Join Our
Discord Server
For Daily Updates
- 22,533
- 14,720
- 143
Badhiya story ek anjaan ladki se mil raha sex sukh maut ki taraf lekar gaya andha pyaar sab samjhkar bhi kurbaan ho gaya.. interesting point ye tha ki uska dost uske sammohan me nai pada warna wo bhi mara jata..baba ne bacha liya samjho ab apne dost ke ma baap ki help karega dosti nibhayeg wo..bhutni ki ek achichi kahani maja aa gawa
✮ Dark Matter ✮
━━━━✦༺❁༻✦━━━━
Prefix:- Fantasy
Writer:- TheBlackBlood
(7065 Words)
━━━━━━━━━━━━━━━━━━━
Pure ek mahine baad mila tha usse. Usko dekhte hi meri aankhe hairat se fail gayi thi. Kuch palo tak to mujhe yakeen hi na hua tha ki wo mere bachpan ka dost hai aur mera jigri yaar hai. Ham dono sath sath khele koode aur sath sath hi bade huye the. School se college tak ham sath sath hi rahe the uske baad wo apne kaam me lag gaya aur main apne kaam me. Ham dono ki choices bhale hi alag thi lekin sath kabhi na chhoota tha. Hapte, pandrah din me hamari mulaqaat zarur hoti thi. Asal me ham dono itne gahre dost the ki ek dusre se mile bina rah hi nahi sakte the lekin is baar main apne kaam me aisa ulajh gaya tha ki pure ek mahine baad hi usse milna hua tha. Main soch bhi nahi sakta tha ki is baar jab main apne dost se milunga to wo mujhe ek alag hi roop me nazar aayega. Achha khasa dikhne wala nitin maujooda waqt me dubla sa dikh raha tha jabki iske pahle wo achhi khaasi personality ka maalik tha.
"Abe ye kya haalat bana li hai tune?" Uske kamre me aate hi maine sabse pahle usse yahi puchha tha____"Saala ek mahine me aisa kya kiya hai tune ki tera ekdam se kayakalp hi ho gaya hai? Kahi mutth wutth to nahi zyada maarne laga hai tu?"
Maine to bas mazaak me hi aisa bola tha usse aur wo mere is mazaak par muskuraya bhi tha lekin fir uske chehre par ajeeb se bhaav gardish karte nazar aane lage the. Maine saaf mahsoos kiya tha ki wo kisi baat se pareshan tha. Ab kyoki wo mera bachpan ka jigri yaar tha is liye uske pareshan hone par mera pareshan ho jana bhi laazmi tha. Maine serious ho kar jab usse puchha to usne bataya ki wo ek ladki se pyar karta hai aur usse shaadi bhi karna chaahta hai lekin wo ladki usse shaadi nahi karna chaahti. Nitin ne bataya ki wo pichhle ek mahine se us ladki se har roz milta hai aur dono ke beech pyaar ki saari hade bhi paar ho jati hain. Aisa nahi hai ki wo ladki use pasand nahi karti hai lekin jane kyo wo shaadi ki baat par mukar jati hai? Nitin ki pareshani aur dukh ki yahi vajah thi.
"Badi ajeeb baat hai." Kuch der ki khamoshi ke baad maine kaha____"Aur usse bhi ajeeb aur hairaani ki baat ye hai ki hamesha kapde ki tarah ladkiya badalne wala mera dost achanak kisi ladki ke prem me kaise pad gaya? Khair main samajh sakta hu ki ek din har kisi ka bura waqt bhi aata hai lekin ye to bata ki_____Kaun hai wo.???"
"Main nahi jaanta." Nitin ne bebas bhaav se jab ye kaha to main ek baar fir se hairaan rah gaya. Har ladki ki janm kundali apne paas rakhne wala nitin usi ladki ke bare me nahi jaanta tha jise wo prem karta tha.
"Bhosdike ye kya bakwas hai?" Main jaise uske upar chadh gaya tha____"Kya mere sath koi mazaak kar raha hai tu?"
"Main mazaak nahi kar raha Prashant." Nitin ne serious ho kar kaha____"Main sach me nahi jaanta ki wo kaun hai. Pichhle ek mahine se main usse uske bare me har roz puchhta hu lekin wo kuch nahi bataati hai. Maine khud bhi apne tareeke se uske bare me pata karne ki bahut koshish ki lekin kuch pata nahi kar paya. Halaaki shuruaat me to main bhi uske sath bas maze hi le raha tha aur sach kahu to wo meri life me aayi har ladkiyo se kahi zyada lajawaab hai. Uski khubsurti uski kaatil adaaye aur bistar me mere sath uska sahyog bhaukaal se kam nahi hota hai. Mujhe pata hi nahi chala ki kab uski khoobiya mere dilo dimaag me ghar kar gayi aur main uske ishq me giraftaar ho gaya. Abhi ek hapte se main har roz usse shadi karne ke liye minnate kar raha hu lekin wo saaf inkaar karti aa rahi hai. Uska bas yahi kahna hai ki jo cheez mujhe usse bina shadi kiye mil rahi hai uske liye usse shadi karne ki kya zarurat hai? Wo ek aisi azaad chidiya hai jo kisi tarah ke bandhan me nahi bandhna chahti hai."
"Sahi to kah rahi hai wo." Nitin ki baat beech me hi kaat kar main bol pada tha____"Aur tere liye bhi to ye achhi baat hai warna zyadatar aisa hota hai ki ladkiya gale hi pad jaati hain. Tujhe wo khushi khushi sab kuch de rahi hai to fir tu usse shaadi kyo karna chahta hai be? Meri baat maan usse bas maze le, ye shaadi waadi aur prem wrem ka chakkar chhod."
"Kamaal hai." Nitin ke hotho par feeki si muskaan ubhar aayi thi____"Ek waqt tha jab tu ye kaha karta tha ki is tarah ladkiyo ke sath maze karna chhod de kyoki ye achhi baat nahi hai aur aaj tu ye kah raha hai ki main bas uske sath maze karu? Pahle yakeenan main bas maze hi karne ko asli zindagi samajhta tha lekin jab se uske prem me giraftaar hua hu tab se maze karne wali feelings ka mere andar se vajood hi finish ho gaya hai. Ab to bas ek hi khwaahish hai ki usse shadi ho jaye aur wo hamesha ke liye sirf meri ho jaye."
Mere saamne baitha nitin wo nitin nahi tha jise main bachpan se jaanta tha balki wo to aisa nitin bana hua nazar aa raha tha jo ek aisi ladki ke prem me pad kar bimaar sa ho gaya tha jiske bare me use khud hi kuch pata nahi tha.
"To ab kya karne ka iraada hai?" Kuch der uski taraf dekhte rahne ke baad maine gahri saans le kar usse bola____"Mera matlab hai ki kya abhi bhi tu us ladki ke bare me hi sochega ya us ladki ko bura khwaab samajh kar bhool jayega aur apni life me aage badhega?"
"Main haar nahi maan sakta prashant." Nitin ne kahi khoye huye andaaz se kaha____"Ab tak apni life me bahut si ladkiyo ke sath maze karte huye aish kiya hai lekin ab nahi. Ab mujhe samajh aa gaya hai ki ye sab theek nahi hai balki ek aisi ladki ke sath jeewan ke safar ki shuruaat karo jise aap pyar karte ho aur jiske sath hone se aapko ye lage ki jeewan ki asli khushi bas usi se hai. Wo bhale hi apne bare me mujhe kuch na bataye lekin main use apna bana ke hi rahuga. Use mere pyar ko accept karna hi padega prashant."
"To kya tu uske sath zor zabardasti karega?" Maine uski aankho me jhaanka____"Tujhe samajhna chahiye ki zor zabardasti se haasil ki huyi koi bhi cheez hame khushi nahi de sakti."
"Nahi, main uske sath koi zor zabardasti nahi karuga bhai." Nitin ne kaha____"Balki use apne pyar ka ehsaas karaauga. Apna seena cheer kar use dikhaauga ki uske liye mere dil me kitni mohabbat maujood hai. Use bataauga ki main uske bina ji nahi sakta. Usse kahuga ki agar use kisi tarah ke bandhan me bandhna manjoor nahi hai to main bhi use bandhan me nahi baandhuga. Wo bas naam ke liye meri ban jaye aur meri zindagi me hamesha ke liye shaamil ho jaye."
Kahte kahte achanak hi nitin ki awaaz bhaari ho gayi thi. Uska gala bhar aaya tha aur agle hi pal uski aankho se aansu chhalak pade the. Wo siskiya lene laga tha. Main use us haal me dekh kar aur uski baate sun kar chakit sa ho gaya tha magar kyoki wo mera jigri dost tha is liye uski takleef se mujhe bhi takleef huyi. Mujhe ehsaas ho chuka tha ki wo us ladki ki vajah se bahut badal gaya hai aur ek maheene baad jis roop me wo mujhe nazar aaya tha uski vajah yakeenan us ladki ke prati uska pagalpan bhara wo prem hi tha.
Nitin ki family me uske mata pita aur ek badi bahan thi. Bahan ki shadi ho chuki thi aur wo apne sasuraal me thi. Nitin ki is badli huyi tabiyat ka ehsaas uske mata pita ko bhi tha lekin wo ye nahi jaante the ki nitin ki badli huyi tabiyat ki wajah kya hai. Nitin ne apne mata pita se us ladki ke bare me kuch nahi bataya tha. Asal me wo chaahta tha ki pahle wo ladki usse shadi karne ke liye raaji ho jaye tab wo apne mata pita ko bhi uske bare me bataye lekin jab ladki hi raaji nahi thi to wo bhala kaise kuch batata unhe? Maine nitin ki haalat dekh kar faisla kiya ki main apne jigri yaar ki help karuga. Main us ladki ke bare me pata karuga aur khud bhi usse request karuga ki wo mere dost se shaadi kare. Nitin aur main bhale hi high class material nahi the lekin itne to the hi ki kisi ladki ki zarurato ko pura kar sake.
Dusre din se hi main aur nitin us ladki ke bare me pata karne ke kaam par lag gaye. Nitin ke anusaar har shaam wo ladki shahar ke ek jaane maane club me milti thi. Club me wo uske sath kuch der rahta aur fir wo ladki use apne sath ghar le jaati thi. Nitin ke anusaar wo ladki apne ghar me akele hi rahti thi. Uska apna kaun tha ya wo apna guzar basar kis tarah karti thi is bare me usne nitin ko kuch nahi bataya tha. Nitin ne khud bhi kayi baar uske chhote se ghar me ja kar dekha tha lekin wo use nahi mili thi. Kahne ka matlab ye ki us ladki se milne ka bas ek hi raasta tha ki wo shaam ko fix time par usi club me jaye.
Main ye jaan kar hairaan tha ki nitin ko us ladki ke bare me kuch bhi pata nahi tha, yaha tak ki wo us ladki ka naam tak nahi jaanta tha. Badi hairat ki baat thi ki iske baavjood wo us ladki ke ishq me doob chuka tha. Koi dusra uski ye baate sunta to wo uski baato par zara bhi yakeen na karta, balki use had darze ka paagal hi kahta.
Dusre din ki shaam main nitin ke sath usi club me pahucha jaha par wo ladki nitin ko milti thi. Maine nitin ko samjha diya tha ki main uske sath nahi balki uske aas paas hi rahuga aur us ladki par nazar rakhuga lekin usse pahle wo mujhe ishara kar ke ye zarur bata dega ki wo ladki kaun hai.
Shaam ke nau baj rahe the. Main aur nitin club me pahuch chuke the. Club ke bar counter ke paas nitin har roz ki tarah khada ho gaya tha jabki main usse thoda door is tarah khada ho gaya tha jaise ham dono hi ajnabi ho. Halaaki ham dono ek dusre ko asaani se dekh sakte the. Ham dono ki hi dhadkane badhi huyi thi. Mere zahen me to baar baar yahi khayaal ubhar aate the ki aakhir aisi kya vajah ho sakti hai ki wo ladki nitin jaise handsome ladke se shadi karne se inkaar karti hai aur itna hi nahi wo khud itni rahasyamayi kyo hai? Aakhir aisi kya vajah ho sakti hai ki wo apne bare me nitin ko kuch nahi bataati hai?
Ghadi ne jaise hi nau bajaya to nitin ne meri taraf dekha. Main samajh gaya ki us ladki ke aane ka time ho gaya hai is liye main satark ho gaya aur intzaar karne laga ki nitin kis ladki ki taraf ishara karta hai. Itna to main bhi jaanta tha ki wo ladki baahar se hi aayegi kyoki agar wo pahle se hi club me hoti to nitin mujhe pahle hi ishara kar ke bata deta. Meri dhadkane badh chuki thi aur sath hi ye curiosity bhi badh gayi thi ki aisi ajeeb fitrat wali ladki aakhir hai kaun aur kis tarah dikhti hai?
Main baar baar club ke main door ki taraf dekh raha tha aur fir palat kar nitin ki taraf dekh leta tha. Nitin ki nigaahe pahle se hi main door ki taraf jami huyi thi. Main samajh sakta tha ki is waqt uske andar ka haal kya hoga. Abhi maine nitin ki taraf palat kar dekha hi tha ki tabhi nitin ne ishara kiya to main chaunka aur jhat se palat kar club ke main door ki taraf dekha.
Main door se jo ladki club ke andar aati huyi nazar aayi use dekhte hi meri nazre us par jaise chipak si gayi. Gahre neele chamkile kapde pahne ek ladki apne hath me ek chhota sa dark blue colour ka mini parsh liye namoodaar huyi thi. Badi badi kajraari aankhe, sir ke baalo ko usne sir ke upar hi jooda bana kar baandh rakha tha lekin dono taraf se baalo ki do late uske dono rukhsaar par jhool rahi thi jiski vajah se uske sundar chehre ka look behad hi aakarshak lag raha tha. Gore aur suraahidaar gale par ek chamkila lekin patla sa haar tha jiske nichle taraf ek blue colour ka diamond chamak raha tha. Hotho par kapde se match karti huyi dark blue colour ki lipistic, kaano me blue colour ke hi ear rings jo uske kandhe ke just upar tak jhool rahe the. Ghutne ke baad uski gori safaak taange chamak rahi thi aur pairo me dark blue colour ki hi high heel sandals. Main but bana uski taraf dekhta hi rah gaya tha. Chaunka tab jab wo mere saamne se nikal gayi aur uske jism par maujood kisi khaas quality wale perfume ki khushbu meri naak me sama gayi thi.
Maine palat kar dekha wo nitin ke paas ja kar khadi ho gayi thi. Nitin mantramugdh sa usi ko dekhe ja raha tha. Main samajh gaya ki aisi hoor ki pari ke liye to yakeenan koi bhi apna dil haar jaye. Nitin agar uske ishq me bimaar pad gaya tha to isme uska koi kasoor nahi tha aur sach kahu to us ladki ko dekh kar mere dil ki bhi ghantiya bajne lagi thi. Khair maine badi mushkil se khud ko samhaala aur satarkata se us ladki par nazar rakhne wale kaam ke liye ready ho gaya.
Nitin kyoki mujhse thoda door khada tha is liye main ye nahi sun paya tha ki un dono ke beech kya baate huyi thi lekin main us waqt buri tarah chaunka tha jab kuch der baad nitin ke sath wo ladki seedha mere paas hi aa kar khadi ho gayi thi. Mujhe samajh hi nahi aaya tha ki wo ekdam se mere saamne kyo aa kar khadi ho gayi thi? Kya nitin ne use mere bare me bataya tha ya wo koi aisi shakhsiyat thi jo palak jhapakte hi kisi ke bhi andar ka haal jaan leti thi?
"Hello." Usne apni khanakti huyi awaaz me muskura kar hello kiya to jaise main sote se jaaga aur ekdam se hadbada gaya jisse uski muskaan aur bhi gahri ho gayi.
"He..hello..hello." Maine khud ko samhaalte huye use kisi tarah jawaab diya, aur fir puchha____"Kya aap mujhe jaanti hain?"
"Ji bilkul." Usne muskura kar kaha to mujhe jhatka sa laga aur dil ki dhadkane tham gayi si prateet huyi. Aankho me ashcharya ka saagar liye maine uske khubsurat chehre ki taraf dekha to usne aage kaha____"Aap nitin ke dost hain."
Sach to ye tha ki main uski bebaaki par awaak sa ho gaya tha. Kabhi uski taraf dekhta to kabhi nitin ki taraf. Udhar nitin uske sath yu khada tha jaise wo bhool gaya tha ki mujhe yaha par kis silsile me le kar aaya tha.
"Chale??" Usne nitin se kaha aur fir meri taraf dekhte huye usi muskaan me kaha____"Aaj aap dono ke sath behad maza aayega aur yakeen kijiye aapko bhi aisa maza aayega jiski aapne kabhi kalpana bhi nahi ki hogi."
Us ladki ki ye baat sun kar to jaise mere dimaag ka fuse hi ud gaya tha. Main soch bhi nahi sakta tha ki wo itni bebaaki se mujhse aisi baat kah degi. Kaafi der tak mujhe kuch samajh na aaya ki main use kya jawaab du. Udhar nitin to jaise goonga ho gaya tha jo mere liye sabse zyada hairat ki baat thi.
Mujhe khamosh aur moorkho ki tarah khada dekh wo halke se hasi aur fir mere chehre ke saamne chutki baja kar mera dhyaan apni taraf aakarshit kiya. Jaise hi maine uski taraf dekha to usne apni left bhaunh se chalne ka ishara kiya aur nitin ke sath club ke baahar ki taraf chal padi. Idhar uske chalte hi main bhi jaise uske sammohan me fansa uske pichhe pichhe chal pada.
Club se baahar aa kar ham teeno hi nitin ki car me baith gaye. Car ki driving sheet par nitin baith gaya tha jabki wo ladki uske bagal wali sheet par aur main pichhli sheet par. Mujhe samajh nahi aa raha tha ki ye sab kya ho raha tha? Halaaki mera zahen sakriya tha aur main bahut kuch bolna bhi chaahta tha lekin hotho se koi lafz nahi nikal rahe the. Main yahi soch soch kar hairaan tha ki ye kis type ki ladki hai jo itni bebaaki se itna kuch bol sakti hai?
Kareeb aadhe ghante baad car ek jagah ruki to main jaise khayaalo ke kisi gahre samandar se baahar aaya. Car se utar kar jab maine idhar udhar dekha to chaunk gaya kyoki ham shahar ke outer me the jaha ikka dukka makaan bane nazar aa rahe the. Unhi me se ek makaan us ladki ka tha. Aisa nahi tha ki maine ye jagah pahle kabhi dekhi nahi thi lekin ye jaan kar thodi hairaani ho rahi thi ki itni tip top nazar aa rahi ladki ka ghar aisi jagah par kaise ho sakta hai?
Main, nitin aur us ladki ke pichhe pichhe kuch hi faasle par nazar aa rahe makaan ke mukhya darwaze par pahuch gaya. Shahar kyoki kuch hi doori par tha is liye yaha bhi street lights ki roshni thi. Main nazre ghuma ghuma kar charo taraf dekh hi raha tha ki ladki ki awaaz sun kar palta. Mukhya darwaza khul chuka tha aur us ladki ke sath nitin bhi andar daakhil ho chuka tha. Ladki ki awaaz par jab main palta to usne muskura kar andar aane ka ishara kiya jisse main hadbada kar jaldi se andar daakhil ho gaya.
Andar aaya to ye dekh kar meri aankhe fati ki fati rah gayi ki makaan andar se behad hi saja sanwra tha aur bahut hi khubsurat nazar aa raha tha. Main soch bhi nahi sakta tha ki andar makaan ki situation aisi hogi. Nitin ja kar sofe par baith gaya tha jabki wo ladki saamne diwaar ke paas rakhe table se sat kar khadi ho gayi thi. Kuch der baad jab wo palti to uske hath me do kaanch ke glass the jinme sharaab bhari huyi thi. Dono glass liye wo palti aur muskurate huye pahle usne ek glass nitin ko pakdaya aur fir meri taraf badhi. Main ab tak thoda bahut uske sammohan se aur uske kriya kalaapo se samhal chuka tha is liye ekdam se satark ho gaya.
"Main sharaab nahi pita." Usne jab sharaab ka glass meri taraf badhaya to maine safed jhooth bola tha jis par uski muskaan gahri ho gayi thi. Aisa laga jaise wo palak jhapakte hi samajh gayi ho ki maine jhooth bola hai. Koi aur waqt hota ya koi aur situation hoti to main itne khubsurat saaqi ko inkaar na karta lekin is waqt main kisi aur hi maksad se nitin ke sath aaya tha.
"Fir to maza nahi aayega Prashant ji." Usne mera naam lete huye usi gahri muskaan me kaha to main man hi man ye soch kar chaunka ki use mera naam kaise pata hai? Saala jab se use dekha tha tab se mujhe wo jhatke pe jhatke hi diye ja rahi thi. Maine socha ki kya club me nitin ne use mere bare me bataya hoga? Main abhi ye soch hi raha tha ki usne aage kaha____"Nitin ki fikra mat kijiye, wo kuch nahi kahega."
Pata nahi aisi kya baat thi ki main dubara use inkaar hi nahi kar saka tha. Khair uske baad to meri koshish yahi thi ki main kam se kam sharaab piyu aur zyadatar hosh me hi rahu taaki main kisi tarah us ladki ke bare me jaan saku lekin meri saari ummido par us waqt paani fir gaya jab nitin bhi mujhe pine ke liye zor dene laga. Uske baad to wahi sab hota chala gaya jo nitin har raat uske sath karta tha ya ye kahu ki wo ladki nitin ke sath karti thi. Ham do mardo par wo akeli ladki bahut zyada bhaari saabit huyi thi. Ek ghante baad aalam ye tha ki ham dono ko hi duniya jahaan ki khabar na thi. Raat nashe aur behoshi ke aalam me us ladki ke us ghar me hi guzar gayi. Subah der se meri aankh khuli to dekha nitin sofe par baitha kisi gahri soch me dooba hua tha.
"Kis soch me dooba hua hai be?" Maine uski taraf dekhte huye kaha____"Mera to saala sir chakra raha hai."
"Main tere jaagne ka hi intzaar kar raha tha." Nitin ne bujhe man se kaha tha____"Chal ghar chalte hain."
"Ghar???" Main ekdam se chaunka, chaaro taraf nazar ghumate huye kaha____"Aree wo ladki kaha gayi?"
"Chali gayi." Usne bataya.
"Chali gayi??" Main fir chaunka___"Kaha chali gayi. Raat me to wo hamare sath hi thi?"
"Are abhi kuch der pahle gayi hai wo." Nitin ne kaha____"Mujhse boli koi kaam hai use lekin mujhe pakka yakeen hai ki wo mujhse jaan chhuda kar yaha se nikal gayi hai."
"Tu kya kah raha hai meri kuch samajh me nahi aa raha." Maine ulajh gaye andaaz se kaha____"Bhala wo tujhse jaan chhuda kar kyo jaayegi?"
"Wo is liye ki har roz ki tarah kahi main aaj fir se na usse shadi ki baat karne lagu." Nitin ne kaha____"Pichhle das din se yahi ho raha hai. Main jab bhi usse shadi ki baat karta hu tabhi wo mujhse wahi bandhan me na bandhne wali baate kahne lagti hai. Aaj usne socha hoga ki isse pahle ki main usse shadi ki baat karu wo bahana bana kar nikal jaye yaha se."
Nitin ki baate sun kar mujhe samajh me na aaya ki ab main usse kya kahu? Kuch sochte huye main utha aur us ghar me idhar udhar dekhne laga. Nitin meri ye harkat dekh kar bola____"Kuch nahi milega tujhe. Main kayi baar is ghar ki talaashi le chuka hu lekin usse taalluk rakhti koi cheez nahi mili mujhe."
"Aisa kaise ho sakta hai?" Main bahut zyada ulajh gaya tha____"Aakhir uske bare me kisi ko to kuch pata hoga."
"Uske bare me kisi ko kuch bhi pata nahi hai." Nitin ne kaha____"Main kayi baar tahkikaat kar chuka hu lekin koi faayda nahi hua. Club me hi pahli baar wo mujhe mili thi, is liye pahle maine yahi socha tha ki shayad club me koi use jaanta ho lekin aisa nahi tha. Sabka yahi kahna tha ki aisi kisi ladki ko wo nahi jaante aur na hi kabhi aisi ladki ko dekha hai. Kahne ka matlab ye ki kisi ko bhi uske bare me kuch bhi pata nahi hai."
"To kya wo har shaam ekdam asmaan se tapak padti hai?" Maine kaha____"Ya zameen faad kar nikal aati hai wo? Khair tune kabhi uska pichha nahi kiya?"
"Kayi baar kiya hai." Nitin ne gahri saans li____"Lekin isse bhi koi faayda nahi hua. Jane kaise wo har baar meri nazro se gayab ho jati hai. Laakh khojne par bhi nazar nahi aati."
"Fir to laude lag gaye beta." Main ekdam se bol pada____"Abe bhosdike kahi wo koi bhoot woot ya koi chudail to nahi hai?"
"Ye kya bak raha hai tu?" Nitin ki aankhe fail gayi____"Tujhe wo chudail nazar aayi thi? Saale mere sath tu bhi to uske sath raat me maze le raha tha?"
"Maze se yaad aaya." Achanak se mere dimaag ki batti jal uthi to bola____"Saale tu to usse pyar karta hai aur usse shadi bhi karna chahta hai na to fir tune mujhe uske sath maze kyo lene diya? Roka kyo nahi mujhe, balki tu to us waqt mere liye ek paheli sa ban gaya tha? Samajh me hi nahi aa raha tha ki tu uske saamne kuch bol kyo nahi raha?"
"Sirf uski khushi ke liye bhai." Nitin ne feeki muskaan ke sath kaha____"Wo kahti hai ki wo kisi tarah ke bandhan me nahi bandhna chahti is liye main use kisi bhi cheez ke liye nahi rokta. Is maamle me apne dil par patthar rakh leta hu main. Wo jo chaahti hai wahi karta hu, sirf is liye ki shayad ek din use mujh par taras aa jaye aur wo mujhse shadi karne ke liye raaji ho jaye."
"Tu sach me uske prem me pagal ho gaya hai bhai." Maine uske bujhe huye chehre ki taraf dekhte huye kaha____"Itna kuch hone ke baad bhi tu usi se shadi karne ka khwahishmand hai, ye badi hi ajeeb baat hai. Khair ab kya? Mera matlab hai ki ab tu hi bata ki uske bare me kaise pata kiya jaye? Waise main to yahi kahuga bhai ki tu uska chakkar chhod de. Simple si baat hai ki jo ladki apne bare me tujhe kuch bataati hi nahi hai balki ek mystery hi ban kar rahna chaahti hai aisi ladki ko paane ki tujhe hasrat hi nahi rakhna chahiye. Ye to had darze ki moorkhata hai."
"Tujhe kya lagta hai ki main ye sab nahi sochta?" Nitin ne ajeeb andaaz me kaha____"Har roz aur har pal apne aapko samjhata hu bhai lekin dil hai ki saala maanta hi nahi. Usse juda hone ki baat sochta hu to dil me bade zoro ka dard hone lagta hai. Suna to maine bhi bahut tha ki pyar mohabbat badi ajeeb bala hoti hai aur usi se hoti hai jo naseeb me nahi hote lekin ab iska kya karu ki sab kuch samajhte huye bhi apne dil ke haatho majboor ho kar main har keemat par usi ko apna banana chaahta hu. Main sach kahta hu bhai agar wo hamesha ke liye meri na huyi to main ji nahi paauga."
Nitin ki baate mere sir ke upar se ja rahi thi. Halaaki mujhe uski haalat ka ehsaas tha lekin meri samajh me ab ye nahi aa raha tha ki main kaise is asambhav kaam ko sambhav banaau? Zaruri ye nahi tha ki wo ladki kaun thi aur uska apna kaun tha balki zaruri ye tha ki use bhi nitin ke prem ka ehsaas ho aur wo uske prem ko except kare lekin jis tarah us ladki ka character nazar aaya tha usse aisa hona door door tak nazar nahi aa raha tha.
[][][][][][]
"Abe marna hai kya????" Raaste me achanak hi ek aadmi car ke aage aa gaya to nitin zor se break paddle ko daba kar cheekh pada tha. Asal me galti ham dono ki hi thi. Ham dono ka zahen us ladki ke bare me hi sochne me laga hua tha aur is chakkar me ye haadsa ho gaya tha.
Car rok kar ham dono fauran hi car se utar kar saamne ki taraf aaye the. Ek ajeeb sa aadmi car se thodi hi doori par gira pada tha. Halaaki car usse takraayi nahi thi lekin achanak se jab car uske saamne aa gayi aur break ki tez awaaz huyi to shayad dahshat ki vajah se wo sadak par ja gira tha. Maine aage badh kar use uthaya.
"Dekh ke nahi chal sakte the?" Maine us ajeeb se aadmi se kaha____"Abhi car ke neeche aa kar mar hi jana tha tumhe."
"He he he main to bach gaya." Wo aadmi ajeeb tarah se apni batteesi nikaal kar hasa____"Lekin tum dono nahi bachoge. He he he tum dono bahut jald maroge."
"Ye kya bakwas kar rahe ho tum?" Nitin gusse me bol pada tha usse jis par usne nitin ko sir se le kar paanv tak ajeeb andaaz se ghoora aur fir waise hi mujhe bhi ghoora.
"He he he pahle ye marega." Ham dono ko ghoorne ke baad usne pahle nitin ki taraf ungli ki aur fir meri taraf palat kar kaha_____"He he he fir tu marega. Wo nahi chhodegi, maar daalegi he he he."
Bada ajeeb sa aadmi tha wo. Jism par fate purane kapde. Bade bade uljhe huye baal aur badi badi daadhi moonche. Shakal se hi daraawna lag raha tha. Uski baate sun kar pahle to ham dono ne yahi socha tha ki wo pagal tha aur aise hi bol diya hoga lekin fir ekdam se jaise mere zahen me jhanaka sa hua aur bijli ki tarah khayaal ubhra____'Kya wo sach me paagal hai? Kahi wo sach to nahi bol raha? Wo nahi chhodegi, maar daalegi...aakhir kiski baat kar raha hai ye?'
"O baba ruko zara." Main ekdam se us pagal aadmi ki taraf lapka____"Tum kiski baat kar rahe the? Kaun nahi chhodegi hame aur kaun maar daalegi?"
"Abe tu bhi kya is pagal ki baat par aa gaya." Pichhe se nitin ki awaaz aayi to maine palat kar kaha____"Tu chup rah thodi der." Kahne ke sath hi maine us pagal aadmi ki taraf dekha____"Bataao baba aakhir kiski baat kar rahe the tum?"
"He he he wo nahi chhodegi." Mere puchhne par wo fir se ajeeb dhang se hasa____"Bhaag ja yaha se, he he he ye tu bhi bhaag ja."
"Please baba bataao na." Maine us aadmi se jaise minnat ki, mera dil ekaek buri tarah ghabra utha tha____"Aakhir tum kiski baat kar rahe ho? Kaun maar dalegi hame?"
"Das din baad." Wo aadmi kuch sochte huye bola____"Haan haan das din baad. Amaawas ko he he he amaawas ki raat tu marega aur tera ye dost bhi marega he he he jaldi bhaag ja yaha se."
Sach to ye tha ki us aadmi ki in baato se gaand fat gayi thi meri. Halaaki nitin ke chehre se aisa lag raha tha jaise wo us aadmi ko abhi do thappad laga dega. Shayad wo sach me use pagal samajhta tha jabki mere andar se baar baar ek awaaz aa rahi thi ki wo pagal aadmi bakwas nahi kar raha hai. Maine us aadmi ki badi minnate ki. Wo baar baar ajeeb dhang se hasta aur bhaag ja yaha se bolta jis par nitin ka chehra aur bhi gusse se laal hua ja raha tha.
"Please bataao na baba kaun hai wo?" Maine us pagal aadmi ke saamne apne dono hath jod liye____"Aur kyo maar daalegi hame? Aakhir tum aisa kyo kah rahe ho?"
"Chal mere sath." Us aadmi ne is baar thode alag andaaz me kaha.
Main us aadmi ke sath jane ko taiyar ho gaya lekin nitin ab mujh par hi gussa karne laga tha. Uska kahna tha ki main ek pagal ki baato me aa kar uske sath kyo ja raha hu? Maine nitin ko badi mushkil se samjhaya aur us aadmi ke sath chalne ke liye raaji kiya. Car ko sadak par hi chhod diya hamne. Main aur nitin us aadmi ke pichhe pichhe chal pade the.
Kareeb das minute baad ham dono uske sath chalte huye ek jagah par ja kar ruke. Left side thodi unchaayi par ek lakdi ka jhopda sa bana hua tha. Us aadmi ne hame us jhopde ke baahar hi rukne ko kaha aur khud lakdi ka toota sa darwaza khol kar andar chala gaya.
"Maine tere jaisa moorkh aur fattu nahi dekha." Nitin ne dheemi awaaz me lekin naraazgi se kaha____"Saala ek pagal aadmi ki baat sun kar itna dar gaya ki uske pichhe pichhe yaha tak aa gaya aur mujhe bhi le aaya."
"Tere sir par na us ladki ke ishq ka bhoot sawaar hai bhosdike." Maine is baar use daantte huye kaha____"Is liye tu kuch aur soch hi nahi raha lekin main teri tarah kisi ke ishq me baawla nahi hu samjha? Ab tu meri ek baat sun, wo ladki jiske ishq me tu baawla hai na wo mujhe thik nahi lag rahi hai. Kuch to gadbad zarur hai warna duniya me bhala kaun sa aisa insaan hai jiske bare me koi kuch bata hi na sake?"
"Matlab ab tu is pagal buddhe ki baat sun kar us ladki ko kuch aur hi samajhne laga hai?" Nitin ne mujhe ghoorte huye kaha____"Aur chaahta hai ki main bhi yahi samjhu?"
"Tujhe jo samajhna hai samajh." Maine kaha____"Lekin main ab ye dekhna chaahta hu ki sach kya hai?"
"Ye hai sach." Nitin ne gusse me apne land ki taraf ishara kiya aur dusri taraf muh fer kar khada ho gaya. Mujhe samajh na aaya ki wo itna chidh kyo raha tha?
Ham dono darwaze se thodi hi door khade the. Kareeb das minute baad wo pagal aadmi baahar aaya. Uske hath me kuch tha. Meri nazre uske us hath par hi chipak gayi thi.
"Ye le." Us aadmi ne meri taraf kaale dhaage me fansa hua ek tabeej badhaya jise maine le liya. Uske baad usne nitin ki taraf bhi waisa hi ek tabeej badhaya aur kaha_____"Tu bhi le."
"Mujhe nahi chahiye." Nitin ne ukhde huye bhaav se kaha____"Main in faaltu cheezo par yakeen nahi karta."
"Karega aur karna hi padega tujhe." Pagal dikhne wala wo buddha nitin ko shakht bhaav se ghoorte huye bola____"Agar yakeen nahi karta to aaj shaam ko yakeen ho jaayega. Rakh le ise, ye tujhe kha nahi jaayega."
"Kaise??" Main ekdam se bol pada tha____"Kaise baba aur ye sab aakhir chakkar kya hai? Please mujhe saaf saaf bataaiye na. Kya waisa hi kuch hai jiska mujhe shak ho raha hai?"
"Haan tu samajh gaya hai." Us buddhe baba ne kaha____"Ab ise bhi samjha de. Isse bol ki ye is tabeej ko pahan le."
"Par baba ye to bataaiye." Maine dhadakte dil ke sath puchha____"Kaun hai wo?"
"Kya karega jaan kar?" Baba ne ajeeb lahje me kaha____"Zinda rahna chaahta hai to is sabse door ho ja aur haan...is tabeej ko apne gale se mat utaarna. Chal ab ja yaha se."
Nitin ka bas chalta to wo us pagal buddhe ko pel hi deta lekin maine use control me rakha hua tha. Asal me wo in sab cheezo ko nahi maanta tha, yahi vajah thi ki wo us buddhe par gussa ho raha tha. Lautte samay wo baba ki di huyi us tabeej ko bhi fenke de raha tha lekin maine zabardasti us tabeej ko uske gale me pahna diya tha aur apni kasam de di thi ki agar usne mera kaha nahi maana to aaj ke baad hamari dosti khatam.
Ghar pahuchne par maine nitin ko is sabke bare me bahut samjhaya tha aur wo bahut had tak samajh bhi gaya tha lekin jaise hi shaam huyi wo club jane ke liye taiyar ho gaya. Maine use roka lekin wo na maana. Usne aisi baat kah di ki main bhi inkaar na kar saka. Us ladki ke prati uski bepanaah chaahat to thi hi jo use usse milne jane par majboor kar rahi thi lekin usne kaha ki ab wo bhi dekhna chahta hai ki sach kya hai. Agar us pagal buddhe ki baato me zara bhi sachchaayi hai to wo us ladki se ek baar mil kar is baat ko zarur parkhega.
Main aur nitin club pahuche. Nitin ka to pata nahi lekin main andar se thoda ghabraya hua tha. Nitin ke anusaar wo ladki har shaam apne fix time par hi club me aati thi, zaahir hai wo nitin se milne hi aati thi lekin time over ho jane ke baad bhi jab wo na aayi to nitin pareshaan ho gaya. Main to ye sochne par majboor ho gaya tha ki kya us pagal buddhe ka kahna sach tha? Halaaki us ladki ke na aane ki kayi vajahe ho sakti thi lekin maujooda waqt me mere zahen me bas yahi ek khayaal aaya tha. Ham dono tab tak us club me rahe jab tak ki club ke band hone ka time nahi ho gaya lekin wo ladki na aayi. Mere liye to ye achha hi hua tha lekin nitin behad mayoos aur dukhi sa nazar aane laga tha.
Agle ek hapte tak ham dono us club me jate rahe lekin wo ladki na aayi. Is ek hapte me nitin ki haalat kuch zyada hi kharaab ho gayi thi. Uske mata pita bhi uske liye chintit ho gaye the. Main samajh sakta tha ki nitin ki is haalat ki vajah us ladki se uska bepanaah prem hai lekin is bare me koi kuch nahi kar sakta tha. Ham dono us ladki ke ghar bhi kayi baar ja chuke the lekin wo waha bhi nahi thi. Pata nahi kaha gaayab ho gayi thi wo? Uske bare me jaanne ke liye main ek do baar us pagal baba ke paas bhi gaya lekin wo mujhe mila hi nahi. Waise ek tarah se ye achha hi hua tha kyoki isse kam se kam meri aur mere dost ki jaan ko koi khatra to nahi hone wala tha. Main jaanta tha ki waqt ke sath mera dost us ladki ko bhulane ki koshish karega aur ek din wo thik bhi ho jayega. Yahi sab soch kar main bhi apne kaam ke silsile me nikal gaya tha.
Mujhe gaye huye do din hi huye the ki mujhe ek aisi khabar mili jisne mere hosh uda diye the. Aisa laga tha jaise saara asmaan mere sir par aa gira tha. Main jis haalat me tha usi haalat me nitin se milne ke liye daud pada tha. Shaam ko jab main nitin ke ghar pahucha to dekha uske ghar me kohraam macha hua tha. Nitin ke mata pita dahaade maar maar kar nitin ke liye ro rahe the. Mujhe dekhte hi nitin ki maa mujhse lipat kar buri tarah rone lagi thi.
Main kisi gahre sadme me tha. Mujhe yakeen hi nahi ho raha tha ki mere bachpan ka dost is tarah mujhe chhod kar chala jaayega. Badi mushkil se main is sabse ubra. Police ko nitin ki lash shahar se baahar ek aisi jagah par mili thi jaha par koi aata jata nahi tha. Police ke anusaar nitin ki shayad gala daba kar hatya ki gayi thi lekin mujhe pura yakeen tha ki iske pichhe us ladki ka hi hath tha. Mere zahen me baar baar us paagal baba ki baate goonj uthti thi. Postmortem report jab aayi to usse pata chala tha ki nitin ki maut dam ghutne se huyi thi lekin hairaani ki baat ye thi ki uske jism me khoon ki ek boond bhi nahi thi aur na hi uske jism par kisi dusre byakti ke koi finger prints jaise saboot mile the. Doctor aur police khud in sab baato se hairaan the.
Police ne lambe samay tak kaafi tahkikaat ki lekin wo kaatil ko khoj na paayi thi. Main apne dost ki is akasmaat huyi maut se bahut hi zyada toot gaya tha. Ham dono ka bachpan ka sath tha. Khair ek din main uske ghar ja kar uske kamre ki talaashi le raha tha, uske mata pita bhi wahi the. Aalmaari me mujhe ek diary dikhi aur diary ke upar rakha hua wo tabeej jo us pagal baba ne diya tha. Tabeej dekh kar main sakte me aa gaya tha. Mujhe pura yakeen ho gaya ki mere dost ki hatya kisne aur kis tarah ki hai. Diary khol kar dekha to usme nitin ne apni dincharya likh rakhi thi. Uski diary me sirf us ladki ka hi zikra tha. Ek ek kar ke main page palatta gaya aur aakhir ke page par aa kar ruka. Usme likha tha_____
17 October 1990
Aaj pure baarah din ho gaye hain use dekhe huye. Uske bina ek ek pal jeena mushkil hota ja raha hai. Samajh me nahi aata ki kaha dhoondhu use aur kis tarah use apna banaau?
Mujhe ehsaas ho chuka hai ki jis din se maine us pagal buddhe ke is tabeej ko pahna hai usi din se mujhe uski mohini soorat ko dekhna naseeb nahi hua hai. Mujhe uski bahut yaad aati hai, dil karta hai ki palak jhapakte hi uske paas pahuch jaau. Mujhe lagne laga hai ki is tabeej ki vajah se hi wo mujhse naraaz ho gayi hai is liye maine is tabeej ko apne gale se nikaal diya hai. Main har us cheez ko khud se door kar duga jo cheez mere aur uske beech raasta rokne aayegi. Aaj shaam ko main fir se club jaauga aur mujhe yakeen hai ki aaj wo mujhse milne club me zarur aayegi. Jab wo mujhe milegi to main usse kahuga ki ab main uski judaayi bardaast nahi kar sakta is liye ya to wo hamesha ke liye meri ho jaye ya fir wo mujhe hamesha ke liye apna bana le.
Nitin ne iske aage diary me kuch nahi likha tha lekin iske bavjood ye samjha ja sakta tha ki uske sath kya hua hoga. Nitin ke mata pita ko maine short me sab kuch bata diya tha jise sun kar wo behad hi dukhi ho gaye the aur upar wale se jane kya kya kahte huye ro rahe the. Apne boodhe mata pita ka bas wahi to ek sahara aur aakhiri ummeed tha lekin is sabke baad jaise har jagah sannata sa chha gaya tha.
Mere dost ki hatya ki tahkikaat police kar rahi thi lekin main achhi tarah jaanta tha ki isse koi fark padne wala nahi tha. Mera dost jo chaahta tha wo use mil gaya tha. Khair, jeewan me koi kisi ka naseeb nahi badal sakta aur na hi kisi ke sukh dukh le sakta hai. Apni khushi aur apna gam insaan khud hi jhelta hai lekin maine soch liya tha ki main unka beta nitin banuga aur unka sahara banuga. Shayad isse unke dil ka dard thoda sa hi sahi magar kam ho aur upar kahi maujood mera dost bhi apne andar apraadh bojh jaisi bhaavna se bach kar sukoon ko praapt kare.
━━━━✦༺ The End ༻✦━━━━
lena best option hai. 
