Incest Koi To Rok Lo~Pritam.bs~

[Aanand]

Ko To Rok Lo {Update - 143}
____________________________

Ajji ko is tarah tutta hua dekh kar, aman ko samajhte der nahi lagi ki, ajji ko koi bahut badi baat pareshan kar rahi hai. Usne ajji ko dilasa hote huye kaha.

Aman bola “rota kyo hai. Tera bhai tere sath hai na. Mujhe bata kya baat tujhe pareshan kar rahi hai.”

Aman ka sahara pakar, ajji ne apne dil ka gubar nikalte huye use saari baten batayi aur us se kaha.

Ajay bola “mere mata pita ki maut koi road accident nahi thi. Wo ek sochi samjhi sazish thi. Wo ek katl tha.”

Uska chehra gusse se laal ho gaya. Usne ajji ko pakad kar hilate huye kaha.

Aman bola “tu ye kya kah raha hai. Kaun hai wo jisne ye sazish rachi thi.”

Ajay bola “wo koi aur nahi. Humara manager aur papa ka karibi dost dhiru shah hai.”

Ajji ki ye baat sunkar, aman ke dimag me ek aur dhamaka hua. Aman dhiru shah ko ache se janta tha aur use ek bahut acha insan samjhta tha. Ajji ke parivar se dhiru shah ke rishte ko bhi aman janta tha.

Isliye use ab bhi apne kaano par viswas nahi ho raha tha. Aman ko samajh me nahi aa raha tha ki, dhiru shah jaisa insan aisa kaise kar sakta hai. Aman ne ajji se sawal karte huye kaha.

Aman bola “ye tu kya bol raha hai. Dhiru uncle aisa kyo karege.”

Ajay bola “papa ka ek hospital banane ka sapna tha. Us hospital ke liye un ne ek jamin dekhi thi. Jise wo muh mangi keemat dekar bhi kharidne ko taiyar the. Wo jamin shahar ke bich me thi aur kayi bade log us jamin ko hasil karna chahte the. Magar us jamin ka sauda papa ke sath pakka ho gaya tha.”

“Papa ko us jamin kharidne se rokne ke liye, kisi businessman ne dhiru uncle ko badi rakam di thi. Lekin papa ne unki baat manne se inkar kar diya tha. Jis vajah se dhiru uncle ne unka road accident karwa diya. Mere jis bap ne un par ek sage bhai ki tarah viswas kiya tha. Un ne usi ke sath sirf jara se paise ke liye viswas ghat karke unki jaan le li.”

Ajji ki baat sunkar, aman ki aankhe bhi bhig gayi. Lekin usne ajji ko sambhalte huye kaha.

Aman bola “tu fikar mat kar, use uske kiye ki saza jarur milegi. Mai abhi abhay (S.P.) se baat karta hu. Saale ab jindagi bhar jail ki chakki pisega.”

Ye kah kar aman ne S.P. ko call lagane ke liye apna mobile nikala aur call lagane laga. Lekin ajji ne use call lagane se rokte huye kaha.

Ajay bola “aisa mat kar, jara hetal aur aunty ke baare me bhi soch, ye sab wo log kaise sah payegi.”

Ajji ki baat sunkar, aman ne bhadakte huye kaha.

Aman bola “tu pagal ho gaya ha kya. Jisne tere parivar ko khatam kar diya. Tu usi ke parivar ke baare me soch raha hai.”

Ajay bola “nahi, mai uske parivar ke baare me nahi soch raha hu. Mai apni us bahan ke baare me soch raha hu. Jisne aru ke jaane ke bad, mere akelepan ko mehsus karke, mujhe hasane ki koshish ki thi. Mai apni us bahan ke baare me soch raha hu, jisne dhiru shah ki harkat pata lagne par, apne dost se unhe chhupane ki jagah sab kuch mujhe bata dene ko kaha tha.”

“Mai apni us bahan ke baare me soch raha hu, jise apne pita ke meri mill me aag lagane ki baat pata chali to, usne apne papa ke kaam se nikale jaane par ek baar bhi nakhushi jahir nahi ki aur sharam se usne mera samna karna hi band kar diya. Mai chah kar bhi in sab baton ko andekha kar, use duniya ke samne ek katil ki beti kahlane ki saja nahi de sakta.”

Ajji ki is baat ne aman ko soch me daal diya. Use lag raha tha ki, ajji ne dhiru shah ko maaf kar diya hai. Is baat ki hakikat janne ke liye usne ajji se kaha.

Aman bola “to kya tune is sab ke liye dhiru shah ko maaf kar diya hai.”

Ajay bola “nahi, maine use maaf nahi kiya. Lekin usko saza dena mere bas ki baat nahi hai. Uske is gunah ki saza use upar wala hi dega.”

Abhi ajji aur aman baat kar hi rahe the ki, tabhi ajji ka naya manager uske pas bhagta hua aaya aur usne ajji se kaha.

Manager bola “sir, ek buri khabar hai. Hetal ne apne aapko aag laga li hai aur use hospital le jaya gaya hai.”

Manager bahut jyada ghabraya hua tha aur uski baat sunkar, ajji bhi ghabra gaya. Lekin aman ne manager ki ye haalat dekh kar, us se kaha.

Aman bola “tumhe ye baat kaise pata lagi aur tum itna ghabra kyo rahe ho.”

Aman ki baat sunkar, manager ne haklate huye kaha.

Manager bola “sir, mai hi wo ladka hu, jiske liye hetal ne aisa kadam uthaya hai. Hum dono ek dusre ko bahut pyar karte hai. Ye baat jab uske pita ko pata chali to, wo uski shadi kahi aur pakki karne ki koshish karne lage. Jiski vajah se usne aisa kadam utha liya.”

Uski baat sunkar, ajji ne fauran hospital jaane ki baat ki aur wo teeno hospital pahuch gaye. Hospital me hetal ka jala hua chehra aur use tadapta dekh kar ajji ke aansu nikal gaye. Wahi aman ne hetal ki haalat dekhi to, waha ke doctor se baat ki aur fir usne apni chinta jahir karte huye ajji se kaha.

Aman bola “hetal ne apne aapko marne ki koshish ki hai. Isliye aag lagne ke bad bhi usne apne aapko jara bhi bachane ki koshish nahi ki thi. Jis vajah se wo bahut jyada jal gayi hai. Yaha ke doctor kahte hai ki, uska bachna mushkil hai. Lekin mere khayal se yadi ise jaldi hi mumbai le jaya jaye to, iske bachne ki kuch ummid ki ja sakti hai.”

Aman ki baat sunkar, ajji ne us se kaha.

Ajay bola “hum iska mumbai ke ache se ache hospital me ilaj karwayege. Tum abhi nisha ko yaha ka saara haal batao. Mai tab tak ise mumbai le jaane ka intejam karta hu.”

Ajji ki baat sunkar, aman ne mujhe call laga kar, saari baten batayi. Maine aman se kaha ki, mai har mumkin madad karne ko taiyar hu. Tum ajji se kaho ki, wo jald se jald hetal ko mumbai le aaye. Tab tak mai hetal ke baare me doctor se baat karke rakhti hu.

Aman ki mujhse baat hone ke bad, ajji ne bahar aakar, aunty se kaha ki, hetal ko ilaj ke liye mumbai le jana jaruri hai. Hum hetal ko mumbai le jana chahte hai. Ajji ki baat par aunty ne to apni sahmati de di.

Lekin dhiru shah ne hetal ko kahi bhi le jaane se mana kar diya. Is par ajji ko us par gussa aa gaya aur usne gusse me dhiru shah ka gireban pakad kar, use dhamkate huye kaha.

Ajay bola “tu mere maa bap ka katil hai. Ye jante huye bhi yadi maine tujhe kuch nahi kaha hai to, uski vajah sirf hetal hai. Lekin yadi hetal ko kuch hua to, tu itna samajh kar rakh le ki, tujhe mujhse koi nahi bacha sakta. Teri boti boti karke yadi kutto ko na khila diya to, mai bhi apne bap ki aulad nahi.”

Us wakt ajji ki aankhon se shole baras rahe the. Jiske samne dhiru shah ki bolti band ho gayi aur sath hi uski najron se ye parda bhi uth gaya ki, uski kaali kartoot ke baare me koi kuch nahi janta.

Wahi aunty bhi ajji ki ye baat sunkar, sann rah gayi thi. Unhe samajh me nahi aaya ki, ajji ye kya kah raha hai. Wo ajji se is baare me janna chahti thi. Lekin ajji ne abhi hetal ko dekhne ki baat kah kar baat ko taal diya.

Uske bad ajji hetal ko mumbai lane ke intejam me lag gaya. Dhiru shah ki himmat nahi huyi ki, wo ajji ko aisa karne se rok sake. Kuch hi der me hetal ko mumbai le aaya gaya aur use mumbai ke ek bade se hospital me bharti kara diya gaya.

Ajji ke sath aunty aur wo manager bhi aaya tha. Wo manager hetal ko dekh kar, rota hi ja raha tha. Aman ne use dilasa dete huye kaha.

Aman bola “fikar mat karo. Mujhe ummid hai ki hetal bach jayegi. Lekin ab wo pahle ki tarah sundar nahi ho sakti. Kya aise me bhi tum uska sath de sakoge.”

Aman ki baat sunkar, us manager ne kaha.

Manager bola “sir, wo bach bas jaye aur mujhe kuch nahi chahiye. Aag se uska sharir jarur jal gaya hai. Lekin uske dil me mere liye jo pyar basa hua hai. Wo pyar to nahi jala na.”

“Mai hetal se ab bhi pyar karta hu aur mai aapko yakin dilata hu ki, mai har haal me hetal ka sath nibhuga. Mere liye wo hamesha hi wo hi hetal rahegi, jo jalne se pahle thi. Bas aap use bacha lijiye.”

Manager ki baat sunkar, ajji ne use dilasa dete huye kaha.

Ajay bola “hetal ko kuch nahi hoga. Wo bilkul thik ho jayegi. Mujhe khushi hai ki, meri bahan ne tum jaise ladke ko apne liya chuna hai. Lekin sath hi is baat ka dukh bhi hai ki, usne aisa kadam uthane se pahle ek baar to apne is bhai ko aajma kar dekh liya hota. Mai itna bura to nahi tha ki, uski shadi tumse nahi karwata.”

Ye kahte kahte ajji ki aankhen chhalak gayi. Wahi us manager ne hetal ki taraf se safai dete huye kaha.

Manager bola “nahi, sir aisa nahi hai. Usne mujhe aapke pas job par hi isliye rakhwaya tha ki, yadi aap mujhe pasand kar lete hai to, fir uske papa ko manana mushkil nahi hoga.”

“Lekin wo pahle se hi apne papa ki mill me hera feri karne ki harkat ki vajah se sharminda thi. Us par uske papa ne mill me aag laga kar, use aur bhi sharminda kar diya. Jiski vajah se wo aapka samna karne ki himmat nahi kar pa rahi thi.”

“Is baat ko lekar uska apne papa se bahut jhagra hua. Usne usi din ghar chhodne ke faisla kar liya aur mere samne shadi karne ki baat rakh di. Magar ye saari baten uske papa ko pata chal gayi aur wo use ghar me band kar, uski shadi kahi dusri jagah pakki karne lage.”

“Aap pahle hi mill aur apni bahan ko lekar pareshan the. Aise me wo aap par koi naya bojh nahi dalna chahti thi. Jab use kuch samajh me nahi aaya to, usne gusse me aisa kadam utha liya.”

Manager ki baat sunkar, ajji ke aansu thamne ki jagah aur bhi bahne lage. Usne apne man ka gubar nikalte huye kaha.

Ajay bola “pata nahi upar wala mujhe kis gunah ki saza dena chahta hai. Yaha ek bahan ke chehre ke daag mitane aaya to, waha dusri bahan ne apne chehre ko jakhmi kar liya. Usne ye tak nahi socha ki, bahne kabhi bhaiyon par bojh nahi hoti. Wo to bhaiyon ke sar ka taj hoti hai, bhaiyon ke dil ka shukun hoti hai.”

Ajji ka ye roop dekh kar aman ka dil bhi bhar aaya. Aaj use ye baat samajh me aa rahi thi ki, ajji ke liye sabse jyada aehmiyat aru ki hone ke bad bhi, seeru aur selu, ajji se itna jyada pyar kyo karti hai.

Kyoki bhale hi ajji ke dil me aru ke liye jo pyar tha uski barabari koi nahi kar sakta tha. Lekin iske bad bhi uske dil me apni har ek bahan ke liye itna pyar tha ki, har ek bahan uske liye jaan dene ko taiyar rahti thi.

Ajji ne dhiru shah wali baat kisi ko bhi batane se mana kar diya tha. Jiski vajah se hetal ke hospital me rahne ki baat ko bhi abhi raz rakhna jaruri ho gaya tha. Ab ajji ki jindgi do hospital ke bich simat ka rah gayi thi.

Din me wo hetal ki hospital me rahta to, raat ko aru ke sath hospital me rahta aur bich ke 2-4 ghante ke liye apne business ko bhi dekh leta. Ajji ka business ab ram bharose chal raha tha.

Kyoki uska wo manager jis par wo sabse jyada viswas karne laga tha. Wo bhi ab uske sath mumbai me hi dera daale huye tha. Kuch din bad, hetal ki tabiyat me sudhar hone laga aur doctor ko uske bachne ki ummid najar aane lagi to, hetal ki mummy ne dhiru shah ko phone par bahut khari khoti sunayi.

Jiske bad dhiru shah mumbai aaya. Lekin hetal ne use dekh kar, muh fer liya. Jise dekh kar use laga ki, hetal ko uski saari sachchai ka pata lag gaya hai. Magar aunty ne use dutkar lagate huye bataya ki, ajji ne wo baat hetal to kya, kisi se bhi kahne se mana kiya hai.

Is sab ko dekh sun kar dhiru shah ko apne kiye par bahut pachhtawa hua aur wo ajji ke ghar ka pata hasil kar, us se milne shikha ke ghar pahuch gaya. Apne samne dhiru shah ko dekh kar, ajji ko gussa to bahut aaya. Lekin wo shikha ke ghar me kisi tarah ka koi hangama khada karna nahi chahta tha.

Dhiru shah us se apni galti ki maafi mangta raha aur ajji use kisi bhi haalat me maaf karne se mana karta raha. Jab dhiru shah ne dekha ki, ajji use kisi bhi haalat me maaf karne ko taiyar nahi hai. Tab wo khud ko kanun ke hawale karne ki baat kah kar udhar se jaane laga.

Ajji ko ab bhi uski baat me sachchai najar nahi aa rahi thi. Lekin wo yadi sach me apne aapko kanun ke hawale kar deta hai to, shayad ye hetal ke liye acha na ho. Bas ye hi soch kar ajji ne usko rokte huye, us se puchha ki, usne aisa kyo kiya. Usne uske pita ke sath itna bada viswas ghat kyo kiya.

Iske jabab me dhiru shah ajji ke samne apni saari sachai khol kar rakh deta hai. Jise sunne ke bad, ajji ko mehsus hota hai ki, wo jhuth nahi bol raha hai. Lekin fir bhi ajji ka dil dhiru shah ko maaf karne ke liye taiyar nahi ho raha tha. Aise halat me ajji ne us se sawal karte huye kaha.

Ajay bola “jab aapko apni galti ka aehsas ho hi gaya tha to, aap mere pas kyo aaye. Aapne apne aapko sidhe kanun ke hawale kyo nahi kar diya. Aakhir aapke is jurm ki saza to aapko sirf kanun hi de sakta hai.”

Ajay ki baat sunkar, dhiru shah ne sharminda hote huye kaha.

Dhiru shah bola “mai apne aapko kanun ke hawale hi karne ja raha tha. Lekin tumhari aunty ne kaha ki, kanun se pahle mai tumhara mumjrim hu. Isliye mujhe maaf karne ya saza dene ka pahla adhikar tumhara hai. Isliye un se tumhara pata lekar mai yaha aa gaya.”

Dhiru shah ki baat sunkar, ajji ko lag raha tha ki, wo sach me apne kiye par sharminda hai. Isliye ajji ne use maaf karte huye kaha.

Ajay bola “yadi aapko sach me apni galti ka aehsas hai to, bhool jaiye in sab baton ko aur hetal ko uska aisa bap de dijiye. Jiski vajah se use mere to, kya kisi ke samne bhi sarminda na hona pade.”

Ajji ki baat ke jabab me dhiru shah ne kaha.

Dhiru shah bola “in sab baton ko mai itne saal tak bhoola tha. Magar ab in baton ko bhulana mere bas me nahi hai. Mai sirf tumhara ya apni beti bas ka gunahgar nahi hu. Balki un hajaron logon ka bhi gunahgar hu. Jinke ilaj ke liye ek hospital kholne ka sapna tumhare pita dekh rahe the. Itne logon ka gunahgar hone ke bad, mai maafi nahi sirf saza hi chahta hu. Tumne mujhe maaf kar diya hai to, ab mai kanun ki saza bhi khushi khushi kabul kar luga.”

Dhiru shah ki baat sunkar, ajji ki aankhon me apne pita ka chehra ghumne laga. Ajji ne apne pita ke sapne ke baare me sochte huye dhiru shah se kaha.

Ajay bola “mere pita ka wo sapna jarur pura hoga aur wo sapna mai pura karuga. Mai india ka sabse bada hospital banauga. Jisme aane wale har insan ka ilaj uski bimari ko dekh kar kiya jayega. Uski amiri garibi dekh kar nahi.”

Ajji ki is baat ko sunkar, dhiru shah ke chehre par chamak aa gayi. Usne ajji ke samne hath jod kar kaha.

Dhiru shah bola “beta yadi ye sach hai to, mujhe bhi us hospital ke kaam me shamil kar lo. Mai waha eit patthar hi dho luga. Shayad is kaam se hi meri aatma ka bojh kam ho jaye.”

Dhiru shah ki is baat ke jabab me ajji ne us se kaha.

Ajay bola “aur us jali huyi mill ka kya hoga. Jise aapne apne fayde ke liye jala diya tha.”

Ajji ki ye baat sunkar, dhiru shah ka sar sharam se jhuk gaya. Lekin ajji ne apni baat ko aage badate huye kaha.

Ajay bola “aapko eit patthar dhone ki jarurat nahi hai. Hume itne bade hospital ko banane ke liye bahut paiso ki jarurat padegi. Aap surat jaiye aur us jali mill ko jaldi se suru karne ki koshish kijiye. Kyoki ab jab tak wo hospital nahi ban jata. Tab tak mai mumbai me hi rahna chahta hu.”

Ajji ki puri baat sunkar dhiru shah ne kaha.

Dhiru shah bola “lekin beta, ab mai tumhari mills me kaam karne ke kabil nahi raha. Mai ab ye kaam nahi kar sakta.”

Dhiru shah ki baat ke jabab me ajji ne use samjhate huye kaha.

Ajay bola “kaun kabil hai aur kaun kabil nahi hai. Iska faisla aap mujh par chhod dijiye. Aap mera sath dena chahte hai ya nahi, iska faisla mai aap par chhod deta hu. Aapko jo thik lage aap faisla le sakte hai.”

Ajji ki is baat ke bad, dhiru shah ke pas kuch bhi kahne ko nahi bacha tha. Usne ajji ka sath dene ka vada kiya aur fir aunty ko saari baat bata kar, wo wapas surat jakar, ajji ka business dekhne laga.

Wo sachche man se apni galti ka prashchit kar raha tha. Jis baat ka sabut wo jali huyi mill thi. Jiske baare me ajji ka anuman tha ki wo teen mahine se pahle chalu nahi ho sakti.

Lekin dhiru shah ne us mill ko din rat mehnat karke ek mahine ke andar hi chalu kar diya tha. Idhar hetal ki haalat me bhi dino din sudhar aa raha tha. Jis vajah se hetal ka boyfriend bhi apne kaam par wapas chala gaya tha.

Ajji ko ab business ki taraf se jyada chinta nahi thi. Isliye ab wo apne pita ke sapne ko pura karna chahta tha. Aru ke ghar wapas aate hi ajji ne, mere aur aman ke samne hospital banane ki baat rakh di.

Iske bad humne ek badi si jamin kharid kar, waha hospital ki imarat khade karne ka kaam laga diya. Jiska kaam ab samapti ki taraf hai. Ajji ne is hospital ke liye 7 trustees banaye hai. Ye trustees Mai, Aman, Shikha, Barkha, Seerat, Selu aur Hetal hai.

Ajji ko dar tha ki, sachchai pata chalne ke bad shayad shikha uski shakal bhi dekhna pasand na kare. Isliye usne is hospital me kahi bhi apna ya aru ka naam shamil nahi kiya hai.

Ye hospital ajji ke pita ka sapna tha. Lekin aakhiri samay me usne isme se apne pita ka naam alag kar ise shikha ke bhai ke naam par kar diya. Ajji hospital ke pure hone tak mumbai me hi rahna chahta tha.

Lekin shikha ko sachchai batane ke bad, yadi shikha ka man uski taraf se nahi badalta to, aise me uska mumbai me rah pana mushkil ho jata. Bas isi vajah se ajji apni sachchai ko batane ke liye hospital ke pure hone ka intejar kar raha tha.

Taki uski sachchai janne ke bad, yadi shikha ka dil, uski taraf se nahi badalta hai to, wo shikha ki jindgi se, hamesha hamesha ke liye chala jaye.

Ab aage ki kahani punnu ki jubani….

Itna kah kar nisha chup ho gayi. Ajji ki kahani batate huye uski aankhen bhig chuki thi. Lekin ye haal us akeli ka nahi tha. Waha khade har ek ki aankhon me nami chha gayi thi. Nisha ki baat sunne ke bad, hetal ne rote huye shikha se kaha.

Hetal boli “bhabhi, kya bhaiya ke baare me itna sab janne ke bad bhi, aapke dil se nafrat khatam nahi huyi.”

Pahli baar kisi ne shikha ko bhabhi kah kar pukarne ki himmat dikhayi thi. Hetal ki baat sunte hi, sab ki najar shikha ki taraf uth gayi. Lekin shikha ab bhi apne sar ko jhukaye, aansu baha rahi thi. Shikha ko khamosh dekh, kar selu ne baat ko aage badate huye kaha.

Selina boli “aap yadi naraj hai to gussa hi kar lijiye. Lekin kuch to boliye.”

Hetal aur selu ki baat sunkar, nikki se bhi chup nahi raha gaya. Usne bhi apni baat samne rakhte huye kaha.

Nikki boli “aapki khamoshi yahi bata rahi hai ki, aap bhi bhaiya ko bahut pyar karti hai. Fir ye jhuthi narajgi kis liye dikha rahi hai.”

Nikki ka ye kahna tha ki, shikha bhadak uthi. Usne nikki ki baat ka gusse me jabab dete huye kaha.

Shikha boli “mera gussa jhutha hai. Sachche to, sirf tum log aur tumhare bhaiya hai. Tumhare bhaiya tumhare liye devta hai to, kya mera bhai mere liye kuch nahi tha. Tumhare bhaiya devta ho sakte hai. Magar meri najar me wo mere bhaiya ke katil hai aur katil hi rahege.”

Shikha ke jabab se sabhi ke chehre par nirasha ke badal chha gaye. Lekin seeru ne shikha ke samne haar na mante huye kaha.

Seerat boli “aapka kahna sahi hai. Lekin aapke bhaiya aunty ke bete bhi the. Aunty ne to unko is baat ke liye maaf kar diya hai. Aapke bhaiya barkha ke bhi bhaiya the. Ab jara barkha se bhi puchh kar dekh lijiye ki, wo mere bhaiya ko katil manti hai ya nahi.”

Magar shikha ne seeru ki chaal me na faste huye taka sa jabab dete huye kaha.

Shikha boli “meri maa aur bahan unko kya samajhti hai. Is se mujhe koi matlab nahi hai. Mere dil me unke liye nafrat thi, nafrat hai aur hamesha nafrat rahegi. Mai unko kya samajhti hu. Ye ab maine tumko bata diya. Ab iske bad mai kuch sunna nahi chahti.”

Shikha ke is jabab ko sunkar, seeru ki bhi bolti band ho gayi. Sab ki shikha ko samjhane ki saari koshish bekar ho chuki thi. Magar ab tak khamoshi se sab kuch sun rahi aru ke dil me, shikha ki apne bhaiya ke baare me kahi gayi, ye baten chubh gayi.

Itna sab kuch sunne ke bad, uske liye ab apna gussa rok kar rakh pana mushkil ho gaya tha. Usne bhadakte huye shikha se kaha.

Archna boli “ye aapne unko unko kya laga rakha hai. Yadi aapko unse itni hi nafrat hai to, unko itni ijjat dene ki jarurat kya hai. Sidhe unka naam lekar kyo nahi bulati. Apne bhai ke katil ko itni ijjat dete huye aapko sharam nahi aati.”

Aru ki jali kati baten sunkar, shikha harani se uske is badle huye roop ko dekhne lagi. Wahi nikki aru ko bolne se rokne ki koshish karne lagi. Lekin aru ne usko apne pas se door dhakelte huye shikha ke samne aate huye kaha.

Archna boli “aapki nafrat sirf us ek bottel khoon ki vajah se hai na. Jiski vajah se aapke bhai ki jaan gayi aur jo abhi meri ragon me bah raha hai. Aaj mai ye jhagra hi khatam kar deti hu.”

Ye kah kar aru ne samne table par rakha hua, chaku (knife) ek jhatke me utha liya aur apna hath shikha ke samne kar, bijli ki gati se khach khach do baar chaku ghuma diya.

Ye sab kuch itna achanak hua tha ki, kisi ko bhi kuch najar nahi aaya aur jab tak najar me aaya, tab tak khoon se sana hua chaku, aru ke hath se chhut kar jamin par aa gira tha.

 

[Aanand]

Ko To Rok Lo {Update - 144}
____________________________

Itna sab kuch sunne ke bad, uske liye ab apna gussa rok kar rakh pana mushkil ho gaya tha. Usne bhadakte huye shikha se kaha.

Archna boli “ye aapne unko unko kya laga rakha hai. Yadi aapko unse itni hi nafrat hai to, unko itni ijjat dene ki jarurat kya hai. Sidhe unka naam lekar kyo nahi bulati. Apne bhai ke katil ko itni ijjat dete huye aapko sharam nahi aati.”

Aru ki jali kati baten sunkar, shikha harani se uske is badle huye roop ko dekhne lagi. Wahi nikki aru ko bolne se rokne ki koshish karne lagi. Lekin aru ne usko apne pas se door dhakelte huye shikha ke samne aate huye kaha.

Archna boli “aapki nafrat sirf us ek bottel khoon ki vajah se hai na. Jiski vajah se aapke bhai ki jaan gayi aur jo abhi meri ragon me bah raha hai. Aaj mai ye jhagra hi khatam kar deti hu.”

Ye kah kar aru ne samne table par rakha hua, chaku (knife) ek jhatke me utha liya aur apna hath shikha ke samne kar, bijli ki gati se khach khach do baar chaku ghuma diya.

Ye sab kuch itna achanak hua tha ki, kisi ko bhi kuch najar nahi aaya aur jab tak najar me aaya, tab tak khoon se sana hua chaku, aru ke hath se chhut kar jamin par aa gira tha.

Lekin jaisa sab soch rahe the, waisa kuch bhi nahi hua tha. Hua wo tha, jiske hone ki koi kalpna bhi nahi kar sakta tha. Aru ne furti se chaku utha kar, bijli ki gati se chaku apne hath par chala to diya tha.

Magar us se bhi jyada teji shikha ne dikhayi thi. Shikha ne aru ke chaku uthate hi, use rokne ke liye furti se apne hath aage failaye the. Jiska natija ye hua ki wo chaku aru ke hath par na chal kar, shikha ke faile huye hathon par chal gaya.

Jis se shikha ke hath lahu luhan ho gaye the. Shikha ke lahu luhan hathon ko dekhte hi aru ke hath se chaku chhut kar jamin par ja gira aur uski aankhon se aansu bahne lage.

Wahi nisha ye sab dekh kar, fauran shikha ke pas aa gayi. Usne aru se shikha ke dono hathon ko pakadne ka bola aur fir barkha se first-aid box lane ko kaha. Iske bad nikki ko apni car ki chabi dekar usse apna medical bag mangwaya.

Udhar aru ko ye samajh me nahi aa raha tha ki, uske hath se ye sab kaise ho gaya. Wo khamoshi se shikha ke dono hath pakad kar ghutno ke bal jamin par baithi huyi thi.

Shikha ke hath se bahte khoon ko dekh dekh kar, aru ke aansu bhi rukne ka naam nahi le rahe the. Idhar first-aid box ke aate hi, nisha ne shikha ki dressing (marham-patti) karna suru kar diya.

Tab tak nikki bhi uska medical bag lekar aa gayi thi. Dono hathon ki dressing ho jaane ke bad, nisha ne apne bag se ek injection nikal kar, shikha ko laga diya aur fir chain ki saans lete huye wapas apni jagah par aakar baith gayi.

Shikha ke dono hathon me ab pattiyan bandhi huyi thi aur aru ab bhi shikha ke pas jamin par baithi, uske hathon ko hi dekh rahi thi. Aru ko rote dekh kar, shikha ne apne hath bada kar, uske aansu pochhna chaha.

Lekin aru ne bich me hi uske hathon ko pakad kar, apne hathon me tham liya aur fir unhe dekh kar, bilakh kar rote huye kaha.

Archna boli “aapne aisa kyo kiya. Kya hum bhai bahan ki kismat me, bas aapko dard dena hi likha hai.”

Aru ka rona is tarah ka tha ki, patthar ka bhi kaleja chhalni kar deta. Fir wo to shikha thi, jiske dil me aru ke liye beshumar pyar chhupa tha. Us se ab apne dil ka haal aur chhupate na bana. Usne aru ki is baat ka jabab dete huye kaha.

Shikha boli “tumne mujhe koi dard nahi diya hai. Aaj yadi tumhare khoon ki ek boond bhi is ghar me gir jati to, mai kabhi tumhare bhaiya se najar nahi mila pati. Maine jo kiya, apni khushi ke liye kiya. Is sab me tumhara koi dosh nahi hai.”

Shikha ki in baton me aru ko ek ummid ki kiran najar aayi. Usne fir se apni baat ko shikha ke samne rakhte huye kaha.

Archna boli “jab aap bhaiya ko itna chahti hai to, fir aap khud is baat ko kyo nahi samajhti ki, mere bhaiya aapke bina nahi rah payege. Plz unhe maaf kar dijiye.”

Lekin aru ki is baat par shikha ne, use apni safai dete huye kaha.

Shikha boli “maaf to use kiya jata hai, jab koi apni galti ki maafi mang raha ho. Jo apni galti hi na manta ho, use kaun maaf kar sakta hai. Yaha itna sab kuch ghat gaya. Lekin un ne ek baar andar aakar, ye dekhne tak ki jarurat nahi samjhi ki, anadar kise kya ho gaya.”

Shikha abhi apni baat puri bhi nahi kar payi thi ki, tabhi nikki ne uski baat ko katte huye kaha.

Nikki boli “abhi jab mai bahar gayi thi. Tab bhaiya bahar nahi the. Unka saman bahar khadi gaadi me chadaya ja raha hai. Wo shayad upar apne kamre me the.”

Nikki ki baat sunte hi sabko ek jhatka sa laga. Seeru aur selu bahar jaane ke liye huyi thi ki, maine unko rokte huye kaha.

Mai bola “didi aap log ek min rukiye. Kya aap logon ko aisa lagta hai ki, aapke bhaiya gusse me koi galat kadam utha sakte hai. Yadi aap manti hai ki, wo galat kadam utha sakte hai to, aap beshak unke pas jakar, unhe aisa karne se rokiye. Lekin yadi aapko aisa nahi lagta hai to, aapko kahi bhi jaane ki jarurat nahi hai.”

Meri baat sunkar, wo dono bahar jate jate ruk gayi. Magar ajji ke jaane ki baat soch soch kar, sabki dhadkane badi huyi thi. Tabhi shikha gusse me uthi aur uth kar bahar chali gayi. Uske pichhe pichhe barkha jaane ko huyi to, maine use bhi rokte huye kaha.

Mai bola “didi, ab kya aapko bhi alag se yahi rukne ke liye bolna hoga. Humara unko samjhane ka kaam ho gaya hai. Ab un dono ko apne gile sikwe mitane ka mauka dijiye. Dekhna jab wo niche aayege to, sab kuch thik ho jayega. Kyoki humse jyada wo dono ek dusre ko samajhte hai.

Meri baat sunkar, barkha bhi wapas apni jagah par jakar khadi ho gayi. Lekin nisha ne mujhe nishana banate huye kaha.

Nisha boli “ae hero, shikha aur barkha bhi teri didi. Seeru aur selu bhi teri didi. Aakhir tu dono me se kiski taraf se hai.”

Nisha ki is baat ka jabab maine bhi usi ke andaj me dete huye kaha.

Mai bola “bhabhi, mai to aapki aur aapki bahan ki taraf se hu.”

Mera jabab shayad kisi ki samajh me nahi aaya tha. Isliye sab sochte rah gaye the. Lekin nisha ne mere jabab ka matlab samajh liya tha. Usne fauran haste huye kaha.

Nisha boli “tu baat ko ghuma fira kar wahi le aaya. Mujhe bhabhi bol kar, aru logon ka bhai ban gaya aur meri bahan ka sath dekar, shikha ka bhai bhi ban gaya. Tu bahut chalak hai.”

Nisha ki baat samajh me aate hi sab hasne lage. Sabko haste dekh kar nisha bhi baat ko badati ja rahi thi. Mai uske aisa karne ke matlab samajh gaya tha. Wo sabko baton me uljha kar, sabka dhyan shikha aur ajji ki taraf se bhatkana chahti thi aur wo apni is koshish me kamyab bhi ho rahi thi.

Aru ko chhod kar, sabka dhyan nisha ki baton ki taraf hi tha. Aru bhi sabki baten sunkar, muskura rahi thi. Magar uska chehra is baat ki gawahi de raha tha ki, uska dhyan abhi bhi apne bhaiya aur bhabhi ki taraf hi laga hai.

Abhi hum logon ki baton ka silsila chal hi raha tha ki, tabhi mera mobile bajne laga. Maine dekha to, shikha ka call aa raha tha. Maine call uthaya to, shikha ne upar aane ko kaha.

Maine sab se bataya ki, didi mujhe bula rahi hai. Itna bol kar mai upar chala gaya. Mai upar pahucha to shikha ka chehra khila hua tha. Maine shikha ke pas pahuch kar, apne dono kaan pakad kar us se kaha.

Mai bola “sorry didi, mai aapki hi taraf tha. Bas aapko gussa dila kar, yaha bhejne ke liye mujhe ajji ki taraf hone ka natak karna pada.”

Meri baat sunkar, shikha ne chaukte huye kaha.

Shikha boli “lekin aapko kaise pata ki, inke jaane ki baat sunkar, mai gusse me idhar aaugi.”

Mai bola “ye sab baten hum bad me bhi kar lege. Abhi sab besabri se niche aap logon ka intejar kar rahe hai. Aap pahle ye bataiye ki, aapne mujhe yaha kisliye bulaya hai. Fir aap dono niche chaliye.”

Meri baat sunkar, shikha ne apni pareshani batate huye kaha.

Shikha boli “sabko humare ghar aaye bahut der ho gayi hai. Ab khane ka time bhi ho raha hai. Kya sabko khana khaye bina jaane dena thik rahega.”

Mai bola “bilkul nahi, humko kisi ko bhi bina khana khaye nahi jaane dena hai.”

Shikha boli “mai ye hi baat inse bol rahi thi. Lekin ye kahte hai ki, kuch nahi hota. Sab ghar ke hi log hai.”

Mai bola “inko kahne dijiye. Sab humare ghar aaye hai. Sab ki khatir karna humara farz hai. Aap sirf ye bataiye ki, sabko khilana kya hai. Baki sab aap mujh par chhod dijiye.”

Shikha boli “jo aapko thik lage, le aaiye. Lekin jara jaldi. Kyoki ab sab thik hote hi, sabko bhagne ki jaldi padegi.”

Ye kah kar, shikha mujhe paise dene lagi. Magar maine paise lene se mana karte huye kaha.

Mai bola “didi, mere pas itna paisa to hai ki, mai ghar aaye huye mehmano ki khatirdari kar saku.”

Meri baat sunkar, ajji ne bhi shikha ko paise dene se rok diya. Iske bad mai aur ajji niche aa gaye. Lekin shikha niche aane se sharma rahi thi. Niche sabki najre darwaje par hi tiki huyi thi.

Humare niche aate hi seeru, selu, barkha, hetal, nikki aur aru daud kar humare pas aa gayi. Is se pahle ki, koi kuch bol pata, uske pahle hi maine sab se kaha.

Mai bola “ab aap log meri didi ko apne ghar le jaane ki tarikh pakki kar lo.”

Meri baat sunte hi sabhi ne upar ki taraf daud laga di. Lekin maine nikki ko rokte huye kaha.

Mai bola “aap apni bhabhi se kuch der bad mil lena. Abhi to aap meri didi ke kaam se mere sath chaliye.”

Meri baat sunkar, nikki ka chehra murjha gaya. Shayad is samay usko mere sath jana acha nahi lag raha tha. Maine uska utara hua chehra dekha to, us se kaha.

Mai bola “koi baat nahi, aap bhi jakar apni bhabhi se mil lo. Mai akela hi chala jata hu.”

Lekin meri baat sunte hi nikki ka chehra wapas khil utha. Usne mujhse jaldi se kaha.

Nikki boli “aap bas 2 min ruko, mai 10 min me aati hu.”

Itna kah kar wo bina mera jabab sune hi upar bhag gayi. Nikki ki baat ko jab maine samjha to, mai bhi hase bina na rah saka. Nisha andar aunty ke sath baithi thi to, maine ajji ko andar jaane ko kaha aur mai nikki ke wapas aane ka intejar karne laga.

 

[Aanand]

Ko To Rok Lo {Update - 145}
____________________________

Humare niche aate hi seeru, selu, barkha, hetal, nikki aur aru daud kar humare pas aa gayi. Is se pahle ki, koi kuch bol pata, uske pahle hi maine sab se kaha.

Mai bola “ab aap log meri didi ko apne ghar le jaane ki tarikh pakki kar lo.”

Meri baat sunte hi sabhi ne upar ki taraf daud laga di. Lekin maine nikki ko rokte huye kaha.

Mai bola “aap apni bhabhi se kuch der bad mil lena. Abhi to aap meri didi ke kaam se mere sath chaliye.”

Meri baat sunkar, nikki ka chehra murjha gaya. Shayad is samay usko mere sath jana acha nahi lag raha tha. Maine uska utara hua chehra dekha to, us se kaha.

Mai bola “koi baat nahi, aap bhi jakar apni bhabhi se mil lo. Mai akela hi chala jata hu.”

Lekin meri baat sunte hi nikki ka chehra wapas khil utha. Usne mujhse jaldi se kaha.

Nikki boli “aap bas 2 min ruko, mai 10 min me aati hu.”

Itna kah kar wo bina mera jabab sune hi upar bhag gayi. Nikki ki baat ko jab maine samjha to, mai bhi hase bina na rah saka. Nisha andar aunty ke sath baithi thi to, maine ajji ko andar jaane ko kaha aur mai nikki ke wapas aane ka intejar karne laga.

Mai abhi akela tha, isliye maine keerti ka mobile nikala aur hello kaha. Magar mere hello kahte hi keerti ne call kaat diya. Mujhe uski ye harkat samajh me nahi aayi. Lekin turant hi wapas uska call aane laga. Maine call uthate hi kaha.

Mai bola “ye kya tha. Itni der se call par bani huyi thi aur mere hello kahte hi call kaat diya.”

Keerti boli “call katne me sirf 5 min baki the. Maine socha ki nikki wapas aaye, uske pahle hi call kaat kar laga deti hu.”

Mai bola “itni der se tu apne kamre me hai. Kisi ne tujhe kuch bola nahi hai.”

Keerti boli “kisne kaha ki mai pure samay kamre me thi. Mai to mobile ki aawaj band (Mute) karke aur hand free laga kar saare ghar me ghum rahi thi. Sab ye hi samajh rahe the ki, mai song sun rahi hu.”

Keerti ki ye baat sunkar, mai hase bina na rah saka. Lekin maine us par jhutha gussa dikhate huye kaha.

Mai bola “ye baat tune mujhe pahle kyo nahi batayi. Khud hand free laga kar ghumti rahti hai aur mujhe kaan me mobile lagaye lagaye ghumati rahti hai.”

Meri baat sunkar, keerti ne hanste huye kaha.

Keerti boli “nahi, tumhare liye ye hi sahi hai. Tumko mobile me busy dekh kar, koi bhi ladki samajh jayegi ki, tum kisi ke sath engage ho. Aise me koi bhi ladki tumhare pas nahi aayegi.”

Keeti ki baat sunkar, maine fir haste huye kaha.

Mai bola “chal, ab apni nautanki band kar aur ye bata ki, ab tere pet ka dard kaisa hai.”

Keeti boli “tumhe meri tabiyat puchhne ki badi jaldi yaad aa gayi.”

Mai bola “bata na, mujhe teri bahut fikar ho rahi hai. Jab se teri tabiyat ka suna hai, mujhe kuch bhi acha nahi lag raha. Bas dil kar raha hai ki, sab kuch chhod kar tere pas aa jau.”

Keerti boli “mujhe kuch nahi hua hai. Tumne raat ko khana khane se mana kar diya tha. Isiliye maine mausi se jhuth kaha tha ki, mere pet me dard hai.”

Keerti ki baat sunkar, mujhe us par bahut pyar aa raha tha. Uski baat ke jabab me maine us se kaha.

Mai bola “jab tujhe meri itni fikar rahti hai to, fir mujhe itna pareshan kyo karti hai.”

Keerti boli “tum hi mujhe gussa dilate ho. Agar tum mujhe gussa na dilao to, mai bhala kyo tumhe itna pareshan karugi.”

Mai bola “lekin kya tujhe yaad hai ki, tune is gusse me mujhe kya kya kah diya hai.”

Keerti boli “sorry, mujhe sab yaad hai. Tum is sab ke liye mujhe jo bhi saja dena chaho, de sakte ho.”

Mai bola “mai bhala tujhe kya saza duga. Ye sab karke to, tu khud ko hi saza deti rahti hai. Tujhse maine kaha bhi tha ki, gussa kam kiya karna. Yadi meri koi baat tujhe galat lagti hai to, mujhe bol diya kar. Lekin tu meri koi baat sunti hi nahi hai.”

Keerti boli “ok baba, ab tum gussa mat karo. Aage se aisa kuch nahi hoga. Ab ye bolo ki aage kya karne ka irada hai. Mujhe to lagta hai ki, ajji ki jindagi me ab sab kuch thik ho gaya hai.”

Mai bola “haan, thik to ho gaya hai. Bas ab shadi hona hi baki hai. Dekhte hai ki dono ke gharwale kab shadi ki tarikh nikalte hai.”

Keerti boli “nikki ko upar gaye huye, bahut der ho gayi hai. Lagta hai wo apni bhabhi se milkar, niche aana hi bhool gayi hai. Use call laga kar bulao, warna yahi khade rah jaoge.”

Mai bola “tu thik kahti hai. Mai abhi usko call karta hu. Lekin tu aise kab tak call par bani rahegi. Ab tu bhi call rakh de.”

Keerti boli “nahi, mujhe sab sunna hai ki, waha kya ho raha hai. Mai kaun sa tumko pareshan kar rahi hu. Mujhe call par rahne do na.”

Mai bola “ok, jaisi teri marji. Mai ab mobile jeb me rakh raha hu.”

Ye kahte huye maine mobile jeb me rakh liya aur fir dusra mobile nikal kar nikki ko call laga diya. Mere call lagane ke thodi hi der bad nikki niche aa gayi aur der se aane ke liye sorry bol kar, chalne ki baat kahne lagi.

Uski baat sunkar, maine use bataya ki, hum kaha ja rahe hai. Iske bad nikki jis nayi car me aayi thi, usi car me hum log khana lene chale gaye. Khana lekar, wapas aane me hum logon ko lag-bhag ek ghanta lag gaya.

Hum log khana lekar wapas aaye to, ghar ke bahar ek car aur khaid thi. Us car ko mai pehchanta tha. Wo doctor aman ki car thi. Unki car ko dekhte hi, maine nikki se kaha.

Mai bola “lagta aapke dusre bhaiya bhi aa gaye hai.”

Nikki boli “unko to pahle hi aa jana tha. Lekin shayad nisha bhabhi ne hi unko pahle aane se rok diya hoga.”

Mai bola “ye to nisha bhabhi ne sahi hi kiya. Warna mujhe lagta hai ki, ye didi ki tarafdari karne ke chakkar me ban rahi baat bhi bigad dete.”

Nikki boli “aisa nahi hai. Wo apna pyar kisi ke samne jahir nahi karte hai. Magar unko hamesha sabki fikar lagi rahti hai. Bas wo kisi bhi kaam ko jajbati hokar karna pasand nahi karte. Unki har baat me jindgi ki kadwi sachchai chhupi hoti hai.”

Mai bola “ok, ab aapke bhai ki tarif puri ho gayi ho to, hume andar chalna chahiye. Didi humare aane ka intejar kar rahi hogi.”

Iske bad hum dono gaadi se niche utarne lage. Lekin gaadi se utarte hi, shikha ka phone aane laga. Maine call utaya to shikha ne kaha.

Shikha boli “bhaiya aap jara bahar hi rukiye. Mai abhi barkha ko aapke pas bhejti hu.”

Skhika ki baat sunkar, mai bahar hi khada barkha ka intejar karne laga. Thodi der bad barkha dusre darwaje ko khol kar bahar aayi aur hume andar chalne ko kahne lagi.

Mujhe samajh me aa gaya ki, shikha ne mujhe bahar kyo roka tha aur fir hum barkha ke pichhe pichhe ghar ke andar aa gaye. Magar jis kamre me hum pahuche waha koi nahi tha. Maine waha khana rakhne ke bad, barkha se kaha.

Mai bola “didi kaha hai. Kya wo sabke sath baithi hai.”

Barkha boli “nahi, didi to abhi bhi upar hi hai. Un ne mujhe call karke kaha tha ki, tum aa gaye ho aur mai bahar aakar tumhe dusre darwaje se andar le aau.”

Mai bola “thik hai, mere liye koi aur kaam to nahi hai.”

Barkha boli “nahi, ab tum bahar chal kar baitho. Tab tak mai sabke liye khana lagane ki taiyari karti hu.”

Barkha ki baat sunkar, mai aur nikki us kamre me aa gaye, jaha sab baithe huye the. Lekin waha ka najara bilkul hi ulta tha. Nisha aru logon ke sath khadi huyi thi aur jaha nisha baithi thi, us jagah par ab do mahilaye baithi huyi thi. Jo dekhne me 45-50 saal ki lag rahi thi.

Iske bad jis jagah par shikha bithi thi. Waha ab aman, ajji aur ek bujurg baithe huye the. Unko dekh kar mujhe anuman lagate der na lagi ki, wo dono mahilaon me se ek aman ki maa aur dusri aman ki chachi hai. Jabki wo bujurg aman ke chacha ho sakte the.

Meri is shanka ka samadhan bhi ajji ne kar diya. Usne mujhe dekhte hi un sab se mera parichay karaya to, mera anumaan sahi hi nikla. Mere se parichay hone ke bad wo log fir se apni baton me lag gaye.

Wo log ajji aur shikha ki shadi ko lekar charcha kar rahe the. Aman ki maa chahti thi ki, aman ke sath sath hi ajji ki shadi bhi Friday ko hi ho jaye. Lekin shikha ki maa ka kahna tha ki, unke liye itni jaldi me shikha ki shadi kar pana sambhav nahi hai.

Abhi shadi ki tarikh par koi faisla nahi ho pa raha tha. Fir bhi un logon ki ye sab baten sun kar mujhe behad khushi huyi. Mera man ye baten shikha ko batane ka hua to, maine nikki se dhire se kaha ki, mai didi ke pas se hokar aata hu.

Ye kah kar mai upar shikha ke pas aa gaya. Lekin upar aate hi mai ye dekh kar chuk gaya ki, shikha ek chair par baithi, mobile apne kaan me laga kar baat sunne me khoyi huyi hai.

Mujhe dekhte hi samajh me aa gaya ki, ho na ho shikha niche chal rahi baten sunne me lagi huyi hai. Ye jante huye bhi maine anajan bankar shikha ke pas aate huye kaha.

Mai bola “didi ye sab kya hai. Mai aapko yaha ek achhi khabar dene ke liye aaya tha. Magar aap ho ki yaha aaram se baithi kisi ke sath gap ladane me lagi huyi ho.”

Meri aawaj sunte hi shikha ghabra kar khadi ho gayi. Usne ghabrate huye kaha.

Shikha boli “nahi bhaiya, ye mera mobile nahi hai. Ye to aru mujhe jababrdasti pakda kar chali gayi thi.”

Mai bola “to iska matlab hai ki, aap niche chal rahi saari baten sun rahi hai.”

Meri baat ke jabab me shikha ne apni safai dete huye kaha.

Shikha boli “mai to sunna nahi chahti thi. Lekin aru ke aage meri ek nahi chali. Usne aur selu ne mil kar ye sab kiya hai.”

Mujhe shikha ko aur jyada pareshan karna thik nahi laga. Isliye maine uski ghabrahat ko door karne ke liye us se kaha.

Mai bola “aru ne ye bahut acha kiya. Warna aap yaha akeli baithi, bas ye hi sochti rahti ki, niche kya chal raha hai. Lekin ye sab achanak yaha kaise aa gaye.”

Shikha boli “nisha didi ne aman bhaiya ko call karke yaha ki saari baten bata di thi. Jiske bad aman bhaiya apni mummy aur chacha chachi ke sath yaha aa gaye.”

Mai bola “Kya un sab se kabhi aapki mulakat huyi hai.”

Shikha boli “haan, aru ke janamdin ki party ek hotel me di gayi thi. Usi me mai sab se mili thi.”

Mai bola “kya us party me bhi aapko samajh me nahi aaya tha ki, aru ke mummy papa kaun hai.”

Shikha boli “kaise samajh me aata. Aru ki mummy khud mujhse boli ki, aru unke liye beti jaisi hi hai. Ab koi maa kya apni hi beti ko beti jaisa bolti hai.”

Shika ki baat sunkar, mujhe hansi aa gayi. Maine majak karte huye us se kaha.

Mai bola “iska matlab to ye hua ki, aapko bahu banane ki sazish me wo teeno bahne hi nahi, balki pura ghar shamil hai.”

Meri baat sunkar, shikha ko bhi hansi aa gayi. Usne hanste huye kaha.

Shikha boli “mujhe iske baare me kuch nahi malum. Jo bhi baten huyi hai, sab aapke samne hi huyi hai.”

Mai bola “ek phone par sabka aana aur aate hi shadi ki baat pakki karne lagna to, yahi batata hai ki, sab iske liye pahle se taiyar the. Bas aapke haan kahne ka intejar kar rahe the.”

Lekin meri ye baat sunkar, shikha kuch soch me pad gayi. Uski is soch ne mujhe bhi pareshan kar diya. Uski is soch ki vajah pata karne ke liye, maine us se kaha.

Mai bola “kya hua didi. Kya maine kuch galat baat kah di hai.”

Shikha boli “nahi, aapne kuch galat baat nahi kahi. Lekin mai soch rahi thi ki, kahi maine is rishte ki haan kah kar kuch galat to nahi kiya.”

Mai shikha ki pareshani ki asli vajah samajh gaya tha. Maine uski is pareshani ko door karne ke liye us se kaha.

Mai bola “nahi didi, aapne kuch bhi galat nahi kiya. Aapke dil me ajji ke liye jo nafrat thi, wo bevajah thi. Kyoki ajji ki us harkat ko galat to kaha ja sakta hai. Lekin is baat ko nahi maana ja sakta ki, aapke bhai ki maut ki vajah ajji hai.”

“Kyoki jis hadse me kuch ghante bad, malbe se nikal jaane ke bad bhi aru ki haalat najuk bani huyi thi. Usi hadse ke baare me maine newspaper me pada tha ki, ek ladki malbe me se teen din bad sahi salamat bahar nikal aayi.”

“Is ghatna se pata chalta hai ki, jindgi dena aur lena dono us upar wale ke hath me hota hai. Hum insan chahe kuch bhi kar le. Lekin uske likhe huye ko nahi badal sakte.”

“Isliye apne man se is baat ko hamesha ke liye nikal dijiye ki, kisi bhi tarah se, aapke bhai ki maut ki vajah ajji hai. Ye to sirf ek honi thi, jo ho gayi aur ajji ke sath aapki shadi bhi ek honi hi hai, jo ab hone ja rahi hai. Ajji to bas is honi ka ek jariya hai.”

Lekin mere is jabab ke bad bhi shikha ki uljhane kam nahi huyi thi. Us ne mujhse sawal karte huye kaha.

Shikha boli “lekin aisa unke hi sath kyo hua. Yadi unhe mere bhai ki maut ka jariya hi banana tha to, fir mujhe hi unka jeevan sathi kyo bana diya gaya. Maan lo mai is baat ko mai bhool bhi jau ki, wo mere bhai ki maut ki vajah hai.”

“Lekin kya wo is baat ko bhool payege ki, kahi na kahi wo mere bhai ki, maut ke jimmedar hai. Kya din raat mujhe apne samne dekhne ke bad bhi, unko is baat ka aehsas nahi hoga.”

Shikha ki is baat ko sunkar, maine muskurate huye kaha.

Mai bola “didi aapke sawal ka jabab bhi, aapke sawal me hi chhupa hua hai. Ajji ek bahut acha insan hai aur uske jaisa insan maine apni jindgi me aaj tak nahi dekha hai.”

“Use janne wale log to use devta tak mante hai. Shayad ye hi vajah thi ki, upar wale ne ajji ke charitra par ye daag laga diya. Taki use jindgi bhar is baat ka aehsas rahe ki, wo ek insan hai aur galtiyan usne bhi ki hai.”

Ye bol kar, mai shikha ki taraf dekhne laga. Shayad shikha ko bhi mere is jabab se santushti ho gayi thi. Usne meri taraf dekhte huye kaha.

Shikha boli “bhaiya, aap itni achi baten kaise kar lete hai. Jo baat mujhe itne log mil kar bhi nahi samjha sake. Wo baat aapne 2 min me hi mujhe samjha di.”

Mai bola “didi, iski vajah ye hi ki, ajji aur meri jindgi ek dusre se bahut kuch milti hai. Jaise ajji ke mata pita nahi hai aur use jindgi jeene ki takat aru se mili hai. Aise hi meri maa mere bachpan me hi mujhe chhod kar chali gayi. Mere pita ka hona na hona mere liye ek barbar hai.”

“Aise me meri nayi maa ne mujhe jeene ki takat di hai. Aaj aru ki tarah meri bhi do bahne hai. Jinhe mai apni jaan se bhi jyada pyar karta hu. Isliye ajji ke haalat samajh pana, mere liye koi mushkil baat nahi thi.”

Meri baton se shikha ki saari uljhane door ho gayi thi aur uske chehre par muskan aa gayi thi. Usne mere liye apna apnapan jahir karte huye kaha.

Shikha boli “bhaiya aapko meri vajah se bahut pareshani uthana pad rahi hai. Ek to aap raat bhar jagte rahe aur abhi bhi khana peena khaye bina mere liye jaag rahe hai.”

Mai bola “didi, ye aap kaisi baat kar rahi hai. Mai aapka sirf naam ka bhai nahi hu. Khoon ke rishte se bhi mai aapka bhai hi hu.”

Meri is baat ne shikha ko hairat me daal diya. Usne hairan hote huye mujhse kaha.

Shikha boli “kya matlab.? Mai samjhi nahi ki, aap kya kahna chahte hai.”

Shikha ki baat sunkar, maine haskar, uski hairani door karte huye kaha.

Mai bola “didi, itna hairan mat hoiye, mere kahne ka matlab sirf itna tha ki, mera blood group bhi wo hi hai. Jo aapke bhai aur aru ka hai.”

Meri baat sunkar, shikha ke chehre par chamak aa gayi. Lekin uske kuch bolne ke pahle hi hume nisha ki aawaj sunayi di. Nisha shayad meri ye baat sun chuki thi. Usne meri is baat ke jabab me kaha.

Nisha boli “ye to sach me hairani wali baat hai. Jis blood group ki vajah se ajji aur shikha ki jindgi me itna bada tufan aaya tha. Aaj usi blood group ke teen log mere samne hai.”

Nisha abhi abhi sidiyan chadti huyi humari taraf chali aa rahi thi. Lekin uski is teen logon ka blood group, ek sa hone wali baat ne to, mujhe bhi hairan karke rakh diya tha. Meri samajh me nahi aa raha tha ki, mere aur aru ke siwa, wo teesra kaun hai, jiska blood group bhi yahi hai.

 

[Aanand]

Ko To Rok Lo {Update - 146}
____________________________

Mai bola “didi, ye aap kaisi baat kar rahi hai. Mai aapka sirf naam ka bhai nahi hu. Khoon ke rishte se bhi mai aapka bhai hi hu.”

Meri is baat ne shikha ko hairat me daal diya. Usne hairan hote huye mujhse kaha.

Shikha boli “kya matlab.? Mai samjhi nahi ki, aap kya kahna chahte hai.”

Shikha ki baat sunkar, maine haskar, uski hairani door karte huye kaha.

Mai bola “didi, itna hairan mat hoiye, mere kahne ka matlab sirf itna tha ki, mera blood group bhi wo hi hai. Jo aapke bhai aur aru ka hai.”

Meri baat sunkar, shikha ke chehre par chamak aa gayi. Lekin uske kuch bolne ke pahle hi hume nisha ki aawaj sunayi di. Nisha shayad meri ye baat sun chuki thi. Usne meri is baat ke jabab me kaha.

Nisha boli “ye to sach me hairani wali baat hai. Jis blood group ki vajah se ajji aur shikha ki jindgi me itna bada tufan aaya tha. Aaj usi blood group ke teen log mere samne hai.”

Nisha abhi abhi sidiyan chadti huyi humari taraf chali aa rahi thi. Lekin uski is teen logon ka blood group, ek sa hone wali baat ne to, mujhe bhi hairan karke rakh diya tha. Meri samajh me nahi aa raha tha ki, mere aur aru ke siwa, wo teesra kaun hai, jiska blood group bhi yahi hai.

Mai aur shikha dono hi nisha ki ye baat sun kar uski taraf dekh rahe the. Hume is tarah se hairan hote dekh kar, nisha ne haste huye kaha.

Nisha boli “isme chaukne wali koi baat nahi hai. Tumhare aur aru ke alawa priya ka blood group bhi AB- hi hai. Ab ye mat puchhne lagna ki ye mai kaise janti hu.”

Nisha ki baat sunkar, meri aur shikha ki hairani door ho gayi. Maine nisha ki aakhiri baat ka jabab dete huye kaha.

Mai bola “priya aapki patient (marij) hai to, uska blood group aapko malum hona koi badi baat nahi hai.”

Meri baat sunkar, nisha ne mujhe aankhen dikhate huye, shikha se kaha.

Nisha boli “ye ladka jitna bhola dikhta hai, asal me itna bhola hai nahi. Lagta hai ab is par najar rakhna padegi.”

Nisha ki ye baat sunte hi shikha se na raha gaya. Usne bina kuch soche samjhe hi nisha se kaha.

Shikha boli “nahi didi, bhaiya aise nahi hai. Ye to bilkul unke jaise hi hai.”

Shikha ki baat sunkar nisha ne ek pal ke liye shikha ko bhi ghura. Lekin shikha ne nisha ke dekhte hi apna sar niche jhuka liya. Jise dekh kar nisha ko hansi aa gayi aur usne shikha se kaha.

Nisha boli “ab tumhara inko, unko karna ho gaya ho to, tum niche chalo. Sab tumhara intejar kar rahe hai.”

Nisha ki baat sunkar, hum sab niche aa gaye. Niche aakar shikha dusre darwaje se ghar ke andar chali gayi aur hum log sabke pas aa gaye. Abhi bhi shadi ki tarikh par koi sahmati nahi ban payi thi aur sabhi isi baat ko lekar apni apni ray de rahe the.

Thodi der bad shikha bhi, ek pink saadi pahan kar sabke bich aa gayi. Usne aakar sabse pahle, aman ke ghar ke sabhi bado ke pair chhu kar aashirwad liya aur fir nisha ke kahne par sabke sath, wahi baith gayi.

Shikha abhi bhi sabse bahut sharma rahi thi aur kisi bhi baat ka jabab dene me jhijhak rahi thi. Lekin aru, seeru, selu, nikki aur hetal milkar, har baat me shikha ka sath de rahi thi.

Isi tarah baat chit ka silsila chalta raha aur aakhir me aunty ne, aman ki shadi ke din hi shikha aur ajji ki shadi karne ki sahmati de di. Shadi ki tarikh pakki hote hi sabke chehre khushi se khil gaye aur sab ek dusre ko badhai dene lage.

Iske bad, sabne jaane ki anumati mangi to, barkha ne sabke samne khana khane ki baat rakh di. Aman ki mummy aur chacha chachi bad me kabhi khana khane ki baat bol kar jana chahte the.

Lekin shikha ke kahne par unko bhi khana khane ke liye taiyar hona hi pada. Khana pina khane ke bad, sabne 2 baje shopping par jaane ka samay tay kiya aur fir iske bad, sabhi ek ek karke wapas jaane lage.

Sabse pahle aman apni car me, apni mummy aur chacha, chachi ko lekar gaya. Uske bad nisha bhi apni car me wapas chali gayi. Iske bad bhi abhi 3 car waha par khadi huyi thi.

Pahli car jisme hetal aayi thi. Dusri car jisme seeru aur selu aayi thi. Teesri car jisme aru aur nikki aayi thi. Bahar aate hi seeru ne ajji se kaha.

Seerat boli “bhaiya, in do car me se aapko kaun si car rakhna hai.”

Seeru ki baat sunkar, ajji ne ek najar waha khadi car par daali aur fir seeru se kaha.

Ajay bola “tum log do nahi, teen car me aayi ho.”

Ajji ki baat sunkar, seeru ne hanste huye kaha.

Seerat boli “do isliye, kyoki, new car to aap ne aru ko de di hai. Aaj hum log isi me shoping karne jayege. Isliye ye car ab humare pas hi rahegi.”

Seeru ki baat sunkar, ajji ne muskurate huye kaha.

Ajay bola “thik hai, mujhe mom wali car de de. Abhi mai usi se kaam chala luga.”

Ajji ki baat sunte hi, seeru ne us car ke driver ko chabi lekar bulaya jis me wo aur selu aayi thi. Fir driver se chabi lekar usne wo ajji ko de di aur driver se kaha.

Seeru boli “aap teeno papa wali car me ghar chale jaiye. Hum log dusri car me aa jayege.”

Ye kah kar wo teeno driver ko ghar wapas bhejne lagi. Lekin ajji ne use tokte huye kaha.

Ajay bola “in teeno ko tu ghar wapas bhej rahi hai to, fir ye car kaun chalayega.”

Ajji ki is baat ka seeru ne muskurakar jabab dete huye kaha.

Seerat boli “are car mai chalaugi aur kaun chalayega.”

Magar seeru ki baat par ajji ne narajgi jahir karte huye kaha.

Ajay bola “nahi, tu car nahi chalayegi. Mai tera car chalana dekh chuka hu.”

Lekin seeru ne ajji ki is baat ko hansi me udate huye kaha.

Seerat boli “kya bhaiya, aap ab bhi itni purani baat ko lekar baithe huye hai. Ab mai koi accident nahi karti. Aap chacho to, in logon se puchh sakte hai.”

Ye kah kar, seeru ne selu logon ki taraf ishara kiya. Lekin ajji ne uski is baat ko ansuna karte huye kaha.

Ajay bola “mujhe kisi se kuch nahi sunna. Maine kah diya na ki, tu gaadi nahi chalayegi to, matlab ki tu gaadi nahi chalayegi. Ab yadi tune dobara gaadi chalane ki baat ki to, mujhse bura koi nahi hoga.”

Ajji ki baat sunkar, seeru ka chehra utar gaya aur uski aankhon me aansu aa gaye. Usne gusse me gaadi ki chabi feki aur apna muh fer kar khadi ho gayi. Shikha ko ye sab acha nahi laga. Usne ajji ko samjhate huye kaha.

Shikha boli “aapne seeru ko bematlab rula diya. Yadi wo gaadi chalana chahti hai to, isme bura kya hai.”

Ajay bola “tum iske aansuon par mat jao. Ye bahut badi nautanki baj hai. Mai iske kisi jhanse me nahi aane wala hu.”

Ajji ki ye baat sunte hi, seeru shikha ke pas aayi aur uske gale se lipat kar rote huye kaha.

Seerat boli “bhabhi aapne dekh liya na. Ab mera rona bhi inko ek natak lag raha hai.”

Seeru ka rona dekh kar mujhe bhi bura lag raha tha. Lekin agle hi pal uski harkat se meri hansi chhut gayi. Usne rote rote apni baat kahi aur fir dhire se selu ko aankh maar di. Jise samajhte hi selu aage aayi aur kahne lagi.

Selina boli “jaane do didi. Bhaiya nayi gaadi ki toot foot ki vajah se aapko gaadi nahi chalane de rahe hai. Aapko chalana hi hai to aap purani gaadi chala lo.”

Ajji un dono ki harkaten samajh raha tha. Isliye usne selu ki baat sunte hi, us par bhadakte huye kaha.

Ajay bola “ab tu apni chalbaji mat dikha. Mai tum dono ko achi tarah se janta hu. Tum dono mil kar mujhe bevkuf nahi bana sakti.”

Lekin shikha ko unki ye sab harkaten samajh me nahi aa rahi thi. Use laga ki, wo dono ajji ki baat ka galat matlab nikal rahi hai. Isliye usne dono ko samjhate huye kaha.

Shikha boli “aap dono galat soch rahi hai. Aapke bhaiya ko nayi gaadi ki nahi, aap logon ki fikar hai. Aapko nayi gaadi chalana hai to, aap gaadi le jao. Mai dekhti hu ki, ye aapko kaise rokte hai.”

Ye kahte huye shikha gaadi ki chabi utha kar, seeru ko dene lagi. Lekin seeru chabi lene se na nukur karne lagi. Magar bad me selu ne us se chabi lene ko kaha to, seeru ne nakhushi dikhate huye chabi le li.

Shikha ki vajah se ajji unko kuch na kah saka aur fir sab jakar ek ek karke gaadi me baithne lagi. Pahle seeru aur selu gaadi me jakar aage baith gayi. Uske bad aru aur nikki bhi gaadi me pichhe jakar baith gayi.

Lekin hetal gaadi me baithte baithte ruk gayi aur wapas aakar ajji ke seene se lag kar rone lagi. Sab hetal ke is rone ke matlab ko samajh sakte the. Lekin ajji ko uske rone ka matlab samajh me nahi aaya aur usne uske sar par hath ferte huye kaha.

Ajay bola “kya hua. Ab to tum logon ne sab kuch sahi kar liya hai. Fir tu ro kyo rahi hai.”

Ajji ki ye baat sun kar, hetal ne apna sar upar utha kar ajji ko dekha aur bhavuk hote huye us se kaha.

Hetal boli “bhaiya, aapne mere liye jo kiya hai. Uske badle yadi mai apni jaan bhi de du to, wo bhi kam hai.”

Ajji abhi bhi hetal ki baat ka sahi matlab nahi samajh saka tha. Usne hetal ki baat ka koi aur matlab nikalte huye us se kaha.

Ajay bola “tu pagal hai. Teri plastic surgery karwa kar, mai koi mahan kaam nahi kar raha hu. Har bhai apni bahan ko sahi salamat dekhna chahta hai. Mai to teri surgery pahle hi karwana chahta tha.”

“Lekin aman teri surgery kisi bade surgeon se karwana chahta tha. Jis vajah se hume teri surgery ke liye itna intejar karna pad gaya. Ab jaldi hi tu fir se pahle jaisi dikhne lagegi.”

Ajji ke is bholepan ko dekh kar, hetal aur bhi jyada bhavuk ho gayi. Uske aansu rukne ka naam hi nahi le rahe the. Us se kuch bhi kahte nahi ban raha tha. Tabhi shikha ne aakar uske sar par hath rakh to, usne shikha se lipat kar rote huye kaha.

Hetal boli “bhabhi, mai kuch nahi bol pa rahi hu. Aap hi in se bolo na, mai kya kahna chahti hu.”

Shikha hetal ki haalat ko ache se samajh rahi thi. Isliye usne hetal ko samjhate huye kaha.

Shikha boli “unhe kuch bhi samjhane ki jarurat nahi hai. Un ne jo kuch bhi kiya, apni bahan ki khushi ke liye kiya hai. Yadi aap sach me apne bhaiya ki khushi chahti hai to, aap sirf khush rahiye.”

Hetal shikha ki is baat se samajh gayi thi ki, wo use ajji se kuch bhi batane se mana kar rahi hai. Isliye usne apne aansu pochhte huye kaha.

Hetal boli “bhabhi, sach me aap dono ek dusre ke liye hi bane hai. Jitne ache mere bhaiya hai. Utni hi achi meri bhabhi bhi hai. Lekin ek baat aap dono bhi kaan khol kar sun lijiye. Mai aap dono ki shadi ko miss karna nahi chahti. Isliye abhi mai surgery nahi karwaugi.”

Hetal ki is baat ko sunkar, ajji ne us par gussa karte huye kaha.

Ajay bola “aisa nahi ho sakta hai. Badi mushkil se humne us surgeon ko india aane ke liye taiyar kiya hai. Wo sirf teri surgery ke liye yaha aaya hai aur 2 din me wapas chala jayega. Isliye tu shadi me shamil hone ki baat apne dimag se nikal de.”

Lekin hetal ne ajji ki is baat ke jabab me taka sa jabab dete huye kaha.

Hetal boli “to aap bhi meri surgery ki baat ko apne dimag se nikal dijiye. Yadi mai aapki shadi me shamil nahi ho sakti to, mujhe bhi koi surgery nahi karwana hai. Mai aaj hi ghar wapas chali jati hu.”

Hetal ki is jid ki vajah se ajji ke samne ek nayi pareshani khadi ho gayi thi. Na to hetal apni baat se pichhe hatne ko taiyar thi aur na hi ajji apni baat se pichhe hatne ko taiyar tha.

Un dono ki bahas chalte dekh kar, seeru log bhi car se utar kar bahar aa gayi aur unki baton ko samajhne ki koshish karne lagi. Jab un logon ko bahas ka asli mudda samajh me aaya to, wo bhi hetal ko samjhane ki koshish karne lagi.

Magar hetal kisi bhi tarah se is baat ko manne ko taiyar nahi thi. Jab shikha ne dekha ki, hetal kisi ki bhi baat nahi sun rahi hai to, shikha ne hetal ki tarafdari karte huye kaha.

Shikha boli “hetal thik hi to kah rahi hai. Wo bhala apne bhaiya ki shadi ko kaise miss kar sakti hai.”

Shikha ki baat sunkar, jaha hetal khush ho gayi. Wahi ajji ne shikha par bhadakte huye kaha.

Ajay bola “tum samajhti kyo nahi. Badi mushkil se wo surgeon india aane ko taiyar hua hai. Aaj raat ko wo waha se nikalne wala hai aur kal subah wo yaha hoga. Uske bad parso iski surgery hai. Isliye aaj ise yaha bulaya tha.”

Ajji ki baat sunkar, shikha ne apni baat use samjhate huye kaha.

Shikha boli “lekin usko abhi yaha aane ke liye mana bhi to kiya ja sakta hai.”

Ajay bola “mana kiya ja sakta hai. Lekin ye jaruri nahi hai ki, fir wo humare kahne par dobara yaha aane ko taiyar ho jaye.

Shikha boli “yadi wo yaha nahi aa sakta to kya hua. Kya hum bhi waha nahi ja sakte.”

Shikha ki baat sunkar, ajji kuch soch me pad gaya. Usne aman ko call laga kar, saari baat batayi. Jiske bad aman ne bhi shikha ki baat par sahmati de di. Ajji ne ye baat sabko batayi to, sab khush ho gaye. Magar baat sunne ke bad, seeru ne badi dhire se kaha.

Seerat boli “ye to abhi se hi joru ke gulam ho gaye.”

Seeru ne ye baat badi dhire se kahi thi. Magar sabko sunakar kahi thi. Jise sunte hi sab hans pade aur ajji seeru ko marne ko hua. Magar seeru bhag kar car me jakar baith gayi.

Iske bad baki sab bhi car me baith gaye aur seeru car lekar chali gayi. Unke sath hi sath wo dusri car bhi chali gayi. Un logon ke jaane ke bad, maine bhi jaane ki baat ki to, shikha shopping par sath chalne ki baat kahne lagi.

Magar maine raat ko hospital me rukne aur apni nind puri na hone ki baat kah kar, uske sath jaane se mana kar diya. Ajji ne mujhe ghar chhodne ki baat ki to, maine us se kaha ki, meri bike abhi hospital me hi khadi hai. Isliye wo mujhe hospital me hi chhod de.

Meri baat maan kar ajji mujhe hospital me chhodne ke liye taiyar ho gaya aur waha se nikalte samay usne shikha se kaha.

Ajay bola “ab 2 din bad humari shadi hai aur mom (aman ki maa) bol kar gayi hai ki, mai ab ghar me hi aakar rahu. Isliye ab mai yaha nahi rahuga aur punit bhi ab wahi khana khaya karega.”

Shikha ne ajji ke uske ghar me na rahne ki baat ka to koi virodh nahi kiya. Lekin mere khana khane ki baat par usne ajji se kaha.

Shikha boli “aapko jaha bhi rahna hai, aap waha rah sakte hai. Lekin bhaiya khana sirf mere ghar par hi khayege.”

Ajay bola “nahi, aisa nahi ho sakta. Punnu mera dost hai. Isliye ye khana mere sath hi khayega. Mai yaha tha to, usne yaha khana khaya aur ab mai waha rahuga to, ye waha khana khayega.”

Lekin shikha bhi ajji ki ye baat manne ko taiyar nahi thi. Usne ajji se bahas karte huye kaha.

Shikha boli “ye mere bhaiya hai aur mai is baare me koi faltu ki bahas karna nahi chahti hu. Ye khana yahi khayege to, matlab yahi khayege.”

Ajay bola “bahas to tum kar rahi ho. Jab ek baar bol diya ki, ye mere sath khana khayega to, isme bahas karne ki jarurat hi kya hai.”

Wo dono mere khana khane ki baat par bahas kar rahe the aur barkha unki is bahas ko dekh kar has rahi thi. Mai sirf khamoshi se unki bahas ke khatam hone ka intejar kar raha tha. Jab unki bahas kisi natije par nahi pahuchi to, barkha ne bich me aate huye kaha.

Barkha boli “aap dono to bekar me hi bahas kar rahe hai. Jise khana khana hai, us se hi kyo nahi puchh lete ki, use kaha par khana khana pasand hai.”

Barkha ki ye baat sunkar, to mujhe aisa laga jaise usne mere sar par koi bomb patak diya ho. Mai gusse me ghoor kar barkha ki taraf dekhne laga. Wahi barkha ki baat sunkar, ajji aur shikha dono meri taraf dekhne lage.

Barkha ki ek baat ne, un dono ki is bahas ke bich mujhe fasa diya tha. Mujhe samajh me nahi aa raha tha ki, ab mai kiske sath khana khane ki haan bolu aur kiske sath khana khane ki na bolu.

Mere liye to ajji aur shikha didi dono hi ajij the. Ek taraf meri wo muh-boli bahan thi. Jis se thode hi samay me mujhe itna jyada lagav ho gaya tha, jaise usse mera barso ka sath ho.

Wahi dusri taraf mera wo dost tha, jiski vajah se mujhe itne saare apne mile the. Dono badi besabri se mere jabab ka intejar kar rahe the. Mai kisi bhi surat me, dono me se kisi dil dukhana nahi chahta tha.

Na hi dono me se kisi ko ek dusre ke samne chhota dikhana chahta tha. Mai ajib hi dharam-sankat me fas gaya tha. Jis se bahar nikalne ka mujhe koi rasta najar nahi aa raha tha.

Mai abhi unke is sawal ka koi jabab dud hi raha tha ki, tabhi mere mobile par msg tone baji. Mai mobile nikal kar, msg dekhne laga. Msg dekhte hi mujhe unke is sawal ka jabab mil gaya aur mere chehre par muskurahat aa gayi.

 

[Aanand]

Ko To Rok Lo {Update - 147}
____________________________

Barkha ki ek baat ne, un dono ki is bahas ke bich mujhe fasa diya tha. Mujhe samajh me nahi aa raha tha ki, ab mai kiske sath khana khane ki haan bolu aur kiske sath khana khane ki na bolu.

Mere liye to ajji aur shikha didi dono hi ajij the. Ek taraf meri wo muh-boli bahan thi. Jis se thode hi samay me mujhe itna jyada lagav ho gaya tha, jaise usse mera barso ka sath ho.

Wahi dusri taraf mera wo dost tha, jiski vajah se mujhe itne saare apne mile the. Dono badi besabri se mere jabab ka intejar kar rahe the. Mai kisi bhi surat me, dono me se kisi dil dukhana nahi chahta tha.

Na hi dono me se kisi ko ek dusre ke samne chhota dikhana chahta tha. Mai ajib hi dharam-sankat me fas gaya tha. Jis se bahar nikalne ka mujhe koi rasta najar nahi aa raha tha.

Mai abhi unke is sawal ka koi jabab dud hi raha tha ki, tabhi mere mobile par msg tone baji. Mai mobile nikal kar, msg dekhne laga. Msg dekhte hi mujhe unke is sawal ka jabab mil gaya aur mere chehre par muskurahat aa gayi.

Maine msg dekhne ke bad, mobile ajji ki taraf bada diya. Ajji msg dekhne laga aur msg dekhne ke bad, uske chehre par bhi muskurahat aa gayi. Hum dono ko msg dekhne bad is tarah muskurate dekh kar, shikha didi ne bechaini bhare swar me kaha.

Shikha didi boli “kya hua. Aap dono kis baat par itna muskura rahe hai.”

Shikha didi ki baat sunkar, ajji mere mobile ka msg pad kar sunane laga.

Mobile ka msg “nisha bhabhi ne aaj mujhe hospital se chhutti de di hai. Mai kuch der bad hi ghar chali jaugi. Unne uncle ki chhutti ki bhi baat kar li hai aur aaj sham tak uncle ki bhi chhutti ho jayegi.”

“Tumne mujhse vada kiya tha ki, jab mai bolugi, tum ghar wapas aa jaoge. Isliye ab tum nind se uthte hi, ghar wapas aa jao. Warna kal fir mai tumko wapas hospital me hi milugi.”

Ye msg sunkar, barkha didi ke to kuch samajh me nahi aaya. Lekin shikha didi samajh gayi thi ki, ye priya ka msg hai. Magar is msg ko sunne ke bad, shikha didi ke man me ek sawal aaya aur usne badi himmat karte huye mujhse kaha.

Shikha boli “bhaiya, kya aap aur priya ek dusre ko pasand karte ho.”

Is se pahle ki mai shikha didi ki is baat ka koi jabab de pata, us se pahle hi ajji ne meri taraf se jabab dete huye kaha.

Ajay bola “aisa kuch nahi hai. Asal me baat ye hai ki, priya aur punnu me kisi baat ko lekar jhagda ho gaya. Gusse me priya ne punnu se apne ghar se chale jaane ko kah diya tha. Lekin bad me use apni galti ka aehsas hua aur wo ise rukne ke liye manati rahi.”

“Magar fir punnu ne uski baat nahi maani aur uska ghar chhod kar chala aaya. Priya pahle se hi dil ki marij hai aur wo ye sadma sah na saki. Jis vajah se uski tabiyat kharab ho gayi thi.”

Ajji ki baat sunkar, shikha didi ne kuch sochte huye mujhse kaha.

Shikha boli “iska matlab hai ki, aaj se aap priya ke ghar me rahege.”

Mai bola “didi, aap ne shayad pura msg dhyan se nahi suna hai. Priya ke sath sath aaj uncle ki bhi chhutti ho rahi hai. Aise me jyada se jyada aaj raat ko hi hume yaha rukna padega. Kal kisi bhi samay hum log ghar wapas ja sakte hai.”

Maine ye baat shikha didi ke sath bas thoda sa majak karne ke liye kahi thi. Uski shadi ke pahle mera wapas jaane ka koi irada nahi tha. Lekin meri is baat ko sunkar, shikha didi ke chehre par udasi chha gayi.

Use samajh me nahi aa raha tha ki, wo mujhe ghar wapas jaane se kaise roke. Magar kuch der bad, shikha didi ne apne dil ki baat mujh par jahir karte huye kaha.

Shikha didi boli “lekin bhaiya, ye to galat baat hai na. Yaha aapki bahan ki shadi hai aur aap ghar jaane ki baat kar rahe ho. Kya mai aapke liye kuch bhi nahi hu.”

Mai shikha didi ko jyada pareshan karna nahi chahta tha. Isliye maine muskurate huye us se kaha.

Mai bola “magar didi maine ye kab kaha ki, mai ghar wapas ja raha hu. Maine to bas itna kaha tha ki, ab hum kisi bhi samay ghar wapas ja sakte hai. Aapki shadi ke pahle mere wapas jaane ka koi irada nahi hai.”

Meri baat sunkar, shikha didi ke chehre par muskurahat wapas aa gayi. Iske bad, maine sab se ijajat li aur fir ajay ki car me uske sath hospital aa gaya. Hospital aane ke bad, ajay nisha ke pas chala gaya aur mai sidhe priya ke pas aa gaya.

Jab mai priya ke pas pahucha to, waha par riya baithi thi. Mujhe dekhte hi riya aur priya dono ke chehre par muskurahat aa gayi. Riya se pichhle kuch dino se meri koi baat nahi huyi thi.

Use bhi is baat ka aehsas ho chuka tha ki, mai shayad us se naraj hu. Isliye usne abhi mujhe apne samne dekha to mujhse kaha.

Riya boli “tum to ghar se jaane ke bad, mujhe bhool hi se gaye ho.”

Riya ko lekar mere man me koi mail nahi tha. Kyoki mai har baat ka jimmedar sirf apne bap ko hi manta tha. Isliye maine riya ki is baat ka muskurakar jabab dete huye kaha.

Mai bola “nahi, aisi koi baat nahi.Bas uncle aur priya dono ke hospital me rahne ki vajah se mai yaha kuch jyada hi ulajh gaya tha. Magar aaj dono ki hospital se chhutti hone ki vajah se, ab mere pas samay hi samay hai. Ab tumhe mujhse is baat ki koi shikayat nahi hogi.”

Abhi meri riya se baat chal hi rahi thi ki, tabhi nisha waha aa gayi. Usne priya ke sar par hath ferte huye us se kaha.

Nisha bhabhi boli “dekho priya, aaj tumhari chhutti jarur ho rahi hai. Lekin abhi tumhe apni sehat ka pura khayal rakhna hai. Kuch din tak tumhe ghar par sirf aaram hi karna hai. Mujhe ummid hai ki, tum mujhe shikayat ka koi mauka nahi dogi.”

Nisha bhabhi ki baat sunkar, priya ne muskurate huye kaha.

Priya boli “bhabhi, aap fikar mat karo. Mai aapko shikayat ka koi mauka nahi dugi. Lekin aapne bhi aaj mujhe shopping karane ka vada kiya tha. Ab mai ghar ja rahi hu to, ab meri shopping ka kya hoga.”

Nisha bhabhi boli “mujhe apne dono vade yaad hai. Mai aaj tumko shopping bhi karaugi aur tum meri shadi me bhi shamil ho sakogi. Lekin shadi me shamil hone ke liye abhi tumhara 2 din aaram karna bahut jaruri hai. Yadi is bich tumhe koi bhi pareshani ho to, tum befikar hokar mujhe call kar lena.”

Priya boli “ok bhabhi, mai aisa hi karugi.”

Nisha bhabhi boli “ok, ab mai chalti hu. Aaj mujhe bahut kaam hai.”

Itna kah kar nisha bhabhi jaane lagi. Lekin jate jate usne mujhe apne sath chalne ka ishara kiya aur mai uske sath sath bahar aa gaya. Bahar ajji pahle se hi khada humare aane ka intejar kar raha tha. Bahar aakar nisha bhabhi ne mujhse kaha.

Nisha bhabhi boli “waise to tum bahut samajhdar ho. Lekin fir bhi mai tumse ye bol dena jaruri samajhti hu ki, priya ko abhi kisi bhi tarah ka koi tension mat dena. Ye baat mai tumse sirf isliye kah rahi hu.”

“Kyoki mai is baat ko achi tarah se samajhti hu ki, priya ke dil me tumhari kya jagah hai. Priya bahut bholi hai aur abhi tumhare uske samne hone ki vajah se, uska dil is sachai ko kabulne ko taiyar nahi hai ki, tum uske nahi ho sakte.”

“Lekin tumhare jaane ke bad uska dil dhire dhire is sachai ko kabulne lagega. Tumhara diya koi bhi sadma uske liye jaan leva sabit ho sakta hai. Isliye behtar yahi hoga ki, abhi priya ko koi sadma na diya jaye.”

Nisha bhabhi ki baat sunkar, maine use viswas dilaya ki, meri vajah se priya ko koi dukh nahi pahuchega. Mai jab tak yaha hu, usko khush rakhne ki puri koshish karuga. Meri baat sunkar, nisha bhabhi ne bhi rahat ki saans li.

Iske bad ajay ne bataya ki usne uncle ke hospital ke bill ka bhugtan kar diya hai aur hum wapas jaane ki bhi koi fikar na kare. Wo humare wapas jaane ke ticket bhi karwa dega.

Maine use ye sab karne se mana kiya. Lekin wo meri is baat par naraj hone laga. Nisha bhabhi ne bhi uski is baat me sath diya aur fir mujhse chup rahne ke siwa kuch bhi karte na bana.

Iske bad dono ne mujhe bad me milne ki baat kahi aur wo dono apne apne ghar ke liye nikal gaye. Unke jaane ke bad, mai wapas priya ke pas aa gaya. Riya ghar jaane ki taiyari kar rahi thi.

Ab aunty bhi waha aa chuki thi. Isliye mai upar uncle ke pas chala aaya. Uncle ke bhi ghar jaane ki taiyari chal rahi thi. Unke pas is samay raj aur mehul dono the. Kuch hi der me unke ghar wapas jaane ki taiyari bhi puri ho gayi.

Lekin uncle ki chhutti 3 baje ke bad honi thi. Jabki priya ki chhutti abhi hi ho rahi thi. Raj ne humse kaha ki, wo priya ko ghar chhodne ke bad, uncle ko lene wapas aa jayega.

Iske bad mai aur raj niche aa gaye aur priya ka saman gaadi me rakhne lage. Kuch hi der bad priya, riya aur aunty raj ke sath ghar ke liye nikal gayi. Maine priya se uncle ki chhuti hone ke bad ghar aane ki baat bol di.

Priya ko ghar chhodne ke bad raj humare pas wapas aa gaya. Fir kuch hi der me uncle ki bhi chhutti ho gayi. Lekin doctor ne 3 din bad uncle ko fir se dikhane ki baat kah di thi.

Jis vajah se, Sunday ke pahle humare ghar wapas lautne ki koi ummid nahi thi. Maine ghar call karke, sabko uncle ki hospital se chhutti ho jaane ki baat bata di aur keerti se bhi bad me baat karne ki baat kah kar uska call bhi rakh diya.

Mehul ne mujhse raj ke ghar chalne ki baat puchhi to, maine kaha ki mai apna saman lekar abhi kuch der me ghar pahuchta hu. Iske bad raj aur mehul uncle ko lekar ghar ke liye nikal gaye.

Unke jaane ke bad maine bhi bike uthayi aur ajji ke bungalow jaane ke liye nikal gaya. Waha pahuch kar maine apne saman ki packing ki aur fir bike se hi raj ke ghar ke liye nikal gaya.

Iske bad 4 baje ke karib mai raj ke ghar pahuch gaya. Mujhe ek baar fir se apne ghar me wapas dekh kar, sab bahut khush najar aa rahe the. Nikki ke alawa baki sab ghar me hi the.

Riya ne bataya ki, unke aane ke bad, nikki ko lene doctor nisha ki gaadi aayi thi. Wo doctor nisha ke ghar gayi hai. Riya ki is baat se mai samajh gaya tha ki, nikki sabke sath shopping ke liye gayi hai.

Priya is wakt apne kamre me aaram kar rahi thi aur rajesh uncle apne kamre me the. Mai uncle ke pas chala aaya. Waha mehul baitha, uncle se ghar ke baare me baat kar raha tha. Mere pahuchne par mehul ne mujhe batate huye kaha.

Mehul bola “hum log Saturday ko papa ko doctor ko dikhayege aur fir Sunday ko yaha se ghar ke liye niklege. Lekin meri samajh me ek baat nahi aayi hai ki, humara hospital ka bill kisne paid kar diya aur kyo.”

Maine mehul ki is hairani ko door karte huye kaha.

Mai bola “ye bill mere usi dost ne paid kiya hai. Jiske ghar me mai pichhle 2 din se rah raha tha. Maine use aisa karne se mana bhi kiya tha. Lekin wo maana hi nahi. Wo kahne laga ki, tumhare uncle mere bhi uncle hai. Is wakt wo mere mehman hai aur ye sab uska farz hai.”

Meri baat sunkar, uncle aur mehul dono ki hairani ka koi thikana nahi raha. Uncle ne mujhse kaha.

Uncle bole “lekin tumhara ye dost kaun hai. Tumne hume kabhi us se milaya kyo nahi.”

Mai bola “uncle wo doctor aman ka dost hai. Wo mere sath raat ko hospital me hi rahta tha. Lekin wo hospital ke andar nahi aata tha. Ab 2 din bad uski shadi hai. Us din mai jarur aap dono ko us se mila duga.”

Fir thodi der uncle aur mehul se yaha waha ki baat karne ke bad, mai apne kamre me aa gaya. Kamre me aakar maine apne dono mobile charging me lagaye aur fresh hone ki baat sochte huye, aankh band karke let gaya.

Lekin aankh band karte hi, mujhe pata hi nahi chala ki, kab mai gahri nind me chala gaya. Fir meri nind raat ko 8:30 baje kisi ke darwaja khatkhatane se khuli. Maine darwaja khola to nikki mere samne khadi muskura rahi thi. Mujhe dekh kar, nikki ne muskurate huye kaha.

Nikki boli “jara apna mobile dekh lijiye. Shayad kisi ka call aaya ho.”

Nikki ki ye baat mujhe kuch ajib si lagi. Lekin fir bhi mai palat kar mobile ke pas aaya aur mobile utha kar dekhne laga. Usme shikha didi ke 10-12 missed call the. Maine hairani se nikki ki taraf dekhte huye kaha.

Mai bola “didi ke 10-12 missed call hai. Shayad wo bahut der se mujhe call laga rahi thi.”

Nikki boli “ji haan, aapki didi, khane par aapka intejar kar rahi hai. Aapne call nahi uthaya to, un ne mujhe call laga kar, aapko ye khabar dene ko kaha hai.”

Nikki ki ye baat sunkar, maine pareshan hote huye kaha.

Mai bola “mai ajib pareshani me fas gaya hu. Didi chahti hai ki, mai unke ghar par khana khau aur priya chahti hai ki, mai yaha rahu. Ab meri samajh me nahi aa raha hai ki, aisi haalat me mai kya karu.”

Nikki boli “aapki is pareshani ko maine door kar diya hai. Jab bhabhi ne mujhse ye baat kahi thi. Tabhi maine priya ko ye sab bata diya tha. Use aapke waha jaane ya khana khane se koi pareshani nahi hai. Aapki khushi me hi wo apni khushi samajhti hai. Wo bas itna chahti hai ki aap uski aankhon ke samne rahe.”

Nikki ki baat sunkar, mujhe kuch shukun mehsus hua aur maine us se kaha.

Mai bola “to fir aap didi ko call karke un se bol dijiye ki, mai thodi der me waha pahuch raha hu. Tab tak mai fresh hokar, taiyar ho jata hu.”

Meri baat sunkar, nikki wapas chali gayi. Nikki ke jaane ke bad, mai fresh hua aur fir taiyar hone laga. Taiyar hone ke bad, mai dada ji aur baki logon ko jata kar, shikha didi ke ghar ke liye nikal gaya.

Jab mai waha pahucha to, shikha didi badi besabri se mera intejar kar rahi thi. Mere pahuchte hi un ne khushi khushi khana lagana suru kar diya. Aunty aur barkha didi ke chehre par bhi mujhe dekh chamak aa gayi thi.

Shayad shikha didi ki tarah aunty ko mere andar apna beta aur barkha didi ko apna bhai najar aane laga tha. Maine sabke sath khana khaya aur fir shikha didi ki shadi ki baten chalne lagi.

Kal se unke ghar me dhum machne wali thi. Jise lekar barkha didi bahut utsahit thi. Thodi der ye hi sab baten karne ke bad, jab maine wapas jaane ki baat ki to, shikha didi ne ek packet mujhe dete huye kaha.

Shikha didi boli “bhaiya, ye aapki garib bahan ki taraf se aapke liye ek chhota sa tohfa hai.”

Shikha didi ki ye baat mere dil ko chubh gayi aur na chahte huye bhi meri aankhon me nami aa gayi. Meri aankhon ki nami ko dekh kar shikha didi bhi ghabra gayi. Un ne ghabrate huye kaha.

Shikha didi boli “kya hua bhaiya. Kya maine kuch galat bol diya hai.”

Mai bola “didi, galat to aapne bola hi hai. Kya ek bhai ke liye uski bahan kabhi garib ho sakti hai kya. Bahan ka diya hua, chhote se chhota tohfa bhi bhai ke liye bahut keemti hota hai.”

Meri baat sunte hi shikha didi ko apni galti ka aehsas ho gaya. Usne apni galti mante huye kaha.

Shikha boli “sorry bhaiya, sach me mujhse galti huyi hai. Lekin ye bhi sach hai ki, ye tohfa jyada keemti nahi hai. Isliye mujhe ye dene me acha nahi lag raha tha.”

Mai bola “kaisi baat karti ho didi. Is se keemti tohfa to koi ho hi nahi sakta. Bhala bahan ke pyar ki bhi kya koi keemat lagayi ja sakti hai. Mere liye to ye tohfa sabse jyada kimti hai. Kyoki isme aapka pyar hai.”

Iske bad meri sab se shadi ko lekar thodi bahut baten aur huyi. Uske bad maine raat jyada hone ki baat kahi aur fir 10:30 baje mai ghar ke liye nikal aaya. Mai 10:45 baje ghar pahuch gaya.

Ghar pahuchne ke bad, mai thodi der uncle ke pas baitha aur fir 11 baje apne kamre me aa gaya. Kamre me aakar maine kapde badle aur letne ke bad keerti ko call lagane ki soch hi raha tha ki, tabhi priya ka call aa gaya. Mere call uthate hi priya ne kaha.

Priya boli “ye sab kya hai.?”

Mai bola “kyo kya hua. Tum kis baat ke baare me bol rahi ho.”

Priya boli “is se achi to mai hospital me thi. Kam se kam raat ko tumko dekh to pati thi. Yaha to mujhe tumhari shakal tak dekhna nashib nahi ho raha hai.”

Mai bola “ab isme mai kya kar sakta hu. Mai to ghar par kitni der raha. Lekin tum upar se niche hi nahi aayi.”

Priya boli “yadi mai niche nahi aa sakti to kya hua. Tum to upar aa sakte the na.”

Mai bola “maine sab se puchha tha ki, priya kaisi hai. Sab ne kaha ki, achi hai. Apne kamre me aaram kar rahi hai. Kisi ne ye nahi kaha ki, upar jakar dekh lo. Fir bhala mai upar kaise aa jata.”

Priya boli “mujhe kuch nahi sunna. Tum abhi mujhse milne upar aao. Nahi to mai tumse milne niche aati hu.”

Mai bola “priya, ab raat jyada ho gayi hai. Aise me mera upar aana thik nahi hoga. Mai vada karta hu ki, subah jarur tumse milne upar aauga.”

Magar priya ab meri koi bhi baat sunne ko taiyar nahi thi. Wo jid kiye baithi thi ki, ya to mai upar aau ya fir wo khud niche aa jayegi. Jab meri uski jid ke aage ek na chali to, maine uski baat mante huye, us se kaha ki, mai us se milne upar aa raha hu.

 

[Aanand]

Ko To Rok Lo {Update - 148}
____________________________

Priya boli “is se achi to mai hospital me thi. Kam se kam raat ko tumko dekh to pati thi. Yaha to mujhe tumhari shakal tak dekhna nashib nahi ho raha hai.”

Mai bola “ab isme mai kya kar sakta hu. Mai to ghar par kitni der raha. Lekin tum upar se niche hi nahi aayi.”

Priya boli “yadi mai niche nahi aa sakti to kya hua. Tum to upar aa sakte the na.”

Mai bola “maine sab se puchha tha ki, priya kaisi hai. Sab ne kaha ki, achi hai. Apne kamre me aaram kar rahi hai. Kisi ne ye nahi kaha ki, upar jakar dekh lo. Fir bhala mai upar kaise aa jata.”

Priya boli “mujhe kuch nahi sunna. Tum abhi mujhse milne upar aao. Nahi to mai tumse milne niche aati hu.”

Mai bola “priya, ab raat jyada ho gayi hai. Aise me mera upar aana thik nahi hoga. Mai vada karta hu ki, subah jarur tumse milne upar aauga.”

Magar priya ab meri koi bhi baat sunne ko taiyar nahi thi. Wo jid kiye baithi thi ki, ya to mai upar aau ya fir wo khud niche aa jayegi. Jab meri uski jid ke aage ek na chali to, maine uski baat mante huye, us se kaha ki, mai us se milne upar aa raha hu.

Kahne ko to maine priya se kah diya tha ki, mai us se milne aa raha hu. Lekin abhi raat ke samay, mujhe apna aisa karna thik nahi lag raha tha. Fir bhi priya ki tabiyat ka khayal karke, maine apne dil ko majbut kiya aur priya se milne jaane ke liye apne kamre se bahar nikal aaya.

Mai apne kamre se nikal kar jab hall me pahucha to, waha dada ji baithe akhbar pad rahe the. Unko itni raat ko akhbar padte dekh kar, mujhe kuch hairani huyi aur maine uske pas aakar, un par apni hairani jahir karte huye kaha.

Mai bola “dadu, ye kya hai.? Aap itni raat ko akhbar pad rahe hai.”

Meri baat sunkar dada ji ne muskura kar mujhe dekha aur fir akhbar ko ek kinare rakhte huye kaha.

Dada ji bole “beta, aaj aakash abhi tak ghar nahi aaya hai. Bas isiliye jaag raha tha. Akela baitha bore hone laga to, akhbar padne laga. Lekin tum batao, tum abhi tak kyo jag rahe ho.”

Mai bola “dadu, mai to sone hi ja raha tha. Lekin aaj priya ke hospital se aane ke bad se, mai us se mila nahi tha. Priya ko dekhne ka bahut man kar raha tha. Isliye socha ki riya ya nikki ke sath priya se mil aau. Lekin aaj to yaha dono me se koi bhi nahi dikh raha hai.”

Meri baat sunkar, dada ji ne kaha.

Dada ji bole “beta aaj nikki bahut thaki huyi thi. Isliye wo khana khane ke bad hi sone chali gayi. Priya to hospital se aane ke bad niche aayi hi nahi hai. Uske sath sath riya bhi usi ke kamre me hai. Tum aisa karo ki, riya ko bula lo. Wo hi tumko priya ke pas le jayegi.”

Mai bola “thik hai dadu. Mai riya ko hi niche bula leta hu.”

Ye kahte huye mai wapas apne kamre me jaane laga. Mujhe apne kamre me wapas jate dekh kar dada ji ne kaha.

Dada ji bole “kya hua, tum wapas kyo ja rahe ho.”

Mai bola “dadu, mera mobile kamre me hi rakha hai. Mai riya ko call laga kar bula leta hu.”

Dada ji bole “ruko, mai tumko priya ka kamra bata deta hu. Tum khud hi unke pas chale jao.”

Ye kah kar dada ji ne, upar sidiyon ke bilkul samne bane kamre ki taraf ishara karte huye kaha.

Dada ji bole “wo kamra dekh rahe ho na. Uske baju ka kamra raj ka hai. Fir raj ke kamre ke bad riya ka kamra hai. Riya ke kamre ke bad, nikki ka kamra hai aur nikki ke kamre ke bad priya ka kamra hai.”

Dada ji ke priya ka kamra bata dene ke bad, mai upar chala gaya. Dada ji ne jaise kamre bataye the. Usi hisab se un kamro ke samne se hote huye, mai priya ke kamre ke samne jakar khada ho gaya.

Uske kamre se Tv chalne ki aawaj aa rahi thi. Abhi mai priya ke kamre ka darwaja khatkhatane ki baat soch hi raha tha ki, tabhi andar se priya ki aawaj sunayi di.

Priya boli “andar aa jao. Darwaja khula hua hai.”

Priya ki aawaj sunte hi, maine darwaja khola aur andar aa gaya. Priya ek pink nighty me, bed par baithi Tv dekh rahi thi. Mujhe apne samne dekhte hi, priya ke chehre par ek chamak aa gayi.

Uske chehre ki ye chamak, us khushi ki thi. Jo use mere waha aane se ho rahi thi. Usne bade hi pyar se, mujhe pas rakhi chair par baithne ka ishara kiya. Maine chair ko priya ke bad ke pas khicha aur fir us par baith kar kabhi priya ko to, kabhi uske kamre ko dekhne laga.

Priya ki Tv abhi bhi chal raha thi. Usne mujhe is tarah se hairan hote dekha to, muskura kar, Tv ko band karte huye kaha.

Priya boli “aise hairani se kya dekh rahe ho. Kya mera kamra sach me itna ganda hai.”

Mai bola “nahi, tumhara kamra to bahut acha hai. Mai to bas ye soch raha tha ki, jab tumhare kamre me Tv chal raha tha to, fir tumko ye kaise pata chala ki, bahar mai aa gaya hu.”

Meri baat sunkar priya ke chehre par, bahut hi pyari si muskurahat aa gayi aur usne muskura kar meri baat ka jabab dete huye kaha.

Priya boli “Bahut Pahle Se Tere Kadmo Ki Aahat Jaan Lete Hai.
Tujhe Ae Jindagi Hum Door Se Pehchan Lete Hai.”

Priya ki is shayari ko sunte hi mujhe, uski hospital me kahi gayi shayari ki yaad aa gayi.

Priya ki shayari “Zakhm Muskurate Hai Ab Bhi Teri Aahat Par.
Dard Bhool Jate Hai Ab Bhi Teri Aahat Par.
Umar Kaat Di Lekin Bachpana Nahi Jata.
Chauk Chauk Jate Hai Ab Bhi Teri Aahat Par.
Teri Aahat Aaye To Neend Udh Jati Hai.
Hum Khushi Manate Hai Ab Bhi Teri Aahat Par.”

Priya ki is shayari ke yaad aate hi, mai uski shayariyon me mere liye chhupe pyar ko, achi tarah se samajh sakta tha. Bhala jo ladki jindgi aur maut se ladte samay bhi meri aahat par jaag sakti hai to, uske liye abhi ache bhale hone par meri aahat ko pehchan pana koi badi baat nahi thi.

Lekin priya ki is shayari ka matlab samajhte huye bhi, maine anjan banne ka natak karte huye priya se kaha.

Mai bola “dekho yaar, mujhe is sher-o-shayari ke lafde se door hi rakho. Mai apne dimag par kitna bhi jor dalu. Magar ye sab, mere bheje me kabhi nahi ghusti. Tumhe mujhse jo bhi bolna ho, sidhe sidhe hi bol diya karo.”

Maine ye baat isliye boli thi. Taki priya is baat ko badal kar, koi aur baat karne lage. Lekin priya ne meri ye baat sunte hi tapak se mujhse kaha.

Priya boli “I love you.”

Priya ke muh se ye baat sunte hi mujhe ek jhatka sa laga. Mai jis baat se bachne ke liye uski shayari se anjan banne ka natak kar raha tha. Usne wo hi baat khule shabdon me mere muh par kah di thi.

Priya ko meri hakikat pata thi aur wo bhi usko kabul kar chuki thi. Mai priya ke dil ka haal bhi ache se janta tha. Yadi aaj keerti meri jindgi me nahi hoti to, is baat me bhi koi shaq nahi tha ki, priya hi wo ladki hoti, jiske liye mai apni jaan bhi de sakta tha.

Lekin aaj ki hakikat kuch aur thi. Aaj ki hakikat ye thi ki, meri jindgi sirf aur sirf keerti ke naam thi. Uski jagah priya to kya, duniya ki koi bhi ladki nahi le sakti thi. Isliye maine priya ki is baat par narajgi jatate huye kaha.

Mai bola “priya, ye kaisa majak hai. Sab kuch jante huye bhi tum aisa karogi. Mujhe tumse is baat ki jara bhi ummid nahi thi.”

Meri is baat se priya ko meri narajgi ka aehsas ho gaya aur shayad uske dil ko is se kahi chot bhi lagi ho. Isliye uske chehre ki hansi uske chehre se gayab ho gayi. Fir bhi usne feeki si muskurahat ke sath, baat ko badalte huye kaha.

Priya boli “are isme naraj hone wali kya baat hai. Kya ek dost dusre dost ko I love you bhi nahi bol sakta. Ok, yadi tumko acha nahi lagta hai to, mai aisa dobara nahi karugi. Ab ye faltu ki baat chhodo aur ye batao ki, achanak ye tumhari didi kaha se aa gayi.”

Ye kahte huye priya ne baat ka rukh shikha ki taraf mod diya. Mai bhi uske dil ko koi chot pahuchana nahi chahta tha. Isliye maine bhi shikha ki baat ko hi aage badate huye kaha.

Mai bola “kyo, kya nikki ne tumhe is baare me kuch nahi bataya.”

Priya boli “nahi, usne bas itna kaha tha ki, tum mere kahne par yaha aa gaye ho. Lekin tumhari didi chahti hai ki, tum unke sath khana khao. Maine bhi kah diya ki mujhe isme koi pareshani nahi hai.”

Mai bola “kal raat ko hospital me, jinke liye tumne bimar hone ka natak kiya tha. Wo hi meri didi hai.”

Meri is baat ke jabab me priya ne chaukte huye kaha.

Priya boli “tum shikha didi ki baat kar rahe ho.”

Mai bola “haan, unki hi baat kar raha hu. Kal unka ajay se jhagda ho gaya tha aur wo bahut ro rahi thi. Jis vajah se unko chup karane ke liye hume tumhe nind se jaga kar ye bimari ka natak karana pada tha. Sorry meri vajah se kal tumko pareshan hona pada.”

Priya boli “kaun kahta hai ki, mujhe is baat se koi pareshani huyi. Mujhe to is baat ki khushi huyi ki, isi bahane sahi, par mai tumhare koi kaam to aa saki. Lekin ajay to tumhara dost hai. Fir unka us se jhagra kis baat ko lekar ho gaya.”

Mai bola “ajay doctor aman ka bhi dost hai. Wo shikha didi ko pyar karta tha. Lekin didi ko paise wale log pasand nahi the. Jis vajah se ajay ek taxi driver ban kar unki taxi chalata tha. Kal ye sab baten wo mujhe bata raha tha. Tabhi didi waha coffee dene aayi aur un ne ye sab sun liya. Jis vajah se wo us se naraj ho gayi thi.”

Priya boli “fir kya hua. Kya unka gussa shant hua ya nahi.”

Mai bola “gussa bhi shant ho gaya aur unki shadi bhi pakki ho gayi. Ab 2 din bad aman aur nisha ke sath sath ajay aur shikha didi ki bhi shadi rahi hai.”

Meri baat sunte hi priya ne romanchit hote huye kaha.

Priya boli “wow, ye to ek super hit love story hai. Mujhe us din ajay ko apne ghar me dekh kar lag hi raha tha ki, ise maine kahi dekha hai. Magar us din tumhari vajah se, mai is par jyada dhyan nahi de payi thi. Lekin meri ek baat samajh me nahi aa rahi hai ki, jab ajay tumhara dost hai to, aise me shikha tumhari bhabhi lagi. Fir tum use didi kyo kah rahe ho.”

Mai bola “kyoki, mere dil se unke liye pahli baar me didi hi nikla tha aur fir un ne bhi mujhe apna bhai maan liya. Unki shadi to iske bad pakki huyi. Isliye ab mai unko didi hi bolta hu.”

Meri ye sab baten sunkar, priya ke chehre par ek baar fir se muskurahat aa gayi. Wo apne bed se niche utri aur aaj ki shopping ka saara saman lakar bed par rakhne lagi.

Fir saara saman rakhne bad, wapas aakar bed par baith gayi aur ek ek saman khol kar mujhe dikhane lagi. Aakhiri me bacha ek saman usne mujhe khol kar nahi dikhaya to, maine us se kaha.

Mai bola “kya ye packet khol kar nahi dikhaogi.”

Priya boli “nahi, ye meri shadi me pahanne wali dress hai. Ye to mai usi din pahan kar dikhaugi.”

Maine us se wo dress dikhane ko bahut kaha. Magar wo shadi ke din dekh lene ki jid lagayi rahi. Aakhir me mujhe bhi uski jid ke aage jhukna pad gaya. Fir maine kamre me uske akele hone ki vajah janne ke liye us se puchha.

Mai bola “dada ji to kah rahe the ki, riya tumhare sath hai. Lekin tum to yaha akeli ho.”

Priya boli “riya didi ko nind aa rahi thi. Maine hi unko sone ke liye bhej diya. Un ne hi mujhe bataya tha ki, tum ghar aa gaye ho.”

Mai bola “to kya tum raat bhar yaha akeli hi rahogi.”

Meri baat sunkar, priya ko fir se shararat sujhi aur usne muskurate huye kaha.

Priya boli “nahi to, mai bhala kyo akeli rahugi. Mere sath raat bhar ab tum rahoge na.”

Priya ki is baat ke jabab me, na to mujhse, na bolte ban raha tha aur na hi haan bolte ban raha tha. Mai muskura kar rah jaane ke siwa kuch na kar saka. Lekin priya meri is muskurahat ka matlab samajh gayi thi. Usne meri halat par thahake lagate huye kaha.

Priya boli “daro mat, mai itni bhi pagal nahi hu. Jo tumko yaha raat bhar rukne ko bolu. Mai to bas majak kar rahi thi. Din bhar se tumko dekha nahi tha. Jis vajah se tumko dekhne ka bahut man kar raha tha. Isliye maine tumko call karke bula liya. Ab tumko dekh liya hai to, mai bhi aaram se so jaugi. Ab mere pas kisi ko bhi raat rukne ki jarurat nahi hai.”

Priya ke is bholepan ko dekh kar, na chahte huye bhi mujhe us par bahut pyar aa raha tha. Isliye ab maine bhi use pareshan karte huye kaha.

Mai bola “tum to sach me bahut samajhdar ho gayi ho. Bahut badi badi baten karne lagi ho. Ok, ab to tumne mujhe dekh hi liya hai. Ab mai chalta hu.”

Ye kahte huye mai apni jagah par khada ho gaya. Mujhe yu khada hote dekh kar, priya ki muskurahat gayab ho gayi. Usne shayad mere itni jaldi jaane ki baat nahi sochi thi. Isliye mujhe jate dekh kar, uska chehra murjha sa gaya. Uska aisa chehra dekh kar meri hansi chhut gayi aur maine us se kaha.

Mai bola “ab jara apna chehra dekho, kaisa ho gaya hai. Mai bhi to tumse majak hi kar raha hu.”

Ye kahte huye mai wapas apni jagah par baith gaya. Meri is harkat se, priya ke chehre par fir se muskurahat wapas aa gayi. Iske bad wo mujhse shikha aur ajji ke baare me baten karti rahi.

Fir 12 baje mai priya ko good night kah kar niche aa gaya. Dada ji abhi bhi wahi baithe akash uncle ke aane ka intejar kar rahe the. Unse kuch der baat karne ke bad, mai wapas apne kamre me aa gaya.

Kamre me aane ke bad maine mobile dekha to, mere dono mobile par keerti ke dher saare call the. Mai jaise hi keerti ko call lagane ko hua. Waise hi fir se uska call aane laga. Maine uska call uthaya to, mere call uthate hi, usne gusse me mere upar baraste huye kaha.

Keerti boli “mai dekh rahi hu, tumhe aaj kal, meri jara bhi fikar nahi hai. Mai kab se call laga laga kar, mare ja rahi hu. Lekin tum itni raat tak apne aap me hi busy ho. Tumse ye tak nahi hota ki, ek baar call utha kar kah do ki, mai thodi der bad call lagau.”

Uski baton se mujhe samajh me aa raha tha ki, wo mujh par bahut jyada gussa hai. Uska ye gussa karna bhi jayaj hi tha. Kyoki pichhle 2 din se humare bich koi baat nahi huyi thi. Wo 2 din se mujhse baat karne ke liye tadap rahi thi aur aaj jab use mujhse baat karne ka mauka mila to, mai hi uske pas nahi tha.

Wo bhi aakhir kitna sabar karti. Aakhir me uske sabar ka bandh to tutna hi tha. Mujhe meri galti ka aehsas tha aur isi vajah se maine uske samne apni koi safai na dete huye kaha.

Mai bola “sorry jaan, mujhse galti huyi. Mujhe aisa nahi karna chahiye tha. Tu mere liye kitna kuch karti rahti aur ek mai hu, jo tujhe dukh dene ke siwa kuch nahi karta.”

Keerti ko shayad is baat ka aehsas nahi tha ki, mai itni jaldi uske samne haar maan jauga. Use mera uske samne yun haar maan lena acha nahi laga aur usne mujhse shikayat karte huye kaha.

Keerti boli “jaan, tum pagal ho kya hai. Ye kya kya bole ja rahe ho. Maine tumhare liye kuch nahi kiya. Jo bhi maine kiya sirf apni khushi ke liye kiya hai. Mai to sirf isliye gussa kar rahi thi ki, tum mujhe manaoge.”

“Magar tum to aise sorry bol rahe ho, jaise tumne bahut badi galti kar di ho. Galti meri hi hai, mai tumse baat karne ke liye itna bechain thi ki, mujhse tumhare bina ek pal bhi raha nahi ja raha tha.”

Keerti ki baat sunkar, mujhe thodi rahat mehsus huyi ki, wo mujhse gussa nahi hai. Maine use uske call rakhne ke bad ki saari baten batate huye, us se kaha.

Mai bola “ab tu hi bata, kya aisi haalat me, priya ke pas jakar, maine kuch galat kiya hai.”

Keerti boli “nahi jaan, tumne kuch galat nahi kiya hai. Lekin ab tum priya se saaf saaf kah do ki, tumhara 11 baje ke bad ka samay, mujhse baat karne ka rahta hai aur us samay tum kisi se baat karna pasand nahi karte.”

Mujhe keerti ki ye baat achi to nahi lagi. Fir bhi uska dil rakhne ke liye maine uski baat mante huye, us se kaha.

Mai bola “thik hai, mai kal hi priya se ye baat bol deta hu.”

Lekin thodi der baat na jaane kya soch kar keerti ne mujhse kaha.

Keerti boli “jaan, rahne do. Tumhe us se kuch bhi kahne ki jarurat nahi hai. Kuch bhi ho, wo tumse pyar karti hai. Ye baat sunkar, bechari ka dil toot jayega. Fir 2-4 din ki hi to baat hai. Tumhare waha se wapas aate hi, wo khud hi in sab baton ko samajhne lagegi.”

Keerti ki ye baat sunkar, mujhe is baat ka aehsas hua ki, chhoti maa thik hi kahti thi ki, jo hume hasil hai, hume uski kadar karna chahiye. Keerti ki itni badi soch ke aage, dil hi dil me, mera sar uske samne jhuk gaya aur mujhe khud par naz sa mehsus hone laga.

Mai keerti ki baat sunkar, uske is badappan me kho sa gaya tha aur keerti mujhe khamosh dekh kar samajh rahi thi ki, usne shayad kuch galat kah diya hai. Usne mujhe tokte huye kaha.

Keerti boli “kya hua, kya maine kuch galat baat kah di hai.”

Ab mera mood thik tha. Isliye maine keerti ko chhedte huye kaha.

Mai bola “tu kabhi koi galat baat kah hi nahi sakti. Tu to galiyan bhi bahut achi achi deti hai.”

Meri baat se keerti ko apni gaali dene wali baat yaad aa gayi. Lekin usne apni gaali dene wali baat se saaf mukarte huye kaha.

Keerti boli “jhuth mat bolo. Mai kabhi kabhi thoda bahut gussa jarur kar leti hu. Lekin gaali kabhi nahi deti.”

Keerti ko gaali dene ki baat se aisa saaf muakrta dekh kar, maine use priya wali baat ki yaad dilate huye kaha.

Mai bola “tu gaali nahi deti to, fir us din priya ko itna ganda ganda kaun bol raha tha. Tu chahe bhi to is baat se nahi mukar sakti. Kyoki tujhe gaali dete huye ghar me bhi kisi ne sun liya hai.”

Meri is baat ko sunkar, keerti kuch pareshan si ho gayi. Usne ghabrate huye kaha.

Keerti boli “kisne aur kaise sun liya. Mai to tumhare kamre me akeli hi thi aur maine kisi ke upar aane ki aahat bhi nahi suni thi.”

Mai bola “upar koi nahi aaya tha. Lekin jo upar the, unhi me se kisi ne tujhe gaali dete suna hai.”

Meri baat sunkar, keerti ko samajh me aa gaya ki, mai ami nimi me se kisi ki baat kar raha hu. Usne badi hi bechaini se kaha.

Keerti boli “yaha meri jaan nikli ja rahi hai aur tumko paheliyan bujhane ki padi hai. Sidhe sidhe batao ki, kisne us din ki baat suni aur kya suna hai.”

Mujhe bhi ab keerti ko jyada pareshan karna thik nahi laga aur maine use ami ki baat batate huye kaha.

Mai bola “us din ami ne tujhe gaali dete suna tha aur usne ye baat mujhe kisi ko bhi batane se mana kiya tha.”

Ye kahte huye maine keerti se, us din meri ami se huyi saari baten bata di. Jise sunne ke bad keerti ne kaha.

Keerti boli “ye itni si ladki meri jasusi karti hai.”

Keerti ki baat sunkar, mujhe hansi aa gayi. Maine use samjhate huye kaha.

Mai bola “us din tu khud itni gusse me thi ki, tujhe kisi baat ka hosh hi nahi tha. Us bechari ki to us din nind khul gayi thi aur usne jab apne kamre ka darwaja khula dekha to, wo darwaja band karne uthi thi. Fir use mere kamre ki light jalti dikhi to, wo samajh gayi ki, tu waha hai aur wo tujhe waha dekhne chali gayi.”

“Lekin jab usne tujhe kisi ko phone par gaali dete suna to, wo khud dar gayi aur jakar chup chap so gayi. Usne to mujhe bhi ye baat isi shart par batayi thi ki, mai kisi ko kuch nahi batauga aur tujhe kuch nahi boluga.”

Meri baat ke jabab me keerti ne mujh par gussa karte huye kaha.

Keerti boli “usne kaha aur tumne uski baat maan kar, ye baat mujhe bhi batane ki jarurat nahi samjhi. Kya ab mai bhi kisi me aa gayi hu.”

Mai bola “tere sar par to seeng lage hai. Pahle tune priya ko gaali di aur uske bad mujhse bhi ladai le li. Ab tu hi bata ki, mai ye baat tujhe kaise aur kab bata deta.”

Meri baat sunkar, keerti ko apni galti ka aehsas ho gaya aur usne mujhse maafi mangte huye kaha

Keerti boli “sorry, mujhse galti huyi. Lekin ab hume is ami ki bachchi se bach kar rahna hoga. Ye iske pahle bhi humari chori pakad chuki hai.”

Keerti ki is baat par maine muskurate huye kaha.

Mai bola “hume nahi, sirf tumhe bachna hoga. Kyoki usne meri to koi chori nahi pakdi hai.”

Meri baat sunkar, keerti ne mujhe dhamkate huye kaha.

Keerti boli “jyada sharif banne ki koshish mat karo. Dono baar mai tumhari vajah se hi, uske chakkar me fasi hu. Ab yadi usne kabhi mujhe, kisi baat me pakda to, mai apne sath sath tumhe bhi ghasit…….”

Abhi keerti apni baat puri bhi nahi kar payi thi ki, achanak hi wo baat karte karte bich me ruk gayi. Mujhe uske yu baat karte karte chup ho jaane ki koi vajah samajh me nahi aayi aur mai usko hello hello bolne laga.

Magar abhi bhi uski taraf se koi jabab nahi aa raha tha. Uske yu achanak chup ho jaane wali baat ne mujhe pareshani me daal diya tha aur ab mujhe uski chinta satane lagi thi.

 

[Aanand]

Ko To Rok Lo {Update - 149}
____________________________

Meri baat sunkar, keerti ko apni galti ka aehsas ho gaya aur usne mujhse maafi mangte huye kaha

Keerti boli “sorry, mujhse galti huyi. Lekin ab hume is ami ki bachchi se bach kar rahna hoga. Ye iske pahle bhi humari chori pakad chuki hai.”

Keerti ki is baat par maine muskurate huye kaha.

Mai bola “hume nahi, sirf tumhe bachna hoga. Kyoki usne meri to koi chori nahi pakdi hai.”

Meri baat sunkar, keerti ne mujhe dhamkate huye kaha.

Keerti boli “jyada sharif banne ki koshish mat karo. Dono baar mai tumhari vajah se hi, uske chakkar me fasi hu. Ab yadi usne kabhi mujhe, kisi baat me pakda to, mai apne sath sath tumhe bhi ghasit…….”

Abhi keerti apni baat puri bhi nahi kar payi thi ki, achanak hi wo baat karte karte bich me ruk gayi. Mujhe uske yu baat karte karte chup ho jaane ki koi vajah samajh me nahi aayi aur mai usko hello hello bolne laga.

Magar abhi bhi uski taraf se koi jabab nahi aa raha tha. Uske yu achanak chup ho jaane wali baat ne mujhe pareshani me daal diya tha aur ab mujhe uski chinta satane lagi thi.

Mujhe itna to samajh aa raha tha ki, shayad koi keerti ke pas aa gaya hai. Isliye wo baat karte karte chup ho gayi hai. Lekin mai ye nahi samajh pa raha tha ki, uske pas itni raat ko kaun aa sakta hai.

Kyoki ami nimi me se kisi ke aane se uske chup hone ka sawal hi paida nahi hota tha. Wo kisi bhi tarah se ami nimi ko bahla sakti thi. Aise me mere dimag me bas ek hi chehra aaya. Jiski vajah se keerti is tarah se chup ho sakti thi aur wo chehra, mere papa ka tha.

Papa ka chehra mere dimag me aate hi, mera chehra gusse me laal ho gaya aur mera hath khud-ba-khud apne dusre mobile ki taraf bad gaya. Maine chhoti maa ko call lagane ke liye apna mobile utha liya.

Lekin iske pahle ki mai chhoti maa ko call laga pata. Mujhe keerti ke mobile me ek jaani pehchani aawaj sunayi di. Ye aawaj aunty ki thi. Un ne shayad keerti ke bilkul pas aakar, gusse me us se kaha.

Aunty boli “ye itni raat ko tu phone par kiske sath baat kar rahi hai.”

Ab tak keerti apne aapko sambhal chuki thi. Usne muskurakar aunty ki baat ka jabab dete huye kaha.

Keerti boli “are aap itna gussa kyo kar rahi hai. Mai to punnu se baat kar rahi hu.”

Mera naam sunte hi aunty ka gussa shant ho gaya aur un ne naram hote huye keerti se kaha.

Aunty boli “lekin tum log itni raat tak phone par kyo lage huye ho. Kya kal tujhe school nahi jana hai.”

Keerti ne aunty ki is baat ke jabab me badi hi masum bante huye kaha.

Keerti boli “aunty, mujhe to nind aa rahi thi. Lekin punnu ne kaha ki, use bahut jaruri baat karna hai. Is se pahle ki wo apni jaruri baat bol pata ki, aap aa gayi. Ab aap hi us se puchh lijiye ki, use mujhse kya jarurat baat karni hai.”

Keerti ki baat sunkar, aunty mujhse baat karne se mana karti rahi. Lekin usne jababrdasti mobile aunty ko pakda diya aur mobile hath me aate hi aunty ne mujhse kaha.

Aunty boli “kya hua. Waha sab thik to hai na.”

Mai bola “ji, aunty yaha sab thik hai.”

Aunty boli “fir tujhe itni raat ko kya jaruri baat karni thi.”

Aunty ki ye baat sunkar, mujhe keerti par gussa aa raha tha. Usne bekar me hi mujhe fasa diya tha. Fir bhi maine aunty ki baat ka jabab sochte huye, unhe ajay aur shikha ki shadi ki baat bata kar kaha.

Mai bola “bas aunty ye hi baat batane ke liye maine keerti ko itni raat ko call lagaya tha.”

Aunty boli “lekin ye itni badi baat bhi to nahi hai. Ye baat to tu subah bhi bata sakta tha.”

Aunty ka kahna bhi sahi tha. Kyoki maine bhi yahi soch kar, raat ko chhoti maa se ye baat call laga kar nahi ki thi. Lekin tabhi mera dimag samay par chal gaya aur maine aunty se kaha.

Mai bola “aunty, aap to kuch samajh hi nahi rahi hai. Shikha meri bahan hai. Uski shadi me mujhe bhi to koi gift dena hoga na. Ab yaha raat ko jaagne ki vajah se mera sone aur jagne ka samay badal gaya hai.”

“Isi vajah se abhi mai ye baat keerti ko bata raha tha. Taki wo subah aap logon ko ye baat bata de aur aap log subah mere jagne se pahle hi, dene ke liye koi gift soch kar rakhe.”

Aunty ko ye baat bolne ke bad, maine ek thandi si saans li. Ab mujhe yakin ho gaya tha ki, ye baat sunne ke bad aunty mujhse koi sawal nahi karegi aur hua bhi aisa hi hai. Aunty ne iske bad mujhse koi sawal nahi kiya aur mujhe samjhate huye kaha.

Aunty boli “tu is baat ki jara bhi fikar mat kar. Mai subah sunita ko sab bata dugi aur tere jagne se pahle koi gift bhi soch kar rakh lugi. Ab tu aaram se so ja.”

Mai bola “ji aunty.”

Iske bad aunty ne phone keerti ko de diya aur use bhi jaldi so jaane ka bol kar apne kamre me chali gayi. Unke jate hi sabse pahle keerti ne kamre ka darwaja band kiya aur fir call par aakar kaha.

Keerti boli “ab bolo kaisi rahi.”

Mai bola “bahut buri rahi. Tune aakhir apni baat ka badla le hi liya na.”

Keerti boli “are nahi nahi. Tum ye kya bol rahe ho. Mai bhala tumse kyo badla lene lagi.”

Mai bola “badla nahi to ye aur kya tha. Jab aunty mujhse baat karna nahi chahti thi to, fir tune unse meri jabardasti baat kyo karwayi.”

Keerti boli “tum thik se samjhe nahi ki, maine aisa kyo kiya hai. Yadi maine aunty se tumhari baat nahi karayi hoti to, unke man me kahi na kahi ye baat dabi rah jati ki, mai phone par kisi se baat kar rahi thi. Lekin ab un ne tumse baat kar li hai to, ab unke man me aisi koi baat nahi rah jayegi aur ye baat yahi par khatam ho jayegi.”

Keerti ki baat sunkar, mai bhi dang rah gaya. Usne sach me bahut door ki baat sochi thi. Iske bad merit keerti se yaha waha ki baten hoti rahi. Wo call rakhne ko taiyar nahi ho rahi thi.

Lekin use school ke liye subah jaldi uthna tha. Jis vajah se maine use jyada der tak jagana thik nahi samjha aur raat ko 1:30 baje good night kah kar call diya. Iske bad mai so gaya.

Mai subah 8 baje tak sota raha. Aaj mujhe hospital nahi jana tha. Isliye shayad nikki ne bhi mujhe jagana thik nahi samjha tha. Sokar uthte hi maine mobile utha kar, dekha to, keerti ke 2 call the.

Shayad usne bhi meri thakan ko dekhte huye, mujhe uthane ki jyada koshish nahi ki thi. Ab usko call lagane ka koi matlab nahi tha. Kyoki ye samay uske school ka tha. Isliye mai uth kar fresh hone chala gaya.

Fresh hone ke bad, maine nikki ko call laga kar chay ke liye jataya aur fir mai taiyar hone laga. Thodi der bad mujhe kisi ke darwaja khatkhatane ki aawaj sunayi di. Maine darwaja khola to, samne priya chay lekar khadi thi. Priya ko dekhte hi maine fauran uske hath se chay lete huye kaha.

Mai bola “ye kya hai priya. Tumhe ye sab karne ki kya jarurat thi. Abhi tumko aaram ki jarurat hai aur tum aise kaam karti fir rahi ho.”

Lekin mere ye baat bolte hi, priya muskurane lagi aur fir usne bahar jhak kar dekha to, nikki mere samne aakar khadi ho gayi aur usne haste huye kaha.

Nikki boli “chay to mai lekar aayi hu. Priya to sirf lekar khadi ho gayi thi. Fir bhi aapko iski itni fikar ho rahi hai.”

Magar mai nikki ki is baat ka koi jabab de pata. Is se pahle hi priya ne has kar, apna jana pehchana dialogue marte huye kaha.

Priya boli “ab dosti ki hai to, nibhani hi padegi.”

Lekin maine is majak ke upar se nikki ke upar bhadakte huye kaha.

Mai bola “ye kaisa majak hai. Abhi priya ko aaram karne ki jarurat hai aur aap isko yaha waha ghumate fir rahi hai.”

Meri is baat ke jabab me nikki ne apni safai dete huye kaha.

Nikki boli “jaisa doctor bolega, hum waisa hi to karege na.”

Mai bola “lekin nisha bhabhi ne saaf saaf kaha tha ki, abhi priya ko aaram ki jarurat hai.”

Nikki boli “haan, un ne aisa kaha tha. Lekin jab un ne subah suna ki, priya kal se apne kamre se bahar hi nahi nikli hai to, wo gussa karne lagi. Unka kahna tha ki, un ne priya ko aaram karne ki salah di hai. Iska matlab ye nahi hai ki, wo chal fir nahi sakti ya apne kamre se bahar hi nahi nikal sakti.”

“Chalne firne aur subah sham tahalne se priya ki sehat achi rahegi. Priya ko sirf jyada uchhal kood karne, baar baar sidiyan utarne chadne aur koi bhari kaam karne ki manahi hai.”

Nikki ki baat sunkar, maine bhi rahat ki saans li aur fir dono se majak me kaha.

Mai bola “yadi baithne ki manahi na ho to, aap dono andar aa kar baith sakti hai.”

Meri baat sunkar, dono hasne lagi aur andar aakar baith gayi. Fir hum teeno aapas me baat karte huye, chay nashta karne lage. Tabhi priya ki najar, shikha ke diye gift par padi. Usne gift ke packet ki taraf ishara karte huye kaha.

Priya boli “wo kya hai.”

Priya ki baat sunkar, maine muskurate huye kaha.

Mai bola “shikha didi, kal shopping par gayi thi. Wahi se ye gift mere liye bhi le aayi.”

Meri baat sunte hi nikki ne chaukte huye kaha.

Nikki boli “shikha bhabhi ne bhi aapko gift diya hai.”

Maine hairani se nikki ki taraf dekhte huye kaha.

Mai bola “shikha bhabhi ne bhi, se aapka kya matlab hai. Mujhe to bas un ne hi gift diya hai.”

Meri baat ke jabab me nikki ne muskurate huye kaha.

Nikki boli “is bhi ka bhi matlab aapko abhi samajh me aa jayega. Aap bas 2 min rukiye.”

Ye kahte huye nikki mere kamre se bahar nikal gayi. Mai aur priya dono hi nikki ki is baat se hairan the. Thodi der bad hi nikki wapas aa gayi. Uske hath me 3-4 packet the. Usne wo packet mujhe dete huye kaha.

Nikki boli “aapke bhi ka matlab ye raha. Aapko shikha bhabhi ke alwa baki sab se bhi gift mile hai.”

Nikki ki baat sunkar, mai hairani se saare gift dekhta rah gaya. Wahi priya ne jab itne saare gift ke packet dekhe to kaha.

Priya boli “mujhe to iske aadhe gift bhi nahi mile hai.”

Priya ki baat sunkar, nikki ne bhi uska sath dete huye kaha.

Nikki boli “tujhe kya, mujhe bhi itne gift nahi mile hai.”

Priya boli “lekin in sab packet me hai kya aur ye kis kis ne diye hai.”

Nikki boli “ye gift kisne diye hai, ye to naam dekh kar pata chal jayega. Lekin isme kya hai. Ye to mujhe bhi nahi malum hai. Ye to gift kholne par hi pata chal sakega.”

Priya boli “thahro, mai abhi saare gift khol kar dekhti hu.”

Ye kahte huye priya ne bina mera koi jabab sune, saare gift utha kar apne pas rakh liye aur fir usne gift kholna bhi suru kar diya. Sabse pahle usne shikha didi wala hi gift khola.

Usme ek mehroon color ki Dhoti aur Sherwani thi. Jo bahut sundar lag rahi thi. Usme Cut Dana, Machine Embroidery, Sequence, Stone, Zardosi ka kaam kiya gaya tha. Jo dekhne me bahut sundar lag raha tha.

Iske bad usne ajay ka diya hua gift khola. Usme bhi sherwani hi nikli. Lekin ye white color ki pyjama sherwani thi. Isme Cut Dana, Sequence, Stone, Thread, Zardosi, Zari ka bahut hi sundar kaam kiya gaya tha aur ise dekh kar hi, iske keemti hone ka andaz lagaya ja sakta tha.

Fir priya ne aman ka diya hua gift khola. Usme ek sundar sa Beige and Brown color ka 2 pieces suit (Shirt, Trouser and Blazer) tha. Aman aksar aise hi suit pahna karta tha. Jahir hai isliye usne mere liye bhi aisa hi suit pasand kiya tha. Wo suit bhi sabko bahut pasand aaya.

Abhi priya nisha bhabhi ka diya gift kholne hi wali thi ki, tabhi mehul, riya raj bhi waha aa gaye. Wo teeno bhi mujhe mile gift dekhne lage. Jab un ne khule huye saare gift dekh liye to, sab priya se wo aakhiri gift bhi khol kar dikhane ko kahne lage.

Sabki baat sunkar, priya nisha bhabhi ka diya gift kholne lagi. Nisha bhabhi ka gift khulte hi sabki najar usi me atak kar rah gayi. Nisha ne ek sundar sa black and grey color ka 3 pieces suit (Waistcoat, Shirt, Trouser and Blazer) diya tha.

Jo yakinan hi pahle ke baki ke teeno gift me se, kahi jyada sundar aur aakarshak lag raha tha. Sabko nisha bhabhi ka diya hua suit bahut pasand aaya aur sab mujhe shadi me wahi suit pahnne ko kahne lage.

Abhi tak maine sirf suna tha ki, jyada pyar bhi ek musibat ka sabab hota hai. Lekin kal se mujhe ye mehsus bhi hone laga tha ki, jyada pyar sach me hi ek musibat hota hai.

Kal ajji aur shikha didi ke bich mere khane ko lekar jo bahas hui thi. Use dekhne ke bad ab mujhe lag raha tha ki, ye saare mile huye gift bhi mere liye, kisi musibat se kam nahi hai.

Ajay aur shikha didi ka gift dena to mai samajh sakta tha. Kyoki ek mera dost tha to, dusri meri bahan thi. Magar aman aur nisha bhabhi se to mera koi sidha sambandh nahi tha. Fir bhi unne mujhe itna apnapan aur itne pyare gift diye the.

Mujhe aisa lag raha tha ki, jaise ye koi meetha sapna ho aur us sapne me mai pyar ki duniya me pahuch gaya hu. Jaha har taraf sirf pyar hi pyar tha. Sab hi apne the aur koi paraya nahi tha.

Mere liye ye yakin kar pana mushkil ho gaya tha ki, ye sab sapna nahi, balki ek hakikat hai. Mai apni is soch me gum tha aur sab gift dekh kar, gift ke baare me baten kar rahe the.

Tabhi priya ki aawaj ne mujhe chauka diya aur mai apni soch se bahar nikal aaya. Priya ne nisha bhabhi ka suit hath me lekar mujhse kaha.

Priya boli “nisha bhabhi ka suit tum par bahut acha lagega. Tum shadi me ye hi suit pahanna.”

Lekin maine priya ki is baat ke jabab me haan ya na kahne ki jagah us se kaha.

Mai bola “aur baki ke teen logon ke diye kapdon ka kya karuga.”

Priya boli “isme karna kya hai. Wo sab fir kabhi pahan lena. ye suit baki sabse jyada acha hai aur shadi me ye hi pahanna acha rahega.”

Mai bola “baat ache kharab ki nahi hai. In sab gift me inko dene wale ka pyar chhupa hua hai. Tum logon ne sabke gift to dekh liye hai. Magar in gift ke pichhe chhupi ek baat par gaur nahi kiya hai.”

Meri baat sunkar, sab meri taraf hairani se dekhne lage. Wahi priya ne mujhse sawal karte huye kaha.

Priya boli “kaun si baat.”

Mai bola “jaise ajay aur shikha didi ke gift ek jaise hi hai. Waise hi aman aur nisha bhabhi ke gift bhi ek jaise hi hai. Iska matlab saaf hai ki, ajay janta tha ki, shikha didi mujhe kya de rahi hai.”

“Isliye usne mujhe un se bhi badiya gift dene ki koshish ki hai aur aisa hi nisha bhabhi ko bhi pata hoga ki, aman mujhe kya gift de raha hai. Isliye un ne bhi mujhe aman se badiya gift diya hai.”

Meri baat sunkar, jaha sabka dhyan is baat ki taraf gaya. Wahi nikki ne tapak se meri baat ka samarthan karte huye kaha.

Nikki boli “haan, jab mai aur hetal aman bhaiya ke sath shopping kar rahe the. Tabhi seeru didi ne unse call karke puchha tha ki, wo aapko kya gift de rahe hai. Tab aman bhaiya ne kaha tha ki, wo aapko ek suit de rahe hai.”

“Seeru didi ne puchha ki, kaisa suit de rahe hai to, aman bhaiya ne kaha ki, jaisa mai pahanta hu. Ab aman bhaiya to 2 pieces suit hi pahante hai. Isliye shayad nisha bhabhi ne aapko ye 3 pieces suit diya hai.”

Nikki ki is baat ko sunkar, maine us par chidchidate huye kaha.

Mai bola “jab sab aapke samne mere liye kapde le rahe the to, kya aapse ye kahte nahi bana ki, sabko dene ke liye kapde hi lene ki kya jarurat hai.”

Meri is baat ke jabab me nikki ne apni safai dete huye kaha.

Nikki boli “hum sab waha jakar alag alag bat gaye the. Aru, shikha bhabhi aur selu didi sath thi. Ajay bhaiya, nisha bhabhi aur seeru didi sath thi. Mai aur hetal aman bhaiya ke sath the.”

“Isliye hume sirf aman bhaiya ke gift ke baare me hi malum tha. Mujhe lagta hai ki, ye sab seeru didi ne hi kiya hoga. Kyoki aisa shaitani dimag chalana sirf unhi ka kaam hai.”

“Wo har jagah kuch na kuch jhol karti hi rahti hai. Un ne hi shikha bhabhi se bhi malum kar liya hoga ki, wo aapko kya de rahi hai aur fir ajay bhaiya se aapke liye ye gift kharidwa diya hoga.”

Nikki ki baat ke jabab me maine us se kaha.

Mai bola “aapki seeru didi ne to, mujhe bahut bura fasa diya. Meri samajh me nahi aa raha ki, ab kiske kapde pahnu aur kiske kapde na pahnu. Ajay aur aman to fir bhi meri pareshani ko samajh hi jayege.”

“Lekin shikha didi aur nisha bhabhi dono me se koi bhi meri pareshani ko nahi samjhega. Shikha didi muh se to kuch nahi bolegi. Lekin unki aankhon se ganga jamuna bahne lagegi aur nisha bhabhi to mujhe muh se goli maar degi.”

Meri baat sunkar, sab hasne lage. Wahi mehul ne mujhe meri pareshani se nikalne ka rasta batate huye kaha.

Mehul bola “mere pas ek rasta hai. Jo tujhe is pareshani se bacha sakta hai.”

Mai bola “kya rasta hai.”

Mehul bola “tu apna boriya bistar bandh le aur Friday ke pahle hi yaha se nikal le. Jab tu yaha shadi me hi nahi rahega to, fir tere kuch pahanne ka sawal hi nahi paida hota hai.”

Mehul ki baat sunkar, mai bura sa muh bana kar, use gusse me dekhne laga. Wahi sab uski baat ko sunkar, fir ek baar thahake lagane lage. Abhi sabke thahake lagane ka daur chal hi raha tha. Tabhi mere kamre ke samne, ek ladki aakar khadi ho gayi aur sabka dhyan, humari baton se hat kar, us ladki ki taraf chala gaya.

 

[Aanand]

Ko To Rok Lo {Update - 150}
____________________________

Mai bola “aapki seeru didi ne to, mujhe bahut bura fasa diya. Meri samajh me nahi aa raha ki, ab kiske kapde pahnu aur kiske kapde na pahnu. Ajay aur aman to fir bhi meri pareshani ko samajh hi jayege.”

“Lekin shikha didi aur nisha bhabhi dono me se koi bhi meri pareshani ko nahi samjhega. Shikha didi muh se to kuch nahi bolegi. Lekin unki aankhon se ganga jamuna bahne lagegi aur nisha bhabhi to mujhe muh se goli maar degi.”

Meri baat sunkar, sab hasne lage. Wahi mehul ne mujhe meri pareshani se nikalne ka rasta batate huye kaha.

Mehul bola “mere pas ek rasta hai. Jo tujhe is pareshani se bacha sakta hai.”

Mai bola “kya rasta hai.”

Mehul bola “tu apna boriya bistar bandh le aur Friday ke pahle hi yaha se nikal le. Jab tu yaha shadi me hi nahi rahega to, fir tere kuch pahanne ka sawal hi nahi paida hota hai.”

Mehul ki baat sunkar, mai bura sa muh bana kar, use gusse me dekhne laga. Wahi sab uski baat ko sunkar, fir ek baar thahake lagane lage. Abhi sabke thahake lagane ka daur chal hi raha tha. Tabhi mere kamre ke samne, ek ladki aakar khadi ho gayi aur sabka dhyan, humari baton se hat kar, us ladki ki taraf chala gaya.

Mai aur priya bed par baithe huye the. Meri peeth darwaje ki taraf thi aur mai priya ke samne baitha hua tha. Isliye mere sath sath priya bhi darwaje par khadi ladki ko dekh nahi saki thi.

Lekin jab baki sab ko humne darwaje ki taraf dekh kar, muskurate dekha to, maine aur priya ne bhi darwaje ki taraf dekha. Jaha darwaje par khadi ladki ko dekh kar, priya ke chehre par khushi ki lahar daud gayi.

Wahi use dekh kar, mai chauke bina na rah saka. Darwaje par khadi ladki koi aur nahi, balki priya ki chacheri bahan nitika thi. Jiske chehre par is samay khushi aur aansu dono jhilmila rahe the. Nitika ko is tarah darwaje par hi khade dekh kar, riya ne us se kaha.

Riya boli “are niti tu kab aayi aur yu parayon ki tarah bahar hi kyo khadi hai. Andar kyo nahi aa rahi.”

Lekin riya ki is baat ka nitika ne aisa jabab diya. Jise sun kar, riya to kya, waha khade sabhi log hakke bakke rah gaye. Nitika ne riya ke sawal ke jabab me kaha.

Nitika boli “hum garib log hai didi. Hum bhala andar aakar kya karege.”

Nitika ke is jabab ne waha sabhi ke dil par chot kar di thi. Priya ne jab nitika ke muh se ye suna to, wo fauran nitika ke pas pahuch gayi aur aur uske gale se lipatte huye kaha.

Priya boli “ye kaisi baat kar rahi ho didi. Kya kisi ko apne ghar me aane ke liye bhi amiri garibi dekhna padti hai. Aap to meri sabse pyari bahan ho. Mai sach me aapko bahut yaad karti rahti thi.”

Nitika bhi bade pyar se priya se gale mili aur jab uske kaleje ko thandak pahuch gayi to, usne priya ko khud se alag karte huye, apne apne aansu ponchhe aur us se kaha.

Nitika boli “chal rahne de. Ab ye jhutha pyar jatane ki koi jarurat nahi hai. Mai dekh chuki hu ki, tum log hume kitna apna mante ho. Teri itni jyada tabiyat kharab ho gayi. Lekin kisi ne hume khabar dene ki bhi jarurat nahi samjhi.”

Nitika ki ye baat sunkar, priya ne use safai dete huye kaha.

Priya boli “didi, meri koi jyada tabiyat kharab nahi thi. Isliye kisi ne aap logon ko pareshan karne ki jarurat nahi samjhi. Lekin iska matlab ye to nahi ki, mujhe aapse pyar hi nahi hai. Yadi chachi mujhe bura bhala nahi kahti hoti to, mai abhi bhi aapke sath hi rah rahi hoti.”

Priya ki is baat ke badle me, abhi nikita koi jabab de pati ki, uske pahle hi padmini aunty ke sath, ek 35-40 saal ki mahila ne kamre me kadam rakha. Use dekhte hi mai pehchan gaya ki, wo nitika ki mummy mohini aunty hai.

Unse meri kabhi koi baat cheet to nahi huyi thi. Lekin mehul ke ghar aate jate, aksar mera unse amna samna ho jata tha. Mehul se hi mujhe chala tha ki, wo nitika ki mummy hai aur muh ki bahut kharab hai.

Un ne aate aate shayad priya ki baat sun li thi. Isliye kamre me aate hi, un ne priya ki baat ka jabab dete huye kaha.

Mohini aunty boli “tu itni badi ghodi hokar bhi, kulhe matkati, nangi pungi si, ghumti rahti hai. Yadi maine is baat ko lekar, kabhi tujhe kuch bhala bura bol bhi diya to, kaun sa pahad toot gaya. Mai teri mummy ki tarah ye sab dekh kar bhi, apni aankhen band karke nahi rakh sakti.”

“Mai to niti ko bhi kabhi aise kapde pahanne nahi deti hu. Yaha tak ki mai iski us saheli ke sath bhi iska jyada uthna baithna pasand nahi karti hu. Jisse abhi hume teri tabiyat kharab hone ki baat ka pata chala hai. Wo bhi teri tarah aise hi ut-patang kapde pahna karti hai.”

Nitika ki mummy ki priya ki tabiyat kharab hone ki baat, nitika ki kisi saheli se pata chalne se, padmini aunty ko chhod kar, baki sab log samajh chuke the ki, wo keerti ke baare me baat kar rahi hai.

Lekin unki aakhari ki baat ne to mera bheja hi khiska kar rakh diya tha. Maine un ko, unki baat ke bich me hi tokte huye kaha.

Mai bola “aunty, aap kahin nitika ki saheli keerti ke baare me to ye baat nahi kar rahi hai.”

Meri baat sunkar, mohini aunty mera chehra dekhne lagi. Wo shayad mujhe pehchan gayi thi ki, mai mehul ka dost hu. Lekin wo is baat se anjan thi ki, mai keerti ka bhai bhi hu. Un ne badi hi laparwahi se jabab dete huye kaha.

Mohini aunty boli “haan, mai usi chhammak chhallo ki baat kar rahi hu. Wo bhi iski tarah hi kulhe matkati, nangi pungi si, ghumti rahti hai.”

Mohini aunty ki ye baat sunte hi mehul, raj, riya, nikki, priya aur nitika sabko ek jhatka sa laga. Sabke sab meri taraf dekhne lage. Wahi keerti ke baare me aisi baat sunkar, mera chehra gusse se laal ho gaya.

Raj aur mehul mere kandhe par hath rakh kar, mujhe shant rahne ka ishara karne lage. Wahi nikki ne baat ko sambhalne ke liye mohini aunty se kaha.

Nikki boli “aunty aap bhi aate hi kis baat ko lekar baith gayi hai. Aaj kal sabhi ladkiyan aise hi kapde pahanti hai.”

Lekin mohini aunty ke baare me maine jitna suna tha. Wo to us se bhi kahi jyada muh ki kharab aurat nikli. Un ne nikki ki baat sunkar, use taka sa jabab dete huye kaha.

Mohini aunty boli “tu to chup hi kar ladki. Hum ghar walon ke bich me tu kuch mat bol. Tere bap ko to teri fikar rahti nahi hai. Tujhe boarding me daal kar, dusro ke tukdon par palne ke liye aise chhod diya.”

“Jaise teri shadi karke ganga naha liya ho. Niti ki saheli aur tere me koi antar nahi hai. Dono sagi bahne hi lagti ho. Pata nahi tera bap uske ghar gaya tha ya uska bap tere ghar aaya tha.”

Mohini aunty ki is baat se jaha nikki ka chehra sharam se jhuk gaya aur uski aankhon me aansu aa gaye. Wahi padmini aunty ko bhi saari baat samajh me aa chuki thi.

Un ne meri taraf dekha aur fir mohini aunty ko rokne ke liye kuch bolne ko huyi. Lekin tab tak bahut der ho chuki thi. Mere sabar ka bandh toot gaya tha aur maine gusse me mohini aunty par chikhte huye kaha.

Mai bola “aunty, apni juban ko lagam dijiye. Aap jiske baare me itna sab kuch bole ja rahi hai. Wo meri bahan hai. Aaj yadi ye baat aapki jagah kisi aur ne kahi hoti to, abhi tak mai uski juban kaat kar fek chuka hota.”

“Meri bahan aapki beti se lakh guna behtar hai. Wo kya pahanti hai aur kya nahi pehanti, iski chinta aapko karne ki jarurat nahi hai. Ye dekhne ke liye hum jinda hai. Aap……..”

Abhi mai apne dil ki puri bhadas bhi nahi nikal paya tha ki, tabhi ek aawaj ko sunkar, mai bolte bolte ruk gaya. Mere sath sath sab aawaj ki taraf dekhne lage. Ye aawaj seeru didi ki thi.

Seeru didi apni teeno bahno ke sath khadi thi. Wo log bhi shayad sab kuch sun chuki thi aur unka chehra gusse se laal tha. Meri baat ko bich me hi kaat kar, seeru didi ne mohini aunty par bhadakte huye kaha.

Seerat boli “madam, tum dusron ke pahnawe par kyo jati ho. Tum jara apna pahnawa dekho. Bilkul kisi gaon ki ganvar lag rahi ho. Ye koi tumhara gaon nahi, mumbai hai, mumbai.”

“Tumko yaha ghusne bhi kisne diya. Tum din bhar me jitne kapde nahi badalti hogi. Yaha ladkiyan din bhar me utne ladke badal leti hai. Dobara meri bahan ki taraf ungli uthayi to, na tum rahogi aur na hi tumhari ungli rahegi.”

Seeru didi ki baat sun kar bhi mohini aunty ki rawaiye me koi farak nahi pada. Unne ulte seeru didi ko hi aade hathon lete huye kaha.

Mohini aunty boli “mere ghar me, mujhe hi ungli dikhane wali tu kaun hoti hai. Apni bahan se itna hi pyar hai to, use apne sath le kyo nahi jati. Kyo teri bahan yaha mufat ki roti tod rahi hai. Khud apni bahan ko palne ki aukat nahi hai aur mufat ki shekhi bagharne yaha aa gayi.”

Raj ne jab mohini aunty ki baat suni to, use laga ki, ab baat kuch jyada hi bigadne wali hai. Usne fauran aakar mera hath pakada aur mujhe seeru didi ko rokne ke liye ishara karne laga.

Lekin mai to khud hi ye chahta tha ki, seeru didi mohini aunty ko sabak sikha de. Isliye maine raj ko chup rahne ka ishara kiya. Udhar mohini aunty ki baat ne aag me ghee dalne ka kaam kar diya tha. Unki baat sunkar, seeru didi ne bhi apni saari had paar karte huye kaha.

Seerat boli “teri jaisi do kaudi ki aurat, humse aukat ki baat na hi kare to, acha hai. Jitna bada tera gaon nahi hoga. Us se badi nikki ke bap ki haweli hai aur tere jaisi aurte to, us haweli ki naukrani banne ke layak bhi nahi hai.”

“Nikki to yaha sirf priya ke pyar ki vajah se rahti hai. Warna yaha uske bhai ka, is se bhi char guna bada bangla hai aur uske bhai ki itni aukat hai ki, wo khade khade aise 10 bangle tere jaise bhikhariyon ke naam par kar de. Tujhe iska namuna dekhna hai to, ye dekh le.”

“Ise tu meri bahan ka sadka samajh kar, bhikh me rakh le. Lekin ab iske bad yadi tere muh se ek bhi ganda shabd meri bahan ke khilaf nikla to, mai usi bahan ki kasam khakar kahti hu ki, punit ne teri juban katne ki baat sirf boli hi thi. Magar mai teri juban kaat kar bhi dikha dugi.”

Ye kahte huye seeru didi ne, selu didi ke hath me thame, ek Necklace box ko khol kar, mohini aunty ki taraf uchhal diya. Jis se us box me se, ek cham-chamata hua Golden Necklace Set nikal kar, jamin par aa gira.

Seeru didi ki is harkat se jaha sab sann rah gaye the. Wahi mohini aunty ki bhi bolti band ho gayi thi. Seeru didi ke is tarah mohini aunty ki beijjti karne se mere dil ko bhi bahut rahat pahuchi thi.

Mai priya aur padmini aunty ki vajah se, mohini aunty ko itna sab kuch nahi kah pata, jitna seeru didi ne kah diya tha. Lekin seeru didi ko itne sab se bhi shanti nahi mili thi. Usne mohini aunty ke bad, nikki par bhi barsate huye kaha.

Seerart boli “ab tu yaha khadi khadi, kyo apni beijjati karwa rahi hai. Ja aur jakar apna saman nikal. Ab tu yaha ek pal bhi nahi rahegi. Tu abhi ke abhi mere sath chal rahi hai.”

Seeru didi ki baat ke jabab me nikki se kuch kahte aur karte nahi ban raha tha. Wo chup chap padmini aunty ka chehra dekhne lagi. Padmini aunty bhi seeru didi ka ye roop dekh kar dang rah gayi thi.

Lekin jab un ne dekha ki seeru didi apne sath nikki ko bhi le jaane ki baat kar rahi hai to, un ne seeru didi ko samjhate huye kaha.

Padmini aunty boli “beti, abhi jo kuch bhi hua. Wo mohini ki nadani hai. Iska muh hi kharab hai. Lekin iska matlab ye nahi ki itni si baat par nikki ghar chhod kar hi chali jaye. Mai to nikki ko apni beti ki tarah hi rakhti hu aur tum sab bhi meri beti ki tarah hi ho. Mohini ki taraf se mai tum sab se maafi mangti hu.”

Padmini aunty ki baton ko sunkar, seeru didi kuch naram pad gayi. Lekin uska gussa jara bhi shant nahi hua tha. Usne ek najar mohini aunty ki taraf dekha. Fir padmini aunty se kaha.

Seerat boli “aunty, aap mujhse maafi mang kar mujhe sharminda mat kijiye. Maafi to mujhe aapse mangna chahiye ki, maine aapke ghar me khade hokar, aapke mehman ki beijjati ki hai.”

“Lekin yadi is aurat me jara bhi sharam hai to, ise aaj is baat ki samajh aa jana chahiye ki, punit iske ghar me khade hokar bhi apni bahan ki beijjati sahan nahi kar saka. Maine apni bahan ki beijjati ke badle iski ijjat utar kar rakh di.”

“Jabki aaj iske khud ke hi ghar me, iske hi logon ke bich, iski beijjati hoti rahi. Fir bhi iski taraf se koi nahi bola. Yaha tak ki iski khud ki beti bhi chup chap khadi tamasha dekhti rahi.”

“Iska matlab saaf hai ki, sabko iski hi galti najar aa rahi thi. Hum log to yaha aap logon ko shadi ka card dene aaye the. Bahar hall me hume dada ji mile aur un ne hume sidhe yahi bhej diya.”

“Hum yaha aaye to isne nikki ko jo kaha, wo sab humne sun liya aur fir mai apni bahan ki ye beijjati sahan nahi kar saki. Lekin fir bhi mai aap sab se apni is badtamiji ke liye ek baar fir se maafi mangti hu aur ye faisla nikki par hi chhodti hu ki, use yaha rukna hai ya wo humare sath ja rahi hai.”

Seeru didi ki ye baat sunkar padmini aunty ne rahat ki saans li. Lekin ab sabki najar, nikki ke upar thahar gayi ki, ab wo kya faisla leti hai. Magar nikki abhi koi faislaa lene ki haalat me nahi dikh rahi thi.

Priya ne nikki ki taraf dekha to shayad use nikki ki is haalat ka andaza ho gaya tha. Isliye usne nikki ke kuch bolne ke pahle hi seeru didi se kaha.

Priya boli “didi, nikki ko koi faisla lene ki jarurat nahi hai. Wo mujhse kal hi bol chuki thi ki, wo aman bhaiya ki shadi me wahi rahegi. Wo to aaj jaane hi wali thi. Aap rukiye, wo abhi apna saman lekar aati hai.”

Priya ki baat sunte hi nikki ki aankhon se aansu tapakne lage aur wo aakar priya se lipat gayi. Ek pal ko to mujhe laga ki priya ki aankhon me bhi aansu hai. Lekin dusre pal hi priya ka muskurat hua chehra mere samne tha. Usne muskurate huye nikki se kaha.

Priya boli “tu to aise ro rahi hai. Jaise tu apni bhabhi ko vida karane nahi, balki khud hi vida kara kar ja rahi hai. Chal, jaldi chal kar, apna saman pack kar le. Warna fir mai tujhe jaane nahi dugi.”

Ye kah priya nikki ka hath pakad kar, use yaha se le gayi. Unke jaane ke bad riya ne jamin par pade, Golden Necklace Set ko utha kar Necklace box me rakha aur seeru didi ko wapas lautane ke liye padmini aunty ko de diya.

Lekin padmini aunty ne jab wo set seeru didi ko wapas dene lagi to, seeru didi ne wo set lene se mana karte huye kaha.

Seerat boli “sorry aunty, ab ye set mai nahi le sakti. Ye set maine daan kar diya, matlab daan kar diya.”

Seeru didi ki baat sunkar, padmini aunty ne unko samajhate huye kaha.

Padmini aunty boli “beta gusse me aisa nahi karte. Ye dulhan ka set lag raha hai. Tumhare ghar wale bekar me tum par gussa karege. Ab apna gussa thuk do aur ye jiske liye layi thi. Use le jakar de do.”

Lekin seeru didi abhi bhi apni jid par adi rahi aur aunty unhe samjhati rahi. Magar jab aunty seeru didi ki baat manne ko taiyar nahi huyi to, seeru didi ne apna mobile nikala aur kahi call karne lagi.

Call uthte hi un ne speaker on karke mobile aru ko thama diya. Dusri taraf se ajay ki aawaj aayi aur mujhe samajhte der nahi lagi ki, ab kya hone wala hai. Aru ne ajay ki aawaj sunte hi kaha.

Archna boli “bhaiya, aapne jo Golden Necklace Set diya tha na. Wo ab nahi hai.”

Itna kah kar aru chup ho gayi. Lekin uski aadhi adhuri si baat sunkar, ajji kuch ghabra sa gaya. Usne ghabrate huye kaha.

Ajay bola “set nahi hai se tera kya matlab. Kahi kisi ne tum logon ko lutne ki koshish to nahi ki. Tum log abhi kaha ho. Tum log thik to ho na. Kisi ko kuch hua to nahi. Are kuch bolti kyo nahi.”

Ajji ki baat sunkar, aru ne muskurate huye kaha.

Archna boli “are aap kuch bolne bhi to do. Hum thik hai, bas wo set humare pas nahi hai. Wo maine kisi ko daan kar diya hai. Ab sun liya sab kuch. Ab to khush ho na.”

Aru ki baat sunkar aisa laga, jaise ajji ko shukun mehsus hua ho. Usne bhi aru ki baat ka jabab usi ke andaz me dete huye kaha.

Ajay bola “haan, mai bahut khush hu. Ab thodi si meharbani aur kar dena ki, ye baat kisi ko mat batana. Warna aman meri jaan kha jayega.”

Archna boli “hum kisi ko kuch nahi batayege. Lekin ab bhabhi ko jakar kya de.”

Ajay bola “nikki ko lekar, usi jewellers ke pas chali jao. Jaha se humne ye Necklace Set liya tha. Mai use phone kar deta hu. Wo tumko dusra set de dega.”

Iske bad aru ne ajji se ek do baten karke, call rakh diya. Jiske bad seeru didi ne padmini aunty se kaha.

Seerat boli “lijiye aunty, humne aapke is dar ko bhi door kar diya ki, is set ki vajah se hume koi kuch kahega aur aapne ye bhi sun liya hoga ki, humare bhaiya ko set ki jara bhi parwah nahi thi.”

“Unhe parwah thi to, sirf is baat ki parwah thi ki, kahi hume to kuch nahi ho gaya. Ye sab sunkar aap ye mat sochiyega ki, hum aapke samne paise ka koi ghamand dikha rahe hai.”

“Hum to sirf ye batana chah rahe the ki, humare bhai ko humari kitni fikar hai aur yadi unhe ye pata chal jaye ki, kisi ne unki bahan ko chot pahuchayi hai to, bhagwan jaane wo uska kya haal karege.”

Itna bol kar seeru didi ne mohini aunty ki taraf dekha. Lekin ab mohini aunty me itni takat hi nahi bachi thi ki, wo seeru didi se najar mila sake. Wo seeru didi ke dekhte hi yaha waha dekhne lagi. Unki aisi haalat dekh kar, riya ne mohini aunty se kaha.

Riya boli “chachi, aap log safar se aayi ho. Aap logon ko chal kar thoda aaram kar lena chahiye.”

Ye kah kar, riya ne mohini aunty aur nitika ko apne sath chalne ko kaha to, mohini aunty bhi waha se aisi bhagi, jaise ki unko muh mangi murad mil gayi ho. Unke waha se jaane ke bad, selu didi ne seeru didi ke kaan me kuch bola. Jiske bad seeru didi ne mujhse kaha.

Seerat boli “haan, is sab jhamele me, mai ek baat tumse batana hi bhool gayi. Bhaiya ne tumhare liye car bheji hai. Jab tak tum yaha rahoge. Tab tak wo car tumhare pas hi rahegi.”

Seeru didi ki ye baat sunte hi, maine unhe aisa karne se rokte huye kaha.

Mai bola “didi, ye bahut jyada ho raha hai. Mujhe kisi car ki jarurat nahi hai. Waise bhi abhi mere pas bike to hai hi, aise me car bhi dene ki kya jarurat hai.”

Seerat boli “kya jarurat hai aur kya jarurat nahi hai. Ye tum mujhe mat sikhao. Tum jab tak yaha ho, ye car apne pas hi rakho.”

Mai bola “didi aap meri baat ko samajh nahi rahi ho. Mere kahne ka matlab tha ki, mujhe car dene se acha tha ki, wo car aap shikha didi ko de deti. Waha iski jyada jarurat padegi.”

Meri baat sunkar, seeru didi ne mujh par jhutha gussa dikhate huye kaha.

Seerat boli “aa gaye na apni asli aukat par, abhi unko tumhari didi bane 2 din nahi huye aur tumko humse jyada unki chinta hone lagi hai. Waise tum iski chinta mat karo. Bhaiya ne ek gaadi waha bhi bhej di hai.”

Mai ajay ke ghar me mai rah chuka tha. Isliye ye baat achi tarah se janta tha ki, ajay ke pas car ki kami nahi hai. Lekin ab ajay ke baare me sab kuch janne ke bad mere man me ek ajib hi sawal aa raha tha.

Lekin seeru didi se kuch bhi puchhne ki himmat abhi mere andar nahi thi. Isliye maine chup rahna hi thik samajha. Thodi hi der me nikki apna saman lekar aa gayi. Uske aate hi seeru didi ne aunty se jaane ki anumati mangi aur fir sab un logon ko chhodne bahar tak aaye.

Bahar aru ki new car ke alawa, ek aur car bhi khadi thi. Wo log aakar new car me baithi gayi. Nikki bahut jyada udas si najar aa rahi thi. Use udas dekh kar priya ne has kar, uska majak udate huye kaha.

Priya boli “are sab jara is nikki ka chehra to dekho. Aisa lag raha hai ki, jaise seeru didi apni bahan ko nahi, apni dulhan ko lekar ja rahi ho aur ye nikki apne bhaiya ki shadi me shamil hone nahi balki apni sasural ja rahi ho.”

Priya ki ye baat sunkar, sabke chehre par hansi aa gayi aur nikki bhi hasne lagi. Usne pyar se priya ko chapat maari aur use apni tabiyat ka khayal rakhne ko kaha. Iske bad seeru didi ne sabko shadi me aane ki baat boli aur fir wo log sabko bye bol kar chali gayi.

Unke jate samay sabke chehre par priya ki shararat ki vajah se ek muskan thi. Lekin unke jate hi sabko hasane wali priya khud aunty se lipat kar foot foot kar rone lagi. Shayad us se nikki ke jaane ka dukh sahan nahi ho paya tha.

Nikki ke jaane ka dukh to mujhe bhi ho raha tha. Magar uski itni beijjati hone ke bad mera dil nahi chahta tha ki, wo yaha par rahe. Shayad priya ne bhi ye hi baat mehsus ki thi.

Isliye usne khud hi nikki se seeru didi logon ke sath chale jaane ko kaha tha. Jis ladki ne khud ki galti hone par, mujhe apne ghar se, jaane se rokne ke liye apni puri takat laga di thi.

Aaj usi ladki ne, apni chachi ki galti par, khud hi apni jaan se pyari saheli ke, apne ghar se chale jaane ki baat par, hanste hanste muhar laga di thi. Mai man hi man priya ke is insaf ki tarif kiye bina na rah saka.

Mai is samay usko hone wale dard ko, khud bhi mehsus kar pa raha tha aur uska ye dard mehsus karke, mai bhi apni aankhon me aansu aane se na rok saka tha. Aaj pahli baar mujhe mehsus ho raha tha ki, priya kitni aasani se apne haste huye chehre ke pichhe, apne saare gam chhupa kar rakh leti hai.

Usne nikki ko ek pal ke liye bhi ye mehsus nahi hone diya tha ki, use nikki ke jaane ka koi gam hai. Jabki nikki ke jate hi wo ab foot foot kar ro rahi thi. Aaj pahli baar priya mujhe kisi baat me keerti se bhi upar najar aa rahi thi.

 

[Sparkle]

Nice story Aanand sir :10:

 

[Aanand]

Nice story Aanand sir :10:

thanks