- 15
- 24
- 3
βππππππ-πβ
Agle Din Mukti Adrija ko college mein na pakar Bahut pareshan ho gyi . Usne apni classmate ragini se pucha jo ki usi hostel mein rehti hai . Tab Ragini ne use sab kuch bata Deti hai . Ye sunte hi mukti turant Apni Scooty Lekar station Pahuchti Hai, Lekin Usi Samay Manglore jane Wali Train Uske Samne Se ja Rahi Hoti hai . Train ko jata hua dekhkar mukti Bahut upset ho Jati hai, woh jaise hi wapas jane ki liye palti use bench par Sir Jhukakar baithi Adrija dikhayi di . Use dekhte hi mukti khush ho gyi par agle hi pal uske face par gusse ka reaction aa gya . Woh Adrija ke paas gyi aur boli -
Mukti-- tum samjhti kya ho khud ko aise kaise tumne wapas jane ka decision le liya . Adrija ne mukti ki taraf dekha aur kaha-
Adrija-- to hum kya kare mukti . Manglore Me kam se kam humara ghar to hai jaha hum reh sakte hai. Is seher mein to hum kisi ko jante bhi nhi . (Ye sunkar mukti ne Gusse Me kaha-)
Mukti-- To Gayi Kiyu Nahi, Train Kiyu Miss Kiya ??
Adrija-- Wo ticket Ke paise Kam pad Gaye, (Adrija Ne Nam aankho Se Uski Taraf Dekhte Huye Kaha)
(Uski Ye Baat Sunte Hi mukti ne Use Gale Laga Liya Aur Kaha-)
Mukti-- Adrija tum aise nhi ja sakti . Tumhe apni maa ka sapna pura karna hai . Ek badi Officer banna hai .
Adrija-- par mukti .
Mukti-- Par war kuch nhi tum chalo mere sath.
(mukti Ne ek bag Adrija ko thamaya aur ek bag khud le liya. Aur Station Se Bahar Jane Lagi, Adrija ne pucha- Lekin Mukti Hum Ja kaha Rahe Hai,
Mukti-- tum bas chalo main batati hoon .
(Uske Baad mukti aur Adrija scooty par baithi aur mukti Adrija ko lekar uske hostel gyi . Warden unhe gate par hi mil gyi . Mukti ne apne purce se paise nikalkar warden ko dete hue kaha -
Mukti-- ye lo tumhare paise aur agli baar se kisi bhi ladki ko aise hostel se mat Nikalna. (Ispar warden ne kaha-)
Warden-- agar mujhe time par hostel rent milega to main kyun nikalungi kisiko. Magar ye ladkiyan apne sare paise aiyyashi karne mein uda deti hai .
(Ye sunkar mukti ko gussa aa gaya aur usne garajte huye kaha-
Mukti-- chudail, Kutti, Kamini teri himmat kaise hui meri dost ke bare mein aisa Kuch bhi Sochne Aur kehne ki main tera mooh noch lungi . (Aur Warden ki Taraf Aage Badhti Hai,)
(Mukti ko etne gusse me aage badhte dekhkar Adrija usko piche se pakad kr warden se dur khich kar bahar lekar aayi. Aur wapas ander jaker warden se kaha -
Adrija-- (wardan Se) mukti ki taraf se hum apse mafi mangte hai par har ladki ek jaisi nhi hoti hai .
(Ye kehkar Adrija wapas bahar aa gyi uske ate hi mukti Jo ki Bahar Gusse Me Idhar Se Udhar Chakkar Kat Rahi Thi Usne gusse Me Adrija Se kaha-
Mukti-- kaisi Rajput hi tu koi tujhe akar kuch bhi keh kar chala jayega aur tum kuch nhi bolegi .
Adrija-- Galti humari thi mukti agar hum time par rent dete to woh humein kyun nikalti. (Adrija ne shant reh kar kaha.)
Mukti-- Oh Madam Etni Bhi adarsh ki devi mat bano, Aur Enti Achchhai Bhi Mat Dikhao warna kisi din koi tumhe bech ke likal jayega. (mukti ne uske samne hath jodte hue kaha-)
Adrija-- Aisa nhi hai mukti . Pichle teen saal se hum is sehar mein hai. Hum Nahi chahte ki humari wajah se humari maa ko sarminda hona pade aur jo surname hume mila hai uski izzat barkarar rakhna bhi zaruri hai. (Adrija ne Mukti Ko gale Lagakar Shant Karte Huye kaha-)
Mukti-- Aise rakhogi izzat barkarar koi kuch bhi keh kar chala jaye aur tum kuch na bolo aur ho sake to mafi bhi khud hi mango. (mukti ne Uske Gale Se Alag Hote Huye kaha-)
Adrija- mai tujhse Bato Me nahi Jit Sakti Meri Maa.
Mukti-- Ye Bhi sahi hai tumhara khair chodo chalo Chalte Hai.
Ab kaha - Adrija ne pucha .
Wohi jaha sab tumhare apne hai- mukti ne muskurate hue kaha .
Mukti aur Adrija scooty par baithi aur Mukti ne scooty Hawa Me dauda di . Adrija ke mumbai aane ke baad usne pehli par is seher ko Openly dekha Rahi Thi . Badi badi building saaf suthri sadkein .
Mukti ne scooty ek badese ghar ke samne lakar roki . Dono scooty se utri aur gate ke paas ayi . Adrija ne name plate padhi . Us par likha tha Sehrawat Mansion . Phir dono ander aayi . Ander ate hi mukti ne zor se awaz lagai . Ma papa dadu dadi bhaiya jaldi aiye . Mukti ki awaz sunkar sab bahar aye par uske sath ek anzaan ladki ko dekhkar sabke man mein questions khade ho gye .
Phir mukti ne kaha- ye hai meri dost Adrija . Aur Adrija ye hai meri family . Inse Milo Ye hai mere dadu Maan Sehrawat mukti ne dadu ki taraf isharA karte hue kaha . Aur ye hai meri dadi Suhasini Sehrawat aur ye mere papa RaJ Sehrawat aur ye hai meri ma Shalini Sehrawat- mukti ne sabse Adrija ko Aur Sabko Adrija Se introduce karwaya . Phir woh Sanskar ke pas gyi uske hath me hath dalkar kaha - aur ye hai mere bhaiya Sanskar Sehrawat . Adrija ne sabko hath jodkar namaste kaha . Mukti ne idhar udhar dekhte hue pucha - Abhi(Abhimanyu) bhai kaha hai .
Woh bahar gya hai - Shalini ne kaha . Phir sabhi sofe par baith gye . Phir mukti ne ek sans mein sabko sari baat bada di aur dadu ke pas jakar badi masumiyat se kaha- maine thik kiya na . Dadu . Bilkul thik kiya puttar ji akhir ek dost hi toh dost ke kam aata hai
Adrija beta ise apna hi ghar samjho. dadu ne kaha . Phir Sanskar ne kaha - main chalta hoon office me important meeting hai . Jate jate usne Adrija se kaha -bye Adrija . Bye - Adrija ne dhimi awaz me kaha . Phir Shalini ne kaha chalo ab tum dono khana kha lo . Phir dono akar dining table par baith gyi . Shalini ne dono ko khana diya . Dadi ma bhi bahar tehelne ke chali gyi .
Sardiyon ka mausam tha aise mausam mein dhoop hi sahara thi . Kuch time ke baad Raj aur dadu bhi chale gye . Mukti ne khana shuru kiya par Adrija chup chap bathi thi . Ispar nyonika ne kaha- kya hua beta khao na . Hmmm- Adrija ne bahre hue gale se kaha . Nyonika ne Adrija ke kandhe par hath rakhte hue kaha - main tumhara dard baant to nhi kar sakti par use kam karne ki koshish zaroor karungi .
Phir usne Adrija ka face apne hathon mein lakar kaha - itni pyari bacchi udas hote hue bilkul acchi nhi lagti . Tum khana khao tab tak main tumhare rehne ka intezam karti hoon . Ye kehkar Shalini waha se chali gyi . Adrija ko sabhi bahut acche lage khaskar Shalini usme use apni ma ki chavi dikh rhi thi . Khana khane ke baad mukti Adrija ko apna ghar dikhane lagi . Ghar bahut hi sundar tha . Neeche dada dadi aur Raj aur Shalini ka room tha . Ghar ke peeche ek bada sa garden tha .
Yeh sab dikhakar mukti Adrija ko uper lekar ayi jaha teen rooms se the aur ek hall . 2 rooms ek sath the jabki ek room alag tha . Unme se ek room Sanskar ka tha aur ek mukti ka . Par mukti ne Adrija ko us alag room ke bare mein kuch nhi bataya . Adrija ne pucha bhi nhi . Phir dono mukti ke room mein ayi . Room mein enter karte hi dono ne ek smell ki wajah se apni naak band kar di . Room ke bahar ate hi mukti ne Apni Maa Shalini ko awaz lagayi- Maaa.....
Shalini ne kaha- sorry beta woh aj galti se tumhare room mein cleaner ki bottle toot gyi . Maine Raghu ko bol diya hai woh saf kar dega . Mukti ne kaha - to Adrija kaha fresh hogi . Tum aisa karo Sanskar ka room use kar lo - nyonika ne kaha Phir dono sanskar ke room mein gyi Mukti ne kaha - tum naha lo main tumhare kapde lekar ati hoon . Adrija nahane chali gyi . Nahakar ayi to use uske kapde mil gye . Kapde pehen kar woh gile balon ko sukhane ke liye bahar ayi aur hall se lagi balcony mein khdi ho gyi . Tabhi uski nazar us room par gyi jiske door par bade bade letters mein likha tha -
Abhimanyu SehrawaT - A Complicated Boy
to be continue....
Tab tak ke liye ijajat dijiye firr milenge agle UPDATE ke Saath .....
Tab tak ke liye Iss Update Ko Like Karo, Aur Agar Update pasand aaya Ho to padhne ke baad comment Jarur Karo......
Aap Sabhi Ke Iss Update ko lekar jo bhi Valuable Suggestions ya Soch Ho wo comments me jarur bataiyega......
Thank You
.
Tab tak ke liye Iss Update Ko Like Karo, Aur Agar Update pasand aaya Ho to padhne ke baad comment Jarur Karo......
Aap Sabhi Ke Iss Update ko lekar jo bhi Valuable Suggestions ya Soch Ho wo comments me jarur bataiyega......
Thank You
.
Last edited: