Romance BEAUTY AND THE BEAST (Complete)

[Scorpio 🦂]

Note : I Am Not Original Writer, It's CnP Story From Internet.

Credit Goes To Original Writer : Swaraj

 

[Dolly]

Update #3
[HR=1][/HR]

Komal ne durga mata ka photo seene par rakhte hue foot foot kar rone lagi

Kya galti hai uski??? yahi ki bin maa baap ki aulad hai??
Fir maa durga to maa hai na???
Kya maa sirf naam ke liye hai??

Dil se maanti thi maa ko lekin maa??? aur kitna sehna padega???
Kya saari zindagi??? agar aisa hai to aisa hi sahi

THAK THAK

"Koun??" Kalavati ne darwaza khola

4 log khade the .

"Sir ne bulaya hai girdhari ko.. abhi ke abhi chalo" ek aadmi bola

Girdhari jo gaadi me baith kar Chale gaye

Ek choti office me girdhari ko lagaya gaya

"Aao aao girdhari, bolo kaise ho??" Secretary bola

Saamne yash khada tha ulti aur ghumkar

"Yash sahab is factory ko bech rahe hai girdhari, unki maali haalat thik nahi hai, diwaliya hone wale hai.. lekin jaane se pehle wo tumhara karza maaf kar sakte hai.. lekin shart hai ek" Secretary fir bola

"Shart....."girdhari bola

"Apni bhatiji komal ki shaadi karni hogi yash sahab se" Secretary bola

Girdhari wahi zameen par baith gaya, ye shaadi nahi sauda hai sauda, waise bhi yash acha aadmi nahi hai
Kamina, harami, kitni gaali di jaaye kam hai
Lekin wo Komal se shaadi karna hi kyun chahta hai???

"Kya kehte ho???" Secretary bola

"M..mujhe samay chahiye" Bol girdhari jaane laga

"Girdhari??" Yash ki awaz aayi is baar

Girdhari ruk gaya

"Mujhe ladki ki aur se haan chahiye, wo bhi kal tak.. mai wapas USA ja raha hoon" Yash bola

Girdhari jitni jaldi ho sake wahan se nikal gaya

-------------------------------------------------------------------------------
"Kya ??" Khushi ke maare ashok saraf uthkar khade ho gaye

"Haan sir, lekin ladki mamuli ghar ki hai" Doosri aur se awaz aayi

"Sach ahmed tumne aaj mujhe ek bohut badi khushkhabri di hai" Ashok bola

"Haan sir jab se wo manhoos sahab ki zindagi se gayi tab se sahab aise ho gaye... warna...." Ahmed ne khud ko rok liya rone se

"Sab bhool jao ahmed.. shaadi me koi rukavat nahi aani chahiye" Ashok bola

-------------------------------------------------------------------------------
Girdhari jab ghar aaye kalawati apne bachon ke saath baaton me busy thi

Chupchap chair me baitha gaye girdhari

"Chachaji paani" Komal boli

Girdhari ne ek nazar Komal par daali.. aajtak jo bhi bola gaya is bachi ko.. kabhi mana nahi kiya isne
Lekin ye kaise bol payenge giridhar

Ek Jaanwar se Komal ki shaadi karwane ka matlab hai is bachi ki zindagi barbad karna
Diwaliya hone ka matlab raaste me aa jayega yash.. saath me Komal bhi

"Kya baat hai chachaji??" Komal ne poochha

"Kuch nahi beta..... yash sahab ne hamare saare karz ko chukane ka Wada kiya hai" Giridhar bole

"Ye to bohut khushi ki baat hai.. mai to dar rahi thi ki mere us bartav ke wajah se aap ko sunayenge lekin..." Komal boli

"Poori baat suno komal unhone kaha hai ki meri naukri bani rahegi, karz chukta hoga lekin ek shart hai" Giridhar bole

Komal chup rahi

"Tumhe yash se shaadi karni hai" Giridhar dheere se bole

Komal ne aankhen band kar di

WONDERFUL

 

[Dolly]

Update #4
[HR=1][/HR]

"maine soch liya hai chachaji, mai ye shaadi karungi" Komal boli

Giridhar ne dekha Komal ki aankhon ke neechi halki si kaali ho gayi hai

"Beta yahan aakar baith mere bagal me" Giridhar bola

Komal aakar baith gayi giridhar ke bagal me.. giridhar ne Komal ke sar par haath fera.. pata nahi kab tak is bachi ke saath anyay hota rahega
Nahi.. apne fayde ke liye wo is ladki ke saath kuch nahi hone denge

"Beta tujhe pareshan hone ki zaroorat nahi hai.. mai kuch na kuch kar hi loonga is karze se chutkara paane ke liye, waise bhi wo aadmi diwaliya hone wala hai uske saath shaadi ke baad tera kya hoga??" Giridhar bola

"Aapne mujhe apnaya pyaar diya chachaji, padhaya likhaya jitna aapke samarth me tha, lekin please mujhe ye karne dijiye, mai padhi likhi hoon kuch na kuch karke apna ghar bacha hi loongi" Komal uth khadi hui

"Mujhe us aadmi se ek baar milna hai" Komal boli

Giridhar ne Komal ki aur dekha, uski patni aur uski betiyan hamesha se us par bojh bani rahi lekin Komal hi hai jisne aaj ek beti hone ka farz nibhaya

"Bhagwan teri jaisi beti mujhe har janm me de beta" apne dono hathon se aashirvad dete waqt giridhar ki aankhen nam thi

------------------------------------------------------------------------------
Yash Apne factory ke office me baitha hua tha

"Haan wahi plan hai.. dekhte hai kya hota hai" Phone par yash baat kar raha tha

"Sir a girl just came to visit you" Ek ladki ne yash ke kamre ka darwaza knock karte hue poochha

Yash ne door se hi haathon ke ishare se mana kar diya

"Sir her name is komal.. insisting on meeting you" Ladki boli

Yash ruk gaya
"Baad me call karta hoon rohan" Bol phone kaat diya yash ne

Saamne Komal khadi thi
Ek sasti si salwar suit me.. bloody cheap Yash muskuraya.. lekin chehra ek dum naam ki tarah Komal hai
Kitna gora rang, laal hont aur khoobsoorat sa chehra.

"Giridhar chacha ne jo kaha wo sach hai kya??" Komal ne yash ki aankhon me aankhen daal kar poocha

Saamne khadi ladki chaunk gayi.. aaj tak kabhi kisi shaks ne himmat nahi hui yashvardhan ke aankhon me aankhen daal kar baatein karne ki
Lagta hai ladki ka time poora ho gaya

"Haan sab sahi suna" Yash bola

"In that case kuch cheezein clear karna chahti hoon" Komal boli

"Bolo" yash bola

"Pehli shart, shaadi ke baad bhi job karna chahti hoon" Komal boli

"Soch samajh kar bolo ladki....saraf khandan me kisi ne aajtak..." Yash ki baatein khatam hone se pehle hi Komal ne rok diya

"Naam ladki nahi Komal hai, doosri shart aap ye factory band nahi karenge, chahe kuch bhi ho jaaye" Komal boli

"Tumhe to pata hai ki mai diwaliya ho raha hoon" Yash bola

"Pata hai.. itna bhi pata hai ek factory aap afford kar hi sakte ho, aur meri Teesri shart ye shaadi simple hogi, aur shaadi ka kharcha mai khud uthaungi" Bol yash ke kuch samajhne se pehle Komal ne apne bag se paiso ki gaddi nikal kar yash ki haatho me thama diya

"Ye 50,000 hai, isi paison se shaadi hogi" Bol Komal chali gayi

Yash kuch der ke liye robot ki tarah khada raha paise haatho me liye

Saare staff ki yash ke saamne fat jaati thi.. lekin Komal ka yash par bhari pade dekh sab idhar udhar dekh muskurane lage

Yash gusse se kaampne laga

"HOW DARE YOU KOMAL SHARMA.. I'LL MAKE YOUR LIFE HELL JUST WATCH" Gusse se kaampte yash ne apne aap se kaha

AMAZING DEAR

 

[Dolly]

Update #5
[HR=1][/HR]

Komal factory se nikalkar apni scooty liye ja rahi thi ki ek car saamne se aakar ruk gayi

"Komal??" car se ek ladki nikal kar aayi aur Komal ke saamne khadi ho gayi

"Pra....kriti??? itne saalon baad???" KOMAL muskurate hue boli

"Are bhai abhi abhi is shahar me aayi hoon, USA me padh rahi thi, tu bata" Prakriti ne poochha

"Bas yahi ek school me padha rahi hoon" Komal ne haskar kaha

"Hmm sun na ek kaam kar aaj mere papa ka birthday party hai, tujhe bhi aana hai samjhi??" Prakriti boli

"Arey nahi, tera birthday hota to baat alag thi, tere papa ki birthday party me mai kya karungi?? waise bhi tere papa shahar ke nami logo me ek hai" Komal boli

"Aana to padega hi, acha abhi chalti hoon.. bye" Bol prakriti gaadi me baith gayi

Komal haskar scooty ko lekar aage badh gayi

Gaadi me baithi prakriti ke chehre par ek kutil muskan tair gayi

"Bachpan se tujhse badla lene ka aaj mauka mila hai Komal ki bachhi, ab dekh party me teri izzat ki kaise dhajjiyan udati hoon" Prakriti man hi man bol muskurane lagi

-------------------------------------------------------------------------------
Komal party me jab pahunchi tab raunak dekhne layak thi

"Are koun hai waha?? Jao yahan se" Chaukidar ki awaz ne Komal ko rok diya

"Aap galat samajh rahe hai, mujhe prakriti ne bulaya tha" Komal boli

"Prakriti madam bol ladki, waise bhi madam ka tujh jaisi ladki ka bulana samajh me nahi aata" Chaukidar bola

Komal chup rahi kuch der tak.. uske paas prakriti ka number bhi nahi tha.. bas address tha.. yun bina mile jaana thik nahi laga Komal ko.. chaukidar ne ghadi dekhi aur ek ghante baad Komal ko bola

"Ae ladki ander ja, madam ne bulaya hai"

"Pata nahi kaise kaiso ko madam bulati hai party me" Doosra chaukidar bola aur dono chaukidar hasne lage

Komal sar jhukakar ander aayi

"Are ye koun aya hai, dekh ke hi bhikhari si lag rahi hai"

"Ise ander kisne bulaya hai??"

"Yuk chi"

Tarah tarah ke kataksh bhare swar goonj rage the party me komal se aur nahi raha gaya wo jaise hi wapas mudne ko hui ki...


"Are komal ?? aja aja, ladies and gentlemen.. ye hai meri saheli Komal" Prakriti boli

Komal ne prakriti ki aur dekha aur muskurai.. prakriti bhi muskura uthi.

"Jab hum dono school me the to ye mujhse bohut aage thi.. mai sirf ek average student bankar reh gayi thi" Prakriti ne bolna shuru kiya

"Lekin fir maine haar nahi maani kadi mehant se apna mukam hasil kar liya, aur aaj Ek multibrand company me architect hoon" Prakriti boli

"Aur ye madam ek government school me bache padhati hai" Prakriti ke Bolte hi saare log hasne lag gaye

Komal ke aansu bahte gaye, itni bezzati karwane aayi thi yahan???

"Are ye gift to dekho" Prakriti ne Komal ke hathon se gift cheen liya

"Ek hanky hai saste wali ispar isne kuch embroidery ka kaam kiya hai" Prakriti ne sabko hanky dikhayi aur zameen par fenk diya

"Arey beta tu ready nahi hui.. dekh ek bohut khaas mehman bas 2 minute ke liye yahan aa raha hai please gadbad mat karna" Prakriti ke papa bole

"Wo aa raha hai?? papa i'm super excited" Prakriti chahakte hue boli

Komal wahan se apna hanky lekar jaane hi lagi ki

DHAKK

Ek dhakka laga aur sannata chha gaya poori party me

Komal ne apna sar pakda saamne yash khada tha

"Is ghatiya party me aane ki kya zaroorat thi??" Yash ne Komal ki aur dekhkar kaha

Party me sannata abhi bhi barkarar tha

"Tum meri hone wali biwi banne ja rahi ho komal, aur ye hanky??mere liye??" Yash ne hanky apne pocket me rakh liya

"Mere paas faltu ka time nahi hai keshav ji, ye deal tabhi hoga jab aap meri shart manenge" Yash bola

"J j ji zaroor,b beta Yash ji aur unki hone wali biwi ke saath baatein karo mai abhi aaya" Bol prakriti ke papa ne daud lagai

Prakriti ko kaato to khoon nahi, ye sab kya hai?? do kaudi ki ladki yash ki patni banegi??
Damn it

Yash ne Komal ko apne se chipka liya to Komal ne gusse se yash ki aur dekha

"Kya kar rahe hai aap" Dheere se lekin gusse se Komal boli

"Photographers photo le rahe hai isliye karna pad raha hai samjhi" Yash bhi dheere se bola

"Lagta hai deal cancel karna padega, no time.. bye guys saara news Kal press conference me rohan aapko denge unse sawal jawab kar lena, chale darling" Bol yash ne Komal ka haath pakda aur chal pada

Raaste me do chaukidar apna chehra chhupate dikhai diye Komal ko

"Sir ye wahi hai jisne madam ko tang kiya tha" Ek aadmi bola

"Keshav ko bolo dono ki chutti kare tabhi deal ke baare me sochenge, gaadi nikalo" Yash ne ghadi dekhi

"Time nahi hai.. abhi bhi hai chalo shopping karte hai" Yash bola

"Aap diwaliya hone par bhi shopping kar rahe hai?? apni life style nahi chor rahe hai?? kaise insan hain aap?? maine socha tha ki mai bhi aapka haath bataungi naukri karke lekin aap...." Komal ka gussa badhte ja raha tha

"Madam ko pata nahi hai kya??" Rohan bola

"Shayad nahi" Doosra aadmi haste hue bola.. komal ne use gusse se dekha to wo serious ho gaya

"Madam aapko Kya lagta hai yashvardhan saraf kabhi kangal ho sakta hai??" Rohan ne fir haste hue bola

"Wo to bas ek test thi jisme sab ladkiyan fail hoti thi.. aap paas hui, idea ye tha ki yash sir ke paise ko dekhkar koi inse shaadi na kare" Rohan bola

Komal kuch bolne ja rahi thi ki yash aa gaya aur sab chup ho gaye

Komal gaadi me ghuste hi aabhas ho gaya ki koun si gaadi me baithi hui hai
Sab kuch tha gaadi me, bar, tv, sofa, chair sabkuch
Lekin use isse koi Matlab nahi tha.
Wo sirf yash ko dekhti ja rahi thi
Aaj is aadmi ne hi uska maan samman bachaya tha

Lekin hai bohut kameena.

WRITER WAS VERY TALAENTED

 

[Scorpio 🦂]

NICE

WOW VERY NICE

WONDERFUL

AMAZING DEAR

Thank you Dolly

WRITER WAS VERY TALAENTED

Indeed he is.

 

[Scorpio 🦂]

Superb story dear

Thank you Knight Rider

 

[Scorpio 🦂]

Update #19
[HR=1][/HR]

"Kya?? Lekin papa Maine us ladki ko barbaad karne ko kaha tha, fir kahan se wo abhi bhi kaam kar rahi hai??" Kashish chilla rahi thi aur uske papa sun rahe the

"Beta use aise hi to nahi nikal sakte?? lekin general manager ne aisi ek shart rakhi ki ab uska rehna namumkin ho jayega company me" Kashish ke papa bole

"Aur wo kya??" Kashish boli

"Yahi ki use YASHVARDHAN ka interview lene ko kaha hai, agar le paai to uski naukri bach jayegi, lekin jitna mujhe maloom hai YASHVARDHAN kisi ko interview nahi deta.. usse milna to door baat karna bhi possible nahi hai.. tension mat le beta" Kashish ke papa bole

Kashish ab muskura uthi tabhi uska mobile bajne laga

"Yes Julia tell me" Kashish boli

"M..madam the victor agency cancelled your contract with them" Julia boli

"What??? how can they" Kashish chilla uthi

"I don't know they sent a mail regarding this now" Julia boli

"Hah as if I care contact Dorothy" Kashish boli

"M..madam e..even Dorothy cancelled our contract" Julia boli

Kashish ab uth khadi hui.. gussa ab dar ki jagah lene laga
Fatafat phone kaatkar ek ke baad ek call karne lag gayi.
Dheere dheere Kashish ka chehra feeka pad gaya aur wo dhamm se zameen par gir gayi

"My God Kya hua beta?? kashish??beta??" Kashish ke papa chillaye ja rahe the
-------------------------------------------------------------------------------
Komal aaj office ke baad chali gayi seedha yash ke headquarters me

STALLON HQ
stallion group ka main office jahan yash kaam karta hai

Komal ke wahan ghuste hi sab wish karne lage use

"Yash..." Komal ne receptionist se poochha

"He is in a board meeting.. you can wait for him in his office" Receptionist boli

Aur Komal yash ke office me aa gayi
Kaafi BADA office tha Yash ka aur Komal wahan yash ke chair me baith gayi

Tabhi phone aaya.. komal soch me pad gayi.. call uthaye ya na uthaye???
Bohut der tak bajne ke baad phone cut jaata hai
Komal ne rahat ki saans li

Lekin fir se phone bajne laga.. is baar phone uthaya Komal ne

"Hello??" Komal boli

"Madam a+ ka share lene hai kya??" Doosri aur se awaz aayi

"Hmm pata nahi, achi kai kya??" Komal ne poochha

"Are madam bohut fayda hoga aap dekh lijiye" Doosri aur se awaz aayi

"Ok le lijiye" Komal boli

"Thank you madam" Bol doosri aur se phone cut gaya

""Knock knock" Rohan ki awaz ke saath Komal khush ho gayi

"Kya ho raha tha yahan??" Rohan ne poochha

"Yash ko aur kitna time lagega rohan??" Komal ne poochha

"Bhaiyya aane hi wale hai bhabhi" Rohan bola

"Waise tumhare bhaiya ke paas time hai interview dene ka??" Komal ne poochha

"Pata nahi bhabhi.. bhaiya ko ye sab pasand nahi hai.. aaj tak kabhi nahi diya" Rohan bola

"Oh" Komal thoda nirash ho gayi

Tabhi bijli ki tezi se yash ander daakhil hua

"Yash ji yash ji ek chota sa favour chahiye tha" Komal boli

"Bolo" Yash bola aur muskurane laga.. zaroor kashish ke baare me help maangne aayi hogi.

"Wo ek interview lena tha aapka??" Komal boli

"Kya??" Chaunk gaya yash.. sirf ek interview ke liye itni minnate??

"Boliye na" Komal boli

"Thik hai aaj se do din baad interview ka date le lo" Yash bola

"Lekin sir, do din bad carnival me aapko invite kiya gaya hai" Rohan bola

"Tujhe to pata hai rohan wahan mai jaata nahi" Yash bola

"Fir bhi har saal aapko invite aate rehte hai" Rohan bola

"Carnival??" Komal ne poochha

"India me tum mela kehti ho jise wahi yahan carnival type ka hota hai" Rohan bola

"Yesss fir to mai zaroor jaungi, ok interview ke baad carnival pakka, bye yash bye Rohan" Bol Komal chali gayi wahan se

"Ab carnival jaoge??" Rohan muskurate hue bola to yash ne jaise hi uski aur dekha rohan serious ho gaya
Yash lachar sa mehsoos kar raha tha.. sab kuch to kar raha tha jo Komal bole ja rahi thi
Kyun??

In sab se door bunty aaj khub jamkar whisky pee raha tha

"Kaam ho gaya sanjay??" Bunty bola

"Yes sir, unki wife ke mutabik a+ me saara paisa laga diya gaya hai, kareeb 700 crore" Sanjay bola

"Jo doobkar 0 ho jayegi hahaha, bohut khub sanjay flop aur gire hue shares ko achi tarah se chipkaya yash ki patni ke sar par.. ab yash to paagal ho jayega jab wo dekhega ki uske shares ki value 0 hai hahaha" Bunty aaj sachmuch ache mood me tha

"Ye bottle rakh aish kar" Bol bunty ne ek whisky ki bottle di sanjay ko

"Saala kanjoos makhichoos" Dheere se sanjay bola

"Kuch kaha tumne??" Bunty ne poochha

"N..nahi sir, to mai chalta hoon" Bol sanjay nikal gaya

"Aaj se STALLON ki barbaadi shuru" Bol poora whisky gatak gaya bunty
-------------------------------------------------------------------------------
Komal khushi khushi office gayi doosre din to dekha ki vishaka aur nitya dono sar pakad kar baithe hai

"Ab kis baat ki tension.. phone me bata to diya tha ki mr yash ka interview ho jayega" Komal boli

"Wo... ek problem ho gayi hai Komal" Nitya boli

"Kya ??" Komal ne poochha to dekha ki general manager yahin aa rahe the

"Oh tumhare doston ne bataya nahi ki interview change ho gaya hai??" General manager bola

"Kya" Komal hairan hote hue boli

"Haan ab tum Mr YASHVARDHAN ka interview nahi logi.. abhi jiska interview logi uska naam hai..." General manager muskuraye

"Kya??" Komal ne dheere se poochha

"DHRUV GANGULY" General manager bole.

 

[Scorpio 🦂]

Update #20
[HR=1][/HR]

"isme Meri kya galti sir??" Sunil ne sar jhukate hue kaha

Yash gour se dekhne laga Sunil ko.. 700 crore wo bhi a+ par?? itna bada blunder???
Tabhi call aaya yash ko

"Hello??" Yash ne phone uthaya

"Hahaha, wellwell mr yash suna hai aapne share par paise lagaye hain?? wo bhi 700 crore??? hahaha" Bunty khilkhilakar has raha tha

"Hmm lagaya hai paisa" Yash bina kisi reaction ke bola

"Sach me?? to next paisa kab laga rahe hai sir??" Bunty ne poochha

"Jald bataunga" Bol yash ne phone rakh diya.

"Sir now what??" Tony Yash ka right hand bola

"She's been framed Tony" Yash ne lambi saans lete hue kaha

"Lekin bhaiya abhi kuch nahi ho sakta??" Rohan ne poochha

"Bewkoofo ki tarah baatein mat karo rohan.. shares liye ja chuke hai" Yash bola

Rohan ne zor se apna haath table par maar diya.
Damn it damn it

"Baad me dekhenge, Chalo mai nikalta hoon" Yash bola

"Aapke bua ki beti aa rahi hai na aaj??" Rohan ne poochha

"Haan" Yash bola

"Yaani...." Rohan ne bolna chaha to yash ne rok diya

"Haan Dhruv bhi aa raha hai" Bol yash chala gaya
-------------------------------------------------------------------------------
Komal ki chutti thi aaj.. koi khas mehman aane wala tha, isliye aaj yash jaldi aa gaye
Komal ko bhi jaldi aane ko kaha tha yash ne.. tabhi gaadiyon ki siren sunai di

Gaadiyon ka kaafila yash ke mansion ke saamne ruka

Wahan ek gaadi se utarkar hathiyar band aadmi ne ek car ka gate khola

Aur sharon haathon me dher saare bag lete hue daudkar ander aayi

"Mamaji, mamiji, urvashi, sujata, yash bhaiyya" Sharon chillate hue ander gayi

Yash ne muskurate hue apni behen ko gale laga liya
Lekin peeche aate hue shaks ko dekh uski muskurahat gayab ho gayi

Dhruv ganguly, Jo sirf yash ko takkar de sakta hai.
Jiski yash ki tarah hi koi kamzori nahi hai.. jab yash ke parivar ko pata chala tha ki Sharon love marriage kar rahi thi, poore parivar me sirf yash ne aitraz kiya tha
Lekin fir aakhir kaar use bhi sharon ke husband ke roop me dhruv ko apnana pada

"Kaise ho yash??" Dhruv ne apna chashma thik karte hue bola

"Bas, chal raha hai, apni sunao" Yash bola

"Are bhai ander aane doge dhruv ko??"ashok saraf bole

"Lekin bhaiya aapne bhabhi ko kahan chupa rakha hai??" Sharon ne shararti muskurahat ke saath poocha

Door khadi ek ladki par sharon ki nazar padi.. gora rang, simple aur ek sankoch thi us ladki me

"A...Komal ye hai meri bua ki ladki sharon" Yash ne introduce karwaya

Dhruv ko dekhkar sar chakrane laga Komal ka.. kisi tarah khud ko rok paayi wo

"Ye hai dhruv ganguly, sharon ka husband aur SGA group ka chairman" Yash bola

"Milkar khushi hui aapse bhabhi"
Dhruv ne ek aupcharik smile diya

"Uff aap dono khusat log hato aur hum dono nanad bhabhi ko baat karne do" Bol sharon dhruv ko dhakka dete hi chali gayi Komal ka haath pakadkar
Komal thoda uncomfortable feel Kar rahi thi

Komal ke bedroom me pohunchte hi Sharon baith gayi

"Aur bhabhi?? kaisa raha suhagraat??" aankh maarte hue sharon boli

Komal chaunk gayi aur sar jhukakar bed me baith gayi

"Bohut sunder, yash bhaiyya ko isse achi ladki nahi mil sakti thi" Sharon boli

Komal chup rahi

"Pata nahi aapke dil me kya hai bhabhi.. lekin bhaiyya aapse sachmuch pyaar karte hai" Sharon boli

Komal ko halki si hairani hui sharon ki baatein sunkar

"Pata hai bhabhi, aapki aur meri kahani me zyada fark nahi hai, dhruv bhi yash ki tarah hi hai, use pyaar jatana nahi aata.. na hi romantic baatein karni aati hai.. usne bhi yash bhaiyya ki tarah dhoka khaya tha.. khair wo bas ab ateet hai.. hamari kahani bhi jhagde ke saath hi shuru hui thi" Sharon boli

"Sharon Tumhe pata nahi hamari shadi ke baare me" Komal boli

"Pata hai" Sharon muskurate hue boli

Komal fir chaunk gayi.. is ladki ko kaise pata

"Zaroori nahi ki shaadi dhoom dhaam se ho to wahi kamyab hoti hai.. agar dil sacha hai.. pyaar sacha hai to wo har mushkil ko har problem ko solve kar sakta hai.. aur sachi shadi wahi hoti hai" Sharon boli

Komal ke paas koi jawab nahi tha

"Tumhe pyaar kitna karte hai wo is baat ka saboot hai ki jab unhen pata chala ki tumhe zabardasti interview ke liye force kiya gaya to unhone phone par mujhe aur dhruv ko invite kiya khaane par" Sharon boli

Komal chaunk gayi poori tarah se.. usne sapne me bhi nahi socha tha ki sharon aur dhruv sirf Komal ke liye yahan aayenge

"Chalo chalte hai.. aur haan ek baat" Sharon ne Komal ke kaan ke paas jaakar kaha
"Yash aur dhruv ek doosre ke kattar competitor hai.. lekin iske bawjood hum bhai behen ke rishte me koi khatas nahi hai"

Komal ke saath jab sharon aayi to sharon ne kamal ko apni aur se shaadi ke gift diye

"Meri taraf se ye gift hai aapke liye bhabhi" Dhruv ne apne coat ke pocket se ek lifafa nikala aur Komal ko diya

Komal ne use khola aur dekha ki ek chabiyon ka guchha hai

"Tumhare liye ek naya apartment" Dhruv ne yash ki aur dekhkte hue kaha

Yash gusse se laal peela ho gaya.. aise hi ek apartment yash ne gift kiya tha sharon ko rakshabandhan me
Dhruv ne aankhon hi aankhon me bata diya ki hisab barabar hua

"Dhruv agar dil ko tasalli mil gayi ho to jiske liye aaye ho wo to..." Sharon boli

"Iske liye Komal bhabhi ko manana padega mujhe" Dhruv ne apna chashma thik karte hue kaha

"Dekho mr chashmish tum.." Sharon jhagda karne ke liye taiyyar ho gayi Dhruv se

"Shhh" Dhruv interested tha Komal ka jawab sunne ke liye

"Well mr dhruv chairman of SGA will you like to share few moments out of your busy schedule for an interview with BRENDON?? Komal ne poochha

Dhruv has pada.. excellent yahi sunna chahta tha wo.. komal ne yash ki wife hone ka fayda nahi uthaya tha
Apni choti si pehchan se hi dhruv ko interview ke liye invite kiya tha

"Ok shuru karein??" Dhruv haste hue bola.. komal muskurai
Ek kaam to ho gaya.

 

[Rajizexy]

Awesome super duper gazab erotic story.

 

[Rahul]

Mast mast update

 

[Scorpio 🦂]

Awesome super duper gazab erotic story.

Are doc sahiba hamare thread par .. hum to dhanya podina ho gaye
Thank you BTW

But ek afsos ki baat hai or wo ye k story erotic nahi hai