UPDATE*86
Pari—mai is roop me tumhe nahi maar sakti….is roop me to maine tumse sirf pyar kiya hai….tumhe maarne ke liye hi maine alag roop me janam liya hai…..
Divya—koun se roop me…?
Pari—chinta mat karo .....tumhare hi ghar me hu main.......
Divya—kyaaaaaaa.....koun.......hamare hi ghar me...OMG
AB AAGE.......
Mai—maine jo bhi kiya vo sab mujhe dhyan to nahi hai lekin tumhare kahne ke anusar jo bhi maine kiya vo galat tha....
Pari—ab bahut der ho chuki hai saajan tumhe sab kuch samajhne me…..mai janti hu divya ne apne pyar se tumhe poori tarah se badal diya hai….tumhare andar ki burayi ko divya ke pyar ne achchhayi me badal diya hai…
Divya—vo koun hai jo hamare hi ghar me hai…agar aap ghar me ho to phir yaha kaise…..?
Pari—mai to sirf Pari ka aks hu…aur ha saajan tumhari har cheez maine yaha par jyo ki tyo sambhal ke rakhi hai inhe koi bhi nuksan na pahucha paye isliye maine is jungle ko hi mout ki dargah bana diya…..
Mai—mai tumhara apradhi hu…lekin tumhara ye ehsaan mujh par karz hai…tumhare hi kaaran aaj mai apne pyar ko jaan saka…apne vajud ko pahchan paya….
“Aapki Wafa Hamesha Mujh Par Udhar Rahegi,
Meri Zindagi Apki Mushkurahaat Par Nisaar Rahegi,
Diya Hai Aapne itna Pyar Mujhe,
Ki Markar Bhi Meri Zindagi Aapki Karzadar Rahegi”…
Pari—mujhe maf karna saajan ..bhale hi tum ab nekdil ban gaye ho..lekin mai apni kasam nahi tod sakti..tumhe marna hi hoga….
Divya—nahi..nahi…Pari tum chaho to meri jaan le lo…par saajan ko kuch mat karna…
Pari—tabhi to maine tumhe pahle se hi bata diya hai ki agar bacha sakti ho apne saajan ko to bacha lo….aur vo koun hai tum khud pata lagao…samajh lo aaj se ham dono ki hi pariksha chalu ho gayi…tumhe saajan ko bachane ki aur mujhe saajan ko maarne ki….
Divya—mai saajan ke liye kisi bhi had tak gujar jaungi… agar mera pyar sachcha hai, agar maine kabhi kisi janam me saajan ko chhod kisi ko sapne me bhi nahi chaha to mai jarur bacha lungi….
Pari—mai bhi saajan ke liye kisi bhi had tak gujar jaungi…agar mera bhi prem sachcha tha aur maine bhi apne kisi janam me saajan ko chhodkar kisi ko nahi chaha to mai saajan ko jarur maarungi…
Divya—theek hai pari mujhe tumhari chunouti swikar hai…
Pari—magar ek baat dhyan rakhna hamesha, saajan ko bachane ke liye tumhe hamesha kismat ka sath chahiye aur mujhe saajan ko maarne ke liye sirf ek baar…matlab Nazar hati aur durghatna ghati….kismat hamesha sath nahi deti…..
Mai—kya mai yaha aaj raat ruk sakta hu divya ke sath aur tumhare sath bhi…
Pari—ye apka hi mahal hai…mai to bas apki ek dasi hu jisse jab mann hua khel liya aur jab mann bhar gaya to chhod diya….
Pari—vaise vo bhi tumse bahut pyar karti hai…ab dekhna hai tum uske sath koun sa rishta nibhate ho… uske liye divya ko chhodoge kya ya phir divya ke liye use chhod doge….?
Mai—Pls Pari ya to mujhe maar do abhi ya phir baar baar jalil mat karo….
Pari—wah…apko bhi jalil ka matlab pata hai….bahut sharif bana diya lagta hai divya ne….
Mai—to tumhi bolo mai kya karu…?
Pari—chalo mai tumhe tumhara shayan kaksh dikha deti hu...aap aram kijiye....
Tabhi mujhe veer ka khyal aaya...Pari aur Divya ke chakkar me to mai unko bhool hi gaya.....
Mai—nahi...mera dost bahar musibat me hoga...mujhe jana hoga...na jane kaha kaha bhatak raha hoga vo... ?
Pari—tumhe pareshan hone ki koi jarurat nahi hai...veer ko kuch nahi hoga...jo cheez apko pasand ho use mai kaise mita sakti hu..kyon ki maine bhi to pyar kiya hai..
Mai—aur log bhi hain sath mein...
Pari—sssshhhh....raat abhi baki hai...unko jungle ki raat ka maza lene do......unse kal mil lena jinda ya murda...... hahahaha
Mai—matlab kya hai tumhara... ? ek baat achchhi tarah sun lo pari ki agar veer ko kuch bhi hua to mai sab kuch bhul jaunga...mujhe maarne ka tumhara khwab sirf khwab hi rah jayega phir...
Pari—shant mere mehboob shant..maine kaha na abhi apke chahne walo ko kuch nahi karungi...baki ki unki kismat... ?
Mai—mujhe veer ko bhi yaha lana hai mahal me..
Pari—Phir to sabki mout ke jimmedar aap khud honge saajan ji...
Mai—kya matlab…?
Pari—matlab ye..ki yaha apke aur divya ke alawa koi nahi aa sakta …agar galti se bhi aa gaya to turant jal kar raakh ho jayega…aap subah tak intazar kare…
Mai—lekin raat bhar vo bechare kaha rukenge…?
Pari—har kisi ka ghamand tutana chahiye…mai unka intazam kar dungi…..
Idhar veer aur avni jungle ke pichhe side bhage aur bhagte huye vo mandir tak pahuch gaye…
Mandir ke pujari ne unko ashray diya….aur unko bataya ki raj aur divya surakshit hain…subah tak intazar karne ko kaha….
Udhar sonu monu anil aur mohan ek sath jungle ke bahar ki taraf bhage….
Jabki baki log ulti disha me jidhar nar-bhakshiyo ne hamla kiya tha udhar bhagne lage…..
Ruchi aur Payal baki police walo ke sath jungle ki bhul bhulaiya me kho gayi….kahi se koi rasta hi nazar nahi aa raha tha ki kidhar jaye….
Ki tabhi unke kano me kuch logo ki bhayanak dard bhari cheekhe sunayi dene lagi…sabhi awaz ki disha me doud pade….
TBM ko Ruchi aur Payal ki khabar uske chamcho ne pahucha di us tak….
TBM—Ab ayega maza…..Ab mai Khelunga….hahaha
Join Our
Discord Server
For Daily Updates
