शानदार जबरदस्त भाईUpdate 42 B
" Ye poora jungle kya tumhare pita ji ka hai...? "
.
Jungle me bah rahe ek sundar si prakritik saaf paani ki nahar ke kinare, kuchh kuchh doori bana kar nimi aur rj ke sath sath sheetal aur kishan baithe the, jo ki iss vatavarn aur prakrti ke saundarya me apni apni preet jodiyo ke sath pyar bhari chhed chhad me lage huye the,
Filhal kishan apna sar sheetal ke God me rakh kar usse apne pyar ke bhavishya ki kalpanao ko samjha kar raha tha,
.
Parantu kishan ke dimag me filhaal bahot saari baate chal rahi thi. Jaise ki usse aaj itni ajeeb ajeeb si awaje kaise sunayi de rahi thi...
Wahan kheto me sheetal aur nimi ki aawaj ko sunna..
Aur fir uski satyta bhi sabit hona...
Bahot ajeeb ghatna thi ye...
Aur abhi...
Baar baar shirf usse hi ek jharne se paani girne ki aawaj usse aarhi thi...
Wo bhi lagatar...
Wahi uske baad kisi mandir me ghanti bajne ki aawj...
Aur yahi wo karan tha ki.... Apne pyar bhari baat chit ke beech me hi kishan ne sheetal se ye sawal poochh liya, jise sunkar sheetal pahle usse ghoor kar dekhi aur fir mushkurate huye jabab di.
.
"Ye hamari purkho ki zameen hai, pita ji batate hai ki pahle ye gao bhi ussi jungle ka hissa hua karta tha, unka kahna hai ki unke dada yani ki mere pardada ji aur aapki dadi ( sharda devi) ke pita ji ne milkar iss gao ko basaya tha. "
.
Kishan - wah... Tab to tumhe iss jungle ke baare me bahot saari baate pata hogi?
.
Sheetal - ji nahi, is jungle ke andar jaane pe pabandi lagayi hayi hai, hamlog bas yahin tak aa sakte hai.
.
Kishan - par aisa kyu...? Ye jagah tumhari hai to fir iske andar jaane par tumhe pabandi kyun hai.
.
Sheetal - are buddhu, aap na sach me buddhu hi ho, ye pabandi shirf mere liye nhi hai, balki sabhi logo ke liye hai, aur aazib si to baat hai ki iss pabandi ka karan jungle me rahne baale jungli janvar hi honge na. Aisa hi ek jungle apake gao me bhi hai na... Waha bhi to pabandiya lagi huyi hai.
.
Sheetal abhi jungle ke baare me bata hi rahi thi ki kishan ke kaano me fir se kuchh avaje aane lagi... Wo bhi ghantiyo ke jor jor se bajne ke sath... Wo aawaje thi mantrocharan ka...
RUDRASHTAKAM ( Rudra ki aarti)
.
.
.
" Chal bhai, bahot late ho gaye hai ham dono... Dopehar hone ko aayi hai, ye dono deviya to khana kha kar aayi hai, ham dono to bhukhe hi chale aaye the... Chal jaldi "
.
Ye aawaj thi rj ki , waise bol to sahi hi raha tha, subah bina khana khaye hi nikalne ki vajah se bhookh kishan ko bhi lag chuki thi...
Issi liye wo sab wapas ghar ke liye nikalne lage...
Lekin wapas nikalte samay kishan ko ek khinchaw mehshoos hua... Jungle ke andar se... Jaise ki koi usse anadr aane ko keh raha ho. . Lekin man ko jhatak ke ve charo wahan se vapas apne apne ghar laut gaye.
.
(Me as kishan)
.
Haveli me sannata pasra hua tha, Raghav majdooro ke sath khet ki taraf jayja lene ke liye ja chuka tha, aur ghar ke mukhiya bijendra ji bhi kisi kaam se ghar ke bahar gaye huye the...
Shadi me lagaye gaye Sare tent pandal khul ke subah hi ja chuke the, aur saaf safayi bhi kiya ja chuka tha.
Khair, ham dono haveli me aaye , darwaje pe dastak dene ke baad darwaja kholne aayi Radhika chachi... Jinke God me kandhe pe sar rakh kar pinki so rahi thi, ya fir sone ki koshish kar rahi thi.
.
Radhika chachi se meri uss din se kuchh bhi baat nhi huyi thi, aur naa hi wo apni nazar utha kar mujhe dekhne ki koshish ki thi. Abhi bhi wo darwaja kholte ke sath jaise hi mujhe aur rajnish ko dekhi, waise hi thithak si gayi aur apni nazre neeche karte huye darwaje se side ho gayi.
Parantu, darwaje pe dastak ki awaz se pinki ki ankh khul chuki thi, issiliye usne jaise hi mujhe dekha, waise hi...
.
" Bhaiyaa, aap aa gye.. Mujhe to laga sabhi didi aur bua ke jaise aap bhi mujhe chhod kar chale gaye...
(Bechari subakne lagi... Akasar aisa hi to hota hai... Wo bhi khash kar bacho me... Itne dino se sab ke sath rahne se usse iski aadat si ho gayi thi aur ab achanak sabke chale jaane se use akelapan satane laga tha, pahle to uski bua ( kalpana) uske sath raha karti thi par ab, ab to kalpana bhi apne ghar ja chuki thi.)
.
Mai - are aap ro kyu rahi ho meri barbie, chalo aao mere sath chalo... Mai hun na, mai abhi kahi nahi ja rha hun... Aajao..
.
Mai pinki ko apnne God me me uthate huye ye sab bola. Radhika chachi bhi wahan se kitchen chali gayi thi. Aur mai aur rj, pinki ke sath wahin hall me baith gaye . Aur uske sath baate karne lage.
Kuchh der me chachi khana bhi le aayi, aur hamsab khana khane baith gaye...
Chachi ko dekh kar aisa lag raha tha ki wo mujhse kuchh kahna chahti hai par unhe himmat nahi mil rahi hai Kuchh bolne ki.
Khair aise hi khana khatam hua, dopehar tha isliye chachi pinki ko wapas kamre me le gayi jahan usse nind bhi aane lagi thi.
Raghav chacha bhi aagye the, mai rj aur raghav chacha, hall me baith kar baate karne lage.
.
Rj - kishan, hamare exaam bhi aane baale hai yaar, kab chalna hai hame vapas.
.
Kishan - kal bhar rukte h na yaar, dekh na kitna suna ho gya hai ye haveli, pinki ko bhi man nahi lag rha hai, ( chacha se) chacha ji, aap kuchh dino ke liye rachna bua, ya fir kalpna bua ko kyu na bula lete ho, isse pinki ko bhi achha lagega, bechari bahot akeli ho gayi hai.
.
Chacha - are, kalpana to kal aane hi bali hai beta, ek rashm hota hai, jise usko shadi ke baad pura karna hota hai, dekh na mai hi jaane wala tha usse lane, par koi baat nhi... Rachna aate samay use aur damad ji ko le aayegi.
.
Mai - han, ye sahi rahega,
.
Chacha - ye sab chhodo, aur ye batao ki aaj subah tum dono kheto me kya kar rahe the?
.
Chacha ke iss sabal se ham dono ghabra gaye, jisse wo muskurane lage.
.
Mai - kuchh nahi Chacha, wo man nahi lag raha tha iss liye socha ki...
.
Chacha- ki taad ka taadi pi lete hai.... Khair wo subah subah baali taazi taadi thi to koi problem nahi hai par kabhi bhi rakha hua baasi tadi mat peena thik hai. Usse nasha chadh jata hai.
.
Rj - par aap ko kaise pata chala ki ham waha taadi pe rhe the.
.
Chacha - bete, tum iss waqt thakur raghav singh ke gao me khade ho, itna to jaankari rakhni padegi na apne bacho ke bare me kyu kishan.
.
Mai mushkuraya, aur uske baad.
.
Mai - accha Chacha wo gao ke peechhe jo jungle hai uske andar koi jharna aur mandir hai kya....?
.
Maine jaise hi jungle ki charcha ki Raghav Chacha ka gala sukhne laga, aur fir jaise hi maine uske andar bane mandir aur jharne ki baat ki... Unhe laga ek jor ka jhatka....
.
"Tttuu tumhe kaise pata chala... Tum uske andar gaye the kya... "
.
Ladkhada kar kahi thi ye baat raghav Chacha ne.. Unke chehre pe paseene ke bundo ne apna ghera bana liya tha.
.
Mai - andar to nahi gaya tha, par han sheetal aur nimi ke sath, uss nahar ke paas jarur gaya tha... Aur wahin mujhe ek jharne ki aawaj, aur sath hi sath.. Kisi mandir me ghanti bajne ki aawaje aayi thi...
.
Meri baat ko sun, jaha ek tarf kuchh pal ke liye sukoon mila unhe, par fir unhe ek anjana dar bhi lagne laga....
.
Chacha - kishan bete, rj sahi bol raha hai, tumhari exaam aane vala hai... Tumhe ab wapas shehar laut jana chahiye...
.
.
.
Jagah - trimathpur ( sharda ji ka ghar)
.
( ye tab ki baat hai jab sharda devi, apne bhai ke yaha se vapas abhi abhi hi apne ghar aayi thi)
Sharda devi apne ghar me aate ke sath, ek pal bhi aur waha nhi ruki, aur apne ekmatra sevak raghu ji ke sath apni gaadi me baith kar trimath pur ke junglo ki taraf nikal gayi... Unka thikana kahan tha ye to aap sab jaan hi gaye honge... Wo trimath mandir ja rhi thi,
Maharishi Surajdev se bhent karne, par ye bhent sadharan nahi thi, iss waqt sharda ji ke lalat pe bahut jyada tanav dekha ja sakta tha.
Ab unhe kis baat ki itni chinta thi ye to aage hi pata chalegi.
.
Iss vaqt mandir ke peechhe bani kutiya me sharda devi aur maharishi surajdev baithe charcha kar rhe the.
.
" Jaisa ki aapne kaha tha baba, aaj subah subah waisa hi kuchh mere bete ne kishan ki aankho me dekha... Lekin "
.
.
"Lekin kya meri bachchi... "
.
.
"Lekin uske sath wo bhi dikha jo nhi dikhna chahiye tha baba... Shayad shrap aa chuka ha baba... Jiske baare me aapne uss din gupt rup se mere pati aur uske baad mujhe bataya tha"
.
.
" Mujhe andesha tha iss baat ka, lekin tum ghabrao mat putri... Agar shrap ne janm liya hai, to ab iske kaat ko jald se jald taiyaar karna hoga hame... 3 maheene bache hai kishan ke 21 varsh ke hone me, aur uss shrap ki sidhh hone ki avdhi bhi 21 varsh tak hi hai, uske baad wo shrap khud ba khud khatam ho jayegi, ya phir apna swaroop badal legi...
Parantu inn teen maheeno me uska prabhav kishan ki zindagi pe poori tarah se padega.
.
.
( aaplogo ko yad hoga dosto jab shambhu pratap ji ko koshan in junglo me mila tha, uss waqt surajdev unhe apni kutiya me le jakar kishan ke baare me kuchh baate batayi thi... Kuchh gupta baate ab wo baate jaanne ka samay aagya hai)
.
(Flashback)
.
Shambhu - baba, aapne bataya ki ye bacha god ka ansh hai. Ti iss baache me aakhir aisi kon si kamzori hai jo aap ne iski suraksha ko lekar itni hidayte di hai.
.
Surajdev - putra, iss balak ka janm bahut saare adhure kaaryo ko purn karne ke liye hua hai, maine ye to tumhe bata diya ki ye bachha ek God ka ansh hai. Parantu ye bhi ek satya hai ki iske shareer me jo aatma hai wo matra ek purn aatma ka ek chauthayi ansh hai...
Samajh aayi meri baat ( mushkurate huye)
.
Shambhu ji - nahi maharishi
.
Surajdev - iss bache ki shareer me jo aatma hai wo purn nahi hai, uski aatma ka 1 bhag uss bache me hai ...baake ke 3 bhag me 2 bhag prthvi pe hi mauzud hai... Aur antim bhag Naglok me bhatak rahi hai.
.
Surajdev ji ki baat sunne ke baad shambhu pratap ji ka dimag hi hil gaya... Unke dimag me bas yahi chal raha tha ki aakhir aise kaise ho sakta hai... Ek aatma ka 4 bhag....
.
Shambhu - ye kaise sambhav hai maharishi... Mera matlab hai ki kisi aatma ka char hissa hona kya sambhav hai...
Surajdev - iss duniya me asambhav kuchh bhi nhi hai putra... Tum janna chahoge uss aatma ka prthvi pe jo 2 bhag shadiyo se bhatak rahe hai wo filhal kaha hai.
.
Shambhu - ji
.
Surajdev -Un bhago me me se ek bhag, aaryavart ke dakshin disha me kisi mandir ke andar dafan ek divya farsha ko surachha pardaan kar raha hai.
.
Shambhu - aur dusra...?
.
Surajdev -(mushkurate huye) dusraa..... Achha ek baat batao kya tum iss ho chuke ghatna ka udahran dekhna chahoge putra, kya tum ye janna chahoge ki iss bachche ke shareer me mauzud aatma ke ansh ka dusra bhag kon hai... Kya usse milna chahoge
.
Shambhu - ji maharishi.
.
Surajdev - wo tumhare samne khada hai putra........
MAI HI HUN USS BACHCHE KE SHAREER ME MAUZUD ATMA KA DUSRA BHAG...
.
.
.
.
Aaj ke liye itna hi, update achhi lage to like kar diyo