Update 159
"Cutee, achanak se he itna kuch ho gaya ki mujhe kuch samjh me he nahi aa raha. Mere mom-dad ka astitw hai. Aunty mere mom-dad dono ko janti thi, lekin dil jal raha hai cutee.... Jab wo mere bare me sab janti thi, phir kyon mujh se sab chhipaye rakhi... Mujhe sari baten pahle kyon nahi bata diya"......
Ashk.... Uffff yahan kitni garmi hai.... Kyon love aap ko kuch hot feel nahi ho raha...
Ashk apni jagah se khadi hoti, apne lahnge ke dupatte ko thoda sarkayi, aur muh fuhh-fuhh karne lagi...
Drish hairani se Ashk ko dekhte huye kahne laga..... "Cuteee main yahan itni serious baten kar raha hun, aur tum ho ki aisa behave kar rahi ho"
Ashk muskurati hui Drish ke shirt khinch kar bilkul apne pass kar li, dono ke hont itne karib the ki sasen ek dusre ke hoton se takra rahi thi. Ashk phir se muskurati kahne lagi....
"Love niche ke mahol aur tension, dono ko itna halka kar diya. Aur khud kyon itna ghut rahe ho. Na mamma kahin ja rahi hai aur na sawal. Bas in sab baton me jo kuch khoya ja raha hai, wo hai aap ka dhairya. Thoda himmat se kaam lijiye"
Drish, apne mathe ko Ashk ke mathe se jorte kahne laga..... "Hmmm ! Cuteee, to abhi kya kiya jaye"
Ashk chahkti, do kadam pichhe hui, apne badan ko lahrayi, phir hathon ko khud ki ore ishara kar ke kahne lagi...... "Love, aaj main aap ke dil dharkane ke irade se taiyar ho kar aayi, jaisa aap ne kaha, aur aap hain ki mujhe dekh tak nahi rahe"
Drish muskurata hua uske karib pahuncha, aur uske dono hath apne kandhe ke upar rakha, uske kamar me hath dala aur sir se sir ko jor kar kahne laga....
"Bas cuteee, aaj bilkul bhi mann nahi lag raha. Main toot sa gaya hun. Aisa lag raha hai jaise mujh me himmat he nahi bachi. Kuch bhi achha nahi lag raha. Hasna, chalna, bolna, khana, pina.. Kuch bhi karna sab jabardasti jag raha hai".
Ashk wahin niche baith gayi, hathon ke ishare se Drish ko sir apne gode me rakhne ke liye boli. Drish bare sukoon se uske gode me sir rakh kar aakhen mund liya. Ashk bhi muskurati dhire-dhire uske sir par hath ferne lagi. Pyara sa mahol tha, Drish khud me kafi sukoon sa mehsus kar raha tha.
Ashk..... Love kitne cute couple the na uncle-aunty. Uss jamane me sab se lar gaye.
Drish.... Haan sahi kahi. Bahut dard diye lekin meri maa ko sab ne.
Ashk..... Buddhu, 2 din ke dard he mila na, phir to umr bhar ka pyar bhi to mila.
Drish.... Umr bhar, haan cuteee, umr bhar ka tha to phir ab wo kyon nahi mere sath. Kya tum janti ho, un sab ke maut ki wajah main he hun.
Ashk, Drish ke chehre par hath ferti kahne lagi..... Love aakhir ek 3 sal ka kid kisi ke maut ka karan kaise ban sakta hai. Aap ye baat kah kar unke marne ka mazak urra rahe ho.
Drish.... Sorry, chhoro isse kuch aur baat karte hain. Kuch kaho na, nahi to main pagal ho jaunga.
Ashk.... Siiiiiii ! Pagal hona hai to mere liye pagal ho jao na. Achha love suno na...
Drish..... Haan kaho na cuteeee...
Ashk..... Mujhe na aap jaisa ek pyara sa cute sa beta chahiye....
Drish apna sir upar utha kar Ashk ke chehre ko dekha.... Wo najren Drish ki ore kiye mand-mand muskura rahi thi. Drish phir se uske gode me sir rakh kar kahne laga.... "Hmmm thik hai, par mujhe ek chubuli si, pyar bikherne wali beti chahiye, tumhari tarah"
Ashk.... Hmmm ! Thik hai done.
Drish, apne hath Ashk ke pet par jor se lapet kar apna sir usme chiipa liya, aur sukoon ki sasen lene laga..... "Love, fir so kyon rahe ho, chalo lag jao kaam par"
Drish.... Kaisa kaam, main samjha nahi.....
Ashk.... Huhhhh ! Abhi to kahe tumhe beti chahiye, to kya beti asman se aayegi.
Drish..... Matlab....
Ashk..... Buddhu, matlab kuch karoge nahi to bache kahan se aayenga.
Tabhi chhat ka darwaja khulta hai, aur Payal achanak se dono ke samne aa jati hai. Ashk baithi hui thi, aur Drish ka sir Ashk ke gode me tha jise sahlate hui wo baat kar rahi thi. Iss se pahle ki Drish apna koi reaction deta iss baat par tab tak Payal chhat par aa chuki thi.
Ashk, Payal ko dekh kar chaunk gayi, aur chaunk kar khadi ho gayi. Drish ko pata he nahi chala Payal kab upar aa gayi. Par usne jab Payal ko dekha tab wo bhi fata-fat uth kar khada ho gaya....
Payal, muskurati hui..... Koi baat nahi, baitho, baitho... Main to bas dekhne aayi thi, dono gaye kahan.
Drish..... Hum bhi bus aa he rahe the di.
Payal.... Nahi koi baat nahi. Aaram se aao ....
Itna kah kar Payal chhat se chali gayi..... "Cuteeee, chalo chalte hain, ab kafi achha feel kar raha hun"
Ashk.... Love bhabhi to gayi, unhe jane do na.... Aap to bas idhar dhyan do. Kaise ho aap, main sukhi mari ja rahi hun aur aap ho ki idhar dekh he nahi rahe".
Drish..... Sach kahun to aaj tum dil dharka rahi ho cuteee. Bilkul dil me utar rahi ho aise libas me. Ab chalo chhat khula hai... Koi bhi aa jayega....
Ashk.... Huhhh koi aa jayega to kya.... Huhhh ... Ruko do min ....
Ashk bhag kar sidhiyon ki ore gayi aur fir do min baad laut kar wapas aa gayi..... Drish khada bas sidhiyon ke ore he dekh raha tha, aakhir ye karne kya gayi.... "Kya hua cuteee, kahan gayi thi"
Ashk.... Niche sab ko dekhne. Sab busy hain aapas me, aur waise bhi bhabhi hume aaram se aane ko kahi hain, to wo upar thode na kisi ko aane degi...
Drish.... Upar aane nahi degi ... Touuu...
Ashk.... Touuuuuuuuuuu (Ashk mobile par light music on ki)
Sharmo Haya Se Keh Do
Khuda Haafiz O Meri Jaana
Hai Gadi Milan Ki
Khudaara Laut Ke Na Aana
Hai Raat Ka Parda Hamari Hi Khaatir
Saje Hai Hum Bhi To Tumhari Hi Khaatir
Jaise Jaise Tum Pass Aate Ho
Saanse Ruk Jaane Lagi
Khamoshiyan Gungana Ne Lagi
Khamoshiyan Gungana Ne Lagi
Tanhaiyaan Muskuraane Lagi
Tanhaiyaan Muskuraane Lagi
Dil Ka Ye Caravan,
Yuhi Tha Rawa Dawa
Manzil Na Humsafar,
Lekin Main Meherbaan
Teri Woh Ek Nazar Kar Gayee Asar
Duniya Sawar Jaane Lagi
Khamoshiyan Gungana Ne Lagi
Tanhaiyaan Muskuraane Lagi
Gane ke sath he Ashk Drish se lipat gayi, aur har bol ko apne hoton se gungunati, Drish ke aakhon me jhank rahi thi. Drish bhi muskurate apne haton ko uske kamar se lapet liya, aur usse khud ke sine se kas ke laga liya.
Ashk apna sir utha kar Drish ki ore dekhi, aankh mund kar hoton ko gol banayi aur kiss ka ishara karti apni aeriyon par khadi ho gayi....
Drish..... Baby.... Ab ye bachpana chhoro bhi, chalo niche....
Ashk..... Bachpana he rahne do thoda love, aage bade ho kar to serious he rahna hai. Pata nahi ab aage ki kismat .... Par iss pal ko main apne tarike se jiyungi....
Masoom si soorat, aur Ashk ki najron se umarta besumar pyar. Aankeh jaise kitna kuch bol rahi thi. Iss pal ko to kisi alfazon ki jaroorat bhi nahi thi, bas najren he bayan kar rahi thi dil me umarte pyar ko. Is msoomiyat ko inkar kar pana Drish ke bas ki baat nahi thi, wo bas muskura kar apni sahmati jata diya ... Mano aisa kah raha tha.... "Main bhi tumhare sath jina chahta hun"