Update 7
☆ Chapter : 666 Shaitaan ka Number ☆
Ab tak............
.
.
.
.
Kachuwa : kiya kaha tum dono nai Garevyaad kothi ka Darwaja khola khola par kiyu ,tume pata nhi hai kya Garevyaad kothi yakshini ka dusra thikana hai , ab wo kisi ko nahi chhodegi sab mardo ko apna Shikar banayegi
Yug : tum donon abhi tak Nahin Badle vaise hi jhagadte ho jese Bachpan Mein jhagadte thye hai naa
Bindu hairaani ke saath yug ko dekhte huye kahati hai..........
tumhe kahi dekha hai , Kya mai tumhe pahle se jaanti hu........
.
.
.
.
Ab Aage..........
.
.
.
.
Abhi bindu ko samjhate Hue Kahta Hai.........
Abhi : Yaar Bindu Teri Naa bachpan ki Aadat abhi tak Gai Nahin Hai Kabhi Bangali Mein Baat Karti Hai To Kabhi Hindi Mein Tujhe Pata Hai naa Yug ko Nepali Tak nahin aati to Bangali kahan se Aaegi Tu Naa isse Hindi mein baat kar samjhi
Bindu apni Galti mahsus karte hue kahati hai..........
Bindu : Are sorry han main Bhul Gai thi , Tum Kab Aaye Yug
Yug : Bus main kal hi Aaya Bindu
Kachuwa Bindu ke Haath Mein Chai Ki try Dekhte Hue Kahta Hai
Kachuwa : ab Bindu sirf kayar Ko........
Kachuwa apni baat Puri kar Pata usse pahle kayar use ungali dikhate Hue Kahta Hai..............
Kayar : Kya bola kachuwe tu Kayar Nahin keraw jarj naam hai mera Samjha kachuwe Kahin ke
Kachuwa : Are wo to auro ke liye hamare liye to tu wahi rahega naa hamara kayar hamara sayar , tu distrub mat kar mai abhi Bindu se baat kar raha hu naa
Kachuwa : To ha bindu mai bol raha tha ki tu shirf apne ye Bachpan ke dil jale Aashiq kayar Ko hi chai degi yaa hame bhi pilayegi
Bindu gussa hote huye bolti hai........
Bindu : tumi ki bolbe kachuwe ( tumne kiya bola kachuwe ), jara ek or baar bolna
Kachuwa : kuch nhi kuch nhi , wo mai kah raha tha ki teen cup chai laa dena or kayar Ke khate mai likh dena
Bindu : Ha Ha Pata Hai teri jeb se kabhi ek kodi bhi nikala hai kanjus
Bindu kuch or bolti usse pahle hi dukan ke ander se uski Maa ki awaaj sunai deti hai....
Bindu mom : ekhane aeso Bindiya
Bindu : ami ae chhil maa
Itna kahkar bindu apni maa ke pass jane lag jaati hai
Bindu ko apni maa ke pass jaate waqt yug ki nigaahe bindu ke piche gaand par tiki hui thi bindu ki gaand gol matol thi jisse bindu ke chalne par uski gaand mai uper niche thirkan ho rahi thi
bindu ki gaand dekhane mai yug kho saa gya tha Yug ko yuh khota huya dekh kar abhi yug ki nazaro ko notice kar leta hai or yug ke kaano mai dhire se bolta hai......
Abhi : kiya hua tu bindu ko dekh kar itna kho kiyu gya...?
Yug : ( man mai ) Lagta hai Abhi ko sak ho gya mai kiya dekh raha hu
Yug : yaar Kuchh Nahin bus Yahi Soch Raha Hun Ki jaldi to Padhne Mein dikhne Mein Ham Sab Logon se bhi Hoshiyar thi Fir ye Chai Ki Dukaan Kaise Aisa Kya Ho Gaya ki use Chai Ki Dukaan chalani pad rahi hai
Kachuwa : yah sab yakshini ki vajah se hua hai Yug
Yug chokkte huye kahata hai..........
Yug : kya kaha yakshini ki vajah se
Kachuwa : jab tum Banglore chale gye thye usi waqt yakshini nai bindu ke pita ( father ) ko apna Shikar bana liya tha , ab tujhe to pata hi hai bindu ka ghr uske pita hi chalate thye , unke gujar jaane ke baad wo or uski Maa akele ho gyi tab bindu nai apni maa ka haath batana suru kar diya or ye Dukaan open karli , bindu padhai bhi karti hai or saath mai chai or kahane pine ki dukaan bhi chalati hai
Yug : Acha
Yug : ( man mai ) Acha hua baat ko ghuma diya nahi to abhi ko sak ho jata ki mai bindu ki gaand dekh raha tha wese ye galt baat hai bindu meri friend hai or mai use es nazar se dekh raha tha wese bindu ki gaand hai mast
Abhi : ( man mai ) mai bhi naa yrr khamokham yug par sak kar liya ki wo bindu ki gaand dekh raha tha wese bindu ki gaand hai mast kayar Ko sahi maal mili hai hahaha
Abhi : chhod naa yrr ye sab ye sab to chalta hi rahta hai aesa kon saa sakh hai jiski jindgi mai gam nhi hai ek naa ek din to sab ko marna hi hai naa iska matlb ye thodi naa hai ham jinaa chhod denge
yug abhi ki baat samajh jaata hai aur kahata hai...........
Yug : "tera kahna bhi thik hai abhi, apano ke gujar jaane ke baad bhi insaan ko jeena padata hai, apane liye naa sahi par apane karm ke liye , vaise kayar tu bata kaisa hai aur kya chal raha hai aaj kal..?"
kayar is sawaal ka javaab deta usse pahle hi Kachuwa phataak se bol padata hai.........
Kachuwa : kya kar raha hai ye vahi kar raha hai jo bachapan mein karata tha, bindu par lain maar raha hai aur bindu abhi tak ise bhaav nahi deti, bachapan ki tarah prem patr likhata hai par bindu ke liye nahi school mein padhane wale bachcho ke liye usi ke paise milate hai ise aur usi ke badaulat gujaara chal raha hai
kayar kachuwe ko majaak mein kanapati par maarate hue kahata hai.........
Kayar : kuchh bhi mat bol samajha kachuwe tu, bahut jald bahut bada shaayar banane waala hoon main, bas ek baar meri kitaab publish ho jaye phir dekhana har jagah mera hi naam hoga, wo to abhi kismat kharaab chal rahi hai isliye koi publishar milata nahin
Kachuwa : milega bhi kaise teri shayari hi aesi hai ki zahar ka kaam karati hai samajha tu
kaayar ko pata tha ki Kachuwa se bahas karana bekaar hai isiliye vo yug se kahata hai
Kayar : yaar yug tu na is Kachuwa ki baaton mein mat aa tujhe to pata hai iski bachapan ki majaak karane ki aadat hai, tu bata kaise aana hua vo bhi 12 saal baad
yug kaayar ko bhi uske job aur startup ke baare mein sab kuchh bata deta hai saari baat sunane ke baad kayar hairaani ke saath kahata hai.......
Kayar : "yug tu paagal to nahin ho gaya, tu shahar mein drags leta tha kya?
Yug: nahin to, kiyu, kya hua, plan pasand nahin aaya kya..?
yug : yaar ye tera plan hai ya logo ko maarne ka tarika, tujhe pata hai na vo grevyaard kothi kabristaan ke uper bani hai aur tu kabristaan ke uper kheti karane ka soch raha hai maan le hamane kheti kar bhi li aur phasal bhi ug gaye to kharidega kon , log vaha ki sabjiyaa khaane se pahale darenge ye sochakar ki kahi bhoot na aa jaye khaakar
yug chidhate hue kahata hai.........
Yug : yaar main na ek-ek ko samajhaakar pareshaan ho gaya hoon ab main kisi ko nahin samajhaane waala yadi tum teeno ko mera saath dena hai to do warana main akele bhi kar sakata hoon, mujhe mera kaam shuroo karane ke liye kisi ke saath ki jaroorat nahin, mujhe ab koi nahi rok sakata koi yakshini bhi nahi samajhe tum
koi kuchh kahta usse pahale hi waha par ahamd jo bindu ki hi dukaan par kaam karata tha chai ki tre laakar rakh deta hai ahamd ki umar karib solah-satrah saal hogi ahamd chai dekar wha se chale jaata hai
yug abhi Kachuwa or kayar chai pine lag jaate hai
charo ke beech khaamoshi chhaayi hui thi yug ke chehre se hi dikh raha tha ki vo naaraz hai aur use kuch bhi samajhainge to vo samajhane vaala nahin ha kayar chai pite hue kahata hai.....
Kayar : "thik hai main taiyaar hoon par meri ek shart hai."
yug hairaani ke saath kahata hai.......
yug : "ab teri kya shart hai, pahle ye kachuwe ki shart aur ab teri shart, bata kya shart hai...?"
Kayar ; yaar dekh tere papa bhi ek lekhak thye na
yug : haan, to....?
kayar : to yaar teri koi publishar se baat cheet ho to meri bhi kitaab publish karw dena, tere papa to bahut bade lekhak the
yug kayar ko samajhate hue kahata hai......
Yug : yaar kayar mere papa lekhak thye main nahin samajha, tujhe pata hai na ab mere papa is duniya mein nahin hai phir bhi aise sawaal kar raha hai
kayar udaas ho jaata hai
yug kayar ka chehara dekhate hue kahata hai....
Yug : mere paas ek do publishar ke number hai main unase baat karake dekhunga tere liye
Yah baat sunakar kayar khush ho jaata hai aur yug ko gale lagate hue kahata hai.....
kayar : shukriya, shukriya mere bhai
kuch der baad...........
yug, abhi, Kachuwa aur kayar grevyaard kothi ke andar the aur pichhale chaar ghante se vo log grevyaard kothi ki safai kar rahe thye
yug ke haath mein safai wala kapada tha to abhi aur kayar ke haath mein jhaadu aur kachuwe ke haath mein poncha jisse wo pure gravyaard kothi ko chamka raha tha jaise-jaise grevyaard kothi ke dhool saaf hote ja rahe thye grevyaard kothi ki raunak badhati jaa rahi thi chaaro hall ki safai kar hi rahe thye ki tabhi kayar ka mobile bajane lag jaata hai
"Ami je tomaar shudhu je tomaar"
yahi ringtune kayar ke mobile mein baj rahi thi jise sunakar Kachuwa dar jaata hai or kachuwa kayar par chillaate hue kahata hai........
kachuwa : yaar kayar tujhe koi aur ringtune nahi mili thi kya, maana tu Bangali ladki ko pasand karta hai iska matlab yah to nahi na ki tu ringtune bhi Bangali rakhega or rakha to kam se kam is grevyaard kothi mai badal le mere bhai
kayar jeb mein se mobile nikalte hue kahta hai...
Kayar : yaar aur koi sa Bangali mein gaana hi nahi mila
Kayar : kya kaha bangaali mein gaana nahi mila itane saare to gaane hai tujhe amitaabh bachchan ka aikala chaulabo re gaana nahi mila, itana achcha
kayar kachuwe ki baat ka kuch jawaab nahi deta hai aur phon uthate hue kahta hai......
Kayar : ha bindu kya hua
bindu : kayar kotho hoy...?
kayar : grevyaard kothi mein bindu
bindu :ki shekhaane tumi ki karochho...?
Kyar : tumhe msg mein bataya tha na ki yug ab yahin rahega to grevyaard kothi ki safai karne ja raha hoon
bindu : wonmaine msg nahi dekha, waise jaldi se yahan par aa jao wo raashan khatm ho gaya hai dukaan ka, to use lene mendipthaar jaana padega abhi
Kyar : haan bindu bas abhi aaya do minute rukna
itana kahkar kayar phone rakh deta hai aise jese hi kayar phone rakhata hai Kachuwa kayar ko ghurte huye kahata hai.........
Kachuwa : lo aa gaya kayar saahab ko bulawa waise to bindu lain nahi deti par jab kaam padta hai to phataak se bol deti hai, ye ladkiya na badi chalak hoti hai jab kaam padta hai tabhi inhe hamari yaad aati hai warna vo apne raaste aur ham apne
kayar kachuwe par chidhate hue kahata hai.......
kayar : aur ham ladke log kam chalak hote hai kya, hm bhi to sirf ladkiyo se sirf ek cheej chahiye hoti hai aur wo hai unka tan hai na
Kachuwa samajh gaya tha ki kayar usse naraaz ho gaya isliye wo apni galat mahsoos karte huye kahata hai..........
Kachuwa : sorry yaar main majak kar raha tha mujhe nahi pata tha tujhe bura lag jaega
kayar : yaar kachuwe tujhe kitani baar bola, tujhe mujhse majak karna hai kar, meri shayari ke saath karna hai kar, par meri bindu se mat kar aur naa hi uske baare mein kuch bol, tujhe pata hai na usse kitana pyaar karta hoon main
Kachuwa : sorry yaar
kayar : ye sorry worry chhod aur mera ek kaam kar
Kachuwa hairaani ke saath puchata hai.......
Kachuwa : kaisa kaam
kayar jhaadu kachuwe ke haath mein dete huye kahata hai..........
Kayar : mere hisse ki bhi safai tu hi kar dena, jab main lautu to ye kothi saf honi chahiye samjha
Kachuwa muh banate huye kahta hai........
Kachuwa : ha samajh gaya
kayar yug ki tarf dekhate huye usse kahta hai.....
Kayar : yug main nikalta hu sorry yaar par kya karu bindu ne bulaya hai mana nahi kar sakta par tu phikr mat kar jaise hi kaam khatm hoga main yaha wapas aa jaunga
yug kaayar ke kandhon par haath rakhate hue kahata hai..........
yug : Ha main samajh sakta hu, bindu achi ladki hai, uska kabhi saath mat chhodna, i no usne haa nahi bola par jald bol degi uske aankhon mein tere liye pyaar saaf dikhta hai mujhe
kayar wha se chala jaata hai kayar ke jaane ke baad Kachuwa yug se kahata hai.......
kachuwa : yug yaha niche to pochha laga diya hai maine ek kaam karata hoon main uper wale kamaro mein jhaadu maar kar aata hu, tum dono jab tak yaha hall ki safai kar lo
yug : ha thik hai par sambhal Jana girna mat
Kachuwa : mujhe kya gira hua insaan samajha hai jo main gir jaunga
itna khakar Kachuwa sidhiya chadhate huye uper wale kamaro ki taraf jaane lag jaata hai
abhi yug ki trf dekhte huye puchta hai......
abhi : "yug ek baat puchhu..?"
yug : ha puchna abhi
Abhi : yaar jab tu kayar ko samajha raha tha na pyaar ke baare mein us waqt teri aankhon mein ek alag si chamak thi aur aisibchamak
kisi ki aankhon mein tabhi dikh sakati hai jab usane bhi kisi se pyaar kiya ho
yug bich mein hi abhi ko tokate huye kahata hai...
Yug : yaar tu puchhana kya chahata hai sidhe-sidhe puchna, yu ghuma phira kar kiyu baate kar raha hai
abhi : yaar main ye puchna chahata tha ki Banglore mein tujhe hamari bhabhi mili yaa nahi
abhi ki baat sunkar yug sharma jaata hai......
abhi : tere chehare ki ye muskaan dekhakar main confirm ho gaya ki tujhe hamari bhabhi mil chuki hai to bata na kya naa hai bhabhi ka
Yug : shalini Mehra
Abhi : Wah yaar naam to bahut khubsurt hai ,dikhne mai to usse bhi khubsurt hogi , mobile mai to photo jarur hogi to dikhana mai bhi to dekhu bhabhi kesi dikhati hai
Yug apna pars (wallet ) nikalta hai or usmai se ek passport size ka photo abhi ko dekhate huye kahata hai..........
Yug : ye hai shalini
Photo ke ander ek bhut hi khubsurt ladki thi jiska lamba sa chehara tha kaale-kaale lambe-lambe baal, sunahari aankhen aur gulaabi honth shalini itani khubsurt thi ki koi bhi use dekhate hi usaka diwana ho jaye
abhi photo to dekhate huye kahata hai............
Abhi : yaar bhabhi to bahut sundar hai par tujhe bhi manna padega 21st century ke jamane mai 99 ka pyaar lekar chal raha hai
yug : wo baat nahi hai yaar mobile ki saari photos delete kar di hai maine shalini ki
Abhi : kya kaha bhabhi ki saari photos delete kar di par kiyu..?
yug : yaar jo log hamare jindgi mein nhi rahate hame unhe apne mobile se bhi nikaal dena chaahiye kiyu ki mobile bhi aapki dusri jindgi hi hota hai jiske saath aap hamesha rahate ho
Abhi : yaar teri baate mere samajh mein nahin aa rahi hai aur tu ye bata tune bhabhi ki photos mobile se delete kiyu kar di kiya tera aur bhabhi ka breakup ho gaya...?
yug : yaar abhimanyu pahale to tu na shalini ko bhabhi bolna band kar samajha tu aur hamara brekup nhin hua ham alag ho gaye
Abhi : alag ho gaye par kiyu yaar, abhi-abhi to tune mujhe khushi di aur ek pal mein wo khushi mujhse chhin li, aakhir tere aur bhabhi sorry shalini ke bich mein hua kya tha ki tum alag ho gaye aur agar koi chhota-mota jhagda hai to yaar wo har relationships mein hote hai aajkal isi se to pyaar badhta hai
yug kuch jawab nahi deta wo safai karne ka natak karne lag jata hai
aAbhi : yaar yug tu na muh mat pher, batana aakhir tu shalini se kaise mila aur tum alag kyon ho gaye, main janna chahata hu bata
Yug : yaar tu kya karega jankar chhod ye sab buri yaadon ko bhool jau usi mein bhalai hai
Abhi : are aese kaise chhod du yaar, tujhe nahi pata dard baatne se kam hota hai, i no main tera dard kam nahi kar sakta par us dard se gujrane mai tera saath jarur de sakta hu
abhi ke force karne par yug use shalini ke bare mai batane ke liye razi ho jaata hai
yug : yaar mai aur shalini na..........
abhi yug ne itna hi kaha tha ki tabhi Kachuwa ki jor se chikhane ki awaaj sunai deti hai
"AAaaaaaaaaaaaaa"
abhi hairani ke saath kahata hai............
Abhi : yaar ye cheekh to kachuwe ki hai
yug: haan yaar usi ki hai, pata nahin kya ho gaya ise, chal chalkar dekhte hai kiya hua
yug aur abhi bhagte-bhagte uper waale kamre ki or jaane lag jaate hai jab wo kachuwe ke paas pahuchate hai to dekhte hai ki Kachuwa ek kamre ke saamne bhoot bankr khada hua tha jiska darwaaza laga hua tha dar ke kaarn kachuwe ke haath pair abhi bhi kapkapa rahe they usko dekhkar aisa lag raha tha jaise usne koi bhoot dekh liya ho abhi phatak se kachuwe se puchata hai
Abhi : kya hua Kachuwa tu chikha kiyu
kachuwa itna dar gaya tha ki kuch nahi bol paa rha tha usaki aankhe abhi bhi phati ki phati aur laal thi
yug kachuwe ka haath pakdte huye kahta hai............
yug : Kachuwa tu ghabra kiyu raha hai, ham aa gaye hai naa ab ghabraane waali koi baat nhin hai samjha, tu aaram se bata kya hua
Kachuwa kahta kuch nhi bas apne haath se Darwaje ke niche ki or ishara karne lag jaata hai. jab yug aur abhi ki nazar Darwaaje ke niche padati hai to abhi kachuwe se kahata hai..........
Abhi : ye niche kya ishaara kar raha hai, niche to kuch nahin hai
Kachuwa haklate huye kahta hai........
kachuwa : niche nahi D....d....d...d Darwaje ki kundi par dekh
jab yug aur abhi Darwaje ki kundi par dekhate hai to unaki bhi aankhe phati ki phati rah jaati hai Darwaje ki kundi par ek bada sa taala laga hua tha jis par laal kapda bandha hua tha aur uske uper safed chandan se kuch bana hua tha usi taale ke uper ek taabij bandha hua tha jisme urdu mai kuch likha hua tha taabij ke saath hi ek cross locket bhi latak raha tha abhi us taale ko dekhkar shock ho jaata hai aur hairani ke saath kahta hai
Abhi : ye kya is Darwaje ke taale ke uper itane saare alag-alag dharm ke taabij kyon bandhe huye hai
Yug kamre ko dekhate hue kahta hai...........
Yug : ye kamra to papa ka hai aur ye wahi kamra hai jaha par unki maut hui thi
abhi kuch sochte hue kahta hai........
Abhi : iska matlab Kachuwa ki dadi ne use jo kahani sunai thi wo sach hai
yug hairaani ke saath kahta hai........
yug : matlb...?
abhi : matlab yah yug ki dekh kachuwe ki dadi ne bataya tha ki tere bade papa matlab dilip uncal ne grevyaard kothi ko band karwane ke liye mendipathar se tin dharm guruwo ko bulaya tha wo log yaha par aaye honge aur yakshini tere papa ke kamre mein bhatak rahi hogee Kyu ki isi kamre mein usne unhen maara tha, to un tino dharm guruwo ne apani ishwariy shakti ka prayog karke is kamre ko band kar diya hoga aur is kamare ko baahar se ishwariy shakti se baandh diya hoga taaki yakshini is kamre se bahar na ja paye
yug aur kachuwa hairaani ke saath abhi ki baate sun rahe the Abhi apni baat ko aage jaari rakhate hue kahata hai
Abhi : yakshini ko is kamre mein band karne ke baad wo tino dharm guru niche gaye hoge aur unhone baahar taala lagaakar apani bali de di hogi taaki yakshini yahi par kaid ho jaye maine tujhe bataaya tha na aatma ko kisi jagah par kaid karane ke liye bali deni padati hai aur un tino dharm guruwo ne bhi yahi kiya hoga
kachuwa lambi saans lete hue kahata hai.....
kachuwa : iska matlab yah hua ki yakshini abhi bhi aajad nahi huyi hai wo isi kamare mein isi Darwaaje ke piche kaid hai, ye to bahut achi baat hai
kachuwa : dekh yug tune grevyaard kothi khol di to khol di par please ye Darwaaje mat kholna warna sab tabaah ho jayega
yug ke kuch samjh nahi aa raha tha ki wo kya bole, Darwaaje par bandhe taabij is baat ki saaf gawahi de rahe the ki kachuwe ki dadi ki kahani sach thi par yug ka man abhi bhi is baat ko maanne se inkaar kar raha tha, use abhi bhi lag raha tha ki ye sirf andhawishwaas hai aur kuch nahi
Abhi Darwaaje ko uper se niche tak dekhta hai tabhi uski nazar Darwaaje par lagi number plet par jaati hai or number plet ko dekhkar wo aur jyaada shock ho jaata hai jab abhi apna haath us number plet par pherata hai to use ek bijali ka jhatka sa lagta hai aur wo jhat se piche hat jata hai
Abhi ko piche hatte huye dekh yug baukhalahat ke saath puchata hai...........
Yug : ab tujhe kya hua, tu thik to hai
Abhi Darwaaje ko ghurate hue dar ke saath kahta hai.........
Abhi : ye kamra.....ye kamra shaitaan ka kamra hai yug
yug aankhen phaadate huye kahta hai......
Yug : kya kaha shaitaan ka kamra
Abhi apne haath se Darwaaje ki number plet ki or ishaara karte huye kahta hai......
Abhi : haan yug shaitaan ka kamra, wo dekh tripal six yaani chha so chhiyaasath ise shaitaan ka number kaha jaata hai
Yug : ye kya bakwas kar raha hai abhi tu kuch bhi mat bol
Abhi : kuch bhi nahi bol raha hu yug, shaayad tujhe pata nahi hai par isai dharm mai ise manahush number maana jaata hai is number ke baare mein baibal mai bataaya gaya hai ki yah shaitaan ka number hai jo wyakti ishwar ki shikshao ko nasht karne ka prayaas karta hai aur is number ko apne paas rakhta hai use isai dharm ka wirodhi kaha jaata hai tujhe pata hai is number ki madad se shaitaan ko bulaaya jaata tha aur praachin kaal ke andar kuch dusht log apani ichchao ko pura karne ke liye is number ka prayog karke shaitaan ko bulaate thye
yug apne chehre par jhoothi hansi laate huye kahta hai......
Yug : tu majaak kar raha hai na..?
Abhi ::nhi yug, main majaak nahi kar raha hu krishchan dharm ke pavitr granth baibal new taxman mai shaamil ki gyi aakhiri kitaab.......
"The book of revelation"
terahawi adhyaay ( chapter 13 ).............
"Number tripal six ( 666 )"
ka jikr hai yah mahatvapurn isliye hai Kyuki isi granth mai is number ko the number of bist yaani shaitaan ka number kaha gaya hai
yug hairaanee ke saath kahata hai........
yug : kya baat kar raha hai
abhi apni baat ko aage jaari rakhate huye kahta hai........
Abhi : Ha yug the book of revelation ke rahsmay lekhak jon ki ye kitaab 96 isa mai likhi gai thi aisa maana jaata hai, vaise yah kitaab hamesha se wiwaado mai rahi hai par tujhe pata hai is kitaab mai pithwi ke samaapt hone ki bhawishyawaani ki gyi hai
Kachuwa darte huye kahta hai..........
Kachuwa : k...kya bhawishyawaani ki gyi hai abhi jara batayega...?
Abhi : ha batata hu, isamai bataaya gaya hai ki pithwi jab samapt hogi to wah waqt bahut hi bhayank hoga, aasaman se aag ke gole girenge, bhayanak narbhakshi praani jo insaan ka khoon piyenge, vo paida honge jo bhi thodi bahut insaniyat bachi hogi wah bhi shaitaani shaktiyo ke haatho khatm ho jaayegi
Jab abhi ne ye baat kahi to ek pal ke liye yug aur kachuwe ke aankho ke saamne pithwi samaapt hone ka drshy ghatit hone lag gaya
abhi apani baat ko aage jaari rakhte huye kahta hai.........
Abhi : iske anusaar us waqt shaitaani shaktiyaa puri duniya par haawi hongi mukhy roop se do shaitaan paida hoge jinme se ek shaitaan logo ko dusare shaitaan ki pooja karne ke liye prerit aur taiyaar karega
Kachuwa hakalate huye kahata hai.......
Kachuwa : to phir kya insaan ka ant ho jayega, uske paas jinda rahne ka koi upaay nahi bachega....?
Abhi : bachega Kachuwa, kitaab ke lekhak jon ke anusaar agar kisi ko apne aap ko bachaana hoga to unke paas do wikalp hoge pahla ya to unhe shaitaan ka naam ya phir shaitaan ka number tripal six yaani chha sao chhiyaasath apni body par gudwana padega
Yug apne maathe ka pasina ponchhate huye kahata hai............
Abhi : abhi ye sab sirf ek kitaab mai likha hai jo ek insaan ne likha hoga mai in chizo ko nhin maanta
Abhi : tujhe nahi manna mat maan yug, tere manne ya na manne se chize jhuthi nhin ho jayegi, sach ko koi nhi jhuthla sakta, tujhe nhi pata par bahut saari kitabo mai tripal six ko shaitaan ka number bataaya gaya hai, tujhe pata hai tripal six ko Hebrew bhasha se bhi juda hua maana jaata hai
Yug apna sir khujaate huye kahta hai.......
Yug : ab ye Hebrew bhasha kya hoti hai.....?
Abhi : Do hajaar ( 2000 ) saal pahle.......
"Hebrew bhasha"
mai hi sanchaar ka maadhyam tha aur mul baibal bhi Hebrew bhasha mai hi hai Hebrew mai anek akshar ke roop mai likhe gaye hai ya phir ham yah kah sakte hai ki har akshar ek anek ke saath juda tha tripal six bhi kisi akshar ke saath hi juda tha aur iska use code ke roop mai hota tha hebrew ko gematria...............
Kachuwa bich mai hi abhi ko tokate huye kahta hai...............
Kachuwa : Ab yaar ye gematria kya hota hai.....?
Abhi : gematria aksharo ko anko mai decode karne ki ek pranali hai..........
"Gematria"
Hebrew bhasha ko gematria se hi padha jaata hai ismai ank ek ko ishwar ka number aur apne aap mai paripurn bataya gaya hai, jis tarah ishwar sway mai pure hai isi tarah ank saat ( 7 ) ko bhi pura karne waala number bataya gaya hai
Yug hairaani ke saath puchata hai.......
Yug : aesa kiyu, number saat ko pura kiyu mana jaata hai...?
Abhi : kiyu ki baibal mai mana jaata hai ki ishwar nai saat dino mai srishti ki rachna ki thi isliye saat se thik phle aane waale number chh ( 6 )ko adhurabataya hai iske alawa yah bhi kaha jata hai ki chhate din hi God ki aagya ka ullaghan karne ke karan do ( 2 ) logo ko unka parkop ka bhojan banna pada tha
Kachhua phir bich mai abhi ko tokate huye kahata hai.........
Kachuwa : ab ye Do ( 2 )log kon hai....?
Abhi : kachuwe inke alag kahani hai wo phir kabhi, abhi tu tripal six par focus kar
Abhi : kahte hai wo 2 log ko paap karne ke liye ukasaane waala ek saanp tha jise shaitaan ka sawroop mana gaya hai yah sab srishti ke nirmaan ke baad chhathawe di hua tha isliye chh ( 6 ) ko paap ka yaani shaitaan ka number mana jata hai jaisa ki ham sab ko pata hai yakshini mardo ke saath sambhog karke unhe maar deti hai to ho sakata hai wo bhi shaitaan ho or usi ne Darwaaje par yah tripal six ( 666 ) likha ho taaki wo shaitaan ko bula sake
Yug abhi ki baat ka wirodh karte huye kahata hai.........
Yug : par papa nai kaha tha ki yakshini achi aurat...........
Yug nai itna hi kaha tha ki tabhi jis Darwaaje ke saamne wo log khade thye wo darwaaja apne aap jor-jor se hilne lag jaata hai darwaaja itani jor se hil.raha tha ki use dekhakar aisa lag raha tha ki ander se koi us par jor-jor se laate maar raha ho darwaaja hilata hua dekh yug,Abhior Kachuwa tino ke hosh ud gye thye Kachuwa to dar ke maare kaanpane lag gaya tha
Kachuwa darte huye kahata hai........
Kachuwa : D....d..dekh yug maine kaha tha na ander yakshini hai, dekh wo baahar nikalne ke liye tadap rahi hai ab to tijhe yakin ho gaya na ki is kamre ke andar yakshini hai
ek pal ke liye to yug bhi Darwaaje ko apne aap hilta hua dekhkar dar gaya tha par jab usne khidaki ki tarf dekha to tab uski jaan main jaan aayi yug apane haath se khidaki ki tarf ishaara karte huye kachuwe se kahta hai..........
Yug : Abe wo dekh khidki ke baahar mausm bigad raha hai, aisa lag raha hai jaise tufaan aane waala hai, ho sakata hai andar wale kamre mai koi khidki khuli ho usi se hawa andar aai ho aur jab Darwaaje se takrai ho to aisa laga jaise koi thok raha ho, mai na tujhe bachpan se jaanta hu ye na tere kaam na karne ke bahane hai kaam chor kahi ka chal ab ye sab chhod aur waapas se safau karne lag ja
Kachuwa udaas muh banate huye kahta hai.............
Kachuwa : nahi yaar mujhse nahi ho payega
Yug : are aise kaise nhin ho payega, koi U.p.p.s.c ka exam thodi hai jo nahi ho payega, jhaadu hi to lagani hai, ek kaam kar yadi tujhe uper ki safai nahi karna to mat kar, ja niche ja aur hall mai puchha laga dena samjha, uper ki safai mai aur abhi kar lenge aur bhul mat kayar ke hisse ka kaam bhi tujhe hi karna hai
Kachuwa : ha jaata hu par pahle wada kar chaahe kuch bhi ho jaaye tu is Darwaaje ko chhuyega bhi nahi aur na hi kholane ki sochega
Yug apne haath jodate hue kahta hai ......
Yug : H mere baap nahi kholunga, ab tu ja niche
Kachuwa jhaadu lekar niche chala jaata hai kachuwe ke jaane ke baad hi abhi yug se puchhata hai........
Abhi : yug tu yakshini ke baare mai kuch kah raha tha kuch der pahle
Yug : H wo mai kah raha tha yaar tu kese kah sakta hai ki yah tripal six (666 ) yakshini ne banaya hai, tujhe pata hai na papa ne bataya tha ki yakshini ek achchi aurat thi bas kisi abhishaap ke karan buri ban gayi aur mujhe pata hai mere papa kabhi mujhase jhooth nhin bol sakte aur bhool gaya us din tu hi to kah raha tha ki yakshiniya dusare loko se aai hai jinhe Apsarao ki tarah puja jaata tha pahle, ab tu hi bata jinhe apsara ki tarah puja jaata tha bhala wo shaitaan ka kaam kiyu karegi
yug ki baat sunkar abhi soch mai doob jaata hai aur sochte huye kahta hai.....
Abhi : "yaar dekha jaye to teri bhi baat thik hai par phir yah tripal six is Darwaaje ke uper kya kar raha hai aur kisne banaya hoga ise.......?
Yug : mujhe pata hai ye yahan kaise aaya aur kisne banaya hoga
abhi hairaaninke saath puchhata hai........
Abhi : "kisane.....?"
Yug : yaar bhul gaya tune bataya tha ki yah grevyaard kothi angrejo ke jamaane ki hai aur unhi ne banai thi
Abhi : ha to...?
Yug : to bhai ham sab ko pata hai angrej kitane kamine thye aur teri yah tripal six wale thyory mai maan bhi lu to ho sakta hai ki angrejo ne hi yah tripal six banaya ho shaitaan ko bulaane ke liye taaki wo yahaa par apne india mai jang jeet sake aur raaj kar sake, ye angrej log india par raaj karne ke liye kuch bhi kar sakte the shaitaano se dosti bhi
Abhi : "waise teri baat mai dam to hai aesa ho sakta hai
Yug : aesa ho sakta nahi aesa hi hua hoga aur ab tu ye sab chhod aur jaldi-jaldi safai karane lag bahut kaam hai aur haa is Darwaje ko rahne de ise safai mat karna galati se ek taabij bhi niche gir gaya ya kuch ho gaya to Kachuwa ham dono ki jaan le lega
Abhi : ha thik hai
yug aur abhi wapas se grevyaard kothi ki safai karna suru kar dete hai raat ke aath ( 8 : p.m ) baj rahe thye aur grevyaard kothi ki safai lagbhag puri ho chuki thi bahar joro ki baarish ho rahi thi ab bas hall mai lage jhumar ki safai bachi hui thi jise yug aur abhi ne niche utaar liya tha aur usaki safai kar rahe thye Kachuwa bhi wahi par tha aur jamin par baithkar aaram farma raha tha Kachuwa jhumar ko dekhate hue kahta hai........
Kachuwa : yaar ye jhumar to bahut hi achcha lag raha hai, aisa lag raha hai jaise kisi anokhi chiz ko dekh raha hu
Abhi kachuwe ki baat ka jawab dete hue kahta hai...........
Abhi : ye anokhi hi cheej hai kachuwe, ye aisa waisa jhumar nahi hai ye lamp waala jhumar hai jo aaj ke jamaane mai naa ke baraabar milata hai
Kachuwa: yaar iski kimat kya hogi....?
Abhi kachuwe ke saath majaak karate huye kahta hai...........
Abhi : kiyu kya tu bechega ise
Kachuwa apne chehare par hansi laate huye kahta hai..........
Kachuwa : ha bech dunga agar yug ha bole to
Kachuwe ne itana hi kaha tha ki tabhi achaanak se light chali jaati hai abhi haste hue kahta hai
Abhi : dekh tune bechne ki baat kahi aur light chali gyi, grevyaard kothi ka saman
bechane se pahle yakshini tujhe bech degi, bhool mat ye kothi yakshini ki hai
Kachuwa darte huye kahta hai........
Kachuwa : aesa mat bol yaar, mai to majaak kar raha tha, sorry yakshini mai kuch nhi bechane wala
yug un dono ko tokate huye kahta hai......
Yug : yaar tum dono baate band karo aur koi mobile ka torch on karo aur kitchen se machis lekar aao mere mobile ki battery khatm ho gayi hai
abhi : yaar kitchen jaane ki jarurat nahi mere paas laiter hai
Itna kahkar abhi apni jeb se laiter nikalta hai aur jhumar ke andar jo nau das ( 9,10 ) laimp lage huye thye unhe jalaane lag jaata hai jab wo laimp jalate hai to kothi ke andar phir ek baar ujaala ho jaata hai andhere mai jhumar par jalate huye laimp aur bhi aakarshak lag rahe thye tabhi achaanak se darwaaja khat khataane ki awaj aane lag jaati hai
"khat..............khat..............khat."
yug : yaar tumne awaj suni
Kachuwa hakalate huye kahta hai..........
Kachuwa : H....su....suni
abhi darate huye kahata hai............
Abhi : yaar ye aw......aw.....awaaj to uper wale kamre se aa rahi hai jahaan par yakshini kaid hai
Ab Aage..............
☆ Chapter : Shaitaani Awaaje ☆
Kachuwa darye huye kahta hai.......
Kachuwa : khi meri ger hajari Mai tum dono nai wo darwaaja to nahi khol diya.....?
Abhi hichkate huye kahta hai.........
Abhi : yaar kachuwe baat yah hai ki galti se wo darwaaja ham dono se khul gya
yug yah awaaj sunkar shock ho jaata hai aur sochane lagta hai...........
Yug : ( man mai ) ye awaj kiski hai, haweli mai to ham bas chaar hi log hai aur ye tino to so rahe hai, phir ye awaj kiski thi, kahi mere kaan to nahi baj rahe.
.
.
.
.
Agr Es update read kar ke kisi ka Dimad
ka connection hil raha ho to puch sakta hai......
.
.
5791 words complete Likes
or comments 🗣 karna naa bhule.........
Join Our
Discord Server
For Daily Updates
