Update 106
"Ab wahi to check karna hai Aakash. Tum ne ek baat gaur nahi kiya.... Iski speed jo abhi dikhi hai wo iske gusse ke sath aur badh sakti hai.... To kya wo pure gusse me tha, ya phir socho yadi ye apne pure gusse me nahi tha to yadi aur jyada iska gussa badhta hai to iski speed kya hogi, aur ye kis had tak kharnaak ho sakta hai"
Amme usse ko ab bas Drish ko watch karna tha, wo logon se react kaise karta hai. Jyada intzar bhi nahi karna para, subah ho chuki thi, Drish taiyar hona shuru kar chuka tha, tabhi Payal uske pass pahunchi....
"Chhotu college aaj car se jana, Lado ka phone aaya tha wo ab tumhe pick karne nahi aane wali"
Drish chhota sa muh banaye taiyar hua aur apni car le kar nikal gaya...... Ghar se takriban aadha km aage gaya hoga ki ek ladka usse hath dikhane laga...... Drish bina koi speed kam kiye uske aage se nikalne laga, tabhi uske car ke aage 4/5 ladke aa gaye.
Drish ne pura break lagaya, car bikul unke pass aa kar ruki..... Drish chup-chap apni car me he baitha raha, tabhi un me se ek ladka uske sise par knock kiya.... Drish ne kanch ko niche kiya...
Ladka..... Ghonchu tujhe dikhta nahi madad ke liye ek ladka hath dikha raha hai aur tu raeshi dikha raha hai....
Drish.... Hmmm ! Maine dekha nahi, kya kaam hai...
Ladka..... Tere baap ki sagai me usse dhol bajana hai, par uske abhi paise nahi mile.... Darwaja khol ... Ae Appu chal ja tujhe ye college chhor dega, aur kuch sanpatti kare to rampuri se naam likh dena apna iske badan par.... Baki main dekh lunga....
Wo ladka Pappu jo hath dikha raha tha, wo aaram se apna chaku dikhate huye uske car me aage baith gaya aur Drish chup-chap car chalane laga..... Pappu ne ussi college ka pata bataya jahan Drish bhi ja raha tha..... Drish bina ek sabd uss se baat kiye pahuncha college aur usse drop kar ke bhaga sidha apne class me.
Raste bhar Appu apne karnamo ki dastan sunata raha, par Drish ke dil me to aag lagi thi, tarap thi Ashk se milne ki, usse na to Pappu ki koi awaz sunai de rahi thi, aur na he wo uss par dhyan de raha tha.
Class me teji se pahuncha, ek najar pure class ko dekha par wahan Ashk nahi thi. Drish chup-chap ja kar ek bench par baith gaya..... "Hi, I am Purvi ".... Kahti hui ek ladki Drish ke pass baith gayi....
Drish..... Sorry ye seat meri gf ke liye hai, aap kahin aur ja kar baithiye.
Purvi.... Kahin tumhari gf wo to nahi jo abhi-abhi wahan baith gayi....
Drish jab tak baat kar raha tha tab tak Ashk class aa chuki gayi, aur Drish par bina koi dhyan diye wo Joya ke pass ja kar baith bhi gayi. Drish lagatar usse dekhta raha, par Ashk ne ek baar bhi Drish ki ore nahi dekha.
Ek chihuk si uthi ho dil me, aise andekha kiya jana Drish ko jaise chubhne laga tha. Uss se bardast kar pana muskil ho raha tha. Achanak he wo utha aur Ashk ke pass jane laga.....
"Hello you, class ke bich me aise uth kar kyon khare ho gaye"
Drish ne jab charo ore ka najara dekha, Ashk ko dekhne me wo iss kadar khoya tha ki usse pata he nahi chala kab class shuru bhi ho gayi...... "Kuch nahi sir mujhe 2 min ke liye bahar jana hai"
Sir..... Lo dekh lijiye in ko, subah-subah ghar se fresh ho kar aaye hain. Chakachak kapdey pahne huye hai, aur class shuru hote he inki pesab chhutne lagi. Kyon itna boring lagta hai class, to koi intresting class me chale jate.
Pura class hasne laga Drish par, Drish ke liye jaise yahan ka mahol katne ko daura ho.... Wo bina kuch kahe hikal gaya class se, jate samay uss professior ne kya bola Drish ne dhyan dene ki jaroorat bhi nahi samjha, aur class se nikal kar canteen me chala aaya.
Canteen me coffee ka mug thame bas apni haalat ke bare me he soch raha tha.... Kaise handle kare iss situation ko, usse kuch sujh nahi raha tha.... Tabhi uske table par Appu aa kar baith gaya....
Appu.... Aur dost, akele-akele coffee pi raha hai, waiter mujhe bhi ek coffee de iss ke khate se... Aur suna tu kis class me padhta hai yahan ...
Drish ka koi jabaw nahi .....
Appu.... Arre yaar, car chalate waqt nahi baat karta, tu coffee pite waqt baat nahi karta kya to baat kab karta hai.... Tu to ladkiyon se bhi jyada bhaw khata hai. Ladkiyon se yaad aaya, yaar kya bataun sala ye mathmatics deparment me to banjar para hai... Sala iss ek section ko chhor kar baki sare section me hariyali he hariyali rahti hai....
Drish ab bhi uski baton par kuch react nahi kiya, bas coffee ki chuskiyan leta raha.....
Tabhi class over ho gayi, aur gate se Ashk bhi aati najar aayi.... Appu ne bhi Ashk aur Joya ko aate dekha.... Appu, Ashk ke upar comment karte kahne laga..... "Kya hari-bhari item hai beta, jarra wo nile t-shirt wali ladki ko dekh.... Aahhh kya body curve hai, puri makkhan malai hai .... Umaaahhh... Dil me bas gayi jaan"
"Chatakkkkkk" kya jhannatedar thappad tha, aur uss thappar ki gunj utni he pyari.... Ek pal ke liye to wahan ka mahol tham gaya aur sab ki najren bas Appu aur Drish ke table par he thi. Appu ko tamacha parte he usse aisa laga jaise lohe ki garam plate pure teji se uske gaal par chipki ho.
Gal par panjo ke nishan saaf najar aa rahe the, pura gaal laal, aur Appu ka haal behaal. "Ab dobara uske bare me kuch kaha na to main tumhe chir dunga, shant hun to shant rahne do"...
Appu darre hua uss se thoda pichhe hat'te kahne laga.... "Sorry bhai, aap bhabhi par concentrate karo na, main yahin hun apna gal liye baitha"
Drish ne wapas Ashk ke upar concentrate kiya aur uss se baat karne ke khyal se uski table tak gaya.... Ashk gusse me dekhti usse kahne lagi..... "Drish, mujhe koi tamasha yahan nahi chahiye, tum chup-chap yahan se chale jao, ya phir main he college se chali jati hun"
Muh latka kar bechara luta pita haalat me wapas aa gaya.... Apne mathe par hath rakh kar table par baith gaya.... "Please manpf kar do Ashk, mujhe kuch sujha nahi tha uss waqt, aur main iss baat ki seriousness samajh nahi paya ab kitna tarpaogi, please baat bhi kar lo"
"Kya hua mere devdas, aise muh latka kar kyon baitha hai"..... Saurav pichhe se kandhe par hath rakhta hua Drish se kahne laga...
Pappu.... Bhabhi naraj hai, isliye bhai ka muh utra hai.
Saurav..... Ab tu kaun hai be...
Appu.... Mujhe be kahta hai, yadi tu bhai ka dost na hota to ye rampuri pura ander ghuser deta.... (Appu table par chaku rakhte bola)"
"Hey handsome, kya hua gf se break up ho gaya kya, jo devdas bane ho".... Teeno ko Purvi ne bhi join kiya.
Saurav, Purvi ko ek tak niharte huye kahne laga..... "Hello georgious"
Purvi..... Ohhh ! Thanks, I am Purvi.....
"Main Appu" ... "Main Saurav" .... Dono lagbhag ek sath bole.....
Purvi...... Ye tumhara dost itni gahri chinta me kyon khoya hai....
Appu..... Bhabhi naraj hai, isliye bhai udas hai....
Saurav..... Unhe jane do Purvi, they are loving couple, ek do din me fir se sath me honge.... Why don't you concentrate me.
Appu.... Oye tu apna naak mat ghuser bich me, warna ye rampuri tujh me ghuser dunga.... Purvi sirf mujh par dhyan degi, aur kisi par nahi....
Purvi.... Dono pagal ho kya, main yahan sirf iss handsome ke liye baithi hun.
Appu.... Bhai ke pass pahle se bhabhi hai, yahan koi chance nahi, main pura khali hun.
Saurav..... Kya pakata hai ye, Purvi iss sadak chaap se baat karne se achha hai kahin atmhatya kar lena.
Appu.... Sale ladki ke samne hoshiyari karta hai, ruk tujhe main abhi batata hun......
Appu apna baat kahte-kahte Saurav ka collor pakar liya. Ab Saurav bhi kahan pichhe rahne wala tha, wo bhi Appu ka collor pakar liya.....
"Aaj tujhe main jaan se maar dunga" ..... "Sale tu to gaya"..... "Tu-tu main-main" hone lagi, Purvi dono ke bich ke ladai dekh kar aaram se apne coffee ko enjoy karne lagi.
"Shant ho jao dono" .... Drish chillate huye kahne laga.... Par uski sunta kaun hai... Baat to ab ladki ko impress karne aur ek dusre ko nicha dikhane ki thi.... "Tu-tu, main-main", jari raha... Itne me Ashk uske table par pahunchi aur khinch kar ek tamacha Saurav ko laga di.
Saurav gal pakar kar shant ho gaya..... "Pagal mujhe kyon chchipka di"
Ashk..... Kyonki tum mere dost ho aur tum par he haq hai. Koi jaroorat nahi in jahilon ke bich baithne ki, chalo yahan se.....
Saurav, chup-chap Ashk ke sath chal diya. Ashk ke tevar dekh kar Appu ke muh se nikal gaya ..... "Kya solid jodi hai bhaiyya, bilkul gun aur bullet ki".
Purvi..... Hey hendsome, jo tumhare pichhe hai usse dekhte nahi, aur jo bhaw nahi deti uske pichhe pare ho.
Drish.... Dekho mujhe akela chhor do. Mujhe jaroorat nahi kisi ke salaah ki.
Appu..... Purvi, main bhi to tumhare pichhe para hun, tum bhi to mujhe bhaw nahi de rahi....
Purvi.... Ohhh ! Aisa hai kya. Thik hai jo bhi tumhara naam hai... Appu ya Chappu... Tum jaise abhi uss ladke se lare the, thik waise he iss se laro to main sayad impress ho jaun tum se...
Purvi bari adaa se Drish ke balon ko sahlati Appu se kahne lagi.... Drish ka naam sun kar Appu bolne laga..... "Hata sawan ki ghata, tu bhai-bhai me darrar paida karwana chahti hai"....
Drish..... Koi mere pichhe aaya to main usse jaan se maar dunga. Hato tum sab mere pass se.... Ek to main apni paresaniyon se paresan hun, upar se tum sab mere sir par baith kar kawn-kawn kar rahe ho... Dur hato mujh se....
Idhar ... Saurav, Joya aur Ashk.....
Saurav.... Ashk, kyon uss bechare ko paresan kar rahi hai... Abhi to thik se pyar bhi shuru nahi hua aur ladai pahle shuru kar diye.
Ashk, Saurav ka gala pakrti kahne lagi..... "Na mujhe uss se pyar hai, na he nafrat... Bloody hell, he is nothing for me".
Joya.... Uska gala to chhor de, tum ab Saurav par kyon gussa nikal rahi ho...
Saurav.... Sach me tu jungli hai Ashk. Ab jarra hum dono ko batayegi hua kya hai.....
Ashk.... Hua kya hai... Mujh se puchh rahe hai hua kya hai... Yaad nahi jaise kal ka class, itna bara hungama hua tha. Kal wo Rachna sach kah rahi thi.... Usse bhari class me chum liya tha... Wo bhi lip kiss.... Aaaaahhhhhhhhhh ! Ab bhi kuch jan'na hai .....
Ek he sound effect aaya ..... "Kya-kya-kya" ..... Aur kal jaise Ashk ko shocked laga tha waise he aaj Joya aur Saurav ko laga.
Join Our
Discord Server
For Daily Updates
