Fantasy Immortals

[Harsh002]

UPDATE - 57

Ab tak

Nayi jagah mill gayi thi humne Strange world ke pass mein hi ulkapindon ke samuh ke pass banayi thi ye nayi jagah jaha saare jeev aa gaye the....aur saath hi unke aas pass ki hcheezin bhi jisse unko pata bhi nahi chalne wala tha wo kab waha aaye....paryaha pe humme ek banda milla jo ki jeevon ki taskari karta tha...pata nahi wo waha kaise aa gaya tha....usko jab strange world leke aye to waha ek ladki aa jatti hai Insan thi wo usko magic bhi aata tha Main samajh nahi paa raha tha wo waha kaise aayi fir usne uss bande ko maarna shuru kiya aur usse puchne laga ki kidhar hai uska parivar kaha rahte hai wo....tab samajh aaya isko bhi utha ke leke aaye hoga wo...

Ab aage

Wo ladki usko maare jaa rahi thi...Main ladki ko dekhe jaa raha tha....isko dekh ke aisa laga jaise pahle bhi milla hu isse.....yahi aas pass kahi....

Nikita ke sath ek baar jab yaha ghoom raha tha Elf Kingdom mein jaane ke liye tab....tab bhi aisa hi laga tha jaisa ab lag raha tha....par ye pata nahi tha ki kyun........

Old Owl - Wo usko maar degi roko usko.....

Dhruv - Aee pagal hai kya....dekh kya raha hai wotere samne usko maare jaa rahi hai....pata to kar kyun maar rahi hai......

Ye dono bole jaa rahe the par mujhe sunayi hi nahi de raha tha......

Ye insan...kitne aje...nahi nahi sunder hote hai....isko hi dekh lo......uss bande ko maarte hue kitni sunder lag rahi thi ye.....gusse se lal sakal.....aankhon mein thode aashu.....hawa mein jhulte hue baal..........aur uske wo pair...jisse wo usko maare jaa rahi thi.....

Old Owl - wo maar degi usko.....

Iss baar wo saamne aa gaya tha.....aur uski aawaj ladki ne bhi suni...aur wo uski oor dekhne lagi.....sayad isne bahut se ajeeb jeev dekhe honge par abhi uske saamne ek bada sa ullu tha jo bol raha tha.....wo thoda chauki aur picche chali gayi...

Main - Kon ho tum...aur yaha kaise....

Sayad andhera tha iss wajah se usne mujhe uss waqt Strange world ka hi koi banda samajh liya hoga...waise Main insano ki tarah hi dikhta hu..Mom ke karan sayad....khair...usne dhyaan se mujhe dekha...fir Old Owl ko....aur fir waha se bhag gayi.....chilate hue...

Ye samajh mein nahi aaya aakhir hua kya....itne der se mere hi saamne usko koote jaa rahi thi tab kuch nahi....aur ab dekha to aise bhagi jaise puccho mat...sayad Old Owl ki wajah se.....haa aur kya.....wo dekhne mein bhi darawna hai raat ko aur darawna lagta hoga upar se bolta bhi hai dar hi jaayega koi bhi....

Maine Old Owl ki taraf dekhte hue ye sab socha....

Old Owl - dekh kya rahe ho aise.....wo bhag gayi....aur isko dekho kaisi haalat ho gayi hai iski...iska kya karna hai.....

Main - kya karna hai iska....tum pahle ek kaam karo uss ladki ke picche lag jaao yaa laga do kisi ko mujhe uske baare mein sab janna hai.....

Old Owl - Aur Elf king unka kya.....

Main - Haa to kaha naa khud jao yaa kisi aur ko bhejo par iss ladki ke baare mein sab janna hai mujhe....

Old Owl - thik hai....

Main - Jwala Portal kholo...ek mehmaan aa raha hai....uska dhyaan rakhna hai....

Usne portal khola main uss taskari karne wale ko utha ke usse ander leke gaya....

Jwala - Isko wapas kyun leke aa gaye....

Main - isse pucch taach karni hai....tumme se kisi ko aata hai kya ye karna....

Jwala - Puch taach...hum ye sab nahi karte....

Polar bear king - Hum bhi inn sab mein waqt barbaad nahi karte....

Main - pata nahi kon hai ye sab....inko puch taach nahi karni aati....isko Earth pe leke jaaun kya....yaa yahi rahne du....

Maine kuch der socha aur fir isko Earth pe le jaane ke liye taiyaar ho gaya waha pe log mil hi jaayenge jo isse puch taach karenge aur unki madad se main pata kar paunga uss ladki ke baare mein....pata nahi kyun...par uska wo gusse se bhara chahra meri aakhon ke saamne se hat hi nahi raha tha....

Main - Jwala main isko ghar leke jaunga...waha iski khabar lenge....tum...ek kaam karo... Old Owl se ek baar baat kar lena maine usko kisi ke picche jaane ko kaha hai....wo agar kabhi bhi khatre mein ho usko bachana hai aur mujhe batana bhi hai samjhe...

Jwala - ab ye kon nayi aa gayi....

Main - Pata nahi ussi ka pata karna hai....waise mujhe tumse Bijli ke baare mein baat karni hai....wo theek nahi lag rahi thi...

Jwala - Wo....wo thodi problem hai iss wajah se...

Main - Haa to wahi to puch raha hu...kya pareshani hai....usse milna nahi hua bahut waqt se aur abhi uss din milla to wo pareshan lag rahi thi...

Jwala(hadbadate hue) mujhe pata nahi.....tumko jaana hai naa main portal khol raha hu....mujhe bhi yaha kaam hai....

Main samajh nahi paaya ye kya tha ye bata kyun nahi raha kuch aur wo bhi kuch nahi bata rahi thi.... pata nahi kya hua hai inko....

Main usko leke Portal mein chala gaya aur waha se fir Earth pe....apne ghar ke pass aa gaya....

Waise maine socha tha Didi ke hotel mein rakhne ke liye isko...waha Didi bhi hogi aur unko to aata hi hoga puchtaach karna...par usse pahle Didi se puchna hoga lekin ab samajh nahi aa raha tha isko aise sadak pe chod ke ghar mein jaake didi se pucchu kaise....

Maine ek chota sa pather liya aur didi ke room ki taraf fenka...mujhe kya pata tha isse ek dhamaka hi ho jaayega....

Chota sa dhamaka ho gaya...aur uski wajah thi hamare ghar ke aas pass laga hua kawach....raat ke waqt ke liye....jisse koi ander naa jaa sake...kahi aur se...siway darwaje ke...

Dhamake ke karan sab uth gaye....aur main pagalon sa khada apne iss kaam ke baare mein soch raha tha...Dhruv mujhpe has raha tha...

Ghar se sabhi bahar aa gaye...Bua thi nahi baaki sab ghar pe hi the...sab aa gaye bahar...par Didi aur Nikita nahi aaye..........

Dekho to bhala jinse kaam tha unhi ka pata nahi humko.....

Khair...

Dadi ne sabse pahle mujhe dekha.....wo mere pass aayi...aur unke picche picche baaki sab bhi....

Chachi - tum yaha iss waqt kya kar rahe ho....

Main - Wo....wo main bas aise hi aa gaya tha.....

Chacha ji - WO kon hai.....aur usko bandha hua kyun hai....

Dadaji - Satya dekho jaake kaun hai wo aur tum theek ho Prateek...

Main - Ji dadaji main theek hu....

Dadi - Par tum yaha iss waqt kar kya rahe ho...aana tha to Rupal ke saath aa jaate...Nikita to aayi thi uske saath...aur pather kyun fenka tumne apne hi ghar pe...

Chachi - Maa ye aaj bhi ghar pe aaya hoga Apni Didi se milne.....ek din aur aaya tha uss din seedha ghar mein aa gaya tha...mujhe pata chala gaya tha...aaj sayad issi wajah se bahar se pather fenk raha tha jisse kisi ko pata naa chale...Ab batao tum iss waqt kya kaam hai...

Main - Haa Didi se milna tha...par mujhe pata nahi tha aisa kuch hoga...main bas apko pareshan nahi karna chahta tha....

Chacha - Papa ye to.....wahi hai jiski photo lagi hui thi uss sarkari daftar mein...ye taskari karta hai jeevon ki aur iska yaha aana nishedh hai...

Dadaji - Jaldi se phone karo....

Yaha dadaji uss mote aadmi ko phone karne ki baat kar rahe the....wo ek tarah se Strange world ki taraf se bheja gaya yaah pe ek dutt hai...

Main - Nahi.....wo mere saath hai...

Chachi - Kya matlab tumhare sath hai tum kar kya rahe ho aaj kal...

Main - Mera matlab maine usko pakda hai main usko yaha puch taach ke liye leke aaya hu...

Dadi - Beta kya bole jaa rahe ho....tum thik to ho naa...

Samajh mein nahi aa raha tha mujhe ab kon si kahani banaun main....kaha milla ye aur kya kar raha tha ye.....

thoda haklane ke baad...

Main - ye school ke pass tha....waha pe kisi ka wait kar raha tha.....jab wo aaya isne usko pakadne ki koshish ki par maine isko dekh liya....aur usko baccha liya....fir isko yaha leke aa gaya.....

Chacha - to ye nashe mein ye sab kar raha tha....

Main - haa ye nashe mein tha tabhi to maine isko pakad liya....

CHachi - fir puch taach kya karni isko Strange world bhej dete hai waha se isko sazza sunayi jaayegi...

Main - Nahi main bas...janna chahta tha isne humla kyun kiya...

Dada ji - Par kyun....

Main - wo...wo..

Dadi - bas bahut ho gaya tum sab ka....Satya isko taikhane mein rakh aao....Nidhi iske pass khana aur paani rakh aana....par isse thoda dur...jaha bas ye dekh paaye khaa aur pi naa sake...samjhi....aur aap bahut ho gaya jab se aaya hai mera baccha bas sawal sawal yahi ho raha hai.....isne isko pakda hai isko aur bhi jankari leni hai....ye acchi baat hai....Prateek tum abhi yahi raho subah chale jaana wapas.....aur sham ko wapas aa jaana tab tak ye saare sawalon ka jawab dega...

Dadaji - kya bol rahi ho...

Dadi - bola naa maine....aur strange world ko hi saup denge isko inn sab ke baad....

Dadaji chup ho gaye...aur main Chacha ji ke saath usko uthane chala gaya aur waha se usko taikhane mein laake rakh diya....pahli baar ye jagah dekh raha tha.....kya jagah thi....kulhadi....bhala talwar.....tarah tarah ke kawach...kya kuch nahi the waha....

Main - Chachu ye to kammal ki jagah hai...

Chacha - Haa par ab chalte hai aur jaake room mein so jao...

Main - hmm thik hai...

Main upar chala gaya sone ko...

Kya sota main....3 baj gaye the inn sab mein....haa aankh lagi thi thodi der ke liye aur aaj bhi wahi darwaja saamne tha usko chuwa aur neend khul gayi meri....par jab waqt dekha to mere hosh hi udd gaye....9 Baj rahe the....pahle class ka waqt ho gaya tha mere....aur main ghar mein tha...koi uthane tak nahi aaya tha mujhe....

Main jaldi se taiyaar hua aur room se bahar nikla....

Chachi - Arre aaram se....ab bhag ke kya hoga....class shuru ho chukki hogi....

Main - Aapne uthaya kyun nahi fir...

Chachi -Maa ne manna kiya tha bol rahi thi tum raat ko aaye the...thakke hue hoge...aur ek din school ki padhayi chutt jaane se thodi tum kamzor ho jaaoge...

Main - Par chachi aaj se club mein jaana tha....

Chachi - mujhe sab pata hai....club ki timing sham ko hoti hai.....aur ye baat tumhari Dadi bhi jaanti hai issiliye uthane se manna kiya tha....

Main - Nikita to chali gayi hogi school akeli hi...waise wo thi kaha...Didi bhi nahi dikh rahi....

Chachi - wo dono kya yaha thi......wo to Mummy ke yaha thi....kal ghar aayi thi fir waha ka bol ke chali gayi....Nikita School gayi hai yaa nahi ye bhi pata nahi....

Main - :angrysad: aapko uthana chahiye tha mujhe...

CHachi - Aur main Maa se daant khati.....khana khao jaldi....

Main - Bua ka kya....wo to mujhe hi daantengi unko binna bataye yaha aaya hu........

Chachi - iss baat ke liye to tumko sabse daant padni hai...khair abhi khana khao aur fir nicche aa jaana jo puchna hai puch lena usse....

Main - wo batayega...

Chachi - Haa batayega hi waise bhi tumhare chacha ne acche se khabar li hai uski....aur sayad Papaji bhi gaye the baat karne usse....

Main - hmm theek hai..

Maine khana khaya aur fir nicche jaane laga....tabhi waha didi aa gayi...

Didi - Chotu tu yaha....kuch hua hai kya tujhe....

Main - Nahi to...

Didi - TO yaha kya kar raha hai.....school kyun mein kyun nahi hai tu....

Main - Wo main....wo....

Chachi ne unko sab bataya.....

Didi - tu school ke bahar kya kar raha tha.....raat mein....

Wapas se sawal shuru

Didi - accha wo sab chod kaha hai wo main dekhti hu usko.....

Main - Niche hai...Nikita school gayi kya....

Didi - Wo kyun jaayegi aaj......Bua ne bataya nahi kya ki wo abhi 2 din ki chutti pe hai.....ab wo Monday se jaane wali hai waha.....

Main - Kya....par kyun....kya hua usko...

Didi - arre wo mujhe usse kuch kaam tha....wo meri madad kar rahi hai...aur kuch nahi...

Main - mujhe bata deti aap....

Didi - chup kar.....mujhe bata deti....tujhse nahi hota wo sab....Maa aap isko yahi rakho mai aati hu nicche se....

Main - Maine sawal karne hai usse...

Didi - haa to baad mein kar lena...ab yahi rukko...

Main wahi rukka raha aur wo nicche jaake pata nahi kya karne lag gayi....thodi der baad upar aayi...aur mujhe nicche leke gayi...

Didi - Puccho jo puchna hai....

Main - haa haa par aap jao yaha se....

Didi - Kya matlab hai iska....ab main kahi nahi jaa rahi jo puchna hai yahi puccho...

Main - thik hai....batao wo ladki kon thi jo tumhe maar rahi thi......kya wo insan nahi thi.....

Wo - Kiski baat kar rahe ho tum main kisi ko nahi jaanta jo mujhe maar raha tha...

Didi - Ye kiski baat kar rahe ho tum...

Main - Rukko didi pahle isse puchna hai dekho ye jawab nahi de raha hai....

Didi ne pass padde ek chaku ko uthaya aur usko uske anguli pe de maara.....wo dard se cheekhne laga....

Didi - ab bataoge....

Wo - Haa wo insan hai...

Main - Strange world mein insan kaise pahuchi...

Wo - Maine pahuchaya main usko leke gaya tha yaha se.....

Main - kyun....

Wo kuch nahi bola fir....bilkul chup raha.....

Didi - ye aise nahi sunn raha ha.....

"rukko tum dono....ab koi isko nahi chuega samjhe....sab picche hatto..."

Upar se wahi Mota aadmi bola jisne hunmme Strange world mein bheja tha....pata nahi kaha se aaya tha ye......

"isko leke chalo.....isko sazza wahi milegi...."

Main kuch bolta usse pahle hi upar se chachi ne chup rahne ka ishara kiya....aur hum dono chup ho gaye.....usko leke chale gaye wo sab....hum waise hi usko jaate hue dekhte rahe....

Unke jaane ke baad hum upar gaye....

Didi - Maa ye yaha kaise....

Chachi - Kal tumhare papa ne kaha tha ki uss taskari wale ka earth pe aana manna hai uske yaha aate hi inn sab ko pata chal gaya tha par kyunki wo yaha hamare ghar mein the issliye wo iss waqt aaye hai...naaki raat mein....

Main - Mujhe usse aur bhi batein puchni thi....

Chachi - Ab kuch nahi ho sakta hai....bhool jao usko aur koi aur rasta nikalo pata karne ka...jiss baare mein bhi pata kar rahe the....

Main - haa ab to wahi karna hoga.....Main School jaata hu fir....Bua ke class tak pahuch hi jaaunga...

Chachi - Arre ruk jaao aaj....

Didi - Nahi Maa mujhe bhi isse baat karni hai main isko waha chod ke aati hu....

Binna Chachi ki baat sunne wo leke chal di mujhe....sidhe bus stand ke pass

Didi - kis ladki ki baat kar rahe the aur insani ladki Strange world mein kaise....

Maine didi ko bata diya jo kuch bhi hua tha....jitna unko batana chahiye tha....jaise ki Jwala ke kabile ke pass ye pahuch gaya tha kisi tarah se fir hum strange world gaye aur waha pe ek ladki isko maarne lagi mujhe dekh wo bhag gayi waha se....Main ussi ke baare mein puch raha tha isse...

Didi - par kyun...

Main - Didi wo khatre mein ho sakti hai naa.....

Didi - iss liye....

Itne mein bus aa gayi.....Main bus pe chada aur unko dekhne laga wo wahi rukki hui thi....

Main - aapko nahi chalna kya....

Didi - nahi tum jao....aur wapas se mille wo ladki to mujhse milwana usko samjhe....

Main - par kyun...

Didi - Jitna bola utna karo....

Bus chal padi aur main pahuch gaya school mein....waha se fir ander chala gaya aur abhi class chal rahi thi aur iske baad Bua ki class thi main apne room mein chala gaya thodi der ke liye.....

Aaj ke liye itna hi next update mein dekhenge uss ladki ko....aur chalenge ek nazar apne DB ji pe daalne.. sath hi kuch aur baatein

 

[Alone]

nice update harsh sir bahut achcha likhte ho lekin har update me kuch sawaal khade ho jate aisa kyu waisa kyu ye bijli ko kya hua hai kaun si bimari hui usko aur wo ladki kahan gayi kaun hai wo

 

[Harsh002]

UPDATE - 58

Ab tak

Maine ek ladki ko dekha Strange world mein usne mujhe dekha aur bhag gayi....main abhi bhi maanta hu iski wajah main nahi Old Owl tha...uss ladki ka pata lagane ke liye pahle to maine Old Owl ko bola uske picche lagao kisi ko yaa khud jao...saath hi jisko w peet rahi thi usko main leke aa gaya apne ghar...jaha pe thode sawal jawab ke baad usko ghar ke taikhane mein rakh diya gaya tab raat ke 2-3 baj rahe the...uske baad subah hui aur jab tak main utha tab tak uspe haath saaf kar chukke the ghar ke log....par jab main puchtaach karne pahucha tab aa gaya wo Mota aadmi....wo Strange world ka banda...usne usko arrest kiya aur strange world mein bhej diya meri puch taach wahi khatam ho gayi....main fir chal diya School....kam se kam Bua ki class karni thi sayad kam daant pade...

Ab aage

Class hone mein deri thi to Main apne room mein aaya aur baith gaya...ab bas ek hi tairka tha uss ladki ke baare mein pata karne ka aur wo tha Old Owl jab wo uska piccha karta tab hi uske baare mein koi aur khabar milti....abhi tak bas yahi pata tha Insan hai aur ladki hai...haa Sunder bhi hai...par usse jyada aur kuch pata nahi tha...haa gusse wali bhi hai sayad....maar kaise rahi thi usko

Main ye sab soch hi raha tha ki class ka waqt ho gaya aur main chal diya taiyaar hoke Bua ke class mein....wo pahle se ander thi....mujhe dekha to ghoorne lag gayi....matlab saaf tha....daant padni hi hai....Pure class mein gusse se dekhti rahi mujhe wo....fir jab class khatam hua to mujhe apne cabin mein bulaya...

Main bhi kya hoga kya karegi....aat bhi gaal lal honge....aise sochte hue waha pahuch gaya....ander Kavita Madam pahle se thi....ye accha nahi hai yaar daanta hai to akele mein daante ye Kavita madam ko har baar live show dikhane leke chali aati hai ye...ab kuch bol bhi nahi sakte.....kyunki family member type hi hai wo bhi....pata chala wo bhi lage haath

Khair waha gaya to unhone pahle darwaaj band karne ko kaha maine kar diya....unhone fir Kavita madam ko koi ishara kiya jisko dekh wo thoda hasne lagi....Bua ne gusse mein wapas se ishara kiya....aur Kavita madam apni hasi rokti hui pata nahi kuch to ki aur isse hua ye ki room mein aawajein aane lag gayi...awajein Dadi ki....

Dadi - Poonam tumse Prateek sambhala nahi jaata to bata do....ye kaise waha se nikal jaata hai roj raat ko....aur aaj to kisi se iski ladayi bhi ho gayi schoool ke bahar....ye sab chal raha hai waha....aisi security hai waha ki.....aur ye bhatija hai naa tumhara...ispe to khass dhyaan dena chahiye tumko....aur tum ho ki bas khaya piya aur so gayi....ek kaam dhang se nahi hota iss ladki se.....kya socha tha.....baccha hai Prateek room mein hi rahega ek baar bol diya to.....wo bada ho raha hai....usko abhi niyam todne ka mann karta rahega par tumko kuch to karna chahiye naa usko niyamon ka palan karate rahne ke liye....karo kuch....aur haa ab bahut waqt de diya hai maine tumhe....tumhare bhai aur Papa ke kahne pe....aur ye jo Nidhi ke picche chippi rahti ho naa...usko bhi dekhti hu main.....aage se Prateek pe jyada dhyaan dena.....wo kisi bhi tarah raat mein bahar naa jaa paaye....pata nahi kya kya karta rahta hai wo bhi....ek kaam karo.....uske upar wo jaadu kardo jo Maa apne chote bacchon pe karti hai jisse wo kho naa jaaye....

Aise hi naa jaane kitni der tak ye chalta raha aur main sunta raha wahi Kavita madam pass mein pade hue sofe pe baithi pet pakad ke hasse jaa rahi thi....aur main soche jaa raha tha aaj kya hoga....Dadi ko itna kuch bhi nahi kahna chahiye tha....sayad iske baad Chachi ko bhi kahegi abhi main waha tha to mere saamne naa kaha ho ab kah rahi hogi...aur wo bhi mujhe hi yaad kar rahi hogi....

Bua - karu tumpe wo jaadu karu main....

Main - kya hota hai uss jaadu se...

Bua - Dekho abhi bhi sawal puch raha hai ye nahi chup rahe....

Kavita - to bata do naa kya hota hai uss jaadu se...bata do ki jaha bhi ye jaayega wo sab tumko pata chalta rahega jo ye sunega wo tumko bhi sunayi dega jo ye dekhega wo tumko bhi dikhayi dega.....

Bua - Sunna na....ab bolo karu main ye sab,.....aur tumme thodi bhi akal nahi hai kya....maar peet kyun ki.....aur ki to ki chalo koi majboori rahi hogi humne bhi apne waqy mein kiya hai ye sab....par uske baad ghar kon jaata hai....aur wo bhi jisko maara usko kon ghar leke jaata hai....raat mein kahi sar pe chot wot to naa lag gayi....jisse pagal wagal ho gaye ho.....sunna naa kitna kuch kaha hai Mummy ne mujhe....aur ab bhabhi ko bole jaa rahi hongi wo.....

Main - Sorry wo main bas Didi ke pass jaana tha...

Kavita madam ne jab Rupal didi ka naam sunna to aur hasne lag gayi wo....aur Bua aur gusse mein aa gayi....

Bua - Didi....haa ye sahi hai dono bhai bahen milke mujhe satate raho bas...aur ab to ek nayi bhi aa gayi hai naa wo Nikita usko bhi gang mein samil kar liya naa wo bhi karegi pareshan ab.....par main bhi ab shant nahi rahungi....tum sab ko aage se kuch bhi galat kiya to sazza milegi....

Main kuch nahi bola bas sar nicche kar ke khada raha aur kya karta main.....

Kavita madam - waise wo milla kaha tumhe.....aur wo Earth pe aaya kaha se....uske aate hi sabko pata lag jaana chahiye tha.....

Main - (mann mein) Ab yaha bhi sawal hi hai bas.....

Main inko bhi kahani sunnane lag gaya.....

Chalo yaha Prateek ko kahani sunnane dete hai aur hum ek nazar daal aate hai apne DB bhai pe....

Ye yaha bahut koshish kar raha hai....yaha pe basne ki....yaha ke logo ke saath acche se rahne ki aur apni training karne ki par...ab kaha ye Raj mahel mein rahta tha wo bhi pure aisho-aarram ke saath aur kaha abhi ye aa pahucha hai iss aashram mein jaha aaram ka matlab hi kuch aur hai...isko to khana bhi yaha insano wala hi diya jata hai wo bhi saaf suthra khana koi masaledar nahi...inn sab mein ye banda laga hua tha...

Wo aaj bhi sabere se wahi kicchad ke pass baith dhyaan laga raha tha...

Kichad ke pass iss liye kyunki wo bhi to Nature ka hi ek hissa hai aur isko sabhi kuch apnanna hoga....itne waqt mein kuch kuch DB ki sahne ki kshamta badh gayi thi.....

Lemmi - Rajkumar guru ji aapko bula rahe hai....

Lemmi to yaad hi hogi Lemmo ki bahen...jo earth pe aayi thi apni beti ke saath aur uske aashram mein hi rahne ko kaha gaya tha...

Dhyaan mein baitha DB iss aawaj ko sunta hai aur uth ke chal deta hai....pata nahi kaise dhyaan laga raha tha ye....

DB Guruji ke pass....matlab yaha ka sabse takatwar aur samajhdar insan....uske pass chala jaata hai..

Guru ji - Tum pura dul laga ke ye sab nahi kar rahe ....tumhe aur mehnat karni hogi.....

DB ne ye sunna aur gusse se uska chahra lal ho gaya.....itne din se wo koshish kiye to jaa raha tha.....par inko tab bhi ye kam hi lag raha tha......

Guruji - tum apne desh ke logo ko apna nahi maante sayad....

DB - apna nahi maanta to yaha hota.....main unhi ke liye to seekh raha hu ye sab...

Guruji (muskurate hue)- itna jhooth khud se kaise bol lete ho....tum yaha sirf aur sirf khud ke liye ho naaki unke liye....tum yaha iss darr ki wajah se ho ki tum kahi kisi ko wapas se nuksan naa pahucha do.....aur wo sab....wo sab to bas ek parda hai jiske picche tum apne dar ko chippa ke rakhte ho.....

DB - Aap kuch bhi bol rahe hai.....

Guruji - sachayi ko jab tak nahi apnaoge tab tak kuch nahi hoga.....

DB - nahi aisa kuch nahi hai......

Guruji - Insano ke baare mein kya khayal hai tumhara....

DB ne ek baar Guruji ko upar se nicche dekha aur bas sapat lahje mein bata diya kuch bhi nahi.....

Guruji - issi tarah jhooth bolte ho tum khud se....tum Raja banne wale ho.....Raja ka dharm hota hai apne logo ki raksha karna....aur yaha tum khud ko khud ke jhoot se nahi baccha paa rahe.....Leemi isko bahar leke jao....insano ke bich mein rahega ab ye kuch din...

DB - Main insano ke bich mein hi to hu.....ab aur kaha jaun....

Guruji ne kuch nahi kaha wahi Leemi ne apni aakhen band ki aur Rajkumar yaani DB ka hath pakda aur ek roshni hui.....aur DB ki aakhen khud band ho gayi aur wo ek gaon mein the....dono ke dono....DB ka roop badal chukka tha uske bade bade kaan aur thodi si nukili naak dino hi aam insano jaisi ho gayi thi.....Wo Leemi ki oor dekhe jaaa raha tha.....usko samajh nahi aa raha tha ki kaise issne ye sab sikh liya....waise wo jaanta nahi tha ki usko kya aata hai aur kya nahi par ek elf aurat ke liye bhi aisa karna aasan nahi tha.....yaha tak ki uski apni Maa ko bhi ye sab nahi aata tha.....aur uski Maa ELf World mein sabse kabil mahila elves mein se ek thi...

Leemi - Aapko yahi rahna hai Rajkumar......main chalti hu.....

DB - tumko ye sab kaise pata hai...tumne mera roop kaise badal diya....

Leemi - ye....ye sab maine yahi seekha hai....aur haa mujhe pata hai aap hum logo ke baare mein sochte hai tabhi yaha pe hai....aap koi darpookh nahi hai...jo bas apne dar ki wajah se yaha hai....

Leemi ne ye kaha aur isko sun ke DB soch mein oad gaya kahi naa kahi uske mann mein ye sab chal raha tha...wo sach mein dara hua tha apni shaktiyon se....ab ye uspe tha ki wo kya karta...aur kya nahi.....

Leemi ne uski oor dekha...aur fir waha se chai aayi wapas aashram....

Guruji - chod aayi usko....

Leemi - aapne aisa kyun kaha unse.....wo pareshan ho gaye hai.....ab kahi kuch ho gaya to....

Guruji (haste hue)- kuch nahi hoga usko.....maine bas uske ander panap rahe ek shaq ruppi paudhe ko ukhadne ke liye thoda viss diya hai.....ab dekhna ye hai ki Raj kumar kaise uss paudhe ko khatam karte hai....isme waqt lagega....par ye accha hoga.....tum bhi janti ho issi ki wajah se wo thik se dhyaan nahi laga pa raha hai...aur naa hi uski powers kaabu mein aa rahi hai....usko khud pe yakkin nahi hai...usko uska maksad hi acche se pata nahi hai....

Leemi - haa theek hai par wo gaon.....waha pe kuch ho gaya to insan bhi khatre mein pad sakte hai....

Guruji - fikar mat karo.....meri nazar hogi unpe.....ab tum jao....aur apni powers ko badhao....aur apni bacchi ko bhi sikhao......wo bacchi kaafi aage jaayegi....apne Mama ki tarah wo bhi bade bade kaam karegi....

Leemi - Ji.....

Leemi waha se chali jaati hai apne bacchi ke pass jo ki wahi aashram mein rah rahe baccho ko practice karte hue dekh rahi hoti hai....

Leemi - kya hua....kya dekh rahi ho....

Bacchi - Maa ye sab roj aise hi karte hai....main bhi inke saath ye karu....

Leemi - Par tum to choti ho....

Bacchi - nahi main choti nahi rahi ab.....ab main bhi badi hu....

Leemi - ha ha badi ho gayi ho.....par abhi tumko main jo sikhaungi wo seekhna hai fir kuch din baad inn logo ke saath bhi seekh lena samjhi....

Bacchi kush ho jaati hai ye jaan ke ki ab usko bhi kuch sikhaya jayega....aisa aksar hota hai baccho ko wo har ek chiz chahiye hoti hai jo unko dikhti hai....aur yaha pe Leemi ki beti ko bas aur bas gyaan dikh raha tha to usko wahi chahiye tha aur ab usko wo milne wala tha....

Inko chod hum chalte hai Old Owl ke pass......

Old Owl abhi bhi laga hua tha Elf king ke picche.....matlab usne uss ladki ke picche kisi aur ko hi lagaya tha....

Old Owl dekh raha tha kaise Raja apni koshish kiye jaa raha tha sab sahi karne ki.....ek to ye bimari....jiski dawa banane mein wo safal nahi ho paa rahe the aur upar se kuch aur bhi problems aa gaye the jaise mein Naye Yuvraj ke dwara kar badha diya jaana.....isse sabhi pareshan the....par kuch aur bhi pareshaniyan thi jo usko dikh nahi rahi thi.....DB ka cousin naya yuvraj dheere dheere apne pyade baithaye jaa raha tha waha darbaar mein....

Old Owl sab dekhta rahta...sab kuch...aur saari khabarein Mujhe deta rahta tha...par ye ek kaam sahi se nahi kar raha tha waqt pe sahi khabar nahi deta tha mujhe...aur waha ki kuch pareshaniyan aisi thi jiska main kuch nahi kar sakta tha mujhe uske liye Leemo ki madad leni padegi....main iss baare mein soch hi raha tha....

Aaj Old owl wahi Raja pe nazar rakh raha tha aur usne sunna ki Elf king ne Orion se madad maangi hai saath hi Titan pe bhi madad ke liye chithi bheji hai.....Titan pe rah rahe log bahut takatwar the....wo inn sab chooti baaton pe dhyaan bhi nahi dete the....par iss baar ka mamla jab unko pata chala to waha se bhi ek banda bheja gaya tha Strange world mein

Orion se ek jaadugar aur Titan se ek devta....yaha devta inko iss liye kaha jaata hai kyunki inki powers undifined hoti hai....aisa bhi nahi hai bahut tatrah ki powers hai inme.....bas ye ek hi power ko lakhon tarah se use karna jaante hai usko har situation mein kaise use karna hai sab pata hota hai inko....

Dono hi apne jagah se aaye....Raja ne dono ke liye bahut hi accha prabandh kiya hua tha....

Raja ne dono ko uss bimari ke baare mein bataya....waise to wo dono bhi jaante the uske baare mein par ye protocol hai aisa samjha jaa sakta hai.....

Titan wala banda - Aapko malum hai hum aaye hai to iske picche ki wajah bhi badi hogi....warna hum nahi aate....

Elf king - Ji main jaanta hu.....aur maine ye sab dekhte hue hi aap dono ke yaha khat bhijwaya tha.....ab ye sab mujhse nahi saha jaa raha......roj mere desh ke log mar rahe hai....upar se kuch narbhakshi bhi aa gaye hai yaha jo unki bodies tak leke chale jaate hai...

Titan wale ne ye sunna aur soch mein pad gaya......

Elf ki body khayi nahi jaa sakti.....pahle to ye bahut hi beswad hoga....dusra ye jahrela hota hai.....

Yahi baat Orion se aaya hua banda bhi soch raha tha.....dono ne ek dusre ki oor dekha.....

Elf king ne uss bimari ke baare mein batana jaari rakha...aur sab kuch batate gaye....

Wo dono ye sab sunn rahe the.....jab Elf king ki baatein khatam hui to unn dono ne unse kaha ki apne pramukh vaidya ko bulao....

Elf king ne usko bulawa bheja aur wahi wo dono apni jagah se khade hue aur bahar ki oor jaane lage bagiche ki taraf.....

Orion wala - Aapko bhi ye wahi lag raha hai kya.....

Titan - Sunkicho......tumne hamri Library mein kaam kiya hai waha ke bahut se kitabein padhi hui hai tumko......tum iske baare mein jaante hi ho.....fir kyun puch rahe ho.....

Orion wala - Main bas pakka hona chahta hu....par ye sab yaha hua kaise....ye sab to hona bhi nahi chahiye tha.....

Titan - Ye to ab ye Elf king hi jaane khair humme yaha se nikalna hoga ye sab inki apni pareshani hai.....aur hum isme koi madad nahi kar sakte....aisa humne wada kiya tha.....

Orion wala - haa par isme inke log maare jaa rahe hai...

Titan wala (haste hye) - Sunkicho tum abhi tak samjhe nahi koi nahi marra hai......inn logo ko aisa laga hoga ki wo sab mar chukke hai aur in logo ne unko jameen mein dafna diya hoga....par koi hai yaah budhimaan jo unn bodies ko waha se nikal ke sahi tarike se rakh raha hai.....

Orion wala - haa aisa ho sakta hai....main usse milna chahunga agar mumkin hua to....

Titan wala - abhi iske liye waqt nahi hai......par main unki madad jarur karna chahunga....iss bimari ko dheemi karne ki dawa pata hai tumko.....

Orion wala - Ji main jaanta hu....

Titan wala - Sunkicho wo dawa yaha ke pramukh vaidya ko batao.....aur usse bolo iske baare mein pure desh ko bata diya jaaye.....naa sirf ye bimari balki aur bhi chizzen hai jo yaha sahi nahi hai.....

Orion wala - par wo jadi butiya....wo sab yaha utni mat.....

Wo bol hi raha tha ki Titan washi ne apna pair.....apne jutte se nikala aur usko jameen pe rakha...aur apni aakhen band kar di.....isse ek wave sa unke sareer se nikla aur wo charo taraf phail gaya....

Orion wala - hmm main unko bata deta hu...aap nikle Titan ke liye main bhi apna kaam karke yaha se Orion ki oor nikalta hu....

Titan wala - Sunkicho.....kabhi waqt mille to Titan aao....hum waha baatein karenge...apne purane din yaad karenge.....

Orion wale ne haa mein sar hilaya......aur agle hi pal Titan se aaya hua banda gayab ho gaya tha.....wahi thodi der baad uske pass waha ke vaidya aaye....usne ek kagaz pe kuch baatein likh unko dedi....aur kaha isko pure desh mein phaila do....

Vaidya ne waisa hi kiya....apne sishyon ke pass uss kagaz ko leke gaya aur uski copies banwani shuru kar di....aur fir usko har jagah baatne ki taiyaari karne lag gaya....

Orion wala bhi waha se gayab ho gaya binna Elf king se wapas mille hue....

Ye sab Old Owl dekh raha tha...

Usne ye sab mujhe batane ke liye mujhse contact karna shuru kiya.....

Chalo isko bhi chod hum ek nazar uss ladki pe daalte hai.....

Ye ladki itne waqt se yaha pe rahte rahte ek acchi khasi bahrupiya ban chukki thi.....rup aise badalti thi ki pata hi nahi chale...kab elf hai aur kab fairy aur kab Nix.....

Jisko Old Owl ne iske picche bheja tha wo bhi 2 - 3 baar dhokha khaa chukka tha...

ye ladki koi aam insan nahi thi.....matlab kammal ki thi ye.....abhi to apne pariwar ke talash mein thi ye par saath hi kisi aur ko bhi dhoondh rahi thi ye ladki.....

Strange world ke dusre chhor pe jaha pe Nix (water spirits) baste the....waha pe ye jaa pahuchi thi....unhi ka roop leke....aur waha pe dhoondh rahi thi apne master ke katil ko yaha....

Ye sab mujhe issi Old Owl ke bande ne bataya.....wo Nix world mein jaake waha pe banne ek mandir mein gayi....jaha pe sab apni apni training kar rahe the....ye bhi unme se ek ban ke sabme ghul mil gayi....aur apne dusman ko saamne dekhne lagi.....

Wo dusman yaha ka pramukh pujari tha,...jisne iske master ko maara tha kyunki wo yaha pe koi chizz churane aaya tha aur pakda gaya tha.....

Ladki ka kahna tha ki unko marne ki kya jarurat thi.....unko jail bheja jaa sakta tha.....

Sab tarining kar rahe the aur fir waqt khatam ho gaya sab chale gaye par kadki wahi pe rukki rahi....wo chiipi hui thi....Wo mukhya pujari bhi wahi tha....

Pujari - chupne ki jarurat nahi hai tum bahar aa sakti ho....

Ladki ne aisa socha nahi tha ki uske baare mein pujari ko pata hoga.....fir usne socha ab jab pata hai hi to humla kar dete hai....aur wo hamla karne ke liye aage badhi.....Pujari waise hi khada raha.....usne usko rokne ki koshish tak nahi ki.....

Ladki ne 2-3 waar kiye uspe aur usko chot bhi lagi par usne wapas se waar nahi kiya....

Ladki ab thodi confuse ho gayi thi...

Ladki - tumne kyun maara mere master ko....

Pujari - Master yaa usse jisko tum apna pita manti thi.....

Ladki - Wo mere pita nahi the.....ab to nahi.....wo mere master hi the bas....

Pujari - Aur ye baat tumhe meri wajah se pata chali hai.....aur tum mujhhe maarne chali aayi....

Ladki - tumne mere master ko maara hai....

Pujari - wo yaha se yaha ki sabse kimti cheez churane aaya tha.....mujhe to ye karna hi tha.....par main usko nahi maarta agar mujhe ye pata nahi chala hota ki wo kitna ghatiya tha....aur kaise kaise ghinaunne kam kiye the usne.....

Ladki - haa wo bure the par mere master the aur main badla lungi.....

Pujari - saukh se lo....pae sayad iske baad tum apne pariwar se naa mil pao.....wahi pariwar jisse tumko alag kar diya gaya....aur isme tumhare master ka bahut bada haath tha...tum bhi jaanti ho ye.....yaa sayad nahi pata tumko....

Wo ladki ye baat sunke sunnn ho gayi....usko marte waqt bas yahi bataya tha uske master ne ki usko apne logo se chori karke laya gaya tha.....par ye nahi ki isme uska bhi haath tha aakhir kyun kahega wo ye baat....

Ladki ko pujari pe yakkin tha wo jaanti thi usne pahle jo bhi kaha wo sab sach hai sayad ye bhi sach hi hoga....aur pichle kuch din jaise uske bitthe hai wo abhi bahut kamzor ho gayi thi ander se.....

Pujari - Main tumhe tumhare ghar oahucha sakta hu.....par tumhare uss master ne aisa kuch kiya hai waha oe ki wo log tumhe kabhi nahi apnayenge.....

Ladki - aisa kya kiya hai usne....

Pujari - main sab bataunga tumhe....par abhi nahi....ab jab tum yaha aayi ho......jaisa ki hamare granth mein likha tha.....to tumhe wo sab gyaan bhi dena hoga mujhe jo uss granth mein bataaya gaya hai....kal se...main tumhe train karunga....aur training puri hone ke baad tumko Earth pe chod aaunga...jaha tumhe khud ane pariwar ko paana hoga...pata hai ye bahut mushkil hone wala hai....par tumhara asli safar wahi se shuru hone wala hai.....insano ko wo sab wapas milega jo unka tha....jisko wo bhul gaye hai yaa khoo diya hai.....

Abhi ke liye itna hi next update aaj hi aayega jaha hum dekhenge...Prateek aur Leemo mein thodi baat cheet.....DB ka insano ke saath rahna aur...Prateek ki choti si ladayi....

 

[Alone]

wonderfull update wo ladki achchi hai use apne pariwaar ki talaash hai

 

[Harsh002]

UPDATE - 59

aage

Main Bua ke sawalon ki bauchar se bachte bachate.....ab apne room mein pahucha hi tha....aur baitha hi tha ki tabhi waha se Old Owl aa gaya.....iss baar wo aaya tha yaha....matlab baat serious thi.....usne mujhe sab bataya sab kuch kaise aaj orion aur titan se log aaye the Elf king ki madad ke liye aur unme kya baatein hui...maine bhi sab dhyaan se sunna.....

Main - Wo vaidya.....usko koi pareshani naa ho iska dhyaan rakhna....jaise hi ye baat pata chalegi sabko ki wo dawayi ke baare mein sabhi jagah batane wala hai....Naya Yuvraj kuch naa kuch karega.....uske lakshan sahi nahi lag rahe mujhe....usne tax bhi badha diya hai wo bhi aise waqt mein....aur baaki ke log kya karte hai uss darbaar mein....

Old Owl - Maine bataya naa wo apne pyaade rakhe jaa raha hai darbaar mein.....ek durri si banti jaa rahi hai janta aur Elf king mein......ek parda sa aata jaa raha hai bich mein.....aur uss parde se janta ko ye dikhaya jaa raha hai ki Raja bas khud mein hi magan hai aur Raja k ye dikhaya jaa raha ki halat abhi bhi kaabu mein hi hai.....Orion aur titan se logo ko aur pahle hi bulana chahiye tha.....abhi halat aur kharab hoti jaa rahi hai waha pe

Main - Leemo ko iss baare mein abhi kitni jaankari hai....kya wo ye sab jannta hai...

Old Owl - Leemo ke baare mein mujhe abhi utna pata nahi.....haa wo aur uske sathi lage rahte hai log ki madad karne mein.....abhi to jaise unka maksad hi badal gaya hai....wo Raja ke liye nahi balki janta ke liye kaam kar rahe hai....aur ye accha bhi hai abhi ke hisab se...

Main - Main usse milna chahta hu......waise tum bhi ye kar sakte the par main khud usko batana chahta hu ye sab......ek aur baat uss vaidya ka...

Old Owl - ye tum pahle bhi bata chukke ho...main uska dhyaan rakhunga.....

Main - wo ladki uska kya hua.....uske baare mein aur bhi kuch pata chala hai kya.....Nix logo ke saath hi hai kya wo....

Old Owl - haa abhi tak to yahi pata chala hai bas ki wo Nix logo ke saath hai.....

Main - Tumhare uss bande ne bataya tha ki uska Master jisko wo apna Pita maanti thi wo maara gaya tha...uske baare mein bhi kuch pata hai kya.....sayad usse mujhe Earth pe uske baare mein pata karne mein madad mil jaaye....

Old Owl - haa ye bhi hai...main kisi ko iss baare mein bhi pata lagane bhejta hu.....waise maine uss taskari wale ke baare mein saari khabar nikalne ke liye bola hai kisi ko....

Main - haa usse bhi kuch naa kuch pata chalega.....ye sahi kiya hai tumne....

Old Owl - waise ek aur baat thi kya humko....uss taskari wale ko maar dena chahiye....usko hamare naye thikane ka pata hai....manna wo nashe mein tha....par kuch bhi ho sakta hai risk lena sahi hoga kya.....

Main - Kya lagta hai iske baare mein ye hum sabhi ke liye khatra ho sakta hai...

Old Owl - Ho sakta hai ye baad mein khatra ban jaaye.....aur waha pe baat fir se sabhi ki hogi....ek to ye banda waise hi kameena hai.....aur inke jaise agar maare bhi jaaye to accha hi hai....

Main - yaad hai wo jeev jisse mind reading hoti thi....Dhruv kya ye ispe kaam karega.....mujhe nahi lagta isne bas uss ladki ke saath aisa kuch kiya hoga....aur bhi bahut se log honge waise.....

Dhruv - hmm wo mind controller jo uss rani pe tha.....

Main - aur bhi hai kya hamare pass kuch... ussi ki baat kar raha hu...

Dhruv - Ho jaayega....usse ye kaam ho jaayega hum usse uss taskari karne wale ki saari baatein jaan sakte hai...

Main - hmm ye sahi hai fir.....Old Owl ek kaam karo....tum uss taskari karne wale ka bhi pata lagwao...mujhe wo chahiye...usne naa jaane kitno ke saath aisa kuch kiya ho...

Old Owl - haa ye bhi kar dunga....aur kuch ho to batao....

Main - nahi Main Jwala ke saath chala jaunga waha Leemo ke pass.....accha ek aur baat thi ye Bijli ko kya hua hai....naa usne kuch bataya naa hi uss Jwala ne....

Old Owl - tumhe pata nahi kya....

Main - nahi main nahi jaanta kya hua hai.....

Old Owl - wo ande dene wali hai....par kuch complications hai....

Main - :shocked: kya.....matlab Jwala aur uska...

Old Owl - haa aur tumhe ye pata nahi abhi tak...

Main - nahi mujhe nahi bataya gaya iss baare mein.....aur kaisi complications hai.....

Old Owl - Pata nahi mujhe jyada bas.....uska anda sayad thoda bada hai....Dark power ke karan sayad aisa hua hai....

Main - Dark Power ki wajah se....matlab ye sab meri wajah se ho raha hai.....

Old Owl - Nahi aisi baat nahi hai.....sab theek ho jaayega....waise agar tum madad karna chaho to koi vaidya leke aa sakte ho waha...jo usko dekhe....aur uski pareshani dur kare....

Main - hmm main dekhta hu iske baare mein kya ar sakta hu....accha kya tum hi mujhe Leemo ke pass chod sakte ho....main abhi Jwala ke pass nahi jaa paunga....meri wajah se unko ye sab sahna pad raha hai...aur unn logo ne mujhe iske baare mein ek baar bhi nahi bataya....

Old Owl - Haa main leke chal sakta hu waise bhi wahi jaa raha hu main....par haa uss mirror wall se pahle hi utarna hoga....kyunki uske aage jaa nahi paohe mere saath....

Main - haa samajh sakta hu....

Main Old Owl ke saath wahi unn deewaro ke pass aa gaya....kismat acchi thi meri....maine dekha ki saamne hi ek pahredar tha....jiske maine Leemo ke saath dekha tha.....main uske pass gaya....wo mujhe pahchan gaya.....wo mujhe baaki logo se thodi dur leke gaya.....

Wo - Aap yaha....sab theek to hai naa....

Main - hmm sayad sab theek hi hai....tum batao yaha ke kya haal hai aur Leemo kaha hai....mujhe usse baat karni hai....

Wo - Yaha ke baaare mein main kya hi bataun....haalat bat se battar hote jaa rahe hai...

Usne bhi wahi sab bataya jo mujhe Old Owl ne bataya tha bas....iski baaton mein wo dard saaf saaf jhalak raha tha.....kahte hai naa jo sahta hai wahi jaanta hai uss dard ko...

Wo - Leemo abhi kuch logo ke saath kabristan ke pass gaye hue hai....wo khud jaate hai waha se baccho ki bodies laane....naa jaane kaise din dekh raha hai ye desh...

Main - Bas kuch aur din.....DB apni taiyaari mein laga hua hai....wo yaha aayega aur sab sahi ho jaayega...

Meri iss baat pe usne bas ek fikki muskan dikhayi mujhe....ye fikki muskan bata rahi thi kaise logo ka apne raja aur uske pariwar ke logo se bharosa uthta jaa raha hai....DB ko baht pareshani hone wali hai yaha aane ke baad.....

Baatein karte hue hi wo mujhe apne uss thikane pe leke gaya jaha pe baccho ki bodies padi hua thi waha pe kuch log the jo unn bodies ko saaf kar rahe the wahi kuch the jo koi juice jaisa kuch unke muh mein dete jaa rahe the....wo juice unn baccho ki bodies mein jaa raha tha thoda thoda....ye manjar bahut hi bura tha...main bata nahi sakta inn sab ko dekh ke kaisa lag raha tha mujhe....agar main bhi inn logo ke jagah hota to mera bhi yakkin utth chuka hota apne Raja se....apne Desh se....

Main wo sab dekh hi raha tha ki waha pe Leemo wapas aa gaya....uske saath 3 bodies bhi thi....usne unko sahi jagah pe rakhwaya....aur uske baad log aa gaye unn bodies ko dekhne ke liye.....

Wo bhi unki madad kar raha tha....thodi der mein uski nazar mere upar padi....

Leemo - Prateek aap...aap yaha....kisi ne dekha to nahi aapko....

Main - nahi sab theek hai....mujhe ye leke aaye hai yaha.....uss aadmi ki oor ishara karte hue maine kaha....

Leemo - hmm thik hai chaliye aap mere saath hall mein chalte hai waha baatein karenge....

wo mujhe apne saath leke gaya....hall mein pahle se kuch log the Leemo ke waha jaate hi wo sab jhukte hue waha se chale gaye....

Leemo - sab kaisa chal raha hai waha.....raj kumar theek hai naa....wo apni training dhyaan se kar rahe hai naa...

Main - haa wo kar raha hai....par tumne apni bhanji aur bahen ke baare mein nahi pucha...

Leemo - Unn dono ka kya hai wo waha acche hi honge....main jaanta hu....par yaha sab accha hone ke liye Raj kumar ki jarurat hai iss liye unke baare mein puccha hai....

Main - Haa wo dono bhi theek hai....main waha nahi gaya kabhi par.....chacha ji waha jaate rahte hai.....unse maine sunna hai iss baare mein....wo dono abhi bilkul theek hai...

Leemo - Bas wo jaldi aa jaaye...aur ye sab theek ho jaaye....

Main - Leemo yaha pe Orion aur Titan se log aaye the iss bimari ke liye...unhone koi dawayi di hai....jisse inn sab mein thodi kammi aayegi....

Leemo - kya.....sach mein ye to bahut accha hai aap mujhe uss dawayi ke baare mein bataye.....main khud usko baatunga sabhi jagah.....

Main - wo mere pass nahi hai dost agar hota to main jarur lata.....abhi wo yaha ke mukhya Vaidya ke pass hai.....aur wo laga hua hai usko sabhi jagah pahuchane mein.....maine uski surakhsa ke liye log laga diye hai par....tumhe bhi isme madad karni hogi.....tumko bhi usko dekhna hoga....

Leemo - Isme kahne ki baat nahi hai.....main ye karunga hi......main abhi nikal raha hu...iske liye...

Main - Leemo...sunno to....arre dost baat ye hai ki...tum bhi jaante ho iss baat ko ki naye Yuvraj apne logo ko yaha phaila raha hai....Main uske baare mein bhi baat karne aaya tha....Maine mahsus kiya hai uske inn saare karnamo ki wajah se.....logo ka bharosa uthne laga hai Elf King se....

Leemo -(serious hote hue) Haa aapne sahi kaha....aisa hone laga hai.....aur aap sayad puri picture nahi dekh rahe hai.....bahut si jagah aisi hai jaha pe ab log Kranti laane ki baatein kar rahe hai....aapko iska matlab pata hai....abhi Elf kingdom kisi jivit jwalamukhi ke muh pe hai....naa jaane kab wo jwalamukhi fatte aur ye sab khatam....

Main - Isse bachne ka koi upay hai kya tumhare pass....

Leemo - Rasta hai par.....mera jamir uski ijjajat nahi deta.....par haa agar aisa hi chalta raha to ye gunaah bhi karne pe majboor ho jaunga main.....

Main samajh raha tha ye kiss baare mein baat kar raha tha......Military coup ki wo sena nayak tha yaha ka par fir bhi yaha ke seena mein jitna Leemo ka sikka chalta hai utna kisi ka bhi nahi.....abhi ke situation ko dekhte hue....mujhe bhi yahi sahi lag raha tha......

Main - Main iss baare mein DB se ek baar baat karna chahunga....usko yaha ke situation ke baare mein sab batana chahunga.....aakhir ye uska rajya hai.....main isme kuch nahi kar sakta....

Leemo - Haa unka rajya hai ye....aap baat kare unse.....abhi ke liye main uss Vaidya ke pass jaa raha hu....unki madad karne aap chalna chahenge.....ek baar aap bhi iss jagah ko dekh lenge...sayad Raj kumar ko yaha ke haalat ke baare mein batane mein accha hoga....

Main - Mujhe abhi jaana tha....par wo sab baad mein bhi ho jaayega chalo main taiyaar hu....chalo....

Leemo mere saath chal diya......pahle to usne apne logo se pata kiya ki ye Mukhya Vaidhya abhi kaha hai.....aur fir hum uss oor chal diye.....raste mein aisi aisi cheejen dekhne ko mil rahi thi jisko dekh samajh nahi aa raha tha kya karu....agar main inn sab ke picche ka karan naa jaanta to abhi tak yaha ke raja ko maarne ke liye nikal chukka hota....charo taraf maatam hi maatam tha....

Main - Leemo inn sab ko bhi rokne ka koi rasta hai kya...

Leemo - Raasta hai.....par usme khoon karna hoga.....uss naye yuvraj ka.....jo ab aasan nahi hai...usne bahut hi sakht pahra lagwa rakha hai apne charo taraf wo bhi apne khass sainikon ka pahra.....uss tak pahuchna bahut mushkil hai...

Main - Koi to aur rasta hoga.....hum usko dara sakte hai...

Lemmo - Darayenge...kaise darayenge usko....uske saamne 12 pairon wala makda fenk de.....jisse wo dar ke bhag jaayega...

Main - Nahi aise nahi....pata hai main naa Earth pe insano ke bich raha karta tha.....waha pe maine ek baat ache se sikhi hai.....Janta mein bahut power hoti hai....aur yaha to Janta ke saath tum ho aur tumhare jaise log hai to power aur bhi jyada hai yaha pe...

Leemo - kya kahna chahte ho.....

Main - Pata nahi kyun par aaj unn insano ke likhe kitabon ki baatein yaha karne ka dil kar raha hai.....sath hi main bhi kuch pareshan hu sayad wo pareshani ye karne se thodi kam lagne lag jaaye....

Leemo - kya kahna chahte ho tum....

Main - Apne kuch logo ko bulao.....aur mujhe ek naksha chahiye...

Leemo - Humme pahle Vaidya ko surakshit karna chahiye....

Main - Uski fikar mat karo...agar unpe kisi ka saya bhi padega naa to mujhe pata chal jaayega aur agle hi pal hum waha honge....

Leemo - fir batao kya kya chahiye main taiyar hu....

Main - ek naksa 5-5 logo ke 4 gut....aur haa ye log aise hone chahiye jinko dekh janta bhi unke saath aa jaye...

Leemo - ho jaayega....

Leemo thoda picche gaya aur usne aasman ki oor dekhte hue kuch kiya....maine upar dekha to aakash mein koi aakriti banti hui dikhayi di mujhe....aur fir ek aawaj bhi hui....

Main - Ye kya hai....

Leemo - jo tumne kaha uska bandobast kar raha hu....wo sab yaha aate hi honge....

Main - waah....waise ye tha kya....

Leemo - Ye hamara tarika hai baat karne ka messages pahuchane ka......inko bas wahi samajh sakte hai jo inke baare mein jaante hai nahi to sab bas inko baadal hi samjhte hai....

Jyada der nahi lagi aur wo log waha pe aa gaye the....20 log.....saath mein maps bhi the....

Main - sabse jyada aabadi kaha hai.....

Ek ne mujhe map pe ek taraf ishara karke bataya maine waha pe nishan laga diye....

Main - sabse gareeb log kaha rahte hai....

wapas se ishara hua waha bhi maine nishan laga diya...

Main - Ameer log kaha rahte hai aur wo jagah jaha pe koi manufacturing ka kaam hota hai...

unn dono jagahon ke baare mein bhi bataya gaya....

Main 2 gutt....sabse jyada aabadi wali jagah jaayege....waha pe logo ko bhadkao....yaha ke Raja aur unke logo ke khilaf.....apni ye dress badal ke jaana aur ho sakke to chahra bhi chuppa ke rakhna...1 gutt garibon ke ilake mein....1 gutt ameeron ke pass.....aur ek gutt manufacturing wali jagah pe hoga....par waha wo kuch karega nahi....bas waha pe hoga.....baaki 4 gutt logo ko ikatha karo aur unko uss manufacturing wale jagah pe leke aana hai....ek kitab mein padha tha maine kisi bae Krantikari ki baat....Bahre logo ko sunne ke liye ucchi aawaj ki jarurat hoti hai.....aaj wahi aawaj unko sunayenge......Elf King ke saamne ka wo parda aaj khud ba khud jal ke raakh ho jaayega jisse unko yaha ke logo ki haalat nahi dikh rahi hai....Main ye bhi bata du......iske baad aapko aur bhi pareshaniyan jhelni pad sakti hai.....

Leemo - Kisi ko bhi isse koi pareshani hai to abhi batao...

Koi kuch nahi bola....sab chup the....

Leemo - Hum ye karenge.....wo parda aaj hi jalle ga.....Maharaj ko apni Janta ke dukh dekhne hi honge....hum unko mazboor kar denge...

Sabhi ne ek saath haa bola....

Main - fir chalo....jaisa kaha hai waisa hi karo....sab wahi manufacturing area mein aayenge....aur uss jagah pe hum kabza karenge....uss jagah pe ab kuch nahi banega.....jab tak khud maharaj naa aaye waha.....

Sabne wapas se haa kaha aur sab chal diye....

Main - Leemo ye to inka hua...ab ye humpe hai ki Maharaj aaj hi iss jagah pe pahuche....Darbaar mein tumhare kitne log hai abhi....aur unka kitna prabhav hai waha....

Leemo - Ab bas 3-4 hi hai pahle to 10 the...par ab sabko yaha se hataya jaa raha hai...ye 3-4 jo hai wo Raja ke bahut khass hai iss liye banne hue hai warna ye bhi nahi hote......waha pe banne rhne ke liye inko bhi Yuvraj ki baatein manni padti hai...aaki ye waha banne rahe aur humme khabar milti rahe....aisa naa ho ki hum bilkul hi katt jaaye uss jagah se....

Main - hmm to unse bolo....Yuvraj tak ye baat pahuchane ki log aakroshit ho rahe hai aur wo manufacturing area mein aa rahe hai....

Leemo - Wo seena bhej dega....

Main - Haa aur uske baad kya hoga....

Leemo - Uske baad Maharaj ko waha aana hoga....par agar usne ye baat unse chupp ke kari tab....

Main - Tab ek hi rasta hoga....hum sidha uske upar hamla kar denge.....Main karunga ye.....

Leemo - Aap samjhe nahi maine kaha naa uske pass sabse takatwar pahredaar hai....

Main - Haa maine suna par wo nahi jaante ki unke saamne kon aane wala hai...maine jaisa kaha waisa karo....aur main yaha thoda apna kaam kar lu....

Leemo ko lag nahi raha tha ye sab itni aasani se hoga...waise mujhe bhi nahi lag raha tha par ye karna jaruri tha...nahi to ye sab bas badhta hi jaata....aur ise bas yaha tanav hi badhta aur sayad isse bhi bada kuch ho jaata.....

Maine Old Owl se puccha...waha sab theek hai naa....

Old Owl - haa sab theek hai ye yaha se nikalne wala hi hai....ek minute.....kuch sainik yaha aa rahe hai....

Main - Sainik....theek se batao kya ho raha hai.....

Old Owl - ye naya yuvraj hai...wo yaha pe hai....usko pata chal chukka hai iss baare mein....

Main - kya kar raha hai wo.....

Old Owl - wo abhi unn chizon ko padh raha hai.....

Main - Portal kholo ek chota sa.....

Old Owl - Chota sa...tum usse nahi aa paoge....

Main - Mujhe aana bhi nahi hai bas jaldi se portal kholo...

Main - Dhruv - Albus ko bhejo waha.....aur usko bolo wo waha sab sambhale.....maine socha nahi tha isko itne jaldi pitna hoga...

Dhruv - hmm jaisa tum kaho....

Ek light orb mere seene se nikla aur uss portal se hote hue Old Owl ke pass pahucha aur fir waha se nicche chala gaya.....

Jab Albus waha pahucha to main khud hi unki baatein sun paa raha tha....

Yuvraj - ye to bade kaam ki cheez hai....hum ispe bhi tax lagayenge....sainiko.....jo jo bhi isme likha hai sab ikkatha karo....hum isko bechenge wo bhi moti kimat mein....aur iss vaidya...saath hi iske sabhi logo ko....jail bhejo jaldi se...

Itna bol Yuvraj waha se nikal gaya....

Main - Dhruv Albus ko main bhi guide kar sakta hu kya...

Dhruv - haa kar sakte ho....ab tum hi karo...

Main - haa ab theek hai....

Main - Albus....abhi ek Elf baccha ban jao...

WO turant ban gaya ek chota sa elf baccha...Rup badal sakte the albus aur cooper dono hi...

Main - jo bh unn kagazon ko chunne ki koshish kare....unpe hamla karo....par marna nahi chahiye wo...bas jakhmi karo....aur haa bas sainiko ko karna naa ki Vaidya yaa uske logo ko....

Albus taiyaar tha....

Old Owl - yaha pe ek baccha aa gaya hai kahi se.....

Old Owl Albus aur cooper ke baare mein nahi jaanta tha....naa hi Jwala.....

Main - haa pata hai...ek kaam karo....tum abhi Leemo ke pass jao....aur kuch logo ko uske sathiyon ke pass bhi bhejo mujhe unke har kadam ki jankaari dete raho....

Old Owl - Main yaha se chala jaun pakka naa...

Main - Haa yaha ka main dekh lunga ab....

Old Owl waha se chala gaya wahi......

Ek sainik ne waha pe rakhe unn kagazon ko chune ke liye haath hi badhaya tha ki Albus....jo ki abhi ek chota sa elf baccha bana hua tha....uske uska haath pakda....aur 180 degree ghuma ke patak diya.....log samajh hi nahi paaye hua kya....Vaidya aur uske log iss baat se parehan the ki ye baccha hai kaun....aur wahi Yuvraj ke log iss baat ko dekh ke pareshan ki unke ek sathi ko isne khilaune ki tarah patak diya....

Main - Dhruv ye Albus bolta bhi hai kya....

Dhruv - haa tum jo kahoge wo wo bolega.....

Main - Albus....sabko kaho....ki inn kagazon ko jisne bhi chua uska yahi haal hoga....

Usne bhi waisa hi bol diya....sab bas usko dekhe jaa rahe the....koi samajh hi nahi paa raha tha ye tingu hai kaun.....

3 aur sainik bacche hue the waha unme se ek aage aaya....

Sainik - tu koi mayavi hai...bahrupiya hai tu....himmat hai to apne asli roop mein aa fir dikhata hu

Main - Albus isko abhi chodo aur wo jo baaki ke 2 hai naa unko maaro.....behosh kar do unko bhi....

Albus ne bilkul waisa hi kiya aur itni tezzi se ki koi samajh hi nahi paaya hua kya....

Albus - inse kaho ki inn kagazon ko jaldi se sabhi jagah baatein...aur iss waale sainik ko jara bahar leke jao aur isko apna asli roop dikhao....

Albus ne pahle to sabko wo message diya.....jisko sunke unko samajh aa gaya ye unke hi side ka hai.....wahi uske baad usne uss bacche hue sainik ko pakda...aur usko leke aa gaya bahar ek khali maidaan mein ye sab bahut jaldi hua tha....wo sainik khud ko sambhalne mein laga hua tha....

Main - Albus baakiyon ko bhi leke aao dost wo yahi pe sahi rahenge....

Albus turant gaya aur waha se unn 3no ko bhi leke aa gaya.....

Main - hosh mein lao inko....aur ab apne asli rup mein aao aur wahi kahna jo main kahu....

Wo apne asli roop mein aaya....ek bada sa dragon.....

Main - Main iss planet ki ek spirit hu......main tum sabhi ke kaamo se bahut dukhi hua....tum sab ke sab....logo ko pareshan kar rahe ho....iss waqt jab unko madad chahiye tum unko parehsan kar rahe ho.....Main sab dekh raha hu.....ab iski sazza milegi....suruawt ho chuki hai ab bas dekhte jao.....

Ek to unn sab ki halat pahle hi kharab thi Albus ka roop dekhke...uske baad uski baatein aur bolne ka andaaz wo dekh ke to aur bhi halat patli ho gayi thi....to wo thar thar kapte hue wahi pe pade rahe....

Main - Albus waha se wapas aa jao....

Wo waha pe wapas se uss light orb mein badla aur waha se gayab ho gaya jaise....aur mere pass aa gaya....

Main - chalo yaha pe sab theek hi hai...ab jo plan banaya hai uska bhi dekha jaaye...Old Owl kya khabar hai...

Old Owl - Kya khabar hai tum to yaha pe dange dharna karane jaa rahe ho....ye sab aa rahe hai waha.....ye sab sach mein bahut hi jyada dukhi hai aur gusse mein hai....

Main - honge bhi kyun nahi apne bacche khoye hai inhone.....kya sabhi jagah se log aa rahe hai...

Old Owl - haa sabhi jagah se aa rahe hai log.....

Main - Seena ka kya haal hai....iske baare mein Leemo ne waha baat pahuchayi hai yaa nahi...

Old Owl - Ab kya bataun main.....sena ke jawan bhi inn sabhi ke saath hai unhone bhi apne bacche khoye hai....

Main - ye to jyada ho gaya...par koi baat nahi isse hamara kaam aur jaldi hoga....

Old Owl - Maine Raja ke pass bhi kisi ko lagaya tha...uska kahna hai ye baat seedha untak hi pahuchi hai....

Main - kya baat pahuch bhi gayi....par abhi to kuch shuru bhi nahi hua hai....aur ye Yuvraj kaha gaya....

Old Owl - Pata nahi uske baare mein main nahi jaanta.....

Main - hmm uske picche bhi bhejna tha kisi ko khair abhi rahne dete hai...Elf King ke kya haal hai ye batao....

Old Owl - wo pata kar rahe hai ki ye sab log kaha jaa rahe hai....aur sayad wo bhi wahi jaane wale hai....

Main - hmm ye accha hai...bahut sahi jaa raha hai ye.....kuch hone se pahle hi ye khatam hone wala hai ab sayad Elf King khud sab kuch dekhne lag jaaye wapas se....isse sabhi ko aaram mille....

Old Owl - haa sayad.....par agar unhone isko apne ego pe le liya to baat aur bhi bigad sakti hai....

Main - nahi aisa nahi hona chahiye....dekhte hai....

Old Owl - wo waha se nikalne wale hai ab.....

Main - Aur log....unka kya hai wo kaha pe hai abhi....

Old Owl - Log bas uss jagah pahuchne wale hai jaha pe ek aur gutt unka intezar kar raha hai....

Main - hmm theek hai accha kuch 4 logo ko waha pe teleport kar sakte ho kya....maine thoda aur socha hai iske baare mein....

Old Owl - haa koshish karta hu...

Maine usko unn charo sainiko ke baare mein bataya jo abhi bhi darr se kaamp rahe the unko Old Owl ne waha se teleport kar diya...aur wo jaa pahuche......Manufacturing area mein.....aur iss baar to aur bhi daare hue the....pahle unko lag raha tha ab Albus....joki unke hisab se planet ka koi spirit hoga....wo chala gaya hai.....apr ab wo apni jagah se wapas se teleport ho gaye....to aur bhi jyada darr gaye....itne hi der mein waha pe Elf King apne logo ke sath pahuch gaye aur waha pe logo ke aane ka intezar kar rahe the...ki wo charo unke saamne aa gaye...

Elf King ko samne dekh ke wo charo hi unke kadmo mein gir gaye....aur naa jaane kya kya bolne lage....Elf king samajh nahi paa rahe the ye hai kaun aur kyun pareshan hai itna...

Elf king - kon hai ye aur sena ki paushakh pehen ke aise kyun kar rahe hai....

"Maharaj humme baccha lijiye hume uss spirit se baccha lijiye...."

Elf king - Spirit kon si spirit....

Unn charo ne Albus ke baare mein sab batana shuru kar diya.....ab sayad wo itne darre hue the ki flow flow mein ye bhi bata baithe ki wo unko milla kaha tha matlab Vaidya ke pass jaane ki baat bhi....aur Yuvraj ka aadesh bhi.....isko sunte hi.....Elf King ko jhatka laga wo samajh nahi paaye ki aisa bhi kar sakta hai kya ye....

Abhi ye sab ho hi raha tha ki waha pe Janta bho pahucha gayi.....Ab ye Maharaj pe tha wo kaise handle karte hai ye sab....

Wo inn sab ko bhul ke Janta ki oor dekhne lage....par usse pahle unn charo ko kaidkhane mein bhejne ko kah diya....saamne naa sirf unki janta thi balki unki seena ke bhi log the....ek raja ke liye ye bahut hi badi baat thi......wo samajh rahe the ki janta hi nahi balki Seena ko bhi unke netritwa pe shaq hai....

Wahi saari Janta ne dekha unke raja wahi pe hai aur unka intezar kar rahe the....wo sab waha ruk gaye...

Elf King - Mujhe dikha hi nahi.....ki meri janta.....meri khud ki seena mujhse kitna gussa hai.....main samajh hi nahi paaya isko.....Main jaanta hu...hamara desh sankat se gujar raha hai....par ye pata nahi tha ki ye sankat itna badh gaya hai ki hamare bich ek deewar si ban gayi hai....

Maharaj itna bolke saamne ki oor dekhne lage.....tabhi picche se kisi ne kaha....

"Maharaj abhi aur bhi baatein hai jo aapko pata nahi hai....kar bahut jyada badha diya gaya hai....dawaiyan jo sasti hua karti thi wo mahngi hone lagi hai...khane pinne ke saman bhi mahnge hone lage hai..."

Elf King - Ye kya bol rahe ho....maine inn sab ke baare mein kab aadesh diya.....kisne badhaya hai ye sab kar....

" Maharaj sarkari mohar hai unn aadeshon pe....sabko yahi pata hai aapne hi aadesh diya hai"

Elf King - Maine bas kuch hi kar badhane ke aadesh diye the....aur wo bhi iss wajahse kyunki hamara khajana khali ho raha tha...par itne kar nahi...hamare Vitta Salahkaar ko iske baare mein pata hai kya.....

"Maharaj sayad aap samajh chukke honge...aapke pith picche kya kya chal raha hai yaha...."

Elf King (gusse mein) Inn sab ko abhi yaha se jaane bolo....aur turant hi darbaar lagegi abhi.....Yuvraj ko waha upasthit hone bolo...aur saath hi vitt salahkaar ko bhi....

Jo Maharaj se abhi baatein kar raha tha wo Leemo ke saath ka hi tha...usne Leemo ki oor ishara kiya....Leemo samajh gaya usne apne logo ko sab yahi pe rokne ka ishara kiya....kuch pareshani hui....par sabhi wapas apne apne ghar chale gaye....bheed bulani aasan hoti hai par usko kaabu kar paana sabke bas ki baat nahi hoti...

Elf king ke kahe anusar darbaar lagaya gaya aur iss waqt sabse mazze ki baat ye hui ki yuvraj pure nashe mein darbaar mein pesh kiye gaye.....inn janab ne soch liya tha ki aaj ke kaam ke baad inko aur bhi bahut paise milne wale hai to enjoy karna banta hai...unke rakhshakon ko bas yahi bataya gaya tha ki inko Maharaj ne bulaya hai kaha bulaya hai ye sab bataya hi nahi to wo sab bhi binna koi pareshani ke leke chal diye inhe....

Saath hi mein Iss Yuvraj ke saath Vitt salahkar bhi the waha pe.....unse puch tach hui....aur fir ye saamne nikal ke aaya ki ye sab unhone ne kiya hai...khud kiya hai isme Yuvraj ka koi dosh nahi tha.....yaha pe Raja ko bachane ke liye ek pyade ne khud ko kurbaan kar diya.......

Elf King ne ye sunna...aur uske baad usss Vitt salahkaar ko Fumos bhejne ko kaha.......wahi Yuvraj ko Darbaar se agli neeli chandni tak keliye nikala gaya...wo waha nahi aa sakta tha....

Main wahi tha....Leemo bhi aur uske kuch log bhi....

Leemo - isne usko bacha liya aur khud ki bali dedi...koi to baat hogi iss yuvraj mein bhi....isne kuch to patti padhayi hogi inn logo ko...

Main - sahi kaha.....aise hi bhala kaun koi itna bada ilzam khud pe le lega....khair abhi ke liye main chalta hu.....raat hone ko aayi hai.....waha log mujhe dhundh rahe honge....

Leemo - ji theek hai......aur aapka sukriya kaise kare samajh nahi aa raha......ab sayad kuch chizzen badlegi uss dawayi ke wajah se bhi aur saath hi inn karo ke khatam hone se bhi...gareebi aur bhukhmari ke halat to khatam ho hi jaayenge....

Main -haa ye to hai...aur shukriya ki koi baat nahi....main aata rahunga yaha....abhi chalta hu....

Maine Old Owl ko yaad kiya usne ek portal khola aur main chala gaya Earth pe apne school ke room mein....aur issi ke saath aaj bhi main Club mein nahi gaya....dekhte hai kab mauka milta hai inn clubs mein jaane ka....

Chalo iss Prateek ko chod dete hai ye khana wana khake so hi jaayega hum thoda picche chalte hai jab DB ko insano ke bich bheja gaya tha uss waqt mein...dekhte hai ye DB kaise rahta hai insano ke bich jo usko utne acche nahi lagte....

DB ko Leemi chod ke to chali gayi ek gaon mein....ab DB yaha waha dekhta ghum raha tha....usko samajh nahi aa raha tha wo yaha kare to kare kya.....upar se usko kisi insan se kuch puchne mein bura lag raha tha...par khud ko sambhalte hue usne ek insan se puch hi liya....

DB - ye jagah kaun si hai...

"Cikanagar....naya aaya hai kya yaha...."

DB - haa

"rahne ke liye jagah chahiye naa....chal main dikhata hu mast jagah..."

DB - nahi humme koi jagah nahi chahiye....hum chalte hai yaha se.....

WO aadmi usko dekhta raha wahi DB waha se aage badh gaya....usko samajh nahi aa raha tha wo yaha kare kya....usko kaha gaya tha ki insano ke bich raho.....par rahke karo kya....ye kaun batayega....aur kab tak rahna tha usko ek din do din kab tak....

Wo yaha waha ghoomta raha aur shaam ho gayi....ab usko bhukh lag gayi.....khane ke naam pe Aashram mein kuch mil to jaata tha par yaha to wo bhi nahi tha...usne dekha saamne ek mandir tha...jaha logo ko prasad mil raha tha.....pahle to usko wo lene mein bhi bura lag raha tha par bhukh...sabko majbor karti hai aur ye jo Raja raj kumar type log hote hai unko bhukh bhi jyada hi lagti hai....DB bhi chala jaata hai waha aur usko bhi prasad mil jaata hai wo prasad khaa leta hai...par utne mein uska hoga kya....wo yaha waha fir se ghomne laga khane ki talash mein....aur aise hi wo pahuch gaya ek jungle mein....waha usko ek ped pe kuch phal lage mille....wo chad gaya waha phal khane ke liye..aur waha khane lag gaya fal....Ye sab uske Guruji dekh rahe the...

Guruji - Insano ke bich rahne bola tha...jungle mein nahi....ab wapas se unn insano ke bich jao....aur wahi raho......unke saath unko samjho...unko apnao....

Db - Main kahi nahi jaa raha aapne mujhe aashram se nikala hai main ab yahi jungle mein rahunga aur yaha pe apne element pe kaabu paunga....

Guruji - Jaisi tumhari marji...

Leemi - Guruji ye kya kar rahe hai Raj kumar....isse to aur pareshani hogi....

Guruji - haa pata hai...sayad isko iske dost se milne ki jarurat hai...Tum iske uss dost ke pass jao...aur usko kaho ise sab bataye.....jo kuch bhi iske desh mein ho raha hai....sayad tab ye samjhe kuch....

Leemi - ji...

DB bhatak gaya hai usko insano ke pass bheja gaya tha taaki wo unke saath rahe aur unse bhi seekhe par wo ye samajh nahi paaya....ab dekhte hai wo iss baat ko kaise samajhta hai...

Nexxt update mein dekhenge.....Jwala ki pareshani ke baare mein.....dekhte hai Prateek kya karta hai iske baare mein....aur saath hi wo jo fight hai....wo bhi wahi hogi

 

[Rahul]

badhiya update bhai ji

 

[Rahul]

waiting new update

 

[Harsh002]

UPDATE - 60

Aaj bhi wahi sapna....pata nahi kya ho raha tha.....kya hai uss darwaje ke picche jaise hi main usko chuta hu main jaag jaata hu....aur iske baare mein to Dhruv bhi baat nahi karta sayad mujhe usse puchna chahiye ye.....

Abhi yahi koi subah ke 4 baje honge...aur aaj bhi ussi tarah meri neend khul gayi.....Main fresh hua aur chal diya dhyaan lagane ko par baar baar dimmag mein wahi darwaja wahi sapna aa raha tha...aakhir kya tha uss darwaje ke ander...

Main - Dhruv mujhe naa ek sapna aa raha hai kuch dinno se....

Dhruv - sapna aaa raha hai.....kaisa sapna...aur mujhe iske baare mein kyun pata nahi...

Main - Matlab....kya tumhe mere har sapne ke baare mein pata hona chahiye....

Dhruv - haa aisa hi kuch.....main tumse judda hua hu.....par chizzen pata nahi kyun waisi nahi ho rahi jaisa maine socha tha.....

Main - Kya socha tha tumne....

Dhruv - Main tumse judda hua hu aur mujhe tumhari har ek baat ka pata hona chahiye tha par yaha aisa hai ki main tumhare mann ki batein bhi nahi jaan paa raha hu....

Main - To tum jaan ke kya karoge....mujhe jitna batana hota hai main wo batata hu naa.....

Dhruv - Haa par mujhe aur bhi janna hai....

Main - Nahi aur kya janna chahte ho ye batao...main din bhar khane ke baare mein sochta hu ye janna chahte ho....main kabhi kabhi tumpe bahut gussa ho jaata hu ye janna chahte ho...dekho jitna main chahta hu tumhe pata chale utna tum jaan hi jaate ho naa....aur ba ye sab chodo aur jiss baare mein Main baat kar raha tha waha pe aao...

Dhruv - haa theek hai waise bhi jiss tarah ki halat abhi tumhare dimmag ki hai main aise hi theek hu....nahi janna kuch aur bhi.....accha ab batao kya batane wale the tum....

Main - Sapne ke baare mein.....ek sapna aa raha hai kuch dinno se.....ek bada sa darwaja hota hai main usko dekh raha hota hu.....aur jaise hi usko kholne ke liye haath badhata hu charo taraf raushni phail jaati hai aur main jaag jaata hu...

Dhruv - Kaisa darwaja tha wo aur kuch dekha tha usme....upar koi board yaa aas pass koi cheez....handle kaisa tha darwaje ka....

Main - Ye sab maine nahi dekha....aur kya main ye sab dekh sakta tha....wo sapna tha....jitna dikha maine wo bata diya....

Dhruv - ye tumhara sapna tha.....aur tum kya ho ye tumhe khud nahi pata.....agle baar jab ye sapna aaye to aas pass ki chizzon pe bhi dyaan dena....taki mujhe pata chale ki ye sab hai kya...

Main - theek hai main koshish karunga....

Dhruv - Ye naye element ke baare mein kuch pata lagaya yaa nahi....

Main - sayad main kareeb hu.....kal maine Lemmo ko dekha tha aasmaan mein kuch karte hue.....aur isse mujhe yaad aaya mera element bhi ussi tarah ka hai kuch...sayad ye aasmaan se related hai....

Dhruv - haa ye ussi se related hai par bahut khass hai.....tumne Leemo ko aasmaan mein baadalon ko shape dete dekha tha......wo water element ka use kar raha tha aur thda bahut wind element ko...par tumhare pass jo hai usse tum inn sab se jyada kar sakte ho....tum apni....yaa kisi aur chizz ki aakar kam jyada kar sakte ho saath ho par uski takat utni hi rahegi....

Main - jaise mein....

Dhruv - Saamne pather dikh raha hai naa....usko dhyaan se dekho....aur socho ki wo bada ho raha hai...

Maine waisa hi kiya aur wo sach mein bada ho gaya.....

Main - wooooo ye to kammal ka elemeny hai aur kya kya hota hai isse....

Dhruv - aas pass bhi dekh liya karo pather bada nahi hua hai tum chote ho gaye ho issi wajah se dhyaan lagana jaruri hai.....iski limits nahi hoti....par insani body ki limit hai....tumhari ye bodi....abhi bas 2 feet jitni hi choti hogi....par agar tum aur dhyaan lagao to ye 2 feet kam hoke 2 inch tak jaa sakta hai.....aur bade hone ki limit abhi ke liye sayad 10 feet hogi usse jyada nahi....par aage ye aur badhegi aur 20 feet ke karib ho jaayegi....par haa tum baaki chizzon ka size bada chota kar sakte ho jitni unki limit rahe utni....

Main - ye to kamal ki power hai....

Dhruv - abhi pura kaha sunna hai....iska sabse accha use aata hai ladayi ke waqt.....aap apne hathiyaar ko bada kar sakte hai aur samne wale ka chota....ye sab....

Main - haa main samajh gaya...aur bhi kuch hai kya isse element mein jaise water element se hum paani ke sabhi forms pe kaabu kar sakte hai waise iske bhi types honge naa...

Dhruv - iske baare mein abhi bahut si baatein raaz hi hai...main bhi utna nahi jaanta jitna pata tha wo bata diya hai maine.....Ab ye tumpe hai iske raaz jaan paate ho yaa nahi....

Main - hmm thik hai.....

Main pahle to apne sahi shape mein aaya aur fir dhyaan mein baith gaya...aur lag gaya apne iss wale element ko aur majboot banane mein....

Thodi der mein baaki sab bhi aa gaye...aur wo sab bhi dhyaan mein baith gaye....

Dhyaan se utha to waha pe Bua thi aur Kavita madam bhi....Bua ne mujhe dekha....aur bade pyaar se kaha...

Bua - Bacchu chal mere cabin mein chal thodi baat karni hai tujhse....

Itne pyaar se abhi tak to kabhi baat nahi ki thi mujhse.....Mujhe laga sayad khush hongi kisi baat ko leke iss wajah se.....par ussi waqt maine dhyaan diya...Kavita madam hasse jaa rahi thi....par mein unki hassi ka karan nahi samajh sakka....

Main - Main taiyaar hoke aata hu Bua fir class bhi jaana hai naa.....aur aaj sham ghar chalenge naa hum...

Bua - Arre bacchu kya taiyaar hona....baad mein ho lena naa taiyaar....

Kavita madam (haste hue) - Kya Poonam taiyaar hoke aana chahta hai to accha hi hai naa.....tumhe bhi sayad accha lagee.....

Bua ne unki oor dekha......aankhen dikhate hue....par wo tab bhi hasse jaa rahi thi....

Bua - Haa bacchu tu jaa taiyaar hokke aa.....par aana theek hai naa....main wait karungi tumhara...

Main - main abhi aata hu bua...

Main room mein gaya jaldi taiyaar hua aur fir waha se sidha chal diya Bua ke cabin mein .....raste mein Pankaj dikha mujhe.....

Pankaj - Aur bhai kaise ho....kal club mein nahi dikhe the tum....Prof. Poonam bahut gusse mein thi isko leke.....

Main - Haa wo main kuch kaam tha....kya Bua gusse mein thi....

Pankaj - Haa wo bhi bahut gusse mein aisa lag raha tha ki sabko wahi pe patak patak ke maaregi.....

Pata nahi kyun par pankaj ki baatein sunn ke mujhe apna aane wala waqt bhi dikhayi dene laga mere haath khud hi mere galon pe chale gaye....

Pankaj - Kya hua gaal mein kuch hua hai kya.....yaa daant ka dard hai....

Main - Kuch hua nahi hai par ab lagta hai hoga....tum jao main baad mein milta hu....

Pankaj - theek hai bhai....accha haa aaj to week ki last class hai naa......sham ko kahi chalte hai naa....manna mat karna yaar...ab jab tak sath nahi rahoge main kaise khud ko accha dikha paunga.....tum to mujhe wahi bura Pankaj hi samjhte rahoge....

Main - Main Bua ke sath ghar jaane wala tha...lekin tum kah rahe ho to thode waqt ke liye chala aaunga....par jyada der nahi....

Pankaj - bahut accha....theek hai mainn bus stop ke pass milunga.....

Main - Haa....

Itna bol main wapas se aage badhne laga dheere dheere.....ab samajh aa raha tha Bua ka itne pyaar se baat karna aur Kavita madam ka aise hasna....

Main unke cabin ke pass pahucha.....waise to darwaja khula tha par maine fir bhi knock kiya.....

Bua ne meri oor dekha aur bade hi pyaar se wapas kaha....

Bua - Bacchu aao naa ander darwaja knock karne ki kya jarurat hai....aate waqt naa band kar dena darwaja...

Main darwaja band karke unke pass jaane laga....

Main - Bua wo main kal.....ek kaam se thoda...

Bua - oo to mere pyare bacchu ko pata chal gaya main kyun bula rahi thi....(chillate hue) tumko kaha tha naa maine binna bataye kahi naa jaao aur tum....tumm meri baat hi nahi sunte....

Main chup raha.....

Bua - Ab bologe bhi kaha gaye the.....main yaha tumhe dhundh dhundh ke pareshan ho gayi thi....ghar pe bhi nahi gaye the kaha the tum....

Main fir bhi chup raha ....

Bua - Kavita isko pakdo ye aise nahi sunne wala aaj ispe magic kar hi deti hu....

Kavita madam - Poonam yaar chodo bhi dekho bada ho gaya hai.....kahi gaya hoga ghumne.....ab kya isko apne pallu se baandh ke rakhegi....

Bua - isko bata ke to jaana chahiye tha naa kal dekha nahi tha main kitna pareshan thi.....ghar pe bata nahi sakti agar batati to issi ko daant padti

Main - sorry Bua

Bua - sorry.....bacchu tumko pata bhii hai main kitni pareshan thi......ek to wo tumne uss aadmi se ladayi kari thi mujhe laga kahi uske sathi naa aa gaye ho tumhe pakadne ke liye.....Main kal hi kahne wali thi tumko ki yahi raho abhi school mein hi yahi safe rahoge par waqt nahi milla tha....

Main - Sorry naa bua....

Bua - aage se aisa kuch kiya to dekh lena.....main ye nahi kahti ki tum bahar matt jaao kahi ghummo mat par aise classes bhi bunk karna sahi nahi naa.....iss baar kuch nahi kar rahi...aagli baar samajh lena...

Main - hmm (mann mein) kuch bhi nahi kiya...sach mein bahut pareshan ho gayi hogi....

Bua - Ab yahi rahna hai abhi kaha naa class bunk nahi karte jao class mein class shuru hone wala hai....

Maine waqt dekha to sach mein tme ho chukka tha aur maine nasta bhi nahi kiya tha....

Main - arre maine to nashta bhi nahi kiya aur class ka time bhi ho gaya....

Bua - haa to sazza milni hi chahiye thi naa....ek waqt ka khana naa milna sahi hai....ab agar wapas se binna bataye gaye to din bhar khana nahi milega....niklo ab...

Main usko dekhe jaa raha tha....kitni acchi tarike se unhone sazza di...khana hi nahi khane diya...

Main waha se utha aur 1st class ke liye nikal gaya...class mein wahi sab hathiyaar ke baare mein bataya jaa raha tha....ye class khatam hui mujhe bhookh lagne lagi par abhi khane ko kuch mil nahi sakta tha....Main 2nd class ki oor jaa raha tha tab Bua wapas milli....unke haath mein ek apple tha....mujhe laga sayad daya aa gayi hogi inko ye apple mujhe de degi....par theek mere saamne aake apple ko khate hue chali gayi....

Mood kharab ho gaya....3rd class ki oor jab jaa raha tha tab main ye soch raha tha jaldi se class khatam ho aur main dopaher ka khana khane jaun...par wapas se Bua ne mujhe bulla liya....Maine pahle to socha nahi jaata hu.....phir pata nahi kya hua main chal diya ussi oor....Bua apne cabin mein baithi hui thi...unke saamne 2 plates lage hue the.....Main gaya waha....

Bua - aao baitho....khana khao...

Main jaldi se baith gaya aur khane laga....

Bua - Bukh lagi thi naa...

Main - Haa....

Maine khana khaya aur uss waqt Bua mujhe samjha rahi thi aage se aisa nahi karne ke baare mein wapas....Khana khatam hone ke baad mujhe yaad aaya Pankaj ne mujhe aaj apne saath chalne ko kaha tha maine socha is baare mein Bua ko bataun....

Main - Bua wo Pankaj ne aaj mujhe apne saath chalne ke liye puccha....

Bua - haa to tumne kya kaha.....

Main - wo bahut emotional baatein kar raha tha to maine bhi thodi der ke liye bol diya hai....main jaun kya....

Bua - Jao...waise bhi tumhari Master aayi thi unhone kaha hai tumko baandh ke nahi rakhna hai issi wajah se baith ke khana khaa rahe ho yaha....warna chunne bhi naa deti....par haa jaise abhi bataay naa waise hi bata ke jaaya karo...aur class bunk nahi karne ka samjha...

Main - thik hai Bua aur master mujhse mil nahi rahi abhi kuch dinno se....

Bua - pata nahi wo tum dono ke bich ka hai main nahi janti chalo ab class mein chalte hai.....

Main Bua ke saath chal diya class ke liye class khatam hua....aaj maine socha tha ki koi ek club jaunga par aaj chukki week ki last class thi iss wajah se club band kar rakhe the pata nahi rules the aise sayad......khair main apne room mein aa gaya.....thodi deer wahi raha......

Main - Old Owl se puchta hu uss taskari wale ka pata chala ki nahi.....

Maine Old Owl ko yaad kiya aur usse puccha iss baare mein....

Old Owl ki aawaj aayi...

Old Owl - Usko abhi waha ke court mein bheja jaana hai......uspe aur bhi charges lage hue hai......wo bahut waqt ke liye jail jaane wala hai....

Main - usko ek baar milna hi hoga tabhi hum uske mind ko padh paayenge....

Old Owl - tum mind kaise padhoge....

Main - wo mere pass ek tarika hai....accha ek aur baat batao.....ye Bijli ki madad kaise karu kuch idea do...

Old Owl - Main kaise bataun mujhe pata hota to main unhe nahi bata deta.....waha ke vaidyon se kuch nahi ho raha hai....sayad tum kisi aise ko jaante ho jo inn sab ke baare mein jaanta ho....

Main - Ek doctor....haa aisa hi kuch....main samajh gaya hu...

Old Owl - kya....

Main - abhi jaao baad mein batata hu......ek minute uss ladki ke baare mein bhi kuch pata chala hai kya yaa wo wahi hai Nix temple mein.....

Old Owl - Haa wo abhi wahi hai training le rahi hai......kuch jyada dilchaspi nahi le rahe usme....

Main - nahi wo bas aise hi ab jao.....aur haa Leemo ki madad karte rahna wo mushibat mein ho to mujhe bata dena.....

Old Owl - theek hai....kuch aur kahna hai wapas se nahi rokoge naa....

Main - Nahi sab ho gaya jao ab...

Wo chala gaya.....wahi main room mein ye sochne laga ki ab doctor ko kaha se dhundha jaaye....mere dimag mein Kavita madam aayi.....haa wo bhi doctor hi thi par pata nahi unko waha kaise leke jaaunga.....

Main yahi sab soch raha tha ki itne mein Pankaj ki aawaj aayi bahar se....Maine usko rukne bola jaldi se ready hua aur Bua ko wapas se ek baar uske saath jaa raha hu bol diya....unhone kaha ghar pe aa jaane seedhe....

Maine socha agar aaj bhi Kavita madam hamare hi ghar aayi to main unse puch sakta hu iss baare mein.....Main Bua se unke baare mein puccha to pata chala wo wahi aane wali hai...

Main fir waha se Pankaj ke saath chal diya....main nahi jaanta tha wo kaha leke jaane wala tha mujhe.....

Maine usko bus ke pass jaane ko bola tha main bhi wahi chala gaya Bus aayi ussi ne ticket kharidi.....

Main - kaha jaa rahe hai hum....

Pankaj - Ladayi dekhne....bahut mazza aata hai usme.....

Main - ladayi dekhne....tum sach kah rahe ho.....tumne mujhse kaha ki main tumhare saath aaun taaki tum mere saamne khud ki image sahi kar paao aur ab tum mujhe ladayi dikhane leke chal rahe ho....

Pankaj - arre bahut mast ladayi hoti hai waha tum chalo to sahi.....

Maine kuch nahi kaha aur bus wapas se ruk gayi hamara stop aa gaya tha....ye pata nahi kaun se jungle mein leke aa gaya tha mujhe.....maine aas pass dekha pura ka pura jungle hi tha ye.....

Main - ye to jungle hai....

Pankaj - Mere picche picche aana...issi insani kabile mein hoti hai ladayi....

Main - Insani kabila...hum Insano ki ladayi dekhne aaye hai....

Pankaj - Aisa kisne kaha....ye kabila insano ka hai jo hum jaison ko jaante hai.......aur paison ke liye humme yaha ladne dete hai....

Main - matlab ladne wala hum jaisa hi hota hai.....

Pankaj - haa sahi sunna....ab chalo chup chap aur dhyaan rahe jyada bolna mat.....ye log hamari bhasa samajhte nahi hai.....kahi kuch ulta puta samajh baithe to leni ke deni ho jaayegi...

Main - hm thik hai....

Main bhi aage chalta gaya Pankaj ke saath hum ek lakdi ke banne chote se kutiya ke pass aaye.....

Main - kaha hai kabila aur ladayi kaha ho rahi hai....

Pankaj - ladayi iske ander ho rahi hai aur kabila yahi hai jaha hum khade hai....wo sab chuppe hue hote hai...

Pankaj ne apne pocket se sone ke 2 sikke nikale aur unko hawa mein uchala....aur sikke gayab.....jaise hi sikke gayab hue wahi wo kutiya ki gate khuli...bahar se dekhne mein jitni hi choti thi ye....ander se utni hi badi thi ye kutiya.....main to dekhta hi rah gaya....bahut se log aaye hue the yaha....tarah tarah ke log...

Dhruv - ye jagah sahi nahi hai...yaha nahi aana chahiye tha.....

Main - Pahle kyun nahi bataya.....ab aa gaye hain to thoda ruk jaate hai....

Dhruv - dekhte hai ab yaha kya hota hai....

Main aur Pankaj dono ander gaye usne acchi seat li thi hum wahi se ladayi dekhne lage...abhi ek 3 element wala banda waha pe khada tha...jiske pass water air aur saath hi fir element the....aur uske saamne ek 2 element wala banda earth aur air ka....dono ke bich ka mukabla hona tha...

Main dhyaan se dekhne laga...

F1 joki 3 elements wala tha usne shuruwat ki....aur pahle air element aur fire element ko milla ke hawa mein ek aag ka bhawandar bana diya aur uski oor fenka......

Main to dekhta hi rah gaya.....bahut hi aascharay karne wala drishya tha mere liye ye.....

Saamne wale bande ne uss bhawander mein chote chote pather de diye....aur khud ko ek pathar ke piche chippa liya.....usse hua ye wo pather yaha waha jaane laga....aur usse F1 ko bhi chott lag rahi thi saath hi baaki sab jo dekhne aaye the unko bhi chott lag jaati agar uss purre jagah ko ussi waqt ghera naa jaata.....jaise hi usne aisa kiya tha uss ring ke charo taraf energy field phail gayi jisse wo pather bahar nahi aa sake....

F1 ne takat ka use kiya tha aur F2 ne dimmag ka...Jab F1 ko jyada chot lagne lagi usne....paani se uss bhawandar ko bujhana chaha...par hua kuch aur...wo bhawander ab aag aur paani dono ka ban gaya tha....aur uske ander jo pather the wo uss paani ke tezz bahao ki wajah se aur aag ki garmi ki wajah se tutne lage the...aur chote chote kanno mein badal gaye the....F1 ne usko waise hi rahne diya aur tezz force ke saath paani ki dhaar chodi uss pather pe jaha pe F2 chippa hua tha....aur saath hi ussi paani ke baad aag bhi uski taraf dene laga.....pather pahle kuch soft hota aur fir tut raha tha....

Main - Ye F1 to bada bailbuddhi lag raha hai....ye to haar jaayega aise mein....

Pankaj ne meri oor dekha.....aur apna saar peet liya....

Maine aas pass dekha to sab mujhe dekh rahe the aur muskura rahe the....main samajh nahi paaya ye sab aise kyun muskura rahe hai....

Maine wapas se match ki oor dekhna shuru kiya....abhi bhi F1 laga hua tha aise hi F2 ke pather ko pighlane mein....

Main - Kitna bada chutiya hai ye....isse accha apne wind element se hamla kare....

Iss baar bhi sab dekhne lage.....Pankaj haath jod ke mujhe ungli se chupp rahne ko bol raha tha...par mujhe samajh nahi aa raha tha kyun ek to ye mujhe iss gadhe ki fight dikhane leke aa gaya hai aur ab

Wapas dekha to abhi bhi F1 laga hua tha aise hi.....usne lagbhag se pathar ko pighla diya tha.....aur tabhi F2 ne apne wind element se uske upar bahut jorr ka waar kiya.....wo banda pahle se hi thak chukka tha to iss waar ko sambhal nahi sakka aur gir gaya...

Main - Pata tha ye haarega isse accha to koi baccha lad le...

Maine theesri baari apna muh khol liya tha....aur iss wahiyaat si jagah ka ye niyam tha ki jo bhi aisa karega usko agla mukabla karna hota tha jeetne wale ke saath.....aur agar wo jeeta to usko inam milega aur haara to sazza.....sazza koi fix nahi thi yaha ki kuch bhi sazza de dete ye logo ko......par mujhe kaha pata tha ye sab....aur jo mujhe yaha laaya tha usne bhi kaha kuch bataya tha iss bare mein...usne to bas kaha tha bolna mat thodi kaha tha bologe to ladna padega....

Mujhe ye sab tab pata chala jab main ring ke bilkul pass pahuch gaya tha.....Ye sab kab hua kaise hua pata bhi nahi chala....main abhi apne jagah pe hi tha ki tabhi meri seat udhte hue waha aa pahuchi...

Mujhe ring ke pass utara gaya.....aur fir announcement hui....

"agla mukabla F2 aur iss ladke ke bich hogi....isne khud usko challange kiya hai"

Main samjha hi nahi fir baad mein mujhe inn sab ne samjhaya yaha ke niyam....aur ring mein bhej diya...

Main - Dhruv ab main kya karu....

Dhruv - Maine kaha tha jagah sahi nahi hai ye....ab lado aur kya.....par khud pe kaabu rakhna....thunder element hi use karna bas....aur kuch nahi....

Main - samajh gaya..

Ab ladna to tha hi main bhi taiyaar ho gaya saamne mere tha F2 2 elements the iske earth aur wind....wahi mere pass bhi 2 the par use 1 karna tha tunder....wo bhi aaram se....kisi ko meri powers ka andaza nahi hona chahiye waise....

Iss baar waar usne kiya....main bas bachna chahta tha....to jab usne wind element se ek tezz hawa ka jhonkha banaya aur usme earth element ki madad se pather daal diye....to maine apne thunder element se apne saamne ek triangular shape ki shield bana diya...isse hua ye ki hawa katt ke mere aas pass se gujar gayi aur jo pather the wo bhi tut gaye thunder element ki wajah se....

Sabne mere shield ka aakar dekha aur chillane lage...accha shape tha uska...dimmag sahi lagaya tha maine...

Usne wapas se waar kiya iss baar ek bhawander.....sirf bhawander.....par sayad iski akal thikane nahi thi....maana main hawa ko nahi kaabu kar sakta par bijli to mere pass hai....maine uss bhawander pe thunder element se uspe kaabu paane laga usme itni thunder waves daal di ki jaise wo bas ek bijli ka gola tha jo ghumme jaa raha tha....aur wo uss F2 ke kaabu se nikalta jaa raha tha aur mere kaabu mein aata jaa raha tha....

Maine usko ussi ki taraf modd diya.....usne jab usko apni oor aate dekha usne pathoron mein chipne ka socha.....par ye bijli hai...pather toot jaate hai jab bijli girti hai....maine aur thunder attacks kiye....itne ki uske chupne ki jagah barbaad ho gayi aur abhi bhi wo bijli ka bhawander ske picche hi tha.....ab woo kuch aur karta usse pahle maine ek thundeer attack thi uske upar kar diya jisse wo nicche gir gaya baaki kaa kaam uss bhawander ne kar diya.....

Waha pe sab muh baaye mujhe dekh rahe the....ye mukabla to jaise shuru hote hi khatam ho gaya ho.....

Maine Pankaj ki oor dekha jab main ring mein aaya tha aur tab usko dekha tha tab wo pareshan dikh raha tha...sach mein pareshan aur abhi wo thoda khush dikh raha tha....

Main aur logo ko dekh raha tha tabhi waha dhuwan sa phail gaya....aur hum sabhi ke saamne ek banda aa khada hua...ajeeb se kapde the uske....dekhne mein hi joker lag raha tha wo...

Wo - Tum jeet gaye ho....ye lo tumhara innam...

Wo pagal mujhe ek kagaz de raha tha....pata nahi kya tha usme....maine usko liya.....khola to usme ek ajeeb si drawing banni hui thi...aisa lag raha tha class 2 ke bacche ki banayi hui hai....

Main kabhi usko dekhta to kabhi uss joker ko....

Pankaj ki oor dekha to wo ishare se chup chap bahar aane bol raha tha...iss baar koi bhi galti kiye binna main bahar chala gaya...

Bahar jaate hi mere saar pe ek haath maara usne....

Pankaj - kab se chup rahne bol raha tha sunayi nahi deta....tumhare chakar mein main maar diya jaunga....ab mujhe nahi rahna tumhare saath....main jaa raha hu....ye lo paise.....bus aayegi ticket lena aur nikal lo....aur haa please bhai iss baare mein kisi ko pata naa chale please....haath jodta hu tere saamne....

Ab main kya karu samajh nahi aa raha tha ye mujhe khud yaha leke aaya ye batane ki ye badal gaya hai....aur ab dekho...

Main - theek hai...

Bas itna hi kaha wo bhaddi se drawing modd ke apni pocket mein rakhi aur Bus ke pass chala gaya....bus aayi hum dono ussi mein baithe par alag alag....Maine apni ticket li usne apni....aur hum dono apne apne jagah pe itar gaye...Main ghar ke saamne utra.....aur ghar ki oor jaane laga tabhi picche se aawaj aayi....

"ooye....ooye Prateek rukko.....Main aati hu...."

Picche dekha to wo Nikita thi....Main wahi pe rukka wo mere pass aayi ye saayad Nani ke yaha se aa rahi hogi....

Usne aate h mujhe dekha aur pucha.....

Nikita - ye aisi halat kyun banayi hai gir gaye the kya....

Main - Nahi to.....

Itna bol ke maine khud ke kapdo pe dekha to har jagah dhull lagi hui thi...

Main usko saaf karne lag gaya....ab aise ghar jaana matlab waha sawalon ke jawab dene honge....Mujhe saaf karte dekh.....Nikita ne rukne ko kaha aur fukk maari mere upar....saari dhull saaf....ek dum chaka chak.....

Main - waah ye kya tha....ye kaha se sikha...

Wo - Kya lagta hai school mein hi padhayi hoti hai bas......hum sab jab pahle saath hua karte the tab aise hi ek dusre ko saaf karke missions pe jaya karte the.....

Ye aaj bhi apne unn sathiyon ke baare mein batane lagi....uski baaton ke dauran maine uske chahre pe thodi maayusi mahsush ki.....sayad isko unn sab ki yaad aa rahi thi....

Main - Chalo ghar chalte hai pata nahi sab kab se wait kar rahe honge....

WO - Haa wait hi kar rahe hai main to abhi waha Nana Nani ki bulane gayi thi aaj sab sath mein dinner karenge iss liye wo bhi aate hi honge....

Hum dono ghar pe chale gaye.....waha pe Maine sabse pahle to Kavita madam ko dhundha.....

Main - Kavita Madam nahi aayi kya....

Bua - aayi hai naa par tumhe usse kya kaam hai.....school mein bhi pucch rahe the...yaha bhi...

Dadi - Beta sab theek hai naa choot woot to naa lagi kahi....

Chachi - Kya...choot lagi hai isko.....

Rupal didi - Kya aap sab bhi bacche ne ek sawal hi puccha hai aur aap sab ke sab pata nahi kaha se kaha pahuch gaye....Kavita Bua ander hi hai kitchen mein....

Kavita Madam - Meri baat ho rahi hai....kyun...

Rupal - Wo ye baccha...issko to aap jaanti hi hongi naa....ye apni Kisi Kavita madam ko dhundh raha tha....

Kavita madam - Kya baat hai Prateek mujse kuch kaam hai...

Main - Haa Ma'am wo kuch puchna tha...

Kavita madam Mujhe dekhte hue...unke chahre pe koi emotions hi nahi rahi the uss waqt....

Kavita madam - sorry abhi main chutti pe hu...aap monday ko aaiye aur mere cabin mein jo puchna hai puch lijiye...

Main - Kya...

Bua - haa theek hi to kaha isne...hai naa bhabhi....

Chachi - Haa baat to sahi hai....Kavita madam to chutti pe hi hai....

Main - Arre par mujhe school se related kuch nahi puchna hai.....main to in general puchne wala tha....

Bua - tu ye bata isko madam madam kyun bolta hai...

Main - Madam ko madam nahi to kya sir bulaun aap bhi naa bua...

Chachi - Teri didi usko kya bulati hai....

Main - Wo to kabhi naam se kabhi Bua aise bulati hai.....

Bua - to tu koi special hai kya.....jo tujhe batana padega...isko bhi bua bolne ka....ye dost hai meri.....

Main - haa theek hai.....to Kavita Bua ab jawab dogi naa....

K.Bua - Haa beta ab to dungi jawab....puccho kya puchna hai...

Main - Abhi nahi khane ke baad....

Main bol hi raha tha tabhi Nana Nani bhi aa gaye aur wo bhi baith gaye khana khane ko.....hum sabne khana khaya aur fir Rupal didi aur Nikita chal di Nana nani ke saath wahi Poonam Bua Kavita madam ko leke chal di apne room ki oor.....

Main - Arre Bua meri baat to sun leti....

Bua - Kya kahna hai tujhko isse main bhi to sunnu mujhe bhi kuch naya seekhne ko mille...

Main - Nahi mujhe inse hi kaam hai.....

Bua - waah ye sahi hai nayi millli to purani ko bhul jaao....accha hai bachu hamare bhi din aayenge....

Main - aap bhi naa.....accha K.Bua aapko panchiyon ke baare mein pata hai.....

K.Bua - Kaise panchi...panchi bahut tarah ke hote hai tum kya paalne wale ko koi panchi ko....

Main - nahi aisa nahi hai....aur wo panchi naa cheel ki tarah hai par usse thoda bada hai...

Maine aisa kaha hi tha ki dono mujhe ghoorne lage...hum abhi hall mein hi the...to Bua ne mujhe pakda aur apne room mein leke chali gayi...

Bua - tum kahi ussi panchi ki baat to nahi kar rahe jo hume bachane aata hai

K.Bua - wahi panchi jo uss din Strange woorld mein aaya tha humme bachane....

Maine pahle socha kuch aur kah du.....par ye sab bekar hota....waise bhi inn dono ko batane se mujhe nahi lagta koi nukshan hone wala tha balki ye dono to madad kar sakti hai aage bhi...

Maine bas haa mein sar hilaya....

Bua - unka kya....unke baare mein kya ye bata....

Main - Main unko jaanta hu ye bhi jaanta hu wo kaha se aate hai aur kaha rahte hai abhi unme se ek ko meri wajah se pareshani ho rahi hai...main chahta hu Kavita bua aap agar madad kar sake unki to kar do please....

Pahle to 2 minute wo dono kabhi mujhe kabhi ek dusre ko to kabhi fir mujhe aise hi dekhte rahe....kuch bolne wale hote fir chup ho jaate....

K.Bua - tumne kaha tumhari wajah se aisa kya hua hai....

Main - Wo unme se ek anda nahi de paa rahi hai...

Bua - Kya,....anda....tumhari wajah se....kya bol rahe ho samajh mein aa raha hai....

K.Bua - Poonam paagal wo kuch aur lah raha hai....aur tum ho ki Prateek puri baat batao beta....

Maine ek gahri saans li aur unko sab batana shuru kiya par dark power ke baare mein abhi nahi bataya...mujhe khud nahi pata iske baare mein main unhe kya batata....aur saath hi ye sab bhi nahi ki unki jagah badal di hai maine bla bal...

Meri baatein sunne ke baad bhi unka same reaction tha....

Bua - matlab tum raja ho unke....

Main - Nahi main unke Raja Jwala ka dost hu.....waise maalik hu par main usko dost hi maanta hu....

K.Bua - aur waha pe aur bhi tarah ke jeev hai...

Main - Haa hai par main bas kuch ko jaanta hu jinme Polar bears hai aur ek ullu ki prajati hai....jiska raja bhi mera dost hai...

Bua - to tum uske bhi maalik ho...

Main - Haa uska bhi.....

K.Bua - Polar bear waha kyun hai wo to ladte rahte the naa....

Main - maine bataya naa kuch mushibat aayi aur mere kahne pe wo sab saath mein hai...

Bua - to Polar bear bhi tumhare gulam hai.....

Main - nahi wo nahi hai...ab bas bhi karo.....itna sawal Nikita aur didi ne to nahi puccha tha.....aur aap dono ho bakbak kiye jaa rahe ho...

Bua - ek minute tumne ye nahi bataya wo dono bhi waha gaye hue hai....

Maine ye nahi bataya tha.... ab inko ye bhi batana hoga aur wo wapas se sawal puchenge.....

Main - ek minute....unko meri madad chahiye...aur aap logo ke sawalon ke jawab naa main baad mein bhi de dunga...ab K.Bua aap batao madad kar paaogi aap.....

K.Bua - tumne kaha ki anda bada hai sayad...tum conform nahi lag rahe.....mujhe usko acche se dekhna hoga tab bata sakti hu kya karna hai....

Bua - Main bhi chalungi...

Main - hum picnic nahi jaa rahe....

Bua (aankhen dikhate hue) - issi liye kaha main bhi chalungi....ab bula unko aur le chal humme.....

Main - theek hai...K bua aap naa apne saman rakh lo...main Old Owl ko bulata hu....aur ek baat kisi ko iss baare mein nahi batana hai samjhe naa...

Dono ne haa kar diya....

Maine Old Owl ko bulaya wo waha aaya usne portal khola waha ke liye aur main inn dono ko leke waha pahuch gaya.....

Main seedha Jwala ke mahel ke pass aaya tha dono ko leke......wo sab abhi aas pass ke ilake dekh rahi thi...waha pe jwalamukhi tha....thodi duri pe polar bears ke tent dikh rahe the...pedon pe ullu the jo sab pe nazar rakhe hue the.....

Humme dekh waha pe kuch sainik aa gaye....aur dono ko dekhne lage.....

Main- ye mere saath hai Jwala ko bolo main aaya hu....aur kaho Bijli ko bhi apne pass bulaye....

Meri baat sunne ke baad unme se ek sainik waha se chala gaya.....

Bua - tum to sach kah rahe the ye to tumhari baat mante hai....

Main - haa par ab jiske liye aaye hai wo karte hai theek hai....

K.Bua - ye jagah to kammal ki hai....aur ye jeev ye bhi..

Itne mein wo sainik wapas aaya....aur kaha....

Maharaj mahel mein hi hai....wo wahi intezar kar rahe hai....

Hum tinno uss oor jaane lage waha pahuche to Jwala milla.....

Jwala - tum fir se logo ko leke aa gaye ho....aisa nahi karna chahiye tha....hum....

Wo aage kuch bolta usse pahle hi chup rahne ka ishara kar diya maine aur wo samajh bhi gaya....

Main - ye dono meri Bua hai tumhe to pata hi hai aur ye yaha tumhare liye hi aayi hai....

K.Bua - ye to male lag raha hai male ande dega kya....

Jwala - Ande....

Main - haa ande....mujhe pata chala hai Bijli ko kuch dikkat ho rahi hai....bas ussi wajah se ye yaha aaye hai ye hamare yaha waidya ka kaam karti hai aur wo dusri wali bas haath batane ayi hai...inko panchiyon ke baare mein bhi pata hai agar tum izzazat do to ye Bijli ko ek baar....

Jwala meri baaton ko sun ke dang rah gaya usko ye samajh nahi aa raha tha ki mujhe ye sab kaise pata chala

Main - ab bataoge bhi izzazat hai yaa nahi...

Jwala - haa....

Usne haa kaha aur maine dono ko ander jaane ke liye kaha....ander pahle se Jwala ki Maa thi jo Bijli ka dhyaan rakha karti thi.....

Main - ab ye batao mujhe iske baare mein kyun nahi bataya gaya....

Jwala - wo darashal baat aisi thi ki main...main batane wala tha par uss waqt halat sahi nahi the....fir ye sab hua...aur uski halat kharab hoti jaa rahi thi.....aur tum inn sab ka jimmedar khud ko maante....

Main - Haa jimmedar to main hu hi.....aur ab mujhe aur bhi jyada dar lag raha hai bas tum hi nahi ho jisko maine ye power di thi waha Nikita bhi hai uske saath bhi kuch aisa ho sakta hai....mujhe iss power ke baare mein jald se pata karna hoga....aur ek baat aage se kuch bhi aisa ho to mujhe bataya karo.....mere pass mauka to hoga naa jo galat hua usko sudharne ka....warna main to bas pachtata hi rahunga...

Yaha ka rahne dete hai aur ander chalte hai....

Ander Dono gayi waha pe Jwala ki Maa bhi thi.....unhone unn dono ko dekha....Bua ko to wo pahchan gayi wo sayad mere pure pariwar ko jaanti thi....par sayad Kavita bua ko nahi dekha ho....par Bijli ne dekha tha usko bhi....khair

J. Mom - aap dono yaha....

Bua - haa humko Bijli ko dekhne ke liye leke aaya hai Prateek

Maine unko bata diya tha Bijli ke baare mein bhi...khair...

J.mom ne kuch nahi kaha wo thodi side ho gayi wahi K.bua aur bua dono hi Bijli ke paas gaye....

K.bua ne Bijli ke panjho ko dekha....waise to inn panchiyon ke nabs pairon mein pata nahi chal paata to yaha bhi kuchh nahi milla....par thoda upar jaate hi kuch milla K.bua ko unhone waha apna haath rakha aur aankhen band ki....aisa karte hi K.bua ke dimmag mein Bijli ki puri body hi ban gayi....aur abhi jaisa bhi uski body mein chal raha tha wo sab bhi dikh raha tha unko...

Thodi der sab observe karne ke baad....

K.bua - ye puri tarah se theek hai....aur jaisa humme pata chala tha iska anda kuch bada hai waisi bhi koi baat nahi hai....wo bhi theek hi hai....

J.Mom - aap kya kah rahi ho...humne yaha pe check karaya tha...aur sabhi ne yahi bataya ki anda bada hai aur usse iski jaan ko bhi khatra ho sakta hai...

K.Bua - nahi aisi koi baat nahi hai main aapko dikhati hu....

Saamne ek deewar tha ussi ki taraf unhone apna haath kiya.....unki haath se roshani nikli aur uss deewar pe Bijli ki puri body hi dikhne lagi.....

K.bua - Poonam samne wo pet ke pass gol kuch dikh raha hai naa...uske pass jao...

Bua waha gayi....

K.Bua - dekhiye jaha abhi Poonam khadi hai ussi jagah pe anda hai....aur aap dekh sakti hai ye size mein thik thak hi hai....yaha pe baat size ki nahi hai...baat powers ki hai sayad.....

J.Mom ne gaur se uss oor dekha unhone bhi ye mehsus kiya ki wo to bilkul sahi hai...size mein koi dikkat hi nahi hai....

J.Mom - Power mein dikkat hai....ye humme pata hai par hum ye samajh rahe the ki ussi dikkat ki wajah se anda bada hai aur wo ander hi fasa hua hai...

K.Bua - aap sab mein kitne waqy mein ande de diya jaata hai...

J.Mom - 6-7 din mein....hamara shareer jaldi react karta hai inn mamlo mein iss wajah se....par Bijli ke saath to waqt jyada hi lag raha hai...ab to karib 14 din hone wale hai...aur hum issi wajah se pareshan hai....

K.Bua - aapki aur Bijli ki powers bhi alag alag lagti hai isme kuch thunder power ke bhi ansh dikhe hai mujhe....

J.Mom - haa ye sach hai...par isse koi fark nahi padna chahiye tha....

K.Bua - haa fark usse nahi pada hai baat ye hai ki iske body mein jo anda hai wo isse bhi jyada takatwar hone wala hai....uske pass 2 nahi aur bhi jyada elements h sakte hai aur issi wajah se ande ko puri tarah se bahar aane ke liye taiyar hone mein waqt jyada lag raha hai...anda bilkul pather ki tarah hone wala hai...ek aur baat anda tutne mein bhi waqt aam se jyada lagega...Main samajhti hu mujhe inke liye kuch jadi butiyan de deni chahiye...isse inko takat milti rahegi aur inka anda bhi aaram se taiyaar hota rahega...

J.Mom - aap aisa karengi to hum aapka ye ahsaan kabhi nahi bhulenge....

K.Bua - arre aap kaisi baat kar rhi hai aapne jaan bachayyi thi hamari....accha main wo jadi butiyan yahi bana deti hu....yaha koi dawa khana hoga to....waja ke vaidya ko bhi iss baare mein bata dungi...

J.Mom - haa jarur....

Unhone kuch sainikon ko bulwaya aur unn dono ko waha ki vaidyashala mein bhijwa diya....waha pe 3 head vaidya the...polar bear ka Jwala ke kabile ka aur saath hi Old Owl ka bhi...

Dono Bua ander gayi...wo sab unko dekh thoda hairaan hue par sainik saath mein the to koi pareshani hamgama kuch nahi hua....

K.Bua - hello hum yaha Bijli ji ke illaj ke liye aaye the....humme kuch jadi butti chahiye thi agar yaha mil jaati to....

P.Vaidya - Bataiye kon se jadi butti hamare paas bahut tarah ke hai aise bhi jo bahut pahle hi vilupt ho chukke hai....

O.Vaidya - aapne kaha aapne dekha hai unko....ab kaisi hai wo aur kya wo theek ho jaayengi....

Bua - haa wo theek hai aur abhi jo jadi butti se dawa hum banayenge wo unko aur theek kar dega....

K.Bua ne unko kuch jadi buti ke baare mein bataya....aur wo log wo sab jadi buti unke pass leke aa gaye.....

K.Bua ne Bua ki madad se 2 dawaiyan banayi...aur dono ko side mein rakha......wo inn dawaiyon ke banane ka tarika bhi bata rahi thi...jisse agar aage kabhi bhi aisi koi dikkat ho to wo dekh le....

Wo tinno vaidya dhyaan se dekh rahe the ye sab.....aur samajh bhi rahe the...

K.Bua - ye ho gayi Bijli ji ki dawaiyan....accha main aapko kuch aur dawaiyan banana sikha deti hu jisse agar kisi aur ke saath iss tarah ka koi case ho yaa kisi ko bahut jyada energy milegi unko....ye aap kisi male ko bhi de sakte hai jisse wo agar bimar ho to jaldi theek ho jaayega.....

Wo tinno inn dawaon ko bante hue bhi dhyan se dekh rahe the....

Yaha pe bas K.Bua ne sikhaya hi nahi balki unhone sikha bhi.....unn tinno vaidyon se bahut si baatein sikhi unhone....aur jab Bua wapas aayi Dawa dene tab wo wahi vaidyashala mein thi aur baaki ke marizon ko dekh rahi thi....aur unka ilaz kaise kiya jaa raha hai ye sab bh dekh rahi thi.....itne mein waha ek sainik jaata hai aur unko mere pass aane ko bolta hai kyunki ab humme jaana tha....raat kaafi ho gayi thi....

Wo unko leke Jwala aur mere pass aaye....itne waqt mein maine Jwala ko bahut si baatein batayi thi samjhayi thi....

Wo dono waha aaye....

Jwala - aap dono ka sukriya...aap yaha aayi Bijli ko dekha....aur uske liye dawa banayi....

K.Bua - arre ye to kaam hai hamara....accha aapse bhi ek baat karni thi....

Jwala - Ji bataiye...

K.Bua - inn sab mein Bijli ko aapki jarurat padegi...waqt jyada bhi lag sakta hai aur wo ek maa banne wali hogi....sayad emotions ko control naa kar paaye....uss waqt aapko usko sambhalna hoga.....aur ande ko safe rakhna hoga....aur ek baat ye anda bahut hi takatwar hai....aap soch bhi nahi sakte aap dono ka ye baccha kaisa hoga...

Jwala - ji main uska saath dunga...

Main - haa aur inn sab ke bich maine agar galti se kuch kaam waam de diya naa to mujhe bhaga dena samjhe...pali priority abhi uss ande ko banana hoga tumko...

Jwala - haa theek hai.....chaliye main portal khol deta hu aap thak gaye honge....

Unse Portal khola aur hum jaane lage....usne wapas se humko thanks kaha......

Hum ghar pe aa gaye....karib 12 baje hue the sayad...sabhi so gaye the....

Main - chalo main bhi chalta hu...aap dono bhi so jaana....

Bua - tumne ye sab pahle kyun nahi bataya tha...

Main - Yaar bua abhi hi karna hai ye....jao naa so jaao mujhe bhi sone do...baad mein karte hai na ye sab...

Bia - hmm theek hai par baad mein bhi chodungi nahi tujhe....

Main apne room mein gaya aur sone ki koshish karne hi laga tha ki.....tabhi aisa laga jaise khidki ke bahar garden mein koi hai jo meri oor dekh raha hai...

Maine jab dhyaan se dekha to wo Leemi thi....

Main bahar gaya....

Main - leemi tum iss waqt sab theek hai naa....

Leemi - haa bhi aur nahi bhi....aapko sayad Raj kumar se baat karni hogi....unko guruji ne insano ke saath rahne kaha hai insano ko samajhne ke liye par wo jungle mein chale gaye hai...

Main - theek hai main iss baat pe gaur karunga...abhi tum bhi jao itni raat mein aane ki kya jarurat thi...aur tumhari bacchi wo theek hai naa....

Leemi - haa wo acchi hai....

Main - accha rukko main kal hi Leemo se milla tha.....wo bhi thik thak hi hai....

Leemi - mujhe pata hai main hamesha unko dekhti rahti hu....

Main - dekhti rahti ho ???

Leemi - Main chalti hu....aap kal pahle guruji se mil lena aur fir raj kumar se...

Itna bolne ke baad wo binna kuch sune hi gayab ho gayi....

Main bhi apne room mein aaya aur so gaya....

Next update mein dekhte hai kya hota hai jab ghar mein uss choti si ladayi ke baare mein pata chalega sabko....aur saath hi....kaise main DB ko samjhaunga....saath mein Nix temple ka bhi ek chakkar mqar aayenge aur taskari karne wale bande ko udana bhi to hai Strange world se kuch waqt ke loiye....

 

[Rahul]

badhiya update bijli ko medicine mil gayi is uska anda bhi powerful hoga aur ek baat family me pyaar bahut hai yahan

 

[chaman chutiya]

superb update is update me to maja aaya hai harsh bhai kaam ka likhte ho yaar