Thriller Dead Never Lie ~ A Love Story by ~ Deepak

[Pikachu]

Update 27

Nitin ne mouka dekhte hi aage se U-turn liya aur apne pahle se nirdharit thikane ki aur gadi douda di, badkismati se sir ko seat se lagaye aankhein band kiye baithi Shruti uss Disha parivartan ki bhanak nahi pa saki....

"kounsa saal chal raha hai tumhara?" Nitin ne Shruti ke sath baaton ka silsila shuru kar diya...

kuchh der tak Shruti bin bole baithi rahi.. par jab kafi der tak Nitin ki taraf se dusra sawaal nahi daga gaya toh usne munh khol hi diya," 20wan..."

"ha ha ha ha... main tumhari umar nahi poochh raha tha.. fir bhi dhanyawad.. waise kounse year mein ho college mein...?"

"ji, first year...!" Shruti ne najrein jhukaye huye hi jawab diya...

"shadi kab kar rahi ho..?" Nitin ne pahle sawaal ka jawaab milte hi dusra daag diya.. par Shruti ne iska jawab dena jaroori nahi samjha....
"koyi ladka dekh rakha hai ya main apne liye koshish karoon...?" Nitin ne romantic lahje mein agla sawaal kiya...

Shruti iss tarah ki baatein sunkar laja si gayi.. usko iss tarah ki baaton ki aadat hi nahi thi shayad...

"kya baat hai? abhi tak naraj ho kya?" Nitin ki agli baat bhi sawaal hi thi...

"kitna time lagega ghar tak pahunchne mein..." Shruti ne iss baar palatkar sawaal kiya.. wah Nitin ke bedhange sawaalon ka rukh mod dena chahti thi.. beshak wah apni marzi se gadi mein baith gayi thi.. par abhi tak bhi apne iss nirnay ko lekar wo asamanjhas mein lag rahi thi.. pata nahi kis mansik dabav ne usko Nitin ki baat maan'ne par majboor kar diya tha... uske gore chitte chehre par shikan iss baat ka saboot thi ki wo apne aap se khush nahi thi...

"bus utna hi jitna tumhe bus se lagta hai...." kuchh rukte huye nitin ne adhuri baat poori ki...," agar sab kuchh sahi tareeke se ho gaya toh....!"

Shruti ka matha thanka.. usne turant chehra uthakar backview mirror se uski hi aur dekh rahe Nitin se najrein milayi," kkya matlab?"

"tum ghabra bahut jaldi jati ho.. kabhi kuchh aisa waisa kiya nahi hai kya?" Nitin ke chehre par shararati muskaan ubhar aayi...

Shruti ko ahsaas bhi nahi tha ki wo uske gaanv se ulti disha mein kisi agyaat sthan ki aur ja rahi hai..," pls aisi baatein mat karo.. mujhe bahut darr lagne lagta hai.. jaldi se mujhe ghar pahuncha do..." sach mein wah dari huyi thi.. baar baar apne rumaal se chehra ponchhti huyi wah man hi man khud ko kos rahi thi...

"kounse ghar..? purane teele par...?" Nitin ne abki baar toh uski jaan hi nikal di.. " aise majak na karein.. mujhe rona aa jayega..."

"pahli baar toh har ladki roti hai.. khaskar tumhari tarah kachchi umar mein ***** karna pad jaye toh.." Nitin thahaka lagakar hans pada...
Shruti ke chehre par bhay ki boonde chhalak uthi," yye.. ye kya... bakwas kar rahe hain aap..? maine aap par visvas karke bahut badi galati ki.. mujhe kisi bhi stand par neeche utaar do.. main apne aap chali jaaungi bus pakad kar..." Shruti ke shabdon mein gussa tha.. par jubaan uski darr ke maare ladkhada rahi thi...

"dont worry sweet heart.. galati toh hamne ki tum par visvash karke... Rohan ke sath tumne jo karne ki koshish ki.. ab kya uska badla hi na lein.. aaj raat tum mere bister ki shobha banogi.. aur tumhari kasam.. tere jaisi ladki bister mein kitna maja degi.. mera toh soch soch kar hi bura haal hai... dum nikla ja raha hai.. mera" Nitin baat baat par ashleel tipanniyan karne se baaj nahi aa raha tha..

Shruti ki halat subah ke jaisi hi ho gayi.. pahli baar usne najron ko khidki ke paar kiya.. sab kuchh anjaana tha.. anjaan raaste.. anjaan mard.. aur anjaan bhavishya.. Shruti andar tak kaanp gayi...," kahan ja rahe ho tum ?.. mujhe utaar do pls.. main tumhare hath jodti hoon..." ab uski aawaj mein rukhapan aur kathorta nahi bulki dayaneeya aur kampkampata hua lahja tha...

"ab tumhe hamara maksad jaan'ne mein jyada samay nahi lagega jaaneman.. manjil bahut kareeb hai..." Nitin ke chehre par kadwi si muskaan lagataar Shruti ke liye mahoul ko aur bhi bhayawah bana rahi thi...

"mujhe nahi chalna tumhare sath.. jahan bhi abhi main hoon.. yahin utaar do.. mera bapu mar jayega.. agar main samay par nahi pahunchi toh....!" Shruti ne gidgidate huye Nitin ke kandhe par hath rakh diya..

"aaaaha.. kitna meetha touch hai tere hathon ka.. teri ye jawani toh sach mein... haye.. kya cheej hai tu..? mere office mein noukri karegi..? dono ko rakh loonga sath mein.. aur toh koyi tumhara hai nahi.. baap beti ka... soch le..."

Shruti fafak fafak kar rone lagi... usko ahsaas ho chuka tha ki wo bahut bade khatre mein aa gayi hai.. kum se kum uski jawani aur ijjat toh khatre mein thi hi.. ye usko visvas tha...

Nitin ne gadi ko chhote raaste par douda diya.. highway se utaar kar.. Shruti ke hath mein kuchh nahi tha.. sivay subakne ke.. usko maloom tha ki agar wo chillane ki koshish bhi karti hai toh gadi ke tej music mein hi uski aawaj ghut kar rah jayegi.. aur fir usko Nitin ke aur jyada kroor hone ka bhi darr tha.. filhaal apni nasamjhi par aansoo bahane ke alawa uske paas koyi raasta hi nahi tha.. so wah kar hi rahi thi....

Achanak hi gadi teji se mudi aur hulki si chadhayi chadh kar ek purani jarjar si imarat mein ghus gayi... Shruti ki chhatiyan uske dil ke dhadkane ke sath sath kharaab raaste par bade hi kamuk andaj mein uchhal rahi thi....

Gadi imarat mein kafi andar jakar bane gairaaj si dikhne wali jagah par jakar ruki.. Nitin turant gadi se utar gaya.. utarne ke sath hi usne apni pant mein aa chuke ubhar ko chhupane ke liye theek kiya...

" aaja meri jaan.. sharma kyun rahi hai...? kahte huye Nitin ne khidki kholkar Shruti ko gadi se bahar kheench liya....

"aao.. neeche chalte hain...!" Nitin Shruti ke hath ko pakde huye aage badh gaya.. bechari nireeh masoom janwar ki tarah uske hathon ki kathputli bani uske sath sath khinchti chali gayi...

bahut hi tang aur bina roshni wale chhote se tukde ko paar karke Nitin Shruti ka hath pakde neeche ki aur ja rahe ek jeene par utarne laga.. kareeb kareeb 13-14 ghumavdaar paidiyon se hote huye wo dono ek lobby mein aa gaye.. jiske dono aur kamre bane huye the... aascharyajanak roop se uss jarjar imarat ke neeche bani ye jagah kafi nayi prateet hoti thi.. uska har kona kritrim prakash se damak raha tha...

"tumhe jo chahiye main de doongi.. jo poochhoge, sab bata doongi.. pls.. mujhe hath mat lagana..." Sath chalte huye Shruti rah rah kar gidgida rahi thi.. par Nitin ko uss waqt baat karne mein interest nahi tha.... lobby paar karke wo dayi taraf muda aur sabse aakhir mein jakar ek vishal aur adbhut roop se susajjit shayankaksh si dikhne wali jagah par aa gaya..

"kisi baat ki chinta mat karo.. jab tak tum mera kaha manogi.. tumhe kuchh nahi hoga... lekin chalak ban'ne ya nakhre karne ki koshish ki toh tumhara bhi yahi haal hoga, jo inka hua tha... kahte huye Nitin ne ek jagah chabi fansayi aur Bedroom ke andar bani deewar ke ek khas hisse ko khiskakar aaram se khol diya..

"aaa...aaaaaa!" badhawas si aankhein failaye Shruti sirf itna hi bol payi thi ki behosh ho gayi.. usne toh kamre ke andar padi 5 ladkiyon ki nangi laashon ko dhang se dekha bhi nahi tha.. unke shareer se nikal kar kamre mein faili huyi tej durgandh ne hi usko itna lachar kar diya ki wah apne pairon par khadi na rahi saki aur Nitin ki baahon mein jhool gayi.....

"bahut maja aayega... tere ang ang mein itna ras bhara hua hai ki tera katra katra pine mein mujhe mahine lag jaayenge..." Nitin ne usko baahon mein uthaya aur bed par lejakar patak diya.... aur uske paas baithkar uske najuk gulabi honton par apni ungali firane laga.....

 

[Pikachu]

Update 28

Nitin hushn ki bepanah doulat ko apne kamsin anchhuye badan mein samete bister par achet awastha mein leti Shruti ko dekh apne honton ko apni hi jeebh se baar baar tar karta raha.. Wah uske paas hi baitha uski youvan prakastha ka prayay madmast chhatiyon ko ektak dekhe ja raha tha... Par Aascharyajanak dhang se unhe chhoone ki koyi koshish usne nahi ki... Achanak wah utha aur kamre se bahar nikal gaya...

Kamra band kiye jane ki aawaj aate hi Bhay se charmara si uthi Shruti ne dheere se apni aankhein khol di.. apni saanson par kabu paane ki asafal koshish karti huyi Shruti ne Gardan ghumakar kamre mein dekha.. Wahan koyi nahi tha... Par wahan pasra sannata hi wahan kisi ki moujoodgi se bhi bhayanak tha.. Shruti ki aankhon ke saamne kuchh hi minute pahle ka amanushik manjar rah rah kar koundh raha tha.. Uss deewar ki taraf dekhne tak ki himmat nahi kar pa rahi Shruti achanak uthi aur bahar nikalne ke darwaje ki aur lapki.. par uski ye teji vyarth hi thi; darwaja bahar se band tha...

"Hey Bhagwan.. Main kya karoon?" Ghutno ke bal wahin baithkar subakne lagi Shruti ke paas aur koyi chara bhi nahi tha...

"abhi aaya mem'saab!" achanak kamre mein goonji ek mardani aawaj ne lagbhag usko uchhal hi diya..,"kkkoun.. Koun hai?" bhay ke maare Shruti ka kaleja aur aankhein dono bahar nikalne ko ho gaye.. Par uske baad koyi aawaj usko sunayi nahi di...

Inn halat mein toh bade se bade teesmarkha bhi tharrane ko majboor ho jate.. Shruti toh fir bhi ek ladki thi.. Badhawas si kamre mein idhar udhar dekhti wo ek deewar ke sath chipak kar khadi hokar haanfne lagi...

Achanak darwaja khula aur kareeb 35-40 saal ka Bhaddi si shakal ka lamba tagda aadmi kamre mein dakhil hua.. Shruti dahsahat ke maare simat kar kone mein ja khadi huyi...

"Kuchh chahiye mem'shaab!" aadmi ki aawaj mein atyadhik vinamrata thi.. Par Shruti ke liye uss pal koyi bhi aawaj kisi yamraaj ki dahad se kam nahi thi...

"Koun ho tum?.. Mujhe yahan se jane do pls.." Shruti kone mein chipke huye hi apne dono hath prarthna ki mudra mein aage le aayi..

"Main bhagwan ho mem'shaab.. Bhagwandaas.. Sahab ka sewak hoon.. Aur unke mehmaano ka bhi.. Abhi sahab yahan nahi hain.. Kuchh chahiye toh fir se mujhe aawaj laga dena.. Kuchh chahiye kya aapko abhi..?"

"Mujhe jaane do pls.. Mujhe jana hai yahan se...!" Shruti gidgidate huye boli...

"Par yahan se toh koyi jata hi nahi wapas.. Jab sahab ka kaam ho jayega toh wo aapko mujhe gift kar denge.. He he he.. Tab tak aap meri malkin hain.. Par mere saamne dobara jane ka jikar mat karna mem'shaab.. Sahab ne bata rakha hai mujhe kya karna hai, agar aap jaane ki koshish karo toh.. he he he.." bhagwandaas ne kaha aur bahar nikal gaya.. Darwaje ki kundi lagakar..

 

[Pikachu]

Update 29

Shruti kone mein khadi khadi sookhe patte ki tarah kaanp rahi thi.. Aatank ke mare uska gora chehra peela padne laga tha.. Rah rah kar usko ghar mein uska intzaar kar rahe apne bapu ki yaad aa jati aur wah sisakne lagti.. Ab tak toh uske liye chinta bhi karne lag gaye honge...

"Mem'shaab khana!" Darwaja kholkar andar aaye Bhagwan daas ne table par ek thali rakhte huye kaha.. Ek baar Shruti ke man mein aaya ki wah bhagne ki koshish kare.. Par uske kadmon ne uska sath nahi diya.. Usko bhagwan daas ki baat yaad aa gayi.. 'sahab ne mujhe bata rakha hai ki aap bhagneki koshish karein toh mujhe kya karna hai...'

sahmi huyi Shruti ne khane ki aur dekha tak nahi.. Bhagwan Daas ke wapas jate hi wah apne aansoo ponchhte huye bistar par jakar baith gayi...

-----------------------------------------

"Toh kya baat huyi uss ladki se?" Rohan Nitin ke paas akele mein baitha tha...

"kuchh khas hasil nahi ho paya... Usko ghar jane ki jaldi thi aur wo gidgidane lagi.. Mujhe uss'par daya aa gayi aur maine usko jane diya... Fir milne ka wada lekar..." Nitin ne badi safayi se jhooth bola...

"Mujhse ab aur intzaar nahi hota bhai.. Main kal subah hi Punjab ja raha hoon.. Chal na mere sath.. Maine mummy papa se bhi poochh liya hai..." Rohan ne Nitin se sath chalne ka aagrah kiya...

"kya bataya tune unko? Tujhe sapne mein unki bahu mil gayi hai?" Nitin kahkar zor se hansa...

"main pagal hoon kya?"Rohan ne Nitin ki baat khariz ki..

"toh?"

"bus bol diya aise hi kuchh.. Tu bata na.. Sath chal raha hai na?" Rohan ne Nitin se fir poochha....

"Kyun? Wahan bhi bhoot woot milne ke chance hain kya?" Nitin fir se hansa..

"mera majak mat bana yaar.. Tujhe pata hai mujhse itni lambi driving nahi hogi.. Aur driver ko main lekar jana nahi chahta... Chal pado na bhai..." Rohan ne asli wajah batayi...

"dekh mere paas ek din se jada ka time nahi hai.. Tujhe khud hi kuchh karna padega...." Nitin ne saaf mana kar diya...

"waise toh maine Ravinder ko sath chalne ke liye mana rakha hai.. Par jana padega bus ya train mein...." Rohan ne sapast kiya...

"toh kounsa pahad toot jayega.. Chala ja.. Driving ka jhanjhat hi khatam.. Chal abhi main chalta hoon.. Subah jaldi uthkar ek kaam niptaana hai..." Nitin kahte huye uth gaya...

Rohan usko darwaje tak chhod kar aaya aur wapas aakar apne bister mein dubak gaya....

 

[Pikachu]

Raat ke kareeb 9 baj chuke the, iss douran janne kitni hi baar Shruti dil pakad kar royi thi. Jane kitni hi baar uska kaleja munh ko aane ko hua tha.. Jane kitni hi baar apne bapu ke bare mein sochkar wah sisak uthi thi.. Itna toh uska man bhi maan chuka tha ki uski ijjat taar taar hone se ab koyi karishma hi usko bacha sakta hai, uske baad wah jinda wapas chali jaye; ganimat hai...

Jaan bachane ke liye Nitin ki har baat maan lene ke liye wah khud ko mansik roop se taiyaar kar chuki thi.. Yahi soch soch kar baar baar uska kaleja fat padta tha aur aansoo rah rah kar uske gaalon par nishan chhod jate the..

Yunhi leti leti apni kismat ko kos rahi Shruti ne jaise hi bahar se Nitin ki aawaj suni toh usne apne aansoo pounchhe aur aankhein band karke dam sadhkar sone ka natak kar liya...

Nitin darwaja kholkar jaise hi andar aaya, usne Shruti ko bikhre huye balon mein bister par sote huye paya.. Table par dopahar ka khana jyon ka tyon pada tha.. Wah mudkar bahar nikalne ko hua toh Bhagwan Daas darwaje par prakat ho gaya..

"Isne khana nahi khaya?" Nitin ne Bhagwan Daas se poochha...

"Nahi sahab.. Maine toh aapke kahe anusar badi shiddat se banaya tha, Mem'shaab ki khatir.. he he he.." Bhagwan daas ne batteesi nikalte huye kaha..

"idhar aao.. "kahte huye Nitin ne Bahar nikal kar darwaja band kar diya.. Aur kamre se door jane laga.. Bhagwan daas uske pichhe pichhe hi tha..

"isko kuchh Shak toh nahi hua?" Nitin ne bhagwan daas se poochha...

"Nahi sahab.. Darr ke maare iski toh jaan hi nikli ja rahi thi.. Aapke kahe anusar maine rate rataye dialogue bolne shuru kiye hi the ki iska bura haal ho gaya.. Mujhe iski daya aa gayi sahab.. Mujhse sari baatein boli nahi gayi..!" Bhagwandaas sir jhuka kar bola...

"Koyi baat nahi.. Darr toh poori tarah gayi hai na..?"

"Darne ki chhodo sahab.. Ye toh mar hi jati agar thodi der aur main yahan rahta..."

"koyi baat nahi.. Wo laashon wala program tumne bahut achchha kiya tha.. Ek dum asli lag rahi thi.. Maans kis cheej ka tha..?" Nitin ne muskurate huye poochha...

"he he he.. Bakre ka kachcha maans tha sahab.. Aapka fone aate hi main bakra le aaya tha.. Aur kaat kar daal diya tha andar.."

"humm.. Good.. Ab dusri taraf se jakar wo rubber ke putle bhi wahan se hata do aur kamra achchhi tarah saaf kar do..."

"ji achchha sahab...." Bhagwan daas ne adab se sir jhukaya aur wahan se chala gaya...

Nitin jaise hi kamre mein ghusa.. Usne Shruti ko tezi se apni aankhein band karte dekh liya..,"Achchha.. Toh ab mere chehre se itni nafrat ho gayi hai ki dekhna bhi nahi chahti..." Kahta hua Nitin bister ke paas jakar khada ho gaya..

Sir se lekar paanv tak darr ke mare Shruti kaampne lagi.. Uski aankhein band thi..

Nitin ka har shabd usko apne seene mein chubhta hua mahsoos ho raha tha.. Wah chupchap leti rahi..

"Main sirf teen tak ginoonga...." Nitin ne apni baat poori bhi nahi ki thi ki Shruti achanak aankhein khol kar uth baithi aur Nitin se sabse door wale kone par jakar usko bebasi se dekhne lagi...

"Badi samajhdaar ho jaane-mann... Ab kya iraada hai?" Nitin ne bachkane andaaj mein usko aur darane ki koshish ki...

Shruti kuchh nahi boli.. Chupchap kisi masoom maimne ki tarah usko aankhein faadkar dekhti rahi jaise khud par raham karne ki bheekh maang rahi ho.. Halanki chehre ke ude huye rang se saaf tha ki usko raham ki ummeed thi nahi...

"Jinda rahna chahti ho?" Nitin ne usi rookhe swar mein poochha...

Shruti ne turant apna chahra hilaya.. Ab toh bus jindagi bachne ki hi aas thi.. Ijjat ke sath toh wo kab ka samjhouta kar chuki thi...

"Shabash.. Lekin uske liye bahut jaroori hai ki main jo kuchh bhi kahoon.. Jo kuchh bhi poochhoon.. Aagya ka turant palan hona chahiye.. Yadi ek baat bhi tumne nahi mani.. Ya ek baar bhi jhooth bola.. Toh samajh lena.. Kamre mein padi laashon ki tarah tumhe bhi dusra mouka nahi milega..."

"ji.." badi mushkil se ghuti huyi aawaj Shruti ke gale se nikali...

"jao.. jakar naha lo.. tab tak main tumhare liye kapde nikalta hoon.." Nitin ne shararati aankhon se usko upar se neeche ghoora..

"jji.. yahi theek hain.." Shruti ne haklaate huye kaha...

"kya kaha tha maine? itni jaldi bhool gayi..." Nitin ne usko yaad dilaya ki usko uski har baat maan'ni hi padegi...

"ji.. ji.. jati hoon.." kampkampati aawaj mein bolte huye Shruti ne turant bathroom ka rukh kar liya... bathroom mein ghuste huye usne mudkar Nitin ki aankhon mein dekha.. usko visvas nahi ho raha tha ki atyant sabhya dikhne wale uss insaan ki chamadi ke pichhe ek ghinouna jangli janwar chhipa hua hai....

andar jakar usne darwaja band kar liya...

 

[Pikachu]

Bathroom se naha kar Shruti thahre aur thake huye kadmon se bahar nikli.. uttejna ka bhoot dimag se utarte hi usko fir se 'apni jaan' aur bapu ki chinta satane lagi.. Nitin naha dhokar bed par pasra hua tha.. Shruti ko dekhte hi usne baith kar apni baahein faila di," aao jaane mann!"

Shruti kisi khiloune ki tarah uske kareeb aakar khadi ho gayi.. Nitin ne hath badhkar uska hath pakda aur apni baahon mein kheench liya.. Shruti nidhal si uske upar ja giri...

Nitin ne pyar se uske gaalon ko chooma," tum kisi baat ki fikar na karo... wo sab sirf ek natak tha.. tumhe darane ke liye.. taki tum chupchap meri har baat maan lo.."

Nitin ke baat karne ke lahje mein aaye badlaav se Shruti kuchh had tak nischint huyi.. par poori tasalli usko nahi huyi thi," par.. wo laashein?" yaad karte huye Shruti ka poora badan jhanjhana utha...

"ha ha ha... ek minute.. Bhagwan daas...!" Nitin ne jara jor se aawaj lagayi...

"ji sahab.."Bhagwan daas darwaje ke bahar se bola...

Nitin utha aur darwaja kholte huye bola," jara ek baar wo lash uthakar lana..!"

Bhagwan ko ahsaas nahi tha ki natak khatam ho chuka hai.. Nitin ke kareeb aate huye dheere se bola..," par sahab.. unko toh maine dho diya hai..."

"haan.. haan.. wahi.." kahte huye Nitin wapas bister par aakar Shruti se doori banakar baith gaya...," darasal wo rubber ke putle hain.. shikar ke douran unn par khoon laga main unko jaanwaron ko aakarshit karne ke liye use karta hoon.. abhi tum poori roshni mein unko dekhogi toh sab samajh jaogi..."

Shruti pratikriya dene hi wali thi ki Bhagwan daas 'ek lash' ko baalon se pakad kar kheenchta hua kamre mein le aaya...

Shruti hairat ke mare uchhal padi," ye toh... nakli hain...!"

"main kya abhi farsi mein bol raha tha...!" Nitin ne muskurate huye kaha...," main kya tumhe aadamkhor dikhayi deta hoon...?"

Shruti ne khud ko thaga sa mahsoos kiya... ye putle hi the jinhone Shruti ko apni marzi se bina kisi pratirodh ke apna shareer Nitin ko sounpne par majboor kar diya.. warna..," ab toh mujhe ghar chhod aao.. main kuchh bhi kah doongi bapu ko... subah tak nahi gayi toh wo toh mar hi jayenge..."

"abhi kahan.. abhi toh tumhe lane ka asli maksad poora karna hai... bapu ji ki chinta mat karo.. maine ek ladki se ghar fone karwa diya hai ki tum uske paas ho..." Nitin ne Shruti ko dhandhas bandhaya...

"par... tumhe ghar ka no. kahan se mila...?" Shruti ne aascharya se kaha...

" tumhare bapu se liya tha.. jab main aur wo akele baithe the... yunhi.." Nitn darwaja band karke uske paas aakar baith gaya...

Shruti ko ab apne aap se glani ho rahi thi.. jaan bachne ka bharosa milne ke baad usko apne bhang ho chuke koumarya ka gahra paschatap tha... ye peeda ab uske dil mein tees bankar ubharne lagi...," par aapne aisa kyun kiya.. mere sath?" Shruti ne bhawuk hokar dard se bhari aankhon se Nitin ki aankhon mein dekha..

"tumhare 10 karod aur apne 30 karod ke liye.. agar tum mujhse shadi karna chaho toh ye hamare 40 karod bhi ho sakte hain..." Shadi ka jikar karke Nitin ne uski dukhti rag par hath rakh diya.. usko katayi ahsaas nahi tha ki usko shadi ke liye propose karne wala pahla shaks iss andaaj mein uss'se rubaroo hoga.... sochkar hi Shruti poori tarah toot gayi aur subakne lagi...

"don't be emotional yaar.. jindagi mein kuchh hasil karne ke liye kuchh khona hi padta hai... aur 10 karod ke liye ye keemat kuchh bhi nahi.. tum rona dhona chhod dhyan se meri baat suno...!" Nitn ne uski aur gour se dekhte huye kaha...

"kya sunoo main ab?" Shruti fat si padi..," aapko ahsaas bhi hai ki ek ladki ke liye uski ijjat kya mayne rakhti hai.. ? aap meri keemat laga rahe ho.. meri jindagi ki... ab agar main jiyungi toh sirf bapu ke liye.. ghut ghut kar.. aapko nahi pata ki aapne mujhe kya jakham diya hai..!" Shruti subakne lagi...

"par maine kaha na.. main tumse shadi tak karne ko taiyaar hoon.. meri baat toh sun lo..." Nitin ek pal ke liye Shruti ki nafrat ugalti aankhon ko dekh backfoot par aa gaya...

" Seena taan kar kahte ho ki jaane kitni hi ladkiyon ko iss tarah bister par lekar aaye ho! kis kis se shadi karoge.. balatkaar karne ke baad... bolo!" Shruti chilla padi.. uske aansoo ab bhi nahi tham rahe the...

"hey.. ek minute.. maine tumhare sath koyi jabardasti nahi ki.. mere paas saboot bhi hai.. ab meri narami ka jyada fayda uthane ki koshish mat karo.. Shadi ke liye maine sirf isiliye offer kiya hai ki tum mujhe pasand ho.. isiliye nahi ki main tumse pyar karne ka harjana bhugatna chahta hoon.. samjhi.. chup chap meri baat suno.. warna bhagwan daas ko bhi nayi nayi ladkiyon ka bada shouk hai... aur uska andaaj tumse sahan nahi ho payega..." Nitin khij kar gurrane sa laga...

Shruti ko toh darane ke liye hulka sa ishara hi kafi tha.. khud ko bhagwan daas ko sounp diye jane ki dhamki sunkar toh wah thrra si uthi... yahan wah unka virodh kar bhi kaise sakti thi.. apne aapko sisakne se rokne ki koshish karte huye usne aansuon ko pounchha aur chup hokar baith gayi....

"mera ek kaam tumhe karna hoga.. badle mein tumhe main iski keemat bhi doonga.. 10 karod..." Nitin ne uske hathon ko apne hath mein lete huye kaha....

"Kya? " Shruti ka jawab 10 karod ke lalach ki wajah se nahi aaya.. par jawab dena jaroori tha.. baat sun'na jaroori tha..

"pahle tumhe main ek kahani suna doon... Rohan apne baap ka iklouta ladka hai.. jahir hai uske baap ki 80 karod ki wasiyat seedhi uske hi hisse aani hai... par mujhe nahi lagta wo iss doulat ko sambhal payega.. bada seedha aur saral hai bechara... koyi na koyi uss'se wo doulat hathiya hi laga.. toh kyun na main hi kuchh soch loon.. he he he.. waise mujhe bada maanta hai bechara...!" Kahte huye Nitin ruk gaya...

Shruti ke koyi pratikriya na dene par usne bolna jari kiya..," dar asal kayi mahiine se usko ajeeb se sapne aa rahe hain... uske sapno mein tum aati ho aur apne paas bulati ho.. poorv janam ka wasta dekar.. ye sab ajeeb hai aur meri samajh se bahar bhi.. par kuchh ghatnao ne mujhe bhi sochne par majboor kar diya hai.. raat ko tumhara jo kameej fata.. wo tumne khud uske sapne mein fada tha.. kitna ajeeb hai na.. khair hamein uss'se kya lena dena.. sirf kaam ki baat suno.. tumhe dekhkar wo tumhe hi apne sapno ki rani maan'ne laga tha.. par fir sapne mein tumne hi usko ye bola ki wo ladki main nahi hoon.. koyi aur hai.. Neeru naam ki.. samjhi kuchh?"

"Nahi..!" sach mein Shruti ke mann mein kuchh bhi palle nahi pada...

"chalo ek minute.. tumhe sari baat vistaar se batata hoon.." kahkar Nitin usko poori kahani batane laga jo unke teele par jaane se shuru huyi aur aaj dopahar Rohan dwara sari sapna-kahani ka patakshep karne par khatam....

"agar uski sari kahani uske dimag ka waham hai toh fir tumhe wo peepal ke paas doura kyun pada..?" Shruti ne kahani mein poori dilchaspi li.. halanki wah usko uske dimag ka waham nahi bulki poorvjanam ki koyi sachchi ankahi kahani maan rahi thi...

"wo maine natak kiya tha.. ek taraf main usko ye kah raha tha ki ye sab kuchh nahi hai.. dusri taraf uske dimag mein thoos thoos kar Neeru ka bhoot bhar dena chahta hoon.. taki usko mujh par ratti bhar bhi shak na ho..." Nitin ne jaise apne man ki poori gandgi nikal kar uske saamne rakh di...

Shruti ne uski aankhon mein dekha.. Nitin ko apne liye Shruti ki aankhon mein ghrina ka sanchar hote dekha," aise kya dekh rahi ho?"
"kuchh nahi.. ab.. mujhse kya chahte ho...?" Shruti ne najrein jhukate huye kaha...

"yahi ki tum iss plan mein mera sath do... tum Rohan ko visvash dilao ki tumhe sab kuchh yaad aa gaya hai.. aur tumhi uske poorvajanam ki Priya ho.. yani iss janam mein Rohan ki Neeru...!"

 

[ᴅᴀʏᴀ ★ ᴄɪᴅ]

Nice Update

 

[ᴅᴀʏᴀ ★ ᴄɪᴅ]

Waiting bhai ji

 

[Rahul]

ye story Jo bhi post kar raha agar complete story hai to post karo