Fantasy Karmyudh by ( gOlDy ) Complete

[XP 007]

UPDATE 26

Raat bhar mere dimaag me kayi swaal uthal puthal machete rahe, ki aakhir aisa kya hua hoga jo itni shaktiya hote hue bhi mera ye haal hua. Mere papa thakur mahendra pratap ko kya hua. Aur Kiran ka meri jindgi me kya role hai. Rakesh ka kya hua, kya wo apne maqsad me kamyab hua ya maine use rok diya. Aise kayi swaal mere dimag ko math rahe they. Ant me maine sab bhawishya par chhor dene ka faisla kiya jab tak ki meri yaadasht laut nahi aati.

Agle din subah early morning me uth kar naha dhokar mai dhyaan karne baith gaya. Lekin baar baar kisi na kisi karan dhyaan bhang ho jata. Mai kaafi der prayaas karta rha. Kaafi prayaaso se bhi jab mujhe safalta nahi mili to mai swami ji k paas gya aur unhe sab haal keh sunaya.

Swamiji muskaraye aur bole , putra dhyaan lagana koi karya nahi hai jo karna pade, tumhe bas apne bheeter sakshi bhaav lana hai. Jo ho rha , ghat rha hai use sirf dekho, apne dimaag ko shithil chhor do. Jitna prayaas karoge utna door ho jaoge.

Me – ji swami ji

Aise hi do chaar din lagataar subah mai dhyaan me baithta raha, din bhar aashram k chhote mote karyo me sehyog deta, shaam ko swami ji k paas baithkar unhe aaj ka dhyaan ka anubhav bta kar aage k liye diha nirdesh leta, is beech koi lagataar mujhe watch kar raha tha , I mean thi , kiran… kiran na sirf meri dincharya par najar banaye hue thi balki mere chhote mote karya bhi mere pichhe ya samne kar diya karti thi, pehle ki bajay ab uska chehra aur sondarya alag hi aabha bikher raha tha. par mai abhi bhi usse sidhe sidhe baat karne me hichak raha tha.

Aaj chhathe din jab mai dhyaan me baitha to achanak mujhe kuch drishya dikhayi dene lage. Pehle to rakesh ka chehra ubhara to mujhe bechaini hone lagi.

Maine khud ki chetna ko samhalne ka prayas kiya aur fir se dhyaan me aur gehre doob gaya, ab mujhe jangal k beech wahi jharna dikha jo mai pehle bhi sapno me dekh chukka tha, whan ghoomte mai aur kiran dikhe. fir achanak ek krodh me bhara kisi aghori ka chehra saamne aaya. Wo kuch keh rahe they.

aghori – JA… mai tujhe shraap deta hu ki tu apni ye shaktiya kho baithega, aur wo bhi tab jab baat teri jindgi aur maut ki hogi.

Iske sath hi mera dhyaan bhang ho gya. Mera poora sharir pasine me bheega hua thar thar kaamp raha tha. kaun they ye aghori. Kise shraap de rahe they, kya mai… kahi yehi to meri shaktiya jaane ka karan nahi par aisa maine kya kiya hoga.

Thoda paani piker mai fir se dhyaan me baith gaya par ab dhyaan nahi laga paya to main uthkar dainik karyo me lag gaya. Rojan ki bhaanti ghar par sabhi se baat karta tha sath hi sush se bhi. Muskaan mere bina bahut udaas ho gayi thi par maine use wada kiya ki jald hi wapas aa jaunga.

Kuch dino me mai aasani se dhyaan lagane lag gaya is tarah k kuch drishya baar baar mere saamne aate rahe par ab mai ye sab sakshi bhaaw se dekhne me Samarth ho chukka tha.

Shaam ko swamiji k sath baithe hue…

Swami ji – putra ab tum dhyaan lagane me safal ho gaye ho, ab tumhe apni kundalini ko jagrat karna hai. Jaise ki tumhe pehle bhi bataya gaya hai ki har insaan me do urja yan shaktiya hoti hai, sharirik shakti jo sab jaante hai aur ek aatmik jise hum kundalini bhi kehte hain.

Kundalini isliye ki yeh urja reedh ki haddi k theek niche naabhi aur ling k beech kundli mare sarp k samaan vaas karti hai, sukshm sharer k saato chakra isi urja se chalte hain, yaha tak ki job hi karya hum karte hain usme hamesha dono urjao ka sammishran istemaal hota hai. Jiski kundalini jagrat nahi hai wo bas iska bahut mamuli sa ansh hi istemaal kar sakte hain par jo ise jagrat kar lete hain unki kshamtaye atulniya ho hjaati hain. Haan kuch log gehan dhyaan k bhaanti gehan krodh aur gehan prem k madhyam se bhi ise trigger kar lete hain , jaise ki gusse me insaan wo kar gujarta hai jo uske sharirik shakti se bahar hota hai baad me use bhi hairaani hoti hai, darasal us waqt uske sharir me kundalini shakti todi bahut der k liye kuch adhik matra me jaag jaati hai. Aur jo ise purtaya jaga le to fir tum andaja bhi nahi laga sakte.

Ise jagane ka ekmaatra marg hai dhyaan. Baari baari sabhi sato chakro par dhayaan lagao aur unhe active karo.

Wo saat chakra hai muladhaar, swadhishtan, Manipur, anahat, vishushdha, ajna aur sahasrar. Har chakra k active hone k sath uski shaktiya bhi active ho jayengi. Aur sahasrar k active hone par tum apni yaadasht aur supt shaktiya bhi jagrat kar sakte ho.



dheere dheere mai unke bataye tareeke se ek ek karke sabhi chakro ko active karne laga aur wo din bhi bhi aaya jab maine apne saatve aur antim chakra ko bhi jagrat kar liya.

how to measure my screen size

 

[XP 007]

UPDATE 27

Mahendra pratap ne surya ka lalan palan apne putra saman kiya. Surya bachpan se hi bahut medhavi tha, nateeja jab uski umara k bachhe chauthi panchvi kaksha me they, surya unse 3 -4 varsh aage ki padhai bhi kar chukka tha.

Surya k daswe janmdin ki raat mahendra pratap k swapn me suryadev aaye aur bole, mahendra ab tumhe surya ko swami Visheshanand k aashram me bhejna hoga. Jahan ise dhyaan aur divya shaktiyo k prayog ko seekhna hai taaki ye apne janm ka uddeshya purn kar sake.

To agle din hi wo mujhe rishikesh k sameep hi ganga kinare sthit swamiji k aashram me le gaye. Jahan meri yog dhyaan aur baaki shiksha shuru honi thi. Sath hi meri mulakaat aur dosti honi thi Kiran se jo ki swami ji ki putri thi.

MP – swamiji se- swamiji, ye mera putra hai surya. Mai chahta hu aap ise yog aur dhyaan ki shiksha de.

Swamiji – surya ki aur dekh kar- “idhar aao putra” aur snehwash uske sir par hath rakh diya tabhi achanak unh eek halka sa jhatka sa laga. Swamiji ne uske sir par hth rakhkar apni aankhe band kar li aur dhyaan me doob gaye. Kuch der baad jab unhone aankhe kholi to wo ahobhaav se chalak rahi thi.

Swamiji – mahendra, is balak ko shiksha dena to mera saubhagya hoga, kintu ise jo shiksha deni hai uske liye iska yahi is aashram me rehna jaruri hai. Tumhe ise kam se kam 7-8 varsh yahi sadhna karni hogi.

MP – jaisa aap kahen, par mai isse milne to aa sakta hu na.

Swamiji muskarate hue – awashya, par prayas karna kam se kam, taaki ye apne uddeshya se bhatke nahi.

Apne ek shishya ko bulakar wo surya k theharne ki vyawastha karne ka aadesh dete hain.

Agle din subah suryoday k samay surya jaakar ganga ji me snaan karke jab aashram laut raha tha (ye aadat use mahendra ji ne dalwayi thi pratidin ganga snan aur suryavandana ki) to aashram me pravesh k samay uske saamne apni hi humumra ek badi hi cuten si ladki aayi. Koi aur nahi ye swamiji ki putri kiran thi.

Kiran – surya se – suno, yahan aao.

Surya – kahiye

Kiran – kaun ho tum, tumhe pehle to yahan nahi dekha.

Surya – main kal hi yahan aaya hu.

Kiran – tum mere dost banoge

Surya – haa kyo nahi, vaise bhi yahan mai kisi ko nahi janta.

Kiran - theek hai to fir aaj bhojan k baad wahan us taraf jo maidan hai wahan khelne aa jana. Aashram k sabhi bachhe wahi khelte hain.

Surya – theek hai mai aa jaunga

Kiran muskarati hui wahan se chali jati hai, aur apna surya to uski cuteness aur us muskaan par flat ho jata hai.

Fir shuru hoti hai surya ki class matlab dhyaan aur yog ki deeksha jo kayi varsh isi tarah chalni thi (chunki surya pehle hi is shiksha ko le chuka tha isliye yaadasht jaane k baad jab dobara dhyaan shuru kiya to adhik parishram nahi karna pada.)

Jis acharya ne surya ki shiksha prarambh ki wo bhi bina usse prabhavit hue nahi reh sake. Aur pehle din k pehle satra k baad wo pahuch gaye swamiji k paas.

A – pranaam swami ji

S – shubham bhawtu

A – swami ji mai aapse surya k sambandh me kuch batana chahta hu.

S – muskrate hue – kaho vats

A – swami ji aaj k satra me mujhe ehsaas ho rha tha us balak me vilakshan pratibha k sath sath koi adbhut urja bhi hai. Ye kaise arthaat kaun hai wo.

S – adheer na hon acharya, abhi to shuruaat hai. Ye balak baaki sab se alag hai, iske bheetar jo urja jo shakti hain unhe skriya karne k liye use dhyaan ki wo unchaiyaa wo shikhar chhune padenge jahan tak aam manav k liye pahuchna sambhav nahi. Isse adhik hum abhi aapko kuch nahi bata sakte, Aasha hai aap isme purn sehyog denge.

A – jaisi aapki ichha swamiji , mai prastut hu.

Aur punah pranaam kar wo bahar aa gaye, udhar surya bhojan kar ke Kiran ki batayi jagah pahunch gaya.

 

[XP 007]

UPDATE 28

Kiran wahan kuch aur aashram k bachho ke sath khel rahi thi, surya wahi khada ho unhe dekhne lagta hai, jaise hi kiran use dekhti hai wo ishare se use apne paas bulati hai to surya un logo k paas chala jata hai.

Kiran – aao surya , hamare sath kheloge. Ye mamta hai aur ye virat (apne dono dosto ka parichay dete hue boli) aur dosto ye hai surya ye ab yahi aashram me rahega aur hamare sath khelega bhi

Aur surya ki dosti mamta aur virat se bhi ho gayi aur sabhi sath khelne lage. Samay k sath virat aur kiran k sath surya ki dosti pragaadh hoti chali gayi. (hui to mamta k sath bhi par uska koi adhik role nahi hai story me.)

Isi tarah kayi varsh vahi beete, is beech 10th aur 12th ki pareekshaye surya ne home education k thru di jisme apni vilakshan pratibha k karan usne top kiya tha. sath hi yog aur dhyaan me bhi wo parangat ho chuka tha. ek din swamiji ne surya ko apne paas bulaya.

Surya – pranaam swamiji

Swamiji (SJ) – aayushmaan bhav putra, aao virajo.

Suraya – aapne mujhe yaad kiya

SJ – haa putra, jis uddeshya k liye hum tumhe itne samay se dhyaan aur yog ka kathin prashikshan de rahe they wo aaj purn hua.

S – mai samjha nahi swamiji

SJ – putra, tumhara janm ek vishesh karya k liye hua hai. Us karyasidhi hetu devo ne tumhe divyashaktiya bhi di hain, jo abhi supt awastha me hain kyoki samanya manav sharir unhe dharan nahi kar sakta. Ab chunki tumhari dhyaan ki shiksha purn hui aur tum us yogya ho ki un shaktiyo ko dharan kar sako to ab mai tumhe wo gyan dene ja raha hu jisse tum un shaktiyo ka aawahan karna hai.

S – yeh sunne me kuch ajeeb sa lag raha hai par yadi aap keh rahe hain to satya hi hoga. Parantu mujhe in shaktiyo se karna kya hai ?

SJ – putra bhale hi ishwar ne hume bhavishya me jhaankne ki kshamta di ho par niyati k karya me hum hastakshep nahi karte. Tumhe bhi tumhara prarabdh tumhari manjil tak khud le jayega. Isliye ab ye aawahan vidhi seekh kar tum apne ghar apne pita k paas laut sakte ho.

S – jo aagya swamiji. Parantu ek nivedan hai aapse.

SJ – kaho putra

S – maine apne jiwan ka ek bada hissa yahan isi aashram me gujara hai to abhi bhi mai yahan se door nahi reh sakta isliye pratidin yahan aakar kuch samay aapki aura ashram ki seva karne ki aapse anumati chahta hu.

SJ – muskarate hue – awashya putra, vaise bhi is aashram k dwar to sabhi k liye har waqt khule hain.

Fir surya unhe pranaam kar apni kutiya me aa jata hai. Jahan virat uska intjaar kar raha tha.

Virat – aao surya , kaise bulaya tha swamiji ne

S – kuch nahi mitra wo bas ye smaran karwa rahe the ki aashram ki shiksha purn hui.

V – to ab aage kya karna hai.

S – abhi kuch khaas socha nahi vaise aage ki padhai k liye ab college me dakhila lena chahta hu.

V – sahi hai yaar, mai bhi college me jaunga, vaise bhi aashram me reh kar school ke maje to le nahi paaye kam se kam college life ko to enjoy karenge.

Mere bina… peeche se ek aawaj aayi

Hum palte to pichhe darwaje par kiran khadi thi.

Kiran - Sochna bhi mat mere bina kahin dakhila lene ka, aur kal hi jaakar mera bhi admission form le aana, samjhe.

Virat use chhedte hue – kyo tum itni sundar ho kya

Kiran – wo to mai hu hi aur agar jyada chu chapad kin a to tera dimaag thikaane lagana aata hai mujhe.

V – achha meri maa, kal hi hum sabhi k liye admission form le aaunga.

 

[XP 007]

UPDATE 29

Hum teeno ek hi college me admission k liye apply kar diya (jo ki bas formality thi aur sath hi swamiji ki batayi hui vidiyo se main pratidin nayi nayi shaktiyaa pata ja raha tha. in shaktiyo par purn niyatran k liye swamiji ne mujhe ekaant me jaane ki salaah di to mai pratidin muh andhere jangal me ekaant me jaakar abhyaas karne laga.

Mujhe is dauraan kayi shatiyan prapt hui jinme sabhi panchtatvo yaani agni, jal, vaayu, aakash aur pritvi par purn control pa liya iske alawa mind reading and control aur anya divya shaktiyaa bhi thi.

Is beech mai apne papa mahendra pratap ji k paas ghar laut aaya tha par rozana aashram jarur aata tha swami ji aur apne dosto se milne sath hi kuch der aashram k karyo me bhi haath batana nahi bhoolta.

Aur wo din bhi aa gya jab humara college shuru hona tha. mai subah jungle se lautkar naha dho kar papa ke sath naashta karte samay thoda bahut baatcheet ki.

MP – good morning beta

Me – very good morning papa

MP – aaj se college join kar rahe ho na, feeling excited.

Me – yeah kind of. school life to miss kar gya par aaj….

MP – badhiya hai, aao mai tumhe kuch dikhata hu

Aur wo mujhe bahar le gaye jahan mere liye ek nayi bike khadi thi (chunki show off karne ki dono me se kisi ki aadat nahi thi isliye koi koi bade brand ka naam nahi lunga) mai bahut khush hua aur unka aashirwad lekar nayi bike par college k liye nikal gya.

College ke gate par hi mujhe Kiran aur Virat khade mile, meri bike dekh kar wo bhi khush hue , balki Virat ne to ek round bhi liya aur Kiran ne baad me ghumane ka vayda.

Fir hum apna classroom dhoond kar wahan pahunche wahan 2 – 2 student ek bench par baithne ki vyavastha thi to Virat turant ek ladki k bagal me jakar baith gya. Mai uski ye harkat dekhkar muskrata hua Kiran ke sath ek doosri bench par baith gya. Class shuru hone par eke k karke har period me lecturar aaye aur sabhi students ko apne aur apne subject k baare me batakar baari baari sabka intro liya. Pehle din ki wajah se padhai to kuch hui nahi to recess me hum jaakar canteen me chale gaye.

 

[XP 007]

UPDATE 30

(Stor e aage badhane se pehle ek baat mai clear kar du ki bhale hi in teeno ne apni shiksha gurukul me li hai aur wahan shudh hindi wala lehja aur culture chalta tha par inhone baaki subjects jaise English aur computers wagerah bhi mahendra pratap k dwara bheje gaye teachers se padhe they isiliye yahan inka look, common sence aur bolchaal adhunik mahaul me dhalne me adhik samay nahi laga. Jaisa desh vaisa bhesh…. )

So teeno friends chal diye canteen, jahan naye aur puraane students bhare hue they. Kiran ki ek friend ban gayi thi class me wo gate par hi rukkar usse baat karne lag gayi to main bhi ruk gaya par Virat sidhe canteen me ja ghusa wo tha bhi thoda chatora kism ka. Tables ki row k beech se gujarta hua virat achanak ladkhada kar girne laga (karan kisi ne taang adayi ) to virat babu ne seedha land kiya saamne se aa rahi ek ladki par. Shukra hai dono gire nahi par us khubsurat si ladki k hath me pakda coffee ka cup niche gir gaya aur dono is pose me aa gaye jaise ek dusre ko hug kar rahe ho.

Virat – S….s….s…. so…. Sorry.. m…ammm…. Wo… wo… p.. pichhe se

Girl –ohh… ok…. Now leave me …. Meri coffee bhi gir gayi.

Tabhi pichhe se kisi ne Virat k kandhe par hath rakhha aur bola, “kyu be chilgoje ladki ko tang kar raha hai”

Ye wahi tha jisne taang adayi thi. Tabhi uske sath baitha dusra ladka bola.

L2- shakal se to fresher lag raha hai, sala pehle din hi ….. sahi hai bidu lambe jaoge.

Table par baithe baaki ladke jor se thahaka maar k has pade.

Virat baukhla kar – n… n.. nahi wo to mmmm… mai…

L3- ye me me kya kar rha hai be, idhar aa intro de….

L2 – suna nahi kya, senior ki respect karna bhi nahi aata, aake intro de

Virat – Hello sir myself is Virat

L2 – angreji mat jhaad hindi me jawab de

V – ji mera naam Virat hai aur aaj mera yaha pehla din hai.

L1 – to pehle hi din ladki chhedne ka license leke aaya hai kya…

Sabhi ladke thahaka maar k hase.

V – dekhiye maine aisa kuch nahi kiya hai fir bhi inhe sorry bol diya hai

Apna jikr sunkar us ladki ne waha se khisakne ki koshish ki to unka dhyaan us par gaya.

L2 – are are… tum kahan chali, tumhe koi chhedega to aise hi jaane dogi, come on slap him…

Sunkar Virat shock ho gya

G – nahi mujhe nahi marna , please mujhe jaane dijiye

L1 – suna nahi usne kya kaha, SLAP HIM

Tej awaj sunte hi wo shayad dar si gayi, aur uski aanke dabdaba gayi. Uski aankho me nami dekhke Virat se bardasht nahi hua.

V – ye kya badtamiji hai aap logo ki, aapko kam se kam ek ladki se tamij se baat karni chahiye.

L1 – to ab ek fresher hame tameej sikhayega.saale chadh ja table par aaj sabke beech teri pent utarunga.

V – gusse se – apni had me raho kahi bhari na pad jaye.

Gusse k mare L1 bhi uth khada hua aur aakar virat ka gala pakad liya.

L1 - saale janta hai mai kaun hu

V – harkato se to koi badtameej bigdail aur shayad kisi bade baap ki aulaad lagta hai, par ja mai tujhse nahi darta.

L1 – tu to gya saale aaj

V – ja kar le jo kar sakta hai

Aur bas dono me hathapai shuru ho gayi. Ladai me Virat ko L1 par bhaari padta dekh uske dost (group k baaki ladke) uth k Virat ki badhe to pichhe se awaj aayi,

“kyo begani shaadi me diwane banne ki koshish kar rahe ho, unka matter hai unhi ko nipatne do.” Kehte hue surya enter hota hai. “aur jo dono k beech pada pehle mujhse nipat le”

Unko samajh aa gaya ki ye Virat k sath hai bas fir kyat ha, unme se 4 to surya se bhid gaye aur ek L1 ki madad karne uski aur gya to. Surya aur Virat ne un sabhi ko jamkar dhuna.

Aur ek ko chhod kar jab sab behosh ho gaye to Virat use bola utha kar le ja inhe , warna…

Aur wo un sab ko shayad kisi clinic le gaya.

Aur surya kiran aur viraj ek table par baith gaye.

Surya – nalayak baith kahan raha hai, fight karwayi hai ab kuch khila pila bhi de. Vaise mai late aaya, baat kya hui thi.

Kiran bhi has padi is baat par. “Baat pta nahi aur itno ko peet diya. “

S – wo to mujhe pta hai ki ye galti nahi kar sakta aur maine sath to dena tha dost ka.

V (muskara kar)- ye kari na yaaro wali baat. Btw wo mujhe aur us ladki ko tang kar rhe they intro k naam par. (usne us ladki ki aur ishara karte hue bataya jo hamari taraf hi dekh rahi thi, vaise to pura canteen hi hamari taraf baar baar dekh k sugbugahat me laga hua tha par wo ektak Virat ki aur dekh rahi thi)

S – viru bhai lagta hai teri basanti mil gayi.

K – matlab

S – udhar dekho, kise dekh rahi hai Virat ko.

K – ruko mai use yahan laati hu.

V – are ruko yaar , aisi koi baat nahi

S – tu chup kar

Kiran uski table par jaakar kuch der baat karti hai, fir use apni table par le aati hai. Aur aapas me intro karwati, sukanya naam tha uska aur wo bhi fresher thi. Fir us din kuch aur khaas nahi hua aur sab apne apne ghar nikal gye.

 

[XP 007]

UPDATE 32

Hospital me….

Rocky – kahan hai wo

L4 of college group – bhai idhar is room me hai monty bhai (L1)

Rocky jhankar dekhta hai , monty dawa k nashe me behosh tha. jagah jagah patti aur plaster tha…

R – kisne kiya, kaun thaw o

L4 – bhai wo do naye ladke they. Maine naam pta karwaya hai koi Virat aur Surya they

R – masla kya tha

L4 use saari baat batata hai.

R – is bewakoof ko samjhaya tha ki baaki sab chhor ke sirf mukhya kaam par dhyaan de par ise….

L4 – bhai lekin ab kya… jo kaam hum aapke liye karte hain is kaand ke baad agar monty bhai ka jor kam pada to wo…

R – gurrate hue – wo kaam tum jaise bewakufo ka mohtaaj nahi hai…. Rocky khud janta hai apna kaam kaise karna hai

L4 – s….s…sorry bhai w..wo mera kehna tha ki agar… agar aap … aap monty bhai ki madad nahi karenge to….

R – mujhe sikhao mat…. Mai janta hu mujhe kya karna hai, kal mai college aaunga mujhe wahi milna

Kehkar rocky wahan se chala gya. Darasal monty aur uske sathi rakesh ki sadhna k liye bali di jaane wali ladkiyo ko dhundhte aur kidnap karke us tak pahuchate they. Generally college ki ladkiyo ki details se wo rakesh ke bataye hue khaas samay par paida hui ladkiyo ko dhoondte they, isiliye Rocky inhe paal rha tha.

Agle din college me recess k dauraan surya, kiran aur Virat sath sath canteen me baithe baate kar rahe they ki kiran ko swamiji ki call aati hai jo aashram k kisi jaruri kaam k baare me use kehte hain jo kisi sarkari office se hona tha to surya kehta hai mai karwa deta hu aur wo dono usi samay college se chale jate hain.

Virat wahan akela baitha kuch soch raha tha ki ek khankti awaz ne uska dhyaan kheencha.

“hiii can I join you,”

Virat – “oh hiii sukanya how are you.”

S – smile k sath- am fine, what about you.”

V – mast as always….

S – aaj wo apke dono dost nahi hai aapke sath.

V – vo unhe kisi urgent kaam se jana tha, par aap bhi to ab hamari dost ho na.

S – my pleasure. To isi baat par eke k coffee ho jaaye

V – sure , aap baitho mai lekar aata hu.

S – formality rehne dijiye

V – isme formality kaisi

S – ye jo tumne aap aap laga rakhi hai iske liye keh rahi hu, dosto me aisa nahi chalta

V – o…. ok my mistake , tum baitho mai coffee lekar aaya.

Virat coffee lekar aaya , wo log coffee piker class me chale gaye. Chhutti hone par Virat ne sukanya ko lift bhi di.

Abhi wo log college se kuch door hi aaye theyki achanak ek khaali road par ek kale rang ki car unka rasta rok kar khadi ho gayi. Usme se Rocky utra aur unki aur badha.

V – kya baat bade bhai, kya hua.

Isse pehle rocky kuch bolta uski car se L4 utra aur tej swar me bola, bhai ye hi hai wo kameena, chhodna mat ise.

Virat - situation samajhte hue suksnys ko utar apni bike stand par laga uski aur badhta hai – meri tum logo se koi personal dushmani nahi hai, jisne galat kiya use saja mili.

R – tu kaun hota hai be saja dene wala

V – bhai tameej se, mai tumhara lihaaj kar raha hu iska matlab ye nahi…. Aaaaah

Virat ki baat puri hone se pehle hi ek kick uske thobde par padi, kuch bhi kar pane se pehle wo jameen chat raha tha..

Virat uthkar Rocky se bhid gaya par Rocky k aage uski ek nahi chali. Rocky ne use tabiyat se dhoya aur uski halat patli kardi , Virat wahi sadak par behosh ho gaya…

Kaaafi der baad kisi rahgir ne use paani daal kar hosh me laya aur poocha –“ tum theek to ho, kaun ho tum.”

Virat ne khud ko samhala aur sab yaad karne laga to achanak use jhatka laga kyoki sukanya waha kahi nahi thi aur na hi L4 ya rocky.

Virat ne apne dard ko bhool turant phone nikal kar Surya ko call kiya..

 

[XP 007]

UPDATE 33

Surya ne virat ko pehle hospital admit karwaya kyoki uski halat kaafi kharab thi aur usse poori baat jaankar Sukanya ko dhoondne ke baare me sochne laga.

Ab chunki rocky ya L4 k baare me Virat ya surya kuch jante to they nahi to unhe dhoonde kaise upar se raat hone ko aayi aur college se sukanya k baare me me kuch pta chalna mushkil tha

Yahi sab sochta hua surya jaise hi corridor me aaya to uski najar L4 par padi, darasal monty aur uske dost isi hospital me they aur wo unhe hi aaj k kaand ki report dene aaya tha.

Kuch minute me , Monty k room me

L4 – good evening bhai

M – kahe ki good evening be, yaha dard ke mare bure haal hain

L4 – bhai aisi news laya hu ki tumhara dil garden garden ho jayega.

M – jaldi bak

L4 – bhai , wo Rocky bhai ne us launde ko peet peet ke uska bhartha bna diya.

M – k…. kise

L4 – are wahi jis b*******d ne aapse panga liya tha. aur uski item wahi ladki jiski wajah se sara panga hua, use utha k le gaye. Bol rahe they agli baar k liye kaam aayegi.

M – YES…. Ab pta lagega bh***di walo ko, apne baap se panga lene ka anjaam….

Peeche se awaaj aayi , “anjaam to ab tum log bhugatoge”

Dono ne darwaje ki taraf dekha to waha Surya khada tha, uski aankhe gusse se mano jal rahi thi. Aur sard gurrahat si uski awaj haddiyon tak me sihran de gayi.

Surya – “tumse to mai baad me niptunga, pehle ye batao kaun hai ye Rocky, aur kahan le gya hai sukanya ko.”

M – k… k…. kaun Rocky, main kisi Rocky ko nahi janta

S – Virat ko is haal me pahuchakar apni maut tum logo ne khud bula li hai , ab use aur dardnaak mat banao, jaldi ugal do kahan milega ye Rocky….

Surya ne aage badkar L4 ko garden se pakad kar utha liya aur deewar ke sath chipka diya.

S – is waqt mere sabar ko mat aazma jaldi bol warna…..

L4 – b… b…bhai mmm.. mujhe sachmuch kuch nahi pta, w..wo .. to hum sab monty k liye hi kaam karyte hain aur wo Rocky bhai k liye…. Bas.. mere paas bas unka mobile no hai …. Mai n unse ek do baar hi mila hu bhaiii, maa kasam.

Surya ki ki hui dhunaai yaad karke aur uska ye raudra roop dekhkar L4 bahut darr gaya aur tote ki tarah bolne laga.

Ab surya use chhod monty ki taraf ghooma jo bed par pada pehle hi ghabra raha tha, ab aisi halat uski thi nahi jo uthkar bhaag jaaye so bebas pada bas kasmasa rha tha.

S – monty tu bta kaun hai ye Rocky

M – m….m… mai nahi bata sakta , wo.. wo mujhe maar dalega

S – wo to jab maarega tab marega abhi yahan tujhe mujhse kaun bachayega

M – p… please dekho … m meri tum logo se koi

S – CHUP…. Jaldi bata kahan milega Monty warna…..

Aur surya ne uski paanv ki chot ko dabana shuru kar diya.

M – aaaa….aaah bhai bhai wo wo apne ,,, apne ghar ke basement me bane poojaghar me honge

S – poojaghar , matlab

M – wo… wo bhai koi pooja kar rahe hain jisme kuch selected kunwari ladkiyo ki bali deni hoti hai …. H… ham log unke liye ladkiya arrange karwate hain….

S – KYAAAA…. UFFF,,, kahan hai uska ghar aur tujhe kaise pata ki wo is waqt wahi hoga.

M – wo , y.. ye bola na k ladki ko agli baar k liye bhai le gaye hain to wo wahin honge…. aaaAAAAAAAh

Surya ne uski chot par aur juada maslte hue bola – tuje tere kiye ka dand jarur dunga par pehle sukanya ko bachana jaruri hai…. Chal pta bol uska

Aur unse pta jaan unhe wahin chhod surya nikal gya Rocky ke ghar ki aur…. Raste me se hi usne police ko call kar Monty ke kaarnamo ke baare me sab bta diya. Police bhi is case ki wajah se kayi din se pareshan thi kyoki na to ladkiyo ki dead body milti thi aur na hi koi aur lead. Isliye information milte hi police team nikal padi hospital ki aur…..

 

[XP 007]

UPDATE 34

Surya jab rocky ke thinane par pahucha tab monty ke bataye raste se sidha uske basement wale poojaghar me pahucha.

Rocky wahin lal dhoti pehne kuch matra budbuda raha tha uske aur maa patal bhairvi ki murti ke beech bane hawankund ke paas hi sukanya behosh padi thi. Meghna shyad aaj wahan nahi thi.

Surya dahaad kar bola “ROCKY….”

Rocky ne mudkar dekha aur bola “kaun hai tu jo apni maut ko awaz de raha hai au yahan kaise pahuncha.”

S – jise tune mara hai aur jiski tu bali dene jar aha hai , dono mere apne hain aur unki ye halat karne ke evaj me maut to tujhe mai doonga, vaise bhim tere jaise darinde ke liye maut ki saja bhi kam hai.

R – aisa kyaa, aa jara dekhu tujhme kitna dam hai

Surya ne wahi se jump li aur hawa me flip karte hue apne dono per uske seene par de mare. Wo ladkhadata hua jaakar diwar se takraya. Gusse se bhanbhanate hue rocky uth khada hua.

R – manna padega ladke jaan to hai tujhme

S – abhi to shuruaat hai..

Rocky bhagta hua surya ki taraf aaya aur niche ko jhukte hue usne apne kandhe ka prahaar surya ke pet me kiya. Jisse surya k paanv ukhadgaye. Isse pehle ki surya girta usne apne kohni ka jordar prahaar rocky ki peeth par kiya. Roky k muh se karaah se nikal gayi, surya ne bina mauka ganvaaye apna ghutna uski chin par mara. Fir uske samhalne se pehle ek round kick jad di. Itni maar rocky ne aaj tak nahi khaayi thi kyoki wo bhi ek trained fighter tha….

Gusse ke mare usne apni tamsik shakti ka prahaar surya par kiya. Ek laal roshni si surya ki taraf lapki par surya alert tha ki ye ek tantrik bhi hai. Surya ne apni yog shakti se ek sunehri roshni si chhodi jinke apas me takrate hi na sirf rocky ka prahaar vifal hua balki ek jordar shakti prahaar hu Rocky par, jisse wo udta hua piche diwar se ja takraya. Usme muh se khoon aa gya.

Is prahaar se Rocky ye to samajh gya ki ye koi mamuli insaan nahi hai, balki koi divya shakti dharak hai. Ab ki baar rocky ne apni poori takat se ek tej laal kaali roshni ka prahaar surya par kiya jo lagataar uske haathon se nikalti ja rahi thi , Surya ne bhi adhiktam shakti prayog karte hue use apne hatho se nikal sunehri urja se roka, dono shaktiyo ke takraane se chingariyan si nikal rahi thi. Takkar barabari ki thi. Lagataar dono apni urja prayog kiye ja rahe they, aakhir jakhmi hone ki wajah se Rocky kamjor padne laga.

Achanak ek jordaar dhamake ke sath surya ki shakti ne us tamsik shakti ko chhinn bhinn kar diya. Us haal me charo taraf teevra roshni si fail gayi. Roshni kam hone par surya ne dekha ki Rocky lahuluhan niche pada hai wo uski aur badhne laga tabhi uski najar sukanya par padi jispar is ladai ki wajah se kaafi chote aa gayi thi. Uski karahat sunkar surya pehle use lekar bahar gaadi me bithane aaya fir laut kar Rocky ko lene aaya to wo wahan nahi thi darasal usi samay wahan meghna bhi aa gayi thi aur najuk halato ko samajhte hue wo Rocky ko chupchap lekar kisak gayi…

Sukanya k baare me soch kar Surya bhi wahan nahi ruka aur use lekar hospital nikal gya….

 

[XP 007]

UPDATE 36

final year k papers ka aaj aakhiri din tha, hum sabhi khush they ki aaj hum free ho jayenge. To hum logo ne outing ka prograame banaya.

Virat – ye dekho yaar mujhe kal hi kisi ne brochure diya tha is resorts ka yahan se *** km door bada hi romantic hill station hai, kyu na wahi chale. Maine net par aur bhi photos dekhe hain us jagah ke.

Dono ladkiya (sukanya aur kiran )- haan surya please please chalo na.

S – muskra kar – ok done

V – chalo fir tay raha hum log kal hi niklenge.

Agle din hum log wahan ke liye nikal pade, lamba safar karne ke karan thak gaye they aur pahado me shaam bhi jaldi dhalne lagti hai to hune kal ghoomne ka decide kiya aur sone chale gaye. mai aur Virat ek room me aur sukanya aur kiran dusre room me ruke they.

V – bhai ek baat bolu

Me – bol

V – yaar…. wo kya hai na… ki na….. am…. I love sukanya

Me – kuch naya bola ye to hum jante hain

V – kya par maine kab bola

Me – tu nahi bolega ghonchu to pta nahi lagega kya, aur aise atakega uske aage to lag gayi teri lanka hahaha.

V – abe mai tujhse propose karne ke tip poochna chahta hu tu pehle hi nervous kar de

Me – hahaha nalayak ye tip vip sab bakwas funde hain just go aur sidhe sidhe shabdo me apne dil ka haal suna daal.

V – keh to aise raha hai jaise khud ne kitne jhande gaadh rakhe ho. Aaj tak tujhse Kiran ko propose to hua na, ab ye na kehna kit u use nahi chahta.

Me – nahi kahunga , mai use chata hu aur janta hu ki wo bhi mujhe chahti hai, aur hamara pyar izhaar ka mohtaaj nahi hai. Mera janm ek khaas uddeshya ki purti ke liye hua hai aur usme khatre bahut hain isliye jab tak wo maksad poora nahi ho jata mai is baare me aage nahi badh sakta, kyoki mai nahi chahta ki kisi pratikul parinam ke natije kiran ko bhugatne pade.

V – bas bas jyada drama na kar, kaise bhi halaat ho tere aage ye Virat dhal banker khada rahega.

S – mujhe yakeen hai mere dost,

Aur aage badhkar use gale laga leta hai, fir dono so jaate hai nextday resorts me brakefast kar ke ghoomne ke baare me decide karte hain tabhi ek vaiter inke paas aata hai

Vaitor – sir may I help you

Virat – haan yaar ye bta ki aaspaas kuch hatkar unique sa kuch hai to bta.

Vaitor – ji sir yahan resort ke gate ke paas se hi ek kachha rasta andar jungle ki taraf gya hai, wahan takreeban aadha ghante ke raste par ek natural waterfall hai, wahan logo ki aawajahi na ke barabar hai.

Virat – fine…. To hum pehle wahin chal rahe hain

Hum sabne ok kaha aur nikal pade jungle ke liye. Jungle me lagbhag ghante bhar baad hum wahan pahuche , pahadiyo ke beech, raste ki masti aur jungle me naye hone ki wajah se thoda jyada time laga.

Wahan ka scene wakayi mast kar dene wala tha. beautiful scenery , mast hawa, shant mahaul , shayad yahan jyada log aate jaate nahi they. sirf hum log they wahan , hum log jharne me nahaye bhi aur kuch der jungle ka maja liya , thodi der me Virat mere paas aya aur bola, “kya kehta hai bhai yahin propose kar du use.”

S – “shubhasya sheeghram.”

Wo muskara kar bola “par tu kiran ko to alag bula”

S – ok bhai … KIRAN jara yahan aana.

Kiran jo ki thodi doori par jharne ke paas ek chattan par sukanya ke sath baithi thi meri awaaz par uthkar meri taraf aane lagi,

K – haan bolo surya

S – jara mere sath wahan tak chalo (thodi door ki aur ishara kiya)

K – kyu kya hai wahan

S – chalo to batata hu

Fir maine Virat ko ishara kiya to Virat sukanya ki taraf badh gaya. Maine use fir ishara kiya ki jungli foolo k podhon taraf. To wo mudkar fool lene chala gya.

Idhar main kiran ke sath thodi aage aakar “wo actually virat sukanya ko propose karne ja raha hai”

K – to mai kya pakad rahi thi

S – hahaha mera matlab wo nahi tha yaar

K – hahaha samajhti hu par use chhedne me maja aata

S – rehne do badi mushkil to bechare ne himmat kari hai.

K – huh , tum ladke to ye hi chahte ho ki ladkiya khud aakar tumhe I love you bole.

Mai uska tanj samajhkar muskrat utha tabhi ek cheekh goonji. Maine palat kar dekha to stabdh reh gya.

 

[XP 007]

UPDATE 37

Maine palat kar dekha to stabdh reh gya kyoki pichhe sukanya ki garden par chaku rakkhe Rocky khada tha. isse pehle ki koi kuch karta Rocky ne uska gala ret diya.

Hum teeno …SUKANYAAAAAAAAAA……….

Meri aankho me khoon utar aaya, mai apni power ka use karte hue lagbhag udta hua wahan pahuncha par Rocky gayab ho gya tha. Maine sukanya ko samhala aur pulse check karne laga itne me Virat aur Kiran bhi daudte hue wahan pahuche. Kiran prashanwachak drishti se mujhe dekhne lagi to aansu bahate hue maine naa me gardan hila di.

Virat to ye sab dekhte hue baura gaya tha. “nahi meri sukanya mujhe aise chhodkar nahi ja sakti.”

Surya – samhalo khud ko Virat, kiran tum dono sukanya ko yahan se lekar jao, wo kameena yahi kahi hai. Mai usse nipat kar aata hu.

Kiran – lekin surya tum akele us dhurt ke paas mat jao.

Surya – mai use pehle bhi sabak sikha chukka hoon, tum ghabrao mat, tum Viraj ka khyaal rakhna.

Tabhi pichhe se atthas ki awaz aane par maine palat kar dekha to kaafi doori par ek chattan par wo kameena Rocky khada has raha tha.

Gusse se daant bheenchta hua mai bola, “aaj tune bahut badi galti kar di Rocky.”

Rocky – “tu kya soch raha hai mai yahan achanak aaya hu, ye sab jo hua mera hi plan tha, wo brochure wo waitor hahaha , mai yahan tumhe jaan boojhkar laya tha.

“AAAAAAA……… “ Aaur maine uski aur chalaang laga di aur usne jungle ke andar ki taraf.

S – bhagta kyo hai ab kayar, dam hai to mukabla kar”

R – hahaha , haste hue aur andar le gya.

Maine apni sunahri shakti kiran se uspar prahaar kiya par wo ek tarf kood ke bach gaya aur kiran jaakar ek ped se takrayi wo pura jal utha. Fir ek taraf aakar wo khada h gaya, maine fir se ek sunehri kiran uski aur chhodi par achanak wo gayab ho gya aur is baar kiran jaakar ek mitti ke teelenuma dher se ja takraayi aur ek visfot k sath hawa me charo taraf mitti mitti fail gayi.

“KAUN HAI DUSHT”

Ek garjdaar awaaz goonji

Krodh ke vashibhoot maine bhi paristhiti na samajhte hue awaz ki disha me prahaar kar diya. (ab tak mai apni hi speed me wahan pahuch gaya tha) Tabhi dhool chhanti to dekha ek aghori baba niche gire pade hain.

aghori – “DUSHT divya shakti dharak hote hue bhi tumne na sirf mera tap bhang kiya apitu mujh par prahaar bhi kiya. Ja mai tujhe shrap deta hu kit u in divya shaktiyo se rikt ho jaaye. tu apni ye shaktiya kho baithega, aur wo bhi tab jab baat teri jindgi aur maut ki hogi.”

Surya - hatprabh sa, hath jod wahi ghutno par baith gaya – BABA aisa na kahe baba. Jo hua anjane me hua. Mai to ek dusht ka sanhaar karne hetu uska pichha kar raha tha. aap to sarvgyani hai baba, kirpya apna shraap wapas le maharaj.

Surya ko samajh aa gya tha ki usne galti se ghor anarth kar dala hai aur shayad Rocky ne ye sab usse jaanboojhkar karwaya hai, par kehte hain na , ab pachhtay hot kya jab chidiya chug gayi khet.

Aghori baba ne apni aankhe band kar li aur apni divyadrishti se sab dekha fir aankhe khol kar bole, putra ye wastava me hamse ghor bhool ho gayi, par ab mai diya hua shraap wapas nahi le sakta haa iska asar jarur kam kar sakta hu, ye shaktiya ek varsh baad punah tum prapt kar sakte ho.

S – parantu prabhu is ek varsh me wo agar mujhse takraya to kya mai use rok paunga.

Baba – nahi putra, kyoki maine divya drishti se dekha hai ki usne tumhara ant karne ke liye, pichhle do warsh ke ghor tap se ek amogh shakti devi patal bhairvi se prapt ki hai. Yadi usne wah tum par prayog kar di to tumhara bachna mushkil hai.

S – to mere liye kya aagya hai prabhu

B – neelgiri ke jungle me mera aashram hai, jahan koi bhi dushtatma ya unka hathiyar pravesh nahi kar sakta, tum jakar ek varsh wahi sadhna karo.

S – jo aagya prabhu.

B – aur ek baat wahan pahuchne ke liye tumhare paas matra 24 ghante hain, uske baad mere shraap ka prabhav shuru ho jayega.

S – main samajh gaya maharaj.

B – ab der na karo putra.

Surya maharaj ko pranaam karke wahan se turant nikal gya.

Udhar rocky jo chhupkar sab dekh aur sun raha tha , apni shaitani hasi hasta hua budbudaya, “ab tujhe mujhse kaun bachayega, bada aaya tha mera kaal banne.”