Update 153
Dono ke khoye se iss sama me, kisi ne aag lagate wastvik isthiti me le aaya.... Dono haste huye wapas car me baithe, aur khul kar garba ka aanand uthaya.... Dono ek dusre ke jab bhi sath hote kitna khush hote... Lekin unhe to pata he nahi tha... Ek toofan aa chuka tha pahle se.... Ab bas subah hone ki der thi....
Agli subah.... Drsih jab Amme ke pass traning ke liye pahuncha wahan Aakash pahle se baitha tha....
Drish.... Jijaji, jaisa ki main ummid kar raha tha, aap yahan jaroor milenge, bataeye kal kaun si jaroori baat karni thi.
Aakash.... Hmmm ! Sale sahab hoshiyar ho gaye hain, ab meri baat dhyan se sun'na Drish... Kyonki ab sari ummid tum se tiki hai.
Drish.... Baat kya hai jijaji, aap aisa kyon kah rahe hain.
Amme.... Baat he kuch aisi hai Drish. Yahan ek naye officer appoint hua hai, Bakshi...
Drish.... To hum iss se dar kyon rahe hain... Aakhir koi officer humara bigar kya lega.
Aakash.... Drish isse over confidence hona kahte hain, jo ki bilkul bhi achha nahi. Ek baat yaad rakhna, baat dar ki nahi hoti hai, baat power ki hoti hai. Aur power jiske hath me hai, balwan wahi hota hai.
Amme..... Tum in sab baton ki chinta mat karo, tumhe bas do kaam karne hain...
Drish.... Kaun se do kaam...
Aakash.... Pahle ye ki mujh se wada karo, chahe kuch ho jaye, Bakshi ke samne tum nahi aaoge, aur dusri ye ki jab tum thailand jaoge to tum Sukoe ke samne hoge, uske ghar ka pura naksha ye raha.... Bina kisi ke jankari me aaye, tumhe iske locker se ek hard drive nikal kar lana hai. Kya ye ho payega...
Drish..... Haan ye ho jayega... Aap chinta mat karo...
Aakash.... Nahi chinta tumhari nahi hai, main janta hun tum kar loge, lekin ek baat yaad rakhna, tumhe ye kaam bina kisi ke najar me aaye karna hai, iska matlab samjh rahe ho na tum ..
Drish.... Haan samjh raha hun, kisi ke najar me aaye bina mujhe ye kaam karna hoga...
Aakash.... Ab bhi nahi samjhe, iska matlab ye hua ki, jis kisi ne tumhe dekha wo phir bolne layak nahi hona chahiye, chahe wo wahan ke gundey ho ya koi bekasoor.
Amme.... Aakash, bacha hai ye abhi, tum isse jallad bana rahe ho. Nahi ab main isse nahi jane de sakti, hume he jana hoga....
Aakash.... Amme ye tum bhi janti ho aur main bhi, yadi hum wahan gaye to, jo kuch bachne ki ummid hai wo bhi nahi bachega....
Drish.... Jijaji, Amme... Dono shant ho jao... Aisa kuch bhi nahi hoga... Mera wada hai, na to wahan par koi lash giregi, aur na he kisi ke najar me bhi main aaunga..... Ab aap dono befikr ho jaeye.
Amme... Drish lekin ye koi kah diye aur ho gaya, waisa wala kaam nahi hai.... Tum jis chij ke pichhe ja rahe ho uske liye marne aur marne ke liye 100 trained log taiyar rahenge.... Tum jante bhi ho wo chij kya hai, aur ye Sukoe kaun hai....
Drish.... Mujhe kuch nahi jan'na ... Ab dono tension mujh par chhor do, aur ye batao mujhe kab nikalna hai....
Aakash.... Dono ek he waqt par hoga.... Wahan se ladkiyon ko wapas lana aur uss hard disc ki chori, tab tak tumhare pass taiyari karne ke pure mauke hain ....
Amme.... Haan baki palnning kaise karni hai ye Drish ko pata hai don't worry Aakash...
Aakash.... Haan ek aur baat Drish... Kahin bhi record me tum mere sale ho aisa kisi ko pata nahi... Aur jo college ki I'd hai uss se tumhara pata nahi lagaya ja sakta...
Drish... Iss baat ka matlab kya hai, thoda khul kar samjhayenge.....
Aakash.... Iska ye matlab hai ki ab se mere kisi bhi kaam me, khas kar paise aur property ki len den me tumhari aur mera koi sath nahi honi chahiye, main nahi chahta ki tumhe koi jane...
Drish.... Lekin koi jaan bhi gaye to kya fark parta hai....
Amme.... Drish, tumhe yaad nahi hum kuch future planning bhi karte hain.
Drish..... Hmmm ! Mera wada raha.... Ab ye itni senty baten band bhi karo, aaj kya brain wash he karwaoge ya kuch traning bhi karni hai....
Aakash..... Ha ha ha, main chalta hun, tum dono continue karo...
Aakash wahan se wapas laut aaya, bas yahi dua karte huye ki sab kuch achha ho. Sara work out jaldi se khatam kar ke Drish bhi wapas aa gaya.... Usse jald se jald taiyar ho kar college jo jana tha.... Drish jaldi se college ke kiye taiyar ho kar haal me aaya.... Najren kewal Ashk ko he dhund rahi thi, lekin Ashk thi kahan ...
Drsih, ne Ashk ko call lagaya..... Ashk chahkti hui kahne lagi, "uske papa Rana ji aaye hain, aaj college se chhuti". Drish call disconnect kar ke, bechara chhota sa muh banaye..... "Yaar ye admi saam ko nahi aa sakta tha, jo subah-subah he aa gaya".
Drish ko phir achanak he yaad aaya..... "Ohhhh ! Rana ji aaye matlab aaj to uske engagement ki baat hone wali hai". Drish ko jaise he ye khyal aaya, waise he wo chahkne laga, urrne laga nachne laga. Ab to usse lagne laga, Ashk aur wo hamesa sath-sath he rahenge.
Aaj Drish, Appu ke sath he college gaya. Kabhi uske baal bikherta, to kabhi uske gal ko pakad kar khinch leta....
Appu..... Bhai, itna chahak rahe ho, baat kya hai... Mujh se bhi to share karo....
Drish..... Paglu, aaj Ashk k papa aaye hain.
Appu..... Papa uske aaye hain, uchhal aap rahe ho. Sasural ke liye itna jyada pyar pahli baar kisi ka dekh raha hun.
Drish..... Arre baba, unke aane ka matlab tum samjh bhi rahe ho.
Appu.... Samjhna kya hai bhai, mujhe dikh to raha hai, aap paglaye-paglaye lag rahe ho...
Chatak... Ek thappad pari Appu ko, Appu gal pakad kar baith gaya...... "Gadha, aaj humare engagement ki baat hogi. Kal se ghar walon ke dar se chhip-chhip kar nahi milna hoga".
Lekin Appu, thappad khane ke baad, chhota sa muh banaye shant Drish ko dekh raha tha..... "Appu, bhai maine to pyar se dhire se mara tha.... Jor se lag gayi kya... Tu bura maan gaya kya"
Appu jor se chillaya...... Partyyyyyyyyyy... Wooooo hooooo..... Bhai chalo pura gangue aaj party karenge. Daru piyenge... Masti karenge.
Kaphi jor jabardasti ke baad Drish ne aakhir party ke liye haan bol he diya.... Aur sabhi log party ke liye chale gaye.
Idhar jo haal Drish ka tha wahi haal Ashk ka bhi tha. Ashk apne taddy ko apne sine se lagaye.... Nachti hui bas gun-guna rahi thi ..... "Aaj main upar, aasman niche, aaj main aage jamana hai pichhe"
Tabhi gate se Rana ji ki entry hui.... Wo dabe paun kitchen me ghuse, aur chandrika devi ko kamar se pakad kar bahon me bhar liya. Chandrika devi chauk kar chillane ke liye muh kholi he thi, ki Rana ji ne uske muh ko band kar diya.
Chandrika devi ko pata he nahi chala, pichhe kaun hai aur wo ungliyon ko chaba gayi..... "Aaaawwwww" kar ke Rana ji hate, Chandrika devi pichhe muri, aur kitchen se chillane ki awaz sun kar Ashk bhi bhagi, bhagi aayi......
Teeno khadey ek dusre ka muh dekh rahe the...... Bara he ajib mahol tha....
Ashk.... Papa, aap kab aaye, aur kitchen se ye chikhne ki awaz kaisi....
Rana ji.... Chhor ye sab, pahle papa ke gale lag jao....
Ashk apne pita ke gale lagti, Chandrika devi ko aankh mari aur hasti hui kahne lagi.... "Papa mujhe lagta hai, aap ko aur mamma ko dono ko ghum kar aana chahiye"
Chandrika devi, Aahk ke mathe par ek hath marti.... "Kuch bhi bolti hai, chal ja yahan se"...
Ashk.... Haan ja he rahi hun, raho aap dono akele...
Aahk ke jate he ..... Thik he to kah rahi thi lado, chalo chal kar kahin ghum aaya jaye. Ufff tumhare ye husn ke jalwe, aaj bhi dekh kar machal jata hun.
Chandrika devi.... Budhapa chadha ja raha hai, aaye ho beti ki shadi ki baat karne, aur khud he romance kar rahe ho. Chalo aap bhi jao kitchen se.
Rana ji.... Bhukhe sher ke samne pura khana rakha hai, wo kya chala jayega aise he...
Chandrika devi.... Annn haaa, samne babbar sherni hai, sochna bhi nahi kuch. Aap jao bhi, Ashk kya sochegi.
Rana ji.... Wo to kuch nanhi sochegi tum he jyada soch rahi ho. Miss u a lot chandru, tum aa kyon nahi jati mere pass.
Chandrika devi.... Rana ji, aap ne wada kiya tha hum iss bare me baat nahi karenge. Jo jaisa chal raha hai chalne dijiye.
Rana ji.... Hmmm ! Thik hai chandru, par kya aaj ka din mujhe nahi de sakti, saam ko shadi ki baat karne jayenge na...
Chandrika devi muskurati.... Achha thik hai baba ab jao bhi, pahle lado se to mil lo, kab se intzar kar rahi thi...
Rana ji, muskurate huye pyar se apni patni ki ore dekha aur chal diya Ashk ke pass.....
Rana ji.... Lado, tum sach-sach bata beta, khush mere aane se hai, ya tumhari engagement ki baat hogi uss se hai...
Ashk.... Papa... Plz, ab ye sab nahi puchho...
Rana ji.... Achha chal thik hai, nahi puchhta, abhi main aur tumhari mammi kuch shopping ke liye jayenge... Saam ko mil kar tum dono se sawal-jabaw hoga...
Ashk.... Huhh ! Jyada sawal-jabaw bhi nahi karna. Wo kam bolte hain...
Rana ji... Wo kaun ... Abhi se he... Ab tum maa beti ne select kar liya, to meri kya majal, main to bas formlity ke liye aaya hun.... Pata chala maine na kiya to, mujhe out kar doge aur usse in...
Ashk.... Papa... Aap bhi na.... Ab aap jaeye ready ho jaeye main bhi chali....
Ashk ander he ander gudgudati .... "Wowww, meri engagement, ab hume koi tokne wala nahi" ... Khud se kahti batroom me chali gayi.
Rana ji aur chandrika devi bhi taiyar ho kar nikle the aaj ghumne..... Rana ji kaphi romantic mood banate huye, chandrika devi se apne milne par celebration ki jid karne lage. Thode se hat ke baad chandrika devi bhi maan he gayi....
Idhar Drish & gangue ek resturent me loud music baja kar, party ka enjoy kar rahe the, to udhar apni mulakat celebration karne Chandrika devi aur Rana ji bhi ussi resturent me gaye.
Rana ji ki gate se entry, picche se Appu nachte huye un se takraya. Appu jaise he takraya, to wo larkhara kar aage mura aur beer ki bottol pura Rana ji ke upar.
Chandrika devi thoda pichhe rah gayi thi, aur wo Payal se saam ke programme ke bare me baat kar rahi thi.... Idhar, Drish bhi Ashk se saam ke programme ke bare me he phone par laga tha.... Tabhi chandrika devi ko, Rana ji ki awaz sunayi di, aur Drish ko apne sapne shathiyon ke hooting ki awaz sunai dene lagi.
Dono ne call disconnect kiya aur teji se pahunche wahan..... Lekin jab tak pahunche mamla kya se kya ho chuka tha.....
Mujhse hi aaj mujhko mila de
Dekhoon aadaton mein, tu hai ki nahi
Har saans se pooch ke bataa de
Inke faaslon mein, tu hai ki nahi
Inke faaslon mein, tu hai ki nahi
Main aas-paas tere aur mere paas..
Tu hai ki nahi
Tu hai ki nahi
Tu hai ki nahi
Tu hai ki nahi…