- 44
- 11
- 8
Update:-10
Manas, eklauta jo in coporate affairs se dur tha... gahri sans lete khud se kaha.…. "Bas ek baar mil jao.…. Kidhar chhipe ho"
Manas thodi der khud ke atit me jhakaa. chhote-chhote uske bhai-bahan, unki pyari khili si mukaan, aur sath me un sab ke sir par hath ferti uski maa. Iss pal ko yaad kar ke Manas mand-mand muskura raha tha....
Ek gahri sans ke sath Manas apni aakhen khola…. ek ladka uske pass khada, usse jagane ki kosis kar raha tha....
Manas...... Kya hua chhotu, pata chala kuch wo sab kahan gaye.
Ladka...... Haan saab ji sab pata chal gaya. Wo deewan sahab aur unki beti kahan hai wo to pata nahi, lekin haan uske ek karibi dost Kanpur me rahte hain, wo aap ko deewan saab ke bare me jaroor bata sakte hain.
Manas.... Uss aadmi ka koi pata bhi hai, ya bas Kanpur ka he naam pata lagaa kar aaya hai....
Ladka.... Ha ha ha…… nahi nahi sahab ji, pura pata bhi laya hun.
Manas...... Thik hai fir, jald se jald Kanpur jane ki vaywastha karwao.
"Thanks god, aakhir kar kuch to hath laga…… kash koi jadu hota aur main sidha Deewan ke pass he pahunch jata. Ab to had hai iss bechaini ke….. koi mujhe jald se jald Kanpur pahunchao"... Manas, se ab ek pal ki bhi deri bardast nahi ho rahi thi.….. Wo jald se jald kisi tarah se Kanpur pahuchna chah raha tha.
Wahin Delhi me, Corporate affairs me khud ko sab se strong samjhne wala khiladi, iss waqt khud ko kafi tanha samjh raha tha. Harshwardhan ne kal raat Rounak se baat kiya, aur Manu ke visay par charcha karna chaha. Lekin Rounak ne usse "tabiyat kharab si lag rahi hai" .. aisa kah kar phone rakh diya.
Amrita..... Harsh, tum itna tension kyon le rahe ho, galti tumhari he hai, jo tumne Manu ko kam aakan.
Harsh.…… Hmmmm ! Tum sahi keh rahi ho, par ye Rounak ko kya hua, wo mujhe avoid
kyon kar raha hai.... uske dimag me chal kya raha hai....
Amrita..... Mujhe to shaq ho raha hai, Kyonki kal Rajeev, Vansh aur Rounak teeno he ek waqt par nikle the....
Harsh.….. Isme shaq kahan se hua Amrita, teeno sayad humari tarah hi Manu ke post ko bhuna nahi paye, aur announcement ke baad he nikal gaye ho. Ab teeno ke bich kal kuch hua ya nahi, ye to unhi teeno me se koi ek bata sakta hai.….. lekin papa ka yun apna post chhor dena aur Manu ko uske jagah bitha dena, ye to mere samjh se pare hai....
Amrita...... Aap abhi office jao, main aaj ghar par rah kar pata karti hun, papa ji ne aisa kyon kiya...
Harshwardhan office ke liye nikal jata hai, aur Amrita SamSher se baat karne uske kamre pahunch jati hai.… "Kya main ander aa jaun daddy ji"
SamSher..... Aao, Aao Amrita... tumhe aane ke liye izazat ki kya jaroorat...
Amrita..... Daddy ji mujhe aap se ye ummid nahi thi, aap ne mera dil toda hai...
SamSher..... Dil aur maine, wo kaise Amrita...
Amrita..... Apna post uss kutiya ke bache Manu ko de kar...
SamSher.…… Amrita, ab jane bhi do iss baat ko. Naya khun hai, humare business ko
bahut aage le jayega.... kuch achha hota hai to khush hona chahiye....
Amrita.... Isme achha kya tha daddy ji. Khud kee company ko to wo duba raha hai.…. aur aap ne pure group ki jimmedari uss par saunp dee. Achha hai daddy ji, meri sewaon ka kya khub sila diya hai...
SamSher, gusse me..... Ehsaan na dikhao Amrita, tum ne jo bhi kiya tha wo bas apne swarth me kiya tha, usse sewa ka naam nahi do...
Amrita..... "Daddy ji, usme mera koi swarth nahi tha, balki kewal aapka apna swarth jura hua tha. Aur haan yadi main dubi to aap ko bhi nahi chhorne wali, yaad rakhna ye baat.... Aap ke iss S S group ki buniyad mere ek muh kholne se poori hil jayegi. Out if the way ja'kar maine gair-kanooni ko kanooni banaya. Aap ko ab bhi lagta hai ki Kavya ke case me mera koi swarth tha...
Bhuliye mat tab Harsh bhi naya khun tha aur aapko tabhi Harsh ko ye poori jimmedari de deni chahiye thi. Pahle aapne uss bitch Kavya ko aut ab uske iss spole ke... Hum hai bhi ki nahi aapki zindgi ne daddy ji. Yadi meta haq chhina gaya fir main kisi ko chain se rahne nahi dungi...
SamSher.….. Meri umr to bit chuki Amrita, ab in dhamkiyon ka mujh par koi asar nahi hoga. Tum ne muh khola to mera kuch nahi jayega, ulta tumhare hisse ke 15% share jo hain, wo bhi Manu ka ho jayega, aur tab sayad tumhe pachtava ho ki kyon tumne apna
muh khola.... now get lost.… jo karna hai karo. Aur kahin yadi mera dimag khiska to
main pura group Manu ke naam par kar dunga...
Amrita..... Sorry daddy ji, main thoda gusse me aa gayi thi. Par meri haalat bhi to samjhiye. Harsh ke rahte aap ne Manu ko MD bana diya....
SamSher.…. Tum dono nakare ho, aur mujhe bas Manu me future najar aata hai. Maine
galti kiya... Mujhe un dono bhai ko bhi tum sab ke barabar shares dene chahiye the...
Amrita...... Daddy ji, jarra ye bhi to sochiye ki pure group ko khada karne me mera kya yogdan tha....
SamSher.... Main bhula nahi kuch bhi Amrita, lekin sayad tum log bhul chuke ho.... Dimag ke ghode daurav aur soch ko badlo pahle. Iss baat par gaur karo ki aakhir Manu he kyon Md ke layak hai. Jab tumhe baat samjh me aa jayegi, samjh lena tumhe jo chahiye wo tumhe mil gaya....
Amrita, SamSher ko gayi thi to samjhane, lekin khud he samjh kar aa gayi. Idhar pura office aur factory worker phool-mala liye, office gate par Manu ka intzar kar rahe the.... Jaise he Manu ki car gate pe pahuchi, sare worker ne uska rasta rok liya....
Kisi ke aakhon me aanshu the, to kisi ke chehre par khushi. Sab ne Manu ke kal ke
faisle ka swagat kiya. Kayi sare workers aur sab ki kuch na kuch paresaniya, sab ne
apni paresani bhi rakhni chahi, lekin bhid me sab ki baat hawa ho gayi....
Manu sab logon ki badhaeyan swikar kar sidha MD chember me aaya. Aaj uske pass
2 PA the... ek to uski apni Sneha... aur dusra Arjun.....
Manu.... Arjun boss ab kya aap mere pichhe rahenge....
Arjun.... Mauka mila hai sir, please mana mat karna ......
Manu.... Par ek samsya hai Arjun boss.... Main Sneha ko hata bhi to nahi sakta. Achha ek kaam karo aap, meri pichhli chair khali hai, usse ja kar aap dekho.. mujhe wahan ke CEO ke liye kisi na kisi ko to appoint karna he, to aap kyon nahi....
Arjun..... Kya baat kar rahe hain sir, sach me main ye sahi sun raha hun....
Manu Haan bilkul sahi sun rahe hai, ja kar HR se apna naya appointment letter
collect kar ke aaj he wahan ka kaam sambhaliye....
Arjun ke jate he..... Manu kya wo CEO ke kabil tha....
Manu..... Chill Sneha aur aaj ka kaam batao....
Sneha:- Ji nahi, pahle aap samjhayenge ki kyon ek talented employee ki jagah ek incapable experienced ko wo high post de di gayi hai.
Manu.… Kya tumne jo baten kahi wo mujhe pata nahi?? Ab kuchh kaam kar len… Batao pahla kaam kya hai???
Sneha.... Aaj ka sab se jaroori kaam, Miss Sneha ki salary kewal 20% he kyon badhi.... Usse to 200% badhna chahiye tha....
Manu..... Ha ha ha…. chalo mazak chhoro, aur mujhe ek serious point par discuss
karna hai...
Sneha..... Yes Boss, bataeye....
Manu..... Sneha mujhe lagta hai office staff aur factory worker ki kayi tarah ki samsya hai, jo suni nahi jati. Main soch raha hun ek grievance committee banaun, jo workers ki paresani sun'ne aur usse solve karne ke liye bane.....
Sneha..... Hmmm ! Manu isme grievance committee ki koi jaroorat nahi samjh me aati hai. Already HR hai na unki sun'ne ke liye.... bas niyam me thode badlaw lana hoga.... aur uske liye apne law advisers ki rai le lo.....
Manu..... Haan thik hai... kal ki ek meeting unke sath rakh do..... Aur ye Md chamber tumhara.... baith kar files check karte rahna…. koi jaroori file dikhe to mujhe msg karna, call kar ke distrub mat karna...
Sneha.... Lekin Manu, aaj pahle din he kahan ja rahe ho.....
Manu..... Mujh se koi jali hui hai... uski jali ko bujhane ya bhadkane ja raha hun abhi, kuch kah nahi sakta ......
Sneha.... Best of luck Manu.... mujhe puri detail bata dena ......
Idhar Amrita kafi gahan manthan karne ke baad Harshwardhan ko office phone lagayi... aur usse saaf sabdon me kah dee.....
"Aaj raat humara pura pariwar iss chhat ke niche hona chaiye. Ek family meeting bulao. Sukanya ko tum bula lena, aur main Kaya ko bolti hun jaldi Delhi ki filght le
aur Manu ko bhi raat ko humare sath samil kare".
Harsh..... Amrita yun achanak se family meeting kyon.....
"Kyonki aaj mujhe gyan aa gaya hai Harsh. Mujhe aaj apne ghar me, pura pariwar ek
sath chahiye, matlab chahiye. Har ek member ko bulao"….