Fantasy Karmyudh by ( gOlDy ) Complete

[XP 007]

To dosto hazir hai Diwali special Mega Update. ab aap logo ka kya response rehta hai usi hisaab se story aage badhaunga, ummid karta hu apne usual comments se hat kar kuch sujhaav aur tareef milegi is update ko.......

UPDATE 17

Maine jhanka to mehak bed par ghutne fold kiye apna sir jhukaye ro rahi thi. Main pehle to decide nahi kar paya ki uske paas jaun ya nahi. Par jab uska yu rona mujhse bardasht nahi hua to main uske paas gya.

Me – mehak

Mehak khud ko samhalte hue – please leave me alone

Me – talk to me mehak, mujhe pta to lage ki baat kya hai.

Mehak – mai abhi koi baat nahi karna chahti

Me - dekho mehak, agar tumhe koi problem hai to hum baat kar sakte hain ki aakhir aisi kya baat hai jo tum mujhse itni nafrat karti ho, aur… aur agar… agar koi aisi badi baat hai ki tum mujhe yahan bardasht nahi kar sakti to…. To main kahin bahar shift ho jata hu par yu tumhe itne dard me nahi dekh sakta.

Wo bina koi jawab diye bas roye ja rahi thi.

Mai use itne dard me dekh kar tadap utha aur rundhi hui awaz me bola - Theek hai ya to mujhe apni problem batao ya mai kal hi wapis London ya kahin aur nikal jata hu aur jab tak tumhari shaadi nahi ho jaati main wapas yahan kisi ko apna muh bhi nahi dikhanunga.

Jab kuch palo tak koi jawab nahi mila to mai palatkar wapis jaane laga.

Abhi mai darwaje tak hi pahucha tha ki mehak ne bhaagkar aate hue mujhe pichhe se hi apni baanho me bhar liya aur rote rote boli.

Mehak – pleaseee…. Please don’t go. I can’t live without you. I… I love you…. I love you a lot.

Maine bhi palat kar uske sir hath rakhkar sehlaate hue kaha, “I love you too my dear sis”

Mehak- no…. I… I love you as… as my love

Me – kyaaa, paagal to nahi ho gayi tum. Tumhe pta bhi hai tum kya keh rahi ho. You are my sister.

Mehak – please please please…. I beg you.

Me – mehak hosh me aao, it’s not possible. Bhai hu mai tumhara.

Mehak – NAHI…. Nahi ho tum mere bhai.

Me chaunka – matalb

Mehak – Ajay bhai ki death to usi accident me ho gayi thi jisme tumhari yaddasht gayi thi.

Me - WHAATTTT……. Matalb mai… mai… mai kaun hu fir.

Mehak - I don’t know par I love you.

Me liye ye shock jaise sir par koi bomb footne jaisa tha. mai koi jawab nahi de paya. Ladkhadate kadmo se paas padi chair par baith gya.

Me – khao meri kasam tum sach bol rahi ho.

Mehak – tumhari kasam main sach bol rahi hu

Kuch der mai waise hi baitha raha fir bola - “aur…. Aur kaun janta hai ye sach”

Mehak – m.. muskaan ke alawa baaki sab.

Mere dimag me jaise lagataar patakhe baj rahe they.

Me – mmm…. Mai tumse kal baat karunga

Ye kehkar main room se nikal gya, mehak pichhe se awaz lagati rahi par mai seedha apne room me aakar door lock kar liya.

Poori raat mere dimaag me kayi sawal ghoomte rahe par jawab koi na tha. mai bina poori baat jaane mom ya dad k samne ye baat uthana nahi chahta tha isliye subah subah mom ko ye keh kar ki sush se koi kaam hai aur mai nashta wahi kar lunga, mai dr uncle se milne nikal gya. Kyoki mere hissab se wo hi mujhe sab sach bta sakte they.

-------------

Uncle brakefast table par baithe hue newspaper padh rahe they.

Me - Good morning uncle

Dr – are ajay beta tum, good morning.

Ajay ka naam sunkar sush kitchen se bahar aa jati hai (shayad brakefast bna rahi thi).

Sush – what a pleasant surprise, aao ajay baitho. Mai tuhare liye bhi brakefast lagati hu.

Me jakar uncle k paas baith jata hu.

Dr- aur sunao beta aaj subah subah kaise, koi outing ka program hai tum dono ka.

Me- nahi uncle mai aapse kuch poochne aaya hu.

Dr- haan bolo beta

Me- mai kaun hu uncle

Dr – matlab ye kya baat hui, tum ajay ho.

Me – mujhe pata lag gya hai ki ajay is no more, to mai kaun hu.

Dr – “dekho beta sach kahu to mai nahi janta ki tum kaun ho ya kahan se aaye ho. Mai aur bheeshm dono ko ek din ye khabar mili ki ajay padhai khatam karke London se lautne wala tha wo apni behno ko surprise dene ek hafta schedule se pehle hi aa gya tha par airport se ghar aate hue raste me ek bheeshan durghatna me wo apni jaan ganwa baitha. Hame shyad pta bhi nahi chalta wo to ajay k jis dost ne use airport par receive kiya tha usi ne hame phone karke is haadse ki ittla di. Ajay usi ki car me aa raha tha.”

Thoda ruk ke wo fir bole, “jab hum wahan pahunche to bada hi bheeshan drishya tha, aaj tak kisi ko samajh nahi aaya ki wo accident hua kaise tha. lagbhag 500 meter k daayre me sab kuch jal gya tha lagbhag 10 gaadiya wahan jali hui thi. Wahan se jab hum uski body lekar aane lage to meri najar tum par padi.”

Maine larajte lehje me poochha – “main wahan… kaise…”

Tabhi maine apne kandhe par kisi ka haath feel kiya. Ye sush thi jo hamari baate sunkar mujhe hausla dene mere paas aa gayi thi.

Dr – “ye to beta main bhi nahi janta par tumhari upar ki body lagbhag 70% jal chuki thi , tum ghayal bhi bahut they aur neeche ghisat rahe they. Chunki bheeshm ambulance me ajay ki body k sath aage ja chukka tha to maine tumhe apni gaadi me dala aur apne hospital le aaya.”

Me – fir…. fir kya hua

Dr – fir treatment k dauraan tum coma me chale gaye. Itne bade accident se bachna koi chamatkaar se kam nahi tha. tum usi awastha me heal hone lage. Par tumhara chehra bilkul pehchaan me nahi aa raha tha, humne tumhari plastic surgery karke ek naya chehra dene ka faisla kiya, par hamare paas tumhara koi foto ya face nahi tha.

Is beech muskaan jiski bimari ki wajah se hamne use ajay ki maut k bare me nahi bataya, warna hum use bhi kho dete, wo ajay k na aane ki khabar se hi beemar pad gayi. To maine aur bheeshm ne ye faisla kiya ki tumhe ajay ka chehra de diya jaaye taaki tumhri help se hum at least muskaan ko to bacha le. Jab tumhe hosh aaya to tum bhi apni yaddasht kho chuke they. Isliye humne filhaal tumhe bhi sachhai na batane ka faisla kiya aur tumhe ajay bna kar yahan le aaye.

Me – yaani ye chehra bhi mera nahi hai…. To kya pehchann hai meri… KAUN HU MAI….

Sush – tum jo bhi ho, jaise bhi ho ab hamari jindgi ka atoot hissa ho. main, tumhare mom dad, tumhari behne tumhe isliye nahi pyaar karte ki tumhara chehra ajay ka chehra hai, balki isliye karte hain ki tumhari care tumhara pyaar hum sabhi k liye bemol hai.

Fir isi tarah dr uncle ne bhi mujhe samjhaya. Kuch der baad jab mai lautne laga to sush ne jabardasti mujhe jaane nahi diya. Dr uncle k sath hi nashta karwaya aur jab uncle hospital chale gaye wo aake mere paas baith gayi.

Sush – ab pehle ye batao tumhe ajay k bare me kaise pta chala.

Me – kal maine tumhe sab bataya hi tha fir raat dinner k baad…..

Aur maine use sab bta diya.

Sush – to ab tum mehak ko kya jawab dene wale ho

Me – I don’t know, abhi to main khud k bare me nahi soch pa raha hu, use kya jawab doonga.

Sush – don’t take so much stress. Ishwar sab theek karega.

Me – hmmmn… achha mai chalta hu dad office me wait kar rahe honge.

Sush – aaj mat jao office to shayad better feel karo.

Me – don’t worry I’ll take care

Sush gaal pe kiss karte hue, “ok bye” main bhi bye bol wahan se nikal pada.

---------------------

waiting for your comments

 

[XP 007]

UPDATE 18

Sush ko to mana kar k main nikal aaya par office jane ka dil na kiya, main sab sochta hua yu hi sadko par firta rha. Jo sawaal sabse jyada mujhe pareshaan kiye hue thaw o tha ki agar mai Ajay nahi hu to mai hu kaun…. Kahan se aaya hu…. Waise mujhe is life se bhi koi dikkat nahi thi…. Maa aur papa ka bharpoor pyar mila, muskaan jaisi cute behan mili, aur mehak.. mehak ko mai kya jawab du… wo sachmuch kya mujhe pyaar karne lag gayi hai… aisa kaise ho sakta hai bhale hi hum bhai behan nahi hain par main uske saath…. Nahi nahi ye nahi ho sakta… main kaise….. uff sir fata ja raha tha.

Kehte hain jab insaan ko koi sahara nahi milta to use ek hi jagah dikhti hai wo hai ishwar ki sharan. Mai bhi jaakar mandir me baith gaya.

Pta nahi kitni der mai yu hi baitha raha tabhi ek awaz ne meri tandra bhang ki.

“ALAKH NIRANJAN …. kis soch me dooba hai bachhe”

Maine palat kar dekha to wahi sadhu baba dikhe jo us din mujhe hospital wale mandir me mile they (update 8)

Me aakar unke paas baith gaya aur bola – “mahatma aap, aap yahan kaise”

Sadhu baba- hum sanyasiyo ka yahi to thikana hai, uska darbaar…. Tu apni suna bachhe kyu pareshaan hai.

Me – baba mai apni pehchaan apna naam sab bhool chukka hu… sab kho chukka hu… kya karu kahan jaun samajh nahi aa raha… mujhe koi raah dikhaye, mai kahan jaaun.

Sadhu maharaj muskaraye aur bole – rasta to tujhe mai pehle hi dikha chukka hu, par tune meri baat ko gambheerta se nahi liya. Teri samast muskilo ka hal tere hi bheeter hai, khud ko aur apni behan ko dono ko swasth karna chahta hai to apni kundalini shakti ko jaga…

Me – kundalini , wo kya hai baba, usse kya mai apna ateet jaan paunga..

Sadhu – beta har prani me do tarah ki shakti ya urja hoti hai ek sharirik aur ek aatmik jise hum kundalini bhi kehte hain. Kyoki yeh urja reedh ki haddi k theek niche kundli mare sarp k samaan vaas karti hai, sukshm sharer k saato chakra isi urja se chalte hain, koi bhi prani dhyaan k madhyam se ise jaga sakta hai aur iski shaktiyo se asambhav ko bhi sambhav bana sakta hai, aur tu… main dekh sakta hu tu koi aam nahi hai, to soch tere ise sakriy karne se kya ho sakta hai….

Me – mujhme aisa kya hai baba

SM – beta sharir jab koi bhi karya karta hai to sangam urja ka istemaal karta hai arthaat agar tum taali bhi baja rahe ho to usme bhi dono urjao ko milakar istemaal karna padega. Farq bas itna hai ki samanya manav apni kundalini urja ka ek pratishat bhi prayog nahi kar pata, haa par gehre prem ya peeda ya kisi anya bhawnatmak palo me wo pratishat badh jata hai. Jaise ki kisi se ladte hue gusse me tum aisa kaam bhi kar jaate ho jo tum samanytah nahi kar sakte.

Me – ye hum puri tarah istemaal karna kaise seekh sakte hain baba.

SM – putra yahi seekhne ko maine tumhe rishikesh jaane ko bola tha.

Me – theek hai maharaja mai wahan jarur jaunga.

SM – ALAKH NIRANJAN

Aur unhone mere sir par hath rakh diya , main aankhe band kiye aur sir jhukaye unke aage baitha tha. kuch der me jab maine aankhe kholi to SM wahan nahi they. Maine idhar udhar bhi dekha par Sadhu Maharaaj kahin nahi dikhe. Ab mai apne man me kaafi shaanti feel kar raha tha, isliye uthkar ghar ki aur chal diya.

 

[XP 007]

UPDATE 19

Ghar par jaise hi mai pahucha to sabhi lobby me baithe tension me lag rahe they. Mujhe dekhkar maa turant bhaagkar mere paas aayi.

Maa – kahan tha tu, mobile kyu band hai tera. Office bhi nahi gaya kahan tha pura din.

Maine ek najar sabhi k chehro par daudayi. Maa ki jahan aanke nam thi to papa ki aankho me tension saaf dikh rahi thi. Mehak aur muskaan k chehro par bhi fikr dekhi ja sakti thi.

Me – kahin nahi ma, subah dr uncle k ghar gaya tha fir wahan se kisi kaam se nikal gya tha, mobile ki battery kab khatam ho gayi pta hi nahi chala. Sorry maa papa aap ko pareshaan karne k liye.

Papa – koi baat nahi beta, tumse baat nahi hui na isliye sab pareshaan ho gaye they. Chalo pehle khana kha lo fir baat karte hain, pata hai teri maa aur mehak ne din me bhi khaya kuch.

Me – ye kya baat hui maa. Aise to aap log apni tabiyat kharaab kar loge. Main kahin kaam me fas gaya tha lekin aap… aainda aisa nahi hona chahiye.

Maa – ye to mujhe kehna chahiye k aainda aisa nahi hona chahiye.

Me – I promise maa nahi hoga.

Fir sabne sath dinner kiya aur fir mai apne room me chala gya. Abhi mai change karke bed par letne hi jar aha tha ki door par knock hui. Maine darwaja khola to saamne mehak khadi thi.

Me – mehak tum…. is waqt…

Mekak – kya mai andar aa sakti hu

Me – haa haa kyu nahi…

Me ek side ho gya to wo andar aakar khadi ho gayi. Maine use chair ki taraf ishara karte hue bola, please baitho.

Wo kuch kehna to chaah rahi thi par shasyad samajh nahi aa raha tha ki baat kaise shuru karu

“sorry”

Me – sorry for what

Mehak – mai ye sab … matlab main ye nahi chahti thi ki sach tumhe aise pta chale… par… par mai kya karti mai bhi ab apni feelings ko aur nahi daba sakti thi, isliye….

Me- look mehak, jo bhi hua mujhe dr uncle se sab pta lag gya hai. Par abhi mai apni identity ko lekar khud itna puzzled hu ki kuch aur nahi soch pa raha hu. Aur mai ye sach muskaan k aage bhi nahi aane de sakta, wo ye bardasht shayad na kar paaye.

Mehak – mai samajh sakti hu par…… ok take your time but please don’t break heart. I love you.

Apni ankho ki nami ko chhipate hue wo apne room me chali gayi. Mai kuch der wahi baitha sab sochta raha fir so gaya.

Subah neend me mujhe aisa laga ki koi mera sir sehla raha hai, maine aankhe kholi to deakha maa mere sirhaane baithi thi.

Me – maa aap yahan

Maa – beta kaise ho

Me – aap mere room me, koi baat hai kya.

Maa – pehle tum fresh ho jao fir batati hu.

Me fresh hone bathroom me ghus gaya.

 

[XP 007]

UPDATE 20

Bathroom se fresh hoke jab main nikla to mom k sath papa bhi mere room me baithe they.

Me – papa aap….. good morning papa… aaj aap dono mere room me. Matlab samajh nahi aaya.

Papa – beta…. darasal Dr ne mujhe kal hi bta diya tha ki tujhe sab sach pta lag gya hai… main maafi chahunga ki maine tujhse ye sab chhipaya. Aisa nahi hai ki hamne prayas nahi kiya tumhaare ateet k bare me janne ka par hame kuch pta nahi chal saka…. Pta hai jab hum apne bête ka antim sanskaar kar k laute to hame yahi darr sata rha tha ki kahi ab bête k baad beti ko bhi na kho du, muskaan ki jaan apne bhai me basti thi. Tabhi mujhe dr ka phone aaya aur usne mujhe tumhare bare me bataya.

Me – fir

Papa – fir jab dr ne bataya k tumhara face bilkul jal chukka hai aur tum koma me ho aur urgent tumhare chehre ki plastic surgery honi hai to maine dr ko kaha k agar hum tumhe ajay ka chehra de de to jab tak muskan ka operate nahi ho jata, use behlaya ja sakta hai. Aur is khatre ko tala ja sakta hai. Isiliye maine ye sab kiya.

Maa – chahe ye job hi kahe beta hamne tumhe apne dil se Ajay hi mana hai, kal jab tumhara koi pta nahi laga to main ye sochkar ghabra gayi ki kahin tum hame chhod k to nahi chale gaye sachhai janne k baad.

Me – maa aapko aise batane ya jatane ki jarurat nahi. Kya maine ye sab feel nahi kiya. Kya mai nahi janta ki aap dono jo mujhe itna pyar karte ho wo aapki sachhi feeling hai ya koi natak. Papa aap logo ne mujhe nayi jindgi di hai, aur jindgi dene wala pita hi hota hai to koi bojh apne dil par na rakhe aur ho sake to apne aashiwad ki ye chhaya mere sir par hamesha aise hi banaye rakhna.

Dono ne aise hi mujhe gale laga liya. Hum teeno ki hi aankhe nam thi.

Me – par dad ek ijajat mai aap dono se chahunga.

Papa – bol beta

Me – mai apne past ke bare me janna chahta hu. Aakhir kaun hu mai, kahan se aaya hu, kya naam hai mera…

Maa – beta tumhare papa ne bataya na ki unhone tumhare bare me pta karne ki bahut koshish ki par kuch pta nahi chala.

Me – par maa koi hai jiski madad se mai apne ateet k bare me jaan sakta hu.

Aur maine unhe baba aur unki baato k bare me bataya.

Papa – agar aisa hi hai beta to mai tumhe nahi rokunga par ye wada jarur chahunga k tum hame bhi na chhodo, yahin hamare sath raho.

Me – mai wada karta hu papa main apna sach jaankar yahin lautunga.

Papa ne ye kehte hue mujhe fir gale laga liya – theek hai beta main sab set kar dunga.

Fir kuch der baad jab hum brakefast table par ikatthe baithe they.

Papa – beta ajay , mai chahta hu ki tum kuch din k liye hamari Dehradun wali factory ka kaam dekh kar aao wahan kuch issues hain jo suljhane jiske liye tumhara ya mera wahan jana jaruri hai.

Muskaan – to aap chale jao papa, bhaiya kahin nahi jayenge.

Me – bad manners muskan. Mere hote hue papa ko preshaan hone ki kya jarurat hai. Aur fir main wahan rehne thode hi ja raha hu, bas kaam nipata kar jaldi hi wapis aa jaunga.

Muskaan – to fir promise karo aap wahan se daily mujhe phone karoge aur wapis aakar mujhe kam se kam ek hafta ghumaane le jaoge.

Me – ok promise

Bas fir kyat ha, Dehradun k bahane mai Rishikesh jaane ki taiyaari karne laga.

 

[XP 007]

New update are post

 

[XP 007]

UPDATE 21

Main train se delhi hote hue haridwar pahunch gaya aur filhaal rishikesh k liye bus pta kar raha tha to ek taxi wala bola, sir mere paas already ek sawari hai rishikesh ki agar aap taxi share karna chaho to. Maine haan kaha aur uske sath chal diya. Bahar road k kinare uski taxi khadi thi.

Mera saman lekar wo diggi me rakhne laga aur maine gadi ka door khol k baithne laga to achanak thithak gya, car me ek pyari si ladki baithi hui thi. Hum dono ki najre aapas me ulajhkar reh gayi. Hamara dhyaan driver ki awaaz se toota.

Driver- “baitho sahab , fir chale”

Maine baithte hue muskara kar use hello kaha par koi jawab nahi mila. (matlab usne bhai ko ignore maar diya. L)

Well, aage ka safar start hua. Uske ignore maarne k karan meri himmat nahi hui baat shuru karne ki lekin mai tirchi najaro se usi ko dekh raha tha. uske paas baithe hue mera dil bahut teji se dhadak raha tha. uska cute sa par udaas chehra, jheel si gehri par sooni si aankhe, matlab dil uski aur khincha sa ja raha tha. mai khud ko usse baat karne se rok nahi paaya.

Me – hiii me ajay, mai pehli baar rishikesh ja raha hu, aap wahi ki hai kya.

Usne koi jawab nahi diya

Me- mai ******* city se hu. Btw aapka naam kya h.

Again no answer.

Mai thodi der chup raha fir bola, “dekhiye kyaa aap mujhe bta sakti hai ki swami visheshanand ka aashram kahan hai.

Ab usne meri taraf dekha, mai uske chehre me hi kho gaya. Uski aankhe…. Mujhe yu lag raha tha ki ye aankhe mere bheetar sidhi dil me utar rahi hain.

Wo thehre hue swar me boli, “city k north me ganga k kinare jangal k sameep unka aashram hai….”

Ye awaz .. ye awaz … maine kahin suni hai… ye … ye ladki…. Ye ladki kaun hai.

Main dimaag par jor dene laga ki achanak mujhe yaad aaya … ye … ye to wahi hai.. wo… wo sapne wali ladki….. (update 11)…. Kaun hai ye.

Wo jawab dekar wapas apni yaado me gum ho gayi thi….

“kya mai aapka naam jaan sakta hu.” Maine fir baat shuru karne ki koshish ki.

Me- “actually mujhe lagta hai ki main shayad aapko janta hu.”

Wo – “kiran… aur mujhe ache se yaad hai ki mai kabhi aapse nahi mili hu sath hi mujhe ajnabiyo se baat karna pasand nahi.” Kehkar wo window se bahar dekhne lagi.

Ab aur jyada chep banna mujhe achha nahi laga. To mai bhi bahar k najaro me kho gya, haan beech beech me tirchhi najaro se use dekh jarur raha tha.

Koi aadhe ghante baad mai rishikesh taxi stand par khada tha. wo utar kar bahar ki taraf chali gayi thi. Main apna saman lekar aage badha o logo se pta kar ek auto lekar swami ji k ashram ki taraf chal pada. Aashram pahunch kar mai swamiji se mila.

Me – maharaj mai ******** se aaya hu mujhe ek babaji ne aapke paas bheja hai, darasal ek accident me mai apni pichhli yaade bhula chukka hu, sath hi baba ne mujhe kaha tha ki yahan aakar aapse mere jiwan ka satya aur uddeshya jaanu.

Swami ji ne mere sir par hath rakhkar aankhe band kar li aur kuch hi der me unki band aankho se aansu beh nikle. Aur thodi der baad jab unhone aankhe kholi to bas prem aur vatsalya se bhari najaro se mujhe hi dekhe ja rahe they.

Fir wo sameep hi khade apne shishya se bole jao jaakar meri putri ko bula lao.

Aur mujhse bole, putra tum lambe safar se aaye ho abhi bhojan kar k vishraam karo, mai tumse kal subah baat karunga.

Tabhi shayad unki putri aayi

“Pitaji aapne mujhe bulaya”

Awaaz sunkar mai palta, kyoki ye… ye to usi ki awaz thi….

“Aap……” mai ekdam bol pada.

“kya tum kiran ko jaante ho putra” swamiji ne poochha.

“nahi swamiji hum darasal aaj haridwar se risikesh sath hi aaye they taxi me, tabhi mile they.”

“Achha haa aaj ye aashram k karya se hi haridwar gayi thi” wo muskara kar fir aoni beti se bole “putri kiran tum inki rehne aur khaane ki vyavastha aashram me hi karwa do, ye ab kuch din yahin rahenge.”

“jo aagya pitaji” kehkar wo bahar nikal gayi. Mai bhi swamiji ko pranaam kar k bahar nikal aaya.

“aapne mujhe bataya nahi ki aap swamiji ki beti hai” maine kiran se k pichhe chalte hue kaha. Darasal use dobara milkar pta nahi kyo par mai bahut khush tha.

Once again no answer.

Yaar ye khamoshiii….. pata nahi kyo mujhse bardasht nahi ho rahi thi…

Well wo mujhe ek kutiya me le gyi aur bataya k mujhe yahi rehna hai, mai abhi aaram karu aur kuch der me aashram me hi bane ek haalnuma bade jhopde ki aur ishara kar k bta diya ki wahi sabhi ashram vasiyo ko bhojan parosa jata hai.

pitaji tumhe prath vandan k pashchat swayam bulenge, kehkar wo chali gayi

 

[XP 007]

UPDATE 22

Agle din maine prath fresh hokar gangasnan kar k jalpan kara hi tha k swami ji k ek shishya ne aakar mujhe kaha k swamiji ne mujhe bulaya. Mai uske sath swamiji k paas gya.

Swamiji apni kutiya me dhyaan me leen they, mai unhe pranaam kark wahi baith gaya. Kuch der baad unhone aankhe kholi aur mujhse bole

S – aao putra, mai janta hu ki tum apne ateet k bare me jaane k liye bahut vyagra ho. Maine kal tumhare mastak par hath rakhte hi tumhe pehchaan liya tha. asal me tumhara ateet isi aashram se juda hai. Par tumhara satya batane se pehle mai tumhe ek satya se avgat karana chata hu. Kareeb 30 varsh purv…..

-----Flashback----

mahant family me aaj ek vishesh poojan ho raha tha, kaali dhoti pehne maathe par tripund banaye Tribhuwan mahant apne navjaat putra ko god me liye hue yagyakund me ahutiya daal rahe they aur sath hi sath mantro ka uchharan bhi kar rahe they. Shighra hi havan jai maa pataal bhairvi ke udghosh k sath smapt hua.

Tribhuwan – “hey maa teri kirpa se mujhe is putra ki prapti hui hai, main saugandh leta hu ki ye bhi mere aur mere purvajo ki bhanti poora jeevan teri pooja me arpit kar dega. Jab tak kit u hame wo vardaan nahi deti jo ki pane k liye ham pichle saikdo saal se pidhi dar pidhi teri pooja anvarat karte aa rahe hain. Aashirwaad de ise MAA.”

aaj Tribhuwan apne putra ka naamkaran kar raha tha, chunki wo khud mahagyani tha atah swayam hi putra ki kundali banane baitha tha.

Tribhuwan – “adbhut maa adbhut…. Tere is aashirwaad k jaisi kundali to kisi ki na hogi, waah. Rahu Ketu aur Shani ki vishesh kirpa hai is par, iska naam bhi main inhi k naam par rakhunga RA+KE+SH. Mujhe aabhas ho raha hai ki mera Rakesh hi hamare pariwar ki saadhna purn karega aur jo sadiyo pehle mere purvaj ne saugandh li thi ki janm janmantar tak jab tak ye sadhna poori na ho is pidhi dar pidhi jaari rakhne ki use nibhayega. JAI MAA PAATAL BHAIRVI.”

Darasal ye mahant pariwar asuro k rajpurohit ka wo pariwar tha jo kulguru shukracharya k kahne par sadiyo se asuro ko pritvi par sthapit karne k liye shakti arjan kar raha tha….

Aisa nahi tha k is ghatnakram par kisi ki najar nahi thi.

brahmlok me sabhi devta hath jode parampita bramha k samaksh khade they.

Brahma ji- aao putro kaise aana hua.

Devraj indra ne aage badhkar jawab diya, he pitamaha aap sarvagya hain , trikaaldarshi hain. Aapko to pta hi hai ki pritvi par asuro ka ek upasak pariwar hai jo maa patal bhairvi ki sadiyo se pidhi dar pidhi sadhna kar raha hai, wo devasur sangraam me mare gaye mahabalshali asuro ko punrjivit kar unhe aisi divya shaktiya dilwana chahta hai jo sabhi loko me unka ekadhikar sthapit kar sake, kalyug ke prahaaro se trast srishti k liye ye uchit nahi hai. Hame aisa abhaas ho raha hai ki wo shighra hi isme safal bhi ho sakte hain. Kirpya karke aap hamara margdarshan kare ki is samay hame kya karna chahiye.

Brahma ji- devraaj aapki ashanka nirmool nahi hai, halanki srishti k niyamanusaar wo asur punarjivit nahi ho sakte par unhe unki sadhna ka fal milna bhi tay hai, unke pariwar me haal hi me ek aisa balak janma hai jo is sadhna k falswaroop bhawishya me kayi asuri shaktiyo ka dharak banega. Usi ki nakaratmak tarango se aap sabhi vichlit hue ho.

Indra – to prabhu hamare liye kya aadesh hai

Bramha- abhi parmatma k awtaran (kalki avatar) me samaya hai is beech yeh dushtatma sansaar ko atyant peeda de sakti hai, isliye main chahta hu ki ise rokne ke liye aapsabhi devgan apni apni shaktiyo k ansh ko milakar ek aise manav me dale joki usse samast sansaar ki raksha kare. Dhyaan rahe itna tej samhalna kisi aam manav k bas me nahi atah suryadev aapko ek manasputra ko janm dena hoga jo ki in divya shaktiyo ko dharan kar sake.

Sabhi dev- jo agya brahmdev.

Aur sabhi devta swarglok laut aaye. Fir sabhi devtao ne ekatra hokar apni shaktiyo ka ek ansh prakashpunj k roop me suryadev ko pradaan kiya. Jise lekar suryadev dharti ki aur chal pade.



To finaly introducing main lead of story

SURAJ PRATAP urf SURYA- Suryadev k vardaan se paida hua wo ladka jise koi taap koi agni jhulsa nahi sakti, Jal duba nahi sakta aur vajra k samaan shareer jise koi astra shastra kaat nahi sakta.

RAKESH MAHANT urf ROCKY- Maa patal bairavi ki janmo janmantar se sadhna karne wale mahatantrik aur asuro k purohit pariwar ka wo vanshaj jo khud RAhu, KEtu aur SHani jaise marak greho ki deadly powers ka combination hai.

 

[XP 007]

UPDATE 23

Uttar bharat k devbhoomi kshetra me parvato ki god se utar kar kal kal karti ganga nadi k tat par basa pawan shahar Rishikesh, bhor ki bela me suramya aur shant vatavaran me maa ganga me snan karte kuch bhakt dikh rahe they. Aise me kahin ek or jaikaare k sath dubki lagate hue logo ki awaje aa rahi thi to kahi mandir me shankh ya ghante ki awaz aa rahi thi. Bhor ka waqt hone k karan adhik bheed nahi thi.

Baaki ghaato ki apeksha sune pad eek ghaat par pratidin ki tarah snan kar rahe they thakur Mahendra pratap. Pidhiyo se surya k upasak is wansh ki antim pidhi they wo, ek haadse me apne pariwar ko kho chuke mahendra pratap pichhle dedh varsh se yahi reh rahe they.

Snan kar suryadev ki stuti kar unhe jal arpan karne k baad mahendrapratap ganga se bahar nikal hi rahe they ki eka ek jaise samay tham gya aur charo taraf ek teevra prakash fail gya. Jisse unki aankhe band ho gayi.

Kuch palo baad jab unhone aankhe kholi to unhone saamne ek divya purush ko khade paaya jinke sharir se adbhut tej nikal raha tha.

MP – pranam dev, kripya kar apna parichay de.

Wo divya purush muskrakar bole, “main surya hu”

MP – he dev aapko barambaar abhinandan, aap hamare kuldevta hain jinki pidiyo se hum pooja karte aa rahe hain, aaj aapke darshan paakar mai dhanya ho gya dev. Mera jiwan safal hua.

Suryadev – mahendra tumhare jiwan ko sarthak banae hi hum yahan aaye hain, hum tumhare aur tumhare pariwar ki atoot bhakti se bahut prasann hue. Isliye aaj hamne apne aise ansh k prithvi par avtaran k liye tumhe madhyam chuna h jo na sirf hamari balki samast devkul ki shaktiyo ka dharak hoga.

MP – main dhanya hua prabhu.

Surya dev ne apni hatheli aashirwad ki mudra me sidhi ki jisse ek roshni nikal kar sidhe mahendra ki aur gayi aur usne unki god me aakar ek balak ka roop le liya.

Us balak ki aankho me dekhte hi mahendra jaise kho se gaye, bade hi bhaav vibhor hokar nihaar rahe they. Unki tandra suryadev ki awaz se tooti.

SD – mahendra putra, is balak ka tumhe putra samaan palan karna hai, iska janm ek vishesh uddeshya k liye hua h.

MP – prabhu jaisi aapki agya, vaise bhi apne pariwar ko khone k baad aise lag raha tha ki mai vyarth hi ye jiwan ji raha hu par ab aapne mujhe jine ka ek prayojan de diya.

SD – kalyaan ho putra.

Mahendra pratap ne aankhe band kar unhe naman kiya. Jaise hi unhone aankhe kholi suryadev wahan se ja chuke they.

Mahendra khushi khushi us balak ko ghar le aaye.

 

[XP 007]

UPDATE 24

Mahendra pratap us balak ko ghar le aaye aur bête ki tarah use paalne lage. Apne pariwar ko kho dene k baad unhone apni jaidaad ka ek bada hissa daan kar chuke they fir bhi chunki unka pariwaar purane raeeso me aata tha isliye abhi bhi unke paas paise wagerah ki koi kami nahi thi. Us balak ko unhone naam diya suraj pratap urf surya. Surya bada hi medhavi aur honhaar bachha tha, uski seekhne ki kshamta bachpan se hi adbhut thi.

……….Flashback ends……………

Swami ji – ye thi surya yaani tumhare janm ki sachhayi aur tumhare janm ka uddeshya…

Me – k… k… kya ye sab… sab sach hai…….. par ye kaise ho sakta hai.

Swami ji – haan putra… ye sab satya hai.

Me – to…. To mera ye haal kaise hua …. Main wahan kaise pahuncha …. Aur agar mai itna hi shaktishaali hu to me aise kyo……

S – ye tumhe swayam janna padega putra… waise bhi ab waqt aa gya hai ki tum apni smritiyo ke sath sath apni supt shaktiyo ko bhi punah jagrat karo…. Iske liye tumhe apni kundalini shakti ko jagrat kar use shestrasaar chakra tak le jana hoga…. Jiska marg hai dhyaan. Tum pehle bhi ye kayi baar kar chuke ho to mujhe nahi lagta k isme tumhe samay lagega. Thode bahut prayas se hi tum sehaj hi is awastha ko prapt kar sakte ho.

Me – jaisa aap kahe swami ji

S – putra ab jakar tum bhojan kar k vishraam karo fir mai tumhe dhyaan karwaunga jiska abhyaas tum kal se pratidin karoge

Me- swamiji mai kuch poochna chahta hu

S – kaho putra

Me – yadi yeh satya hai ki mai hi surya hu aur yahi rishikesh me pala badha hu to mera ghar baar mere pita wo sab kahan hai… kaise hain….

S – hame khed hai putra surya par wo apna jivankaal samapt kar apne isht k charno me sthan pa chuke hain… shesh tum swayam jaan jaaoge sahi samay par. Ab jaao putra.

Me – jo agya swami ji.

Mai wahan se bahar niklne k liye muda to dekha dwar k sath kutiya k bahar koi khada tha…. tha kya thi, wahan kiran khadi thi jiski dono aankho se aansuo ki dharaye beh rahi thi.

Kiran (rote hue)– “s….s…. surya …..”

Maine palat kar swamiji ki aur dekha…. Wo bhi kiran ki aur dekh rahe they.

Swami ji “haa putri ye Surya hi hai…. Par abhi ye apni sabhi smritiya kho chuka hai…. Prabhu ki kirpa hui to sheegra hi ise sab yaad aa jayega….”

Fir wo mujhe bole putra tum jao main Kiran se kuch baat karna chahta hu.

Mai bina kuch bole unhe punah pranaam karke apni kutiya me aa gaya…

 

[XP 007]

UPDATE 25

Kutiya me baitha hua mai soch raha tha kya ye sab sach hai jo swami ji ne bataya, kyan wakayi mai hi surya hu, lekin mera to chehra bhi badal gaya hai kahi aisa to nahi ki swamiji ne pehchanne me koi bhool ki ho kyoki agar mujhme itni shaktiya hoti to mujhe awashya pta hota.

Fir mujhe dhyaan aaya ki swamiji ne kaha tha ki shaktiyo ko bhi supt awastha se jagana hai. Kya jamela hai yaar. Fir mera dhyaan Kiran ki aur gaya uska chehra , wo aansu par wo aansu mujhe kisi dukh ya peeda k to nahi they, kya wo bhi mere ateet se judi hai.

Tabhi bahar ek khatka sa hua, mujhe laga koi shishya bhojan k liye bulane aaya hai to maine uth k dwar khola, bahar Kiran khadi thi. Uska chehra kisi khushi se jagmaga raha tha. palke abhi bhi namm thi.

K – t…. tum…. Tum mmm mere….. I mean tum…. Tum sachmuch surya ho……. Kya tumhe…. Tumhe sachmuch kuch bhi yaad nahi….

S – relax Kiran …. Aap aao yahan baitho….

K – nn nahi…. mai theek hu…. Lekin agar tum hi surya ho to tumhara chehra kaise badal gaya. Aur ab tak they kahan tum.

S – look mujhe sachmuch kuch yaad nahi apne past ka aur mai behoshi aur ghayal awastha me kuch logo ko mila tha jinhone mera na sirf meri plastic surgery karwayi balki coma k dauraan mera dhyan rakha, sath hi theek hone k baad apne mare hue bete ki jagah aur naam bhi diya.

K – m… mai… mai aaj bahut khush hu ki ishwar ne meri sun li aur tumhe wapas bhej diya.

S – kya tum mere baare me sab janti ho, tum mujhe mera ateet bta sakti ho ?

K – haan mai…… nahi…. Mai abhi kuch nahi bta sakti, pitaji ne kaha hai ki wo sab tumhe khud yaad aana chahiye aur jald hi aayega bhi. Mujhe bhi besabri se us waqt ka intzaar rahega.

S – hmmm… achha mai jara bhojan kar aaun..

K – tum ruko yahi mai swayam tumhare liye bhojan lekar aati hu.

Kehkar wo bhagkar chali gayi. Thodi der baad woe k thaal me bhojan le kar aa gayi. Main baithkar bhojan karna shuru karne laga tabhi maine poocha – tumne bhojan kiya

K – aaj to meri bhookh pyaas sab khushi k mare ud hi gayi h, fir bhi mai baad me bhojan kar loongi abhi tum shuru karo surya

Mai chupchap bhojan karne laga, wo baar baar mujhe aise ‘vaari jau’ wale andaaz me dekh rahi thi k bas…. Uski najaro se mai baicheni se feel kar raha tha par kuch bola nahi. Mere bhojan karne k baad wo juthe bartan aadi le kar chali gayi.

Bhojan karne k kuch der baad mai swami ji se milne gaya. Unhone mujhe dhyan aur kundalini jagran k Vishay me kaafi kuch bataya. Aur agle din prathkaal se pratidin dhyaan karne ko kaha.

Mai unhe pranaam karke apni kutiya me aa gaya aur aane wale kal k baare me sochta hua so gaya taaki subah jaldi uthkar dhyaan kar saku.