Thriller Dead Never Lie ~ A Love Story by ~ Deepak

[Pikachu]

Update - 10

usake jaate hee rohan ne aankhen matakaate hue nitin kee aur dekha," kyoon..? kaisee lagee..?"

"yahee hai vo?" nitin ko shak to tha.. par taajjub usse kaheen zyaada...

"humm.." rohan khushee se phoola nahee sama raha tha.. ajeeb see khumaaree mein usane takiye ko apanee chhaatee ke neeche dabaaya aur pet ke bal let gaya..

"par isaka naam to shruti hai.. too to neeroo kah raha tha..?" nitin ne doosare palang par lette hue doosara savaal kiya...

"naam mein kya rakha hai yaar.. bas.. itana jaan le, jisake lie main aaya tha.. mujhe mil gaya hai.. main tere is ahasaan ka badala kabhee nahee chuka paunga.. main na kahata tha.. meree neeroo mujhe zaroor milegee.." rohan par pyaar ka bhoot savaar tha..

"aabe saale.. isane tere ko dekha tak nahee aur too aise uchchhal raha hai.. kaheen tujhe bhool na gayee ho... kitane taim pahale milee thee..?" nitin uthakar baith gaya..

"vo sab main tere ko baad mein bataunga.. par too ye to bata kee lagee kaisee tujhe..?"

"bahut pyaaree hai.. sach boloon to.. isake jaisee koee ladakee maine aaj tak nahee dekhee.. agar ye neeroo na hotee to main isake baare mein apane lie soch raha tha.. aur ab bhee kya pata.. ye shruti hee ho.. teree neeroo kee hamashakaal.. teree neeroo to tujhe vaheen milegee.. puraane teele par... he he he" nitin ne sharaaratee muskaan apane chehare par laate hue kaha...

" aisee baat mat kar yaar.. mujhe achchchha nahee lagata.." rohan ne munh banaakar kaha..

"mazaak kar raha hoon be.. par ek baat meree samajh mein nahee aaee...!" nitin ne ko jaise kuchchh achaanak yaad aa gaya ho..

"vo kya?" rohan bhee uthakar baith gaya..

"isane tere ko vahaan kyoon bulaaya..? aur bulaaya bhee to vahaan milana chaahie tha.. ab kisako pata tha ki humaaree gaadee mein pankchar ho jaega aur ham vaapas aakar isee ghar ka daravaaja khatakhataenge.. agar ham seedhe nikal jaate to shaayad hee kabhee dobaara aate.. yahaan par.." nitin kee baat mein dam tha...

"haan yaar.. vo to hai.. jab baat karegee to zaroor poochhonga ye baat..." rohan ne javaab diya...

" par ab to bata de ye tujhe kahaan milee? kaise milee.. aur kaise paatee?" nitin jaanne ke lie utsuk tha...

"ek baar baat ho jaane de.. phir sab kuchchh bataunga.. hamaara milana ankal jee kee bhooto vaalee kahaanee se kam dilachasp nahee hai.. mujhe khud visvaas nahee tha ki main isse mil paunga..."

"abhee bata de na.. abhee kya dikkat hai..?" nitin ne is baar zor dekar kaha tha..

"na.. abhee nahee.. bahut dilachasp baat hai.. par abhee kuchchh nahee kah sakata.. pahale isse baat kar loon...!" rohan ne kaha aur vaapas let gaya," chal ab so jaate hain.. subah jaldee uthana hai.."

"theek hai beta.. log matalab nikal jaane ke baad kis kadar rang badalate hain.. ye main dekh raha hoon.. chal achchchha hai.. main intajaar karoonga, teree isse baat hone kee.. gud nait!"

"gud nait bhaee gud nait!" rohan ne kaha aur sir ke neeche se takiya nikaal kar seene par rakh liya.. dono haathon mein daboch kar.....

 

[Pikachu]

raat kareeb 2 bajakar 17 minit...... rohan daravaaje par pairon kee aahat sunakar chaunk gaya.. usakee ummeed ko pooree tarah pankh lage bhee na the kee kamare mein roshanee chchha gayee.. halkee see naaraazagee jataatee huee neeroo usakee aankhon mein aankhen daale usako ghoor rahee thee.. haule haule chalatee huee vo usake pairon ke paas aakar usake palang par baith gayee..

"ye kaun hai?" neeroo ne jhukate hue dheere se nitin kee aur ishaara karate hue poochachha..

"mera dost hai.. mere bhaee jaisa hai.. kyoon?" rohan ne bhee usee ke andaaj mein javaab diya..

"isako kyoon lekar aae..? maine akele aane ko bola tha na..?" naaraazagee ab bhee neeroo kee naak par baithee thee..

"kamaal karatee ho? aisee khataranaak jagah par akele.. jaan lene ka iraada tha kya?" rohan ne lete lete hee javaab diya...

"jaan to main tumhaaree loongee hee.. ek baar samay aane do" kahakar neeroo kaatil ada se muskuraane lagee.. usakee isee ada ka to rohan deevaana tha," chalo theek hai.. tumhaaree ye baat maan letee hoon.. isako lekar aa jao.. par isako door hee khada kar dena.. mujhe tumase zarooree baaten karanee hain.. jaane kab se tumhaare lie tadap rahee hoon.. tumhe to ahasaas bhee nahee hoga, meree mohabbat ka.."

"tumhaaree yahee baat meree samajh mein nahee aa rahee.. kahatee ho mujhase pyaar karatee ho.. par aaj tak kabhee chhoone kee ijaazat nahee dee.. main bhee tumhaare lie paagal ho chala hoon.. pleez ek baar.. ek baar mujhe tumhe chhoo kar mahasoos kar lene do.. kitanee pyaaree ho tum.. tumhaare lie main yahaan tak bhee aa gaya.. ek baar mere aagosh mein aa jao na.. pleez!" rohan usake shareer se utsarjit ho rahee yauvan bayaar ko apane andar tak mahasoos karane ko tadap utha...

"main bhee to utanee hee tadap rahee hoon dev! tumhe kya pata, mera ek ek pal kaise beetta hai.. us pal ke lie jab main aur tum ham honge.. ye faasale kitana tadapate hain, mujhase zyaada kaun samajhega.. bas intazaar karo... " neeroo kee aankhon se usake lie be-intaha zajbaat jhalak rahe the...

"kitanee baar batau ki main rohan hoon.. agar tum kisee dev ke dhokhe mein mere pichhe padee ho to maaphee chaahata hoon.. par phir bhee yahee kahoonga ki ab main tumhaare bina rah nahee paunga.. tumhaare pyaar mein jaane.... tumane mujhe paagal sa kar diya hai.."

"duniya ke lie tum chaahe kuchchh bhee ho.. par mere lie to mere dev hee ho.. mujhe tumhaara yahee naam achchchha lagata hai.. main to yahee kahoongee.." aankhon mein gaharee pyaas aur maadak ahasaas lie neeroo usakee aur takatakee lagaakar dekhatee rahee...

"tum mujhe pooree tarah paagal bana kar hee chhchodogee.. mujh rohan ko tum dev kahatee ho aur apana naam neeroo bata rahee ho jabaki tumhaare pitaajee tumhe shruti kahate hain.. main kya samajhoo aur kya nahee.." rohan naam ke chakkar se abhee tak bhee nikal nahee paaya tha..

"vahaan aaoge to sab samajh aa jaega.. ab yahaan main tumhe kya batau?" neeroo ne bebas nazaron se usako dekhate hue kaha..[/COLOR]

 

[Pikachu]

Update - 12


"ajeeb ladakee ho.. yahaan mere saamane baithee ho.. us vaqt nazar utha kar bhee tumane nahee dekha.. aur ab ye chhhotee see baat bataane ke lie mujhe vahaan bula rahee ho.. itanee khataranaak aur daraavanee jagah maine aaj tak nahee dekhee.. pata hai.. ?" rohan ke chehare par us ajeebogareeb jagah kee daraavanee yaadon kee tees chha gayee..

"kya? tum vahaan gaye the? par maine tumhe 12 baje ke baad aane ko kaha tha na.. ruke kyoon nahee vahaan par..." neeroo adheer hote hue bolee...

" kaise rukate..ham vahaan gaye to hamen vahaan ek bachcha mila.. itana khauphanaak manzar tha ki meree to jaan hee nikal gayee hotee.. aur tumhe pata bhee hai.. vahaan bhoot rahate hain.. tumhaare pitaajee ne hee bataaya tha.." rohan ne spasht kiya...

"asamay gujar chuke logon ko bhoot kahakar unaka mazaak na banao dev.. tumhe ham... unakee peedaon ka ahasaas nahee hai.. har pal kis vedana aur dard kee bhatti mein tapate rahana padata hai.. ye tumhe kya maaloom.. tum to aazaad ho.. kaheen bhee aa ja sakate ho.. par vo har tarah se ek daayare mein bandhe hain.. harapal usee dardanaak manzar ko aankhon mein lie tadapte rahate hain.. jis ghadee jindagee ne badee kroorata se unake sir se apana haath hata liya.. vo har pal isee intazaar mein rahate hain ki kab koee rahanuma aaega aur unako vahaan se, us jahannum se mukti dilaega.. aa jao na dev.. sirf ek baar aa jao.. main har pal tumhaara intajaar karatee hoon.. ek baar vahaan aa jao meree jaan.. mujhe jahannum se nikal kar jannat mein le chalo.." neeroo bolate bolate bhaavuk hokar gidagidaane see lagee..

"aise kyoon kar rahee ho.. mujhase tumhaaree ye bechainee dekhee nahee jaatee.. par aisa kya hai jo yahaan nahee bata sakatee.. vaheen jaana kyoon zarooree hai neeroo..?"

"vahaan jaana zarooree nahee hai dev.. par mujhe dar hai.. maine yahaan bata diya to tum vahaan shaayad kabhee nahee aaoge.." maayoos neeroo kee aankhon se aansoo chhalak uthe..

"isaka matalab tumhe mere pyaar par bharosa nahee hai.. isaka matalab kuchchh aisa zaroor hai jo tum mujhase chhipa rahee ho.. jab tum mujh par vishvaas nahee karatee to main tum par kyoon karoon..?" rohan baat jaanne ko laalaayit lag raha tha..

"tumhaare andar ke dev par mujhe poora visvaas hai.. par baahar ke rohan par nahee.. vaqt jaane kitanee karavaten badalata hai.. is daramiyaan jaane tum kitanee baar badale hoge.. main iseelie dar rahee hoon.." neeroo apana haath badhakar usake chehare ko chhoone ko huee par kuchchh yaad aate hee turant vaapas kheech liya...

"dekho neeroo ya shruti, tum jo bhee ho.. tumane apane pyaar mein to mujhe paagal kar hee diya hai.. ab asaliyat mein paagal hona nahee chaahata.. paheliyaan mat bujhao.. par itana jaan lo ki jab tak tum mujhe sab kuchchh sach sach nahee bataatee, main vahaan vaapas nahee jaunga.. haragiz nahee.." rohan ne do tuk javaab diya..

"aisa kyoon kah rahe ho dev.. kya main yoonhee tadapati rahoongee..? tum meree baat samajhate kyoon nahee ho.. aa jao na pleez..." neeroo kee haalat dayaneey ho chalee thee..

 

[Pikachu]

Update - 13


"main to sab samajh raha hoon.. agar samajhata nahee to yahaan tak aata hee kyoon.. achchchha chalo.. main vaada karata hoon ki agar tum abhee sab kuchchh bata doge to tum jahaan kahogee, vahaan aane ke lie taiyaar hoon.."

kuchchh der sochate rahane ke baad neeroo bolee," ye rohan ka vaada hai ya phir dev ka.."

rohan jhalla utha..," kya hai yaar.. dev.. rohan.. dono ka vaada raha.. dev ka bhee.. aur rohan ka bhee.. ab to bata do..."

"soch lo.. dev ke vaade soolee par jaakar bhee nahee tootte.." neeroo ko kuchchh ummeed see bandhee..

"humm.. soch liya... vaada raha.. dev ka!" rohan ne kahate hue apana haath badhaaya par neeroo kee taraph se koee pratikriya na milee....

neeroo ne lambee saans chhchodate hue chhat kee aur dekha.. aur achaanak hee bolana shuroo kar diya..," vo bachcha.. jisakee tum baat kar rahe ho.. mera chhhota bhaee hai..

"kyaa?" rohan neeroo kee is baat ko pacha nahee paaya aur neend mein hee andar tak kaanp gaya.. hadabada kar lagabhag cheekhate hue vah uth baitha.. cheekh ke saath hee nitin ek pal mein hee uth kar palang se khada ho gaya..," kya hua?"

"ye.. ye lait kyoon band kar dee.. neeroo kahaan gayee.." rohan ka sir chakara raha tha.. band aankhon mein jahaan usako ujaala hee ujaala dikh raha tha.. aankhen kholate hee.. andhere ke siva usako kuchchh nazar na aaya.. vahaan to pahale se hee andhera tha.. ujaala to sapane mein neeroo saath lekar aaee thee...

"neeroo, yahaan? saale too paagal ho gaya hai kya? sapana dekh raha tha ya?" nitin ne rohan ko kandhe se pakad kar hila diya...

rohan ne jaise taise khud ko sambhaala," haan bhaee.. sapana hee tha.. soree.. so ja.."

"ab thodee bahut raat bachee hai.. usamen to chain se so lene de too.. kya ho gaya hai tujhe.. bata na.. too khulakar kyoon nahee bataata..?" nitin ne usake kandhe par haath rakh kar pyaar se poochachha...

"kuchchh nahee yaar, so ja.. subah baat karenge..!" kahate hue rohan munh dhak kar let gaya..

"dekh.. koee baat man mein nahee rakhanee chaahie.. gaanth ban jaatee hai.. aur phir mujhase chhipa kar tujhe milega kya? baakee teree marzee hai.. subah ka intajaar karoonga.." nitin ne kaha aur doosaree aur karavat lekar so gaya...

rohan kee samajh mein kuchchh nahee aa raha tha.. pichchhale kareeb 2 maheene se usakee raaton kee neend aur din ka chain haraam tha.. kaaran neeroo hee thee.. har raat ko vo usake sapano mein aatee aur din bhar vo usake sapano mein khoya rahata.. jindagee achaanak kitanee badal gayee thee usakee.. hamesha mast kalandar kee tarah jeene vaala rohan shuroo shuroo mein to inn sapano ka aanand leta aur raat ko usake paas aakar usako pukaar rahee is haseena ke baare mein din bhar soch kar aanandit hota rahata.. nitin kee baat sach hee thee.. neeroo ke jitanee pyaaree ladakee usane bhee aaj tak nahee dekhee thee.. par jald hee ye aanand bechainee mein aur phir vo bechainee ek anjaane se lagaav mein badal gayee.. aakhir yahee ladakee roj usake sapano mein kyoon aatee hai.. kya rishta hai is ladakee ka usake saath.. ladakee ka sirf sapane mein aana bhar hee hota to baat alag thee.. par vo to usako dono ke pyaar kee duhaee detee thee.. apane paas bulaatee thee.. sapane mein usakee aavaaz yoon lagatee thee jaise kisee gaharee khaee se bol rahee ho.. ruk ruk kar kahee gayee usakee baaten pratidhvanit hokar baar baar usake kaanon mein goonjatee rahatee thee.. raat bhar.. din bhar...

 

[Pikachu]

Update - 14


apane mast andaaj ka malik rohan doston mein usake hansee mazaak aur ladakiyon ko bhaav na dene ke kaaran hamesha chhaaya rahata tha.. par achaanak hee vo gumsum sa rahane laga.. poochchhane kee koshish bahuton ne kee.. par bataata bhee to kya bataata rohan.. ant mein jab usakee bechainee aur apane aapako neeroo kahane vaalee ladakee ke prati usaka lagaav charam ko paar kar gaya to usane ek baar usake paas jaane kee thaan lee.. par neeroo kee ek shart ne usako nitin ka sahaara lene par majaboor kar diya.. ek to sirf raat ko hee mil paane kee bebasee aur doosara usake paas aane ke lie batae gaye raaste kee jiyographee..

nitin usake sabase nazadeekee doston mein se ek tha.. vo agyaat jagah par jaane, ghoomane phirane aur beehad aur door daraaj ke ilaaqon mein jaakar vahaan ke logon kee din charya jaanne ka shaukeen tha.. inaphaikt, advenchar usakee laiph ka ek hissa tha...

rohan ne nitin ko ek kahaanee banaakar sunaee.. usako yakeen tha agar sapane vaalee baat usako bataega to saath dena to door.. ulta doston main usakee kirakiree karane mein bhee kasar nahee chhchodega.. usane nitin ko bataaya ki bahut pahale ek ladakee se vo mila tha aur ab usako pata chala hai ki vo ladakee usse be-intaha pyaar karatee hai.. aur usako milane ke lie bula rahee hai.. pahale pahal to nitin ne usako inn khaam-khaan ke chakkaron se door rahane kee hidaayat dekar soph mana kar diya.. par jab usako kaee deeno tak lagaataar rohan ka chehara utara hua dikhaee diya to ek din usane khud hee rohan ko tok diya," kahaan hai vo ladakee.. chal mila laata hoon.."

"yaar.. unaka ghar gaanv se door hai.. kaafee aage chalakar.. " rohan is baat ko kha gaya ki ladakee ne usako bataaya tha ki usako kaafee door paidal chalana padega....

"achchchha.. phattee hai teree.. iseelie mujhako bola.. hai na.. nahee to too mujhe bataata bhee nahee ki too majanoo ban gaya hai aajakal..." nitin ne mazaak kiya...

"kuchchh bhee samajh le yaar.. par mujhe usse ek baar milakar aana hai...!"

"hoommm.. chal phir kal hee chalate hain..!" nitin taiyaar ho gaya usake saath jaane ko...

aur vo kal aaj raat hee thee...

---------------------------------------

par jo kuchchh bhee aaj raat ko unhone dekha.. usane usakee vyaakulata kam karane kee bajaay aur badha dee.. khaas taur se tab, jab usane sapano mein roj aane vaalee ladakee ko saakshaat apanee nazaron ke saamane dekha.. shruti ke roop mein.. us vaqt tak to teele se vaapas aate hue vah yahee soch raha tha ki ye sab mahaj usake dimaag ke pheetoor ke alaava kuchchh nahee tha.. par ab; ab to vo katayi aisa nahee soch sakata tha.. usake sapano kee raanee yathaarth banakar usse roobaroo ho chukee thee.. bhale hee usaka andaaj berookha raha ho.. bhale hee usaka naam shruti raha ho.. kuchchh na kuchchh to baat zaroor hai.. varana isee gaanv kee ladakee usake sapane mein kyoon aatee...

par ab.. aaj raat ke sapane ko vo kaise le.. kaheen neeroo sach mein koee bhoot to nahee.. usane teele par milane vaale bachche ko apana bhaee bataaya.. chakkar kya hai.. aur phir bhoot to daraate hain.. pyaar thode hee karate hain.. phir bhoot bhee maane to kaise maane.. ladakee to usake saamane thee hee.. rohan ko lag raha tha jaise vo bhee us ladakee ke pyaar mein buree tarah jakada ja chuka ho.. vo phir se usako apane sapane mein laana chaahata tha.. apane anaginat savaalon ke javaab lene ke lie.. usse usaka sambandh kya hai.. ye jaanne ke lie... isee udhedabun mein vo kab kho gaya aur kab khud ko neeroo bataane vaalee shruti phir usake sapane mein aa gayee usako pata hee nahee chala...

 

[Pikachu]

Update 15

"kya ho gaya tha.. tum chale kyoon gaye the, beech mein hee.." neeroo vaheen baithee thee.. usake pairon ke paas..

"main kahaan gaya tha.. chalee to tum gayee thee.. mere sapane se.." rohan neend mein badabadaaya...

"haan.. magar sapana to tumhaara hee tha na.. tumane vo tod diya.. mujhe jaana pada..!"

"tum sapane mein hee kyoon aatee ho..? uthakar aa jao na.. baraabar vaale kamare mein hee to ho..." rohan ne javaab diya...

neeroo ne yaheen par usako sab kuchchh bataane ka iraada kar liya tha.. usake dev ne vaada jo kiya tha.. is janam mein usaka saath dene ka... " samajhane kee koshish karo dev.. main vo nahee hoon.. jo tum samajh rahe ho.. vo to shruti hee hai jise tum apane saamane baithee dekh rahe ho.... main dev kee priyadarshinee hoon.. aur is janam kee tumhaaree neeroo.."

rohan kisee tarah apane aap par kaaboo pae raha.. usako sab kuchchh jaan lena tha.. aaj hee,"matalab hamaara pichchhale janam ka koee sambandh hai?"

"pichchhale janam ka nahee.. pichchhale kayi janmo ka.. priyaadarishinee ke har janam mein maine tumhaara intajaar kiya.. par main tumhe isee janam mein dhoondh sakee.." neeroo ne javaab diya..

"par tum mujhe pahale bhee to dhoondh sakatee thee.. matalab pichchhale janmon mein.." rohan ne tark diya...

"haan.. aur maine bahut dhoondha bhee.. par meree ek seema hai... ham ek daayare se baahar nahee nikal sakate.. 2 maheene pahale tum is gaanv ke paas se guzare.. aur maine tumhe pahachaan liya.. tab se main is baat ka intajaar kar rahee hoon ki tum kab aaoge mere paas.. matalab neeroo ke paas.. kab hamaara milan hoga.. isee vajah se maine is ghar mein rahane vaalee ladakee ka roop churaaya.. taaki tumhe isake aakarshan mein baandh kar apane paas la sakoon... kyoonkee isse sundar koee aur ladakee mujhe aasapaas dikhaee nahee dee.." neeroo lagaataar bol rahee thee ki rohan ne usako tok diya..

"par agar tum aatma ho to ham kaise mil sakate hain.. batao.."

"nahee main aatma nahee hoon.. main bhee janam le chukee hoon.. kayi baar.. is baar bhee.. neeroo ke roop mein.. sirf usaka dil us loket mein atak kar vaheen mahal mein hee rah gaya tha jo dev ne priyadarshani ko diya tha.. yaanee tumane mujhe.. pyaar kee pahalee aur aakhiree nishaanee ke roop mein.."

"ye loket ka kya chakkar hai?" rohan ne usako phir toka..

"vo ek lambee kahaanee hai.. hamaare pyaar kee.. hamaare milane kee aur milan poora hone se pahale hee hamaaree judaee kee.. kabhee fursat mein bataungi.." neeroo ab usaka javaab sunne ko utaavalee thee...

rohan ko kuchchh kuchchh palle pad raha tha.. par bahut kuchchh nahee," aur ab asalee neeroo ko kaun dhoondhega? kahaan kahaan bhatakoo main.. aur kyoon bhatakoo?"

"tumhe bhatakane kee zaroorat nahee hai.. har janam mein vo mere sampark mein rahee hai.. aakhir main bhee usaka hissa hoon.. amrtasar se 50 kilomeetar door batala kasbe mein rahatee hai vo.. gavarament. kolej ke aasapaas ghar hai usaka...mujhe is baat par garv hai ki har janam mein vo anjaane mein hee sahee par kunvaaree hee rahee.. tumhaare alaava maine kisee ke baare mein socha tak nahee dev.. tumhaare alaava mujhe koee chhoo bhee nahee paaya.." neeroo ka gala bhar aaya..

 

[Pikachu]

Update - 16

"oh.. aur main..?" rohan ko usakee ajeeb magar meethee see kahaanee mein maza aane laga tha...

"tumhaara mujhe nahee pata.. aur is janam kee to tum khud hee jaante hoge..." neeroo ne usako pyaar se dekhate hue kaha...

"to kya vo mujhe dekhate hee pahachaan legee..?" rohan ke man mein savaalon kee jhadee lagee huee thee....

"bas yahee ek samasya hai.. usake lie tumhe usako vaheen laana hoga.. mahal mein.." neeroo ke chehare par udaasee chha gayee..

"ab ye mahal ka kya chakkar hai?" savaalon mein se hee itane savaal nikal rahe the ki puraane savaal rohan bhoolata ja raha tha...

"jahaan tum gaye the.. vahaan ek peepal ka ped hai.. usake neeche hee hamaara mahal hai.. tumhe neeroo ko vaheen lekar aana hoga.."

"ek minit.. ek minit.. jo ladakee mujhe jaanatee nahee, pahachaanatee nahee.. usako main kaise la sakata hoon.. aur vo bhee aisee jagah par jahaan ke bachche bhee itane khataranaak hain.." rohan ka sir chakara gaya..

"isaka javaab mere paas nahee hai.. par agar tum usake dil mein pyaar jagaoge to vo aa sakatee hai.. tumhaare saath.. tumhe usaka pyaar bhee jeetana hoga aur bharosa bhee... ye kaam tumhe apane tareeke se karana hoga...."

" mujhe nahee pata ki ladakiyon ka dil kaise jeette hain.. is maamale mein ekadam anaadee hoon... tum hee kuchchh batao!" rohan kee samajh mein kuchchh nahee aa raha tha..

"tum jab dev the, tab bhee aise hee the.. sharmeele aur jhempoo.. par tumhe kuchchh na kuchchh to karana hee hoga..." neeroo apane dev kee yaadon mein khokar muskuraane lagee....

" soree neeroo.. ye sab main nahee kar sakata.. kisee anjaan ladakee se maine aaj tak baat bhee nahee kee hai.. aur tum usako yahaan laane ko kah rahee ho.. ye nahee ho sakata.. aur phir usako bhee raat ko hee laana hoga.. hai na?"

"haan dev.. ye meree majabooree hai.."

"shit.. never paasibal.. aisa kabhee nahee ho sakata.. aur phir tum hee batao.. main tumhaaree baaton par kyoon visvaas karoon.. aur visvaas kar bhee loon to main itanee badee tenshan mol kyoon loon..? ye jaanne ke baad kee tum koee bhatakatee huee aatma ho; mere dil mein tumhaare lie sahaanubhooti ke alaava kuchchh nahee hai.. par phir bhee main maaphee chaahata hoon.. meree jindagee se nikal jao.. tumane meree hansatee khelatee jindagee barbaad kar dee hai.. main paagal sa ho gaya hoon.. tumhaaree baat ko sach maan bhee loon to mujhe ab kuchchh yaad nahee hai.. phir main to kisee bhee ladakee se pyaar kar sakata hoon.. shaadee kar sakata hoon.. sach boloon to main subah shruti ke paapa se apane rishte ke baare mein baat karana chaahata hoon.. maine apanee jindagee mein isee ladakee ke sapane dekhe hain, jisaka chola pahane abhee tum mere saamane baithee ho.. mujhe isse pyaar ho gaya hai.. to kyoon na main neeroo ke aage pichhe bevajah chakkar lagaane kee bajaay shruti par hee dore daal loon..? pleez.. mera pichchha chhchod do.. aaj ke baad meree jindagee mein mat aana.. main tang aa gaya hoon tumhaaree baaten sunakar... main aur kuchchh jaanna nahee chaahata.." rohan ne seedhe aur nirdayee shabdon mein apanee baat kah dee...

neeroo ka chehara saphed pad gaya.. rohan ko is baar paakar bhee kho dene ke bhay aur gusse ke vo kaanpane see lagee," dev.. tumhaare vaade ka kya hoga..?" neeroo ke munh se kahate hee sisakee see nikalee...

"bhaad mein gaya vaada.. aai dont ker.. mujhe marana nahee hai abhee.. jeena hai.. apane lie.. ghar vaalon ke lie..!"

neeroo khadee ho gayee," theek hai dev.. main ja rahee hoon.. aainda kabhee nahee aaungi.. maine to ye sochakar tumhe kabhee khud ko haath bhee nahee lagaane diya ki mere dvaara dhaaran kee gayee deh kisee aur kee hai.. usako haath lagavaakar main tumhe dooshit karake khud ko paap ka bhaagee nahee banaana chaahatee thee.. agar tumhe yahee pasand hai to lo, noch daalo abhee isako, kar lo apanee havas pooree..." kahate hue neeroo ne gusse se apana gale se pakad kar apana kameez kheench kar taar taar kar daala.. shruti banee neeroo ardhanagn avastha mein nazaren jhukae sisakiyaan le rahee thee..

rohan kee aankhen sharm se jhuk gayee.. usako yoon nazaren jhukae dekh neeroo ne khade khade hee bolana shuroo kar diya," kaash tumhe ahasaas karava sakatee ki tum kya the, kaash tumhe dev aur priyadarshinee kee mohabbat se roobaroo karava paatee.. tumhe dev ke vaade kee keemat ka ahasaas hota to tum kabhee aisa na kahate, jaan par khel jaate apanee neeroo ko apane gale se lagaakar usako kam se kam is janam mein poorn naaree banaane ke lie.. beshak usake paas priyadarshinee ka dil nahee.. phir bhee usane dev ko kiya vaada har janam mein nibhaaya hai.. beshak vo tumhaara intajaar nahee karatee.. par kisee ka bhee intajaar nahee karatee vo.. is janam mein bhee aise hee jaegee.. aur mera kya hai? kaash mujhe tumhaare die gaye loket se bhee utanee hee mohabbat na hotee jitanee ki tumase hai.. to meree aatma mere dil ko bhee saath lekar nikal jaatee.. yoon na tadapta rahana padata mujhe.. janam janam tumhaare aane ke intazaar mein... " neeroo ne bharabharaate gale se kaha aur chupachaap sisakiyaan letee usake sapane se gaayab ho gayee.....

 

[Pikachu]

Update - 17

agalee subah buddhe ne aakar rohan aur nitin ko uthaaya.. rohan ke sir mein dard tha.. raat ke sapane kee baaten usake dimaag mein ab hathode kee tarah baj rahee thee..

"kya baat hai? theek to hai na?" nitin ne usako is tarah sir pakad kar baithe dekha to poochchh liya..

"nahee bhaee.. sab theek hai.. bas aise hee sir mein dard ho raha hai.." rohan ne nitin kee aur dekhate hue kaha..

"to ab chalen ya teree neeroo se milane kee tamanna hai.." buddhe ke vaapas jaate hee nitin ne rohan kochheda...

"usaka naam bhee mat le yaar mere saamane.." rohan phat pada...

"are main tujhe phon karake teele par bulaane vaalee ladakee kee baat nahee kar raha.. main isakee baat kar raha hoon; shruti kee.. milee to yahee thee na tumase.. kaafee pahale.. too kah raha tha..." nitin ne usako khangaalana shuroo kiya...

"abhee kuchchh mat bol yaar.. pleez.. mere sir mein dard hai.." rohan ab bhee apana sir pakade baitha tha...

"chal chhchod.. too tenshan kyoon leta hai.. abhee nikalate hee hain bas yahaan se.." rohan ne us vaqt baat ko taal diya..

"main phresh hokar aata hoon yaar.. taaylet kidhar hai.. kuchchh aaidiya hai..?" rohan khada hote hue bola...

"baahar nikal kar daee taraph seedha chala ja.."

"thainks.." kahakar jaise hee rohan baahar nikalane ko hua, unake lie chaay banaakar la rahee shruti usse takaraate takaraate bachee..,"oh soree..!" rohan thithak kar khada ho gaya..

shruti usake saamane sir jhuka kar khadee ho gayee.. kya gajab kee mithaas thee usake chehare par.. sundarata ka prateek kahen to koee atishayokti na hogee.. maare lajja ke usane abhee tak apanee aankhen uthaee hee na thee uper.. ek baar bhee unase aankhen chaar nahee kee... kaafee der tak jab rohan usako thaga sa khada dekhata raha to usako bolana hee pada," jee.. chaay.."

"sh.. andar rakh do.. main aata hoon abhee.. thainks!" kahakar rohan usako raasta dekar aage nikal gaya..

shruti chaay lekar andar gayee aur tebal nitin kee aur saraka kar chaay us par rakh dee.. mudakar jaise hee va baahar jaane ke lie palatee.. nitin ne usako tok diya," kya naam hai tumhaara?"

shruti ke kadam vaheen thithak gaye... sharmeelee thee par paagal nahee thee.. usake baapoo ne kitanee hee baar usaka naam liya unake saamane.. vo samajh gayee.. lain maarane kee phiraak mein hai... vah do pal rukee aur phir se aage badhane lagee..

"neeroo.. ye bhee tumhaara hee naam hai na..!" nitin ne usake badhate kadamon par phir se viraam laga diya..

"jee.. jee nahee.." shruti ne javaab diya..

"rohan tumhaare lie hee yahaan aaya hai.. koee tumhaara naam lekar usako yahaan bula rahee thee.. tum mile ho na pahale.. vo ... tum dono pyaar bhee to karate ho.." nitin ko jitana pata tha.. utana bol diya...

shruti ko nitin kee baaten samajh mein nahee aaee thee.. vah palat kar kuchchh bolana chaahatee thee.. par usakee himmat na huee.. bina palate, bina ruke va baahar nikal gayee...

"ajeeb ladakee hai.." nitin badabadaaya... aur nyoosapepar uthaakar padhane laga... shruti ne nitin kee aakhir mein kahee gayee baaton ko sun liya...

kuchchh der baad rohan vaapas aaya to buddha vaheen baitha tha... rohan aate hee thandee ho chukee chaay uthaane laga to buddhe ne usako rok diya," rahane do beta.. thandee ho gayee hogee.. shruti kah rahee thee vo aur banaakar la rahee hai..

"oh ankal jee.. kya zaroorat thee pareshaan hone kee..." rohan ne apanee baat khatam bhee nahee kee thee shruti vahaan haajir ho gayee.. tre mein ek kap chaay lekar..

nitin ne aankhon hee aankhon mein rohan kee aur ishaara kiya.. maano kah raha ho.. "kya baat hai.. tum par to badee meharabaan hai.."

is baar shruti seedhee aakar rohan ke saamane khadee ho gayee aur tre usakee aur badha dee... rohan ne chehara uthaakar usakee nazaron mein jhaanka.. is baar aasacharyajanak roop se vo usakee hee aur dekh rahee thee.. aankhon mein aankhen daale.. rohan usakee aankhon mein dekhate hee sammohit sa ho gaya.. apanee aankhon mein hee jahaan bhar kee khushiyaan samete va usakee aur takatakee lagae khadee rahee.. jab kaafee der tak rohan ne tre nahee pakadee to shruti ko bolana hee pada," chaay leejie...!"

"sh haan.. thainks!" rohan jhemp sa gaya.. shruti ke baapoo vahaan nahee baithe hote to nitin koee na koee koment zaroor karata.. unake aankhe chaar karane ke andaaj par..

"achchchha ankal jee.. ham abhee nikalenge... bata sakate hain ki pankchar lagaane vaala kahaan mil sakata hai...?"

"kya jaldee hai beta.. khaana vaana khaakar nikal jaate.." buddhe ne atithidharm ke naate baat kahee..

"nahee ankal jee.. pahale hee aap.. vaise bhee ham let ho rahe hain.. pankchar bhee lagavaana hai.. jaane kahaan milega... hamen aagaya deejie ab.."

 

[Pikachu]

Update - 18

"theek hai beta.. jaisee tumhaaree marzee.. pankchar kee ek dukaan agale gaanv mein hai.." buddhe ne bataaya hee tha ki baahar se shruti kee aavaaz aaee," baapoo.. ek baar aana!"

" ek minit.." buddha kahakar baahar nikal gaya... rohan ke kap rakhate hee vo dono bhee yoonhee baahar nikal kar gaadee ke paas aa gaye..

"nitinann.. ye kaise hua? toone dhang se dekha tha na raat ko..." rohan uchchhal pada..

"kya hua?"

"hava to dekh taiyars kee..." rohan jaisechilla sa raha tha...

"oh mai god.. kamaal hai.. haan maine mobail kee lait jala kar dekha tha.. tab to kisee taiyar mein hava nahee thee.. had ho gayee yaar.. yahaan bhee?"

"kya hua beta..?" rohan kee cheekh see sunakar buddha lagabhag bhaagata hua baahar aaya..

"ankal jee.. ye.. hava.. raat ko to bilkul gaayab thee.. ab kahaan se aa gayee...? rohan ne taiyars kee aur ishaara karate hue kaha...

buddhe ke chehare par shikan tak nahee aaee," ham aise chamatkaaron ke aadi ho chuke hain beta.. aaj raat hee... shruti subah uthee to usaka kameez gale se phata hua tha.. neeche tak.. bura mat maanna.. par agar kamare kee kundee band na hotee to main tum logon ke baare mein bhee jaane kya kya sochata... par yahaan kuchchh bhee ho sakata hai.. "

nitin ne aasacharya se ek baar phir rohan kee aur dekha.. vo raat ko sapane mein aaee neeroo ke baare mein soch raha tha.. sunn sa khada khada...

"chal theek hai ankal jee.. ab ham nikalen..." nitin sab kuchchh bhool kar jaane kee taiyaaree karane laga...

"shahar kee aur hee jaoge na beta.." buddhe ne vinamrata se savaal kiya...

"haan.. shahar se hokar hee gujarenge... kyoon?" nitin ne javaab dete hue savaal kiya..

"nahee.. kuchchh khaas baat to nahee thee.. par vo.. shruti ko bhee shahar hee jaana hai.. kolej mein.. agar tum zyaada let na ho rahe hote to vo bhee saath hee chalee jaatee.. bas ke intajaar mein bahut taim kharaab ho jaata hai.. vo kah rahee thee..." buddhe ne kaha..

nitin man hee man uchchhal pada... khushee se.. par khushee ko man mein dabaakar rakhate hue bola," ye bhee koee kahane kee baat hai.. vaise hamen koee jaldee bhee nahee hai.. ab to pankchar bhee nahee lagavaana.. jitanee der kahen ham rukane ko taiyaar hain.. "

"achchchha beta!.. vaise to usaka kolej abhee 2-3 ghante baad hai.. par main usako kah deta hoon.. vah jaldee se taiyaar ho jaegee..." buddha khush hote hue bola..

"nahee ankal jee.. koee jaldee nahee hai.. ham tab tak ek kaam kar aate hain.. ghante bhar mein aa jaenge.. tab tak vo bhee taiyaar ho lengee..." nitin ka man saataven aasamaan par tha...

"theek hai beta.. jaisee tumhaaree ichchchha.. main shruti ko bol deta hoon...." buddha bada hee khush lag raha tha....

"ham bas ghante bhar mein aate hain ankal jee..." nitin kahate hue gaadee mein baith gaya.. rohan bhee usake saath ja baitha.. par usakee samajh mein nahee aa raha tha kee ye nitin aakhir ja kahaan raha hai... nitin ne buddhe ke andar jaate hee gaadee staart karake ghuma dee," kyoon be.. ab to khush ho ja.. tere man kee ho gayee.. jee bhar kar baat kar lena.. mujhase to baat kee nahee dhang se.." kahakar nitin ne batteesee nikaal dee..

"par abhee tum vaapas kahaan ja rahe ho?" rohan ne poochachha...

"puraane teele par.. dekhen to sahee aakhir kya draama hai vahaan.." nitin ne gaadee kee speed tej kar dee..

"too.. paagal ho gaya hai kya..? mujhe nahee jaana vahaan..." rohan lagabhag uchchhalate hue bola...

"tujhe lagata hai.. koee dam hai buddhe kee baaton mein.. mujhe to bahut bada naatak lag raha hai.. aur mujhe lagata hai ki buddha bhee is naatak mein shaamil hai.. dekha.. usako gaadee mein apane aap hava bharee jaane par bhee aaschary nahee hua.. ulta kahaanee banaane laga.. betee ka kameez phat gaya raat ko.. hunh.. aur ab dekh.. kaise apanee betee ko ham javaan mustaandon ke saath bhej raha hai.. bhala itana bhee naadaan hai kya koee aaj kee duniya mein... mujhe lagata hai ki shruti hee neeroo banakar tujhe phone karatee hogee.. kuchchh na kuchchh chakkar to zaroor hai pyaare.. kaheen ye teree karodon kee sampatti hathiyaa kee to nahee soch rahe.. tera ulloo banaakar..." nitin bolata hee jaata agar rohan usako beech mein hee na tokata..

" chup ho ja yaar.. aisa kuchchh nahee hai.. ye sab mahaj ittifaaq hai.. too gaadee vaapas mod le..." rohan jhallaaya...

"gaadee to ab khoonee taalaab par hee jaakar rukegee beta.. mujhe vo peepal ka ped dekh kar aana hai.. aur us bachche ko bhee dhoondhana hai.. tujhe utarana hai to utar ja.. rokoo kya?"

rohan kuchchh nahee bola.. kuchchh sochata hua gaadee ke baahar dekhane laga....

 

[Pikachu]

Update - 20


rohan kuchchh nahee bola.. kuchchh sochata hua gaadee ke baahar dekhane laga....

"let nahee ho jaenge kya? ab paidal chalana padega..." rohan ne aage raaste par gahara gaddha sa dekhate hue kaha..

"yahaan se gaadee ko raaste se neeche utaar kar trai karata hoon.. usake baad zyaada dikkat nahee aaegee... shaayad nikal jae... chalo yahaan se to paar hue... chal too bata ab.. kya chakkar hai tera shruti ke saath.. ab to mujhe lag raha hai ki aaj too kunvaara nahee rahega..tujhe kya lagata hai?" vo gaadee samet dheere dheere chalate hue badhate ja rahe the..

"kuchchh nahee lagata bhaee.. meree samajh mein to kuchchh nahee aa raha.. ab main tujhe kaise batau?" rohan ne usakee aur dekhate hue kaha...

"kyoon? mujhe nahee bataega to kisako bataega.. saale, dost hoon main tera... bhaee hoon..." nitin ne usapar bataane ke lie zor daala..," agar aaj toone sab kuchchh nahee bataaya to samajh le.. phir tera mera maamala yaheen khatam hai..."

"to ye taalaab hai vo.. isamen to achchchha khaasa soph suthara paanee hai... raat ko laal kaise ho jaata hoga.." nitin taalaab ko dekhate hee rohan se kuchchh bhee poochchhana bhool gaadee rok kar vaheen utar gaya.. rohan bhee saath hee neeche aa gaya..," chal na yaar.. vaapas chalate hain.."

"abe kyoon phat rahee hai.. tau kee baat maan bhee len to din mein to yahaan kuchchh nahee hota.. chal aaja.." kahakar nitin ek raasta dekh daee aur badh chala..

"vo baat nahee hai yaar.. par mera man nahee hai.. aage chalane ka.. mood oph hai.." rohan usake pichhe pichhe chalata raha...

"kamaal hai yaar.. ab to keechad nahee hai.. lagata hai ham doosare raaste se aae hain aaj.."

rohan kuchchh nahee bola.. usake dimaag mein neeroo kee baaten kaundh rahee thee.. agar sapane mein kuchchh sachchaee hai to vo usako dekh rahee hogee zaroor.. kam se kam usako pata to chal hee gaya hoga kee main aaya hoon.. soch kar hee rohan chaukanna ho gaya...

chalate hue vo taalaab ke paar jaakar usee jagah khade ho gaye jahaan kal raat vo us bachche se mile the... soonaapan vahaan ab bhee vaataavaran mein maujood tha par vo soonaapan ab bhayaavah nahee tha.. isake ulat ajeeb see shaanti vahaan pasaree huee thee.. insaano se rahit, halkee halkee bah rahee hava maahaul ko aur bhee chittaakarshak bana rahee thee... aisa lagata tha kee yahaan pahale koee gaanv basta hoga.. par ab vahaan kuchchh nahee tha.. sivaay puraanee eenton kee galiyon, tootee phootee aadhee giree huee deevaaron aur ekaadh aavaara jaanavaron ke...

"kahaan mil sakata hai vo bachcha.. saale ne raat ko khoob ulloo banaaya.. sach mein dar gaya tha main.." nitin ek jagah jaakar khada ho gaya...

"main bhee.." rohan ke munh se nikala...

"mujhe lagata hai vo kisee ghoomantoo jaatee ka raha hoga.. ye log aisee hee jagahon par jaakar rahate hain..." nitin bachche ke baare mein aaidiya lagaane laga...

"tujhe vo aadivaasee lagata hai.. kitana pyaara tha dikhane mein.. kya pata vo bhee koee aatma hee ho " rohan dheere dheere usako lain par laana chaahata tha.. taaki jab vo usakee kahaanee sune to hanse nahee...

"ab too bhee shuroo ho gaya tau kee tarah... aur mujhe jenetiks mat seekha.. aadivaasee kya khoobasoorat nahee ho sakate.. kya pata kisee desee aadamee ka taanka phit baith gaya ho kisee aadivaasee aurat ke saath.. hota hai yaar... par ab kahaan gaye vo..?" nitin chaaron aur ghoom ghoom kar kuchchh talaash kar raha tha...

"kaun?" rohan ne poochachha..

"aadivaasee yaar.. aur kaun milega yahaan.. arre dekh.. vahee peepal ka ped.. jisake baare mein tau baat kar raha tha.. aa.." nitin usakee aur badh chala...