Romance Tumhaare Liye- Ek Prem Kahaani (Complete)

[rusty blade]

UPDATE- 04


Aanand ji ke jane ke baad Abhishek ne thodi der padhai ki, lekin fir se vahi DHAK KE TEEN PAAT wala hall ho gaya. Thodi der padhne ke baad abhishek phir se ghar se bahar nikal gaya. Abhishek ki shararate jari rahi aur padhai se uska nata toot-ta gaya. Jab Aanand ji ghar me hote the to Abhishek bas kitab khole baitha rahta tha, lekin jab wo bahar jate to Abhishek bhi bahar nikal jata.


Raani ji ne Aanand ji ko ye bhi bataya ki unke jane ke baad Abhishek bahar nikal jata hai to wo bahut pareshan huwe. Fir jab dobara Abhishek ka naam likhaya gaya to unhone khuchh sochte huwe Abhishek ka tution fir se lagwa diya ki shayad is Baar abhishek achhe se padhaai kar le, Lekin Tution me bhi Abhishek padhai par dhyan nahi deta tha.


Tution se bhi Abhishek ki shikayate aane lagi. to Abhishek ko fir se Aanand ji ne mara. Kuchh Mahine baad Tution teacher ne Abhishek ko tution se nikal diya. Roj ki maar aur padhai se algav ke karan abhishek frustrate hone laga. Iska nateeja ye Huwa ki ab wo din bhar ghar se gayab hi rahne laga.


Dhire dhire fir se board ki pariksha aa gayi aur abhishek is baar fir se fail ho gaya. Bas is baar bhi hindi aur drawing me hi usko number mile the. Baki sabhi subject me wah fail ho gaya. Aanand ji ko bahut jyada gussa aaya is baat par. Us din Aanand ji ne Abhishek ko bahut buri tarah maara. Is baar Sarita ne bich me aakar abhishek ko bachaya. Isi chakkar me ek danda Sarita ko bhi pad gaya.


Sarita Abhishek ko lekar apne kamre me chali gayi aur uske ghavo par marham lagaya. Abhishek chupchap aanshu bahata raha. Sarita ne bhi abhi kuchh bolna sahi nahi samjha. Use apne papa par bhi gussa aa raha tha, parantu Aanand ji ne jo bhi kiya wo gusse me kiya. Uska gussa karna bhi jayaj tha.


Thodi der baad jab unka gussa shant ho gaya to unhe is baat ka pachhatava hone laga ki unhe abhishek ko itni buri tareeke se nahi marna chahiye tha. wo Abhishek ke paas gaye aur uske sir par hanth firakar pyaar se kaha.


Aanand ji- Abhishek beta. Mujhe maaf kar de. Maine gusse me akhar tunjhe bahut mara. Itna to main samajh gaya hoon ki tujhse ab padhai likhai nahi ho paegi. Lekin teri drawing bahut badhiya hai to agar tu usi field me apna carrier bana le to thik rahega. Mujhe bhi tujh par bar bar hanth uthane mein takleef hoti hai.


Us raat aanand ji ko bhhi thik se neend nahi aayi aur ghar ke anya sadasya bhi abhishek ko lekar bahut dukhi the. Dhire dhire samay bitata raha aur aanand ji ne apne jaan pahchan walo se kisi banner aur hording wali company me apne bete ko rakhwane ke liye baat bhi kar li.


Ek do jagah baat bhi bani, lekin uski pahdai bich me aade aa jati. Kafi masakkat ke baad Abhishek ko ek Banner aur Hording banana wali company me kaam mil hi gaya, lekin padhe likhe na hone ke karan use paise jyada nahi milte the. Aanand ji itne me hi khush the ki kam se kam Abhishek ko kaam to mil gaya hai. Isi bahane ab wo busy rahega to ladai ghagda bhi nahi karega. Aur chaar paise bhi ghar me aayenge. Lekin Aanand ji ki ye Khushi bhi jyada din nahi chali.


Ab Sarita ne high school me admission karwa liya tha aur Manisha class 7 mein thi. Samay dhire dhire aage bahdta raha aur Samay ke sath Abhishek ki life me parivatnan aane laga. Uski sangat kuchh galat ladko se ho gayi aur wo unki sangat me bigdata chala gaya.


Ab wo Daru, Bidi, paan, tambaku aur gutkha jaisi nashili cheejo ka bhi sewan karne laga, lekin ab wo maar pit aur ladaai jhagda nahin karta tha, yaa yuun kahein ki use iske liye samay hi nahin milta thaa.


Jab Aanand ji ko is baat ka pata chala to unhone Abhishek ko bahut samjhaya. Itna to ab wo jaan gaye the ki maar pith kar abhishek ko samjhana bahut mushkil hai. Aur waise bhi ek kahawat hai ki Agar Beta baap ke kandhe ko paar kar jata hai to use marne me baap ko sankoch hota hai. Isliye wo abhishek ko pyaar se samjhate huwe bole.


Aanand ji- Ye sab kya hai Abhishek, pahle to tu padhaai bhi nahi karta tha, ladaai jhagda karta tha aur ab tu galat sangat me bhi pad gaya hai. Kyon ham logo ko jeete ji marna chahta hai. Aakhir hamne kya bigada hai tumhara. Yahi na ki tum hamare ghar me paida huwe. Kyon karta hai tu ye sab. Kya tumhe apne budhe hote maa baap par taras bhi nahi aata. Ya ham logo ki jaan lekar hi manega tu.

Abhishek- Maine kya kiya hai papa. Aap ne kaha kaam karne ke liye to main kar raha hoon. Baki dosto ke sath uthana baithna bhi band kar doon kya papa.

Aanand ji- Mujhe kabhi dosto ke sath uthne baithne me koi dikkat nahi hai, lekin wo tere dost nahi dushman hain jo tujhe galat raste par le ja rahe hain. Unka sath chhod de. Achhe ladkon ke sath apni jaan pahchan badhaa, Ab bhi wakt hai sudhar ja beta. Agar tujhe ye job nahi karni to tu chhod de use aur ghar me baith. Main abhi kamaa raha hoon. Main abhi bhi tum sabko paal sakta hoon, lekin tum unka sath chhod de abhishek.

Abhisha- Kya yaar papp. Pahle aapko meri padhai se dikkat thi aur ab mere dosto se bhi pareshani hai aapko. Aakhir aap chahte kya hain. Ab main khud bhi samajhdar ho gaya hoon. Apna achha bura khud samajh sakta hoon, aap har samay mujhe mat samjhaya kariye. Aur meri life me interfere mat kariye.


Itna kahkar Abhishek Ghar se bahar nikal gaya. Aanand ji thage se use bahar jate huwe dekhte rahe. Aaj pahali baar abhishek ne unse is lahje mein baat ki thi. Apne bete ki baat sunkar unka dil toot gaya tha aur unki aankho me aanshu aa gaye. Raani ji ne jab Aanand ji ko rote huwe dekha to wo ghabra gayi aur aanand ji ke paas aakar boli.


Raani jii- Kyaa huwa aap ki aankho me aanshu. Kisi ne kuchh kaha kya aapse.


Aanand ji Rani ji ki baat sunkar Uske kandhe par sir rakhkar fafak fafak kar rone lage. Apne papa ke rone ki aawaz sunkar Sarita aur Manisha bhi unke paas chali gayi aur apne Aanand ji se lipat kar khadi ho gayi. Thodi der baad jab Aanand ji normal huwe tab unhone kaha.


Aanand ji- Aaj main haar gaya Bhagyawan. Aaj main apne bete se haar gaya.

Raani jii- Aap aisa kyon kah rahe hain ji. Kya kah diya abhishek ne aisa jo aap aisi baat kar rahe hain.

Aanand ji- Wo bol raha hai Mujhe uske dosto se pareshani hai. Mujhe uski Khushi se pareshani hai. Wo bolta hai ki main uski life me dakhal na doon. Kya yahi din dekhne ke liye hamne use paal poss kar itna bada kiya tha. Main aaj apni hi santan se har gaya .

Sarita- Aap shant ho jaiye papa. Main baat karti hoon bhaiya se. wo aapse jaroor iske liye mafi mangenge. Unhe ye nahi kahna chahiye tha.


Raat ko 8 baje jab Abhishek bahar se ghar aata hai to Sarita usase baat karne ke liye Abhishek ke paas gayi aur boli.


Sarita- Ye sab kya hai bhaiya. Aap ko pata hai ki aapki is harkat ki wajah se paap ro rahe the. Kya ye Achha lagta hai ki ek baap apne bete ke karan rone lage.

Abhishek- lekin maine to aisa kuchh bhi nahi kaha tha jiske karan papa ko dukh pahucha ho.

Sarita- Aapne jo kuchh kaha hai. Usi baat ne papa ke dil ko chot pahuchayi hai. Aapko kya jarurat thi palatkar jawab dene ki. Chupchap sun nahi sakte the kya. Aur waise bhi papa ne koi galat baat to nahi boli thi. Kewal yahi kaha tha ki aapke dost ache nahi hain wo aapko bigad rahe hain. Mujhe bhi lagta hai ki papa sahi kah rahe hain. Aap ab pahle jaise nahi rahe bhaiya.

Abhishek- Dekh Sarita. Ab tu bhi mat shuru ho jana. Nahi to main abhi ghar se fir chala jaunga.

Sarita- Achha thik hai main nahi bolti kuchh. Waise bhi meri koi baat aap mante kahan hain. Lekin aapko papa se mafi mangni chahiye. Aapki wajah se papa aaj ro diye.

Abhishek- Thik hai meri maa. Main maafi mang loonga papa se. mujhe bhi lagta hai ki maine kuchh jyada hi over react kar diya. Mujhe aisa nahi karna chahiye tha.

Sarita- jab aap ko pata hai ki ki papa hamesha aapke bhale ke liye kahte hain to aap aise kyon bartav karte hain papa se.

Abhishek- Pata nahi Sarita, lekin us samay mujhe pata nahi kya ho jata hai. Mujhe aisa lagta hai ki papa mujhpar bandish laga rahe hain.

Sarita- Aap kitna galat sochte hain bhaiya. Jo aapko bandish najar aati hai. Wo papa ka pyaar hai aapke liye, lekin aap apne awara doston ke sath rahkar bigad gaye hain. Aapko papa ka pyaar dikhaai hi nahi de raha hai.

Abhishek- achha thik hai. Ab tu shuru mat ho ja. Main kah to raha hoon ki main mafi mang lunga papa se.

Sarita- thik hai bhaiya main chalti hoon. Papa se mafi jaroor mang lijiyega aap.


Itna kahkar Sarita bahar chali gayi. Thodi der baad khana ban gaya aur sabhi khane ke liye baith gaye. Khana khate huwe Abhishek ne kaha.


Abhishek- papa mujhe maaf kar dijie. Mujhe us tarah aapse baat nahi karni chahiye thi. Pata nahi us samay mujhe kya ho gaya tha jo maine aapse aisi bhasha me baat ki.

Aanand ji- beta main tera dushman nahi hoon. Main jo bhi kar raha hoon ya jo bhi tujhe kahta hoon. Tere bhale ke liye kahta hoon. Aakhir mujhe chinta hai teri.

Abhishek- Thik hai papa aage se main is baat ka dhyan rakhunga.


Lekin sabhi ko pata tha ki ye baat bas 2-4 din me hi abhishek bhool jayega. Sabhi khana khane ke baad apne apne bister par sone chale gaye.


Iske Aage ki Kahaani Agle Bhag mein.​

Aik paathak ke roop mein kahaanee ke is bhaag ne maata-pita kee divy bhaavanaon se parichay karaaya...
Maata-pita jeevan-pravartak praaniyon kee jad banakar sadaiv apnee santaanon ke prati chintit rahate hain aur us vrksh ke samaan jo phalate-phoolate rahate hain, jab usakee shaakhaen, patte aur phool khilate aur badhate rahate hain aur svayan vrksh ke samaan ho jaate hain. Issee tarah maata-pita bhee apane poore jeevan ke dauraan is ichchha kee pratigya karate hain ki un ke bachche pooree kshamata tak vikasit hon aur apane svayan ke vikaas se pare vikasit hon. Issi liye manushy kee anokhee ichchha hotee hai ki un kee santaanen un se bhi aage nikal jaen aur yadi un ko is tarah ke mudde par koee asaphalata ya chook dikhati hain to un kee niraasha un ke jeevan mein se jindagi ko chheen letee hai. woh (maata-pita) jeevit to hote hain lekin jeevan kee khushee ke bina.

Kahaanee ke is bhaag mein lekhak ne jeevan ke itane sanvedanasheel aur maulik pahaloo ko bahut khoobasooratee se chhua hai. lekhak kee us visheshagyata ka varnan karane ke lie mere paas shabd nahin hain jisake saath woh maata-pita ke dukh kee bhaavana se bharee tasveer ko chitrit karane mein saphal rahee hai.

Abhishek apnaa jeevan barbaad kar raha hai aur yeh najar aaraha he ki kahaanee aik mahaan setting ke liye taiyaar ho rahee hai aur shaayad Abhishek kahaanee ke virodhee ka roop dharan kare ga.

Adbhut lekhan kaushal.... kahaanee ke pratyek bhaag ke saath paathakon ka paatron se pyaar badhh raha he.

 

[S Meena]

Nice story

 

[S Meena]

Waiting for next update

 

[Mahi Maurya]

Nice story

धन्यवाद आपका मान्यवर।

साथ बने रहिए।।

 

[Mahi Maurya]

Waiting for next update

कहानी का अगला भाग कल दोपहर में आवेगा।

 

[Rahul]

Samjha to diya lekin dekhte hain ki kya uski samjh me sari hai baat aur raghu ko to pyaar ho gawa nai to aaj goli lagti kahani khatam ho jati

 

[rusty blade]

UPDATE- 05


Sabhi khana khane ke baad apne apne bister par sone chale gaye. Isi tarah din gujarte rahe. Par abhishek ke ravaiye mein Jyada badlav nahi aaya. Haan itna jaroor huwa tha ki ab wo palat kar jawab nahin deta tha. Jab uske papa use dant-te the ya samjhate the, yaa maa samjhati thi, ya Sarita samjhati thi.


Samjhane ke kuchh din baad tak to Abhishek thik rahta tha, lekin uske baad uski harkate fir se shuru ho jati thi. Wo baat baat par maarpit shuru kar deta tha. Jisase uski shikayate ghar par aati rahti thi. Aanand ji Aur Raani ji ne ise apni buri kismet maankar Swikar kar liya tha aur apne kaan me rui daal liiya tha.


Jab bhi koi Abhishek ki shikayat karta to wo dono bol dete the ki aap khud hi apne tarike se use dekh lijiye. Isi chakkar me abhishek kabhi kabhi pit kar bhi ghar aata tha. Kul milakar ye kaha jaye to galat na hoga ki abhishek ke karan hi Aanand ji ko hamesha Sharmindagi Jhelni padti thi, Lekin Sarita ke kuchh Achhe kaam, baat vyavhaar aur badon ke prati samman ke karan Log unki tareef bhi kar dete the.


Sarita bhi Apne maa baap ki takleef samajhti thi isiliye usne Abhishek ko samjhane ka har sambhav prayash kiya. Lekin kahte hain na ki galat raste par jane ke liye bahut si dishaye hoti hain, lekin wapas aane ke liye wo sabhi dishaye band ho jati hain bas ek Sankra rasta nazar aata hai jo har koi paar nahi kar sakta, yahi haal Abhishek ka bhi tha.


Wo koshish to karta tha buri sangat chhodne ki lekin chhod nahi pata tha. Aise hi samay gujarta gaya aur Sarita ki board pariksha bhi ho gayi. Kuchh din baad uski board pariksha ka parinam aa gaya. Sarita 1st Division me paas hui thi wo bhi 95 % Number ke sath. Poore District mein 6ve number par aayi thi.


Sabhi ghar wale aur aas paas ke log jinhone bhi is baare me suna sabhi ne Sarita ki tareef ki. Sabhi ghar wale bahut khush the. Aur sabse jyada khush tha Abhishek. Wo bhale hi kitna hi bigda huwa tha. Lekin apni bahnon se bahut pyaar karta tha.


Isi Khushi me Abhishek ne Sarita aur Manisha ko apne paas bitha liya aur unse kaha.


Abhishek- main bahut khush hoon Sarita. Bahut jyada khush hoon. Jo main kabhi nahi kar paya wo tumne kar dikhaya. Maine to hamesha hi mummy papa ka naam dubaya hai, lekin ek tum hi ho jo unka sir ucha kar deti ho. Main bahut khush hoon aur isi Khushi ke mauke par main tum dono ki drawing banaunga. Bas tum dono Kuchh Samay tak aise hi baithe rahna. Uthana nahi.

Manisha- Lekin bhaiya. Didiya paas hui hai to mithai khilao pahle.

Abhishek- Nahi pahle tum dono ki tasvir banaunga. Uske baad hi mithai lene jaunga.


Aanand ji aur Raani ji ye dekhkar bahut khush the ki Abhishek bigda huwa hone ke baad bhi Apni dono bahano se bahut pyaar karta hai. unke bachho me pyaar bahut hai. Fir Abhishek ne apni drawing ka kamal dikhaya aur 1/2 hours se bhi kam samay me hi Bahut hi achhi hu-ba-hu tasvir apni dono bahanon ki bana di.


Fir kuchh colour aur pencil ki karigari ne tasvir me chaar chand laga diye. Bahut hi khoobsurat tasvir bani thi. Aisa lagta tha jaise Sarita aur Manisha shakshat tasvir me utar gayi ho. Abhishek ne tasvir banane ke baad Sarita ko dikhate huwe kaha.


Abhishek- Dekh Sarita kaisi bani hai tasvir tum dono ki.


Sarita aur Manisha ne tasvir dekhi to wo bhi khush ho gayi. Bahut khoobsurat bani thi un dono ki tasvir. Thodi der Sarita ne tasvir dekhne ke baad kaha.


Sarita- Isme kuchh kami hai bhaiya. Aap yahan baithiye main us kami ko sudhar deti hoon.

Abhishe- Lekin kami kya hai ye to tumne bataya hi nahi.

Sarita- Kami ye hai ki is tasvir me mere pyaare bhaiya ham dono ke sath nahi hain.


Uske baad Sarita ne Abhishek ko baithaya aur Apni karigari ka aisa namuna pesh kiya ki Abhishek ko namuna banakar tasvir mein utar diya. Jab Sarita ne Abhishek ko tasvir dikhayi to Abhishek hanste huwe bola.


Abhishek- hahahaha. Ye main hoon. Tumne to mujhe namuna bana diya Sairta. Tum bhi naa. Hahahaha.

Sarita- (narajgi ke sath) kya bhaiya maine aapki itni achhi tasvir banayi hai aur aap hain ki hasna rahe hain. Jaiye main aapse baat nahin karti.

Abhishek- (apne KAAN PAKADKAR) Are tum to naraz ho gayi. Main to mazak kar raha tha. Tumne bahut achhi koshish ki meri bahanaa. Khair jaisi bhi hai ab tumne banayi hai to Achhi hai. Main ise hamesha apne paas hi rakhunga.


Fir Abhishek ghar ke andar gaya aur ek chikni .05 MM ki polithin le aaya. Aur us tasvir wale kagaj ko us polithin me dalkar Stapler karte huwe apni pursh me rakh liya aur bola.


Abhishek- Ab main ja raha hoon apni bahan ke liye mithai lane.

Aanand ji- Mithai to maine subah hi la li thi. Fir kyon ja rahe ho.

Abhishek- Nahi papa. Meri bahan itne achchhe number se paas hui hai. Main apne paise se apni bahan ke liye mithai lekar aaunga.


Itna kahkar Abhishek mithai lane dukan par chala gaya. Abhishek dukan se mithayi le raha tha. Uski pith road ki taraf thi. Tabhi usne do ladko ko kuchh baat karte suna. Wo dono ladke uske ghar se thodi door hi rahte the apne pariwar ke sath. Unki baat sunkar Abhishek ka dimag satak gaya aur fir wo huwa jo joshi pariwar ne sapne mein bhi nahi socha tha.


P.ladka- Yaar suna hai Apni item bahut Achhe Number se paas hui hai.

D.ladka- Abe tu kiski baat kar raha hai. Kahi wo Sarita ki baat to nahi kar raha hai.

P. ladka- Haan be. Aanand Joshi ke beti Sarita. Suna hai 95% Number laya hai usne.

D.ladka- Haa be. Padhai me wo jitni Hoshiyar hai. Utni mast dikhti bhi hai Sali. Uski jawani bahut hilore maar rahi hai. Dekha nahi kitni mast maal banti ja rahi hai din-ba-din. Use dekhkar to man me halchal hone lagti hai yaar. Control hi nahin hota hai ab. Kash Use Chakhne ka ek mauka mil jaye to zindgi gan jaye.

P.ladka- Tu sahi kah raha hai be. Are Sarita to jo hai so hai hi. Tune kabhi Chhoti wali ko dekha hai. Manisha ko. Wo bhi Sali abhi chhoti hi hai, lekin is umar me bhi bahut katili ho gayi hai. Use dekhkar bhi mere munh me paani aa jata hai. Dono bahane ekdam patakha ban chuki hain. Man to karta hai ki dono ko Utha kar Kahin le jaun aur unke sath……………………………….


Ladke ke Aur shabd uske munh me hi rah gaye, Kyonki Abhishek na uski pith par apni kohni ka bharpoor waar kiya tha. Wo ladka dard se bilbilane laga.

(Darasal abhishek ne shuru mein unki baaton par dhyaan nahin diya, lekin jab unke munh se Sarita ka naam suna to uske kaan khade ho gaye).

Apna dost ka hal dekhkar doosra ladaka Abhishek ko marne aaya. Lekin Abhishek ne Ek joordar laat uske pet par maari. Uske baad Abhishek ne Aas paas dekha to use dukan ke bahar ek bans ka danda dikhai diya jo halwai ne kutto ko darane ke liye rakha tha. Abhishek ne wo danda utha liya aur dono ladko ko buri tarah marne laga aur bolne laga.


Abhishek- Sale Madar……d, Bhos……..le, meri bahano par buri najar rakhta hai, unke bara me gandi baat bolta hai. Aaj tum dono ko jinda nahi chhodunga. Meri bahane meri jaan hain aur tum dono ne meri jaan par buri nazar dali. Main tum dono ki aankhe phod dunga.


Abhishek bahut buri tarah se un dono ladko ko maar raha tha. Aas paas ke kuchh log Abhishek ko pakadne ke liye aaye. Lekin abhishek kisi ke kaboo mein nahi aa raha tha, wo bas lagatar un ladkon ko mare ja raha tha. Aur bad badbadaye ja raha tha. Thodi hi der me wo ladke Adhmari halat me ho gaye. Agar Abhishek unhe thodi der aur marta to dono ladke mar hi jate,


3-4 logo ne kisi tarah abhishek ko un lagko se kheechkar alag kiya aur use kheechte huwe uske ghar ki taraf le jane lage. Lekin abhishek baar baar unse apne aapko chhudane ki koshish karta aur bolta.


Abhishek- Chhod do mujhe. Mar dalunga salo ko. meri bahano par gandi najar rakhte hain sale. Chhodo mujhe. Ek ko bhi nahi chhodunga main.


Wo tino Aadmi kisi tarah Abhishek ko Uske ghar tak le jate hain. Shor sharaba sunkar jab Aanand ji bahar aate hain to unhe samajhte der nahi lagti ki Abhishek na fir se jhagda kiya hai, lekin unhe is baare me kuchh nahi pata tha ki jhagda karne ki main vajah kya thi, isliye unhone un aadmiyo se poocha.


Aanand- Kya huwa bhai. Fir se isne jhagda kiya kya kahi.

Aadmi- Jhagda nahi kiya Aanand ji. Jaan se marne ki koshish ki isne …………… aur ………… ladko ko, wo to sahi samay par ham logo ne ise pakad liya, nahi to aaj wo dono ladke to gaye hi samajh lijie. Lekin isne unhe itna jyada maar diya hai ki kahi koi mar mura na jaye. Shayad unhone kuchh kaha tha abhishek se jiske karan abhishek ne unko mara.


Aadmi ki baat sunkar Abhishek ke papa ne Abhishek ka gireban pakad kar use jhinjhodate huwe poocha.


Aanand Ji- Ab kya yahi karne ko baki rah gaya tha kya. Sab kuchh to tu kar chuka hai, Kisi ki jaan lena baki rah gaya tha, aaj tune wo bhi karne me koi kasar nahi chhodi.

Abhishek- Isme meri koi galti nahi hai, wo dono Sarita aur Manisha ke baare me gandi gandi bate kar rahe the isliye mujhse bardast nahi huwa aur maine unhe mara.


Abhishek ki baat sunkar Aanand ji ko bahut gussa aa gaya, Sachhai pata na hone ke karan unhe ye laga ki abhishek apne aapko bachane ke liye bahaane bana raha hai. Unhone gusse se garajte huwe abhishek se kaha.


Aanand ji- Ek to itna bada kand karke aaya hai aur upar se jhooth bhi bol raha hai. Tujhe sharam nahi aati. Apni karni ka thikra apni bahano par phod raha hai. Kis janam ka badla le raha hai mujhse tu. Tujhe paida karke Hamne aisa kaun sa paap kar diya jo tu hame ye din dikha raha hai. Aaj tak main teri har galtiyon ko jyada gambhirta se nahi leta tha, lekin tu sudharne wala nahi hai. Aaj main tujhe aisa sabak sikhaunga ki tu hamesha yaad rakhega.


Itna kahkar Aanand ji ne Abhishek ke upar apne thappado ki barsat kar di. Use tab tak marte rahe jab tak wo thak nahi gaye. Jab thak gaye to wo wahi jameen par baithkar rone lage. Abhishek ne Apne papa ko dekhte huwe kaha.


Abhishek- maine kuchh nahi kiya papa. Wo dono Sarita aur Manisha ke baare me gandi gandi bate kar rahe the. Isliye maine unhe mara. Kya maine galat kiya.

Aanand ji- haa tumne galat kiya. Agar wo kuchh bol rahe the to maar pit karne ki kya jaroorat thi. Unhe samjha bhi to sakte the. Tumne hame kahi munh dikhane layak nahi chhoda. Har jagah se tumhari shikayate milti rahi hain. Kabhi bhi tumne hamare bare me socha hai. Tumhare jaisa beta hone se Achha hai ki mera koi beta hi nahi hota.

Kab tak apne baap ki chhati par baitha use takleef deta rahega. Agar tujhme jara bhi sharam aur ham logo ke liye ijjat baki hai tere dil me to chala ja yaha se aur fir kabhi apni shakal bhi mat dikhana. Main bhi samajh loonga ki mera koi beta tha hi nahi.


Aanand ji ki baat sunkar raani aur Sarita ne unhe samjhate huwe kaha.


Sarita- ye kya kah rahe hain aap papa. Mana ki Bhaiya ne galat kiya hai, lekin Iske liye Aap unhe itni badi Saza mat dijiye. Hamare eklaute bhai hain ye.

Raani ji- Haan Ji. Apne Iklaute bete ko Aise koi Ghar se nikal jane ke liye kahta hai kya.


Abhishek na jab Sarita ke munh se ye suna ki wo bhi use galat samajh rahi hai to use bahut takleef hui ki uski bahan bhi usko galat samajh rahi hai. usne Sarita se kaha.


Abhishek- Tumne mujhko galat kaha sarita. Maine kya galat kiya. Wo tumhare aur Manisha ke baar me gandi gandi bate kar raha tha. Isliye maine mara. To kya maine galat ho gaya.

Sarita- Haan Bhaiya. Apne galat kiya hai. Mana ki wo hamare bare me galat bol rahe the, lekin Maar pit iska hal nahi hai. Ham unke ghar unke mammy papa se shikayat karte. Wo unhe marte. Aap kaun hote hain unhe marne wale. Wo bhi itni buri tarah se mara aapne unhe. Agar un donon ko kuchh ho gaya to aapko pata hai ki kitni badi musibat aa sakti hai ham sab par. Har samasya ka samadhan ladai jhagda hi nahi hota. Kuchh bate pyaar se bhi samjhai jati hain. Kitno ko marenge aap bhaiya. Aaj un dono ne kaha. Aap ne unhe mara. Kal koi aur kahega. To aap unhe maroge. Parso sara mohalla kahega to Kis kis se ladenge aap.

Abhishek- Main Sab ko maar dalunga jo tum dono ke bare me bura bolega. Kisi ko nahi chhodunga.

Aanand- Are nalayak Abhi bhi tu yahi khada hai. Kya mujhe maar kar hi tujhe chain milega. Maine kitne Armaan sajaye the ki mera beta bada hokar mera naam roshan karega. Mere budhape ke sahara banega, lekin tumne Achha naam roshan kiya hai mera. Are begairat. Agar tujhme jara bhi sharam bachi hai to nikal ja mere ghar se. aur dobara kabhi apni shakal mat dikhana.


Ye baat lagbhag har baap apne bachho se bol deta hai jab wo bahut gusse mein hota hai. Ek najariye se dekha jaye to abhishek ne yahan par kuchh galat nahin kiya tha, kyonki is baat baat uski bahanon ki thi, lekin wo iske pahle itni baar ladaai jhagda kar chuka tha ki uska ye jhagda jo usne apni bahano ke liye kiya tha wo bhi galat hi najar aane laga tha uske papa ko jo abhi bahut gusse mein the. Rahi sahi kasar Sarita ne ye bolkar poori kar di ki abhishek ne galat kiya hai. Bachpan se hi chhoti- chhoti baton ko dil se lagaane wale abhishek ne Sarita ki is baat ko bahut jyada dil pe le liya. Abhishek ne Sarita ko dekhte huwe kaha.


Abhishek- Sarita mujhe papa ki baat sunkar itna bura nahi laga jitna tumhari baato ka.


Itna kahkar Abhishek ghar ke andar chala gaya aur apna saman ek bag me rakhne laga. Raani ji Sarita aur Manisha sabhi uske pichhe gaye aur use rokte rahe. Lekin wo nahi mana. Bas yahi kahta raha ki Use Sarita ki baton ne dukhi kiya. Use Sarita se aisi ummeed nahin thi. Wo apna bag lekar kamre se bahar aaya aur jane laga to Raani, Sarita aur Manisha use rokne ki koshish karne lage to Aanand ji ne kaha.


Aanand ji- Jane do isko. Badi garmi chadhi hain iske khoon me na. Jab duniya ki thokre khayega tab akal aayegi. Jab jindagi ki hakikat ka samna hoga tab aante dal ka bhav pata chalega. ChAr din baad jab khoon ka ubaal kam hoga to apni galtiyan najar aayegi ise. Tab pata chalega ki duniya apne hisab se nahin chalti. Hame duniya ke hisab se chalna padta hai.


Aanand ji ki baat sunkar Abhishek Sabhi se apne ko chhudakar ghar se bahar nikal gaya.


Iske Aage ki Kahaani Agle Bhag mein..​

Bhaee-bahan ka rishta bada ajeeb hote hue bhee daiveey hota hai.
Bahan ke liye aik bhaee suraksha ka prateek hai aur ek bhaee ke lie ek bahan garv ka prateek hai. Bahan bhaee ko bina kissi apeksha ya faayede ke pyaar aur sammaan detee hai, jabki ghar mein bahan kee upasthiti ghar ko rangon se sajaatee hai. Aik bahan samrddh rangon ka palette hai; rang jo jeevant hain, sukhadaayak hain.

Yeh durbhaagyapoorn hai jab ek bhaee apanee bahan ko aik kamajoree ke roop mein dekhata hai aur samajhata hai ki usakee shuddh aatma ko dusht aankhon se daag diya ja sakata hai. Yah durbhaagy kee baat hai ki jab ek bhaee sochata hai ki ek khilata hua gulaab, kaale dil vaale logon kee buree najar ya galat soch se pheeka pad sakata hai.

Isee tarah ka paap Abhishek ne kiya hai jisane pooree sthiti par galat pratikriya dee hai aur is tathy par vichaar kiye bina ghar chhod diya hai ki usakee anupasthiti mein usakee bahanen surakshit rahengee. Kya use apnee bahanon ko chhodane ke bajaay unakee raksha ke liye vahaan nahin hona chaahie un ke saath...

Aik aur mahaan bhaavanaon se bharaa bhaag ... mujhe nahin pata ki kaun se shabd lekhak ke kaushal ko uchit roop se saraahana kar payen ge... hats off...

 

[sushilt20]

mindblowing update waiting for next one

 

[Rapchik Rishi]

Mai wapas aa gaya idhar

 

[Faroquee]

Nice story