dekh kar Aksh ke chehre par hasi ajati he.
Aksh(mann me): bahot jald tu mere paas bhi hogi... Thoda sabr kar.. huhhh
Or wo apne mann me apne ane wale future ko plan karte hue ghar ke raste chala gaya. Ghar akar wo fresh ho jata he, kuch der baad ghar pe Soham or Neha bhi aye hue the, charo milkar upar apni chatt par bethe dhalte suraj ka Khubsurat nazara dekh rahe the.
Neha: yaar me to College jane ke liye bahot hi exited hu, kitna maza ayega....
Wo bahot hi khushi se kehti he lekin Soham usi khilli udane ki sochta he.
Soham: accha? Me janta hu tu kyu exited he... Dekh itna exite hone ki koi zarurat nahi he... Kyu ke teri shakal Bandariya jesi he, or Bandariya ko koi ladka ghaas bhi nahi dalta... Samji...
Uski baat se Sakshi zor zor se hasne lagti he lekin Neha bahot gusse me ajati he or sidha Soham ka collar pakad leti he.
Neha: kutte.. kya kaha tune.... Me Bandariya.... khud to joker lagta he, or mujhe Bandariya bol raha he..
Wo zor zor se Soham ka collar pakad kar use age piche karte hue bol rahi thi, Sakshi in dono ki masti par hass rahi thi lekin Aksh to bas dhalte suraj ko ek takk dekhe ja raha tha. Or Sakshi use is tarah se dekh leti he.
Soham: kya soch raha he Aksh tu?
Aksh: kuch nahi..... Bas dekh raha hu ke jese ye suraj dhal raha he, waise hi meri life bhi dhalte ja rahi he...
Uski baat se wah ka sara mahol hi badal jata he, lekin Sakshi ko is baat par kafi gussa ajata he lekin wo bina gussa dikhaye Aksh ke bagal me beth jati he.
Sakshi: to tu apne aap ko is suraj ki jagah dekh raha he na?
Wo samne dhalte Suraj ko dekhte hue Aksh se puchti he, Aksh uske sawal par sirf Sakshi ko dekh raha tha.
Sakshi: jawab de na Aksh
Aksh: ha.....
Sakshi: to fir tujhe ye sacchayi kyu nahi dikhayi deti ke Yahi Suraj dhalte hue bhi is puri duniya ko kitna Khubsurat bana deta he, khud jal kar dusro ki zindagi me sawera lata he... Aksh tu kyu humesha aisi ulti sidhi bate karta rehta he? Me... Me....
Or wo apni baat puri kiye bina hi waha se niche chali jati he, Soham or Neha use samjhane ke liye uske piche hi chale ate he, Lekin Aksh Sakshi ko naraz kar ke kafi bura mehsus kar raha tha, Aksh kuch der wahi betha rehta he.
Kuch der baad Soham or Neha bhi apne ghat chale gaye the, Aksh ko Sakshi se baat karni thi lekin Sakshi us se Naraz lagg rahi thi or wo bas ghar ke kaam karne me lagg jati he, Aksh ko us se baat karne ka mauka nahi milta.
Raat ko sab log milkar khana kha lete he, khane ke baad Sakshi Radha ka kaam me haath batane lagti he, Aksh tabtak bahar walk ke liye chala jata he, jab wo ghar aya to Radha or Santosh TV dekh rahe the, Sakshi ko waha na dekh kar Aksh us se baat karne uske kamre me chala jata he. Jaha Sakshi bed par badi hi gehri soch me leti hui thi, Uske kamre ka darwaza khula hua tha Sakshi ko pata nahi chalta ke Aksh waha aya he tab Aksh darwaze ko knock karta he jis se Sakshi hosh me ajati he or Darwaze par Aksh ko khada dekh uthkar beth jati he. Aksh andar akar pehle darwaza lock kar deta he or ja kar Sakshi ke samne niche apne ghutno par beth kar uske haath thaam leta he.
Aksh: sorry Sakshi..... Me janta hu tu meri kahi baat se naraz he, or tera naraz hona sahi bhi he, lekin.... lekin me kya karu, me nahi janta ke kyu me aisi baate karta hu... Samajh hi nahi araha ke me kyu aisa banta ja raha hu, kabhi kabhi me apne aap se nafrat karne lagta hu... Kya karu Sakshi me tu hi bata....
Sakshi: You find peace not by rearranging the circumstances of your life, but by realizing who you are at the deepest level, Eckhart Tolle...... Jin Authors ki kitabe padhta he tu, unki hi bate he ye...
Wo halki si num akhi se kehti he, jis se Aksh ke chehre par ek hasi ajati he.
Aksh: sahi kaha... Lekin kayi baar Practicality in sari baato par kese na kese haawi ho hi jati he... Or us waqt bahot dard hota he... Sabse zyada to tab, jab humare pyaar karne wale log humse naraz ho jaye...
Sakshi: me koi naraz nahi hu tujh par....
Wo Aksh se nazre ferte hue kehti he.
Aksh: to fir aise nazre kyu fer rahi he..... Ab maaf bhi kar de.... Aage se kabhi aisi baate nahi karunga..
Wo Sakshi ke haath kaste hue kehta he lekin wo koi response nahi deti.
Aksh: ab maan bhi jana... Oye chipkali....
Bas Aksh ke muh se ye nikla ke Sakshi ka gussa satve asman par chala jata he, or wo Aksh se apne haath chhuda kar uska collar pakad leti he.
Sakshi: tujhe kitni baar kaha he ue mat bola kar mujhe.... Samajh nahi ata tere....
Wo bahot hi gusse me usko dhakke dete hue kehti he. Uska gussa dekh Aksh has padta he or fir Sakshi bhi uska collar chhod deti he.
Sakshi: please Aksh age se aisi utpatang baate mat kiya kar...
Aksh: ha nahi karunga.... Ab so ja.. mujhe bhi bahot nind arahi he.
Sakshi: okay...
Or fir Aksh waha se apne kamre me chala ata he, aaj pura din kaam karne se wo kafi thak chuka tha isliye bed par let te hi uski aakh lagg jati he.
Or is tarah inka ye din nikal jata he, jaha humne dekha ke wo Aksh jo kisi ki nahi manta use Sakshi ne bas kuch palo me apni baat manva li, or wo Apni padhai continue karne ke liye razi ho gaya, jaha Aksh mann laga kar Karim se kaam sikh raha tha, lekin jab bhi Karin apne customers se baat karta to Aksh unko kafi note karta tha. Wahi Sakshi ki apne bhai se narazgi, jo jayaz thi, use Aksh ne dur kar hi diya. Ab inki life ne aage kya mod ate he ye dekhna interesting hoga.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Kehte he na ke jab akho me bade sapne hote he to nind kahi dur bhaag jati he, jab dil me kuch karne ka jasba ho to har ek pal katna muskil sa ho jata he, kuch aisa hi Aksh ka haal tha. Jagti raate mushkil se kat te din, ye sab Aksh ko andar hi andar ek behtar insan banane ki koshish me the, isi tarah din nikalte ja rahe the, Aksh har roz Karim ke Garage par jata, waha mann laga kar apna kaam karta, Karim ki logo se baat karne ki style ko bade gaur se dekhta.
Aise hi kuch mahine beet gaye the, ab bari thi college admissions ki, Sakshi ne science stream me admission liya tha, Lekin Aksh Commerce lena chahta tha lekin Santosh or Radha ne use Science stream choon ne ko kaha, wo dono chahte the ke Aksh aage ja kar engineering ki padhai kare, Sakshi ke samjhane par Aksh maan gaya dono ko admission ek hi college, ek hi class me hua tha. Wahi Neha bhi Science me dono ke saath hi thi, lekin Soham ne Commerce stream chuni thi.
Kuch waqt aise hi guzar jata he, 4-5 dino baad sabke College start hone wake the. Ek din Aksh raat ko kareeb 8 baje Garage se ghar ata he, wo aaj kafi thak chuka tha, jese hi wo ghar ke andar aya to Santosh samne hi betha hua tha, Aksh sidha apne kamre me jane ke liye aage badhta he ke Santosh use rok leta he, tabhi waha Sakshi bhi ajati he.
Santosh: Aksh sunn... Kal hum sab 2-3 din ke liye tumhare Mama ke ghar ja rahe he, apna saman pack kar lena...
Aksh: Baba mujhe nahi jana kahi....
Wo rukhe swar me Santosh se kehta he, uske jawab se Santosh thoda gussa ho jata he. lekin Sakshi samajh jati he ke ab mahol bigadne wala he.
Santosh: Kyu nahi jana?
Aksh: bass mujhe nahi jana....
Santosh: Aksh dekh apni mann mani karna band kar de me bata raha hu....
Wo gusse me Aksh ko ungli dikhate hue kehta he.
Aksh: mann mani? Konsi mann mani karne di aapne mujhe? Are yaha tak ke padhai bhi apni marzi se karne ka moka nahi diya mujhe aapne... Or keh rahe he ke mann mani mat kar.... Mann mani to aap log kar rahe ho mujhpar.
Wo thodi unchi awaaz me Frustrate hokar kehta he, uski awaz se Radha bhi bahar ajati he, Santosh uski baat se kafi gussa ho gaya tha, wo Aksh ko thappad marne ke liye aage badha hi tha ke Sakshi or Radha bich me akar use rok lete he.
Radha: aap shant ho jayiye na....
Santosh: kese shant ho jau? Dekha nahi kese baat kar raha he ye ladka.... Are tere acche ke liye kehta hu me...
Aksh: aap jo kehte he wo acche ke liye, or jo me kehta hu wo mann mani? Huhhh....
Wo Santosh ki akho me dekhte hue kehta he, or waha se apne kamre me chala jata he.
Radha: aap chaliye... Andar...
Santosh: are kya chaliye..... Dushman nahi hu me uska...
Radha: ha aap baadme shanti se baat kar lena us se.... Abhi chaliye andar...
Or wo Santosh ko apne kamre me le jati he.
Ab Sakshi jaldi se Aksh ke kamre me jati he jaha Aksh kafi gusse me betha hua tha. Sakshi andar akar uske paas beth jati he.
Sakshi: Aksh tu na bewajah behes karta rehta he sabse...
Sakshi: Baba ne bas yahi kaha na ke hume Mama ke yaha jana he, to fir mana karne ki kya zarurat thi tujhe?
Ispar Aksh sirf Sakshi ko udasi se dekhne lagta he.
Sakshi: ab kya dekh raha he aise?
Aksh: tu bhi palat gayi na....
Sakshi: kya matlab?
Aksh: kya kaha tha tune mujhe? Humesha mera saath degi? Or ab...
Sakshi: ek minute... Ha Mene kaha tha ke me humesha tera saath dungi lekin galat baato me kabhi nahi....
Wo Aksh ki baat bich me kaat te hue kehti he.
Aksh: accha matlab me hi galat hu? Sabko bas me hi galat lagta hu....
Is baat ko kehte waqt Aksh ke akho me Aansu ajate he, jise dekh kar Sakshi puri tarah sehem si jati he.
Sakshi: A....Aksh... Tu..... tu ro kyu raha he?
Wo Aksh ka chehra apne haatho me thamkar uske Aansu saaf karte hue puchti he
Aksh: to kya karu? Koi nahi samajhta mujhe.... Koi nahi.... bas jo wo chahte he waisa hi mujhe karne ko bola jata he... Kya kabhi Aai Baba ne ye jaan ne ki koshish bhi ki he ke me kya chahta hu? Kabhi unhone mujhe pucha ke mujhe aage ja kar kya karna he? Kabhi mere dil ki baat jaan ne ki koshish ki dono ne? Nahi na.... Jo wo kehte aye he bas wahi kar raha hu na me? Kya mujhme koi feeling nahi he? Humesha apni haar baat apne dil tak hi rakhta hu na me, kis se share karu?
Wo rote hue Sakshi se kehta he, use rota dekh Sakshi ki bhi aakhe num ho jati he.
Sakshi: Aksh Aai Baba tera accha hi chahte he na... Lekin unki soch alag he, jesa tu sochta he waisa wo log nahi samajhte... Lekin Aai Baba bhi to apni jagah sahi he na...
Wo Aksh ke behte Aansu saaf karte hue kehti he.
Sakshi: or tujhe kon kehta he apni baate mujhse share na kiya kar? Me to dil se chahti hu ke tu apni sari baate mujhse share kiya kar... Lekin ye tu he.. jo bada introvert bana firta he..
Wo Halke se Aksh ke sar me thapki marte hue kehti he.
Sakshi: Or ek baat humesha yaad rakhna Aksh... Me kabhi tere khilaf nahi khadi ho sakti... Kabhi nahi....
Wo Aksh ke haath thamkar uski Aakho me dekh kar kehti he. Jis se Aksh ko kafi sukoon milta he.
Sakshi: chal ab ye rona band kar... Or khana kha le...
Wo Aksh ki num aakhe pochte hue kehti he.
Aksh: mujhe bhook nahi he...
Sakshi: Lekin....
Aksh: mene keh diya na mujhe bhook nahi he...
Sakshi: thik he.... Or ha me Aai Baba ko bol deti hu ke me bhi kal Mama ke ghar nahi arahi...
Aksh: kuch bolne ki zarurat nahi he... Araha hu me kal...
Sakshi: Aksh tujhe samajhna na sachme mushkil he..
Or Fir wo Aksh ke kamre se bahar ajati he.
kuch der me khane ka waqt ho jata he.
Santosh: ab use khana bhi nahi khana kya?
Wo Aksh ko waha na dekh kar puchta he.
Radha: me abhi bulati hu use...
Wo Aksh ke kamre ki taraf badhte hue kehti he
Sakshi: Aai... Mene pucha tha use.. wo mana kar raha he, Tum please abhi kuch mat kaho us se.. baad me kha lega wo....
Wo Radha ko bich me rokte hue kehti he, fir Radha bhi yahi thik samajhti he or khana parosne ke liye ajati he, lekin Sakshi use bethne ko kehti he.
Sakshi: Aai, tum beth jao... Me parosti hu aapko...
Radha: kyu tujhe nahi khana?
Sakhsi: n..nahi Aai me badme kha lungi...
Radha: are Lekin...
Sakshi: Aai tum beth jao...
Wo Radha ki baat kaat te hue kehti he, fir Santosh or Radha ko khana parosti he, khane ke baad Radha or Sakshi sara kaam nipta dete he, kuch der TV dekhne ke baad Santosh or Radha apne kamre me chale jate he, tab Sakshi uthkar Kitchen me ajati he or ek thali me khana paros kar Aksh ke kamre me chali jati he.
Waha Aksh bed par lete hue koi Book padhne ki koshish kar raha tha lekin aaj uska kisi bhi chiz me mann nahi lagg raha tha, tabhi Sakshi andar ajati he, use dekh kar Aksh uthkar beth jata he.
Sakshi: chal ab bahot padh liya tune, khana khale jaldi se. ..
Wo bed par Aksh ke bagal me beth te hue kehti he.
Aksh: mujhe bhuk nahi lagi...
Wo bina Sakshi ko dekhe hi jawab deta he. Tab Sakshi khane ki plate ko side me rakh kar Aksh ke hath par apna haath rakh deti he.
Sakshi: to kabtak bhuka rehna he tujhe? Aisi situations to life me ati rahengi... To Kya humesha ke liye khana chhod dega?
Aksh: aisi baat nahi he... Wo bass mera mann nahi kar raha...
Sakshi: mann to tera padhai karne ka bhi nahi tha.... Chal ab jaldi se kha le...
Wo plate apne haath me le kar ek niwala Aksh ki taraf badhate hue kehti he. Ab Aksh bhi phre din kaam kar ke thaka hua, bhuka tha, to usne bhi Sakshi ke haath se niwala kha liya.
Aksh: tune khaya?
Sakshi: me badme kha lungi...
Wo plate me dekh usme se roti todte hue kehti he. Tabb Aksh uske haath se Plate le leta he, or ek niwala bana kar Sakshi ke samne karta he, Sakshi muskurate hue uske haath se niwala kha leti he. Fir dono hi milkar khana kha lete he, kuch der tak bate karne ke baad Sakshi apne kamre akar so jati he. Dusre din sab log milkar apne Mama ke ghar chale jate he, waha do din rehkar wo log wapis apne ghar ajate he.
Aaj inke College ka first Day tha, Sakshi or Aksh college jane ke liye bilkul tayar the, Santosh or Radha se ijazat le kar dono ghar se bahar nikal jate he, Soham or Neha unhe adhe raste me mil jate he or ye charo milkar apni nayi Zindagi jine ke liye chal padte he, kuch der me wo sab unke college ke samne pahoch gaye the, college ki chehel pehel, waha ka mahol dekh kar Sakshi, Neha or Soham ke chehre par muskurahat ajati he lekin Aksh ke reaction kuch khas nahi the.
Neha: wow.... Kitna accha lagg raha he na.. mujhe to puri raat nind nahi ayi pata he...
Soham: sahi kaha... Or ab raat ko jagne ki adat daal hu de tu..
Sakshi: wo kyu?
Soham: are... Ab security Guard ki naukri karne ke liye raag ko jagna bhi to ana chahiye na.... Lekin Neha.. tu bahot acchi Security Guard banegi...
Wo Neha ke khande par haath rakh kar kehta he uski baat se Sakshi hasne lagti he lekin Neha ka gussa satve asman par chala jata he.
Neha: kutte.... Tu na... Ruk... Rukja...
Or Wo Soham marne ke liye uske piche dod padti he.
Dono ko dekh kar Sakshi kafi has rahi thi lekin Aksh bas college ki taraf dekh raha tha.
Sakshi: kya hua Aksh?
Aksh: kuch bhi to nahi...
Sakshi: to chal ab andar....
Or wo dono college gate ke andar chal padte he. Andar akar charo ek saath ruk jate he, Soham Commerce me tha or uski Building dusri taraf thi to wo tino ko bye bol kar apni class me chala jata he, yaha tino bhi apni class me ajate he, class me sari ladkiya ek taraf bethi hui thi, or sare ladke ek taraf... Sakshi or Neha first bench par hi beth gaye lekin Aksh ja kar second last bechn par beth jata he.
Kuch hi der me unka class teacher waha ajata he, sab students use Good Morning wish karte he or apni jagah par beth jate he.
Teacher: to Student.... Welcome to your class, and I'm your class teacher.
Wo apni books table par rakhte hue kehta he.
Teacher: to dekho... Me waise koi sakht teacher nahi hu, lekin jab baat padhai ki ati he to.....
Wo apne haath apas me masalte hue kehta he, uski baat sare students samajh jate he. Fir sab students apna introduction dete he, yaha par Sakshi class topper thi, jis se teacher khush ho jata he. Ab bari ladko ke introduction ki thi, bari bari sablog apna introduction dete he ab Bari Aksh ki thi, Aksh apni jagah par hi uthkar khada ho jata he.
Teacher: to... Kya naam he tumhara?
Aksh: Aksh... Aksh Joshi....
Teacher: ohh... Matlab to ye tumhara Bhai he?
Wo Sakshi ki taraf dekhte hue puchta he. Sakshi bhi muskurate hue use Haa me jawab de deti he.
Teacher: kya baat he... Meri class me to 2 topper agaye... To kitne percentage mile tumhe Aksh?
Aksh: sir... 38%
Uska jawab sun kar Teacher ki hasi chutt jati he.
Teacher: kitne? 38%.. hahaha... Kyu Sakshi.. tumne isko thik se padhaya nahi kya? Hahaha..
Wo haste hue Sakshi se puchta he, lekin is se Sakshi ko bahot zyada gussa ajata he.
Sakshi: to kya ho gaya agar use kam percentage mile he to?
Wo rukhe swar me apni jagah par uthkar puchti he.
Teacher: are ab chhodo bhi... Is baar shayad... I mean pakka koi ek Fail hone wala he.
Wo Aksh ki taraf dekhte hue kehta he.
Sakshi: matlab kisi student ke marks kam hote he to wo padhai me accha nahi hota?
Teacher: agar padhai me accha hota to marks itne kam na hote na...
Sakshi: waise ek Acche Teacher kabhi apne Students me koi bhed bhaav nahi karte.. balki unka hausla badha kar un students par zyada dhyan dete he..
Wo Teacher ko tana marte hue kehti he.
Teacher: accha? To tumhara matlab ye he ki me accha Teacher nahi hu?
Sakshi: ab......
Aksh: sir aap chinta mat kijiye... Aapke class ka results 100% ayega...
Wo Sakshi ki baat puri hone se pehle hi bol padta he.
Teacher: accha? Or wo kese?
Aksh: aapko kal pata chal jayega sir...
Teacher: dekhte he... To chalo class shuru karte he..
Fir wo apni class shuru kar deta he. Sakshi ka mood thoda kharab ho chuka tha, aise hi ek ke baad ek period hote gaye.
Lunch break me Aksh ko Sakshi se baat karni thi, lekin Sakshi apne class ki topper thi to uski ek hi din me kafi sari saheliya bann gayi thi, or wo sab milkar canteen me bethe hue the, tabb Aksh Soham ke paas janeka sochta he or adhe raste me hi use Soham bhi mil jata he, dono Canteen me ek taraf bethe hue the, break khatam hone ke baad sablog firse apni apni class me agaye.
Dopeher ke waqt College ki chutti ho jati he, Sakshi or Neha ke saath 2 ladkiya or thi jo unke ghar ke raste me hi rehti thi, to wo bhi unke saath hi chal padti he, Soham or Aksh unke piche piche hi baate karte chal rahe the. Kuch duri par Neha or Soham apne raste chale jate he or Sakshi, Aksh or ek ladki saath chal dete he.
Jab Sakshi or Aksh ghar pahoche to dekha ke Santosh or Radha unka hi intezar kar rahe the, or wo dono hi kafi naraz se lagg rahe the.
Sakshi: kya hua?
Wo dono ka gambhir chehra dekh kar puchti he.
Santosh: kya zarurat thi Teacher ke saath behes karne ki?
Wo sakht lehze me puchta he, darasal Us Teacher ne apni class khatam karte hi dono ke Parents ko call kar ke aaj ki baat bata di thi.
Radha: Sakshi tujhse aisi ummid bilkul nahi karte hum...
Sakshi: kya galat keh diya mene? Wo acche teacher nahi he to nahi he... Agar hote to Aksh se is tarah baat nahi karte wo.... Or agar unho ne firse Aksh se aisi baat ki to me bhi unse isi tarah se baat karungi...
Wo bahot hi gusse me kehti he or bina kisi ki baat sune apne kamre me chali jati he.
Santosh: bass yahi baki tha... Iski hawa lagg gayi Sakshi ko bhi....
Wo Aksh ki taraf ungli karte hue Radha se kehta he. Aksh bhi waha se nikal jate he or Sakshi ke kamre me ajata he, jaha Sakshi bahot gusse me apna muh fulaye bethi thi. Aksh aage akar uske bagal me beth jata he.
Aksh: yaar kya Sakshi tu bhi... Gussa mujhe ana chahiye tha jo kuch aaj hua us se.. lekin tu kyu itna ubal rahi he?
Sakshi: dekh Aksh mujhe is bare me koi baat nahi karni he...
Aksh: are yaar jane bhi de na ab... Kal se koi gadbad nahi hogi..
Sakshi: tu kya keh raha tha Sir se ke kal pata chal jayega? Kya soch raha he tu?
Wo sawalo se bhari nazro se Aksh ko dekhte hue puchti he.
Aksh: are wahi batane ke liye tujhse baat karna chahta tha lekin koi mauka hi nahi mila... Khair.. to me kal apni Division change kar dunga or dusri class me chala jaunga jis se....
Sakshi: kya kaha? Aise thappad laga dungi tujhe samjha?
Wo Aksh ki baat bich me kaat te hue thappad marne ka ishara karte hue kehti he.
Aksh: are yaar.. meri baat to sunn...
Sakshi: kuch nahi sunn na mujhe... Or tu koi class change nahi karne wala....
Wo Aksh ko ungli dikhate hue kehti he.
Aksh: ab meri baat sunn... Dekh Sakshi mujhe padhai nahi karni thi lekin mene teri baat maan kar padhai karne ka faisla kiya, mujhe science me admission nahi lena tha lekin tabb bhi mene teri baat maani, ab tujhe meri baat maan ni padegi...
Sakshi: lekin.....
Aksh: ab tere paas do option he.. ek to me class change kar du... Ya me padhai chhod du?
Wo Sakshi ki baat ko kaat te hue kehta he.
Sakshi: aisa kuch nahi hone wala... Tu padhai bhi karta rahega or class bhi change nahi karega... Bass..
Or wo uthkar washroom ki taraf jane lagti he. Lekin Aksh use piche se rok deta he.
Aksh: Sakshi tu janti he agar me Zidd karne laga to kisi ki nahi sunta... To ab choice teri he....
Sakshi: thik he.. jo tujhe karna he kar...
Wo kafi gusse me kehti he.
Aksh: yaar Sakshi is me itna gussa karne jesi kya baat he... Me bass dusri class me hi to ja raha hu na... or wo bhi isliye ke pata nahi kal ko meri or Sir ki kaha suni ho gayi to... Mujhe ek to gussa jaldi ajata he, or pata nahi gusse me me unko kya keh du...
Wo aage akar Sakshi ke haath apne hatho me thamkar kehta he.
Sakshi: lekin ye kya baat hui Aksh...
Wo royi si shakal bana kar puchti he.
Aksh: please Sakshi... Maan bhi ja ab.... Mene teri tini baate mani, or tu meri ek baat bhi nahi maan rahi he..
Ab Sakshi kafi majbur ho gayi thi, kyu ke wo janti thi ke Aksh kitna ziddi he.
Sakshi: thik he...
Uski haami milte hi Aksh khush ho jata he, or fir wo bhi apne kamre me akar change kar ke khane ke liye beth jata he.
Khana khate hi wo nikal jata he Karim ke Garage par. Waha ja kar roz ki tarah Aksh mann laga kar kaam karne lagta he. Ab Aksh kafi hadd Tak gadiyo ka kaam sikh chuka tha. Pure din kaam karne ke baad raat ko 7 baje Karim use ghar jane ko kehta he, apna mann maar kar Aksh apne ghar ajata he or fresh ho kar book padhna shuru kar deta he thodi der baad Radha use khane ke liye bulati he or sab log milkar khana kha lete he or badme apne apne kamre me ja kar so jate he.
Or is tarah aaj ka din nikal jata he, Update ki Shuruwat me humne dekha ke Aksh or uske parents ke bich tanav kese banta rehta he. Jaha Aksh puri tarah se tuta hua dikhayi de raha tha, lekin use sawarne ka kaam Sakshi ne bakubhi kiya.
Wahi College ke pehle din hi Teacher or Aksh ki kaha suni ho gayi thi, or ab Aksh ne class change karne ka bhi decision le liya tha. Ab dekhna interesting hoga ke aage kya hota he.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Join Our
Discord Server
For Daily Updates
