4
kahan kahan se guzar gia – By Babar Khan
Jese hi main nay abu ki call attend ki tou doosri taraf se musalsal gaaliyon ka aik
na ruknay wala silsala shuru hua.. Abu bohat ghussay me mujhe bohat gaaliyan di
or mujhe jaldi se ghar aanay ka kaha.... Main pehlay hi itna pareshan or darra hua
tha or ab abu ki gaaliyan or ghussa dekhnay kay baad tou mere jisam me jaan hi
na rahi.... Marta kya na karta. Main maray maray qadmo se ghar ki taraf rawana
hua or jab gali me pohancha tou abu ghar kay gate per hi kharra mera intizaar kar
rahay thay... Main darta darta abu kay qareeb pohancha hi tha kay mujhe aik
chattaaakkhhh ki awaz ayi or mera right gaal achanak se garam ho gaya.... Main
abhi aik gaal ki garmi ko samajh hi raha tha kay achanak kuch awazain or ayi or
mera gaal, sir or gardan garam honay lagi..... G haan wo kuch or nahi balkay abu
kay thapparr thay jo lagataar mere ooper baras rahay thay.....
Abu kay ghussay ki awaaz sun kar phuppo or ami bhaagtay huay ghar se niklay or
abu se mujhe churrwaya... Phuppo mujhe pakarr kar ghar kay andar le gai,
hamaray peechay peechay abu bhi andar aa gaye tou phuppo or ami nay abu ko
bohat bura bhala kaha or kaha kay Ghalti ho jati hai bacho se., ab iska ye matlab
tou nahi kay bacho ko jaan se maar diya jaye. Aise hi kuch dair bad jab sub kuch
normal ho gaya tou ami nay apnay haath se mujhe khana khilaya or bohat pyaar
kiya.....
Shaam ko jab main lawn me aik side pe akela betha bachon ko khelta hua dekh
raha tha tou Neha (wohi bathroom wali larrki) mere paas aa kar beth gai... Usko
dekh kar main nay ghussay se muu phera or wahan se utth kar janay laga tou aik
dum uss nay mera haath pakarr liya or boli....
Neha: Ayaan beth jaao, main nay tumse kuch baat karni hai,
Mujhe uss per bohat ghussa aya hua tha.
Main: Mujhe tumse kuch bhi baat nahi karni. Chorro mera haath..
Neha: Nahi chorrun gi tumhara haath, jaldi se betho yahan per.
Main nay idhar udhar dekha kay kahin koi dekh tou nahi raha hume or araam se
beth gaya... Ab main itna sangdil tou nahi tha kay aik larrki mujhe bethnay ko
kahay or main na bethun...
Neha: Ayaan. I am sorry...
Main nay ghussay se uski taraf dekha magar kuch na bola...
Neha: Ayaan mujhe nahi pata tha kay room ka door khula hua tha or tum achanak
se aa jao gay..
Main khamosh raha tou kuch dair baad uss nay kaha.
Neha: Ayaan. Please tum kisi ko kuch na batana..
Jab uss nay ye baat ki tou main nay ghussay se laal aankhon se usko dekha or
dheemi magar sakht awaz me usko ghoortay huay bola.