Romance BEAUTY AND THE BEAST (Complete)

[Scorpio 🦂]

Note : I Am Not Original Writer, It's CnP Story From Internet.

Credit Goes To Original Writer : Swaraj

 

[Scorpio 🦂]

Update #15

---

"sanchu chal na aaj ek indian restaurant me chalte hai??" Yash bola

"Yash be practical yaar, aaj ke daur me koun restaurant me jaata hai, agar jaana hai to kahin discotheque chalte hai" Sanchita boli

"Lekin hum abhi School me hi to hai yaar, fir hum kaise jayenge??" Yash bola

"Oh! saare mood ka satyanash kar diya, chal wahi restaurant me hi chalte hai" Sanchita muh banakar boli

"Mai abhi aaya" Bol yash wahan se nikal kar thoda door gaya aur man hi man muskurane laga
Aaj usko indian restaurant ka bahana banakar ek discotheque le jayega yash.. yahi to plan tha.. apne pocket me paise gine usne aur wapas chal pada.. sanchita kisi se phone par baat kar rahi thi

"Are bol mat yaar, pata hota itna bhikhari type ka hai, itna loser type ka hai to kab ka gaand me laat maarkar bhaga deti" Sanchita ki awaz ne yash ko hilakar rakh diya tha
Ye tha uske dil me??? ye????

Tabhi kandhe par kisi ka haath pada
Yash past se present me aa gaya

"Chalein bhaiyya?? jaane ka waqt ho gaya" Rohan ne dheere se kaha

"Hmm" Bol jhatke se yash uth khada hua.. apne aap ko serious kiya aur ghar ki aur chal pada
-------------------------------------------------------------------------------
Ghar pohunchte hi Komal kuch newspaper cutting ko gaur se dekh rahi thi

Yash ne dhyan nahi diya aur fresh hokar kaam karta raha

"Yash,ye BRENDON agency kaisi hai??"Komal ne poochha

"Magazine hai, kyun??" Yash ne poochha

"Mai soch rahi thi wahan job ke liye apply kar doon" Komal boli

"Kyun?? job ki kya zaroorat hai, tum card le lo jo chahiye kharid lo??" Yash bola

"Baat ye nahi hai yash.. saara din ghar me akele baithi bore ho gayi thi, waise bhi mai india me job karti hi thi na??" Komal boli

Yash Sochne laga

"Ajeeb hai yaar itna sochna kya hai, mai ja rahi hoon to ja rahi hoon bas" Komal boli

"Pati hone ke naate mera itna to haq.." Yash ki baat beech me Kaat kar Komal boli

"Ohho to patidev ji patidev ka farz hota Restaurant me biwi ko khana khilaye, movie lekar jaaye aur bhi bohut saare farz hote hai pati ke" Komal boli

Fir acahank se chup ho gayi, yash bhi chup ho gaya

Kuch pal ke liye sannata tha

"Wo... agar tum chaho to hum restaurant me chal sakte hai" Yash idhar udhar dekhte hue bola

"J..jaisa aap thik samjhe" Komal idhar udhar dekhte hue boli

Yash ko apne upar gussa aa raha tha, kaise Maan jaata hai Komal ki har baat
Damn it

POORNIMA RESTAURANT
Afra tafri Machi hui thi ki yash sahab aa rahe the
Yash aam taur par kabhi gaya nahi tha wahan
Ek zid thi us Restaurant ko kharidna, usi restaurant me bohut yaadein Judi hui thi

Ek special table arrange kiya gaya tha.
Yash aur Komal ko wahi guide kiya gaya

"Madam will you like to have Italian?? Chinese??? Conti??" Order lene wale ne bade style se poochha

Komal kuch nahi boli, Fir kuch der ke baad dheere se boli
"Bhaiyya indian milega yahan??"

Yash, order lene wala, manager aur saare staff chaunk gaye sunkar

"Sir is Restaurant me Indian to hai hi nahi" Dheere se manager ne yash ke kaan me kaha

"I don't care, hum indian khane aaye hai aaj, kuch bhi karo kahin se bhi lao" Yash bola

Aanan fanan me yash ke hi doosre restaurant ka indian tha wahan se khana mangwaya gaya

"Bas?? dal makhni, matar paneer aur naan??" Yash bola

"Aur kya chahiye ye hi bohut hai" Bol Komal khane ka lutf uthane lagi

Yash Komal ko gour se dekhne laga.. bas itne me hi kitni khush hai Komal.

Wine peete waqt ajeeb sa laga Komal ko.. lekin fir dheere dheere nasha chadhne Laga

"I LOVE THIS PLACE" Achanak komal chilla uthi

Yash ghabra gaya.. komal ko acha khasa chadhne laga tha
Ye aurat jis din se yash ki zindagi me aayi hai.. yash ki neend haram ho gayi hai

"Chalo Komal bohut ho gaya.. we are leaving" Yash ne Komal ko Sahara dekar gaadi me bithaya

"Pata hai yash Pehli baar restaurant me khana khaya maine, thanks" Yash ki aur dekhte hue Komal boli

Yash dekhne laga Komal ko, sirf ek Restaurant me jakar usne aisa kya kar diya???

Komal ne Achanak yash ke baahon me baahein daalkar aankhen band kar li
Yash Komal ko door karne wala tha.. lekin kar nahi paaya

"Komal??" Yash ke awaz par koi harkat nahi hui komal ki

Yash ne apna haath sar par de maara.. fir Komal ko uthakar kamre tak le gaya.
Kyonki zyada raat ho gayi thi sab so chuke the

Yash ne Komal ko apne se door hatana chaha lekin Komal ne kaskar yash ko jakde rakha
-------------------------------------------------------------------------------
Sar bhari bhari sa lag raha tha Komal ka.. uthne ki koshish ki to dekha yash bagal me leta hua hai
He bhagwan is tharki insan ne kuch kiya to nahi
Komal ko gussa aaya.. wo yash ko uthakar jhagda karne hi wali thi ki usko yaad aa gaya ki uska aaj interview tha

Jaise taise ready hokar drive ko bol GAADI nikal kar nikal gayi wo.

 

[Scorpio 🦂]

Update #17

---

Whew.. aaj to kaafi thak gayi thi komal, usne apna bag uthaya aur Jaane lagi tabhi use ek dhakka laga aur wo girte girte bachi

"Are Jaane ka dhang nahi hai kya??" Komal boli

"Dekh ke tu chala kar jungli ganwar kahi ki, tujhe pata nahi mera boyfriend is company ka general manager hai" Smita boli

Komal ghoorne lagi smita ko.. tabhi vishaka aur nitya bhi aa gaye

"Chor de Komal inka palda bhari hai.. agar hamare paas iske jaisa support hota to aur baat hoti.. khair chal tujhe ghar chor dete hai" Vishaka boli

"N..nahi nahi mai khud chali jaungi madam" Komal boli.. ab yahi baaki reh gaya tha ki logo ko pata chale ki wo yashvardhan ki wife hai

"Chal koi baat nahi, bye" Nitya boli.. aur dono chale gaye

Komal bhi bahar nikali office se to usne dekha ki do teen ladko ke saath Yash ki choti behen smoke kar rahi hai

Komal Wahan gayi.. urvashi ne Komal ko dekhkar Andekha kar diya

"Ye sab kya hai urvashi??" Komal ne poochha

"Smoke Kar rahi hoon,kyun??" Urvashi boli

"Bas aise hi.. ye tumhare friends hai kya??" Komal ne poochha to urvashi ko halki si hairani hui

"Aaj kal to sab chalta hai urvashi, ladkiyan smoking aur drink dono karti hai.. lekin apne balboote par.. apni khud ki pahchan apni khud ki taqat bano fir jo marzi karna chaho karo.. bas itna hi kehna tha.. baaki apne doston se meri aur se hi keh dena" Bol Komal Haskar nikal gayi
Aur urvashi hairani se dekhti reh gayi Komal ko

-------------------------------------------------------------------------------
Komal jab ghar pohunchi to ghar me sannata tha
Is ghar me sab kuch hai lekin ek apnapan sa missing tha

Khair komal bohut thaki hui thi.. apne kamre ke ander aate hi yash ko laptop par kaam karte dekha

"Baap re bohut thak gayi aaj" Komal bed me let gayi

Yash chup hi raha.. bakbak karna zyada pasand nahi tha use

"Hmm la la la...hmmm" Komal Aankhen band Kar gungunane lagi
Aaj pehli koshish me naukri mili thi use
Mood acha tha uska.

Lekin yash irritate ho raha tha

"Band karogi jo bhi kar rahi ho" Yash bola

"EXCUSE ME, gaana ga rahi hoon, aapki tarah nahi jo ekdum statue ki tarah kaam karti rahungi" Komal boli

"Matlab??" Yash ne poochha

"Matlab ye ki koi hobbies hai aapki?? khelna?? gaana gaana?? padhna?? ya jo bhi hai??" Komal ne poochha

Yash chup ho gaya aur apna kaam fir se karne laga

"Ek minute ek minute" Bol Komal daud kar gai ek kuch der baad ek dhool se sana hua guitar ke aayi. Yash ise dekhkar chaunk gaya

"Y...ye kahan se mila tumhe??" Yash ne poochha

"Store room se mila, pata chala tumhara hi hai" Komal boli

"Hai nahi tha, ab mai haath nahi lagata ise" Yash bola

"Are?? aisa thodi hota hai?? ek bas ek baar bajakar dikhao na yash??" Komal ne poochha

Yash fir kaam me laga raha

"Thik hai, mai ise wapas rakhkar abhi aayi" Khushi se bhara man thoda bujh sa gaya tha Komal ka

Yash ne Komal ki aur dekha.. khila hua chehra ekdum se murjha gaya

"Ruko, lao pehle dhool saaf karte hai" Bol yash ne guitar le liya aur fir usne aur Komal ne saaf karna shuru kiya

Komal ne notice kiya ki yash bade man ke saath kona kona saaf kar raha tha

"Ab tuning karni hai" Bol yash guitar ke strings check karne laga
Aur tuning karta raha

"Aaj ke din khatam hoga ye kaam??" Komal ne poochha

"Ho gaya" Bol yash ne guitar ko liya aur bed me baithkar bajane laga

When the night has come
And the land is dark
And the moon is the only light we'll see
No, I won't be afraid
Oh, I won't be afraid
Just as long as you stand, stand by me
And darling, darling
Stand by me, oh stand by me
Oh stand, stand by me
If the sky that we look upon
Should tumble and fall
All the mountains should crumble to the sea
I won't cry, I won't cry
No, I won't shed a tear
Just as long as you stand, stand by me
And darling, darling
Stand by me, oh stand by me
Oh…

Komal kho si gayi yash ke gaane me.. aur yash kho sa gaya guitar bajane me

Gana khatam ho chuka tha

"Waah waah, too good yash ji" Taali bajane lagi Komal

Yash ne Komal ko dekha, ek ladki ki wajah se usne guitar chora tha.. ab aaj ek ladki ki wajah se usne guitar uthayi thi

"Ab chalein khana thanda ho raha hai" Bol Komal chali gayi

Fir achanak yash ko yaad aaya ki usne fir aaj wahi kiya jo Komal chahti thi
Apne sar par guitar todne ka man kar raha tha yash ka
-------------------------------------------------------------------------------
"Thanks a lot Michelle" Bol Sanchita ne phone Kaat diya

Hmm yash, yashvardhan saraf STALLON empire ko khada kiya itne saalon me
Tabhi bhul gaya sanchita ko
Jis sanchita ko dil se pyaar karta tha, jiske kadmon me pada rehta tha
Har waqt sanchita ke aaspaas mandrata rehta tha
Wahi yashvardhan ne shaadi kar li.. wo bhi kisi airi gairi se

Sanchita ne apne saare kapde utar diye aur sharab ki ghoont lekar aasman ki aur dekhne lagi aur muskurane lagi

"YASHVARDHAN SARAF, fir se tumhare sanchita ke zindagi me aane ka waqt ho gaya hai.. wo jaahil ganwar tumhare layak nahi hai babu, mai hoon" Magazine me Yash ki photo ko apne honto se laga liya sanchita ne

"Aur jo hamare pyaar ke raaste me aayega, wo khatam ho jayega" Bol zor zor se hasne lagi sanchita.

 

[Scorpio 🦂]

Update #18

---

"ok all ready??" Camera man ne poochha

Komal nervous this.. aaj uska pehla interview hai.. aur wo bhi kashish sandhu se.. ek popstar jisne aaj ka time diya tha interview ke liye

"6:00 baj gaye, kab aayegi wo??" Komal ne vishaka se isharo me poochha

Vishakha ne isharon me kaha ki bas aane hi wali hai.. 4 baje ka time tha interview.. lekin 2 ghante late chal raha tha schedule

Tabhi sab khade ho gaye kashish ke liye.. aankhon me kala chashma pehen pink top aur black skirt me aayi thi madam

"Itni garmi?? garmi me interview doon??" Kashish boli

Sab bhagne lage idhar udhar

"And get me a soda first.. halka sa sugar.. aur lemon Zyada" Kashish for boli

"Madam agar interview start kare to acha hoga" Komal ne request kiya

Kashish ne Komal ko oopar se neeche tak dekha.. aur hasne lagi

"Kise pakad laye interview ke liye?? ye madam mujhe order degi interview kab start karni hai??" Kashish boli

"Nahi mera ye bolne ka matlab nahi tha madam" Komal ne safai di apni

"Ohho to madam ab argue bhi karegi" Kashish boli

"Aap gussa kyun kar rahi hai Madam maine aisa waisa to kuch nahi kaha ??" Komal boli

"Shut up you...." Kashish uth khadi hui

"Madam please iski aur se mai maafi mangti hoon" Vishaka boli

"Maine kuch galat nahi kiya vishaka madam aapko maafi mangne ki koi zaroorat nahi hai" Komal boli

CHATAAAAAAAAK

"You bitch.. dekh teri career ka kya haal karti hoon.. tune kashish sandhu se panga liya hai" Bol tez kadmon se kashish nikal gayi

Komal ne bheegi aankhon se dekha vishakha ki aur.. vishaka ne Komal ke kandhe par haath diya
"Isme tumhari koi galti nahi hai Komal"

Nitya bhi muskura di.. Komal ko bohut taqat mili isse

"Lekin ab kya karein?? madam ne to mana kar diya interview dene se ab??" nitya boli

"Koi aur raasta dekhenge nitya.. abhi bhi do din hai" Vishakha boli

"Warna??" Komal ne poochha

"Team toot jayegi Komal" Vishakha gehri saans lete hue boli

"Par tu iski tension na le.. hum kuch na kuch kar hi lenge" Nitya boli

Komal muskura uthi.. life me dosti ki ahmiyat bhi kuch kam nahi hai
-------------------------------------------------------------------------------
Yash jab ghar pohuncha to Kaafi raat ho chuki thi
Komal leti hui thi aur uska muh dhaka hua tha

Yash ko ajeeb laga

"Kya hua chehre par??" Yash ne poochha

"Wo...umm mai na office me darwaze se takrai aur mere chehre par darwaza laga aur ye laal ho gaya" Komal boli

"Hmm, chalo so jao" Yash bola

Komal let gayi.. aur yash terrace par aa gaya

"Tony I want history, geography of this bloody BRENDON company, get me entire scenario of what happened today right now" Bol yash ne phone Kaat diya

Thodi der me Tony ka call aaya yash ko aur Tony ki baatein sun yash ka chehra kaafi sakht ho gaya
Usne ek phone aur lagaya

"George ..." Aur kuch bolta chala gaya yash george ko

Komal ko achanak apne gaal par thanda sa mehsoos hua.. chaunkte hue uth gayi wo

"Sshh chupchap leti raho" Yash bola aur ice bag lagane laga Komal ke gaalon par
Komal chupchap yash ko dekhne lagi aur yash Komal ko
------------------------------------------------------------------------------
BRENDON agency
Komal ke office jaate hi sab usi ko dekh rahe the
Komal ko ajeeb sa laga

"Komal general manager ne bulaya hai" Nitya boli
Aur dono general manager ke office me the
Wahan vishakha pehle se hi khadi thi

Komal ne dekha koi 40 saal ka aadmi chair me baitha sab ko gusse se dekh raha hai

"Sabse most pathetic team ho aap log" General manager bola

"Sir..." Vishaka me bolna chaha

"Shh mai sab sun chuka hoon aur dekh chuka hoon, kashish jaisi hasti mamooli nahi hai, uski pohunch bohut door tak hai.. aap logo ko andaza bhi nahi hai ki wo kya kar sakti hai.. isliye hamari company ne faisla Kar liya hai" General manager bola

"Kya sir??" Nitya ne poochha

"Aap teeno ko terminate kiya jaata hai apna notice period khatam karo aur niklo yahan se " GM bola

"Sir..." Vishakha ne bolna chaha

"Sorry girls this is not in my hands" GM bola

"Ok sir, hum job chor denge, lekin agar hum Kashish se bhi badi hasti ko le aaye to??" Komal boli

Nitya aur vishaka chaunkte hue Komal ki aur dekhne

"Hmm interesting, lekin jo mai bolun usi hasti ko laana hoga" General manager bola

"Aap naam to bataiye sir" Nitya boli

"YASHVARDHAN SARAF" General manager bola

"KYA??" Komal lagbhag cheekh uthi

Nitya apne hosh khone lagi, vishakha ko chakkar aane laga

General manager ke honto par ek muskaan tair gayi.

 

[Rahul]

Superb updates

 

[Scorpio 🦂]

Superb updates

Thanks a lot brother

 

[Bholu]

wonderful update sir ji

 

[Scorpio 🦂]

wonderful update sir ji

Shukriya Bholu ji

 

[Knight Rider]

Superb story dear

 

[Dolly]

Update #1

---

"Happy raksha bandhan yash bhaiyya" Sharon ne yash ki haatho me rakhi baandhte hue kaha

"Mere bhaiyya ko duniya ki saaaaaari khushi mile" Sharon ne fir kaha

"Sharon ye lo" Bol us shaks ne ek lifafa pakda diya sharon ko

"Ye kya hai bhaiya??" Sharon ne lifafa kholte hue boli

Sharon ne lifafa khol kar bola
Ek rolls Royce, ek lamborghini aur ek porsche, teen car ki chabi
Sharon muskurai aur lifafa wapas yash ki aur pakdate hue boli

"Too expensive bhaiya , can't accept this" Sharon boli

"Tum dhruv ki wife ho SGR industries ke CEO ki wife, tum ye bol rahi ho sharon??" Yash bola

"Mai.....ummmmmm.....haan wo lungi wo" Bol sharon khud uthkar table me se ek pen utha laai

"Ye pen hi hai mera rakshabandhan gift, ok bhaiyyaaa got to go dhruv k aane ka time ho gaya" Bol sharon chali gayi

Yash kuch der tak waise hi baitha raha.. fir ek phone ghumaya

"Mark please book and apartment in the name of sharon...... yes I know it cost 1 billion dollars.. but do as I say" Bol yash ne phone rakh diya

"Tum abhi bhi nahi samajhti sharon.. paise se sab kuch khareeda ja sakta hai" Yash bola

-----------------------------------------------------------------------------
KANPUR
"Chachaji chai" Komal ne ek chai ki pyali pakdai

"Beta, tu kyun yahan apni zindagi barbad kar rahi hai, tu college me top kar chuki hai.. kitni achi naukri lagi hai, lekin fir bhi yahan apni behno aur chachi ka zulm sehti hai??" chachaji ne Komal ke gaal par haath ferte hue bola

"Mera apna koi nahi hai chachaji aap ko chor kar, aap ko chor kahan jaungi" Komal boli

"KOMAL KI BACHHI KAHAN MAR GAYI, KITNA KAAM PADA HAI?? TERA BAAP AAKAR KAAM KAREGA??" Door se teekhi awaz aayi

Komal daudte hue chali gai us taraf

"He bhagwan is bachi ko dekhna" Chachaji ne aankhen band kar di

Tabhi ek phone ki ghanti baji

"Hello???"

"Girdhari sharma??" Doosri aur se awaz aayi

"Haan??" Chachaji bole

"Aapke loan chadh kar 30 lakh ho gaye hai sir, do saal se interest badhkar 4 lakh aur ho gaye.. ye mahina last hai aapka, fir aapka makan hamara hoga, yaad hai na??" Doosri aur se awaz aayi

"Mai...mujhe thodi aur thoda time......" Chachaji bole lekin tab tak phone kat chuka tha

Ander Komal par gaaliyan pad rahi thi.. chachaji ne aankhen band ki
Sahi ho raha hai unke saath.. Is bacchi ko janm dene ke baad iske mata pita car accident me mar gaye.. tab se Girdhari paal raha hai Komal ko
Apne dono betiyon ko private school me daalkar bhi koi fayda nahi hua
Ek beti ne galat kadam uthaya aur jaldbaji me shaadi karwani padi.. ek bank officer se
12 lakh ka dahej diya gaya

Aur choti beti ki shadi ek IAS officer se.. 20 lakh ka dahej diya use

Ab kuch bhi nahi hai unke paas.. lekin Komal ne government school aur college me awwal number se pass kiya aur ek aadarsh beti bankar aaj bhi chachaji ko apne pita ke roop me izzat deti hai
School ke naukri se jo milta hai poora ghar me kharch kar deti hai
Tab bhi is dayan ko taras nahi aata.. din raat satati rehti hai.. bachpan me kitni baar maar khayi thi is bachi ne
Ab gaali kha rahi hai

Isliye to ye ho raha hai unke saath.. bhagwan ki maar padi hai unke upar.. lekin giridhar ko apni nahi is bachi ki chinta hai.. pata nahi kya hoga iske saath.

NICE

 

[Dolly]

Update #2

---

"ye sab kya hai yash??"

"Aapko pata hai papa" Yash bola

"Factory lock ho gai to kai log bhookhe marenge beta" Mr saraf bole

"Marne do, as if I care" Yash bola

"YASHVARDHAN SARAF HOLD YOUR BLOODY TONGUE" Mr saraf chillate

"I WIN PAPA, I ALWAYS WIN.. HAARNE KA SAWAL HI NAHI HAI, YA WO JHUKENGE AUR STRIKE KHATAM KARENGE YA FIR BHOOKHE MARENGE" Yash dahad utha aur chala gaya

Mr saraf sofe pe baith gaye, ek beta jo zarorat se jyada ambitious ho gaya, ek beti jisne love marriage kiya lekin khush nahi hai, ek choti beti jisme sanskar naam ki cheez nahi hai, un ki khud ki patni ke saath unki nahi pat paati aur pitaji???
Bas pathar ki moorat bane rehte hai

Mr saraf ne aankhen band ki, kya sab kuch thik hoga???

-------------------------------------------------------------------------------
Yash ko yakeen nahi ho raha tha itni urgently india jaana pad raha hai

Factory me emergency wali situation thi.. Do suicide aur lock out me log bhookh hadtal par the

Girdhari sharma bhi usi factory ne anshan kar rahe the

6 gadiyan ek saath factory ki aur gayi.. aaj hi wapas lautna hai is panauti desh se

"Move aside move aside sir aa rahe hai side raho sab" Ek bodyguard bola aur sabko hatane laga

"Ahhh" ek dhakka Girdhari sharma ko bhi laga

"CHACHAJI" Komal ki cheekhe nikal gayi.. apni scooty band kar daudte hue aayi

"Aap thik to hai na chachaji??" Komal ne sahara dekar uthaya Girdhari ko.. sar se halka khoon nikal raha tha

Gusse se Komal aage aayi aur

CHATAAAAAAAAK

ek jhannatedar thappad lagaya us bodyguard ko

Sannata chha gaya tha.. lekin fir sab bodyguard jaise hi tootne ko taiyyar hue

"Thahro" ek awaz aayi

Komal ne dekha ek 26 saal ka aadmi khada tha coat haath me pakde hue.. khadoos me agar koi award ka hakdar hoga to ye wo shaks hoga

"PEHLE TO FACTORY KI BONUS BAND KI, FIR FACTORY KO LOCK OUT PAR RAKHA, AB KYA LENE AAYE HO?? CHACHAJI KI JAAN??? BOHUT BADE AADMI HO NA?? BOHUT BADE??? KABHI APNA DIL BHI BADA KARO, AUKAT BADI HONE SE KUCH NAHI HOTA DIL BADA HONA CHAHIYE" Komal chillakar chali gayi

"Pehli Baar ek ladki ne unhen chup kara diya??"

"Ye kya hua yash sahab chup rahenge??"

"Ladki to gayi"

"Pehli Baar ye hua, he bhagwan hamare upar na nikle inka gussa"

Charo aur se fusfusahat.. Lekin yash ka chehra bohut sakht hota gaya

-------------------------------------------------------------------------------
"Karmjali kahi ki?? ab pata nahi kya karega wo aadmi" Kalawati Sharma cheekh uthi

"Le..lekin chachi chachaji ke sar par khoon dekhkar mujhe pata nahi kya hua tha mai..." Komal baat poora hi nahi kar paayi ki mita ne use apni aur ghumaya aur

CHATAAAAAAAAK

Ek thappad aur Komal gaal pakadkar baith gayi

"Tu isi ke layak hai, kitni baar kaha hai ki hamare kaam me taang na adane ke liye" mita boli

Komal ne sar uthakar raghu ki aur dekha, mita ka pati.. kabhi raghu aur Komal ka pyaar aasman par tha.. lekin 20 lakh ka dahej ko tola tha raghav ne.. komal se rishte tod diye aur hamesha anjan bane rehne ka wada bhi le liya tha

Aaj wahi raghav chupchap khada tha

"Is chudail ko pata nahi shanti kab milegi?? shayad hum sab ka khoon chuskar" Swati boli

"Are wo koi aisa waisa nahi hai maa, wo yashvardhan saraf hai aise 100 factory kharid aur bech sakta hai" Sunil ne aag me ghee dene ka kaam kiya

Sabne nafrat se bhari nazrein daali Komal par aur chale gaye

Chachaji Komal ko god me lekar rone lage, Komal chup thi lekin uske aansu chup nahi the bas nikalte hi ja rahe the.

WOW VERY NICE