Romance Tumhaare Liye- Ek Prem Kahaani (Complete)

[Destiny]

aaj mood kuch thik naa hai
chahe koi bhi jeete par as a reader meri nazar me is contest pe karmo ka phal best story rahegi .

Mera bhi yehi maana hai. Par kya kar koyi mera sunta hi nehi hai

 

[Aakesh.]

Mera bhi yehi maana hai. Par kya kar koyi mera sunta hi nehi hai

Kamla aur raghu ka mast hot scene likh do bhai, ju man halka ho jaiga

 

[Destiny]

UPDATE- 98


Udhar Sarita ke duty join karne ka samay aa gaya. Jis din Sarita ko jana tha us din Raani ji ne kaha.


Raani ji- Is baar main bhi tumhare sath mein chalti hoon. Taki tumhe koi pareshani na ho.


Raani ji ki baat sunkar Manisha ne apna khurafati dimag lagate huwe kaha.


Manisha- Mummy. Agar aap didiya ke sath gayi to mere hone ka kya matlab hai??? Aap papa ke sath rahiye main didiya ke sath.

Raani ji- Waise bhi tumhare hone ya na hone se koi matlab hi nahi hai. mujhe tumpar bharosha nahi hai. main tumhare bharose sarita ko nahi chhod sakti hoon.

Manisha- Trust me mummy. I Will take care of her..

Aanand ji- Manisha. Tumhari mummy sahi kah rahi hai. is baar unka jana hi sahi rahega.

Manisha- Kya khak sahi rahega papa. Aap hi sochiye. Agar mummy didiya ke sath gayi to wo jyada din waha rah nahi payengi. Unhe ghar ki aur aapki yaad aayegi to wo hamesha chintit rahengi. Agar mummy chintit rahengi to didiya ka dhyan kaise rakh payengi. Main jaungi to aaram se mahine bhar didiya ke sath rahkar wapas aaungi.


Manisha ki baat sunkar Raani ji chup ho gayi to Manisha ne fir kaha.


Manisha- To main fir jaaun didiya ke sath.

Raani ji- Thik hai , par tum Sarita ko jyada pareshan mat karna. Tumhari complain nahi aani chahiye.

Manisha- Haaa ek main hi to hoon jo badmash hoon. Baki aapki ladli to doodh ki dhuli hui hai na. har samay mujhko hi sunati hain aap.


Sarita kafi der se uski baate sun rahi thi, ab wo uub gai thi to wo boli.


Sarita- Aap sabko pareshan hone ki jaroorat nahi hai main akele hi chali jaungi. Ab main bilkul thkk hoon. Plz mummy is baar jabardasti mat kARNA. Aur ye. Ye to chahti hi hai ki bas ise ghoomne firne ko mil jaye, Padhne likhne se to door door tak koi nata hai hi nahi iska.

Manisha- Agar sath mein nahi le jana hai to mat le jao, lekin is ke bich mein ye padhai-likhai ka tana mat diya karo mujhe didiya.

Aanand ji- Ab tum dono fir se mat shuru ho jao. Sarita tum Manisha ki baat maan kyon nahi leti. Manisha thik kah rahi hai. is samay tumhare sath kisi ka hona jaroori hai.


Aanand ji ki baat sunkar Sarita ne kuchh nahi kaha to Manisha uchhalte huwe boli.


Manisha- huuuuureeeeee. Main ja rahi hoon apni packing karne ke liye.


Manisha ki baat sunkar Raani ji ne apna sir pit liya aur kaha.


Raani ji- Ye ladki kabhi nahi sudhar sakti hai.


Raani ji ki baat sunkar Sarita aur Aanand ji muskura diye. Dono ne apni apni packing ki aur Agle din Jaunpur chali gayi. Sarita Manisha ko lekar apne PG mein chali gayi. Kuchh samay baad Savita ka phone aaya Sarita ko. Wasie Savita ne is bich roj baat ki thi Sarita se, Yaha aane ke baad Aaj fir uska phone aaya tha. Sarita ne phone uthaya aur baat shuru ki.


Sarita- Hello di. kaisi hain aap.

Savi- main thik hoon Sarita. Tum kaisi ho.

Sarita- Main bhi thik hoon di. Abhi wapas duty par aa gayi hoon.

Savi- ye to achhi baat hai. Tum abhi kaha par ho. Nishchal ke paas hi ho na

Sarita- Nahi di. Unke ghar ke bagal mein hi ek PG khalii tha to usi mein hoon. Aap pareshan mat hoiye. Aapke jane ke baad se main isi mein hoon. Abhi mere sath Manisha bhi hai to pareshani ki koi baat nahi hai.

Savi- Fir bhi agar tum Uske sath rahti to mujhe tumhari chinta kam hoti.

Sarita- Aap log faltu mein itna pareshan hote hain. main ab bilkul thik hoon.

Savi- Pareshan kyon na houn main. Aakhir tumhare sath ek ke baad ek hadse ho rahe hain. har baar tum par koi na koi musibat aa hi jati hai. tumhari chinta lagi rahti hain mujhe.

Sarita- main samajh sakti hoon di ki aap mujhe bahut pyaar karti hain, lekin main apna khyal rakh sakti hoon. Aap pareshan mat hoiye. Achha ye sab chhodiye. Pahle ye bataiye ki waha par sab kaise hain. aap khush to hain na.

Savi- sab thik hain. main bahut khush hoon. Ye sab tumhari wajah se hi huwa hai. Agar tum Nishchal ko na samjhati to shayad aaj hamari shadi na hui hoti.

Sarita- Ye kaisi baatein kar rahi hain aap di. ye sab Aapke bepanah pyaar ke karan huwa hai. Sachhe pyaar karne wale ek na ek din jaroor milte hain.

Savi- Kya baat hain. pyaar ke bare mein bahut gyan hai tumhe. Koi hai kya tumhari life mein. Jise tum pyaar karti ho.


Savi ke aisa kahte hi Achanak se Sarita ke samne Nishchal ka chehra aa gaya. Jisase sarita vichlit hone lagi. Udhar Sarita ke jawab na dene par Savita ne fir se poocha.


Savi- Kya huwa Sarita. Tumne bataya nahi maine jo poochha.

Sarita- Are nahi di. abhi aisa kuchh bhi nahi hai.

Savi- Achha Chalo thik hai. ab main phone rakhti hoon, baad mein baat karti hoon.


Sarita ne jab phone rakh diya to Manisha ne kaha.


Manisha- Kiska phone tha didiya.

Sarita- Savi di ka.

Manisha- Mujhe pata hai ki ab unhone tumhe boss ke ghar par rahne ke liye kaha hoga.

Sarita- Haan di yahi kah rahi thi. par unke jane ke baad se yaha sift kar liya aur akele mein waha rahna achha bhi nahi lagta hai.

Manisha- Abhi tum akele kaha ho. main hoon na tumhare sath. Tum waha rahti to kam se kam safe to rahti.

Sarita- Agar tumhe yahan kuchh kharab lag raha hai to tum ja sakti ho.

Manisha- Haad hai yaar didiya. Tum bhi na kamal ki ho. main tumhare liye hi to yaha par aayi hoon aur tum ho ki mujhe jane ke liye kah rahi ho. main tumhe chhodkar kyon jaungi bhala??

Sarita- Haan thik hai thik hai.


Uske baad dono bahanein aaram karne lagi. Manisha ne Nishchal ko massage bhej diya tha ki wo Jaunpur aa gayi hai. Nishchal ne jab Manisha ka massage dekha to wo Sarita ke milne ke liye betab ho gaya.


Usne jaldi jaldi apna kaam finish kiya aur shaam ko ghar aa gaya. Kapde change karne ke baad wo Sarita se milne ke liye chal pada.


Nishchal ne doorbell bajayi to Manisha ne darwaza khola. Nishchal ko dekhkar Manisha bahut khush hui aur chillate huwe boli.


Manisha- Boss. Aaap. Aaiye jee……. I meens boss.


Fir wo Sarita se boli.


Manisha- Didiya. Aapke Nishchal Sir aaye hain aapse milne ke liye.


Sarita ne jab Nishchal ka nam suna to uske dil ki dhadkan tez ho gayi. usne apne sine par hath rakh liya. Manisha ne Nishchal ko sofe par baithakar kamre mein aayi aur Sarita se kaha.


Manisha- Ab aise hi khadi rahogi ya milne bhi jaogi didiya. Boss ko bahut kaam hai, unhe jana bhi hai.


Manisha ki baat sunkar Sarita jab Nishchal ke samne gayi to uski najarein hi nahi uth rahi thi. Nishchal kab sofe se uthkar uske samne aaya Sarita ko pata hi nahi chala. Aaj Nishchal ko Sarita ka rawaiya kuchh badla badla sa lag raha tha. Wo apne man mein bola.


Nishchal- Aaj ise kya ho gaya hai. ye itni shant kyon hai. Ab tak to ye mere upar chadhai kar deti thi, lekin aaj bilkul shant khadi hai. lagta hai ye mujhe dekhkar uncomfortable feel kar rahi hai.


Abhi Nishchal yahi sab soch raha tha ki Tabhi Manisha waha par aa gayi. Usne Nishchal ko dekhte huwe kaha.


Manisha- Are boss aap khade kyon hai. baithiye na. main aapke liye nashta lekar aati hoon.

Nishchal- Nahi Chhote miya. Uski jaroorat nahi hai. Kaka ne khana banaya hoga. Main jakar khana kha lunga.


Fir Nishchal ne Sarita ki taraf dekhte huwe kaha.


Nishchal- To kal se tum duty join kar rahi ho na??


Sarita ne kuchh nahi kaha bas haa mein apna sir hila diya. Nishchal kuchh aur bolna chah raha tha ki tabhi uska phone bajne laga. Nishchal ne Excuse me bolkar kamre se bahar chala gaya.


Manisha ne Sarita ki taraf dekha to wo Nishchal ko jata huwa dekh rahi thi. Manisha ne Sarita se kaha.


Manisha- Phone par kaun tha di.


Manisha ki baat sunkar Sarita ne kaha.


Sarita- Mere paas 50 aankhein nahi hain jo main dekh sakun ki kiska phone tha.

Manisha- ho sakta hai ki Charu ka phone ho, Kyonki PS se to phone aayega nahi Sir ko. Ghar walo ka phone hota to wo bahar jate nahi. Didi ka phone hota to wo tumse bhi didi ki baat karwate.


Manisha ke munh se Charu ka nam sunkar Sarita ko bahut gussa aaya aur wo chidhkar waha se hat gayi. Thodi der baad jab Nishchal baat karne ke baad wapas kamre mein aaya to waha par kewal Manisha baithi hui thi. Nishchal ne Manisha se poochha.


Nishchal- Chhote miya. Ye lady don mera matlab hai tumhari didiya kaha chali gayi??

Manisha- Charu ka naam sunkar wo chidh kar yaha se chali gayi.

Nishchal- (kuchh na samajhte huwe) Matlab.

Manisha- Are wo Aap jab bahar gaye to maine didiya se kah diya ki charu ki call aayi hogi to wo chidh gayi


Manisha ki baat sunkar Nishchal jor se hansne laga aur bola.


Nishchal- Are yaar uska phone nahi tha.

Manisha- ssshhhhhhhhhhhhh. Dhire boliye. Ye ham dono ko pata hai ki uska call nahi tha, lekin didiya ko to nahi pata na. to ham didiya ko charu ka naam lekar chidhayenge.

Nishchal- Par ye to galat hai. ek to wo aur pareshan ho jayegi charu ka naam sunkar. doosra wo mujhse bhi gussa ho jayegi. Kahi aise to nahi hai ki tum hamari dor jodne ke bajay use katne par tuli hui ho.

Manisha- Kya baat karte hain jeee…. Mera matlab hai ki Boss. Main khud chahti hoon ki didiya ko bhi aapke pyaaar ka ehsas ho jaye. Aakhir aap jaisa pyaar karne wala unhe koi nahi milenga to main kyun apni didiya ke pyaar ki dor ko katungi bhala.

Nishchal- Dekh lena fir. Sab tumhare bharoshe hi hai. Agar wo mujhse naraz ho gayi to main tumhe chhodunga nahi.

Manisha- (hanste huwe) Chilll boss. Wo kahte hain na ki pyaar mein agar jute bhi khana pade to wo bhi hanste hanste kha lena chahiye aur aap hain ki didiya ki narazgi se darte hain.

Nishchal- Haan haan. Tumhara bas chale to tum bich bazar mujhe pitwa do.

Manisha- Are boss. Bich bazar se yaad aaya. Wo us din bich bazar mein jab didiya ne aapke gaal laal kiye the to aapko kaisa laga tha.


Manisha ki baat sunkar Nishchal ne apna hath apne galo par rakh liya aur bola.


Nishchal- Sach kahu to shuru shuru mein mujhe bahut gussa aata tha is baat ko sochkar ki Nishchal singh Rathod ko kisi ladki ne pahli baar bina kisi galti ke thappad mara hai. main use apne jeewan ka sabse manhoos din samajhta tha,

lekin ab lagta hai ki wo din mere jeewan ka bahut khas din tha. Kyonki ki agar wo din meri zindagi mein na aaya hota to Sarita meri zindagi mein na aayi hoti. Agar Sarita meri life mein aa jaye to meri life swarg se bhi sundar ho jaye.

Manisha- Aaise hi hoga boss. Ab main aapko jaise bhi massage mein bataungi aapko waisa hi karna hoga. Ab se plan no. 2 shuru.


Fir Manisha ne apne man mein kaha.


Manisha- Mujhe pata hai ki didiya bhi ab aapse pyaar karne lagi hain, lekin na aap didiya se apne pyaar ka izhaar karenge aur na hi didiya aapse apne pyaar ka izhar karegi, isliye ab mujhe hi kuchh karna hoga. Ab mujhe hi aap dono ke pyaar ki naiya ka khewanhar ban-na hoga aur aap dono ke pyaar ki naiya ko paar lagana hoga.


Uske baad Nishchal aur Manisha ne kuchh batein ki aur Nishchal waha se chala gaya. Sarita aur Manisha dono ne khana khaya aur so gayi. Us raat Manisha ne Sarita se aur koi baat nahi ki.


Subah Sarita taiyar hokar PS mein pahuch gayi. Nishchal ne mohit aur jawed ko bata diya tha ki Sarita Aaj PS aayegi to Jawed, Mohit, Janhavi, Ranjana aur baki ke staff uska hi wait kar rahe the.


Sabhi ne Sarita ke PS pahuchne par uska jordar swagat kiya. Sarita Sabse bahut achhi tarike se mili. Poora staff use bahut dhyan se dekh raha tha. Sarita ne ye baat note kar li aur muskurate huwe kaha


Sarita- Are aap log mujhe aise kyon dekh rahe hain. main ab bilkul thik hoon. SAbhi log apni apni jagah par jaiye aur pahle ki tarah hi apna kaam kijiye aur meri bhi kaam mein madad kijiye.


Sabhi apni apni table par chale gaye aur apna kam karne lage. Sarita bhi apne cabin mein chali gayi. wo kai din baad aayi thi to file mein sir khapa rahi thi. Tabhi use Nishchal ki aawaz sunayi padi to uske kan khade ho gaye.


Sarita ne apna kaam band kar diya aur apni kursi par baithi rahi. Wo soch rahi thi ki Nishchal usase milne ke liye uske cabin mein jaroor aayega, lekin jab kaafi der tak Nishchal uske cabin mein nahi aaya to wo khud hi bahar aa gayi aur Janhavi ki table ke paas chali gayi jo file dekh rahi thi. Sarita ko dekhte hi wo khadi ho gayi to Sarita ne use baithne ke liye kaha aur poocha.


Sarita- Koi aaya tha kya??

Janhavi- Nahi madam. Koi bhi nahi aaya tha.

Sarita- Matlab koi bhii nahii??

Janhavi- Nahi madam koi nahi aaya??

Sarita- matlab Nishchal Sir bhi nahi.

Janhavi- Nahi madam Sir bhi nahi aaye. Koi baat hai kya madam.

Sarita- Nahi Nahi. Kuchh nahi. Wo ek cup chaai bhej dena.


Itna kahkar wo apne cabin mein chali gayi. Janhavi ko Sarita ka ye vyavhaar samajh mein nahi aaya. Wo apnea apse boli.


Janhavi- Ye madam ko kya ho gaya hai. kaise ulte sidhe sawal kar rahi thi. lagta hai madam ko abhi bhi kuchh dikkat hai. aakhir madam ke sath hadsa hi aise huwa hai jisase ubarne mein unhe waqt to lagega hi.


Sarita apne cabin mein pahuch kar apni kursi par tak laga kar chaat ko ghoorti hui boli.


Sarita- Ye mujhe kya hota ja raha hai. Abhi tak to wo meri neend hi uda rahe the. Ab to mere din ka chain bhi chheen rahe hain. Mujhe unki aawaz bhi sunai padne lagi hai. pata nahi kya hoga mera.


Yahi sab sochte huwe Sarita sara din kaam karti rahi. Sham ko wo apne kamre par aa gayi. Ghar aane ke baad Manisha ne Use Nishchal Aur charu ke bare mein bataya to wo chidh gayi aur waha se chali gayi.


Manisha ko ab isme maza aane laga tha isliye wo ghante do ghante mein ek baar Nishchal aur Charu ka jikar chhed hi deti thi. jo Sarita ko buri lagti aur wo chidh jati. Kabhi kabhi Sarita ko Charu ki baate sunkar Bahut adhik gussa ho jati to Manisha ko daaat bhi deti thi.


Iske Aage ki Kahaani Agle Bhag mein..​

Manisha didi ke prem navo ka khewan haar bankar jaunpur sarita ke sath pahuch chuki hai. Sarita ko samajh hi nehi aa raha ki uske dil me kiya chal raha hai. Charu ki naam aate hi chid jati hai. Ps gayi vaha bhi nishchhal ki aavaj sunte hi apne kevin se bahar aa gayi sirf itna sochkar ki nishchhal uski haal chal lega par shayad aisa kuch nehi hoga kyu plan to khurafati deemag wali manisha ne banaya tha. Dekhte hai aage kiya hota hai.

Adbhut atulniya lekhan kaushal

 

[Riya]

UPDATE- 101


Sarita dwara pyaar ka izhar kiye jane par Nishchal Khushi se phoola nahi sama raha tha. Uska itne din ka intezar aaj khatam ho gaya tha. Usne Khushi se jhoomte huwe apni bahein faila di to Sarita Uske sine se lag gayi.


dono ke liye ye ehsas bahut sukhad tha. Dono ko is samay yahi lag raha tha ki ye wakt yahi tham jaye aur dono aise hi gale lage huwe sari zindagi gujaar dein. Dono ki dhadkane bahut tezi se chal rahi thi. Sarita ke gaal sharam aur Khushi se lal ho gaye the. Kuchh der dono aise hi shant ek doosre ke gale lage huwe khade rahe.


Thodi der baad Sarita ne is shanti ko bhang karte huwe kaha.


Sarita- Ab mujhe samajh mein aaya ki main aapke samne aisa bartav kyon kar rahi thi.

Nishchal- hhmmmmm. Par ye to batao ki tumhe is baat ka ehsas kab huwa.

Sarita- Di ki shadi ke samay.

Nishchal- Achha ji. To tumhara 15-20 din mein hi ye haal ho gaya hai to mera socho. Maine to jis din tumhe pahli baar dekha tha usi din se tumpar mar mita hoon. Socho. Itne dino mein meri kya halat hui hogi.


Nishchal ki baat Sunkar Sarita usase alag hui aur use dekhne lagi. Nishchal ne usase kaha.


Nishchal- Ab aise kyon ghoor rahi ho.

Sarita- Main ghoor nahi rahi hoon. But Seriously Pahli baar milne par hi??

Nishchal- Aur nahi to kya. Tumhe lag raha hai main Mazak kar raha hoon.

Sarita- Nahi Mazak nahi lag raha hai, lekin aapko dekhkar kabhi laga hi nahi ki aap mujhse pyaar karte hain. Aapne pahle kyon kuchh kaha kyon nahi??


Nishchal ne Sarita ki nakal karte huwe kaha.


Nishchal- Aapne pahle kuchh kaha kyon nahi??


Nishchal ki baat sunkar Sarita chidh gayi aur munh fulakar doosri taraf dekhne lagi to Nishchal ne kaha.


Nishchal- Us din gadi mein maine wo sab tumse hi kaha tha, lekin tum to itna hiper ho gayi thi ki mujhe apni baat hi badalni padi. Agar us din maine kano mein bluetooth nahi lagaya hota to tum mera gaal lal kar chuki hoti. Itna hi nahi. Tumne us baat ko lekar ye andaza laga liya ki main charu se pyaar karta hoon. Had hai yaar.

Sarita- Kyao na lagaun andaza. Wo hamesha apke aas paas mandara rahi thi.

Nishchal- Achha. Ye to naya tarika khoj nikala hai tumne ki jo insan kisi ke aas-paas mandara raha ho wo usase pyaar karta hai. aise to tum mere aur Jawed ke bare mein, Jawed aur Mohit ke bare mein aur Mera aur mohit ke bare mein bhi sochti hogi.


Nishchal ki baat sunkar Sarita ko hansi aa gayi aur wo hanste huwe boli.


Sarita- Nahi main aisa kuchh nahi sochti aap logo ke bare mein. Main to bas….


Nishchal ne uski aankho mein dekhte huwe kaha.


Nishchal- Kya bas.


Sarita ko ab kuchh bolte hi nahi ban raha tha to Wo waha se jane lagi to Nishchal ne uska hath pakadkar apni taraf kheech liya. Sarita Nishchal ke sine se lag gayi. Nishchal ne Sarita ki aankho mein dekhte huwe uske chehre par aayi hui lato ko uske kan ke pichhe karte huwe kaha.


Nishchal- Tumne to kah diya jo kahna tha. Ab mera bhi jawab to sun lo.


Itna kahkar Nishchal apna munh Sarita ke kan ke paas le gaya. Sarita ki dhadkane is samay bekaboo ho rahi thi. shayad yahi hal nishchal ka bhi tha. Nishchal ne uske kaan mein dhire se kaha.


Nishchal- I Love You too. Mujjhe tumse pyaar tha. tumse pyaar hai aur hamesha tumse hi pyaar rahega.


Ye sunkar Sarita ne apni aankhe band kar li thi. is samay Sarita ekdam madhosh ho chuki thi. Nishchal ki sans use apni gardan par mahsoos ho rahi thi. Sarita ke sharir mein ek ajeeb si halchal ho rahi thi.


Nishchal apni baat kahkar pichhe hat gaya. To Sarita ne apni band aankhein kholkar Nishchal ko dekha to wo samne khada mand mand muskura raha tha.


Ye dekhkar Sarita ne sharam ke mare apna chehra doosri taraf ghuma liya. Nishchal ko bhi ye samajh mein aa raha tha ki dono filhal is mamle mein jyada baat nahi kar payenge to Nishchal ne kaha.


Nishchal- I think ki ab hamari batein poori ho chuki hain to main jaun.

Sarita- Lagta hai Manisha so gayi hai to fir darwaza kaun kholega??


Sarita ne ye baat Nishchal ki taraf dekhte huwe kaha to Nishchal ne shararat bhare lahze mein kaha.


Nishchal- To directaly tum ye kyon nahi kahti ki main aaj raat yahi par ruk jaun. Chhote miya ka bahana kyon bana rahi ho??


Sarita ne Nishchal ki baat sunkar apni aankhe badi karte huwe kaha.


Sarita- Hey bhagwaan. Maine aisa to nahi kaha na. main aisa kuchh soch bhi nahi rahi hoon. Agar aapko bharosha na ho to use phone karke dekh lijiye. Wo uthegi hi nahi kyonki wo raat mein aksar apna phone silent mein rakhti hai.

Nishchal- Pata hain mujhe. Main to bas aise hi tumhe chhedne ke liye bol raha tha. Ab kya karein ham??

Sarita- Aapko sona hai.

Nishchal- haan.

Sarita- To aisa kariye aap bister par so jaiye main jameen par bistar lagakar so jaungi.

Nishchal- Are nahi aise kaise. Tum bistar par so jao main jameen par so jaunga.

Sarita- Nahi na. waise bhi mujhe neend aa nahi rahi hai to aap so jaiye.

Nishchal- Chalo koi baat nahi fir ham dono baith kar batein karte hain.


Itna kahkar Nishchal bed se tek lagakar jameen par baith gaya to Sarita ne kaha.


Sarita- Abhi to aap kah rahe the ki aapko neend aa rahi hai.

Nishchal- Kuchh samay pahle aa rahi thi, lekin ab nahi aa rahi hai aur plz ab is baat ko lekar tum mujhse jhagda mat karne lag jana.

Sarita- (ghoorte huwe) Aap kahna kya chahte hain ki jhagda main start karti hoon.

Nishchal- Aur nahi to kya. Dekho tum jhagda karne ke mood mein aa gayi ho..

Sarita- Thik hai ab main kuchh nahi bolungi. Aap khud hi boliye, khud hi suniye aur jab thak jaiye to chupchap so jaiyega.


Sarita ki baat sunkar Nishchal ne Sarita ki naak pakadte huwe kaha.


Nishchal- Ye tumhari naak hai na. jab gusse mein ekdam lal ho jati hai to tum bahut khoobsurat lagti ho aur wo khoobsurti mere dil ka haal behaal kar deti hai.


Nischal ki baat sunkar Sarita ne hanste huwe kaha.


Sarita- Aap kaam hi aisa karte hain ki mujhe gussa aa jata hai.

Nishchal- Achha ye sab chhodo. Chhote miya bata rahi thi ki tumhara kuchh aim hai jiske karan tum Pyaar se door bhagti thi.


Nishchal ki baat sunkar Sarita bhi bed ke doosre kinare par jameen par baith gayi aur boli.


Sarita- aim. Haan mera aim to IAS ban-na hai. Kisi ki baat ne mere dilo dimag par itna gahra asar dala hai ki maine usi samay apna lakshya nirdharit kar liya ki mujhe aage kya karna hai Tabhi maine soch liya tha ki jab tak mera ye lakshya poora nahi ho jata tab tak main in pyaar mohabbat ke chakkaro mein nahi padungi.

Pahle apne dam par apni pahchan bana loon. Fir koi nai jimmedari ke bare mein sochungi, lekin wo kahte hain na ki hamesha jo aap chahte hain wo nahi hota. Mujhe aapse pyaar hona tha aur wo ho gaya.

Nishchal- Ab ye to bahut Achhi baat hai. tumhara aim bahut hi achha hai. (fir Mazak mein) Lekin mujhe lagta hai ki jab tak tumhara aim poora nahi ho jata tab tak tum shadi bhi nahi karogi. Iska matlab hai ki tumhare last attempt tak mujhe most eligible Bachler banker rahna padega.

Sarita- Mera First attempt hi last attempt hoga.

Nishchal- (Hanste huwe) Matlab ye ki mujhe tab tak aise majanuwo ki tarah jindagi gujarni padegi.

Sarita- Hatiye aap. Mera Mazak uda rahe hain aap to. Waise aapka kya aim hai.

Nishchal- Tumhare sapne ko udan dena.


Nishchal ki baat sunkar Sarita use dekhne lagi to Nishchal ne kaha.


Nishchal- Jyada to kuchh nahi lekin main tumhare har kadam par tumhara sath doonga. Tumhare har achhe bure wakt par tumhare sath rahunga. Tumhare har Us faisale ka main samman karunga jo hamare hit mein ho.

main tumhare liye chand tare tod kar lane ka jhootha wada nahi karunga, lekin itna jaroor kahunga ki jeewan ke kisi bhi mod par jab bhi tumhe meri jaroorat hogi tum mujhe apne sath khada paogi.


Nishchal ki baat sunkar Sarita Aakar uske bagal mein baith gayi. fir dono aise hi bate karte huwe so gaye.


Subah Jab Manisha ne uthkar darwaza khola to usne dekha ki Sarita aur Nishchal jameen par baithe baithe hi so gaye hain. Sarita ka Sir Nishchal ke kandhe par tha aur Sarita ke sir par Nishchal ne apna Sir tikaya tha.


Ye dekhkar Manisha ke chehre par ek pyaari si muskan tair gayi. Usne Wakt jaya na karte huwe Es khoobsurat najare ko apne phone mein kaid kar liya.


Dono ki selfi lene ke baad Sarita kamre ke andar aayi aur jor se boli.


Sarita- Good Mornigh Guys..


Manisha ki aawaz sunkar dono hadbada kar uthkar baith gaye. Jab dono ne samne dekha to Manisha khadi muskura rahi thi. Dono ye dekh kar jhenp gaye. Nishchal turant uthkar khada ho gaya aur Sarita ne apni najre niche jhuka li.


Nishchal ne hadbadate huwe Manisha se kaha.


Nishchal- Sorry. Main duty ke liye late ho gaya hoon to main jata hoon.


Itna kahkar Nishchal waha se Sarpat bhaga. Sarita bhi bahana banakar Waha se bhaag khadi hui aur bathroom mein ghus gayi. Manisha dono ki halat dekhkar muskurane lagi.


Sarita Bathroom se nikal kar Nashta karke jab taiyar hokar PS jane ke liye nikli to Manisha use hi ghoor rahi thi. Sarita ne Manisha se kaha.


Sarita- Kya hai?? Aaise kyo ghoor rahi ho mujhe??

Manisha- Aaj kaun si cream lagayi hai didiya. Aaj to tumhara chehra bahut glow kar raha hai.


Itna sunte hi Sarita ne uske kaan pakadkar marodte huwe kaha.


Sarita- Achha beta Tumhe kuchh jyada hi chamak dikh rahi hai. Abhi tumhari raat wali harkat ko main bhuli nahi hoon. Uski bhi saza milegi tumhe.


Manisha ne Sarita ki baat sunkar azeebogarib munh banate huwe kaha.


Manisha- hey bhagwaan. Ab to bhalayi ka jamana hi nahi raha. Jiska bhala kiya maine wahi mujhe saza dene ki baat kar raha hai. Kuchh karo bhagwaan kuchh karo.

Sarita- (hanste huwe) Tumne jo harkat ki wo main bhuli nahi hoon. Bhagwan bhi sab dekh rahe hain. ki kisne kya kiya hai.

Manisha- Tum chaho tab bhi nahi bhool sakti kal raat wali baat. Aap dono ka wo prisious movement jo tha wo.

Sarita- (ghooorte huwe) Tum din-ba-din badtamiz hoti ja rahi ho.

Manisha- Achha thik hai Ab Apne PS jao. Mujhe bakhsh do.


Manisha ki baat sunkar Sarita ne apni kalayi mein lagi ghadi mein dekha aur boli.


Sarita- Ohhhhhhhoooooo. Tere karan itna late ho gaya. Main jati hoon.


Sarita apne PS ke liye nikal gayi aur Manisha use jate huwe dekhkar muskurane lagi. Isi tarah din gujarte rahe. Sarita aur Nishchal ko apne pyaar ka izhar kiye huwe 4 din bit chuke the. Par us din ke baad dono ke bich jyada baatchit nahi hui thi. dono ek doosre ke samne aane par jhijhak mahsoos karte the. Ye sab Manisha note kar rahi thi.


Ek sham Sarita PS se jaldi aa gayi. to Manisha ne Sarita se kaha.


Manisha- Didiya main soch RAHI HOON ki kyon na aaj ham log bahar khana khane chalein. Main boss ko bhi bula leti hoon.


Manisha ki baat par Sarita ne kuchh nahi kaha bas muskura kar rah gayi to Manisha ne kaha.


Manisha- Matlab main boss ko bula loon.


Manisha ne turant Nishchal ko phone kiya aur poori baat batai aur thoda jaldi aane ke liye bola. Thodi der mein Nishchal bhi aa gaya. Jis Restorant mein khane ka plan bana tha wo unke ghar se lagbhag 1 kilometer ki doori par tha. thodi hi der mein wo sab restorant mein baithe huwe the. Dono ko ekant dene ke liye Manisha ne kaha.


Manisha- Mujhe ek phone karna hai aap log baithiye main aati hoon.


Manisha yah kahkar chali gayi. Sarita aur Nishchal dono chupchap baithe huwe the. Kuchh der baad Sarita ne apna sir uthakar dekha to Nishchal use hi dekh raha tha. ye dekhkar Sarita jhenp gayi aur apni najarein fir se niche kar li. Nishchal ye dekhkar Muskura utha. Thodi der baad Nishchal ne kaha.


Nishchal- To kya socha hai tumne??

Sarita- (apni najare uthakar) Kis bare mein.

Nishchal- Abhi kiss ke bare mein to baat kar nahi raha hoon.

Sarita- (aankh dikhate huwe) jyada hoshiyar ban-ne ki koshish mat kijiyega mere samne.

Nishchal- (kaan pakadte huwe) Sorry.. main preparation ke bare mein pooch raha tha. uska kya socha hai.

Sarita- Sorry mat boliye aap. Main soch rahi hoon ki naukari chhod doon. Kyonki ye naukari karte huwe preparation karna bahut hi kathin hai.

Nishchal- Okkkk. Agar tumhe lagta hai ki tum Naukri karte huwe dhang se preparation nahi kar paogi to tum aisa hi karo, lekin aisa karne se pahle ekk baar Uncle aur Aunty se baat jaroor kar lena.

Sarita- Mummy ko to koi pareshani nahi hogi mere naukari chhodne se. but papa ko manana padega is baat ke liye. Sath mein mummy papa ko aage ke preparation ke liye bhi manana padega, papa ko to koi dikkat nahi hogi isase, lekin mummy jaroor mujhe ye sab karne nahi dengi.

Nishchal- Tum koshish to karo. Agar meri jaroorat padi to main khud Aunty se baat karunga iske bare mein.

Sarita- Thik hai main baat karti hoon mummy papa se. Main ise hi apna final attempt samajhkar padhna chahti hoon isliye aisi taiyari ye naukari karte huwe sambhav nahi hai.

Nishchal- Kyaa baat hai. Tumhe itni jaldi hai apni shadi ki.

Sarita- (shararat karte huwe) Aur nahi to kya. Kya pata main apna aim achive karne mein lagi rahi aur fir se aap kisi charu ke chakkar mein pad jao. Is baar main ye risk nahi lena chahti.

Nishchal- (Muskurate huwe) Thikk hai fir. Apne ghar mein baat karo aur apne mind ko relax karo. Uske baad preparation shuru kar do. Kuchh hi din mein Notification aane wala hai.

Sarita- Haan. Achhi padhai ke liye refrecement bhi jaroori hai.

Nishchal- Notes ki chinta tum mat karna. Notes tumhe main provide kar dunga aur ek baat hamesha yaad rakhana ki main har kadam par tumhare sath hi rahunga.


Tab Tak Manisha bhi aa chuki thi. Order inhone pahle hi de diya tha to khana bhi tab tak aa chuka tha. Nishchal to bahar khata nahi tha, lekin aaj Sarita ke liye usne thoda bahut khana khaya aur payment karke ghar ke liye nikal gaye. Ye log paidal hi the to tino sath hi bate karte huwe ja rahe the.


Chalte huwe Nishchal ne Sarita ka hath pakad liya aur aage dekhte huwe chalne laga. Sarita ne jab Nishchal ki taraf dekha to use aage dekhte huwe paya to man mein hi kaha.


Sarita- Dekho to. Aise behave kar rahe hain jaise inhe pata hi na ho ki inhone mere hath pakda hai.


Sarita apna hath chhudane ki koshish karne lagi to Nishchal ne uska hath kaskar pakad liya. Manisha kankhiyo se ye sab dekh rahi thi wo apni colony ke najdeek hi pahuch chuke the to Manisha ne kaha.


Manisha- Main jati hoon aap log aaiye.


Ye kahkar Manisha age chali gayi to Sarita ne Nishchal se kaha.


Sarita- Ye kya kar rahe hain aap??

Nishchal- (anjan bante huwe) Kya kar raha hoon??

Sarita- hath chhodiye mera. Koi dekh lega.

Nishchal- ye haan chhodne ke liye thode hi pakda hai. Ab to Sari Zindagi tumhara hath pakadkar chalna hai. I Love You.


Ye sunkar Sarita ka chehra sharam se laal ho gaya tha. Nishchal ne apna mobile nikala aur photo kheechne laga to Sarita ne kaha.


Sarita- ab ye kya kar rahe hain aap.

Nishchal- tumhara ye roop har samay dekhne ko nahi milta hai. Har samay to tum naak par gussa liye lady don bani mujhe hadkati rahti ho. Isliye is roop ki phone click kar raha hoon.

Sarita- (hans kar) Kaun sa roop??

Nishchal- Sharam se laal huwe tumhare gaal aur ye jhuki hui najarein.

Sarita- Hmmmm. Agar ab ho gaya ho to kripa karke mera hath chchod dein. PG aa gaya hai.


Nishchal ne Sarita ka hath chood diya to Sarita ne kaha.
Sarita- Ab aap jaiye.


Nishchal- Haammmm. Pahle tum jao.


Sarita jane lagi. kuchh door jane ke baad wo pichhe mudkar uski taraf dekhne lagi. Nishchal ne ishare se poocha ki kya hai to Sarita ne kaha.


Sarita- I Love You too.


Itna kahkar Sarita jhat se andar bhaag gayi. Nishchal Uski ye harkat dekhkar muskurane laga.


Usi raat Sarita ne apne Mummy papa se job chhodne ki baat ki aur iska karan bhi bataya. Aanand ji ko to koi pareshani nahi hui lekin Raani ji ka kahna tha ki use job karne ki jaroorat nahi hai ab koi achha ladka dekhkar uski shadi karni hai unhe, lekin Sarita ki zid aur Anand aur Manisha ke samjhane ke baad Raani ji aakhir maan hi gayi.


Sarita ke Resignation ki baat jab uske staff ko pata chali to Mohit, Jawed, Ranjana, Janhavi, Vikas, Kaushal ko bahut dukh huwa. Sath mein unhe is baat ki Khushi hui ki Sarita Apne Aim ke liye job chhod rahi hai. Saabhi ne use best wishes di.


Udhar Nishchal ne Savi se Apne aur Sarita ke rishte ke bare mein bata diya. Savita bahut khush hui aur usne Sarita se baat ki aur use is naye rishte ke liye badhayi di.
Sarita Aur Manisha Abhishek se milne ke liye jail mein gaye.


Manisha ne Abhishek ko Sarita aur Nishchal ke bare mein bataya to Use bhi bahut Khushi hui, Kahi na kahi use bhi pata tha ki Nishchal hi Sarita ke liye best choice hai.


Sarita ne Resign de diya tha aur Nishchal se kuchh promiss karke Allahabaad aa gayi.


Lagbhag 9 Mahine baad..


Abhishek ki saza poori ho gayi thi use lene ke liye Sarita, Manisha, Raani ji Aur Aanand ji khud gaye the. SAbhi bahut khush the ki unka bhaai aur unka beta Kai Baras baad ghar aa raha hai. Abhishek ne bhi bahut Salo baad khuli hawa mein sans li thi. Use bhi bahut Khushi hui sabse mil kar. Abhishek sabhi ke sathi Allahabad wapas aa gaya.


Udhar Amit ko Nishchal ne apne Sath rakha huwa tha. lekin uski naukari abhi bhi use wapas nahi mili thi. Amit ne jo baat Nishchal se kahi thi. Uske anusar wo sachmuch bahut badal gaya tha. wo poori imaandari aur lagan se kaam kar raha tha. Yahi sab dekhte huwe Nishchal ne SSP se baat karke use naukari par bahal kar diya tha.


Iske Aage ki Kahaani Agle Bhag mein..​

Wonderful update. sarita aur nishchal bhale hi ab couple ho, lekin sarita gussa aaj bhi uski nak par rehti hai. ho sakta hai shadi ke bada sarita bat bat gussa hogi aur nishchal use tarah tarah manane ki kosis karega. Abhishek ki saja puri hui wo ghar a gaya . sabhi khush the. Abhishek ki di hai par Naina ji jyada khush hogi.

 

[Riya]

Kamla aur raghu ka mast hot scene likh do bhai, ju man halka ho jaiga

Pervert

 

[Riya]

UPDATE- 102


naukari chhodne ke baad sarita ne apne aapko padhaai mein jhonk diyaa. Usne apne aapko puri tarah se sabhi se kaat liya tha. Wo pahli baar se kahin jyada mehnat kar rahi thi. Ab tak abhishek bhi jail se chhutkar ghar aa chukaa thaa.

samay bitne ke sath hi sarita ki prelims, main aur interview ho gaya tha jo achha gaya tha.


Lagbhag 11 Mahine baad


Sarita apne ghar mein laptop par apni najarein gadaye baithi thi. Aaj Uskka Civil Services ke exam ka result aane wala tha. Uska man andar hi andar ghabra raha tha. Wo Manisha se iske bare mein kai baar baat kar chuki thi. lekin Sarita ki bechaini badhti ja rahi thi.


Tabhi uske mobile ki screen par ek naam show huwa. Jo Nishchal ka tha. Usne phone uthaya to nishchal ne kaha.


Nishchal- ghabrao mat, Mujhe poora wishwash hai ki hamara sapna jaroor poora hoga.

Sarita- Aur agar nahi huwa to please mujhe maaf kar dena.

Nishchal- Fir se tumhara rona shuru ho gaya. Is baar nahi huwa to agli baar fir se try karna. Agli baar nahi huwa to uske Agli baar fir try karna aur vishwas karo Tumhare aim ke liye main bhi apni naukari chhod dunga.

Sarita- Haan fir to dono road par baithkar katora lekar bheekh mangenge. Hai na??

Nishchal- (hanste huwe) Sahi kaha. Isase better to koi job ho hi nahi sakti. IAS ki salary se jyada kamai hogi mahine mein. Sath mein tumhare sath kaam karne mein maza bhi bahut aayega.


Sarita uski baat sunkar hans di to Nishchal ne kaha.


Nishchal- Ab thik hai. tum aise hi hamesha hansti muskurati hui hi achhi lagti ho.

Sarita- Aap aa rahe hain na mujhse milne ke liye.

Nishchal- Abhi clear nahi bata sakta.

Sarita- (gusse mein) 1.5 sal se jyada ho chuka hai aapse mile huwe. apka to kuchh bhi clear nahi rahta.

Nishchal- Promiss yaad hai ya bhool gayi.

Sarita- Hmmmm. Yaad hai tabhi to kuchh bolti nahi hoon aapse.

Nishchal- Achha Ab khush ho jao.

Sarita- Wo kisliye??

Nishchal- Kyon ki main aa raha hoon tumse milne. Result chahe jo bhi ho exam ka tum udas mat hona.

Sarita- (khush hokar) Kyaa?? Sach mein aap aa rahe hain mujhse milne.

Nishchal- haan meri jaan main aa raha hoon.. mujhe lagta hai ki ab tum thik ho to main phone rakh raha hoon.

Sarita- Hmmm. Main intezaar kar rahi hoon aapka.


Itna kahkar Sarita ne phone rakh diya aur kisi soch mein gum ho gayi.


Sarita- (man mein) Agar aaj ye exam clear na huwa to main Sir ko kya munh dikhaungi. Mujhse jyada to unhone iske liye tapasya ki hai. Subah jagne se lekar der raat tak wah mere sath hi rahe hain. Notes banane se lekar interview ki taiyar karwane mein wo hamesha mere sath hi rahe hain.

Agar kisi topic par ulajhkar main pareshan ho jati thi to wo kitni aasani se us topic ko solve karke mujhe samjhate the. Mujhse jyada to unhone mehnat ki hai is exam ki. Hey bhagwan Sir ki mehnat ko bekar mat hone dena. Is bich wo mere guru. Mere margdarshak aur ek achhe aur sachhe dost ke roop mein the.

Wo to bhala ho phone aur video calling ka. Jiski wajah se main kam se kam unka chehra to dekh pa rahi thi. nahi to unhone promiss karke mujhe fansa hi diya tha. Pichhle 3 Mahine se unka transfer Pratapgadh (Allahabad ke bagal wala zila) mein huwa hai. chahe to wo mujhse aakar mil sakte hain 40 kilomiter door hi to rahte hain.

Lekin nahi apne aage to kisi ki sun-ni hi nahi hai. kahte hain ki agar main unse mil lungi to fir kai din to unke bare mein hi sochungi. Fir meri padhai disturb hogi. Isase achha jab exam clear kar lena to fir main poora ka poora tumhara.

Had hai yaar aisa bhi koi karta hai kya?? Preperation se pahle hi ye wada le liya tha ki jab tak result nahi aa jata tab tak ham log nahi milenge. Warna isase meri padhai mein effect padega. Aaj agar maine ye exam clear kar liya to ham dono ki mehnat safal ho jayegi.


Sarita yahi sab soch rahi thi ki tabhi Manisha aur Abhishek uske paas aaye. Manisha ne use jhakjhorte huwe kaha.


Manisha- DidiYA kis soch mein gum ho. boss ka phone aaya tha. Result aa gaya hai. jaldi se check karo..


Sarita ne Manisha ko dekha aur ghabrate huwe kaha.


Sarita- Nahi. Mujhse ye nahi hoga. Mujhe bahut dar lag raha hai tum hi check karo na.

Manisha- Hato main karti hoon.


Manisha result check karne lagi. Tabhi Sarita ka phone bajne laga. Lekin Sarita itni ghabrayi hui thi ki usne call nahi uthaya. Sarita ka phone band hone ke baad Manisha ka phone bajne laga. Manisha ne phone uthana chaha to Sarita ne kaha.


Sarita- phone baad mein utha lena. Pahle result check karo.

Manisha- Check to kar rahi hoon didiya, lekin sarver hi jam hai.


Abhi Manisha ne itna hi kaha tha ki Raani ji kamre aayi aur kaha.


Raani ji- Dekho. Savita bitiya ka phone aa raha hai. Result aa gaya kya??

Manisha- Hmmmm.


Manisha result dekh rahi thi. screen par dekhne ke baad Manisha ne Sarita ki taraf dekhte huwe kaha.


Manisha- Didiya is baar tumhara…….


Manisha ne ye shabdd udase swar mein kahe the jise sunkar Sarita ko laga ki uska selection nahi huwa hai to uski aankho mein aanshu aa gaye. Ye dekhkar Manisha ne kaha.


Manisha- Are pagal tum ro kyon rahi ho?? Tumhari all India mein 22nd rank aayi hai.

Sarita- (jor se chillate huwe) Sachhi.


Manisha ne use gale lagate huwe kaha.


Manisha- Muchhiiii.


Raani ji ne Khushi se Sarita ka matha chum liya. Aanand ji ne bhi Sarita ko gale lag aliya. Sarita khushi se jhoomte huwe Abhishek ke gale lag gayi aur boli.

Sarita- Main paas ho gayi bhaiya. maine jo chaha tha wo kar dikhaya.

Abhishek- Haan. Sarita . Main bahut khush hoon tumhare liye. Mujhe pahle se hi pataa tha ki tum jarur apne goal ko pa logi.


Sarita ke paas hone ki khabar poore mohalle mein jangal mein aag ki tarah fail gayi. Sarita ko badhayi dene walon ka jamwada lag gaya. Rishtedaro ke bhi lagatar phone aa rahe the. Sabhi Sarita aur uske gharwalo ko badhayi de rahe the.


News channel wale bhi interview lene ke liye aa gaye. Is bich Sarita poori tarah busy thi. use bilkul bhi samay nahi mil raha tha ki wo Nishchal se baat kar paye. Wah sabke bich mein ghiri hui thi. use tanik bhi achha nahi lag raha tha ki wO yahan par aur baithe, uska man Nishchal mein hi laga huwa tha.


Sarita ne pahle hi prayash mein IAS ki pariksha paas ki thi to uski charcha hona lajimi bhi thi. Aaj poore mohalle mein sabki juban par Sarita ka aur uske mummy papa ka hi naam tha. Apni bahan ki kamyabi se Abhishek bhi bahut khush tha.


Jab Sarita thoda free hui to kamre ki taraf jane lagi. Lekin Tabhi Raani ji use lekar Paas wale mandir mein chali gayi. uske naam se pooja ki aur thodi dan dakshina kar aayi. Sham hote hote Sarita bilkul thak chuki thi. Mandir se lautkar aane ke baad Sarita ne Manisha se kaha.


Sarita- Ab ek ghante tak mujhe koi bhi disturb na kar paye. Is baat ka dhyan rakhna.

Manisha- Thik hai didiya. Tum jao aur aaram kar lo thoda.


Wah apne kamre mein gayi to uski najar table mein rakhe phone par gayi. Usne apna phone dekha to usmein 75 miss call pade huwe the.


Sarita ne call check ki to usme Jawed, Mohit, Ranjana, Janhavi, Vikas, Amit aur Kaushal ke bahut sare miss calls the. Sath mein kuchh rishtedaro ke bhi phone the. Unhi mein 3 Miss call nishchal ki bhi thi.


Sarita ne turant Nishchal ko phone kiya to Nishhal ne phone nahi uthaya. Sarita ne apne man mein socha.


Sarita- Haan mujhe pata hai ki aap mujhse gussa hain, warna aap ek baar mein hi meri call utha lete, par main kya karun. Abhi to jakar sabse fursat mili hai.


Sarita ne Sorry ka massage likhkar use bhej diya. uske baad Sarita ne bari bari apne purane collegue se baat ki. Sabhi Sarita ki is achievement se bahut khush the. Sabhi ne Sarita ko badhayi di.


Sabse baat karne ke baad Sarita aaram karne lagi. Lagbhag 1 ghante baad Sarita ko Manisha ne uthaya aur kaha.


Manisha- Didiya chat par jao.


Manisha ne Sarita ki baat sunkar deewar par lagi ghadi ki taraf dekha aur kaha.


Sarita- Are abhi kyon jaun. Abhi to raat ke 8.30 hi baje hain.

Manisha- Haan pata hai mujhe. Ab jyada amma mat bano meri aur chaat par jao.


Manisha ke kahne par jab Sarita chaat par gayi to use waha par kisi ki parchhayi dikhi. Jise dekhkar Sarita ne kaha.


Sarita- kaun hai waha par??


Sarita ki baat sunkar jab wo parchhayi uski taraf ghumi to chand ki halki halki Roshni mein use Nishchal ka chehra najar aaya to wo daukar Nishchal ke sine se lag gayi. dono kuchh der aise hi khade rahe tabhi Nishchal ko Sarita ke sisakne ki aawaz sunayi padi. Nishchal ne kaha.


Nishchal- Kya huwa tumhe. Tum ro kyon rahi ho.

Sarita- I Am sorry. Main aapki call nahi uthaa payi. Aap mujhse gussa to nahi hain na.


Nishchal ne uske sir par hanth ferte huwe kaha.


Nishchal- Tumne aisa soch bhi kaise liya ki main apni lady don se kabhi gussa sakta hoon.


Itna kahkar Nishchal ne use apne se alag kiya aur uska chehra apne dono hatho mein liya aur uske mathe ko chum liya. Sarita sihar gayi.


Sarita ko ummeed nahi thi ki Nishchal usase aise milenga. Nishchal ne Sarita ka hath pakda aur use chat ke ek kinare par le gaya aur bagal mein ek swich onn kar diya.


JIisase waha par rang birangi dher sari lights jal gayi thi. Wahi par ek chhote se table par bahut hi pyara sa chhota sa cack rakha tha. Sarita uski taraf dekhne lagi to usne kaha.


Nishchal- Chalo tumhari khushi selebrate karte hain.

Sarita- (Khushi se) Ye Sab aapne kiya.

Nishchal- Nahi. Ye sab chhote miya aur tumhare bhaai ka kamal hai. unka kahna tha ki jab itne din baad ham dono mil rahe hain to kuchh special hona chahiye.

Sarita- (muskurate huwe) Aap sab na bilkul pagal hain.

Nishchal- hhhhmmmm. Aur tum ham sab paglon ki jaan.


Sarita Nishchal ki baat sunkar uske sine se lag gayi. Kuchh der baad Nishchal ne uska hath pakadkar use apne se alag kiya aur use table ke paas le aaya aur bola.


Nishchal- Chalo ab cack kato.

Sarita- cack main nahi aap kitenge, kyonki meri safalta ke pichhe aapka hath hai. mujhse jyada mehnat to aapne ki hain mujhe exam clear karwane ke liye. Ye sab aapke karan hi possible huwa hai.

Nishchal- Main to bas ek jariya tha Sarita mehnat to tumhari apni thi.. Acchha Ab jaldi se cack cut karo. Tumhare liye mere paas bahut bada surprise hain.

Sarita- Kya surprise hai.

Nishchal- Wo to cack katne ke baad hi pata chalega.

Sarita- Chaliye sath mein cack kat-te hain.


Nishchal aur Sarita ne sath mein cack kata. Fir dono ne ek doosre ko cack khilaya. Fir dono wahi chat ki deewar se take lagakar baith gaye. Un dono ke bich bas aasman mein chamakta chand tha aur dono ke bich khamoshi thi. dono ek doosre ki aankho mein khoye huwe the.


Sarita ne is khamoshi ko todte huwe kaha.


Sarita- Kya surprise tha ab bataiye??

Nishchal- Pahle apni aankhe band karo.

Sarita- Par aankhein kyon.

Nishchal- Tum sawal bahut karti ho. apni aankhein to band karo.


Sarita ne apni aankhein band kar li. Nishchal ne apna mobile nikala, mobile mein kuchh kiya aur Sarita se kaha.


Nishchal- Ab apni aankhein kholo.


Sarita ne apni aankhein kholi to uske samne mobile ki screen par kuchh dikh raha tha. Nishchal ne kaha.


Nishchal- Ab ise padho.


Sarita ne jab use padha to uski Khushi ka thikana nahi raha. Wo Khushi ke mare jor se cheekhne wali thi par Nishchal ne turant uske munh par apna hath rakh diya aur kaha.


Nishchal- Are maine chillane ke liye thode hi kaha tha. padhne ke liye kaha tha.


Sarita ne apne munh se Nishchal ka hath hataya aur uske gale lag gayi. Sarita ki aankho mein Khushi ke aanshu the. Nishchal ne usase pochha.


Nishchal- to kaisa laga mera surprise.

Sarita- ye meri zindagi ka sabse bada surprise hai. lekin aapne mujhe bataya kyon nahi ki aapne bhi ye exam diya tha.

Nishchal- main kaise batata tumhe. Main to shyor bhi nahi tha ki main paas bhi ho paunga, lekin luckly 320 rank aa hi gayi.

Sarita- Lekin aapne kabhi bataya nahi ki aap ka bhi aim IAS ban-na hai.

Nishchal- Ye mera aim nahi tha, lekin tumhari madad karte karte dimag mein khyal aaya ki main bhi ye exam de hi deta hoon. Aur dekho mere luck ne mera sath diya aur main bhi paas ho gaya.

Sarita- Aaj main sach mein bahut khush hoon aur is Khushi ki wajah aap hain.


Nishchal ne uska hath apne hath mein lete huwe kaha.


Nishchal- main chahta hoon ki ta-umar main tumhein aise hi khush dekhun.


Nishchal ki baat sunkar Sarita sharma gayi aur Nishchal ki baho mein simat gayi.


Dono kuchh der aise hi khade rahe tabhi Sarita ka phone bajne laga. Phone Manisha ka tha. Sarita ne phone uthaya to Manisha ne kaha.


Manisha- Didiya Niche aao.

Sarita- Hmmmmmmm. Per Sir bhi to hain sath mein.

Manisha- Pahle tum aao. Main baad mein boss ka intezam karti hoon.


Sarita ne bechargi se Nishchl ki taraf dekha. Wah uski or badha aur uske mathe ko chumte huwe bola.


Nishchal- Tum jao Ab ek hafte baad milte hain.


Sarita ne apni apni bhauhein uthate huwe ishare se poochha.


Sarita- Ek hafte baad kyon??

Nishchal- Ufffff. Tum sawal bahut karti ho.

Sarita- Abhi se hi pareshan ho gaye. Aap to sari zindagi sath rahne ki baat karte hain.

Nishchal- (shararat se) Agar ab tum chup nahi hui na to main tumhare hontho ko kiss kar lunga.


Sarita ne Nishchal ki baat sunkar jhat se apne hontho par apna hath rakh diya. Nishchal uski is harkat par muskura diya. Sarita turant niche chali gayi.


Sarita ke aane ke baad jis tarah Se Manisha Nishchal ko lekar chat par chupke se gayi thi usi tarah Nishchal ko chupke se waha se bahar le aayi. Nishchal apne ghar chala gaya.


Nishchal ne apne ghar mein Sarita aur apne rishte ke bare mein bata diya. Naina ji aur Mahendra ji ko Sarita pahale se pasand thi. kahi na kahi unke man mein bhi yahi khayal chal raha tha, Sarita aur Manisha ko Unhone Savi ki shadi mein hi achhe se parakh liya tha. Isliye unhe is Rishte ke bare mein koi aapatti nahi hui.


Naina ji aur Mahendra ji ne Iske bare mein Raghav aur Savita se bhi baat ki. Dono ko pahle hi Nishchal aur Sarita ke bare mein pata tha to unhe bahut Khushi hui aur unhone is rishte par apni muhar laga di.


Iske Aage ki Kahaani Agle Bhag mein..​

wonderful update. sarita ne IAS exam clear kar li . nishchal ka bhi sahyog bhi raha isme. wo dur un dino. result bahut achi thi sarita ki 22 par ana koi mamuli bat nahi. Nishchal ne bhi exam diya wo bhi ache rank se paas ho gaya. sarita ke liye ye best surprise tha. naina ji ko pata chal gaya unke riste ke bare me. sayad ab naina ji aur raani ji ki dosti ab samdhan ke riste me badalne wale hai

 

[Riya]

Chhaya ye villan lago ne sare kiye karaye par pani pher diya. Rawat aur neta to naam ka villan tha. Socha tha dig thoda satir niklega par ye begairat bhi kisi kaam ka nehi.ucha makan fika pakwan ye kawat in villano par satheek baithta hai. Sirfi ye lambi chaudi dialogue marna jante hai bas aur kuch nehi.

Kahir jaisa bhi sabhi villan ka haal damdol kar diya gaya. Gayal avastha me sabhi ko ilaaj karwana bhej diya gaya hai. Asli khatirdari in villano ki theek hone ke baad hogi bilkul baise jaise bakre ki mundi udane se pahle use puchkar kar pani aur ghas khilaya jata hai phir ek jhatke me jhatka wala meet bana diya jata hai.

Adbhut atulniya lekhan kaushal

Jitni achi apki kahani hai , utna acha apka comment bhi hai

 

[Destiny]

Jitni achi apki kahani hai , utna acha apka comment bhi hai

Mahotarma ji mai aapke kahne ka aashy na samjh paya aap tarifo ke phool de rahi ho ya phir pathar markar seer phodna chahti hoon.

 

[Riya]

Mahotarma ji mai aapke kahne ka aashy na samjh paya aap tarifo ke phool de rahi ho ya phir pathar markar seer phodna chahti hoon.

Naina madam aur Aakesh. ki tarah gol gol bate karni nahi ati hai mujhe, jo acha laga vohi bataya.

 

[Aakesh.]

Pervert

Tumse bura koi nhi