Thriller Vikas ka anokha dost

[Rahul]

shaandaar update mitra

 

[Aanand]

awesome update

 

[Saitaan bandar]

"nazar mein hai ?? kisski baat kar rahe ho" vikas ne poocha
"ruhi ki. aaj usse jo thodi bahut baatcheet hui usse yeh pata chala ke paise hi usski kamzori hai. kamaana chahti hai, lekin kamaa nahi paa rahi hai. mujhe lagta hai ke main ussko convince kar sakta hoon. tum kisi tarah se un cameron ko disconnect karne ka plan khojo. main ruhi ko manaane ka sochta hoon"
"abe main kaise camere band karunga? mere haath to unnke aar paar ho jayenge. jo karna hai tujhe hi karna hai. wahan ka software wagerah pata karna ekdum namumkin hai. isliye hack karke unhein deactivate karna bhi sambhav nahi hai"
"chal jo kuch bhi hai. pehle ruhi ko target karte hain. fir cameron ka sochte hain. " prem ne kaha. "main jaata hoon seedha hospital aur ruhi se kuch baatcheet karne ki koshish karta hoon tu dekh le kya karna hai. chahe to saath aa jaa, nahin to cameron ke baare mein soch."
"tu jaa. main kuch dekhta hoon. koi na koi tarkeeb to niklegi hi." vikas wahin baith gaya aur kuch sochne laga. prem utha aur chal diya ruhi se milne.
"hi. mujhe dr. ruhi se milna hai" jab wo hospital pahuncha to reception pe bola
"aapke pass appointment hai? kyunki abhi bahut zyaada mareezon ki bheed lagi hui hai"
"bilkul hai appointment. unko bolo prem milne aaya hai"
"okay" kehkar receptionist ne phone uthaya aur dr. ruhi ke cabin mein laga diya. "dr. koi prem naam ka mareez milne aaya hai" ussne kaha aur kuch sun ke phone rakh diya. "wo kehti hain ke kisi prem naam ke patient ko nahin jaanti."
"arrey yaar... unko bolo vikas milne aaya hai. wo mujhe issi naam se jaanti hain" prem ko realize hua ke ussne galti kar di hai. receptionist ne fir se usse ghoor ke dekha aur phone utha liya. baat kar ke boli
"aap unke cabin ke bahar baith jaiye. wo abh iek mareez ke saath hain. ussko khatam karte hi aapse milengi."
"ok. thank you." prem ne kaha aur jaa kar wahan pe baithe mareezon ke saath baith gaya. kuch der mein mareez bahar aaya aur prem lapak ke darwaaze ke paas ho gaya.
"haan vikas. andar aa jao" ruhi ne bola. usski frustration usske chehre se hi saaf dikh rahi thhi. "tum mera peecha karte karte yahan tak aa gaye... kaise apna peecha chudaoon tumse?? jaldi bolo jo bolna hai aur niklo yahan se. bahut zyada kaam hai"
"ruhi maine tumse ek baat kehni thhi"
"vikas jaldi se bolo kya kehna hai... aur yeh prem kaun hai?"
"dekho jo baat maine kehni hai wo jaldi ki nahi hain. ek aisi baat hai jo ki tumhaari zindagi badal sakti hai."
"paheliyan mat bujhao.. jo kehna hai seedha seedha kaho"
"dekho ruhi, main koi sant ya mahatma nahin hoon. jawaani ke andar mera bhi ek hi maksad thha ke yaada se zyaada paise kamaye jaayein. duniya mein kuch aasaan nahi hai yeh to mujhe pata thha, lekin kuch cheezein ek aam aadmi ki hadd se bahar ho jaati hain, yeh mujhe nahi pata thha. main kitni bhi mehnat karta, kitna bhi kaam karta, main zyaada paisa kamane mein asamarth thha. tab maine apna roop badla aur dharan kiya prem ka roop. prem hai mera alter ego. jo main vikas ke roop mein nahi kar sakta, wo main prem ke roop mein kar sakta hoon. main samajh gaya thha ke seedhe raste se kabhi paisa nahi kamaya jaa sakta. jab seedhi ungali se ghee nahi nikalta to ungali thodi tedhi kar deni chahiye. maine tedhe raaste ka sahara liya. iss mein kuch risk hote hain, lekin fir risk kis kaam mein nahi hota. jo kaam tum kar rahi ho uss mein bhi risk to hai. pata nahi kis mareez se kya bimari lag jaye..."
"vikas tum kya kehna chahte ho seedha seedha kaho. maine tumhein bata diya hai ke mere paas time nahi hai. kyun tum yahan aa kar paheliyan bujha rahe ho? aur yeh prem-vikas ka kya chakkar hai? mujhe tum psycho lagte ho bilkul. jaldi se bata do ke kis kaam ke liye aaye ho, nahin to main abhi security ko bulwa ke tumhein bahar phikwaa dungi"
"meri baat puri sun lo ruhi. koi bhi mareez tumhein dikhaane ke liye mara nahi jaa raha. kab tak aisi zindagi jeeti rahogi? kab tak paison ke liye til til ke marti rahogi? meri baat maano. ek kaam ke andar mera saath do. umar bhar hum dono aaram ki zindagi kaat sakte hain."
"are you mad vikas? main security ko phone kar rahi hoon.." ussne phone ki taraf badhte hue kaha
"meri baat to sun lo puri" prem ne uska rasta rok liya. "dekho main tumhein kuch bhi karne ke liye zabardasti nahi kar raha. main bas keh raha hoon ke meri baat ko dhyaan se socho. mushkil se aadhe-ek ghante ka kaam hai. dono aaram se apni zindagi nikal sakte hain. please meri baat maano"
"dekho vikas ya prem, tum jo koi bhi ho. sirf kyunki maine tumhein apne ghar mein aane diya aur tumhaari thodi si dekh bhal kar li, iska yeh matlab nahi hai ke tumhaari kahi har ulti seedhi baat pe main vishwas karungi. kya sochte ho tum mereko? tum koi bahut pahunche hue chor hoge, main nahi hoon aur na hi aise kaam karna chahti hoon. aisi zindagi aur aisa paisa tumhein hi mubarak. mujhe mere haal pe chhod do aur mere se milne ki koshish mat karna aaj ke baad. nahin to tumhein police mein de dungi. apni ghatiya soch apne tak hi rakho aur niklo mere office se bahar." ruhi ne prem pe gusse hote hue kaha.
"main jaa raha hoon ruhi. lekin meri baat pe thoda aur gaur karna. main kal park mein hi walk kar raha hounga. agar tumhein interest hai to mujhse mil lena. bahut aasaan kaam hai. agar tum nahi mili, to main samajh jaunga ke tum jiss zindagi ko ji rahi ho, ussi ki hakdaar ho aur kal ke baad kabhi tumhein disturb nahi karunga" prem ne kaha aur nikal gaya wahan se. usske jaane ke kuch der baad bhi ruhi usski baatein hi sochti rahin. gussa to usse bahut aa raha thha lekin kuch kar nahi sakti thhi. usske aakhri comment se wo aur bhi naaraaz thhi. jaanta hi kya thha prem usske baare mein jo ussne yeh keh diya ke wo issi zindagi ki hakdaar hai... agar usko kevin ne dhokha nahi diya hota, to wo bhi aaj khush hoti aur kaafi paisa kamaa rahi hoti. usska sar phattne laga aur bimari ka bahaana bana ke wo hospital se ghar chali gayi.
*-*
Udhar vikas ko bhi ek idea aaya aur wo ghar se bahar nikal gaya kevin ko dhoondhne. jab ussne kaafi der dhoondha, to kevin ko park mein paaya. "kevin main tumhaara kaam karne ke liye tayyaar hoon. lekin badle mein tumhein meri bhi madat karni padegi"
"haan haan. tum bolo kya madat chahte ho.. mere bas mein hua to main zarur karunga" wo khushi se bola
"jis din tum mere jism mein ghus nahi paa rahe thhe, tumne mere upar ek vase phenka thha. kya ya mere liye bhi mumkin hai?"
"bilkul hai. tumhein thodi practice karni padegi, lkin mushkil nahi hai. main tumhein sikha sakta hoon"
"theek hai. to fir yeh deal rahi ke tum mujhe abhi cheezon ko choona aur idhar-udhar karna sikhaoge aur usske badle mein main tumhaara kaam karunga" vikas ka plan thha ke camere ko deactivate karne ki bajaye, agar usski main taar ko hi kisi tarah se kheech ke ya kaat ke kharab kar diya jaye, to kaam ban sakta hai



Kevin vikas ko samjhaane lag gaya ke yeh kaam kaise hota hai, "dekho vikas, it is actually simple. tumne yeh baat notice to kari hogi ke jab tumhein baithna hota hai, to tum sofe par aaram se batih jaate ho aur usske through nahi jaate.theek waise hi tum cheezein bhi pakkad sakte ho. only thing, tumhein apne dimag mein iss baat ka koi darr nahi hona chahiye. apne dimag mein tumhein aisa pehle hi sochna hai ke tumne wo cheez utha li hai aur visualize karo aur apne mann mein usse uthao, fir bahut hi aasan hoga. jaise hi tumhaari concentration tootegi, cheez neeche gir jayegi. abhi dekho wahan ek paththar padha hai. ussko uthaane ka try karte hain" kevin bola aur vikas ke saath wahan chala gaya.
"dekh isko uthaane ki koshish kar." kevin bola to vikas ne kari lekin uska haath uss paththar ke through chala gaya. "concentrate kar. imagine kar jaise tune wo paththar utha liya hai. apne dimag mein dekh uss paththar ko apne haath mein" vikas fir bhi nahin kar paa raha thha. "bas tu try karta reh. thodi si der baad hone lagega" kevin ne kaha aur vikas ko encourage karta raha. vikas se wo paththar zara sa bhi nahin hil raha thha. kaafi der koshish karne ke baad ek baar vikas ke haath mein wo paththar aa gaya. khushi se jaise hi vikas ne kuch bolna chaha, fir se wo paththar gir gaya. aakhir ghante bhar ki mehnat ke baad vikas ne paththar uthaana seekh hi liya. "very good. chalo ab tum mera kaam bhi kar do"
"kar dunga. filhaal main thoda busy hoon. lekin main kar dunga tumhaara kaam bhi" wo bola aur khushi mein ghar ki ore daud gaya. ghar pahuncha to dekha ke prem hataash ho kar bed pe leta hua hai. "kya hua prem, ruhi nahi maani kya?"
"nahin. aur mujhe lagta bhi nahin hai ke maanegi. maine shayad ussko galat samajh liya thha. lagta hai yeh kaam hum dono ko hi karna pade..." abhi prem ne apni baat khatam bhi nahi kari thhi ke hairat se usski aankhein phatne lagi. wo dekh raha thha ke vikas ne table par padi bottle uttha li hai.
"yeh dekh... aise deactivate hoga camera. uss camere ki bhi taar mein aise hi kheech dunga. ab tu jaldi se kissi ko dhoonh jo humaari help kar sake. bas fir sab theek ho jayega."
"tune yeh seekha kaise? ussi bande ne sikhaaya kya ?"
"haan.. usko koi kaam karwana hai mujhse. to maine kaha ke mujhe bhi yeh sikha de, to baat ban gayi"
"kya kaam karwana hai?"
"pata nahi koi msg pahunchwaana hai kisi dr ruhi ko... issiliye tadap raha hai"
yeh sunte hi prem ne apne sar pe haath de maara "abe gadhe tu pagla gaya hai kya... jis ruhi ko raazi karne ke liye main papad bel raha hoon, tu ussi ki help nahi kar raha... usse jaa ke pooch to ke kya kaam hai.. shayad koi kaam ki baat mil jaye"
"ohh haan.. itni excitement mein main to bhool hi gaya thha ke yeh same dr. ruhi bhi ho sakti hai.. lekin yeh bhi to ho sakta hai ke dono different ho"
"ho to yeh bhi sakta hai ke tu abhi narak ki aag mein gir jaye, lekin ho nahi raha na. ab yahan par been bajana band kar aur jaa kar pata kar ke uss ladki ki history kya hai. thoda to advantage mile" prem ne gusse mein kaha to vikas uth kar chal pada vaapas kevin ke paas. usse kevin wahin park ke aaspaas bhatakta mila.
"aa gaye tum.. meri madat karne hi aaye ho naa..." apne andar thodi aasha baandhte hue wo bola
"haan haan.. jaldi se bak de kya chahiye... aaj mera mood thoda achcha hai isliye tujhpar daya aa gayi." vikas thoda apne bhaav chadhaata hua bola
" bas mera ek message tumhein dr. ruhi tak pahunchaana hai.... ek baar tumne wo msg pahuncha diya aur ussne wo kaam kar diya, to bas meri mukti ho jayegi."
"ek baat batao, agar tum pen utha ke ek paper pe apna msg likh ke de do to nahi kaam banega kya?? mujhe doubt hai ke yeh kaam itna easy hoga..."
"tum kabhi kuch likhne ki koshish karna... nahi likh paoge.. hum logon ke liye kuch bhi likhna asambhav hai... nahin to yeh kaam main khud hi kar leta. tumhaare aage bheekh nahi maangta."
"theek hai theek hai... ab tum batao ke wo baat akahir thhi kya jo tumhein batani thhi aur bataa nahi paaye...."
aur kevin sab kuch vikas ko batata chala gaya. sab kuch sun kar vikas ki aankhein hairat se fatne lagi aur ussko yeh information sach mein bahut hi valuable lagi. saari baat sunkar wo fauran prem ke paas chala gaya....
"bada khush nazar aa raha hai.. kuch bahut important haath lag gaya kya..." prem ne poocha...
"arrey badi ajeeb kahani hai iss ki.. itni seedhi hai nahi jitni dikhti hai... " vikas ne kaha aur saari kahani prem ke saamne ugal di...
"ha ha ha.. ab aaya ooth pahad ke neeche. ab to agar yeh seedhi tarah se nahi maanegi to blackmail karna padega. ab time waste karne se to koi faayda nahin hai.. main jaata hoon waapas hospital aur seedha ussko confront karta hoon.. iss baar to usska number bhi le lunga.. kya baar baar idhar udhar jaana" prem ne kaha aur khushi mein jhoomte hue hospital ki ore chala gaya..



jab prem hospital pahuncha to ussko pata chala ke wahan se ruhi pehle hi nikal chuki hai. wo usske ghar pahuncha aur khushkismati se wo ghar par hi thhi.
"ohhooo tum fir aa gaye" usne darwaaza kholte hue kaha. "kya dushmani hai tumhaari mujhse?? kyun mere peeche pade hue ho?? tumhein bol diya na maine ek baar ke main tumhaari madat nahi karungi.."
"dekho ruhi mujhe time waste karna achcha nahi lagta. seedhi baat batata hoon. main tumhaari bhi bahut madat kar sakta hoon."
"meri madat?? kaisi madat??"
"mujhe tumhaari saari history aur geography pata hai. main tumhein uss daldal se nikal sakta hoon jahan pe tumhein kevin ne fasaya thha..."
"kya bakwaas kar rahe ho tum..." ruhi ko bilkul bhi aasha nahi thhi ke prem ko kuch bhi pata hoga. kyunki yeh baat sirf wo aur kevin hi jaante thhe aur kevin ke marne ke baad yeh baat sirf ussi ko pata thhi
"main jaanta hoon ke tumhaare haathon ek khoon hua hai aur tumhaara doctors license chhin gaya thha aur tumne nakli license dikha kar iss waale hospital mein naukari kari hai..." prem bola aur ruhi ka reaction dekhne laga. ruhi ke chehre se saari hawaiyaan udd gayi thhi aur wo ladkhada ke ek chair pe baith gayi.
"kya chahte ho tum mujhse?" kuch pal intezaar ke baad wo boli
"dekho main tumhein koi nuksaan nahi pahunchana chahta. tum mera ek chhota sa kaam kar do aur badle mein main tumhein bata dunga ke tum iss jhoote aarop se nikal sakti ho... galti to kevin ki thhi na jisske karan wo aadmi mara.. tum to aise hi phas gayi thhi.. main tumhein innocent prove kar sakta hoon" prem ne badi confidently bola...
"haan galti to usski hi thhi lekin tum prove kaise karoge ?"
"shayad tumhein pata nahi hai ke asal mein hua kya thha... asal mein hua yeh thha ke jo aadmi thha, wo ek gang ka leader thha. rival gang ne ussko maarne ke liye kevin se deal kari thhi kuch paison ki. kevin ne tumhaara sign copy karke prescription se ek drug pharmacy se uthaaya thha jisse uss aadmi ki maut hui aur issliye saari problem mein tum fasi. jab kevin uss aadmi ko maarne ke baad un logon se paisa lene gaya to un logon ne kevin ko bhi maar diya aur uss maut ko accident dikhaya. lekin kisi ko yeh nahi pata thha ke jab wo log kevin se milne aaye thhe to kevin ne apne laptop ke webcam se saari baatein video mein record kar li thhi. mujhe pata hai ke wo video recording kahan hai. ussmein sab baaton ka seedha seedha varnan hai aur tum aaram se bach jaogi"
kaafi der tak ruhi chup rahi aur idhar udhar ghoomti rahi. fir boli "tumhein yeh sab kaise pata hai aur main kaise yakeen kar loon ke tum sahi keh rahe ho?"
"dekho ruhi dekha jaye to tumhaare paas koi chaara nahin hai. jo main keh raha hoon, tumhein usspar yakeen karna hi hoga. jo aadmi itna kuch jaanta hai, wo sab kuch hi jaanta hoga. mera vishwaas kar lo, tum bhi khush raho aur main bhi. ek baar mera kaam ho gaya aur maine wo recording tumhein de di, to tum apne raaste aur main apne raaste..." prem bola
"mujhe sochne ka waqt chahiye... apni biti galti ko sudharne ke liye main ek aur galti nahi kar sakti. mujhe achchi tarah se sochna padega"
prem ruhi ke do kadam paas hua aur uska haath thham kar apne dil ke upar rakh diya "dekho mera dil kitni zor zor se dhadak raha hai. main tumhein iss haalat mein bilkul nahi daalna chahta... mere bas mein hota to main jhatt se tumhaare liye wo recording le aata ruhi" usski aankhon mein aankhein daalte hue wo aage kehna laga, "lekin meri bhi kuch majbooriyan hai. maine bhi pichli zindagi mein bahut bhool kari hain aur unke karan bahut sazaa paayi hai. abhi mujhe ek chance mila hai apni zindagi ko waapas track par laane ka. main jaanta hoon ke main tum jaisi ek seedhi ladki ka faayda uthaa raha hoon lekin main bhi halaat ke haathon majboor hoon. meri dhadkanon ki raftaar tumhein bata degi ke main tumhaare saath koi mazaak nahi kar raha. pichle kuch dinon mein jo tumne mere saath kiya hai wo koi bhi kisi ajnabi ke saath nahi karta. tumhaare itne bade ehsaan ko mujhe aise utaarna pad raha hai, main iss baat ke liye bahut dukhi hoon, lekin mere paas aur koi raasta nahi hai ruhi. ho sake to mujhe maaf kar dena, lekin abhi plz plz meri madat kar do." prem ne apni aakhon se jhoot moot ke aansoo bhi chalka diye jissko dekh kar ruhi ka dil pighal gaya. ussko sach mein iss aadmi pe vishwas karne ka dil kar raha thha lekin wo samajh nahi paa rahi thhi ke kya sahi hai aur kya galat. prem samajh gaya ke ussko thoda time dena chahiye aur ussne usska haath chhod diya.
"theek hai ruhi, tum socho. main kal fir aaunga tumse apni zindagi ki bheekh maangne. hope ke kal tak tumne faisla kar diya ho" prem ne kaha aur mud ke darwaaze ki ore ho gaya.
ussne darwaaza kholkar ek kadam bahar rakha hi thha ke usske kaano mein wo shabd pad gaye jinko sunne ke liye wo taras raha thha, "okay vikas. main tumhaara plan sunne ke liye tayyaar hoon. agar mujhe issmein zara bhi khatra laga to main tumhaari madat nahi kar paungi." prem khushi mein hichkole khaata hua waapas ghar ke andar ghusa aur ruhi ko plan samjhaane laga.
"hmm kya yeh sach mein itna aasaan hoga jitna dikhta hai?" saara plan sunne ke baad wo boli
"haan. koi adchan nahi aayegi. bas tumhein mera saath dena hai aur thodi si der ke liye uss aadmi ko distract karna hai"
"theek hai fir. kab karna hai yeh sab?"
"main issko jald se jald khatam karna chahta hoon. tum thoda mentally prepared ho jao, naha dho ke achche kapde pehen lo. main bhi tayyaar ho kar aata hoon. hum yeh kaam aaj hi karenge"




Agle ek ghante mein prem ne uss dukaan ke baare mein kuch baatein pata karwayi jaise wahan kaise log jaate hain aur kaise kapde pehente hain etc. fir jaa kar ussne aur ruhi ne ek dukaan se mehenge dikhne waale kapde rent par le liye aur ek gaadi bhi rent par li aur dukaan ki ore chal pade. Vikas bhi saath mein hi thha par dukaan kea age utarne ke baad wo gayab ho gaya. Ruhi aur Prem bahut darre hue thhe aur paseene se unki haalat kharab ho rahi thhi. Ab plan chahe kitna bhi aasan ho, dono thhe to professional chor nahin. Isliye thodi jhijhak to thhi hi. Dono main reception area mein pahunche aur eke k brochure le kar baith gaye aur use dekhne lage. Dono ek doosre ki taraf nahi dekh rahe thhe.
“plan achchi tarah se yaad hai na tumhein ?”
“haan. Hum saath mein andar jayenge, wahan main salesman ka dhyaan thoda sa aakarshit karungi aur tum angoothi chura loge. Par kya tumhein yakeen hai ke tum wo angoothi wahan se bahar nikal loge?” ruhi boli
“yakeen to nahi hai, bas umeed hi hai” prem ne kaha aur apni baari ka intezaar karne laga. Usska plan to seedha thha ke uss angoothi ko gatak jayega. Ussko pata thha ke uska pet kat sakta hai ya koi nuksaan pahunch sakta hai ussko iss cheez se, lekin wo yeh risk lene ke liye tayyaar thha. “ab vikas kahan gaya” wo sochne laga ke tabhi dekha ke vikas bhaaga bhaaga aaya…
“prem.. wo .. wo..”
“abe chup kar tu aur jaa kar pehle camere ko thikaane par lagaana jaise hi humein koi cabin allot hoga”
“prem.. wo..”
“yaar plz.. abhi kuch nahi… ek baar andar ka round maar ke aa jaa aur dekh le kuch suspicious dkhta hai to.. meri to haalat kharab ho rahi hai.”
“haalat to meri bhi kharab hi rahi hai. Pata nahi kya hone waala hai… ruk main peeche dekh ke aata hoon ke wo machines kya hain.. mujhe unpe hi shakk hai….” Vikas ne kaha aur jaldi hi deewaron ke through hota hua nikal gaya. Ussne idhar udhar kaafi nazar daudayi par naa to ussko kuch suspicious dikha aur na hi wo jiske baare mein wop rem ko batana chah raha thha. Tabhi usski nazar ek machine par padi. Machine par bade bade aksharon mein “x-ray” machine likha thha. Padh kar vikas waapas prem ke paas daudte hue aaya aur bola “phas gaye re prem… inke peeche ek machine x ray waali padi hai.. aisa kar.. aaj ka plan drop kar.. kuch aur sochna padega… nahin to tera xray hoga aur angoothi pakdi jayegi. Chal utth ab”
“abe saale tabhi tujhe pehle kaha thha ke achchi tarah se dekhna.. ab waapas jaana matlab khatra.. baar baar nahi aa sakte yahan pe… kuch sochne de” prem ne apne dimag ko overdrive mein chalaana shuru kar diya. Dimag mein usske ajeeb ajeeb ideas aa rahe thhe. Tabhi ussko ek aadmi chewing gum khaate hue dikha aur usske dimaag ki batti jali. ussne bina ruhi ki taraf dekhe usse kuch samjhaaya aur aage badhkar uss aadmi se 2 chewing gums le kar chabaane laga. chewing gum chabaate hi usska dimag aur tez chalne lag gaya aur nirantar saliva gatakne se thodi si anxiety bhi kam ho gayi. tabhi ek salesman main reception mein aaya.
“sir and madam, please come with me. I will show u some rings” prem aur ruhi ki taraf ishaara karte hue wo bola
“actually we both are looking for engagement rings. hum dono ko wo rings ek doosre ko hi deni hain aur ring ka choice hum surprise rakhna chahte hain. pehle mujhe andar le chaliye, main ring select kar leta hoon, fir aap inko dikha dena taaki yeh bhi same na select kar lein” prem uss salesman ko kuch samjhaate hue bola. usske haami bharne par prem, vikas aur wo salesman andar cabin mein ghus gaye. jaise hi wo andar ghuse, prem ne wo chhoti table dekhi jahan par vikas ne bataya thha ke shayad angoothiyan dikhai jaayengi. wo aas paas dekh kar khush ho gaya ke jaisa vikas ne bataya thha, wo cabin bilkul hi waisa thha. matlab usska naya plan theek se carry out ho sakta thha. wo salesman ek baksa le kar aaya jismein line se angoothiyan saji hui thhi. prem ka price range jaan lene ke liye usne wo box usske saamne rakha. prem ne sabse pehle neeche waali line se ek angoothi uthaayi aur ussko kuch der tak ghoorta raha… usski ek nazar vikas pe thhi jo ke bahut hi zyaada koshishon ke bawajood uss camere ki taar ko pakkad kar disconnect nahi kar paa raha thha.
“yeh kitne ki hai” prem ne poocha
“sir its 25,000 dollars”
“aur yeh” prem ne thodi upar waali line se ek angoothi utha kar bola
“this is 50,000 dollars sir”
prem jaan jaan ke dheere dheere angoothiyaan dekh raha thha aur ek nazar vikas pe rakhe hue thha. ab prem ki frustration bhi badhne lagi thhi. ussko apna saara plan nakaam hota dikh raha thha vikas ki wajah se, lekin fir bhi wo angoothiyan dekhe jaa raha thha. ek angoothi ne usski nazar kheech li. wo angoothi bahut hi chamakdar thhi aur usmein kayi tarah ke chhote aur bade heeron ka pattern bana hua thha.
“yeh kitne ki hai” ussne poocha aur uss angoothi ko gaur se dekhne laga. thodi der salesman ne uss angoothi ki history batayi aur fir ek chaunka dene waala amount bola
“250,000 dollars sir” itna bada amount sun kar prem ke tote udd gaye, apni aawaz sambhalte hue ussne kaha..
“ek baar magnifying glass denge, mujhe thoda theek tarah se dekhna hai iss angoothi ko” aur wo salesman uth kar apni drawer se magnifying glass lene gaya. Jaise hi wo jhuka, zor zor se siren bajne laga. Prem ne dekh liya thha ke vikas ne wo camera disconnect kar diya hai. Shayad tabhi itni zor zor se siren baj raha thha. Prem ghabrahat mein utth ke khada ho gaya. Usko koi idea nahi thha ke aisa ho jayega.
“ghabraiye mat sir, lagta hai koi camera kharab ho gaya hai. Saari doors lock ho gayi hain apne aap. Jab tak security waale sab kuch theek karte hain, aap magnifying glass se yeh ring dekh lijiye” kehte hue salesman ne wo magnifying glass prem ko pakda diya. Jaise hi usski nazar box pe padi, ussne dekha ke jo ring prem dekh raha thha, wo gayab thhi. Ussne ek lambi saas chhodi, “sir, wo ring aap mujhe de dijiye. Hum koi police karyawahi nahi karenge aur aapko baizzat jaane denge. Darwaze band hai aur aap kahin nahi jaa sakte yahan se”
“kya bakwaas kar rahe ho, maine kuch chori nahi kiya. Tumhein main chor dikhta hoon?” prem jhootha mootha gussa dikhaate hue bola.
“sir agar aap co-operate nahi karenge to mujhe majbooran security guard ko bulana padega” kehte hue uss salesman ne phone utha liya
“maine koi chori nahi kari hai” prem ne aakhri baar bola aur paseene se tar batar ho kar uss aadmi ko security waalon ko bulaate sunne laga

jaise hi salesman ne call lagaya, 4-5 lambe tagde guards room ke andar ghus gaye aur prem ko gher liya.
"sir main fir se keh raha hoon ke aap angoothi waapas kar dijiye aur hum koi legal action nahin lenge. aap uss angoothi ko chura kar yahan se nahi bhaag sakte hain."
"aur main tumhein keh chuka hoon ke maine koi chori nahi kari hai. tum jaise chahe mujhe search kar sakte ho. main bilkul bekasoor hoon" prem ne bola
"sir please humaare saath yahan par aa jaaiye" ek guard ne bola "umeed karte hain ke aap humaare saath talaashi mein bilkul co-operate karenge"
"zarur karunga. jab mujhe kisi baat ka darr hi nahi hai to fir main kyun na co-operate karun" prem ne kaha lekin usske haav-bhaav se usski guilt ka saaf pata chal raha thha. itne zyaada thande kamre mein bhi wo paseense se tar batar thha. guard ussko aur salesman ko lekar peeche chala gaya aur uss cabin mein ek naya salesman aa gaya jissne ruhi ko bula kar angoothiyaan dikhana shuru kar diya.
ab prem peeche bane ek office mein gaya jo ki security incharge ka thha. wo wahan jaa kar chup chaap khada ho gaya jab tak salesman ne ussko brief kiya. sab kuch sun kar ek muskaan uss ke chehre par aa gayi jaise ussne aisa kayi baar dekha hai aur har baar usski team sahi saabit hui hai aur chor umeed se zyaada murakh. wo chalkar prem ke paas aaya.
"sir last baar pooch rahe hain ke aapke paas angoothi hai ya nahin"
"dekhiye mere paas koi angoothi nahin hai. aap mujhe prem bulaiyye"
"to dekhiye prem ji. mera naam vikram hai aur maine kayi baar aise haadse yahan hote dekhe hain. kabhi paise ke liye, kabhi lalach ke liye to kabhi ladki ko impress karne ke liye log aksar yeh bewakoofi kar baith te hain. par aksar bhool jaate hain ke hum log unse kahin aage hain. jahan par wo sochna khatam karte hain, humaari soch wahan se shuru hoti hai. agar wo angoothi aapne nahi churayi to wo gayab kahan ho gayi?" ussne kaha aur camere ki recording dekhne chala di. theek uss jagah par ussne pause kar diya jisske baad usse pata thha ke feed kat gayi thhi. ussi ne to apne technician ko bheja thha wo camera theek karne ke liye aur agle customer ke uss cabin se nikalne ke pehle wo camera theek ho bhi gaya thha. "to dekhiye sir. yeh wo moment hai jahan yaa to aap apne jurm ki ikbaal kar lijiye aur angoothi de dijiye, nahin to camere mein qaid aapki kartoot seedha police ke paas jayegi"
"dekhiye Mr. Vikram. main nahi jaanta ke aap kya prove karna chahte hain aur mere upar itna pressure kyun daal rahe hain... jab maine aapko bol diya hai ke angoothi mere paas nahi hai to kyun baar baar ek hi baat dohra rahe hain?" prem ko to pata hi thha ke camere mein aage kuch record nahi hua hai "aapko jaise bhi checking karni hai aap kijiye, poori tasalli kijiye. lekin mere upar jhootha aarop mat lagaiye" ab prem apne chehre par thode gusse ke bhaav le aaya
"yeh to waqt hi batayega sir. aap bas co-operate karte jaiye. main aapse request karunga ke aap apne kapde utaar kar yahan mez par rakh dein" vikram ne prem se bola to prem kapde utaarne laga. kuch palon mein wo sirf moze aur chaddi mein thha.
"inhe bhi utaarun abhi agar zyaada jaldi hai to?" vikas ko waapas apne paas aaye dekh prem ki jaan mein jaan aa gayi thhi. ab usko lag raha thha ke sab kuch theek ho hi jayega
"abhi filhaal ruk jaiye" vikram ne kaha aur usske sab aadmi saare kapdon ki jaanch karne lage. achchi tarah se jaanch kari gayi ke kahin ko chor poket ya joote mein false bottom to nahi hai, lekin jab kuch nahi mila to thode se niraash ho gaye. unko yakeen to thha ke angoothi yahin kahin hai par kahan, yeh bataana waqt ke saath saath aur mushkil ho raha thha. ussne prem se keh kar ussko poora nanga kar diya aur usske saare shareer pe search karwaya. poori tarah se checking hui ke kahin shareer par koi cavity to nahi hai ya wig ke neeche to nahi chupaaya. fir usska xray hua jisse yeh bhi zahir ho gaya ke ussne wo angoothi nigali nahi hai. lagbhag ek do ghante ki kadi search ke baad prem ko usske kapde pehen lene ki anumati mil gayi aur wo tayyaar ho kar bench par baith gaya.
"vikram sahab.. kaleje mein thandak pad gayi ya abhi bhi koi kasar baaki hai?" prem ne sarcastically kaha
vikram bas ussko ghoore jaa raha thha. jo prem pehle paseene se tar batar thha wo ab itna cool kaise ho gaya, wo yehi soch ke pareshan thha lekin bina kisi saboot ke uss aadmi par koi ilzaam bhi nahi laga sakta thha. "bas aap yeh form bhar dijiye aur fir aap ja sakte hain. shayad police aapko kisi karyawahi ke liye bulaye, aapko haazir hona padega. kasht ke liye shama chahta hoon" kehkar vikram ne ek form usske aage badha diya
"hum to haazir ho na ho vikram saahab, aapke sitare ab gardish mein hi rahenge. aaj shaam ko apni seat se hilyega nahin, mere lawyer ka notice aayega aapko. maanhaani ka dawa thokunga main aap par aur aapki iss company par. bina saboot ke aapne meri jo izzat utaari hai, usska poora harzaana bharna padega aapko. shama to hum maangte hain aapse aane waale kasht ke liye" prem ko pata thha ke chori karne ke baad wo manhaani ka dawa to nahi karne waala. lekin usske in dialogues ka jo asar vikram par ho raha thha, wo dekh kar uss ko bahut hi sukoon mil raha thha. ussne wo form bhare aur wahan se vida li. uss dukaan se nikal kar wo seedha kevin ke bataye address par gaya, kevin ke dost se mila aur usski hard disk le li. wo hard disk le kar jab wo apne ghar aaya to dekha ke Ruhi wahan hai nahi. Ussne aur vikas ne ek doosre ki shakal dekhi aur dono ke dimag mein ek hi khayal aaya - kahin ruhi ne bhi unko dhokha to nahi de diya aur kahin wo angoothi le kar to nahi bhaag gayi.
*-*
Vikram ka dimag bahut der tak iss baat se kharaab raha. ek to angoothi bhi nahi mili, upar se lawsuit alag. waise bhi dukaan band hone ka time ho gaya thha. vikram ne socha ke jaane se pehle ek baar uss cabin ki bhi to jaanch ho jaye. agar uss aadmi ke paas se angoothi nahi nikli, to yeh bh ito ho sakta hai ke angoothi uss room se bahar na nikli ho. halanki usske aadmi prem ko check karne ke baad woh cabin check kar chuke thhe, lekin apni tasalli ke liye ussne bhi ek baar check karna hi behtar samjha.
Jab wo uss cabin mein ghusa to wahan pe safai ho rahi thhi. vikram ne chaaron ore achchi tarah se dekha, kona kona chaan maara lekin wo angoothi nahi mili. ussne ek baar wo scene bhi recreate kiya. ussne paya ke jitne time mein salesman magnifying glass le kar aaya, vikas ke paas angoothi chupaane ke liye zyaada samay nahi thha. to matlab ussne ussi chair ya table ke aaspaas hi kahin angoothi chupaayi hogi. ussne sabse pehle flooring check kari lekin kahin bhi koi tile loose nahin thha. fir ussne chair ko check kiya lekin wahan bhi kuch nahi thha. hataash ho kar aakhir mein wo table par aaya aur wahan bhi kuch na paaya. usne table ke upar neeche sab kuch dekh liya. ussko ek jagah ek chhoti si daraar dikhi jismein usne apni ungali feri. "ohhhh.. kaise kaise log hain yahan... chewing gum khaa ke yahin chipka dete hain" aur ussne wo chewing gum ka tukda wahan se nikala aur dustbin mein phenk diya


Darr aur gusse ke maare prem ke haath pair kaanpne lage. Itni mehnat ke baad, itni planning aur jokhim uthaane ke baad usske bichaye patton par oi aur baazi jeet gaya iss baat ka dukh usse andar hi andar maar raha thha. Wo jaa kar apne bistar par baith gaya aur apna sar apne haathon mein rakh diya. Ajeeb ajeeb se khayal usske mann mein aane lage. Ismail aur usski bandook, bandook se nikli goli aur zameen par padi khoon se lathpath vikas ki laash – yeh saari baatein ab usse ek reality lag rahi thhi. Vikas bas usse ghoore hi jaa raha thha. Nidhi ke baa dab ruhi se dhokha khaa kar usska bhi ladkiyon par se vishwas uth gaya thha.
“ussne humaare saath aisa kiya to main bhi ussko chain se nahi rehne dunga. Police ko phone kar ke sab kuch sach bata deta hoon. Dekha jayega jo hona hai…” prem ne phone ko uthaate hue kaha
“abe ruk ek minute prem. Jaldbaazi mat kar. Dekh humaare paas yeh prove karne ka koi tareeka nahi hai ke ussne humaari help kari thhi chori mein. Usska pata nahi kuch bigad payenge ya nahi, par hum zarur musibat mein phas jayenge. Badla lena hai to kuch aisa kar na jisse kam se kam humein to koi nuksaan na ho. Kyun na hum police ko phone kar ke bata dein ke ruhi ne documents forge kiye thhe uss hospital mein kaam karne ke liye… police to fir bhi usse dhoondh hi legi.. par afsos shayad yeh shareer usse musibat mein dekhne ke kaabil nahi rahega...”
vikas ka itna kehna hi thha ke prem ke phone ki ghanti baj utthi. ussne phone uthaya
“Hello... haan haan Ruhi hum pahunch gaye hain. tumhein yahan na dekh kar thoda chintit ho rahe thhe ke tum theek ho ke nahi... haan wo thoda late ho gaya thha... ohhh.. kyun nahi tum yahin aa jaati.. haan tumhaari cheez mere paas hai” keh kar prem ne phone rakha aur rahat ki saas li.. “yaar ussne thodi der yahan aa kar wait kiya lekin usske paas chaabi to thhi nahin to wo apne ghar chali gayi. aur tu aise hi usske baare mein bura bhala soch raha thha... mujhe to lag hi raha thha ke wo aisa nahi karegi” ab prem ki jaan mein jaan aa gayi thhi
“haan saala... galat hua to main doshi, nahi to tumhaari shokhi...” vikas bola “sabse pehle phone kisne uthaya thha police ko batane ke liye ke heera tune churaya hai??”
“chal ab chhod in baaton ko. wo aa rahi hai yahan angoothi le kar. lagta hai aaj humaare gurbat ke din lad jayenge” kehte hue ussne kevin ki di hui hard disk laptop se connect kari aur dekhne lag gaya ke kya sach much uss mein wo video recording hai bhi ya nahin. jab ussne video recording ko dekha, tab hi usse yakeen hua ke bechari ruhi ke saath kitna bada anyay hua hai. ussne ismail bhai ke diye number pe bhi phone laga kar keh diya thha ke angoothi inhone le li hai, aa ke le jayein. agle din ki appointment fix ho gayi thhi. ab prem bistar par let kar pehli baar thoda relieved mehsoos kar raha thha. jab se usko yeh shareer mila thha, koi na koi mushkil hi aa rahi thhi. ab pehli baar thhi jab wo chain ki saas le raha thha bina soche ke aane waale kuch palon mein ussko kya karna hai. bistar par letne ke saath hi thodi der mein ussko gehri neend aa gayi aur wo sone laga.
ab chintan karne ka waqt vikas ka thha. usske liye ek problem khatam ho gayi thhi lekin sabse badi problem abhi bhi baaki thhi – usske shareer ki. ussko kisi bhi haal mein apna shareer waapas milte nahi dikh raha thha. aisa nahi thha ke ussko kisi baat ki kami lag rahi thhi. baat wo waise bhi kisi se karta nahi thha aur akela hi rehta thha, lekin fir bhi ussko yeh thoda ajeeb sa lag raha thha. wo chahta thha ke jald se jald ussko usska shareer waapas mil jaye taaki wo aur kuch nahi to kam se kam aaram se daru to pee le. Lekin wo bas apna dil masos ke reh gaya. wo ek kursi pe baitha aur pata nahi kya sochne laga. usska dhyaan toota jab darwaze pe ghanti sunayi padi. prem abhi tak kutte bech kar so raha thha. vikas ne ussko jagaane ki koshishi kari lekin jaga nahi paya. koshish kar ke ussne darwaza hi khol diya jab dekha bahar ruhi hai.
Ruhi ne ek baar aur darwaaze ki ghanti bajayi. koi response na aane se ussne darwaaza try kiya to paaya ke darwaaza khula hua hai. flat ke andar ghusi to dekha ke prem bistar par moorchitt awastha mein pada hai. pas mein hi laptop pada thha jismein ek hard disk lagi hui thhi. na chahte hue bhi ruhi ke pair uss laptop ki taraf ussko kheech le gaye aur haathon ne screen pe padi ek matra file ko khol diya. usske contents dekh kar usski aankhon mein paani bhar gaya. ussko aisa laga jaise usski khoyi hui zindagi ussko waapas milne ka ek saadhan ussko mil gaya hai. vo baar baar uss video ko dekhti rahi aur roti rahi. vikas ka dil usse iss haalat mein dekh kar bilkul paseej gaya aur usse ruhi pe daya aane lagi. yeh daya dheere dheere khushi mein badal gayi ke aakhir wo ruhi ke kuch kaam aa saka. gusse mein ussne fir apna haath prem par maara aur iss baar ko chhot lagi aur wo uth baitha.
“kya bawal hai re” aadhi neend mein ussne uthte hue kaha. aur jaise hi aankhein poori kholi to saamne baithi ruhi rote hue dikhi. “arrey ruhi tum kab aayi.. aur ro kyun rahi ho” usse bhi kisi ko rota dekh achcha nahi lagta thha. jab ussne ruhi ko aise rote hue dekha to usski bhi halat kharab ho gayi aur wo jaldi se uth kar usske paas chala gaya. “kya hua ruhi.. kyun ro rahi ho... galat video hai kya?” ussko kuch samajh nahi aa raha thha ke wo kya kahe. ruhi ke aankhon se motiyon ka kisi jharne ki tarah behna usse pagal kiya jaa raha thha
“nahi vikas... th.. thh.. thank you” sirf itne hi shabd nikal payi thhi ruhi apne rundhe hue gale se ke rone ka silsila fir se jaari ho gaya...
“kya karun main isska” prem ne vikas se bola
“thappad maar utha ke do.. aise hi dimag kharab karke rakha hai... samajh mein bhi nahi aa raha ke khushi ke aansoo hain ya gham ke aansoo hain” vikas bola
“abe bol na.. kya karun.. yeh to chup hi nahi ho rahi...”
“ladkibaaz tu, kothebaaz tu, chikni chupadi baatein karne waala tu, to fir main kaise bataun ke kya kare”
“yaar aise koi nahi roya mere saamne aaj tak...”
“haan aur maine to dhandha khola hua thha nahin ke koi bhi ladki aao aur aa ke mere paas rone lag jao... main to abhi bhi kehta hoon ke thappad maar de ek do issko” aur fir kuch sochne ke baad bola “aisa kar thodi si daaru de de. thodi shaant ho jayegi”
“abe yeh koi kutti hai jo daaru pilane se shant ho jayegi? chup hi reh tu thodi der” prem ne kaha aur ek gilaas mein pani le aaya.. “ruhi yeh piyo aur rona band kar do. jo hota hai sahi ke liye hi hota hai. bas tum mujhe galat na samajhna. meri bhi koi majboori thhi jo main seedha tumhein yeh video nahi de paaya. agar ho sake to mujhe maaf kar dena”
“vikas tumne meri itni madat kar di wo hi bahut hai. har din kaam pe jaane se pehle bas yehi dua karti thhi ke bhagwaan aaj ka din bacha le. jab bhi phone ki ghanti bajti thhi to yeh lagta thha ke kahin pakdi to nahi gayi. aaj tumne mujhpar bahut bada upkar kiya hai vikas” ab ruhi thodi normal ho gayi thhi lekin ro abhi bhi rahi thhi
“maine tum par koi upkaar nahi kiya ruhi. kismat ka khel thha yeh ke hum dono ek doosre se mile aur ek doosre ke kaam aa sake. nahin to itni aasaani se chori karne waaliyan milti kahan hai aajkal” prem ne kaha to ruhi thoda hasne lagi. “dekho aise hi hasti raha karo. rote hue tum achchi nahi lagti aur makeup bhi utar jaata hai. utaarna hi hai to karo mat na makeup”
“thank you again vikas” kehkar ruhi khadi hui aur prem ko gale laga liya. usski perfume ki smell prem par ek ajeeb jaadu chala rahi thhi aur usska mann machal raha thha. vikas bhi dhyaan se dekh raha thha ke prem kitna bada khilaadi hai aur agla kadam kya lega.

"arrey ruhi.. ismein thanks ki kya baat hai... tumne meri madat kari aur maine tumhaari... plz baar baar thanks keh kar mujhe sharminda na karo" prem ne bola "aur apne aasoo poch lo. ek nayi zindagi tumhein pukaar rahi hai."
"aansoo to main poch lungi vikas, lekin jo chhot mere dil par lagi hai wo kabhi nahi bhar payegi. zindagi ne mere saath ajeeb khel racha hai. har kadam par mujhe thokar hi mili hai. jab bhi laga hai ke ab zindagi sudhar jayegi, ek tamaacha upar wale ne mere muh par maara hai aur mujhe fir se gira diya hai. chahe wo pyaar ho ya paisa, zindagi mein main har cheez se mehroom hi rahi hoon. jisse pyaar kiya, ussne mujhe chhod diya aur jissne mujhe pyaar kiya, ussne iss duniya ko chhod diya. main jiyun to kiske liye jiyun aur kyun. ab to bas issi intezar mein din katt rahe hain ke zindagi agla khel kya khelegi. din to fir bhi katt jaate hain hospital mein. tanha raatein kaatna lagbhag asambhav hota hai. gareebi aur lachaari ki iss zindagi se main bilkul tang aa chuki hoon. tum hi batao ke main kya karun"
"hadh haal hai.. baat karo... jab se main tujhe mila hoon aisa koi vyakti nahi dikha jiski sad story na ho. tu manhoosiyat ka pitaara hai." prem ne vikas se kaha aur ruhi se kehte hue bola, "ruhi meri maa humesha kaha karti thhi, zindagi ek assorted chocolates ke dibbe ki tarah hai. tumhein pata nahi hai ke agli chocolate meethi hogi ya kadwi, lekin tumhein wo khaani zaruri hoti hai. chahe chocolate ka jo bhi swaad ho, usse enjoy karna zaruri hai. kahin aisa na ho ke ek din saari chocolates khatam ho jayein aur tumhein realise hoye ke tumne enjoy hi nahi kiya"
"abey teri maa yeh kehti thhi?? yeh to movie ka dialogue hai" vikas bola
"abey chup kar. gehrayi mein mat jaa. bas baat ka asar dekh" prem bola
"baat to ekdum sahi hai .. tum baatein bahut achchi karte ho vikas" ruhi thoda muskura kar boli
"arrey madam.. maine bhi zindagi mein itna saha hai ke ab gham sehne ki aadat pad gayi hai. wo kehte hain na ke kismat ne usski itni bajayi, ke ab usse lene mein hi mazaa aane laga.. waisa hi mera haal hai.. har din main jeene ki wajah dhoondhta hoon. roz kuch naya karne ki koshish karta hoon. roz kisi ka dil behlaane ki koshish karta hoon. kam se kam kissi ke to kaam aaon main.. aur tum to doctor ho.. mareezon ki zindagiyan badal sakti ho..aese hataash ho jaogi to iss duniya se bimariyon ka ant kaise hoga.. ab yeh tauliya lo aur jaa kar apna muh dho lo.."
"muh baad mein dhoyenge.. pehle aap apne baare mein batao... yeh kya majboori thhi jissne aapko chori karne par majboor kar diya ?"
"main tumhaari daade ki umar ka hoon jo mujhe aap bulati ho? tum bulao yaar.. achcha lagta hai... thhoda to flirt karne do.. aise vibe ko nasht mat kiya karo tum.." usske aisa bolte hi ruhi zor zor se hasne lagi... "sach mein yaar. itni mushkil se ek haseen ladki mere saath baat kar rahi hai aur tum ho ke ...."
"arrey theek hai theek hai... ab nahi kahungi... to tum apne baare mein batane waale thhe.."
"ab apne baare mein kya bataun... chhoti si zindagi, dher saari uljhanein. kabhi main kisi ki jaan ke peeche padta hun to kabhi log meri jaan ke peeche padte hain.." kehte hue prem ne vikas ke jeevan ki saari kahani usse suna di. carefully ussne aatma ke involvement ki saari baatein gupt rakhi kyunki ussko pata thha ke yeh information ruhi ke liye hazam honi thodi mushkil hogi.
"tumhein kevin aur mere baare mein kaise pata chala?"
"iss baat ko tum rehne do. bas yeh jaan lo ke honi ko yehi manzoor thha.."
"aur nidhi kahan hai aaj kal"
"pata nahin... "
"tumne usse dhoondhne ki koshish nahi kari ?"
"arrey tum kya mere saath kaun banega crorepati khel rahi ho? itne sawaal kyun pooch rahi ho?"
"he he he.. nai main to bas aise hi..."
"haan maine usse dhoondhne ki koshish nahi kari.. nahi kari kyunki lagne laga hai ke wo mer eliye bani hai nahi hai. jisska door se darshan kar ke khush thha, ussne paas aa ke peeche laat maar ke loot liya. ab kyun dhoondhun usse mein? bas wo angoothi hi aakhri mushkil hai meri.. usske baad usse poori tarah bhool jaunga.. kar dunga apne dil ka kamra khaali. mita dunga usski saari yaadein aur koshish karunga ke meri usske saath kabhi mulaqat na ho"
"itna aasan nahi hota hai vikas. khaali dil ki peeda kaisi hoti hai, mujhse poocho"
"mera dil khaali nahi rahega ruhi..."
"pehle hi dekh rakhi hai doosri?? kaun hai batao batao..."
"tum...." prem ne kaha aur ruhi ki taraf dekhta raha. vikas intezaar kar raha thha ke kab ek sansanaata hua thappad prem ke muh par padega, lekin wo intezar khatam nahi hua. ruhi ne koi reaction nahi diya. bas wo bhi prem ko ghoorti hi rahi. fir uth kar khadi ho gayi
"vikas yeh rahi wo angoothi" ussne apne bag se nikal kar wo angoothi prem ko de di. "maine wo hard disk rakh li hai. mujhe lagta hai ke mujhe ghar jaana chahiye ab" wo moodi aur jaise chalne ko hui, prem ne uska haath pakkad liya.
"dekho ruhi.. tumhein chahna koi paap to nahin. maain jaanta hoon ke pyaar mein koi shart nahi hoti. meri bhi nahi hai. main tumhein chahta hoon. zaruri nahi hai ke tum bhi mujhe chaho. main apni chahat ke hi sahare aaram se reh sakta hoon. par ek baar mujhe mauka to do. aise muh fer kar naa jao. ek baar to dekho ke jiss dil mein tumhaari tasveer chappi hai, uss dil ko rakhne waala aadmi kaisa hai..."
"dekho vikas.... maine tumhaare baare mein kabhi iss tarah nahi socha. tum mujhe achche lagte ho.. lekin mujhe pata nahi hai ke main tumse pyaar karti hoon ya nahi... main tumhein yahan reh kar koi jhootha aashwaasan nahi dena chahti. achcha hoga ke main abh ichali jaoon."
"yeh to bilkul bhi achcha nahi hoga. aaj itni khushi ka din hai. chalo kahin bahar chalte hain. kam se kam ek dinner ka mauka to de do mujhe. usske baad tumhein apne ghar chhod dunga... fir agar tum chaaho to kabhi na milna mujhse" prem ne apna jaal bilkul soche samjhe tareeke se daalte hue kaha. usse pata thha ki usski baaton ka kya asar hoga.
"theek hai.. chalo fir.. aaj hum dono saath hi shaam guzarte hain..." ruhi ne kaha aur khud ko sawaarne lag gayi. vikas ek kone mein khada bas hairat se dekh raha thha. usse samajh nahi aa raha thha ke prem ke paas kaun si jaadu ki chhadi hai jisko wo ghuma ke ladkiyon ko kaabu mein kar leta hai"


kuch hi pal mein prem bhi fresh ho kar tayaar ho gaya aur jaane ke liye ready ho gaya. jaane se pehle ussne wo angoothi uthayi aur ruhi ko de di.
"arrey yeh mujhe kyun de rahe ho?"
"rakhne ke liye nahi de raha. mujhe safe nahi lagta issko yahan chhod ke jaana. waise bhi yeh tumhaare iss dress ke saath match kar rahi hai. tum ek raat isse pehen lo. jab hum vida lenge to main tumse le kar ghar aa jaunga" prem ne usse dete hue kaha
"oh... main samjhi thhi..."
"jo ho nahi sakta, wo sochne samajhne ki koshish mat karo ruhi. aur aao chalein. main nahi chahta ke hum iss haseen shaam ka ek pal bhi barbaad karein."
jab mazaa aa raha hota hai to samay bahut hi jaldi se kat jaata hai. agle 4 ghante ruhi aur prem ek doosre ke saath ghoomte rahe lekin yeh 4 ghante kisi ek shan se zyaada nahi lage unko. palak jhapakte hi andhera chaaron aur lipat chuka thha, khaana khatam ho chuka thha aur unke waapas jaane ka samay ho gaya thha. jahan ek ore prem aur ruhi maze kar rahe thhe, wahin doosri ore vikas unsse thodi door chalte hue taras raha thha. ussko ayehi lag taha thha ke agar prem ne dhoke se usska badan liya na hota to aaj prem ki bajaye iss khubsurati ki moorat ke saath wo hota. reh reh kar usse nidhi ke saath bitayi shaam yaad aati aur usske zakham fir hare ho jaate. nidhi ke saath bitayi shaam usski pehli aur aakhri 'date' thhi aur wo jaanta thha ke iss mulaqat ko wo kabhi bhi nahi bhula payega. dheere dheere kar ke usse prem ke upar fir se gussa aana shuru ho gaya aur wo wahan se chala gaya.
"vikas raat bahut ho chuki hai. chalo ab ghar chalte hain." khaana khatam kar ke ruhi ne prem se bola.
"haan haan .. bilkul chalte hain.. lekin ek glass wine aur pee lete hain... " thodi si ladkhadaati hui awaaz mein prem ne bola. kaafi din baad peene ke karan ussko thodi si chad gayi thhi aur yeh baat ruhi se bhi chhupi nahi rahi thhi.
"vikas tumne pehle hi kaafi pee liya hai. rehne do ab tum. ghar chalte hain" thoda chintit swar mein ruhi boli
"arrey fikar not. main apne aap ko sambhal sakta hoon. tumhein bhi aaram se ghar chhod dunga.. tum bhi le lo ek glass"
"nahin main theek hoon. aur tum bhi chalo. please aur mat peena" ab jab ruhi ne itne pyaar se kaha to prem usski baat maan gaya aur bill mangwa ke bhar diya. jab tak wo kursi par baitha tab tak bilkul sahi thha. jaise hi bill bhar kar wo utha, usse laga maano bhukamp aa gaya hai. chaaron ore ki cheezein hil rahi thhi. aasman mein dekha to taare bhi dance kar rahe thhe. wo samajh gaya ke usse chad gayi hai. lekin itni shekhi bagharne ke baad ab wo yeh baat maan to sakta nahi thha. wo table ka sahara le kar khada raha do pal. "kya hua? theek to ho na?" ruhi ne fir se chinta dikhayi
"arrey haan haan.. bilkul theek hoon.. chalo tumhein ghar chhod deta hoon" kehkar ussne ruhi ka haath pakda aur usske saath bahar sadak pe aa gaya. ruhi ko to pura yakin ho hi gaya thha ke prem apne kaabu mein nahi hai, to iss surat mein wo usske saath paidal ghar jaana nahi chahti thhi.. ussko darr thha ke raaste mein prem ki haalat aur kharab na ho jaye. agar raaste mein wo ultiyan karne laga to kya karegi ruhi... yehi sochkar ussne ek cab bula li.. "arrey cab kyun rok rahi ho.. paidal chalte hain na..."
"nahin vikas. main thoda thhak gayi hoon. cab kar lete hain plz" aur prem fir se ruhi ke please ke jaal mein fas kar, naa chahte hue bhi cab mein baith gaya.
"to kya socha tumne?"
"kiss baare mein?"
"mere baare mein... "
"vikas please. mujhe kuch din ka waqt do.. main khud hi tumhein bata dungi." sach to yeh thha ke ruhi ko prem ki baaton par vishwas nahi thha. jo aadmi itni badi chori itni aasani se kar le, usske liye ladki ko jhooth bolna kya badi baat thhi. ho sakta hai yeh angoothi ussne apni kisi premika ke liye hi churayi ho. ruhi ke dil mein prem ke liye thodi si jagah to ban gayi thhi, lekin wo darr rahi thhi ke kahin ussko dhokha na mil jaye, iss liye thoda soch samajh kar kadam badha rahi thhi. tabhi usska ghar aa gaya aur wo prem ko gud night wish kar ke cab se utarne hi lagi thhi ke ussko prme ki awaaz ne baandh liya
"good night kiss nahi dogi" wo waaps mudi to dekha ke prem kisi teenager ki tarah blush kar raha thha. wo thoda sa jhuki aur usske gaal par ek kiss de di aur waapas good night bol kar chali gayi. ab uss kiss ka ehsaas apne gaalon par rakh kar, aur sapnon mein ruhi se aanlingan karta hua, prem bhi cab mein ghar pahunch gaya. kissi tarah se ussne ladkhadaate hue darwaaza khola aur andar ghus kar light jalayi. saamne ka nazaara dekh kar usske hosh udd gaye. ghar poora uthal putthal hua pada thha aur koi bhi cheez usski jagah par nahi thhi. dimag to usska pehle hi hil raha thha, ab aur bhi hilne laga. tabhi ussne dekha ke kone mein ismail bhai baithe hain.
"aa gaya be gulcharre udaa ke?? kahan hai angoothi? chal jaldi se nikal usse"
prem ko achanak hi yaad aaya ke angoothi to ruhi ke paas hi choot gayi hai... "angoothi abhi mere paas nahi hai bhai.. kal subah aana. tab de dunga.."
"kal subah de dega?? abe tu mujhe kya doodhwaala samajhta hai jo baar baar aaunga? tere paas nahi hai to kahan gayi?? saale tu fir mujhe chutiya bana raha hai... abe munna meri bandook dena to..." ussne kaha to side mein se munna aaya aur unko bandook pakda di. bandook le kar wo prem ke paas hua aur uska collar pakkad kar usski kanpatti pe bandook rakh di... "abe tu mujhe jaanta nahi hai abhi.. gaand mein goli maarkar muh se bahar nikalunga tere.. jaldi se bata wo angoothi kahan hai..."
"maine bola na kal la dunga "kehte hue prem ne ismail bhai ko ek dhakka diya. wo nahi chahta thha ke ruhi ka naam le kar usse bhi ismail ke chungal mein fasa de. dhakka khaa kar gusse mein bhare ismail bhai ne ek ghoosa zor se prem ke pet mein maara. prem to pehle hi zyaada khane aur daru ke nashe mein jhoom raha thha. usse yeh mukka bardaasht nahi hua. ismail bhai ne collar pakda hua thha isliye wo gira to nahin lekin jitna khaya peeya thha, sab kuch ismail pe ulatt diya.
"abe kya kar raha hai haramzaade" kehte hue ismail bhai ne gun waale hi haath se prem ke sar par ek vaar kiya jiss se prem behosh ho kar zameen par gir gaya. "abe tu khada khada mera muh kya dekh raha hai... nikaal isske kapde aur le kar aa bathroom mein.. saale ne muh se tatti kar di mere upar..." munna ki taraf ishaare karte hue ismail bola. "haan.. aur issko achchi tarah se baandh de. agar sale ne jald hi hosh mein aa kar angoothi ka pata nahi bataya to issko bhi upar pahunchaana padega..." kehte hue ismail bhai bathroom ki taraf chale gaye apni safayi karne ke liye


subah jab prem utha to uska maatha ghoom raha thha. ussne apne chaaron ore dekha to usse kuch samajh nahi aa raha thha. haat-pair hilaane chaahe to pata chala ke wo kursi se bandha hua hai. pehle to ussko kuch samajh mein nahi aaya, fir dheere dheere raat ki baatein yaad aane lag gayi. ussne apne aas paas dekha to paaya ke ek kone keij munna soya hua hai. ismail bhai shayad bedroom mein so raha thha. abe o munna.... uth.. khol mujhe. mujhe toilet jaana hai"
munna utha aur neend me usski taraf dekhte hue bola "angoothi kahan hai"
"pet mein hai mere. andar jaa ke nikalunga. chal mujhe khol. pressure ban raha hai" prem bola.
"bhai ka aadesh hai ke jab tak angoothi haath mein nahin aa jati,tumhein kholna nahi hai. jaldi se de do aur jo karna hai karo"
"yaar tum samajh kyun nahi rahe ho??" prem zor se chillaya.. "bakwaas band karo aur mujhe khol" prem apne bandhano ko todne ki koshish karta hua boa
"abe kaun itna shor macha raha hai be" andar se ismail bhai nikal kar aaye aur bole "kya be shaane! bahut charbi chad rahi hai kya re.. kyun subah subah chinghaad rqha hai be suar... subah subah dimag ka dahi kar diya.. angoothi kahan chupaa ke rakha hai ? bata kyun nahi deta
"jaa nahi batata... jo ukhaadna hai ukhaad le. abe yede.. agar mujhe tere ko angoothi deni hi nahin thhi to main tujhe batata kyun ke chori ho gayi hai? ab jaldi se mujhe khol. andar jaane de. pressure badh raha hai.."
" o munna... khol de re isse aur nigrani rakhne isspe. zyada shana banne ki koshish kari to tapka dena wahin kutte ko" ismail bola to munna ne jhatajhat prem ko khol diya. prem daud ke bathroom mein ghusa. thodi der mein usska dimag clear hua to kayi saari baatein usske bheje ko tatolne lagi. muh aur haath dho kar wo waapas bahir aaya aur seedha ismail ke pass pahunch gaya
" iss baat ki kya guarantee hai ke tu angoothi lene ke baad mujhe jaane dega? "
"kya matlab...."
"tune mujhe bola thha ke tu raat mein nahi aayega fir bhi aa gaya. tera iraada wo angoothi churaane ka thha na ismail? saale angoothi le kar agar tune mujhe maar diya to?"
" saale tujhe to main abhi hi tapka deta hoon. saara problem hi khatam ho jayega. gurantee to iss baat ki bhi nahi haike main tujhe ek pal aur saans lene dunga, tu fir apni saansein kyun barbaad kar raha hai, arrey o munna... meri bandook laana to..."
" dekh ismail,tune baat karni hai tu baat kar aur agar goli vhalani hai to goli chala. bas mujhe chutiya mat bana. tu aisa kar ke abhi yahan se nikal aur ek ghante baad aana. tab tak main angoothimangwa ke rakhunga"
"ajeeb chaman chutiya hai tu. bandok mere haath kein hai,jaan jaane ki chances teri hai,fir bhi tu mujhe batayega ke kya karna hai.... chal phone laga aur mangwa wo angoothi. mujhe yakeen hai ke wo angoothi ussi chidiya ke paas hogi jisske saath tu kal bahar gaya thha. saale mujhe ullu mat samajh. jaanta hoon main ke wo kahan rehti hai... jitna bura haal tera kiya thha, usse zyaada bura haal usska karunga main."
"i will not call her"
"saala angrezi mein gaali deta hai... teri maa not call her.. tera baap not call her... lagta hai tujhe aaj dikhana hi padega ke goli ktni sundarta aur tezi se gaabd se muh tak ka safar tay karti hai... fir jaa ke dekhunga teri chammak challo ko bhi..."
"mujhe maar ke tumhein angoothi nahi milegi ismail. usske paas angoothi nahi hai. tum apna time hi waste kar rqhe ho."
"tu uss laundi ko phone kar ke bula raha hai ya nahi... "ismail ne kaha aur ek goli daag di. goli prem ke kaan ke paas se ho kar nikli. prek ke kaano kein zor zor ki seetiyan bajne lagi aur usski puri tarah se phat gayi. jitni dileri usmein thhi,sab nikal gayi aur ussne jhatt se phone laga diya. "speaker pe rakh re shaane... hum bhi to sune ke kya gutar goo chal rahi hai." ismail bola to prem ne phone speaker par rakhbdiya
" hello ruhi... jitni jaldi ho sake mere ghar pe aa jao. its very urgent. please jaldi aao"
"mujhe pata thha ke tum angoothi ke liye zarur phone karoge vikas lekin itni hadbadi mein kyun ho, main kahin bhaag nahi rahi. aati hoon. "
"jitni jaldi ho skae aa jao ruhi... meri jaan yahan atak gayi hai. plz jaldi se aao na.. plz."
"10 minutes and i will be there with u"
"kya boli re wo?"
"boli ke aa rahi hai dus minute mein"
"shaane tu to bol raha thha ke usske paas kuch nahin hqi... fir wo angoothi le kar kaise aa rahi hai.... tune kya mujhe alibagh se aayla samjha hai be? teri jaisi chidiya ko to dekh kar hi bata doon ke kitne parr hai... yeh aaj kal ke launde 2 kitab zyaada kya padh lete haij... apne aap ko bahut intelligent samajhne lag jaate haij..." usska gussa saaf usski baaton se jhalak raha thha "aye munna... baandh de issko waapas aur iasne zara si bhi choo chappad kari to gaand mein loha daal dena" wo bola aur intezaar karne laga. kuch hi palon mein ghar ki ghanti baji aur mujna ne jaa kar darwaaza khola. saamne ruhi khadi thhi jissko wo andar le aaya. ruhi andar ghusi to ghar ki haalat dekh kar usske hosh udd gaye."
"welcome madam. idhar aa jao aur angoothi jahan rakhi hai nikal ke de do. nahi to tumhaara yeh aashiq aaj narak mein jaayega.."
"kaun ho tum..."
"arrey naam jaan ke shaadi karegi kya... hum saari duniya ko banate hain aur yeh humein hi bana rahi hai...chal nikal angoothi.." bandook ruhi ki taraf karta hua ismail bola. ruhi ne dekha ke prem kursi se bandha hua hai aur wo jaan gayi ke prem jhooth nahi bol raha thha aur yeh hi wo gunde hain jinhone prem se chori karwayi thi. ussne chup chaap apniungali se angoothi utaari aur ismail ko thama di."shabaash. isse kehte hain vishwaas. munna..chal iss ladki ko doosri kursi se baandh de..."
"ladki ko kyun baandhna hai bhai?"
"taaki jab hum dono ko goli maarein to zyada idhar udhar nahi bhaage yeh... aur tu mujhse sawaal kyun kar raha hai be.. bola ke baandh to baandh na re." munna ne dono ko baandh ke unka muh kapde se baandh diya... "ab batao tum dono mein se pehle kaun marna chahega" ismail ne bola aur fir prem ki taraf bandook taan ke bole..."tune bahut dukh diye hain... pehle tujhe hi tapkaata hun" aur apni ungali trigger par rakh di


"Bhai ek idea aaya hai" isse pehle ismail goli maarta, munna bola
"abe yede... kya idea aa gaya tujhe abhi?"
"bhai itni sundar item ko maarne se pehle ussko chakha nahi, to saathi hasenge apne pe bhai..."
"abe gadhe ki gaand, tujhe ab marad bhi item lagne lage.. agar tune isse chakh liya to apne saathi thookenge fir tujhpe"
"arrey main isski nahi, saath waali item ki baat kar raha hoon bhai. jab se ussko dekha hai, pant mein iman dol raha hai bhai"
"issko nipta de, fir usska matter kholenge munna..."
"par bhai itni khoobsurat cheez aisi dardanak maut dekhe to mazaa nahi aayega na bhai... isski cheekhein apne neeche nikalni chahiye, kisi ki maut dekhte hue nahi bhai... point ki baat hai bhai.. thoda note karo..."
"tere sade bheje se baat ekdum kaam ki nikli hai... shakal teri chaahe kitni bhi gandi ho, lund ke maamle mein dimag achcha chalata hai tu... ab yeh bhi bata de ke aage kya kiya jaaye..." Ruhi ke shareer mein unki yeh baatein sun kar ek sansani daud gayi. na sirf vo log usske saamne vikas ko maarne ki baat kar rahe thhe, balki usska rape karne ka bhi discuss kar rahe thhe.
"please mujhe jaane do.. maine tumhaara kya bigaada hai..." wo gidgidaati hui boli
"arrey meri jaan.. tu mera kya bigadegi... tujhe to pyaar karunga pyaar... itna pyaar karunga ke bas poocho na... munna tu aisa kar isske muh pe aur isski aankhon pe patti baandh de aur isse utha ke bedroom mein le jaa. intezaar karna wahan. aagr mere aane se pehle issko chooa, to teri gaand mein goli daal ke muh se bahar nikalunga.. tu to jaanta hi hai mujhko..."
"jaisa aap bolo bhai.. jaisa aap bolo..." munna ne kaha aur ruhi ki aankhein aur muh paas padi bedsheet ko phaad kar baandh diye. fir wo usse le kar bedroom mein gaya aur usse baandh diya. "kya chikni maal hai re tu... tujh jaisa aaj tak nahi dekha maine... qayamat hai tu qayamat... tujhe to main apni rani banaunga... ek baar bhai tujhe chakh le... fir dekhna" munna usske baalon mein haath ferta hua bola.. dheere dheere usska haath ruhi ki jaanghon par aa gaya aur wo naa chahte hue bhi ruhi ki skirt dheere dheere upar uthaane laga. darr ke maare ruhi kaanp rahi thhi. wo daya ki bheekh maangna chahti thhi lekin usske muh se awaaz bahar nahi nikal paa rahi thhi. tabhi ghar 2 goliyon ki awaaz se goonj utha. munna ne apna haath jaldi hi ruhi ki skirt se bahar nikala aur ismail ka intezaar karne laga. jab kuch der tak ismail nahi aaya to wo dekhne ke liye bahar gaya.
bahar nikal ke jo munna ne dekha usse usske hosh udd gaye. issmail zameen par leta hua thha aur usske chaaron ore khoon ki nadi beh rahi thhi. dekh ke hi andaaza lag raha thha ke ismail bhai ke muh pe goli maari gayi hai. ismail ki yeh halat dekh kar munna ki ghiggi bandh gayi. halanki ussne bahut logon ko maara thha, lekin apne bhai ki yeh halat dekh kar usske dimag ne kaam karna bilkul bandh kar diya. usska haath thoda kaanpne laga aur ussko aisa laga ke usske pair usska saath kabhi bhi chhod denge. wo ladkhadane laga.. tabhi ussko saamne vikas kursi se apne bandhanon se azaad hota dikha. munna ne apne haath mein li bandook uss par taan di.
"haramzaade.. tune mere bhai ko maar diya... teri gaand ki khaal ukhaad kar to main joote banaunga saale. teri himmat kaise hui..." kehta hua munna vikas ke paas badhne laga. tabhi ussne dekha ke side mein se ek bandook uddti hui usski taraf aa rahi hai. ussne wo bandook apne doosre haath mein pakkad li par samajh na paya ke bandook aise aa kahan se rahi hai. tabhi usske sar par kuch phoota aur wo neeche gir kar behosh ho gaya.
"ab isse pehle issko hosh aaye, police ko phone laga aur soch le koi kahani jo batayega police ko..." vikas ne prem se bola. prem ne police ko phone lagaya aur usske baad munna ko achchi tarah baandh diya
"bacha liya yaar aaj tune to. mujhe to yakeen ho gaya thha ke yeh aaj mere muh se goli nikaal kar hi maanega. gotiyan gale mein aa gayi thhi yaar..."
"ek cheez nahi sambhalti tere se. ek raat mein gayab kya raha tune to narak ka ticket hi kataa liya thha.kismat achchi hai meri ki sahi samay par aa gaya.. nahin to dono uss baag mein pingu ke saath dandiya khelte rehte..abe pingu se yaad aaya... ruhi kahan reh gayi"
"ohh shit.. wo andar hai..." prem bistar par leta hua thha, jaldi se uthte hue bola. usske dimag se ruhi ka khayal bilkul hi hath gaya thha.
"kehne ko tu usse pyaar karta hai... aur fir aisi harkatein... mera bas chalta to main tujhe kabhi bhi usske kareeb na aane deta"
"haan to maar de usse aur ban ja usski rooh ka pati" prem ne bola aur pahunch gaya ruhi ke paas aur usska muh khol diya.
"please please mujhe jaan se mat maaro. tum jo bhi kahoge main karne ko tayyaar hoon." muh kholte hi ruhi bol padi. prem ne do pal ke liye apne haath roke, lekin fir usski aankhein khol hi di.
"jo bhi main kahunga karogi ya fir wo offer sirf unn 'achche' logon ke liye hi thha" wo ruhi se bola
"ohh vikas... thank you.. thank you very much" ruhi vikas se lipat kar usske gaalon par chummiyon ki baarish karte hue boli. "aaj to main sach much samjhi thhi ke ya to inki rakhail ban jaungi ya parlok sidhar jaungi"
"bas ruhi bas. control karo ab kyunki mere liye control karna mushkil ho raha hai." prem ne ruhi ko apne se thoda alag kiya. "yaar tumhaari aankhein hai ya nalka?? aise hi rissti rehte hain... in motiyon ko aise barbaad mat karo.." ussne apne haath se ruhi ki aankhein pochte hue kaha.
Ruhi waapas usse lipat gayi. "bas mujhe kuch der aise hi rehne do vikas. mujhe apni dhadkanein shaant karne do" ruhi ne usske kandhe par sar rakh diya. prem ussko lekar bistar par aa gaya aur usske baalon mein haath ferne laga. usska faayda uthaane ka pata nahi kyun, usse dil nahi kar raha thha. tabhi police ke siren ki awaaz aane lagi. ruhi ki aankh lag chuki thhi tab tak.
police waala andar aaya to wahan ki haalat dekh kar hairan ho gaya. ek banda khoon mein lathpath neeche pada thha aur ek kursi se bandha pada thha. ek ladki bistar par leti thhi. "kya hua hai yahan.."
prem ussko samjhaane lag gaya ke kaise yeh do chor raat mein uss ke ghar mein ghuss aye thhe aur usse behosh kar diya.. jab wo subah utha to unhone zabardasti ladki ko phone karwaya jo raat ko usske saath thhi... fir un dono ke andar ladai ho gayi ke ladki ka rape pehle kaun karega aur munna ne ismail ko goli maar di. conversation ke saare gaps ussne kisi na kissi tarah se bhar diye thhe. police waale ne ruhi ka bhi interview liya aur ussne bhi yehi bol diya. police waale ne unko bola ke agar koi aur pooch taach karni hogi to wo unhein police station bula lega aur munna ko le kar chala gaya.
ab ghar mein akele reh kar ruhi aur prem ko finally realise hua ke aaj wo maut ke kitne kareeb aa gaye thhe. dono ek doosre ko dekh rahe thhe.
"please rona mat ruhi.. please"
"chup karo vikas. tumhein pata nahi thha ke mera kya haal thha."
"haan mujhe nahi pata.. main to switzerland mein ghoom raha thha na..." ussne ruhi ki aankhein pochte hue kaha. vikas bahut zyaada haath hila ke usski attention lene ki koshish kar raha thha. jab prem ne usski taraf dekha aur jahan wo ishaara kar raha thha wahan dekha to usski aankhein chamakne lagi. “Chalo ab apni aakhein band karo”
“kyun?”
“last time jab band thhi to tumne bola thha ke kuch bhi karne ke liye tayyaar ho. main bas dekhna chahta hoon ke waapas kahogi ya nahin. please aankhein band karo na”
“achcha karti hoon” kehte hue ruhi ne aankhein band kar di.
“kehte hain ke har insaan ki zindagi mein ek pal aisa aata hai jab wo jo bhi soche, poora ho jaata hai. meri zindagi ka to pata nahi, par tumhaari zindagi mein yeh pal kal aa gaya thha. aankhein kholo” jab ruhi ne aankhein kholi to apni aakhon ke saamne wo angoothi dekh kar nishabd ho gayi. “ab yeh tumhaari hai ruhi. issko meri pyaar ki ek bhent hi samajh lena” prem ne kaha aur ruhi fir se usske gale se lipat gayi

 

[Saitaan bandar]

last update de raha hun ye story incomplete hai doston mujhe laga complete hai to suru kiya copy paste lekin jitna hai post kar diya

 

[Saitaan bandar]

Ismail bhai ko mare aaj 5 din ho chuke thhe.yeh 5 din prem aur ruhi ki zindagi mein kuch naya nahi le kar aaye thhe.na hi ruhi ne apne pyar ka izhar kiya thha aur na hi prem ne waapas uss baat ka zikar kiya.bas ek hi baat ka aasra prem ko thha ke ruhi ne usski angoothi waapas nahi kari thhi. Usske mann mein yeh baat ghar kar gayi thhi ke ruhi ke paas jab tak wo angoothi hai, tab tak uska chance hai.issi beech unko ek baar police station bhi jaana pada thha jahan unhone munna ki sabhi baaton ko nakaar diya aur apni kahani pe atal rahe.bandook pe bhi munna ke nishan hone ke karan munna ko sazaa mil gayi aur ruhi aur prem bach gaye.vikas ke bahut kehne par prem ne ab office bhi jaana shuru kar diya thha jahan vikas ussko batata rehta ke kya kehna/karna hai aur prem wo karta rehta. shaam ko waapas aakar wo ruhi ke ghar jaata aur wahan se khaana kha kar apne ghar aa jaata.
Ek raat ki baat hai ke prem so raha thha. Vikas bhi sofe pe baitha susta raha thha aur aise hi deewar ko dekh raha thha. Tabhi ussne paya ke prem usske side mein khada hai. Ussko koi aahat nahi hui thhi. Isliye ussne bistar ki tarah dekha to usska shareer wahan par abhi bhi pada hua thha. Hairani mein usska muh kule ka khula reh gaya.
“aise mat dekho vikas aur mera haath pakad lo” prem ne kaha to vikas ne bina kuch soche samjhe usska haath pakkad liya. Ussko aisa laga jaise kisi bawandar mein fas gaya ho. Ussko aas paas kuch nahi dikh raha thha aur aise lag raha thha maano usske sar mein ghus kar koi tandav kar raha ho. Kuch pal mein ussne apne aap ko zameen par gir paya. Ussne idhar udhar dekha to yeh jagah ussko jaani pehchaani lagi. Wo waapas wahin aa gaya thha jahan par wo prem se mila thha aur prem ne ussko baaton mein fasa ke usska shareer le liya thha.
“yeh kya ho raha hai prem? Kya karne waala hai tu ab?”
“maine jo karna thha main kar chuka hoon vikas. Ab main aur kuch nahi kar sakta. Achcha ya bura, jo bhi hua bas ab wo khatam ho chuka hai. Aaj wo din aa gaya hai jisske liye tum itne dinon se tadap rahe thhe. Mere jaane ka samay nazdeek aa gaya hai. Ab main tumhaare shareer mein aur nahi ruk sakta”
“yeh kya nayi bakwaas hai?”
“bakwaas nahi hai. Abhi main tujhko bataunga ke tu apna shareer kaise le sakta hai. Fir jab teri aankhein khulengi to tu waapas uss shareer mein hi hoga”
“tujhe pata bhi nahin hai ke yeh sun kar mujhe kitna achcha lag raha hai yaar. Lekin yeh sab achanak?”’
“achanak nahi hua vikas. Bahut dinon se mujhe mehsoos ho raha thha ke meri pakkad uss shareer par chootne lagi hai. Isse pehle ke mein puri tarah se bebas ho jaun aur tu bhi atak jaye, maine socha ke tera shareer tujhe waapas kar dun. Tere liye jitna ho saka, maine kiya aur yeh bhi jaana ke mere karan tujhe kitni mushkile hui thhi. Hum dono mein ek yeh hi samaanta thhi ki dono ko lagta thha ke hum sahi kar rahe hain aur yeh nahi sochte thhe ke saamne waale ke upar kya beet rahi hai. Ab lagta hai ke hum dono doosron ke dard ko bhi samajhne ke kabil ho gaye hain. Jahan tum iss cheez ka istemaal kar ke apni zindagi sudhar sakte ho, wahin mujhe pata nahi hai ke ab mere saath kya hoga...”
“kya hoga matlab... fir sab kuch pehle jaisa ho jayega... main apne shareer mein aur tum mere saath...”
“kaash sab kuch itna aasan hota vikas. Lekin aisa hai nahin. Meri mohlat khatam ho chuki hai aur ab main shayad waapas narak ki aag mein jalne jaa raha hoon. Apni karmon ko sudharne ka mauka mujhe mila lekin main kuch kar nahi paaya. Isliye ab mere liye koi hope nahi hai. Umeed karta hoon ke tum sabak loge aur apni zindagi ko vyarth nahi hone doge.”
“aise kaise chala jayega tu yaar. Aisa nahi ho sakta. Aisa kar tu waapas mere shareer mein hus jaa. Shayad sab waapas theek ho jayega”
“ab kuch theek nahi hoga vikas. Sab jaisa hona thha waisa hone laga hai. Ab achanak se hi tujhe mere upar itna pyaar kaise aana laga? Kya tu hamesha nahi chahta thha ke tera shareer tujhe waapas mil jaye?”
“chahta to main yeh hi thha prem lekin jab mujhe aaj sauda karna pad raha hai to achcha nahi lag raha. Zindagi mein maine kabhi jaana hi nahi ke dost aur dosti kya hoti hai. Ek dost mujhe mila aur wo bhi tu. Zindagi mein jo bhi seekha, tujhse seekha. Kaise jiyunga main ab jab tu mere saath nahi hoga? Kaun batayega mujhe ke kya sahi hai aur kya galat? Sach bolun to shayad mujhe tere aas paas rehne ki aadat ho gayi hai. Mujhe darr hai ke kahin main waapas apni zindagi kharab na kar lun.”
“aisa mat soch aur na hi aisa kuch karna. Ruhi bahut achchi ladki hai. Kisi bhi haal mein usska dil mat dukhaana. Ho sake to usse shadi kar lena. Jeene ke liye ek sahare ki zarurat hoti hai aur wo tera sahara ban sakti hai. Issi sahare ke bal par tu apni zindagi aaram se kaat sakta hai. Yaad rakhna, agar zyaada paap karega to maut ke baad tera kya haal hoga. Main bas dua karta hoon yaar ke tere saath aisa na ho. Agar tu apni zindagi aaram se ji paaya to main samajh lunga ke maine iss dharti par kuch to achcha kiya hai. “
“prem mujhe aise chhod kar mat jaa prem. Main akela reh jaunga iss sansar mein... plz keh de ke yeh sab ek mazaak hai” dard vikas ki awaaz se saf jhalak raha thha. Ussko aisa lag raha thha jaise ussko usska shareer mil to raha hai par usska daya haath kaat ke phenka jaa raha hai
“aisa kuch nahi hai vikas. Ab bas mera samay khatam ho chuka hai. Jaane se pehle ek baar tumhein gale lagana chahta hoon. Jitna tumne mere liye kiya shayad koi nahi kar paata” prem ne kaha aur vikas ke gale lag gaya. Dono ka gala bhara hua thha aur aankhein bas chalakne hi waali thhi. Tabhi vikas ko aisa laga ke ussko jaise koi jhatka laga ho. Hadbadaa kar ussne apni aankh kholi to paaya ke wo apne bistar par pada hua hai. Pehle to usski khushi ka thikaana na raha. Wo utha aur khushi mein idhar udhar rakhi cheezon ko choo kar dekhne laga. Aisa lag raha thha maano kitni muddaton se ussne koi cheez nahi chui thhi. Fir ussne jaa kar jee bhar ke paani piya. Wo paani peeye jaa raha thha par kisi karan se usski pyaas bujhne ka naam hi nahi le rahi thhi. Jab usski intial excitement khatam hui to ussne paaya ke wo sach mein ghar ke ndar akela hai. Ussne ek do baar prem ko awaaz bhi lagayi par usska kamra khali ka khali hi raha. Dheere dheere usske dil mein yeh baat baithne lagi ke ab koi nahi hoga jo ussko tokega ya koi kaam karwane ke liye minnat karega. Koi nahi hoga jo ussko samjhayega ke logon se kaise baat karni chahiye aur apni zindagi kaise jeeni chahiye. Yeh sab dhyaan mein aate hi usski aankhon se aansoo chalak pade. Prem hi usska ek tarah se eklauta sahara thha. Usske jaane ka kya asar hoga, yeh to usse pata nahi thha, lekin ussne apne andar thaan liya thha ke jaisa prem chahta thha, wo apni zindagi ko waisa hi bana ke rakhega.
Sab se pehle jaa kar ussne daru ki jitni bottlein usske ghar mein thhi, un sab ko uthha kar fenk diya. Ussko pata thha ke sharaab ke bhanwar mein agar wo ek baar aur phans gaya to kabhi nahi nikal payega. Fir ussne apne ghar ko achchi tarah se saaf kiya aur bistar par let gaya. Ab weekend aa gaya tha aur kal ussko jaldi uth kar office bhi nahi jaana thha. Ussne soch liya thha ke kal jaldi uth kar uss park mein jayega aur ruhi se milega. Agar prem chahta tha ke ruhi usski zindagi ka sahara bane, to aisa hi hoga.
Agle din subah usski neend alarm bajne se khuli. Usske mann mein ek baar yeh khayal aaya ke alarm ko band kar de aur jo karna hai, neend puri hone ke baad hi kare. Lekin fir bhi apne mann ko tagda karke wo kisi tarah bistar se hil gaya. Jaa kar muh dhoya aur apne jogging waale kapde pehen liye aur nikal pada uss park ki ore. Wo kafi der tak usse dhoondhta raha par jab wo nahi dikhi to hataash ho kar laut hi raha thha ke uss saamne se ruhi aate hue dikhi – akeli. Vikas daud kar usske paas gaya. Lekin shayad ussne usse dekha nahi aur aage ho li. Ussko dekh kar waapas vikas ki ghiggi bandh gayi. Ladkiyon se baat karne mein to usse waise bhi sharam aati thi aur ab ruhi ussko pehle se kahin zyada sundar bhi lagne lagi thhi. Usska dimag ek pal ke liye bilkul hi blank ho gaya aur wo thhoda khush sa ho gaya ke ruhi ne usse dekha nahi. Usske paas aa jaati to pata nahi wo kya bolta. Wo dimag mein sochte hue kya bola jaaye, usske peeche peeche daudne laga.
Dimag saamne na hone ki wajah se wo bench se takra gaya aur neeche gir pada. Dard mein karahte hue wo bola.. “yeh yahan kiss ne rakh diya bhen..” lekin beech mein hi ruk gaya. Ussne dekh liya thha ke ruhi yeh awaaz sun kar peeche mudi hai.
“are vikas... kya hua....”
“a...aa... kuc nahi.. tum apna daudo.. main theek hoon”
“kya theek ho.. laal pad gaya hai ghutna. Dekho khade ho sakte ho ke nahi” ruhi ne paas aate hue bola. Usske perfume ki smell vikas ko aur bhi nervous kar rahi thhi aur usski zabaan ko jaise taala lag gaya thha. Ruhi bhi usski jhenp ko samajh gayi thhi. “kya hua vikas. Paseene mein kyun bhar gaye? Theek to ho tum?”
“theek hun yaar... tum batao.. aaj tumhaara kutta kahan hai?”
“mera? Pingu mera kutta nahi hai..”
“to kya kutti hai?”
“shut up.. kya behki behki baatein kar rahe ho. Saath waalon ka hai wo. Wo kuch din ke liye bahar gayi thhe to maine rakh liya thha.. bas...”
“chalo achcha hua... mujhe lag raha thha ke aise hi kisi ki maut ho jayegi mere haathon se...” vikas ne uthte hue kaha.
“par tumhein to wo achcha lagta thha...”
“khaak achcha lagta thha. Dil karta thha usske daant tod kar usske pichwaade mein ghusa doon. Jab bhi dekho mujhe gurrata thha. Usski item pe dore daale thhe kya maine..”
“aaj kyun aisi baatein kar rahe ho.. aur yeh langda ke kyun chal rahe ho? Mere saath ghar chalo.. main kuch laga deti hoon taang pe...”
“arrey nahi yaar.. theek ho jayega... shaam ko milte hain...” vikas ne kaha aur fir dard se karah uttha... usske ghutne mein bahut dard ho raha thha.
“tum kab se itne bahanebaaz ho gaye.. waise to mere ghar aane ka bahana dhoondhte rehte ho aur aaj jab main bula rahi hoon to chal nahi rahe. Chalo apna haath mere upar rakho aur mera sahara le kar chalo. Ab main koi bahana nahi sunungi” ruhi ne kaha to vikas ne apna haath ruhi ke kandhon par dala aur langda kar chalne laga. Jitni ghabrahat usse apni halat par nahi ho rahi thhi, usse zyaada iss baat se ho rahi thhi ke ruhi ko kaise samjhayega ke usske saath kya problem hai.. wo prem ki tarah playboy to thha nahin ke aaram se iss rishte ko kayam rakh paata. Thoda to time ussko lagega hi conversation ko normal karne mein... agar ruhi ko yeh ehsaas ho gaya ke jiss vikas ko woh jaanti thi, yeh wo waala vikas nahi hai to kya hoga....


"apne baare mein aur batao vikas" ruhi ne usski taang par spray karke crape bandage baandhte hue kaha"tumhein kya karna achcha lagta hai, tumhaari hobbies kya hai?"
"kuch zyada nahin yaar. kaam se fursat nahi milti. thoda bahut gaana gaa leta hoon"
"achcha.. kuch gaa ke sunao..."
"ab nahi gaata..."
"kyun?"
"ek baar indian idol ke auditions mein gaya thha, anu malik ke saamne gaaya thha.."
"fir kya hua..."
"jitne bade kalaakaar wo bante hain, unhein aise chappalon se nahi maarna chahiye thha mujhe... ek budding artist ko discourage kar diya puri tarah se" usska yeh kehna hi thha ke ruhi haste haste lotpot ho gayi. has has ke usski aankhon se paani nikalne lag gaya. "sach mein yaar. khud to aise gaata hai jaise gale mein anda fasa hua ho, aur mujhe..."
"bas bas.. aur mat bolo... lagta hai ke main has has ke mar hi jaungi. aaj kya ho gaya hai tumhein... achanak se hi aisi baatein kyun karne lage?"
"main to hamesha se aisa hi hoon ruhi. bas kuch haalat aise thhe ke kitna kuch chaah ke bhi bol nahi paa raha thha. mera dil hi jaanta hai ke pichle 10 din kaise kate hain. bhagwaan aise din to dushmanon ko bhi na dikhaye."
"awww... main samajh sakti hoon vikas. yaad hai.. main bhi tumhaare saath thhi... "
"iss baat ko kaise bhool sakta hoon. tum na hoti to shayad aaj main yahan na hota. kab ka upar pahunch chuka hota. jitna tumne mere liye kiya hai, shayad utna koi kisi ke liye nahi karta" vikas bola aur fir ek lambi chuppi. dono ke paas bolne ke liye kuch nahi thha. vikas ne hi koshish karke chuppi todi. "tum apni hobbies ke baare mein batao.."
"mujhe bhi gaana gaana achcha lagta hai. lekin main auditions mein nahi jaati. bathroom singer hoon.."
"hmm.. to bulao kabhi.. hum bhi sunein kaisa hai tumhaara gaana"
"shut up vikas" ruhi boli aur fir se hasne lagi. na jaane kyun aaj ruhi ke saath reh kar vikas ko nidhi ki yaad aur aa rahi thhi. ussko pata tha ke chahe ruhi kitni bhi achchi kyun na ho aur chahe nidhi mein kitne aeb kyun na ho, par ruhi kabhi bhi nidhi ki jagah nahi le sakti. par vikas ko nidhi ki jagah lene waali nahi chahiye thhi. ussko koi aisa chahiye thha jo nidhi ko usske dimag ke uss kone mein pahuncha de, jahan se usski ek bhi yaad kabhi bahar nikal kar vikas ko tadpaa na sake. aur iss maamle mein ussko ruhi hi theek lag rahi thhi.
"ruhi mujhe tumse ek baat kehni thhi. aasha karta hoon ke tum bura nahi manogi"
"yeh to baat sunkar hi pata chalega. par koshish karungi.. tum bolo"
"dekho humein ek doosre ko jaane zyaada samay nahi hua hai. lekin fir bhi jitna hum dono ne saath saha hai, shayad utnaa koi bhi experience nahi kar paata. iss liye yeh baat kehte hue mujhe aur bhi sharam aa rahi hai" ruhi ko shayad pata chal gaya tha ke wo kya kehne waala hai..
"issmein sharam ki koi baat nahi hai vikas. aur maine tumhein pehle bhi bola hai ke mujhe kuch samay chahiye .. itni aaram se main apne poore future k decision nahi le sakti"
"na na.. wo baat nahi hai. main keh raha thha ke.... woh.. woh.. angoothi agar mujhe mil jaati to achcha hota.... main kabhi bhi aisi angoothi afford nahi kar sakta. main chahta hoon ke apni hone wali biwi ko yeh hi angoothi doon...."
ruhi ka chehra dekhne waala ho gaya thha. ussko lagne laga thha ke vikas ab uss se bore ho raha hai ya usska kahin aur bhi chakkar hai. "vikas tumhaari madat to maine bhi kari thhi, uss angoothi par jitna haq tumhaara banta hai, utna hi mera bhi hai."
"lekin tumne jiss cheez ke liye madat kari thhi, wo tumhein mil chuki hai na ruhi. to ab yeh to meri hi hui"
"theek hai. main monday ko apne bank ke locker se nikal kar de dungi. aur kuch?" ruhi achanak se hi chidchidi ho gayi thhi.
"nahin filhaal to nahin. thoda breakfast mil jaata to achcha lagta." vikas ne apne pet par haath ferte hue kaha.
agle kuch ghante dono ne saath hi bitaye. jahan vikas har pal ruhi ke saamne zyaada comfortable mehsoos kar raha thha, wahin ruhi ko lag raha thha ke vikas usse door hone ke bahane dhoondh raha hai, tabhi aisi behki behki baatein kar raha hai. vikas par usska doubt hona fir se shuru ho gaya thha. tabhi ruhi ke phone ki ghanti baji aur vikas ne dekha ke ruhi phone par baat karte hue kaafi gambhir ho gayi thhi.
"kya hua ruhi.. itna pareshan kyun ho?" usske phone rakhte hi vikas ne poocha.
"ek patient ke yahan se call thha. ek budhdhi aurat hai. mere se 2-4 baar mil chuki hai hospital mein. psychatric treatment ke liye aati thhi Dr. Andrew ke paas. wahin humaari baat cheet hoti thhi. achchi thi bechari. usske yahan se hi phone thha. usski death ho gayi hai aur pata nahi usske lawyer ne kyun mujhe wahan bulaya hai. kahin kisi pachde mein na fas jaoon"
"arrey kuch nahi hoga. mujhe to lagta hai ke apni vasiyat mein tumhaara naam likh diya hoga. kab jaana hai?"
"jitni jaldi ho sake bola. soch rahin hoon aaj hi chali jaoon. thodi packing kar ke agar abhi nikal jaoon to shaam tak waapas aa sakti hoon"
"haan to fir chalte hain na. main bhi naha ke tayaar ho ke aa jaata hoon. fir main bhi saath hi chalunga.."
"tum kyun saath chaloge? maine to nahi kaha ke mujhe kisi ki zarurat hai.."
"mujhe kisi ki zarurat hai. kaafi din ho gaye america aaye lekin kahin ghoomne firne nahi gaya. aaj mauka mila hai to chhodunga thode na. chalo deal kar lete hain. jab tak tum mujhe mere proposal ka jawaab nahi deti, tum wo angoothi rakh lo. badle mein aaj aur kal do din mujhe achchi tarah se ghuma do yeh jagah. mazaa aa jayega"
"yaar ajeeb chipkoo ho tum. chalo theek hai. aur yeh main uss angoothi ke liye nahi kar rahi. sirf isliye kar rahi hoon taaki tumhein thoda achcha lage."
"kitni achchi ho tum. mujhe pata thha ke tum mera dil nahi dukhaogi. chalo tum tayaar ho jao aur main bhi tayaar ho jaata hoon. jaldi niklenge" vikas ne kaha aur apne ghar ki taraf ravaana ho gaya. usska dil bahut hi zor zor se dhadak raha thha. mann mein usske laddu phoot rahe thhe. Ussne bahut movies mein dekha thha ke aise safar hero aur heroine ko paas le aate hain. Issi possibility ne usske dil mein thodi umang bhar di thhi. Kaash usse pata hota ke yeh safar kitna khatarnak hoga...



Ruhi ekdam shaanti se gaadi chala rahi thhi aur vikas usske saath waali seat par baitha kisi bachche ke jaise excited ho raha thha. ho bhi kyun na, ek to pehli baar wo itni sundar jagahein dekh raha thha aur wo bhi ruhi jaisi khubsurat ladki ke saath. har mod par 'yeh kya hai' 'woh kya hai' jaise sawaal vikas pooch raha thha. ussne socha thha ke ek baar ruhi usse khul ke baatein karne lag jaye to shayad usske chances aur bhi badh jayein. par ruhi kuch ek baaton ka jawaab deti aur baaki saari baaton ko nazarandaz kar deti jaise kuch suna hi na ho. asal mein wo apna poora dhyaan road par lagaye hue thhi. iss road par waise bhi log bahut tezz gaadi chalate thhe aur wo nahi chahti thhi ke koi anhoni ho jaye.
thodi door jaa kar ussne gaadi rok di. "vikas tum thodi der yahan ruko. main vakil ke office se ho kar aati hoon"
"main bhi saath chalta hoon na" vikas bola
"nahin tum yahin ruk jao. main dekhti hoon ke kya maajra hai" ruhi boli aur car ki roof gira kar,paas bani ek building mein ghus gayi. vikas ne car ka radio on kiya aur thandi hawa ke jhonkon aur music ka anand lene laga. thodi der mein Ruhi andar se nikal kar aayi to dekha ke vikas zor zor se gaane laga kar so raha hai. jaise hi ussne volume kam kiya, vikas ki neend khul gayi.
"kya bola vakeel. sab theek to hai na..."
"haan.. sab bilkul theek hai. ek ajeeb si baat hai bas.."
"kya ajeeb si baat? buddhi waapas zinda ho gayi kya?? agar haan to yeh ajeeb baat nahi hai, bahut hi ajeeb baat hai"
"aisa kuch nahi hua.."
"fir kya hua aur hum waapas kun mud rahe hain..." vikas ne iss chinta ke saath bola ke shayad unka safar khatam hone ki kagar pe aa gaya hai.
"arrey pata nahin kyun uss buddhi ne apna ghar mere naam kar diya hai... samajh nahi aa raha kyun.. main to ussko zyaada achchi tarah se jaanti bhi nahi thhi.... aur waapas issliye jaa rahe hain kyunki humaara kaam khatam ho gaya hai..."
"ghar tumhaare naam kar diya... yeh to bahut hi achchi bat hai.. kam se kam marne se pehle kuch to achcha kar ke gayi hai... tumhein khush hona chahiye... chalo na ghar dekh kar aate hain.. tumhein pata hain kahan hai wo ghar?"
"haan address to mere paas hai.. lekin wo yahan se thoda door hai.. agar wahan gaye to kaafi raat mein hi waapas aa payenge."
"arrey to tumhein kaun sa jaldi ghar jaa ke baigan pe kala rang karna hai.. poora din hai humaare paas, chalte hain... thodi scenery bhi change ho jayegi aur mazaa bhi aayega" vikas kaafi der tak usski minnatein karta raha jiske baad ruhi boli
"theek hai, magar ek shart hai. tum apni chabad chabad thodi kam rakhoge"
"hadh hai.. itni pyaari baatein tumhein chabad chabad lagti hai.. theek hai, tum bolti ho nahi karunga par plz gaadi waapas ghuma lo. mujhe ghar jaane ka bilkul mood nahi hai. bahut mazaa aa raha"
vikas ke kaafi minnatein karne par ruhi ne aakhirkaar gaadi waapas mod li aur fir ussi road par aage chalni lagi. ussne gaadi vakeel ke office ke bahar roki aur andar jaa kar ussko ghar dekhne ka bol kar, ghar ki chaabi le aayi. fir shuru hua ek lamba safar. poore safar mein vikas bahut chup raha. muh band kiya to usse samajh nahi aa raha thha ke ruhi ki taraf dekhta rahe ya aas paas ke nazaron ka anand le.
"kya dekh rahe ho ghoor ghoor ke.. kabhi ladki nahi dekhi kya ??" thodi der baad ruhi boli
"dekhi to hai, lekin itne kareeb se kabhi nahi dekhi. mujhe lagta thha ke bhagwaan ne mujhe hi fursat mein banaya hai, lekin tumhein dekhkar lagta hai ke main eklauta masterpiece nahin hoon."
"fir shuru ho gaye tum vikas !!... ab hum sheher ki seema ko chhod rahe hain aur country side mein aa gaye hain. ab tumhein door door tak sirf farms hi farms dikhenge." ruhi ne bola aur achanak se break laga di. vikas ekdum hil gaya.
"arrey kya kar rahi ho... aise hi bol deti ke mujhe mat dekho to main doosri taraf dekhne lag jaata... aise maarne ki dhamki mat do"
"nahin.. mujhe laga ke koi saamne khada hai... shayad wehem thha"
"wehem hi hoga. mujhe to koi nahi dikh raha... yeh bhi ho sakta hai ke tumne usse kuchal diya ho... chalo utarkar dekhte hain.." vikas ne bola aur dono gaadi se utar gaye. vikas ne idhar udhar nazar daudayi to dekha poori road khaali hai. ussne ruhi ki taraf dekha to paya ke wo neeche jhuki hui hai.. "arrey itna neeche jhuk ke kya dekh rahi ho.. koi chooha maara hai kya..."
"nahin kuch nahin.. bas thoda ajeeb sa lag raha hai..."
"aisa karo, main drive karta hoon. tum saath mein baith jao"
"nahin.. drive to main hi karungi..." ruhi ne bola aur dono waapas apni apni jagah baith gaye. vikas ko to waise bhi driving nahi aati thhi, ussne to aise hi bol diya thha.
"dhyaan se chalana.. kisi ko udaa mat dena wehem ke chakkar mein..." ussne bola aur wo dono aage chal pade. kuch hi pal mein aasmaan kaale baadalon se ghir gaya. "lagta hai mast baarish hone waali hai. aur kitni door hai ghar...."
"GPS pe to dikha raha hai ke 3 km pe hai. to pahunchne hi waale honge" ruhi ne kaha aur car ki chhat waapis chadha di. thodi aage badhe to unhein raste mein ek naujawan khada dikha. ruhi ne apni gaadi usske paas roki aur usse uss ghar ka pata poocha. aankhein phaade wo naujawan ruhi ki taraf dekhta raha. "arrey kya ho gaya hai... batao na pata...."
"abhi to tum keh rahi thhi ke pahunchne waale hain.. ab beech sadak mein rok kar mujhse hi pata pooch rahi ho... tumhein kya ho gaya hai ruhi..."
"tumse nahin uss aadmi se pooch rahi hoon jo wahan khada hai..."
"wahan koi nahin hai ruhi.. tumhein kya ho raha hai... jaldi se gaadi chaalu karo aur aage chalo..." ruhi ke samajh mein kuch nahi aa raha thha. ab wo aadmi bhi usse dikhna band ho gaya thha. aabadi ko to wo log waise bhi thoda peeche chhod hi aaye thhe. tabhi unko aage ek bada sa bangla dikha. "yeh hi hai shayad"
"wow.. yeh to bahut bada hai.. budhiya akeli rehti thhi yahan ? no wonder pagal ho gayi thhi. itni badi haweli aur ek akeli budhi... bhagwan bhi kaise kaison ko kitna kitna de deta hai"
jab gaadi paas mein aayi to vikas ne gaur se poori haweli ko dekha. yeh haweli koi bahut hi purani lagti thhi. aas paas bahut hi bada maidan thha. jhaadiyaan bhi bahut thhi. shayad kaafi samay se gardening nahi hui thhi jisske karan chaaro ore patte phaile hue thhe aur ped paudhe bhi bade ajeeb dhang se badh rahe thhe. kuch paudhe to itne lambe ho gaye thhe ke haweli ke 2nd floor ki kuch windows ko bhi cover kar liya thha. dekhne mein wo bilkul bhoot bangla lag raha thha. vikas ki to bahar se hi fatt rahi thhi, upar se tez baarish bhi shuru hone lag gayi thhi. tez badal garaz ke baras rahe thhe jaise ke aaj hi apna saari paani khatam kar denge.
"chalo ruhi ab bangla dekh liya, ab waapas chalte hain" vikas ne gaadi mein hi baithe hue bola
"arrey.. ajeeb aadmi ho tum.. itni door aa gaye hain to andar to ghusenge hi"
"yaar baarish bahut ho rahi hai.. pata nahi andar koi batti wagerah bhi hogi ke nahin.. kahan thokre khayenge.. waapis chalte hain..."
"ha ha ha.. kahin tumhein darr to nahi lag raha?? daroo mat... main hoon na... rape nahin karungi tumhaara aur na hi hone dungi..."
"arrey tum rape kar do yehi to main chahta hoon... par tum ho ke... chalo chhodo iss baat ko... pakka hai ke itni baarish mein jaana hi hai..."
"arrey daro mat.. aao.." kehte hue ruhi ne darwaza khola aur daud ke bangle ke chabootre par ja pahunchi aur apne baalon se paani ko jhatakne lagi. vikas ne pehle to jee bhar ke ussko dekha, aur fir usske peeche peeche daudta hua bangle ke darwaze tak pahunch gaya



"main abhi bhi keh raha hoon ke andar jaana theek nahi hai.. pata nahi light hogi ya nahi.. isse pehle ke baarish aur tez ho jaye, humein chalna chahiye ruhi. kahin raat bhar yahin na atak jayein' vikas bola
"tum to aise hi darr rahe ho... kiss baat ka darr hai?? bhoot ka?? bhoot voot kuch nahi hota... sab dimag ka hi bhram hai.." ruhi ne ghar ka darwaza kholte hue kaha
"ab kaise samjhaun tumhein ke bhoot sach mein hote hain.. mere kuch interactions ho chuke hain inke saath.. issi liye to inse darr lagta hai" vikas ne socha lekin kuch bolne ki himmat nahi juta paaya.darwaza khulte hi ruhi ghar ke andar ho li aur peeche peeche vikas bhi andar ghus gaya.
andar ghupp andhera thha. aaspaas cheezon ki outline hi dikh rahi thhi lekin andhera zyaada hone ke karan kuch kaha nahi jaa sakta thha ke kahan pe kya pada hai. vikas side pe thoda sa hi chala thha ke usski thokar kisi cheez se hui.."pencho yeh kya lag gaya" wo dard mein karahta hua bola
"dhyaan se vikas... dekho shayad aas paas koi switch hoga light ka" ruhi ne kaha to vikas ne apni jeb se lighter nikala aur usski roshni mein switch dhoondhne laga. kuch hi palon mein ussko switch mil gaya jisko on karte hi saara bangla roshni mein chaundhiya gaya. andar se bangla bahar ke muqable zyaada bada lag raha thha. construction bilkul purane zamaane ke mehlon ki tarah thhi - oonchi si chhat jismein se latakta ek jhoomar. 2 sides ki deewaron pe alag alag logon ki paintings lagi hui thhi. paintings itni sajeev thhi ke poocho mat. bas aisa hi lag raha thha ke abhi frame se nikal kar bolne lagengi. tabhi usske kandhe par ek haath aaya jisse wo buri tarah chaunk gaya
"ha ha ha.. itna kyun darr rahe ho vikas... tum to sach mein hi bahut darpok ho" ruhi boli
"darra nahin thha chaunk gaya thha. bahut concentration ke saath wo waali deewar dekh raaha thha na isliye.."
"aisa kya hai uss deewar mein..."
"sabhi frames mein koi na koi painting lagi hui hai, par ek frame khali hai. wo dekho" vikas ne ishara karte hue ruhi ko dikhaya
"hmm.. lagta hai isspe kisi ki painting lagani hogi lekin laga nahi paye..."
"painting lagane se pehle hi frame kaun taang deta hai.. aur agar painting nahi lagayi, to khaali frame ko utaar dena chahiye thha, badi ajeeb baat hai"
"arrey tumhein kya iss ghar pe thesis likhni hai jo chhoti chhoti baaton ko over analyze kar rahe ho?? khali frame hai to hai. tumhein kya lena dena? chalo baaki ke kamre dekhte hain" ruhi bahut hi excited thhi.. aur ho bhi kyun na.. ghar baithe baithaye kissko itni badi property gift wrap kar ke mil jaati hai. vikas ko to ruhi se thodi si jalan bhi ho rahi thhi. lekin wo kuch kar bhi to nahi sakta thha. ussko yeh bhi darr thha ke kahin ruhi itne paison ke milte kisi aur ko apna pati na chhun le. yeh sab sochta hua wo dheere dheere ruhi ke peeche peeche ghoom raha thha aur saare kamre dekh raha thha. haweli ki dekhbaal andar se to bahut kari jaati hogi, tabhi har ek kamra bilkul tareeke se sajaya hua thha. shayad yahan kaafi naukar chaakar rehte honge.
sab kamre dekh dekh kar wo dono 1st floor pe pahunche. jo vikas ko bahar se 2nd floor lag raha thha asal mein wo 1st floor thha. uss bangle ka ground floor itna ooncha thha ke usmein lengthwise 2 jagahon pe khidkiyan lagi hui thhi jisse vikas ko bahar se dekhne mein bhram hua thha. 1st floor pe chhote chhote dher se kamre thhe. shayad yeh naukaron ke liye thha. har kamre mein zarurat ka samaan tha aur safai bhi ekdum theek tarah se thhi. shayad yeh ghar aaj hi khaali kiya gaya thha.
"vikas... yahan aao to jaldi se" vikas ko ruhi ki awaaz sunayi di to usse ehsaas hua ke ruhi usske aas paas nahi hai. wo fatafat jiss room mein thha uss se bahar nikla aur ruhi ko khojne laga. tabhi ussne dekha ke kone mein ek darwaaza khula hai aur ussmeiin se roshni aa rahi hai. wo fatafat uss taraf ho liya.
andar jaa kar dekha to uss darwaze aur usske peeche ki deewar mein zyaada antar nahi thha. takreeban 6 ft ka room thha aur usmein ek seedhi lagi hui thhi jo ke upar ke ek suraakh mein ghusi hui thhi. "upar chadh gayi kya" neeche se upar jhaankte hue ussne bola. uss surakh mein kaafi andhera sa dikh raha thha
"haan main upar hoon. tum bhi aa jao" ruhi ne kaha to vikas bhi upar chad gaya. woh ek attic thha jismein sar utha kar chalne jitni jagah nahi thhi. wo kisi tarah se sar bachata hua ruhi ke paas pahuncha to dekha ke usske haath mein ek candle hai. ussne apne lighter waapas nikaala aur uss candle ko jala diya. "hmm... lighter rakhte ho.. matlab cigerette bhi peete hoge.." ruhi ne bola
"rakhne ko to kanghi bhi rakhta hoon. isska yeh matlab thode ke naayi bhi hoon. over analyze mat karo aur batao ke kyun bulaya hai"
"yeh dekho ek sandook pada hai. chalo dekhte hain ke ismein kya hai"
"yaar tum to sach mein pagla gayi ho. ab to yeh ghar tumhaara hi hai. kisi aur din aate hain. abhi waapas chalte hain. kabhi to meri bhi koi baat ko maan liya karo. theek hain thoda pagal hoon, lekin itna bhi nahi ke har baar pagalpan ki baatein hi karun"
"arrey yaar tum ne to dil pe hi le liya. itni jaldi kya hai.. kya karna hai tumhein ghar jaa ke? koi intezaar kar rahi hai kya? pehle tum ghar jaane ko raazi nahi thhe, ab rukne ko raazi nahi ho.. ho kya gaya hai tumhein?"
"aisi koi baat nahi hai. bas mujhe achcha sa nahi lag raha yahan. yahan ka sannaata ek mayoosi ban ke mere rom rom pe chaa raha hai aur mujhe lag raha hai ke humein yahan se jaldi nikalna chahiye"
"hadh hai yaar. itni door tak aayein hain aur ab jaldi nikalna hai tumhein. theek hai.. jaisa tum theek samjho... chalo niklo fir yahan se. agli baar main akeli hi aaungi" thoda jhallaate hue ruhi ne bola aur vo dono neeche utar utarne ke liye waapas mude. vikas aage aage thha aur ruhi peeche. tabhi ussne ek kone mein kapde se dhakha hua kuch dekha. na chahte hue bhi wo usski taraf badhi aur uss kapde ko hataa diya. dekha to peeche ek bada sa aaina pada hua thha. aaine ki khubsurati dekhte hi banti thhi. aaine ka fram sone jaisi kisi cheez se bana hua thha jisspar bahut hi bariki se koi design bana hua thha. shakal dekhne waali jagah bhi ekdum smooth thhi. ruhi ko samajh nahi aa raha thha ke yeh aaina yahan pe kya kar raha hai. issko to neechehall mein hona chahiye thha. ussne uss aaine ko choone ke liye haath aage badhaya ke tabhi neche se vikas ki awaaz aayi.
"chalogi ya upar hi sone ka iraada hai?". bina choohe hi ruhi ne apna haath waapas kheench liya aur neeche utar kar vikas ke peeche ho li. gusse mein ruhi vikas ki taraf dekh bhi nahi rahi thhi. lekin vikas par isska koi asar nahi pad raha thha. wo bas yahan se jald se jald nikalna chahta thha. ussko andar se feeling aa rahi thhi ke aaj kuch galat ghatna ghatne waali hai. ruhi ko jaldi se ghar se bahar nikal kar ussne lights off kari aur daraaze mein taala laga diya. bahar baarish abhi bhi zoron se chal rahi thhi. bheegte bheegte wo donon gaadi tak pahunche aur andar ghus kar baith gaye. halanki abhi shaam hi thhi, lekin baadlon ke karan ek bahut hi ghana andhera chaaya hua thha. ruhi ne car start karne ki koshish kari lekin car start nahi ho rahi thhi. 4-5 baar try karne ke baad ussne haarmaan li
"lagta hai engine mein kuch kharaabi aa gayi hai."
"dekha.. main pehle hi bol raha thha ke chalte hain.. le lo maze ab. pade raho iss gaadi mein hi raat bhar" gusse mein vikas bola
"arrey gussa kyun ho rahe ho.. kaun sa maine kharab kari hai... aur yahan kyun raat bitani hai jab ghar ke bahar hi gaadi khadi hai to... andar sab kuch saaf hai, aaram se bedrooms mein soya jaa sakta hai"
"jiss ghar se door hone ki koshish kar raha thha, wahin pe ab raat bitaani padegi.. kaisa ajeeb chakkar hai yeh... mann kar raha hai ke iss gaadi ka engine hi nikal ke phod doon. sahi samay pe dhokha de gaya"
"vikas tum kyun pagalon jaisi baatein kar rahe ho? ek raat ki hi to baat hai. kal subah kuch na kuch dekh lenge... abhi to mobile mein signal bhi nahi aa rahe hain..."
"sab ulta abhi hi hona thha. meri baat ka yakeen karo, mujhe yeh haweli theek nahi lag rahi hai'
"bhaad mein jao tum, aur bhaad mein jaye tumhaari soch. main andar jaa rahi hoon. tumhaara mood kare to aa jaana, nahin to yahin gaadi ke andar baith kar sadte rehna. ajeeb pagalpan chadh gaya hai tumhaare upar" ruhi ne kahaa aur zor se darwaza patak ke bandh kar ke waapas ghar ke chabootre par pahunch gayi. wahan jaa kar ussko yaad aaya ke chaabi to vikas ke paas hi reh gayi hai to ussne vikas ko cheekh kar chaabi ke baare mein bola
"aa raha hoon le kar... yahan akela sone se to achcha hai ke andar saath mein hi marein" ussne kaha aur chaabi le kar ruhi ke paas chala gaya



darwaaza khol ke andar ghuste hue vikas ko bahut hi ajeeb lag raha thha. koi darr maano usske zehen mein baith gaya thha. par yeh kyun thha, wo bhi samajh nahi paa raha thha. ussne light on kari aur fir se wo kamra roshni se nahane laga. kamre ke saath vikas ka mood bhi thoda theek hua. ussne decide kar liya ke jo bhi ho, aaj ke liye to yahan fas hi gaya hai to ab zyada sochne se kuch faayda nahin hai. ussne idhar udhar dekha to ruhi usse nahin dikhi.
"ruhi... kahan chali gayi ho.." wo thoda zor se chillaya.
"yahin hoon. apne joote utaar rahi hoon taki gandagi ghar ke andar naa aaye" ruhi ne darwaze ke bahar se bola. "itni zor se kyun chilla rahe ho tum... behra samjha hai kya mujhe"
"maine socha pata nahi kahan chali gayi.. isliye bola. ajeeb ho tum, chintit hoon tumhaare liye aur tum mujhpe taane kas rahi ho." vikas ne kaha aur tab tak ruhi bhi andar aa gayi. "ek kaam karte hain. ek ek kamra le lete hain aur thoda aaram karte hain. jaise hi baarish rukegi, gaadi ka hisaab kitaab dekhta hoon main"
"theek hai, jaisa tum chaho karo, mujhe neend nahi aa rahi. main waapis uss kamre mein jaa rahi hoon dekhne ke liye ke wahan kya kya hai" ruhi ne kaha aur upar ki taraf chal di. vikas bhi khij ke upar ki taraf chal diya, usska iraada ruhi ke saath jaane ka nahin thha. wo to bas upar ke ek kamre mein jaa kar letna chahta thha. 1st floor par pahunchte hi ruhi attic ki taraf chali gayi aur vikas seediyon ke paas pehle kamre mein jaa kar bistar par fail gaya.
ruhi ke dimag mein abhi bhi wo aaina ghoom raha thha. usski khubsurati ko wo kitni bhi koshish kare, bhula nahi paa rahi thhi. ussko yeh bhi taajub thha ke itna sundar aaina koi dhak kar aur chupaa ke kyun rakhega. iss baar ussne pehle se hi neeche se matchboz utha li thhi aur bina koi samay barbaad kiye, seedhi upar chadhi aur candle jalaa kar uss aaine ke paas aa gayi. tabhi ek thandi hawaa ka jhonka aaya jisse wo candle bujh gayi aur chaaron ore sirf andhera chaa gaya. ruhi ne idhar udhar sar ghumaya to dekha ke ek chhoti si khidki khuli hui hai. ussko yaad nahi thha ke yeh khidki pehle khuli hui thhi ya nahin. itna to pakka thha ke pehle iss room mein hawa to nahi beh rahi thhi. in sab baaton ko apne khayal se bahar kar wo aage badhi aur kisi tarah se uss khidki ko band kiya. fir wo waapas uss aaine ke paas aayi aur neeche jhuk kar candle ko uthaya. jaise hi candle jali, usske hosh udd gaye. ussko aisa laga jaise usske saamne koi aurat khadi hui hai.
ek pal ke liye ruhi ki saansein maano thham si gayi. doosre pal usse realize hua ke yeh ussi ka pratibimb hai jo aaine mein dikh raha hai. apni bewakoofi par ussko thodi hasi aayi aur wo aaine ke thoda aur paas ho kar usska nirikshan karne lagi. uss aaine mein kuch to baat thhi ke usski nazarein uss par se hat nahi rahi thhi. ussne apna haath aage badha kar sheeshe ko chua to paaya ke sheesha paani jaisa hai jissko choote hi usska haath thoda sa sheeshe ke andar chala gaya. hairat se usski aankhein phati ki phati reh gayi. musibat tab shuru hui jab ussne apna haath bahar nikalne ki koshish kari. ussko aisa lag raha thha ke koi ussko uss sheeshe ke andar kheench raha hai. ussne poori taqat se apna haath bahar kheenchne ki koshish kari lekin wo jitna zor lagaati, utne hi zor se andar ki taraf khichti rehti. ussne apna pura dum laga ke "vikas vikas" chilaana shuru kar diya.
vikas ki neend achanak hi tooti aur ussko laga ke koi usse pukaar raha hai. ussne dhyaan se sunne ki koshish kari lekin ab koi bhi awaaz nahi aa rahi thhi. fir bhi wo utha aur attic ki taraf chal pada. upar gaya to paya ke attic mein ghup andhera hai aur ek khidki bhi khuli hui hai jisse poori jagah barf ki tarah thandi ho gayi thhi. ussne apna lighter jalaya aur sabse pehle jaa kar wo khidki bandh kari. fir paas se candle utha kar usse jalaya aur ruhi ko dhoondhne laga. par ruhi ka kahin namonishan nahi thha. usne socha ke shayad ruhi kahin aur ho aur neeche jaane ke liye jaise hi muda to usski saansein attak gayi. ruhi usske bilkul peeche khadi thhi aur usske baal saamne aaye hue thhe. aisa lag raha thha maano ruhi nahi koi bhoot hai. wo ekdum kisi butt ki tarah khadi thhi apna sar jhuka ke. shayad saans bhi nahi le rahi thhi.
"ruhi" sehma sa vikas usske paas hua aur apna haath usske kandhe par rakha. "ruhi...." lekin ruhi ne koi pratikriya vyakt nahi kari aur waise hi khadhi rahi. vikas ne uska kandha pakad kar zor se hilaya to wo vikas pe gir gayi. usski saansein to chal rahi thhi par bahut zor zor se. vikas ne kisi tarah se candle bujha kar neeche ki ore kheecha aur ussko ussi kamre mein le aaya jahan par wo aaram kar raha thha. usski haalat dekh kar vikas ke hosh udde hue thhe. ussko samajh nahi aa raha thha ke ruhi ko hua kya hai. ussne bed ke paas rakhe jug mein se thoda paani liya aur usska ek cheenta ruhi ke muh par maara jisse wo hadbada kar uth gayi aur aankhein phaad kar idhar udhar dekhne lag gayi. "kya hua ruhi.. yeh paani pee lo" usne jug uske saamne badhaya to ruhi ne wo jug le kar ek saans mein hi saara paani pee liya. vikas bas hairat se usski taraf hi dekhi jaa raha thha.
"paani.. aur paani laao.. bahut pyaas lagi hai mujhe" ruhi ne bola to vikas ki phat ke chaar ho gayi. usski awaaz ajeeb si ho gayi thhi. "jaldi se paani lao na vikas" ab ki baar usski awaaz bilkul normal thhi. vikas ko laga shayad ussko bhram hua thha pehle. wo jaldi se neeche aaya aur kitchen ki taraf gaya jahan ussko pata thha ke water filter laga hua hai. abhi wo jug bhar hi raha thha ke fir usse ruhi ke zor se chillaane ki awaaz aayi. wo jaldi se kitchen se bahar nikla aur hall mein se hokar upar ki seedhiyon par chadhne hi waala thha jab usski nazar paas ki deewar par gai. ussko yakeen nahi hua jo usse dikh raha thha. pakka karne ke liye wo seedhiyon ke paas se hataa aur uss deewar ke paas chala gaya aur ek tasveer par haath ferne laga. jo frame thodi der pehle tak khaali thha, ussmein ab ek tasveer aa gayi thhi. aur vo bhi koi aisi waisi tasveer nahi, ruhi ki tasveer.


vikas ki ab aisi haalat thhi ke kaaton to khoon nahi. ussko samajh nahi aa raha thha ke yeh kya chakar hai aur ruhi ki tasveer us frame mein kaise pahunch gayi. us ko yeh to ehsaas ho gaya thha ke ho na ho ruhi ke upar kisi shaitaani aatma ne kabza kar liya hai. par ussko yeh nahi samajh aa raha thha ke ab wo kare kya. kaise ruhi ko theek kare? tabhi ussko fir se upar se cheekhne ki awaaz aayi aur wo bhaga bhaga upar chala gaya. ruhi bistar par leti tadap rahi thhi. ussne pani ke jug ko bedside table par rakha aur usske paas baith kar usska sar apni god mein rakh kar uske baalon mein haath ferne laga
"ruhi... kya hua tumhein.. kuch to batao.." wo usse bolne laga lekin wo bas tadapti jaa rahi thhi. achanak se usska badan ekdum dheela pad gaya wo shaant ho gayi. vikas ne fir usska naam le kar usse jagane ki koshish kari. kuch palon baad ruhi ki aankhein khul gayi.
"paani.. bahut pyaas lag rahi hai mujhe .. paani do.. plz mujhe paani do" vo bolne lagi to vikas ne jug usske saamne kar diya. awaaz se wo normal lag rahi thhi. jaise jaise wo paani pee rahi thhi, usske chehre ka rang wapas aa raha thha.
"kya ho gaya thha tumhein ruhi achanak se.. pata hai main kitna darr gaya thha" vikas ne bola to ruhi usski taraf ghoorne lagi. "aise mat dekh yaar. kuch to bol" usne kaha lekin ruhi ne kuch nahi bola. vikas ki ab aur bhi phatt rahi thhi. ek pal ko to usse khayal aaya ke sab kuch chhod ke bhaag jaye. lekin shayad ruhi ki chahat ne ussko rok ke rakha hua thha.
"vikas. mere paas aao" achanak se hi ruhi ne normal awaaz mein bola
"paas hi to hoon ruhi. aur kitna paas aaon? tumhaare muh mein ghus ke baith jaun kya" vikas ki halat itni kharab ho rahi thhi ke usska apni zabaan pe control nahi ho raha thha. ruhi ne apna haath aage badha kar ussko apni taraf kheench liya. usska haath ekdum thanda pada thha aur uske sparsh se vikas ke shareer mein ek sihran daud gayi.
"itne paas aao vikas. mujhe yeh doori achchi nahi lagti. tum paas ho to lagta hai ke sab theek ho jayega" ruhi ne ussko apne seene se lagate hue kaha
"arrey kya ho gaya hai tumhein ruhi.. kaisi baatein kar rahi ho.." vikas ne ruhi ko dhakel diya aur khada ho gaya. thoda thoda wo blush karne laga thha.
"mujhe pata hai vikas ke tumhein kya chahiye. aaj jab mauka mila hai to tum kyun hichkicha rahe ho?"
"main tumhein pyar karta hoon ruhi.. tumhaare jism ki chaahat nahi hai mujhe."
"sab jaanti hoon main vikas. sab jaanti hoon. agar main aisi hoti to kya fir bhi tum mujhe pyaar karte" ruhi ne kaha aur usska chehra ekdum jhurriyon se bhar gaya. aisa lag raha thha jaise wax ka kisi statue pe thodi garmi daal ke usko halka sa pighla diya hai. vikas ki phatt ke chaar ho gayi. lekin fir bhi ussne himmat nahi haari.
"haan. aise bhi tumhein pyaar karunga main ruhi" kissi tarah ussne apne muh se awaaz nikaal kar kaha.
"ha ha ha ha ha. tum kya samajhte ho mujhe pata nahi hai ke tumhaare dimag mein kya chal raha hai? sab pata hai mujhe.. sab pata hai.." ab usski awaaz waapas bhaari ho gayi thhi aur aankhein badi badi ho gayi thhi
darr ke maare vikas peeche hua aur gir gaya. "kaun ho tum.. kya chahiye tumhein..." wo kisi tarah se bola lekin koi jawaab nahi aaya. ruhi ka shareer fir se aise hilne laga jaise ussko current lag rahe ho aur wo bistar par tadapne lagi. vikas utha aur bhaag ke kamre se bahar ho gaya aur sochne laga ke kya kiya jaye. abhi wo soch hi raha thha ke ussne dekha ke ruhi theek uske peeche khadi hai. usske kadam zameen par nahi lag rahe thhe. wo hawaa se suspended thhi. kis cheez ke saath suspend kiya gaya hai, vikas ko pata nahi chal raha thha. achanak se wo ek lambi cheekh maar ke vikas ki taraf udti hui aayi aur usse chipak kar usska gala ghontne lagi.
apne aap ko bachane ke liye vikas peeche ho raha thha aur usska pair seediyon si fisal gaya. par wo neeche girne ki bajaye hawaa mein hi latka raha. usska dam ghut raha thha. tabhi ruhi ke muh se ek zordar cheekh nikali aur wo vikas ko wahin fenk kar cheekhti hui ussi kamre mein ghus gayi jahan se nikali thhi. vikas ke sar par neeche gir ke chot aayi. sab kuch usske aage ghoomne laga aur wo wahin pe behosh ho gaya



Pata nahin vikas kitni der tak behosh pada raha, par jab usko hosh aaya to bhi bahar andhera hi thha. Ek pal ke liye to wo samajh hi nahi paya ke kya ho raha hai, lekin fir ussko waapas badi bhaari si hasne ki awaaz aayi jisse ussko saari baatein fir yaad aa gayin. Dard sa usska sar phata jaa raha thha aur kuch bhi sochne samajhne ki Shakti abhi usmein nahi thhi. Wo kitchen mein gaya aur apne sar par thhoda thanda paani dala aur kaafi paani piya. Fir wo sochne laga kea age kya kiya jaaye.
Jahan tak wo samajh paa raha thha, ek baat to pakki thhi – ke iss aatma ko kaabu mein kiya jaa sakta hai. Nahin to wo budhiya yahan itne din tak naa reh paati. Thoda sochne par yeh bhi clear ho gaya ke shayad wo aatma neeche nahin aayegi kyunki ussko kuch to aisa dikha thha jisse wo ekdum darr gayi thhi. Ussne diwaar ka muaayna kara lekin wahan pe sirf paintings hi lagi thhi. Ussko laga thha ke shayad koi bhagwaan ki murati ya painting hogi lekin wahan aisa kuch na thha. Ussne thoda socha to iss nateeje par bhi pahuncha ke ho na ho uss budhiya ka room neeche hi kahin hoga. Ussne jaise hi budhiya ka room dhoondhna start kiya, usske kaano mein fir se ek zordaar cheekh padi aur usski dhadkanein ekdum se ruk gayin.
“hey bhagwaan… kahan phansaa diya tune… na saala uss din prem mujhe milta nay eh sab kuch hota” uss ne socha aur achanak se usske dimag ki batti jail..”prem… prem mere yaar.. kahan hai tu… mujhe yakeen hai tu mujhe sun sakta hai… prem please meri madat kar yaar. Kahan fasaa ke bhaag gaya hai mujhe tu” wo zor zor se bolta raha par ussko ehsaas nahi hua ke prem usske paas aaya hai ya nahin. Ruhi ki cheenkhein abhi bhi ussko sunayi de rahi thhi aur darr ke maare usski haalat patli thhi.
“vikas plz mujhe bachao. Vikas help” ab jo awaaz aa rahi thhi wo puri ruhi ki hi thhi aur dard mein bhari hui thhi. Vikas apni parwah kiye bagair upar bhaaga. Ussne dekha ke ruhi ki aankhhein normal ho chuki hain. Ruhi rote hue vikas ke saath chipak gayi. “plz mujhe bachao vikas. Pata nahin kya ho raha hai” usne bola
“tension mat lo ruhi. Main hoon na. sab theek ho jayega” wo ruhi ki peeth par haath ferte hue bola. Ruhi ne ussko zor se jakkad liya aur zor zor se hansne lagi.
“kya theek karega tu vikaaaaaaaaas” haste hue wo boli. Vikas apni puri koshish karta raha par usski jakkad se choot nahi paaya. Ussne vikas ko utha ke darwaze se door phenk diya aur darwaaza band kar diya aur fir zor zor se hasne lagi. Wo dheere dheere vikas ki taraf badhne lagi. Vikas ko samajh aa gaya kea b usski khair nahi hai. Ussne ek aakhri koshish karne ki thaan li
“ruhi.. main jaanta hun tum meri baat sun sakti ho. Mera jawaab do ruhi… aise haar mat maano…” vikas ne bola to ruhi ka sharer wahin ruk gaya jaise kuch sochne lag gaya ho.
“vikas.. mujhe bachao” ruhi ki awaaz aayi aur ruhi zameen par gir gayi. Ek pal mein vikas ne decide kar liya ke pehle use apni jaan bachani chahiye taaki ruhi ki jaan bacha sake. Isse pehle ruhi uthe, wo lapak ke darwaaze ke paas hua aur latch khol diya. Wo bahar nikalne hi waala thha ke ruhi ke haath ne usska pair pakkad liya
“ruhi.. chhodo mujhe.. chhod do nahin to dono maare jaayenge ruhi.. suno meri baat. “ wo bolta raha par pakkad dheeli nahi pad rahi thhi. Ussne apna poora zor laga kar ruhi ko apne saath bahar khenchna shuru kar diya. Apna poora zor laga ke bhi wo kheenchta to mushki se inch bhar aage badhta thha. Ussko aisa lag raha thha jaise usske pair ke upar kisi ne ek pahaad baandh diya ho. Ab usska ruhi ruhi kehne ka bhi koi asar nahi ho raha thha. To ussne apni raag badly.. “dekho tum job hi ho, humein chhod do. Humne tumhaara kya bigaada hai… main tumhaari madat kar sakta hoon. Kaafi logon ko maine mukti dilayi hai. Tumhein bhi dila sakta hoon. Bas humaari jaan baksh do.” Ussne itna bola hi thha ke ruhi ki aankhein khul gayi. Wohi daraawni badi badi safed aankhein vikas ko ghoorne lagi. Ussko laga ke usska daav ulta pad gaya hai to wo waapas ruhi ko bulane laga “ruhi.. himmat mat haaro. Agar aaj tum himmat haar gayi to jaan se haath dhona padega.. ruhi meri baat sun rahi ho naa.” Wo bolta jaa raha thha aur bahar ki taraf jaane ki koshish karta jaa raha thha. Kaafi mashakkat karne ke baad wo uss kamre se bahar nikal gaya par ruhi bhi usske saath hi chipki hui thhi. Tabhi ussko ehsaas hua ke usski jeb mein se usske mobile ki awaaz aa rahi hai.
“mobile kyun bajne laga ab” ussne socha aur jeb se nikal liya. “hello”
“darvaaza kholo vikas. Mujhe bahar sadak par hi rakhne ka iraada hai kya..” usske kaano mein ruhi ki awaaz ki goonj sunayi padi. Achanak se usski aankhein khuli to ussne paya ke wo car mein hai aur bahar tez barsaat ho rahi hai aur ruhi bhi bahar bheeg rahi hai.
“sorry sorry” keh kar ussne car ka darwaaza khola
“itni gehri neend mein so rahe thhe tum ke mujhe doubt ho raha thha ke kahin kuch ho to nahin gaya tumhein” ruhi thode chintit swar mein boli
“haan.. pata nahin kaise neend aa gayi… bura sapna dekh raha thha. Kya bola vakeel??”
“zyaada nahin. Bas yeh hi ke wo buddhiya ne apni saari zameen donate karne ki baat kari hai. Ek baar uss ne mujhse bhi poocha thha orphanages ke bare mein. Sab kuch theek se ho jaye, isske liye ussne meri dekhrakh mein yeh sab karyawahi karne ko bola hai.”
“ohh achcha… to ab hum kahan jaa rahe hain…”
“bas wo property dekh lete hain. Wo bata raha thha ke kaafi sundar hai. Humaari ho nahi sakti to kya hua, ussko dekh to sakte hain. Chaabi le aayi main”
“ruhi plz ghar chalte hain. Meri tabiyat theek nahi lag rahi. Abhi tum waapas kar do chaabi. Kabhi aura aa kar dekhenge.”
“arrey itni door aa hi gayein hain to dekh lete hain na. kya harz hai” ruhi thodi chidchidi ho kar boli.
“maine bola na, meri tabiyat theek nahi hai. Plz ruhi. Waapas chalte hain” vikas ke bahut kehne ke baad ruhi ne wo chaabi vakeel ko waapas kar di aur gaadi ghuma di. Ussko samajh nahi aa raha thha ke vikas ko achanak se kya ho gaya hai. Doosri ore vikas ne badi chain ki saans li ke jo kuch ussne sapne mein dekha thha, usska sach hone ka koi sawaal hi nahi uthega ab.


Waapas jaate hue ruhi ne vikas se kayi baar baat karne ki koshish kari. lekin vikas khul kar usski koi baat ka jawaab nahi de raha thha. thodi der baad ruhi ne bhi kuch bolna band kar diya. wo bas issi baat se pareshan thhi ke aakhir vikas ko ho kya gaya hai. halanki vikas ne tark diya thha ke usski tabiyat kharab hai, lekin wo ek doctor ko murakh nahi bana sakta thha. fir bhi ruhi ne socha ke chhoto baat ko. jab vikas hi interested nahi hai to kyun wo usske sar par sawaar ho. ussne apni poori concentration road par rakhi aur jald hi wo log ghar pahunch gaye. ruhi pehle vikas ko chhodne ke liye usske ghar par gayi. vikas seat pe baitha gehri neend mein so raha thha.
"vikas... vikas..." ussne vikas ko thoda sa hilaya to vikas sakpaka ke uth gaya.
"haan haan... ohh.. pahunch gaye ghar... theek hai.. kal milte hain..." kehta hua wo gaadi se bahar nikla aur apni building ki taraf chala gaya. ruhi bas ussko taakti hi rahi ke jo aadmi subah itna enthusiastic thha, wo achanak se hi aisa kaise ho gaya. ussko laga ke shayad yeh bhi vikas ki personality ka hi part hai. Shayad wo vikas se kuch zyaada expectations laga ke baithi thhi. Ussne ek thandi aah bhari aur gaadi ko mod kar apne flat ki taraf ka rukh kar diya.
Vikas seedha apne bistar par gaya aur let kar chhat ko taakne laga. aaj jo kuch bhi hua thha, wo ussi ke baare mein soche jaa raha thha. bhoot ke khayal se ussko itna darr nahi lag raha thha jitna ke uss sapne ke 'Deeper Meaning' se lag raha thha. ussko ehsaas ho raha thha ke iss duniya mein wo abhi bhi bahut akela hai. chaahe ussko kitni baar bhi prem ki kami mehsoos ho, ya wo prem ko kitna bhi yaad kare apni mushkilon se nikalne ke liye, sach to yeh thha ke prem usski zindagi ka ek beeta hua chapter thha jo ab close hi chuka hai. pichle kuch samay se prem usski saari mushkilein dheere dheere hal karne ki koshish kar raha thha aur ab vikas ko aisa lag raha thha ke wo prem ke bina apni koi mushkil hal nahi kar payega. doosri taraf ruhi ka khayal bhi ussko reh reh kar aa raha thha. sapne mein apne aap ko bachane ke liye ussne kitni bhi koshishein kari ho, par wo safal nahi ho paa raha thha. kahin aisa to nahin ke wo ruhi ke liye bana hi na ho..... wo ruhi ko pyyar to de sakta thha, par shayad social security nahin. kya ussko sach mein ruhi se door ho jaana chahiye.. in khayalon se jhoojhte hue kab usse neend aa gayi, usse pata hi nahi chala.
agla din bhi chutti ka thha aur vikas ki haalat kuch zyada theekh nahi thhi. wohi sawaal usse abhi bhi pareshan kare jaa rahe thhe. usne ruhi ko phone kar diya ke usse koi kaam hai aur aaj wo dono nahi mil sakte aur poora din apne ghar mein hi band raha. reh reh kar usse aisa lag raha thha ke wo apni pichli zindagi ki taraf mudne waala hai. Aakhir poora din issi baat par chintan karne ke baad ussne ek decision le hi liya. soch hi liya ussne ke chaahe wo abhi kaisa bhi ho, khud ko improve kar ke ruhi ke layak banayega. ussne soch liya ke kal se wo kam mein fir se apna moora mann lagayega. 5 din jamm ke kaam karega aur fir do din ruhi ke saath bitayega. ek baar wo iss kaabil gaya ke ruhi ko deserve kare, fir usse propose bhi kar dega.
Doosri taraf ruhi bahut confused thhi. ussko samajh nahi aa raha thha ke kya kare. kabhi ussko aisa lagta thha ke vikas hi wo aadmi hai jo ussko zindagi ki saaari khushiyan de sakta hai, to kabhi vikas dimag se bilkul ek bachcha lagta thha. kabhi usse lagta thha ke vikas uss se bahut pyaar karta hai, to kabhi lagta thha ke wo kisi karan se ussko ignore bhi kar raha hai. na ussko vikas ki psyche samajh aa rahi thhi, aur na hi usske baare mein koi opinion bana paa rahi thhi. fir bhi vikas usske dimag mein har pal ghoomta rehta thha. ussne bhi decide kar liya ke ab apna zyaada dhyaan kaam pe hi degi aur vikas ke upar hi yeh decision chhod degi ke ussko eh rishtaa aage badhana hai ke nahin. ussne yeh bhi decide kar liya ke agli baar jab usse milegi to woh angoothi bhi waapas kar degi.
6 mahine baad
Pichle 3 hafte se vikas kaam ke silsile mein bahar raha thha. aaj jab waapas aaya to airport par ruhi ko wait karte hue dekh bahut khush hua. pichle 6 mahinon mein dono ko yakeen ho gaya thha ke wo dono ek doosre ke liye hi bane hain. ek mahina pehle dono ne room bhi saath mein hi le liya thha. ab kisi baat ka intezaar thha to vikas ke propose karne ka.
"arrey tumhein yahan aane ki kya zarurat thhi.. main pahunch jaata na" gale milte hue vikas ne bola.
"purani picturon ke dialogue mat maaro vikas. apna bag uthao aur jaldi chalo."
"hadh hai.. ab matlab aadmi kuch bol bhi nahi sakta... pata hai kisi apne se baat karne ke liye kitna taras gaya thha main pichle 3 hafte se"
"tum roz phone par mere saath 2 ghanta baat karte thhe vikas"
"arrey to phone ki to baat doosri hoti hai na. sirf awaaz se hi kaam thode halta hai.. aisa lagta thha jaise main andha ho gaya hoon.. effects ke liye tumse baat karte hue apni aankhon pe patti bhi baandh leta thha taaki tumhaare chehre ke siwa kuch aur dimag mein na aaye... neend bhi achche se nahi aati thhi... bas tumhaare khayal hi satate rehte thhe" usne apne bag ko uthate hue aur ruhi ke saath chalte hue bola
"kumbhkaran ki tarah sote thhe tum. roz tumhein uthaane ke liye mujhe kitne papad belne padte thhe. kitne phone karo, tab jaa kar aankh khulti thhi mahashay ki.. aur ab keh rahe ho ke neend nahi aati thhi achche se..."
"yaar thoda to romantic bano... kyun mood ki maa-behen kar rahi ho... har cheez mein facts lana zaruri hai kya... jhooth bhi sun liya karo kabhi...." kehte hi ek pal ke liye vikas ruk gaya. ussko aisa laga jaise peeche koi khada usse ghoor raha hai. wo peeche muda aur ussko ehsaas hua ke door kisi ladki ne ussko peeche mudte dekh usski taraf peeth kar li hai. wo thodi door thhi lekin ussko dekh kar vikas ko yeh ehsaas ho raha thha ke shayad wo ussko jaanta hai.
"abhi aaye 2 minute nahi hue ke doosri ladkiyon pe nazarein gadaani shuru kar di tumne. tum aadmi ho ya haiwaan ho..."
"arrey nahin yaar.. shayad main uss ladki ko jaanta hoon.. par samajh nahi aa raha ke kaun hai.."
"waah mere detective.. kisi ko peeche se hi dekh akr tumhein pata chal gaya ke jaante ho... hogi koi tumhaari purani premika"
"haan yeh bhi ho sakta hai.. lekin itni saari premikaun mein kaun si hai yeh?? ruko zara pooch kar aata hoon.. shayad abhi bhi mujhe pyaar karti ho.."
"chup chaap gaadi mein baith jaoo. zyada hero banne ki koshish mat karo" dhamki ke swar mein ruhi ne ussko bola aur wo dono hansne lag gaye. abhi wo gaadi mein baithne hi waale thhe ke saamne se usse ek aadmi aata hua dikha jo ki thoda muskura raha thha. ruhi ki peeth thhi usski taraf isliye vikas ko laga jaise wo usse hi dekh kar muskura raha hai. achanak se hi wo aadmi ruk gaya aurk uch sochne laga. tabhi ruhi bhi peeche mud gayi.
"ranveer... what a pleasant surprise" ussne bola aur khushi se usske gale lag gayi. yeh dekh kar vikas ke shareer par jaise saanp lotne lage. "kaise ho tum aur yahan kaise..."
"bas apni fiance ko pick karne aaya thha. tum batao. kaisi ho"
"ekdum first class hoon... vikas, yeh ranveer hai aur ranveer eh vikas hai. ranveer mere saath college mein padhta thha aur vikas mera dost hai" ruhi ne dono ko introduce karwaya ek doosre se. ranveer ne aage badh kar vikas ka haath milaaya aur usska sparsh paate hi vikas ke shareer mein jaise ek umang si bhar gayi. pata nahi kyun aisa hua, wo soch raha thha.. aur ussko yeh shakk hone laga ke kahin wo gay to nahi ban raha hai.
"so you are engaged now... very impressive.. kaun hai wo khushnasib?' ruhi ne ranveer se poocha
"arrey abhi nahi hui engagement. kal hai. why dont both of you come over for the engagement party." ranveer ne kaha aur apni gadi se nikal kar ek invitation card unhein de diya.
"hum zaroor aayenge ranveer" ruhi boli
"chalo fir kal milte hain. flight land ho chuki hai, aur late hua to engagement karne ke liye zinda nahi reh paunga" ussne bola aur wahan se chala gaya
vikas ko pata nahi aisi kyun feeling aa rahi thhi jaise wo ranveer se pehle mil chuka hai. ussne apne dimag ko bahut kuredne ki koshhish kari, lekin ussko samajh na aaya. haar maan ke aakhir mein ussne usske baare mein sochna hi chhod diya. "kiss cheez ke baare mein itni gehrai se soch rahe ho vikas" ruhi ne ussko aisi haalat mein dekhkar bola
"wo.. wo.. kuch nahin ruhi... aise hi bas..."
"agar tum ranveer ke baare mein soch rahe ho o pehle hi tumhein bata deti hoonk e wo mera boyfriend nahi raha hai kabhi. college mein bas hum dono ek doosre ko jaante thhe, thats it"
"ruhi maine tumhein pehle bhi kayi baar kaha hai ke mujhe tumhaare past mein koi interest nahi hai. main issi baat se khush hoon ke jis ruhi ko maine chaaha, wo aaj mere saath hai. tumne pehle jo kuch bhi kiya, ussmein mujhe koi interest nahi hai"
"arrey majnoo.. waah... chalo kuch khaane ke liye ruk jaate hain" ruhi ne kaha aur ek restaurant ke saamne gaadi rok di. dono andar ghuse aur ek table par baith gaye. unhone order diya aur baatein karne lage. baat karte hue vikas ki nazar pass mein petrol pump par khadi gaadi par gayi. ranveer bahar khada usmein petrol bhar raha thha aur andar koi ladki baithi hui thhi jo ki shayad usski fiance hi thhi. yeh shayad wohi ladki thhi jo airport par vikas ko ghoor rahi thhi. wahan to vikas ussko nahi pehchaan paaya thha, lekin ab ussko usski shakal saaf dikh rahi thhi. ismein kooi shakk nahi thha ke wo ladki nidhi thhi.

 

[Saitaan bandar]

sare update post kar diye story khatam hui samjho ab is par update nahi aayegen

 

[Rahul]

sare update post kar diye story khatam hui samjho ab is par update nahi aayegen

koi nai jitna bhi hai mast hai

 

[DINNA]

good update