Romance Tumhaare Liye- Ek Prem Kahaani (Complete)

[Hell king]

Badhiya update mahi

 

[Mahi Maurya]

Badhiya update mahi

धन्यवाद आपका मान्यवर।

साथ बने रहिए।।

 

[jayantaDS]

UPDATE- 01


Bachpan ke Lekar Jawani tak ke kuchh ansh.


Allahabad shahar ke ek chhote se kabse mein Aanand Joshi apni patni Raani Joshi ke sath rahte the. Jo Lower Middle Class se belong karte the. Unka khud ka auto riksha tha jise chalakar wo apna aur apne pariwar ka gujara karte the. Wo jis makan me rahte the wo 3 kamre ke makaan tha jise unke pitaji ne banwaya tha. Jinki kuchh samay pahle hi mrityu ho chuki hai. Maa to bachpan me hi chal basi thi.


Pita ki mrityu hone ke baad eklauti santan hone ke karan unki sari jyayjat Aanand ji ke naam ho gayi. Aanand ji ek beta aur do betiya thi. Badi beti ka naam Sarita, Chhoti beti ka naam Manisha aur unke pyare bete ka naam Abhishek tha. Aanand Joshi ke Betiyo ki umar me 2 se 2.5 sal ka anter tha. Lekin Abhishek Sarita se 4 varsh bada tha. wo thoda gusse wala aur chhoti si baat ko dil par lagaa lene wala ladka tha. uski padhai bhi der me shuru hui. Padhaai me abhishek kamjor hi sabit huwa.


Abhishek Dono bahano se bada tha Aur beta hone ke karan apni maa ka ladla tha. Aisa nahi tha ki Mr. aur Msr. Joshi ko apni betiyon se pyaar nahi tha. Wo apni betiyon se bhi bahut pyaar karte the, lekin akela beta hone ke karan wo unka ladla tha. Unke sath sath Abhishek dono bahnon ka bhi ladla bhai tha. Dono bahane Hamesha Abhishek ke age pichhe Ghumti rahti thi. Abhishek class 6 mein, Sarita claas 4 mein aur Manisha class 1 mein padhti thi. Abhishek maa baap ke jyada lad pyaar ki wajah se thoda bigad gaya tha aur ladai jhagda bhi karne laga tha.


Ek din english ki class chal rahi thi aur Abhishek baitha hua apni copy me kuchh bana raha tha . Abhishek padhai likhai mein bhale hi kamjor tha, lekin Abhishek ki drawing Apni umar ke Aur bachho ke mukable bahut Aachhi thi. Padhaai likhaa se jyada uski ruchi drawing mein thi. Tabhi teacher ki najar Abhishek par padi. Unhone Abhishek se kaha.


Teacher- Abhisehk. Ram ne Shyam ko khane ke liye 2 Aam diye. Iska Angrezi me anuwad karo.


Lekin Abhishek to apni hi dhun mein drawing kar raha tha. Usne jaise teacher ki baat suni hi nahi ho ya sunkar bhi ansuna kar diya ho. Teacher Abhishek ke paas aa gaye ye dekhne ke liye ki Abhishek kya kar raha hai. Abhishek teacher ko apne paas khada dekh kar apni drowing chhupane laga. Teacher ne uske hanth se paper cheen liya Aur bole.


Teacher- Abhishek. Kya kar rahe ho. Aur ye English ke subject me tum ye drawing kar rahe ho.

Abhishek- wo sir main to wo….

Teacher- Achha to tum mujhe bana rahe the. Waise drawing to tum bahut achhi karte ho, lekin ye drawing ki class nahi hai. Ek to tum padhai me itne kamjor ho aur upar se class me bhi padhai par dyaan dene ke bajay drawing bana rahe ho. Meine tumhe kitni baar manaa kiya hai lekin tum ho ki mante hi nahin ho. Isliye tum bench par khade ho jao. Aur meri class khatam hone tak bench par hi khade raho.


Teacher ne Drawing dekhte huwe muskurate huwe kaha, kyonki Abhishek ne sach me drawing Achhi banai thi. Bas thodi bahut kami thi. Abhishek ne unka kaan aur naak kuchh lamba aur bada kar diya tha, jise dekhkar teacher ke chehre par muskan fail gai thi.


ABhishek ko punishment dekar teacher fir se bachho ko padhane lage. English ki class khatam ho jane ke baad teacher bahar chale gaye to Abhishek ki punishment bhi khatam ho gayi. Wo apni jagah par wapas baith gaya. Teacher ke gaye hue kuchh hi der hui thi ki ek ladke ne uski drawing wala paper le liya aur front me jakar khada ho gaya aur bola.


Ladka- Ye dekho Abhishek ne padhai chhod kitni ghatiya drawing banai hai.

Abhishek- meri drawing de yash. De meri drawing.


Lekin us ladke ne Abhishek ki baat nahi mani aur puri class me ghoom ghoom kar Abhishek ki drawing dikhane laga. Uske baad wo apni pen nikalkar uski drawing par apni pen ghumane laga. Jisase Abhishek ki drawing kharab ho gayi.


Drawing kharab karne ke baad us ladke ne Abhishek ko wo paper wapas kar diya. Apni drawing kharab ho jane par Abhishek ko gussa aa gaya aur usne us ladke ka sir pakadkar 3-4 baar desk par patak diya. jisase uska sir fat gaya aur khoon nikalne laga. Wo ladka jor jor se rone laga.


Ek ladka bhaag kar bahar chala gaya aur principal se Abhishek ki shikayat kar di ki Abhishek ne Yash ka Sir phod diya. Principal Aur kuchh teacher daude daude class me pahuche. To dekha ki yash jameen par apna sir pakadkar bhaitha huwa hai.


Uske sir se khoon nikal raha hai. Wo jor jor se ro raha hai. Abhishek apni seat par baitha huwa chocolate kha raha tha. Principal Sir ko bahut gussa aaya. Wah Ahishek ke paas gaye aur ek jor ka jhapad Abhishek ko rasid kar diya aur bole.


Principal- Ye kya kiya tumne. Iska sir Phod diya aur aaram se baithkar chocolate kha rahe ho. Tumhare andar daya aur insaniyat naam ki koi cheej nahi hai kyaa. Kal tum apne parents ko bulakar lana. Tum jaise shararti bache ko main apne school me nahi rakh sakta.


Principal Sir ne Abhishek ko ghar jane ke liye bolkar Yash ko hospital bhijwaya. Abhishek Akele hi ghar pahucha to uski maa ne usase kaha


Raani ji- Are mera beta. Aaj to badi jaldi Ghar aa gaya. School ki chhutti ho gayi kya. Aur ye tere gaal kyon lal ho gaye hain. Kya tumne fir kisi se ladai Jhagda kiya hai.
Abhishek- Nahi mammy Wo Principal Sir ne mujhe mara. Principal Sir ne meri chhutti pahle hi kar di. Isliye main pahle ghar aa gaya.


Rani ji - Aise kaise maara unhone tujhe. Koi aise marta hai kya bachhe ko. Main baat karungi tere principal se. Chal hanth munh dho le. Main tere liye khana lagati hoon. Tu khaa le. Sarita aur Manisha ko aane ke baad khana khila dungi.


Abhishek ne apni maa ko maar khane ki poori wajah nahi batai. Isliye Rani Principal Sir ke uppar gussa ho rahi thi. Tabhi Abhishek ne kaha.


ABhishek- mummy. Kal principal Sir ne Aapko aur Papa ko school mein bulaya hai kuchh kam se. wo bol rahe the ki agar aap dono unse milne nahi gaye to wo mujhe school se nikal denge.

Rani ji- Tune kuchh ulta siddha to nahi kiya na school me. Jiski wajah se principal Sir aisa bol rahe the.

Abhishek- Nahi mummy. Maine kuchh nahi kiya. Wo yash hai na usne meri drawing kharab kar di thi. Isliye maine use mara. Isi baat ko lekar principal sir ne mujhe mara aur bole ki kal apni mummy papa ko lekar hi school aana.

Raani ji- Thik hai main chalungi tere sath. Dekhti hoon kaise nikalte hain tujhe school se principal Sir.


Thodi der baad school ki chhutti hone ke baad Sarita aur Manisha bhi Ghar aa gaye. Rani ne unhe bhi pyaar se khana khilaya. Khana khakar wo dono so gaye. Sham ko dono sokar uthi aur Apne Bhai Abhishek ke sath khelne lagi. Aanand ji ke Ghar aane ke baad Raat me khane ke samay Rani Ji ne Aanand ji se kaha.


Raani ji- Suniye ji. Kal Abhishek ke Principal Sir ne hame School me bulaya hai. Unhe kuchh jaruri baat karni hai hamse Abhishek ke bare me.

Aanand Ji- Baat kya karni hogi. Isne fir se kisi se jhagda kiya hoga. Isi silsile me unhone bulaya hoga. Ye jaise jaise bada hota ja raha hai waise waise iski shararat badhti ja rahi hai.

Raani ji- Aap to har samay mere bachhe ko hi koste rahte hain. Abhi iska bachpna hai. Abhi agar shararat nahi karega to kya buddha hone ke baad shararat karega kya. Aapko to hamesha mere bete ki hi galti najar aati hai.

Aanand Ji- Tumhare lad-pyaar ne hi ise bigad rakha hai. Aage chalkar kahi aisa na ho ki tumhe apne is lad-pyaar ki wajah se pachtana pad jaye. Abhi bhi samay hai. Use ache aur bure ke baare me samjhao. Meri to wo suntan nahi hai. Agar maar peet kar use kuchh samjhaunga to ho sakta hai wo aur bhi bigad jaye aur jiddi ho jaye. Tumhari sunta hai to kam se kam tumhi use sahi aur galat ke bare me batao.

Raani Ji- Aapko to hamesha mere bete ki hi galti dikhai deti hai. Fir bhi main use samjhaungi. Chalo ab jaldi se khana khatam karo aur so jao. Subah iske school bhi chalna hai.


Uske baad kisi ne koi baat nahi ki aur khana khakar Aanand Ji apne kamre me sone ke liye chale gaye.


Iske aage ki kahaani agle bhag mein..​

superb update.........

 

[Mahi Maurya]

superb update.........

धन्यवाद आपका मान्यवर।

संघ बने रहिए।।

 

[Rahul]

Mast update dost

 

[Mahi Maurya]

UPDATE- 02


Subah sabse pahle Raani ji ki neend khuli, usne uthkar ghar ki saf safai shuri kar di. Thodi der baad aanand ji uthe. Aur unhone Abhishek, Sarita aur Manisha ko uthaya. Sabhi ne uthkar nahaya aur School jane ke liye taiyar hone lage. Raani ji ne sabhi ke liye tifin pack kiya aur Abhishek ko taiyaar hone me madad karne lagi. Sarita aur Manisha apne se taiyar hone lagi. Ye dekhkar aanand ne kaha.


Aanand ji- Is umar me bhi tum ise taiyar karwa rahi ho, jabki tumhe Sarita aur Manisha ko taiyaar karna chahiye. Tumhe nahi lagta ki tum apne bete ke chakkar me apni betiyon ke sath anyay kar rahi ho.

Raani ji- Are meri dono betiyan bahut samajhdar hain wo apna kham khud kar leti hain, lekin mera beta abhi nadan hai. Bina madad ke ye koi kaam thik se nahi kar paata hai isliye main iski madad kar rahi hoon.

Aanand Ji- Jab tun use khud se kuchh karne dogi tabhi to use kuchh aayega. Bachho se dular karna buri baat nahi hain Bhagyawan, lekin itna bhi dular nahi karna chahiye. Ki unki aadat bigad jaye.

Raani Ji- Aap subah subah fir se shuru ho gaye. Aapko to bas har samay mere bete ko kuchh bhi kahne ka mauka milna chahiye bas. Chalo ab jyada baat mat karo. Yaad hai ki nahi aapko ki hame Abhishek ke School bhi chalna hai principal se milne ke liye.

Aanand Ji- haan yaad hai mujhe aur mujhe pata hai ki principal ne kisliye bulaya hoga. Agar aaj iski koi complain mili to main iski tange tod dunga. Dekh lena tum.

Raani Ji- Thik hai pahle chalo to sahi baad me dekh lenge ki kya karna hai.


Uske baad Abhishek Apni dono bahano ke sath school chala gaya. Thodi der baad Raani ji aur Aanand ji bhi unke School chale gaye aur jakar principal Sir se mile.


Aanand Ji- Namaste Sir, main Abhishek ka papa Aanand. Abhishek ne bataya ki aapne hame bulaya hai.

Principal Sir- Achha to aap hain uske papa, dekhiye mr. Aanand. Ham aapke bachhe ko apne school me nahi padha payenge. Ham usko apne school se nikal rahe hain.

Aanand ji- Lekin baat kya hai sir ji. Usase koi galti hui hai kya.

Principal Sir- Galti nahi Anand ji. Gunaah huwa hai. Aapko pata hai kal ek mamooli bat par isne apni kaksha ke ek ladke ka sir phod diya. Ek to padhaii me bhi bahut kamjor hai. Teacher padhate hain to wo drawing banata rahta hai. Mujhe nahi lagta ki use padhane ka koi fayda hone wala hai. Aise bachhe ko main apane school me rakh kar aur bachho ke liye khatra nahi uthana chahta. Kya pata kal ko wo fir kisi aur ke sath aisa kare.

Aanand Ji- Lekin Sir ji Wo abhi bachh hai. Use itni samajh nahi hai Abhi. Aap Aakhiri baar use maaf kar dijie. Main use samjhaunga. Main aapko bharosha dilata hoon ki aapko dobara shikayak ka mauka nahi milega.

Principal Sir- Dekhie Anand ji. Aapka beta samjhane aur samajhne ki sari sima paar kar chuka hai. Mujhe nahi lagta ki use koi fark padne wala hai, fir bhi main aapko aakhiri mauka de raha hoon. Agar iske baad usne aisa kuchh kiya to main use apne school se nikal donga.

Aanand Ji- Ji bahut bahut dhanyawaad aapka sir. Main use samjhaunga. Aage se wo aisi shararat nahi karega.

Principal sir- Ji jaroor. Aisa ho jaye to bahut achha hai.


Uske baad Aanand Ji aur Raani Ji Principal Sir ke room se bahar aaye aur jakar apni auto me baith kar ghar aa gaye. Gahr aakar Aanand Joshi ne kaha.


Aanand Ji- Dekkh Liya Tumne Bhagyawan. Isiliye main tumhe hamesha samjhata rahta tha ki Use Achhe Sanskar do. Lekin tumne hamesha uska bachpana samajh kar najarandaz kar diya. dekho aaj kya kiya usne. Aaj kisi ek ka sir phoda hai usne. Kal kisi Aur ke sath aisa karega. Fir kya karenge ham.

Raani Ji- Mujhe kya pata tha ki wo aisa kuchh karega. Main to bas use dulaar karti thi. Sochti thi ki dhire dhire khud samajh jaega. Lekin mujhe nahi pata tha ki wo itna bigad jayega.

Aanand Ji- Aaj tum bich me mat aana. Aane do aaj use main Achhe se khabar leta hoon uski.


Itna kahkar Aanand Ji Auto lekar sawari ke liye chale jate hain. School ki chhutti hone ke baad Abhishek Apni dono bahano ke sath ghar aa gaya. Ghar aane ke baad Rani ne Abhishek, Sarita aur Manisha ko khana khilaya aur unhe sone ke liye bhej diya. Sham ko jab Abhishek So kar utha to Rani ne use apne paas baithaya aur pyaar se samjhaya.


Raani.Ji- Beta ye tumne kya kiya School ma. Yash ka Sir phod diya. ye bahut galat hai beta. Agar wo ulta tumhare sath bhi aisa karta to.

Abhishek- Lekin mummy usne meri drawing kharab kar di thi. Isliye maine use mara.

Rani- Lekin Itni Chhoti si baat ke liye tumhe use nahi Marna chahiye beta. Drawing to tum dobaara bana sakte ho, lekin jo tumne us ladke ka sir phoda hai. Isase to usko Dard huwa hoga. Agar use jyada chot lag jati to use hospital le jana padta. Jisase uske mummy papa bahut pareshan hote. Tumne uska sir phod diya hai. Wo school nahi aa payega. Jisase uski padhai ka bahut nuksan hoga. Ladai jhagda karna Achhi baat nahi hain. Agar koi tumhare sath aisa kare to tumhe achha lagega kya. Tumhare mummy papa agar pareshan honge to tumhe achha lagega kya.

Abhihsek- Nahi mujhe bilkul bhi achha nahi lagega.

Raani ji- to fir. Jaise tumko Achha nahi lagega. Waise hi tumne jis lagke ko mara hai usko bhi achha nahi lagega. Kya tum fir aisi saitani karogi. Kisi ko pareshan karogi. Ye galat baat hai. Koi tumhe kuchh kahe to tum koi jawab hi mat do. Kuchh din baad wo tumhe kuchh kahna hi band kar dega. Ek achhe bachhe bankar padhaai karo. Taaki teacher bhi tumse pyaar karein.

Abhishek- Nahi. Main ab kisi ko nahi marunga mummy. Sab ke sath ache se rahunga.

Raani Ji- Ye hui na ache bachho wali baat. Chalo ab jakar padhai karo. Tumhare principal sir kah rahe the ki tum padhai bilkul bhi nahi karte. Din bhar bas drawing hi karte rahte ho. Beta drawing karni achhi baat hai lekin iska ye matlab nahi hai ki tum padhaai karna hi band kar do. Agar padhai nahi karoge to tum fail ho jaoge. Agar tum fail ho jaoge to tumhare papa ko aur mujhe bilkul bhi achha nahin lagega. Agar tum fail ho gaye to papa tumhein marenge bhi.

Abhishek- Nahi mummy. Papa ko bolna ki wo mujhe na mare. Main khub man lagakar padhaai karunga. Aur ahhe number launga.

Raani- Thik hai beta Ager tumm Achhe se padhai karoge to papa tumhe nahi marenge. AB Jao padhai karo. Aur apni bahano ko bhi padhne ke liye bol do.


Raani ji ki baat sunkar abhishek apni kitab lekar padhane baith gaya aur sath me Sarita aur Manisha ko bhi apne sath padhne baitha liya. Lekin abhishek thahra moti buddhi ka ladka, use padhne me bilkul ruchi nahi rahti thi. 10 minute padhne ke baad usne apni penchil aur copy nikali aur drawing banane laga. Use drawing banate dekh Sarita ne kaha.


Sarita- bhaiya Aap padh kyon nahi rahe ho. Mummy ne padhne ke liye bola hai aur aap drawing bana rahe hain. Aise to aap fail ho jayenge.

Abhishek- Main kya karu Sarita. Mujhe padhna bilkul bhi acha nahi lagta. Padhai ke naam par mera sharir kampne lagta hai. Mujhe drawing karna bahut achha lagta hai.

Sarita- lekin bhaiya. Ye to galat hai. Mummy ko jhooth bolkar aap drawing kar rahe ho. Jabki teacher ne bataya hai ki mummy papa se jhooth nahi bolna chahiye.

Abhishek- Tu nahi samjhegi Sarita. Jo teacher ne bataya hai wo padhai ke liye nahi tha. Wo kisi doosre cheej ke liye bataya hoga.

Sarita- Haan bhaiya tum thik kah rahe ho. Achha aap drawing karo, lekin papa se bachkar karna drawing nahi to papa ne dekh liya to bahut maar padegi aapko.

Abhishek- main to papa se chhupakar hi drawing karta hoon, lekin tum papa ko mat bata dena iske bare me. Nahi to sach me papa mujhe marenge.


Uske baad Sarita aur Manisha apna homework karne lage aur abhishek tarah tarah ke drawing banane laga. Isi tarah ek hours tak tino apni kitab kapiyo me ghuse rahe. Padhai khatam ho jane ke baad tino ghar me hi khelne lage. Raat 8 baje tak Aanand ji Auto lekar ghar aa jate hain.


Raani ji unhe pine ke pine ke liye pani deti hai. Pani pine ke baad Aanand ji raani ji se puchhte hain.


Aanand ji- Abhishek kaha hai bhagyawaan. Dikhai nahi de raha hai.

Raani ji- wo tino bagal wale kamer me khel rahe hain. Ek baat aur kahni hai aapse. Abhishek ko mariyega mat. Main usko achhi tarah se samjha diya hai. Wo bol raha tha ki ab wo kisi ke sath maar-pit nahi karega. Is baar jane dijie use.

Aanand ji - Arei bhagyawan. Main uska dushman nahi hoon. Mujhe bhi apne bete ki fikar hai. Bas thoda sakhti karni padti hai ki kahi bacha hanth se na nikal jaye. Isliye main usase sakhti se pesh aata hoon. Ab agar tumne baat kar hi li hai to thik hai.


Uske baad sabhi milkar khana khate hain aur bachho ko sulakar Rani Ji kitchen samet kar sone ke liye apne kamre me chali jati hain..


Iske Aage ki Kahaani agle Bhag mein..​

 

[Mahi Maurya]

Mast update dost

धन्यवाद आपका महोदय।

साथ बने रहिए।।

 

[jayantaDS]

UPDATE- 02


Subah sabse pahle Raani ji ki neend khuli, usne uthkar ghar ki saf safai shuri kar di. Thodi der baad aanand ji uthe. Aur unhone Abhishek, Sarita aur Manisha ko uthaya. Sabhi ne uthkar nahaya aur School jane ke liye taiyar hone lage. Raani ji ne sabhi ke liye tifin pack kiya aur Abhishek ko taiyaar hone me madad karne lagi. Sarita aur Manisha apne se taiyar hone lagi. Ye dekhkar aanand ne kaha.


Aanand ji- Is umar me bhi tum ise taiyar karwa rahi ho, jabki tumhe Sarita aur Manisha ko taiyaar karna chahiye. Tumhe nahi lagta ki tum apne bete ke chakkar me apni betiyon ke sath anyay kar rahi ho.

Raani ji- Are meri dono betiyan bahut samajhdar hain wo apna kham khud kar leti hain, lekin mera beta abhi nadan hai. Bina madad ke ye koi kaam thik se nahi kar paata hai isliye main iski madad kar rahi hoon.

Aanand Ji- Jab tun use khud se kuchh karne dogi tabhi to use kuchh aayega. Bachho se dular karna buri baat nahi hain Bhagyawan, lekin itna bhi dular nahi karna chahiye. Ki unki aadat bigad jaye.

Raani Ji- Aap subah subah fir se shuru ho gaye. Aapko to bas har samay mere bete ko kuchh bhi kahne ka mauka milna chahiye bas. Chalo ab jyada baat mat karo. Yaad hai ki nahi aapko ki hame Abhishek ke School bhi chalna hai principal se milne ke liye.

Aanand Ji- haan yaad hai mujhe aur mujhe pata hai ki principal ne kisliye bulaya hoga. Agar aaj iski koi complain mili to main iski tange tod dunga. Dekh lena tum.

Raani Ji- Thik hai pahle chalo to sahi baad me dekh lenge ki kya karna hai.


Uske baad Abhishek Apni dono bahano ke sath school chala gaya. Thodi der baad Raani ji aur Aanand ji bhi unke School chale gaye aur jakar principal Sir se mile.


Aanand Ji- Namaste Sir, main Abhishek ka papa Aanand. Abhishek ne bataya ki aapne hame bulaya hai.

Principal Sir- Achha to aap hain uske papa, dekhiye mr. Aanand. Ham aapke bachhe ko apne school me nahi padha payenge. Ham usko apne school se nikal rahe hain.

Aanand ji- Lekin baat kya hai sir ji. Usase koi galti hui hai kya.

Principal Sir- Galti nahi Anand ji. Gunaah huwa hai. Aapko pata hai kal ek mamooli bat par isne apni kaksha ke ek ladke ka sir phod diya. Ek to padhaii me bhi bahut kamjor hai. Teacher padhate hain to wo drawing banata rahta hai. Mujhe nahi lagta ki use padhane ka koi fayda hone wala hai. Aise bachhe ko main apane school me rakh kar aur bachho ke liye khatra nahi uthana chahta. Kya pata kal ko wo fir kisi aur ke sath aisa kare.

Aanand Ji- Lekin Sir ji Wo abhi bachh hai. Use itni samajh nahi hai Abhi. Aap Aakhiri baar use maaf kar dijie. Main use samjhaunga. Main aapko bharosha dilata hoon ki aapko dobara shikayak ka mauka nahi milega.

Principal Sir- Dekhie Anand ji. Aapka beta samjhane aur samajhne ki sari sima paar kar chuka hai. Mujhe nahi lagta ki use koi fark padne wala hai, fir bhi main aapko aakhiri mauka de raha hoon. Agar iske baad usne aisa kuchh kiya to main use apne school se nikal donga.

Aanand Ji- Ji bahut bahut dhanyawaad aapka sir. Main use samjhaunga. Aage se wo aisi shararat nahi karega.

Principal sir- Ji jaroor. Aisa ho jaye to bahut achha hai.


Uske baad Aanand Ji aur Raani Ji Principal Sir ke room se bahar aaye aur jakar apni auto me baith kar ghar aa gaye. Gahr aakar Aanand Joshi ne kaha.


Aanand Ji- Dekkh Liya Tumne Bhagyawan. Isiliye main tumhe hamesha samjhata rahta tha ki Use Achhe Sanskar do. Lekin tumne hamesha uska bachpana samajh kar najarandaz kar diya. dekho aaj kya kiya usne. Aaj kisi ek ka sir phoda hai usne. Kal kisi Aur ke sath aisa karega. Fir kya karenge ham.

Raani Ji- Mujhe kya pata tha ki wo aisa kuchh karega. Main to bas use dulaar karti thi. Sochti thi ki dhire dhire khud samajh jaega. Lekin mujhe nahi pata tha ki wo itna bigad jayega.

Aanand Ji- Aaj tum bich me mat aana. Aane do aaj use main Achhe se khabar leta hoon uski.


Itna kahkar Aanand Ji Auto lekar sawari ke liye chale jate hain. School ki chhutti hone ke baad Abhishek Apni dono bahano ke sath ghar aa gaya. Ghar aane ke baad Rani ne Abhishek, Sarita aur Manisha ko khana khilaya aur unhe sone ke liye bhej diya. Sham ko jab Abhishek So kar utha to Rani ne use apne paas baithaya aur pyaar se samjhaya.


Raani.Ji- Beta ye tumne kya kiya School ma. Yash ka Sir phod diya. ye bahut galat hai beta. Agar wo ulta tumhare sath bhi aisa karta to.

Abhishek- Lekin mummy usne meri drawing kharab kar di thi. Isliye maine use mara.

Rani- Lekin Itni Chhoti si baat ke liye tumhe use nahi Marna chahiye beta. Drawing to tum dobaara bana sakte ho, lekin jo tumne us ladke ka sir phoda hai. Isase to usko Dard huwa hoga. Agar use jyada chot lag jati to use hospital le jana padta. Jisase uske mummy papa bahut pareshan hote. Tumne uska sir phod diya hai. Wo school nahi aa payega. Jisase uski padhai ka bahut nuksan hoga. Ladai jhagda karna Achhi baat nahi hain. Agar koi tumhare sath aisa kare to tumhe achha lagega kya. Tumhare mummy papa agar pareshan honge to tumhe achha lagega kya.

Abhihsek- Nahi mujhe bilkul bhi achha nahi lagega.

Raani ji- to fir. Jaise tumko Achha nahi lagega. Waise hi tumne jis lagke ko mara hai usko bhi achha nahi lagega. Kya tum fir aisi saitani karogi. Kisi ko pareshan karogi. Ye galat baat hai. Koi tumhe kuchh kahe to tum koi jawab hi mat do. Kuchh din baad wo tumhe kuchh kahna hi band kar dega. Ek achhe bachhe bankar padhaai karo. Taaki teacher bhi tumse pyaar karein.

Abhishek- Nahi. Main ab kisi ko nahi marunga mummy. Sab ke sath ache se rahunga.

Raani Ji- Ye hui na ache bachho wali baat. Chalo ab jakar padhai karo. Tumhare principal sir kah rahe the ki tum padhai bilkul bhi nahi karte. Din bhar bas drawing hi karte rahte ho. Beta drawing karni achhi baat hai lekin iska ye matlab nahi hai ki tum padhaai karna hi band kar do. Agar padhai nahi karoge to tum fail ho jaoge. Agar tum fail ho jaoge to tumhare papa ko aur mujhe bilkul bhi achha nahin lagega. Agar tum fail ho gaye to papa tumhein marenge bhi.

Abhishek- Nahi mummy. Papa ko bolna ki wo mujhe na mare. Main khub man lagakar padhaai karunga. Aur ahhe number launga.

Raani- Thik hai beta Ager tumm Achhe se padhai karoge to papa tumhe nahi marenge. AB Jao padhai karo. Aur apni bahano ko bhi padhne ke liye bol do.


Raani ji ki baat sunkar abhishek apni kitab lekar padhane baith gaya aur sath me Sarita aur Manisha ko bhi apne sath padhne baitha liya. Lekin abhishek thahra moti buddhi ka ladka, use padhne me bilkul ruchi nahi rahti thi. 10 minute padhne ke baad usne apni penchil aur copy nikali aur drawing banane laga. Use drawing banate dekh Sarita ne kaha.


Sarita- bhaiya Aap padh kyon nahi rahe ho. Mummy ne padhne ke liye bola hai aur aap drawing bana rahe hain. Aise to aap fail ho jayenge.

Abhishek- Main kya karu Sarita. Mujhe padhna bilkul bhi acha nahi lagta. Padhai ke naam par mera sharir kampne lagta hai. Mujhe drawing karna bahut achha lagta hai.

Sarita- lekin bhaiya. Ye to galat hai. Mummy ko jhooth bolkar aap drawing kar rahe ho. Jabki teacher ne bataya hai ki mummy papa se jhooth nahi bolna chahiye.

Abhishek- Tu nahi samjhegi Sarita. Jo teacher ne bataya hai wo padhai ke liye nahi tha. Wo kisi doosre cheej ke liye bataya hoga.

Sarita- Haan bhaiya tum thik kah rahe ho. Achha aap drawing karo, lekin papa se bachkar karna drawing nahi to papa ne dekh liya to bahut maar padegi aapko.

Abhishek- main to papa se chhupakar hi drawing karta hoon, lekin tum papa ko mat bata dena iske bare me. Nahi to sach me papa mujhe marenge.


Uske baad Sarita aur Manisha apna homework karne lage aur abhishek tarah tarah ke drawing banane laga. Isi tarah ek hours tak tino apni kitab kapiyo me ghuse rahe. Padhai khatam ho jane ke baad tino ghar me hi khelne lage. Raat 8 baje tak Aanand ji Auto lekar ghar aa jate hain.


Raani ji unhe pine ke pine ke liye pani deti hai. Pani pine ke baad Aanand ji raani ji se puchhte hain.


Aanand ji- Abhishek kaha hai bhagyawaan. Dikhai nahi de raha hai.

Raani ji- wo tino bagal wale kamer me khel rahe hain. Ek baat aur kahni hai aapse. Abhishek ko mariyega mat. Main usko achhi tarah se samjha diya hai. Wo bol raha tha ki ab wo kisi ke sath maar-pit nahi karega. Is baar jane dijie use.

Aanand ji - Arei bhagyawan. Main uska dushman nahi hoon. Mujhe bhi apne bete ki fikar hai. Bas thoda sakhti karni padti hai ki kahi bacha hanth se na nikal jaye. Isliye main usase sakhti se pesh aata hoon. Ab agar tumne baat kar hi li hai to thik hai.


Uske baad sabhi milkar khana khate hain aur bachho ko sulakar Rani Ji kitchen samet kar sone ke liye apne kamre me chali jati hain..


Iske Aage ki Kahaani agle Bhag mein..​

अति उत्तम लेखिका

 

[Mahi Maurya]

अति उत्तम लेखिका

धन्यवाद आपका मान्यवर।

साथ बने रहिए।।

 

[XP 007]

abhisek ne apne class me ladke ka sir phode diya vo bhi uski drawing ko kharab karne ke liye is hisab se jab vo bada hoga tab tak sir phodne ka world record bana lega ider principal ne abhisek ko bina wazah jane thappad maar diya at least marne ka karan use jarur puchna tha :sad2: Abhishek ghar aya aur puri baat na batya ye to sabhi karte h puri wazah na batate h ki ky hua h actual me Abhishek ke papa school gaye aur principal Abhishek ka TC thamane laga but unhone handal kar liya ghar aa kar uska kand uski maa ko batya to vo bhi thoda sad hui but jab Abhishek ghar aya aur so me utha to usko samjay ki ye sab galat h aur padhi me dhyan lagaye vo actually mom log hamesha apne bacho ko support karti h bhale aap kitna bhi galti kar lo ider Abhishek apne sister ke sath pahadi karne aa gaya but padhai na kar ke vo drawing Karne laga