Ye kahani hai Priya aur Sooraj ki. Dono ek dusre ke saath school me padte the. College me bhi dono saath the aur college me hi dono ko ek dusre se pyar ho gaya. Dono ka pyar ek dusre ke liye itna gehra tha ki college me sab jaante the ki inki marriage ho jaayegi. Aur ho bhi kyu na jab se inhone hosh sambhala hai aur inko pyaar ka mtlab samjhe aaya hai tab se inn dono ek dusre ko apna jeevansaathi maan liya hai...aur in dono ka rahne ka tarika aur ek dusre ke liye vo deewangi sabko ye samjhane ke liye kaafi thi ki ye dono ek dusree se sacha wala pyaar karte hai.
Dono ko ek dusre ki bhoutee jayada fiker thi. Yee kahna galath nahin tha ki ye do jism aur ek jaan the. Chote ek ko pahochti thi par dard dono ko hota tha. Jab ek baar Sooraj ka bike se accident ho gaya tha tab priya 1 mahine tak chain se so nahin paae. Dinn raat bus sooraj ka dhyaan rakhti thi. Usse kis time konsi medicience deni hai kab konsi tube lagani hai , sab ka dhyaan priya rakhti thi. Aur jab priya ko tonsil huva tab sooraj uska dhyaan rakhta tha....college ki canteen me jab bhi Priya Ice Cream khati thi to Sooraj use aksar kehta tha " Priya…Ice Cream mat khao, sardi lag jayegi" Sooraj Priya ki bahut care karta tha aur kabhi ice cream nahi khane deta tha. Kuch bhi jayada thanda ho ya koe khatai vo priya ko usse khane nahin deta tha...kyuki doctor ne priya ko inn sabhi ke liye mana kiya tha.
College khatam hone ke baad Sooraj ki ek acchi company me job lag gayi aura ab Sooraj jaldi se Priya ke saath shadi karna chahta tha...aur life mai settle hona chata tha.
Ek din dono saath me baithe the aur dono ne apne ghar marriage ki baat karne ka faisla kiya... ye faisla unhone bhoute pahle hi kar liya tha par dono ko darr tha aur vo bhi bewajah nahin. Dono alag alag caste se the , iss karan dono ko andesha tha ki agar undono ne apne gharwalo se shaadi ki baat ki toh vo inn dono ka milna bhi bande kara denge...iss liye dono ne graduation ka wait kiya aur ye decide kiya ki jab tak vo dono apne pairo par khade nahin ho jaate tab tak vo shaadi ki baat apne gharwalo se bilkul nahin karenge. Aur jab ab vo dono apne apne pairo par khade ho chuke the toh dono ne ye faisla kiya.
Dono ghar gaye aur dono ne apne-apne maa baap ko apne pyar ke bare me bataya. Dono ke rishtey me sabse badi rukavat thi unki caste. Sooraj pandit caste se tha aur Priya Rajpoot caste se thi. Jab Priya ne apne gharwalo ko Sooraj ke bare me bataya to wo bahut naraz huye lekin aakhirkaar maan gaye. Kyunki, unhone socha ki ladka padha likha hai aur acchi naukri bhi karta hai isliye unhe zyada problem nahi thi.
Jab Sooraj ne apni family se Priya ke bare me baat ki to unke oopar to jaise dukh ka pahad hi toot gaya ho. Sooraj ke pita ne is rishtey ke liye saaf mana kar diya. Lekin Sooraj Priya se saccha pyar karta tha aur har haal me usi se shadi karna chahta tha, isliye wo bhi zidd par ada raha aur usne ghar chodne ki dhamki de di. Itna sunte hi Sooraj ke pita ko heart attack aa gaya. Sooraj aur uski maa Sooraj ke pita ko hospital le kar gaye. Waha Sooraj ki maa ne bataya ki "Tumhare pita ne tumhare liye ladki dhoond li thi aur wo tumse baat karne wale the. Unhone ladki ke parivar se bhi baat kar li thi. Ab tum please Nisha se shadi ke liye maan jao"
Sooraj ek dharam sankate mai ghire gaya tha. Ek taraf uske pitah the jenhone aaj tak uski har khawaish puri ki. Usse aaj iss kaabil banaya ki wo apne pairo par khada ho sake. Uske pitah ne na jaane kitni taklif sahane ki aur sooraj ko padhaya aur kaabil banaya. Aaj sooraj agar kaamyab tha toh uske kaamyabi ke liye uski pitah ne bhoute kuch koorbaan kiya tha. Apna sapna..apna jeevan...sab kuch.
Wahi dusri taraf thi Sooraj ki dhadkan uski priya jeesne har pal uska saath diya. Sooraj ke har kadam ki prerna thi priya. Uske har kadam par prerna ne uska saath diya tha...jab jab sooraj ko jarurate thi prerna uske saath khadi thi.
Ab Sooraj esi dharm sakate mai tha, ki vo kise chunne. Agar vo priya ko chunta hai toh ek Aashique toh jeet jaega par ek beta haar jaaega...aur ho sakta hai iss haar ka bojh usse apne pitah ki mout se chukana pade.
Aur agar vo apne pitah ko chunta hai toh ek beta toh jeet jaaega par ek aashique mar jaae ga.
Priya wo ladki thi jisse Sooraj shadi karna chahta tha aur Nisha wo ladki thi jisse Sooraj ke pita uski shadi karvana chahte the.
Bete aur Aashique ke iss janug mai koe bhi jeete par haar toh sooraj ki hi honi thi. Agar usse apni zindagi roshan karni thi toh usse uski maa ke jeevan par grahan lagana tha...aur agar nahin toh apne jeevan par.
Aakhir pita aur pyaar ke bich sooraj ne pitah ko chuna... Sooraj haar gaya aur usne Nisha se shadi kar li.
Shadi se pehle Sooraj aur Priya ne ek dusre se phone par baat bhi ki thi, bahut roye the dono aur dono ne ye kurbani dedi. Sooraj ne apne pitah ke liye aur Priya ne sooraj ke liye. Priya ne sooraj se kaha tha " Sooraj , Maa -Baap badee naishbo se milte hai... hum bacho ke liye wo kitna kuch sahte hai ye hum andaza bhi nahin laga sakte...unhe taklif dekar hum kabhi kush nahin rah sakte...Jab humne pyaar kiya tha tab hum anjaane the par aaj sabkuch jaan kar apno ki kabar par hum ishq ki imaarate nahin bana sakte...Hum humesha acche dost rahenge par jeevansaathi bnne na ...humari kismate mai nahin"
Aur ye kah kar Priya ne phone cut kar diya uss raat dono koob roe the...aakho ke aasu sookh chuke the par dil tha jo chup hone ka naam hi nahin le raha tha.Waqt beeta par usse dine ke baad Sooraj ne Priya ko kabhi call nahi kiya aur na hi Priya ne Sooraj ko.
After 5 Years (5 Saal Baad)
Paanch saal baad Sooraj ke college ka reunion tha aur Sooraj ko bhi invitation tha. Isliye, Sooraj apni wife Nisha ke saath college reunion me jaata hai aur waha Priya ko dekhkar surprised ho jaata hai. Old memories uske dimag me ghoomne lagti hai. Priya apne husband ke saath aayi thi. Almost sabhi ki shadi ho chuki thi aur sab khush lag rahe the.
Reunion party ke end me Sooraj aur Nisha lunch kar rahe the. Unke saath me 2 seats bhi khali thi aur Priya ke husband ne Priya se waha baithne ko kaha. Abe k baar fir Sooraj aur Priya aamne saamne the lekin waha par sirf khamoshi thi.
Abhi Sooraj lunch kar hi raha tha ki Priya ice cream lekar aa jati hai aur khane lagti hai lekin tabhi Sooraj ke zuban se nikal jaata hai "Priya….ice cream mat khana varna sardi lag jaayegi.."
Priya aur Sooraj ek dusre ki taraf dekhte hai aur……. Silence…….
Sirf khamoshi………
Priya ke husband aur Sooraj ki wife sab kuch samajh jaate hai lekin kuch nahi bolte.
Friends, kya aapko lagta hai ki ye kahani yaha par end ho sakti hai? Nahi….Bilkul Nahi.
Sooraj ke pita ne apni zidd aur shaan ke liye sirf sooraj ki hi nahi balki 4 zindagiyan barbad kar di. Mujhe nahi lagta ki ye charo kabhi khushi se reh payenge. Yakeenan Sooraj aur Priya ek dusre se saccha pyar karte the lekin maa baap ki zidd kea aage haar gaye.
Par yaha Galath kon hai,
Kya Sooraj aur Priya galath hai?
Jenhone ne ye faisla kiya ki unki prem kahani ki kaamyabi se kahi jayada jaruri hai unke gharwalo ke khushiya.
Kya unke life partner galath hai?
Jo shayad apne maa baap ki baat maante huwe kisi anjaan se shaadi ke liye taiyaar ho gae.
Kya unke maa baap galath hai?
Jenke faisle galath ho sakte hai par unki niyate kabhi galath nahin ho sakti jo kewale apne baacho ka bhala chahte hai.
Kon Galath kon Sahi?
Jawab bus yahi ki pta nahin.
Isse kahani ko padh kar aap kya feel kar rahe ho comment me zarur bataye ga.
The End