Romance BEAUTY AND THE BEAST (Complete)

[Scorpio 🦂]

Note : I Am Not Original Writer, It's CnP Story From Internet.

Credit Goes To Original Writer : Swaraj

 

[Scorpio 🦂]

Nice update dear

Very well ended

Shukriya Doc Sahiba

 

[Scorpio 🦂]

Bahut badi Shetan hai ji

Bilkul badi vali

No Doubt

 

[Shetan]

Update #17

---

Whew.. aaj to kaafi thak gayi thi komal, usne apna bag uthaya aur Jaane lagi tabhi use ek dhakka laga aur wo girte girte bachi

"Are Jaane ka dhang nahi hai kya??" Komal boli

"Dekh ke tu chala kar jungli ganwar kahi ki, tujhe pata nahi mera boyfriend is company ka general manager hai" Smita boli

Komal ghoorne lagi smita ko.. tabhi vishaka aur nitya bhi aa gaye

"Chor de Komal inka palda bhari hai.. agar hamare paas iske jaisa support hota to aur baat hoti.. khair chal tujhe ghar chor dete hai" Vishaka boli

"N..nahi nahi mai khud chali jaungi madam" Komal boli.. ab yahi baaki reh gaya tha ki logo ko pata chale ki wo yashvardhan ki wife hai

"Chal koi baat nahi, bye" Nitya boli.. aur dono chale gaye

Komal bhi bahar nikali office se to usne dekha ki do teen ladko ke saath Yash ki choti behen smoke kar rahi hai

Komal Wahan gayi.. urvashi ne Komal ko dekhkar Andekha kar diya

"Ye sab kya hai urvashi??" Komal ne poochha

"Smoke Kar rahi hoon,kyun??" Urvashi boli

"Bas aise hi.. ye tumhare friends hai kya??" Komal ne poochha to urvashi ko halki si hairani hui

"Aaj kal to sab chalta hai urvashi, ladkiyan smoking aur drink dono karti hai.. lekin apne balboote par.. apni khud ki pahchan apni khud ki taqat bano fir jo marzi karna chaho karo.. bas itna hi kehna tha.. baaki apne doston se meri aur se hi keh dena" Bol Komal Haskar nikal gayi
Aur urvashi hairani se dekhti reh gayi Komal ko

-------------------------------------------------------------------------------
Komal jab ghar pohunchi to ghar me sannata tha
Is ghar me sab kuch hai lekin ek apnapan sa missing tha

Khair komal bohut thaki hui thi.. apne kamre ke ander aate hi yash ko laptop par kaam karte dekha

"Baap re bohut thak gayi aaj" Komal bed me let gayi

Yash chup hi raha.. bakbak karna zyada pasand nahi tha use

"Hmm la la la...hmmm" Komal Aankhen band Kar gungunane lagi
Aaj pehli koshish me naukri mili thi use
Mood acha tha uska.

Lekin yash irritate ho raha tha

"Band karogi jo bhi kar rahi ho" Yash bola

"EXCUSE ME, gaana ga rahi hoon, aapki tarah nahi jo ekdum statue ki tarah kaam karti rahungi" Komal boli

"Matlab??" Yash ne poochha

"Matlab ye ki koi hobbies hai aapki?? khelna?? gaana gaana?? padhna?? ya jo bhi hai??" Komal ne poochha

Yash chup ho gaya aur apna kaam fir se karne laga

"Ek minute ek minute" Bol Komal daud kar gai ek kuch der baad ek dhool se sana hua guitar ke aayi. Yash ise dekhkar chaunk gaya

"Y...ye kahan se mila tumhe??" Yash ne poochha

"Store room se mila, pata chala tumhara hi hai" Komal boli

"Hai nahi tha, ab mai haath nahi lagata ise" Yash bola

"Are?? aisa thodi hota hai?? ek bas ek baar bajakar dikhao na yash??" Komal ne poochha

Yash fir kaam me laga raha

"Thik hai, mai ise wapas rakhkar abhi aayi" Khushi se bhara man thoda bujh sa gaya tha Komal ka

Yash ne Komal ki aur dekha.. khila hua chehra ekdum se murjha gaya

"Ruko, lao pehle dhool saaf karte hai" Bol yash ne guitar le liya aur fir usne aur Komal ne saaf karna shuru kiya

Komal ne notice kiya ki yash bade man ke saath kona kona saaf kar raha tha

"Ab tuning karni hai" Bol yash guitar ke strings check karne laga
Aur tuning karta raha

"Aaj ke din khatam hoga ye kaam??" Komal ne poochha

"Ho gaya" Bol yash ne guitar ko liya aur bed me baithkar bajane laga

When the night has come
And the land is dark
And the moon is the only light we'll see
No, I won't be afraid
Oh, I won't be afraid
Just as long as you stand, stand by me
And darling, darling
Stand by me, oh stand by me
Oh stand, stand by me
If the sky that we look upon
Should tumble and fall
All the mountains should crumble to the sea
I won't cry, I won't cry
No, I won't shed a tear
Just as long as you stand, stand by me
And darling, darling
Stand by me, oh stand by me
Oh…

Komal kho si gayi yash ke gaane me.. aur yash kho sa gaya guitar bajane me

Gana khatam ho chuka tha

"Waah waah, too good yash ji" Taali bajane lagi Komal

Yash ne Komal ko dekha, ek ladki ki wajah se usne guitar chora tha.. ab aaj ek ladki ki wajah se usne guitar uthayi thi

"Ab chalein khana thanda ho raha hai" Bol Komal chali gayi

Fir achanak yash ko yaad aaya ki usne fir aaj wahi kiya jo Komal chahti thi
Apne sar par guitar todne ka man kar raha tha yash ka
-------------------------------------------------------------------------------
"Thanks a lot Michelle" Bol Sanchita ne phone Kaat diya

Hmm yash, yashvardhan saraf STALLON empire ko khada kiya itne saalon me
Tabhi bhul gaya sanchita ko
Jis sanchita ko dil se pyaar karta tha, jiske kadmon me pada rehta tha
Har waqt sanchita ke aaspaas mandrata rehta tha
Wahi yashvardhan ne shaadi kar li.. wo bhi kisi airi gairi se

Sanchita ne apne saare kapde utar diye aur sharab ki ghoont lekar aasman ki aur dekhne lagi aur muskurane lagi

"YASHVARDHAN SARAF, fir se tumhare sanchita ke zindagi me aane ka waqt ho gaya hai.. wo jaahil ganwar tumhare layak nahi hai babu, mai hoon" Magazine me Yash ki photo ko apne honto se laga liya sanchita ne

"Aur jo hamare pyaar ke raaste me aayega, wo khatam ho jayega" Bol zor zor se hasne lagi sanchita.

Jabardast creative he. Action , romance dreama, comedy, or main story. Amezing...

 

[Scorpio 🦂]

Jabardast creative he. Action , romance dreama, comedy, or main story. Amezing...

Keep enjoying

 

[Shetan]

Update #20

---

"isme Meri kya galti sir??" Sunil ne sar jhukate hue kaha

Yash gour se dekhne laga Sunil ko.. 700 crore wo bhi a+ par?? itna bada blunder???
Tabhi call aaya yash ko

"Hello??" Yash ne phone uthaya

"Hahaha, wellwell mr yash suna hai aapne share par paise lagaye hain?? wo bhi 700 crore??? hahaha" Bunty khilkhilakar has raha tha

"Hmm lagaya hai paisa" Yash bina kisi reaction ke bola

"Sach me?? to next paisa kab laga rahe hai sir??" Bunty ne poochha

"Jald bataunga" Bol yash ne phone rakh diya.

"Sir now what??" Tony Yash ka right hand bola

"She's been framed Tony" Yash ne lambi saans lete hue kaha

"Lekin bhaiya abhi kuch nahi ho sakta??" Rohan ne poochha

"Bewkoofo ki tarah baatein mat karo rohan.. shares liye ja chuke hai" Yash bola

Rohan ne zor se apna haath table par maar diya.
Damn it damn it

"Baad me dekhenge, Chalo mai nikalta hoon" Yash bola

"Aapke bua ki beti aa rahi hai na aaj??" Rohan ne poochha

"Haan" Yash bola

"Yaani...." Rohan ne bolna chaha to yash ne rok diya

"Haan Dhruv bhi aa raha hai" Bol yash chala gaya
-------------------------------------------------------------------------------
Komal ki chutti thi aaj.. koi khas mehman aane wala tha, isliye aaj yash jaldi aa gaye
Komal ko bhi jaldi aane ko kaha tha yash ne.. tabhi gaadiyon ki siren sunai di

Gaadiyon ka kaafila yash ke mansion ke saamne ruka

Wahan ek gaadi se utarkar hathiyar band aadmi ne ek car ka gate khola

Aur sharon haathon me dher saare bag lete hue daudkar ander aayi

"Mamaji, mamiji, urvashi, sujata, yash bhaiyya" Sharon chillate hue ander gayi

Yash ne muskurate hue apni behen ko gale laga liya
Lekin peeche aate hue shaks ko dekh uski muskurahat gayab ho gayi

Dhruv ganguly, Jo sirf yash ko takkar de sakta hai.
Jiski yash ki tarah hi koi kamzori nahi hai.. jab yash ke parivar ko pata chala tha ki Sharon love marriage kar rahi thi, poore parivar me sirf yash ne aitraz kiya tha
Lekin fir aakhir kaar use bhi sharon ke husband ke roop me dhruv ko apnana pada

"Kaise ho yash??" Dhruv ne apna chashma thik karte hue bola

"Bas, chal raha hai, apni sunao" Yash bola

"Are bhai ander aane doge dhruv ko??"ashok saraf bole

"Lekin bhaiya aapne bhabhi ko kahan chupa rakha hai??" Sharon ne shararti muskurahat ke saath poocha

Door khadi ek ladki par sharon ki nazar padi.. gora rang, simple aur ek sankoch thi us ladki me

"A...Komal ye hai meri bua ki ladki sharon" Yash ne introduce karwaya

Dhruv ko dekhkar sar chakrane laga Komal ka.. kisi tarah khud ko rok paayi wo

"Ye hai dhruv ganguly, sharon ka husband aur SGA group ka chairman" Yash bola

"Milkar khushi hui aapse bhabhi"
Dhruv ne ek aupcharik smile diya

"Uff aap dono khusat log hato aur hum dono nanad bhabhi ko baat karne do" Bol sharon dhruv ko dhakka dete hi chali gayi Komal ka haath pakadkar
Komal thoda uncomfortable feel Kar rahi thi

Komal ke bedroom me pohunchte hi Sharon baith gayi

"Aur bhabhi?? kaisa raha suhagraat??" aankh maarte hue sharon boli

Komal chaunk gayi aur sar jhukakar bed me baith gayi

"Bohut sunder, yash bhaiyya ko isse achi ladki nahi mil sakti thi" Sharon boli

Komal chup rahi

"Pata nahi aapke dil me kya hai bhabhi.. lekin bhaiyya aapse sachmuch pyaar karte hai" Sharon boli

Komal ko halki si hairani hui sharon ki baatein sunkar

"Pata hai bhabhi, aapki aur meri kahani me zyada fark nahi hai, dhruv bhi yash ki tarah hi hai, use pyaar jatana nahi aata.. na hi romantic baatein karni aati hai.. usne bhi yash bhaiyya ki tarah dhoka khaya tha.. khair wo bas ab ateet hai.. hamari kahani bhi jhagde ke saath hi shuru hui thi" Sharon boli

"Sharon Tumhe pata nahi hamari shadi ke baare me" Komal boli

"Pata hai" Sharon muskurate hue boli

Komal fir chaunk gayi.. is ladki ko kaise pata

"Zaroori nahi ki shaadi dhoom dhaam se ho to wahi kamyab hoti hai.. agar dil sacha hai.. pyaar sacha hai to wo har mushkil ko har problem ko solve kar sakta hai.. aur sachi shadi wahi hoti hai" Sharon boli

Komal ke paas koi jawab nahi tha

"Tumhe pyaar kitna karte hai wo is baat ka saboot hai ki jab unhen pata chala ki tumhe zabardasti interview ke liye force kiya gaya to unhone phone par mujhe aur dhruv ko invite kiya khaane par" Sharon boli

Komal chaunk gayi poori tarah se.. usne sapne me bhi nahi socha tha ki sharon aur dhruv sirf Komal ke liye yahan aayenge

"Chalo chalte hai.. aur haan ek baat" Sharon ne Komal ke kaan ke paas jaakar kaha
"Yash aur dhruv ek doosre ke kattar competitor hai.. lekin iske bawjood hum bhai behen ke rishte me koi khatas nahi hai"

Komal ke saath jab sharon aayi to sharon ne kamal ko apni aur se shaadi ke gift diye

"Meri taraf se ye gift hai aapke liye bhabhi" Dhruv ne apne coat ke pocket se ek lifafa nikala aur Komal ko diya

Komal ne use khola aur dekha ki ek chabiyon ka guchha hai

"Tumhare liye ek naya apartment" Dhruv ne yash ki aur dekhkte hue kaha

Yash gusse se laal peela ho gaya.. aise hi ek apartment yash ne gift kiya tha sharon ko rakshabandhan me
Dhruv ne aankhon hi aankhon me bata diya ki hisab barabar hua

"Dhruv agar dil ko tasalli mil gayi ho to jiske liye aaye ho wo to..." Sharon boli

"Iske liye Komal bhabhi ko manana padega mujhe" Dhruv ne apna chashma thik karte hue kaha

"Dekho mr chashmish tum.." Sharon jhagda karne ke liye taiyyar ho gayi Dhruv se

"Shhh" Dhruv interested tha Komal ka jawab sunne ke liye

"Well mr dhruv chairman of SGA will you like to share few moments out of your busy schedule for an interview with BRENDON?? Komal ne poochha

Dhruv has pada.. excellent yahi sunna chahta tha wo.. komal ne yash ki wife hone ka fayda nahi uthaya tha
Apni choti si pehchan se hi dhruv ko interview ke liye invite kiya tha

"Ok shuru karein??" Dhruv haste hue bola.. komal muskurai
Ek kaam to ho gaya.

Kafi shadar kahani he. Amezing.

 

[Scorpio 🦂]

Kafi shadar kahani he. Amezing.

Thank you Shetan

 

[Tarzan Kingson]

Update #1

---

"Happy raksha bandhan yash bhaiyya" Sharon ne yash ki haatho me rakhi baandhte hue kaha

"Mere bhaiyya ko duniya ki saaaaaari khushi mile" Sharon ne fir kaha

"Sharon ye lo" Bol us shaks ne ek lifafa pakda diya sharon ko

"Ye kya hai bhaiya??" Sharon ne lifafa kholte hue boli

Sharon ne lifafa khol kar bola
Ek rolls Royce, ek lamborghini aur ek porsche, teen car ki chabi
Sharon muskurai aur lifafa wapas yash ki aur pakdate hue boli

"Too expensive bhaiya , can't accept this" Sharon boli

"Tum dhruv ki wife ho SGR industries ke CEO ki wife, tum ye bol rahi ho sharon??" Yash bola

"Mai.....ummmmmm.....haan wo lungi wo" Bol sharon khud uthkar table me se ek pen utha laai

"Ye pen hi hai mera rakshabandhan gift, ok bhaiyyaaa got to go dhruv k aane ka time ho gaya" Bol sharon chali gayi

Yash kuch der tak waise hi baitha raha.. fir ek phone ghumaya

"Mark please book and apartment in the name of sharon...... yes I know it cost 1 billion dollars.. but do as I say" Bol yash ne phone rakh diya

"Tum abhi bhi nahi samajhti sharon.. paise se sab kuch khareeda ja sakta hai" Yash bola

-----------------------------------------------------------------------------
KANPUR
"Chachaji chai" Komal ne ek chai ki pyali pakdai

"Beta, tu kyun yahan apni zindagi barbad kar rahi hai, tu college me top kar chuki hai.. kitni achi naukri lagi hai, lekin fir bhi yahan apni behno aur chachi ka zulm sehti hai??" chachaji ne Komal ke gaal par haath ferte hue bola

"Mera apna koi nahi hai chachaji aap ko chor kar, aap ko chor kahan jaungi" Komal boli

"KOMAL KI BACHHI KAHAN MAR GAYI, KITNA KAAM PADA HAI?? TERA BAAP AAKAR KAAM KAREGA??" Door se teekhi awaz aayi

Komal daudte hue chali gai us taraf

"He bhagwan is bachi ko dekhna" Chachaji ne aankhen band kar di

Tabhi ek phone ki ghanti baji

"Hello???"

"Girdhari sharma??" Doosri aur se awaz aayi

"Haan??" Chachaji bole

"Aapke loan chadh kar 30 lakh ho gaye hai sir, do saal se interest badhkar 4 lakh aur ho gaye.. ye mahina last hai aapka, fir aapka makan hamara hoga, yaad hai na??" Doosri aur se awaz aayi

"Mai...mujhe thodi aur thoda time......" Chachaji bole lekin tab tak phone kat chuka tha

Ander Komal par gaaliyan pad rahi thi.. chachaji ne aankhen band ki
Sahi ho raha hai unke saath.. Is bacchi ko janm dene ke baad iske mata pita car accident me mar gaye.. tab se Girdhari paal raha hai Komal ko
Apne dono betiyon ko private school me daalkar bhi koi fayda nahi hua
Ek beti ne galat kadam uthaya aur jaldbaji me shaadi karwani padi.. ek bank officer se
12 lakh ka dahej diya gaya

Aur choti beti ki shadi ek IAS officer se.. 20 lakh ka dahej diya use

Ab kuch bhi nahi hai unke paas.. lekin Komal ne government school aur college me awwal number se pass kiya aur ek aadarsh beti bankar aaj bhi chachaji ko apne pita ke roop me izzat deti hai
School ke naukri se jo milta hai poora ghar me kharch kar deti hai
Tab bhi is dayan ko taras nahi aata.. din raat satati rehti hai.. bachpan me kitni baar maar khayi thi is bachi ne
Ab gaali kha rahi hai

Isliye to ye ho raha hai unke saath.. bhagwan ki maar padi hai unke upar.. lekin giridhar ko apni nahi is bachi ki chinta hai.. pata nahi kya hoga iske saath.

NICE TITLE DEAR KEEP IT UP

 

[Tarzan Kingson]

Update #2

---

"ye sab kya hai yash??"

"Aapko pata hai papa" Yash bola

"Factory lock ho gai to kai log bhookhe marenge beta" Mr saraf bole

"Marne do, as if I care" Yash bola

"YASHVARDHAN SARAF HOLD YOUR BLOODY TONGUE" Mr saraf chillate

"I WIN PAPA, I ALWAYS WIN.. HAARNE KA SAWAL HI NAHI HAI, YA WO JHUKENGE AUR STRIKE KHATAM KARENGE YA FIR BHOOKHE MARENGE" Yash dahad utha aur chala gaya

Mr saraf sofe pe baith gaye, ek beta jo zarorat se jyada ambitious ho gaya, ek beti jisne love marriage kiya lekin khush nahi hai, ek choti beti jisme sanskar naam ki cheez nahi hai, un ki khud ki patni ke saath unki nahi pat paati aur pitaji???
Bas pathar ki moorat bane rehte hai

Mr saraf ne aankhen band ki, kya sab kuch thik hoga???

-------------------------------------------------------------------------------
Yash ko yakeen nahi ho raha tha itni urgently india jaana pad raha hai

Factory me emergency wali situation thi.. Do suicide aur lock out me log bhookh hadtal par the

Girdhari sharma bhi usi factory ne anshan kar rahe the

6 gadiyan ek saath factory ki aur gayi.. aaj hi wapas lautna hai is panauti desh se

"Move aside move aside sir aa rahe hai side raho sab" Ek bodyguard bola aur sabko hatane laga

"Ahhh" ek dhakka Girdhari sharma ko bhi laga

"CHACHAJI" Komal ki cheekhe nikal gayi.. apni scooty band kar daudte hue aayi

"Aap thik to hai na chachaji??" Komal ne sahara dekar uthaya Girdhari ko.. sar se halka khoon nikal raha tha

Gusse se Komal aage aayi aur

CHATAAAAAAAAK

ek jhannatedar thappad lagaya us bodyguard ko

Sannata chha gaya tha.. lekin fir sab bodyguard jaise hi tootne ko taiyyar hue

"Thahro" ek awaz aayi

Komal ne dekha ek 26 saal ka aadmi khada tha coat haath me pakde hue.. khadoos me agar koi award ka hakdar hoga to ye wo shaks hoga

"PEHLE TO FACTORY KI BONUS BAND KI, FIR FACTORY KO LOCK OUT PAR RAKHA, AB KYA LENE AAYE HO?? CHACHAJI KI JAAN??? BOHUT BADE AADMI HO NA?? BOHUT BADE??? KABHI APNA DIL BHI BADA KARO, AUKAT BADI HONE SE KUCH NAHI HOTA DIL BADA HONA CHAHIYE" Komal chillakar chali gayi

"Pehli Baar ek ladki ne unhen chup kara diya??"

"Ye kya hua yash sahab chup rahenge??"

"Ladki to gayi"

"Pehli Baar ye hua, he bhagwan hamare upar na nikle inka gussa"

Charo aur se fusfusahat.. Lekin yash ka chehra bohut sakht hota gaya

-------------------------------------------------------------------------------
"Karmjali kahi ki?? ab pata nahi kya karega wo aadmi" Kalawati Sharma cheekh uthi

"Le..lekin chachi chachaji ke sar par khoon dekhkar mujhe pata nahi kya hua tha mai..." Komal baat poora hi nahi kar paayi ki mita ne use apni aur ghumaya aur

CHATAAAAAAAAK

Ek thappad aur Komal gaal pakadkar baith gayi

"Tu isi ke layak hai, kitni baar kaha hai ki hamare kaam me taang na adane ke liye" mita boli

Komal ne sar uthakar raghu ki aur dekha, mita ka pati.. kabhi raghu aur Komal ka pyaar aasman par tha.. lekin 20 lakh ka dahej ko tola tha raghav ne.. komal se rishte tod diye aur hamesha anjan bane rehne ka wada bhi le liya tha

Aaj wahi raghav chupchap khada tha

"Is chudail ko pata nahi shanti kab milegi?? shayad hum sab ka khoon chuskar" Swati boli

"Are wo koi aisa waisa nahi hai maa, wo yashvardhan saraf hai aise 100 factory kharid aur bech sakta hai" Sunil ne aag me ghee dene ka kaam kiya

Sabne nafrat se bhari nazrein daali Komal par aur chale gaye

Chachaji Komal ko god me lekar rone lage, Komal chup thi lekin uske aansu chup nahi the bas nikalte hi ja rahe the.

NICE UPDATE

 

[Knight Rider]

Update #53

---

Sannata poore hospital me chhaya hua tha.. Komal ka ro ro kar bura haal tha

Operation theatre me gaye hue yash ko kaafi samay ho gaya tha

Komal ki aankhen baar baar us light par thi jo jal rahi thi

Sharon, nisha, urvashi aur saare parivar aaye hue the
Mr and Mrs khurana bhi the wahan

Light band ho gayi thi

Komal daudkar doctor ke paas gayi aur unse ek sawal kar dala aankhon se

"Wo....mareez ka kaafi khoon beh chuka tha isliye.......matlab..." Idhar udhar dekhte hue doctor bola

"Saaf saaf bataiye doctor" Rohan ne poochha

Doctor ne apni gardan jhuka li
Aur Komal ke kandhe par haath rakhkar chale gaye

Sab kuch andhera ho gaya Komal ke liye
Durga maa ne ye sila diya meri bhakti ka???

Daudkar wo operation theater ke ander gayi

"Are ye ander kaise aayi??" Ek nurse ne poochha to Komal uski parwah na karte hue yash ke paas gayi

"Excuse me miss.. aap ander nahi aa sakti " Kai logo ne komal ko pakad rakha
Lekin Komal ki taqat kahan se aa gayi pata nahi bas yash ko dekh rahi thi

"Yash.......yaad hai?? hamari pehli mulakat??
Jab tum ne purane factory me kadam rakha tha???
Yaad hai jab tumne mera maan barkarar rakha tha us party me jab mai zaleel ho rahi thi???
Yaad hai kaise tumne mujhe interview diya tha taaki meri naukri me help mil sake mujhe???

To fir kyun???

Kyun ja rahe ho chod kar mujhe???

Kya galti hai meri???

Yahi ki mai kabhi tumse apne dil ki baat keh ho nahi paayi???

To aaj keh deti hoon

I

Love

You

Yash"

Bol bilakh bilkah kar yash ke seene se lagkar roti gayi Komal
Aaj agar yash nahi rahega to wo bhi nahi rahegi
Sharon ne aakar Komal ke kandhe par haath rakha apne chhalakte hue aansuo par kaabu paane ki koshish kar rahi thi wo.agar wo hi himmat haar jayegi to Komal kya karegi

Ghar ke baaki log bhi rone lage
Mrs khurana mr Khurana ke kandhe par sar rakhkar rone lagi


"Hhhhhhh......hhhhhhh" Yash ke muh se awaz nikalne laga

"D..d..doctor??nurse d..dekhiye yash yash..." Khushi aur badi badi aankhon se Komal ne yash ki aur dikhaya

Sab jut gaye yash ke oopar kaam karne ke liye

"Apne 12 saal me pehli Baar aisa miracle dekha sister" Doctor ne sister ki aur dekhkar kaha

Sister kuch boli nahi sirf ek baar Komal ki aur dekhkar muskurai
-------------------------------------------------------------------
"Ohho maa bas bhi karo, sab kuch to ho gaya ab aur kitna karogi??" Komal muh banate hue boli

"Tu chup kar tujhe kuch nahi pata, mere dil me bhi Armaan hai.. apni beti ki shaadi aise dhoomdham se karungi ki sab dekhte reh jayenge" Mrs khurana boli aur phone me sab hidayat dene lagi

Yash poori tarah to nahi lekin kaafi hadh tak thik ho chuka tha
Aur saraf parivar aur khurana family ne milkar yash aur Komal ki ek baar fir se shaadi ka plan banakar khushi ko double kar diya tha

Komal ke ghar sharon, nisha, urvashi aur sujata ne apna dera bana liya tha to
Wahi yash ke ghar dhruv, Manav, rohan ne apna adda baya hua tha

Har raat Komal aur yash me baatein hoti rehti thi
Aur itne dino se chhupaye hue pyaar ka dono khoob maza lete the

Dekhte dekhte shaadi ka din bhi aa gaya

"Pehle paise??" Sharon ne yash se kaha

"Are?? tu meri behen hai ya uski??" Yash ne poochha

"Filhal Komal ki hoon" Sharon boli

"Jitna dhruv ne diya tha itna mai dunga" Yash haste hue bola

Sharon chaunk gayi, is kameene dhruv ne shaadi ke sirf 10,000 diye the.. kanjoos kahi ka
Sharon ne muh bana liya

"Are?? tu kyun itna muh banakar baithi hai, ye le paise" Bol Komal ne yash ka purse liya aur kai dollars nikal liye usse aur sharon ko de diya

Yash ka muh khula reh gaya
Sab hasne lage

Party sahi chal rahi thi.. reception bhi acha chal raha tha
Tabhi kaafi saare bodyguards lekar ek young sa aadmi wahan aaya aur seedha dhruv ke paas gaya

"Ranvijay?? congratulation youngest achiever award ke liye" Dhruv ne us naujawan ke kandhe par haath rakhte hue kaha

"Dhruv sir, maine aapko apna guru mana tha, aapse training lekar aage gaya aur aapne shaadi kar sab kuch khatam kar diya" Ranvijay afsos ke saath bola

"Vijay kaisa hai??" Dhruv ne poochha

"Ekdum strong" Ranvijay bola
Dhruv ne notice kiya ki ranvijay ka ghamand aasman ko choo raha hai.

Dhruv kuch bolne ja raha tha.. lekin ranvijay ne haath se Ishara kar rok diya dhruv ko

"Mai aap aur yash sir jaisi galti nahi karunga, mera target hai world ka best ceo banna aur company ko aasman ki unchaiyon ko choona, aap logo ko ye bakwas pyaar vyaar mubarak ho" Bol ranvijay chala gaya waha se

Dhruv dekhta raha use, beta jis din tujhe pyaar hoga na tab dekhenge.. soch dhruv sharon ke saath baaton me busy ho gaya

Ghar ke terrace par Komal khadi thi aur chand ko dekh rahi thi
Reception khatam hue kaafi waqt ho gaya tha
Aur kaafi thak gayi thi

"Akele akele idhar kya kar rahi ho Komal??" Yash ne poochha

"Dekh rahi hoon chand ko" Komal ne jawab diya

"Kyun??" Yash ne poochha

"Yahi chand nikla tha hamari shadi me, yaad hai" Komal muskurate hue boli

"Hmm aaj bhi nikla hai chand, chalo fir wo kaam shuru karte hai jo us waqt nahi kar paaye" Yash ne muskurate hue Komal ko dekhkar kaha to Komal Sharma gayi

Yash Komal ke nazdeek aaya aur Komal ke chehre ko apni aur le aaya aur

Muaaaaaaaaaaaaaaaaaaaaahhhhhhhhhh

Kiss kar rahe Komal aur yash ko chand apni Gawahi de raha tha
Ek nayi kahani shuru ho chuki thi.

----------------------THE END------------------------------

amazing story dost

 

[Soniya poliwaal]

wonderful update