Thriller BADLA 2 by (Swaraj) bhai

[XP 007]

5 YEARS LATER/5 SAAL BAAD
SOUTH AMERICA

"ye sab kya hai bhavesh??" doctor ne BP check up karte hue bola

"kuch nahi yaar, bas aise hi" bhavesh bola

"mai apne Saare hospitals chhodkar tere Paas bakwas sunne nahi aaya hoon bhavesh" doctor bola

"dekhiye na bhai sahab kitna bola hai lekin baat sune tab na, kya zaroorat hai ab India jaane ki??" shalini kaafi stressed thi
Chai ki pyali doctor ki aur badhakar khud ke liye chai bana liya unhone

"aisi haalat me to definitely no" doctor bola

"are aise kaise bhai?? Kitna nuksaan hoga waha" bhavesh excited hokar bola

"ye dekh, isliye mana kiya maine. BP high ho raha hai bhavesh and it's not a joke" doctor chai ki chuski lete hye bola

"lekin agar mai nahi gaya to Crores doobenge bhai"bhavesh bol pade

" kisi aur ko bhej dijiye?? Amrit ko bhej sakte ho aap"shalini boli

"amrit aage ek saal tak busy hai, apna anniversary tak nahi mana paaya itna busy hai" bhavesh ke bolte hi doctor hasne laga

"aapko bas mazaak soojhta hai, acha amrit na sahi vinay ke baare me kya khayal hai??" shalini ne poocha

"shalini vinay Bachpan se hi Mexico me pala bada hua hai, India ke business sense bilkul nahi hai usme, please use mat ghasito" bhavesh bola

"waise sid ko kyun nahi bhejte??" doctor bola

"NAHI" chilla uthi shalini achnanak

Doctor chaunk gaya, bhavesh chup raha

"shalini sid ya mujhe jana hoga" bhavesh bola

"kyun.... Kyun...." shalini ne apna chehra apne haathon se dhak diya

"sid bada ho gaya hai shalini ek baar mout ko bhi hara chuka hai use kuch nahi hoga, waise bhi pandit ji ne kaha tha na ki sid ke sitare ab theek hai, use kuch nahi hoga" bhavesh ne samjhaate hue bola

"oopar se kartick ka khayal bhi rakh payega" bhavesh bola

Shalini kuch nahi boli bas bhagwan ko man hi man bulane lagi

"lekin wo barkhurdar hai kahan??" doctor ne poocha

"kyun bhai?? Bhavi damad ko dekhne ke liye utawle ho rahe ho??" bhavesh haste hue bola

"Haan bhai sahab priya aur sid dono Bachpan se hi dost hai, jald se jald engagement karwa kar hi sid ko ye aadmi jahan bhejna chahe bhej sakta hai" shalini ne bhavesh ki aur dekhkar bola

"sahi kaha bhabhi dono family ek ho jaaye aur kya chahiye, waise hai kahan wo??" doctor ne poocha

"wahi awaragardi karne apne bade bhai vinay aur vinay ke dost nikamme frank ke saath" bhavesh bola

"khabardar jo mere bete ko awara bola aapne, kisme kam hai wo??" shalini boli

Iska jawab khud nahi tha bhavesh ke paas wo bas muskurate rahe
-----------------------------------------------------------------
BRASIL
SID SID SID SID

FRANK FRANK FRANK FRANK

charo aur sid aur frank ke baare lag rahe the

"Abe zyada chot mat lagwa lena warna badi Maa aur meri Maa dono kachcha chaba jayenge" vinay bola

SID muskura utha

TAADDDDDD

Ek kick se uchal kar door ja gira sid

"dheela pad gaya yaar" hasta hua frank bola

Sid ne muskurate hue apne hont ke khoon saaf kiya

"satyanash, ho gaya ab" sar pakadkar baith gaya vinay

SWOOSH

sid ka Vaar khaali gaya

THAPPPPPP

frank ka kick block kiya sid ne, aur usse pehle frank samajh paata

DHAPPPP

Apne sar se frank ke sar me maar baitha sid
Frank ne apna sar pakad liya aur

DHADDDDD

Ek punch aur frank ke daaye gaal par jaise hathoda pada ho
Chitak kar gira wo

Sid ke Saamne aaye hi

TAADDDDDD

pet par ek kick aur sid thoda door gaya
Frank ka agla Vaar ek flying kick tha

Lekin sid poora full strecth ke saath baith gaya aur kick ke Complete hote hi apne kohni se fir sar par maar baitha

DHADDDD

frank fir se sar pakad baitha

Sid jaise hi hamla karne ke liye taiyyar hua ki frank ne ek zordaar punch kiya sid ke chehre par

DHISSUMMMMMMMM

sid ladkhadate hue gira aur frank ek zordaar kick ke liye taiyyar hua sid ne poora kick complete hone diya aur usi pair ko pakad liya frank ne sid ko muskurate hue dekha to halka sa ghabra gaya

"y y ye cheating hai" frank bola

Lekin Vaar ho chuka tha
Sid ne ek halke haath se thigh par ek ghoosa maar baitha

AAHHHHHH

pair pakadkar baith gaya frank

"haar Maan liya??" haste hue sid bola

"cheating karke hi jeet le" frank naraz hokar bola

Sid ne aage haath badhaya to frank haath pakadkar utha baitha

"to ab tak ke hisab se 21-30"arbaaz haste hue hola

Sab hasne lage

"jald aapke level tak aunga bhaiyya" sid bola to frank ne muskurate hue gale laga liya
Ladna frank, arbaz aur Colin se hi seekha tha sid ne

"aren't we going for fishing" Colin bola

"lekin mujhe wapas campus Jaana Hai bhaiyya, picnic par aaye the hum" sid bola

"Haan bhai wahan teri priya wait jo kar rahi hai" vinay boli to fir se sab hasne lage

"see ya" bol sid aage badh kar wahan pohuncha jahan picnic chal rahi thi

"sid ek baat karni thi" priya bol padi

"Haan bolo priya" sid bola

"yahan nahi ek khali jagah par, ye chot kaise lagti rehti hai hamesha?? " priya boli
Aur chal pada sid priya ke peeche peeche

"siddharth Mittal mere Saath tumhari engagement karna chahte hai papa" priya boli

"pata hai" sid bola

"but I don't want it" priya boli

"matlab??" sid ne poocha

"mera admission Harvard me ho chuka hai sid, mere kuch Armaan Hai. Aise shaadi nahi kar sakti" priya boli

Sid chup raha aur beer ki bottle ka ghoont peene laga

"waise bhi tum bas awaragardi karte rehte ho tumhare grades kaafi ache hai lekin fir bhi tum apne studies ke liye serious nahi ho, aise aadmi se mai shaadi ya engagement nahi kar sakti, maaf karna" bol priya chali gayi

Sid ne poori beer wahi peekar khatam ki

"tumne ye bolar kitna bada eksaan kiya hai kya bolun priya, Thanks a lot. This was the best beer ever" sid bola aur beer ki bottle wahi rakh di

"KYAAAA TUNE MANA KAR DIYA" shalini chilla uthi

"maa baat to suno" sid ne samjhane ki koshish ki

"kya samjhun??" shalini boli

"ye hum dono ka faisla hai" sid bola.

"pata nahi kya bolun mai" shalini boli

"waise maa papa Keh rahe the India jaane ke baare me" sid bola

"Haan apne maa ko chodd kar jaane ke liye to mara ja raha hai" shalini boli

"aisa nahi hai maa, kartik se bhi mil lunga aur usko dekh bhi lunga, papa ka business bhi dekh lunga" sid bola

"bas dono bhai apne maa baap ko hi mat bhool Jaana" shalini boli
Sid hasne laga

"mai aaj hi picnic chodd kar a raha hoon maa" sid bola aur bags pack karne laga

Kuch man me sochte hue ek message likha usne
"priya thanks a lot
Ye ehsaan zindagi bhar nahi bhoolunga"
-------------------------------------
INDIA
"oye kartik tera phone baj bajkar fat jayega utha na be" hostel ka room mate bola

"umm" adh khuli aankhon se kartik ne phone uthaya

"Haan maa...... acha hoon.... sab badiya..... Kya surprise..... Han t... KYA????" aakhiri baat jo kartik ne kaha wo itna chilla kar bola ki uska room mate uth baitha

Apta nahi kya suna kartick ne lekin sunte hi behosh ho gaya wo
Phone bagal me gira hua tha uska

 

[XP 007]

"tabiyat kaisi hai papa??" chess board me bhavesh aur sid dono kho gaye the

"doctor ne bola ki ab pehle se theek hoon" bhavesh bola

"aap unhe doctor kyun Kehte Hai samajh me nahi aata, ek to wo aapke business partner hai oopar se khud ki ek pharmaceutical company hai, hospitals ki chain hai" sid ne apna daanv rakhte hue bola

"ha ha wo to hai lekin beta nilesh mera acha dost hai aur ek acha doctor, wo to maine usse kaha tha ki business me aane ko isliye aaj wo ek businessman hai, lekin fir bhi jab hamare health ki baat aati hai wo khud poori zimmedari le leta hai" bhavesh bole

"samajh gaya, waise aapko pata to hai na mai India kyun ja raha hoon" sis bola to chup raha bhavesh

"dekho beta mujhe sab pata hai, sirf itna khayal rakhna ki ek maa aur ek pita apne dono bete ka intezar yahan kar rahe hai, usse zyada tum samajhdaar ho" bhavesh bola

"check aur mate" muskurate hue bhavesh ke Saamne se uth khada hua sid aur apne kamre me chala gaya

Bhavesh ko yakeen nahi hua fir bhi usne jab dekha ki sid ki chaal se wo haar gaya
Bina muskuraye reh na saka

Sid apna luggage pack kar raha tha ki achanak usne shalini ko aaye dekha

"maa tum.." sid ne bolna chaha

"shhh chup" bol shalini ek cotton ke sahare dawai lagane lagi sid ke chehre par

"maa kuch nahi hua hai wo to khel khel me lagta rehta hai, waise bhi aapka beta school me boxing champion tha" sid ne haskar kaha

"kaha na chup bilkul" bol shalini dawai lagane me lag gayi

"maa kya laun india se??" sid ne poocha

"tu sahi salamat a ja isse zyada mujhe kuch nahi chahiye, lekin Haan agar itna Keh hi raha hai to wahan se Ganga jal aur mere liye ek pyari si sundar si bahu" bol shalini ne pyaar se thapki maari aur Baaki ki dawai lagakar chali gayi

Sid kaafi der tak dekhta raha shalini ko jaate hue
Ek lambi Saans li usne aur luggage pack karne me lag gaya
-----------------------------------------------------------------
"sir would like to have something??" air hostess ne poocha to muskurate hue na me jawab diya siddharth ne

Uske papa chahte the ki chartered flight me jaaye sod lekin sid ne mana kar diya tha
Isliye first class me travel kar raha tha aid
Kaafi raat tak jaane ke kaaran thak gya tha wo
Lekin India ke jitna nazdeek uski flight a rahi thi uski bechaini utni bad rahi thi
Aankhen band karke 5 SAAL pehle chala gaya sid

5 SAAL PEHLE
"uhmmm" ek shaks ko jaise hosh a raha tha

"doctor doctor look" nurse chilla uthi

Shaks uthne ki koshish karne laga

"relax young man relax" bol doctor ne chote se torch se us shaks ka nirikshan kiya aankhon me aur muh me

"I'm doctor nilesh young man, ab kaisa feel kar rahe ho??" doctor bola

"kaisa hai mera beta kaisa hai" ek mahila ne us shaks ko jaise gale laga liya

"koun hai aap log??" shaks ne poocha

"koun hai??? Y ye kya Keh raha hai bhai sahab??" mahila darte hue boli

"relax shalini bhabhi, lagta hai koi bhaari accident hua hai, shukr manaiyye ki ladka hosh me to aaya, mujhe laga tha coma me chala gaya hai. Yaaddasht par zor laga hai" doctor bola

"mai sid se akele me baat karna chahta hoon" ek shaks bola jo shayad is mahila shalini ka pati hoga
Sab chale gaye, shalini Jaana Nahi chahti thi lekin us shaks ne shalini ko samjha bujha kar bhej Diya

"bhavesh Mittal Naam hai mera, wo meri wife shalini hai. Hamara ek chota beta hai kartik. Tum gaye the tour par darjeeling our sikkim ke liye, shayad accident hua hai tumhara, isliye yaddast kho chuke ho tum. Kuch din raho shayad sab yaad a jaaye, waise tumhara Naam siddharth hai"bhavesh bolta gaya

Siddesh hairan tha, ye log.... Wo inka beta nahi hai wo to.....

"dekho jo bhi ho shalini ko kam se kam apna lo, waise bhi bohut ro chuki hai wo" bhavesh bola aur uske peeth par haath rakhkar chala gaya

"waise barkhurdar ek diary mili thi Saath me ye toota hua mobile, diary maine kholi nahi aur mobile toot chuka hai, ye rahi" bol doctor ne dono cheezein siddesh ki aur badhai

Nahi siddesh bankar uska maksad poora nahi hoga, use siddharth bankar uska maksad poora karna hoga

"sir flight Mumbai pohunchne wali hai, please ready ho jaise" ek jhoothi smile dekar air hostess chali gayi

Sid ne apna sweatshirt utara aur aankhon me glass lagakar apna bag uthaya aur wait karne laga flight ke land hone ke liye

Flight se nikalte hi uska chehra sakht ho utha

 

[XP 007]

Sid airport pe wait karne laga
Mahant use receive karne wala tha lekin abhi tak...

"sir..... Sir..... Sorry for being late" Zor zor se haamfne laga mahant

"Arey koi baat nahi" bol apna luggage aage badha diya

Mahant ke saath aaye ek aadmi ne luggage ka trolley sid ke haathon se lekar car ki aur chal pada

"mast accommodation ka intezam kiya hai, aapke college ka admission bhi kal ho jayega" mahant khush hokar bola

"Maine Kuch pata karne ko bola tha" sid bola

"Haan sir wo sab ke sab goa me masti kar rahe hai" mahant bola

"so what are we doing here in Mumbai?? Goa ke liye plan karo" sid muskurate hue bola

Mahant ko samajh me aaya nahi

"are admission baad me bhi karwa lenge, pehle goa. Waise bhi papa ka business bhi sambhalna hai yahan" sid bola

"kya business sir, itna police aur politician ko khila rakha hai bande ne ki humara palda kam ho raha hai, waise bhi kaafi workers strike par hai, kul milakar poora bhatta baitha hua hai, ab samajh me aaya bade sahab yahan se business shift kar south america kyun shift ho gaye"mahant bujhe dil se bola

"sab baad me pehle goa" sid bola

"abhi flights confirm karwaya hoon" mahant bola

"no we'll go by bus" sid bola

"kya???????????????" lagbhag chilla utha mahant
Use laga usne kuch galat sun liya

"mahant we'll go by bus" sid bola

Mahant kuch der ke liye sid ko dekhne laga
5 saal pehle sid ki lifestyle alag hua karti thi
Crore rupaye kam padte the ek mahine me
Fir wo accident uske baad poora badal gaya ye ladka
5 hazar rupaye se poora mahina chala leta hai, paise udana band aur business ki tarakki me jut gaya

"sochte hi rahoge ya kuch karoge bhi" sid bola

"h Haan sir Haan a abhi karta hoon" bol apne phone se call karne laga mahant

DHAKKKK

Sid se ek ladki tarai tabhi

"ouch" ladki ne apne sar pakad liya

"idiot dekh ke nahi chal sakte??" ladki gusse se boli

"sorry wo mai...." bolte bolte ruk gaya sid aur chaunk gaya

"Archie... Matlab archana??? Tu yahan??" sid hairan tha

"oh loser sid, apne papa ke paise udakar tasilli nahi mili jo India a gaya??" archana boli
Zahir hai sid pasand nahi tha archana ko

"archana mai...." sid ko samajh me nahi a raha tha kya bole wo

"sidhhart Mittal, archana d Souza apne scholarship ke tahat aayi hai India me aur topmost University me padhegi, na mere papa ne frank bhaiyya se koi help li maine, par tum..... Khair tumse kya baat karna" bol apna saman lekar chal padi archana

"ye ladki..." sid dheere se bola

"ho gaya sir, but night service hai bus ki" mahant bola

"theek hai tum chalo mai aata hoon" bol ek nazar archana ki aur dekha sid ne fir has kar chal pada

Archana ne bhi ek tirchi nazar dali fir wo bhi aage badh gayi







------------------------------------------------------------------
Bus ki haalat dekhkar mahant ka chehra utar gaya

"mast hai, hai na??" sid haste hue bola

Mahant ko samajh me nahi a raha tha ki sid mazak kar raha hai ya sachmuch tareef kar raha hai bus ki

"waise mahant ji, aap car se a sakte ho. Goa me mulakat hogi" sid bola

"t thanks sir thank you" man murad poori ho gayi mahant ki aur wo car me chal pada goa ke liye
Sid Muskuraya aur bus me baith gaya

Bus me baithte hi usne soft drink ka can khola aur khidki ke paas baith gaya
Apne bag se diary nikali aur padhne laga

"TU?? YAHAN BHI??" lagbhag chilla uthi archana

Sid chaunk gaya

"I can't belive tujhse hi takra rahi hoon har Waqt" archana apne kamar me haath rakhte hue boli

Ek meethi si perfume ne sid ko jaise madhosh sa kar diya tha
Lekin archana madhoshi ke haalat me nahi thi

"goa jaane ke liye tujhse permission lena padega??" sid ne poocha

"permission to nahi lekin peecha zaroor kar raha hai mera" archana boli

"madam Archie airport me koi bhi a ja sakta hai, aur goa koi bhi ja sakta hai" sid bola

"idiot" bol archana ne bag oopar stack karna chaha lekin kar nahi a rahi thi

"mujhe de" sid bola

"kabhi nahi" archana boli

Sid ne bag cheen liya aur stack kar diya oopar

"don't expect Thanks from me" archana boli

Sid ne kuch nahi bola bas apni diary bag me rakh kar kaano me airpods laga kar gaana laga diya mobile par

Aur apni aankhen band kar li

Kuch der baad use apne kande Apr mehsoos hua kuch
To dekha ki archana ne apna sar sid ke kandhe par rakha hua tha, apne haath sid ke haath me rakha hua tha aur uski aankhen band thi

Paagal kahin ki, sid has diya

 

[XP 007]

"Haan frank bhai, guess what I'm in your home town goa" raat ka khana dhabe par khate hue sid bola

"kya baat kar raha hai?? Sach?? Fir mai Saara arrangement karwa deta hoon" frank doosri aur se phone par bola

"nahi frank bhaiyya, mai sambhal lunga..... Haan pakka..... are aisi baat nahi mai kuch preference rakhna chahta hoon.... Waise ek help chahiye" sid bola aur kuch batane laga frank ko

"samajh gaya. done, bhavesh uncle aur shalini aunty ko pata nahi chalega..... Waise chutki bhi wahi ja rahi hai sid, ho sake to khayal rakhna uska. Tujhe to pata hi hai ki use hamare dhande se nafrat hai, isliye yahan kabhi aati hi nahi, ab jab tu goa ja hi raha hai to please uska khayal bhi rakh lena bhai"bhavuk hokar frank bola

"relax frank bhaiyya, mai dekh lunga. Lekin fir se bol raha hoon. Please mummy papa ko mat batana" sid ne fir yaad dilaya

"OK sid chal rakhta hoon" bol frank ne call Kaat diya

Sid ne mobile pocket me rakh diya aur khana khaane laga
Tabhi use archana apne doston ke saath kuch door par baat karte hue mili

Sid ne dhyan nahi diya aur khana khaane laga

Archana ne ek nazar daala sid par
Wahi attitude, wahi akadpan
Jhat se apna muh ghuma liya usne

"kya item hai yaar" kuch door ek table se awaz aayi

Archana ne dekha Chaar ladke kuch door baithe hue the

"wo chote baal wali ko to dekh, hai kya cuteness, kya ada, kya kadak hai yaar" unme se doosra bola

"hamare Saath chaliye madam, aapko poora satisfy karenge hum" teesra bola

Archana gusse se uth khadi hui

"Archie pagal hai kya?? Dekh nahi rahi gunde hai ye, inse panga mat le" table par baithe hue ek dost bol padi

"to kya in gundo ki baatein sune hum??" archana ne poocha

"dekh jaldi se khana khakar hum chale jayenge, fir koi problem nahi hoga" aur ek dost bol padi

Archana kuch bolne wali thi lekin Baaki ke doston ne mana kar diya, majboor hokar baith gayi
Haan lekin uski nazar sid par gayi lekin sid wahan tha nahi, shayad khana kha chuka tha aur chala gaya tha
Wo Chaar gunde bhi Jaa chuke the, khana unka ho chuka tha. Bas ladki ched rahe the

Archana ne idhar udhar dekhna shuru kar diya

"kise dhoond rahi hai?? Us handsome ko??" ek dost ne has kar poocha

"k koun handsome wo?? Sid??? Waak, uska hairstyle dekha tum logo ne?? Jaise... Jaise.....uff tum logo se baat karna hi bekar hai" bol uth gayi archana

Dhabe ke bahar uske dost bhi a chuke the

"chal na kahin chai peete hai" ek dost boli to archana Maan gayi
Use chai coffee se bohut lagaav tha

Kuch door chai ki ek thapri dikhai di unhe sab dost chale gaye lekin archana ko sadak ke kuch door kuch nazar aaya

Jab Paas gayi to usne Dekha ki wo Chaar gunde wahan behosh pade the, chehre par ghaav the
Archana apne mobile ke torch se dekh rahi thi

Kisi ne badi berehmi se maara tha un logo ko
Lekin kisne??

"Archie tu a rahi hai kya?? Wahan kya kar rahi hai??" ek dost ne archana ko bulaya to wo chai ke thapri ke paas gayi
Wahan jakar fir chaunk gayi, sid khada tha wahan aur chai pi raha tha

Jo sid cappuccino aur iced tea ke alawa kuch leta nahi tha wo aaj is choti si dukan par.....
To kya un gundo ko bhi sid ne....????????

Kai sawal ghoom rahe the archana ke dimag ne

"bhaiyya kitna hua??" apne purse se paise nikal kar bill chukaya sid ne aur bina archana ki aur dekhe chala gaya wahan se

"babe jo bhi bol ladka hot hai" ek ladki bol uthi to sab hasne lage

"chup kar, tu nahi jaanti ise. Lekin mai ache se jaanti hoon" archana boli
Lekin Saath Saath sochne lagi ki kya wo sachmuch sid ko jaanti hai???
Kya ye sachmuch sid hai?? Siddharth Mittal??
------------------------------------------------------------------
"kya hua be?? Jab se phone call aaya hai ekdum barah baje hue hai tere
kartik ko uska room mate bola

" tujhe mazak soojh raha hai?? Mera bhaiyya aane wala hai"kartick ne apna chehra apne haath se dhak liya

"isme koun si badi baat hai" room mate ne poocha

"badi baat?? Poora nazar rakhega mujh par aur hukm chalayega aur to aur mere kharche par lagam lagayega" kartik bola

"tu koun sa kharcha karta hai maha kanjoos??" room mate ne poocha

"tujhe mere bhaiyya ke kharche ke baare me pata nahi hai bete" kartick muskurate hue apne room mate ke gaal par thapki dete hue bola

"khair ab tu kya karega" room mate ne poocha

"pata nahi, pehle usko aane de. Fir jo wo kahega karna padega" kartick bola

"waise apna dimag laga kar set kar le use" room mate bola

"tujhe andaza bhi nahi hai ki uska dimag kitna aur kaise chalta hai" kartick bola

 

[XP 007]

Bus jab panjim pohunchi tab subah ho chuki thi

Sabhi bus ke passengers utar chuke the

"hat raaste se" archana boli aur side karke khada ho gaya sid, archana sid ko ghoorte hue bus se utar gayi

Sid bhi utar gaya

"Sir" mahant ne pukara to sid ne dekha ki mahant kuch logo ke saath khada tha

"mahant maine ek location send kiya hai tumhe, waha room chahiye mujhe" sid bola

"lekin hotel??" mahant hairan tha

"nahi, location. Wahi chalna hai. Intezam ho gaya hai. Bas chalne ki der hai" sid bola to mahant bina samjhe car me saman rakhwa kar car ke Saamne baith gaya

"ab rest karenge ya ghoomne chalenge sir??" sir ne poocha

"Mr gomes se mulaqat karna hai" sid bola

"business deal??" mahant ne poocha

"Haan business deal" sid muskuraya

"lekin abhi??" mahant ne poocha

"location par" sid haste hue bola
Mahant ne driver ko ishara karke samjhaya aur car chal padi Anjaan location ki aur

CALANGUTE
Beach ke Saamne ek bade se apartment me sid ko hotel ki koi kami nahi mehsoos ho rahi thi

Haan beach ke kuch door zaroor tha wo apartment lekin 7th floor par se poora beach nazar a raha tha

Mahant ne kai baar bola ki ek naukar rakhne ke liye lekin sid ne mana kar diya
Lachar hokar mahant ko kuch zaroori saman rakh kar jana pada

Coffee ka mug haath me liye diary ke panno me doob gaya sid
Aur mobile phone ko bag se nikala
Kaafi toota hua tha mobile, lekin ise fir se restore kiya gaya tha, Saath me uska poora data bhi bhi tha

Kai baar padh chuka tha sid diary ko aur mobile ko bhi ache se dekh chuka tha,
Lekin aaj fir se....

Tabhi sid ni nazar paas wale balcony par padi
Ek Ladki chote baalo wali ye to...
US ladki ki nazar bhi achanak sid par padi..

"TU??????????" archana chillai

"oh God not again" sid ne apne sar par haath de maara

"fir se peecha karke aaya hai, hai na" archana ne poocha

"dekh Archie mai...." sid ki nazar balcony me khadi archana ke paas gayi

Sunahre rang ki dhoop nikhar kar pad rahi thi us par,
Sundar sa chehra aur gussa us cute se chehre par Chaar chaand laga rahi thi,black sports bra aur ek denim short me bohut sundar lag rahi thi

" itna ghoorna band kar" archana boli to sid sambhal gaya

"tera poora pair dikh raha hai to log dekhenge nahi kya???" coffee ka sip lete hue sid bola haste hue

"t t tu tu..... Mai... Mai... Aargggghhh.... Tharki kamina" bol apna chehra ghumakar pair patak kar chali gayi archana apne kamre ke ander

Sid has pada, archana gussail hai wo to pata tha par itna wo nahi pata tha archana...
Nahi, archana achi ladki hai. Is aag me archana jal kar raakh ho jayegi.
Kyunki wo khud bhi isme jalega, lekin khud jalkar bhi apne dushmano ko jalakar bhasm kar dega
----------------------------------
DEVIL'S DEN (GOA)
"wohoooooooo" minal ne apne cigarette ka ash, ash tray me giraya

"I think I'm out guys" Tyson bola

"abhi se, abhi to sirf 12:30 hua hai bro" sheetal bol kar hasne lagi

"sahi kaha darling, abhi to party shuru hui hai" ashika bol padi

"aww so sweet of you baby" varun ashika ke Gaali par kiss karte hue bola

"lekin jo bhi bolo third year me aakar aisa lag raha hai ki life ke aage ke challenges hum aise hi nipta sakte hai" rishabh bola

"Haan rishabh dekh kaise tujhe drugs se chutkara mil gaya aur kaise hum sab ke sab sudhar gaye" varun bola to sab ke sab hasne lage

"waise rakhi kaisa lag raha hai??" akhil ne poocha

"bohut acha" rakhi haste hue boli

"excuse me sir??" manager aaya tha wahan

"yes darling bolo" ashika boli

"aapko ye jagah khali karna hoga,ye jagah ek bohut bade VVIP ka invitation hai" manager bola

"relax Manager, varun paise diye nahi??" akhil ne cigarette ka ash chodte hue bola

"Haan poora diya, shayad aur chahiye hoga" varun bol aur bag se paise nikalne laga

"sorry sir paise ki baat nahi hai, hamare CEO khud aane wale VVIP se milenge, bade bade log bhi aayenge is lounge me, aapke paise compensate kar liye jayenge" bol manager chala gaya

"strange koun sa Buddha VVIP aane wala hai bhai??" minal ne haste hue poocha

"well manager ne same doosre jagah ka Intezam kiya hai, to I guess koi problem Nahi hai" sheetal boli

"yeah I guess you are right, chalo" bol David uth khada hua

"kya hua akhil??" rakhi ne poocha

"soch raha tha, koun hai wo VVIP jo hame yahan se nikalne ka soch raha hai" akhil bola

"zyada mat soch chal" bol ashika ne akhil ka haath pakad kar utha diya use aur Saare dost chale gaye us jagah ko choddkar

Agar thoda sa ruk jaate to shayad unki barbaadi ka kaaran khud Jaan lete

 

[XP 007]

Sid snooker table ke paas jakar apne shots ki taiyyari kar raha tha

"welcome to India my boy, lagta hai snooker se bada pyaar hai" Mr gomes a chuke the aur unke Saath dono taraf do ladki thi

"thanks Mr gomes" bol sid taiyyari karne laga apna shot ke liye

"to yahan kaise aana hua??" Mr gomes dono ladkiyon se close hokar poochne lage

"Mr gomes, Mittal group ke saath contract hua tha, aap musibat me the isliye aapko 200 crore diya gaya tha, ab lautane ke Waqt aap nakhre kar rahe hai, aisa kyun??" sid ne apna shot khela

KHATTTT

Ball seedha hole me ghus gayi aur sid muskura utha

"shot kaisa hai??" sid ne muskurate hue Mr gomes ke bagal me se ek ladki se poocha lekin nervous hone ki wajah se wo aankhen neechi karke chup rahi

"raat gayi baat gayi sid" Mr gomes haste hue bola
21 saal ka sid kya ukhad lega, wahi sochne laga gomes

Sid kuch nahi bola bas doosre shot ke liye apna angle set karne laga

"us baat ko hue 15 saal ho chuke hai sid, maine paise de diye" Mr gomes bola

"snooker khelne me jo maza hai wo kisi aur game me nahi" sid apna nishana lagate hue bola

"mai ek footi kaudi nahi dene wala" Mr gomes bola

KHATT

Shot fir se hole me gaya

"mere khayal se you should get out of here" Mr gomes bola

Sid has pada aur apna agla shot lene ke liye taiyyar hua

"is game ke khatam hote hote mujhe lagta hai ki aap apna 5 night club us 60 crore rupaye ke badle de denge" sid bola

KHATTTT

fir se hole me, damn ye ladka.....

"tum...."Mr gomes bolne ja rahe the tabhi unka mobile baj utha

" phone uthaiye "sid bola aur apna angle change karne laga shot maarne ke liye

" hello?? "Mr gomes ne phone uthakar bola

" hi dad, aapne jo log bheje the wo mast khatir dari kar rahe hai, full enjoy kar raha hoon noida me"mr gomes ka beta bola

"maine kab bheja...." Mr. Gomes bolne lage lekin phone cut chuka tha

Sid Muskuraya, bas kuch hi shot hai uske baad poora board khali kar dega wo

"tum.... Tumhe andaza nahi hai tum kisse ulajh rahe ho chokre" Mr gomes serious hokar bole

Tabhi fir se call aaya

"hello" Mr gomes ne sid ki aur dekhte hue phone uthaya

"gazab jo gaya income tax ke logo ne raid mara hai yahan. Aap jaldi aayiye plz" Mrs gomes thi wo aur ghabrayi hui thi

"m mai abhi aata hoon, ek Minute ek call a raha hai b baad me phone karta hoon" bol jaldi se phone katkar phone uthaya Mr gomes ne

"hello??? Sir jis company se aap contract me the unhone Saare contracts cancel kar diye hai, bohut problem hai sir jaldi aaiye" doosri aur se koi bol pada
Tabhi ek aur call aane laga Mr gomes ko
Unhone wo call bhi Kaat diya aur call ko attend kiya

"sir hamare do night clubs me drugs mila hai narcotics ka raid tha aapko police station aana hai" doosri aur se koi bola

Mr gomes ke haath se mobile choot gaya

KHATTTTT

"aakhiri shot me jo maza hai wo kisi aur me nahi
Hai ne Mr gomes" muskurate hue board se hatkar baith gaya unke opposite wale sofa me

Mr gomes badi badi aankhon se dekh rahe the sid ko

"abhi bhi do teen call aane Baaki the sir" beer ki bottle ko ghumate hue bola sid

"k kya chahte ho tum" Mr gomes lachar hokar bole

"5 night clubs ko Mittal grp ko 60 crore ke badle de rahe hai aap" sid bola
Aur Ek ishara kiya to uske Saath aaye do bodyguarda me se ek ne papers nikale briefcase me se

"sign here" bol sid ne papers Mr gomes ke Saamne daal diye

Kareeb Mr gomes ke bete ke umra ka hoga lekin sid kisi aur mitti se bana hua hai

Shatir aur Kameena bohut dekhe the Mr gomes ne lekin ye ladka..

"signature" sid ne muskurate hue bola

Mr gomes ne jaise hi sigh kiya, papers ko jaise cheen liya sid ne aur us bodyguard ko diya jisne papers nikale the
Kuch ishare me bola usne

Bodyguard ne apna sar hilaya aur kuch der baad manager ne teen bottle champagne ek tray me laaya

"sirf ek champagne chahiye yahan, Baaki ke do un logo ke liye" sid ne door akhil aur uske doston ki aur dikha kar bola
Aur Ek paiso se bhara briefcase manager ki aur badhaya sid ne
Manager Muskuraya aur chala gaya

"dhokebaaz" Mr gomes manager ki aur gusse se chilla utha

"relax, Mr gomes relax. Aapke Paas aur bhi property hai aap use sambhaliye" sid has kar bola

Manager muskurate hue chala gaya aur
Sid ne champagne ki bottle kholi

Mr gomes ke bagal me jo ladkiyan thi wo sid ke paas gayi aur uske bagal me baith gayi
Sid muskuraye hue ek glass Mr gomes ki aur badha diya, khud ek glass se ek sip liya champagne ka
Aur akhil aur uske doston ko dekhne laga
-------------------------------------
"waise akhil devil's den ki baat hi alag hai yaar, apne dad se bol kar ise kharid le na" sheetal haste hue boli

Akhil kuch bolne wala tha ki achanak manager haste hue ek waiter ke saath aaya jiske haath me ek tray tha jisme do champagne ke bottle the

"sir hamare naye owner ne champagne bheja hai celebrate karne ke liye aap logo ke saath" manager bola

"koun owner?? Aur koun sa celebration??" akhil ne poocha

"wo unhone bataya nahi apna identity bhi batane ke liye mana kiya hai enjoy" bol kar manager waha se chala gaya

"strange, koi aise hi hame itna costly champagne serve kyun karega??" sheetal ne champagne ke price dekhkar bola

"jo bhi ho, agar ye owner hot hua to mai apna jugaad lagane wali hoon" minal haskar boli

"are jo bhi hai, shama bhi hai dastoor bhi hai, aur champagne bhi hai let's enjoy" bol David champagne ko glass me daalne laga

Tabhi rishabh ki nazar ek ladki par gayi jo wahan dance kar rahi thi thodi door par
Chote baal wali

Kaafi cute si dikh rahi thi
Rishabh ke muh me Paani aane laga, is baat se Anjaan ki ye sab door khada ek shaks champagne peete hue dekh raha tha ye sab

 

[XP 007]

"sir ye to.." archana ki aur dekhkar mahant bola

"not my problem" champagne ka glass khatam ho chuka tha
Aur khatam ho chuka tha sid ka kaam

"ye to shayad D'Souza family ki..." mahant ne yaad dilane ki koshish ki

"mahant ji??" sid ne poocha

"yes sir" mahant bola

"let's go" muskurate hue jaane laga sid

"this is not over siddharth Mittal, you will pay for this" Mr gomes gusse se bol pada

Sid Muskuraya aur bina kuch bole jaane laga
Tabhi khidki ke Saamne use laga usne kisi ko dekha hai

"chalein sir??" mahant bola

"nahi you guys carry on mai thoda rukna chahta hoon" bol sid tezi se kamre se bahar gaya aur kuch door khidki se jhaankte hue bahar dekhne laga, use koi nahi dikha

To kya wo uska baham hai??

Sid ne socha aur aage badh gaya
Night club ke bahar nikalte hi sadak ke kinare chalte hue aaj ke baare me sochne laga ki tabhi

DHAPPPPP

Ek dhakka laga use aur dhakka itna taqatwar tha ki sid chitak kar door ja gira

VROOOOOOMMMMMMMMMMMMM

Ek truck tezi se chali gayi jahan se wo ja raha tha
Agar wo dhakka nahi lagta to shayad wo....

Sid ke haath aur ghutne cheel gaye the lekin use uski parwah nahi thi, wo to dhakka maarne wale shaks ko dhoond raha tha

Itna careless kaise ho sakta hai damn it, ye kaam poora ka poora gomes ka hai. Aur wo isme bewkoof ki tarah fans gaya tha, aaj shayad use kisi ne bacha liya lekin ainda use kaafi carefully chalna padega
Overconfidence le doobi thi use

Koun ho sakta hai wo jisne dhakka maara
Bohut soch kar bhi jab sid ko uska jawab nahi mila usne ek baar wapas night club jaane ki sochi lekin fir kuch soch kar wapas chala gaya apne apartment ki taraf

Party apne hisab se poori shama bikher rahi thi
Aur archana dance dekhne me busy thi

"sudhir I think we should move" archana boli

"no ways baby abhi to party shuru hui hai" sudhir bola

"lekin mai ab nahi ruk sakti sudhir kuch hi dino baad college me admission lena hai ab ye masti mazak band karna hoga aur padhai par concentrate karna hoga" archana boli

Sudhir poora talli ho chuka tha aur wo kisi haal me sunne ki halat na nahi tha

Archana ne hope chodd diya aur akele chalne gali

Jaise hi wo ek kone se jaane lagi tabhi ek haath ne use zabardasti pakad kar apne baahon me le liya

"koun hai ye badtameez, chodo mujhe" archana chatpatane lagi

"kaise chodd doon baby tumhare Saath to aaj milan hoga mera" rishabh bola

Andhere ki wajah se archana theek se rishabh ka chehra nahi dekh pa rahi thi

CHRRRRRRRRR

kapde ka ek Bhaag faad diya rishabh ne aur jaise hi wo us Bhaag ko apne haath se choone ka raha tha

KHACHHHHH

"ukkkk" rishabh ne apna haath hata liya
Ek shaks khada tha saamne

KHACHHH KHACHHH

rishabh ke kuch samajh paane se pehle hi do Vaar kar chuka tha wo shaks

"bhago yahan se" shaks bola aur archana darr kar Bhaag gayi

"youuuu" rishabh gusse se aage badha

KHACHHHHHH KHACHHHHH

lahuluhan ho chuka tha rishabh

TADDDDD

Tabhi ek laat padi shaks ke haath me aur pakda hua chaaku door ja gira

"you're all Right??"Akhil ne poocha

Rishabh ne sar hilaya aur akhil khada ho gaya us shaks ke saamne
Lekin wo shaks dheere dheere Andhere me gayab ho gaya
------------------------------------------------------------------
Subah uthte hi sid ne apne chile hue haath aur pair me halki si dawai lagai

Aur coffee peete hue raat ki baat sochne laga

Ek plan bhi dhang se execute nahi kar paaya sid
Kal to uska raam raam satya hai ho hi Jaata agar wo shaks na aata

Lekin wo shaks hai koun?? Ya shayad koi shaks tha bhi??
Agar nahi tha to use kisne dhakka maar kar door fenka???

Sawalo par sawal lekin jawab bilkul nahi hai uske paas

Sid ne diary nikali aur fir se kuch padhne laga
Lekin jald irritate hokar diary band kar di
Tabhi uska phone aaya

"Haan papa" sid ne phone uthakar bola

"congratulations my boy" bhavesh khush hote hue bole

"mummy kaisi hai??" sid ne poocha

"first class, waise mujhe bilkul ummed nahi thi sid ki gomes paisa wapas karega" bhavesh bol pade

"Rehne dijiye papa maine koun sa teer maara hai, chane ke jhaad me mat chadaiye plz" sid bola
Kal ke hue haadse se aise hi chida hua tha wo

"chal lagta hai mood off hai tera, baad me call karta hoon" bol bhavesh ne phone Kaat diya

Tabhi ek call aaya mahant ka

"Haan mahant bolo" sid bola

Jawab me mahant ne jo bola use sunkar uske hosh udd gaye

"WHATTTTTTT???" sid ke haath se mobile gir chuka tha

MR GOMES IS DEAD

Sid ka dimag poora blank ho raha tha,
Ek planning ke tahat aaya tha wo lekin planning ke hisab se kuch nahi ho raha tha

 

[XP 007]

"poore body me sirf knife ke nishan hai" CID inspector palak bhatnagar bol padi

"madam ye khoon kya itna important hai??" sub inspector bola

Palak has padi

High profile murder case hai ye, gomes ka connection Uttar pradesh se hai, kai maafia organization se links hai uske, achanak hue is murder ne UP government ki neend uda di, goa government se request ke baad CID UP division ko utara gaya tha

"body ka postmortem baad me kar karna pehle forsenic ko aane do" palak boli

"OK madam" salute karke nikal gaya sub inspector

Palak ne cigarette nikala aur lighter nikal kar jalane ja hi rahi thi ki uski nazar ek hanky par padi aur usne use utha li

"interesting" muskura uthi palak
------------------------------------------------------------------
POLICE STATION
SLURRRRRRRRRRRRRR

Sub inspector ka irritation level saatve aasman me tha
Ye ladka subah se police station me aaya tha aur frooti ki chuski liye ja raha tha wo bhi zor zor se sound karte hue

SLURRRRRRRRRRRRRRRR

"sidhhart Mittal tum abhi jao baad me aana, madam thodi der baad aayegi" inspector bola

"lekin aapne kaha tha ki madam a gayi hai aur mujhe bulaya gaya isliye mai subah subah a gaya" sid bola

SLURRRRRRRRRRRRRRRR

"frooti khatam ho gayi?? "sub inspector ne poocha

"oh ye?? Bag me aur bhi hai" sid haste hue bola

"kya ho rha hai??" ek ladki awaz aayi aur sab ke sab policewale khade ho gaye

Sid ne dekha koi 28-29 saal ki ek ladki aankhon me goggles pehne police station me ghusi a rahi thi

"you must be sidhhart hai na??" muskurate hue ladki ne poocha

Sid frooti ke tetra pack ke ek aakhiri ghoont pee gaya

SLURRRRRRRRRR

"bohut ho gaya iski to mai"sub inspector gusse se sid par toot padne wala tha

"ruko" palak muskurai
Aur sid ke Saamne baith gayi

"pichle raat ko Mr gomes ka murder ho gaya, aur usse milne wale aakhri member tum hi the sidhhart" palak boli

"to??" sid ne poocha

"to zyada kuch nahi, bas chota sa investigation hai sid formality hai bas, CO operate karoge to tumhare liye acha hoga" palak boli

"kya Co operate karna hoga??" sid ne poocha

"ye baat to saaf hai sidhhart ki kal raat ko tumhare Saath deal hui thi gomes ki right?" palak ne poocha

"normal deal thi madam" sid bola

"normal deal me gomes ka beta Anjaan logo ke saath enjoy karta hai, income tax ki raid padti hai aur narcotics gomes ke night clubs me raid maarta hai" palak haste hue boli

Shit, sid ka chehra sakht ho gaya lekin fir jhatke se has pada wo

"ye sab mujhe batane ke peeche ki wajah??" sid ne haste hue poocha

"wajah kuch nahi hai, bas laga tumhe bata doon, kyunki last night deal ki thi tumne" palak muskurate hue boli

"bata diya na madam?? Aur kuch??" sid ne poocha

"ye chot kaise lagi??" palak ne poocha

"night club me deal ke baad raaste me naach raha tha, naachte naachte khud ke kapde faade aur sadak par gir gaya" sid bola

Palak gaur se dekhne lagi is ladke ko, dheeth dekha hai lekin ye to..

"madam aur kuch??" sid ne poocha

"aur kuch nahi sid, bas jab bhi bulaya jaaye a Jaana, itna sa hai" palak boli

Sid uthkar khada hi gaya aur apne bag me se frooti ka tetra pack nikala

"can I have one??" palak ne poocha

Sid ne kuch der tak dekha palak ko fir bag se ek aur nikal kar diya palak ko
Aur police station se seedha nikal gaya

"pagal hai madam, subah se ye frooti zor zor se peekar irritate kiya ja raha hai"sub inspector bola

"21 saal ka ladka, frooti peekar irritate kar raha hai Taaki inspector ka dhyan bhatak jaayega. Use pata bhi hai CCTV camera me uski poori activity dikhegi isliye wo akad kar poore time calm tha, confidently apne aap ko pesh kar raha hai, na Baap ko phone na lawyer. Interesting" palak muskura uthi

"kuch kaha madam??" inspector ne poocha

"kuch nahi, ye hanki aur ye frooti ke tetra pack ke fingerprints ka match up level pata karo, narcotics se bachke" palak boli

"narcotics se bachke kyun madam??"sub inspector ne poocha

"pata nahi, bas jo bola hai wo karo" palak boli
------------------------------------------------------------------
"relax Archie you are exaggerated" sudhir bola

"tumhe andaza bhi hai kal kya ho sakta tha??" archana ne poocha

"babe just relax ab jo ho gaya so ho gaya, ainda aisa nahi hoga" sudheer ne kaan pakadkar bola to archana chup rahi

"pata nahi kyun hamara rishta andhere me ja raha hai sudhir" archana ki aankhen nam ho gayi

"aisa nahi hai sweetheart, ab suno kal raat hum dono casino cruise me chalenge" sudhir ne pocket se do tickets nikale

"nahi sudhir mai nahi... " archana boli

"kuch nahi sunna bas ma ja raha hoon kal aunga pick up karne" sudhir bola aur chala gaya

Archana muskurai, sudhir ke saath uska relationship...

GOALLLLLLL BRILLIANT BY HAZARD...

Archana ke soch me rukawat a gayi

Next apartment se awaz a rahi thi
Aur wo wahi Kameena hoga jo har Waqt takrata rehta hai usse

"BAND KAROGE YE AWAZ MISTER??" archana chillai

"kya hua??" sid ne poocha

"mai tujhse tang a gayi hoon aur..." achanak ruk gayi archana

Badi badi aankhon se door kaale kapde me dikha koi use

"w wo... Wo.." archana ke hont tharthara rahe the

Sid ne dekha, shit koi to tha wahan sid ko dikha nahi wo shaks lekin for bhi us direction me bhaga wo

Archana dar ke maare kaamp rahi thi

 

[XP 007]

Sid haanf chuka tha, koi nahi tha wahan par

"mila??" archana ne poocha

"na, chala gaya" sid bola

Archana darr ke maare kaampne lagi, sid kuch soch raha tha

"Archie tu itna kyun darr rahi hai??" sid ne poocha

"m mai kahan d darr rahi hoon, mai nahi darti kisi se" Zor se bola archana ne

Sid koi jawab deta usse pehle sudhir wahan pohunch gaya

"kya hua baby??" sudhir ne archana ke paas jaakar bola

"kuch nahi, chalo chalte hai" archana boli

"lekin ye koun hai??" sudhir ne sid ko Saamne dekhte hue poocha

"sidhhart Mittal, archana d Souza ka dost" sid ne muskurate hue apna haath aage badhaya

"sudhir mishra, archana ka hone wala husband" sudhir haste hue Bola

"hamare beech me jo hai ise batane ki zaroorat hai??" archana ne poocha

"are?? Dost hai tumhara yaar, waise bhi jab pyaar kiya to darna kya??" sudhir bola to sid has pada

"anyways mai chalta hoon Archie, you carry on" bol sudhir chala gaya

Archana kuch Kehne ja rahi thi lekin usse pehle hi sudhir nikal gaya wahan se

"mere khayal se mujhe bhi chalna chahiye, Saamne ek chai ki thapri hai. Mast paav bhaji aur chai milti hai, 50 rupees. You coming??" sid ne archana se poocha

"jayegi meri jooti" bol archana ne apna muh mod liya aur khadi ho gayi

"OK mai chalta hoon, jab wo shaks aayega to sambhal lena" sid bola aur aage badhne laga to dekha archana bhi uske peeche ho li

"m mujhe bhook lagi hai, tere peeche nahi a rahi" bol gusse se archana sid ke saath chalne lagi
Aur sid has pada

Chai ki dukan choti si thi aur sid ne apne liye vada paav aur chai ka order hi diya tha

"I want the same" archana boli aur sid ko notice karne lagi

Bachpan me sid ka nature alag tha, badi badi gaadiyon me ghoomna, jo na mile to apne zid par ade rehna, enjoy karna, masti karna, koi responsibility nahi, koi fikr nahi..

"mast hai na??" paav bhaji par ek bite dete hue sid ne poocha

Archana ne koi jawab nahi diya, kitna badal gaya hai sid. Pehle to drugs, sharab, ladkiyan aur aiyyashi yahi thi iski zindagi lekin....

"waise Archie mujhe samajh me nahi a raha hai ki tu itna nafrat kyun karti hai mujhse??" chai peete hue sid ne poocha

"teri harkaton ki wajah se sid" archana boli

"pata hai archie isliye ho sake to jitna ho sake door rehna mujhse" bol sid muskurate hue uth khada hia aur akhiri ghoont peete hue chai ka glass khatam kiya aur paise dete hue nikal gaya

Archana ne apni aankhen choti karte hue sid ko dekha, bohut badal gaya hai sid
Aaj tak kabhi bhi sid ne change wapas nahi liya tha, pehli baar sid ko ek choti si chai ke dukaan par chai peete hue dekha tha archana ne wo bhi Baaki ke chutte paise bhi chode nahi usne...
Kya ho raha hai?? Ek non AC bus me safar karna, ek chote se dhabe me khana khana, fir aaj ek chote de dukan par chai peena, ek normal apartment me rehna
This is not what sid is known for, this is not siddharth Mittal. Kya ye sach me siddharth Mittal hai, ya koi aur????
Archana ke dimag me sid ke liye kaafi sawaal the, itna ki ab wo Anjaan shaks ke baare me na soch kar sid ke baare me soch rahi thi
------------------------------------------------------------------
"are you sure??" room mate ne kartick ne poocha

"Haan yaar ab itna afford nahi kar paunga" kartick bola

"lekin achanak se kya hua ki tu ye room chodd raha hai" room mate ne poocha

"tu samjhega nahi, meri pocket money ab bhaiyya ko diya jayega aur wo ab us pocket money se mujhe utna hi dega jitna use sahi lagta hai" kartick bola

"thoda bohut samajh me a raha hai lekin 5000 me room milna impossible hai" room mate bola

"pata hai isliye to dukhi baitha hoon" kartick bola

"ek raasta hai" room mate bola

"kya??" kartick ne excited hokar bola

"kavya ko room partner chahiye" room mate bola

"nahi impossible, us chudail aur dominating ladki ke saath kabhi nahi" kartick bola

"sir aapke Paas better plan hai??" room mate ne poocha

Kartik chup raha, sachmuch uske Paas koi aur plan nahi tha

"dekh kartick abhi ke liye Maan ja, fir.... Dekh lena better kuch milta hai to wo room chodd dena" room mate ne samjhaya

Idea bura nahi tha, lekin kavya??? Kartick ke liye ab aur koi raasta hai??

Shayad nahi

Tabhi uska phone bajne laga

"Haan maa???" kartick ne phone uthakar bola

"mil liya sidhhart se??" Mrs Mittal ne poocha

"bhaiyya abhi tak aaya nahi maa" gusse se bola kartik, sid ka Naam sunte hi para chad gaya uska

"a jayega, tere papa Keh rahe the Goa ka kaam ho chuka hai" Mrs Mittal boli

"maa kya mera aur bhaiyya ka pocket money alag alag nahi mil sakta" kartick ne poocha

"is maamle me mai bol chuki hoon beta, tera dushman nahi hai tera bada bhai" Mrs Mittal boli

"dushman se kuch kam hai kya??" kartick ne poocha

"abhi tu samjhega nahi lekin jab bada hoga tab samajh jayega, khair rakhti hoon" bol mrs Mittal ne phone rakh diya

Shayad kavya ke alawa koi option hai hi nahi

 

[XP 007]

NOIDA
Sid kaafi tired tha lekin fir bhi aaj use Jaana tha us jagah jahan wo aur prerna dono rehte the

Poora nazara badal gaya tha, na wo ghar tha, na log aur na hi wo mahoul

"koun ho aap sahab??" watchman ne poocha gate ke paas

"yahan par kuch ghar hua karte the?? Laxmi das ji ghar ke maalik??? Sab rent pe rehte the??" sid ne thoda bohut samjhane ki koshish ki

"Saab Kehte Hai Yahan ek ladki aur ek ladka do bhai behen raha karte the, pata nahi wo ladka darjeeling ya kahin gaya tha padne, fir wo ladki ka kuch logo ne rape kar diya. Aur ladki ne suicide kar liya. Ladke ka koi pata nahi. Laxmi das ji baar baar police station ja jaakar tang a chuke the. Isliye unhone sab kuch bech diya "watchman bola

Sid jaane hi wala tha ki...

" SIDDESH?? "

Sid chaunk utha, kisi ne use bulaya. Usne dekha ek aadmi use bula raha tha

" oh laxmi das ji?? "watchman ne poocha
Aur ishara samajh kar gate khol sid ko Ander aane diya

" to tum siddesh nahi ho"laxmi das ne poocha

"ji nahi" sid bola.

"shakl poori milti hai siddesh se" laxmi das bole

"prerna ke suicide ke baad unke ghar ko kisi ne jala diya, sab kuch jalkar raakh ho gaya aur fir police ne peecha karna shuru kar diya, isliye ghar bechna pada" laxmi das bola

Sid kuch nahi bola, sirf aas Paas dekh raha tha

"prerna ne kabhi ghar ka kiraya dene me der nahi ki, bohut ache the dono bhai behen" laxmi das bola

"hmm thik hai, mai chalna chahunga" sid bola aur uth khada hua
Ab uska wahan koi kaam nahi tha

"waise yahan siddesh ka koi dost hai aas Paas??" sid ne poocha

"dost koi nahi tha lekin rakhi Naam ko ek ladki thi jiska is ghar me aana Jaana tha, aur Haan sid se ek ladka nafrat karta tha. Kya Naam tha uska........ Haan bunty" laxmi das bola

"bunty?? Kahan hai wo is Waqt??" sid ne poocha

"bunty ka poora sharir paralysed ho gaya hai, sirf leta hua hai bed par. Na bol sakta hai na chal sakta hai na haath pair hila sakta hai" laxmi das bola

"WHAT????" sid chaunk pada

"pata nahi, kisi jungle me mila tha uska paralysed body doctors ko dikhaya lekin... Koi result nahi, waise sorry agar maine bore kiya tumhe. Wo tum siddesh jaise lage isliye baat karne ka man kiya" laxmi das bola

"koi baat nahi uncle, acha chalta hoon" bol sid chal pada apne admission ke liye
Lekin uske dimag me kai sawal chal rahe the
------------------------------------------------------------------
COLLEGE
"wow fir se nayi Gaadi??" David ne poocha

Akhil has pada

"tere hi maje hai dude, rakhi jaisi girlfriend. Baap ka paisa aur fultoo masti" Tyson bola

"waise naye bakre abhi tak nahi aaye yaar" minal bol padi

"naya bakra halal karne ka theka tune liya hua hai kya minal??" sheetal haste hue boli

"duh, I don't care. ladka thoda dumdaar hona chahiye tab baat aage bad sakti hai" minal boli

"jaise wo siddesh ke saath aage badhi thi??" ashika boli aur sab hasne lag gaye

"cheee wo??? Akhil na bolta to mai usse baat bhi na karti" minal boli

"acha Maan Le sid fir se a gaya to kya karegi tu??" rishabh ne poocha

"rishabh bhaiyya plz" rakhi boli

"sorry rakhi mai aise hi bol baitha" rishabh bola ki tabhi

KRREEEEEEEEEEEEEEECHHHHHHHHH

Ek Gaadi college gate ke Saamne aakar ruki

Sab statue ban gaye the Gaadi dekh kar

"Yellow Lamborghini" itna hi bol paaya dushyant

Car se nikal kar sid apne car keys ko ungliyon me ghumakar chal pada principal ke office ki aur

"y ye to ye to...." David darr ke maare kuch Kehne hi ja raha tha ki sid unki aur aaya

"excuse me principal ka office kidhar hai??" minal se poocha sid ne

Costly perfume ki mehek door se hi a rahi thi, minal madhosh si hone lagi sid ko dekh kar

"I'm siddharth, 1st year ka admission lena hai mujhe" sid bola

Kisi ke muh se koi awaz nahi a rahi thi

"straight and left" akhil bola

Sid Muskuraya aur chala gaya wahan se

"ye wo nahi hai, shakl thodi bohut milti hai lekin wo nahi hai" Tyson bola

Akhil kuch sochne laga

"waise please is ladke ka ragging mat karna yaar" minal boli

"kyun??" sheetal ne poocha

"dil a gaya is par yaar" minal boli

"Filhal ke liye kuch din tak is ladke se door raho sab ke sab" akhil bola aur sid ki aur dekhne laga jo dheere dheere ja raha tha