Scorpio se nikal ek admi sam ki car ko girte huye dekhta hai aur haste huye call lagata hai ...
Admi - Hello sir hamne unko uda diya ...
Dusri taraf se - kaha par thoka tune ...
Admi - sir uski gaadi khai me gira diya itni uchayi se gir kar koi bach hi nahi sakta ..
Dusri taraf se - chalo achi baat hai ab MLA sir kafi khus honge tumhe
tumhara inam account mein transfer kar diya jayega aur suno tumhe ek aur kaam karna hai uske ghar par raat mein hamla kar ek ek ko maar dalna koi nhi bachna chahiye ...
Admi - ji sir ho jayega ...
Fir wo call cut kar scorpio se nikal jata hai ...
4 Din baad kisi hospital mein ......
ek ladka bed par soya hua tha aur achanak uske muh se ek awaj aati hai ....
Ladka - papa ..... didi ..... kaha ho ...
Itna bol wo ladka fir se behosh ho jata hai... uske paas hi ek nurse baithi huyi hoti hai jisko uski dekhbhal karne ko kaha gaya tha....
wo jab ye awaj sunti hai to bhagti huyi jati hai aur doctor ko bula lati hai doctor ladke ko kuch injection deta hai aur fir ek ghante baad ladka hosh mein aata hai ...
Ladka - doctor mujhe bahut jor ki bhuk lagi hai kuch khane ko milega kya ...
Doctor - ha kyu nhi ... nurse jao inke liye canteen se kuch khane ka le aao ...
Ladka - doctor main yaha kaise …
Doctor - apko aakhiri baat kya yaad hai ...
Ladka - main kahi ja raha tha car se car mere papa drive kar rhe the tab sayad koi accident hua uske baad ka mujhe yaad nahi ...
Doctor - acha bete tumhara naam kya hai ..
Ladka - ji sam ... sam kapoor
Doctor - tumhe yaha kisi ladki ne laya tha ..
Sam - wo akeli thi kya aur koi sath nahi tha unke aur wo kaha hain...Tab tak nurse khana le aati hai ...
Doctor - tab tak tum khao bete fir main tumhe batata hu ..
Sam khana khane lagta hai uska dil bahut jor se dhadak raha tha usko lag raha tha ki kuch to anhoni huyi hai fir bhi bechara kai dino ka bhukha tha to jaldi jaldi khana khane laga ...
khana khane ke baad usne nurse ko plate hata kar fir se doctor ko bulane ko kaha ... thodi der me doctor ek letter ke sath aata hai ....
Doctor - ye lo beta ye letter uss ladki ne tumhare liye chhoda tha sayad isme tumhare sawal ke jawab ho… Sam ne dhadakte dil se letter liya ...
Sam ke ghar me
Dusri taraf sam ke jane ke turant baad shruti ne rohan ko call karke sam ke ghar me rukne ko bula liya ...
Rohan jab evening ke waqt bahar ghum raha tha tab usko uske hi group ka ek ladka mila jo sam ke ghar se kuch duri par idhar udhar tahal raha tha …
Rohan - are rocky tum yaha ...
Rocky - ha bhai wo ek jaruri kaam se aaya hu
Rohan - kya mujhe bhi to bata ...
Rocky - wo jo samne ghar dekh raha hai na(sam ke ghar ki taraf ishara kar) uske upar raat ko attack kar ke sabko raato raat maut ke ghat utar chupke se bhag jana hai.... taki sabko lage ki kisi chor dacait ka kaam hai.. Kafi paise mil rahe hain.
Rohan ke pairo tale jamin hi khisak gyi ki ye kya sun raha hai wo ...
Rohan - kisne kaam diya tujhe ..
Rocky - wo to nahi pata par koi dushmani lagti hai... kafi paise mil
rahe aur hame kya chahiye
Rohan - par yaar tu kab se aise ghatiye kaam karne laga... ham to bas chhote mote jhagde karne wale log hai na ki katil ...
Rocky - bhai itne ache paise hain main kyu mana karu tu bhi sath aaja paise mil baat kar rakhenge ..
Rohan ne ek plan socha aur haa kar diya par aadhe ghante me aane ka kah waha se chala gaya… Waha se kafi dur jakar usne shruti ko call laga sari baat kah sunayi. Aur usko ye bhi bata diya ki jab wo message kare to wo sabhi ko lekar car se sam ki aunty ke ghar chali jaye aur sawdhani se kaam le ..
Fir rohan waha se wapas rocky ke paas aaya aur usko kaha ..
Rohan - chal na yaar ye kaam to raat ka hai na kyu na kahi se kha ke aate hain ..
Rocky - chal.. lekin sath me ye log ko bhi le chale kya... (rocky ne apne killing group ke bakiyo ke bare me kaha)
Rocky ne apne group members ko rohan se milaya aur uski kabiliyat ke bare mein bhi bataya jisse sabhi khase impress huye ...
Rohan - chalo bhaiyo aj treat mere taraf se …
Sare free ke khane ka naam sun khus ho gye aur waha se sath me chale gye.
Tabhi rohan ne mauka dekh shruti ko message kiya ki wo sabhi ko lekar jaldi se nikal jaye .. Aur khud sabhi ko lekar ek dhabe par pahuncha pahle to sabhi ko baitha kar dher der tak sabhi se har tarah ke surag leta raha jaise ye kaam kisko mila hai wagairah wagairah ...
kismat se ye kaam rohan ke friend ko hi mila tha. wo log pahle khana khate hain fir bakiyo ke sath thode der baad sam ke ghar ke paas pahuch jate hain …
Sam ke purane janm ke friend sahil raat ko active ho gaya tha wo sam ke ghar ke bahar hi tha usko jab se pata laga ki sam ke sath kya hadsa hua hai wo baukhlaya hua tha par din mein takat ke kaam na karne se wo lachar tha par ab wo kafi gusse me tha ...
udhar sam ki baki ki family sam ke chacha ke ghar pahunch chuki thi...
Fir shruti ne rohan ko call kar waha se chale jane ko kaha par rohan ne bhi kuch planning ki huyi thi... Par shruti ke jor aur kasam dene se wo rocky se koi bahana kar waha se chala jata hai aakhir jigri dost par rocky ko shak ka koi chance hi nhi banta tha ...
Fir thik 10 baje rocky aur uske log sam ke ghar ke paas pahunche jaha sahil unka besabri se intejar kar raha tha...
Rocky ke group me uske alawa 4 log aur the ...
Sabhi ne chhat par chaddh apne kaam ko anjam dene ki planning ki thi to wo log pipe ke sahare sam ke ghar ke chhat par chaddh gaye
jaise hi pahla admi aage badha wo aur aage badhne layak hi na bacha aur pure watawaran mein uski chikh gunj padi jab sabne dhyan se dekha to wo admi kahi nhi dikha ...
Fir dusre admi ne hawa me fire kiya par bhooto ko bhi kabhi goli lagti hai...
Achanak se goli chalane wale ki gardan jamin par giri aur girte hi gayab ho gyi...
waha jitne bhi log the sabhi ashcharya se ye dekh rahe the par ye pata nhi tha unhe ki kya aur kaise ho raha hai aakhir koi dikhe tab to wo kuchh kar sake.. Yaha to ladayi ek gayab rahne wale bhoot ki insano se thi ...
Fir rocky ne baki dono ko apni apni banduk alag alag dishao me point karne ko kaha ki koi kahi se chhup ke waarkar raha ho ...
ab sahil ka gussa kafi badh chuka tha wo itna gussa hua ki apne asli roop me unke samne aa gya ...
Sahil - tum log yaha mere dost ki family ko marne aaye ho na .... (ek gunde ka hath pakad) inhi hatho se gaadi chala tune unka accident karaya tha na ..
Aur itna kah kar sahil ne uska wo hath hi uski baanh samet ukhad diya aur fir bhi uska gussa na thanda hua to uski gardan hi chaba dali .. tab tak dusre wale ne sahil par goliyo ki bauchhar kar di ..
Sahil - tum logo ki maut tumhe yaha khich layi haramiyo
Fir sahil ne bari bari se dusre wale gunde aur rocky ka kaam tamam kar diya aur sab kuch aise gayab ho gya jaise waha kuch
hua hi na ho ...
Sahil(rote huye) - bhai mujhe maaf karna main tumhe bacha na paya par tumhare family ki safety ki jimmewari main leta hu.. koi inki taraf aankh bhi uthayega to unki aankhe bhi nhi bachegi... Dost main apna wada na nibha paya mujhe maaf karna ..
Waise hi sam ki baki ki family uske uncle mohan ji ke ghar aram se the par unhe sam aur uske papa aur manju ki bahut yaad sata rahi thi ...
Jab rohini se bardast na hua to wo 2 din baad wapas soniya aur richa ke sath aa gyi.
mohan ji ne sam ke dada ko bhi sath hi bhej diya.
Yaha sahil ki dekh rekh me sabhi safe the par asli anhoni to sam ke sath huyi thi...
Back to present ...
Sam thode der doctor se baate karta hai aur jab doctor chala jata hai to wo letter khol kar usko padhne lagta hai tab uske aankho mein aansoo bhar aaye ki koi kisi se kya itna bhi pyar kar sakta hai.
Mere pyare bhai sam,
sayad tumhe jab ye letter mile main tumhari duniya se kafi dur ja chuki houngi.. Bhai jab hamara accident hua to hamari car ek river me gir padi...
gaadi me tumhe aur papa ko gahri chot aayi thi ab mujhe tum dono me se kisi ek ko hi chunana tha to maine tumhe bachane ko chuna .. mujhe swimming to bachpan se hi aati thi to main tumhare behosh sarir ko sath me lekar tairne lagi kuch der ke baad ham nadi ke kinare pahunch gaye maine tumhe hosh mein lane ki bahut kosis ki par tumhe hosh aa hi nhi raha tha...
nadi ke kinare jaha ham the waha paas hi koi gaanv tha to main kisi tarah tumhe lekar waha pahunchi tab tak raat ho chuki thi ..
maine gaanv ke logo ko hamari kahani sunayi to wo log hame kisi najdiki hospital le jane ko taiyar ho gye ... fir kya tha main tumhe lekar hospital pahuchi ...
Hospital me bhi koi tumhe bharti lene ko taiyar nahi ho raha tha to maine apne gale ka necklace doctor ko dekar tumhe bharti karwaya par jab usne tunhe check kiya to bataya ki wo waha tumhara ilaj nahi kar payega to main uske pairo me gir kar teri jindagi ki bhikh mangne lagi tab doctor ka mind change hua aur wo mujhe ek bade hospital le aaya aur waha bharti karwa diya jab tum waha bharti huye to waha ke doctors ne kaha ki tumhara heart sahi se kaam nahi kar raha to tumhara heart 12 ghante ke andar change karna padega warna tum nahi bachoge...
Ab maiin heart donor kaha se lati raat bhar me. Fir main soch mein pad gyi ki ab main tumhe kaise bachau tabhi mujhe yaad aaya. are heart to mere paas bhi hai to kyu na main tumhe apna heart de du aakhir tumse jyada jaruri mere liye kya ho sakta hai.
Fir main jakar doctor se baat ki to unhone kaha ki uske liye fees chahiye to maine tumhare gale ka gold ka chain unko diya aur kaha please doctor iske alawa mere paas aur kuch nhi please mere bhai ko bacha lijiye to unhone mujhe kaha ki main koi letter likh tumhare liye chhod du taki tum sachchayi se awgat ho sako ..
main wahi kar rhi hu sayad hamara sath yahi tak tha. jane anjane me sayad teri ye bahan se koi bhul ho gyi ho to maaf kar dena.
tu ye mat samajhna ki main tumhe chhod kar chali jaungi bhai mera dil aur papa ki dua hamesa tere sath rahegi. maa aur meri pyari bahno ka khyal rakhna wo sabhi bhi tujhse bahut jyada pyar karte
hain. Kabhi bhi meri yaad aaye to apne dil par hath rakh lena main
tumhare samne aa jaungi ... love you so much mere pyare bhai ...
tumhare sath bitaye wo do raate mere jindagi ke sabse hasin pal the. unhi do dino me mujhe sare jindagi ki khusiya mil gyi. Mere taraf se bhi maa aur meri bahno ko mera pyar kahna. Main bhagwan se dua karungi ki agle har janam me mujhe hamesa tumhara hi sath mile ... Love you mere jigar ke tukde ...
Tumhari aur sirf tumhari
MANJU
Sam ne jaise hi letter padha uski aankho se to jaise aanshuwo ki dhara hi beh nikli aur wo bahut jor jor se sisakte huye rone laga ...
Maine dil se kaha, dhoond laana khushi
Nasamajh laya gum, to yeh gum hi sahi
Maine dil se kaha, dhoond laana khushi
Nasamajh laya gum, to yeh gum hi sahi
Maine dil se kaha dhoond laana khushi
Bechaara kahan jaanta hai
Khalish hai yeh kya khala hai
Shehar bhar ki khushi se
Yeh dard mera bhala hai
Jashn yeh raas na aaye
Mazaa to bas gham main aaya hai
Maine dil se kaha, dhoond laana khushi
Nasamajh laya gum, to yeh gum hi sahi
Kabhi hai ishq ka ujaala
Kabhi hai maut ka andhera
Bataao kahan bhes hoga
Main jogi banu ya lutera
Kayi chehre hai is dil ke
Na jaane kaunsa mera
Maine dil se kaha dhoond laana khushi
Nasamajh laya gum, to yeh gum hi sahi
Hazaaron aise faasle the
Jo Tai karne chale the
Raahe magar chal padi thi
Aur peeche hum rah gaye the
Kadam Do chaar chal paaye
Kiye phere tere mann ke
Maine dil se kaha, dhoond laana khushi
Nasamajh laya gum, to yeh gum hi sahi
Maine dil se kaha, dhoond laana khushi
Nasamajh laya gum, to yeh gum hi sahi ......
Sam ki aankho se aanshoo rukne ka naam hi nahi le rahe the ... Aj usko pyar ki gehraiyo ke baare mein pata chala ki koi kisi ke liye kis hadd tak gujar sakta hai.
Ab sam ke bhi kuch kartavya the uske sar se baap ka saaya aur bahen ka aanchal chhin gaya tha ab usko apne pure pariwar ko
sambhalna bhi tha aur apne papa ka bhi kaam dekhna tha. ek bechare 20 saal ke ladke par itni jimmedariya pal bhar me aa gyi thi ki wo kahi bojh ke tale dab na jaye ..
thode der baad nurse aayi to sam ne doctor ko bulane ko kaha ..
Sam - doctor meri bahan ki dead body kaha hai ...
Doctor - wo to humne morgue me rakhwa diye hain ...
Sam - nhi doctor mujhe wo chahiye aur haa apki fees kitni huyi wo
batao.
Doctor usko fees batata hai aur sam uske mobile ke through paise pay kar kuch khud ke use ke liye bhi mangwa leta hai aur manju ki dead body aur uski necklace chhudwa kar ek gaadi reserve kar apne ghar ko nikal pada ..
Gate par pahunch manju ki body ko driver ke sahare apne ghar ke gate par rakhwa paise pay kar driver ko bhej deta hai aur dukhi man se gate knock karta hai ...
Andar rohini to kab se apne kaan gate par lagaye thi. wo bhag kar gate kholti hai to bimar halat me akele sam ko dekh uska dil ghabra jata hai tabhi uski najar bagal me rakhe manju ki body par padti hai
to wo dahad maar kar rone lagti hai uske rone ki awaj se soniya aur richa bhagi huyi aati hai aur wo sabhi bhi jor jor se sam ke gale lag rone lagte hain.
aakhir roye bhi kyu na unke sar se baap ka saya jo uth gya tha aur
beinteha pyar karne wali bahan bhi unka sath chhod gyi thi ...
Sam - maa meri manju didi ko ghar to aane do kyu bechari ko bahar hi rakhi huyi ho aj main jinda hu to meri manju didi ki wajah se unse mera khoon ka rishta nahi hai fir bhi unhone jo mere liye kiya hai wo to koi saga bhi na kare ... Aj meri manju didi ne apna DIL KA RISHTA nibhaya hai. wo mere andar amar ho gyi maa mere liye bechari yamraj se ladne chali gyi itna pyar sayad hi koi insan kisi se kar sakta hai ... meri ye saanse unki hi amanat hai maa unki hi amanat hai ...
Itna kah kar sam manju ki dead body ko apni god me bade pyar se andar lakar ek table par sula deta hai ... Aur wo manju ka likha hua letter rohini ko de deta hai.
tino maa beti ashrupurn aankho se letter padhti hain to manju ke tyag aur samarpan ki dasta sun unki aankho se aur teji se aanshoo bahne lagte hain ...
Fir sam apne sabhi family walo ko call kar khabar kar deta hai aur khud market jakar ice ke 2 bade se slide kharid lata hai taki body kharab na ho.
Ghar me to tino maa beti manju ki dead body se lipat lipat roti rahti hain. sam ke dada bhi apne room me baith apne bete ki maut me roye ja rahe the.
Sam ki dadi ne to jab ye suna unka heart attack ho gya itna gehra
sadma wo bardast na kar payi.
Mohan ji ne thik se checkup kiya aur unko doctors ki care me chhod khud baki ke pure pariwar ke sath sam ke ghar nikal pade.
Evening tak sam ke sare rishtedar aa chuke the. ye khabar sun tarika ke bhi sare family wale sam ke pariwar ka dukh batne pahunch gaye.
Aise ek haste khelte pariwar ko na jane kiski najar lag gyi har taraf khamoshi chhayi thi ...
Raat ko sabhi ghar ke gents manju ko jalane ko le jane ki taiyari karne lage to sam ne apne room pahunch sahil ko yaad kiya to turant usko kisi ke sisakne ki awaj aayi jab usne sar utha kar dekha to aankho mein aanshoo liye huye sahil khada tha …
Sahil - maaf karna bhai main tumhari koi help na kar saka par jisne bhi ye kiya hai bina usko jad se mitaye main bhi shant nhi rahunga ... jab tak wo harami bhi mara nashi jata meri atma ko shanti nahi milegi.
Sam - filhal mere bhai abhi main aur sabhi manju didi ka kriya karm karne ja rahe hain meri anupasthiti mein mere ghar walo ki suraksha karna ...
Sahil - thik hai bhai tum befikar jao ye mera wada raha koi inka baal bhi baanka nhi kar sakta ...
Sam sahil ke aswashan se tension free hokar manju ki body ko gaadi par daal antim yatra ke liye le chala ...
Waha pahunch sam ne manju ka agni sanskar kiya aur wahi nadi mein uski ashthiyo ko bahakar uski atma ki shanti ke liye bhagwan se prarthna ki. Ye sab karte huye raat ke 2 baj chuke the fir sabhi gaadi par baith ghar ke liye rawana ho gaye ....
Ghar pahunchte pahunchte subeh ho chali thi. sam ne gate knock kiya to rashi ne gate khola sabhi ki halat baya kar rahi thi ki raat me bhi kisi ne khana nhi khaya ...
Rohan se gharwalo ki aisi halat bardast na huyi wo sam ki car lekar market chala gaya aur hotel se dher sari garma garm kachaudiya chhole aur jalebiya le aaya aur ghar aakar shruti aur apni maa ki help se plate me kar diye aur sabhi ko jabardasti brush karwa kar kasme dila dila khilaya.
Raat ke thake huye sabhi khane ke baad so jate hain waise hi fir lunch hota hai tab bhi sabhi shant hi the halaki rohan aur shruti ne sabko khus karne ki kosis ki par jiske sath aisi ghatnaye hoti hai wo hi aise dard ko jaan sakta hai ...
Sam ki bua, rashi,sam ki mami sabhi rohini ko tarah tarah se samjhane kar normal karne ki kosis kar rahe the par sabko ye kaha pata tha ki pure ghar ko koi khus kar sakta hai to wo sirf aur sirf sam hi tha jo jane kis duniya mein khoya hua tha.
Wo apne room mein akele soya hua tha ki uska hath apne dil par chala gya to usko kuch awaj si feel huyi.
Dil - bhai aise kab tak chalega tujhe sab kuch sambhalna hai fir se tere bina dekh sara ghar suna hai sabne jine ki umeed hi chhod di hai. soch kya papa khus honge kya tumhe aur sari family ko aise haal me dekh.. sab tere hath mein hi hai bhai... tu mera guroor hai. tu hi itni jaldi haar maan jayega abhi to tujhe duniya se lad pahchan banani hai... ham bhi tujhme hi ji rahe hain mere bhai ...
Sam - didi ap mujhe chhod kyu chali gyi ab kaun mera pal prati pal khyal rakhega aur mere har dukh dard me mera hamsafar banega ... apke bina main suna ho gya didi suna ho gya ...
Dil - ab meri pahchan tujhse hi hai mere bhai tu uth aur chal sambhal le sare bikhre huye logo ko dekh bechari gudiya ko soniya ko aur meri bholi maa ko tere sahare ki jarurat hai
Sam - sukriya didi main to ye bhul hi gya tha ki unke dil par kya gujar rahi hogi ...
Sam uth kar sabse pahle richa ke room mein gya. waha chanchal aur kavita richa ko idhar udhar ki baate kar bahlane ki kosis kar rhe the par wo bechari chup chap unhe dekh rhi thi jis richa ke hasne khilkhilane se pura ghar chahak uthta tha wo aj apni hasi hi bhul gyi thi…
Sam richa ko khich kar khud se chipka leta hai ...
Sam - kya hua meri pyari gudiya kyu itni sahmi huyi hai meri gudiya to aisi nahi thi wo to rote huye ko hasa deti thi has de meri jaan teri hasi dekhe kafi waqt ho gya please babu. dekh jo chale jate hain wo wapas to nahi aate bas apni yaade chhod jate hain aur hame unki yaado ko apne dilo mein sanjo kar rakhna hai na to has do na babu.
Richa ab tak sar rakh rone ko jo kandha dhund rahi thi wo usko mil gya tha wo fut fut kar jor jor se rone lagi.. kahte hain ki dil khol kar koi bhi chij kare to man ko acha feel hota hai waisa hi rone ke sath bhi hai agar ap dil khol kar ro le to apka man saaf ho jayega…
Kuch der rone ke baad khud richa apne aanshoo pochh leti hai ..
Richa - bhaiya ab meri aankho se kabhi aanshoo nahi aayenge ye mera waada hai aur inme khushiya lana apki jimmewari hai.
Sam - beshak meri gudiya ab main ghar ki bagdor apne hatho me leta hu ... ab to muskura do
Richa ke chehre par ek pyari si muskan aa jati hai jise dekh sam uske gaal chum leta hai aur chanchal aur kavita ko bhi apne sath gale laga leta hai ..
Richa ke room se nikal sam soniya ke room me aata hai jaha shruti aur surbhi(sam ke bua ki ladki) baithi huyi thi aur soniya gumshum si apne papa aur manju ki photo ki dekh rhi thi ..
Sam jakar soniya ko apni god mein bitha leta hai ...
Sam - kyu didi ab ap jaisi meri bahadur didi hi aise gumshum rahogi to kaise chalega. Are apko to mujhe samjhana chahiye aur ap khud hi gumshum ho. bolo apko aise dekh kya bit rahi hogi papa ke dil par aur manju didi to apki pakki saheli thi unki khatir to khud ko sambhalo didi. mujhe pahle wali meri bahadur soniya didi ko dekhna hai ...
Sam ke itna samjhane se soniya ke chehre par khoyi muskan wapas aa jati hai aur wo sam ko gale laga thanks kahti hai aur apni maa ke room chal deti hain unhe manane ...
Sam - are meri surbhi aayi huyi hai aur maine abhi tak baat bhi nahi ki... kaisi ho meri bahna ..
Surbhi - main achi hu bhaiya ... maine to aj tak sirf apke bare mein suna tha aj dekh bhi liya ap bahut bahadur aur himmat wale ho bhaiya
Sam -thank you my princess .. chalo niche chal ke sabka mood thik kar aate hain... chalo didi ap bhi ...
Sam sabhi ko lekar niche rohini ke room me aata hai jaha soniya usko manane ki kosis me lagi huyi thi.
sam apna rumal bhigota hai aur usse rohini ke faceko saaf karta hai jispe aanshoo ke nisan pad gye the. fir rohini ke gaal ko chumte huya.
Sam - kyu chinta karti ho maa abhi main hu na mere rahte apko chinta karne koi jarurat nhi. ham sab mil ghar fir se pahle jaise khusnuma kar denge.
Tab tak richa gajar ka halwa le aayi. Sam ne ek chamach halwa rohini ke muh me dala ..
Sam - thats my sweet girl ... fir se muh kholo ....
haa Aise hi kar ke sam rohini ko plate ka sara halwa khila deta hai ... fir soniya surbhi richa aur chanchal kitchen me jakar sabko plate me halwa serve karti hai sabhi tarifo ke pool bandh dete hain. mohan ji khus hokar richa ko 5001 rs. dete hain jise richa pyar se le leti hai ...
Sam - meri gudiya ka bhi jawab nhi aisa halwa banaya ki sabhi fir se has khel rahe hain ... sachi meri gudiya best hai ...
Fir aise hi thodi hasi khushi ke palo ke sath dinner ka waqt ho jata hai..
dinner ghar ki sabhi ladies ne milkar banaya tha .. 2 dino baad ghar ka khana kha rhe the sab ..
Ab waqt tha sabke sone ka aur sahil ke jagne ka .. aj mahaul khusnuma tha.
Sam ne kuchh gadde dinning room me bicha diye to sabhi gents party wahi so gye aur sari ladies aur ladkiya room mein ... Aj sabhi ko 2 din baad achi nind aayi aur sabhi gehri nind me so gye ..
Agle din subeh sabhi ke sabhi guests breakfast kar apne apne ghar ko nikal gye ...
Ab bach gaye the sam,rohini,soniya,richa aur sam ke dada ..
Manju ke room se sare saman clear karke sam ke dada ko de diya gya ..
manju ka sara saman ek godrej me karke store room me rakh diya gya ...
Sam ke dada yaha bahut lambe arse baad aaye the to unko yaha suru mein to man nahi laga tha par ab sam ke aane se unko bhi yaha acha lagne laga.
Sam ne apne dosto ko college call kar sara haal bta diya to wo log bole ki tum waha ghar sambhalo ham yaha sambhal lenge bas exam ke time aa jana.
Sam agree ho gya aur ab sam ko shop bhi kabhi kabhar jana padta tha ... padhayi aur ghar ke kaamo me wo mashgul hone laga ...
Karib 1 month baad sam ki dadi ko fir se heart attack aaye jisse wo chal basi sam ke dada ki to mano duniya hi ujad gyi.
sam sabhi ko lekar dadi ke kriya karm mein pahucha ... Waha dadi ki khwahis ke anusar agni sanskar sam ko hi karna pada kyunki sam ke dadi ki ichchha thi ki unhe aag unka pota de aur sam ek matra chirag tha family ka...
Waha bhi 3-4 din mayushi mein yu hi beet gaye. Itne dino mein hamare sahil ne ye pata laga liya ki ye kaam MLA ka tha.
Sam jab ghar aaya to sahil ne usko ye jaankari di ...
Fir kya tha sam ka khoon khaul utha usne kaha ..
Sam - bhai tu mujh par aakhiri baar upkar kar de kisi tarah mujhe ye MLA la de ..
Sahil - sach yaar main bhi ab duniya se mukti chahta hu jaldi se hi ye
kaam nipata deta hu ...
Sam ke dada bhi sath hi aaye the ab wo kafi udas rahte the. khair dinner ka waqt hua rohini aur soniya ne dinner banaya. har din ki tarah sam neapne dada ka dinner unke room pahucha diya. Waha sam ne dada ji se thodi der idhar udhar ki baate ki fir bartan lakar sink mein daal diye ...
Fir sam rohini ke room gya ...
Sam - maa apko agar dad ka katil mil jaye to ap kya karogi ...
Rohini - usko itna tadpaungi ki maut ki bhikh mangega wo ..
Sam - to samjho wo subh ghadi aa gyi hai 12 bje taiyar rahna ...
Rohini - kaise beta ..
Sam - bas ap aam khao maa... baki mujh par chhod do ...
Fir uske baad baki sabhi dinning table par dinner ke liye baithe hote hain...
Sam - aur gudiya kaisi hai tu aur teri padhayi kaisi chal rhi hai ...
Richa - bahut badhiya bhaiya ... bhaiya kya ab main college ja sakti hu pata nhi college me kahi koi jyada important topics na paar ho jaye ..
Jab se sam ka accident hua tha tab se uski maa ne apne kisi bachche ko collage nhi jane diya tha. Rohini ab kisi aur ko nahi khona chahti thi ..
Sam - ha gudiya bas 1-2 din aur ruk ja fir main tumhe khud college chhod diya karunga ...
Richa (khushi se) - sachi bhaiya
Sam - ha chhoti sach ...
Soniya - bhai mujhe bhi kal tarika ke ghar chhod doge kuch baate karni hai...
Sam - jarur didi kyu nhi ...
Rohini - sam beta dadaji ko khana de diya tha na ..
Sam - ha maa .. ab dadaji bhi bahut sad sad rahte hain ..
Richa - ha bhai dadiji ke na rahne se wo bhi akele ho gye hain ..
Rohini ko bhi apna gam yaad aa gya ab wo bhi waisi hi condition me thi jaisi sam ke dada ... dono ke partners duniya se rukhsat ho chuke the …
Sam ko rohini ka achanak shant ho jana baat ko dusri taraf modne ko majbur kar deta hai ...
Sam - aj ka khana kisne banaya hai ..
Soniya - maine bhai kyu kuch missing hai kya ..
Sam - nhi didi bahut acha hai.. Aaj main soch raha hu ki ap aur richu ek sath apne room me so jaye.
Richa - ok bhaiya aur kuch
Sam - ha aur tujhe ek sweet si kissi mujhe deni hogi jo tum bahut din se nhi de rhi ..
Richa - are haa main to ye bhul hi gyi thi ..
Fir sabhi jaldi jaldi apna dinner khatm karte hain aur sam ko aj raat ek behad important kaam ko anjam dena tha. Dinner karte karte aur baate karte huye 11 baj jate hain to sam apni bahno ko doodh ke glass me nind ki goliya daal unhe sone bhej deta hai …
Sam ke dadaji ke dawa mein nind ki goliya bhi attached hoti thi taki unko neend achi aaye to sam sab taraf se nischint tha ki ab koi usko disturb karne wala nahi hai ... wo ab aram se apne man ki kar sakta hai ...
Sam aur rohini sam ke room me baithe huye the aur baate kar rahe the ki kaise kya karna hai.
Tabhi karib 12:30 baje uska gate knock hua aur ek smart sa ladka ek mote se khusat insan ko god me uthaye huye tha aur wo mota behosh hua pada tha. sam soch mein pad gya ki isko(ladke) to
kabhi dekha nhi hai.
Sam - hello tum kaun ho aur ye kisko liye aa rhe ho aur mere ghar me kaise ghuse ..
Ladka - main sahil hu apne hi to mujhe MLA ko lane bheja tha badi muskil se utha laya hu ...
Sam ko sab baat samajh aa jata hai ki rohini ke samne aakhir sahil MLA ko gayab kar kaise lata aur isse rohini dar bhi sakti thi ...
Sam - maa inse milo ye sahil hain ye logo ko unke ghar se hi kidnap karne me mahir hain inhe hi maine dada ke katil ko lane ka kaam saunpa tha ....
(MLA ki taraf ishara kar) ye hi hai wo darinda jisne hamare haste khelte pariwar me aag laga di ...
Sam aur sahil ne milkar MLA ko ek lakdi ke khambe se bandh diya ...
Fir sam ek bucket thanda pani laya aur usko MLA par daal diya ... thanda pani jism par padte hi MLA ki tandra tuti aur wo hosh me aaya ..
MLA - tum log kaun ho aur mere ghar me kya kar rahe ho ..
Sam jor ka ek thappad MLAko lagata hai jisse uska hosh puri tarah khul jata hai ..
Sam - bol sale mere papa aur bahan ne tera kya bigada tha jo tune unko marwa diya aur tu ham logo ke pichhe kyu pada hua hai aur kaun hai tu…
MLA - aye launde tu mujhe nahi janta main sahar ka MLA hu ye pura
sahar mere aage sar jhukata hai tune abhi agar mujhe nahi chhoda to teri wo halat karunga ki teri 7 kaum tak tujhe nahi dhund payegi ...
Tab tak rohini ne apna sandal khola aur ek sandal uske muh par mara aur garajte huye kaha ..
Rohini - tu hoga koi MLA ya kuch bhi par yaha tu ek katil hai aur teri saja sirf aur sirf maut hai ...
MLA - Kaun marega mujhe sari sahar ki police mere jeb mein rahti hai ...
jaise hi kisi ko pata chala ki tum logo ne mujhe kidnap kiya hai to tum
logo ko patal se bhi dhund nikalenge. tumhari bhalayi ishi me hai ki
mujhe jane do main abhi bhi tum logo ko maaf karne ko taiyar hu ..
Sam - pahle tu ye bata ki hamse tumhari kya dushmani hai aur kyu tum hamare pichhe pade ho ..
MLA - Tum kaun ho pahle to maine tujhe kahi nhi dekha ...
Ab sahil ko bich mein aana pada ..
Sahil - bhai iska ek beta hai rudra jise tumne apni bahan se misbehave karne ke karan mara tha… yaad hai tujhe wo restaurant aur wo ladka jo tumhare aur richa ke lunch ke waqt richa se misbehave kar raha tha
Sam - bhai par uska isse kya lena hai ..
MLA (Gusse se) - oh to wo tu hi hai jisne mere bete ko mara tha tere hi karan mera beta 2 din hospital mein pada hua tha ...
Sam - par galti to tumhare bete ki hi thi ki usne meri bahan ke sath
misbehave kiya tha ...
MLA - to kya tum usko maar doge aur tum bache kaise tumhe aur
tumhari puri family ko to maine mere gundo se marwa diya tha ..
Sam - wah MLA wah ek maarpit ki saja sidhe maut ye kaha ka insaf hai ...
MLA - tune mere gireban me hath dala tha to tujhe to marna hi tha ... Bas ek baar tu mu7jhe khol ke dekh tujhe bhi tumhare baap ke paas pahucha dunga ..
Rohini bahut der se sari kahani samajhne ki kosis kar rahi thi …
Rohini - tu mere bete ko marne ki baat kar raha hai kamine tujhe to main jinda nahi chhodungi ...
Ye kah rohini ne ek danda utha liya aur usse usko marne lagi ...
MLA - mard ka bachcha hai to ek baar khol ke dikha sale ..
Sam - kyu be harami tune mere dad aur meri bahan ko koi mauka diya tha kya par main tujhe ek mauka jarur dunga taki tujhe bhi apni maut ka afsos na ho ..
Main bhi to dekhu ki kaisa mard hai tu ya sirf pichhe se waar karne wala kayar hai tu par meri bhi ek shart hai ladayi bina kisi hathiyar ke hogi.
Sahil aur rohini sam ko mana karne lage par sam ne unhe apni kasam dila shant karwa diya.
Rohini - par beta main tujhe nahi khona chahti main nhi chahti ki tujhe kuch ho jaye tere siwa mera duniya mein kaun hai ...
Sam - maa ap apne bete par bharosha karti ho ki nahi aaj apka beta apni bahan aur apne papa ki maut ka badla jarur lega …
Sahil - par bhai tum isse ladoge kaha ...
Sam - bhai tum jakar dinning room clear kar do aj ek rakshas ka wadh hone ja raha hai to wo kisi akhade mein hi kyu na ho ...
Sahil turant niche jakar dinning room se sare saman hata deta hai aur fir MLA ko bandhe huye halat mein hi dinning room mein laya jata hai ...
Fir sam sahil ko gate bahar se lock kar dene ko kahta hai ....
Sahil dinning room ke gate ko bahar se lock kar deta hai aur rohini dinning room mein bane ek matra window se bahar se andar ka view dekhne lagta hain window room ki diwal ke bicho bich tha jisse andar ka pura view dekha ja sakta tha ..
Uske baad sam MLA ki rassi kat deta hai ..
Sam - bol pani wani chahiye to mang le main nhi chahta ki tu pyasa mare
MLA - ha ek glass pani mangwa do ..
Sam - acha main ye chaku bhi bahar de aata hu taki tu ye na samjhe ki main tujhe chaku se marunga aur sam kabhi cheating nahi karta ye mera usuool hai ...
Itna kahkar sam palakar sahil ko pani lane ka ishara karta hai aur rohini ko chaku dene ke liye window ki taraf badhta hai ki Dhiskyu .... dhishkyu ... dhishkyun karke 3-4 goliya aakar sam ke pith ko
chhalni kar dete hain ... turant khoon teji se sam ki pith se bahne lagta hai..
sam ke hath se chaku chhut jamin par gir padta hai aur sam bhi jamin par gir jata hai …
Ye goliya MLA ne chalayi thi ... wo hamesa apne paint ke andar ke hisse wale pocket mein ek mini pistol rakhta tha ...
MLA - (Hasta hua) hahaha... maine kaha tha na tu abhi naya hai aise hi nahi main sare sahar par raaj karta hu. tu mere samne chinti bhi nhi. tu bhi kya yaad karega maine tujhe tumhare ghar me hi mara hai.
Fir usne sam ke hath se chhuti huyi chaku utha li aur usse uske pet mein ghusa diya ....
Ab to aisa lag raha tha ki ab sam ki antim saanse chal rahi ho ...
Rohini -(sahil se) beta main tumhare hath jodti hu mere bete ko bacha lo ..
Sahil - aunty ji main bhi sam ke dwara diye gaye kasam se bandha hua hu ab main kuch bhi nahi kar sakta jo bhi karega wo sam hi kar sakta hai. mujhe vishwash hai mera dost ab bhi aise jhute makkar aur dhokhebaaj insan se nahi harega.
Sahil (dhire se rohini ke kaan mein) - aunty ji ap kamine MLA ko baato me bahar uljhao thode der tab tak sam ko dard se thodi rahat milegi ..
Rohini - (MLA se) oye jhute makkar insan mujhe pahle hi pata tha tu dogale ki aulad hai .. tune mere bete par dhoke se waar kiya hai ... Kya pata tera pura khandaan hitere jaise chutiyo se bhari ho tere bete ko to mar hi jana chahiye ..
MLA - (window ke paas aakar ) chup kar budhiya tujhe bhi tere bete samet maar tere pure khandaan ko na marwa diya to mera bhi naam brijmohan nahi ...
Rohini ke baato mein uljhane ka ye asar hua ki sam ke jakhm dhire dhire sahi se bhar gaye... Aur sam apni jagah khada ho gaya ...
Sam - chal aaja sale namard pichhe se waar karta hai chal aaja ...
MLA ke pistol ki goli to khatm ho chuki thi to wo pichhe palat jab sam ko dekhta hai to usko vishwash hi nhi hota ki uske jakhm kaise bhar gye.
Sam - waha se aankh fade kya dekh raha hai ek baap ki aulad hai to aa ja. acha beta chaku ke sath hi aaja sharma mat aa.
MLA puri takat ke sath daud kar sam par chaku se waar karta hai sam jhuk kar waar se bach jata hai aur ghum kar ek jabardast kick MLA ke muh par marta hai.
kick itna jordaar tha ki mote bhaise(MLA) ka jabda hil jata hai ...
Ab MLA gusse se kaanpne lagta hai aur fir se apne chaku wale hath se jor ka waar sam par karta hai sam pichhe hat kar usse bach jata
hai aur ek laat MLA ke pet par jama deta hai jisse wo dur ludhak jata hai.
Bahar khadi rohini taliya baja khusiya manane lagti hai. Sahil ke chehre par bhi muskan laut aati hai aur wo sam ka haushla badhane lagta hai ...
MLA jamin par gira hua tha par uske hatho me abhi bhi chaku tha wo uth kar khidki se jhank rahi rohini par jor se chaku fenk deta hai jise sahil bacha leta hai …
Ab to sam ke gusse ki inteha ho chuki thi uske hath pair gusse se
fadakne lage wo sher ki bhaanti MLA par jhapat pada aur usko kisi halke bache ki tarah kandhe par utha liya aur John Cena ke style me jabardast tarike se ATTITUDE ADJUSTMENT(AA) de deta hai MLA jamin par lachar sa gir padta hai.
ab fir se sam usko gardan pakad uthata hai aur khada kar ke thoda pichhe hat kar ek jordar kick marta hai(just like shawn michael's SWEET CHIN MUSIC) jisse MLA fir se wapas jamin par gir jata hai…
Sam - Ab bata M*****CHOD ab tujhe pata chala ki ek aam insan se bhidne ka kya natija hota hai tu sare sahar ko apne ishare se nachata tha na abdekh tujhme khade honeki bhi takat nhi bachi ... (Sahil se) bhai gate khol de abhi to asli badla baki hai ...
Sahil gate khol rohini ke sath andar aata hai ...
Sam - bhai wo chaku kaha gaya isse abhi kuch hisab chukane hain.
Sahil ne wo chaku lakar sam ko diya ...
Sam ne MLA ka hath uthaya .... Inhi hatho se tune mere pariwar ko marne ki supari di thi na .. Aur ek jordar waar kiya jisse MLA ki kalayi sam ke hath mein aa gyi aur MLA jor se chikh pada uske chikh ki awaj pure room mein fail gyi …
Sam - abhi to tujhe aur bhi tadapna baki hai harami ki aulad ... Maa ye lo chaku aur apna badla nikal lo ...
Rohini - nahi bete mujhse nahi hoga ab chhod bhi de isko kyu iske gande khoon se apna hath ganda kar raha hai ..
Sam -nahi maa isne mujhse meri manju didi ko chhina hai mere sar se mere papa ka saya chhina hai ap bhale isko maaf kar do main to iski antim saans tak isko maaf nahi karne wala ...
Fir sam ne uska dusra hath pakda aur dusri kalayi bhi kaat dali …
Sahil ne kaha - bas bhai kuch mere liye bhi chhod de mera bhi to kuch khyal kar
Sam - ha bhai tu bhi apna badla chuka le ....
Sahil turant apne bhootiya roop me aa gya aur uske daant nukile ho uthe ..
Sam - maa ap dusre room chali jao apse ye nhi dekha jayega ...
Rohini waha se chali jati hai fir sahil apne nukile daanto se MLA ke gardan par ek jordar waar karta hai aur uska khoon pine lagta hai .... MLA ki chikhe pure room mein gunjne lagti hai aur wo chire dhire kam hote hote puri tarah band ho jati hain ... Aur MLA ke jism se jaan nikal jati hai ...
Fir sahil apne chehre se khoon saaf karta hua uthta hai …
Sam - bhai ab iski lash ka kya karna hai ..
Sahil - Bhai main tujhe ek jagah le chalta hu waha meri ashthiya rakhi hain wahi isko mere ashthiyo ke sath jala dena isse iski atma mere atma ke sath vilin ho jayegi aur future me tujhe koi khatra bhi nahi rahega ...
Sam - bhai tu bhi mera sath chhod chala jana chahta hai ..
Sahil - kya karu bhai mujhe bhi shanti chahiye par ye mat sochnma main tujhe yu khali hath chhod jaunga main tere jarurat ki kuch shaktiya chhod jaunga jisse tu khud ka aur apne pariwar ki sahayata kar sako ....
Sam - bhai par meri maa ke mind se tum khud ki yaade mita do warna main unhe kya jawab dunga ...
Sahil - thik hai bhai ye lo mita diya ...
Fir sahil ne chutki bajayi aur sabhi ke sabhi waha se gayab ho gaye khun ke dhabbe bhi khud se hi gayab ho gaye ...
Thode der baad sam ek khandharnuma imarat mein tha ...
Ek tabut ki taraf ishara karte huye sahil ne kaha -- bhai ye hi meri
ashthiya hain jinhe sirf tere hatho se hi jala mujhe mukti mil sakti hai.
Sahil -(sam ko ek sone ki anguthi dete huye) bhai isme kuch shaktiya hain jo tere kaam aa sakti hain ... chal aaja mujhse aakhiri baar gale to mil le ..
Fir dono dost gale mil jate hain aur kafi der tak rote rahe ...
Sahil - bas bhai sayad hamara sath yahi tak tha .... hamesa pana aur apne pariwar ka khyal rakhna aur mujhe bhul mat jana ... i will miss u yaar ...
Fir sahil ne MLA ki dead body ko apne tabut ke sath rakha aur petrol ka dabba sam ke hatho me de diya aur kaha ...
Sahil - bhai ab mujhe mukti de do ...
Sam rote huye pure tabut aur MLA ki body par petrol dalta hai aur fir se sahil se gale mil kuch der rota hai uske baad apna lighter nikal sabko jala deta hai.
Sahil muskurate huye hawa mein vilin ho jata hai.
Yaha par sam ka sath ek aur dost ne chhod diya. Kuch der wahi baith kar sahil ke kiye huye karnamo ko yaad kar rota raha tab tak waha se dono ki body jal kar rakh ho chuki thi ...
Sam ne waha pade huye rakh ke dher ko ek kapde me dala ab usko ye bhi nahi pata tha ki nadi waha se kitni dur hai aur wo kaha hai ...
Tabhi achanak anguthi chamki aur jab usne samne dekha to wo ek nadi ke kinare tha usne kapde se rakh ko nadi mein visarjit kiya aur sahil ko uske kiye huye upkar ke liye dhanyabad kaha ...
Fir usne waise hi ghar ko yaad kiya chhan bhar me wo ghar aa chuka tha wo khud anguthi ke chamatkar se achambhit tha aur kafi khus bhi hua kipata nhi kitne dino ka safar yu hi palak jhapakte kat gya.
Wo apne room aaya aur sari thakawat mitane ke liye bed par let gaya aur turant usko nind aa gyi.
Join Our
Discord Server
For Daily Updates
