Romance Tumhaare Liye- Ek Prem Kahaani (Complete)

[Naina]

Manisha ke baat hogayi raghav se aur usne usey ek tarah se mana bhi liya sorry bolne ke sath but humare raghav babu ab tak ghar nahi aye dekh rahi ho Naina ji aap

Hawas ki aag mein jalti do badan ,, kaam vasna ke chalte jaise uttejit ho gaye hai...
Jawani to dekho dono ki ..aaye haaye nazar na lag jaaye tharkiyo ko...
( waise yahan un dono kirdaaro ke liye jo gaaliya thi ,, ushe skip kar di maine )

 

[Destiny]

UPDATE- 72


Savita ye bolkar kamre se bahar chali gayi. to Manisha man hi man Raghav ke bare mein sochne lagi.


Manisha- maine bina jane samjhe uske mummy papa ke bare mein jo bola tha usse uska gussa hona jayaj hai. par mujhe nahi pata tha ki aisa kuchh ho jayega. Nahi to main kabhi bhi aisa nahi bolti. Pata nahi kaha hai. dust kahi ka bahut maza aa raha hai mujhe pareshan karne mein.


Manisha lagatar uska number laga rahi thi, lekin uska phone switch off bata raha tha.


Aisa hota bhi hai jab aapko apni galti ka ahsas hota hai to aap us aadmi se maafi mangne ke liye bechain ho jate hain aur jab tak mafi mil nahi jati tab tak man ko chain nahi milta.


Thik yahi haal is samay Manisha ka bhi tha,. Wo Raghav se ek baar mafi mangna chahti thi.


Idhar Sarita jab PS pahuchi to uske sare staff ne uska jordar swagat kiya aur haal chal jan-ne ke liye use gher liya. To sarita ne kaha.


Sarita- Are main bilkul thik hoon. To filhal ap sab apne apne kam par focus kijiye.

Janhavi- bas yahi cheez madam, bas yahi cheez ham miss kar rahe the. Aap ke aane se jo itne din ki kasar baki thi wo ab poori ho gayi hai.

Sarita- Hmmmm. Achha ye amit kaha par hai. dikhayi nahi de raha hai.

Ranjana- Aapko nahi pata madam.

Sarita- Kya nahi pata.


Tabhi Jawed ne ek file Sarita ke samne aage badhate huwe kaha.


Jawed- kuchh nahi madam, baki sab bate to baad mein hoti rahegi. Pahle aap ye file dekh lijiye bahut important file hai. isme aapke aur Rawat Sir ke signature chahiye.

Sarita- Okkk Okkk. Work first.


Itna bolkar Sarita apne cabin mein chali jati hai aur apne kaam mein lag jati hai.


Udhar Manisha apne kamre mein baithi hui lagatar Raghav ka number ka diel kar rahi thi, thodi der baad Raghav ka Number busy aane laga tha. Ye dekhkar Manisha ne kaha.


Manisha- thank god. Kam-se-kam mahashay ne phone to on kiya. Ab jab tak phone utha nahi lenge tab tak call karungi. Main bhi dekhti hoon ki kab tak naraz rahte hain mujhse.


Ye sab badbadate huwe Manisha lagatar phone karti rahti hai. lagbhag 20 call ke baad Raghav ne mahisha ka phone uthaya to Manisha ne lagbhag dantne wale andaz mein Raghav se kaha.


Manisha- kaha par ho. dimag kharab ho gaya hai kya tumhara. Yaha sab pareshan hain tumhe lekar aur tumhe kisi ki parwah nahi hai. aise bina bataye kis guffa mein jakar sadhna karne lage jo kisi ko batana bhi jaroori nahi samjha.


Raghav ne Manisha ki baat ko najarandaz karte huwe usase kaha.


Raghav- Tumhari tabiyat kaisi hai ab.


Manisha ye sunkar gusse mein aa gayi. Raghav uski baat ko najarandaz kar raha tha to Manisha gusse mein boli.


Manisha- mar rahi hoon main. Kam se kam mar bhi jati to jaan chhut-ti.


Raghav- (chillakar) Ek thappad lagaunga na to tumhara dimag thik ho jayega. Sari ulti sidhi bate band ho jayengi. Ab agar dobara aisa kuchh bola to dekh lena.


Manisha- (gusse par kabu karte huwe) Achha thik hai nahi bolti main kuchh bhi. Sorry sorry, bahut sara sorry par ab ghar aa jao wapas. Aakar jitna bhi thappad marna ho maar lena main kuchh bhi nahi kahungi, lekin ab laut aao. Didi bahut pareshan ho rahi hain.


Raghav- main nahi aaunga. Jab tumhe koi fark hi nahi padta to main kya karunga waha aakar.


Manisha- (man mein) Fark pad raha hai tabhi to aane ke liye kah rahi hoon. Abhi tumhe gaye huwe ek din bhi nahi huwa aur meri halat kharab ho gayi hai. Tum jab tak meri aankho ke samne the tab tak mujhe samajh mein nahi aaya, lekin jab se gaye ho tab se mujhe ek pal ke liye bhi chain nahi aaya. Main samajh nahi pa rahi hoon ki kya yahi pyaar hai ya kuchh aur.


Manisha ka jawab na pakar Raghav ne phone cut kar diya. Phone cut ho jane ke baad bhi Manisha apne phone ko aise hi apne kam mein lagaye rahi. Raghav ne phone katne ke baad jab phone dekha to Manisha ke 50 se bhi jyada massages pade huwe the aur sabhi mein sirf sorry hi likha huwa tha. Ye dekhkar Raghav muskuraya aur bola.


Raghav- Jab mujhse door nahi rah pati ho to itna nakhara kyon karti ho. tumne mujhe itna pareshan kiya hai ki thoda pareshan to main bhi tumhe karunga.


Thodi der baad Manisha fir se Raghav ko call lagati hai lekin Raghav phone receive nahi karta. Manisha bunbhunane lagti hai.


Manisha- khadus kahi ka. Ab baat nahi karega. Kam se kam phone uthakar ek baar bata to sakta hai ki kaha par hai. pareshan karne mein bahut maza aata hai na.


Manisha fir se phone karti hai, lagatar karti hai to Raghav ne jhallate huwe phone uthaya aur kaha.


Raghav- Kya kaam hai tumhe.

Manisha- koi kaam nahi hai mujhe. Aap kaha par ho bas ye batao.

Raghav- Kahin bhi rahu. Tumse kya matlab.

Manisha- Yaha nahi aaoge.

Raghav- Nahi aaunga.

Manisha- Plz zid mat karo aur wapas aa jao.

Raghav- Main nahi aaunga nahi to tumhara natak fir se shuru ho jayega. Pareshan kar rahe ho. irritate kar rahe ho. bla blaa. Aisa hai aisa nahi hai.

Manisha- main kuchh nahi bolungi. Pakka promiss.

Raghav- Thik hai sochta hoon fir ki aana hai ya nahi.

Manisha- Dekho jyada bhav mat khao. Aana hai to aao nahi to bhad mein jao.


Itna kahkar Sarita ne phone rakh diya.


Udhar PS mein kaam karte samay bato bato mein Sarita ko ek aisi baat pata chali ki uska para high ho gaya. Use Nishchal par bahut hi jyada gussa aane laga. Usne Nishchal ko kai baar phone kiya lekin nishchal ka phone out of reach bata raha tha. Jiske karan uska gussa satve aasman par pahuch gaya.


Udhar Nishchal Lucknow pahuch chuka tha. Usne Anant ko phone kiya.


Anant- Hello.

Nishchal- Anant ji. Main Nishchal. Main aapki farmecy ke paas khada huwa hoon.

Aanat- Aap rukiye main aata hoon.


Phone rakhne ke kuchh hi der baad Anant use lene ke liye aaya. Anant Nishchal ko lekar apne ghar gaya. Anant ka ghar bhi achha khasa tha. Wo Nishchal ke jitna Ameer to nahi tha, lekin ghar ko aur uske andar ki sajawat ko dekh kar uski raisi saff jhalakti thi.


Uska ghar bhi kisi mahal se kam nahi tha. Nishchal Ne Anant ke Mummy papa ka pair chukar aashirwad liya. Us samay Anant ki bahan Charu ghar par nahi thi. chaai nashta karne ke baad Anant ke Mummy papa se baat karne ke baad Nishchal ne Anant ke mummy papa se kaha.


Nishchal- Aapko Anant ji ne bata diya hoga ki main kaun hoon aur kisliye aaya hoon. Fir bhi main apna parichay khud de deta hoon. Main Nishchal hoon. Jaunpur mein DSP hoon.

Main yaha Anant ji se kuchh baat karne ke liye aaya hoon Kyonki meri di aur Anant ji aapas mein pyaar karte hain aur shadi karna chahte hain, kya main kuchh der ke liye Anant ji se Akele mein baat kar sakta hoon.

A. Papa- Haan beta kyon nahi. Tum Anant ke sath upar chat par chale jao aur aaram se dono log baat kar lo.


Anant Nishchal ko lekar chat par chala gaya. Chat par pahuchne ke baad Nishchal ne kaha.


Nishchal- Dekhiye Anant ji. Ab tak jo kuchh bhi huwa hai wo aapko di ne bata hi diya hai. main apni di ko bahut pyaar karta hoon. Isliye main abhi tak is rishte ke liye mana kar raha tha.

Jiska karan aapko bhi pata hi hoga. Fir bhi main apni di ki Khushi ke liye aapse dobara milne aaya hoon. Ummeed hai ki aapke liye mere man mein jo dharna bani hui thi uske bare mein jankar aap bura nahi manenge.

Anant- Isme bura man-ne wali koi baat hi nahi hai Nishchal. Haan shuru mein mujhe ye jankar achha nahi laga tha ki tum mujhe gunda mawali samajhte ho, lekin jab maine tumhari jagah apne aapko rakhkar socha to mujhe pata chala ki tumhara najariya galat nahi hai,

kyonki jis wakt tumne mujhe dekha tha us wakt main gundo mawaliyo wali hi karkat kar raha tha, lekin uske pichhe kya karan tha wo to aapki di ne aapko bata hi diya hoga, mujhe to is baat ki Khushi hai ki Mujhse bhi jyada use pyaar karne wala koi hai.

Uske bhale bure ka kyal karne wala koi hai. Mere man mein tumhare liye koi bair wali bhavna nahi hai. main bhi apni bahan ke liye shayad aisa hi karta.

Nishchal- Mujhe aapse kuchh sawal poochhne hain.

Anant – Haan kyon nahi poochhiye.

Nishchal- Aap meri di se kitna pyaar karte hain, mera matlab hai ki aapne mummy papa se jyada.

Aanat ji- Main Savi se kitna pyaar karta hoon ye to shabdo mein bayan nahi kar sakta, Kyonki wo meri rooh mein basti hai. meri jaann hai wo. Jaha tak mere mummy papa ki baat hai to main apne mummy papa ko bahut pyaar karta hoon.

Kyonki wo mere janamdata hain. Wo hain to main hoon. Wo nahi hain to main bhi nahi hoon. Mere dil mein Mere mummy papa ke liye ek alag darza hai aur Savi ke liye alag darza hai

Nishchal- Kya Aapko dar nahi lagta agar main ye rishta dobara inkaar kar doon bn to.

Anant- Maine pahle bhi aapse kaha hai ki wo aapki bahan hai. Uske liye kya achha hai aur kya bura iska nirnay aap le sakte hain. Lekin fir bhi mujhe lagta hai ki ek baar aap mujhe samajhne ki koshish jarur karenge kyonki main Savita se bahut pyaar karta hoon.

NISHCHAL- Lekin meri di to bahut hi nadan hai Mujhe dar hai ki kahi usne insan ko chunne me galti to nahi kar di hai. Mujhe bhi laga tha ki di ne shayad insan chun-ne me galti kar di hai.

Lekin kuchh din se mujhe lag raha tha ki ek baar aapse mil lene mein kuchh buraai bhi nahi hai. Aakhir mein bhi dekhna chahta tha ki jiske pyaar ka dam meri di bharti hain wo meri di ke pyaar ke layak hai bhi ya nahi.

Ajith:- Main bhi savita se pyaar karta hoon aur main bhi ye saabit karna chahta hoon ki main Savita ke layak hoon.


Anant ne ye baat confidently kahi jise sun-ne ke baad Nishchal ne kaha..


Nishchal- thik hai fir. saabit karo kaise Aap meri di ke layak hain. Lekin kuch bhi kehne se pehle ye samajh lijiye ki mujhe jhuth bilkul pasand nahi hai. Aapko to pata hi hoga mai ek Police wala hoon to Jhuth thoda bhi dikha chehre par to samajh lijiyega.


ANANT- Mai bhi apna pyar jhuth ke sahaare haasil nahi karna chaahta...Bas main yahi chahta hoon kii mai jaisa bhi hoon waise hi aap mujhe apni bahan ke layak samjhein.

Mai Savita ke layak khud ko iss liye maanta hu kyu ki mai Savita se bahut pyar karta hu Aur kuch bhi kar sakta hu Savita ki khushi ke liye. Aur mujhe vishwas hai Ki main Savita ko hamesha khus rakhunga.

Nishchal- Ye baat bhi Sahi hai aapki, lekin aapko bhi ye pata hai ki kewal pyaar ke sahare jindagi nahi chalti. Zindagi chalane ke liye Aur bhi bahut si cheezon ki jarurat hoti hai. Aap samajh rahe hain na.

Nishchal- Agar aap paise ki baat kar rahe hai to Savita ne aapko meri shop ke bare mein bataya hoga. Haan ye baat Sahi hai ki wo Shop mere papa ki hai, lekin kuchh samay se papa ka swasthya thik nahin hai isliye ab use main hi dekhta hoon.

Usase meri Achhi khasi kamaai ho jati hai. main ye bhi janta hoon ki main aap ki tarah bahut paise wala nahi hoon, lekin itna kama leta hoon ki main Savita ko khush rakh saku aur uski jarurat ko pura kar saku.

Nishchal- Aapki baat bhi thik hi hai. Aapne kaha ki di aapse bahut pyar karti hain aur di bhi kehti hain Aap bhi di se bahut pyaar karte hain Shayad mujhse bhi jyada. Iss baare me kya kahege aap?

Anant- aapki di ne bilkul bhi galat kaha hai aapse.


Anant ki iss baat par nishchal Anant ko dekhne laga wo bhi hairaani se. To Anant ne aage kahna shuru kiya.


Anant- Aap ka Savita ke liye jo pyar hai usse comparison ka kabhi soch bhi nahi sakta main. Main to Savita ko 5 saal se hi janta hoon lekin aap to uske sath bachpan se hain to fir aapse jyada main kaise pyar kar sakta hoon Savita se
Aap Savita se jo pyar karte hai wo unconditional hai.

Bina kisi faayde aur nuksaan wala pyar. Aapne aaj tak Savita ko jaise pyaar kiya, uski har khushi ka dhyan rakha uske pyaar ke khatir aaj mujhse milne bhi chale aaye.

Aur fir kal ko Savita ki Shadi ho jaane ke baad jo pyaar se uski vidaayi karenge uss pyaar ka kya hadd ho sakta hai.

Aapka pyaaar mahan hai apni bahan ke liye aur please isse mere pyaar ke saath compare mat kijiye aap.


Anant ki iss baat ne Nishchal ke kaleje ko thandak pahucha di. Anant ne aage kaha.


Anant- Lekin compare to jarur karunga Aapke aur Savita ke pyar ka. Main bhi apni bahan charu ko had se jyada pyaar karta hoon.

Bas itna hi kahunga ki as a husband jo pyar mujhe Savita ko dena chaahiye wo mai use jarur dunga. Koshish karunga ki usase jyada pyaar doon Aur iss mein main daawa kar sakta hu ki Savita ke liye sabse best husband sabit hounga. jindagi bhar khush rakhunga use.


Anant ne ya baat pure confident ke saath kahi. Jise sun-ne ke baad Nishchal ne kaha.


Nishchal- aap baar baar keh rahe hain ki Di ko aap jindagi bhar khus rakhenge. Lekin jindagi itni bhi aasan nahi hoti jitna ham sab samajhte hain. Kabhi kabhi chhoti chhoti baaton par badi badi ladaai ho jaata hai Aur agar ego dono par aa jaaye to pyar khatam hone lagta hai dono mein.

Shaadi se pehle sab bahut aashan lagta hai lekin shaadi hote hi dono ka interest ek dusre se kam ho jaata hai.


Anant- Mai aisa hone nahi dunga.

Nishchal- Aur Wo kaise?

Anant- Bahut hi simple si baat hai. Insaan ko honest hona chaahiye. Ye nahi kahunga ki kabhi hamaare bich mein problem nahi aayegi . lekin jab bhi mujhe meri galti ka ehsas hoga mai maafi maang lunga. Pyar karta hu aur jhukna bhi jaanta hu.

Jab meri galti hogi to main maafi maanunga aur jab Savita ki galti hogi to wo maang legi.

Mujhe lagta hai pati aur patni ka rishta aisa hi hona chaahiye. Ek dusre se pyar, ek dusre ka samman aur ek dusre par vishwas. Jo ham dono mein hi hai.

Aur rahi baat interest ki to Savita mera pyaar hai. Mai Savita se pyaar hi nahi uski respect bhi karta hu. Uska meri jindagi mein aane se meri jindagi hi badal gayi hai. Savita meri jindagi ki sabse badi khushi aur wardaan hai. Mai bahut khus naseeb maanta hoon khud ko jo Savita bhi mujhse pyaar karti hai.


Anant ke baat karne ke lahje aur har baat ka santi se jawab dene aur apni di ko respect dene se Nishchal Anant se impress bhi ho raha tha. Use ab lagne laga tha ki shayad usne anant ko samajhne mein galti to nahi kar di. Nishchal ne aage kaha.


Nishchal- Aapki soch bahut achhi hai aur mujhe aapse baat kar ke bahut accha laga. Bahut hi acche hain aap. Lekin jo main apne jeeja ji me khoj raha tha wo aapme nahi hai.


Nishchal Ki baat sunkar Ajeet ko bahut dukh huwa, fir bhi wo apne chehre ke bhav ko chhupate huwe bola.


Anant- Koi baat nahi Nishchal. Shayad mujhme hi koi kami hogi jo main aapka dil nahi jeet paya.


Nishchal- main is rishte ke liye bilkul bhi taiyar nahi hoon. Karan aapko bhi pata hai. meri di aapse bhaag kar shadi kar sakti hai. agar aap chahe to bhag kar shadi kar sakte hain.


Anant- Agar aap is shadi ke liye taiyar nahi hain to ye shadi bilkul bhi nahi hogi. Main Savita se bahut pyaar karta hoon aur usase shadi karna chahta hoon, lekin bhaag kar nahi. Ghar walo ki marzi se aur hansi Khushi se. main kisi ko dukh pahuchakar ya kisi maa baap ki badhuwa lekar shadi nahi karna chahta.

Main koi bhi aisa kaam nahi karna chahta hoon jisase Savita ke Sanskaro aur uske charitra par koi ungali uthaye. Aapki aur aapke maa baap ki izzat ka main tamasha nahi bana sakta. Agar Savita ko maine apna mana hai to uske ghar wale bhi mere apne hi hain. Aur apno ka dil dukha kar mujhe apni khushiya nahi chahiye.

Jaise maine itne din intezar kiya waise aage bhi intezar karunga Savita ka, lekin bhagkar shadi kabhi nahi karunga, Agar main aaj bhagkar Savita se shadi kar leta hoon to main aane wali na jane kitni bachhiyo ka gunahgar banuga. Jinki hatya garbh mein hi kar di jayegi ye sochkar ki badi hone par ye bhi Sarita ki tarah ghar se bhaagkar shadi kar sakti hai. is bojh ko lekar main jee nahi sakunga. Isliye jab aap haan karenge tabhi main Savita se shadi karunga.


Anant ke is jawab ne Nishchal ko bahut prabhavit kiya. Wo bahut khush tha Anant ko lekar usne Anant mein wo har cheej dekh li thi jo wo dekhna chaahta tha.


Nishchal ne Anant ki honesty, character, responsibility ke saath ye bhi dekha ki uski baaton aur aankhon mein kitni sacchaayi hai. Rishte se mana kar dene ke baad bhi naa hi usne koi dhamki di aur na hi koi birodh kiya. Uska Savita ke pyaar ko respect di aur bhagane ke bare mein socha hi nahi.


Aur sabse jaruri baat Anant ka Savita ke liye pyaar bhi dikha. Aisa pyaar jisme respect aur vishwas to tha hi Saath hi Savita ko khus rakhne ke liye paagal pan bhi tha Aur wo puri tarah sach tha.


Aisa rishta ko kaun mana kar sakta hai? Wo bhi apni jaan se pyaari bahan ke liye.


Ab Nishchal ko apne upar bahut jyada gussa aa raha tha ki usne kyon apni jid aur gusse me aakar Apni di ko 5 salon tak rulaya. Kyon usne apni di ki baat pahle nahi mani. Agar wo apni di ki baat mankar pahle hi anant se mil leta to aaj uski di ghut ghut kar na jeeti.


Lekin ab pahchane se kuchh nahi ho sakta tha, use rah rah kar sarita ki baat yaad aa rahi thi jab sarita ne usase kaha tha ki apni zid aur ahankar ke chalte kahin aisa na ho ki jab tak aapko is baat ka ehsas ho ki aapne di ke sath kitna galat kiya. Tab tak kahi der na ho jaye air aapko pachhtane ke siwa kuchh bhi na mile.


Usne man hi man sarita ko dhanyawaad diya ki jane anjane hi sahi, sarita ne use ek bahut bade pap se bacha liya jo usase abhi tak ho raha tha. Ye sab sochne ke baad nishchal ne kaha.


Nishchal- Meri train ka samay ho raha hai. Kya aap mujhe station tak chhod sakte hain.

Anant- Haan kyon nahi. Chaliye.


Uske baad Anant ne Nishchal ko station chhod diya.


idhar Sham ko Sarita kaam se ghar aayi. Sabhi ne milkar khana khaya aur Nishchal ke wapas lucknow se aane ka wait karne lagi. Is bich donon bahanein abhishek se bhi mil kar wapas aa gayi. Raat ke lagbhag 12 baje ke kareeb Nishchal ghar wapas aaya aur fresh hokar khana khakar apne kamre mein gaya to Sarita bhi utni raat ko uske kamre mein chali gayi.


Nishchal itni raat mein apne kamre mein Sarita ko dekhkar Chakit ho gaya. Sarita Nishchal ke paas jakar khadi ho gayi aur chillate huwe boli.


Sarita- Aapki himmat kaise hui aisi harkat karne ki.


Sarita ki baat sunkar Nishchal aashchaya se uski taraf dekhne laga. Nishchal ke kuchh na bolne par Sarita ne kaha.


Sarita- Maine aapse kuch poochha hai mujhe uska jawab chahiye. Aapne aisi harkat kyon ki.


Nishchal- Ye kya baat hui bhala. Ek to main abhi aaya hoon aur tum fir se shuru ho gayi. tum puchogi nahi ki tum jis kaam ke liye kal hidayat dekar mujhe gai thi. wah thik se huwa bhi hai ya nahi. Aakhir tumhari baat mankar main anant se milne gaya tha.


Sarita- (gusse se) Mujhe kuchh nahi jan-na abhi. Pahle main jo pooch rahi hoon uska jawab dijiye mujhe.


Nishchal bhi shayad samajh gaya tha ki Sarita kis baare mein baat kar rahi ha. Par usne talne ke liye kaha.


Nishchal- Dekho is samay mera mood bahut hi achha hai aur main tumse ladai karke apna mood bilkul bhi kharab nahi karna chahta to jo bhi baat hai to kal subah karna. Abhi main bahut thak gaya hoon aur raat bhi bahut ho gayi hai. mujhe sona hai.


Ye kahkar Nishchal Apne bister par late gaya. Sarita use ghoorti rahi fir gusse se mudkar kamre se bahar jane lagi to pichhe se Nishchal ne aawaz lagai.


Nishchal- Jate jate darwaza bhi band karti jana.


Nishchal ki baat sunkar Sarita ko aur bhi gussa aaya aur wo kamre se bahar nikal gayi aur darwaze ko jhatke se band kiya jiske karan bhadam ki aawaz shant vatavaran mein goonjh gayi.


Iske Aage ki Kahaani Agle Bhag main..​

Raghav aur manisha dono hi ajiv pyaar dono ke dil me hai paar smajh nehi pa rahe. Ragav shayad samjh gaya hoga tabhi jaane ke liye dur challa gaya bhale hi dikhabe ke liye.

Nishchhal aor Anant dono ki mulakat sakaratmak raha nishchhal ne jitne saval aur jis taike ke saval kiya agar anaant ke payaar me aansh matr bhi khot hota tho vo javab dene me hichkichata ya phir akad kar baat kart par anaant ne jis tarah shalin bhav aur samjhdari se jbab diya. Use sun nishchhal ko apni galti par pashtava ho raha hai aur man hi man ujjat deemag wali sarita ko thank you bol raha tha.

Adbhut atulniya lekhan kaushal

 

[Naina]

Ye text hai na. Toh koe ye batao text mai hum bole kese sakte hai

 

[Naina]

Manisha- kaha par ho. dimag kharab ho gaya hai kya tumhara. Yaha sab pareshan hain tumhe lekar aur tumhe kisi ki parwah nahi hai. aise bina bataye kis guffa mein jakar sadhna karne lage jo kisi ko batana bhi jaroori nahi samjha.

Sabhi pareshaan hone matlab kya hai

sarita to katayi pareshaan nahi aur na hi abhishek ya wo hawasi nischal pareshaan hai... Sabhi apne kaamo mein busy hai to ye aise kyun bol rahi hai...
Agra ke pagal khane bhag ke aayi hai kya jo muh mein aaye boli jaa rahi hai

 

[Naina]

Abhi tumhe gaye huwe ek din bhi nahi huwa aur meri halat kharab ho gayi hai.

kya baat hai... itne mein hi haalat kharab ho gayi.. itni garmi achhi baat na hai.... ye manisha to jyoti bahut ko bhi pichhe chhod degi...

 

[Naina]

Ajith:- Main bhi savita se pyaar karta hoon aur main bhi ye saabit karna chahta hoon ki main Savita ke layak hoon.

ab ye ajith koun hai aaila savita ke do do premi ek anant to duja ajith...

Buy one get one free.....
Ek sath ek bilkul muft
Savita to heavy driver nilki

 

[Naina]

ab ye ajith koun hai aaila savita ke do do premi ek anant to duja ajith...

Buy one get one free.....
Ek sath ek bilkul muft
Savita to heavy driver nilki

kitne aadmi the savita

 

[Naina]

Update 72
Ye ho kya raha hai kahani mein main puchti ki aakhir ho kya raha hai kahani mein
Nischal ki ye mazal ki savita ki shaadi kisi gair mard ke sath fix kar diya.... abhishek ki maal pe daka....
ruko abhi maja chakhati hun...

ab ye ajith koun hai aaila savita ke do do premi ek anant to duja ajith...

Buy one get one free.....
Ek sath ek bilkul muft
Savita to heavy driver nilki

Udhar jishm ki aag mein jalti manisha aur khud ko kaabu mein nahi rakh paayi aur laga di phone raghav ko... waise baatein bhi huyi, ushe wapas aane ko bhi kaha lekin ant mein raghav ne jo baatein kahi,,ushe sun manisha ke jishm ki sari aag jaise thandi par gayi... isliye gusse mein phone hi rakh di...

Dusri taraf nischal jaise ishi koshish mein hai kaise bhi karke sarita ko kisi kathputali ki tarah apne ungilyo pe nachaye... mana ki phone tap karna jaruri tha, lekin bina sarita ke puche hi tape kar diya...Chalo ye maan lu ki tab jaruri tha,, lekin raghu padke jaane baad bhi kyun tape kiya hua hai sarita ka phone ..
Matlab saaf hai nischal sarita pe total control karna chahta hai...
Raghu ke giraftaar hone ke baad bhi tape hai... iska matlab nischal ko sarita baaki ki personal information ke sath sath uski personal baatein bhi sunni hai... Kamina kahi ka...
Ye nischal to katayi romantic story ka hero nahi hai balki nischal ek abbal darje ka ...ab aage aur kya hi kahu .....

nischal ke liye yahin achha hoga ki chup chaap bina koi argue kiye savita ki shaadi abhishek se kar de..

Btw..Aapki lekhni jaise ek anokha karishma hai..... ki likhe gaye shabdo mein jaane kitne rang dikhaate hai, padhte waqt lage ki kirdaar aur unki gatividhiya jaise kabhi aasmaani barf ban kar to kabhi aasmani aag ban kar, kabhi jhadte patton ka khel, to kabhi aag aur paani ka mel, to kabhi baarish barsati hai to kahi bijuri kadkaati hai, kahin aag barsaati hai....
Shaandar update, shaandar lekhni shaandar shabdon ka chayan aur sath hi dilkash kirdaaro ki bhumika bhi...
Let's see what happens next
Brilliant update with awesome writing skills

 

[Mahi Maurya]

Hum wo hai jo writer readers ki soch badal de... to in kirdaaro ki kya bisat ki meri dhaarna badal de

वो तो आने वाला समय बताएगा मैडम।

 

[Mahi Maurya]

Manisha ke baat hogayi raghav se aur usne usey ek tarah se mana bhi liya sorry bolne ke sath but humare raghav babu ab tak ghar nahi aye dekh rahi ho Naina ji aap
Lagta hai amit se related koi masla huwa hai PS kyunki jab sarita ne jab uske barey pucha ranjana kuch batane wali thi but jaweed ne bich mai akar us baat ko rok diya aur shayad us mamle mai nischal bhi juda huwa hai isliye sarita madam ka para high hai nischal par shayad ye sab kuch raghu ke case se related ho.
Nischal kuch zyada hi impress hogaya anant ji se usko savi aur anant ka Pyaar ab kahi jakar samajh aya aur ab kahi jakar usey apni behen ki pasand par Naaz huwa.
Overall Awesome Update
BRAVO

धन्यवाद आपका महोदय।।
थाने में अमित से संबंधित तो नहीं लेकिन कुछ ऐसा जरूर पता चल गया है सरिता को जिसके कारण वो भड़की हुई है।।
निष्चल जुड़ा हुआ ही नहीं है बल्कि सारी कारस्तानी उसी की है।। इसीलिए भड़की हुई है सरिता।।

साथ बने रहिए।।