Fantasy CHAMATKAR (Completed)

[anandsngh12]

UPDATE- 98 (B)


Adirishi ashram se nikalte samay sabhi shisyo se gale mila…..damnak rishi bhi usse aa kar rundhe kanth se mile aur apne dwara kiye gaye kunthit vyavhar ke liye adii se kshama mangi kyon ki gurudev ne unko sach se avgat kara diya tha…..adii ne unhe kshama kar diya.

Jate samay raste me use radha apni ashru poorit ankhe liye khadi mili….radha ko dekhte hi adii ne apni dono baanhe phaila di….radha kisi pagal hirni ki bhanti doudte huye adii ki chhati se simat gayi.

Radha (rote huye)—mujhe chhod kar mat jao…..jab vapis hi jana tha to mere mann mandir me prem ka deepak jalaya hi kyo tha…? ab main apke bina nahi jee paungi…mujhe bhi apne sath le chalo.

Adirishi—pagli main kaha ja raha hu tujhe chhod kar….? Main to ja hi raha hu vapis aane ke liye….jaldi hi main apni iss dulhan ko lene vapis loutunga.

Badi mushkil se adii ne radha ko samjha bujha kar shant kiya…..jane se pahle usne radha ke komal adhro par apne prem ki mohar laga di aur usse jaldi loutne ka vada kar ke dharti lok ke liye nikal pada.

Ab Aage……

Margret aur baki dost india pahuch kar sidhe anand ko call kiya...anand ne unhe lene ke liye driver ko bhej kar pick karwa liya....margret ki mansik halat dekh kar aur uske bare me sun kar sab ko dukh hua.

Kintu jab sabhi dosto ko adii ke jivit hone ki baat pata chali to vo sab chounk gaye…unhe gahra jhatka laga…sath hi unhone margret ko shukriya kiya kyon ki aaj uski hi vajah se unhe ye good news mili thi.

Lekin sab ko urmila ke come me hona ka behad dukh tha…ab to vo sab kewal ish pratiksha me the ki kab unka adii vapis ayega….?

Ab vo shree se milna chahte the lekin vo to abhi bhi adii ke kamre me khud ko band kar ke uski tasveer ko apne seene se lagaye roye ja rahi thi.

Sabhi usse milna chahte the….lekin agni ne sabhi ko iss samay usse akela hi chhodne ke liye kaha aur kisi ko uss kamre me jane se rok diya.

Franklin—ye shree ko kya ho gaya hai….? Hame bhi to milne do usse

Agni—aap sab kuch samay intazar kijiye…didi khud hi jab kamre se bahar ayengi to mil lena tab tak koi bhi iss kamre me nahi jayega aur na hi unhe disturb karega.

Pari lok ki halat me ab kafi sudhar tha ….ab vaha andhere ki bajaye roshni ka samrajya tha, shayad ye rajnandini ke shubh kadam pari lok me padne ki vajah se hi sambhav hua tha….kintu sonalika ki halat ab bhi pahle jaise hi thi….

Maharaj aur maharani ne rajguru se apni putri ke swasthya labh ki akanksha se kayi bar anurodh kiya to unhone ye kah kar iss baat ko taal diya ki abhi uske karmo ki saza samapt nahi huyi hai aur waqt aane par sab theek ho jayega tak tak pratiksha kare….sonalika ko ab kshama karne ya na karne ka adhikar kewal rajrani rajnandini ko hai.

Vahi maine apne ghar loutne se pahle apne dost munish se milne gaya…vo bhi mujhse mil kar behad khush hua… maine priyamvada se bhi jaldi vapis aane ka vada kiya..halanki vo bhi mere sath hi aana chahti thi lekin maine usko kuch din aur intazar karne ko kaha.

Priyamvada se milne ke baad main apni sarjami apne vatan lout aaya….yaha ki jamin par kadam rakhte hi maine dharti maa ko naman kiya aur sarva pratham kanak rishi ke ashram me gaya.

Kanak rishi uss samay dhyan me baithe huye the…mere vaha pahuchte hi maine unko pranam kiya to unhone mushkurate huye apni ankhe khol di.

Adii—pranam munivar

Kanak—tumhara kalyan ho putra

Adii—aapne mujhe nav jeevan pradan kiya hai munivar..atah ab mujhe aage kya karna chahiye kripya aap hi mera marg prashast kare.

Kanak—tumhare inn vinamra vachno ne hamara mann moh liya hai vats…tumhe iss samay kayi avashyak karya karne hain, jinke liye tumhara ye jeevan bana hai…..vaise to tumhara marg darshan samay samay par tumhare guru ashtavakra aur vishwamitra ji karte hi rahenge tathapi avashyakta padne par main bhi sada tatpar rahunga.

Adii—to phir mere liye kya agya hai….?

Kanak—putra tumhare sawalo ke jawab khud ashtavakra ji hi de to behtar hai karan vo tumhare guru hain.

Maine ankhe band kar ke dhyan me guru ashtavakra ko yaad kiya to prakat ho gaye….maine unhe pranam karne ke uparant apna prashna unke sammukh rakh diya.

Adii—pranam gurudev

Ashtavakra—tumhara kalyan ho putra

Adii—apka varad hast jiske sir par hoga uska kalyan hona to nishchit hi hai….mera bhi aaj tak kalyan hi kiya hai aap ne.

Ashtavakra (haste huye)—kaho vats…kaise yaad kiya mujhe….?

Adii—mere liye kya nirdesh hai gurudev….?

Ashtavakra—putra ye jeevan tumhara hai, ataiv har karm ka dayitva bhi tumhara hi hai….phir bhi main itna hi kahunga ki kisi ko tumhari avashyakta hai….shaktiya tumhare paas hain..jan kalyan karne ke liye…jao aur apne kartavya path par aage badho…..mera ashirwad hamesha tumhare sath hai.

Ashtavakra ke antardhyan hote hi meri ankho ke samne dhyan mudra me rahte huye hi shree ke khate me phanse hone ka drishya ghumne laga aur iske sath hi mera dhyan bhi toot gaya.

Maine kanak rishi ko pranam kar ke himalaya ki uss gufa ki oor badh gaya….jaha shree iss samay moujud thi…udhar shree ne jaise hi kisi ki bhari awaz suni to vo chounk gayi.

Shree—kkkk…koun ho tummmm….?

“A….Z….G…..A…..R” phir se vahi awaz goonji vaha par.

Shree—ohhhh...to tu hai azgar..... ! achcha hua ki tu khud yaha aa gaya…..kisi ne sach hi kaha hai ki Jiski mout jaha likhi hoti hai, vo vaha pahuch hi jata hai…..aaj teri mout bhi mere hi hatho likhi hai isliye tu yaha pahuch hi gaya..

Azgar—hahahahahaaha.......tu mujhe maregi.. !…hahahahaha…azgar ko maregi…..mujhe koi nahi maar sakta.

Shree (jor se)—andhere me chhup kar kya hihihihii kar raha hai kaayar….samne aa, abhi batati hu tujhe

Aur uske baad azgar joro se haste huye shree ke samne aa gaya….shree ne to socha tha ki vo bhi ek insan hi hoga kintu jaise hi usko dekha to uske hath se chaku chhut gaya…..mann me darr aur khauf sama gaya.

Kyon ki azgar ka roop hi bahut bhayanak tha….aise roop ki to usne kabhi sapne me bhi kalpana nahi ki thi…ye to uske liye bahut badi apratyashit ghatna thi.

Azgar—bahut tadpaya tune….tu kya samajhti thi mujhse bach jayegi….hahahahaha….ab mujhse bach kar kaha jayegi..

Shree (darr se piche jate huye)—mmmm….mere paas mat aana….door hato…

Shree darte huye piche hatne lagi lekin piche khadi damdami se takra gayi…jaise hi palat ke dekhi to uski cheekh hi nikal gayi joro se…kyon ki damdami aur jhinga lala bhi apne asli roop me aa gaye the.

Shree (ghabra kar)—kkkkk…koun ho tum dono….?

Damdami—hahahaha…mujhe nahi pahchana…rajnandini…! Bhul gayi…main hi to tumhe yaha layi hu.

Shree—nahii…vo tum kaise ho sakti ho….? Uska chehra to alag tha….

Jhingalala—aur main vahi qaidi hu…ye sab jaal tumhe fasane ke liye hi to hamne bichhaya tha…rajnandini.. hahahaha

Shree—kkk…koun rajnandini….? Mera naam shree hai…rajnandini nahi…tum logo ko jarur dhokha hua hai

Azgar—dhokha to aaj tak tum hame deti aayi ho rajnandini….lekin ab nahi…vaise ab bhi waqt hai..maan lo meri baat…main tumhe apni rani bana kar rakhunga….warna rakhail ban ke rahna padega meri…hahahaha

Shree—nahiii…main kitni baar kahu ki main shree hu.shree hu….rajnandini nahi hu….main usko janti bhi nahi

Azgar dhire dhire shree ki taraf badhane laga aur shree darte huye vaha se bhagne ki koshish karne lagi lekin tabhi unke samne kilwish aur jaykal aa gaye….shree ek bar phir se darr aur khauf se cheekh uthi.

Kilwish—Andhera kayam rahe….kaha tak hamse bhagogi rajnandini.

Azgar—andhera kayam rahega Kilwish…..Shaitan Jindabaddddd

Shree ab unn sabhi se charo oor se ghir chuki thi….vo mann hi mann apni bewqoofi par rone lagi ki yaha aa kar usne kitni badi galti kar di hai aur bhagwan ko madad ke liye yaad karne lagi.

Jabki azgar aur kilwish mann hi mann ye soch kar hairan aur pareshan the ki akhir rajnandini itni darri aur sahmi huyi kyo hai unko dekh kar….? Aur usne kisi ko pahchana kyo nahi….? Jabki rajnandini to kisi se darne walo me se nahi thi…aag ka gola hai vo....sadiya beet gayi lekin hum aaj tak usko pakad nahi paye…phir aaj ye itni sadharan jaisi kyo lag rahi hai….? Ya phir kahi ye adirishi ki mout ke gum me pagal to nahi ho gayi…..?

Ye sabhi prashna unn sabhi ke dimag me chahal kadmi kar rahe the….shree ab poori tarah se unn bhediyo ke beech me bebas ho chuki thi.

Shree (rote huye)—ddd…dekho chahe to mujhe jaan se maar do….lekin mere paas mat aana….adiiiiiiiii.

Vo apne aap ko khatam karne ke liye sath me laya hua chaku dekhne lagi lekin vo to uski pahuch se kafi door gira hua tha…..tab tak damdami aur jhingalala ne usko pakad liya.

Shree (chillate huye)—chhodo..mujhe…..adiiiiiiii

Kilwish—hahahahaha…..tumhe bachane ke liye ab vo jinda hi nahi hai…..hahahaha

Magar tabhi BOOMMMMM kar ke poori gufa ki chhat ud gayi….aur kisi adrishya shakti ne damdami aur jhingalala ko utha kar door phenk diya.

Achanak huye is hamle se sabhi hairan ho gaye….shree bhi chakit ho gayi….agle hi pal vahi haal jaykal ka bhi hua azgar aur kilwish charo taraf dekhne lage.

Azgar (jor se)—koun hai….kiski mout usse yaha khich layi hai…samne aa himmat hai to….?

Phir tabhi unke samne adirishi aa gaya….jise dekhte hi kilwish aur azgar to pachhad kha kar piche gir gaye….unhe vishwash nahi ho raha tha ki ye kaise ho sakta hai….? Jabki shree ne jaise hi apne samne adii ko dekha to vo khushi se cheekhte huye ro padi.

Shree (shocked)—adiiiiiiiiiii

Kilwish (hairan…mann me)—Andhera kayam rahe ki jagah ye roshni kayam rahe kaha se aa gaya….?

Azgar (mann me)—nahi ye nahi ho sakta….isko to main do baar maar chuka hu…ye jarur rajnandini ki koi maya hai..?

Adii ne shree ki taraf apni baahe phaila di…vo bhi chhoti bachchi ki tarah jor se kilkari marte huye bhag kar rote rote uski baaho me simat gayi.

Magar tabhi azgar ne uske charo taraf aag ki moti parat bana di....lekin adii ne pani ki power se usko bujha diya kilwish ne vampires ko uske charo taraf khada kar diya lekin unme se jo bhi adii ke paas aata vo unhe apni ankho se nikalne wali lal tarango se jalane laga.

Azgar—tu koun hai….? Jarur koi chhalava hai tu….? Ye le sambhal apne aap ko….hahahaha

Usne adii ke upar bade bade naago se prahar kiya....apne charo oor vishaile saanpo ko dekh shree darr gayi...lekin tabhi adi ne apni talwar ko yaad kiya aur vo turant uske hatho me apni roshni bikherte huye aa gayi.

Adi ne talwar ko jamin par jaise hi touch kiya to sabhi saanp uss roshni me jalne lage....jabki uss talwar ko dekh azgar aur kilwish dono chounk gaye.

Azgar (mann me chounk kar)—ye talwar iske paas….! Iska matlab ye adirishi hai.

Kilwish—adirishiiii

Adii ne talwar ka rukh jaise hi azgar ki oor kiya vo turant vaha se gayab ho gaya…kilwish bhi gayab ho ke bhag gaya unko bhagte dekh ye teeno bhi chupchap khisak liye.

Shree (rote huye)—tu kaha chala gaya tha..mujhe chhod ke…..itna naraz ho gaya tha…ek galti ki itni badi saza….?

Adii—main kisi se naraz nahi tha didi….main to bas apne aap se hi naraz tha…meri vajah se sab ke dil ko thes pahuchi….maine mummy ka dil dukhaya bas yahi gum tha.

Shree—tere jane ke baad tujhe pata hai ki mousi ki kya halat huyi….? Vo bechari to tere gum me aaj tak coma me hain.

Adii (shocked)—kyaaaa…mummy comaaa meee hainnnn….?

Shree (sisakte huye)—hmmmmmm

Adii—phir chalo jaldi…..vaise didi aap yaha kaise aayi..aur apke sir me ye chot kaisi…..?

Shree (sisakte huye)—vo jab chitra aur khatra ne bataya ki …(sab batate huye)…uske baad hospital me mujhe jaise hi hosh aaya to main vaha ki khidki se nikal kar bhag gayi…aur yaha a gayi ..ye soch kar ki main bhi ganga me kud kar apni jaan de dungi….lekin phir yaha aane ke baad mujhe yaad aaya ki chitra ne bataya tha ki usne kisi azgar ka naam suna tha jisne tere upar hamla kiya tha…..to maine soch liya ki marne se pahle uss azgar ko marungi, aur phir kudungi ganga me….main yaha sabse azgar ka pata puch rahi thi ki uss dhokhebaaz ladki ne jhuth bol kar mujhe yaha le aayi…..maine to socha tha ki azgar koi admi hoga lekin vo to janwar hai poora rakshas…achcha hua ki tum aa gaye warna vo aaj meri izzat…….

Adii—hmmm….to ye baat hai….khair chinta mat karo uss kamine ki mout apke hatho hi hogi

Shree—sach

Adii—hmmm

Shree (dhire se)—adii…mujhe tumse kuch kahna hai…

Adii—hmmm…kahiye

Shree (niche baith kar)—adii i love you very much……mujhe tumse shadi karni hai

Adii—chaliye ghar chalte hain…pahle mujhe mummy ko dekhna hai….iss bare me baad me baat karenge….mummy main aa raha hu…..apka beta aa raha hai…

Main jaise jaise ghar ki taraf badh raha tha meri bechaini dil me utni hi tez hoti ja rahi thi….ek dhundhla dhundhla chehra mere manas patal par har aage badhte kadam ke sath ubharta ja raha tha….na jane kya kashish thi uss chehre me ki mera dil uski ek jhalak pane ke liye machal ja raha tha.

Vahi hospital me achanak urmila joro se adii ka naam chillate huye coma se uth kar baith gayi…vahi haal megha ka bhi hua….urmila ko coma se bahar aate dekh doctor turant harkat me aa gaye aur uska treatment karne ki koshish karne lage…aur anand ko ye khush khabri batayi…agni ko chhod kar baki sabhi hospital ke liye nikal gaye … . rajnandini ko to iss samay khud ka hi hosh nahi tha…vo uss kamre me se bahar hi nahi nikli….

Urmila (cheekh kar)—adiiiiiiiiiiiiiii

Megha—rishiiiiiiiiiiii

Urmila (doctor’s se)—ye kya kar ho mujhe…chhodo…..meraaa adiiii aa raha haii….maine abhi abhi dekha …vo mujhe mummy mummy bula raha tha……door hato…mujhe apne bete ke paas jana hai…..vo subah se bhukha hai…usne kuch khaya nahi hai…..dekho…vo aa raha hai…mera beta..

Nurse—madam koi nahi aa raha hai…pls aap leti rahiye.

Urmila (daant kar)—chup kar.....tujhe kya pata.....mera adii mujhse kabhi jhuth nahi bolta....usne mujhse abhi abhi kaha hai ki mummy main aa raha hu.....chalo door chalo...mujhe adii ke paas jane do...

Megha (khushi se rote huye)—sunaaa tumne ajit.... ? mera beta aa raha hai....vo aa raha hai

Ajit—ye tumhara vaham hai megha....tum aram karo..tumhari tabiyat theek nahi hai..

Megha (bhavuk)—tum kya jano... ? tumhare paas maa ka dil nahi hai na...usne abhi mujhse kaha ki apka beta aa raha hai... haye main kaise sambhalu apne aap ko....kahi mere mere bete ko meri nazar na lag jaye...jaldi se kajal ki dibiya le aao.....main usse kala tika laga dungi....mera beta aa raha hai.....tum rahne do...main apni ankh ke kajal se hi tika laga dungi....

Dono pagalpan ki had paar kar chuki thi.....vo kisi ki baat sunne ko taiyyar hi nahi thi....aur antatah dono sabhi ko dhakka dekar tezi se hospital se bahar ki taraf bhagne lagi...doctor aur baki sab dono ko pakadne ke liye unke piche doude lage.

Dono kisi na kisi se takrate, girte padte rote paglo ki tarah badahawsh ho kar bahar bhag rahi thi....guards ne rokne ki koshish ki to dono ne unko niche gira ke aage nikal gayi....

Aalam ye ho gaya tha ki unke piche poora hospital ka staff bhi bhag raha tha....har koi dekhne wala yahi soch raha tha ki bete ke gum me dono pagal ho gayi hain...

Bheed me se koi—dono bete ki mout ke gum me pagal ho gayi hain..bechari..

Dusra—ek abhi come se bahar aate hi pagal ho gayi aur dusri to na jane kab se pagal hai..

Teesra—bhagwan ki leela aprampar hai bhai..

Uss samay kahi aas paas bahut sundar madhur geet baj raha tha....

"O...Re...Kanhaiyaaaa, Kis ko kahega tu maiyaaaa.....Kanhaiyaaa kisko kahega tu maiyaaa
Ek ne tujhko diya janam re, ek ne jeevan sanwaraaa....kanhaiyaaa kisko kahega tu maiyaaa"

Dono girte padte kisi se takra kar niche girne hi wali thi ki kisi ne unhe apni majboot bhujao me thaam liya.... vahi sab ki ankhe ashcharya aur hairat se khuli ki khuli rah gayi.

 

[anandsngh12]

UPDATE-99


Uss samay kahi aas paas bahut sundar madhur geet baj raha tha....

"O...Re...Kanhaiyaaaa, Kis ko kahega tu maiyaaaa.....Kanhaiyaaa kisko kahega tu maiyaaa
Ek ne tujhko diya janam re, ek ne jeevan sanwaraaa....kanhaiyaaa kisko kahega tu maiyaaa"

Dono girte padte kisi se takra kar niche girne hi wali thi ki kisi ne unhe apni majboot bhujao me thaam liya.... vahi sab ki ankhe ashcharya aur hairat se khuli ki khuli rah gayi.

Ab aage……

Dono bhagte huye jiski baho me ja kar giri vo unka apna hi beta adirishi tha….adii ko samne dekh kar sabhi ki ankhe hairat se khuli rah gayi….unhe apni ankho par yakin hi nahi ho raha tha.

Magar kahte hain na ki ek maa ke hriday me teesri ankh bhi hoti hai jo apni aulad ko pahchanne me dhokha nahi khati….vo apni santan ki har dukh taklif bhookh aur pyas ko bina kahe hi bhamp leti hai…aaj bhi vaisa hi kuch hua jise sab unn dono ka pagalpan kah rahe the lekin vo to unki teesri ankh ka chamatkar tha jisne apni aulad ke aane ki aahat ko koso door se hi pahchan liya tha.

Yah shakti kewal ek maa ko hi prapt hai….shayad yahi vajah hai ki bhagwan ko bhi maa ki mamta ka anand uthane ke liye baar baar dharti par janam lene ke ko vivash hona padta hai.

“Maa…” mere muh se bas itna hi nikla tha ki dono bina mera chehra dekhe hi dono taraf ke gaalo ko betahasha chumne lag gayi….dono ki ankho se jhar jhar karte huye anshuo ki ladi lagi huyi thi kintu ye khushi ke anshu the.

Urmila (rote huye)—tu aa gaya….meraa adii aa gaya….ummmm….ummm…tu kaha chala gaya tha…itna naraz ho gaya ki apni maa ko hi bhula diya……ye bhi nahi socha ki main kaise jinda rahungi….tere bin….main tere bina nahi jee sakti…tu to meri jaan hai adii…mere lal…uuummmmmm

Megha (rote huye)—mera beta aa gayaaa…..uuummmmm….kaha kaha nahi dhoonda tujhe….koi mandir, koi masjid nahi bachi jaha tere liye matha na teka ho……aisa koi pal nahi jab tujhe iss maa ke dil ne yaad na kiya ho…. Ab tujhe kahi nahi jane dungiii….apne aanchal me chhupa kar rakhungi tujhe….ummmm

Dono rote huye badbadaye ja rahi thi aur dono galo aur sir ko chumte bhi ja rahi thi…..aur main chup chap khada unko rote dekh kar bahut koshish ki lekin khud bhi apne anshuo ko bahne se nahi rok saka.

Adii (nam ankhe)—sorry maaa,..mujhse galti ho gayiii…ab main tumhe chhod kar kahi nahi jaunga…mat ro maa..dekh tumhara beta aa gaya hai.

Hum teeno ko rote dekh vaha moujud sab ki ankhe bhig gayi….unhe bhi pata nahi tha ki unki ankhe kab unhe daga de gayi….?

Maine jhuk kar dono ke pairo me gir gaya…..ek hath urmila ke pairo par to dusra megha ke pairo par….dono ne jaldi se utha ke mujhe apni chhati se chipka liya jaise koi bandar apne bachche ko chipka leta hai.

Shree ab tak andar nahi aayi thi..vo gate se hi chhup kar sab dekh rahi thi…uski bhi ankhe dawadol thi…anand aage aane me sankoch kar raha tha, megha aur ajit ke samne…..

Ajit—adii beta hum bhi to hain….dono usko chhod bhi do ab…hame bhi to mil lene do

Megha—chup raho…..abhi hamara dil nahi bhara hai

Lagbhag ek ghante tak vo mujhse aise hi lipti chumti rahi..shikayte karti rahi aur roti rahi….badi mushkil se maine unhe shant karaya…..unke kuch shant hone ke baad maine ajit aur anand ke pair chhuye…unhone bhi apne seene se kafi der tak lagaye rakha.

Anand ke seene me maine pashchatap ke dard ko bhali bhanti mahsoos kar liya tha…..vaise bhi unhe saza dene ka adhikar megha maa aur urmila maa ko hai….ek baap ka farz nibhane me unhone koi kami nahi rakhi kabhi bhi.

Iske baad main apne sabhi dosto se mila….khatra ne mere aage aa kar apne hath jode to maine usko apne gale se laga liya.

Khatra—malik aap aa gaye…? Bahut talsh kiya maine apko…?

Adii—pagle main tera malik nahi balki dost hu..samjha…aur main sab janta hu.

Chitra—adiii…mujhe maf kar do…sab kuch meri vajah se hua hai

Adii—nahi chitra…sab upar wale ki marzi hai…..vahi har kadi ko ek dusre se alag bhi karta hai aur phir milata bhi vahi hai.

Ab akhiri me bachi agni aur margret…..dono ki hi ankho me anshu the….agni ne aage badh kar mere pair chhu kar apni maang me laga liya aur maine utha kar usko apne seene se.

Agni (anshu bahate huye)—aaj meri tapasya safal ho gayi….aap ne mujhe apni iss dasi ko charno me jagah to de di.

Adii—rote nahi agni…aur tum meri dasi nahi balki meri patni ho….tumne aisa koi kaam nahi kiya jiske liye tumhe sharminda hona pade….balki gunahgar to tumhara main hu, jo tumhare prem ko pahchan nahi saka aur usse door bhagta raha hamesha…..ho sake to mujhe kshama kar dena.

Agni—aap kshama maang kar mujhe paap me mat daliye…..aap mere pati bhi hain aur mere parmeshwar bhi…. Aap se bada devta mere liye iss poore brahmand me koi dusra nahi hai.

Adii—tumhe patni ke roop me pa kar main dhanya ho gaya agni….main bhi kitna bada agyani tha jo iss heere ko nahi pahchan paya…tum sach me bahut sundar ho agni..

Agni se milne ke baad main margret ki taraf gaya….to usne apne dono hath jod liye rote huye…maine usko bhi apni baho me bhar ke samjhane laga….kyon ki main janta tha ki vo bachpan se hi mujhe bahut chahti hai…galtiya har kisi se hoti hain….maine use maaf kar diya tha bahut pahle hi…vaise bhi ab mere alawa uska tha hi koun…uske pagal hote hi uski mummy ne suicide kar li aur dad to uske pahle hi gujar gaye the.

Usko bhi samjhane bujhane ke baad maine shant kiya…phir mera dhyan shree ki oor gaya…to maine shree ko andar bulaya…..shree ko yaha dekh kar sab chounk gaye.(agni, khatra aur chitra ko chhod kar)

Adii—kya hua…? Ye shree hai..pahchana nahi kya…?

Shree—agni, margret..tum log mujhe bhool gaye kya…?

Anand (shocked)—par ye to abhi ghar me thi, tumhare room me baith kar jor jor se ro rahi thi…itna jaldi yaha kaise pahuch gayi….?

Franklin (shocked)—agar ye shree hai to phir vo koun hai jo tere room me teri photo liye ro rahi thi….?

Agni—vo…vo….Rajnandini hai

Shree (full shocked)—whatttttttttttttt…….raaajjjjjnandiniiiiiii……..? ab samjhiiiii ye baat haiiii

Sab (shocked)—rajnandiniiii…..? lekin vo to bilkul shree jaisi hai.

Itna sunte hi mere dil ki bechaini badi tezi se badhne lagi……meri ankho ke samne jhil milane wala vo dhundhla chehra dhire dhire saaf hone laga aur jaise hi vo saaf nazar aaya to meri ankho se anshu chhal chhala uthe…meri chetna mere niyantran se bahar ho gayi.

Adiii (rote huye jor se)—Rajjjnandiniiiiii

Main turant vaha se paidal hi daud pada ghar ke liye…..sab mere iss pagalpan par hairan ho gaye….kisi ko kuch samajh me nahi aa raha tha ki achanak mujhe kya ho gaya.

Urmila (jor se)—adiiiiiiii

Megha—betaaaaaaa

Agni—aaj unhe mat rokiye….ho jane dijiye do dilo ko ek aaj…..bahut intazar kiya hai rajnandini didi ne iss pal ke liye aaj unn do dilo ke beech me koi mat aaiye…meri sab se yahi vinti hai.

Ajit—akhir koun hai ye rajnandini jo hamari shree ki hamshakal hai…..?

Agni—Rajnandini vo hai jiske pyar ne inhe dubara jindagi di…….rajnandini vo hai jisne apne vishwash ke anshuo se kabhi inki dhadkan ko band nahi hone diya…..rajnandini vo hai jiski vajah se inki saanse chalti hain…rajnandini unka pahla pyar hai….hazaro saal sadiyo purana pyar hai ye…..hazaro saal se vo iss pal ka intazar hi kar rahi hain…

Sab (shocked)—kyaaa kahaaaa….hazaro saallllll….?

Khatra—hmmmm….yahi sach hai.

Urmila—jaldi mere bete ke paas mujhe le chalo…mujhe kuch nahi sunna…mujhe adii ke paas jana hai

Anand—hmmm chalo jaldi

Main bilkul badhawash ho kar road par bhage ja raha tha…bas bhage ja raha tha…..na to mujhe road par aane jane wale vahan dikhayi de rahe the aur na hi beech sadak me lage huye electric pole….kabhi kisi ki gadi se takrata to kabhi kisi pole se…mujhe kisi ki awaz tak sunayi nahi de rahi thi iss samay.

Agar mujhe nazar aa raha tha to vo tha kewal rajnandini ka anshuo me bhiga hua chehra…..main jald se jald uske paas pahuchna chahta tha….doudte huye main raste me na jane kis kis se bhidta raha….aise hi bhagte huye phir kisi se bhid ke niche gir gaya lekin phir se uth kar bhagne laga…mujhe iss baat ka hosh hi nahi tha ki main abhi jisse takraya tha vo mujhe jor jor se awaz lagaye ja raha tha.

Ye koi aur nahi balki chuttad tha jisse main takra kar gira tha…..mujhe dekhte hi vo hairan rah gaya….lekin mujhe to kuch dikhayi aur sunayi de hi nahi raha tha..to main bhag kar aage nikal gaya.

Chuttad (chillate huye)—rishiiiiiiiii……ruk ja rishiiiiiiiiii….rishiiiiiiii

Aur mere piche piche chuttad bhi chillate huye doud pada….baki teeno dost jo paas ke tapre me chaay pi rahe the…jaise hi unhone chuttad ko rishi..rishi kah ke chillate aur bhagte dekha to vo bhi chaay phenk kar doud pade chuttad ke piche.

Vahi market me yaha vaha saroj aur deepa charo ki talash me bhatak rahi thi ki tabhi murugan ki nazar bhagte huye chuttad par pad gayi.

Murugan (jor se)—vo…raha….chuttad…..kahi se muh kala kar ke bhag raha hai…..teeno bhi hain piche piche….

Saroj (shocked)—kaha..kidhar…? are haann…sahi hai….chal deepa bhag inke piche..aaj pakadte hain inko.

Deepa—sahi kaha…chalo bhago jaldi se

Murugan--Lagta hai pakka kisi ka R*PE kar ke bhag rahe honge…piche jarur police lagi hogi…mujhe chhod do.. nahi to mujhe bhi police pakad legi.

Deepa (bhagte huye)—arey chup....tujhe kyo police pakdegi….tu parrot hai koi admi nahi hai samjha….?

Murugan—arey tum nahi janti….ye India hai…..agar pakda gaya to bees saal to mujhe yahi sabit karne me lag jayenge ki main admi nahi tota hu.

Jabki udhar rajnandini abhi bhi meri tasveer liye roye ja rahi thi…kabhi usko chumti to kabhi seene se laga leti to kabhi kuch badbadane lagti.

"Tere Libas Se Mohabbat Ki Hai, Tere Ehsaas Se Mohabbat Ki Hai
Tu Mere Paas Nahi Hai Phir Bhi, Maine Teri Yaad Se Mohabbat Ki Hai

Kabhi Tune Bhi Mujhe Yaad Kiya Hoga, Maine Unn Lamho Se Mohabbat Ki Hai
Jinme Ho Sirf Teri Aur Meri Baate, Maine Unn Alfaaz Se Mohabbat Ki Hai

Jo Mahakte Ho Teri Mohabbat Se, Maine Unn Jazbaat Se Mohabbat Ki Hai
Tumse Milna To Ab Ek Khwab Sa Lagta Hai, Isliye Maine Tere Intazar Se Mohabbat Ki Hai"

Aur achanak tabhi jor se darwaja khula aur phir………

 

[anandsngh12]

UPDATE * 100


Jabki udhar rajnandini abhi bhi meri tasveer liye roye ja rahi thi…kabhi usko chumti to kabhi seene se laga leti to kabhi kuch badbadane lagti.

"Tere Libas Se Mohabbat Ki Hai, Tere Ehsaas Se Mohabbat Ki Hai
Tu Mere Paas Nahi Hai Phir Bhi, Maine Teri Yaad Se Mohabbat Ki Hai
Kabhi Tune Bhi Mujhe Yaad Kiya Hoga, Maine Unn Lamho Se Mohabbat Ki Hai
Jinme Ho Sirf Teri Aur Meri Baate, Maine Unn Alfaaz Se Mohabbat Ki Hai
Jo Mahakte Ho Teri Mohabbat Se, Maine Unn Jazbaat Se Mohabbat Ki Hai
Tumse Milna To Ab Ek Khwab Sa Lagta Hai, Isliye Maine Tere Intazar Se Mohabbat Ki Hai"

Aur achanak tabhi jor se darwaja khula aur phir………

Ab aage.....

"Pa hi lete tumko Agar, aati hame bhi adaye…Chahte hain tumhe kitna, ye bhi jatana nahi aata
Yaade to bas yaade hain, ye rukti nahi chahne se.....pyar me tumhare deewanapan, chhupana nahi aata
Ab koi kahe hame nadan, to hairat nahi hoti....pyar to bas pyar hai isse bhulana nahi aata.”

Rajnandini achanak chounk kar palat gayi….aur phir uski ankho ne jo dekha to uski dil ki dhadkan bahut tezi chalne lagi….lekin uss par usko yakin nahi hua ki uska rishi darwaje par ghtno ke bal apni dono baahe phailaye baitha hai.. to usne apni ankho ke bahte pani ko pocha aur jab phir se samne dekha to rishi vahi baahe phailaye baitha tha….

Ye ehsaas hote hi apni subh budh kho kar tezi se chillate huye uth kar bhagi uski taraf lekin tabhi uska pir kisi cheez se takraya aur vo chillate huye niche girne lagi.

Rajnandini (chillate huye)—rishiiiiiiiiiiiii

Lekin isse pahle ki vo niche gir pati….rishi turant phisalte huye uske niche aa gaya aur rajnandini sidhe uski baho me ja giri….rajnandini ne jaise hi ankhe khol kar dekha to khud hi rishi ki balistha bhujao me simte dekh kar bilakh bilakh kar rone lagi….dono ki ankho me anshu the…dono ke dil ki dhadkan tez chal rahi thi.

Rajnandini (rote huye)—mujhe chhod kar kaha chalte gaye the….? Mujhe akele apni yaado me tadapti chhod kar jaldi loutne ka vada kar ke bhi nahi aaye aur main tumhare intazar me pal pal tadapti rahi, na jee sakti thi aur na hi marr sakti thi…tumne aane ka vada jo kiya tha….kyo kiya tumne aisa….?

Rishi (rote huye)—main to khud paglo ki tarah bhatak raha tha, tumhare bina…..nujhe kabhi chain nahi mila… hamesha tumhare bagair main adhura hi raha….main tumhara apradhi hu nandini…mujhe maaf kar do

Idhar ye dono ro rahe the to vahi sabhi vaha pahuch kar ek dusre ko aise dekh kar hairan aur chakit the…sadme jaisi unki halat ho gayi thi….vo kabhi rajnandini ko to kabhi shree ko dekh dekh kar hairan the ki ye kaisa chamatkar hai…..?

Vahi shree bhi gahre sadme me thi….aaj usko apna pyar apne se bahut door jata hua dikhayi de raha tha…uska dil kaanch ke shishe ki tarah toot gaya tha ki adii usko nahi balki uske jaisi kisi aur ko bahut pyar karta hai…vahi sabse bada ashcharya to sab ko agni ki iss baat se ho raha tha ki rajnandini aur adii ka pyar sadiyo purana hai ..?

Unko kya koi bhi aisi baato par vishwash nahi karega ki aaj ke science ke aadhunik yug me aisa hona bhi sambhav hai…? Dono ko aise ek dusre se lipat kar vilap karte dekh sabhi ki ankhe chhalak rahi thi.

Vo sabhi dono ke paas jana chahte the magar agni ne sab ko dono ke paas jane se rok diya….vah iss samay sadiyo ke bichhde dono premiyo ke prem milap me kisi ko badhak nahi banne dena chahti thi.

Urmila (sisakte huye)—ye kaisa chamatkar hai….? Main aaj tak apne bete ko samajh hi nahi payi.

Anand—samajh to ham me se koi bhi nahi paya kabhi usko.

Franklin—lekin ye kaise sambhav hai….?

Daniel—haa…koi sadiyo tak kaise intazar kar sakta hai….?

Juliya—dharti ke alawa kisi aur grah me bhi jeevan hai, iss baat ka pata to aaj tak science bhi nahi laga payi… ye kaise possible hai…?

“Ye satya hai….jis tarah se suraj aur chaand ka hona satya hai…vaise hi ye bhi satya hai ki inn dono ka prem sadiyo purana hai.” Piche khade chuttad ne unke prashn ka jawab diya.

Ajit—tum log koun ho…? Aur ye kaise kah sakte ho ki ye satya hai, jaise ki tum khud iske gawah ho…?

Pangu—haa….hum iss baat ke pratyaksh gawah hain…vo dono hamare bhi dost hain, sadiyo se aur hum bhi ussi grah se apne dost ki talash me yaha aaye hain.

Pangu ki iss baat se sabhi chounk gaye….sabse jyada chounkne ki bari saroj aur deepa ki thi….vo dono shocked ho kar charo ko dekhne lagi.

Chuttad—aise mat dekho…ye satya hai.

Megha—hame poori baat batao.

Nangu—theek hai agar aap sab janna hi chahte hain to suno inn dono ki prem kahani…..

Idhar nangu ne rajnandini aur rishi ki prem kahani batane ja raha tha udhar dono janam janmantar ke yugal premi ek dusre ke dil ko samajhne aur samjhane me vyast the…lekin dono hi ek dusre ko samjha pane me asmarth the.

Antatah dono ke tadapte hoth ek dusre se ja mile aur jaise hi dono ke hotho ne ek dusre ko touch kiya vaise hi roshni ke ek vishal ghere ne dono ko apne kabze me le liya….roshni ke phailte hi adi aur rishi ki ruh ek ho gayi aur ek bar phir se janam ho gaya adirishi ka…adi aur rishi ki yaade ek ho gayi…ek hote hi rajnandini aur adirishi apni yaado ke safar me doobne lage…..

Vahi iss roshni ko dekh kar sabhi ki ankhe phati ki phati rah gayi…..ye unn sab ke liye kisi kalpana se pare chamatkar tha…roshni itni tez ho chuki thi ki sab ko apni ankhe band karni pad gayi…

Shree (ankhe band kar ke)—ye kaisa chamatkar…kaisi roshni hai….?

Sab (shocked)—iss roshni ka kya matlab hai….?

Chuttad—ye to hum bhi nahi jante ki iss roshni ka kya matlab hai…?

Agni—aaj rajnandini ke sampark me aane se do ruh aur unki samast yaade ek ho gayi hain…ye roshni uss baat ka hi praman hai.

Sab—hame dono ke vishay me batao..

Pangu—to suniye…

Flashback Start

Brahmand me kayi galaxies hain jinke bare me koi nahi janta….jane kitne hi rahasya chhipe huye hain jinke baare me pata laga pana namumkin jaisa hi hai….aise hi iss brahmand me ek galaxy hai ATLAS…uss galaxy me bhi kayi grah hain…unme se bahut se graho me bhi jeevan hai.

Yaha ki dharti ki tarah hi vaha bhi ek dharti (Earth 2) hai..halanki uss grah ka naam ALPHA hai.…jaha ke rahne walo ka jeevan bilkul iss earth se kafi had tak milta julta hai….lekin vaha ka science aur technology yaha ki tulna me adhik viksit hai.

Uss grah me ek bahut bada gaon hai Tabhka Koeeli…dusre .gaon ke bahar bane ek ashram me vidwan rishi Kakshivaan rahte the..vo patyek prakar ke shastra aur ved me nipun the.

Tabhka Koeeli gaon me unke hi saman aur rishi the jinka naam Priyamedh tha…vo bhi kakshivaan ki tarah hi ved vedangat me pravin the…aas paas ke sabhi gaon me priyamedh ka kafi naam tha.

Har sikke ke do pahlu hote hain….jaha ek taraf achchayi hoti hai, vaha sath me burayi bhi avashya ho ti hai… roshni aur andhere ka aapas me choli daaman ka sath hai.

Jaha ek oor kakshivaan aur priyamedh jaise dharma parayan vidwan the to vahi azgar aur kilwish jaise achchayi ke dushman aur shaitan bhi moujud the….jinka ek matra uddeshya duniya me darr aur khauf phaila kar paap aur andhere ka samrajya sthapit karna tha….dono ke paas shaitani shaktiyo ka prachur bhandar tha.

Iss uddeshya ki purti ke liye azgar ne apne eesta devta ki kathor tapasya prarambh kar di….varsh par varsh gujarte rahe aur uski tapasya gujarte samay ke sath aur bhi kathor hoti chali gayi.

Udhar Jab kakshivaan ne priyamedh ke vishay me suna to unke mann me unse milne ki abhilasha jagi to vah priyamedh se milne unke ashram chale gaye….kakshivaan ke ashram me pahuchte hi rishi priyamedh ne unka khoob aadar satkar kiya…dono kafi samay tak tak vibhinn vishayo par apne vicharo ka adan pradan karte rahe.

Iske pashchat jab kabhi bhi rishi kakshivaan, rishi priyamedh se milne unke ashram me aate to dono ke beech bahut lambi shastrarth chalti….kafi tark vitark hota rahta unn dono ke beech me…ab koi kisi se kam to tha nahi isliye unke tark vitark ka koi natiza nahi nikalta tha.

Ussi tarah uss din bhi rishi kakshivaan aur priyamedh me bahut tark vitark chal raha tha…dono ek dusre se shastra aur ved se jude prashna puchte aur ek dusre prashno ke uttar dete…haar manne ko koi taiyar hi nahi tha…akhir me rishi kakshivaan ne ek aisa paheli puch liya jisne priyamedh ko uljha diya.

Kakshivaan—aisi koun si cheez hai jisko jalane par bilkul bhi matlab jara si bhi roshni paida na ho….?

Priyamedh ne bahut soch vichar kiya parantu vo iss paheli ka uttar de pane me asmarth rahe...jis kisi bhi cheez ke baare me vichar karte, to unhe lagta ki vah thodi si sahi parantu roshni to uttapann karta hai ....paheli ka uttar khojne ke udhedbun me unki zindagi beet gayi....lekin vo iss paheli ka jawab nahi dhoond paye.

Jab priyamedh ka ant samay nazdeek aaya to unhone sandesh bhijwa kar kakshivaan rishi ko bulwaya….kakshivaan sandesh milte hi unke paas milne aa gaye.

Priyamedh—rishi kakshivaan ji main apki paheli ka uttar dhoond pane me samarth nahi ho paya, lekin mujhe poora vishwash hai ki bhavishya me mere vansh me aisa vidwan jarur janam lega jo apke iss prashna ka uttar de payega.

Priyamedh ki mrityu ke pashchat unke putra ne iss prashna ke uttar ka jimma liya parantu vah iss prashna ka uttar dhoond pane me asmarth raha aur ek din uski bhi mrityu ho gayi....iss ke baad kakshivaan ke uss prashna ke uttar ko dhoondne me priyamedh ki kayi pidhiya gujarti gayi.

Iss tarah se priyamedh ki aath pidhiya kakshivaan ke prashna ka uttar nahi pa saki...sabhi uttar khojte khojte swarg ko prapt ho gaye...lekin kakshivan apni paheli ka jawab pane ke liye jinda rahe.

Kakshivaan ke paas ek newle ke chamde se bani thaili thi, jisme kuch chawal bhare the...pratyek varsh me vo usme se ek ek dana chawal ka nikal kar phenk dete the....jab tak uss thaili ke saare chawal khatam na ho jaye, tab tak ka unhe jeevan prapt tha.

Kayi varsho ki kathor tapasya ke parinam swaroop azgar ki tapasya safal huyi….uske eesta devta ne uske samne prakat ho kar vardan mangane ko kaha.

Eesta dev—azgar ankhe kholo...hum tumhari tapasya se bahut khush hain....vardan maango vats.

Azgar—mujhe amar hone ka vardan chahiye...mujhe koi bhi na maar sake.

Eesta dev—main ye vardan nahi de sakta...tum amarta ko chhod kar koi dusra vardan maango.

Azgar—agar aap mujhe amar hone ka vardan nahi de sakte to theek hai....phir mujhe aise kayi kawach dijiye jinke karan main abhedya aur surakshit rahu..mere sharir me ek bhi kawach ke hote huye koi mujhe maar na sake...koi maha parakrami aur satyavadi jisne kabhi koi paap na kiya ho kewal vahi mere kawach ko tod sake, lekin ek bhi kawach todte hi uski mrityu ho jaye....meri mrityu sirf ussi maha parakrami ke hatho se ho jo mera kawach todne ke baad apni hi sagi putri se vivah karne ke baad usse santan paida kiya ho.

Eesta dev (kuch der sochne ke baad)—theek hai....aisa hi hoga.....main tumhe teen kawach pradan karta hu aur vardan deta hu ki jab tak tumhare sharir par ek bhi kawach shesh hai, tab tak koi tumhe nahi maar sakta..jo bhi tumhara kawach todega uski tatkal mrityu ho jayegi....tathastu

Ye vardan milte hi azgar to jaise khushi se pagal ho gaya...usne charo taraf atyachar aur paap ki satta ko badhane laga...kya stri aur kya purush, sab uske julm ke shikar hone lage.

Azgar—hahahaha......ab main amar ho gaya....kyon ki jo satyavadi aur dharma par chalne wala hoga vo apni hi beti se shadi kar ke sambhog nahi karega aur agar usne aisa kiya to paap ka bhagi ho jayega... lekin jab vo kawach todne ke baad jinda hi nahi rahega to apni beti se shadi kaise karega... ? hahahahahaha....eesta dev ko badhiya bewqoof banaya maine....ab mujhe koi nahi maar sakta....hahahahahaha

Vardan ke nashe me chur azgar har kisi par atyachar karne laga...jaha bhi koi pooja path karte dikh jata to unko utha kar ussi agni kund me phenk deta...striyo aur jawan ladkiyo ko uske sainik jabran ghar se sab ke samne nagn kar ke ghasit le jate aur raat din unka shosan karte rahte...unse paida hone wali santane bhi paap ke marg par chalne wali hoti..aise hi azgar ki kali sena badhti chali gayi....logo ne apne apne gharo se bahar nikalna tak band kar diya tha uske darr se.

Vahi dusri taraf priyamedh ki nauvi (9th) pidhi me ek balak ka janam hua...jiske sharir me adbhut tez tha..ussi gaon ke ek vidwan brahman ke hatho naam karan ke pashchat uss balak ka naam rakha gaya..Adiirishi

Uss vidwan brahman ke ghar uss din hi ek bahut hi sundar kanya ne janam liya...jiska naam rakha gaya..Rajnandini

 

[anandsngh12]

CHAMATKAR
UPDATE- 101
FLASHBACK CONTINUES......

Vardan ke nashe me chur azgar har kisi par atyachar karne laga...jaha bhi koi pooja path karte dikh jata to unko utha kar ussi agni kund me phenk deta...striyo aur jawan ladkiyo ko uske sainik jabran ghar se sab ke samne nagn kar ke ghasit le jate aur raat din unka shosan karte rahte...unse paida hone wali santane bhi paap ke marg par chalne wali hoti..aise hi azgar ki kali sena badhti chali gayi....logo ne apne apne gharo se bahar nikalna tak band kar diya tha uske darr se.

Vahi dusri taraf priyamedh ki nauvi (9th) pidhi me ek balak ka janam hua...jiske sharir me adbhut tez tha..ussi gaon ke ek vidwan brahman ke hatho naam karan ke pashchat uss balak ka naam rakha gaya..Adiirishi

Uss vidwan brahman ke ghar uss din hi ek bahut hi sundar kanya ne janam liya...jiska naam rakha gaya..Rajnandini

Ab aage......

Adirishi ke mata pita sukhdev aur aprajita dono hi bade dharmik vicharo wale vyakti the....adirishi ko apne pariwar se hi dharm aur sanskaro ki shiksha apne mata pita se milti rahi samay samay par.

Adirishi jaise jaise bada hone laga uski gyan ke kshetra me vidwata sabke samne aane lagi....har baat me vo sabse aage rahta tha...phir chahe vo gyan ki baate ho ya phir koi aur vishay....uski ruchi yuddh kala me bhi thi.

Uske char dost bhi ban gaye the....chuttad, gangu, pangu aur nangu...halanki inke naam to kuch aur hi the lekin adirishi inhe yahi naam se bulata tha....uski dekha dekhi sabhi ke juban par ye naam famous ho gaye.

Udhar azgar aur kilwish ka aatank sir chadh ke bol raha tha.....jo ki din prati din badhta hi ja raha tha....isme uska bharpoor sahyogi ban gaye the tantrik kapali aur naravali.

Kapali aur naravali dono hi kali shaktiyo ke upasak the.....dono ne kayi tarah ki shaktishali siddhiya hasil kar li thi jinke dum par vo kilwish aur azgar ke kale samrajya ko din duna raat chouguna badha rahe the.

Priyamedh ki ab tak ki sabhi pidhiyo me adirishi hi aisa tha jiski ruchi gyan ke sath sath yuddh vidhya me bhi thi... kintu usko yuddh kala ki shiksha dene wala vaha koi nahi tha.

Vahi dusri taraf rajnandini bhi badi hone lagi dhire dhire.....jaise jaise vo badi hoti ja rahi thi vaise vaise uska roop soundarya bhi chandrama ki kalao ki tarah aur bhi nikharta ja raha tha.

Rajnandini me ek avgun jarur tha ki usko gussa bahut aata tha bachpan se hi....apni saheliyo me bhi agar koi uski baat manne se inkar kar deti ya galat thahra deti to vo gussa ho ke unko thok peet deti thi....chahe phir uski baat galat hi kyo na ho agar kisi saheli ne ye aur kisi ne kah diya ki aisa nahi hai to phir samajho ki uski shamat aa gayi.

Uske pita vidhyadhar poore gaon ke purohit the...isliye unka behad maan samman tha....pooja path kane ke baad vo poora din ved aur purano ke adhyayan me hi leen rahte the...uski maa shakuntala ek grahini thi....uske pita rajnandini ko bhi ladai jhagda na karne ki salah dete rahte the....unke samne to vo haa kah deti thi lekin jaise hi koi uski baato ko galat thahrata to bhool jati sab kuch aur ladna chalu.

Lekin aisa nahi tha ki usko sirf ladna hi aata tha....vo jab bhi free hoti to koi na koi dharmik kitab padhti rahti thi... uske mann me sabse prabhav dala tha durga maha puran ne....uska saatva aur aathva adhyay jo ki mata mahakali par adharit hai....usse vo behad prabhavit thi aur ye do chapter usko bahut pasand the...shayad kyon ki isme mahakali ne maar kaat kuch jyada hi ki thi..chand, mund aur rakta beez ka vadh karte samay.

Inn dono chapters ne uske mann me itna asar dala ki vo mann hi mann mahakali ko hi apni guru manne lagi... aur jab bhi kahi akeli hoti to vo unka dhyan karte huye astra shastra ka akele hi abhyas karne lagti.

Samay gujarta raha aur iss douran adirishi aur rajnandini dono kab bachpan se jawani ki dahleez par aa gaye unhe khud bhi pata nahi chala....

Jawan hone ke sath hi rajnandini ki sundarta aur youvan me char chaand lag chuke the...vo jis gali se bhi gujarti, log uski ek jhalak pane ke liye ghanto uss raste par taktaki lagaye baithe rahte....magar rajnandini thi ki apne sharir par makkhi tak ko nahi baithne deti thi.

Vidhyadhar prati din pratah kaal uth kar pooja archna kar ke aas paas ke gaon me bhiksha maangne ke liye nikal jata tha....tab tak maa beti dono mil kar ghar ka sara kaam kaaz niptati thi.....tatpashchat bhojan banati thi.... nadi se pani bhar kar lane ka kaam rajnandini hi karti thi.....vidhya dhar bhiksha maang kar vapis loutne ke baad shastra adhyayan me jut jata tha....vo apni putri rajnandini se bahut prem karta tha....aur uske jawan hone ke baad uske liye usne ek suyogya var ki talash bhi shuru kar di thi.

Idhar adirishi bhi bada ho gaya tha....vo dekhne me kisi se kam nahi tha...sajila, hatta, katta, khubsurat nav jawan ho gaya tha........lekin uske jawan hone se kuch saal pahle hi uski maa ek bimari ki chapet me aa kar parlok sidhar gayi.........adirishi jab bada hua to usko ek baat chubhne lagi ki ek paheli ka uttar uski poori aath pidhiya dene me asmarth rahi aur swargvasi ho gayi, parantu uss prashna ko puchne wala ab tak jinda hai....adirishi ne nishchay kiya ki vah iss prashna ka uttar dhoond ke hi chain lega.

Kintu kisi ko kya pata tha ki iss prashna ka uttar talash karne me adirishi ki jeevan dhara hi badal jayegi.....ye prashna usko kaha se kaha pahucha dega, tab ye baat koi nahi janta tha.

Ye prashna hi hai jisne ek rishi putra ke jeevan me prem ka sagar bhar diya, to kahi gyan ka amar deep jalaya, iss prashna ne hi usko kayi shaktiya pradan ki to issi prashna ne hi usko azgar ke samne la khada kiya.

Adirishi jab bhi apne charo dosto ki pandav mandali se fursat hota to aksar nadi kinare baith kar ghanto uss prashna ke baare me hi sochta rahta lekin uska koi uttar nahi mil pa raha tha...

Aise hi ek din vo nadi ke kinare kinare chalte huye ussi paheli ke vishay me sochne me khoya hua tha... vo apni soch me itna magan tha ki usko ye abhas bhi nahi hua ki vo kab apne gaon ko paar kar ke dusre gaon me pahuch gaya hai.

Tabhi uska dhyan kuch awaz se bhang ho gaya....usne jaise hi uss awaz ki disha ki taraf apni nazare ghumayi to bas dekhta hi rah gaya.....uski ankhe to jaise palak jhapakna hi bhool gayi.

Samne nadi par rajnandini apni ek saheli champa ke sath ghade me pani bharne aayi thi....ye awaz ghade ko pani me dubone se huyi thi.....kintu uski iss awaz ki dastak adirishi ko sidhe apne dil me mahsoos huyi....pahli hi nazar me rajnandini ki sundarta ne uske mann ko moh liya.

Vahi rajnandini ne ghade me pani bhar ke jaise hi usko pani se bahar nikalne ko huyi to uski bhi nazar nadi ke dusre kinare par khade adirishi ki nazaro se takra gayi.....rajnandini ki iss ek nazar ne adirishi ka jaise sab kuch hi loot liya tha.

Vahi rajnandini ne bhi aaj pahli baar apne dil ko dhadakte huye mahsoos kiya.....uske sath aisa pahli baar hua tha... kaha vo gaon ki alhad bebak gori jo baat baat par har kisi se ladne ko taiyar rahti thi....aaj kisi ko dekh kar uske dil me ek anjani si uthal puthal paida ho gayi thi.

Champa ke awaz dene se vo jaldi hi hosh me aa gayi aur turant apni nazaro ko jhuka liya...ye bhi shayad pratham baar hi tha ki rajnandini ne aaj sharam aur laaz ke karan usne apni ankho ko jhukaya tha....champa ke awaz lagate hi vo ghada le kar uth khadi huyi aur dhire se ek baar mud ke adirishi ki taraf dekha aur phir chupchap vaha se chali gayi.

Airishi usko tab tak bina palak jhapkaye dekhta raha jab tak ki vo uski ankho se ojhal nahi ho gayi.....kuch der tak aise hi vaha khade rah kar vo uss jagah ko dekhta raha jaise ki iss jagah ko achche se apne dil aur dimag par baitha lena chahta ho....phir vapis apne ghar ki oor mud gaya.

Aaj adirishi ka mann ashant tha....kaha vo kuch pane ki khoj me nikla tha ghar se aur kaha jab ghar louta to apni sabse keemti cheez bhi usse kho chuki thi.....vo gaya to tha uss paheli ka uttar pane ke liye ...uss paheli ka uttar to usko nahi mila magar uska dil jarur kho gaya.

Raat aise hi karwat badalte badalte mushkil se kati.....rajnandini ka hasin chaand jaisa mukhda uske dil aur dimag se ojhal hi nahi ho raha tha....subah hote hi usne jaldi jaldi nitya kriya poori ki aur bina kisi ko kuch bataye phir se uss jagah aa kar baith gaya, jaha kal usne rajnandini ko dekha tha....iss ummid me ki shayad vo subah bhi nadi me pani lene aati ho.... ?

Intazar karte karte subah se dophar ho gayi aur dophar se shaam....vo bina kuch khaye piye aise hi rajnandini ki ek jhalak ke liye tapti dhoop ki parwah kiye bagair yo hi baitha raha...uski gali me taktaki lagaye, asha ka ek deep jalaye.....magar rajnandini nahi aayi....aaj usko ehsaas hua ki intazar karna kya hota hai.... ? kisi ka intazar karna kitna taklifdeh hota hai.... ?

Vo subah se intazar karte karte nirash ho chuka tha...lekin phir bhi uske dil ke kisi kone me ye ummid thi ki shayad vo shaam ko aaye pani lene.... ? kahte hain ki sachche dil se nikli pukar ko sun kar to bhagwan ko bhi aana padta hai....aur uss din ye chamatkar bhi satya ho hi gaya.

Suraj dhalna shuru hi hua tha ki akhir rajnandini aaj phir champa ke sath hasi majak karte pani lene pahuch hi gayi nadi kinare....adirishi ko jaise naya jeevan mil gaya, rajnandini ko dekhte hi....lekin dono ko shayad aaj loutne ki jaldi thi...isliye jaldi se ghada bhar ke dono vaha se chal di....magar na jane kyo rajnandini ke dil me kal wali vahi tasveer achanak ubhar aayi.

Barbas hi uski nigahe uss taraf ghum gayi jaha adirishi aaj bhi ektak usko hi dekhe ja raha tha.....adirishi par nazar padte hi rajnandini ke dil ki dhadkan tez ho gayi.....vo chah kar bhi apni nazare hata nahi pa rahi thi...uske dil me ek mithi mithi chubhan uthne lagi thi.

Champa ne jab usko aise khade dekha to chounk gayi ki isko kya ho gaya... ? usne kayi baar usko naam lekar awaz kagayi magar uski awaz bahar hi dafan ho gayi….rajnandini apni sudh budh kho chuki thi…ant me champa usko hath pakad ke khich le gayi apne sath…. uske jate hi adirishi bhi gaon lout aaya.

Uske dosto ne jab usko gumsum dekha to usko pareshan karne lage….koi kuch kahta to koi kuch….halanki vo sab bhi usko aise chup dekh kar chintit hone lage the.

Chuttad—arey yaar kya baat hai, tu kal se itna shant shant kyo hai..... ?

Nangu—lagta hai ki hamare dost ko pyar to nahi ho gaya hai kisi se….? hahahaahaha

Adirishi—pyar….pyarrr….haann shayad ye pyar hi hai…

"Mohabbat Kab, Kis se aur Kaha Ho Jaye,
Iska Koi Andaza Hi Nahi Hota...
Ye Ghar Hi Aisa Hai Dost,
Jiska Koi Darwaja Nahi Hota."
Pangu—koun hai vo..... ?

Adirishi—pata nahi....

Gangu—kaha rahti hai.... ?

Adirishi—pata nahi

Chuttad—ye bhi pata nahi...vo bhi pata nahi....lagta hai ki ye bhi ishq ke rog me gaya kaam se

Adirishi vaha se uth kar ghar aa gaya...ab ye roj ka kaam ban gaya tha....vo subah uth ke vahi nadi kinare pahuch ke rajnandini ka intazar karne lagta....haan, iss douran ek badlav jarur aaya tha ki ab rajnandini bhi din me do teen baar nadi me pani lene aane lagi thi..aur ghanto vo bhi adirishi ko niharti rahti thi.

ek din rajnandini bade subah subah din nikalne se pahle hi nadi kinare pahuch kar adirishi ke aane ki raah dekhne lagi...ek ek pal usse badi mushkil se kat raha tha...din bhi nikal aaya aur dhoop bhi khil gayi thi lekin adirishi ko uskepita ne kuch meuljha diya tha to vo nahi aa paya tha ...idhar intazar karte karte rajnandini ko gussa aane laga tha...jab dophar tak vo nahi aaya to gusse me usne padosi ke ghade ko nadi ke pani me phenk diya aur tunk kar ghar lout aayi.

Rajnandini (gusse me khud se)-- kya samajhta hai apne aap ko...? nahi ayega to main marr jaungi kya usko dekhe bina...? mere hath pair jal gaye dhoop me baithe baithe, upar se maa ki daant khani padegi so alag....ab se main bhi nahi jaungi nadi.

phir ek ghante baad.....

Rajnandini (mann me)--ho sakta hai ki ab vo aa gaya ho....? vo bhi to meri raah dekh raha hoga....? agar main nahi gayi aur vo kal se nahi aaya to....? nahi..mujhe jana hoga...

aur vo chupchap khidki se kood kar dophar me hi nange pair nadi ki taraf bhag gayi....

Shayad dono hi ek dusre ke dil ki halat ko samajh rahe the....rajnandini ne ab kisi se ladna jhagadna bhi chhod diya tha....baat baat par gussa hone wali rajnandini ab shant rahne lagi thi.....uski saheliya aur gaon wale bhi hairan the ki ye chamatkar kaise ho gaya.... ?

Ab uski saheliya jab kayi baar usko chidati to bhi vo koi jawab nahi deti thi....ya phir sahi shabdo me ye kahna jyada uchit hoga ki usko apni saheliyo ki baate ab sunayi hi nahi deti thi....kyon ki uske dil, dimag, ankh, naak, kaan sab band the.....sab me adirishi ne kabza kar liya tha.

Rajnandini ko khud hi nahi malum ki kab aur kaise ye sab ho gaya....bas uske dil me yahi laga rahta tha ki kab subah ho aur maa usko nadi se pani lane ke liye kahe....kayi baar to vo nadi se khali ghada hi sir me rakh ke vapis aa jati thi....use pani bharne ka hosh hi nahi rahta tha.

Gaon walo ke sath sath uske maa pita bhi uski halat dekh ke chinta me the....kayi baar jab shakuntala usko pani lane se mana kar deti to vo chupke se padosiyo ke ghade le kar nadi me bhag jati thi...ab to uska jyadatar samay nadi kinare hi gujarta tha.

Prem dono taraf se tha, kintu moun tha......fasla kewal nadi ke do kinaro ka tha….aksar prem me aisa hota hai… jisko hum chahte hain, vo hamare paas hota hai, hamare sath hota hai….lekin phir bhi hum uske samne apna prem vyakt nahi kar paate….shayad dono hi ke dil me ye udhedbun chal rahi hoti hai ki “Kahi main aisa kuch na kah du ki vo mujhse naraz ho jaye."

Yaha bhi shayad kuch aisa hi tha.....bhay aur sankoch, ye do hi hain jo kisi insan ko moun rahne par majboor kar dete hain....ab inn dono ke dil me, bhay hai ya phir sankoch kahna mushkil hai.

Rajnandini (mann me)—ye mujhe kya ho gaya hai... ? mera mann kyo mere vash me nahi hai…? Vo kuch kahta kyo nahi hai…?

"Khwabo Ki Duniya Mein, Hum Khote Chale Gaye,
Na The Madhosh Par, Madhosh Hote Chale Gaye,
Na Jane Kya Baat Hai, Uske Chehre Mein ?
Na Chahte Huye Bhi, Unke Hote Chale Gaye…."
(2656 words)

 

[anandsngh12]

CHAMATKAR
UPDATE- 102


FLASHBACK CONTINUES......

Yaha bhi shayad kuch aisa hi tha.....bhay aur sankoch, ye do hi hain jo kisi insan ko moun rahne par majboor kar dete hain....ab inn dono ke dil me, bhay hai ya phir sankoch kahna mushkil hai.

Rajnandini (mann me)—ye mujhe kya ho gaya hai... ? mera mann kyo mere vash me nahi hai…? Vo kuch kahta kyo nahi hai…?

Khwabo Ki Duniya Mein, Hum Khote Chale Gaye,
Na The Madhosh Par, Madhosh Hote Chale Gaye,
Na Jane Kya Baat Hai, Uske Chehre Mein ?
Na Chahte Huye Bhi, Unke Hote Chale Gaye….

Ab aage……

Vo dono ghanto ek dusre ko niharte huye nadi ke dono kinaro par baithe huye dekhte rahte….magar dono me se koi bhi apne dil ki baat ko kahne ki himmat nahi juta pa rahe the.

Aise hi ek din dono ek dusre ko dekhte huye nadi kinare baithe ek dusre ki ankho me khoye huye the ki tabhi achanak se rajnandini ka pair fisal gaya aur vo nadi me ja giri.

Usko nadi me girte dekh kar adirishi bhi turant nadi me kood gaya aur usko apni balishtha bhujao me samet kar pani se bahar nikal laya.

Adirishi—dhyan se nahi baith sakti thi….agar abhi doob jati to…..?

Rajnandini (mushkura kar)—kaise doob jati….? Aap jo the na mujhe bachane ke liye, mujhe doobne thodi hi dete.

Adirishi—phir bhi thoda dhyan to rakhna hi chahiye tha na apna..

Rajnandini—vaise aap yaha roj kyo aate hain….?

Adirishi—pata nahi.....bas dil khich lata hai mujhe yaha.....aur aap kyo aati ho..... ?

Rajnandini (sharmate huye)—mmm...main...main to pani bharne aati hu...aap ki tarah tanka jhanki karne thodi hi aati hu...

Adirishi—achcha ji....bhala maine kya hai kisi ka.... ?

Rajnandini—aur nahi to kya.....apko achcha lagta hai aise ladkiyo ko yaha aate jate dekhte huye.... ? ye koi achchi baat thodi hai..

Adirishi—main sabko dekhne thodi hi aata hu.....main to bas tumhe dekhne aata hu...kisi aur se mujhe kya lena dena…

Rajnandini—achcha ji...to janab ko mujhse kuch lena dena hai....par main to apko janti tak nahi to phir ye lene dene wali baat kaha se aa gayi.... ?

Adirishi—koi baat nahi...to ab jaan pahchan kar lete hain...mera naam adirishi hai..aur tumhara.... ?

Rajnandini—main kyu batau apna naam kisi ajnabi ko.... ? vaise sab mujhe rajnandini kahte hain....aur ye adirishi kaisa ajib naam hai....rishi ya phir adii theek hai.....main to rishi hi kahungi

Adirishi—rajnandini....bahut pyara naam hai...main bhi nandini hi kahunga.

Rajnandini—mera naam mat bigado....vaise hi itna badnam kar diya hai tumne mujhe..

Adirishi—maine kab badnam kiya tumhe.... ?

Rajnandini—vahi to....ab aise poora din bhar mujhe ankhe phad phad kar dekhoge to meri badnami nahi hogi to kya hoga.... ?

Adirishi—agar tumhe mera dekhna bura lagta hai to kal se nahi dekhunga..

Rajnandini—maine kab mana kiya ki mat dekho.... ? mera matlab hai ki....aise sab logo ke samne mat ektak dekha karo..

Adirishi—kya karu tumhe dekhte hi ankhe apna rasta hi bhatak jati hain...unhe aur kuch dikhayi hi nahi deta to main kya karu... ? tumhi batao na

Rajnandini (sir jhuka kar)—main ...kya...batau.... ? ab main chalti hu..bahut samay ho gaya....maa aaj bhi daantegi bahut…..ye sab tumhare chakkar me ho raha hai….khud to pagal ho, sath me mujhe bhi pagal bana kar ke rahoge.

Adirishi—mere chakkar me kyo.... ?

Rajnandini (sharma kar)—mujhe nahi pata….pata hai apke aise mujhe din din bhar ghurne se, meri poore gaon me badnami ho rahi hai....meri sabhi saheliya mujhe chidati hain.

Adirishi—kya kahti hain….?

Rajnandini—vo kahti hain ki mujhe tumse……jao main nahi batati, jaise tumhe kuch pata hi na ho….?

Adirishi—batao na vo kya kahti hain….?

Rajnandini (sharma kar)—sab kahti hain ki…mujhe…mujhe tumse….p…py..pyar ho gaya hai.

Adirishi—main bhi tumhe bahut chahta hu…tumhe dekhe bina bina na to raat gujarti hai aur na din…kya tum mujhse shadi karogi…..?

Rajnandini (sir jhuka kar)—apni shadi ka faisla main kaise kar sakti hu….? Uske liye to tumhe mere mata pita se baat karni hogi.

Adirishi—main jarur baat karunga unse.

Aur iss tarah se dono ke prem ki shuruat ho gayi….ab dono prati din ek dusre ki baho me simte pade rahte kafi samay tak….na din ka hosh, na raat ka pata….jungle me ek ped ke niche unhone har roj milne ka apna ashiyana bana liya tha…..rajnandini ke baar baar jor dene par vo uske pita se milne ko raji ho gaya….rajnandini ne uska naam rishi rakh diya…

Agle din vo rajnandini ke bataye samayanusar uske ghar pahuch gaya….uss samay vidhya dhar bhiksha yapan karne ke uparant loute hi the…aur bhojan karne baith hi rahe the..tabhi adirishi pahuch gaya…unhone usko bhi sath me bhojan karaya….uske baad….

Vidhya dhar—kaho kaise aana hua…..?

Adirishi—ji maine suna hai ki aap apni beti ke liye kisi var ki talash kar rahe hain….. main apki putri rajnandini se vivah karna chahta hu.

Vidhya dhar—pahle apne vishay me kuch batao….?

Adirishi—ji mera naam rishi…matlab ki adirishi hai…. shri sukhdev ji mere pita ji hain…main apke bagal ke gaon me rahta hu……maa ne bataya tha ki mera naam karan bhi aapne hi kiya tha.

Vidhya dhar (kuch der soch kar)—achcha to tum rishi priyamedh ke vansh se ho.

Adirishi—ji aapne bilkul sahi kaha.

Vidhya dhar—meri putri rajnandini ko jante ho…..?

Adirishi—ji

Vidhya dhar—kya tum meri beti se prem karte ho.... ?

Adirishi—ji haan, apni jaan se bhi jyada.

Vidhya dhar—yadi tum meri beti se prem karte ho to prem ki kimat chukao....de sakoge apne prem ki kimat mujhe.... ?

Adirishi—ji kahiye...aap jo chahe maang lo...main dene ko taiyar hu...

Vidhya dhar—prem tumne kiya hai..to uski kimat bhi tumhe hi pata honi chahiye... ?

Adirishi (hairan ho kar mann me)—prem ki kimat kya ho sakti hai….?

Vidhya dhar—nahi pata…? to pahle apne prem ki kimat pata kar ke aao…..tab meri beti ka hath mangna........ab jao.

Adirishi pareshan ho kar unke ghar se nikal gaya….raste me jo bhi koi milta to usse prem ki kimat ke baare me puchta lekin koi jawab nahi de pa raha tha….uske pita bhi uss prashna ki khoj me bahar gaye huye the kafi din se warna unse hi puch leta.

Chuttad—yaar baat kya hai…tu itna udas kyo rahta hai….?

Nangu—haa bata na rishi..kya baat hai….?

Gangu—lagta hai ki aaj kal rajnandini bhabhi ne kuch jyada hi kaan khich diye hain apne yaar ke

Pangu—dekh hamse nahi batayega to kisse batayega…?

Adirishi—are yaar baat ye hai ki…(poori baat bata deta hai)

Chuttad—dekh yaar hame to iski kimat ke baare me kuch pata nahi hai lekin maine suna hai ki aaj kal yaha se thodi hi door pipal wali pahadi ke uss paar ek vidwan mahatma rahte hain…unke sharir me bahut tez hai…vah tumhare prashna ka uttar avashya de denge.

Adirishi—agar aisa hai to main aaj hi unke paas jaunga….rajnandini se mile huye do din kya huye aisa lagta hai jaise barso se na dekha ho usko.

Nangu—are abhi mat jana vaha….sab kahte hain ki uss pahadi jo pipal ke ped hain na, uss par brahma rakshas rahte hain….jo bhi raat ke samay vaha jata hai vo jinda nahi aata phir…vo usko maar kar kha jate hain.

Chuttad—arey sidhe sidhe bol na ki vaha jinn rahte hain….jinn ko hi brahma rakshas kahte hain.

Adirishi—koi brahma rakshas nahi hota hai…sab bakwas hai..theek hai..kal chala jaunga

Sab ke chale jane ke baad adirishi bhi ghar lout aaya kintu uska mann nahi lag raha tha kahi bhi…to usne sidhe apne dosto ki batayi ussi pahadi ki taraf chal diya.

Sandhya hone hi wali thi…vah jaldi jaldi chalte huye karib teen ghante me uss pahadi ke paas pahuch gaya…tab tak din to dhal gaya tha lekin abhi andhera poori tarah gahraya nahi tha….uss vishal pipal ke pe ke nazdik pahuchte hi usko apne dosto ki kahi huyi baate yaad aa gayi to usne ek baar uss vishal ped ki oor dekha aur phir sarpat pahadi par chadh gaya bina piche dekhe hi.

Pahadi par chadhte hi use pipal ka ped dekhne laga lekin vaha to charo taraf pipal ke ped lage huye the…usne jaldi jaldi pahadi se niche utar kar idhar udhar dekhne laga tabhi uski nazar ek ghaas phoos ki bani choti si jhopdi par gayi….vo turant udhar hi chal diya aur pahuch bhi gaya jaldi hi.

Jhopdi ke bahar ek ped ke niche ek ati tejaswi mahatma dhyan mudra me baithe huye the….atah vah unke ankhe kholne ki pratiksha karne laga…jaise hi unhone ankhe kholi….

Adirishi—pranam swami ji

Mahatma—tumhara kalyan ho…kaho koun ho tum vats aur iss samay yaha aane ka kya prayojan hai tumhara…?

Adirishi—hey munivar, mera naam adirishi hai….ek prashna ka uttar janne ki abhilasha ne mujhe apke paas aane ko vivash kar diya tha…meri vajah se aap ki sadhna me jo vyavdhan uttapann hua uske liye main kshama chahta hu.

Mahatma (kuch der ankhe band rakhne ke baad)—bolo ! kya prashna hai…?

Adirishi—mera prashna hai ki prem ki kimat kya hai…..?

Mahatma (haste huye)—pagle.. ! ye prashna to tu khud se puch, jo teri kimat hai, vahi tere prem ki kimat hai.

Adirishi—mahatma ji, apki baat meri samajh me nahi aayi...kripaya thoda saral shabdo me samjhaiye.

Mahatma—tu apne sharir se prem karta hai ki nahi.... ?

Adirishi—haan..karta hu.

Mahatma—to apne sharir ki kimat bata.... ?

Adirishi—kaisi baat karte hain munivar... ? iss sharir ke bina mera astitva hi kya hai... ? mere liye yah anmol hai, main isse nahi bech sakta..

Mahatma (haste huye)—yahi tere prashna ka uttar hai…prem bhi amulya hai…prem ki koi kimat nahi hoti… prem ka sauda nahi kiya ja sakta…jaha prem hota hai, vaha kuber ka khajana bhi khali pad jata hai…to phir tu kya cheez hai jo prem ki kimat chukayega….? Jis prem ki kimat hoti hai, vo prem nahi sauda hai.

Adirishi—main samajh gaya mahatma ji…mujhe mere prashna ka uttar mil gaya…mujhe agya de ab, pranam

Mahatma—tumhara kalyan ho

Adirishi (jate jate ruk kar)—agar aap bura na mane to kya main ek baat puch sakta hu….?

Mahatma (mushkura kar)—avashya pucho jo bhi puchna hai…?

Adirishi—ye brahma rakshas ya jinn kya sach me hote hain…? Aur kya vo yaha bhi rahte hain... ?

Mahatma—avashya hote hain...kintu vats, brahma rakshas aur jinn dono alag alag hain ..ek nahi hain dono.

Adirishi—lekin mere kuch dost to kahte the ki dono ek hain... ?

Mahatma—nahi putra ye satya nahi hai….brahma rakshas vastav me brahman ki aatma hoti hai jo janam to brahman kul me leti hai lekin bure aur patit karm karne lagti hai….tab lambe jeevan ke baad unhe rakshas yoni me bhatakna padta hai…iski vajah apni vidya ka galat prayog karna hai…brahman kul me kuch uchcha gyani insan ka janam isliye hota hai jisse vo dusro ko apne gyan se prashikshit kar sake, jab vo aisa nahi karte hain tab vo mrityu ke baad brahma rakshas ban jate hain….brahma rakshas banne ke baad unme gyan ka star utna hi rahta hai lekin vo insano ko khane lagte hain…dusre shabdo me unme brahman aur rakshas dono ke gun hote hain, isliye unhe brahma rakshas kaha jata hai….brahma rakshas me bahut shaktiya hoti hain aur bahut kam log hi inn par kabu pa sakte hain ya phir unhe iss yoni se mukti dila sakte hain…..Jabki Jinn chirag me bhi rahta hai..gufa me bhi rahta hai.. purane gharo aur khandahar me bhi rahta hai..aur usko koi bhi tantrik asani se apne kabze me kar ke bottle me band kar leta hai.

(As per Bhagwat Geeta Chapter 8)

Adirishi—to phir inko kaise niyantrit kiya ja sakta hai….?

Mahatma—inke paas apne brahman swaroop ka gyan aur tap hota hai jiski vajah se inhe niyantrit karna behad kathin hota hai…inhe kewal vahi niyantrit kar sakta hai jo usse adhik gyani hone ke sath sath jisne apni kundali jagrit kar li ho….dusra koi anya inhe niyantrit nahi kar sakta.

Adirishi—ye kaha rahte hain….?

Mahatma—ye kewal pipal ke ped me hi rahte hain….pipal ke alawa kisi dusre ped par ye nahi rah sakte kyon ki vo sab nimna shreni ke vriksh hote hain….jab koi uss pipal ke ped ko kaat deta hai jisme vo rahto ho, tabhi brahma rakshas uske upar kroadhit hota hai….yahi vajah hai ki jab bhi koi naya bhawan nirman ka karya prarambh hota hai to brahma rakshas ki pooja ki jati hai.

Adirishi—mahatma ji kya aap mujhe apna shishya swikar karenge….?

Jab koi jawab nahi aaya to adirishi ne piche mud ke dekha to vaha koi nahi tha…to vo vaha se chupchap apne ghar ke liye lout pada….chalte chalte jaise hi vo pahadi ke upar pipal ke paas pahucha vaise hi…..

 

[anandsngh12]

CHAMATKAR
UPDATE- 103


Mahatma—ye kewal pipal ke ped me hi rahte hain….pipal ke alawa kisi dusre ped par ye nahi rah sakte kyon ki vo sab nimna shreni ke vriksh hote hain….jab koi uss pipal ke ped ko kaat deta hai jisme vo rahto ho, tabhi brahma rakshas uske upar kroadhit hota hai….yahi vajah hai ki jab bhi koi naya bhawan nirman ka karya prarambh hota hai to brahma rakshas ki pooja ki jati hai.

Adirishi—mahatma ji kya aap mujhe apna shishya swikar karenge….?

Jab koi jawab nahi aaya to adirishi ne piche mud ke dekha to vaha koi nahi tha…to vo vaha se chupchap apne ghar ke liye lout pada….chalte chalte jaise hi vo pahadi ke upar pipal ke paas pahucha vaise hi…..

Ab aage……

Mahatma ji se milne ke pashchat pahadi se hote huye jaise hi main pipal ke ped ke nazdeek pahucha to anayas hi meri nazar uss ped ki oor chali gayi…tabhi mujhe vaha koi khada nazar aaya.

Main dhire dhire thoda aage gaya to mera dhyan uske pairo ki taraf gaya jo ki jamin se upar uthe huye the aur uska chehra bhi bada vichitra tarah ka lag raha tha…halanki vo andhera hone ke karan saf saf nahi nazar aa raha tha… main samajh gaya ki shayad yahi brahma rakshas hoga to maine vahi se pipal ke ped ko pranam kiya aur sarpat apne ghar ki oor bhag chala.

Ghar pahuchte hi maine rahat ki saans li….mere mann me ab ek khushi thi ki rajnandini jarur ab mujhe mil jayegi kyon ki mujhe uss prashna ka uttar mil chuka tha jo uske pita ne mujhse pucha tha….main bhojan banane baitha lekin mere dil me rajnandini se milne ki chahat badhti hi ja rahi thi….ek ek pal jaise mere liye ek varsh ke saman vyatit ho raha tha.

Bhojan banana band kar ke main bhukhe pet hi let gaya aur subah hone ki pratiksha karne laga…kintu na jane kyo aaj subah ho hi nahi rahi thi….mujhse jab aur intazar karna mushkil ho gaya to main aadhi raat me hi rajnandini ke ghar ki taraf chal pada.

Uske ghar tak pahuchne me mujhe ek ghanta lag gaya….kyon ki raste me nadi padti thi….maine andhere me hi kisi tarah girte padte nadi ko tair kar uss paar pahucha….charo taraf sunsan andhera pasra hua tha….kutto ke bhokne ke atirikt aur kisi ki awaz sunayi nahi de rahi thi.

Rajnandini ke ghar pahuch kar main darwaje ke paas ja kar dekhne laga ki shayad koi jaag raha ho ya kuch andar se ujala mahsoos ho magar aisa kuch bhi nahi hua…sab ke sab ghode bech kar so rahe the.

Maine raat me kisi ko jagana uchit nahi samjha …isliye unke darwaje par hi baith kar subah hone ka intazar karne laga….subah lagbhag char baje ke aas paas mera intazar tab khatam ho gaya jab pandit ji darwaja khol kar hath me lota liye bahar nikle nitya kriya ke liye.

Andhera abhi bhi tha….isliye jaise hi vo bahar aaye kisi ko darwaje par baithe dekh kar darr gaye aur jhat se andar ghus kar darwaja band kar liya unhone.

Main darwaja khatkhatata raha lekin unhone ya kisi ne bhi darwaja nahi khola….main vapis vahi niche baith kar apni kismat ko kosne laga.

Akhir kar mera intaar khatam hua aur din ka ujala phailte hi ghar ke andar se chaand nikal aaya….to jaise mere bechain ruh me jaan aa gayi….rukti huyi saanse phir se vapis lout aayi….kyon ki ab ki baar darwaja uske buddhe baap ne nahi balki rajnandini ne khola tha.

Mujhe dekhte hi pahle to vo chounk kar hairan rah gayi lekin phir jaldi hi meri baho me simat gayi…uske baho me aate hi meri raat bhar ki thakaan aur taklif sab jaise ek kshan me hi gayab se ho gaye.

Rajnandini (shikayat karte huye)—itne din mujhse milne kyo nahi aaye….? Main uss ped ke niche baith kar kitna intazar karti thi poora din bhar…?

Adirishi—kaise aata, tumhare pita ne milne se mana jo kiya hua tha, jab tak unke prashna ka uttar na pata kar lu.

Rajnandini—to ab mil gaya uttar…?

Adirishi—hmmmm

Rajnandini—yaha itni subah subah aa gaye…kyo..?

Adirishi—subah nahi nandini…main to raat se hi yahi par hu.

Rajnandini (shocked)—kyaaaa...raat se... ? iska matlab vo tum the jab pita ji bahar nikle the…?

Adirishi—hmmm

Rajnandini—pata hai…pita ji itne darr gaye the ki unka sab kuch dhoti me hi ho gaya….daraya kyo unko…?

Adirishi—maine kaha daraya…vo khud hi darr ke mare andar ghus gaye the to main kya karta.

Tabhi andar se kisi ke aane ki aahat pa kar hum dono ek dusre se alag ho gaye….pandit ji bahar darwaje ki choukhat tak aa kar pahle apni gardan nikalke idhar jhanka ki koi hai to nahi…phir unki nazar mere upar gayi.

Vidhya dhar—tum kab aaye…?

Rajnandini—pita ji, ye raat se hi aaye huye hain…hihihihi

Vidhya dhar (chounk kar)—kyaaaa….ye tha raat me…? Tumne kahi kuch bola to nahi….?

Adirishi—nahi…nahii..apki beti ne apki dhoti kharab hone ke baare me kuch nahi bataya…aur maine bhi kuch nahi suna.

Vidhya dhar (apna sir pakad ke)—iss ladki ke pet me koi baat hazam nahi hoti…..achcha tum baitho main naha kar aata hu..phir baat karenge.

Adirishi—ji achcha.

Vidhya dhar naha kar aane ke pashchat pooja karne me lag gaye aur main chori chori rajnandini ko dekhne ki koshish me laga raha tab tak…hum dono ki ankh micholi tab tak chalti rahi jab tak ki uske pita ki pooja khatam nahi ho gayi….maa to rasoyi ghar me thi.

Vidhya dhar—to tum prem ki kimat chukane ke liye taiyar ho….? To chukao phir kimat apne prem ki..

Adirishi—pandit ji main prem ki kimat chukane ke apne ghamand ke liye aap se kshama maangta hu…hey brahman prem to amulya hai…uski kimat nahi chukayi ja sakti hai…kintu apki beti ke prem me main swyam ko chukane ke liye taiyar hu.

Vidhya dhar—mujhe khushi hai ki tumhe prem ki kimat ka andaza ho gaya….main sirf ye dekhna chahta tha ki tum me rishi priyamedh ke koi gun hain ya nahi…tum meri beti se prem karte bhi ho ya sirf umra ka akarshan matra hai main tumse ati prashann hu….jaldi hi main tumhare pita ji se aa kar milunga tum dono ki shadi ke liye.

Adirishi—apka bahut bahut dhanyawad pandit ji.

Main khushi khushi rajnandini ke ghar se lout aaya….rajnandini bhi shadi ki baat pakki ho jane se bahut khush thi vo chupke chupke hamari sari baate sun rahi thi.

Ghar aa kar main naha dho kar so gaya…shaam ko need khuli to mujhe kal wale mahatma ka khyal aaya aur mene mann me unse kuch aur bhi sikhne ki ichcha paida hone lagi to main unse milne ke liye nikal gaya.

Abhi din doobne me kuch waqt shesh tha…maine vaha pahuch kar dekha ki vo mahatma ussi jagah par dhyan mudra me baithe huye hain…to main bhi unhe pranam kar ke unke dhyan se uthne ki pratiksha karne laga.

Dhyan me unhe jaise hi ye prattit hua ki koi aaya hai to unhone apni ankhe khol li aur apne samne mujhe dekh kar rahasmay dhang se mushkura uthe.

Mahatma (mushkurate huye)—kya baat hai…tum aaj phir aa gaye…? Tumhare prashna ka uttar to kal mil gaya tha na…?

Adirishi—ji mahatma ji…mere prashna ka uttar to mil gaya tha…kintu aaj mere dimag me uth rahe ek prashna ne mujhe apke paas aane ke liye vivash kar diya.

Mahatma—aisa koun sa prashna aa gaya jisne tumhe iss samay yaha aane ko vivash kar diya…?

Adirishi—kal jab main aap se milne ke baad ja raha tha to mujhe pahadi ke upar pipal ke ped ke paas koi ajib sa prani dikha tha….main ye to nahijanta ki vo brahma rakshas tha ya phir koi aur…? Kintu uske pair jamin se upar uthe huye the….tabhi se mere mann me ek prashna umad raha hai baar baar.

Mahatma—koun sa prashna….?

Adirishi—bhoot, pret, pishach ..aadi ye sab to hame dikhayi dete hain kabhi na kabhi kintu devta kyo dikhayi nahi dete hain….?

Mahatma—bhoot, pret, pishach aadi inn sabki atrapt yoni hoti hai…aur samanyataya inka sharir do tatvo se bana hua hota hai aur vo tatva hain vayu aur agni…..isliye vah hame dikhayi nahi dete hain….par jab koi pret pishach apni atript ichcha ko poori karne ke liye bahut jyada utsuk hota hai to tab vo lamba anusandhan kar ke apne sharir me akash tatva ko kuch samay ke liye samavist kar leta hai…jisse vo manav ko dikhne lagta hai..par tabhi tak ke liye jab tak ki akash tatva uske sharir me hai..lekin iss sthiti me koi uske sharir ko chhu nahi sakta, kyon ki vo vayu swaroop hi hota hai aur usko chhune wale ka hath uske sharir ke aar paar nikal jata hai.

Mahatma—kuch behad atript paraloukik jeev chhune ka bhi ehsaas pana chahte hain isliye vo bahut prayas kar ke apne andar akash tatva ke sath jal tatva ka bhi samavesh kar lete hain…jisse kuch samay ke liye vo sparsh ka bhi anubhav pa sakte hain par iss sthiti me agar koi admi uss pret, pishach ko chhu le to aisa lagega jaise usne burf ko chhu liya matlab itna thanda hota hai uska sharir.

Mahatma—Ye pret, pishach yoni wale koi bhi chahe kuch bhi kar le, vah paanchve tatva yani ki prithvi tatva ka apne sharir me samavesh nahi kar sakte…kyon ki inn paanch tatva se hi hum manav ka sharir bana hua hai….aur kisi bhi paraloukik jeev ko uss yoni se vapis manav yoni me aane ke liye use pahle sabhi papo ka prayaschit karna padta hai….tab agar uske karm iss layak rahe ki manav jaisi durlabh yoni mil sake to hi manav yoni milti hai anyatha nimna yoni jaise kide, makode, machchar, jeev-jantu, ped, poudhe aadi ki yoni me bheja ja sakta hai….prithvi tatva ki kami ki vajah se hi har paraloukik jeev ka sharir kabhi bhi prithvi ko sparsh kar ke nahi chalta hai balki jamin se kuch upar utha hua hota hai.

Mahatma—Uchch yoniya jaise dev yoni ka sharir chhah (six) tatvo se bana hua hota hai…jisme se paanch tatva dharti, akash, jal, vayu, agni ke alawa akshar tatva bhi hota hai….ye akshar tatva vo hota hai jo in devtao ke divya shariro ka nash nahi hone deta hai aur inhe hamesha yuva, mahabali aur ajar banaye rakhta hai…isliye hi inn dev purusho ke sharir ka tez samanya manav bardast nahi kar pate hain…agar inn dev purusho ko manav apni sthul ankho se dekh le to dev purusho ke divya tez se manav andha ho jayega aur uski twacha bhi jal jayegi…

Mahatma—agar ye dev apne akshar tatva ko apne sharir se kuch der ke liye bahar kar de to har manav inhe asani se dekh sakta hai par iss douran agar uss devta ke panch tatvo ke sharir ki kisi karan se mout ho gayi to vo dev buri tarah se phans sakta hai…kyon ki use jo naya sharir milega usme use sixth tatva ko phir se samavesh karne ka tarika janna behad mushkil hoga jisse vo dev purush anant kaal ke liye bhatkav ke chakra me phans sakta hai bina dev sharir vapis paye….isliye dev purush apne tez ko kam kar ke sadharan manav ke samne aane ke bajaye kewal unhi tapaswi santo ko darshan dete hain jo unka roop bardast karne ki kshamta rakhte ho.

Mahatma—hum manav teen aayami (lambayi, choudayi, unchayi) ke sansar me rahte hain…isliye 3 aayam se jyada aayam ke loko ko uchch lok kahte hain aur 3 aayam se niche aayam ke loko ko nimna lok kahte hain…devta 4 se 10 aayam ke madhya aate hain jabki 11th aayam me hamare brahmand ke nirmata brahma ji rahte hain…aur 11va aayam hamare iss brahmand ka akhiri aayam hota hai.

Par inn sabhi 11 aayam aur inn sabhi aayam me rahne wale sabhi prani chahe vo koi bhi devta jaise surya, chandra, indra, shani ya phir jo bhi ho, manav, danav, sabhi prani ki mrityu nishchit hai….mout se na to koi devta bach pata hai aur na hi khud brahma ji…na to manav, na danav aur na hi koi anya jeev.

Kewal bhagwan shiv aur bhagwan vishnu ke bhakt hi bach pate hain..kyon ki shiv ji ke bhakt, shiv lok ko aur vishnu ji ke bhakt, baikunth lok ko prapt hote hain…aur uska kabhi bhi nash nahi hota hai kyon ki dono anant aayam se bane huye hain..isliye hi inn dono loko ko akshay lok arthat kabhi na nasht hone wala lok kaha jata hai.

 

[anandsngh12]

CHAMATKAR
UPDATE- 104

FLASHBACK CONTINUES.....

Mahatma—hum manav teen aayami (lambayi, choudayi, unchayi) ke sansar me rahte hain…isliye 3 aayam se jyada aayam ke loko ko uchch lok kahte hain aur 3 aayam se niche aayam ke loko ko nimna lok kahte hain…devta 4 se 10 aayam ke madhya aate hain jabki 11th aayam me hamare brahmand ke nirmata brahma ji rahte hain…aur 11va aayam hamare iss brahmand ka akhiri aayam hota hai.

Par inn sabhi 11 aayam aur inn sabhi aayam me rahne wale sabhi prani chahe vo koi bhi devta jaise surya, chandra, indra, shani ya phir jo bhi ho, manav, danav, sabhi prani ki mrityu nishchit hai….mout se na to koi devta bach pata hai aur na hi khud brahma ji…na to manav, na danav aur na hi koi anya jeev.

Kewal bhagwan shiv aur bhagwan vishnu ke bhakt hi bach pate hain..kyon ki shiv ji ke bhakt, shiv lok ko aur vishnu ji ke bhakt, baikunth lok ko prapt hote hain…aur uska kabhi bhi nash nahi hota hai kyon ki dono anant aayam se bane huye hain..isliye hi inn dono loko ko akshay lok arthat kabhi na nasht hone wala lok kaha jata hai.

Ab aage……

Adirishi—kintu maine to suna hai ki devta to amar hain…unhone samundra manthan ke baad jo amrit nikla tha, usko pine ke baad vo amar ho gaye the, phir unki mrityu kaise ho sakti hai…..?

Mahatma—amar hone ka tatparya yaha ye hai ki jo kabhi na marr sake…kintu iska arth sharir ke amar hone se nahi hai…bas ye samajh lo ki ye sabhi devta chahe vo Indra ho, Vayu, agni, surya, chandra, shani etc. jitne bhi hain…. Ye naam unhe tab mile the jab srasti ki shuruat huyi thi….baad me inn namo ko hi pad bana diya gaya…arthat unke sharir to nasht ho gaye lekin unke naam aaj bhi amar hain….jaise hi unke jeevan ka samay poora ho jata hai…to koi dusra sharir indra, agni, vayu surya ya phir shani ki jagah le leta hai…ye sabhi pad ke naam hain kisi sharir ke nahi.. ek baat samajh lo ki jo bhi janma hai uski mrityu bhi nishchit hai….chahe ho srasti ka koi bhi prani ho…devta bhi iss kaal chakra ke bandhan se mukt nahi hain…kya devtao ke mata pita nahi hain…? Vo bhi to kisi na kisi se janme hain..? aur har janam lene wale ki mout bhi honi pakki hai…..kintu bhagwan shiv aur shri vishnu ji kewal aise hain jo ajanma aur avinashi hain….in dono ko chhod kar shesh sabhi ki mrityu hoti hai…mout se bhi bhala koi bacha hai aaj tak…na koi devta, na manav, na danav, aur na hi srasti me janma anya koi bhi prani.

Samast sansari jeevo ka astitva Narki, Devta, Tiryak (pashu, pakshi, keede) aur manusya, inn bhedo me paya jata hai….inhe hi char gatiya kahte hain….arthat sansari jeevo ka avagaman hamesha inn char sthano me hota rahta hai.

Har ek gati ke jeevo ki apni alag alag aayu hoti hai….jiski jitni aayu hoti hai vah utne hi kaal tak uss gati me rahta hai. Tiryak aur manusya, karan vash apni nirdharit aayu se pahle bhi marr jate hain jise akaal maran kahte hain.

Nark aur devtao me akaal maran nahi hota….marne ke baad vah jeev apni achchi buri karni ke phal se ya to ussi gati me jisme ki vah mara hai, phir se janam leta hai ya anyany gatiyo me janam leta hai….kintu nark aur dev gati ke devta marne ke baad lout kar punah ussi yoni me janam nahi lete hain, yadhyapi anya gatiyo me jane ke baad jeev nark aur dev gati ko prapt ho sakte hain.

Brahmandiya niymo ke anusar dev aur nark, dono hi gati ke jeev, prayah tiryak aur manav yoni me janam lete hain.. devta aur nark vasiyo ki samanyatah aayu 10000 varsh (kintu yah gadna yaha ke samay ke sapeksh hai) hoti hai.

Kisi bhi gati se mare huye jeev ko anya lok me janam lene me palak jhapakne matra ke samay se bhi kam samay lagta hai….mrityu ke baad sharir me se nikal kar koi jeev jab lokantar me jata hai, tab uska aakar pahle ke aakar ki tarah rahta hai….jab vah janmantar ya anya lok me ja kar dusra naya sharir grahan karta hai tab uska aakaar naye sharir ki tarah ho jata hai.

Jab devta aur nark ke vasiyo ki vartman aayu ke samapt hone me 6 (six) maah ka samay shesh rah jata hai, tab unke agle janam ki aayu ka nirman hota hai..arthat unke agle janam ki aayu (karm) ka bandhan hota hai aur uss aayu-karm ke phal se jitni aayu usne baandhi hai, utne samay tak usse agle janam (yoni) me rahna padta hai.

Issi tarah manusya aur tiryako ke apni vartman janam ki aayu ke teen bhago me (bachpan, jawani, budhapa) se do bhago ke vyatit ho jane par teesre bhag me unke agle janam ki aayu ka nirdharan hota hai.

Lekin inhe yah pata nahi lagta hai ki inki aayu kitni hai aur agle janam ki aayu bandh ke nirdharit hone ka samay koun sa hai..? aayu banne ke samay uttam parinam (achche karm) hone se agle janam me achchi gati milti hai. Vah apne achche karm se dev lok me janam le kar kisi bhi devta ka sthan pad pa sakta hai…isiliye hi manusyo ko hamesha hi apna aachar vichar shrestha rakhna chahiye….pata nahi agle janam ki aayu banne ka samay aa jaye.

Upar varnit char prakar ki gatiyo me se manusya aur tiryako (pashu, pakshi, keede, makode) ki gati ko prapt huye jeev issi prakar se janam janmantar tak ghumte rahte hain, jab tak ki unme gyan ka abhyuday na ho.
(Rigved, Shiv Puran, Vishnu Puran, Durga Puran, Bhagwat Geeta, Narsingh Puran, Garud Puran, Jain Shastra, Bouddh Shastra mein Likhit varnan ke aadhar par)

Adirishi—mahatma ji aap koun hain….?

Mahatma—Jaat na pucho sadhu ki, Puch lijiye gyan

Mol karo Talwar ka, Padi rahan do myan.

Putra sadhu se kabhi unki pahchan nahi puchni chahiye….haa, lage to unse gyan arjit karne ki koshish karna chahiye….theek vaise hi talwar ki kimat karo uske myan ki nahi kyon ki bina talwar ke myan ki koi kimat nahi hoti…

Adirishi—mujhe kshama kare mahatma ji.

Mahatma—vats, yaha maine myan iss sharir ko aur talwar, uss sharir ke andar rahne wali jeevatma ko kaha hai… apne sharir ki sundarta ka ghamand kabhi mat karna kyon ki agar uss sharir se vo jeevatma nikal gayi to sharir ki iss sundarta ka koi mahatva nahi rah jayega.

Adirishi—mahatma ji aap to bahut gyani hain….mujhe apna shisya swikar kar ke mujhe anugrahit kare.

Mahatma—iska matlab ki tum mujhe apna guru banana chahte ho….?

Adirishi—ji mahatma.

Mahatma—to phir mera shisya banne ke liye tumhe apni yogyata siddh karni hogi.

Adirishi—aap adesh kijiye, mujhe iske liye kya karna hoga….?

Mahatma—agle ek maah ke andar tumhe mujhko koi anmol bhent deni hogi…to hi main tumhe apna shisya banaunga warna nahi.

Adirishi—theek hai mahatma ji….main poori koshish karunga…kintu kis tarah ki anmol bhent chahte hain aap….?

Mahatma—mujhe aisi anmol bhent chahiye jo kisi ke paas na ho….

Main abhi aur bhi kuch puchta ki usse pahle hi vo gayab ho gaye…to maine bhi unhe mann hi mann pranam kar ke apne ghar ki taraf chal diya.

Raste me vahi pipal ka ped pada jaha aaj bhi koi khada tha…mujhe pata nahi kya sujhi ki mere kadam apne aap hi ussi disha me chal pade….aaj mere mann me kafi shanti thi….vaha pahuch kar maine pipal ko pranam kiya aur phir uss khade shakhs ko dekhne laga…andhera hone ki vajah se spast to dikhayi nahi de raha tha phir bhi chaand ki halki roshni me itna jarur samajh me aaya ki uske pair jamin se kuch inch upar uthe huye hain.

Dekhne se hi vo kafi darawna dikh raha tha....main ektak usko dekhta raha...na jane kyo aaj mujhe usko dekh kar kisi bhi prakar ka koi bhay mahsoos nahi ho raha tha.

Adirishi—kya aap hi brahma rakshas ho….?

Vo—haaaa,..main hi brahma rakshas hu….lekin tum yaha iss samay kya kar rahe ho…? Bhag jao yaha se…aur phir kabhi iss samay idhar mat aana….isse hamari shanti me badha paida hoti hai.

Adirishi—main to pahadi ke dusri taraf rahne wale mahatma ji se milne aata hu…main apko koi pareshan karne nahi aata….maine to suna hai ki brahma rakshas bahut khatarnak hote hain, aur vo logo ko maar ke kha jate hain kintu aap to bahut achche hain.

Vo—tumne sahi suna hai…par sab ek jaise nahi hote….jaise tum logo ke swabhav me bhinnata hoti hai vaise hi hamare swabhav bhi alag alag hote hain…tum abhi tak jivit isliye khade ho kyon ki tumne hamare ghar iss pipal ko pranam kiya hai….vaise tum bhi bahut achche ho

Adirishi—shukriya…log bevajah hi aap se darte hain…

Vo—apni mout se koun nahi darta, yaha tak ki devta bhi mout se darte hain....main sirf unn logo ko hi maarta hu jo ya to mera ye ghar pipal ko kaat dete hain ya phir iss ped ke aas paas gandagi phailate hain..jaise ki mal mutra visarjit karna....lekin main tumse khush hu...isliye tumhe kuch dena chahta hu, ye tumhe bhavishya me bahut kaam ayegi.

Adirishi—main kuch samjha nahi..... ?

Vo—abhi samjhata hu..

Usne apni ankhe band ki aur hath aage kiye ki uske hatho me ek anguthi aa gayi...jo ki bahut khubsurat hone ke sath hi sath chamakdar bhi thi.

Vo—ye lo...iss anguthi ko pahan lo….isko pahanne ke baad tum jab bhi chahoge adrishya ho sakte ho, aur apni marzi se phir se drishya avastha me aa sakte ho....ek aur baat adrishya hone ke baad tum apni anchahi jagah par kuch hi samay me pahuch bhi sakte ho.

Adirishi —apka bahut bahut dhanyawad....kya isko pahan ke koi bhi gayab ho sakta hai... ?

Vo—nahi...koi bhi nahi...maine ye anguthi tumhe di hai isliye iski shakti ka prayog kewal tumhi kar sakte ho kintu agar tum ye anguthi kisi ko apni marzi se dete ho to vah bhi iska upyog kar sakta hai...jabardasti ya chura ke pahanne walo par iski shaktiya kaam nahi karegi....ab tum jao yaha se.

Uske baad maine uss anguthi ko pahan liya aur apni ankhe band kar ke adrishya hone ke bare me sochne laga... adrishya hote hi maine ghar ka dhyan kiya…kuch der baad maine jaise hi ankhe kholi to ye dekh kar hairan ho gaya ki main apne ghar par tha.

Adirishi (mann me)—ye to mere bahut kaam ki hai...ab main rajnandini se jab chahe mil sakta hu.

Maine adrishya ho kar rajnandini ke paas jane ka dhyan kiya aur agle hi pal main rajnandini ke paas khada tha jo ki iss samay gahri need me sukun ki need so rahi thi….main uske paas baith kar uske chaand jaise hasin mukhde ko dekhne laga….jab mujhse raha nahi gaya to maine dhire se uske hotho par apne hoth rakh diye aur unka madhur ras chusne laga.

Rajnandini thoda sa kasmasayi to main fauran vaha se gayab ho ke apne ghar aa gaya…jab ki udhar rajnandini kasmasa kar uth baithi aur apne hotho ko check karne lagi jo ki geele the.

Rajnandini (mann me)—yaha to koi bhi nahi hai….phir mujhe aisa kyo laga ki jaise rishi yahi hai aur vahi mere hotho ko chus raha hai…? Hoth bhi geele hain…shayad maine sapna dekha hoga…lagta hai ki main sach much rishi ke pyar me pagal ho jaungi…pahle jagte huye hi dikhayi deta tha, ab to usne mujhe sona bhi mushkil kar diya.

Agle din dost mandli ke aane se meri need khul gayi….main bhi fresh ho kar unke sath baith gaya…sab apni apni bato me magan ho gaye.

Chuttad—rishi, kal tu gaya tha kya kahi..hum jab sandhya samay yaha aaye to tu mila nahi tha…?

Adirishi—haaa, kal main uss pahadi wale baba se milne gaya tha…(phir maine unko sari baat bata di)

Nangu—kyaaaaa…usne tumhe jadui anguthi di….?

Pangu—dikhana jara ye kaise kaam karti hai…?

Adirishi—aise..

Maine unke samne adrishya ho kar dikhaya to sabhi khush ho gaye….sabne bari bari se pahan ke adrishya ho kar uska jayza liya.

Chuttad—wah..! ye to bade hi kaam ki cheez hai….main iski madad se adrishya ho kar kisi ke bhi ghar me ghus kar unko sambhog karte huye dekh sakta hu.

Gangu—chup kar sala ghatiya admi kahi ka…isko jab dekho gandi soch hi aati hai dimag me

Pangu—abe isse achcha hai ki khud hi shadi kar le…

Chuttad—kya karu yaar... ! mera baap meri shadi karna hi nahi chahta lagta hai...main to kab se taiyar hu.

Nangu—to ja ke muth maar

Chuttad—vahi to maar maar ke itna dubla patla ho gaya hu….vaise ek idea hai mere paas

Pangu—kyaaa….?

Chuttad—tum log shadi kar lo phir mujhe bahar kisi ko sambhog karte dekhne ki jarurat nahi padegi….

Nangu—sale teri to...

Gangu—dekha maine kaha tha na ki ye bahut ghatiya soch ka admi hai….sala chuttad ka chuttad hi rahega.

Kuch der aise hi hasi majak chalta raha uske baad main rajnandini se milne chala gaya ussi ped ke paas jaha vo badi se besabri se mera intazar kar rahi thi.

Rajnandini—main kab se tumhara intazar kar rahi hu, tumhe to meri koi fikar hi nahi hai….?

Adirishi (kaan pakad ke)—vo khana banane me samay lag gaya

Rajnandini—to jaldi se shadi kar lo…ab to pita ji ne bhi haa kar di hai.

Adirishi—tumhare pita ji ne to haa kar di kintu mere pita ji bhi to aa jaye…unka ashirwad bhi to chahiye.

Rajnandini—pata hai rishi…kal raat na tum mere sapne me aaye the….lekin mujhe na jane kyo aisa lag raha tha ki tum mere paas hi the aur mere hotho ko chum rahe the.

Adirishi (baho me le kar)—aise chum raha tha kya…? Ummmmmmmmm

Rajnandini—aise nahi..mere hotho ko jor jor se chus rahe the..

Adirishi (hotho ko chuste huye)—aise kya……?

Rajnandini—hmmm…bilkul aise hi

Adirishi—vaise raat me main tumhare yaha sach me tha…

Rajnandini—kyaaa…? Lekin main to andar so rahi thi….agar tum ne pahle bataya hota to main tumhara intazar karti bahar…

Adirishi—main to tumhare paas hi tha..

Rajnandini—mere paas….lekin kaise….? Darwaja to band tha andar se, phir.... ?

Adirishi—chalo apni ankhe band karo, main tumhe ek jadu dikhata hu….

Rajnandini—theek hai…ab dikhao jadu, lekin kahi chumna vumna nahi..haaa

Adirishi (adrishya ho kar)—ab apni ankhe khol lo aur dekho jadu….

Rajnandini—rishi tum kaha ho…?

Adirishi—main to yahi hu ..tumhare samne...

Rajnandini (shocked)—mere samne... ? to mujhe dikhayi kyo nahi de rahe ho... ? dekho mujhe aisa majak bilkul pasand nahi hai…

Adirishi (godi me utha kar)—ab hua yakin ki main tumhare hi paas me hu...dikh gaya jadu

Rajnandini (shocked)—rishiii.....ye sab kya haii.. ? mujhe koi jadu nahi dekhna, tum samne aao

Adirishi (visible ho kar)—ye lo aa gaya….kaisa laga jadu….?

Rajnandini (nam ankho se)—aisa majak dubara mat karna rishi….tum thodi der ke liye door kya huye, meri to jaise jaan hi nikal gay thi….main tumhare bina jivit nahi rah sakti rishi, nahi rah sakti

Adirishi (chehra upar utha kar)—ye..pagal ye kya…? Tu to rone lagi, achcha yaar mujhe kshama kar de…ab aisi galti phir nahi hogi…pakka wala vada.

Rajnandini—chalo iss baar maaf kiya….vaise kya tha ye…?

Adirishi—kal main …..(poori baat savistar batate huye)..aur mujhe ye anguthi mil gayi.

Rajnandini—ye to bade kaam ki hai…iska matlab kal raat me tumne hi mere hotho ka chuban liya tha na..

Adirishi—hmmmm

Rajnandini—tum mujhe utha nahi sakte the…?

Adirishi—ek khubsurat pari ki need kharab karna mujhe achcha nahi laga isliye nahi uthaya.

Rajnandini—to tumne unn mahatma se apne uss prashna ka jawab kyo nahi puch liya jo rishi kakshivan ne pucha tha….?

Adirishi—jis paheli ka uttar talash karte huye mere vansh ki 8 pidhiya swarg sidhar gayi kintu uska uttar dhoondne me asmarth rahi….agar vo sab bhi chahte to kisi na kisi se puch sakte the, lekin kisi ne aisa nahi kiya…? Iska matlab vo khud hi iss paheli ka uttar dhoondna chahte the…to phir main kaise kisi se puch sakta hu…? Iss paheli ka uttar mujhe swayam hi pata karna hoga, apne anubhav aur gyan se.

Aise hi waqt gujarne laga aur adirishi aur rajnandini ka prem sab ke liye mishal banta gaya…dono ek dusre ke bina ek pahar bhi nahi rah pate the…vo ped unn dono ke prem milan ki yaadgar ban chuka tha.

Tabhi unn dino tabhka koyilee me bhisan badh ka prakop ho gaya…kayi gaon iss badh ki chapet me aa gaye..kayi logo ki jaan gayi…adirishi uss mahatma ki baat ko bhul kar sab ki madad karne me lag gaya…kya raat kya din vo kayi kayi din tak bhukha rah kar bhi logo ko bachane ke kaam me juta raha…rajnandini aur uske dosto ne bhi uska isme sath diya….unhi dino nangu ki maa ka bhi dehant ho gaya.

Uss mahatma dwara apna shisya banne ke liye adirishi ko di gayi ek maah ki avadhi baadh pidit logo ki madad karne me hi samapt ho gayi.

(3058 words)

 

[anandsngh12]

UPDATE- 105


Aise hi waqt gujarne laga aur adirishi aur rajnandini ka prem sab ke liye mishal banta gaya…dono ek dusre ke bina ek pahar bhi nahi rah pate the…vo ped unn dono ke prem milan ki yaadgar ban chuka tha.

Tabhi unn dino tabhka koyilee me bhisan badh ka prakop ho gaya…kayi gaon iss badh ki chapet me aa gaye..kayi logo ki jaan gayi…adirishi uss mahatma ki baat ko bhul kar sab ki madad karne me lag gaya…kya raat kya din vo kayi kayi din tak bhukha rah kar bhi logo ko bachane ke kaam me juta raha…rajnandini aur uske dosto ne bhi uska isme sath diya….unhi dino nangu ki maa ka bhi dehant ho gaya.

Uss mahatma dwara apna shisya banne ke liye adirishi ko di gayi ek maah ki avadhi baadh pidit logo ki madad karne me hi samapt ho gayi.

Ab aage……

Uss mahatma ki di gayi avadhi samapt hone ke baad bhi main ghayal aur bimar logo ki madad karne me hi raat din laga raha…

Iss kaam me bahut samay nikal gaya….tabhi ek din kuch bimar logo ki madad kar ke ghar lout raha tha to kayi din se khana na khane se kamjori aur thakawat ke karan main raste me gir kar behosh ho gaya.

Mujhe jab hosh aaya to maine khud ko kisi ashram me leta hua paya…ye dekh kar main soch me pad gaya ki yaha koun laya mujhe…?

“Ab kaisi tabiyat hai vats.” Kisi ne mujhe hosh me aate dekh kar kaha.

Maine chounk kar awaz ki disha me gardan ghuma ke dekha to ye dekh kar hairan rah gaya ki mere samne vahi mahatma khade huye the.

Adirishi (hairan ho kar)—pranam mahatma ji..!

Mahatma—ab kaisi tabiyat hai tumhari putra.... ?

Adirishi (idhar udhar dekhte huye)—main to theek hu…..lekin mujhe hua kya tha aur main yaha kaise aaya.... ? jaha tak mujhe yaad hai, main to apne ghar ja raha tha.

Mahatma—tum mujhe yaha ashram me aate samay raste me behosh mile the….tab kuch logo ki madad se main tumhe yaha le aaya.

Adirishi—apka koti koti dhanyawad mahatma ji….aur main aap se kshama chahta hu ki main apko nirdharit avadhi me koi bhi anmol cheez bhent nahi kar saka…..shayad apka shisya banne ka saubhagya meri kismat me hi nahi likha tha.

Mahatma—parantu mujhe to anmol uphar tumse mil chuka hai, vats…..main tumhe apna shisya banane ke liye saharsh taiyar hu….tum jaisa shisya banane aur tumhe shiksha dene me mujhe bhi khushi hogi.

Adirishi (shocked)—Lekin mahatma ji ..maine aap ko abhi tak koi anmol uphar diya hi nahi…? Phir aa ne ye kyo kaha ki uphar aap ko mil chuka hai….? Jabki main pichle ek mahine se bhari barish se huye tabah logo ki madad karne me hi laga raha….apka uphar dhoondne ka mujhe samay hi nahi mil paya.

Mahatma (mushkura kar)—Putra tumhe kya laga tha ki uphar me maine tumhe koi heere, moti, mani, manikya jaisi koi cheez bhent karne ko kaha hai…! Nahi putra, ye sab to mere liye kankad aur patthar ke saman hain, inko le kar main kya karunga…? Jo tumne pichle ek mahine me kiya, pidit logo ki nihswarth bhavna se unki har sambhav bina kuch khaye piye unn sab ki madad ki….raat ko raat aur din ko din nahi samjha, bas sab kuch bhul kar kewal jan kalyan me hi lage rahe……vastav me vahi mera uphar hai….

Adirishi (shocked)—main kuch samjha nahi mahatma ji…?

Mahatma—vats, maine tumhe kaha tha ki mujhe koi aisa anmol uphar chahiye jo kisi ke bhi paas na ho….to tum hi vichar karo….kya ye heere, jawaharat..ye dhan daulat aur kisi ke paas nahi ho sakti…? Ye anmol kaise ho sakti hai… jabki sach baat to ye hai ki ratn aur abhusan to teen hi hote hain lekin murkh log heere, jawahrat, sona, chandi ko abhusan samajhte hain.

पृथिव्यां त्रीणि रत्नानि जलमन्नं सुभाषितम् ।
मूढैः पाषाणखण्डेषु रत्नसंज्ञा विधीयते ॥

Vastav me jal, anaaj aur madhur vani ke atirikta koi ratn nahi hai….ek hi uphar aisa hai jo har kisi ke paas alag alag hota hai, aur vah hai uska karm….tumhara ye nihswarth bhav se kiya gaya karm hi mere liye sabse anmol bhent hai, jo ki mujhe ab mil chuka hai.

Adirishi (khush ho kar)—sach mahatma ji..! iska matlab ab main apka shisya ban sakta hu na…?

Mahatma—avashya putra….ab se tum mere shisya ho….main tumhe har tarah ke loukik aur aloukik gyan se paripurn karunga….sath me tumhe ashtra shstra vidhya me nipun banaunga jisse ki tum aane wale samay me adharmi aur papiyo ka nash kar ke unke krur atyachar se asahay logo ki madad kar sako…kintu putra main tumhe shiksha dena shuru karu usse pahle iss samay tumhara ek behad jaruri kartavya tumhari pratiksha kar raha hai.

Adirishi—kaisa kartavya…mahatma ji…nahi nahi…mahatma ji nahi balki aaj se gurudev…?

Mahatma—vats, ek dukhad samachar hai…..yaha se kafi doori par ek nirjan van hai….jaha sadhna karte huye tumhare pita ki mrityu ho chuki hai ya ye samajh lo ki iss dauran unki nirmam hatya kar di gayi hai…

Adirishi (shocked)—kyaaaaa….? Nahii…ye nahi ho sakta.

Unn mahatma ki mukh se apne pita ji ki mrityu ka samachar pate hi main dukh ke athah sagar me doobne laga… meri ankho se anshuo ki ladiya bahne lagi.

Mahatma—vats, ye samay dukhi ho kar anshu bahane ka nahi balki tumhe apne pita ke parthiv sharir ki anteshti karne ka hai, isse pahle ki koi jungli janwar unke mrit sharir ko kshat vikshat kar de….tumhe apna ye putra dharma nibhana hoga…utho vats

Adirishi—Jaisi apki agya gurudev

Main ashru purit palko ke sath apne gaon aa gaya aur apne dosto ko sath le kar gurudev ki bataye gaye sthan ki oor chal diya….ye khabar aag ki tarah poore gaon me phail gayi….

Rajnandini bhi iss khabar ko sunn kar khud ko iss gamgin ghadi me mere paas aane se nahi rok saki…uske pita samet gaon ke kayi log bhi hamare sath chal diye…. vaha pahuchte hi mujhe bahut bada dhakka laga jab maine apne pita ke sharir ko kayi tukdo me idhar udhar pada hua dekha.

Hum sabhi dosto ki ankhe iss samay nam thi….maine apne dosto aur gaon walo ki madad se vahi pita ji ka antim sanskar kiya…pahle maa aur ab pita ji ke jane se main bilkul toot chuka tha….kintu rajnandini ke pyar aur apne dosto ki dosti ke ne mujhe jivit rahne par vivash kar diya tha.

Kintu mere mann me ashanti hi ashanti thi….Rajnandini aur apne dosto ke samjhane par main gurudev ke paas chala gaya apni bheegi palko ke sath.

Mahatma (gurudev)—aao vats.

Adirishi—pranam gurudev

Gurudev—kalyan ho putra

Adirishi (rote huye)—ab mera iss sansar me koi nahi raha gurudev…main ab bilkul akela aur anath ho gaya hu.. mera mann ashant ho chuka hai poori tarah se….

Gurudev—vats, agar ye sukh dukh ke mayajal se apne apko alag kar ke dekhoge to sari srasti hi tumhe apni lageggi.

Adirishi—gurudev, mere pita ki hatya kisne aur kyon ki…? Unki to kisi se dushmani bhi nahi thi…

Gurudev—shaitan azgar ne tumhare pita ki hatya ki hai....vo sabhi loko me andhkar aur paap ka samrajya sthapit karna chahta hai...jab usne tumhare pita ko kisi aur ki sadhna karte huye dekha to usne unki hatya kar di...aur isme uska sath diya kilwish ne.....

Adirishi (rote huye)—uss papi ko kya haq tha aisa karne ka... ? usne akaran hi mere pita ko maar dala...mujhe anath kar diya..

Gurudev—vats, jeevan maran to satat prakriya hai…maine tumhe smjhaya tha ki jiska janam hua hai ek din uski mrityu hona bhi nishchit hai…phir shok kaisa putra..

Iss Sharir Mein Suno Adirishi Ek Sukshma Sharir Samaye Re,
Jyoti Roop Vahi Sukshma Sharir To Jeevatma Kahlaye Re,
Mrityu Samay Jab Yah Jeevatma Tann Ko Chhod Kar Jaye Re,
Dhan Daulat Aur Sage Sambandhi Koi Sang Na Aaye Re,
Paap Punya Sanskar Vrittiya Aise Sang Le Jaye Re,
Jaise Phool Se Uski Khushbu Pawan Uda Le Jaye Re,
Sang Chale Karmo Ka Lekha Jaise Karm Kamaye Re,
Agle Janam Mein Pichle Janam Ka Aap Hisab Chukaye Re.

Gurudev ka aise bar bar samjhane se mere mann ke andar chhaye dukh ke badal dhire dhire kam hote gaye aur jab maine khud ko kuch sanyamit samjha to unse shiksha aarambh karne ke liye kaha.

Gurudev—vats, sabse pahle tumhe dhyan lagana sikhna hoga….kyon ki shastra gyan ashtra shastra ka gyan to main tumhe de dunga kintu kuch aloukik shaktiyo ko grahan kar unhe aatmsaat karne ke liye dhyan ki avashyakta hoti hai.

Adirishi—dhyan kaise lagate hain gurudev….? Kya dhyan lagane ka koi saral tarika hai….?

Gurudev—haan, ek aasaan tarika hai kintu vo koi vidhi nahi hai balki ek kala hai…ek yougik kala….jisse dhyan lagane me badi sahayta milti hai.

Adirishi—vo asaan tarika, vo yougik kala kya hai gurudev….?

Gurudev—vats, sansar ke jhamelo se bachne ke liye ekant me baith kar mann ko dhyan me lagana chahiye… kyon ki ekant me manav apne bhitar jhank sakta hai.

Adirishi—parantu dhyan lagane ke liye apne antar me jhankne ki kya avashyakta hai….?

Gurudev—putra, shayad tum bhul rahe ho ki parmatma ka ansh arthat aatma manav ke bhitar hi vaas karti hai…issi aatma se sampark hi usse milne ka pahla charan hai…isliye dhyan lagane ke liye sabse pahle apne antar me hi jhankna chahiye aur ye tabhi sambhav ho sakta hai jab manusya ka apna sharir uske niyantran me ho…yadi uska sharir hi kabu me na ho to usko dhyan lagane ka uddeshya nahi mil payega.

Adirishi—aur dhyan lagane ka antim uddeshya kya hai…?

Gurudev—dhyan ka uddeshya uss shakti se sampark karna hota hai…parantu iske pratham charan me manav ko aatma shuddhi prapt hoti hai aur dhyan lagane wale ka antar mann nirmal ho jata hai.

Adirishi—dhyan kaise lagaye…?

Gurudev—dhyan lagate samay achal baith kar apni pth, sir aur gale ko saman aur sidha rakhna chahiye aur apni dristi ko apni naak ke agle bhag par iss tarah jamaye rakhe ki dusri sari dishaye ankho se ojhal ho jaye…aisa karne se apne aas paas ke vatavaran se uski indriyo ka sampark toot jayega aur manushya apne antar me mann laga sakega.

Gurudev ne mujhe kuch din tak dhyan lagana sikhaya aur jab main usme saksham ho gaya to unhone mujhe baki shiksha dena shuru kar di…kayi tarah ke ashtra shastra aur kuch aloukik shaktiyo ka gyan diya.

Gurudev—putra inn shaktiyo ka upyog hamesha jan kalyan me hi karna…kisi nirdosh prani par inka prahar mat karna…yahi meri guru dakshina hogi.

Adirishi—aisa hi hoga gurudev.

Jis samay main gurudev se shiksha grahan karne me laga hua tha uss samay meri aur rajnandini ki mulaqat hona band ho gayi thi....rajnandini ka mann kahi nahi lag raha tha, vo mujhse milne ke liye aatur ho rahi thi...usne meri shiksha me rukawat paida karne ki jagah khud ko mata mahakali ki ek pratima bana kar jab ghar ke sab log so jate to vah chupke se nikal jati aur poori raat unki aradhna karti rahti.

Ussi samay azgar jo ki har jagah ja ja kar logo ka katle aam karta phir raha tha....vaha se gujarte huye achanak uski nazar rajnandini par pad gayi aur phir....

 

[anandsngh12]

UPDATE- 106


Jis samay main gurudev se shiksha grahan karne me laga hua tha uss samay meri aur rajnandini ki mulaqat hona band ho gayi thi....rajnandini ka mann kahi nahi lag raha tha, vo mujhse milne ke liye aatur ho rahi thi...usne meri shiksha me rukawat paida karne ki jagah khud ko mata mahakali ki ek pratima bana kar jab ghar ke sab log so jate to vah chupke se nikal jati aur poori raat unki aradhna karti rahti.

Ussi samay azgar jo ki har jagah ja ja kar logo ka katle aam karta phir raha tha....vaha se gujarte huye achanak uski nazar rajnandini par pad gayi aur phir....

Ab aage......

Rajnandini par nazar padte hi azgar ke kadam jaha the vahi tham se gaye aur ankho ne palak jhapakna chhod diya.. us samay rajnandini ankhe band kiye mata mahakali ke dhyan me poori tarah se leen thi....uske mukh mandal ki chamak ne azgar ko sammohit sa kar liya.

Azgar uski khubsurti ko dekh dekh kar kamashakt hone laga....rajnandini ki adbhut sundar aur madak youvan ke teer ne azgar ko ghayal kar diya...azgar ki ye dasha dekh kar senapati aur uske vampire sainik bhi chakra gaye... halanki unki halat bhi rajnandini ke youvan darshan karne ke uparant azgar se alag nahi thi.

Senapati—malik agar aap kahe to iss loundiya ko bhi pakad le chalte hain….iske youvan ka ras pahle aap chakh lena phir hum log bhi masal lenge.

Ye sunte hi azgar ki ankho me khoon utar aaya...kintu uski ankhe lal hone ki jagah poori kali ho gayi...ye dekh kar uske sainik aur senapati darr ke maare thar thar kampne lage...abhi senapati apni safayi me kuch kahne hi ja raha tha ki azgar ne uski gardan daboch li aur phir ek jhatke me hi uske jism se ukhad phenki.

Azgar (gusse me)—teri himmat bhi kaise huyi uss ladki ke bare me aisa sochne ki...vo aaj se sirf azgar ki hai...vo tum sab ki malkin banegi.....iss azgar ke dil ki rani banegi vo.

Azgar vaha se sidhe rajnandini ke paas badh gaya...aur uske karib pahuch kar uski khubsurti ko niharne laga...aur uske dhyan se bahar aane ka intazar karne laga...akhir rajnandini ki ankhe khuli aur murti ko pranam karne ke baad jaise hi uth kar khadi huyi to palate hi samne khade bhayanak shakal surat wale daitya ko dekh kar darr gayi.

Rajnandini (darte huye)—kkkk.....koun ho tum.... ?

Azgar (mushkurate huye)—aahhh....kitni madhur awaz hai....shukra hai ki tumne ankhe to kholi apni.

Rajnandini (thoda jor se)—maine pucha....koun ho tum..... ?

Azgar—tumhare husn ka gulam.....wah, kya chehra hai...kya kajrari ankhe hain....aur kya mast youvan hai...tujhe bhogne me asli maza ayega....tu ek bar nahi balki bar bar bhogne ki cheez hai....tujhe dekhte hi meri kaam vasna bhadak gayi hai, jise ab kewal tera ye madmast youvan bhogne ke pashchat hi shanti milegi....tujhe to main apni rani banaunga.

Rajnandini (gusse me)—sale harami kutte.....dekh tu jo bhi hai, chal bhag yaha se..warna...

Azgar (beech me hi)—haaye...haaye...tujhe to gussa bhi aata hai....aana bhi chahiye...azgar shaitan ki dilruba ko gussa aana hi chahiye.....vaise kya naam hai tera malika-e-shaitan azgar... ?

Shaitan azgar ka naam sunte hi rajnandini ka josh thanda padne laga....kyon ki azgar apni kali kartuto se ab tak sab jagah vikhyat ho chuka tha.

Rajnandini—dekh main ab bhi tujhe bol rahi hu...mere rasta chhod de...warna tere liye ye achcha nahi hoga.

Azgar—dekh meri baat manegi to raj karegi poori duniya par iss azgar ki rani ban ke....aur nahi manegi tab bhi main to teri iss jawani ko bhogunga hi....ab chal jaldi yaha se mere sath..

Rajnandini (gusse me)—tadaakkkkk....sale kutte ki aulad

Azgar (gusse me)—tune mujhe thappad mara.....azgar shaitan ko... ? ab dekh main tera kya haal karta hu...

Azgar usko pakadne ke liye jaise hi hath aage kiya to rajnandini piche hat gayi...magar kab tak usse bach pati, akhir azgar ne usko pakad hi liya aur jabardasti karne ki koshish karne laga.

Rajnandini (chillate huye)—chhod kamine.....aaaaahh.....maa mahakali meri izzat ki raksha karo maa...

Azgar—hahahaha.....kise pukar rahi hai...iss bejan murti ko.... ? azgar ka naam sunte hi sab apne gharo me ghus jate hain, darr ki vajah se…..tujhe bachane koi nahi ayega….ab bhi kahta hu meri baat maan le..warna bahut pachhtayegi…

Rajnandini (gusse me)—kabhi nahi….rajnandini sirf adirishi ki hai aur har janam me uski hi rahegi……..aaahhh…maa

Rajnandini apne bachav me hath pair marne lagi aur madad ke liye kabhi rishi ko to kabhi maa mahakali ko pukarne lagi rote huye jor jor se…tabhi mata mahakali ki mitti ki vo murti hilne lagi aur phir…

“Azgarrr....Chhod de uss ladki ko.” Tabhi kisi aurat ki tez awaz sabhi ke kano me goonj uthi.

Sabne palat ke dekha to kuch hi doori par ek budhiya khadi hi lathi liye huye....aur uski ankhe ek dam kroadh se lal ho kar tamtama rahi thi.

Ek sainik—ye budhiya chal bhag yaha se...

Azgar—arey bhagata kya hai...maar de sidhe aur kha jao iss budhiya ko bhi.

Azgar ki baat sunte hi ek sainik uski taraf dauda marne ko...lekin uske paas pahuchne se pahle hi uske jism ko aag ne gher liya aur vo cheekhte huye jal kar raakh ka dher ban gaya

Ye dekh kayi sainik uss aurat ki oor lapke lekin sab ka vahi haal hua....aur agle hi pal uss aurat ne aage badh ke azgar ke pichwade par ek laat mari to azgar dard se cheekhte huye na jane kitni koso door aur kaha ja gira.

Aurat—utho beti...ab vo dust philhal yaha se chala gaya hai...tumhe ab ghabrane ki koi jarurat nahi hai.

Rajnandini (sisakte huye)—maayi aap iss samay sakshat maa mahakali ka roop ban kar meri madad karne aayi hain.. agar aaj aap nahi aati to main apne rishi ko muh dikhane ke kabil nahi rahti.

Aurat—tumhara prem hi to uski sabse badi taqat hai....jaise ravan ke vinash ka karan sita bani to kaurav ke vinash ka karan droupdi....theek ussi tarah bhavishya me tum hi inn papiyo ke vinash ka pramukh karan banogi beti...

Rajnandini (hairan)—main kuch samjhi nahi maayi... !

Aurat—har ghatna ka ek samay nirdharit hota hai beti.....isliye samay aane par sab pata chal jayega.

Rajnandini—aap koun hain aur iss samay yaha kis prayojan se aayi thi.. ? maine apko pahle to kabhi nahi dekha iss gaon me..

Aurat (mushkura kar)—Yahi sawal to main bhi tumse janna chahti hu ki iss andheri raat me ek jawan ladki yaha kya rahi thi…?

Rajnandini—main to yaha maa mahakali ki aradhana karne aati hu prati din iss samay…aaj bhi vahi kar rahi thi ki pata nahi ye dust kaha se aa tapka…?

Aurat—beti ye raat ka samay ghar se bahar nikalne ke liye theek nahi hai…tum ab se yaha mat aaya karo iss samay.

Rajnandini—main maa ki aradhna karna nahi chhod sakti maayi…main vivash hu.

Aurat—aradhna tum apne ghar me bhi kar sakti ho raat me….aradhana karne ke liye murti ka hona avashyak nahi hai…bas kewal mann me sachchi shraddha honi chahiye beti.

Rajnandini—main samajh gayi maayi…

Aurat—aur haan beti....mere paas kuch shaktiya hain jo main tumhe dena chahti hu...meri to ab umra ho chuki hai.

Rajnandini—lekin aap mujhe kyo dena chahti hain….? Aur aap ne apna parichay bhi nahi diya ab tak.

Aurat—tumhara hriday swarth rahit aur nishchhal prem se bhara hua hai...isliye tumhe dena chahti hu...aur rahi baat mere parichay ki to jab uchit samay ayega to khud hi tum mujhe pahchan jaogi....chalo ab baith jao.

Rajnandini ke baith kar ankhe band karte hi uss aurat ne apna ek hath uske sir par rakh diya aur agle hi pal unke hath se tez roshni nikal kar rajnandini ke jism me samane lagi.

Kuch samay pashchat uss aurat ne rajnandini ko ankhe kholne ko kaha ....ankhe kholte hi rajnandini ko apne sharir me kafi taqat hone ka ehsaas hone laga.

Rajnandini—lekin maayi...main inn shaktiyo ka istemal karungi kaise.... ?

Aurat—jab tum dhyan lagaogi to tumhe inke vishay me pata chal jayega….ab tum ghar jao beti

Rajnandini—theek hai maayi

Rajnandini ne uss aurat ke pair chhu kar ashirwad liya aur apne ghar ki oor mud gayi…kuch kadam chalne ke baad usne piche palat ke dekha to chounk gayi..kyon ki ab vaha koi aurat nahi thi.

Rajnandini (shocked)—itna jaldi vo maayi kaha gayab ho gayi…?

Phir vo yahi sochte huye ghar chali gayi....dusri taraf main gurudev ki agya le kar apne ghar lout aaya..aur dusre din rajnandini se milne pahuch gaya subah subah….mujhe dekh kar vo bahut khush huyi aur mujhse daud kar lipat gayi.

Dophar me jab hum apne chir parichit ekant sthan par mile to dono ne apne apne vishay me bataya…maine kya kya sikha aur usne kya kya kiya iss dauran sab kuch bataya…raat wali ghatna bhi batayi jise sun kar main bhi chounk gaya.

Rajnandini—rishi…vo aurat kaha gayi hogi itni raat me bechari…?

Adirishi (mushkura kar)—unhe kahi jane ki kya jarurat hai...vo to har jagah hain....nandini, shayad mata mahakali ne hi uss aurat ka roop dhar ke tumhari madad ki hai..tum sachmuch bahut bhagyashalini ho jo tumhe swayam mata ne prakat ho kar ashirwad diya.

Rajnandini (shocked)—kyaaaaa.... ? vo khud maa thi... ?

Vo mata ko na pahchan pane ka dukh jatati rahi aur main samjhata raha....kuch din uske sath gujarne ke baad main apne ussi khandani prashn ke uttar ki talash me nikal gaya.

Chalte huye achanak mere kano me kuch logo ke jor jor se cheekhne ki awaz sunayi padi….awaz sunyi padte hi main uss disha me badhta gaya aur jaise hi vaha pahucha to samne ka drishya dekh kar mera kroadh satve aas maan par pahuch gaya.

 

[anandsngh12]

UPDATE- 107


Vo mata ko na pahchan pane ka dukh jatati rahi aur main samjhata raha....kuch din uske sath gujarne ke baad main apne ussi khandani prashn ke uttar ki talash me nikal gaya.

Chalte huye achanak mere kano me kuch logo ke jor jor se cheekhne ki awaz sunayi padi….awaz sunyi padte hi main uss disha me badhta gaya aur jaise hi vaha pahucha to samne ka drishya dekh kar mera kroadh satve aas maan par pahuch gaya.

Ab aage…..

Vaha kayi vampires aur bhediya manav, kuch logo ko maar maar kar kha rahe the…to kuch log sundar sundar ladkiyo se jabardasti sambhog karne ki koshish kar rahe the…..vo sabhi unse bachne ke liye jor jor se dard me cheekh aur chilla kar madad ke liye pukar rahi thi…Ye drishya dekh kar mera gussa mere kabu se bahar ho gaya.

Adirishi (dahadte huye)—rukkkk jaooooo..

Meri awaz vaha ki vadiyo me prati dwanit ho kar goonjne lagi…sab chounk kar meri taraf dekhne lage…mujhe dekh kar unn logo ko asha ki ek kiran dikhayi dene lagi.

Ek vampire—hahaha…..tu manav yaha kaise aa gaya re…..

2nd vampire—hahaha.....ab ye inn sab ko hamse bachayegaaaa....hahahaha

3rd vampire—ye to khud hi hamara bhojan ban ke aaya hai...haahahahahah

Vo sab—hahahahahaha

Adirishi (gusse me)—tadaakkkk…..taddaaakkkk….tadaakkkk……badatamiz log mujhe bilkul pasand nahi hain…

Ek bhediya manav—ye…kyaa bola re tuuu…..aaaaaaaaaaaaaaaaaa

Adirishi (gusse me)—mujhe ek hi baat ko dubara bolne ki aadat nahi hai

2nd bhediya manav—teri ye himmat ki hame chunouti de…..pahle tujhe hi khaunga main ab….aaaaaaaaaaaaa

Adirishi (jor se)—ankh se andha aur kaan se bahra hai kya….? Itni der se kuch suna aur dekha nahi tune....ki tere sathiyo ka kya hua aur kya kaha maine.... ?

Ab ki baar kayi vampires aur bhediya manav ek sath mere upar aag ke gole phenkne lage...vo sab meri pani ki shakti se bujh kar thande ho gaye.....isse pahle ki vo aur kuch prahar karte, maine aag ki shakti ka prayog kar unhe raakh ka dher bana diya....unke dard me cheekhne ki awaz se sab ke kaan ke parde fatne lage aur phir kuch der baad sab kuch shant ho gaya.

Adirishi—aap sab koun hain...aur ye log aap logo par atyachar kyo kar rahe the.... ?

Ek ladki—hum sab jinn aur pariya hain...baki aur bhi kayi log yaha rahte hain....ye sab kilwish ke sainik the....jo har roj kisi na kisi pari ko apni hawash ka shikar banate rahte hain....vo sab hamse sambhog kar ke apni hi tarah ki santan paida karna chahte hain....hamara jeevan to nark se bhi badtar ho chuka hai.

Adirishi—kyo tum logo ka koi ghar nahi hai kya, jo aise pahad ki gufao me rahte ho.... ?

2nd pari—hamara koi ghar nahi hai...kabhi yaha to kabhi vaha bhatakna hi hamara jeevan hai.

Adirishi—ab se aisa nahi hoga....tumhara bhi apna ek lok hoga.

Ek jinn—ye kaise sambhav hoga.... ? koun banayega hamare liye lok…?

Adirishi—main banaunga tum sab ke lok....aur iske liye mujhe tridev aur maa aadi shakti ki aradhna kar ke unki kripa prapt karni hogi...unki kripa ke bina ye karya asambhav hai.

3rd pari—isme to bahut samay lagega…..tab tak to ye hawash ke bhediye hame noch noch ke kha jayenge..

Adirishi—aisa kuch bhi nahi hoga….tum sab apne andar ki shaktiyo ko pahchano….philhal main iss jagah ko suraksha kawach se baandh deta hu….koi bhi iss kawach ko bhed kar andar nahi aa sakta….tab tak main apna kaam bhi poora kar lunga.

1st pari—kya hum apne iss masiha ka naam jaan sakte hain….?

Adirishi—main koi masiha nahi hu…main to upar wale ki banayi huyi srasti ka matra ek manav hu…mera naam adirishi hai.

2nd pari—aaj se aap hi hamare raja hain aur aap hi hamare malik.

Sab—haan..haan...aap hi hum sab ke raja hai.

Tabhi ek vriddh pari ne aa kar mere pair pakad kar rone lagi....maine usko uthaya aur uske bahte huye anshuo ko pocha...aur phir uske dukh ka karan pucha.

Vriddh pari (rote huye)—meri putri ko vo dust kilwish utha le gaya hai....meri beti ko bacha lo.

Adirishi—aap chinta mat kijiye...main abhi kuch upay karta hu apki beti ko bachane ka.

Maine apni ankhe band kar ke dhyan lagaya to mujhe uski ladki ka pata chal gaya....main turant hi vaha se adrishya ho gaya aur jaha vo dust uss ladki ke sath jabardasti karne ka prayas kar raha tha, sidhe vaha pahuch kar visible ho gaya.

Vo ladki jor jor se ro ro kar uss dust kilwish se raham ki bheekh maang rahi thi...uske hath pair rassi jaisi kisi cheez se bandhe huye the....maine kilwish ko pakad kar uthaya aur door patak diya....lekin vo turant gusse se uth kar khada ho gaya aur kha jane wali nazaro se mujhe dekhne laga....uske sainik mujhe maarne ke liye daude par usne unn sab ko hath ke ishare se vahi rok diya.

Kilwish (jor se)—sab vahi ruk jaoo....isne mujhse takrane ki jurrat ki hai...isko saza bhi main hi dunga ab....Andhera kayam rahe...

Kilwish (gusse me)—tu koun hai aur teri yaha aane ki himmat kaise huyi.... ? kya tujhe ye malum nahi ki ye andhere ke samrat Tamraj Kilwish ka kshetra hai.... ?

Adirishi (jor se)—Ilaka to kutto ka hota hai.....sher jis jungle me chala jaye, ussi jungle ka raja ban jata hai...aur andhera hamesha kabhi kayam nahi rahta...andhere ke baad ujala bhi hota hai.

Kilwish (jor se)—tuuu haiii kounnn.... ?

Adirishi (sher ki tarah dahadte huye)—Adirishiiii

Kilwish (gusse me)—to le ab marr…..

Usne turant mere upar aag ki barish karni shuru kar di…main pani ki shakti ka prayog kar uska vaar bekar kar diya.. apna vaar nisphal hote dekh vo aur bhi gussa ho gaya aur iss bar usne pani ki shakti ka hi prayog mere upar kar diya jise maine hawa ka bawandar bana ke uda diya…usne mere upar saanp chhod diye…jinhe maine aag ki shakti se jala diya…..agli bar usne mere upar burf ke gole feke lekin unko main aag ki shakti se hi pighla diya.

Apna har vaar bekar jate dekh usne apne sainiko ko mujhe maarne ko kaha…vo sab hamla karne ke liye ek sath daud pade..unn sab ko main hawa ki shakti se uda diya.

Kilwish (gusse me)—adirishiii…tune kilwish se dushmani le kar theek nahi kiya…..ye pari ab kewal kilwish ki rani banegi….abhi to main ja raha hu lekin bahut jald teri mout ka saman le kar aunga…..mere agle vaar ka intazar karna

Phir vo vaha se gayab ho gaya…uske jate hi maine uss ladki ki rassiya kholi aur usko pakad ke khada liya…ab maine pahli bar uski taraf dhyan diya to dekhta hi rah gaya….gajab ki sundarta samayi thi usme…koi bhi ek nazar uske roop youvan ko dekh le to kaamaandh ho jaye…phir kilwish uske moh pash me fas gaya to kya ashcharya…?

Adirishi—kya naam hai tumhara….?

Vo pari—ji Sonalika

Main usko le kar uski mata ke paas aa gaya....lekin vo ek tak mujhe hi dekhe ja rahi thi....maine ek do bar uski taraf na chahte huye bhi dekh leta tha karan tha, uska abhutpurva soundarya…..halanki rajnandini se koi muqabla nahi tha….rajnandini ke roop soundarya aur sonalika ke soundarya me dharti aas maan ka antar tha…par phir bhi sonalika thi to khubsurat hi, isliye meri nazare bhi usko dekhne ki khatir fisal ja rahi thi…yahi haal shayad uska bhi tha.

Main unn sabse milne ke baad vaha se chala gaya….aur ek sunsan jagah dekh kar tridev ki aradhna karne laga.. mujhe pata nahi kitne din tak main unke dhyan me leen raha..akhir ek din meri tapasya safal huyi..teeno ne mujhe iss karya ke liye apne ashirwad swaroop kuch shaktiya pradan ki….phir main maa bhavani ki aradhna kar ke unka ashirwad bhi prapt kiya.

Tatpashchat maine unn shaktiyo ki madad se jinn lok, pari lok sahit saat states (loko) ka nirman kiya…saato loko ki shaktiyo se ek adbhut singhasan aur ek raj mukut ka nirman hua….chunki ye meri hi shaktiyo se bane loko ki ekatrit shakti se uttapann huye the, isliye sirf mera hi aadhipatya swikar karte the.

Sabhi ko apna apna alag lok milne par behad khushi thi…..unn sabne mujhe hi tann mann se apna raja maan liya tha…isliye maine bhi unki baat ka niradar nahi kiya…..iss dauran sonalika ne apne prem ka izhar mujhse kar diya lekin maine ye kah kar mana kar diya ki main kisi aur se prem karta hu aur main usko dhokha nahi de sakta.

Rajyabhishek ka karya kram maine rajnandini ke sath shadi karne ke din hi hona nishchit kiya, jisse vo bhi mere sath sath saato lok ki maharani ban sake.

Main ye khush khabri dene ke liye tabhka koyilee lout aaya….aur sidhe rajnandini se milne chala gaya…lekin vaha pahuchne par……