R
Ravi Prakash
Nice update sir
Waiting for next
Waiting for next
Nice story brother....Update 7
Dusare hi pal para jhatake leti hui pahale jaisi ho sabake samane aa gayi. Sab use hairani mein dekhate rahe. Tabhi jangal se siyaar ke rone ki aavaj ane lagi aur para ke kadam hilane lage.
“Andar jangal mein jao aur jo bhi mile usase kahana Bitchh se milana hai.” Para jangal ke bahar ki taraph chalati hui “Tumhari kismat achchhi rahi to khun – kharabe se pahale usase mil jaoge.” Para hansati hui daud gayi.
“Tune hamase dhokha kiya !!” Ek sainik talavar ke sath usake pichhe daudane laga.
Para ne mudakar achanak prakat hue danton se sainik ke gal par kat liya. Sainik chillata lahuluhan ho niche gir gaya.
“Aur use kahana para ne yad kiya hai.” Para ka ishara ghayal sainik ki taraph tha.
Para age badh gayi.
“Tum hamari shaktiyon ke tod itani asani se kaise janati ho ?” Rajakumari ne age kadam badha puchha.
Para ruk gayi. Sainiko ne talavar age kar li.
“Apane pita se puchhana...!!” Muhan ke khun ko saf kar para mono andhare mein gayab ho gayi ho.
“Rajakumari....|” Phir se siyar ke rone ko sun sainik ne rakumari ka dhyan toda.
“Use utha kar age badho.” Rajakumari ne adesh diya.
Ghayal sainik abhi bhi chilla raha tha.
=========
Udhar basti mein band vapis a chuka tha.
“Kya hua, vapis bhej diya unhen ?” Tai ne use rokate puchha.
“Han tai...!!” Band najare churate hue “Samajha bujha kar vapis bhej diya.” Band nikal gaya.
“Ram ji ka shukar hai varana phir se pulis ka chakkar, puchhata....|” Tai dur se gujar rahi para se “Are Para tu kahan se a rahi hai ?”
Sab para ko dekhane lage. ab para ki ankhe kali magar ghabarai lag rahi thi.
“Para, ghabarai hui kyon hai ?” Dusari budhiya ne puchha.
“Dadi vo.....|” Bahana sochati para tai ko dekh “Un paradeshiyon ko sahi rasta dikha kar ai hun.”
“Sahi rasta ??” Tai ki ankhe chhoti hone lagi.
“Han vo shahar ke gest haus ka rasta.” Para boli.
“Achchha kiya ja tu.” Dusari budhiya boli.
“Ji dadi.” Para ankhon mein ubharati chamak ko chhipati age badh gayi.
“Tune achchha kiya jo is anath ko sahara diya varana pata nahi kya hota isaka ?” Tai ne jati para ko dekhakar kaha.
“Main sahara dene vali kaun hoti hun paro, sab ramaji karate hai.” Dusari budhiya sochati hui “Mera hi kaun hai usake sivay.”
“Tai philm shuru kar rahe hai a jao.” Dur khade ladake ne avaj lagai.
“Kamabakhto mere ane par chalana.” Tai uthati hai.
=========
Rajakumari, Yuvaraj Akshat, sainik chupachap age badhate ja rahe the. Jangal jyada ghana kala aur bhayanak hota ja raha tha.
“Usane kya kimat mangi thi rajakumari ?” Yuvaraj age ped ki patti hatate bola.
“Hamari duniyan mein pahunchane ka tarika.” Rajakumari apane raste ko dekhate age badh gayi.
“Ye to kuchh jyada hi badi kimat thi.” Yuvaraj ke kadam ruk gaye.
“Apane use kya kimat di jo vo man gayi ?” Chalati hui rajakumari ne puchha.
“Aatma ko vapis sharir mein lane ki davai.” Yuvaraj sochate hue “ Pitaji ne mujhe di thi.”
“Aur apane use de di ?” Rajakumari hairan thi.
“Sirph ek bar ke prayog ki ja sakati hai.” Yuvaraj rajakumari ko dekhane laga.
Rajakumari muskurane lagi.
“Chalo ye to pata lag gaya, yuvaraj ke pas gusse se alag bhi kuchh hai.” Age chal rahe sainik ne kaha.
sabhi hansane lage.
“Apani sima mein raho sainik !!” Yuvaraj ne kaha.
“Ji yuvaraj akshat...!!” Sainik hansi rokate bola.
“Jab shalo ko isane mar diya to apako devil ke bare mein kaise pata chala ?” Yuvaraj ne sabaka dhyan khincha.
“Shalo hamen suchana dene ke bad phir se dharati par aya hoga ?” Rajakumari ne sochate hue kaha.
“Aur hamari duniyan ke raste ki shart ?” Sainik ne puchha.
“Vo usaki saradardi thi.” Rajakumari jaise hi age badhi achanak niche se jamin hat gayi aur sab ek gadde mein gir gaye.
“Ab ye kya musibat hai ?” Patte, dhul, tahaniyan, hatate yuvaraj bola.
Tabhi unake upar ek siyar ke rone ki avaj ai.
“Kisi ne hamen pakad liya.” Ek sainik bola.
“Bas bahut ho gaya.” Rajakumari gusse mein uthati upar dekhane lagi aur dusare hi pal sab jamin par khade the.
Sainik yuvaraj talavar lie khade the par as – pas koi nahi tha.
“Ye koi jadui jangal to nahi hai ?” Sainik hairan tha.
“Sab apani sthiti par, koi bhari musibat hamari taraph badh rahi hai !!” Rajakumari ne hatheli ko jhataka dete hi chigariyon ka chhota sa gola hatheli par chamakane laga.
Ek kale andhiyare raste par un sabaki najare gadhi thi jahan sirph thodi si dhundh dikh rahi thi.
“Vo najadik hai...!!” Rajakumari ki hatheli majabut aur sath hi ankhon mein raushani chamakane lagi thi.
Yuvaraj apani sanson ki avaj ko bhi roke hue tha.
“Vo aa gaye.” Rajakumari ne apani mutthi samane karate hue “Raksha kavach, ek sath.”
Sabane talavare age ki taraph badha di aur ek kanch ki divar ne unhen gher liya. kuchh palo ke lie charo taraph shanti thi, jaise hi yuvaraj kuchh kahane laga kitane hi bhediya, siyar, adivasiyon ne unake upar se chhalang laga di, mano koi puri armi lekar age badh raha ho.
“Ye kya bala hai ?” Yuvaraj samajh nahi pa raha tha.
Aakhir mein ek bhediya unake kavach ko par karake ruk gay. Sabaki sanse ruk gayi. Bhediya unaki taraph ghuma to usaki ankhe chamak rahi thi, jaise hi usane unaki taraph kadam badhaye kavach tutane laga tha. Sainiko ke sath rajakumari bhi hairan thi, unaka powairfull kavach itani asani se tut raha tha.
“Hamen bitchh se milana hai.” Rajukumari para ki bat (koi bhi mile usase kahana bich se milana hai) yad a gayi.
Bhediya rajakumari ko ghurhane laga. tabhi phir se siyar ke rone ki avaj ayi. bhediya agale panje se jamin par linai khinch, na mein gardan hila ulati taraph daud gaya.
“Usane hame kuchh bola hai.” Kavach hatane ke sath sainik bola.
“Usane is rekha ko par na karane ke lie bola hai.” Rajakumari linai ke pas ai to age ek dhalan se niche maindan tha.
“Ye sab kya hai ?” Maindan mein amane – samane bhediyon ki phauj (jinamen kuchh insan bhi the shayad adivasi) ko dekh yuvaraj ka sar chakara gaya.
“Apani dharati par bandipan bhul gaye yuvaraj ?” Rajakumari donon taraph ki phaujon ko dekh “Unaki tarah yahan bhi kshetr ki raksha ho rahi hai.”
Ek hi pal gujara tha donon taraph se bhediya ek – dusare par tut pade. donon hi taraph adivasi the, par lad ek - dusare ke bhediyon se rahe the. kaphi der tak donon ke bich ladai chalati rahi mano ek - dusare ke sathiyon ko marane ki hod lagi ho. Ek bhediyan dusare ko patak bad mein raha tha tisare ko mitti mein pahale mila raha tha. adivasi bhediyon ko utha -2 kar todate marodate dusare gut ki sankhyan kam kar rahe the.
“Ye kab tak ladate rahenge ?” Sainik ne puchha.
“Jab tak donon mein se koi ek gut har man pichhe nahi hat jata.” Sidai ke ped ke pichhe ek chamakati ankhon ke sath ek kala, bhari bharakam, insan nikal unake pas akar khada ho gaya.
“Tum bitchh ho...?” Rajakumari ne usase puchha.
“Nahi, par main usase bhi khataranak hun ?” Dusare pal insan ke muhan kholate hi usake bhediya jaise dant dikhane lage the.
Jaise hi insan rajakumari par jhapata yuvaraj ne talavar chala di.
“Pagal samajh koi bhi hamen darane chala ata hai, hamari shakl kya murkho vali lagati hai ?” Yuvaraj ne kate gale, ankhe phade dekh rahe insan ko dhalan se niche lat mar deta hai.
Insan ko niche ludhakata dekh kuchh bhediyan un sabaki taraph daud pade.
“Ao kamino pahale tumhen hi dekhata hun.” Talavar se uthi raushani ke sath rajakumari ke rokane ke bavajud yuvaraj age badh gaya.
Tabhi us taraph ek chamak badhi aur yuvaraj ped mein jakar ghus gaya. baki sab ki taraph badh rahe bhediyon ko phir se dusare gut ke bhediyon ne daboch liya. rajakumari yuvaraj ko chhod us kiran ke srot ko khoj rahi thi.
Kuchh der mein ek bhediyon ka gut pichhe hatakar bhag gaya. dusare gut ke sare bhediyan ek sath chillane lage.
“Yuvaraj ko niche utaro.” Rajakumari jit ke jashn mein chillate bhediyon ko dekhati hui boli.
Ab bhediyon ne ab rajakumari aur yuvaraj ko ped se niche utar rahe sainiko ko gher liya tha.
“Inaki niyat thik nahi lag rahi ?” Ek sainik badabadate hue rajakumari ko dekhane laga.
“Bitchh se milana hai hamen.” Rajakumari apane gusse ko rok akhiri koshish kar lena chahati thi.
bhediyan najadik a gaye the.
“Para ne bheja hai hamen.” Dar ki vajah se rajakumari ke kadam pichhe hatane lage.
Bhediyan use jor – 2 se ghurhane lage.Pichhe hato.” Sine aur pet ke niche patto se bane kapade pahan, gande ulajhe lambe kale bal, kutte ke kate ka nishan vala chahara mano sadiyon se dhoya hi na ho, achchhi kad kathi lie, ladaki (17) age ati unhen dekhane lagi.
Bhediye abhi bhi usi jagah khade the.
Nice update..Update 8
Sunai nahi diya tumhen.....!!!" Ladaki chillate hue sabako lat marane lagi. Sab darakar pichhe hatane lage. "Kamine salo.....!! jahan himmat dikhani chahiye vahan to pitate rahate ho aur yahan....." Ladaki chilati hui "Bhago yahan se !!" Sare bhediyan, dusare insan gardan jhukaye apane raste chale gaye.
"Tum bichh ho ?" Rajkumari ne Ladaki se puchha.
"Ai....!!!" Hatheli par prakash lie Ladaki Rajkumari ke gale ki taraph karati hui "Kya bichh- 2 laga rakha hai, pata bhi hai bichh ka matalab kya hota hai ?" Rajkumari ke gale ka dam ghutane laga tha.
"Mujhe nahi pata....." Rajkumari sans lene ki koshish kar rahi thi.
"Bichh mane kutiyan." Ladaki Rajkumari ka gala chhod deti hai. "Isilie vo sab hamen ghurha rahe the ?" Apane gale ko pakade Rajkumari boli. "Aur kya bola usane ?" Ladaki ki ankhon mein gussa tha. "Tofa diya hai tumhare lie." Rajkumari ne chahare se ghayal sainik ki taraph ishara kar diya. "Chuka dungi kamini tera tophaha." Ladaki apane gal ke nishan ko chhuti hui boli. "Hamen....." Rajkumari bol hi rahi thi.
"Janati hun, devil se milana hai." Ladaki age chalati hui "Aur kisi kam se bhi ata hai yahan koi....."
Ve sab vahin khade rahe.
"Arati utar kar le chalun...?" Ladaki ne hath jode.
yuvaraj ko hosh a gaya. Sainik use sabhal Rajkumari ke pichhe chal diye. Jangal ghana aur andhera hota chala gaya. Rajkumari gahari soch mein Ladaki ke pichhe chal rahi thi.
"Hum tumhen us nam se bulane ke lie kshama chahati hai." Rajkumari ne kaha.
Ladaki bina javab die andar jangal ki taraph chalati rahi.
"Vaise tumhara nam kya hai ? Rajkumari ne puchha.
"Kya karogi mere nam ka ?" Ladaki ne Rajkumari ko ghura.
"Nahi vo....." Rajkumari usaki jalati ankhon ke dekhati "Baat karane mein asani rahegi.
"Tumhen devil se milana hai na ?" Ladaki usake age chalati hui "Main lekar chal rahi hun, baat khatm..! isase age janane ki jarurat nahi hai.
"Badi akadu hai ?" Ek sainik badabadaya.
Ladaki ne ek najar sainik par mari aur bina kisi raiachtion ke age badhati chali gayi. Kuchh dur jakar ladaki ruk gayi aur Rajkumari ne kisi tarah khud ko usase takarane se rok liya.
"Kya hua ?" Samane ek purana khandar dekh Rajkumari ne Ladaki ke gambhir chahare ko dekha.
"Main abhi ayi, tum sab yahin ruko." Ladaki age kadam rakh un sabako dekhati hui "Yaad rakhana mujhe tum se napharat hai.
"Koi samajh nahi paya akhir Ladaki kya kah rahi hai aur ja kahan rahi hai. Do palo bad Ladaki khandar mein gayab ho gayi.
"Ye bhi to hamen murkh nahi ban a rahi hai ?" Gayal sainik ne puchha.
"Is bar nahi lagata." Rajkumari ki najar us khandar par jami thi.
"Mujhe nahi pata tha insanon ki is mamuli si duniyan mein itani aphat bhari padi hai." apani choton ke dard se behal yuvaraj bola.
"Lagata hai yuvaraj ke dimag par asar ho gaya hai." Sainik ne chutaki li. gusse mein yuvaraj ne talavar khinch li. sainik muhan band kar pichhe ho gaye.
"Hye friainds....!!" Sabaka dhyan apani taraph khinchati Ladaki vapis a chuki thi.
"Shayad sach mein mere dimag mein chot lag gayi hai ?" Yuvaraj apana sar pakad hilane laga.
Samane nili nashili ankhe, kas kar chhoti se bandhe bal, suraj sa damakata chahara, moti se dant, gal par vo hi kate ka nishan, damakadar kale rang ki tait pent aur bajukat top , kale rang ki nokadar hil pahane, kase badan ko lie, ladaki muskura rahi thi.
Tum kaun ho ? Rajkumari ne hairani mein puchha.
"Kmaal kar rahi hai ap, abhi to apako chhodakar gayi thi." Ladaki dhyan se rajkumari ko dekhate hue "Devil se milane vali."
"Par vo to.....?" Sainik vapis khandar ko dekhate hue bol hi raha tha.
"Vo to kya ?" Ladaki khandar ko dekhate hue "Main hi to gayi thi vahan......" Ladaki ki ankhe bata rahi thi vo un sab ko pagal samajh rahi thi.
"Mainne kahan tha ye bhi hamen murkh bana rahi hai !!" Ghayal sainik ne kaha.
Sabaki talavar nikalane lagi.
"Ek bat bataun, mujhe ap sab bade achchhe lagate hai." Achanak muskan ko hairani mein badalate hue Ladaki Rajkumari se "Par apake vyavahar to pagalo jaisa hai."
Rajkumari ko jati Ladaki ki bat yad a gayi, usane isaka ulta kahan tha. "Hamen asha hai tum hamare sath dhokha nahi kar rahi ho ?" Rajkumari Ladaki par bharosa nahi kar pa rahi thi.
"Agar yahi khade rahakar time kharab karana hai to thik hai." Ladaki upar rat ke andhare ko dekh "Varana devil se milana hai to suraj ki pahali kiran se pahale hi mil sakate hai, usake bad....."
"Is bat ka kya praman hai tum hamare sath dhokha nahi kar rahi ho ?" Rajkumari ne puchha.
"Mera timai kharab mat karo, tumhen chalana hai to chalo varana mein ja rahi hun." Ladaki age jakar rukati hui "Mujhe tumase kuchh nahi milane vala, tumane hamari madad ki is lie main tumhari madad kar rahi hun."
"Hamane tumhari madad ki kab ?" Yuvaraj ne puchha.
"Chalo...." Rajkumari yuvaraj ki us insan ki gardan katane ko yad karate hue usake pichhe chal di.
"Baki sabako bhi usake pichhe chalana pada." Ladaki unako lie adha jangal par kar chuki thi.
Sab chup chap usake pichhe chal rahe the.
"Mera nam Dodo hai." Ladaki muskurati hui Rajkumari se "Main isi jangal ke dusari taraph base shahar mein rahati hun."
Sab khandar mein jane se pahale Ladaki ki kahi bate yad kar Rajkumari ko dekh rahe the.
"Phir is tarah jangal mein bhediyo ke sath milakar ladana.....?" Rajkumari ne apane sathiyon ko dekhane ke bad puchha .
“Actually..., main apane boss ke kahane par par yahan ai thi." Dodo ne muskurate hue kaha.
“Kya....?" Rajkumari kuchh word samajh nahi payi thi.
"Main apane malik ke kahane par bhediyon ki madad karane ayi thi." Dodo boli.
"Tumhara malik, tum kisi ki gulam ho ?" Sainik ne hairani jatai.
Dodo sainik ko ghurane lagi. Sainik ki sanse ruk gayi.
"Shant raho sainik." Rajkumari boli.
"Apake sathi majak bada achchha karate hai." Dodo hansane lagi.
Rajkumari ko to Dodo hi samajh nahi a rahi thin vo devil ko kaise samajhegi ? Kuchh samay pahale jo ankhon se jalane ke lie taiyar thi vo barph jaisi thandi kaise ho gayi ?
"Par vo sab lad kyon rahe the aur tumhare malik ne tumhen ladane kyon bheja...?" Rajkumari ne puchha. "Ye ladai har mahine hoti hai amavasya ke hi din." Dodo ekadam gammbhir hoti hui "Apana ilaka badhane ke lie....."
Rajkumari ke sath baki sab ki bhi sanse ruk gayi.
"Hai na pagalapan ?" Dodo ne hansate hue puchha.
"Par insan bhediyon ki madad kyon kar rahe the ?" Yuvaraj bhi puchh baitha.
"Shayad mere malik mujhase bahetar janate hogen ?" Dodo age badhati hui "Unhonne kahan aur main a gayi."
"Tumhare malik kaun hai ?" Rajkumari ne puchha.
"Devil...." Dodo bol padi.
Sabako ek sath jhataka laga.
"Tumhara para se kya jhagada hai ?" Rajkumari Dodo ke sath - 2 chalane lagi.
Jhatake se dodo ne Rajkumari ka gala pakad liya. Sainiko ki talavare khinch gayi par Rajkumari ne hath ke ishare se unhen rok diya. Dodo ka vyavahar pahale jaisa hone laga tha.
"Ham pahunch gaye." Rajkumari ke gale ko dabati apani taraph khinch Dodo ne kaha.