Update 41
Payal apne bhai ko dahi khila kar vida ki aur muskurati hui bhagwan se prathna ki ... "Isse koi padesani na ho".... Lekin college aur padesani nahi... Aisa kaise ho sakta hai .... Aur mumbai to jaise koi rahasya ban kar aaya ho chhotu ki jindgi me ... College pahunch kar usse kya pata aisa bhi hoga".
Chhotu admission ke liye pahuncha college, itne log aur itni bhir dekh kar usse samjh me he nahi aaya wo kya kare. Khada hokar bas college ko he dekh raha tha. Bhatkta hua wo puchhte-puchhte admission office pahuncha.
Admission karwane ke liye logon ki lambi line lagi hui thi, chhotu bhi apna form fill-up kar ke line me lag gaya. Tabhi uss ore ek ladki "bachao-bachao" chillati hui bhagti hui aayi. Uske pichhe teen char aur ladkey pare the.
Sare student ka dhyan ussi ore gaya, sab admission chhor kar bas ussi tamase ko dekhne lage. Chhotu in sab ko najarandaz kar aage badh gaya aur apna form jama karne laga.
"Ek ladki madad ke liye chilla rahi hai, aur tum itne hatte-katte tagre ladkey hokar usse bachane nahi gaye"
Chhotu ke picche ek anjaan ladka line me lag kar, usse kahne laga. Chhotu uski baat ko bhi najar-andaz karta hua apna kaam kar raha tha, usse na to wahan huye hungame se koi matlab tha aur na he pichhe wala ladka kya bol raha tha uss se.
Wo ladka dobara bola.... "Bahre ho kya jo kisi ki baat nahi sunayi deti"
Chhotu apna admission karwa kar line se nikla, aur uss ladkey ke aankhon me aankhen dal ghur kar kahne laga..... "Mujhe sab dikha, kaise tum aur tumhare sathiyon ne bhir ka dhyan khincha, aur tum admission ke liye khare ho. Apne kaam se kaam rakho. Nahi bolne ka matlab ye nahi ki kuch nahi janta".
Itna kah kar chhotu jaise he mura uski najar uske pass khadi lado par gayi. Chhotu ko ek baar to viswas he nahi hua, usne apni aankhen mizi aur phir dekha, samne wakai lado khari thi.
Par Jaipur ke vesh me aur yahan ke vesh me dono me kaphi anter tha. Halanki pahnawe se uski sundarta par koi fark nahi parta, lekin jo khichaw tha iss pahnawe me wo bilkul alag he tha.
Ek to roop katil upar se chehre par kiya gaya make-up. Kajrare naina ki kali dhara jaise un aankhon me doobne ke liye majboor kar rahi ho. Galo ki par halki lali uff diwana ho jaye har koi. Mulayam gulab se pankhuri jaise hothon par halki gulabi rang ki lipstick, mano usse chum kar uske ras pine ke liye majboor kar rahe ho.
Tha to insan he chhotu, rah-rah kar cohor najar fislti cleavase par bhi ja rahi thi, jo tang kapron me halki-halki wo lining najar aa rahi thi. Fisal gayi chhotu ki najar bhi wo bhi aakrshit ho gaya roop aur badan ki kaya dekh kar.
Chhotu bas khoya lado ko he nihar raha tha, lado kuchh bol rahi thi, par chhotu ka pura dhyan to uske khuburati par tha. Khulte aur band hote hont najar aa rahe the, par koi baat kano tak nahi ja rahi thi. Kaphi gahrai me kho-kar wo dekh raha tha.
Lekin rang me bhang dalta kisi ne pichhe se apne hath uske kandhe par dale, aur bari jor se dabaya. Chhotu jaise khawb se jaga ho. Lekin usse khawb se jagane wale par chhotu ko kaphi gussa aaya aur uss ladkey ka hath pakar kar uski kalaeyin ko mor diya....
"Woo wooo, ye hath hai ya lokhand, chhor bhai nahi to toot jayega"
Chotu bare gusse me usse dekhte huye, uska hath chhor diya aur wahan se aage badh gaya.... Pichhe se lado usse awaz deti hui roki aur kahne lagi.... "Janab kahan kho gaye the mujhe dekh kar, aur utni der se puchh rahi hun koi jabaw bhi nahi de rahe. Upar se mere dost ne dhyan bhang kiya to uss par he gussa, kya hua sir aap thik to hai na"
Itna kah kar lado muskurane lagi. Chhotu ko sharm bhi aata hai ye baat aaj uske chehre se jhalak rahi thi. Pahli baar apni chori pakre jane par sayad wo aaj sharmaya bhi tha..... "Nahi lado main to bas hairan tha, tum achanak se jo dikh gayi. Main bas soch raha tha tum yahan kaise"
Lado uska hath pakrti ek side me le gayi aur dhire se kahne lagi..... "Please yahan mujhe lado nahi bulao, wo to papa mujhe pyar se lado kahte hain. Mera naam Ashk hai, aur please mujhe issi naam please mujhe issi naam se pukarna. Waise main tumhe kis naam se bulaun, ab tak to naam bhi nahi bataya apna".
Chhotu.... Drish...
Ashk..... Kya Krish kah kar pukarun.... Hehe
Drish..... Jo marji pukar lena, par ye batao tum yahan kaise.
Ashk..... Main B.sc computor science me admission karwane aayi thi.
Drish.... Wahi bachao-bachao ka natak kar ke. Sukr hai main nahi nikla line nahi to do ghnte late ho jata.
Ashk.... Hehe, tumne mujhe madad ke liye pukarte suna aur aaye bhi nahi bachane.
Drish..... Jab jaroorat hogi to jaroor aa jaunga. Iss waqt to tumhe madad ki jaroorat nahi he thi.
Ashk..... Tum kis class me admission le rahe ho..
Drish... Main bhi computer science
Ashk apni aankhen dikhati..... Drish kahin tum mera pichha to nahi kar na, college bhi wahi, class bhi wahi ye sab chakkar kya hai.
Kya jabaw de bechara, itna he kahta raha "nahi main to pahle aaya tha, aur main kyon bhala pichha karne laga"
Ashk usse aur chherti kahne lagi "nana, ye sab bahane hain, tum mera pichha he kar rahe tha. Mujh se milne ke liye Jaipur se Mumbai aaye aur Mumbai me itne sare college ko chhor kar iss college me admission liya. Mujhe to tumhare irade nek nahi lag rahe"
Bechara kya kahe, kabhi iss tarah ki baton me snlipt hua ho to na kuchh kahe... Upar se jyada baat bhi nahi karta.... Bas apne defend me "na, nahi, aisa nahi hai", bas yahi kahta raha aur Ashk usse lagatar chherti rahi.
"Dono ki pahchan purani lagti hai, hi main hun Saurav".... Line me laga ladka, apna form jama kar ke un-dono ke pass aate huye kaha.
Ashk.... Saurav ye Drish hai, hum Jaipur me mile the... Aur Drish ye hai Saurav mera cousin.
Saurav.... Ashk ye mujh se baat kyon nahi karta, line me toka to ukhra sa jabaw diya. Uss waqt bhi iske kandhe par hath rakha to isne kalai aise marori ki dard ab bhi ho raha hai, par bola uss waqt bhi kuchh nahi aur ab bhi iska intro tum he de rahi ho... Mamla kya hai.
Ashk..... Ye sirf khubsurat ladkiyon se he baat karta hai, maine bhi isse aaj tak kisi ladkey se baat karte nahi dekhi...
Drish, Ashk ki baat sunkar bhag aaya, mann me me bas yahi khyal aa raha tha.... "Jaipur me kitni shant thi, aur kitni sadhi hui baten karti thi. Lekin yahan to jab se mili hai mujhe chher he rahi hai, kya ye apne pita ke pitai ka badla le rahi hai mujh se".
Drish, Ashk ki harkaton par muskurata wapas chala aaya. Bhini si muskaan Drish ke chehre par bani hui thi, jise Payal aur Amme bhali bhanti dekh sakti thi.... Kabhi-kabhi to muskurata tha Drish, Payal usse khush dekh ander se wo bhi kaphi khush thi.
Dono hall me baithi thi aur chhotu apne kamre me baith kar pahli baar laptop ko chala raha tha... Tabhi usse Payal awaz lagati hui.... "Chhotuuuuu"
Drish bahar hall me aate huye kahne laga... "Kya hua di"..
Payal..... Chhotu tu college se aaya aur chup-chap apne kamre me chala gaya, baat kya hai. Kuch bataya bhi nahi kya hua college me.
Drish.... Di, kal he aap kahi thi, ab se mera naam Drish hai aur aap he mujhe chhotu bula rahi hain.
Payal.... Koi bhi naam ho par mera pyar chhotu se he jura hai, isliye main tumhe chhotu he bulaungi. Ab batayega college me kya hua.
Drish... Admission ke liye gaya tha, admission karwa liya aur wapas chala aaya. 10 din baad se classes shuru ho jayegi.
Payal... Main uss bare me nahi puchhi, mujhe wo jan'na hai jo tune ab tak bataya nahi...
"Di ko yadi Ashk ke bare me bata diya to ye bhi mujhe chherne lagegi, isliye baat ko he ghuma deta hun"...... Di college me aaj admission ho gaya, aur mujhe nayi laptop mili hai isliye main bahut khush hun.
Payal aur Amme dono me se kisi ko Drish ki baton par yakin nahi hua, lekin phir bhi baat par jyada tul nahi deti, usse jane ke liye kah di.
Drish ke jate he Amme aur Payal lag gaye Drish ki baten karne, dono ek he baat par sahmat the ki Drish ke chehre ka khilepan ki wajah kuch aur he hai. Lekin dono ne tay kiya usse uski muskaan par chhor dena chahiye, kuch uski bhi apni presonal life honi chahiye.
Amme ke hone se ghar me thodi thodi raunak thi, par Aakash ke na hone se Payal ko thoda suna sa lag raha tha. Thode bahut akelapan Amme se dur ho jata tha, aur kuch Drish ke sath waqt bita kar. Lekin aankhon me to bas Aakash ka he intzar tha usse gaye 2 mahine se upar ho gaya tha lekin koi khabar ab bhi nahi thi.
Join
Loyalist Wings Discord Server
- A Place to Chill, Chat, and Make Friends!
