Thriller Talaash (A Revenge Dark Story)By Anjum

[Itz Anjum]

Update 30

Previously…

Mr. Das : kya baat hai….kya hathiyar banaya hai STARCOMM waalon ne...maja aa gaya…

Abb dev screen par dekh ta hai ki baaki bachi hui CARGO ship beach par utar rahe the…

Dev : sir apni team ko unhen bandi banane ko billi dijiye…

Mr. Das mic ke paas jaa kar…

Mr. Das : commandos...unn utar rahi ship mein se sabhi logon ko bandi bana kar ek jagah rok lo….

Order sunte hi Mr das ki team Apne kaam par laga gayi….


Continue…


Sabhi log itni badi safalta milne ki wajah se kafi khush the... specially mr. Das...iss mission par unhen itne saare naye khilaune mile the khelne ke liye...dev bhi kafi khush tha…

Dev aur mr. Das ship me se bahar aaye tab dev mr. Das se kahta hai…

Dev : sir, jab aap par hamla ho raha tha tab beach ke uss taraf se teer aa rahe the...humein wahan jakar dekhna hoga…

Mr. Das : ha mujhe bhi yeh pata hai Dev...lekin wahan jo koi bhi tha, aisa lag raha hai woh hamara dushman nahi hoga...agar hota toh ab tak ussne abhi tak hum par hamla nahi kiya…

Dev : sir baat toh sahi hai lekin humein ek baar jakar dekhna chahiye…

Mr. Das : koi jarurat nahi dev...aao hum unn logon se kuchh sawal jawab karte hai…

Iss se pehle woh kuchh kar pate….pure beach par kisi ne smoke bomb phenk diye...pura beach dhuen me badal gaya….uske baad ek awaaj aayi…

Unknown : sabhi apni apni ship me jaao aur yahan se nikal jaao... STARCOMM par aap logon ka wait kiya jaa raha hai…

Yeh aawaj sunte hi sabhi STARCOMM waale jo dev ne pakade hue the...sab bhaag kar ship mein jaakar baith gaye aur wahan se nikal ne gaye...ghuaa abhi bhi tha koi bhi kisi ko dekh nahi sakta tha…

Dev bhi dhuan me se hote hue uss chhoti ship ke paas jaane laga kyun ki joh aawaj usne suni thi woh ussi ship se aayi thi...dev savadhani se jaa raha tha tabhi usse wahan koi dikha jisse dekh dev thoda shock ho gaya...usne Sonal ko uss dhuen me dekha..Sonal ne bhi usse dekha...donon ki aankhe ek dusare se takarar aur phir Sonal wapis uss dhuen mein gayab gayi...dev toh bas dekhta hi reh gaya…

Mr. Das : dev? Dev? Yeh kya ho raha hai??? Aur yeh awaj jaani pehchani kyun laghu rahi hai? Tumne kuch dekha kya…

Dev abb soch mein pad gaya ki usne joh bhi dekha woh buska wahem toh nahi? Ya phir yeh koi nashe waala dhua hoga, jiske karan woh Sonal ko imagine kar raha ho… Sonal waali baat woh mr. Das se chhupana sahi samjha...

Dev : pata nahi sir...yeh dhua kahan se aaya...mein check kar raha hun…

Tabhi CARGO ships aawaj karte hue wahan se nikal gayi….aur dev ka mission fail ho gaya...thodi der baad jab dhua khatam hua tab wahan girayi hui ship ke siwa kuchh bhi nahi tha...itni badi haar ko dev hajam nahi kar pa raha tha…

Mr. Das : dev humein chalna hoga…

Dev : aap sab chale jaye...mein subah yahan se nikalunga…aur wahan pahunch kar research team ko yahan bhej den...kya pata koi jarurat ka saman mil jaate iss malbe se...

Mr. Das : theek hai…(jor se) chalo guys humein bunkar jaana hai... jo bhi saman mile Apne saath le chale... quick…!!!

Thodi der baad mr. Das aur team wahan se nikal gayi...abb dev akela ek jagah baith gaya aur puri ghatna ko phir se samajhne laga…

Kuchh der sochane ke baad usse beach ke fisadi taraf se aane waale teer ke baare mein yaad aaya…

Dev Apne aap se…

Dev : yeh teer kahan se aaye honge…? Upar se woh toh STARCOMM wali CARGO ship par hamala kar rahe the…

Dev : mujhe unke baare mein pata karna hoga...lekin baba se ek baar baat karani hogi...shayad unhen kuchh pata ho…

Dev : abhi andhera hai...subah hote hi woh jagah check karta hun...kya pata koi surag haath laghu jaye…


Location : STARCOMM


Anamika : yeh kya Mr. Nayadu? Kin namunon ko bheja tha mission pe? Kya bola tha tumne? Mujhe acchi tarah se yaad hai…"meri ek advanced team unke saath jaayegi...aur unko harana namumkin nahi hai... specialized weapon, heavy impenetrable suits aur automatic machines inko harana unn keedon ke bas ki baat nahin…"

Mr. Naydu : jyada chilla mat saali...baat kya hai woh bata…

Anamika : baat yeh hai ki jinhen tum keede bol rahe the unhone tumhari so called special team ko dhool chatayi...shukar hai meri team wahan pahunch gayi aur situation ko sambhal liya...nahi toh meri CARGO ships unke haath lagg jaati…

Mr. Nayadu : matlab kuchh nahi hua...right?

Anamika : kya kuchh nahi hua? Meri 2 CARGO ships ko unhone gira diya...bhale hi woh purani ships thi...lekin apna kaam achhe se karti thi…

Mr. Nayadu : shayad maine unhen halke mein liya tha...lekin yeh galti agli baar nahi hogi...i promise…

Anamika : agar tum iss tarah karoge toh hamara vayada kaise hoga Nayadu? Mein tumhare liye board members ko manane ki koshish kar rahi hun...aur tum apane waadon ko halke mein le rahe ho…

Mr. Nayadu : kya tumne board members se baat karna shuru bhi kar diya…? Kya baat hai Anamika...im really impressed…

Anamika : lekin tumne impress nahi kiya mujhe…?

Mr. Anamika : aisa hai toh bol abhi unn keedon ko kuchal kar aata hun…

Anamika : koi jarurat nahi lekin agli baar please don't let me down...okey?

Mr. Nayadu : okey..promise…

 

[Itz Anjum]

Update 31(mini)

Previously…

Mr. Nayadu : kya tumne board members se baat karna shuru bhi kar diya…? Kya baat hai Anamika...im really impressed…

Anamika : lekin tumne impress nahi kiya mujhe…?

Mr. Anamika : aisa hai toh bol abhi unn keedon ko kuchal kar aata hun…

Anamika : koi jarurat nahi lekin agli baar please don't let me down...okey?

Mr. Nayadu : okey..promise…



Continue….


LOCATION : EARTH


subah ki pehli kiran ke saath dev nind se jag jaata hai...uske badam mein abhi bhi thoda dard ho raha tha…phir bhi uth jata hai aur beach ki uss taraf jaata jauli jahan se woh teer aa rahe the…

Aaha pahunch kar dev dekhta hai ki wahan kai gadiyon ke tyre ke nishan the...dev wahan acche se dekh raha tha tabhi jungal mein kuchh halchal hui...jiss se dev jungle ki taraf dekhta hai...thodi der baad phir halchal hui...uske baad dev jungle ke andar jaane ki thaan leta hai...woh dekhna chahta tha ki woh koi janwar toh nahi?

Dev : kaun hai wahan??? Saamne aao…!!

Jungle mein se koi aawaz nahi aati lekin kuchh halchal jarur hoti hai….Dev phir bhi aage badhata hai...ek haath mein khanjar lekar woh aage badh raha tha…

Aage jaa kar woh dekhta hai ki ek gaadi ko kisi ne chupaya tha...ped ke patton se aur tehniyo se gaadi ko acchi tarah se chhipaya gaya tha...gaadi ko dekhte hue dev ko yeh khayal nahi raha ki woh wahan kyon aaya tha…

Tabhi dev ki gardan pe kuchh chubhata hai...dev haath laga ke dekhta hai toh uske haath ek Syringe lagta hai...usse dekhte dekhte dev ki aankho ke samane andhera chha jaata hai aur woh dhadam se niche gir jaata hai… woh sirf wahan ki awaz sun sakta tha…ek ladki jo jor se bol rahi thi...

Unknown : iss ke hath pair bandh do...aur gaadi mein daal do…Aur jaldi karo...humari team kafi aage nikal gayi hai….unn tak pahuchana hai hamein….jaldi!!!

Aur uske baad dev apna hosh kho deta hai...woh log dev ko acche se bandh kar gaadi mein daal dete hai...aur woh gaadi jungle mein gayab ho jaati hai….



LOCATION : SHIP IN THE JUNGLE

Ek ladki ko ship ke andar ek pillar se bandha hua tha...pasine se woh poori bheeg gayi thi...bahut der se usne kuchh khaya piya bhi nahi tha...bina paani ki wajah se uska gala bhi sukh gaya tha...usse paani mangna bhi mushkil ho raha tha...usne paas hi ek paani ka bottle thi wahan tak pahunchane ki koshish kar rahi thi..lekin bottle tak uss ka hath nahi pahunch raha tha…

Tabhi woh aadmi room ke andar aa jaata hai...likin woh ladki toh bas paani ki bottle tak pahunchane ki koshish kar rahi thi...usse kisi ki aane ki bhanak tak nahi lagi...yeh dekh woh aadmi aage jaa kar woh bottle leta hai aur uss ladki ko paani pila deta hai...paani pine ke baad woh ladki thodi fresh hoti hai….

Woh aadmi joh abhi bhi mask pehna hua tha usse dekh kar bolti hai…

Ladki : kaun ho tum?mujhe aise kyun bandh rakha hai? Chhodo mujhe…

Aadmi : Disha, my love...ye lo pehle yeh kha lo phir batata hun ki mein kaun hun…

Disha ko toh bhookh lagi thi isiliye woh khana khane lagi jo woh aadmi usse khila raha tha...khane ke baad dish uss se puchti hai…

Disha : ab batao kaun ho tum...aur mujhe aise kyun bandh ke rakha hai...aur Sonal...woh kahan hai...woh toh tumse baat kar rahi thi na…

Aadmi : tumhe dekhna hai na ki mein kaun hun? Toh dekh le…

Woh aadmi apana mask utar deta hai...jisse dekh disha shock ho jaati hai...yeh koi aur nahi RAJ tha...agale hi pal disha bol padi..

Disha : Mujhe tum par kabhi bharosa nahi tha Raj...tumhara hamare saath utani aasani se ghul mil jaana yeh sab mujhe toh drama laghu raha tha..aur aaj woh saabit bhi ho gaya ...abb batao...mujhse kya chahate ho?

Raj : ohh...kya yeh baat hai...tum logon ke saath milna mera ek plan hi tha...aur abhi bhi hai...joh bhi mera mission hai usse toh mein pura kar ke hi rahunga…

Disha bich mein hi bol padi…

Disha : mere hote hue yeh possible hi nahi hai...Raj…

Raj : tumhari haalat dekhi hai? Tu mera kuchh bigad nahi sakti...aakhir ek ladki kar bhi kya sakti hai?

Disha : ladkiyon ko kamjor samajhne ki galati mat kar Raj...mere haath khol do tab dikha dungi…

Raj : na..abhi mera mood nahi hai Disha...phir kabhi….abhi toh mujhe bunker jaana hai mission ke liye….hahaha…

Raj jaate jaate disha se bolta hai…

Raj : dekho Disha… agar tum samajhdar ho toh meri baat acche se sun lo...dekho...tumhare paas do raste hai...ek rasta….tum mere aur Sonal ke team mein aa jao...tumhe sab kuch mil jayega joh tune kabhi socha bhi nahi hoga...aur toh aur mein tumhe STARCOMM par le ja sakta hun...wahan tum apni puri life bita sakti ho...aur dusara rasta...agar pehle wala rasta nahi chunati toh mujhe tumhe jaan se marna hoga...joh mein nahi chahta...choice is yours disha...baaki tum itni samajhdaar toh ho…

Disha kuch bolane waali thi lekin raj phir bol pada…

Raj : abhi kuchh mat bolo...hum kal baat kar lenge...aaram se soch lena…

Aur Raj uss room se chala jaata hai...Aur Disha gehri soch mein pad jaati hai....

 

[Itz Anjum]

Update 32

Previously…

Raj jaate jaate disha se bolta hai…

Raj : dekho Disha… agar tum samajhdar ho toh meri baat acche se sun lo...dekho...tumhare paas do raste hai...ek rasta….tum mere aur Sonal ke team mein aa jao...tumhe sab kuch mil jayega joh tune kabhi socha bhi nahi hoga...aur toh aur mein tumhe STARCOMM par le ja sakta hun...wahan tum apni puri life bita sakti ho...aur dusara rasta...agar pehle wala rasta nahi chunati toh mujhe tumhe jaan se marna hoga...joh mein nahi chahta...choice is yours disha...baaki tum itni samajhdaar toh ho…

Disha kuch bolane waali thi lekin raj phir bol pada…

Raj : abhi kuchh mat bolo...hum kal baat kar lenge...aaram se soch lena…

Aur Raj uss room se chala jaata hai...Aur Disha gehri soch mein pad jaati hai....


Continue…

LOCATION : STARCOMM

Anamika : kaha hai? Kaha hai woh?

Mr. Shastri : kaun madam?

Anamika : are woh Riya...kahan hai woh?

Mr. Shastri : woh...woh rahi...

Apni ungali diya ki taraf karte hue woh Bolte hai… Anamika Riya ke paas jaakar…

Anamika : Riya i am so happy...kal joh tune kiya hai na woh bahut kamal ki chij thi...hum hari hui bazi ek pal me palat di...aur jeet hasil ki...sirf tumhari wajah se...tu bata main tere liye kya karu...tu bol de...kuch bhi…

Riya : kya sach madam…?

Anamika : kuch bhi bol…

Riya : mujhe ek seprate cabin chahiye aur koi bhi mujhe disturb na kare…

Anamika : bas itna hi? Mil jayega...lekin tum yeh kyun chahti ho…

Riya : woh kya hai na madam….mujhe mission ke liye kuch bhi karna padta hai joh main inn logon ke saamne nahi karna chahati…bas isi liye...

Anamika : aage kuchh mat bol...Mr. shastri...iss ek best cabin dijiye..aur aage se yeh seedha mujhe contact karegi...abb woh aapke under kaam nahi karegi….

Mr. Shastri : yes madam…

Riya : thank you madam..Saath main khane pine ka mil jaata toh...woh kya hai na yahan ki pantry bahut kharab hai...mujhe wahan ka khana pasand nahi…

Anamika : tumhare cabin mein sab mil jayega Riya…

Riya : tab theek hai…

Anamika : good abb jaao kaam par lag jaao...aur aise hi khush khabar deti rehna…

Riya : i will try my best madam…

Anamika : good...abhi main jaa rahi hun...board members ke saath meeting hai...tum yeh number par contact karo…

Riya : ok..

Itna bol kar anamika wahan se chali jaati hai…
Anamika ke jaate hi sab log Riya ki taraf dekh rahe the…jise dekh diya kaafi khush ho rahi thi…

Riya : aise kya dekh rahe ho ….jaao apna kaam karo…

Aur sab Apne kaam main lag jaTe hai…


LOCATION : BUNKER

Do din ho gaye lekin Sonal ka kuch pata nahi chala...disha bhi nahin aayi thi...isiliye mr. Singh pareshan the…

Tabhi Mr. Das ki gadiyon ka tags bunker ke andar aa gaya...unke aate hi Mr. Singh unke paas chale gaye…Mr. Das ke chehre se unhe pata chala ki woh mission fail ho gaya hai...jakhmi commandos ke saath baat chit kar ke Mr. Singh bole…

Mr. Singh : inki aisi haalat kaise hui Das? tumhe samajhna chahiye ki Agal woh log humse jyada the tab mission ko abort karna chahiye tha na? Hamein inn commandos ka khayal bhi rakhna ha...sirf mission par bhejne ka nahi …

Mr. Das : sir woh kya hai na unke paas naye hathiyar the isiliye woh hum par bhaari pad gaye...unke paas bade bade tanks aur machine gun thi...yakin nahi hota toh aap Dev se poochh len…

Mr. Singh : apni kamzori ki chhupana koi tumse sikhe Das...meri cabin mein aa jao dopahar...poori details ke saath...aur dev hai kahan…?

Mr. Das : woh dev pichhe reh gaya hai...shaam tak wapas aa jayega…

Mr. Singh : ok..jao thoda aaram karo... dopahar ko milte hai…

Tabhi raj wahan aata hai...jisse dekh Mr. Singh ishara kar ke apne paas bula lete hai…

Mr. Singh : kya raaj aaj kal dikhai nahi dete…? Kya baat hai?

Raj : sir, aap logo ki wajah se mujhe jine ka mann kar raha hai...aap ke saath mil kar hi main apna badala lene wala hun...ussi ke liye din raat baith kar naye naye chijon ke baare me research Kar Raha hun...taki jald se jald main badala le saku...bas aur kuchh nahi…

Mr. Singh : Oh, research??? Kya research chal rahi hai aaj kal...kafi ghul mil gaye ho research team ke saath...han?

Raj : woh bas aise hi...jitani chijen maine STARCOMM mein dekhi hai wo yaha earth par bana toh nahi sakte lekin kuch jarur bana sakte hai...bas wahi dekh raha hun...research team kafi hoshiyar hai...jaldi samajh jaati hai...ms. payal aur Dr. GOGO bhi saath me hai…

Mr. Singh : good...lekin kya research kar rahe ho exactly?

Raj : sir, bahut jald aap apni automatic stun gun dekh payenge…

Mr. Sinhgh : Woh kya hota hai…

Raj : bahut jald aap ke saamne pesh kar denge ..just wait…

Mr. Singh : chalo teen hai...are Raj kya tumne Sonal ya Disha ko dekha kya?

Raj : nahi toh...maine nahin dekha..

Mr. Singh : ok tum apne kaam par jao...aur ha..woh jo bhi gun bana rahe ho jald se jald bana do...i can't wait…

Raj : sure sir...ab main chalta hun…

Itna bol kar Raj research team ke ward mein chala jaata hai…


LOCATION : MOVING CAR

Ladki : hay BANI kitana handsome hai na yeh...iss se nazar hi nahi hat rahi…

BANI : radha Mission par aisi baat mat kiya kar…

Radha : hun...mission ?? Fail hua hai mission BANI...hath toh kuch mila nahi itni dur aa kar bhi...sivay iss ladke ke...main toh isse Apne saath hi rakhungi...agar tune isse chhod diya toh…

BANI : chhod diya toh..? Iska kya matlab Radha?

Radha : are mera matlab kahin tum isse bhi maar na do bar bandi logo ko joh marti rehti ho…

BANI : agar yeh ladka humare kaam ke beech me aaye ya fir iss se hamein jara bhi khatra ho toh yeh toh mara hi jayega….

Radha : joh bhi ho...yeh dikhane me toh khatra nahi lag raha…

BANI : tum yeh kya bol rahi ho..bas kar abb...hum bahut pichhe hai abhi bhi…

Tabhi dev hosh me aane laga...aankhe khul hi nahi paa rahi thi uski toh…

Dev : pani...pani...pani..

Radha : BANI isse hosh aa raha hai… woh paani mang raha hai...

BANI : aane do...

Radha : are aise kaise...pani pilane mana kyun kar rahi ho?

BANI: maine kab mana kiya...bahut fikar ho rahi hai toh khud pila do…

Itna sunte hi Radha dev ko pani pilane lagi...pani pine ke baad BANI apni seat se uthti hai aur phir ek Syringe dev ki gardan par laga deti hai...jis se dev wapis behosh ho jata hai…

Radha : yeh kya kiya BANI? Abhi toh hosh me aaya tha woh…

BANI : hamein iss ke baare mein kuch pata nahi...kya pata woh khatarnak bhi ho sakta hai...isiliye koi risk nahi lena chahti...chup karo..abhi ek shabd bhi nahi sun na…

Aur unki gaadi jungle se hote hue apni manjil ki aur jaane lagi...

 

[Itz Anjum]

Update 33

Previously…
BANI: maine kab mana kiya...bahut fikar ho rahi hai toh khud pila do…

Itna sunte hi Radha dev ko pani pilane lagi...pani pine ke baad BANI apni seat se uthti hai aur phir ek Syringe dev ki gardan par laga deti hai...jis se dev wapis behosh ho jata hai…

Radha : yeh kya kiya BANI? Abhi toh hosh me aaya tha woh…

BANI : hamein iss ke baare mein kuch pata nahi...kya pata woh khatarnak bhi ho sakta hai...isliye koi risk nahi lena chahti...chup karo..abhi ek shabd bhi nahi sun na…

Aur unki gaadi jungle se hote hue apni manjil ki aur jaane lagi...



Continue…

Much thodi der jaane inn logon ko ek jaani pehchani dahad sunayi di..jisse sunn kar sab ki hawa tight ho gayi...kyun ki woh ek awaj nahi thi wahin se dusari bhi awaj uske baad sunayi di…

Radha : BANI... BIO-BOT?? woh bhi ek nahi do hai..ab kya kare…

BANI : Gaadi roko Ramu... hamein yahi rukna chahiye... BIO-BOT se hum abhi ladh nahi sakte...jab tak woh nahi jaate tab tak hun yahi chhup jaate hain…

Radha : lekin hum pehle se hi late hai agar hum yaha ruke toh aur jyada late ho jayenge…

BANI : Maut se late hona behtar hai...Radha chupne ke liye jagah dhundo…

Yeh sunte hi radha car se utar kar ramu ke saath ja kar chupne ke liye jagah dhund ne lagi...

Paas me hi ek bada sa pathar tha jiske pichhe woh sab log chup sakte the…Dono wapas aa kar BANI ko jagah ke baare me bataya…

BANI : hmm..theek hai...hum wahin jaate hai...chalo…

Ramu : iss ladke ka kya karna hai…? Yahin chhod de kya??

Radha : kya nahin…!!! BANI….

BANI : nahin ramu isse bhi Apne saath le chalo…

Ramu dev ko utha kar BANI aur radha ke piche chalne laga...thodi der chalne ke baad woh uss jagah chup gaya aur BIO-BOT ke jaane ka wait karne lage….


LOCATION : RAJ KI SHIP

Disha : koi hai...raj?? Mujhe washroom jaana hai...raj??

Disha kuch 10 min se chilla rahi thi...wahan koi bhi nahi tha jo uske baat sun le….raj bhi wapas nahi aaya tha...shayad kisi kaam ne busy ho...tabhi room ka darwaja khul jaata hai aur Sonal andar aa jati hai…

Disha : Sonal mujhe washroom jaana hai...mere haath khol do…

Sonal : tum bhaag toh nahi jaogi…?

Disha : Nahi jaungi...agar yakin nahi toh tum bhi saath chalo…

Sonal : koi jarurat nahi...waha washroom hai chali jaana…

Disha : mujhe kholo pehle ..

Sonal disha ki rassi khol deti hai...disha bhaagne ki soch toh liya tha lekin abhi uski haalat bahut kharab thi...isiliye woh chup chap washroom chali gayi...wapas aane ke baad Sonal haath mein thali le kar khadi thi...

Disha : Sonal…

Sonal : pehle yeh kha lo fir baat karenge…

Disha : Nahi…!!! Pehle mere sawalo ke jawab do...kya pata tumne iss me Zaher daal diya ho…

Disha ki baaton se Sonal hurt ho gayi...lekin fir woh boli…

Sonal : theek hai bolo…

Disha : kab se tum STARCOMM ke saath me ho Sonal…? Kab se tum hum sab ko dhokha dete aa rahi ho??? Itna bada raaz tum mere se kaise chhupa sakti ho…? Kya tum mujhe apni dost nahi samajhti??

Sonal : disha...I'm sorry...main tujhe sab batane wali thi lekin tum mujhe galat samajh dogi isiliye maine ye sab nahi bataya...main apni yeh dosti nahi todna chahti disha….aur na hi tumhe marte hue dekhna chahti hun...please meri baat samjho…

Disha : mere sawalon ka jawab do Sonal…

Sonal : batati hun lekin please mujhe galat mat samajhna….

Disha : main koshish karungi….

Sonal : dekh woh raj tumhe maar dega agar tu hamare saath nahi mil jaati toh...aur main koi dhokha nahi de rahi...kisi ko bhi .. STARCOMM ko ek chij chahiye woh yahi kahi hai...mein aur Raj dono mil kar uss ko dhundh rahe hai...yehi hamara mission hai... STARCOMM ko apni chij mil jane ke baad woh yaha wapas nahi aane waale...aur na hi unse hame koi bhi dhoka hoga...aur toh aur hum STARCOMM par rehne bhi jaa sakte hai…

Disha : tum gayi ho waha... STARCOMM par…?

Sonal : ha gayi hun….chalo mere saath tumhe kuch dikhana chati hun….

Sonal, disha ko Apne saath le jaa kar computer screen ke saamne khadi kar deti hai...aur computer par ek video laga kar bolti hai…

Sonal : disha, yeh dekho yeh hai STARCOMM…

Disha computer screen par STARCOMM ke nazare dekh rahi thi...STARCOMM ko dekh uski aankhe badi ho gayi...itna sundar disha ne kabhi nahi dekha tha...sar ke upar jo chota sa satellite tha jisi sab dekh dekh bade hue the...abb itne paas se andar ka nazara dekh disha aankhen jhapakna bhool gayi...Sonal joh wahi khadi disha ka reaction dekh man hi man has rahi thi....pura dekh lene ke baad Disha bol padi…

Disha : Sonal kya sach me hum wahan reh sakte hai??

Sonal : Bilkul...meri pyari disha...ek baar agar tu wahan jayegi na tab wahan se nikalne ka naam nahi legi tu toh…

Disha : Theek hai sonal...main taiyar hun...bolo kya karna hoga mujhe…?

Sonal : bas yahi sunna chahti thi...thank you disha...ek aur baat bolu….

Disha : ha bolo…

Sonal : Raj tumhe chahta hai….

Disha : woh toh pata hai….chalo abb bunker chalte hai….

Sonal thoda der soch kar bolti hai…

Sonal : Abhi nahi Disha….Hum kaafi late hue hai...kuch plan bana kar chalte hai...baba ko koi bhi shaq nahi hona chahiye…

Disha bhi baat o samajh kar maan jaati hai tabhi baahar se raj andar aa jata hai...

 

[Itz Anjum]

Update 34

Previously…

Disha : Theek hai sonal...main taiyar hun...bolo kya karna hoga mujhe…?

Sonal : bas yahi sunna chahti thi...thank you disha...ek aur baat bolu….

Disha : ha bolo…

Sonal : Raj tumhe chahta hai….

Disha : woh toh pata hai….chalo abb bunker chalte hai….

Sonal thoda der soch kar bolti hai…

Sonal : Abhi nahi Disha….Hum kaafi late hue hai...kuch plan bana kar chalte hai...baba ko koi bhi shaq nahi hona chahiye…

Disha bhi baat o samajh kar maan jaati hai tabhi baahar se raj andar aa jata hai…


Continue…

Raj : yeh kya Sonal??? Isse chhod kyun diya..?

Sonal : yeh hamare saath kaam karne ke liye maan gayi hai…

Raj : aise kaise maan gayi? Mere saath baat karte hue toh nahi lag raha tha ki yeh maan jayegi...koi sajish toh nahi?

Disha : Raj, tumhara tarika galat tha...lekin Sonal ne mujhe saari baate samajha do hai...mein tum logo ko mission me madat karne ke liye taiyar hun…

Raj : Sonal, kya hum iss par bharosa kar sakte hai..?

Sonal : bilkul kar sakte hai...woh meri behen hai...bachpan se saath rehti hai...agar tumhe shaq hai toh tum batao kya karna chahiye….

Raj : nahi main toh aise hi bol raha tha….lekin…..Disha agar tune koi bhi galati ki toh tumhare sath sare bunker walon ko ke dub jaogi... STARCOMM wale jara sa bhi reham nahi karenge…

Disha : aisa kuch nahi hoga...raj. tum mujh par bharosa kar sakte ho…

Sonal : ha raj...yeh hamesha mere saath hi rahegi...ab toh theek hai na???

Raj : ha theek hai…

Disha : kya main punchh sakti hun ki hamara mission kya hai….? Shayad main kuch help Kar dun…

Raj : nahi abhi nahi...filhal tum Sonal ke saath hi rehna…

Itna bol kar sab log bunker chale gaye…

LOCATION : JUNGLE

BANI : kafi time ho gaya yeh BIO-BOT abhi tak jaa kyun nahi rahe???

Radha : agar hum aise hi rahe toh kafi der ho jayegi…

Inke baate sunn Ramu ko pata nahi kya hota hai...woh khada ho kar bolta hai…

Ramu : Bani, main jaa kar uss BIO-BOT ko distract kar deta hun...tum car nikal kar aage chali jao….

Radha : Ramu wahan ek nahi do BIO-BOT hai...agar ek ko distract kiya toh bhi dusra toh piche lagega hi na?

Bani : Radha sahi bol rahi hai..

Ramu : Nahi...mujhe nahi lagta yeh kahi jaane waale...tum dono Gadi se nikalo...main aage jaa raha hun...ek ko distract kar deta hun dusare se tum aasani se bach jaogi…

Itna bol kar ramu sidha BIO-BOT ki taraf bhagane laga..waise ramu 35- 40 saal ka hatta katta aadmi tha...woh teji se aage badh raha tha...apni pith par tangi hui gun ko nikal kar woh BIO-BOT ke upar firing karna shuru kar deta hai….jiss se BIO-BOT ka dhyan ramu ki taraf aa gaya….woh bhi apne weapons ko load kar ramu ko nishana laga kar fire kar dete hai…

Dusari taraf BANI aur radha dev ko utha kar Gaadi mein daal dete hai...acche se seat belt laga kar woh apne raste jaa rahe the tabhi ek BIO-BOT ka dhyan bhavri hui gadi ki taraf aa gaya...unn me se ek gadi ki taraf fire karne laga..50MM ki woh bullets raste me aane wali pedon ko aasani se aar-par ho rahi thi...bani jaise taise gadi ko control kar rahi thi…

Fir BIO-BOT ne fire karna band kar diya..gadi abb Aram se aage jaa rahi thi tabhi ek missile joh BIO-BOT ne chhodi thi woh aasman se seedha car ki taraf aane lagi…

Radha : BANI...woh kya hai….?

BANI : kya radha ?

Radha : woh...woh ...yahi aa raha hai...woh….

Itna Bolte Bolte ek dhamaka hota hai jisse se car ka balance kho jaata hai aur woh ek ped se jaa takati hai…

Teeno ko halki halki chot lagti hai...dev toh abhi behosh hi tha...usse toh kuch pata hi nahi tha ki yaha kya chal raha tha….

Radha joh sab se pehle khadi hoti hai..woh bhag kar BANI ke paas jaati hai..use sahara de kar uthati hai...aur fir dev ki taraf aati hai…

BANI : mar toh nahi gaya???

Radha : nahi...aur chot bhi nahi aayi iss ko itni...theek lag raha hai...tum kaisi ho?

BANI : main theek hun... Radha…

Bani jo abhi radha se baat kar rahi thi woh baat karte karte dekhti hai ki woh BIO-BOT unki taraf hi aa raha tha…

BANI : radha meri baat suno...chahe kuch bhi ho jaye Gaadi se baahar mat nikalna…

Radha : baat kya hai... BANI...nahi...main bhi saath chalungi…

BANI : dekh Radha, tum usse nahi hara paogi...mujhe experience hai unse ladhne ka toh behtar yahi hoga ki tum iss ladke ke saath yahi raho...tumhe meri kasam...kuch mat bolo…

Itna keh kar bani Gaadi me se gun nikal deti hai...aur BIO-BOT ki taraf fire karte hue jaane lagi...dusari taraf dusara BIO-BOT bhi fire kar raha tha...ramu kafi takkar de raha hoga...

 

[Sabhi91]

Kya is story mai kahi sex scene v hai

 

[Itz Anjum]

Update 35

Previously…

BANI : radha meri baat suno...chahe kuch bhi ho jaye Gadi se bahar mat nikalna…

Radha : baat kya hai... BANI...nahi...main bhi saath chalungi…

BANI : dekh Radha, tum usse nahi hara paogi...mujhe experience hai unse padhne ka toh behtar yahi hoga ki tum iss ladke ke saath yahi raho...tujhe meri kasam...kuch mat bolo…

Itna keh kar BANI Gadi me se gun nikal deti hai...aur BIO-BOT ki taraf fire karte hue jaane lagi...dusari taraf dusara BIO-BOT bhi fire kar raha tha...ramu kafi takkar de raha hoga…


Continue…

Radha Dev ko pakade car me baithi thi...aur baahar BANI ko jaate hue dekh rahi thi…
BANI toh abb BIO-BOT ke kaafi karib pahunch gayi thi...apni gun se uss ke upar fire kar rahi thi…. BIO-BOT bhi dahadte hua unn dono par fire kar rahe the...BANI abb ek ped ka cover le kar baith gayi... BIO-BOT ko pehle se hi andhadhundh firing kar raha tha...uss me se ek bullet BANI waale ped par lag gayi...jis se BANI ko chot aa gayi aur woh niche gir gayi...sath me ped bhi...BANI abb ped ki tehni ke niche aa gayi...usse bahar nikalna mushkil ho raha tha…

Dur se radha ko yeh dekh raha nahi gaya woh bhi apne haath teer kaman leke BIO-BOT ke samane aa gayi...hamesha darne wali Radha ke andar pata nahi kaisi sphoorti aa gayi...woh bina dare biobot ki taraf chali gayi…

Yeh dekh BANI jor se chillai…

BANI : Radha...Nahi tum abhi ke abhi wapas chali jao...please meri baat maano…

BANI ki baat ka jawab dete hue radha boli..

Radha : Nahi BANI mujhe maaf kar do...mai yeh tumhari baat nahi maan ne wali...agar mai bich me na sau toh woh BIO-BOT tumhe maar dega...aur tum abhi khud ka bachao bhi nahi kar sakti…

Itna bol kar Radha kamaan me teer laga kar nishana laga deti hai...lambi sans chhodate hue woh teer chhod deti hai...joh seedha biobot ke aankh ke paas ja lagta hai...jis se BIO-BOT ka dhyan BANI se hat kar radha pe aata hai…

Ek dahad chhodate hue woh BIO-BOT radha ki aur aane laga...itne confidence ke saath BIO-BOT se ladne wali radha ki toh hawa tight ho gayi...woh sab chhod kar wapas chillate hue bhaagne lagi...yeh dekh BANI ki aankho ne aansu aane lage...woh wahan se nikalne ki koshish karne lagi lekin woh nahi nikal pa rahi…

BIO-BOT ki goliyon se bachate hue Radha car ke bhi aage nikal gayi jaha Dev behosh pada tha... aasaman me ab kaale baadal chhaye hue the...aur barish bhi shuru ho gayi .. BIO-BOT dheere dheere radh ki aur jaa raha tha..barish ki bundon se dev ko abb hosh aane laga…

Tabhi BIO-BOT car ke paas se jaa raha tha...isse dekh Dev fir se car ke andar chup gaya...usse pata nahi tha ki woh kaha jaa raha hai...fir ek ladki ki awaz sunai di...dev uss awaj ki taraf dekhta hai toh pata chalta hai ki ek ladki niche Jameen par padi hui hai...aur BIO-BOT uske kaafi paas tha…dev aage kya hone wala hai yeh samajh jata hai…

Dev : oye ladki...suno meri baat, uske samne khadi mat hona...agar…

Dev ka bolana khatam hone ke pehle hi radha khadi ho jaati hai aur BIO-BOT use ek chinti ki taraf fek deta hai...jise dekh Dev BIO-BOT ki taraf badh gaya… achanak se Dev ko dekh BANI thoda shock ho gayi lekin usse kuch rahat mil gayi ki shayad yeh ladka radha ko bacha payega…

Dev : yeh ladkiyan bhi na...kabhi nahi sunati….

Yeh badbadate hue dev apni tezi badha deta hai... BIO-BOT dheere dheere Radha ke paas jaa raha tha joh abb kaafi jor se chilla rahi 5hi..
Uske pair par kafi chot aa gayi thi jiske karan woh hil bhi nahi pa rahi thi…

Phir BIO-BOT radha ko ek hath se utha deta hai aur jaise hi khane wala hota hai...uske pichhe koi aa jata hai aur ek jhatke me hi uss BIO-BOT ko maar deta hai… ek badi se chikh ke saath woh BIO-BOT apni jaan chhod deta hai... marne ke baad radha BIO-BOT ke haath se chhut jaati hai jisse dev jaise taise pakad leta hai...aur ek side bitha deta hai…

Dev : tum theek toh ho??

Radha : mera pair…

Dev : aise hi baithi raho...khoon beh raha hai...main kuch karta hun…

Yeh bol dev apna shirt nikal kar uske pair par bandh deta hai jis se jyada khoon na bahe…

Radha hosh sambhal ne ke baad usse BANI ki halat samajh me aati hai…

Radha : suno waha ped ke paas meri behan jakhmi padi hai usse bahar nikalo please…

Dev : kaunsa ped?

Radha : sahi joh niche gira hai...uske niche hai meri behan BANI…

Dev : tum yahi ruko main usse lata hun…

Yeh bol kar dev uss Kate hue ped ke pass jaata hai…

BANI use aate hue dekh usse awaj lagati hai..

BANI : oye...yaha niche...iss dali ko hatao…

Dev : ha ek min abhi hata deta hun…

Itna bol kar dev BANI ke paas jakar uss dali ko hatane ki koshish karta hai...thoda jor dene ke baad dev uss dali ko utha deta hai aur BANI bahar aa jati hai….

Baahar aate hi woh sabse pehle gun dhundhati hai aur dev ke upar tan deti hai…

Dev yeh dekh confuse ho gaya...jisne abhi uske jaan bachayi ussi ke upar gun tan di..?

Dev : bhalai ka toh zamana hi nahi raha…

BANI : chupchap apne haath upar rakho….

Dev : Dekho main tumhe kuch nahi karunga...yeh hath upar karna mujhe pasand nahi...waise tumhe apni behan ke paas Jaana chahiye….

Radha ka jikar hote hi BANI ki aankhe use dhundhne lagi...ek jagah usse baithe dekh woh Dev ko sahi chhod kar uske paas gayi…usse gale lagate hue bol padi...

BANI : tum theek toh ho behna?? Mujhe maaf kardo main tumhe bacha nahi saki….

Radha : Yeh kya bol rahi ho BANI? Agar woh ped ke niche tum na aati toh uss BIO-BOT ki toh khair nahi thi....Dimag pe jyada jor mat de...Lekin uss ladke ne apni jaan par khel kar mujhe bachaya hai…

Radha yeh baat Dev ki taraf ishara kar kr boli thi...uski baat sunkar BANI ne dev ke taraf dekha...fir Radha ki halat ka pata karne lagi…

Apne saathi ki Chinkh sun kar dusara wala BIO-BOT bahut gusse me aa gaya….Ramu ko wahi chhod woh Dev, BANI aur Radha ki taraf aane laga...aane wale khatre se anjaan teeno baithe aaram karne lage the...BIO-Bot ki aawaj sun Dev bol pada…

Dev : yeh kaha le aaye ho aap log mujhe?? BIO-BOT ko khilane ka toh plan nahi tha tumhara….

Dev ke baton se BANI ko gussa aata hai woh kuch bolne se pehle hi Radha bol padi…

Radha : Hum apne ghar jaa rahe the...iss ne tumhe kidnap kiya tha...raste me pata nahi BIO-BOT kaha se aa tapke…

Dev : tum log kisi safe jagah ruk jaao main uss BIO-BOT ko dekhta hun..kya tum isse utha sakti ho??

BANI kuch bolne se pehle Radha boli…

Radha : Yeh toh zakhmi hai...tum utha kar le chalo mujhe…

Radha ki yeh baat sun BANI ko halki hassi aayi...Jise sun Radha chid gayi..

Radha : Tu has kyun rahi hai??agar aisa hai toh chal tu hi utha mujhe…

BANI : main toh tumhe asani se uthati par abhi mere pair me dard hai...main utha nahi paungi..

Yeh baat BANI ne radha ko aankh marte hue boli…

Dev : Chalo main tumhe safe jagah chhod deta hun…

Itna bol dev Radha ko utha leta hai aur ek safe jagah chhod deta hai…

Dev : BIO-BOT paas me hi hai yahi raho uske nazar se bach jaogi….are yeh kaun hai BIO-BOT ke pichhe…? Pagal toh nahi??

BANI : Woh mera aadmi hai...aur woh pagal nahi... hamari madad kar raha hai…

Dev : Aise toh yeh kabhi BIO-BOT ko maar nahi payega….jo bhi ho tum log yahi raho...aur tum...koi takad dikhane ki jarurat nahi...Apni behan ka khayal rakho...wahan aane ki jarurat nahi..

Yeh baat dev ne BANI ko Dekhte hue boli jo apni guns ko load kar rahi thi...Itna bol Dev Chupke se BIO-BOT ki taraf jaane laga...

 

[Itz Anjum]

Kya is story mai kahi sex scene v hai

To tumha kia chia

 

[Sabhi91]

Mujhe to thrill with sex dono chahiye

 

[Itz Anjum]

Mujhe to thrill with sex dono chahiye

Sex Ka Bas Naam he Ho Ga.....Thriller KoT Kot Ka bhara he veer g.....koi or story read kar lo hhhhhhh