Incest Koi To Rok Lo~Pritam.bs~

[Aanand]

Ko To Rok Lo {Update - 135}
____________________________

Meri baat sunkar, aru fir se aankh band karke let gayi. Thodi hi der me aman sabko lekar aa gaya. Lekin hua wo hi, jo aru bol rahi thi. Aru ki tabiyat ki vajah se sab khamosh se khade bas ise dekh rahe the.

Aman ne mujhe ishara karke puchha ki, ye aankh kyo nahi khol rahi hai. Tab maine use chup rahne ka ishara kiya aur fir sab se kaha.

Mai boli “aap log aise chup rahege to, kaise chalega. Abhi aman aru se baat kar raha tha to, aru ke chehre par kuch bhav aa rahe the. Isliye aap sabko yaha bulaya gaya hai. Aap sab bhi us se koi baat kijiye. Ho sakta hai ki, aap me se kisi ki baat se aru ko hosh aa jaye.”

Meri baat sunkar, sab aru ke pas aakar kuch kuch baten karne lage. Maine socha tha ki, ajji ki baat sunkar, aru ko hosh aaya hai. Isliye jab ajji is se kuch kahega to, mai is ke hath par hath rakh dugi.

Lekin ajji ke pahle seerat iske pas aayi aur seerat ne iske kaan me aakar aisi koi baat kah di ki, ye apne natak ko bhool kar bich me hi bol padi. Seerat ki baat sunkar, aru ne kaha.

Archna boli “kya sach me didi.”

Aru ki aawaj sunte hi seerat ki kaato to khoon nahi wali haalat ho gayi thi. Aru ne achanak hosh me aakar use aisa jhatka diya tha ki, wo bas aawak si aru ko dekhi ja rahi thi. Yahi haal waha khade baki sab logon ka bhi tha.

Kisi ko bhi apni aankhon par yakin nahi ho raha tha. Aman ne sabko hairan hote dekha to, usne sabki hairani ko door karte huye unhe bataya ki, aru ko pahle hi hosh aa chuka tha. Wo bas sabko surprise dene ke liye abhi natak kar rahi thi.

Aman ki baat sunkar aur aru ko hosh me dekh kar sabki aankhen khushi se bhig gayi. Sab aru ko hosh me dekh khushi mana rahe the aur jab ye khushi manane ka daur thama to, selina ne seerat se kaha.

Selina boli “didi, aapne aisi kya baat bol di thi ki, ye apna natak bhool kar bich me hi bol padi.”

Seerat ab tak apne aapko aru ke diye jhatke se sambhal chuki thi. Usne muskurate huye kaha.

Seerat boli “maine kuch khas nahi kaha tha. Mai to bas ye boli thi ki, bhaiya tere thik hote hi, hume activa dilane ki baat kar rahe the aur ye itna sunte hi khushi se phool kar bol padi.”

Waha khade sabhi log seerat ki ye baat ko sunkar hans pade. Lekin inki is baat ke pichhe chhupe bhed ko in teeno ke alawa mai aur aman bhi achi tarah se samajh rahe the.

Magar meri samajh me ye baat nahi aa rahi thi ki, ek mulakat me hi us ladki ne aisa kya jadu kar diya tha ki, bina uske baare me jaane hi, ye teeno ladki use apni bhabhi banane ke liye mari ja rahi hai.

Mai is baat ko inke man se nikal dena chahti thi. Kyoki ye mai ache se janti thi ki, ab aisa ho pana mumkin nahi hai. Maine aman se is baare me baat ki to, usne mujhe samjhate huye kaha.

Aman bola “mai janta hu ki, wo aisa kyo kar rahi hai.Tum shayad us din nikki ki Essel World me kahi baat ko bhool gayi ho. Nikki ne hum sabke samne ye baat kahi thi ki, ajay ko wo ladki bahut pasand hai aur wo ladki jab bhi ajay ke samne aati hai, ajay kahi kho sa jata hai.”

“Us samay maine nikki ki ye baat majak me udha di thi. Lekin bade dadu ki maut ke bad, jab maine ajay se kaha ki bade dadu uski shadi ko lekar chintit the aur use bade dadu ki aakhiri ichha puri karne ke liye shadi kar lena chahiye. Tab usne mujhse kaha tha ki, use apni bahno ki pasand par naz hai.Yadi bade dadu jinda hote to unki ye ichha bhi jarur puri ho gayi hoti.”

“Us din mujhe aehsas hua ki, meri teeno bahne hi nahi, balki mera bhai bhi is baat ko lekar gambir hai. Lekin mai uske liye kuch kar pata, uske pahle hi ye hadsa ho gaya aur aisi sitithi ban gayi ki, jis ladki se ajji ko pyar tha. Wo hi ladki ab anjane me hi sahi magar ajji se nafrat karti hai.”

Aman ki ye baat sunkar mai sochne par majbur ho gayi ki, ye ajji ki jindgi me kaisa mod aa gaya. Jis insan ne jindgi bhar hajaron dard sah kar bhi, sirf sabko khushiyan baati hai. Kya use khushi ki ek boond bhi nashib nahi hogi.

Ye sab soch soch kar meri aankhen bhar aayi. Meri aankhon me aansu dekh kar, aman ne mere aansuon ko pochha aur mujhe samjhate huye kaha.

Aman bola “tum us ladki se do baar mil chuki ho. Wo tumhe ache se janti hogi. Tumko bhale hi usme koi khasiyat najar na aayi ho. Magar kuch to usme aisa hoga. Jis vajah se ajji pahli hi najar me use apna dil de baitha hai. Mera manna hai ki, tum ek baar aur us se jakar mil lo.”

Aman ki ye baat meri samajh me nahi aayi. Maine apni hairani us par jahir karte huye kaha.

Mai boli “lekin ye sab karne ka kya fayda. Kya tumko sab kuch janne ke bad bhi aisa lagta hai ki, hume uske samne jana chahiye.”

Meri baat sunkar, aman ne mujhe samjhate huye kaha.

Aman bola “har baat me fayda nuksan dekhna sahi nahi hai. Duniya me insaniyat naam ki bhi koi chij hoti hai. Ek pal ke liye tum ye bhool jao ki, tum ajji ko janti ho. Bas ye soch kar us se milo ki, wo ladki ek hadse ki shikar hai aur ho sakta hai ki, aise wakt me hum uske kisi kaam aa sake.”

Aman ka ye roop mai pahli baar dekh rahi thi. Mere samne bol to aman raha tha. Lekin uske muh se jo bol nikal rahe the, wo ajji ke the. Mai uski is baat se inkar na kar saki aur maine us ladki se milne ka faisla kar liya.

Agle din maine jaha shikha ka bhai bharti tha, us hospital se shikha ka pata nikala aur fir uske ghar pahuch gayi. Shikha se mai do baar mil chiki thi. Isliye mujhe dekhte hi, wo mujhe pehchan gayi.

Mujhe dekhte hi shikha mujhse yu lipat kar rone lagi. Jaise wo mujhe barson se janti ho. Maine shikha ko dilasa diya aur use shant karate huye kaha.

Mai boli “tumhare sath jo kuch bhi hua hai, bahut bura hua hai. Bas yahi baat mujhe tum tak khich kar le aayi hai.”

Meri baat sunkar, shikha ne apni saari jindgi ka haal mere samne khol kar rakhte huye kaha.

Shikha boli “mai bahut badnashib hu. Pitaji ka saya to pahle hi humare sar se uth chuka tha. Ab jo humara bhai tha, wo bhi kisi amir aadmi ki daulat ki vajah se humse chhin gaya.”

Shikha ro ro kar apna haal bata rahi thi. Shikha se mujhe malum pada tha ki, uska ghar uske bhai ki kamai se hi chalta tha aur ab unka aakhiri sahara bhi chhin gaya hai.

Shikha ka haal sunkar mai bhi apni aankhon ko chhalakne se na rok saki. Maine use kuch aarthik madad karna chaha to, usne meri madad lene se mana karte huye kaha.

Shikha boli “bhagwan jab ek rasta band karta hai to, koi na koi dusra rasta khol bhi deta hai. Maine life care nursing college se nursing course kiya hai. Bhagwan ne chaha to, jaldi hi mujhe kisi hospital me nurse ki job mil jayegi.”

Shikha ki ye baat sunkar, mai man hi man uske swabhiman ki tarif kiye bina na rah saki. Maine us se kaha.

Mai boli “tum mujhe apni badi bahan samjho aur job ki fikar bilkul mat karo. Tum jis bhi hospital me job karna chahogi, mujhe bata dena. Tumhe bina kisi pareshani ke job mil jayega.”

“Tum apne aapko bilkul bhi akela mat samajhna. Mai hamesha tumhare sath hu. Tumhe yadi aadhi raat ko bhi meri jarurat pade to, tum bejijhak mujhe phone kar sakti ho.”

Ye kahte huye maine shikha ko apna mobile number de diya aur us se vida lekar wapas aa gayi. Ye baat jab maine aman ko batayi to, use shikha aur uske parivar ke sath bahut hamdardi huyi. Wo shikha ki madad karna chahta tha.

Lekin wo ye bhi samajh chuka tha ki, shikha kisi ki madad nahi legi. Mai aur aman shikha ki madad karne ka koi tarika dud rahe the. Tabhi ajji waha aa gaya. Usne mujhe aur aman ko yu gahri soch me pada dekha to kaha.

Ajay bola “tum dono kis soch me pade ho. Kya koi pareshani hai.”

Aman ne ajji ko apne samne dekha to, use apni pareshani batate huye kaha.

Aman bola “mumbai me huye in hadso me mere ek parichit ki bhi maut ho gayi. Wo apne parivar me akela kamane wala tha. Mai uske parivar ki kuch aarthik madad karna chahta tha. Lekin wo kisi ki bhi koi madad lene ko taiyar nahi hai. Samajh me nahi aa raha ki, aise haalat me unka gujara kaise hoga.”

Aman ki baat sunkar, ajji ne kuch sochte huye kaha.

Ajay bola “sunne me aaya hai ki, sarkar hadso me ghayal huye logon ko pachas hajar aur hadso me mare huye logon ko ek lakh rupye muawja de rahi hai.”

Ajay ki baat ke jabab me aman ne use samjhate huye kaha.

Aman bola “kya tu is sarkari farman ko nahi janta. Aadmi aaj mara hai aur muawja pata nahi kab mil pata hai. Fir ek lakh rupye se aaj ke samay me hota kya hai. Wo bhi tab jabki us parivar me koi kamane wala hi na ho.”

Aman ki is baat ne ajay ko bhi sochne par majbur kar diya tha. Lekin wo ek businessman tha aur use iske saare daav pench aate the. Usne iska bhi rasta turant nikalte huye kaha.

Ajay bola “ye bhi koi mushkil kaam nahi hai. Kisi jeevan beema company ( Life Insurance company) wale ko pata lo. Uski madas se ye sabit kar do ki, jo insan mara tha, uska jeevan beema tha. Is tarah tum apne us parichit ke parivar ki jitne ki madad karna chahte ho, utne ki madad aasani se kar sakte ho.”

Ajay ki baat sunkar, mai aur aman hairani se usko dekhte rah gaye. Usne humari itni badi samasya ka hal badi hi aasani se nikal diya tha. Lekin abhi hume aur bhi chaukna baki tha. Usne apne jeb se ek cheque book nikali aur fir 5 lakh ka ek cheque bhar kar aman ki taraf badate huye kaha.

Ajay bola “meri taraf ye chhoti si madad bhi apne us parichit ke parivar tak pahucha dena.”

Itna kah kar, ajay humare pas se uth kar aru ke pas chala gaya. Hum dono use jate dekhte rahe. Usne anjane me hi us parivar ki madad kar di thi. Jo madad use sab kuch pata chalne par karni thi. Ajay ke jaane ke bad, aman ne mujhse kaha.

Aman bola “tumne ajji ka dil dekh liya. Bina kuch bhi jaane usne ek majbur parivar ki madad kar di. Wo aisa hi hai, jo ek baar us se mil leta hai. Usi ka ho kar rah jata hai. Fir bhi na jaane kyo, uski kismat hamesha usko chhalti rahi hai.”

Aman ki baat ne mujhe ek baar fir sochne par majbur kar diya tha. Lekin is baar ki meri soch hamesha se ulti thi. Mai wo soch rahi thi, jiski ummid aman ko bhi nahi thi. Aman ne mujhe apni baat ka koi jabab na dete dekha to, usne mujhse kaha.

Aman bola “kuch bolti kyo nahi. Kya maine kuch galat kaha hai.”

Mai boli “nahi, tumne kuch galat nahi kaha. Lekin mujhe lagta hai ki, ajji aur shikha dono ek dusre ke liye hi bane hai. Kismat ne unhe milaya hi isliye tha ki, wo ek dusre ka adhurapan door kar sake.”

Meri baat sunkar aman ne hairan hote huye kaha.

Aman bola “ye aaj achanak tumhari soch me ye badlaw kaise aa gaya. Kya tumko lagta hai ki, humare kuch karne se wo log ek ho sakte hai.”

Aman ki baat ke jabab me maine kaha.

Mai boli “humare kuch lagne na lagne se kuch nahi hota. Hum unke liye kuch kare ya na kare. Lekin yadi kismat ne unko ek dusre ke liye chuna hai to, dekhna wo unko fir se ek dusre milwayegi aur tab tak milati rahegi, jab tak wo dono ek na ho jaye.”

Meri is baat se aman ka hausla bhi bad gaya aur usne ajay ke bataye raste par amal karna suru kar diya. Usne ek bima agent ki madad se shikha ke parivar ki 10 lakh ki madad kar di. Jiski khabar bad me shikha ne mujhe phone karke di.

Shikha ne bataya ki, uske bhai ne 10 lakh ka bima kiya tha, Jiski rakam unke parivar ko mil jaane se, uski parivar ki aarthik sithiti kuch had tak thik ho gayi hai. Ab wo befikar hokar apni bahan ko aage pada sakegi aur job karke apne parivar ki dekh bhal kar sakegi.

Us din shikha ko khush dekh kar, mujhe bhi bahut khushi huyi thi. Lekin sath hi is baat ka afsos bhi ho raha tha ki, use ye khushi mere aur aman ke jhuth ki vajah se mili hai. Jis vajah se mere dil par ek bojh sa tha.

Magar aman ne mujhe samjhaya ki, humne jo kiya hai. Wo kisi tarah se bhi galat nahi hai. Shikha ko mai apne parivar ki ek sadasya samajhta hu aur is par uska pura haq tha. Ye meri majburi hai ki, mai abhi us par ye baat jahir nahi kar sakta.

Aman ki baton se saaf ho gaya tha ki, aman ke liye shikha uske parivar ka ek hissa hai aur mai to use pahle hi apni chhoti bahan bana chuki thi. Isliye ab mere dil se is baat ka bojh utar chuka tha ki, humne shikha se jhuth bol kar kuch galat kiya hai.

Aise hi din gujarte gaye aur fir 15 din hospital me rahne ke bad aru ki chhutti ho gayi. Lekin abhi uske hath aur pair ki haddi tutne ki vajah se uske ek hath aur ek pair me plaster chada hua tha. Jise utarne ke liye use abhi ek do baar hospital me aana tha.

Lekin ab aru ki haalat pahle se bahut behtar thi. Isliye chacha ji chahte the ki, ajji ab wapas jakar apna karobar sambhale, jiski taraf ajji ne pichhle 15 din se palat kar bhi nahi dekha tha.

Magar ajji aru ke puri tarah se thik ho jaane tak, use chhod kar jaane ko taiyar hi nahi tha. Bad me aru ke manane par wo jaane ko taiyar hua aur fir agle din ajji surat wapas chala gaya.

Is tarah ek baar fir se sabki jindgi wapas apni patri par aa gayi thi. Lekin aru ne ghar pahuchte hi shikha wali baat seerat aur selina ko bhi bata di thi aur dono ye baat sunte hi, iski hakikat janne mere pas aa pahuchi.

Maine dono ko samjhaya ki, shikha se mai mil chuki hu aur wo bahut achi hai. Lekin uske man me ajji ko lekar jo soch hai use badalne me kuch samay lagega. Tab tak hume sabar se kaam lena hai aur ye baat abhi ajji ko nahi batana hai.

Shikha ko ameer logon se nafrat hai. Isliye ajji ke amir hone ki baat bhi koi shikha se nahi karega. Maine itni baat samajha kar seerat aur selina ko wapas ghar bhej diya. Mujhe laga ki, aisa karke maine stithi par kabu pa liya hai.

Lekin mai shayad galat thi ya fir kismat abhi kuch aur hi karna chah rahi thi. Seerat ek din aru ko plaster utarwane hospital lekar aa rahi thi. Tabhi ratse me use shikha apni activa ke pas khadi najar aayi.

Shikha ko dekh kar, usne apni gaadi rukwayi aur us se is tarah khade rahne ki vajah puchhi to, usne bataya ki, uski activa kharab ho gayi hai aur wo ek nurse ke interview ke liye ek hospital me ja rahi hai.

Seerat ne uski baat sunkar, us se kaha ki, wo uske sath aa jaye. Wo use hospital tak chhod deti hai. Shikha ko interview ke liye jaldi thi. Isliye usne apni activa wahi park kar di aur aakar gaadi me baith gayi. Lekin gaadi me baithte hi uski najar driver par padi to, usne seerat se kaha.

Shikha boli “kya aapne apna driver badal liya hai.”

Shikha ki baat sunte hi seerat samajh gayi ki, shikha ka ishara ajji ki taraf hai. Usne muskurate huye kaha.

Seerat boli “wo humare driver nahi hai.”

Seerat ki baat sunte hi shikha ne hairan hote huye kaha.

Shikha boli “driver nahi hai se kya matlab. Kya aapne unhe naukri se nikal diya hai.”

Shikha ki baat ke jabab me seerat kuch bolne wali thi ki, use meri baat yaad aa gayi aur wo sach baat bolte bolte ruk gayi. Lekin use samajh me nahi aa raha tha ki, wo ab shikha se kya bole aur fir jab use kuch samajh nahi aaya to usne shikha se kaha.

Seerat boli “wo ab humare driver nahi hai. Kyoki ab wo taxi chalate hai.”

Seerat ki is baat se hairan hokar, shikha ne aru ki taraf dekhte huye kaha.

Shikha boli “lekin ye to unki bahan hai. Jab wo aapke driver nahi hai to, fir ye aapke sath kaise hai.”

Seerat apne hi banaye jhuth ke jaal me fasti ja rahi thi. Use is baat ka andaja nahi tha ki, aru ko apne driver ki bahan batane ki baat, shikha ko ab bhi yaad hogi. Us se shikha ki is baat ka koi jabab dete nahi ban raha tha. Aise me aru ne baat ko sabhalte huye kaha.

Archna boli “aap shayad bhool rahi hai ki, inke bhaiya ek doctor hai aur un ne mere ilaj ke liye mujhe apne pas rakha hai. Abhi bhi hum hospital hi ja rahe hai. Aaj mere hath ka plaster utarna hai.”

Itna kahkar aru, gusse me seerat ko dekhne lagi. Seerat uske gusse ka matlab samajh rahi thi. Lekin uske pas bhi abhi ye sab bolne ke siwa koi rasta nahi tha. Usne aru ka gussa kam karne ke liye shikha se baat karte huye kaha.

Seerat boli “aap kisi aur hospital me nurse ke job ke liye kyo koshish kar rahi hai. Mai abhi apne bhaiya se baat karke aapko unke hospital me job dilwa deti hu.”

Seerat ki baat sunkar, aru ka gussa sach me kam ho gaya. Usne bhi chahakte huye shikha se kaha.

Archna boli “didi sahi bol rahi hai. Inke bhaiya bahut ache hai. Jab wo apne driver ki bahan ka itna khayal rakhte hai to, aapko bhi waha koi taklif nahi hone dege aur fir inki hone wali bhabhi bhi usi hospital me hi hai.”

Aru ki baat sunkar, shikha kuch soch me pad gayi aur fir usne kaha.

Shikha boli “nisha didi ne mujhse kaha tha ki, wo mujhe kisi bhi hospital me job dila degi. Lekin mai job apni kabliyat ke bal par hasil karna chahti thi, kisi sifarish ke bal par nahi. Isliye maine unse job dilane ke liye nahi kaha tha.”

Shikha ki baat sunkar seerat ne use samjhate huye kaha.

Seerat boli “aaj ke samay me ek ladki ke liye job hasil karne se jyada mushkil kaam kahi bhi ijjat ke sath job kar pana hai. Kyoki aaj ke samay me ek akeli ladki par buri najar rakhne wale log bahut jyada mil jayege. Aise me nurse ke job me aapko din ke sath sath raat ki bhi duty karna padegi. Kya aapko lagta hai ki, aap ye sab badi aasani se kar legi.”

Seerat ki is baat ne shikha ko soch me daal diya tha. Wo ek sidhi sadi ladki thi aur uska samna abhi in sab baton se nahi hua tha. Use seerat ki baton me sachai najar aa rahi thi. Lekin wo kuch bol nahi pa rahi thi. Seerat ne shikha ko kuch duvidha me dekha to, us se kaha.

Seerat boli “mai abhi bhaiya se baat karti hu. Yadi aapko sahi lage to, aap waha job kar lena.”

Seerat ki baat sunkar, shikha ne haan me sar hila diya. Hospital me pahuchne ke bad, seerat ne shikha ko aman se mila kar, uske baare me bata diya. Jise sunne ke bad aman ne shikha se kaha.

Aman bola “mere hisab se seerat thik kah rahi hai. Lekin nisha aapko chhoti bahan manti hai. Is tarah aap mere parivar ka ek hissa hi huyi. Yadi aap yaha job karegi to, aapko koi pareshani nahi hogi aur hum dono ki aankhon ke samne bhi bani rahgegi. Lekin aapko jaha bhi thik lage, aap waha job kar sakti hai. Humare rahte aapko kisi bhi hospital me job karne me koi pareshani nahi hogi.”

Aman dil se chahta tha ki, shikha usi hospital me kaam kare. Lekin wo shikha ke sath na to koi jabardasti karna chahta tha aur na hi ye chahta tha ki, use kahi bhi job karne se dar mehsus ho.

Isliye seerat ne shikha ke man me kisi dusri jagah par job karne ka jo dar baithaya tha, use aman ne ye kah kar mita diya tha ki, humare rahte aapko kisi bhi hospital me job karne me koi pareshani nahi hogi.

 

[Aanand]

Ko To Rok Lo {Update - 136}
____________________________

Seerat boli “mai abhi bhaiya se baat karti hu. Yadi aapko sahi lage to, aap waha job kar lena.”

Seerat ki baat sunkar, shikha ne haan me sar hila diya. Hospital me pahuchne ke bad, seerat ne shikha ko aman se mila kar, uske baare me bata diya. Jise sunne ke bad aman ne shikha se kaha.

Aman bola “mere hisab se seerat thik kah rahi hai. Lekin nisha aapko chhoti bahan manti hai. Is tarah aap mere parivar ka ek hissa hi huyi. Yadi aap yaha job karegi to, aapko koi pareshani nahi hogi aur hum dono ki aankhon ke samne bhi bani rahgegi. Lekin aapko jaha bhi thik lage, aap waha job kar sakti hai. Humare rahte aapko kisi bhi hospital me job karne me koi pareshani nahi hogi.”

Aman dil se chahta tha ki, shikha usi hospital me kaam kare. Lekin wo shikha ke sath na to koi jabardasti karna chahta tha aur na hi ye chahta tha ki, use kahi bhi job karne se dar mehsus ho.

Isliye seerat ne shikha ke man me kisi dusri jagah par job karne ka jo dar baithaya tha, use aman ne ye kah kar mita diya tha ki, humare rahte aapko kisi bhi hospital me job karne me koi pareshani nahi hogi.

Lekin aman ki baten aur uska apnapan shikha ke dil ko chhu gaya tha. Usne aman se wahi job karne ki haami bhar di. Aman ne uski haan sunkar, us se kaha ki, use ek do din me uska appointment letter mil jayega. Wo job par aane ki taiyari suru kar de.

Aman ki baat sunkar, shikha khushi khushi waha se jaane lagi to, aman ne us se mujh (nisha) se mil kar jaane ko kaha aur fir mujhko call karke apne room me aane ka bol kar, wo aru ko lekar uska plaster utarne chala gaya.

Aman ke jaane ke kuch hi der bad mai shikha ke pas aa gayi. Shikha mujhse mil kar phooli nahi samayi aur aakar mere gale se lag gayi. Usne khushi khushi saari baten mujhe batayi. Shikha ko khush dekh kar, mujhe bhi itni khushi ho rahi thi, jitni khushi shayad apni sagi bahan ko bh khush dekh kar nahi huyi thi.

Mai shikha ke sath baat karne lagi aur kuch hi der me aman bhi aru ko lekar wapas aa gaya. Aman ne mujhe dekh kar muskurate huye kaha.

Aman bola “ab aru bilkul thik hai. Bas ek chhoti si plastic surgery se iske ye chot ke nishan bhi bilkul gayab ho jayege aur aru fir se pahle ki tarah dikhne lagegi.”

Aman ki baat se sabke chehre par muskan aa gayi. Lekin shikha ne aman ki baat sunne ke bad us se kaha.

Shikha boli “aap dono sach me hi bahut ache hai. Didi ne mujh jaisi anjan ladki ke liye itna sab kuch kiya aur aap apne driver ki bahan ke liye itna sab kar rahe hai.”

Shikha ki baat sunkar, aman ko ek jhatka sa laga. Wo hairani se meri taraf dekhne laga. Lekin mai shikha ki baat ka matlab samajh gayi thi. Maine aman ko dhiraj rakhne ka ishara kiya aur muskurate huye shikha se kaha.

Mai boli “wo kya hai ki, aman ajji ko apna driver nahi dost hi manta hai aur aru ko bhi apni bahan hi samajhta hai. Isliye aru ke liye wo jitna bhi kare, uske liye kam hi hoga.”

Meri baat sunkar, shikha ke chehre par ek pal ke liye muskurahat aa gayi. Lekin agle hi pal usne mujhse kaha.

Shikha boli “yadi aisi baat hai to, fir wo itni achi driver ki naukri chhod kar, taxi kyo chala rahe hai.”

Shikha ki is baat ne aman ke sath sath ab mujhe bhi jhatka de diya tha. Mujhe ye samajh me nahi aa raha tha ki, ab ye nayi kahani kaha se suru ho gayi. Lekin mai itna to samajh chuki thi ki, ho na ho, iske pichhe bhi seerat ka hi hath hai. Maine seerat ki taraf dekha to, wo apne kaan pakadne lagi.

Magar mere pas shikha ki is baat ka koi jabab nahi tha. Jabab deti bhi to kya jabab deti, jabki mujhe iske baare me kuch pata hi nahi tha. Shikha ki is baat se sabko saanp soongh gaya tha. Aise me aru ne is baat ka jabab dete huye kaha.

Archna boli “mere bhaiya mujhe bahut pyar karte hai. Meri tabiyat ki vajah se unhe apne kaam se bahut din tak door rahna pad raha tha. Ab yadi wo driver ka kaam hi karte rahte to, mere liye samay nahi nikal pate. Isliye un ne taxi chalane ka kaam chun liya. Ab wo raat me taxi chalate hai aur din me meri dekh bhal karte hai.”

Aru ke is jabab se shikha ko to tasalli ho gayi thi. Magar aman sabko gusse me ghoor kar dekh raha tha. Use shikha se is tarah sabka jhuth bolna pasand nahi aa raha tha. Aman ko is tarah gusse me dekh kar, seerat dar kar mere pichhe aa kar chhup gayi aur mere kandhe par hath rakhte huye dhire se mere kaan me kaha.

Seerat boli “bhabhi, bhaiya bahut gusse me lag rahe hai. Plz is baar bacha lo. Fir dobara aisa nahi karugi.”

Usko darta hua dekh kar, maine uske hath par hath rakh kar usko tasalli di. Lekin ye taslli uske liye sirf ek hi pal ki thi. Kyoki agle hi pal use selina andar aati najar aayi aur usne fir se mere kaan me kaha.

Seerat boli “ab gayi bhais pani me.”

Mujhe uski is baat ka matlab samajh me nahi aaya to, maine sawaliya najron me uski taraf dekha. Usne meri najron ka matlab samajhte hi, mujhse kaha.

Seerat boli “lagta ajji bhaiya aa gaye. Ise unhi ko laane ke liye ghar me chhoda tha. Ab kya hoga bhabhi.”

Seerat ki baat sunkar, mai bhi soch me pad gayi ki ab kya kiya jaye. Tabhi selu ne andar aate huye kaha.

Selina boli “aap logon ki vajah se mujhe daant pad gayi. Bhaiya gussa kar rahe the ki, hospital jaane ke liye unka intejar kyo nahi kiya. Wo to aa hi rahe the. Wo abhi bahut gusse me hai aur car park karke yahi aa rahe hai.”

Selu ki baat sunkar, aman ne meri taraf gusse me dekha. Wo samajh gaya tha ki, ab ajji ke andar aate hi in logon ka sara jhuth pakda jayega. Mujhe bhi is baat ka aehsas ho chuka tha.

Isliye maine ajji ko bahar hi rokne ki baat sochi aur bahar jaane ke liye uth kar kadi ho gayi. Lekin mere bahar jaane se pahle hi ajji aa gaya. Ajji ko apne samne khada dekh kar, aru ke siway sabke chehre ka rang udh gaya

Ajji is samay two button white suit me kisi sahzade ki tarah lag raha tha. Uski pahni huyi har chiz branded company ki thi aur uske hathon me chamak rahi, uski man pasand diamond rings, uski asli haisiyat ka bakhan kar rahi thi.

Yaha aru hum sab ki pareshani se beparwah ajji ko dekh kar muskura rahi thi. Ajji ne uske hath pairon ka plaster utra hua dekha to, wo apna saara gussa bhool kar uske pas hi ghutno ke bal baith gaya.

Sab ki najar ajji aur aru par thi. Lekin unki najar sirf ek dusre par thi. Ajji ne aru ke hath aur pair ko chukar dekha aur us se kaha.

Ajay bola “tu thik to hai na.”

Ajay ki baat sunkar, aru ne chahakte huye kaha.

Archna boli “bilkul thik hu bhaiya. Aap kaho to abhi aapko daud vaud kar dikha du.”

Aru ki baat sunkar, khushi se ajji ki aankhen chhalak gayi. Usne aru ke hath aur ghutne ko chumte huye kaha.

Ajay bola “chal pagli, tujhe kuch karke dikhane ki jarurat nahi hai. Na hi abhi tu seeru aur selu ke sath milkar koi shararat karegi. Ab tu ye bata ki tune mere aane ka intejar kyo nahi kiya. Maine tujhse kaha bhi tha na ki, mai thodi der me ghar pahuch jauga.”

Ajay ki baat par aru ne apni safai dete huye kaha.

Archna boli “bhaiya, mai to aapke sath hi aana chahti thi. Lekin aman bhaiya ne call karke kaha ki, jaldi aao to, seeru didi mujhe lekar aa gayi.”

Aru ki baat sunkar, ajji ne khade hote huye aman ki taraf dekha. Abhi tak uski peeth shikha ki taraf thi. Isliye shikha uska chehra nahi dekh saki thi. Lekin jaise hi ajji ne khade hokar aman ki taraf dekha to, shikha ko bhi ajji ka chehra dikhayi de gaya.

Ajji ko dekhte hi shikha chauke bina na rah saki. Wo fati fati aankhon se ajji ko dekhne lagi. Idhar jaise hi ajji ne aman ki taraf dekha, waise hi uski najar bhi aman ke pas baithi shikha par pad gayi.

Shikha ko dekhte hi ajji ka bhi wo hi haal hua. Jo ajji ko dekh kar shikha ka hua tha. Usne shikha ko apne samne dekha to, bas dekhta hi rah gaya. Dono ek dusre ko dekh kar hairan the. Magar un dono ki hairani ki vajah alag alag thi.

Ajji abhi tak uske baare me shikha se kahe gaye, har jhuth se anjan tha aur is baat se hairan tha ki, shikha yaha sabke sath kya kar rahi hai. Wahi shikha ajji ko uske asli roop me dekh kar hairan thi aur ajji ke is naye roop ko dekh kar, is me ulajh kar rah gayi thi.

 

[Aanand]

Ko To Rok Lo {Update - 137}
____________________________

Archna boli “bhaiya, mai to aapke sath hi aana chahti thi. Lekin aman bhaiya ne call karke kaha ki, jaldi aao to, seeru didi mujhe lekar aa gayi.”

Aru ki baat sunkar, ajji ne khade hote huye aman ki taraf dekha. Abhi tak uski peeth shikha ki taraf thi. Isliye shikha uska chehra nahi dekh saki thi. Lekin jaise hi ajji ne khade hokar aman ki taraf dekha to, shikha ko bhi ajji ka chehra dikhayi de gaya.

Ajji ko dekhte hi shikha chauke bina na rah saki. Wo fati fati aankhon se ajji ko dekhne lagi. Idhar jaise hi ajji ne aman ki taraf dekha, waise hi uski najar bhi aman ke pas baithi shikha par pad gayi.

Shikha ko dekhte hi ajji ka bhi wo hi haal hua. Jo ajji ko dekh kar shikha ka hua tha. Usne shikha ko apne samne dekha to, bas dekhta hi rah gaya. Dono ek dusre ko dekh kar hairan the. Magar un dono ki hairani ki vajah alag alag thi.

Ajji abhi tak uske baare me shikha se kahe gaye, har jhuth se anjan tha aur is baat se hairan tha ki, shikha yaha sabke sath kya kar rahi hai. Wahi shikha ajji ko uske asli roop me dekh kar hairan thi aur ajji ke is naye roop ko dekh kar, is me ulajh kar rah gayi thi.

Ab aage ki kahani punnu ki jubani...

Abhi nisha kahani suna hi rahi thi ki, achanak kisi ke aane ki aahat sunkar. wo aage ki kahani kahte kahte ruk gayi. Sab ki najar darwaje ki taraf gayi to, darwaje se ek aadmi andar aate najar aaya.

Uski umar 45-50 saal ke aas pas hogi. Dekhne me wo purani hindi filmon ke khalnayak Pran ki tarah tha aur is samay wo kuch bimar sa najar aa raha tha. Lekin is bimari ki haalat me bhi uske chehre ki muskan aur uski aankhon ki kamini chamak yahi bata rahi thi ki, wo koi acha insan nahi hai.

Uske aate hi waha ek khamoshi si chha gayi. Usne ek najar waha sab par daali aur fir aunty se kaha.

Aadmi bola “alka bahan, is tarah bina ijajat andar aane ke liye maafi chahta hu.”

Aadmi ki baat sunte hi, aunty ne muskurate huye kaha.

Aunty boli “kaisi baat karte hai durjan bhaiya. Bhala ek bahan ke ghar aane ke liye bhi, kya ek bhai ko ijajat lene ki jarurat padti hai. Aap baithiye na khade kyo hai.”

Aunty ki baat sunkar, wo durjan naam ka aadmi shikha ke pas aakar baith gaya aur fir aunty se kaha.

Durjan bola “wo kya hai alka bahan, mai abhi ghar aaya to, aapke darwaje par itni saari gaadiyan khadi dekh kar, apne aapko andar aane se rok nahi saka aur ye janne chala aaya ki, sab kuch thik to hai na.”

Durjan ki baat sunkar, aunty ne durjan ki hairani ko door karte huye kaha.

Aunty boli “sab thik hai bhaiya. Ye doctor nisha hai aur shikha ko apni hospital me inhi ne job dilaya tha. Bahar khadi gaadiyon me ye log hi shikha se milne aaye hai.”

Ye kah kar, aunty sab se durjan ka parichay karane lagi. Mujhe bahut der se toilet jana tha magar doctor nisha ki chal rahi kahani ki vajah se mai ja nahi pa raha tha. Durjan ke aate hi mujhe bahar jaane ka mauka mil gaya.

Maine dhire se nikki se kaha ki, mai abhi ajji ke pas se aata hu. Iske bad mai bahar chala aaya. Bahar aakar maine ajji se toilet jaane ki baat kahi to, usne upar chale jaane ko kaha.

Fir kuch soch kar, maine ajji se shikha ka mobile number liya aur upar aa gaya. Upar aakar maine shikha ko call kiya aur uske call uthate hi, maine us se kaha.

Mai bola “didi, aap apne gusse me itna bhi bhool gayi hai ki, doctor nisha aapko apni chhoti bahan manti hai. Un sabko ghar me aaye ek ghante se bhi jyada ho gaya hai aur kisi ne bhi unko chay pani ke liye bhi nahi puchha hai. Kya ghar aaye mehmano ke sath aisa karna thik hai.”

Meri baat sunkar, shikha ne kuch sochte huye kaha.

Shikha boli “thik hai, mai dekhti hu.”

Itna kahkar shikha ne call rakh diya. Uske call rakhte hi maine keerti ka mobile nikal kar dekha, abhi call aaye 50 min huye the. Maine mobile kaan me laga kar dekha to, koi aawaj sunayi nahi de rahi thi.

Mujhe abhi toilet jana tha aur keerti ke call katne me abhi 10 min baki the. Mere liye khud ko toilet jaane ke liye itni der rok pana mushkil tha. Isliye maine call kata aur toilet ke liye jaane laga.

Magar mere call katte hi wapas keerti ka call aane laga. Maine call uthate hi keerti se kaha.

Mai bola “mai abhi 2 min me tumhe call karta hu.”

Ye kah kar maine call kaat diya. Lekin fir se keerti ka call aane laga. Maine gusse me uska call uthaye huye kaha.

Mai bola “ye tune kya laga rakha hai. Maine kaha na ki mai 2 min bad tujhe call karta hu.”

Meri baat sunkar, keerti ne ulte mujhe par hi bhadakte huye kaha.

Keerti boli “tum apne aapko samjhte kya ho. Tumhare call ki vajah se aaj mai school nahi gayi aur tum baar baar mera call kaat rahe ho.”

Keerti ko bhadakte dekh kar, mera gussa khud-ba-khud shant ho gaya. Maine usko apni safai dete huye kaha.

Mai bola “mujhe toilet jana hai. Isliye mai tujhse 2 min bad call karne ko kah raha hu.”

Meri baat sunkar, keerti bhi shant pad gayi. Usne meri baat ka jabab dete huye kaha.

Keerti boli “ye baat tum sidhe tarike se bhi to bol sakte the. Iske liye baar baar mera call katne ki kya jarurat thi.”

Mai bola “sorry, mujhse galti ho gayi. Ab tu jaldi se call rakh, mujhe toilet jana hai.”

Keerti boli “ok, tum toilet ja sakte ho. Magar mai call nahi rakhugi.”

Mai bola “ye kya pagalpan hai. Apni bakwas band kar aur call rakh. Mujhe bahut jor se lagi hai.”

Lekin keerti ne meri baat ko ansuna karte huye kaha.

Keerti boli “jo maine kah diya so kah diya. Tumko toilet jana hai to jao, magar ye call nahi katega.”

Mai bola “tune kya apni saari sharam bech khayi hai. Mai itni der se bol raha hu ki, mujhe toilet jana hai. Lekin tujhe kuch samajh me hi nahi aa raha hai.”

Magar meri is baat ka keerti par koi asar nahi pada. Usne meri baat ka jabab dete huye kaha.

Keerti boli “maine tumse pahle hi kaha tha ki, ab dobara kabhi yadi mujhse baat karte samay tumhe toilet jana pada to, mai tumhare sath jaye bina nahi manugi.”

Keerti ke ye baat bolte hi mujhe uski kahi us din ki baat yaad aa gayi, jab us se baat karte samay mujhe toilet jana tha aur wo mere sath jaane ki jid kar rahi thi. Us din usne mujhe is shart par toilet jaane diya tha ki, agli baar wo mere sath jaye bina nahi manegi.

Keerti ki ye baat yaad aate hi mai samajh gaya ki, wo abhi mujhse naraj nahi hai. Do din bad wo mujhse baat karne ki pahal kar rahi thi. Aise me usko naraj karna mujhe thik nahi lag raha tha. Maine use pyar se samjhate huye kaha.

Mai bola “tu samajhti kyo nahi. Dekh jid mat kar aur abhi mujhe call rakhne de.”

Keerti boli “jid to tum kar rahe ho. Aaj mujhe sath chalna hai aur mai sath jakar hi rahugi.”

Aakhir me jab mere liye thodi der bhi ruk pana mushkil ho gaya to maine us se kaha.

Mai bola “tu nahi manti to, sath chal. Lekin yaad rakhna ki, tu is baare me koi baat nahi karegi.”

Meri baat sunkar, keerti ne tunak kar jabab dete huye kaha.

Keerti boli “mujhe tumse baat karne ka koi shauk nahi hai. Ab tum jate ho ya fir yahi khade khade apna pant kharab karne ka irada hai.”

Keerti ki baat sunkar, maine bura sa muh banate huye mobile jeb me rakha aur bathroom ke andar chala gaya. Bathroom se aane ke bad maine mobile nikal kar keerti se kaha.

Mai bola “hello, ab mai niche ja raha hu.”

Meri baat sunkar, keerti ne apni shararat bhare andaj me mujhse kaha.

Keerti boli “maine sab sun liya. Surrrrrrrrrrrrr….. Tumhe to sach me badi jo se lagi thi.”

Ye kahte huye wo khilkhaila kar hasne lagi. Uski baat sunkar, pahle to mujhe us par bahut gussa aaya. Lekin uska khilkhilana dekh kar, mai apna sara gussa bhool gaya. Aaj 2 din bad mai use haste huye dekh raha tha aur use is tarah haste huye dekh kar mujhe bhi bahut shukun mil raha tha.

Lekin keerti ab apne purane mood me wapas aa chuki thi aur jab wo mood me ho to use rok pana mushkil hi nahi namumkin rahta hai. Usne apni shararat chalu rakhte huye mujhse kaha.

Keerti boli “hey, meri baat sun rahe ho na.”

Maine uski is baat par use jhutha gussa dikhte huye kaha.

Mai bola “mujhe teri faltu ki baat nahi sunna. Mai niche jata hu.”

Lekin keerti ne mujhse rokte huye kaha.

Keerti boli “are mai ek kaam ki baat karna chahti hu.”

Mai bola “jo bolna hai jaldi bol. Mujhe niche jana hai.”

Keerti boli “mujhe bhi jana hai.”

Mujhe samajh me nahi aaya ki wo kaha jaane ki bol rahi hai. Isliye maine us se kaha.

Mai bola “kaha jana.”

Meri baat sunkar keerti ne kaha.

Keerti boli “wahi jaha se tum aa rahe ho. Surrrrrrrrrrrrrr……… karne.”

Ye kahkar wo fir khilkhila kar hasne lagi. Use hansta dekh kar mera niche jaane ka man nahi kar raha tha aur mujhe us par bahut pyar aa raha tha. Maine apna pyar jatate huye kaha.

Mai bola “I miss you jaan. Sorry maine tujhe bahut dukh diya. Mujhe aisa nahi karna chahiye tha.”

Meri baat sunkar, shayad keerti ko bhi meri haalat ka aehsas ho gaya tha. Usne gambhir hote huye kaha.

Keerti boli “nahi jaan, tumne kuch nahi kiya. Mai tum par gussa thi. Isliye mai hi tumko jaan bujh kar pareshan kar rahi thi.”

Mai bola “nahi, galti meri hi thi. Mujhe jiten ko lekar, tujh par gussa nahi karna chahiye tha. Yadi tune us se baat kar bhi li thi to, isme mera kya ja raha tha.”

Meri baat sunkar, keerti ne sanjida hote huye kaha.

Keerti boli “us din maine tumse jhuth kaha tha. Mai jiten se nahi vaani didi se baat kar rahi thi.”

Keerti ki baat sunkar, mai chuke bina na rah saka. Maine us se iski vajah janne ke liye kaha.

Mai bola “lekin jab tu vaani didi se baat kar rahi thi to, fir tune mujhse jhuth kyo kaha aur fir us baat ke liye mujhse itna jhagra kyo kiya.”

Keerti ne meri is baat ka jabab dete huye kaha.

Keerti boli “wo vaani didi ne mujhe bataya tha ki, jiten aur tumhare bich jara bhi nahi banti hai. Wo hamesha tumhe nicha dikhane ki koshish karta rahta hai. Mujhe unki is baat ko sunkar, jiten par bahut gussa aa raha tha. Lekin us se bhi jyada gussa mujhe tumhare upar aa raha tha ki, tumne aaj tak mujhe kuch bataya kyo nahi.”

“Bas isi gusse me maine us din tumse jhuth kah diya ki, mai jiten se baat kar rahi hu aur jab tum mujhse is baat ko lekar bahas karne lage to, mai bhi gusse me tumko ulta sidha jabab dene lagi.”

Keerti ki baat sunkar, mujhe bahut hairani huyi. Lekin ab bhi mere man me keerti ke gusse ko lekar bahut se sawal aa rahe the. Maine us se aage ki baat puchhte huye kaha.

Mai bola “lekin tera gussa to shant hone ka naam hi nahi le raha tha. Tu to bad me bhi mujhse baat karne ko taiyar nahi thi. ”

Meri baat ke jabab me keerti ne mujh par gussa karte huye kaha.

Keerti boli “kya tum apne aapko bahut jyada hoshiyar samajhte ho. Kya ye jhuth hai ki, tumne us din sharab pi rakhi thi. Tum kya sochte ho ki, tum sharab peete rahoge aur mai tumhe kuch bhi nahi kahugi.”

Keerti ki baat sunkar, mujhe apni safai dene ka koi rasta samajh me nahi aa raha tha. Maine uske samne apni galti mante huye kaha.

Mai bola “sorry, mujhe maaf kar de. Mai dobara aisa nahi karuga.”

Meri baat sunkar, keerti ne kaha.

Keerti boli “sorry bolne se kuch nahi hoga. Tumhe meri kasam khakar kahna hoga ki, aaj ke bad tum sharab ko hath nahi lagoge.”

Mere pas keerti ki baat manne ke alawa koi rasta nahi tha. Maine uski kasam khate huye kaha.

Mai bola “mai teri kasam khakar kahta hu ki, aaj ke bad mai sharab ko hath nahi lagauga.”

Meri baat sunkar, keerti ne khush hote huye kaha.

Keerti boli “I love u jaan.”

Mai bola “I love u too. Ab bahut time ho gaya hai. Ab hume niche jana chahiye.”

Keerti boli “ok chalo, lekin pahle meri kissy do.”

Keerti ki baat sunkar mere chehre par muskurahat aa gayi. Maine use kissy dete huye kaha.

Mai bola “muuuuhhhhhhh”

Keerti boli “muuuuuuuuuuuhhhhhhhhhh.”

Iske bad maine mobile jeb me rakha aur fir niche aa gaya. Niche aane ke bad, maine ajji se kaha.

Mai bola “kya hua. Wo durjan naam ka aadmi gaya ya abhi bhi andar hi hai.”

Ajay bola “durjan neha ka bap hai. Wo abhi andar hi hai.”

Ajay ki baat sunkar, mai ajay ki taraf dekhne laga. Ajay ne apni baat ko aage badate huye kaha.

Ajay bola “kisi samay durjan mambai ka mana hua gunda hua karta tha. Yahi vajah hai ki yaha ke sabhi log us se darte hai. Neha ki maa nahi hai aur shikha ki maa ne hi, bina maa ki neha ko ek maa ka dular diya hai. Isliye durjan shikha ki maa ki bahut ijjat karta hai aur unhe apni bahan manta hai.”

Ajay durjan ke baare me bata raha tha aur mai gaur se uski baten sun raha tha. Mujhe ye jaan kar, hairat ho rahi thi ki, neha jaisi sundar ladki ka bap ek durjan jaisa aadmi hai. Jo kisi bhi tarah se neha ka bap nahi lagta

 

[Aanand]

Ko To Rok Lo {Update - 138}
____________________________

Mai bola “I love u too. Ab bahut time ho gaya hai. Ab hume niche jana chahiye.”

Keerti boli “ok chalo, lekin pahle meri kissy do.”

Keerti ki baat sunkar mere chehre par muskurahat aa gayi. Maine use kissy dete huye kaha.

Mai bola “muuuuhhhhhhh”

Keerti boli “muuuuuuuuuuuhhhhhhhhhh.”

Iske bad maine mobile jeb me rakha aur fir niche aa gaya. Niche aane ke bad, maine ajji se kaha.

Mai bola “kya hua. Wo durjan naam ka aadmi gaya ya abhi bhi andar hi hai.”

Ajay bola “durjan neha ka bap hai. Wo abhi andar hi hai.”

Ajay ki baat sunkar, mai ajay ki taraf dekhne laga. Ajay ne apni baat ko aage badate huye kaha.

Ajay bola “kisi samay durjan mambai ka mana hua gunda hua karta tha. Yahi vajah hai ki yaha ke sabhi log us se darte hai. Neha ki maa nahi hai aur shikha ki maa ne hi, bina maa ki neha ko ek maa ka dular diya hai. Isliye durjan shikha ki maa ki bahut ijjat karta hai aur unhe apni bahan manta hai.”

Ajay durjan ke baare me bata raha tha aur mai gaur se uski baten sun raha tha. Mujhe ye jaan kar, hairat ho rahi thi ki, neha jaisi sundar ladki ka bap ek durjan jaisa aadmi hai. Jo kisi bhi tarah se neha ka bap nahi lagta.

Hum abhi durjan ki baat kar hi rahe the ki, tabhi durjan bahar aate dikhayi diya. Usne bahar hamare pas aakar kaha.

Durjan bola “tum logon ko andar barkha bitiya chay ke liye bula rahi hai.”

Itna kah kar durjan chala gaya. Lekin mujhe ye jaan kar khushi huyi ki, mere kahne par hi sahi, shikha ne sabka maan rakh hi liya. Maine ajji se andar chalne ko kaha to, usne kaha.

Ajay bola “tum chalo, mai kuch der bad aata hu.”

Ajji ki baat sunkar, mai andar aa gaya. Mere andar pahuchte hi barkha ne mujhe bhi chay di. Waha aru ke alawa sabke hathon me chay thi. Sabko chay dene ke bad barkha ajji ko chay dene bahar chali gayi.

Lekin thodi der bad wo chay wapas lekar aa gayi. Shayad ajji ne chay lene se mana kar diya tha. Magar mere liye hairat wali baat ye thi ki, ajji ki chay bahar se wapas aate hi, shikha ne bhi apne hath ke chay ke cup ko bina chay piye hi wapas table par rakh diya tha.

Us samay shikha ke man ke andar kya chal raha tha. Ye to bas wo hi jaan sakti thi. Mai to bas itna janta tha ki, uske dil me ajji ke liye jo nafrat thi, wo nafrat uske dil me ajji ke liye chhupe pyar se baar baar haar ja rahi thi.

Wo na jane kin khayalon me khoyi huyi thi aur yaha doctor nisha ne apni adhuri baat ko aage badate huye sab se kaha.

Ab aage ki kahani nisha ki jubani...

Us samay aru ki baat sunkar, ajji ne khade hote huye aman ki taraf dekha. Abhi tak uski peeth shikha ki taraf thi. Isliye shikha uska chehra nahi dekh saki thi. Lekin jaise hi ajji ne khade hokar aman ki taraf dekha to, shikha ko bhi ajji ka chehra dikhayi de gaya.

Ajji ko dekhte hi shikha chauke bina na rah saki. Wo fati fati aankhon se ajji ko dekhne lagi. Idhar jaise hi ajji ne aman ki taraf dekha, waise hi uski najar bhi aman ke pas baithi shikha par pad gayi.

Shikha ko dekhte hi ajji ka bhi wo hi haal hua. Jo ajji ko dekh kar shikha ka hua tha. Usne shikha ko apne samne dekha to, bas dekhta hi rah gaya. Dono ek dusre ko dekh kar hairan the. Magar un dono ki hairani ki vajah alag alag thi.

Ajji abhi tak uske baare me shikha se kahe gaye, har jhut se anjan tha aur is bat se hairan tha ki, shikha yaha sabke sath kya kar rahi hai. Wahi shikha ajji ko uske asli roop me dekh kar hairan thi aur ajji ke is naye roop ko dekh kar, is me ulajh kar rah gayi thi.

Ek uljhan sabke man me bhi thi ki, ab kya hoga. Sab ek dusre ko dekh rahe the aur thodi der ke liye bilkul khamoshi chha gayi. Ajji to hamesha ki tarah shikha ko dekh kar, usme hi kho gaya tha.

Tabhi aru ne uska hath pakad kar hilaya aur fir aankhon ke ishare se use apne pas aane ko kaha. Ajji uske pas aaya to, wo ajji ke kaan me kuch kahne lagi. Sab un dono ko dekh rahe the.

Lekin unki baten kisi ko sunayi nahi de rahi thi. Aru ki baten sunne ke bad, ajji ne muskurate huye seerat ki taraf dekha aur kaha.

Ajay bola “tera saitani dimag pata nahi mujhe kya kya bana dega.”

Ajji ki is baat ko sunkar, hum itna to samajh gaye the ki, aru ne usko seeru ki baton ke baare me bata diya tha. Lekin ab bhi humari ye pareshani khatam nahi huyi thi ki, ab ajji ke baare me shikha ko kya safai de.

Ajji ne jab sabko pareshan aur khamosh dekha to, sabki pareshani ko apne sar par lete huye kaha.

Ajay bola “tum sab mujhe dekh kar itna hairan kyo ho. Ye sab seeru ka kiya hua hai. Ye mujhe suit boot me dekhna chahti thi ki, mai isme kaisa dikhta hu. Isliye mujhe ye huliya banana pad gaya. Jiski vajah se mujhe yaha aane me thodi der bhi ho gayi.”

Ajay ki baat sunkar, hum sab ne shukun ki saans li. Lekin aman ko uski baat se khushi nahi huyi. Usne ajay se iski shikayat karte huye kaha.

Aman bola “ab tu bhi iski faltu ki baton me iska sath de raha hai. Ye tu acha nahi kar raha hai.”

Aman ki baat sunkar, ajji ne muskurate huye us se kaha.

Ajay bola “tu itna kyo bhadak raha hai. Yadi meri bahan ko kisi baat se khushi hoti hai to, mujhe uski khushi ke liye koi bhi huliya banane me koi pareshani nahi hai.”

Lekin aman ab bhi is sab se khush nahi tha. Usne is sab ka dosh ajji ko hi dete huye kaha.

Aman bola “tune inko sar par chada rakha hai. Teri inhi baton ki vajah se ye itna bigadti ja rahi hai.”

Aman ka gussa shant na hote dekh kar, ajji ne baat ko badalte huye us se kaha.

Ajay bola “chhod na in sab baton ko aur ye bata ki, aru ki surgery kab kar raha hai.”

Ajay ki baat sunkar, aman ka mood badal gaya aur usne ajay ki baat ka jabab dete huye kaha.

Aman bola “surgery to hum kabhi bhi kar sakte hai. Lekin mai soch raha tha ki, aru ko abhi surgery ki koi khas jarurat nahi hai. Isliye aru ke puri tarah se thik hone ke bad hi iski surgery ki jaye.”

Aman ki baat sunkar, ajay ne pyar se aru ke sar par hath ferte huye kaha.

Ajay bola “tujhe jab thik lage, tu tab aru ki surgery kar sakta hai. Bas iske sharir se chot ke saare nishan mitakar, ise fir se pahle jaisa kar de.”

Ajji ki baat sunkar, aman usko sab thik ho jayega ka dilasha dete huye samjhane laga. Shikha ye sab najara khamoshi se dekh rahi thi. Wo shayad aman aur ajji ke bich ke is gahre rishte ko samajhne ki koshish kar rahi thi. Jab ajji aur aman ke bich ki baat khatam huyi. Tab shikha ne mujhse kaha.

Shikha boli “didi ab mai jati hu. Mujhe yaha aaye bahut der ho chuki hai.”

Nisha boli “ok, mera driver tumko ghar chhod dega.”

Shikha boli “didi iski koi jarurat nahi hai. Meri activa kharab ho gayi thi to, jaldi jaldi me use raste me park karke aayi hu. Ab jate samay use sudharwate huye ghar jaugi.”

Nisha boli “tum apni activa ki fikar mat karo. Mai ek ladke ko bhi sath bhej deti hu. Tum use apni activa de dena. Wo use sudharwa kar tumhare ghar chhod dega.”

Shikha boli “lekin didi is sab ki kya jarurat hai. Mai taxi lekar chali jaugi na.”

Magar maine shikha ki koi baat nahi suni aur use meri baat manna hi padi. Lekin waha se jate samay shikha ne ajji se sawal karte huye kaha.

Shikha boli “aapke pas khud ki taxi hai ya aap kiraye ki taxi chalate hai.”

Shikha ka ye sawal sunkar, sab hairan ho gaye. Ajji bhi ye ajib sa sawal sunkar, kuch soch me pad gaya. Lekin fir usne shikha ke is sawal ka jabab dete huye kaha.

Ajay bola “ji, abhi to mai kiraye ki hi taxi chalata hu. Lekin aapne ye kyo puchha.”

Ajji ka jabab sunkar, shikha ne udasi bhare shabdon me kaha.

Shikha boli “wo kya hai ki, mere pas ek taxi hai. Jo mere bhaiya chalate the. Lekin ab wo is duniya me nahi hai. Wo taxi unki aakhri nishani hai. Isliye hum na to wo taxi bech sakte hai aur na hi kisi anjan aadmi ke hath me de sakte. Magar aap chahe to wo taxi chala sakte hai.”

Shikha ki baat sunkar, ajji ne hairan hote huye kaha.

Ajay bola “lekin jab aap apni taxi kisi anjan aadmi ke hath me nahi dena chahti hai to, fir mujhe kyo de rahi hai. Aakhir mai bhi to ek anjan hi hu.”

Shikha boli “aap sab itne ache hai ki, aap me se koi bhi mujhe anjan nahi lagta. Aap yadi meri taxi chalayege to, mujhe khushi hogi aur meri taxi ki dekh bhal bhi hoti rahegi. Aapko yadi thik lage to, aap mere ghar aakar taxi le lijiyega.”

Itna bolne ke bad, shikha ne sabko bye kiya aur waha se chali gayi. Shikha ki is baat ne sabko lajabab kar diya tha. Lekin aman ne seerat par gussa karte huye kaha.

Aman bola “le dekh le, tere ek jhuth ke pichhe kya kya ho raha hai. Tere ek jhuth ne ajji ko taxi driver aur aru ko taxi driver ki bahan bana kar rakh diya hai.”

Aman ko yu gussa hote dekh kar, seerat ne dar kar najre nichi kar li. Magar aru ne aman ke gusse ki parwah kiye bina kaha.

Archna boli “jab bhaiya ko ek taxi driver kahlane me koi sharam nahi aayi to, mujhe taxi driver ki bahan kahlane me kaisi sharam hai. Didi ne kuch bhi galat nahi kiya.”

Aru ki is baat par aman ne chidte huye us se kaha.

Aman bola “tujhe ek taxi driver ki bahan kahlane me sharam nahi hai. Magar mujhe ek bholi bhali ladki ke sath aisa dhokha karne me sharam aa rahi hai.”

Aman ko is baat ko lekar itna jyada chidchidate dekh, ajji ne use samjhane ki koshish karte huye kaha.

Ajay bola “tu har baat par itna chid kyo raha hai. In ne ek chhota sa majak hi to kiya hai. Yadi tujhe inka ye majak pasand nahi aaya to, ye usko saari sachchai bata kar us se sorry bol degi.”

Ajji ki baat sunkar, aman ne usko samjhate huye kaha.

Aman bola “jise tu ek sirf ek chhota sa majak samajh raha hai. Aage jakar ye hi ek gahri sajish ka roop le lega. Abhi tu is majak ke pichhe chhupe raj ko nahi janta hai. Isliye tujhe ye sirf ek chhota sa majak lag raha hai. Lekin sachchai janne ke bad tujhe bhi inka majak utna hi bura lagega, jitna bura mujhe lag raha hai.”

Aman ki baat sunkar, ajji hairat me pad gaya aur aman ki taraf sawaliya najron se dekhne laga. Sab aman ko rokne ki koshish karne lage. Lekin fir usne kisi baat nahi suni aur saari sachchai ajji ke samne khol kar rakh di.

Shikha ke baare me saari sachchai sunkar ajji ko ek gahra jhatka laga. Wahi seerat ka chehra sharmindgi se jhuk gaya. Thodi der tak waha khamoshi chhayi rahi. Fir ajji ne is khamoshi ko todte huye seeru se kaha.

Ajay bola “tu kyo itna udas hoti hai. Tune kuch galat nahi kiya. Tujhe apne bhai ki khushi ke liye jo thik laga, tune wo kiya. Magar mujhe lagta hai ki, aman sahi kah raha hai. Hume usko bhulna hoga. Ye hi humari aur uski bhalai ke liye thik hoga.”

Ajji ki baat sunte hi seeru us se lipat kar rone lagi. Seeru ke ye aansu uske khud ke liye nahi, balki apne bhai ke us dard ko mehsus karke bah rahe the. Jo uska bhai apni juban se kah nahi pa raha tha.

Jis chehre ko dekh kar abhi kuch der pahle uske bhai ke chehre par jamane bhar ki raunak najar aa rahi thi. Ab uska bhai, us se usi chehre ko bhool jaane ki baat kar raha tha. Jise bhulana khud uske liye bhi aasan nahi tha.

Yahi sab soch soch kar seeru ke aansu tham nahi rahe the aur wo ajji se lipat kar roye ja rahi thi. Ajji ne use is tarah rote dekha to, wo shayad uske aansuon ka matlab samajh chuka tha. Usne seeru ke aansu ponchhte huye kaha.

Ajay bola “roti kyo hai pagli. Tera bhai dekhne me itna bura to nahi ki, koi ladki us se shadi hi na kare. Tu dekhna, mai tere liye is se bhi achi bhabhi dud kar lauga.”

Lekin ye baat kahte kahte ajji apni khud ki aankhe bhi chhalakne se na rok saka. Magar usne apni aankhon ko fauran saaf karke, selu ki taraf dekha. Wo bhi chup chap khadi aansu baha rahi thi. Ajji ne apni bahen failate huye us se kaha.

Ajay bola “tu waha akeli kyo khadi hai. Bad me ye mat bolna ki, mai tujhe pyar nahi karta.”

Ajji ki baat sunte hi selu bhag kar uske pas aayi aur aakar uske gale se lag gayi. Bhai bahan ka ye pyar dekh kar, mai bhi apni aankhen bhigne se na rok saki. Mai nahi janti thi ki, ab aage kya hone wala hai. Lekin dil se chahti thi ki, ajji ko uska pyar aur uski bahno ko apne bhai ki khushi mil jaye.

 

[Aanand]

Ko To Rok Lo {Update - 139}
____________________________

Yahi sab soch soch kar seeru ke aansu tham nahi rahe the aur wo ajji se lipat kar roye ja rahi thi. Ajji ne use is tarah rote dekha to, wo shayad uske aansuon ka matlab samajh chuka tha. Usne seeru ke aansu ponchhte huye kaha.

Ajay bola “roti kyo hai pagli. Tera bhai dekhne me itna bura to nahi ki, koi ladki us se shadi hi na kare. Tu dekhna, mai tere liye is se bhi achi bhabhi dud kar lauga.”

Lekin ye baat kahte kahte ajji apni khud ki aankhe bhi chhalakne se na rok saka. Magar usne apni aankhon ko fauran saaf karke, selu ki taraf dekha. Wo bhi chup chap khadi aansu baha rahi thi. Ajji ne apni bahen failate huye us se kaha.

Ajay bola “tu waha akeli kyo khadi hai. Bad me ye mat bolna ki, mai tujhe pyar nahi karta.”

Ajji ki baat sunte hi selu bhag kar uske pas aayi aur aakar uske gale se lag gayi. Bhai bahan ka ye pyar dekh kar, mai bhi apni aankhen bhigne se na rok saki. Mai nahi janti thi ki, ab aage kya hone wala hai. Lekin dil se chahti thi ki, ajji ko uska pyar aur uski bahno ko apne bhai ki khushi mil jaye.

Aman hamesha se hi kaha karta tha ki, ajji uska dost nahi, uska bhai hai. Uske ghar wale bhi ajji ko apna beta hi mante hai aur uski bahne to us se jyada ajji se pyar karti hai. Aman ke man me is baat ko lekar kabhi koi malal nahi tha.

Magar mujhe aksar is baat ko lekar ajji se jalan hua karti thi ki, aman ki teeno bahne aman se jyada ajji ko itna pyar kyo karti hai. Lekin jaise jaise mai, ajji aur uski bahno ke karib aati gayi. Waise waise hi mujhe unke is pyar ka aehsas bhi hone laga tha.

Mai ache se samajh gayi thi ki, bhale hi ajji aur aman me khoon ka rishta na ho. Magar unke bich dil ka ek aisa rishta hai. Jo khoon ke rishte se bhi jyada gahra hai. Ajji ke dada ji ki maut aur aru ke sath huye hadse ne bhi, mere man se ajji ke liye har ek parayepan ko mita kar, use mere parivar ka ek hissa bana diya tha.

Jiski vajah se aaj meri aankhon ke samne jo kuch hone ja raha tha. Use mai rokna chahti thi aur apne parivar ki khushiyan unhe wapas dena chahti thi. Magar kaise, ye baat meri samajh me nahi aa rahi thi.

Tabhi mujhe aman se kahi apni baat yaad aayi ki, yadi kismat inhe milana chahti hai to, inhe tab tak milati rahegi, jab tak ki ye ek na ho jaye. Bas isi baat ki khud ko tasalli dete huye maine sab se kaha.

Mai boli “kisi ko kuch bhulne ki jarurat nahi hai. Seeru ne jaisa kaha hai, abhi sab kuch waisa hi chalne do.”

Meri baat ko sunkar, seeru ke chehre par muskan aa gayi. Lekin aman ne apni nakhushi jahir karte huye kaha.

Aman bola “ye tum kya kar rahi ho. Abhi abhi maine in sabko samjhaya aur ab tum in logon ko fir se wo sab karne ke liye bhadka rahi ho.”

Aman ko mai ache se janti thi. Wo is samay ye sab baten shikha ke bholepan ko dekh kar kah raha tha aur maine bhi aman ki usi dukhti rag par hath rakhte huye kaha.

Mai boli “tum kya chahte ho.? Kya ek majbur ladki ko sirf isliye uske haal par chhod diya jaye. Kyoki tumhe lagta hai ki, humari sachchai pata chalne par wo hum sab se nafrat karne lagegi. Lekin kya tum mujhe ye bataoge ki, is sab me us ladki ka kya kasur hai. Use us sachchai se door kyo rakha jaye, jise janne ka use pura haq hai.”

Meri is baat ne sabko sochne par majbur kar diya tha. Lekin koi ye samajh nahi pa raha tha ki mai kahna kya chahti hu. Ajji ko meri ye baat sahi lagi aur usne mujhse kaha.

Ajay bola “tum shayad thik kahti ho. Wo tumhe apni badi bahan manti hai. Meri taraf se tumhe puri chhut hai ki, tum jab chaho use ye sachchai bata sakti ho.”

Ajji ki baat sunkar, mujhe khushi huyi ki, wo meri baat samajhne ko taiyar hai. Maine apni baat ko aage badate huye kaha.

Mai boli “haan, hum use saari sachchai bata dege. Lekin abhi use kuch bhi batana, uske liye sahi nahi hai. Abhi wo apne bhai ki maut se ubarne ki koshish kar rahi hai. Aise me use ye sachchai pata chali to, wo toot kar rah jayegi.”

“Mai chahti hu ki pahle wo achi tarah se sambhal jaye. Uske bad koi sahi mauka dekh kar, hum use ye sachchai bata dege. Lekin tab tak hume sab kuch waisa hi chalne dena hai, jaisa abhi chal raha hai.”

Meri is baat ko kisi ne bhi katne ki koi koshish nahi ki aur sabhi ise manne ke liye taiyar ho gaye. Ek tarah se maine seerat ke suru kiye gaye natak par sabki sahmati ki muhar laga di thi.

Agle din ajji wapas surat laut gaya aur fir uske 2 din bad shikha ne bhi apna job join kar liya. Maine hospital me sabko bata rakha tha ki, shikha meri chhoti bahan lagti hai. Mai hospital me ek Pediatric and adult heart surgeon thi. Isliye mere hote shikha ko hospital me koi pareshani hone ki baat hi nahi thi.

Lekin shikha ko kisi bhi baat ke liye meri koi jarurat nahi padi. Dhire dhire uska kaam hi uski pehchan ban gaya. Uski kaam ke liye lagan aur marijon ke liye seva bhav ne sabka dil jeet liya. Wo jaldi hi sabki chaheti nurse ban gayi.

Idhar ajji hafte me ek do baar aru se milne aata rahta tha. Lekin jab se use shikha ke job par aane ki khabar lagi thi. Tab se usne hospital aana band kar diya tha. Shayad ab wo shikha ka samna karna nahi chahta tha.

Lekin jaldi hi aman ne aru ki surgery ki date fix kar di aur aru ki surgery ke din hospital me ajji ka samna shikha se ho hi gaya. Shayad ajji ko bhi is baat ka pahle se andesha tha. Isliye is baar wo hospital bade hi sadharan se pahnave me aaya tha.

Aru ki surgery ka shikha ko pahle se pata tha. Magar uski duty dusre ward me lagi thi. Iske bad bhi wo surgery ke samay baar baar sabse milne aati aur aru ka haal chal puchh kar chali jati.

Surgery ke bad aru ko private room shift kar diya gaya. Apni duty khatam hone ke bad shikha ne, aman se apni duty aru ke pas lagwane ki baat ki to, aman uski baat manne se inkar na kar saka aur usne shikha ki duty aru ke pas lagwa di.

Agle din shikha ko aru ke pas dekh kar ajji hairan ho gaya. Bad me shikha ne hi use bata diya ki, usne hi apni duty aru ke pas lagawai hai. Shikha ki baat sunkar ajji ko khushi to huyi. Lekin ab wo shikha se door hi rahna chahta tha.

Aru ko abhi lagbhag ek mahina hospital me rahna tha. Kyoki uski 3-4 surgery hona thi. Aise me ajji ke hospital na aane ka sawal hi nahi uthta tha. Magar agle din se ajji ne din ki jagah sirf raat ko hospital me rahna suru kar diya.

Lekin shikha ye dekh kar hairan thi ki, aru hospital me hai aur uska bhai us se milne nahi aa raha hai. Use jab ek do din ajji hospital me najar nahi aaya to, usne baton baton me aru se kaha.

Shikha boli “aru, tum hospital me ho aur tumhare bhai, tumse milne ek baar bhi nahi aate hai. Kya wo kisi kaam me busy hai.”

Shikha ki baat sunkar, aru hasne lagi aur fir usne muskurate huye shikha se kaha.

Archna boli “mere bhaiya ke liye mujhse bad kar koi kaam nahi hai. Wo mujhe aisi haalat me akele chhod kar rah hi nahi sakte. Asal me yaha din me sabhi log rahte hai. Isliye jab raat ko koi mere pas nahi rahta. Tab bhaiya aur seeru didi mere pas rahte hai.”

Aru ki is baat ne shikha ki hairani ka to ant kar diya tha. Magar shikha ke man me ajji se milne ki jo lalak thi uska ant nahi ho saka tha. Do din tak sab thik thak chalta raha aur shikha apni duty aru ke pas hi karti rahi.

Lekin teesre din mujhe shikha najar nahi aayi. Ye pahli baar hua tha ki, shikha bina mujhe bataye duty se gayab thi. Mujhe laga ki kahi uski tabiyat to kharab nahi ho gayi. Uske baare me janne ke liye maine usko call kiya to, usne mujhse kaha.

Shikha boli “didi ghar me mummy ki tabiyat sahi nahi hai. Jiski vajah se abhi mujhe ghar ka kaam bhi karna pad raha hai. Isliye maine apni duty night shift me karwa li hai. Sorry, mai aapko ye baat batana bhool gayi thi.”

Mujhe uski is baat me koi burayi najar nahi aayi. Maine use dilasha dete huye kaha.

Mai boli “pagal isme sorry bolne wali kya baat hai. Yadi aunty ki tabiyat sahi nahi hai to, tujhe kuch din ki chhutti hi le lena thi. Apni duty night shift me karwane ki kya jarurat thi.”

Shikha boli “nahi, chhutti lene jaisi koi baat nahi hai. Bas ghar ke kaam ki vajah se hi duty badalwana pad gayi.”

Mai boli “ok jaisi teri marji. Yadi tujhe chhutti lena ho to, bejijhak chhutti le lena. Baki mai dekh lugi.”

Itna kah kar maine call rakh diya. Maine ye baat aman ko batayi to, usne kaha ki, shikha ne us se is baare me kuch nahi bataya. Lekin tum sham ko ghar jati samay uski mummy ko dekhti huyi jana.

Mujhe aman ki baat thik lagi aur sham ko ghar jati samay, mai shikha ke ghar chali gayi. Lekin mujhe apne ghar me dekh kar, shikha kuch khas khush najar nahi aa rahi thi aur bahut dari dari si lag rahi thi.

Pahle to mujhe shikha ka ye vyavhar ajib sa lag raha tha. Lekin bad me maine shikha ki mummy ko acha bhala dekha to, mujhe shikha ke is tarah darne ka matlab samajh me aa gaya tha.

Isliye maine ghar me koi aisi baat nahi ki, jo shikha ke liye musibat paida kar de. Lekin ghar se bahar nikalte hi, jab shikha mujhe gaadi tak chhodne aayi to, maine us se kaha.

Mai boli “aunty to achi bhali hai. Fir tumne mujhse unki tabiyat ka jhuth kyo bola.”

Meri baat sunkar, shikha ne sharminda hote huye kaha.

Shikha boli “sorry didi. Asal me baat ye thi ki, din me to aru ke pas aap sab log rahte hai. Lekin raat me wo akeli hi rahti hai. Aakhir wo aapke parivar ka ek hissa hai aur uske liye mera bhi kuch farz banta hai. Bas isiliye maine apni duty night me karwa li hai.”

Shikha ki ye baat mere dil ko chhu gayi. Maine use samjhate huye kaha.

Mai boli “to isme jhuth kahne ki kya jarurat thi. Tum yadi mujhse ya aman se raat ko aru ke pas rukne ki baat bolti to, kya hum tumko aisa karne se rok dete. Hume to ulte is baat se khushi hi hoti na.”

Meri baat ko sunkar, shikha ne kisi chhote bachche ki tarah apne kaan pakadte huye kaha.

Shikha boli “sorry didi, ab kabhi aapse jhuth nahi bolugi. Bas is baar maaf kar djiye.”

Uske is bholepan ko dekh kar, maine pyar se uske gaal par ek chapat lagate huye kaha.

Mai boli “tu nahi sudhregi. Tune to baat baat par sorry kahna sikh rakha hai. Ok, to ab mai chalti hu, bye.”

Shikha ne bhi mujhe hath hilakar bye kiya aur fir mai ghar ke liye nikal gayi. Maine ye baat phone par aman ko batayi to, usne mujhe taana marte huye kaha.

Aman bola “ye to bahut achi baat hai ki, raat ko aru ki dekh bhal ke liye shikha uske pas rahegi. Lekin mujhe lagta hai ki, tumko ye baat mujhe batane se jyada, ajji aur seeru ko batane ki jarurat hai. Taki tum sab log milkar, shikha se koi naya jhuth bolne ki taiyari kar sako.”

Aman ki baat sunkar, us wakt mujhe us par gussa to bahut aaya. Lekin aman ki baat bekar ki nahi thi. Usne is baat ki taraf ishara kar diya tha ki, ab ek baar fir se ajji aur shikha ka samna hone wala hai. Jis samna hone ka matlab tha ki, ajji aur shikha ki kahani naya mod le sakti hai.

Magar yaha pareshani ye thi ki, ajji shikha ka sach janne ke bad us se doori bana raha tha aur shikha har sach se anjan thi. Aise me un dono ke liye mai kya kar sakti hu, ye baat meri samajh ke bahar thi. Maine ye baat aman se hi janne ke liye, aman ki baat se anjan bante huye kaha.

Mai boli “ye tum kaisi baat kar rahe ho. Tumhe to pata hai ki, ajji pahle hi faisla kar chuka hai ki, wo ab shikha se door hi rahega. Fir bhala hume us se koi jhutk bolne ki kya jarurat hai.”

Meri baat sunkar aman ne muskurate huye kaha.

Aman bola “ek jhuth ko chhipane ke liye hajar jhuth bolna padte hai. Tum logon ne jhuth ka jo beej boya tha. Ab wo ped banne laga hai.”

Aman ki ye baat sach me meri samajh ke bahar thi. Mujhe samajh me nahi aa raha tha ki, aman ka ishara kis baat ki taraf hai. Maine us se iski vajah puchte huye kaha.

Mai boli “tum kahna kya chahte ho, meri to kuch samajh me nahi aa raha hai. Jo bhi kahna hai, saaf saaf kaho. Bekar ki paheliyan mat bujhao.”

Meri is baat ke jabab me aman ne kaha.

Aman bola “tumko kya lagta hai ki, shikha raat ko aru ke pas kyo rukna chahti hai.”

Mai boli “isme lagna kya hai. Shikha ne khud bataya hai ki, aru ke pas raat ko koi nahi rahta hai. Isliye wo raat ko aru ke pas rahna chahti hai.”

Meri baat sunkar aman ne kaha.

Aman bola “lekin shikha ko kaise malum ki, raat ko aru ke pas koi nahi rahta.”

Aman ki ye baat sunkar, maine jhunjhlate huye us se kaha.

Mai boli “kaisi bachon jaisi baat karte ho. Wo din bhar aru ke pas rahti hai. Tabhi usne kisi na kisi se pata kar liya hoga ki, raat ko aru ke pas kaun rahta hai.”

Meri baat sunkar, aman ne kaha.

Aman bola “bachchon jaisi baat mai nahi tum kar rahi ho. Shikha ye achi tarah se janti hai ki, raat ko aru akeli nahi rahti. Raat ko aru ke pas seeru aur ajji rahte hai. Isliye usne apni night duty lagwane ki baat, mujhse ya tumse nahi ki thi. Kyoki use laga hoga ki, mai ya tum use night duty karne se rok dege.”

Aman ki is baat ne sach me mujhe sochne par majbur kar diya tha. Magar mai shikha ke aisa karne ka matlab samajh nahi pa rahi thi. Maine aman par apni hairangi jahir karte huye kaha.

Mai boli “lekin tum ye sab baat itni yakin ke sath kaise kah rahe ho.”

Meri baat sunkar, aman ne mujhe samjhate huye kaha.

Aman bola “kyoki 2 din pahle mujhe aru ne bataya tha ki, shikha us se puchh rahi thi ki, uske bhaiya use dekhne kyo nahi aate. Tab aru ne use bataya tha ki, ajji aur seeru didi raat ko uske sath rahte hai.”

Aman ki baat sunkar, maine chaukte huye us se kaha.

Mai boli “iska matlab to ye hua ki, shikha ne ajji ki vajah se apni duty raat ki shift me karwayi hai. Shikha se mujhe aisi ummid nahi thi. Magar achanak aisa kya hua, jo shikha ka jhukav ajji ki taraf ho raha hai.”

Aman bola “yaar tum ek ladki hokar bhi aisi baat kar rahi ho. Ladki kitni bhi sidhi kyo na ho. Magar apni taraf uthti kisi bhi ladke ki najar ko achi tarah se samajhti hai. Us par yadi koi ladka ajji ki tarah ka ho to, kisi bhi ladki ke liye use andekha kar pana namumkin hai. Fir chahe wo ladki shikha hi kyo na ho.”

“Ajji shikha ko pahli mulakat se hi dekhte aa raha hai. Jab ye baat hum me se kisi ki najar se nahi chhup saki to, fir bhala shikha ki najar se kaise chhup sakti hai. Wo is baat ko achi tarah se samajhti hai ki, ajji use pasand karta hai aur shayad ye hi baat use bhi ajji ki taraf khich kar le ja rahi hai.”

Aman ki ye baat sunkar, meri khushi ka koi thikana nahi tha. Maine khush hote huye aman se kaha.

Mai boli “ye to tumne bahut khushi ki baat batayi hai. Ab ajji aur shikha ko milne se koi nahi rok sakta.”

Meri baat ke jabab me aman ne badi hi gambhirta se kaha.

Aman bola “ye sirf tumhari soch hai. Aisa kuch nahi hoga. Jab tak shikha ko saari sachchai ka pata nahi lag jata, tab tak ajji uski taraf aage kadam nahi badayega aur jab shikha ko sachchai ka pata chalega, wo khud ajji ki taraf kadam badane se ruk jayegi. Isliye ye sapne dekhna band kar do.”

Aman ki is baat me bhi kadwi sachai thi. Mera dimag to aman ki baat ko samajh raha tha. Magar mera dil aman ki is baat ko manne se inkar kar raha tha. Thodi der aman se is baare me baat karne ke bad, maine call rakh diya.

Lekin ab bhi mere dimag me aman ki kahi baten goonj rahi thi. Jinka koi bhi jabab mere pas nahi tha. Mai samjh nahi pa rahi thi ki, ab aisi sitithi me mujhe kya karna chahiye. Ye sab soch soch kar mera dimag hi kaam karna band kar diya tha.

Lekin fir achanak hi mujhe aman ki kahi ek baat yaad aayi ki, jab apna dimag kaam na kare to, uske dimag ka istemal karo. Jiske dimag par aapko sabse jyada viswas ho. Iske sath hi meri aankhon ke samne ek chehra ghumne laga.

Us chehre ko dekhte hi, mera chehra khushi se khil utha aur maine apne aap se kaha ki, yadi wo sita hai to, use uske ram se milne se koi nahi rok sakta. Ye baat khud se kahkar, maine muskurate huye apna mobile uthaya aur call lagane lagi.

 

[Aanand]

Ko To Rok Lo {Update - 140}
____________________________

Aman ki is baat me bhi kadwi sachai thi. Mera dimag to aman ki baat ko samajh raha tha. Magar mera dil aman ki is baat ko manne se inkar kar raha tha. Thodi der aman se is baare me baat karne ke bad, maine call rakh diya.

Lekin ab bhi mere dimag me aman ki kahi baten goonj rahi thi. Jinka koi bhi jabab mere pas nahi tha. Mai samjh nahi pa rahi thi ki, ab aisi sitithi me mujhe kya karna chahiye. Ye sab soch soch kar mera dimag hi kaam karna band kar diya tha.

Lekin fir achanak hi mujhe aman ki kahi ek baat yaad aayi ki, jab apna dimag kaam na kare to, uske dimag ka istemal karo. Jiske dimag par aapko sabse jyada viswas ho. Iske sath hi meri aankhon ke samne ek chehra ghumne laga.

Us chehre ko dekhte hi, mera chehra khushi se khil utha aur maine apne aap se kaha ki, yadi wo sita hai to, use uske ram se milne se koi nahi rok sakta. Ye baat khud se kahkar, maine muskurate huye apna mobile uthaya aur call lagane lagi. Mera call jate hi ajji ne call uthate huye kaha.

Ajay bola “haan, bolo nisha. Aru kaisi hai.”

Maine ajji ki is baat ka muskura kar jabab dete huye kaha.

Mai boli “mai bhi achi hu aur aru bhi achi hai. Lekin mai abhi hospital se nahi, ghar se call kar rahi hu.”

Ajay bola “kyo kya hua. Koi khas kaam tha kya.”

Mai boli “haan, kaam to tumse bahut khas hai. Magar pata nahi ki, mai tumhare liye khas hu bhi ya nahi.”

Meri baat sunkar, ajji kuch asmanjas me pad gaya. Use samajh me nahi aa raha tha ki, mai aaj ye kaisi baat kar rahi hu. Usne mujhse kaha.

Ajay bola “ye aaj tumko achanak kya ho gaya aur ye tum kaisi bahki bahki baten kar rahi ho. Mere liye to tum utni hi khas ho, jitna ki aman hai.”

Ajji ki baat sunkar, maine hanste huye us se kaha.

Mai boli “ye sab bolne ki baten hai. Ye to wakt khud hi bata deta hai ki, kaun kiske liye kitna khas hai.”

Meri in baton se pareshan hokar ajji ne mujhse kaha.

Ajay bola “ab mai tumhe kaise yakin dilau ki tum mere liye sirf khas hi nahi, balki mere parivar ka ek aisa hissa ho, jiske bina mera parivar pura hi nahi ho sakta.”

Ajji ki is baat ko sunne ke bad, mujhe usko aur pareshan karna thik nahi laga. Maine uske samne apni baat rakhte huye kaha.

Mai boli “ok, mai tumhari is baat ka yakin kar leti hu aur yadi is baat me kuch jhuth nahi hai to, fir tumhe meri ek baat manna hogi.”

Meri baat ke jabab me, ajji ne bina kuch soche samjhe aur bina koi der kiye mujhse kaha.

Ajay bola “haan bolo, mai tumhari har baat manne ko taiyar hu.”

Mai boli “ok, mai raat ko dinner ke bad tumko aru ke pas milti hu. Wahi tumhe apni baat bata dugi.”

Itna kah kar, maine call rakh diya. Ajji ka call rakhne ke bad maine seerat se baat ki aur usko sab kuch samjha diya. Seerat meri baat ko sunkar bahut khush huyi aur usne yakin dilaya ki, wo sab meri is baat me mera pura sath degi.

Raat ko dinner ke bad, mai 10 baje hospital pahuchi. Uske pahle maine aman se call karke bol diya tha ki, mai raat ko aru ke pas aaugi. Isliye wo selu ko uske pas hi rahne de. Mai ghar lautte wakt use bhi ghar chhor dugi.

Meri baat sunkar, aman ne selu ko hospital me hi chhod diya tha. Mai jab hospital pahuchi to, aru ke pas ajji tha. Selu aur seeru mujhe bahar hi tahalti mil gayi. Maine unse thodi bahut baat ki aur fir hum aru ke pas aa gaye.

Maine aru ka haal chal puchha aur fir wahi sab ke sath baith gayi. Ajji ke chehre par ab bhi meri baat ka asar najar aa raha tha. Usne mujhe baithe dekh kar, ek feeki si muskan di aur fir sab se baat karne laga.

Sab se baat karte huye bhi ajji ki najar baar baar mujh par hi ja rahi thi. Kuch der tak wo mere kuch bolne ka intejar karta raha. Lekin jab maine us se kuch nahi kaha to, usne khud hi mujhse kaha.

Ajay bola “tum mujhse kya bolna chahti thi.”

Ajji ki baat sunkar maine muskurate huye us se kaha.

Mai boli “sirf mai hi nahi, hum sab tumse kuch bolna chahte hai.”

Meri baat sunkar, ajji ne hairani se ek ek karke hum sab ki taraf dekha aur fir kaha.

Ajay bola “lekin tum sabko kya bolna hai.”

Ajji ki is baat ka jabab seerat ne dete huye kaha.

Seerat boli “bhaiya, hum sab chahte hai ki, ab aap shadi kar lijiye aur humare liye ek pyari si bhabhi le aaiye.”

Seerat ki baat sunkar, ajji ne rahat ki saans li aur mujhse kaha.

Ajay bola “kya sach me tumhe ye hi baat karna thi.”

Mai boli “haan, meri baat ye hi thi. Ab ye tay to tumko karna hai ki, tum meri baat manoge ya nahi.”

Ajji ne meri baat sunkar, pahli baar muskurate huye kaha.

Ajay bola “ye tumko achanak kya ho gaya. Bhala ye bhi shadi ki baat karne ka koi samay hai. Abhi to hume srif aru ke baare me hi sochna chahiye. Uske bad hi is baare me koi baat karna thik rahega.”

Ajji sidhe sidhe to nahi magar aru ki tabiyat ki aad lekar is baat ko talna chahta tha. Lekin seeru ne ajji ki is koshish par pani ferte huye kaha.

Seerat boli “bhaiya baat ko talne ki koshish mat kijiye. Bhabhi jo bhi bol rahi hai, wo hi hum sab bhi chahte hai. Ab yadi aap hum logon ki baat nahi manna chahte hai to, koi baat nahi.”

Seeru ki baat sunkar, ajji ne use samjhate huye kaha.

Ajay bola “mai kab tum logon ki baat ko manne se mana kar raha hu. Lekin shadi ke liye koi ladki bhi to hona chahiye na. Tum log pahle koi ladki to pasand kar lo. Fir mai shadi bhi kar luga.”

Ajji apni baat bol kar sabka chehra dekhne laga. Use laga ki is baat se shayad sabka shadi ki jid karna band ho jayega. Lekin uski is baat ka jabab selu ne dete huye kaha.

Selina boli “bhaiya hum logon ko koi ladki dudne ki jarurat nahi hai. Humne jo ladki apni bhabhi banne ke liye pasand ki thi. Hum chahte hai ki, wo hi humari bhabhi bane.”

Selu ki is baat ne ajji ko pareshani me daal diya. Usne selu ko samjhate huye kaha.

Ajay bola “ye tumhare chahne ya na chahne ki baat nahi hai. Tum sabko bhi ye baat pata hai ki, wo tumhari bhabhi nahi ban sakti. Fir tum logon ka aisi jid karna achi baat nahi hai.”

Ajji ki is baat ka jabab maine dete huye kaha.

Mai boli “ajji wo inki bhabhi ban sakti. Yadi hum sab us se baat kare aur apni galti ki maafi mange to, mujhe ummid hai ki, aisa ho sakta hai.”

Lekin ajji ne meri baat ko sunkar, mere saare mansubon par pani ferte huye kaha.

Ajay bola “galti.? kaisi galti.? Maine koi galti nahi ki hai. Apni bahan ki jaan bachane ki koshish karke maine koi galat kaam nahi kiya hai. Ab duniya is baare me kya sochti hai, mujhe iski koi parwah nahi hai.”

Ajji ne do took apna jabab suna diya tha. Ajji ki baat sunkar, ek pal ke liye mujhe laga ki ab kuch nahi ho sakta. Lekin agle hi pal mujhe aru ka khayal aaya. Usne bhi is baat me mera sath dene ki baat kahi thi. Isliye maine aru ki taraf ishara karte huye ajji se kaha.

Mai boli “ye thik hai ki, tumhe is baat ki parwah nahi hai ki, duniya is baare me kya sochti hai. Lekin kya tumne kabhi ye janne ki koshish ki hai ki, tumhari wo bahan is baare me kya sochti hai. Jiske liye tumne ye sab kiya hai.”

Itna bol kar mai ajji ki taraf sawaliya najron se dekhne lagi. Meri baat sunkar, ajji ne meri taraf dekha aur fir aru ke sar par hath rakhte huye kaha.

Ajay bola “yadi aru manti hai ki, mai galat hu to, mai iske sar ki kasam khakar kahta hu ki, mai sirf shikha se hi nahi, balki uske saare khandan se maafi mangne aur unki di huyi har saza kabul karne ko taiyar hu.”

Itna bol kar, ajji aru ke jabab ka intejar karne laga. Us wakt ajji hi nahi, hum sabki najar bhi aru ki taraf hi thi. Sab aru ka jabab sunne ko bechain the. Lekin aru sabko dekh kar muskura rahi thi.

Fir usne ajji ke hath ko apne sar se alag karke apne hathon me thama aur uske hath ko chumte huye kaha.

Archna boli “mere bhaiya, mere liye bhagwan hai aur bhagwan kabhi koi galti nahi karte.”

Aru ke jabab ko sunkar jaha, ajji ki aankhen bhig gayi thi aur wo use laad kar raha tha. Wahi aru ke jabab ko sunkar, mujhe us par bahut gussa aa raha tha. Usne aakhiri samay par mujhe dhokha de diya tha.

Mai kasmasa kar rah jane ke siwa kuch na kar saki. Mere man ki baat ko shayad seeru samajh gayi thi. Usne mere pas aakar mere kandhe par hath rakhte huye dhire se mere kaan me kaha.

Seerat boli “bhabhi, aru humara sath dene se pichhe nahi hati hai. Lekin aapne use bhaiya ke khilaf istemal karne ki koshish karke galti kar di. Aapne ye soch bhi kaise liya ki, aru kabhi bhaiya ke khilaf ja sakti hai.”

“Aru bhaiya ki sirf kamjori hi nahi, unki takat bhi hai. Aru ke liye bhaiya kuch bhi kar sakte hai aur aru ke naam se bhaiya se kuch bhi karwaya ja sakta hai. Ab aap dekhiye aapki bigdi baat ko mai kaise sidha karti hu.”

Ye kahte huye, seeru mere pas se ajji aur aru ke pas jakar khadi ho gayi. Ajji hamesha kahta tha ki, seeru ka shaitani dimag hai aur kuch na kuch khurapat uske dimag me palti rahti hai.

Magar aaj mai dua kar rahi thi ki, seeru ka dimag kuch kamal dikha de. Meri najar seeru par tiki huyi thi ki, wo ab kya karne wali hai. Udhar seeru ne ajji ke pas jakar, us se kaha.

Seerat boli “bhaiya, mai bhi yahi manti hu ki, aapne kuch galat nahi kiya hai. Lekin is sab ke bad bhi, mai ye hi chahti hu ki, shikha hi meri bhabhi bane. Mai to shikha ke siwa kisi aur ko apni bhabhi ke roop me dekhna hi nahi chahti. Ab selu aur aru kya chahti hai, ye to wo hi janti hai.”

Seeru ki baat ke jabab me selu ne bhi is baat me apni sahmati de di. Wahi seeru aur selu ki baat sunkar, aru ne ajji se kaha.

Archna boli “bhaiya, mai bhi yahi chahti hu ki shikha hi meri bhabhi bane. Yadi shikha meri bhabhi nahi ban payi to, mere dil par jindagi bhar ye hi bojh rahega ki, wo meri vajah se hi meri bhabhi nahi ban payi hai.”

Itna bol kar, aru ki aankhon se tap tap karke aansu girne lage. Uske aansu dekh kar, ajji ka man bhi badal gaya. Usne aru ke aansu pochhte huye us se kaha.

Ajay bola “tu roti kyo hai pagli. Tu chahti hai ki shikha teri bhabhi bane to, ab chahe jo bhi ho jaye, wo hi teri bhabhi banegi. Tera ye bhai tere dil par koi bhi bojh nahi rahne dega.”

Ajji ki baat sunkar sabke chehre khushi se khil uthe. Ab shikha ke liye jo bhi karna tha, ajji ko karna tha. Kya karna hai aur kaise karna hai. Ye sab sochna ab mera nahi, ajji ka kaam tha aur ye sab sochte huye maine ek shukun ki saans li.

Ab raat jyada ho rahi thi. Isliye maine selu ko ghar chalne ko kaha aur fir hum dono ghar ke liye nikal gaye. Ghar ke liye nikalte samay meri shikha se bhi mulakat huyi. Us se thodi bahut baat karne ke bad maine selu ko ghar chhoda aur fir mai bhi ghar aa gayi.

Is ghatna ke bad se ajji ne shikha se doori badane ka irada chhod diya aur fir dono ki hospital me roj mulakat hone lagi. Shikha ne ajji se nikki ke baare me puchha to, ajji ne bataya ki, wo aru ki saheli hai aur aru ke sath hi padti hai. Nikki ke hostel me hone ki vajah se shikha ko laga tha ki, aru bhi uske sath hostel me hi rahti hai. Lekin usne ye baat kabhi ajji se puchhi nahi thi. Shikha baar baar ajji se apni taxi chalane ke baare me puchhti rahti thi aur ek din ajji ne iske liye haan kar diya.

Lekin ajji ne kaha ki, wo taxi aru ke hospital se chhuti hone ke bad hi chalayega aur taxi ko apne pas hi rakhega. Jiske liye shikha taiyar ho gayi. Ajji ke aisa kahne ki vajah ye thi ki, aru ke hospital se ghar lautte hi ajji ko bhi wapas surat chale jana tha.

Aise me uska shikha se roj samna ho pana mumkin nahi tha. Jabki taxi uske pas rahne se wo taxi apne ghar me rakh deta aur shikha ye hi samajhti rahti ki, wo uski taxi chala raha hai.

Sab kuch thik chalne laga tha. Ek din hospital me aru ke pas baith kar shikha aur seeru aapas me baten kar rahe the. Tabhi shikha ne seeru se ajji ke ghar parivar ke baare me puchh liya.

Seeru ne shikha ko bataya ki, ajji ka parivar aru hi hai aur wo ek kiraye ke makan me rahta hai. Tab shikha ne kaha ki, aru to hostel chali jati hogi. Aise me ajji ka khane pine ka khayal kaun rakhta hoga.

Shikha ki is baat se seeru samajh gayi ki, shikha ye samajhti hai ki, aru hostel me rahti hai. Usne bhi shikha ki is soch ko nahi jhuthlaya aur us se kah diya ki, ajji apna khana pina ghar ke bahar hi karta hai.

Seeru ne shikha se huyi ye baten ajji ko bata di. Taki ajji ko shikha ki kisi baat ka jabab dene me koi pareshani na ho. Magar shikha ke dimag me to koi aur hi baat chal rahi thi. Jise samajh pana seeru to kya, kisi ke bhi bas ki baat nahi thi.

 

[Aanand]

Ko To Rok Lo {Update - 141}
____________________________

Aise me uska shikha se roj samna ho pana mumkin nahi tha. Jabki taxi uske pas rahne se wo taxi apne ghar me rakh deta aur shikha ye hi samajhti rahti ki, wo uski taxi chala raha hai.

Sab kuch thik chalne laga tha. Ek din hospital me aru ke pas baith kar shikha aur seeru aapas me baten kar rahe the. Tabhi shikha ne seeru se ajji ke ghar parivar ke baare me puchh liya.

Seeru ne shikha ko bataya ki, ajji ka parivar aru hi hai aur wo ek kiraye ke makan me rahta hai. Tab shikha ne kaha ki, aru to hostel chali jati hogi. Aise me ajji ka khane pine ka khayal kaun rakhta hoga.

Shikha ki is baat se seeru samajh gayi ki, shikha ye samajhti hai ki, aru hostel me rahti hai. Usne bhi shikha ki is soch ko nahi jhuthlaya aur us se kah diya ki, ajji apna khana pina ghar ke bahar hi karta hai.

Seeru ne shikha se huyi ye baten ajji ko bata di. Taki ajji ko shikha ki kisi baat ka jabab dene me koi pareshani na ho. Magar shikha ke dimag me to koi aur hi baat chal rahi thi. Jise samajh pana seeru to kya, kisi ke bhi bas ki baat nahi thi.

Is baat ke agle din, shikha raat ko mere hospital aane ka intejar karti rahi. Lekin raat ko mera hospital jana hamesha nahi hota tha. Isliye shikha ko mujhse milne ke liye 2-3 din intejar karna pad gaya.

Is baat ke teesre din jab mai ek marij ko dekhne hospital pahuchi to, aru ke pas meri mulakat shikha se bhi ho gayi. Waha se lautti samay shikha ne mujhse kaha.

Shikha boli “didi, aru ke bhaiya kiraye ke makan me akele rahte hai aur aise me unko khane pine ki pareshani hoti hai. Yadi wo chahe to, mere ghar me paying guest bankar rah sakte hai.”

Shikha ki is baat ne mujhe chauka kar diya aur mujhe ye dekh kar khushi bhi ho rahi thi ki, un dono ko pas lane ki humari koshish rang la rahi thi. Lekin ajji ke liye aisa kar pana mumkin nahi tha. Isliye maine shikha ko samjhate huye kaha.

Mai boli “ajji apni marji se hi kiraye ke makan me rahta hai. Warna use aman ke ghar rukne me bhi koi rok nahi hai. Aman ka ek makan yaha khali pada hua hai. Aman ne ajji ko waha rukne ko bhi bola hai. Lekin ajji rahne ko taiyar hi nahi hai. Mujhe nahi lagta ki wo is baat ke liye taiyar hoga.”

Meri ye baat sunkar shikha ko nirasha huyi. Usne mujhe apni pareshani batate huye kaha.

Shikha boli “didi, mere ghar me koi mard nahi hai. Aise me chah kar bhi kisi anjan ko apne ghar me kirayedar nahi rakh sakte hai. Lekin aru ke bhaiya ke aa jaane se, humare ghar me ek kirayedar bhi aa jayega aur ghar me ek mard ka saya bhi ho jayega.”

Shikha ki is baat me mujhe ek sachchai najar aayi. Maine na chahte huye bhi us se kah diya ki, mai ajji se is baare me baat karugi. Mai is baare me ajji ka jabab pahle se hi janti thi. Magar fir bhi maine us se is baare me baat ki aur usne aisa karne se saaf mana kar diya.

Abhi is baat ko huye 2 din hi beete the ki, aru ki dusri surgery ke agle hi din ajji kisi kaam se wapas surat chala gaya. Waha se aane ke bad wo kuch pareshan sa lag raha tha. Lekin usne koi pareshani hone se saaf mana kar diya.

Magar fir usne mujhe ye kah kar chauka diya ki, wo shikha ke ghar me paying guest ban kar rahne ko taiyar hai. Mujhe ajji ka achanak se ye badlaw samajh me nahi aaya. Fir bhi maine is baat ki khabar shikha ko de di.

Shikha ko meri ye baat sunkar bahut khushi huyi. Usne kaha ki, wo jab chahe mere ghar aakar rah sakte hai. Iske bad ajji ne apni teeno bahno se kaha ki, ab wo jaldi se jaldi unki bhabhi ko lana chahta hai. Isliye ab wo shikha ke ghar me paying guest bankar rahega.

Ajji ki ye baat sunkar, sabko bahut khushi huyi. Usi din se ajji ne shikha ke ghar me paying guest ban kar rahna suru kar diya. Ajji raat bhar aru ke pas rahta aur din bhar shikha ke ghar me rahta.

Magar ab ajji bahut thaka thaka sa aur pareshan sa lagta tha. Seeru ajji ke sath hospital me rahti thi. Isliye ye baat us se chhupi na rah saki. Uske man me is sab ko lekar bahut se sawal uth rahe the.

Agle din ajji ne seeru ko ghar chhoda aur fir shikha ke ghar chala gaya. Ajji ke jaane ke bad seeru taiyar huyi aur fir shikha ke ghar chali gayi. Waha shikha se uski mulakat huyi to, usne kaha ki, wo bhaiya ka naya ghar dekhne aayi hai.

Shikha ne bataya ki, ajji to taxi lekar chala gaya hai. Fir wo seeru ke liye chay pani lene chali gayi. Magar shikha ki is baat ne seeru ke dimag me ek dhamaka sa kar diya tha.

Seeru ne ajji ko call lagaya to, ajji ne us se kaha ki, wo apne naye ghar me aaram kar raha hai. Ajji ki is baat ne seeru ke man ke shaq ko aur bhi pakka kar diya. Shikha ke ghar chay pani karne ke bad, seeru sidhe mere pas aayi.

Usne ye saari baten mujhe batayi to, maine us se kaha ki, ajji jab se surat se wapas aaya hai, tabhi se wo kuch pareshan pareshan sa najar aa raha hai. Meri is baat ka samarthan seeru ne bhi kiya.

Maine bhi ajji ko call kiya to, usne mujhe bhi wo hi jabab diya jo, usne seeru ko diya tha. Ab ek baat to humare samajh me aa chuki thi ki, ajji humse kuch chhupana chahta tha.

Tabhi wo shikha ke ghar par paying guest ban kar rahne ko taiyar hua tha. Ye baat samajh me aate hi seeru ki aankhe aansuon se bhig gayi. Usne nam aankhon se kaha.

Seerat boli “bhabhi, lagta hai ki bhaiya kisi badi pareshani me fas gaye hai. Warna wo humse itna bada jhuth kabhi nahi kahte. Wo humse kuch chhupa rahe hai.”

Seeru ki is baat me mujhe bhi sachchai najar aa rahi thi. Lekin maine use samjhate huye kaha.

Mai boli “jis bhai ke pas tere jaisi bahan ho. Us bhai ka koi bhi pareshani kuch nahi bigad sakti. Tu fikar mat kar, mai abhi aman se is baare me baat karti hu.”

Ye kah kar, maine seeru ko apne sath liya aur sidhe aman ke pas aa gayi. Maine saari baten aman ko bata di. Jise sunne ke bad aman ne fauran hi surat ajji ke manager ko call lagaya aur waha ke haalat janne laga.

Jaise jaise aman ko waha ke haalat pata chal rahe the. Waise waise uske chehre ka rang badalta ja raha tha. Waha ke haalat jaan kar aman bhi kuch pareshan sa ho gaya aur usne humse kaha.

Aman bola “mujhe abhi hi surat jana hoga. Ajji abhi surat me hi hai.”

Aman is samay bahut pareshan lag raha tha. Seeru ne use itna pareshan dekh kar us se kaha.

Seerat boli “lekin bhaiya aisa kya hua hai, jiski vajah se ajji bhaiya jhuth bol kar surat gaye hai aur jise sunne ke bad, aap bhi surat jaane ki baat kar rahe hai.”

Seeru ki baat sunkar, aman ne usko ajji ke haalat batate huye kaha.

Aman bola “ajji iske pahle jab kaam ka bol kar surat gaya tha. Us samay uski ek mill me aag lag gayi thi. Jis se use carodon ka nuksan hua hai. Aise samay me ajji ka surat me rahna bahut jaruri tha. Lekin wo aru ko akela chhodna nahi chahta tha.”

“Wo ye baat bata kar, humko bhi pareshan karna nahi chahta hoga. Isliye wo shikha ke ghar me paying guest ban kar rahne ko taiyar ho gaya. Taki is baat ke baare me hume kuch pata na chal sake.”

Aman ki ye baat sunne ke bad bhi seeru ko tasalli nahi huyi. Usne apni chinta jahir karte huye kaha.

Seerat boli “lekin ye itni badi baat to nahi hai ki, bhaiya itne jyada pareshan ho jaye. Mujhe lagta hai ki, baat kuch aur hai.”

Seeru ki baat sunkar, pahle mujhe hairani huyi ki, wo ek mill ke jal jaane ko bhi badi baat nahi kah rahi hai. Lekin fir mujhe is baat ka aehsas hua ki, wo ajji ke pas paison ki koi kami na hone ki vajah se aisi baat kah rahi hai. Wahi aman ne seeru ki baat suni to, usne seeru ko samajhate huye kaha.

Aman bola “ajji ke pareshan hone ki vajah ye bhi ho sakti hai ki, ye mill usne apni mehnat ke bal par khadi ki thi. Ab jo bhi baat ho, ye baat waha jaane par hi pata lagegi. Isliye mai waha fauran jana chahta hu.”

Itna kah kar, aman surat jaane ki taiyari karne laga aur kuch hi der bad wo surat ke liye nikal gaya. Aman ke jaane ke bad maine seeru ko badi mushkil se samjha kar aur ye baat kisi ko bhi batane ka mana karke ghar bhej diya.

Surat pahuch kar, aman ne mujhe waha ke saare haalat bataye. Jise sunkar mujhe ajji ke itna jyada pareshan hone ki vajah samajh me aa gayi thi. Maine aman ko viswas dilate huye kaha ki, mai ajji ki har madad karne ke liye taiyar hu. Fir aman ne kuch jaruri baten bata kar call rakh diya.

Raat ko jab aman ajji ke sath wapas aaya to, usne ye baat call karke mujhe bata di. Unke aane ki baat sunte hi mai ajji se milne hospital pahuch gayi. Ajji mere pahuchne ke bad, seeru ke sath hospital pahucha.

Seeru gusse me lag rahi thi aur aate hi sidhe aru ke pas chali gayi. Uske jaane ke bad, mai ajji ke sath apne room me aa gayi aur us se surat ke haalat puchhne lagi. Ajji ne mujhe saare haalat bataye aur fir jab hum aru ke pas jaane ke liye uthe to, seeru darwaje par khadi ro rahi thi.

Ajji ne aakar, uske sar par hath fera aur uske aansu ponchh kar, use apne seene se lagate huye kaha.

Ajay bola “tu mujhse is baat ko lekar naraj thi na ki, maine tujhse ye baat kyo chhupayi. Ab tu hi dekh, jab tujhe ye baat pata chali to, tu kya kar rahi hai. Ye jo teri aankhon ke moti hai. Ye hi meri asli daulat hai aur inhe mai ek nakli daulat ke liye khona nahi chahta tha. Tera bhai ek businessman hai. Fir bhala wo apne hath se, khud apna nuksan kaise kar sakta tha.”

Ajji ki baat sunkar, meri aankhe bhi chhalak gayi. Wahi seeru us par jhutha gussa dikha kar use mukka marne lagi. Abhi bhai bahan ki ye takrar chal hi rahi thi ki, tabhi ajji ko dudte huye shikha waha aa gayi. Us ne kaha ki, aru bahut der se aapka rasta dekh rahi hai. Shikha ki baat sunkar, sab aru ke pas aa gaye.

Iske bad se ajji raat ko aru ke pas rahta tha aur subah surat jakar apni mill ka kaam dekhta. Shikha ko yahi lagta ki ajji taxi chala raha hai. Jabki baki logon ko aman ne bol diya tha ki, ajji ko kaam ki vajah se, uska roj surat jana jaruri hai. Jis vajah se ajji ke ghar me na rahne se koi sawal nahi utha.

Aru ko bas ye bataya gaya tha ki, ajji shikha ke ghar me paying guest ban kar rahne laga hai. Jise sunkar wo bhi bahut khush thi. Mere, aman aur seeru ke siwa kisi ko bhi ajji ke raat din ke is sangharsh ke baare me pata nahi tha.

Din yu hi beette gaye aur fir aru hospital se chhutti hokar ghar aa gayi. Aru ka aman ke ghar jana shikha ko ajib na lage. Isliye us se kaha gaya ki, aru ke puri tarah thik hone tak, wo aman ki nigrani me seeru aur selu ke sath rahegi.

Aru ki hospital se chhutti ho chuki thi. Isliye maine shikha ki duty wapas din me karwa di. Lekin aru ki hospital se chhutti hone ke bad bhi, ajji ka roj surat aane jaane ka silsila nahi thama.

Pahle use aru ki vajah se roj surat aana jana pad raha tha to, ab use shikha ke ghar me paying guest ban kar rahne ki vajah se roj surat aana jana pad raha tha. Is bich aru ka bhi shikha ke ghar aana jana suru ho gaya.

Pahle wo seeru ke sath shikha ke ghar gayi aur uske bad aksar nikki ke sath uska shikha ke ghar aana jana hone laga tha. Kuch hi samay me ajji ki wo mill fir se suru ho gayi aur ajji ke kaam ka bojh kam ho gaya.

Ab wo hafte me 2-3 din hi surat jaya karta tha. Dhire dhire ajji aur shikha ke bich ki najdikiyan badti ja rahi thi. Lekin dono me se koi bhi apne pyar ka ijhar nahi kar pa raha tha.

Ajji shikha se apne pyar ke ijhar ke sath sath, use apni sachchai bhi batana chah raha tha. Lekin iske liye use ek khas samay ka intejar tha aur wo khas samay ab kuch din bad aane hi wala tha ki, uske pahle hi shikha ke samne ye sachchai khud hi is tarah aa gayi.

Ab aage ki kahani punnu ki jubani….

Apni itni baat kah kar nisha chup ho gayi aur sab ki taraf dekhne lagi. Jaha barkha ke chehre par gussa najar aa raha tha. Wahi shikha ke chehre par dukh najar aa raha tha. Ab ye baat to shikha ki janti thi ki, uska ye dukh ajji ki kahani ko sunkar tha ya apne bhai ki maut ki vajah se tha.

Lekin unty ke chehre ke bhav sabki samajh ke bahar the. Wo kisi gahri soch me lag rahi thi. Jab thodi der tak koi kuch nahi bola to, nisha ne fir baat ko aage badate huye kaha.

Dr. nisha boli “aap log shayad ab bhi ajji ko galat mante hai aur aapko is baat ka viswas nahi hai ki, ajji bahut hi jaldi aap sabke samne ye sachchai batane wala tha. Wo bas sahi samay ka intejar kar raha tha.”

Nisha apni baat bolkar, ek baar fir sabki taraf dekhne lagi. Shayad use kisi ke kuch bolne ki ummid thi aur unki ye ummid bekar nahi gayi. Nisha ki ye baat sunkar aunty ne kaha.

Aunty boli “mai ajji ko galat nahi manti aur mai janti hu ki, wo apni baat kahne ke liye sahi samay ka intejar kar raha tha.”

Aunty ki is baat ne shikha aur barkha ko hi nahi, balki hum sabko bhi hairani me daal diya tha. Jaha shikha aur barkha unko fati fati aankhon se dekh rahi thi. Wahi hum sab unko hairani se dekh rahe the.

Kisi ke samajh me nahi aaya ki, aunty aisa kyo kah rahi hai. Lekin aunty ne humari hairani ko aur bhi badate huye hetal se kaha.

Aunty boli “tum shayad ajji ke manager dhiru shah ki beti ho. Jisne ek ladke ke pyar me pad kar khud ko aag laga li thi.”

Aunty ki is baat ne hetal ko bhi hairani me daal diya tha. Usne aunty ki baat ki haami bharte huye kaha.

Hetal boli “ji aunty, mai unhi ki beti hu. Lekin aap ye sab kaise janti hai.”

Aunty boli “maine tumhare papa aur ajji ke bich huyi saari baten sun li thi. Jab uski mill me aag lagne ke bad wo yaha rahne aaya to, uske rahan sahan se wo kabhi bhi mujhe ek taxi driver nahi lagta tha.”

“Lekin jab shikha ne ajji aur doctor aman ke bich ke parivarik rishton ke baare me mujhe bataya to, mujhe laga ki shayad doctor aman ke sath rahne ki vajah se hi ajji ka rahan sahan aisa hai.”

“Magar kuch samay bad ek aadmi humare yaha ajji se milne aaya. Us samay shikha duty par aur barkha college gayi huyi thi. Isliye mai unke liye chay lekar gayi thi. Tab mujhe ek aisi sachai ka pata chala ki, meri najron me ajji ki ijjat aur bad gayi. Magar maine is baat ka aehsas ajji ko nahi hone diya ki, mai unke bich ki baat sun chuki hu.”

“Ye sach hai ki, mai ye baat nahi janti thi ki, mere bete ki maut ki vajah ajji hai. Lekin aaj jab mujhe is sachchai ka pata chala to, meri aankhon me ajji ki us din ki baten goonj gayi aur maine usi pal ajji ko is sab ke liye maaf kar diya.”

Aunty ki is baat ko sunkar, hume kuch samajh me nahi aa raha tha ki, wo aisi kis baat ke baare me baat kar rahi hai. Jise soch kar un ne ajji ki galti ko maaf kar diya. Hum sab hairan the. Tab seeru ne aunty se ye baat janne ke liye kaha.

Seerat boli “aunty, aapne ajji bhaiya aur us aadmi ke bich aisa kya sun liya tha ki, aaj saari sachchai samne aane ke bad bhi, aapne ek pal me hi ajji bhaiya ki itni badi galti ko maaf kar diya.”

Magar aunty ne seeru ki is baat ka jabab dene se inkar karte huye kaha.

Aunty boli “sorry beta, mere andar itni himmat nahi hai ki, mai ye baat hetal aur ajji ki bahno ke samne kah saku. Lekin ye baat tum apni bhabhi se bhi jaan sakti ho. Jin ne mill me aag lagne ki baat to sabko bata di. Magar ajji ki pareshani ki asali vajah kisi ke samne nahi aane di.”

Aunty ki is baat se waha khade har ek ko ek jhatka sa laga. Sab ek baar fir hairat me pade, nisha ki taraf dekhne rahe the. Wahi nisha ne sabki najre apni taraf uthti dekh kar, apna sar jhuka liya. Shayad use is tarah se is sachchai ke samne aa jane ki ummid nahi thi.

 

[Rahul]

wonderfull update bhai ji

 

[Rahul]

waiting new update

 

[Aanand]

Ko To Rok Lo {Update - 142}
____________________________

Aunty ki is baat ko sunkar, hume kuch samajh me nahi aa raha tha ki, wo aisi kis baat ke baare me baat kar rahi hai. Jise soch kar un ne ajji ki galti ko maaf kar diya. Hum sab hairan the. Tab seeru ne aunty se ye baat janne ke liye kaha.

Seerat boli “aunty, aapne ajji bhaiya aur us aadmi ke bich aisa kya sun liya tha ki, aaj saari sachchai samne aane ke bad bhi, aapne ek pal me hi ajji bhaiya ki itni badi galti ko maaf kar diya.”

Magar aunty ne seeru ki is baat ka jabab dene se inkar karte huye kaha.

Aunty boli “sorry beta, mere andar itni himmat nahi hai ki, mai ye baat hetal aur ajji ki bahno ke samne kah saku. Lekin ye baat tum apni bhabhi se bhi jaan sakti ho. Jin ne mill me aag lagne ki baat to sabko bata di. Magar ajji ki pareshani ki asali vajah kisi ke samne nahi aane di.”

Aunty ki is baat se waha khade har ek ko ek jhatka sa laga. Sab ek baar fir hairat me pade, nisha ki taraf dekhne rahe the. Wahi nisha ne sabki najre apni taraf uthti dekh kar, apna sar jhuka liya. Shayad use is tarah se is sachchai ke samne aa jane ki ummid nahi thi.

Aunty ki baat ko sunkar, nisha ko is tarah sar jhukate dekh kar, sabko yakin ho gaya tha ki, nisha kuch chhupa rahi hai. Is baat par seeru ne us se sawal karte huye kaha.

Seerat boli “bhabhi, aunty ye kis baat ke baare me, baat kar rahi hai. Aapne ajji bhaiya ke baare me hum sab se kya baat chhupa kar rakhi hai.”

Seeru ki is baat ka nisha ko koi jabab nahi sujh raha tha. Usne seeru ko samjhate huye kaha.

Nisha boli “us baat ka is sab se koi matlab nahi hai. Mai wo baat tumhe fir kabhi bata dugi.”

Lekin nisha ki baat sunkar, aru ne bhadakte huye kaha.

Archna boli “kaise matlab nahi hai. Jis baat ko sunkar, aunty ne apne bete ki maut ka jara sa gam tak nahi kiya. Us baat ko aap kaise kah sakti hai ki, us baat ka is sab se koi matlab nahi hai. Yadi is sab ke bad bhi aap wo baat humko nahi batati hai to, hum ye hi samjhege ki aapki najron me humari koi aehmiyat nahi hai.”

Lekin aru ki baat sunne ke bad bhi nisha ne baat ko talte huye kaha.

Nisha boli “maine kaha na ki, us baat ka is sab se koi matlab nahi hai to, matlab nahi hai. Ab iske bad mai is baare me koi baat nahi karna chahti. Tum logon ko jo samjhna ho, samajh sakti ho.”

Jis ajji ke liye abhi sab mil kar shikha ke ghar aaye the. Ab usi ki kisi ek baat ke liye sab aapas me bahas kar rahe the. Mujhe kuch samajh nahi aa raha tha ki, ye sab achanak kya hone laga hai.

Aakhir aisi kya baat hai, jise nisha itna sab hone par bhi kisi ko batana nahi chahti hai. Ek taraf nisha ne kuch bhi batane se inkar kar diya tha. Wahi nisha ka ye jabab sunkar aru ne aur bhi jyada bhadakte huye kaha.

Archna boli “aap kya sochti hai. Yadi aap humko nahi batayegi to, ye baat hume pata nahi chalegi. Yadi aap aisa sochti hai to, aap galat sochti hai. Mai abhi jakar bhaiya se puchhti hu.”

Ye kah kar archna bahar jaane ke liye mud gayi. Lekin tabhi nisha ne uska hath pakad kar use rokte huye kaha.

Nisha boli “tumhe ajji se kuch puchhne ki jarurat nahi hai. Mai nahi chahti ki, uske jakhm fir se taja ho jaye. Mai tumko batati hu ki, wo baat kya hai.”

Ye kah kar nisha ek baar fir kisi gahri soch me dub gayi. Sab besabri se nisha ke bolne ka intejar karne lage. Thodi der bad nisha ne apni baat bolna suru kiya.

Ab aage ki kahani nisha ki jubani….

Jis din aru ki dusri surgery thi, usi raat ko ajji ki mill me aag lag gayi. Aise me ajji ko fauran surat ke liye niklna chahiye tha. Lekin ye aru ki badi surgery thi. Jis vajah se use dard bhi mehsus ho raha tha. Isliye ajji ne apne manager se kaha ki, wo kal ke pahle nahi aa sakta hai.

Magar wo waha ke S.P. ko call kar deta hai. Wo sab sambhal lege. Waha ka S.P. ajji ka dost tha. Isliye ajji ne use call karke apni stithi batayi aur waha ka mahaul sambhal lene ko kah diya. S.P. ne mauke par pahuch kar sab kuch sambhal liya.

Lekin usne shaq ke aadhar par 5 logon ko hirasat me bhi le liya. Jab un 5 logon se sakhti ke sath puchh tachh ki gayi to, un ne kabul kiya ki, ye aag lagi nahi, balki lagayi gayi thi aur isme ajji ki mills ke general manager dhiru shah ka hath tha. S.P. ne unko bhi hirasat me le liya.

Dhiru shah ajji ke pita ji ke samay se unki mills ke general manager the. Lekin ajji ke pita uko apna dost mante the aur un par pura viswas karte the. Isliye ajji ke ghar unka roj ka aana jana tha aur ajji ke parivar ka bhi unke ghar aana jana tha. Dono parivaron ke bich ek dostana mahaul tha.

Ajji unko uncle aunty kah kar pukarta tha aur hetal ajji ko bhaiya kahti thi. Ye silsila ajji ke mata pita ki maut ke bad bhi jaari raha aur ajji ne bhi unko wo hi samman diya, jo ajji ke pita ke samay par unka tha.

Yahi vajah thi ki, aru ke sath huye hadse ke bad bhi, ajji ko apne business ki koi jyada fikar nahi thi. Isi bich ek din hetal ne ajji se ek ladke ko naukri par rakhne ki sifarish ki to, ajji ne us ladke ko apne papa se mila dene ki baat kahi.

Magar hetal ne gusse me ajji se kaha ki, kya aapke liye meri koi aehmiyat nahi hai. Yadi mujhe papa se hi ye baat karna hoti to, mai aap se ye baat kyo kahti. Ab ajji hetal ko apni bahan hi manta tha.

Isliye usne hetal ki baat rakhte huye us ladke ki kabliyat ko dekhte huye, use apni nayi mill me sales manager ki job de di. Wo ladka mehanti honhar hone ke sath sath imandar bhi tha.

Kuch hi din kaam karne ke bad us lakdke ko aehsas hua ki, dhiru shah mill ke maal me bahut gadbadi kar raha hai. Ladke ne ajji ko aagah kiya ki, aapki gair-maujudgi me mill me lakhon ka her fer kiya jata hai.

Lekin ajji is baare me koi kadam utha pata ki, us se pahle hi is baat ki bhanak dhiru shah ko bhi lag gayi. Usne apni chori pakde jaane se bachne ke liye mill me aag laga di. Jab mill me aag lagi to, ajji fauran waha nahi pahuch saka tha.

Dusre din jab ajji waha pahucha to, hetal aur uski mummy rote huye ajji ke pas aayi. Un ne bataya ki, hetal ke papa ko raat ko police pakad kar le gayi. Ajji ne unhe dilasa diya aur apne dost se milne pahuch gaya.

Ajji jab apne S.P. dost se mila to, usne bataya ki, ye log tumhari mill me hera feri karte the aur apni usi hera feri ko chhupane ke liye ab ye mill me aag laga kar use hadse ka roop dena chahte the.

Ye sab baten sun lene ke bad bhi, ajji hetal aur uski maa ki vajah se, dhiru shah par koi mamla darj nahi hone dena chahta tha. Jiski vajah se wo sab log police ki hirasat se chhut gaye.

Magar iske sath hi ajji ne un sabko naukri se nikal diya aur dhiru shah ki jagah us naye ladke ko general manager bana diya. Lekin ye sab to bas ajji ki jindgi me aane wale tufan ki ek jhalak thi.

Asli baat to, ab ajji ke samne aane wali thi. Agle din jab ajji wapas surat pahucha to, un 5 logon me se ek aadmi ajji ke office me aaya. Ajji un par bahut jyada gussa tha. Isliye us ne us aadmi se milne se mana kar diya.

Lekin wo aadmi bahut musibat me tha aur ajji se mile bina jaane ko taiyar nahi tha. Tab ajji ne apne naye manager ko us se milne bheja. Wo jakar us aadmi se mila aur fir aakar, ajji ko bataya ki, kal uski beti ki shadi hai aur dhiru shah ne use paison ka lalach dekar ye kaam karwaya tha.

Magar ab pakde jaane ke bad, dhiru shah ne use paise dene se mana kar diya hai. Isliye wo madad ke liye aapke pas aaya hai. Apne manager ki baat sunkar, ajji ne apne manager se kaha ki, wo jitne paise maang raha hai, use de do. Uske karmo ka fal uski beti ko nahi milna chahiye.

Ajji ki baat maankar, manager ne usko paise de diye. Ajay ki wapsi ki flight ka samay ho raha tha. Isliye wo airport jaane ke liye apne office se bahar aa gaya. Ajji apni car me baithne hi wala tha ki, tabhi us aadmi ne aakar uske pair pakad liye. Wo pair pakad kar ajji se maafi mangne laga.

Lekin ajji us se bahut jyada naraj tha aur uski shakal tak dekhna pasand nahi kar raha tha. Ajji ne gusse me us par bhadakte huye kaha.

Ajay bola “maine tumhara kya bura kiya tha. Jo tumne mujhse badla lene ke liye, hajaron majduron ki roji roti ko jala diya. Ek mill ke jal jaane se mera kuch nahi bigad jayega. Lekin un majduron ka kya. Jinki roji roti ka sahara sirf ye mill hi thi. Mai tumhe is sabke liye kabhi maaf nahi karuga.”

Ajji ko gusse me dekh kar bhi, wo aadami ajji ke pair chhodne ko taiyar nahi tha aur us se apne kiye ki maafi mange ja raha tha. Magar jab ajji ne use maaf nahi kiya to, usne jo paise apni beti ki shadi ke waste liye the. Un paison ko ajji ke pairon ke pas rakhte huye kaha.

Aadmi bola “sahab jab aap mujhe maaf karna nahi chahte hai to, mujh par ye upkar kis liye kar rahe hai. Mujhe mere kiye karmo ki saza milni hi chahiye aur meri saza ye hi hai ki, meri beti ki doli hi na uthe.”

Ye kah kar, wo aadmi rota hua waha se jaane laga. Lekin us aadmi ke aansu dekh aur uski baten sunkar, ajji ka dil pighal gaya. Usne us aadmi ko rokte huye kaha.

Ajay bola “ae ruko, ek to galti karte ho aur apni us galti ki saza apni beti ko dena chahte ho. Wo tumhari beti hi nahi, meri bahan bhi hai aur meri bahan ki doli mere hote koi uthne se nahi rok sakta. Ye paise lo aur khushi khushi uski shadi karke mujhse aakar milo.”

Ye kah kar ajji ne jamin se paise uthaye aur us aadmi ko dene laga. Magar ajji ka ye roop dekh kar wo aur bhi jyada rone laga. Ajji ko ab jaane me der ho rahi thi. Isliye usne us aadmi ko samjhate huye kaha.

Ajay bola “dekho, meri bahan mumbai ke hospital me bharti hai. Mai yadi uske pas nahi pahucha to, wo saara hospital sar par utha legi. Mai ab aur jyada der yaha nahi ruk sakta. Mera abhi hi nikalna jaruri hai.”

Magar us aadmi ne ajji se uski ek baat sunne ko kaha. Apni baat sune bina wo ajji se kisi bhi halat me paise lene ko taiyar nahi tha. Aakhir me ajji ne us se apni gaadi me baithne ko kaha aur fir airport ke liye nikal gaya.

Raste me wo aadmi ajji ko apni baat batane laga. Jise sunkar, ajji ki aankhon se aansu chhalak gaye aur uska chehra gusse se laal ho gaya. Kabhi uski aankhon me apne maa bap ka chehra ghum raha tha to, kabhi uske dimag me us aadmi ki kahi baten ghum rahi thi.

Us ke liye kuch bhi soch pana mushkil ho raha tha. Wo samajh nahi pa raha tha ki, wo kya kare aur kya na kare. Lekin tabhi ajji ke samne aru ka chehra aa gaya aur usne apne aapko sambhalte huye us aadmi ko paise diye aur mumbai aa gaya.

Lekin mumbai aane ke bad bhi, us aadmi ki baton ne ajji ka pichha nahi chhoda tha aur wo us baat ki vajah se bahut bechain tha. Uski is bechaini ko seeru ne bhi mehsus kar liya tha aur isliye usne iski vajah janne ka faisla kiya tha.

Agle din jab meri aur seeru ki baat sunkar, aman surat pahucha to, ajji ghar me hi chahal kadmi karta mil gaya. Wo shayad kisi ke aane ka intejar kar raha tha. Achanak se aman ko apne samne pakar, wo chauke bina na rah saka.

Aman ne use apne aane ki saari baten bata di. Aman ki baat sunte, hi ajji ke dil me daba dard bahar nikal aaya. Wo apne aansuon ko bahne se rok na saka aur aman se lipat kar fut fut kar rone laga.

Ajji ko is tarah tutta hua dekh kar, aman ko samajhte der nahi lagi ki, ajji ko koi bahut badi baat pareshan kar rahi hai. Usne ajji ko dilasa hote huye kaha.

Aman bola “rota kyo hai. Tera bhai tere sath hai na. Mujhe bata kya baat tujhe pareshan kar rahi hai.”

Aman ka sahara pakar, ajji ne apne dil ka gubar nikalte huye use saari baten batayi aur us se kaha.

Ajay bola “mere mata pita ki maut koi road accident nahi thi. Wo ek sochi samjhi sazish thi. Wo ek katl tha.”

Uska chehra gusse se laal ho gaya. Usne ajji ko pakad kar hilate huye kaha.

Aman bola “tu ye kya kah raha hai. Kaun hai wo jisne ye sazish rachi thi.”

Ajay bola “wo koi aur nahi. Humara manager aur papa ka karibi dost dhiru shah hai.”

Ajji ki ye baat sunkar, aman ke dimag me ek aur dhamaka hua. Aman dhiru shah ko ache se janta tha aur use ek bahut acha insan samjhta tha. Ajji ke parivar se dhiru shah ke rishte ko bhi aman janta tha. Isliye use ab bhi apne kaano par viswas nahi ho raha tha.