Update 223 (1)
Kuch Kadam
8 June 1998, shaam ke paune 8.. sthaan- XXXX shehar ka crystal restra
"Yaha baithna theek rahega didi? Restaurant wala hissa toh bahar he tha.", Gaadi me jitne samay Ritu Arshi Sahaye ki file padhti rahi, utni der tak Arjun ne ek lafz na kaha. Wo paise aur cellular phone Ritu ne waise he wapis rakh diye the lekin ek ladki ki tasvire aur fir uske kaam ke sath pariwar ka byora ityaadi padhna jaise Ritu ko bahot kuch samjha gaya. Shaam gehraane ke sath he shehar ke is hisse me chehal pehal bhi badhi thi aur ye jis jagah pahuche the waha toh bahar he aalishan gaadiyon ka majma samjhane ke liye bahot tha ki sabse aalishan restra aur bar me anginat mehfile saji hongi. Restra me lagi darjan bhar table vyast dekh Ritu ne wo kaanch ka bada darwaja bhitar dhakel kar is kam roshni wale aakarshak ahaate me pravesh kiya toh Arjun ke mooh se bas yahi nikla.
"Mujhe kisi kone me nahi baithna tha jaha uncle aunty apna khana chhod hume taadte rahe aur unke kaan bas hamari table par lage ho. Waise yaha kaunsa koyi board laga hai ki hum idhar baith kar nahi kha sakte? Preeti, atchi hai na ye jagah? Sofe badhiya hai aur sabse badi baat ki bematlab ki roshni nahi.", 3 kataar me baithne ki uttma vyavastha thi is hisse me jaha har kataar me ek dusre ke saamne lage naram sofo ke jode takriban har kataar me 6 ki sankhya me maujood the. Kaanch aur lakdi ke mishran wale lambe table 2 sofo ke beech jaha par safed roshni me bade araam se sab kuch dekha ja sakta tha. Dhima bajta sangeet aur lagbhag aadhi baithak sabhya ya raees madira ke diwano se bhari dekh Arjun kuch asehaj hone laga. Aisa nahi tha ke wo is jagah surakshit mehsoos nahi kar raha tha. Bas apni behan aur premika sang apne he shehar me aisi jagah aana kuch ajeeb tha. Ek yuvti ki awaaj is madiralaya numa restra me sunaai padne se he darjano chehre idhar he dekhne lage.
"Mujhe toh atchi lag rahi hai didi aur mera favourite pasta toast bhi daadu yahi se le kar jaate the. Ye beech wali row me seats khaali hai. Aao wahi baithe.", Preeti kuch alag thodi na thi Ritu se aur uske kehne ki deri thi jo Ritu pehli kataar laangti hui uske sath he ek khaali sofe par ja baithi. Haan Arjun jarur kuch pal ruka, idhar udhar dekhta hua. Fir sar ko hilata hua wo bhi unke saamne wale sthaan par bade araam se spring lage sofe me ja dhansa. Jagah sahi thi beshak kisi ne bhi waha 2-2 yuvtiyon ke aane ki kalpana tak na ki hogi. Safed kameej aur kaali patloon pehne ye baira bhi salaam thokta sa aa khada hua unke sameep.
"Ji sir.. mam. Menu aapke saamne hai aur aaj ka special hai cocktail 69, paneer kesari tikka, beer-rum punch, chicken afghani.", Ye swachalit andaaj dekh Arjun toh khamoshi se muskura diya par Ritu ne hath utha kar rukne ka ishara kiya.
"Arre bhaiya.. wo sab nahi chahiye.. Ek white pasta with toast, ek sizzler.. thoda spicy rakhna.. Ek pineapple fresh juice aur ek strawberry ice-cream shake. Baaki wo saamne jo baithe hai un se pooch lo agar unhe thanda paani ya beer peeni ho.", Is shararat par ye sabhya sa baira bhi muskura diya. Ritu aur Preeti ko aapas me taali maarte dekh baari thi Arjun ke khisiyane ki kyonki dono ne he uske liye kuch bhi toh nahi mangwaya.
"Ji Sir.. Aapke liye?"
"Bhai madam ne bataya na thanda paani ya beer.. Beer main peeta nahi isliye thanda paani lete aana bill ke sath. Waise bhi mujhe bhookh nahi hai.", Baira ye sunn kar kalam aur diary jeb me rakh kar jaane he laga tha ke Ritu ne dobara awaaj di.
"Watermelon juice kar dijiyega bhaiya ek, jyada ice nahi. Thank you.", Aakhir usko he toh pata tha ke Arjun ke matlab ka waha kya uplabdh hai. Par inhe abhi jyada der nahi hui thi khamosh baithe ki bagal me daayi kataar ki taraf baithe 4 yuvako ka dhyaan Arjun ko Ritu par he kendrit dikha jisne abhi apna najar ka chasma utaar kar table par rakha tha. Wo chasma tabhi pehanti thi jab kuch padh rahi ho. Sab kuch bade gor se dekha ja raha tha kinare baithe 2 yuvako dwara aur beech me 2 gaj ki duri ki wajah se unki dhimi awaaj jaise wahi tak simit rahi.
"Toh Delhi isliye gaye the tum? Aur ye details toh aise thi jaise bada he khaas kaam anjaam dena ho. Mobile phone, dher saare paise aur upar se tumhare wo khaas kapde jo chupchaap tumne apne kamre me rakh diye. Haan ye toh bhool he gayi ki Umed chacha ki yahi mehngi gaadi is sabme shamil thi. Gaye toh tum bau ji (Rameshwar ji) ke kaam se the na aur wo Palak didi ko unke sasural chhodne bhi. Phir wahi ye case jo tumne kisi ko bhanak tak nahi lagne di aur dusra Bindiya aunty se waha milna. Thik lage toh bata sakte ho aur nahi toh apne tak he rakho.", Ritu bhi baatchit dhimi awaaj me karti hui dikhawe ke liye table se menu utha kar usme najre gadaye rahi.
"Ho sakta hai na didi ki kaam ko secret rakhna jaruri ho Arjun ke liye? Jo batane laayak hoga wo ye ghar pe bhi bata he sakta hai. Bahar hum mood fresh karne aaye hai toh rehne do na ye sab.", Preeti ko unhi ladko se kuch asuvidha si hone lagi jo kareeb he the. Baaki tables unse dur dur he thi jaha log mook chalte television par cricket ka match dekh rahe the ya apne apne jaam ka lutf lene me vyast.
"Aisi bhi koyi top secret baat nahi hai lekin maamla jaruri tha jisme Chacha ji ko meri jarurat thi. Wo log bade aur jimmedar sthaan par reh kar is kaam ko nahi kar sakte the. Bahar wale kisi ko isme shamil nahi kiya ja sakta tha isliye bas unhone mujhe he kuch pata lagane ko kaha. Ye paise jarur mere pas he reh gaye jo kisi aur ke the. Kabhi dobara mila toh lauta dunga lekin wo mobile abhi bhi mere kaam ka hai. Filhal band kiya hua lekin jald he chalana padega. Kaam poora nahi hua hai. Waise Romela aunty bata rahi thi ki mahine ke baad wo bhi wapis jaayengi ek baar. Aapka bhi exam hai didi aur fir college bhi is saal toh yahi rahega. Kuch socha hai kya extra studies ya ..", Arjun maamle ko alag disha dene ki koshish kar raha tha jis par Ritu ne turant he gaaj gira di.
"Hum mood fresh karne ke liye nikli hai ghar se. Padhaai ke baare me tum apna socho pehle. Manali se wapis aane ke baad ek bhi holiday naseeb nahi hoga tumhe. Haan Romela aunty ke jaane ke baad jarur tumhari lottery lagne wali hai. Hahaha...", Ritu ki ye unmukt hansi bas Preeti he samajh paayi jabki usko dekhne wala sirf Arjun he waha maujood na tha. Baira waha par teeno ke liye peya-pardarth (juice) bade he saleeke se rakh kar baaki khana aane me 10 minute ka bolte he chala gaya.
"Main washroom ho kar aata hu. Idea hai kis taraf hoga?", Arjun ko khisakna he thik laga kyonki Ritu ke andaaj saaf the ki wo ghar se aaj uski he band bajane ke liye nikli hai.
"Hahaha.. Mostly restrooms toh bar ke backside he hote hai. Counter par pooch lo aur waha ye bhi bol dena ki waiter spoon dena bhool gaye mere ice-cream shake ke liye.", Preeti bhi khilkhilaye jaise ab unhe apna ek alag mahol mil chuka tha yaha.
"Mere liye ek straw bhi bol dena jab apni billi ke liye ja he rahe ho.", Ritu sab jaante boojhte Arjun ko pareshan kar rahi thi aur wo iske viprit utne he pyaar se muskuraya.
"Dono ek jaisi he ho aap.. par andaaj billiyon wale kahi se nahi hai.. Haan sherni bolti toh thik rehta.. Aata hu 5 minute me.. AC ki wajah se aankhon me paani maarna padega.", Arjun ke jaate kadmo ko un chaar yuvako me se kinare wale 2 nirantar dekhte rahe. Ritu aur Preeti aapas me he dabi awaaj me hansti hui jaise kuch sanjha kar rahi thi aur counter par Arjun dwara sandesh dene ke baad prasadhan kaksh ke liye ek galiyare me daakhil hone par ye dono ladkiyan is mardana awaaj par aashcharya se palti.
"Kaisi ho Miss Ritu Sharma.? Ummeed toh nahi thi ki tum kabhi fir dikhaai bhi dogi school khatam hone ke baad. Papa ka transfer ho gaya tha na mere. Par abhi yaha aaj he apni bua ke ghar aaya aur dekho shaam hote hote tum dikh gayi. Ye mera cousin hai Amit.. Aur tumhari friend ko shayad hamare baare me pata nahi hai.. Hi.. I'm Pranav.. Ritu ka school me senior tha aur .. aur diwana bhi..", Takriban 6 feet ka ye yuvak pehrave se jitna saja dhaja tha, utna he dheet harkato se dikha. Hath me sharaab ka jaam liye wo beint ki kursi ko khiskata hua Ritu ke he kareeb aa baitha. Uske sath waisi he kad-kaathi aur chamakdar kameej-jeans pehne dusra yuvak Preeti ko dhitaai se ghoorne ke baad Arjun wali jagah ja pasra.
"Diwana my foot.. Corridor me khade reh kar fabtiyan kasna aur water tank ki taraf paani ke cheente uchaal kar hansne wala na toh senior kehlane ka haq rakhta hai aur na dosti ke kaabil. Aur agar tumhari ye bua visit atche se banaye rakhna chahte ho toh jaha baithe the wahi ja kar baitho. Sath me isko bhi lete jao jo meri behan ko kutte ki tarah dekh raha hai. Tum tab bhi ek galeech insaan the aur aaj bhi jara sa nahi badle.. Punni.. Jaante ho tumhe ye naam maine he diya tha.. Chalo niklo yaha se.", Ritu mahol ko dekhte jabde bheench kar aisa boli thi lekin aankhon me sholey chamakte Pranav aur uska bhai dekh kar bhi andekha kar gaye.
"Jaanta hu.. Mera naam bigaadne wali tum he thi.. Pehle nahi pata tha ki wo naam mujhe kyun aur kisne diya.. Khair jaane do.. Beet gaya so beet gaya.. Ab hum school me nahi hai aur wo jo mera dost udhar baitha hai usne bataya ki tum girls college ke sabse khoobsurat ladkiyon me shumaar ho. Doctor ki padhaai kar rahi ho aur charche har taraf hai tumhare. Ye Amit bol raha tha ke main bas tumse hath mila kar dikha du kyonki tum jaisi ladki mujhe jaanti hogi ye nahi maan raha tha. Maine keh diya ki main chahu toh tumhe kiss bhi kar du aur tum virodh bhi nahi karogi.. Darpok aur hamesha he logo ke beech rehne wali Ritu Sharma ek kabootari he toh hai.. Mere jaise baaj ke saamne.. Jo yaha baitha tha.. wo bhi kuch nahi kar sakega.. yaar hai kya tum se kisi ka?", Abhi apne mann ki keh kar ye yuvak kutilta se muskurata hontho se jaam he laga raha tha ki Ritu ki bagal me baithi Preeti uski taraf lapki par Ritu ne muskurate hue uske hath ko pakad kar sar na me hilaya.
"Bhonkne aur kaatne wale kutte alag alag hote hai Preeti aur ye sirf bhonkne wale hai. Inhe hath laga kar apna hath kyun maila karna? Aur tum abhi tak yaha baithe ho? Fir se bol rahi hu ki chupchap apni jagah chale jao wapis nahi toh yaha jitne baithe hue hai wo sirf tumhe bebasi se maar khata hua he dekh sakenge. Haan ye bar wale bhi tumhe bachane aage nahi aanewale.. 4 ho ya 40.. Mera Arjun haddiyan toddte hue ye bhool jata hai ki kaunsi haddi dobara nahi juddti. Maa baap bhugtenge tumhare kiye par aur jo tum khudko baaj bata rahe the.. unhe gardan se pakad kar main daana khaane wala chooha bana deti hu.. Get lost..", Aakhiri 2 shabd bade kathor lehje me kehti Ritu ne apna gilaas utha kar baire se plastic ki patli nalki usme duboi toh baira bhi pooch baitha.
"Mam, koyi pareshani hai toh bataye. Sir aap log agar thik samjhe toh apni seat par baithiye.", Par ek baire dwara bhi tiraskaar kiya jana in dono yuvako ko kahi jyada bura laga.
"Tum apna kaam karo.. Amit Shyokand naam hai mera aur mera baap bagal ke complex ka maalik hai. Jaante hai hum in dono ko aur ye bas jyada nakhre kar rahi hai. Dekh nahi rahe kaha baithi hai ye dono?", Baira bas nafrat se ghoorta hua nikal liya lekin in yuvako ki mansha toh jaise abhi poori na hui thi jaleel hone ki.
"Maine kaata na toh mooh dikhane ke kaabil nahi rahogi.. Bataya na mere bhai ne ke poora complex hamara hai bagal me.. Dono ko utha kar kis andhere kone me..Aaahhhhhh.", Awaaj me dard ka putt shamil hone ki wajah Pranav ke peeche khada Arjun tha jisne gardan ko dabane ke sath he sar itna jhukaya ki pehle kursi niche giri, uske baad wo ghutno par gira aur aakhir me uska sar Ritu ke kadmo par aa tika. Amit ke uthne se pehle he uski chaati par apna paanv daba kar usko bhi wahi bebas kar diya.
"Main jab yaha aaya tabhi se dekh raha tha ke har insaan yaha apne me vyast hai lekin tum dono ke jaane kaunsa paleeta fitt hai jo dusro ko ghoorne se hatt he na rahe. Khair, ab tumne paanv par sar tika diya hai toh araam se ja sakte ho aur ye sofa letne ke liye nahi, araam se baithne ke liye bana hai mister jo ki filhaal meri seat hai.", Arjun ne jo kiya tha us se in dono ko samajh aa chuka tha ki Ritu galat nahi bol rahi thi. Sava 6 feet ka ye pahaad bolne me jitna naram tha us se kahi sakht aur taqatwar jism tha iska. Amit ke mooh se pee hui sharaam ke sath ulti bahar ubal aayi aur farsh se uthte he uska bhai bhi dono hatho se mooh dabaye bathroom ki taraf dauda.
"Bhaiya, ye sab dusri table par shift kar do. Baithne laayak nahi rahi ye seat.", Arjun ne pichli kataar baithe unke baaki dono saathiyon ko dekha toh wo sakpakate hue turant jeb se batua nikaal kar apna bill waha rakhte hue nikal liye. Rumaal se apna chehra aur kameej saaf karta hua Amit apni jagah se utha toh jism gusse se kaanp raha tha aur baira iski andekhi karta hua yaha se sara samaan utha kar sabse aakhiri table par le chala.
"Ye toh public place hai.. bach gaya tu.. lekin bahar..waha aisa nahi hoga. Tu nikal jara yaha se..", Baukhlaya hua wo Arjun se viprit disha me khada hua jaise bhaagne ko tayaar he tha aur apne bhai ko wapis aata dekh wo ungli dikhata gaya Arjun ko jo muskura raha tha, apne dono taraf Ritu aur Preeti par hath rakhe.
"20 minute me aisa intjaam kar lena ki tumhari baat galat saabit na ho. Waise bhi filhaal mujh par jyada bandishe nahi hai.", Arjun ka jawaab waha baithe chand logo ke sath un dono ne bhi suna tha aur dekha bhi ki mast sher sa chalta hua wo apni agal bagal me dono sherniyo ke sath befikar khaane ke nayi mej par ja raha tha.
"Ye wahi tha kya jiske papa ki pitaai ke baad hamare papa ne he stiches lagaye the? Jo aapke peeche aaya tha ek din school ke time? Punni..."
"Haan.. hahaha.. usko nahi pata ke papa ne iske papa ko saja di thi us harkat ki.. Ab tum jhagda nahi karne wale inke sath?"
"Wo thappad ki maar bhi nahi hai.. Ye Preeti he chaaro ko peet deti par..."
"Haan.. kyun nahi.. par tumhari maano ke hatho ka bhi ek status hai.. Yahi bolne wale the na?", Ab kahi Preeti sharmaayi thi Ritu ki ye baat sunn kar aur apni nayi table par wo baira unhe muskurata mila.
"Hum aur hotel ke sab log jaante hai aapke pita ji ko mam. Aap bhi unke sath aayi hain na 2-3 baar khana pack karwane? Dr Shankar ji naam hai na unka?", Ab Arjun ka maatha thanka ye sunn kar jo baire ne kaha. Ritu ne muskura kar sar haan me hila diy.
"Aakhir mere he mama ka hotel aur bar hai ye uncle. Aadhe hissedar Gulati uncle bhi hai Rajesh mama ke. Thank you.", Rajesh mama aur Dr Mehul Gulati is restra ke maalik hai ye Arjun ke liye nayi khabar thi aur baire ke jaate he usne hairaani se prashanvaachak drishti Ritu par ki jo ab akeli saamne baithi thi aur Arjun ki bagal me Preeti. Uska gilaas jo Arjun ke tarbooj wale gilaas sang rakh gaya tha baira.
"Aise matt dekho.. Yaha ki jameen Gulati uncle ki thi aur restaurant Rajesh mama ne banwaya tha.. Aur papa ko jo pasand hai unhone isme wo jodd diya. Tumhe kya lagta hai ke main aise he kisi bhi bar me aa kar baith sakti hu, apne he shehar me? Ab ye socho ke un ladko ke sath sath sabhi ke papa alag bhugtenge.. isliye maine tumhe kaha ke jhagda nahi karna yaha par.", Ritu ne apne gulaabi hontho me wo pipe dabate hue aankh maari toh Arjun bhi sar niche karke muskurata hua usi andaaj me pipe se tarbooj ka rass peene laga. Preeti ke hontho par toh usi rang ki ice-cream chipakne lagi thi. Bhale he Arjun bahar se muskurata hue apne jiwan me sabse khaas sundariyon ke sang tha lekin bhitar he bhitar wo taye kar chuka tha ki un dono dussahasiyon ko wo is baar khud saja dega.
.
.
"Bache dikhai nahi de rahe Kaushalya? Jaate toh dikhe the ghar se lekin laute nahi abhi tak.", Shaam ko bagiche aur apne dosto se faarig hone ke paschaat Rameshwar ji hath mooh dho kar saaf kurte pajama pehan baithak me samachar sunn ne baithe toh najar ghari par bhi gayi jo 8:30 bata rahi thi. Aksar yahi samay rehta tha unke bhojan ya us se pehle samachar dekhne ka. Sookhe vastro ko Komal se teh lagwane ke baad almaari me rakh kar yaha aayi Kaushalya ji apne pati ka sawaal sunn kar ek pal toh unhe ghoorti rahi phir diwaan ki chaadar sahi karte hue jawaab diya.
"Ab ye bhi bata do ke kaunse bacho ke baare me pooch rahe ho ji? Aapki aulaade toh apni biwiyon ko liye sapanch samdhi ji ke yaha gayi hai, subah he lautna hoga unka. Jana toh aapko aur mujhe bhi tha lekin jaise aapne kaha ki kabhi din me chalenge toh wahi thik. Madhuri bitiya aayi hui hai isliye Lalita aur Raju na gaye.. Raju ab thik bhi hai pehle se lekin jitne poora sudhaar nahi hoga wo na nikalne wala apni maand se bahar.", Yaha bhi jaise unhone Rameshwar ji ko unka manchaha jawaab na diya. Channel badal kar doordarshan par rokte hue unhone is baar thoda thik se poocha.
"Ritu aur tumhara bailbudhi nikle the badi gaadi me baith ke... Is samay toh Ritu bitiya kahi jaati nahi apni behno ke bina. Komal toh tumhare sath thi aur Lakshmi (Alka) bahar aangan me mere liye toliya leke aayi thi. Tara, Aarti aur Pinki bhi ghar he hai jo ki mumkin nahi hota agar Ritu bajar jaaye toh.", Ab Kaushalya ji ke chehre par rehasyamayi muskaan prakat hui jab apne pati ko itne gehraai se bakhaan karte suna. Par chehra unse viprit karti hui wo gol takiye par naya lihaaf chadhane lagi.
"Ab itne samay baad bhai se mili hai toh jeb dhili karwane gayi hogi. Madhu aur Inder bhi toh karwate rehte hai Shankar ki jab wo dono sath hote hai. Sabhi ek jaise hai ji.", Rameshwar ji doordarshan par mash-hoori dekhte hue mooh bana rahe the jaise ab wo pareshan ho chuke ho.
"Bindiya ka phone aaya tha aur wo pooch rahi thi ki Arjun ne udhar kab aana hai. Amrita ne bataya ki Shabnam aur Muskaan ka dil lag raha hai udhar aur Saundarya devi bhi is poore saptaah mehal he ruk rahi hai. Mujhe toh laga tha ke Arjun ab wapis shayad he jaaye. Tumhe pata tha kya is baare me?", Ye baat sunn kar Kaushalya ji apne pati ki bagal he aa baithi. Chehre par achanak chinta si dikhi unke aur Rameshwar ji bhi is maamle me kahi uljhe dikhe.
"Jana toh tha lekin Sanjiv ke aane ke baad. Arjun bol raha tha ke waha pehle Madhuri ko chhod denge aur wo ek din ruk kar apni motorcycle par baad me wapis aa jaayega. Mehal ka toh kuch nahi bataya usne. Koyi chakkar hai kya ji? Aur ye Bindiya ab waha gayi hai toh Kumar kahi kuch.."
"Nahi nahi Kaushalya.. Tum mujhse bhi jyada sochne lagti ho kabhi kabhi.. Saarang ko hum bachpan se jaante hai. Jaisa bhi hai par wo behno aur apno ke beech bematlab vivaad nahi karta. Mandbudhi toh hai thoda lekin kuch ulta seedha nahi karne wala. Tumhara laadla jaise abhi bhi apni khojbin se hatne nahi lag raha Kaushalya aur ab toh kahi na kahi mujhe bhi darr lagne laga hai uske liye. Wo jo bhi khoj-padtaal kar raha hai na uske baare me ya us itihaas ka mujhe he ilm nahi. Jaanti ho wo hamare pita se bhi purane itihaas ko jaan raha hai, aisa itihaas jo har kadam baar jyada bechain karne wala hai. Tumhare saamne he hai ki usne wo pagdi, jooti, talwaar, bandook aur ye tulsi mala jo anant gehraai me dafan thi, khoj li. Mujhe is baat se koyi eitraaj nahi ki wo Saundarya ke bhi kareeb ho chuka hai aur Bindiya bhi usko apna bacha maan ne lagi hai. Darr toh ye hai ki unhe bhi bewkoof bana kar ye ek ek manka ekatrit karta hua alag he mala jodd lega jisko na dhaaran kiya ja sakta hai aur na fir tyaag sakenge. Hamara sapna tha ki vridhawastha me ek aisi aulaad paas ho jo har tarah se laayak aur majboot ho. Gyaani, mehnatkash aur sabko aapas me jodd kar rakhne wali ek saksham aulaad.", Rameshwar ji ka toh kehte kehte kanth bhi sookha aur unhe paani ka gilaas pakdati Kaushalya ji ne bhi haami bhari unki kahi har baat se.
"Ye sab bahot jaldi ho gaya hai Kaushalya chahe Arjun ne gyaan-arjan ke liye 8 baras pariwar se alag jeeye ho. Jaanti ho uske baad se he hamare bacho ki gatividhiya tak tej ho gayi. Ye sab bhale he Arjun ne na kiya ho lekin ho toh raha hai. Shero ke jhund jab sandhi karne lage toh iska matlab hota hai ki wo bade ster par katle-aam ki tayaari me lage ho. Meri soch galat bhi ho sakti hai par Arjun meri soch har baar badal raha hai."
"Mera toh waha akhaade me he jee baith gaya tha ji.. Tabhi soch liya tha ke ab isko kahi bhi na jaane dungi. Wo rakshash he tha jiske saamne sabke sar jhuke rahe lekin ye paagal toh uske samaan hamare bade bete (Sambhav) ko thelta hua jaise aapa he kho baitha. Shankar khud us din pareshan tha ji aur agar Shankar pareshan hai toh matlab baad bahot badi hogi. Ab aisa kya hai aapke ateet me jo wo dhoondne laga hua?", Is baar feeki muskaan dikhaai Rameshwar ji ne.
"Mera koyi ateet nahi hai Kaushalya devi aur Shankar pareshan jis wajah se tha us par tum jarur khush dikhaai di mujhe. Ho sakta hai ki waha Arjun aur wo raaj-purohit taantrik jyada deri tak bhidte. Parinaam viprit bhi ho sakta tha lekin is Arjun ke paas khaas divyastra hai jo na wo dekh saka aur na mujhe us pal samajh aaya. Bas maine dekha tha ek haivaan aur 2 geeli aankhein.. Tumhari nahi..", Policia andaaj aur paheli bujhana toh jaise Rameshwar ji ka ab atoot swabhaav he ban chuka tha.
"Aisa kaunsa divyastra hai uske paas? Aur ye aap kiski baat karne lage jis se Shankar bhi pareshan hua? Mujhe laga ki wo ek baap ki wajah se pareshan hai. Aur Arjun haivaan nahi hai, bol deti hu ji."
"Hahaha.. atcha haivaan nahi kahunga tumhare bailbudhi ko lekin Shankar Hai toh pita hone ki wajah se he pareshan. Jaanti ho Arjun ko uske daayre se bhi bahar taaqat kaun deta hai?", Ye gehri baat samajh toh na lagi par Kaushalya ji ne na me sar hilaya.
"Ritu... Jaha Arjun ke seene par jordaar prahaar hua tha, uska dard tak na mehsoos hua usko Ritu ke aansu dekhne ke baad. Jaangh ki haddi aur chulhe ka jodd aapas me milane ke liye kam se kam kisi gaadi ki jordaar takkar chahiye hoti hai Kaushalya lekin tumhare laadle ne ye hatho se anjaam de diya wo bhi us shaitaan shakshiyat ko jiske saamne takkar lena hamari kisi aulaad ke bas ke baat nahi thi. Aulaad toh dur ki baat hai, isne toh hamare pita ki chhavi se bhi badhkar kaarnama kar dikhaya. Is sabse ye baat spasht hai ki uske liye Ritu ka alag he mehatva hai aur aisa ektarfa kadaapi nahi hai. Shankar ko yahi lag raha hoga us se pehle ki wo koyi na koyi hal dhoond he lega par ab wo bhi jaan chuka hai ki ab kaafi der ho chuki hai. Ye anaitik bhi hai aur sath he sath praadh aur pavitra bhi. Hamare kisi bhi virodhi nirnaya ka parinaam kya ho sakta hai jaanti ho Kaushalya?", Yaha toh jaise Kaushalya ji ka he dil baith gaya tha jab apne pati ke mukh se Arjun aur Ritu ke virodh me nirnaya par sawaal poocha gaya.
"Anaitik? Mujhe iski paribhasha nahi pata ji lekin agar ye paavan aur pragaadh hai toh main apne bacho ko prithak na karungi. Heere bhi jodi me he sundar lagte hai.. Ye mala he dekh lijiye.. aapki aur meri ye tulsi mala sath me padi hui khaas ehsaas karati hai jisme se ek ke khone ka gum shayad aapko barso saalta raha ho. Shankar khud kitna samaajik hai aur isme toh main aapko bhi 99 he ank dungi, ek toh katega he kahi na kahi. Agar niyati bacho ka wo swaroop chahti hai toh main unki taraf lekin Arjun ka patan dekhne se bhala hoga ki ishwar mujhe he utha le. Ritu himmat wali hai jo pariwar ke liye kadam na bhi uthaye par wo toh marr jayega chahe mooh sa na kahe. Bailbudhi hai na jo sirf sabse prem he karna jaanta hai.. Bachpan me he wo Ritu se juda raha aur Ritu ne bhi koyi khwahish na ki apne liye kabhi. Baaki aap mukhiya ho ji, jab fainsla loge toh 4 logo se salaah ke beech ye bhi yaad rakhna ki wo akhaade me jis pehrawe me aap saje the wo aapki koyi aulaad na de saki.. Wo maut ka khel uthane ka jokhim barso se kisi me na tha aur aaj Pintu yaha aaya hai toh ek din Kumar bhi aapke paas aayega.. Arjun ki wajah se. Iska shreya usko aap ek baar fir vanvaas ke roop dete hai ya sab yaad rakhenge jo usne sabke liye kiya.", Kehte kehte Kaushalya ji ki toh jubaan he ladkhadane lagi thi kyonki unki mamta ko dobara jaagrit karne wala yahi insaan tha jiski charcha chal rahi thi. Jawaab toh abhi Rameshwar ji ke bhi paas na tha lekin wo aashwast karte hue bole.
"Hum he samaaj banate hai Kaushalya aur asli heera vanvaas roopi mehnat ke baad nikharta he hai. Main samaaj ke sath he dharam ka sath dunga jisme prem bhi eham tatva hai. Lekin abhi kuch bhi kehna bematlab hoga. Kya pata ye sirf ek niswaarth prem ke sath bhai behan ka prem ho. Anyatha fainsle me aadha haq toh laajmi Shankar ka he rahega.", Kaushalya ji ab ye sunn kar uth khadi hui jaise unhe yaha ehsaas hua ki aaj baat galat disha me jaa kar he rahegi.
"Aapko aisa kehna chahiye tha ji ki iska fainsla hamari chhaya me Rekha aur Shankar ki manjoori se hona chahiye tha. Aapki galti nahi hai ji isme.. Samaaj me yogdaan dete hue aapne bhi isme purusho ko he adhikar dena seekh liya hai jyadatar."
"Hamara wo matlab nahi tha Kaushalya.. Aur bhi bahot kuch ghatt raha hai jisme Arjun Ritu ki sahyata le raha hai.."
"Aap fir se apni he baat ko rakh rahe hai Pandit ji. Panchayat toh hamare pita Vaidh Kanshiram ji bhi karte the lekin usme kabhi bhi sirf baap ko shamil nahi kiya gaya agar baat kisi bache ki aayi ho. Maa-baap bola jata hai.. sirf baap nahi. Aapko bhi sarvadhik prem apni mata ji se he tha toh yaha aapne kaise aulaad ka paksh le liya. Aur Arjun ko jaha jarurat hogi wo apni behan ki madad lega.. Bhai behan kam se kam is maamle me toh aapke samaaj me sath reh sakte hai.", Aur yahi is charcha par purn-viraam lagaati hui Kaushalya ji baithak se nikal chali peeche Rameshwar ji ko aaina dikhati jo swayam itni uljhan me the ki na sab kehte ban raha tha aur na chup rehte.
'Kaise kahu Kaushalya ke anjaane he galti ho gayi. Par tumhara laadla sirf mehal nahi ja raha balki wo us raah par hai jaha se lautna bhi namumkin sa aur lauta toh sabke prati najariya aisa na rahega jaisa aaj hai. Mujhe bhi bas hridya se ehsaas hai ki kuch bada aur itihaas ki andheri gehraai me dafan bahar niklega. Pehle lash giri toh wo hamare paute ki hogi aur baad me kuch hua toh kahi vansh he na mitt jaye.', bina paani ka ghoont liye he Rameshwar ji apne BP ki dawa ko daanto se chabate hue hajam kar gaye jaise usme jara bhi kadwahat ya kasailapan na ho. Wo apni dharampatni ke swabhav se bhi bhali bhanti vaakif the jo baat wahi khatam karne me yakeen rakhti thi aur uske baad hamesha jaisi ho jaati. Bahar ghaadi ka horn sunaai dene par samajh gaye ki unka wahi bacha laut aaya hai jiske jikar se ye garam charcha benatija galat modd par khatam hui.
.
.
"Aaru kaha reh gaya? Tum logo ne bada time laga diya aaj?", Komal rasoighar me Madhuri didi ke sath vyast thi aur garmi ki wajah se dono ke he kameej bheeg kar seene par chipke toh Madhuri didi ke vishaal stanno ki purn golaai saamne prakat hone lagi. Komal aadatan dheela kurta pehne hone se fir bhi vyavasthit thi aur yaha aangan se bhitar aati Ritu ko dekhte he peeche khojbin ki toh Arjun dikhai na diya. Madhuri apne kameej ke pallu se chehra paunchti hui nahane ka bolti hui bahar chali gayi aur ab Ritu muskurati hui unki jagah apni badi behan ke kareeb aa kar hath bantane lagi.
"Kuch nahi didi.. wo Preeti ko pasta khana tha na isliye Crystal tak chale gaye the. Maine bhi thoda jyada he kha liya isliye bhookh nahi hai ab. Haan Aaru ne sirf juice peeya tha isliye wo aapke sath he khaa lega. Abhi wo dada ji ke paas baitha hai, unhone koyi baat karni thi toh bula liya. Aap aaj upar he soyengi na hamare se pichle kamre me?", Ab Komal nischint hui ki uska chota bhai ghar he hai par Ritu dwara sone ki jagah poochne par muskurate hue poocha.
"Kyun mera waha sona he jaruri hai kya? Ab niche chachi aur maa dono he nahi hai toh main maa ke kamre me bhi so sakti hu. Tum aur Alka toh light band nahi karne wali raat 3 baje tak aur Tara peeche padi hui thi ki Madhuri didi aur Pinki uske he sath soyengi. Aarti aur Rupali time se sone wali hai hamesha jaise. Phir mujhe toh rasoi saaf karne ke baad bas sona he hai toh kya farak padta hai kaha soungi.?", Ab Ritu ki nazar padi us patli paseene ki lakeer par jo didi ke gale se behti hui unke dono sudol vaksho ki ghaati me kahi kho gayi. Sachmuch ek alag aur khaas he aakarshan tha Komal ke chehre aur jism me jo Ritu se bhinn tha par kamtar bhi nahi. Ye sab Komal ne gor kiya toh apna dupatta utha kar gala paunchne lagi jabki Ritu ne he rasoighar ki garmi kam karne ke liye exhast chalu kiya.
"Yahi chala leti didi, kabse garmi me kaam kar rahi ho aap. Waise aapka munna so jayega na aapke paas, maa ke he kamre me. Badi gehri neend aati hai usko jab wo aapke pas sota hai. Waise Pinki didi aur Tara ke sath Madhuri didi ka matlab hua ki wo log jaldi nahi sone wali. Apna bister waha bhi laga sakti ho."
"Mujhe bas araam karna hai aur Aaru kahi bhi so sakta hai jaha uska dil karega. Kal raat chhat par soya tha lekin aaj jarur wo apne kamre me sona chahta hoga. Waha mujhe neend nahi aati.", Ye khatti meethi baatein aur aage badhti us se pehle he gulabi salwar kameej pehne Renuka bua aur unke sath dheela sa pajama aur tshirt dhaaran kiye Preeti yaha chali aayi.
"Dinner pe invite nahi kiya lekin main fir bhi aa gayi. Socha aaj toh Komal ke sath he khana aur sona hai. Ye Preeti toh pehle se he tayaar baithi thi Ritu ke paas rukne ke liye. Abhi shaam dono ne sath bitaai hai lekin jaise koyi kissa adhura reh gaya inka. Kuch teekha banaya hai kya mere liye?", Renuka bua toh Komal ke liye gehri saheli se bhi jyada thi aur Preeti unhe waha chhod kar seedhiyan faandti hui upar chali gayi Ritu dwara plate aur khaane ka samaan pakdane par. Aaj ladkiyon ka bhojan jaise upar he hone wala tha, khaas kar Alka, Rupali, Aarti ka.
"Tujhe main khilati hu teekhi mirche.. Mana kiya tha na ke ye sab nahi khana?", Kaushalya ji apne aur Rameshwar ji ke jhoothe bartan sink me rakhne ke sath he hath dhoti hui Renuka daantne lagi jo unka majaak he tha.
"Taai ji.. waha tang aa chuki hu feeka khaate hue isliye toh aapke paas aati hu aur maine bola bhi tha ke mere liye kam se kam laal mirch aur lahsun wali chutney he banwa do Lalita bhabhi se. Romela bhabhi toh fruti salaad ek sath doodh aur mewe khilane wali thi mujhe. Aap he samajh sakti ho mujhe ya fir Madhu didi thi tabhi theek tha."
"Arri.. kyun mooh pe bojh badhati hai. Raat ke liye wahi theek hai na jo Romela khila rahi thi par tere kahe maine aaj Komal se khaas tadka lagwaya hai daal me aur raai wali hari mirche bhi banaai hai. Lekin roj roj ye thik nahi hai. Mere paas soyegi fir?", Renuka ne is baat par toh unhe gale he laga liya lekin sone ka sthaan poochne par alag hoti naa me sar hila gayi.
"Komal ke he sath soungi aaj toh taai ji. Aapke paas toh din me bhi rehti he hu. Waise Ritu mere liye achaar ka masala alag se nikaal dena plate me.", Renuka ne jaise he ye kaha Kaushalya ji ne uska kaan khinch diya lekin ehtiyaat se.
"Atche se poori khuraak deni hai isko Komal beta aur doodh yaad rakhna. Aaj tere bauji jaldi sone lage hai aur Arjun unke talwe ki maalish karne ke liye abhi kapde badalne gaya hai upar. Bol raha tha ke khana tumhare he sath khaa lega.", Itna bol kar Kaushalya ji toh nikal gayi lekin khaane wali baat sunn kar Ritu ne jis andaaj me Komal didi ko dekha wo njare churaati hui hotcase me rotiyan chupad kar rakhne lagi.
"Ja ye hotcase aur 3 plate Tara ke kamre me leti ja. Wo donga plate me he rakh le sabji ka aur salaad-raaita ye Rupali le jaayegi. Kuch reh gaya tha kya Rupali?"
"Haan didi, paani reh gaya tha. Lao ye main le jaati hu.", Inka sabka kota poora karne ke baad Komal ne baaki teen logo ke fulke banane shuru kiye. Lalita ji kamre se apne bartar leti aayi thi aur unhe dhone ke liye Komal ne saaf mana karte hue ab araam karne ka he kaha. Lalita ji ko bhi naaj tha apni is mehnati bhatiji par jo akeli bhi poore ghar ka kaam sambhal leti thi. Rasoighar ab khamosh ho chuka tha jaha bas Renuka najdeek khadi hoti hui Komal ko dekhe ja rahi thi. Jaise kisi jawaab ki ummeed ho.
"Mushkil hai thoda kyonki Madhuri didi waha Tara wale kamre me sone wali hai. Pehle toh Pinki aur wo mere kamre me sone wali thi. Tara Aarti aur Rupali ke paas aa jati lekin ab sabne plan bana liye apne apne. Khaane ke waqt pooch lena aap jab main kamre se bahar jau. Baat bane toh main nayi chachi wale kamre me so jaungi ya aap log udhar chale jana.", Ab jaise aadhi adhuri baat me he itna pata chal chuka tha ke Renuka aaj yaha rukne ke liye khaas wajah se aayi thi. Ek baar chehra utra tha jo ab kuch behtar laga jab Komal ki poori baat suni.
"Niche toh badi bhabhi aur Raju bhaiya bhi hain."
"2 kamre dur hai wo log aur tau ji neend ki dawa lete hai abhi. Taai ji bhi thaki hui hai toh gehri neend he soyengi. Aapko thik lage toh aaj mere he sath so jaiye kyonki wo toh apne he kamre me sona chahta hoga. Bahot thakaan hai usko chahe wo batata nahi. Araam he kaha hua hai aur Sanjiv bhaiya ne toh abhi 2 din baad aana hai. Time mil jaayega.", Renuka ko is baat se ye ehsaas ho gaya tha ke wo badi ho kar bhi ye bhool baithi ki Arjun kitna vyast raha hai jabse lauta hai aur Delhi se seedha shaadi me jaane ke baad bhi yaha uski dincharya utni he bhaag-daud wali rahi.
"Haan.. thik kehti ho par wo apne kamre me bhi araam karega jab bagal me teen log jaagte honge?"
"Farak he nahi padta usko ki kaun paas me baitha dhol baja raha hai ya gaane gaa raha hai. Jab sona hota hai toh wo bas aankhen band karta hai aur apne samay he uthega. Baaki abhi toh wo bauji ke kamre me hai aur kya pata baithak me so jaaye. Uska kamra pakka thodi na hai. Waise mujhe bhi aapse baatein karni thi thodi isliye kaha ke mere sath."
"Nahi thik hai.. araam mujhe bhi chahiye aur tumhare paas positive lagta hai hamesha. Waise aaj toh papa (Col sahab) bhi 8 baje 2 drink lene ke baad 2 roti kha kar apne kamre me chale gaye. Jyada ghudsawari kar li unhone tau ji aur Preeti ke sath. Bhabhi (Romela) ek khaali canvas par safed rang kar rahi thi shaam ko toh wo poori raat paint-brush se lagi rahengi. Preeti yaha chali aayi aur mujhe ab akele neend nahi aati Komal. Raat kabhi bhi bechaini si hone lag jaati hai.", Ab Komal sehmati ke sath muskuraai roti ko palat-te hue.
"Badlaav.. shayad is baar aapko jyada hai kyonki aapne khud se chahat rakhi thi jo mehnat ke baad sarthak ho rahi hai. Aap kabhi bhi mere sath reh sakti hai. Akele toh soti hu main..", Yaha Renuka ne he bartan utaar kar 3 logo ke hisaab se Rekha ji ke kamre ka rukh kiya. Khana ban chuka tha in teeno ka aur ab Priyanka ke sath Tara aa chuki thi rasoi sametne ke liye. Bathroom se hath mooh dhone ke baad dhile vastro me bahar aata Arjun bhi apni badi behan ke hatho se khaane ke bartan leta maa ke kamre ki taraf ho liya.
.
.
"Thik se bed najar aa raha hai na Annie? Aur pakka aaj tumhare husband (Paramveer Sangwan) ghar nahi aane wale na?", Yaha Romela sirf ek safed gown me apne bister ke paas he padi table par laptop ke sath ek camera jaise yantra ko chalane ke baad us par dikhaai deti Roosi Annie ko hath hilate hue poochne lagi. Annie bhi pehraave me kuch adhik na thi is pal me jo apne kaksh me laptop ke saamne kaale range ke antarvastra me jhuki hui apne bade bade gorvarn vakso ko prakat karti hui thoda asmanjas me dikhi. Beshak Romela toh apne aap me ek he thi aur jheene se shwet vastra ke bhitar uske bade bade sudol stann kisi gubbare se akaar dikha rahe the. Chuchak kisi khaas avsar se pehle he aise tann uthe the ki vastra ko faadne ka maada rakhte ho.
"Wo aaj nahi aayenge lekin.. kya tum ab bhi yakeen se keh sakti ho ki wo aayega aur tum aisa kar sakti ho? Humne aapas me kiya hai Romi lekin wo tumhara hone wala damaad hai."
"Hahaha.. toh main bhi koyi bajaaru aurat nahi hu Ann.. Mera haq hai us par aur main tumhe sirf is wajah se he dikhane ke liye raaji hui kyonki tum ek sahi love-making ki samajh aajtak nahi rakh saki. Haan ye thoda mushkil hai kyonki samay se pehle ho raha hai par ek na ek din ye jarur hona tha. Meri haalat toh jaane kabse kharaab hai par iska hal sirf wahi hai jo tum khud dekhogi. Iski screen bhale he band rahe lekin tumhe sab dikhaai dega. Ek aurat kuch waqt ke liye apni female partner ko shaant kar sakti hai lekin ek asli mard jo pyaar karna jaanta hai uski jagah kabhi nahi bhar sakti. Hamari dosti me ye ek aur gehra kadam badhne wala hai is raat aur main jaanti hu ki wo jarur aayega. Ab ye screen band karke main tayaar ho jaati hu.", Is baar Annie thoda kutilta se khilkhilaai.
"Kahi sex karne ke liye bhi khaas tayaari karni padti hai Romi? Ye ek he kapda toh pehne hui ho aur wo bhi utrega he."
"Kar di na wahi baat tumne jo main nahi karne ke liye samjhati hu. Kapde na bhi ho lekin is khaas pal me khudko tyaar karna bahot mehatvapurn hai Annie. Wo bhi mujhe waise he dekhna chahta hai jaise main khudko uske sath. Mujhe aisa lag raha hai jaise ye mera first time hai life ka aur mehsoos bhi hoga jab tum khud dekh logi ki wo kaisa hai. Ghar aane ke baad apni kitty toh taraash chuki hu lekin ek atcha sa shower aur body ko chamkana baaki hai. Sirf sex ki baat hoti toh tum sahi ho lekin ye ek rishta hai.. khaas rishta jo din ke ujaale me fir se rang badal lega. Online he rehna, main aati hu.", Romela ne darwaja ke kadi band karne ke baad laptop ki screen bhi band kar di. Wo jheena sa safed choga apne gore bhare bhare kandho se fislaati hui jab nirvastra khadi hui toh jaise kamre ka prakaash uske he adhbhutt jism se prakat hone laga. Doodh sa ujla jism jiske diwane anginat hone lekin isko aise dekhna ab tak sirf Vivaan aur ek baar Arjun ko he naseeb hua tha. Kharbuje se vishaal vaksho me jara bhi dhalaav nahi tha beshak akde hue nipple kaabuli chane ke akaar ke hue the lekin wo bhi gulaabi raktim. Chikna samtal peit aur uske niche kataav leta pedu jaha ek lakeer si gori yoni par aaj sunehre baalo ka roya tak na tha. 40 ke motte purnakaar kulhe toh kadam rakhne maatra se aise thirakte jaise paani se bhare ho. Romela ek yunaani kaamuk mahila ka wo udaharan thi jiske pehlu me har mard kuch kiye bina he charam ko prapt kar le. Sabse bejod toh uski wo mohak muskaan aur rang-badalti aankhen thi jinme ab khaas chamak liye wo ja khadi hui thande paani ke fuhaare ke niche.
'Beti ke baad he sahi lekin is se atcha din ho he nahi sakta. Aaj se Romela bas tumhari he hai Arjun.. samajh lo beti ke sath maine khudko bhi tumhare hawale kar diya.', Sapaat peit se uthaan lete vakso tak hath firaati hui wo lagu charamotkarsh abhi se paane lagi thi jis ka pramaan tha jaangho ke beech dehakti yoni aur jism par khade hote royen. Bheege badan band aankhon se chehra fuhare ki disha me uthane maatra se jism ka har kataav ubhar utha. Shayad Arjun aaj kahi aur bhi prahaar karne wala tha Romela ke badan par.
Copyright to Enigma203
Join Our
Discord Server
For Daily Updates
