Update 284 part 1
‘ tumhara dhyan kahan hai ? Tum theek se khel kyun nahi rahe ? Abhi tumhara kandha toot bhi sakta tha jaise usne tumhe pakad rakha tha. Wo to usme utni chapalta nahi thi jo tum bach gye warna aaj hi bahar ho jate. Main dekh raha hun tum khel to rahe ho par dhyan kahin aur hai. Bat kya hai , saf saf batao. Tumse kitni ummeeden hain hum sab ko tum jante ho na? ’
Aaj mukable shuru ho gye the . Pehla match main jeet gya tha magar mere khel se coach sahab khush nahi the . Ek moment me Meri bazu samne wale ne aise dao me jakad li thi k zara c chook hoti ya samne wala kuch furtila hota to mera kandha utar sakta tha . Aisa nahi tha k wo ladka jyada kushal tha , uska khel kisi bhi tarah se mujh se behatar nahi tha fir bhi mujhe aise fansta dekh coach sahab ne gaur kiya k main khel to raha hun par focus nahi hai khel me . Bhari bharkam wait category hone ki vajah se waise to mere group k ladke kam hi the aur jo bhi the wo jyadatar furtile nahi bas bhari bharkam hi the isi vajah se main pehle hi sab se 21 tha . Jab coach sahab mujhe daant rahe the tab Varinder sir bhi kareeb aa gye aur hamari bat sunte rahe .
Amit : sorry sir , dobara aisi galati nahi hogi.
Coach : honi bhi nahi chahiye , ye khel asan khel nahi hai . Ye tum ache se jante ho. Zara c laparawahi Umar bhar k liye apahij bhi bana sakti hai. Tum to sab se kushal ho fir bhi aisi galti kar rahe ho. Tum hi aisa kheloge to Baki sab kya karenge .
Amit : main dhyan se khelunga sir dobara galati nahi hogi
Coach sahab ne mera kandha thapthapa kar mujhe rest karne ko kaha 1 ghante bad mera fir se match hona tha kisi dusre khiladi k sath . Main wahan se wapis us jagah aa gya jahan hamari team k liye jagah thi. Man me nirasha bhi ho rahi thi k main sahi se khel kyun nahi pa raha . Shayad iski vajah kahin na kahin nidhi didi thi. Main chah kar bhi unse dhyan hata nahi pa raha tha . Main apni jagah par aa kar baitha to kisi ne mere kandhe par hath rakha Maine sir utha kar dekh to Varinder sir the .
Amit : sir aap
Varinder : kya bat hai ? Tum kuch pareshan ho . Agar koi bat hai to mujhse keh sakte ho.
Amit : nahi sir aisi koi bat nahi hai .
Varinder : dekho beta man me bat rakhne se insan kuch bhi ache se nahi kar pta. Jaise paon me janta chubha ho to theek se chala nahi ja sakta usi tarah man me koi bojh ho to insan chah kar bhi focus nahi kar pata . Tum bhi kuch aisi hi condition me lag rahe ho, tum ek bahut ache khiladi k sath ek ache insan bhi ho. Main nahi chahta k tumhare sath kuch bhi galat ho. Is liye man me jo bhi bat hai wo bata do. Mujhse nahi to kam se kam aise kisi se bat karo jisse bat kar k tumhe acha lagta ho . Baat karo , tabhi tum sahi se khel paoge focus kar paoge .
Mujhe samjha kar Varinder sir chale gye dusre khiladiyon ki taraf. Wo bari bari se sab k pas ja ja kar nazar rakh rahe the . Waise to coach the hi har khel k par Varinder sir khud incharge the to wo ek minute bhi aram se nahi baith rahe the . Yahi to dedication that unka .
Varinder sir ki bat par amal karte hue maine turant ghar par phone kiya aur ma se bat ki. Is bar maine nidhi didi ko phone ni kiya . Main unke bare me soch kar fir se dhyan bhatkana nahi chahta tha . Is liye ma aur Deepika mami se hi bat ki. Uske bad agle mukable k liye khud ko taiyar karne laga .
.
‘ Kya bat hai papa aap mujhe aise kyun itni jaldi me bula rahe the ? ‘
Sheena ghar pahunchi to uska baap BALJEET rai aur uski ma Megha dono sath me hi baithe hue the aur dono k chehre par khushi thi . Sheena k aate hi BALJEET rai ne use gale se laga liya aur apne sath bithaya .
BALJEET rai : baat hi kuch aisi hai , ,,,tere liye ladka pasand kar k aa raha hun main . Apni pyari si rajkumari k liye rajkumar dhundha hai maine .
Sheena apne baap k muh se ye bat sun kar ek dam shocked ho gyi aur apni jagah se khadi ho gyi .
Sheena : ye aap kya keh rahe hain papa
BALJEET rai : wahi jo tum sun rahi ho meri gudiya , tumhare liye aisa ladka dhoondha hai k dhoondhe se bhi na mile . Heera hai heera
Sheena : par mujhe shadi nahi karni
BALJEET rai : ha ha ha , dekha Megha hamari beti kaise sharma rahi hai , doston me kaise hitler bani rehti hai aur ab apni shadi ki bat par kaise sharma gyi . Ladkon ko satane me tumhe maza ata hai na , isi liye college me kitne ladkon ki watt laga chuki ho tum. Main janta hun tumhe college me ek bhi ladka pasand nahi aya abhi tak. Aayega bhi kaise , koi hamari haisiyat ka ho bhi to . Aur meri beti ki takkar ka to koi ho bhi nahi sakta . Par maine bhi jo ladka dhoondha hai wo lakhon me ek hai. Intelligent bhi aur smart bhi upar se khandan bhi acha hai . Aur janti ho , tum usse mil bhi chuki ho .
Sheena : papa mujhe shadi nahi karni
BALJEET rai : shadi nahi karni ? Ye kya bat hui ? Shadi to ek na ek din karni hi padti hai. Aur aise rishte to kismat se hi milte hain. Pata bhi hai ladka kitna perfect hai tumhare liye . Ghar bar karobar har mamale me hamari haisiyat se Mail khata hai . Aur hamare to unse relation bhi kitne purane hain . Janche parkhe log hain. Tum is ghar me raaj karogi. Akela akela beta hai , sari jaydad ka akela waris aur London se mba kar k aya hai . Sabse badi baat uski smartness , abhi se apne baap ka sara karobar sambhal liya hai usne .
Sheena : par papa main shadi karna hi nahi chahti fir aap kyun bar bar ye bat kar rahe hain
Megha : shadi kyun nahi karni tujhe ? Ek na ek din to shadi karni hi padti hai . Fir tujhe kya problem hai .
Sheena : mujhe shadi nahi karni bas
Megha : aise kaise shadi nahi karni , bahut ho gyi tumhari nadaniya . Chupchap apni degree puri karo fir hun tumhari shadi kar denge . Monty aa jaye to tumhara rishta pakka kar denge . Aur is mamale me mujhe kuch nahi sunna . Samajh gyi ?
Megha ne talkhi se bat ki to Sheena bhi taish me aa kar bol padi
Sheena : aap ko meri parwah karne ki koi zarurat nahi , ma hone ka hak aap pehle hi Kho chuki hain. Aur agar meri marzi k bina aapne kuch karne ki sochi to main ye ghar chhod k chali jaungi
Itna keh kar Sheena bhag kar apne kamre me chali gyi . BALJEET rai uske jane k bad thoda pareshan aur gusse se wapis apni jagah baith gya . Megha bhi gusse se bhar gyi thi
Megha : dimag kharab ho gya hai is ladki ka .
BALJEET rai : sab tumhari ho galati hai , din rat tujhe apne club aur partiyon se fursat hi kahan hai k ghar par bhi dhyan do. Sheena tumse bat karna pasand nahi karti aur ek wo nalayak hai pata nahi kahan ja kar baitha hai . Kitne mahine ho gye use gye hue ? Kuch khabar bhi hai uski ?
Megha : acha ? Sara mera kasoor hai ? Aur khud jo ayiyashiyan karte rehte ho bahar uska kya ? Kabhi tumne dhyan diya hai apne bacho par ya mujh par . Jao khud hi samjhao apni nakcharhi beti ko. Apni ma se to bat karni tameez bhul gyi hai ye.
BALJEET rai : mujh par ungali mat uthao maine jo bhi kya tum sab ki bhalai k liye kiya hai. Aur tum kya karti firti ho kya main nahi janta ? Tumhari vajah se hi dono bigad gye hain.
Megha : muh mat khulawao mera , tum kya karte rehte ho kya mujhe nahi pata ? Zarur tumari us sauteli behan ne hi iska dimag kharab kiya hai . Jab se wo aayi hai tab se sab bigad hi raha hai is ghar me .
Muh ne budbudati hui Megha uth kar chali gyi aur BALJEET rai Megha ki kahi akhiri bat par sochne lag gya . Kahin na kahin ye bat sahi thi k jab se Manju wapis aayi thi tab se uski beti badal gyi thi . Aur wo hi kyun , Rupali bhi uske hath se nikal gyi thi aur rina ko pane ki hasrat bhi adhuri reh gyi thi uski . Gusse se bhara BALJEET rai abhi Sheena se bat nahi karna chahta tha is liye uth kar ghar se nikal gya .
.
‘ ma ye aap kya kha rahi ho ?’
Radha jaise hi ghar me enter hui to samne divya ko sofe par baithe kuch khate hue dekha. Dekhne me pasta jaisa kuch lag raha tha par ghar par aisa kuch kam hi banta tha . Is liye Radha hairan thi.
Divya : tum aa gyi , lo tum bhi kha kar dekho bahut acha bana hai . Aaj tak maine itna tasty paata ni khaya .
Radha : par ma ye pasta aaya kahan se? Aap to banati nahi .
Divya : khun se nahi aya apne kitchen se hi aya hai.
Radha : kitchen se matlab ?
‘ maine banaya hai , lo tum bhi khao . Aur ye coffee bhi ready hai paste k sath special. ‘
Sanjay kitchen se hath me tray liye hue nikla jis me coffe k teen cup aur pasta tha Radha k liye bhi. Radha ki hairani ka thikana nahi tha ek to Sanjay ko ghar me dekh upar Sanjay ko uski ma ne kitchen me ghusne kaise diya ye soch kar .
Radha : ye sab ?
Divya : maine to kitna mana kiya tha ise par ye keh raha hai aaj iski mom ka birthday hai . Ye apni ma ko birthday par aise hi apne hathon se bana kar khilata hai har bar. Is bar wo yahan nahi hai to mujhe hi bana kar khila diya . Waise acha bana hai tumhari ( Sanjay ) ma sach me lucky hai k itna acha beta mila . Pata hai is ne apni ma se meri bat bhi karwayi phone par .
Radha to kuch samajh hi nahi pa rahi thi. Upar se Sanjay ne use pasta aur coffee thama di aur khud divya k pas baith gya .
Sanjay : main lucky hun Aunty k mujhe itne ache mom dad mile. Waise is mamale me Radha jyada lucky hai. Aap bhi bahut achi hain.
Divya : ab bas bhi karo aur kitni bar tareef karoge . Radha tum Kya soch rahi ho kha kar dekho to sahi.
Radha divya ki bat sun hosh me aayi aur beman se thoda sa kha liya . Par uska dimag abhi bhi jaise shock me tha . Pehli bar uske ghar me is tarah koi bahar wala aya tha aur hairani is bat ki thi k divya jo kisi ko ghar me ghusne nahi deti thi wo aaj Sanjay ko itni chhoot de rahi thi.
Sanjay : lagta hai Radha ko pasand nahi aya mere hath ka pasta .
Divya : pasand kyun nahi aayega itna acha to bana hai.
Radha to km hi bat kar rahi thi aur Sanjay bhi jyada divya se hi mukhatib tha . Kuch der aur baton ka silsila chal aur fir Sanjay jane k liye taiyar ho gya .
Sanjay : acha Aunty ab chalta hun, der ho rahi hai.
Divya : theek hai beta , acha laga tumhare sath baten kar k . Aa Jaya karo kabhi kabhi aur minal ko bhi lete ana agli bar
Sanjay : zarur aunty , aap bhi ana kabhi.
Divya : theek hai . Dhyan se jana .
Sanjay ijazat lekar chala gya par radha to apni ma ko aise dekh kuch jyada hi hairan thi abhi tak
Radha : ma ye sab kya hai ?
Divya : kya matlab ? Are uski ma ka birthday tha aaj , bechara bahut miss kar raha tha apni ka ko. Mujhse dekha nahi gya , usne zid ki to main mana nahi kr payi. Aur fir usne apni ma se bhi meri bat karwayi . Ab ise isse thodi si khushi mil gyi to hamara kya gya isme ?
Radha : ma abhi to hum use ache se jante bhi nahi aur aap use aise hi ghar me aane de rahi hain .
Divya : ab isme janna kya hai ? Minal ka bhai hi to hai. Ladka to acha hi laga mujhe , apne ma bap ko kitna pyar karta hai. Aise ladke kam hi hote hain aaj kal. Waise tu kyun itna soch rahi hai ?
Radha : is liye k aaj tak is ghar me koi nahi aya amit k ilawa aur aap use amit ki jagah de rahi hain ?
Divya : tumhara dimag to theek hai? Amit ki jagah koi kaise le sakta hai ? Aisa kabhi sochna bhi mat . Magar tu itni kyun naraz ho rahi hai usse ? Agar koi bat hai to bata main mana kar deti hun use .
Radha ab kya kehti akhir bat to abhi tak koi thi bhi nahi. Is liye chupchap apne kamre me chali gyi.
.
‘ itni der kahan laga di ? ‘
Minal ne Sanjay ko ghar aate hi gher liya . Sanjay bas muskurata hua use kamre me chalne ka ishara kiya aur dono kamre me aa gye . Sanjay jhumta hua bed par ulta gir gya aur bas muskuraye ja raha tha.
Minal : kuch bolega bhi ?
Sanjay : Radha k ghar ka entry pass mil gya hai aaj mujhe
Minal : shocked ) kyaaa ??? Entry pass , tum Kya keh rahe ho ? Main kuch samjhi nahi .
Sanjay : matlab k main ab Radha k ghar ja sakta hun bina kisi tension k.
Minal : magar ye sab hua kaise ? Radha maan kaise gyi ?
Sanjay : Radha nahi Radha ki mom maan gyi hai . Radha bhi ek na ek din maan hi jayegi.
Minal : Aunty man gyi ? Magar kaise ? Tum ye paheliyan kyun bujha rahe ho . Sari bat batao na
Sanjay : bata raha hun bata raha hun , jaldi kya hai . Mujhe pta tha koi na koi Radha ko mere sath jane se rokega is liye maine ye sab pehle hi plan kar liya tha . Is liye Radha jab sheeena k sath gyi to main sidha Radha k ghar chala gya. Main chahta tha k Radha ghar par na ho aur dekho meri kismat Radha Sheena k sath kahin aur chali gyi jisse mujhe extra time mil gya aunty se bat karne ka.
Minal : par tumne Aunty se kya kaha
Sanjay : kuch nahi bas thoda sa jhuth ka tadka laga diya aur thodi si acting aur bat ban gyi .
Minal : main kuch samjhi nahi
Sanjay : Maine aunty se kaha k aaj ma ka janmdin hai aur thoda sa emotional drama. Fir kya tha aunty ka ma wala pyar jhalak pada. Aur fir maine unhe apne hath se pasta bana kar khilaya . Tumhe to pata hi hai ek hi cheez mujhe aati hai aur usi ka fayda uthaya . Wo bhi meri baton me aa gyi .
Minal : tum to bade chalu nikale , par aunty maan kaise gyi ? Matlab unhone yakeen kaise kar liya .
Sanjay : yakeen karwana kaun sa mushkil hai. Maine mom ko pehle hi phone kar k bata diya tha k unhe kya kehna hai. Wo pehle to maani nahi par jab maine bataya k Maine unke liye bahu dhoondh li hai to maan gyi. Unki madad k bina to ye kam hona nahi tha. Bas itne se hi aunty ko vishvas ho gya meri bat par . Ab to wo mujhe beta hi samajhne lagi hain apna . Aur mujhe aate rehne ko kaha hai . Radha to sidha sidha maan nahi rahi thi is liye socha aunty ko hi pehle sheeshe me utarun . Ab to jab chahe main udhar ja sakta hun .
Minal : hmmm , to tumne mami ji se bhi jhuth bulwa liya . Par tumhe nahi lagta tum jald bazi kar rahe ho ? Aise to Radha ko shak bhi ho sakta hai tum par .
Sanjay : janta hun, is liye maine usse jyada bat nahi ki . Aur main uske samne abhi jaunga bhi nahi taki use shak na ho. Magar mujhe sab jaldi krna hoga , us pehelwan k aane se pehle itni jagah to banani hogi na k wo kuch kar na paaye .
Minal : par baki sab ka kya ?
Sanjay : unka bhi koi na koi hal ho hi jayega . Ek bar Radha mujhse ache se bat karne lage to fir kiski parwah hai . Abhi to wo sahi se bat bhi nahi karti. Par mujhe yakeen hai agar aunty k dil me jagah ban gyi to fir Radha bhi bach nahi payegi .
Minal : lage raho , sahi ja rahe ho. Matlab ab meri saheli meri bhabhi ban k rahegi he he he
Sanjay : yakeenan , ab to Radha ko apni bana kar hi rahunga .
Minal aur Sanjay kaafi der tak Radha ko lekar bat karte rahe . Aur aaj ka din bhi aise hi nikal gya .
Join Our
Discord Server
For Daily Updates
