Thriller Kuch Nhi Tere Bin

[HAKIM]

"Kuch Nahi Bin Tere "





Kuch Nahi Bin Tere is purely based on an Imaginary Creation.

Kuch Nahi Bin Tere purn roop se ek sachi kalpnik kahani hai.



Drama :::::: sience fi. :::::: action }
{ A Complete Drama}




Chahat, Nafarat, Dhokha,Power, Sajis, SUSPENCE,ACTION, Aur Hatya ..... Ek baar jo kadam dagmgaye phir kabhi wapas nahi lauta ......

Sabhi pathak ka dil se hardik swagat .... Fantasy, Love, Sex,Power, Dhokha aur Sajis ki ek anokhi Kahani....

Credit Goes to origional Writer :: @nain11ster


Kuch Nahi Tere Bin

 

[HAKIM]

Update 56

Dono lagbhag ek he waqt me apne-apne jagah se, ek dusre ke liye apne-apne viswas ke sath nikle... Jahan ek ore Drish iss viswas me tha, "main kisi ki madad karun iss se Ashk ko koi paresani nahi hogi"....

Wahin Ashk ko viswas tha... "Bhala jo khel Drish ko nahi aata hai uske liye wo kisi ajnabee ko haan kabhi nahi kahega, bhale he menka ya urwasi he kyon na aa jaye. Mera Drish kisi ajnabee se mel-jol nahi badhata"


Somwar subah Ashk aur Drish ki mulakaat..... Drish ke ghar....


Drish..... Ashk kal kahan rah gayi thi pure din, mili bhi nahi ek baar bhi...


Ashk... Kuch nahi bas yun he kal mann nahi lag raha tha...


Drish.... Kya hua Ashk, sab thik to hai na...


Ashk.... Ab college chalo bhi bore mat karo..


Drish me apna bag uthaya aur Ashk ke pichhe tang kar chal diya..... Ashk apne dance practics ki jagah par scooty rok di...


Drish.... Ashk chabi do scooty ki jab tumhari dance practics khatam ho jaye to call kar dena main aa jaunga..


Ashk.... Par tum ja kahan rahe ho...


Drish.... Maine wo sports me hissa liya hun, wahi sikhne ja raha hun...


Ashk aschrya se Drish ko dekhti hui kahne lagi.... Kya?????


Drish.... Isme shocking jaisa kya tha Ashk....


Ashk.... Kuch nahi Drish, aaj dance ka mood nahi chalo main bhi tumhare sath chalti hun....


Sports ka naam sun kar he Ashk ko jhatka laga, lekin wo sidhe puchh bhi nahi payi kiske sath aur kaun se sport me participate kar raha hai... Pata to Ashk ko kal he ho gaya tha, lekin wo khud he jakar dekhna chahti thi aakhir wahan hota kya hai...


Ashk bhi Drish ke sath nikli.... Godown se thodi he duri par tennis court tha.... Dono pahunche.... Kirti, Drish ko dur se he dekhti hath hilane lagi....


Aahk pahli jhalak Kirti ki dekhi aur ascharya se pare apna muh khol kar bas yahi kahi.... "Iske sath participate kar rahe ho"



Drish..... Haan, kyon kya hua sooo chauk kyon gayi....


Ashk...... "Kuch nahi"... Aur Kirti ko dekh kar bas gusse me yahi sochne lagi..... "Ye kaise kapre pahan kar aayi hai. Ye to puri menka bankar mere Drish ko phasane aayi hai..... Pura badan to dikha rahi hai kamini".... Kirti ko kosti hui Ashk, Drish ke sath chal rahi thi....


Kirti.... Hi Drish... Hi Ashk..


Ashk mann me sochti..... "Isse mera naam kaise pata"..... Idhar tab tak Drish ne apne hath ke ishare se usse "Hi" kaha.....


Kirti.... Hello, kahan khoyi ho Ashk. Tum jarra upar ja kar baitho, hum thodi practics kar lete hain...


Ashk ghurte huye Kirti ko dekhi aur aur tennis court ke bahar audience ki tarah baith gayi. Kirti bhi Ashk ko dikhati hui Drish ko tennis ki basics batane lagi. Uske hath me tennis ka racket thama di, aur Kirti khud, Drish ke pichhe aati uske hathon par apna hath dalkar tennis ke racket ko pakrna kaise hai wo bata rahi thi...
Kirti to bata rahi thi, par Ashk ne jab dono ke badan se badan chipke dekhe to uska para chadh gaya, aur wo wahan se uth kar chali gayi. Aahk college jaldi pahunch gayi aur itni subah koi class bhi nahi thi, wo idhar-udhar karne lagi aur bas Drish ko kose ja rahi thi....


"Pagal kahin ka, kitne garv se kaha maine, kitne viswas ke sath kahi.... Drish kisi ajnabee se baat tak nahi karta.... Aur yahan to uss kalmuhi ke sath chipak-chipak kar tennis sikh raha hai. Sach hai in ladkon ka jarra bhi bharosa nahi. Jahan ladki dekhi nahi wahin chance marne laga gaya... Aanhhh kamina Drish, isko to main bataungi, phase to pahle".


Abhi kos he rahi thi ki dur se ek he scooty par Drish aur Kirti sath aate huye najar aaye... Tabhi Scooty ka agla pahiya ek gaddhe me ghusa, aur Drish unbalance hokar apna hath Kirti ke kamar me dal diya.....


Kirti ke kamar me Drish hath kya dala.... Ashk ke najron ke samne ye drisy jaise slow motion me chalne lag gaya ho... Drish ke hath dhire-dhire kamar ki taraph badh rahe hain... Aur dono panjon se kamar ke dono ore jaise..... Jor se pakar liya ho. Aur wo Kirti ke chehre ke bhaw bhi najar aa rahe the.... Jaise he hath kamar par gaya.... Kirti halki Aahhh karne ke andaj me apna muh banati najar aa rahi thi.....

"Kahan khoyi ho Ashk, aur ground se chali kyon aayi" ... Ashk ka dhyan jaise toota ho aur samne Drish khara tha..... "Meri marji main apni scooty lekar kahin bhi aaun ya jaun tumhe iss se kya, hatto rasta chhoro mera"


Gusse ke sath apni baat kahti Ashk "huhhhh" karti, pichhe se apne khule baal urrati, wahan se chali gayi..... "Ye Ashk itne gusse me kyon gayi, college me kisi ne to kuch nahi kah diya"... Ashk ke iss bharke rawaiyye ko dekh kar Drish ke mann me bas yahi khyal aaya, "lagta hai college me kisi ne isse chhera hai tabhi itne gusse me hai"....


Ab Drish ko kya pata, wahi to hai jo Ashk ko chher raha hai aaj subah se. Aaj class me bhi bari chup-chup baithi thi. Class jab khatam hui to Ashk chup-chap canteen nikal gayi akele. Drish bhi Ashk ko dhundte huye canteen pahuncha.


Lekin iss se pahle ki Ashk tak pahunchta uska rasta rokte huye Kirti khari ho gayi..... "Doston in me milo, ye hain Drish mere tennis ke naye partener"


Phir kya tha... Ek-ek kar ke sari ladkiyan uspar comment karne lagi......


"Hi hansome"
"Ohhhh he is so cuteeeeeee"
"Hat isse cute nahi kahte, he is too hot"
"Yaar Kirti iss baar tere takkar ka partener mila hai"


Ashk wahin pass me baithi sab sun rahi thi, bechari jali bhuni si.. Sara gussa table par para menu card ke chithre urrate huye nikal rahi thi. Ashk ko jab gussa bardast nahi hua apni jagah se uthi aur sab ke bich se Drish ka hath pakrti usse bahar le aayi.


Kirti ki ek dost uss se puchhne lagi..... "Yaar ye ladki kaun thi, jo tere samne se tere parterner ko le gayi"


Kirti.... Aaj dari thi mujh se to mere samne se hath pakar kar le gayi wo, lekin wada hai tum sab se kal ko wahi ladka apna hath uss se chhura kar mere pass aayega... Chal chal kar coffee pite hain.


Kirti and friends apne coffee me lag gaye aur idhar Drish ko bahar akele me le jakar Ashk lagi us par barsne....


"Khud ko kya hero samjhte ho..... too hot, so cute, ye sab kya tha... Aur tumhe bhi sun'ne me khub maza aa raha tha kyon... Ab bolte kyon nahi, jabaw do.. Jabaw do mujhe"


Drish.... Ashk kya ho gaya tumhe, main subah se dekh raha hun, itni ukhri-ukhri kyon ho.


Ashk.... Pagal ho gayi hun main, chalo ghar, mera mann nahi ab class karne ka...


Drish... Lekin Ashk humari classes...


Ashk.... Classes gayi bhar me, chal rahe ho ya nahi saaf-saaf batao.


Drish shanti se "haan" kahta tang gaya uske scooty se, aur chup-chap chal diye dono ghar ke liye. Yun to Drish bachpan se he shant tha, par Payal ke liye kabhi shant nahi raha... Lekin aaj Ashk ke iss chir-chirepan ne usse chinta me dal diya tha....

Drish ko ander se jaise kuch bhi achha nahi lag raha ho.... Payal ki baton ka bhi thik se jabaw nahi de pa raha tha, bas "haan.. Hunn" kar raha tha....


Ashk bhi jab ghar pahunchi to aaj apni maa se kaphi chidh kar baat kar rahi thi. Usse ander se kaphi gussa aa raha tha.... Din bhar Ashk ke samne wo tennis court par dono ke chipke badan aur scooty par wo kamar me hath dalne wala wakya yaad aa raha tha....


Baat kuch bhi ho par Ashk aur Drish dono ek dusre ke bare me he soch rahe the.... Lekin Ashk gusse se yaad kar rahi thi aur Drish chinta me ... Kahte hain gusse me insan aksar galtiyan he karta hai... Kacchi umar uspar se itna gussa ... Saam hote-hote aakhir ek chuk ho he gayi Ashk se...

 

[HAKIM]

Update 57

Baat kuch bhi ho par Ashk aur Drish dono ek dusre ke bare me he soch rahe the.... Lekin Ask gusse me aur Drish chinta me ... Kahte hain gusse me insan aksar galtiyan he karta hai... Kachi umar uspar se itna gussa ... Saam hote hote aakhir ek chuk ho he gayi Ashk se......


Saam ka waqt ..... Ashk apne kamre me thi... Mamma uske kamre aate he kahne lagi.... "Lado jarra Drish ko call laga"


Ashk.... Kya kam hai uss se...


Mamma.... Tu itne gusse me kyon bol rahi hai... Aaram se bhi bol sakti ye baat. Usse call laga mujhe jo kaam hai wo main ussi se kahungi...


Ashk.... Aap ke pass bhi phone hai aur phone me uska no., aap khud kyon nahi call laga leti...


Mamma.... Lado tujhe din se dekh rahi hun, tum aise baat kyon kar rahi ho beta, kya hua batana to jarra...


Ashk.... Main pagal ho gayi hun, mujhe pagalkhane bhej do...


Mamma.... Arre mera baccha, ye tu kaisi baten kah rahi hai, kisi ne kuch kaha kya... Drish se tera jhagra hua hai kya ?


Ashk.... Kaun hai, kaun hai ye Drish... Wo jiye ya mare mujhe uski kyon chinta hone lagi...


Mamma.... Ashk, pyar se kahne ka ye matlab nahi ki tum jo mann me aaye bako.... Bacche ho bacche ki tarah baat karo.


Ashk.... Aap jao abhi mamma yahan se, mera dimag kharab hai, main kuch ulta bol dungi to phir roti rahna....


Mamma wahan se utha kar chali gayi.... Gusse me Ashk ne chilla kar bol diya.... Chandrika devi apni beti ki baton se mayus ho kar wahan se uth kar chali aayi....


Chandrika Devi jab pass ke local market me sabji le rahi thi, tabhi unki mulakat Drish aur Payal se ho gayo... Payal, Chandrika devi ko tokti hui kahne lagi .... "Namste maa ji kaisi hain"...


Chandrika devi... Achhi hun, tum dono kaise ho....


Drish.... Hum dono bhi achhe hain aunty, par aap ka chehra kuch utra hua sa hai, baat kya hai...


Chadrika devi baat ko tal'ti hui kahne lagi.... "Tumhe bahut fikar hai meri, kabhi to haal puchhta nahi mera aur baat karta hai... Meri Payal bitiya he thik hai, kam se kam din me do baar baat to kar leti hai"....


Payal... Chhotu tu ek kaam kar ye sabji le ja ghar. Main aur maa ji gappe larate huye aate hain ...


Drish ke jane ke baad..... "Kya hua maa ji, aap wakai me kaphi chinta me hai"


Chandrika devi.... Chal kahin baith kar baten karte hai, thak gayi main to ye paidal bajar karte-karte...


Dono wahin bajar ke madir ki side me bane baith'ne wale chabutre par baith gayi....


Payal.... Maa ji kya hua.... Aap paresan kyon hai...


Chandrika devi.... Kuch nahi Payal, Lado se paresan hun... Kya karegi kaise rahegi wo, har pal yahi chinta satati hai....


Payal, Chandrika devi ke kandhe par hath rakhti hui puchhne lagi.... "Kya hua hai maa ji"


Chandrika devi..... Payal beta ye bacche kab samjhenge pata nahi..... Bina baap ke pali hai, maa hun usse kuch kah bhi nahi pati... Mere he lad pyar ne usse jiddi aur gussel bana diya...


Ek gahri sans leti Chandrika devi mayus hote huye apni baat kahi.....


Payal.... Umar ke sath uska gussa bhi chala jayega maa ji, bahut pyari hai Lado... Aur phir umar he kya hai jo uss se aap apni tarah samjhdari ki ummid karti hain... Ab aap batyengi kiya kya usne..


Chandrika devi... Kisi par sayad subah se gussa hai, aaj college ki class bhi chhor di, aur pura din chidhi-chidhi si baten kar rahi hai...


Payal... Hmmm ! To ye baat hai... Jaroor ye chhotu aur lado ke bich kuch hua hai ... Ye chhotu bhi aaj ghar par bas khoya-khoya sa "haan-hun" me jabaw diya hai....


Chandrika devi... In dono ki to, Jhagra aapas me karenge aur gussa hum par nikalenge ... Payal in dono ko sabak sikhna parega .... Taki ye aapas ke jhagre ka gussa hum par na nikale...


Payal ... Sahi kaha maa ji ... Par ye karenge kaise...Chandrika devi.... Mujhe kya pata, bas tumhe kaam diya hai tum karo... Waise bhi bahuyen kaam karti hain aur saas aaram ...


Payal... Hehe... Thik hai.. Main dekhti hun main kya kar sakti hun ... Ab aap to ye mayusi chhoriye aur lado abhi bacchi hai... Kya aap bhi, uski baton ko dil se laga liya...


Chandrika devi... Aur tu dadi... Chal hath de utha mujhe, aur dono ko nahi sabak sikhaya to main tumhe babati hun....


Dono wapas ghar chale aaye... Payal ko kuch sujha nahi ki kaise pata kiya jaye ye chhotu aur Lado lar kyon rahe hain .... Ek do baar ghuma phira kar kar chhotu se jan'ne ki kosis bhi ki par chhotu... "Kuch bahi.. Pata nahi"... Kah kar talta he chala gaya....


Raat ko Aakash jab kamre me aaya..... Bare armano ke sath romance ke liye jaise he Payal ki ore badha... Payal apna laal dupatta dikhati hui kahne lagi.... "Aaj hartal hai .... Bekar me apne armano ko nahi jagaeye"....


Aakash chhota sa muh banate..... 5 din se to tumhare periods ke karan hartaal he jhel raha hun... Ab kya jaan logi meri...


Payal.... Ye aap bhi na kaise ulti sidhi baten karte ho.... Hume kisi ki jasusi karwani hai... Pahle bolo mera kaam karoge ... Phir main aap ke bare me sochungi....


Aakash.... Azi aap ko mujh se koi kaam karwane ke liye kya kisi shart ki jaroorat paregi... Pagal kahin ki.... Batao mujhe kya karna hoga...


Payal saam ko hui apni aur Chandrika devi ki sari baat bata'te huye kahne lagi.... "Samjh gaye na aap, kya karna hai"


Aakash.... Payal tum bhi na puri pagal ho. Ghar me koi jasusi karta hai kya ? Nahi ye galat hai main nahi karunga....


Payal.... Huhh ! Main kya boli aur aap kya samjhe... Dekhiye dono abhi bacche hain, main nahi chahti larakpan ke inke jhagre jyada badhe... Dono bas pyar se rahe, isliye kah rahi hun...


Aakash... Pyar se rahe se tumhara kya matlab hai Payal.. Kahin bhabhi to nahi banane ka irada hai....


Aakash ki baat sun kar paya hasti hui "haan" me sir jor-jor se hilayi aur kahne lagi... "Jab bhi dono ko sath dekhti hun to lagta hai ek duje ke liye bane hain.... Chhotu ko pahli baar kisi ke sath itna khush dekh rahi hun"....



Aakash .... Ohhh ! To ye ek love story ko family support diya ja raha hai... Achha hai, achha hai.. Par mujhe to Drish ne mara tha... Heyy bhagwan kya koi Ashk ka bhai nahi jo usse pit-pit kar mera badla le sake....


Payal jor-jor se hasti hui kahne lagi.... "Aap he ho Ashk ke bhai" ...


Aakash.... Haan janta hun, par main sachi kahun to, meri hummat aur nahi bachi uss se mar khane ki....


Payal... Mazak chhoriye na, kahiye na kar denge ye kaam...


Aakash.... Ji bilkul, hum to joru ke gulaam hain .... Jaisa aap ne kaha... Dono ko aisa sabak sikhana hai ki dono agli baar jhagra kare to gussa family par na utare... Yahi naa...


Payal... Haan, aur ye bhi ki dono har samay pyar se he rahe....


Aakash.... Wo to aane wale waqt ki baat hai... Par abhi to filhaal tumhe dekh kar aahen bhar raha hun... Abhi hum dono ko apna ye waqt pyar se gujarna chahiye...


Payal hasti hui kahne lagi... "Aap ko tarpte dekhne ka maja he kuch aur hai.... Aaj to aise he tarpo"...


Puri raat chuhe-billi ka khel chalta raha Payal aur Aakash ke bich.... Waise to Aakash jab apne ghar par rahta hai tab subah utna he paap hota hai uske liye... Lekin biwi ke dar se aaj wo bhi subah-subah uth kar kaam par lag gaya .... Nikal para Ashk aur Drish ki khabar lene....

 

[HAKIM]

Update 58

Puri raat chuhe-billi ka khel chalta raha Payal aur Aakash ke bich.... Waise to Aakash jab apne ghar par rahta hai tab subah utna he paap hota hai uske liye... Lekin biwi ke dar se aaj wo bhi subah-subah uth kar kaam par lag gaya .... Nikal para Ashk aur Drish ki khabar lene....


Subah-subah Ashk pahunchi... Aaj aschrya ho gaya uske liye, Aakash ghar par pahli baar jaga mil gaya.... Aakash, Ashk ko tokte huye....


"Kaisi ho Ashk, kya sab chal raha hai. Tum to jaise bhul he gayi... Na baat he karti hai aur na he milne aati hai"


Ashk.... Main achhi hun bhaiya, aap kaise ho...


Aakash.... Main always fit and fine, par jabaw nahi di mere sawalon ka...

Ashk.... Wo college shuru hai na bhaiya, isliye waqt ki thori tangi hai... Par aap bhi to baat kar sakte hai na, aap ne bhi kahan yaad kiya...


Aakash... Hmmm ! Kahna to tumhara bhi sahi hai, thik hai teen din baad sunday hai, banate hain kuch programe...


Aahk.... Ok bhaiya, main intzar karungi. Drish taiyar nahi hua kya.. Usse college nahi jana kya...


Itne me Drish bhi bahar aa gaya... Ashk, Aakash ko bye bolti wahan se college ke liye nikal gayi.... Aakash bhi unke jane ke 10 min baad nikla .....


Aaj Aahk Drish ke sath na ja kar apni dance practics ke liye ander godown me chali gayi, aur Drish scooty lekar wahan se nikal gaya.....


Ashk jaise he ander aayi, Jo usse dekhte huye kahne laga..... "Ashk, ajnabiyon par bharosa kiya, aur wahi ajnabi sath chhor diya na. Hum tumhare dost hain pagal koi dushman nahi. Haan ek baat aur Kirti se maine he ye shart rakha tha, ki yadi wo Drish ko apni ore aakarshit kar le to jit me usse jo chahiye milega"....


Ashk.... Kya kaha tum ne, tum ye sab plan kiya sirf isliye ki Drish mujh se dur ho jaye...


Jo... Ashk ye plan nahi tha... Main bas tumhe dikhana chahta tha jiske sath tum rahti ho aur jisse tum apna bf maan chuki ho, wo sayad tumhare layak nahi. Aaj Kirti ne usse apna jalwa dikhaya to wo Kirti ka ho gaya, aur kal ko Kirti se bhi koi sunder mil jayegi to wo Kirti ko bhi chhor dega...


Ashk ke dimag me jaise ye baat ghus gayi bilkul. Usse Jo ki baton me sachai aur Drish farebi najar aane laga.... Mood off ho gaya bechari ka, dance bhi nahi ki aur baithe-baithe bas gahri soch me dub gayi. Drish usse dhokebaaj najar aane laga....


Idhar scooty lekar Drish ground pahunch gaya.... Aaj bhi Kirti bilkul chhote se skirt aur upar ek tight t-shart pahni hui thi.... Badan ke har ang jaise kapron ke upar se jhalak rahe ho..


Kachi umar, najar ek baar to Drish ki bhi gayi Kirti ke badan par. Sexy legs aur v-shape ki t-shart se halke aate cleavase ka look, kuch najren Drish ki thahri kuch der uske badan par. Kirti ne bhi ye baat notice ki, Drish uske badan ko dekh raha hai....

Dono jab pass aaye to Drish ki najren thodi bahak gayi, rah-rah kar najren uske sexy look ko niharti. Kirti bhanp gayi iss chij ko aur Drish se mazakiya andaz me kahne lagi .... "Hun na bilkul hot, kya kahte ho Drish iss figure ko dekh kar"


Kirti apne badan par hath ghumati hui Drish se puchhne lagi.... Drish, Kirti ke iss sawal par jaise harbara gaya aur kahne laga.... "Wo tennis kuch sikh le"


Drish ki baat sun kar Kirti muskurati hui kahne lagi "haan kyon nahi" ... Aur itna kah kar Kirti ne uske hath me racket thama di. Racket ko uske hath me de kar khud uske pichhe chali gayi.


Drish ke pith se chipakti uske dono hathon ko apne hath se pakri... Aisa karte waqt Kirti ka agla hisaa pura Drish ke pith se chipka hua tha.... Drish ke ander jaise kuch-kuch ho raha ho.


Kirti apni pakar ko aur tight karti, Drish ke bayen hath me tennis ki ball di. Dono hath ko pakre upar ki ore le gayi, aur ball aur racket ko service karne ke postion me le aayi....


Drish ka dhyan service karne me kya hoga, usse to apni pith par Kirti ki dabi chhatiyan feel ho rahi thi, aur aage se uske pasine chhut rahe the. Kirti usse hathon ke postion aur marna kaise hai samjha kar uss se alag ho gayi.


Aadhe ghante tak yahi sab chalta raha, Kirti bhanp chuki thi Drish ki haalat aur wo har 10 min me kuch na kuch batane ke liye uss se chipkati rahti, aur Drish ki tarapti haalat ka maze leti.


Aadhe ghante baad Kirti ke mobile par Jo ka call aaya.... Jo ne uss se kah diya.... "Mera kaam ho gaya hai, Ashk ka brain wash kar diya maine... Meri ore se free ho, aage kya krna hai tum dekh lo"... "Thik hai" kah kar Kirti ne bhi phone cut kar diya...


Kirti apne mann me bas yahi sochi... "Canteen me iska hath pakar kar uss ladki ne apna jor iss par dikhaya tha na, ab main apna jor dikhati hun"


Kirti, Drish ke pass aati hui kahne lagi.... "Drish mujhe lagta hai main tumhe kha-m-kha tennis me ghasit rahi hun, main koi apna dusra parterner dhund leti hun".


Drish.... Hmmm ! Thik hai...


Itna kah kar Drish uske pass se jane laga..... "Ajeeb ladka hai, abhi to mujh se chipak kar maze le raha tha, boli sath nahi khelungi to chup-chap jane he laga. Koi prati uttar bhi nahi diya, na he kaha main sikh lunga mujhe mat hatao. Kahin bura to nahi maan gaya".... Kirti, Drish ko rokti hui kahne lagi...


"Arre ruko to, kah di sath tennis nahi khel sakte to chhor kar he tum to chal diye"


Drish.... Hmmm ! Bataeye


Kirti apna hath aage badhati hui kahi...... Hum sath khel nahi sakte to kya hua, par dost to ban he sakte hain...


Drish bhi us se hath milata hua kahne laga.... "Thik hai" ... Aur wahan se wapas dance practics ki jagah aa gaya.... Aahk wahan chup-chap he baithi thi, lagbhag uss jagah se nikalne ka samay bhi ho gaya tha... Drish ke sath Ashk nikal gayi apni judo class aur wahan se college.


Ashk ki majboori thi isliye Drish ko pichhe bitaye thi, college pahunchte he Ashk ne Drish se saaf kah diya... "Kal se wo khud college chala aaye, usse paresani ho rahi hai scooty le kar wo tennis court chala jata hai".


Drish.... Nahi, kal se nahi hoga aisa. Kirti ne koi partner dhund liya hai.


Ashk ye baat sun kar jaise ander se kitna sukoon mehsus ki thi.... "Thik kiya usne tum jaise dhokebaj ke sath"... Itna soch kar kaphi itminan se wo muskurai aur kahne lagi...


"Phir bhi Drish, bahut paresani ho jati hai, main apne routein ko follow karti hun, aur tum apne. Isliye kal se hum sath nahi aayege"


Drish ne sayad pahli baar kisi ke kuch kaha tha, aur uspar bhi jabaw naa me aaya, Drish ko thoda bura laga lekin dobara usne kuch nahi bola. College pahunchte he kal se alag aana kya kahi, Ashk ne wo to college me bhi usse alag rahna sikha diya.


Aate he sidha Saurav se mili, aur ussi ke sath class me bhi baith gayi, canteen time bhi yahi hua... Aaj bhi Ashk ne puchha tak nahi, lekin phir bhi itne din jiske sath rahe dil to usse dhundta he hai.. Ashk ke liye wo ek bar fir Drish canteen gaya.


Aaj bhi Ashk se milne se pahle he Kirti & friends mil gayi. Aaj lambi baten hui unki par Aahk ne koi rection nahi dikhaya... Aisa lag raha tha jaise Ashk ne uss se sare ristey khatam kar diye ho, par ye dil ki baten dil he jane... Ander se to chidh ho he rahi thi Ashk ko... Lekin phir bhi Ashk apna dhyan kahin aur lagaye apna kaam karti rahi....

 

[HAKIM]

Update 59

Aaj bhi Ashk se milne se pahle he Kirti & friends mil gayi. Aaj lambi baten hui unki par Aahk ne koi rection nahi dikhaya... Aisa lag raha tha jaise Ashk ne uss se sare ristey khatam kar diye ho, par ye dil ki baten dil he jane... Ander se to chidh ho he rahi thi Ashk ko... Lekin phir bhi Ashk apna dhyan kahin aur lagaye apna kaam karti rahi....


Drish bahut der nahi ruka wahan, Kirti aur uski dost lagatar comment karti rahi aur Drish chup-chap se sabko sun'ne ke baad wahan se uth kar chala aaya...


2:30pm baje inki classes over hoti hain... Ghumte phirte dono 3:30pm tak pahunch he jate the ghar. Aaj jab class khatam hui to Ashk baad me nikli aur Drish pahle nikal aaya.

Ashk jaan bujh kar thoda late pahunchi, taki Drish ko ye samjh me aa jaye ki main uske sath nahi jana chahti... Par jab apne scooty ke pass pahunchi to Drish wahan nahi tha... Kuch der tak intzar ki, phir jab Drish nahi aaya to gahri sans leti sochi chalo achha hai samjh gaya main uske sath nahi jana chahti.


Ashk apne ghar chali aayi aur apne kaam me lag gayi. Saam karib sadhe panch baje Payal, Ashk ko phone lagati Drish ke bare me puchne lagi... "Chhotu uske sath to nahi"


Ashk.... Nahi bhabhi Drish mere sath nahi hai.


Payal.... Pata nahi kahan gaya, phone bhi laga rahi hun to mobile switch off aa raha hai...


Ashk.... Apne naye doston ke sath kahin ghumne chala gaya hoga bhabhi.... Aap chinta nahi kijiye aa jayega...


Payal..... Nahi re Ashk wo ghume-phire uss baat ki chinta nahi hai, bas bata deta na ek baar. Khair koi baat nahi, lagta hai nayi-nayi aadten usme aa rahi hai. Thik hai phone rakhti hun....


"Ye ladka bhi na, phone band kar ke kahan chala gaya, jaroor uss Kirti ke sath gaya hoga... Huhhh"


Ashk ek ghante tak apna kaam karti rahi, par rah-rah kar dhyan Drish par he chala jata, kabhi usse lagta "Kirti ke sath hoga" ... Aur ye baat soch kar usse gussa aa jata. To kabhi usse lagta... "kahin koi paresani me to nahi, ye sahar bhi naya hai.. Aur yahan ke logon ko thik se janta bhi nahi". Jab bhi Ashk ko ye khyal aata, wo chinta me dub jati.


Ek ghantey baad khud he Payal ko phone ki, pata karne Drish pahuncha ki nahi pahuncha... Lekin jabaw wahi tha, nahi Drish ab tak nahi aaya. Ashk ander se thoda gussa bhi ho gayi... "Kud ko samjhta kya hai, phone band kar ke gayab ho gaya hai"... Aur ussi waqt Drish ko dhundne nikal gayi.


Ashk ke jate he, Chandrika devi Payal ko turant phone lagayi....


Payal.... Haan lado


Chandrika devi..... Lado nahi lado ki mamma bol rahi hun.... Lado tum se baat ki aur pata nahi kitni harbari me thi, table se apne phone ke badla mera phone utha kar le gayi.... Ye lado tum se baat kar ke itni harbari me kahan gayi ?


Payal Drish ke ghar naa aane wali baat bata di aur puchhne lagi "kya hua so"... Chandrika devi kahi.... "Kuch nahi nikal gayi hai usse he sayad dhundne"


Payal.... Maa ji, dimag nahi hai kya usse, itne bare sahar me usse kahan dhundegi...


Chandrika devi.... Tum ab bhi nahi samji, jahan dil laga ho wahan dimag ka koi kaam nahi hota. Mujhe to lagta hai dono ek dusre ko pasand karte hain.


Payal.... Laga to mujhe bhi tha lekin aap Ashk ki maa hain, isliye main toda hichak rahi thi ye baat kahne se. Drish ko dekh kar mujhe bahut pahle he aisa laga tha.

Chandrika devi.... Haan maa to hun, kuch-kuch jamane ke hisab se bhi sochti hun beta. Aaj kal ka to faishion ho gaya hai love, main jitna mana karungi bache utna he wahi kaam karenge. Janti ho ek achhe gardian ka kya kaam hota hai, ye dekhte rahna ki uske bache kisi galat aadmi ke sangat me to nahi... Bas main bhi wahi dekh rahi hun... Drish mujhe bhi achha lagta hai, haan par iske papa ka nahi kah sakti... Unhe Drish pasand aaye ki na aaye... Dekh lenge unhe bhi, abhi to dono ki shadi me barson lagenge.


Payal.... Barson kyon lage'ge. Aap kaho to dono ki shadi kisi achhe muhrat par issi saal karwa dete hain..


Chandrika devi... Nahi-nahi, abhi mujhe budhi nahi hona. Beti ki shadi ho gayi to log mujhe bhudhi samjhne lagenge. Abhi to pahle dono ko sabak sikaho, ki aapas ke jhagre me hum se kyon ruthe rahte hain.


Payal.... Iss bare me jald he phone karti hun. Par pahle Ashk ko call kar dun chhotu aa gaya hai.


Chandrika devi.... Aa gaya wo... Puchna jarra kahan rah gaya tha.


Payal.... Puchna kya hai, apne samay se to ghar aa gaya tha, par jab se aaya chup-chap apne kamre me para bas kitaben ulta raha hai..


Chandrika devi.... Hehe, to tumne jhoot bola lado se...

Payal.... Haan thodi masti, aap he to kahi sabak sikhane... Par ab phone kar deti hun Drish aa gaya wapas.

Chandrika devi.... Koi jaroorat nahi hai, jab main phone karungi tab usse batana.... Abhi humara turn hai unhe paresan karne ka....


Payal.... Thik hai maa ji, jaisa aap kahe...


Itna kah kar Chandrika devi ne phone cut kar diya aur Drish ko call lagayi..... Par Drish ka phone band aa raha tha isliye wo wapas Payal ko call lagayi....


Payal.... Kya hua maa ji, lado ko phone kar dun wapas aane kya wapas aane ke liye.


Chandrika devi... 5 min me hriday pariwartan nahi hota, mujhe to Drish se baat karni thi, par uska phone band tha to tumhe call ki.


Payal.... Oh wo... Maine he uska phone switch off kar ke chhipa diya hai, taki lado usse phone karti to phone switch off aata.


Chandrika devi.... Achha dimag lagayi... Ab jarra usse phone de. Tumne jo paresani lado ko di, wahi main jara Drish ko bhi de dun.... Payal Chandrika devi ki baat par hans di, aur jakar phone Drish ko thama di....


Drish.... Namaste Aunty


Chandrika devi thodi chinta bhare swar me baat karti hui puchhne lagi.... Drish beta lado tumhare sath hai kya...


Drish..... Nahi mere sath to nahi hai. Kya ab tak wo ghar nahi aayi...


Chandrika devi..... Nahi ab tak ghar kahan pahunchi hai. Dono sath aate ho na, to phir wo ab tak ghar kyon nahi aayi.


Drish.... Nahi aunty wo aaj main pahle chala aaya tha sorry. Main jata hun usse dhundne.


Chandrika devi.... Rahne de beta aa jayegi wo. Pata nahi kahan gayi hogi... Khana bhi khayi hogi ki nahi....


Drish ne phone cut kiya aur apne bistar par idhar-udhar dekhne laga..... "Diiiiiii... Diiii" .... "Haan chhotu kya hua"..... "Di mera mobile nahi mil raha kahan hai"...... "Mujhe kya pata kahan hai, ruk main dhund deti hun"...


Payal bhi Drish ke room me aakar mobile dhundne me madad karne lagi, aur idhar Drish mobile bhi dhund raha tha aur Payal ke mobile se Ashk ko call bhi laga raha tha... Ek ring hua phir phone cut gaya. Dobara lagaya to switch off.


Drish harbari me apne kamre se nikla... Payal usse pichhe se tokti hui... Kahan ja raha hai chhotu itni teji me aur ye phone kise laga raha tha....


Drish... Didi, wo Ashk ab tak college se ghar nahi pahunchi... Ussi ko dhundne ja raha hun...


Payal.... Pagal hai kya, wo to issi sahar ki rahne wali hai, aa jayegi... Par tu usse kahan dhundega....


Drish.... Di meri chinta nahi karo, main ja raha hun....


Payal.... Achha sun mera phone leta ja, tumhe der hui to main tumhe kahan dhundungi.....


Drish, Payal ka phone le kar nikal gaya..... Ashk aur Drish dono paresan ek dusre ko dhundne nikle sadkon par.... Kabhi dono ek dusre par gussa hote, to kabhi chinta me khokar dhund rahe hote.


Saam ke 7 se raat 9:30 ho gaye dhund'te-dhunt'te par mumbai jaise shahar me kisi ko dhund'na... 2:30 ghante nahi 2:30 mahine bhi kam par jayenge.... Par kahten hain chahten mila he deti hai kisi na kisi tarah......

 

[HAKIM]

Update 60

Saam ke 7 se raat 9:30 ho gaye dhund'te-dhunt'te par mumbai jaise shahar me kisi ko dhund'na... 2:30 ghante nahi 2:30 mahine bhi kam par jayenge.... Par kahten hain chahten mila he deti hai kisi na kisi tarah......


Par sayad dono apni chahton me aise khoye the ki samne hokar bhi andekha kar gaye. Dhund'te-dhund'te kai baar dono ko aisa laga ki "to ye yahan hai". Dur se dekha to wahi najar aaya, par jab pass gaye to koi aur kahara/khari thi.


Bahuton ko pichhe se dekh kar Drish ko laga ki ye Ashk hai, aur pichhe se toka bhi... Kaiyon se bechara bejjat bhi hua. Aisa he kuch anubhaw Ashk ke sath bhi hua, kuch ladkon ne dilaksh tippni kiya Ashk par to kuch hath-paun dho kar pichhe par gaye.


Aise uljhe the ek dusre ki chinta me ki dimag itna na kaam kar saka ek baar ghar ke number par call kar lete. Jab ki dono he ghar ka he phone utha laye the. Dono mile bhi apne ghar ke pass wale local market me aur dur se ek dusre ko dekhe bhi, par apna pichhla anubhaw yaad karte huye... Matr ek bharam maan kar andekha kar chalte bane apne apne ghar.


Thake-hare bechare raat 10:30 baje pahunche ghar. Payal jab Drish ko paresan haalat me dekhi to ander se khush hoti sochne lagi.... "Kitni chahta hai chhotu ko lado ki."


Bilkul thik yahi aalam Chandrika devi ke dil me bhi tha, lekin na to Payal, Drish se Ashk ke bare me puchhi... "Ki wo mili ki nahi" aur na he Chandrika devi ne Ashk se. Bas dono he Ashk aur Drish ki tarap ka maza le rahe the.


Idhar jab ye dono ek dusre ko dhund rahe the tab tak ghar par Aakash bhi apni report pesh kar chuka tha. Aakash subah se he kabhi khud to kabhi apne logon se najar rakhe huye tha.


Baat samne aa chuki thi, Drsih kisi aur ladki ke sath tha aur issi wajah se Ashk naraj thi uss se. Lekin sayad Drish ko to pata bhi nahi tha ki Ashk uss se naraj kyon hai, wo bas itna janta tha Ashk uss se naraj hai.... Aisa Aakash ka maan'na tha.....


Payal ne inko aur sabak sikhane ke irade se teen din aur dur rakhne ka plan banayi..... Payal iss bare me Chandrika devi se charcha ki. Chandrika devi kahi... "Lado college na jaye aisa ho nahi sakta hai. Main lakh mana kar lungi par wo jayegi he"


Payal, Chandrika devi ki iss baat par aschrya karti puchhne lagi.... "Lekin aisa kyon"


Tab Chandrika devi uss se kahi..... "Roj subah lado apne dance aur judo ki practics me jati hai... Aur wo usse miss nahi karna chahegi kabhi. Hallanki usse mana kar chuki hun dono jagah jane se, phir bhi ye jiddi ladki, janti hai maa naraj hogi to mujh se chhipa kar jati hai..... Yadi main uss se kahi kal se college nahi jana hai to mujh se 100 sawal karegi".

"Main usse yadi ye kah bhi dun, kahin bahar jana hai teen dino ke liye... To apne college aur padhai ka rona le kar baith jayegi... Wo to yahan tak kah degi, aap ko jana hai to jao main nahi aaungi. Aur sabse bari baat, aaj jis tarah se maine usse Drish ke liye paresan dekha hai, wo kal bina usse dekhe nahi man'ne wali.... Ab jhagra hua hai to sidhe ghar par to nahi he mil sakti, tab ek he jagah bachta hai .... College"


Payal... Lekin maa ji, lado aap se chhip kar kyon ye sab karti hai. Dance aur judo to art hai phir aap kyon usse mana karti hain....


Chandrika devi.... Mana nahi karungi to kal ko pura sahar uski sikayat le kar aa jayega. Ek he to bacchi hai meri upar se uski wo dance karne ki chahat.... Janti ho pahle to roj kahin na kahin chot lagwa kar aati thi, ek din to dance ke chakkar me upar se gir gayi aur apne hath paun turwa li. Ab tum he batao kaise main usse iss bure haal me dekh lun.


Payal.... Hmmm ! Aap ka bhi kahna sahi hai... Dance ka to samjh gayi par ye judo ki kya kahani hai.


Chandrika devi.... Judo, naam mat lo iska. Judo sikh kar gundi ban'ne ka sauk. Mujh se ek din kahti hai... Mamma jab se judo sikh rahi hun na, mujhe aisa lagta hai koi mile jise main tor fodh kar apne sare paitre aajma lun.... Ek baar to apne gudey-gundiyon ke gange ke sath kisi ki pitai bhi kar di thi....


Payal.... Ha ha ha... Achha to aap najar rakhti hain lado par ki wo ki wo kya karti hai kya nahi....


Chandrika devi ek gahri sans leti kahne lagi.... Hmmm ! Najar rakhna kah lo ya uss se pyar. Har waqt bas yahi chinta rahti hai, apne sharton ki wajah se koi musibat me na par jaye. Khair main tujhe kyon bata rahi hun ... Kuch din me jab tumhara nanha saitan aayega tab tum khud he samjh jaogi..... Waise main dadi kab ban rahi hun...


Payal..... Aisi koi baat nahi hai maa ji, main ab bhi samjh sakti hun aap kya mehsus karti hain. Aisa na samjhiye mera pas koi santan nahi. Chhotu hai na.. Wo hai mera baccha... Janam nahi di to kya hua, par maa hun main uski.


Chandrika devi... Haan main to bhul he gayi thi, bara pyara hai Drish. Kabhi-kabhi uski aankhon me dekhti hun to kitna apnapan najar aata hai. Janti hai wo bhi tum se utna he pyar karta hai jitna tu uss se.


Payal.... Nahi maa ji... Wo mujhe jyada pyar karta hai... Wo mujhe bina dekhe bhi mere khushi aur gum bhap leta hai...


Chandrika devi.... Arreee Payal tum bhi na kahan baton me uljha di... Ab un dono ke bare me kuch karna hai ki nahi.... Ya tu aise he pyar jaga de dono par... To maya me main sab kuch bata dungi...


Payal.... Ha ha ha... Teen din na, chhotu ko main kah dungi wo teen din mere he pass rahe... bina sawal kiye wo maan jayega... Waise ek baat bataeye... Kab se soch rahi hun puchne ka... Lado yadi aap se chhip kar dance sikhne jati hai to aap ko pata kaise chalta hai...


Chandrika devi... Jaise chhotu kuch chhip kar karta hai to tumhe pahle sahq hota hai baad me najren ussi sach ko pata karne me lagi rahti hai. Kitni bhi hoshiyar ye bacche kyon na ho jaye par ek baat bhul jate hain, humare samne he bare huye. Janti hai lado jab subah nikalti hai to apne dance aur judo wale kapre le kar nikalti hai, aur usse lagta hai hai, maa ko kuch pata he nahi...


Payal... Hehe, maa ji aap to pakki maa hain... Rakhti hun phone ab to dono ki mulakat sunday ko he karwaungi ye wada hai....


Dono sas bahu ek lambi vartalaap ke baad phone rakh di... Dono Ashk aur Drish ke liye muskura bhi rahi thi, aur usnki tarap ko dekh kar afsos bhi kar rahi the....


Agli subah Drish taiyar ho kar college ja raha tha, tabhi Payal usse college na jane ka kah kar apne sath dr ke pass chalne ke liye kahne lagi... Payal ki baat maan kar Drish college nahi gaya.


Ashk jab subah taiyar ho kar ghar se nikli to Drish ke bare me he soch rahi thi... Kal raat se paresan thi uske liye, aur ek wo tha ki ek call tak nahi kiya. Aadten... Gahre khyal me itna dubi thi ki scooty Aakash ke ghar ki ore he badh rahi thi... Achanak usne rasta dekha aur wapas mur gayi apne raste.


Dil me chinta bhi tha aur mann me nafrat kayam.... Khud se kahne lagi... "Bhala main kyon paresan houn uss dagabaaj ke liye" ... Dimag me nafrat paida karti Ashk chal di dance sikhne.


Drish ke dil ka bhi yahi aalam tha, Ashk ki chinta usse sataye ja rahi thi. Ashk ko kewal dekhne ke khyal se, Drish bhi uske dance parctics karne ki jagah pahunch gaya.... Bina kisi ke najar aaye godown ke pichhe gaya aur choron ki tarah tak jhank karne laga.....


Panch fil ki unchayi par ek khidki thi, jis se ander jhanka ja sakta tha. Drish uss khidki se ander dekhne laga. Sabhi practice kar rahe the siway Ashk ke. Ashk bas shant baithi thi. Kuch der baad music band hua aur Jo, Ashk ke pass aate kahne laga.... "Ab bhi uss Drish ke bare me he soch rahi ho".


Aahk apne chehre par gusse ke bhaw lati hui kahne lagi.... Jo kuch din pahle mile ladkey ke bare me main kyon sochne lagi.... Kaun lagta hai wo mera jo main sochne lagi...


Jo... To phir tumhare paun me mehndi lagi hai jo tum dance practics me nahi aa rahi.. Waise bhi aaj romantic theme karna hai... joya tumhare liye outfit le aayi hai, change kar ke jaldi se aa jao....


Ashk chali gayi change karne, idhar Drish, Ashk ki baten sun kar mayus ho gaya.... Udas bas socta he raha.... "Iss duniya me Di ke siwa mera koi nahi" ... Tabhi jor ke ek music ne Drish ka dhyan khincha aur najren ander khari Ashk par gayi... Jo thik iss waqt khidki samne se thodi samne se thodi tirchi khari thi....



Drish, Ashk ko jab dekha to najren jaisi thehar si gayi ho. Bala ke khubsurat se chehre par halka kiya make-up, upar se kale kapdon wala ye western paridhan .... Dharkane na kahin bahar aa jaye Drish ki, uska dil itne joron se dharka....


Lekin agle he pal, jab Jo uske pass aa kar apni najren thode uski khule sine par dal kar kaha.... "Woooo you are looking gorgeous, really hot & sexy Ashk" tab to mano Drish ke sine me aag lag gayi ho.... Aur uss aag me petrol ka kaam kiya Ashk ka thoda msukura kar "thanks" kahna....


Drish to jal bhun gaya, aur kuch der aur ruk kar apni jalan ko badhane laga... Kyonki dance ke dauran Jo, Aahk ko tightly apne bahon me bhar leta. Ashk ka pura badan jab wo Jo se chipka dekhta to uske sine me jwalamukhi phatne lagta....


Jab Drish se nahi bardast hua to wahan se chala aaya.... Ashk ko bhi aaj pata nahi kya hua... Wo free style par dance jyada karti thi... Par aaj to wo Jo ke sath romantic theme par nach rahi thi...


Yun to usse kuch feel na hota, par dancing step ke dauran Ashk jo ke hathon me besudh jhul rahi thi. Jo usse apne ek hath se kamar ko pakre tha, aur dusra hath uske chhatiyon ke upari hisse me dhire se fira diya....

Dil me jaise sihran si uthi ho, aur ajib sa ek feeling aaya usse..... Par wahi step Jo dobara karne laga to Ashk uss se dur ho gayi... Haalanki hathon ka asparsh usse bhi bahut achha laga par Ashk ko Jo ka hath apne badan par katai bardast na tha.


Bahana bana kar Ashk nikli wahan se. Mann to lag nahi raha tha, kisi tarah time bita kar college pahunchi, aur sirf Drish ko dekhne ke khayal se class ki ore jaldi bhagi.... Par Drish class me nahi tha... Usse dhun'ti hui canteen, play ground, office... Har jagah gayi....... Lekin Drish college me ho tab na mile.


Drish se na mil pane ki wajah se Ashk ko apne ander bara he ajeeb si mayusi mehsus ho rahi thi... Pure din class me mayus firne ke baad ghar chali aayi. Wahin Drish jaise toota hua sa tha. Usse rah-rah kar Askh ki baten yaad aa rahi thi jo usne godown me kahi ... Aur chipak kar Jo ke sath dance karna.


Mayusi ke sath dono ek dusre ke chinta me dub kar yaad kar rahe the..... Par sitam ye ishq ka dur hota nahi uss se pahle he kuch aur karwi sachai bahar aa jati hai.

 

[HAKIM]

like and give your reviews

 

[Aghori]

जितनी बार भी पढ़ लो हर बार एक नई अनुभूति प्रदान करती हैं ये कहानी ।
नैन साहब के क्या कहने बहुत ही अच्छे लेखक हैं।
वर्ना कुछ लोग तो हफ्ते महिनों में एक अपडेट दे कर खुद को खुदा मान लेते हैं।

 

[HAKIM]

जितनी बार भी पढ़ लो हर बार एक नई अनुभूति प्रदान करती हैं ये कहानी ।
नैन साहब के क्या कहने बहुत ही अच्छे लेखक हैं।
वर्ना कुछ लोग तो हफ्ते महिनों में एक अपडेट दे कर खुद को खुदा मान लेते हैं।

hinglish only, i cant read this bro

 

[Aghori]

hinglish only, i cant read this bro

nain bhai ki har story dil ko chu leti hai aur sath me lagatar update
jitni bar bhi padho naya hi lagta hai
lekin kuch writer to apne aap ko mahine me 1 ya 2 update de kar khud ko khuda maan baithte hain aur us par chaplusho ki vah vah

 

[Aghori]

waiting for next update bro