Update 18
Paatan me gaudhuli (suryast) ki bela par mehnatkash log apne khet khalihano se ghar ko laut rahe the, pashu aur tarkaari ityaadi ke sath. Mausam me ushma badh rahi thi jo shraavan maas se purv aksar hota hai. Tapti dhoop se bhare din ke baad saanjh kuch sukoon-daayi rehti thi yaha jiski wajah har taraf faili prakriti aur Paatan ki jiwandhara wo nehar thi. Amuman dusre gaanv kasbo me wahi ushma aur garmi bhayanak rehti thi par ye Paatan tha. Yaha agar kuch samaan tha sabhi graam-kasbo jaisa toh wo sirf jaat-paat aur majdoor maalik ke rishta. Haan kuch aur bhi behtar tha toh wo ye ki Paatan me jamindaro aur uchvargiyo tabke ki ladkiyan din me idhar udhar aa ja sakti thi, bhale he akele na sahi. Aur aisa he kuch is gaudhuli ke samay nazar aaya jab gehri gulaabi rang ki audhni se sirf sar ko dhake, hare ghagre aur kurti se apna jism dhake ye yuvti ek hath me dallu aur dusre me chhadi hilati chalti dikhi.
"Parveen, dekh le is Gajju kaka ki mangli ko. Din dhale bhi iski chamak uthaan par hai.", Ye Manoj tha jo dobara kasbe ka daura karne ke baad ab Sushil ko uske ghar se yaha chai ke adde tak laya tha tehlaane. Hamesha ki tarah he uska jodidar Parveen bhi sang he tha aur lambe takht par paanv latkaye baitha wo bhi utne he gor se dekh raha tha us apni he masti me chalti bhari bhari si yuvti ko jiska dhyaan raah par najar aate mitti ke dhelo ko chhadi se maarne par jyada tha bajaye ki kaun uska didaar karke kuch bhi kayaas laga raha hai. Leela ko jawaan hue bhi 2 baras ho chuke the par uski khoobsurti se adhik bhari tha uska maanglik hona jis wajah se abhi tak wo apne pita ke he ghar thi, avivahit.
"Hum toh sirf dur se he dekh sakte hai bhai is rasbhari ko parantu ye apna Sushil jo chupchaap baitha hai isne toh Leela ke seene par hath firane ke sath pichwada bhi sehlaya hai. Aur maine toh yaha tak suna hai ki ek samay ye usko goad me baitha kar tabiyat se laad karta tha.", Sushil ne ek kaatar nigaah se Parveen ko dekha jo har baat badha chadha kar bata raha tha sab jaante hue bhi. Aaj Sushil ke bete ka pita bana tha jiski khushi me chai ke adde par ye log besan ke laddu sang chai peene baithe the. Par dono dosto ne paya tha ki unke majaak ke bawjood Sushil ke chehre par koyi khushi nahi dikhi. Kam se kam wo unhe dhaul toh lagata.
"Kya baat hai bhai? Tujhe jab se liya hai tabhi se tum sath ho kar bhi sath nahi ho. Jawaan ladkiyan taadna aur unke baare me aise haas uphaas par sabse aage rehne wala hamara mitra aaj manchaahi muraad poori hone par bhi kahi vichaaro me khoya kyu lag raha hai?", Manoj ne gambhir lehje me baat kahi thi jis se Parveen ne bhi Leela ko najro se nirvastra karna chhod idhar dhyaan diya. Bhitar khokhe se alag khuli jagah baithe ye sirf teen he the is jagah.
"Dinu ki wajah se toh pareshan nahi ho bhai tum? Dekho yar hamare se jyada tum uske kareebi the lekin tumhe he jab uski vastavikta ka pata nahi chal saka toh khud he socho ke wo kitna gaagh insaan raha hoga. Aaj tumhari durgati ke jimmedar agar tum khudko samajh rahe ho toh ye galat hai. Mitrata nibhane wale tum the aur dhokha dene wala wo dusht.", Parveen ne bhi apni bhartsana nikaalte hue Dinu ko bahot bura bhala kaha lekin Sushil toh jaise us maamle me bhi ruchi nahi rakhta tha. Parantu usne apna muh khola kyonki yaha wahi eklauta tha jo charcha ka vishay tha.
"Dinu ne mere sath koyi fareb nahi kiya bhale he kaisa bhi ho. Haan uska apharankarta mujhe chot de gaya par kuch ghaav aise hote hai Manoj bhai jo jism ke ghaavo ki tarah jaldi nahi bharte.", Aaj Sushil ko is tarah gehri aur gambhir baatein karte dekh baaki dono he aashcharya se ek doosre ko dekh rahe the. Unka ye dost toh kabhi bhi aisa na tha bhale he pariwar ke liye mehnat karne wala insaan tha Sushil parantu us se adhik wo jiwan ka aanand, sharaab aur youvan ka rasiya tha.
"Kuch aur bhi ghatna ghatit hui hai kya dost? Tumhari baaton se toh lagta hai jaise kuch gambhir maamla hai.", Parveen ne he sawaal poochne ki himmat dikhaai thi.
"Hamesha ki tarah is baar bhi apne rasookh ke niche dabane ka kaam badi amma ne he kiya hai Parveen bhai. Tumhare saamne he hai ki main apni maa, biwi, behan aur bacho ke prati kitna samarpit raha hu. Unhe kisi cheej ki kami nahi hone di chahe khet khalihaan me jitni mehnat karni padi. Socha tha ki Shabri ek ya 2 baras apne ghar me khel kood le jaisi har ladki ki itchha rehti hai par...", Ab aage kehte kehte Sushil ki he jubaan ladkhada gayi. Uske jehan me aakhir Shabri ke sath uska wo beshkeemti youvan jo aa chuka tha jisko bhogne ke sapne Sushil ne taja taja dekhne shuru kiye the. Kal ki he toh baat thi jab usne apni choti behan ke akshat kaumarya ki taraf hath badhaya tha aur uske stanno ko sehlane matra se wo charam-aanand prapt hua. Par yaha ab Dinu toh maujood na tha jiske sang wo aisi baat kar pata.
"Par..? Kya kiya badi amma ne Shabri ke sath? Wo toh badi khush najar aa rahi thi jab hum tujhe lene gaye the. Aur jaisi tumhari soch hai waisi har bhai aur bete ki hoti hai Sushil. Ghar koyi bojh nahi balki jimmedari hoti hai. Badi amma jaisi bhi hai chahe khoonsat, sakht ya jo samjho lekin hamare gaanv ki asli mukhiya aur sabke sukh dukh me shamil hone wali wahi hai. Meri maa ne toh ye bhi bataya ke Sushila bhabhi ko prasav peeda hone par badi amma he thi jinhone sab sambhala aur tumhare ghar swasth bacha janma unki mehnat se. Batao aakhir unhone aisa kya kar diya jo tum aaj pehli baar unke khilaaf dikh rahe ho.", Manoj dwara kiye gaye kisi bhi sawaal ka jawaab na tha Sushil ke paas par ab baat toh kehni he thi.
"Bhala ek he gaanv ke ladka aur ladki ka byaah ho sakta hai Manoj bhai? Aur ye niyam swayam badi amma ke sasur ne banaya tha jaisa hume bataya gaya ki ek gaanv ke bhitar aisa byaah nahi ho sakta. Aaj wahi apne niyam kaat rahi hai.", Sushil ne jo matt rakha tha uski baat sunn kar baaki dono ko bhi sar haan me hilana pada.
"Haan ye niyam toh hamesha se raha hai. Sirf hamare he nahi balki harek gaanv me aisa riwaaj hai. Ab badi amma aisa kya kar rahi hai? Kiska byaah karwa rahi hai?", Parveen ne anjaane me poocha jiski baat Manoj ne kaat kar aage baat kahi.
"Matlab Sushil bhai ye hua ki wo Shabri ka byaah Paatan me he karwa rahi hai kyonki tumne kaha tumhare sath wo galat kar rahi hai aur yaha mamla byaah ka hai.", Manoj baat pakad chuka tha jis par Sushil ne thandi aah ke sath sar hilaya.
"Yahi toh pareshani wala masla hai bhai. Aur wo aisa isliye kar rahi hai kyonki yaha Shabri ka byaah wo apne he naati Chandan se karwa rahi hai. Wo kal ka aaya hua ladka aur yaha barso hamare aangan me pali Shabri. Kaise byaah du main apni behan ko is yuvak ke sath jiska pita nahi hai aur ateet ke baare me kuch maalumaat nahi."
"Hahaha... neere gadhe ho bhai tum jo is rishtey par inkaar jata rahe ho. Kal tak Chandan toh tumhara mitra tha aur wo yuvak hai bhi hajaro me ek. Meri behan kunwari rehti toh main byaah deta Jaanki Devi ke kehne maatra se. Aur rahi baat ek he gaanv wali toh yaha is maamle me tum he galat ho kyonki Paatan Chandan ka nanihaal hai na ki wo yaha janma. Kaaki (Sunehari Devi) aur bhabhi ne kya jawaab diya.?"
"Maa ne he toh rishta swikaar kiya hai aur itna he nahi wo Darshan kaka bhi apni bitiya Gauri ka rishta Chandan se he kar rahe hai. Ye basant chaalu hote din pakka karne ke liye baithenge. Batao ek he yuvak se 2-2 ka vivaah. Aur kal ko meri behan ka sthaan waha neecha hua tab?",Sushil ke ek aur tark dene par bhi Manoj asehamt he dikha jabki Parveen toh mann he mann Chandan ki kismat par garv kar raha tha. Gaanv me sabse khoobsurat maani jaane wali gini chuni he thi aur unme avval darje ki dono haseen yuvtiyan Chandan se byaahi jaane wali thi.
"Is maamle me bhi tum galat soch rahe ho bhai. Darshan kaka ne bhi 2 byaah kiye hue lekin unke ghar me aaj tak bartan girne ki awaaj na aayi. Wo kasbe wala sahukaar hai na uske toh 3 byaah ho rakhe aur teeno kaaki ke aage 8 bache hai jo aajtak ek sath rehti aur vyapaar karte hai. Badi amma toh swayam ladkiyon ko upar rakhti aayi hai fir wo kaise Shabri aur Gauri me farak hone dengi. Tumhe toh ulta khush hona chahiye kyonki ab tumhare kandhe par na vivaah ka bojh padega aur na bhaag-daud karni padegi apni laadli behan ke liye kaabil yuvak dhoondne ki. Wo ghar me ek 2 baras khelne wali baat toh ab jab tumhari behan yahi byaahi jaayegi toh kabhi bhi aa sakti hai apne ghar. Dekha jaaye toh is se behtar kuch ho bhi nahi sakta tha.", Manoj dwara ye sabhi satya rakhne par Sushil ghir chuka tha aur bas haami bharne ke wo kuch na keh saka. Par Parveen jo apne he mann me khoya tha usne anjaane he ye alag baat keh di.
"Kismat ho toh Chandan jaisi ho Manoj bhai. Gauri jaisi apsara ke sath he Shabri se bhi byaah karega wo.", Ab baaki dono usko dekh rahe the is galat baat ko sunn kar.
"Mera wo matlab nahi tha bhai Sushil lekin ye sach he toh hai. Batao Shabri mere liye bhi toh choti bahin he hai par sundar ko sundar kehna galat thodi hua? Guari ke baare me toh tumne bhi khet par mehfil jamate waqt kaha tha ki wo, Kavita aur Leela hai he aisi ke jiska byaah unse hoga wo kismat ka dhani hoga. Par hamari choti behan sundarta me unse kam toh nahi?", Jaha ye sunn kar Manoj muskuraya wahi Sushil jhempta sa apna sar jhuka kar laat par bandhi lakdi ko thoda sahi karne ka dikhawa karne laga.
"Waise mujhe ye baat kehni toh nahi chahiye lekin ab jab Dinu gaanv me itna ghor anisth karke bhaag chuka hai toh bata dena he behtar hoga. Mera maksad yahi baat karna tha tumhare sath Sushil lekin pehle tum waha jakhmi haalat me the aur ghar lautne par ye baat ghar me karna uchit nahi hota.", Manoj ko itni dhimi lekin gambhir awaaj me baat karte dekh Sushil ko ajeeb si ghabrahat hone lagi. Usko prateet hua jaise Dinu aur uske beech ka koyi bada raaj Manoj ke hath lag chuka hai. Maathe par turant he bal uthne lage par sehaj hone ka dikhawa karte hue usne kaha.
"Aisi kya baat hai bhai aur Dinu isme kyunkar shamil hai?"
"Chameli ko toh tum bahot kareeb se jaante ho dost. Inkaar matt karna kyonki humne tumhe aur Dinu ko eksath Chameli se sambhog karte hue dekha hai. Aur dosti me raaj nahi rakhe jaate isliye ye main he bata deta hu ki uske sath hum dono bhi wo sab kar chuke hai parantu keemat adaa karke. Parso Gwalisar jana hua tha mera kisi kaam se toh socha ki Chameli ki taraf bhi najar karta chalu. Par kismat me kuch aur bhi dekhna likha tha. Ratan kaka wala Pappu, jo shayad usko chhodne he gaya hoga jabki Dinu ne kaha the ke wo bhor nikalne se pehle khud jaayega. Waha gaanv se pehle he bailgaadi ek taraf lagaye Pappu Chameli ko maje se bhog raha tha. Maine pratiksha ki dono ke faarig hone ki aur uske baad Pappu wahi se wapis laut gaya.", Ab Sushil ko bhi jaise dilchaspi uthne lagi ye naya he maamla sunn kar. Wo ye bhi jaanta tha ki Manoj aur Parveen jaise bhi hai lekin inhone kabhi kisi se jabardasti ya kisi ka bura nahi kiya. Jhooth toh dosti me wo log bolte he nahi the.
"Uske baad jab Chameli paise sikke ginti hui unhe apne batue me bhar kar aage badhne lagi toh maine wahi pakad liya. Bahot naatak kiya kameeni ne lekin aakhir me usne mujhe jo jo bataya wo sunn kar mera sar chakra gaya. Wapis lautne me raat ho gayi thi aur agle din jab tumhare ghar aaya toh tum Sarpanch ki aur ja chuke the. Waha se toh sab tumhare saamne he hai ki hume baat karne ka samay kyun nahi mila.", Sushil ne sar hilaya aur ye baat Parveen ko bhi maloom na thi. Ab kahi kahi laaltein jagmagane lagi thi par inki charcha me toh rang abhi bhara tha bhale he aasman gehrane laga ho.
"Aisa kya bataya us chhinaal ne Dinu ke baare me?"
"Chhinaal wo nahi hai dost bhale he jism ki garmi kuch jyada hai Chameli me. Dinu he wo shaksh tha jisne Chameli ke youvan se laal rang nikala tha aur us samay toh wo poori jawaan bhi na hui thi. Uske baad ye silsila nirantar chalne laga, shuru shuru me dara dhamka kar aur baad me dono ki sehmati se. Dinu ne jaanboojh kar uska vivaah aise insaan se karwaya jo Chameli ko sukh dene ke kaabil nahi tha. Aur yahi nahi usne swayam Chameli ko bhogne ke sath sath usko apne faayde ke liye istemal kiya. Pappu aur tum swayam udaharan ho meri baat ka lekin tum ye nahi jaante ki Dinu ne he dhan ainthne ke liye ya samay aane par in sambandho ka faayeda uthane ke maksad se ye sab kiya. Mujhe aur Parveen ko bhi usne jaanboojh kar wo mauka dilwaya jo hum apni kismat samajh rahe the.", Ab Sushil ka rang safed padne laga tha lekin Dinu uska gehra dost tha toh wo kyun kar aisa karega aur yahi sawaal jab usne Manoj se kiya toh jajbaati hote Manoj ne iska bhi jawaab diya.
"Dinu ki najar hamesha se he Shabri par rahi thi jiske liye usne Chameli ka prayog kiya par Shabri uski soch se tej aur samajhdar nikli. Phir Chameli ne tumhe tatola aur agar dhyaan ho toh kabhi tumne Kavita ka jikar kiya hoga jis par Chameli ne uski tulna Shabri bahin se ki thi. Tum naraaj hue par baad me yahi sab Dinu ne tumse kaha. Maanta hu ke insaan rishtey naate nahi dekhta jab baat pasand ki ho. Aur tumhare mann ko maila karne ke baad Dinu sahi waqt aane par Chameli ki maujdgi me tumhe range-hath pakadne wala tha. Phir jaha tum samaaj ki badnaami se bachne ke liye unke gulaam bante wahi Shabri ka jiwan kya modd leta ye toh bas hum aur tum soch he sakte hai. Main jaanta hu ki tum apni chote bahin se bade bhai wala laad he jatate ho Sushil aur sabne dekha hai ki tum uski kitni parwaah karte ho. Par aage aane wale samay me yahi saajish thi Dinu ki aur Chameli ne ye sab mujhe isliye bataya kyonki wo bhi pareshan ho chuki thi. Mere mooh se uske liye vaishya nikalne par uska aatmsamman aahat hua toh usne foot foot kar rote hue mujhe apni poori kahani bayaan kar di. Isliye main tumse akele me baat karne ka mauka dekh raha tha dost. Abhi toh Dinu ne sirf saajish he rachi thi jis se wo ek bade bhai ko uski bahin ke sath durachaar karwa sake. Safal ho jata toh batao kya reh jata tumhare paas?", Ab chahe Manoj ya swayam Chameli is baat se anbhigya the ki Sushil toh Shabri ke prati aasakt hone ke sath us par hath rakh bhi chuka tha lekin Dinu ka poora khel uske mooh se sunn kar Sushil bhi dang reh gaya. Dikhawa toh karna he tha ek saaf suthre jimmedar bade bhai hone ka.
"Aisa main swapan me bhi nahi soch sakta Manoj bhai kyonki Shabri mere liye bahin se jyada pehli aulaad jaisi hai. Haan main tumhara ehsaanmand hu jo tumne mere liye itna jokhim uthaya aur Dinu Chameli ke sach se avgat karwaya. Wo aasteen ka saanp he nikla jisko maine apna sabse kareebi aur sacha dost samjha."
"Toh ab tum pehle apni tabiyat sudharo dost aur uske baad Shabri bahin ke byaah ke sath sath kheto par dhyaan do. Jism ki garmi nikalne ke sansadhan toh dhero hai apne paas agar Chameli ke jaane se tumhe pareshani hui toh. Waise daawat se tum bach nahi sakte ab. Bete ke sath sath rishta hone ki khushi me. Itna bada ghar mila hai jiski kaamna khud Sarpanch jaise log karte honge."
"Baat wo nahi hai Manoj bhai ki ghar sampann hai. Baat ye hai ki Chandan ka anaitik rishta hai Kaali sang.", Ye sunn kar toh Parveen bhi awaak reh gaya lekin Manoj samajhdar tha inme.
"Kis se suna aur agar hua bhi toh kya tum, main aur swayam Dinu nahi peeche pade rehte the Kaali ke? Wo ladki na toh jhaanse me aane wali hai aur upar se ghar pariwar ki ijjatt sambhalne ka hunar hai Kaali me. Paise ya uphaar ka laalach hota toh byaah se pehle na niche leti hoti hamare. Agar tumne swayam usko Chandan ke sath kaam-krida karte dekha hai toh batao. Aur waisa hua bhi toh hum aur tum Chandan ko galat kehne wale kaun hote hai?" , Manoj ne sabhi ko nirvastra kar diya tha yaha charitra ke maamle par.
"Nahi. Dekha nahi lekin Dinu ne bataya tha ki wo dono sath he nehar ki taraf ja rahe the."
"Hahaha... ab agar tum Dinu ki baat par jaaoge toh fir toh main bhi agar tumhe Shabri sang dekh lu Chameli ki baat maan kar toh kya kahoge? Badi amma ke naati ke paas na toh kami hai aur na wo vyakti mujhe aisa prateet hota hai jo kisi ki bahin beti sang anaitik kaam karega. Haan yuvtiyon swayam aakartshit ho sakti hai uski taraf kyonki maine waisa he Rukamani (Sarpanch ki bitiya) aur Kusum ki najro me paya tha waha chauthe par. Tagda naujawaan hai aur upar se robili shakshiyat hone par bhi jara sa ghamand nahi. Saadgi wale vastra bina kisi sone ki janjir ya atirikt taam-jham ke. Waise bhi jab kaaki rishta swikaar chuki hai toh wo yuvak ab tumhara jija hua Sushil. Tumhara kya wo toh ab hum dono ka bhi jija he laga.", Manoj ne jab ek bar fir us vastavikta ka abhaas karwaya jis se Sushil ka dil lakh inkaar karna chahta tha par jaise ab uske paas bhi isko swikarne ke siwa dusra koyi hal na tha. Khindit mann se haami bharte hue usne Parveen ke kandhe par hath tikaya toh dono ne he usko sahara de kar uthne me madad di. Apne ghar pahuchne tak Sushil ne Manoj aur Parveen sang khamosh rehna he uchit samjha. Kavita uski pahuch se bahar thi par jehan me bani Shabri ki tasvir ko hatane ka uska irada tass se mass na hua. Wahi Shabri aaj apni maa ki sahayata se chulha sulga rahi thi. Aakhir ab usko ye sab bhi toh seekhna he tha Chandan ki patni bann ne se pehle.
.
.
"Tera apna me se man-mutaav khatam ho gaya lagta hai. Aur tumne apne liye waha haat se kuch kyun nahi liya?", Jaanki Devi ne jab apni bitiya ko kaam karne ke sath gungunate dekha toh kareeb baithe naati se muskurate hue poochne lagi. Chandan abhi snaan karke lauta tha aur majboot jism par sirf dhoti dharaan karne ke baad geele baalo ko sukhate hue Meena ko bhi dekh raha tha. Meena thi bhi toh utni he chanchal jiski taraf sabhi ka dhyaan rehta tha. Kabhi wo Anuradha ke paanvo ke beech se nikalti toh kabhi bail ki naand par chadh baithti.
"Naani aapko waise he lag raha hoga par sach ye hai ki main toh maa se naraaj hua he nahi tha. Aur kasbe se maine apne liye bhi bahot kuch kharida hai. Bas sath nahi la saka isliye parso dobara jana padega. Waise mujhe aapse bhi ek jaruri baat karni thi.", Chandan ne ye kehte hue apni awaaj ko itna kam kiya tha ki wo sirf Jaanki Devi ko he sunaai pade. Taja paani ki tokni liye unke saamne se gujarti Gulaabo ne idhar muskaan uchaali jo bas Chandan ko he dikhi kyonki Jaanki Devi toh 'jaruri' baat sunn kar kuch asehaj ho chuki thi.
"Apne liye aisa kya liya jo parso milega?", Baat kaatne ka hunar bhi aisa tha ki saamne wala sawaal ke badle sawaal he pata.
"Jameen par kaam me prayog aane wale aujaar aur hal ityaadi. Waise naani Kavita ka toh mujhe samajh aata hai aur maan liya ki Gulaabo bhi aapke liye utni he eham hai jis wajah se aap dono ka vivaah mujhse karwa rahi hai. Parantu ye 2 aur vivaah kyu? Bahu vivaah kayi wajah se samaaj ke liye galat hai jaisa angrez sarkaar bhi batati rahi hai aur bade bade vidwaan bhi. Aapko nahi lagta ki mujh akele ke sath 4-4 jiwan bandhna galat hoga? Shabri aur Gauri ko toh main jaanta bhi nahi. Unke mata pita ko jara bhi eitraaj nahi hua ya wo sirf aisa isliye kar rahe hai kyonki rishta aapke ghar ho raha hai?", Chandan ne wahi sawaal kiya tha jis se Jaanki Devi bachna chahti thi par is nadaan yuvak ko toh abhi ye bhi nahi pata tha ki char vivaah ke sath sath aur bhi bahot se aise niyam tootne wale the jinke baare me samaaj aur Angrez sarkaar ke paas bhi kanoon nahi tha. Triphala ke sath paani liye Kavita yaha aayi toh Jaanki devi ne usko aashish dete hue pehle wo triphala khaya aur fir ek ghoont paani ka lene ke baad gilaas wapis dete hue tab tak khamosh rahi jab tak wo masoom yuvti rasoighar me laut na gayi.
"Ab tum jawaan ho rahe ho isliye mujhe he tumse unmukt baat karni hogi. Waise toh ye kaam bade bhai ya phir tumhare pita ya nana hote toh wo karte. Main na toh bahu vivaah ke paksh me hu aur na khilaaf hu beta. Sahi wajah aur maksad ho toh ek se adhik vivaah bhi jaayaj hai. Jaruri hai ki wo vyakti samarth ho jis se uski patniyon ka jiwan prabhavit na hone paaye. Darshan Chaudhary bahot bhala insaan hai aur unke yaha jab ladki ka vivaah kiya jata hai toh sambdhi aadhi jameen ki maang karte hai dahej me beti ke sath. Darshan ke liye uski jameen bhi pariwaar jitni eham hai aur bitiya ko toh wo itna pyaar karta hai ki uski chahat thi Gauri hamesha najro ke saamne he rahe. Yahi baat Darshan ne baba ke saamne rakhi thi jis din hum bhi waha the. Ek he gaanv me toh vivaah mumkin nahi hota aur dekha jaaye toh tum Paatan ke niwasi nahi ho isliye baba ne tumhare roop me iska hal kiya. Aakhir hum bhi toh yahi chahte hai ki Paatan ki jameen bas yahi ke niwasiyon aur pariwaro me simit rahe. Kisi baap ko apni bitiya ka byaah laalach bhare logo me na karna pade.", Chandan itne bakhaan ke bawjood samajh chuka tha maamla sirf itna nahi hai balki baat kuch aur hai. Par abhi sawaal baaki tha uske paas.
"Atcha ye maan liya ki isme wajah thos hai par Shabri? Sushil bhai ka ghar bhi atcha khasa hai aur wo Chaudhary pariwaro se alag bhi hai."
"Haan wo alag hai lekin Sushil ke pehle se he 2 betiyan hai aur ab ek beta bhi paida ho gaya. Uski maa ko dhero taklife hai, uske pita aisa ghar chhod kar nikle ki aajtak na laute. Ek bhai aur bhi tha jo dur sehar me aisa basa ki wahi ka ho gaya. Sushil ke paas utni bhi jameen nahi jitni tumhe lagti hai. Fir ek behan aur 2 betiyon ka bojh akele uske kandho par thik hai kya? Agle 10 baras me Sushil ke bhi kandhe jhuk chuke honge kyonki wo akela hai. Bas yaha agar Darshan ke pariwar se alag kuch hai toh wo ye ki Shabri ka rishta maine swayam manga tha Sunehari Devi se. Aatmsamman ke chalte wo log toh apni pareshani nahi kahenge par is gaanv ki sanrkshak ke naate meri jimmedariyan hai ki yaha ke log khush-haal rahe aur un par bewajah ka bojh na pade.", Jaanki Devi toh Chandan ki umeed se bhi jyada he tayaar mili jabki wo asehaj hone ka dikhawa aise kar rahi thi jaise Chandan ke sawaalo ke jawaab na de sakengi.
"Main he kyun naani? Aap saksham hai aur jab aapne unse koyi maang rakhe bina sirf beti ko apnana hai toh vivaah bhi aap he karwa sakti thi kahi atche dusre ghar me. Yaha vivaah mere hone ja rahe hai wo bhi 4-4. Aur mujhe abhi tak is yog ki wajah he nahi pata lagi baaki dono pariwaro ka aapne sab bata diya.", Ye aakhiri sawaal he jaise sabkuch samete hue tha aur ab toh Jaanki Devi bina dikhawe he sar jhuka kar chinta me doobi lagi.
"Agar aapko ye batane me pareshani ho rahi hai naani toh rehne dijiye. Ab aap toh hamesha he meri bhalaai chahengi aur main thoda jyada he sawaal karta hu paathshala ke samay se. Upar se jiwan me ekdum he itne badlaav aaye hai ki kabhi kabhi mann shamta se adhik he bhar jata hai.", Chandan jaise anant gehraai se apni baat keh raha tha aur apne naati ke is sambodhan par ab Jaanki Devi ko toh swayam par he krodh aane laga. Majbur bhi thi aur unhe thoda samay bhi chahiye tha Chandan ki is jigyasa ko shaant karne ke liye.
"Badi amma, Bandana kaaki ke liye ajwaain wali kasaar ban chuki hai. Paraat me thandi hone rakhi hai abhi. Kal Laali leti jaayegi pashuon ka kaam karne ke baad.", Gulaabo kaha apni baat kehte hue mahol dekhti thi? Usne bhojan ki thaali Jaanki Devi aur Chandan ke saamne rakhne ke baad wahi par moodha khinch liya.
"Abhi de kar aani hai wo kasaar. Chandan beta bhojan karne ke baad bas ye kaam kar dena. Bandana ke kamjor sharir ko sone me bhi pareshani hoti hai jis wajah se khaas kasaar banaai hai maine. Seedhe raste jana aur seedhe he laut aana. Is bahane udhar haal chaal bhi le aaoge.", Yaha unka aashaya tha ke Chandan kahi nehar kinare wala rasta na pakad le. Jabki Gulaabo aashcharya se ek baar unhe dekhne ke baad chup na reh saki.
"Akele kyn jayega bhai? Badi amma main chali jaungi sath kyonki inhe jitna marji samjha lo, akele me karni toh apni marji hoti hai bhai ko.", Ab shayad Gulaabo ki baari thi jhidki khaane ki jo Chandan ko thaska lagne par swayam he apne hath se paani pilane lagi thi.
"Aaj savere he samjhaya tha ke ye tera mangetar hai jo jald he pati hoga. Tum naak katwayegi agar bahar bhi isko bhai bhai kehti firegi. Aur aaj teri saas ne jab tera shagun kar diya hai toh tu bahar kaise ja sakti hai?"
"Kaunsa shagun? Wo choodiyan, paayal aur vastra dilwaye hai jo aaj?", Gulaabo ko bhai sambodhan wali galti toh samajh aa chuki thi isliye usne dusra mudda he saamne rakha jis par Jaanki Devi ne sar hilate hue haami di.
"Itna sa samaan wo bhi bhai.. matlab inke sath lene gayi thi usko shagun bataogi ab badi amma? Main toh na banti phir kaaki ki bahu. Haan nahi toh. Sone ki taagdi, bichhuye, baah-bandh, maang-teeka aur sunehari gotte wali laal audhni jab milegi tab shagun kaha jaayega. Saste me taal dogi toh mujhe nahi karna byaah. Haan kahe deti hu.", Gulaabo kaisi he ye baat jaise Jaanki Devi ek pal ke liye bhool baithi thi Chandan ke sath hui baatchit ki wajah se aur jab usne apni maange bataai toh Jaanki Devi ne halke se uska kaan khinchte hue kaha.
"Kyun kisi raajgharane me byaahne ja rahi hai tu jo saas se pehle shagun me itna sab legi? Tera hone wala pati abhi kuch kaam dhaam nahi karta. Jab kamaane lagega tab karwa liye jitna kharcha karwana ho. Badi aayi sone ka maang teeka, kamarbandh lene wali."
"Ye bhi sahi hai lekin saas ki maa poore gaanv ki maalkin hai jo har mahine 100 sikke toh sirf sarkaari khajaane me daan deti hai. Rishta wahi karwa rahi hai toh kharcha bhi wahi uthaye. Gulaabo ki maang poori nahi hongi toh wo toh apni kahi baat par atal hai. Sunn lo kaaki badi amma ki baat. Bolti hai ke wo haat se jo samaan inhone dilwaya hai wahi mera shagun hai aapki taraf se.", Garam rotiyan liye Anuradha yaha khud he aa pahuchi jab Gulaabo rasoighar na lauti toh. Yaha chal rahi len den ki baatein sunn kar wo bhi hairat se apni maa aur fir Gulaabo ko dekhne lagi. Chandan toh khamoshi se mooh jhukaye inki sunta hua khaane me juta raha.
"Yaha kya chal raha hai maa? Main toh pratiksha kar rahi thi ki Gulaabo bhojan de kar wapis aayegi. Aur wo koyi shagun thodi na tha jo bajaar me khareeda. Aapne he kaha tha ki sab apne liye vastra aur manchaha khareed le.", Ab Gulaabo chehak uthi aur Jaanki Devi ke chehre se gambhirta ka naqaab hansne se hata.
"Tu apna mooh band na rakh sakti thi kya thodi der? Main toh is choti amma ki khinchaai kar rahi thi iske maange sunn kar. Bahu bann ne se pehle he isne toh atcha khasa kharcha ginwa diya. Kal ko toh ye tere sath mujhe bhi ghar se bahar kar degi."
"Aise kaise kar dungi bahar? Mujhe rasoi ka kaam utna bhi nahi aata. Atcha bhai sath me chalenge. Main aati hu bhojan karke. Mutalli toh kaaki ke sath he khayegi.", Yaha Gulaabo chidha kar gayi thi Jaanki Devi ko jinhone usko Chandan ko bhai kehne se mana kiya tha. Ab uski shararat pe muskurate hue unhone shikayati lehje me Anuradha se kaha.
"Dekh le teri bahu ke haal jo abhi se jubaan chala rahi hai aur tere bete ko bhai kehne se bhi baaj nahi aati.", Ye sambodhan tha bhi asamaajik lekin Jaanki Devi dwara isko makhol me liye jaane par Anuradha bas sharmili muskaan de kar reh gayi.
"Kurta ya ganji pehan leta beta. Aise ughaade badan rehna ajeeb nahi lagta? Aur roti laau kya?", Anuradha jaise Chandan se pooch rahi thi, uska katrana aur najre churana Jaanki Devi se chhipa na reh saka. Jab se Anuradha ghar lauti thi tabhi se Jaanki Devi apni bitiya me kayi badlaav dhoond rahi thi jo samajh se pare he lage. Ab Chandan dwara ughde seene baithna bhi jaise Anuradha ko bha nahi raha tha ya kuch aur wajah thi.
"Garmi aur umas me vastra jaldi bheeg jaate hai maa. Waise bhi toh main ghar ke bhitar he hu. Haan abhi bahar jana hai toh aap wo bina aasteen wala kurta he la do.", Chandan apni thaali uthane laga toh Anuradha ne swayam he usko rokte hue pehle paani pakdaya aur fir thaali utha kar chali gayi. Ab Jaanki devi ne bhi bhojan par he dhyaan dena behtar samjha jo thanda hone laga tha. Kuch he samay baad baithak se Anuradha bahar nikli toh galiyare ki taraf se jhola uthaye Gulaabo bhi.
"Tumhe mana kiya na maine bahar jaane se? Pagli thoda toh ladkiyon jaise raha kar. Ab ye akela jaayega toh jaldi lautega aur tu sath gayi toh waha Laali aur uski behno ke sath batiyane me aadhi raat laga degi.", Jaanki Devi kulla karne ke baad hath dho kar kamre me jaane se pehle Gulaabo ko samjhane lagi jiske hath me lalten, jhola aur ek laathi thi. Anuradha toh yaha bhi najre bacha kar apne bete ko nihaar leti jisne ab apna chauda seena vastra se chhipa liya tha.
"Aap nahi samjhogi badi amma lekin vaada karti hu ki main Laali aur uski behno ke sang samay vyarth nahi karungi. Phulwa kaaki ne sandesha bhijwaya tha Laali ke hath ki unhe mujhse koyi jaruri baat karni hai. Aapse seedha nahi keh pa rahi hongi toh socha mujhe he bata de.", Jaanki Devi ne sehmati me sar hila kar swikriti de he di jab ye baat pata chali. Aakhir apna mard toh Phulwa ne bhi khoya tha aur yaha Chandan sath tha Gulaabo ke toh chinta ki thos wajah bhi nahi thi.
"Bas samay se laut aana. Anuradha beti, bhojan se pehle snaan karogi ya?"
"Sone se pehle maa. Abhi bahot waqt pada hai aur Kavita se bartan nahi karwane mujhe. Subah lag jaati hai wo kaam karne me. Aap jao araam karne aur main bhojan ke baad sab samet dungi. Dahi thoda jyada jamana hai?", Yaha Gulaabo aur Chandan laalten liye darwaja khol kar bahar nikle toh peeche se saankal jadne ke baad Anuradha ne apni maa se ye aakhiri baat poochi jis par unhone usko apni samajh se jitna thik lage utna jamane ka kaha. Jaanki Devi ke mann me dhero vichaar bhagdaud kar rahe the Mandhari baba ki kahi baaton se le kar apne naati, bitiya aur Paatan ke sandarbh me. Neend aakhon se koso dur thi lekin ekaant ki darkaar bhi utni he adhik.
.
.
"Aap kahi ja rahe ho guru ji?", Kamalnath urf Kamleshwar apne jism par abhi labada audh kar kutiya ka dwar he khol raha tha ki Dinu ke pukarne par kadam wahi thithak gaye.
"Nishachar jeev andhere me vicharna na kare toh uska jiwan jald samapt ho jata hai Dindayal. Tum araam karo aur bhor hone se pehle he hum laut aayenge.", Dinu ka jism waise he lakdi ki khapchhiyon aur kapde se bandha tha, haddiyon ko araam dene ke liye. Chalne firne ke liye bhi wo poori tarah apne is tantrik guru par he nirbhar tha jisne aage kuch sune bina he bahar nikal kar wo do fatto wala dwar band kar diya. Jaane ye kaunsa sthaan tha jaha har taraf jhaad paid ka ghana jungle tha aur ab andhkaar me toh wo itna bhayanak ki sadharan manushya waha kadam rakhne ki himmat he na kare. Andhakaar me Kamalnath jaise ek abhyast nishachar he tha jo lambe lambe dug bharta hua jhaadiyon se badan sparsh karwaye bina he badi mustaidi se nikalne laga. Balshali jism aur laalipan li badi badi aankhon me alag he chamak thi jo aise samay me dekhne wale ka dil dehlane me saksham.
'Peeche se awaaj nahi deni chahiye thi Dindayal ko. Bewkoof hai lekin jitne kaam ka hai itne jhelna he padega.', Apne he mann me batlata hua wo khaas disha me kendrit chalta ja raha tha. Umas aur tej chaal ki wajah se labaade ke bhitar uska jism paseena se bharne laga par ek baar bhi Kamalnath ne apne jism ko ujagar na kiya. Kadam jaane kitni der tak chalte rahe aur raat ke is pratham pehar wo aakhirkar jaha ruke toh wo vann se bahar ek aise sthaan par tha jaha kuch 100 gaj dur he khet ke beecho beech 2 jhopde bane the. Laalten aur diye ki roshni ka bas maddim sa prakash he bahot tha uski aankhon ko waha ki sudh lene me.
'Ye hai wo yuvak jo Jaanki Devi ka waaris hai aur wo 2 saaye sabse alag hai.', Kamalnath ne bakhubi pehchana tha ek jhopdi ke bahar khade Chandan ko jo chote ladke aur ek mahila se baatchit me laga tha ya kuch samjhane me. Jhopdi ke bahar latakti us laalten ne he Chandan ke vyaktitva ko ujagar kiya tha is taantrik ki najro me. Ye khet Paatan ki sarhad par lagta tha bhale he puliya se bahar aur abhi in gareebo ka aashraysthaan. Kuch der tak bharpoor dekhne ke baad Kamalnath ek daksh shikari sa beawaaj, vriksho ki autt leta hua us jagah ke kareeb aa pahucha jaha ye 2 saaye ab uske saamne spasht the. 10 kadam he dur khadi Gulaabo aur Phulwa ki baatchit tak wo kuch hadd tak sunn pa raha tha, shayad viraano me reh kar usne apni har indri ko itna saksham toh bana he liya tha ki wo halki se halki awaaj aur aahat pehchaan sake.
'Toh aapka kehna hai ki yaha kuch halchal hoti rehti hai? Itne kutte maujood hai kaaki aur sabhi wafadar hai toh isme darne wali toh koyi baat nahi.', Gulaabo Phulwa ki kisi baat ka jawaab de rahi thi jaisa Kamalnath ne suna aur ab wo jyada kendrit ho kar har baat sunn me laga tha.
'Kutto ki wajah se he toh pehli baar pata chala tha Gulaabo. Aur wo bhonkne ki jagah jaise rudan kar rahe the. Yaha par koyi mard toh hai nahi suraksha ke liye aur shwaan kisi daaku ya upari saaye se kaise hume bachaye rakh sakte hai? Waha jo khet ki hadd hai uske aage he maine aur meri beti ne ek kankaal dekha tha, shayad kisi janwar ka he tha. Koyi vidhi ki gayi thi jaise waha. Ab main badi amma se ye baat kehti toh pata nahi wo kaise leti par ye sach hai Gulaabo. Chote bacho ko nahi bata sakti kyonki fir toh wo bahar na niklenge.', Jis disha me Phulwa ne ishara kiya tha Gulaabo ke sath he Kamalnath ne bhi udhar najar ki toh wo nehar kinare wahi beri ka jhaad tha, idhar se kayi 100 kadam dur.
'Laga toh mujhe bhi tha ki waha kuch toh ajeeb hai kaaki. Main kabhi kabhi shauch ke liye jyada aage nikal aati hu na toh 2 din pehle udhar tak ja pahuchi thi.', Gulaabo ye kaise batati ki wo Chandan ke sath prem krida karne he us sthaan ke viprit kinaare par thi. Aur agar waha kuch anisht ghatnaye chal rahi hai toh yakinan wo Paatan ke liye bhi uchit nahi tha.
'Tum toh yaha ka chappa chappa jaanti ho Gulaabo aur tumhari he baat badi amma maanti hai. Dekho unka hamare par bahot bada ehsaan pehle he aur ab pariwar thik thaak khaa pee raha hai toh wo bhi unki he badaulat. Parantu ab pariwar me kisi bhi sadasya par musibat aayi toh jeene ke liye peeche bachega he kya?', Gulaabo jaanti thi ki Phulwa kaaki ki chinta kitni jaayaj hai jab pehle he wo apna pati kho chuki hai. Idhar Gulaabo us laathi par jaane kya ghise ja rahi thi baatchit karte hue aur iski taraf Kamalnath ka bhi dhyaan na tha.
'Chinta na karo kaaki main badi amma se bhi ye baat karungi aur jald he ye sabhi aas paas ho rahi ghatnao ko rokne ka prabandh bhi. Waise tumhe dabane toh koyi jamindar nahi aaya na idhar?', iska matlab tha ki koyi hawas ka andha in gareebo ko dabane toh nahi aaya tha. Waise bhi Laali ki chadhti jawaani aur Phulwa ke saanwle bhare poore jism ke diwano me Sarpanch se le kar adhiktar yuvak aur jamindar the. Parantu ab ye pariwar jis sthaan par jiwan yaapan kar raha tha wo Jaanki Devi ka tha.
'Na. Bas wo ek he baar ka maamla tha jo mere sang hua tha halwai ke ladke wala. Lalai ko jarur 2-3 baar raah chalte aisa waise kaha gaya par wo na toh kisi se ulajhti hai aur na hath pakadne ki himakat kisi ne ki. Par iska ye matbal toh nahi Gulaabo ki gaanv se bahar yaha hum surakshit hai. Gaanv ek bahar ka koyi aisa dussahas kar he sakta hai, andhere ke samay is viraan khet me.', Gulaabo ne maun sar hilaya jaise usko bhi gyaat ho ki Phulwa poori tarah galat bhi nahi hai.
'Shambhu kaka se bhijwati hu yaha main 2 aur majduro ke pariwar. Kheti ka samay ho he raha hai toh 7-8 log aur rahenge sath me jis se ye shikayat toh dur ho he jaayegi. Par aapki wo nehar kinare wali chinta jaayaj hai. Aur koyi khaane peene ki samasya toh nahi hai?', Gulaabo ki gardan ek sthaan par khade rehne par bhi aadhi se jyada ghoom chuki thi. Aur yahi wo samay tha jab uski aankhon ki putliyan sikudi aur dobara badi hone par peele heere si chamakne lagi. Wo asadharan majboot nishachar khudko un aankhon me dekh pa raha tha aur khudko kamjor hota mehsoos karne par badi he tivrata se andhere vann ki taraf nikalne ka prayaas kiya.
'huhhhhh', ye tivra gurraahat kisi aur ke nahi balki Gulaabo ke he kanth se nikli jiska hath prashikshit shikari sa lehraya aur wo laathi jo ab aage se kisi barche si paini ho chuki thi, us darakht ki chhaal ke kareeb se gujarti hui andhere me he apne nishaane se takraai. Viprit disha me dekh rahi Phulwa ko toh ye sab na toh thik se dikhaai diya aur na kuch samajh aaya. Haan Chandan jarur chehal kadmi karta hua jab yaha pahucha toh usne Gulaabo ka hath jarur lehrate dekha par usne kya fenka tha aur kitni taaqat se. Aur hairaani ki baat ye thi ki us disha se 'thakk' ke siwa koyi aur awaaj na aayi.
"Kya hua Gulaabo? Waha kuch tha kya?", Ab jaise Gulaabo ki aankhon ki wo alag chamak ja chuki thi par dhyaan usi disha me raha.
"Kaaki tum ab chinta matt karo aur shayad bache pukaar rahe hai.", Gulaabo ne jis tarah se Phulwa ko jaane ka ishara diya tha wo nasamajhne par bhi apni jhopdiyon ki aur nikal chali.
"Waha maine kuch dekha tha bhai. Koyi bada sa saya, shayad tumhare se bhi uncha.", Ab Chandan ke kadam poori raftar se us adrishya se baad ko laanghte hue thik wahi ja pahuche jidhar Kamalanth ne autt li thi. Ghupp andhere me usko toh ek pal kuch samajh he na aaya. Gulaabo niche jhaadiyon aur ubad-khaabad jameen par saavdhani se chalti hui Chandan se bhi 15-20 kadam aage nikalti hui thik us jagah pahuchi jaha wo paini laathi ek majboot vriksh me koyi aadha gith dhansi abhi tak hil rahi thi.
"Toh tumne ye fainki thi? Kitni gehri dhansi aur ispar kuch chamakdar fansa hai... Ohhh.. yaha toh rakt bhi hai aur kuch maans bhi..", Chandan dwara bharpoor jor lagaane se he wo laathi bahar nikli. Gulaabo ne uski nok me fanse chaandi ke kundal aur ek paure jitna kaan ka tukda saavdhani se nikalne ke baad Chandan ko dikhate hue kaha.
"Aise kundal jyadatar saadhu ya taantrik log he pehante hai bhai par ye twacha gehri kaali hone ke sath sath thoda ansh raakh ya dhooni ka hai. Yakinan ye koyi tantra mantra karne wala tha kyonki Phulwa kaaki bhi kuch aisi he wajah se chintit hai. Iska jikar ghar par matt karna bhai aur ye kundal apni dhoti me bandh kar chhupa lo. Kya pata kabhi kaam he aa jaaye.", Chandan toh kaanpte hath se us maans ko hatate hue abhi bhi laathi ko wo nookila bhaag dekh raha tha jo ek majboot vriksh ke tane me aise dhansne me kaamyab hua tha jaise wo vriksh ki he shakha ho.
"Tumhe jara bhi darr nahi laga kuch aisa karte hue? Aur itni taaqat ke sath andhere me aisa achook nishana kaise lagaya?", Ab dono he baaton baaton me galat raah pakad chuke the. Wo nehar kinaare badhne lage the jidhar se na aane ki hidayat spasht di thi Jaanki Devi ne.
"Nishana he toh atcha nahi tha bhai mera. Phulaw kaaki bhi aade aa gayi thi aur saaye ka kala chehra poora bahar hone par bhi ye sirf uska kaan ka chota sa tukda alag karne me kaamyab rahi. Aur isme taaqat utni jaruri nahi hai jitna hathiyaar ki dhaar aur vaar karne ka tarika hota hai. Waise hum baaton baaton me galat raaste se ja rahe hai.", Chandan ne ab halke se muskura kar naa me sar hilaya.
"Sahi raaste se ja rahe hai devi ji. Jab main yaha susta raha tha na tumhare jaane par, tab maine is kinaare kuch ajeeb si harkat mehsoos ki thi.", Aur itna sunte he Gulaabo ne majbooti se uski hatheli pakadte hue wahi rok liya. Matlab saaf tha ki jo baat un dono ne he mehsoos ki thi aur wo bhi nehar ke viprit kinaare par toh yaha wo dono he asurakshit the. Aage badhne se pehle unhe sehmat hona jaruri tha. Wahi vann me hanfta bhagta Kamalnath ek hath kaan pe tikaye hue dard ko sehne ki bharpoor koshish kar raha tha. Rakt se uska gaal, gardan, seena aur us se bhi adhik hissa sann raha tha. Gulaabo ke sath ye pehli adhuri si mulakaat me he usko aisa jakham mila tha jisne jism ke sath sath antaratma tak hila di.
'Beri ke pret... meri raksha karo.. aahhhh..', ladkhadata hua wo apni kutiya ke bahar he kate vriksh sa gir pada. Awaaj bhi aisi hui jaise bhimkaaye patthar bhoomi se takraya ho.
Copyright to enigma203
Join Our
Discord Server
For Daily Updates
,
