Fantasy Kaisa Yeh Ishq Hai.... Ajab Sa Risk Hai......

[Aanand]

Is kahani ke original writer hain nain11ster..
mai ye kahani yahan copy post kar raha hun.

 

[Aanand]

Update:-1 ​

Yatrigan kripya dhyan de Pune-Indore Express ki platform sankhya badal dee gayi hai.. Ab wo platform number 2 ke badle 5 par aayegi.. Aap ko hui asuvidha ke liye hume khed hai...


Jaise hi yah announcement hua, 40-50 ladkon ki bhid ek sath hungama karte huye kahne lage... "Huhhhh !!!! Ye railway wale, kha-m-kha pareshan kar rahe"…


Bhid ko awaj sunkar police wale daure chale aaye, aur tabhi wahan par ek ladka khada hokar kahne laga... "Aap sabhi followers se nivedan hai ki jyada shor na kare, isse madam ko aur any yatriyon ko taklif hoti hai..


"Huh, in railway walon ko to bus announcement karne aata hai.. aapko hui asuvidha ke liye khed hai".. Jaise hi yah announcement hua Jivisha platform kramank 2 se uthkar 5 par jane lali...


Bla ki khubsurat, jiske chehre ki chamak itni tej thi ki aas pass ke log na chahte huye bhi uske chehre ko dekhne lagte.. uski wo nili aakhen itni madhosh kar dene wali thi ki jis par najar bhar dhal'kar dekh le, wahin apne sine par hath dhal'kar baith jaye..


Is hushn par uske sarir ki banawat, bilkul chharhara badan, patli kamar aur aakrshit karne wale uroj.. kul milkar jise dekh'kar ek bar to gahri shwans khinch'kar khud se hi sawal karne lago… "Kaun hogi ye".. baki khatrnak armano ki to charcha he chhod dijiye...


Railway ki announcement par Jivisha gusse me uth'kar jab platform number 5 ke ore ja rahi thi, uske piche jane wale aashikon ki koi kami nahi thi... Aisa lag raha tha ek jagah ki puri bhid khali ho gayi hai…


"Alexa khyal rahe koi mujhe iriitate na kare aur na hi ashlil harkat. Aur abhadr comments huye to fir"… Jivisha ithla'kar chalti hui, usi ladke se kahne lagi, jisne announcement ke baad ladkon ki bhid ko samjha'kar chup karwaya tha, aur unhe shant rahne ki hidayat diya tha...


Alexa:- Don't worry Jivisha, mere hote huye koi dusra aise karne ki himmat nahi kar sakta.. .


Jivisha ghur'kar apne bayen dekhti... "Alexa, are you joking"


Alexa:- No miss !!! Alexa is in the mood of flirting...


Jivisha:- Alexa ab mai tumse baat nahi karungi…


Alexa:- To fir khana nahi pachega tumhara...


"Alexaaaaaaaa"…. Jivisha dhime se nakiyati hui kahne lagi... Pratikriya me Alexa ne smile dete kaha... "Looking aweosme today, smile please"…


Jivisha mobile thi to Alexa uske ghar ke bahar ka network. Bahar jahan bhi wo hoti Alexa usse company deta.. Haalanki uska naam kya tha ye to Jivisha ne bhi kabhi nahi puchhi, lekin ek wahi cute sa ladka tha jiski company Jivisha ko bahut pyari lagti aur uske javab dene ke andaj ko dekhkar uska naam Alexa rakh dee...


Jivisha pahunchi platform number 5 par aur jahan wo baithi wahan charo ore achanak he bhid bhad badh gayi.. isi bich dhuvan udati aur horn bajati hui train bhi pahunch gayi.. Jivisha jakar B3 coach ke pass khadi ho gayi…


Train lagi aur train se Jivisha ki sabse pyari saheli, Nandni apna bag liye utar rahi thi... Nandni jaise hi niche utri... "Kaisi hai meri Nandu"… Jivisha pure utsah ke sath gale lagti aur utni hi fiki prakriya ke sath Nandni, Jivisha ke gale lagti khud se hi kahne lagi… "football he bana de mujhe"…


"Arreeeeeeee, tu to kuch bol hi nahi rahi"… Jivisha, Nandni se alag hote hui kahne lagi…


Nandni:- Maine socha pahle tujhe hi pura bolne dun.. kyonki mai kuch bolti to tu bich me rok'kar mujhe kuchh kahne lagti.. iss se achha mai sochi tujhe hi mauka de diya jaye…


Jivisha:- Tera to ilaj karwana hoga Nandu, bahut tane dena sikh gayi hai...


Nandni kya javab de kuch samjh me he nahi aaya isliye bade aaram se kahne lagi, "Ghar chalegi ya saari baten yahin par kar legi"…


"Haan-haan, ghar hi to le jane aayi hun tujhe.… Aaaaaaaaaaaa... Pagal andha kahin ka, dekh kar nahi chal sakte"….


Jivisha, Nandni se baat kar hi rahi thi ki tabhi ek ladka daudta hua aaya aur dono ke bich se dhakka dekar bhagne laga.. jaise hi Jivisha chillayi, takriban 40-50 ladke ek sath chillaye... "Sale Jivisha ko dhakke markar bhagta hai.. pakad sale ko"…. Aur dekhte hi dekhte ladkon ki bhid daud'kar us ladke ko pakadne ki kosis me jut gaye...


Nandni:- Ab ye mat kahna ki ye bhis tere followers hai..


Jivisha:- bilkul sahi samjhi hai.. inme se tujhe koi pasand ho to bata dena... Teri setting karwa dungi..


Nandni:- Duffer kyon pran lene par tuli hai... Meri shadi pahle se ho gayi hai..


Jivisha:- Yaad mat dila fir tu, chupchap shadi kar li aur mujhe bataya tak nahi..


Pass hi ek piller tha, Nandni us piller par apna sar patakti… "sala kisne tere dimag ka reset button dabaya hai, uska gala ghont dungi main"…


Jivisha:- Aree aree aree.. mujhe Azad karwane wale ka gala ghontegi to mai tera divorce karwa dunga..


Nandni:- Mera divorce baad me karwana pahle apne aashikon ko sambhal...


Dono jabtak baten kar rahi thi, tabtak Jivisha ke aashikon ki bhid ne puri mehnat karke us ladke ko pakad laya, aur lakar Jivisha ke samne khada kar diya.. itne me he ek ladka sharmate huye... "Jivisha ise maine pakda"…


Najren nichi karke wo apne aediyon se jamin ko maslate is kadar Sharma raha tha ki Nandni aur Jivisha apni aakhen badi kiye use he dekhne lagi…


Jivisha:- Bhai tum pahle khud ko to sambhalna sikh lo... Aur tum sab aise bhid laga'kar.… Please irritate mat karo.. wo Alexa kidhar hai..


Nandni:- What !!! Alexa …


Jivisha:- Yes Alexa..


Nandni, apna bag uthati.. "Bus kar bahan chal yahan se ghar chalte hai.. tera pagalpan to din-w-din badhta ja raha hai"..


Jivisha:- Chup'kar, Alexa where r ju....


Alexa:- Present here..


Jivisha:- Alexa yahan ke bidh ko kinare karke is ladke ko meri car me bithao, akele me hisab kitab lungi ki ye mujhe dhakka mar'kar bina sorry bole kyon chala gaya..


Ladka:- Dekho mera naam Vyom hai.. aur mere piche log pade the isliye mai bhag raha tha... Ab chhodo mujhe aur jane do..


Jivisha, us ladke Vyom ko upar se niche tak dekhti… "Achhe mast hatte-katte gabdu ho... Chehre se thode pareshan jaroor dikh rahe ho lekin itne bhi nirash nahi lagte ki apna naam vyog rakh lo"..


Vyom kandhe ko jhatakte huye khud ko 2 ladkon ki pakad se chhudate…. "Bahut hi ghatiya kosis thi joke karne ki, chhodo ab rasta do, aur apne namuno ko sambhalo"…


Vyom, Nandni aur Jivisha ko kinare karte huye wahan se nikal gaya.. Jivisha uski baat par kuchh der tak sochne ke baad… "Alexa abhi ye kya bol'kar gaya"..


Alexa:- Tum bahut badi jhalli ho.. duffer ki synonyms ho..


Jivisha:- Alexa !!!!


Alexa:- Tumne puchha to bataya..


Nandni Alexa aur Jivisha wala drama dekh'kar jod-jod se hansti hui kahne lagi… "Wo ladka gaya bhi aur tu khadi khadi dekhti rah gayi.. chal ab"…


Dono thodi hi der me ek bunglow ke bahar khade the, jispar swarn villa likha hua tha… Nandni subah-subah pahunchi thi aur pura pariwar hall me hi chay par mil gaya..


Nandni ko dekh'kar lagbhag uska pura pariwar ander hi ander hans rahe the, jiski gawahi un sabke chehre de rahe the... Nandni un sabko dekh'kar apna bag darwaje par hi patakti… "Hans lo aap log lekin koi is nautanki ko mat samjhana"…


Jivisha:- Oye tu kyon itna chidhti hai.. dekh post graduation hum kar nahi paye to 2 sal sath rahkar kar lete hai.. kaun si badi baat hai...


"O bawri meri shadi ho gayi hai tu samjhti kyon nahi... Aur teri bhi to.." kahte huye Nandni khamosh ho gayi...


Jivisha:- Tu chill maar mere bade papa, Sudhanshu Rajput, ke yahan tera wo doctor aa sakta hai tujhse milne ke liye, itni chinta mat kar.. aur fir 2 sal ki baat hai, Kasak ke sath yun nikal jayenge.. tu thak gayi hogi aaram kar le...


Nandni apna bag lekar upar chali gayi aur Jivisha sabke bich baith'ti hui kahne lagi.. "Papa mai kya soch rahi thi"..


Papa Himamshu... "Haan beta tu kya soch rahi thi"…


Jivisha:- Mai soch rahi thi ki post graduation ke sath-sath na mai IPS ki bhi taiyari karun..


Himanshu apni beti ki baat sunkar chay me biskut dubo'kar kuch der chhodte huye... "Jivisha beta is biscut aur chay ki kahani se tum kya sikhi"..


Jivisha:- Yahi ki koi to gahri baat hai jo aap is chay me ghul chuki biscut ke madhyam se samjhana chahte hai.. shayad ye previous year ke IPS interview me puchha gaya sawal hai na papa..


Jivisha ka jawab sunkar piche se khi-khi ki awaj aane lagi. Itne me Swarn Villa Ghar ke sabse chhota sadsya aur Jivisha ke bade bhaiya Ravi aur Bhabhi Nandita ka Beta Chirag, apna school bag uthaye, honthon par "Tera hone laga hun, jabse mila hun" geet gungunate chala ja raha rha tha...


Himanshu:- Chirag yahan aa..


Chirag:- Off O dadu kitni baar bola hun ki school jate waqt distrub mat kiya karo, mujhe der se school pahunchne ki aadat nahi...


Maa Priya Rajput:- Mera ladla pota, kitni pareshani hoti hogi na tujhe dur school jane me.. yahan pados ka school bhi ab higher secondary ho gaya hai.. mai soch rahi thi, sixth class se baki ki padhai yahin pados ki school se kar leta..


Chirag:- Are nahi dadi, aap logon ke liye ek din school deri se chala jaunga, koi badi baat hai kya?


Himanshu:- Chirag ek baat bata, ye maine biscute dali chay ke cup me.. isse tu kya samjha..


Chirag:- Mere sath timepass kar rahe ho taki main school deri se jaun.. jab baat sajis ki ho rahi hai to aaj is ghar me faisla ho hi jaye..


Chirag ki maa aur Jivisha ki bhabhi Nandita, Chirag ko aankhen dikhati... "Juban jyada lambi hoti ja rahi hai kya, chal chupchap school ja"..


Jivisha:- Huhh ! Acha nahi hoga mere bache ko kisi ne chheda to.. betu tu school ja.. papa aap kya kahna chahte ho sidhe kah do na, baat kyon ghuma rahe ho..


Himanshu:- Isme baat kya ghumana hai beta.. jaise chay me biscute dubo'kar mai time pass kar raha, waise tu bhi IPS preparation ke naam par time pass kar rahi. Pahle bina chit kiye koi to exam pass kar le.. IPS banegi... Charprasi bhi ban jaye na to paun dho'kar pi lunga..


Jivisha apne dono hath aage dikhati… "Bas Mukhiya ji, itni bejjati aaj ke liye kafi hai.. Ab to mai jabtak Ips nahi ban jati .. tabtak sochungi ki kya karna hai.. lekin aap yah mat samjhna ki mai ye baat bhul gayi... Mukhiya ji ab junoon si hogi IPS banne ki..


Priya:- Best of luck beta.. IPS na bhi ban saki to gum mat karna… PS to pahle se hai..


Jivisha, apni maa Priya ko sawaliya najron se dekhti... "PS ka matlab maa"..


Priya:- Wahi beta jo tere naam ke aage suit karta hai.. Pagli-Sanki Jivisha.. short me PS Jivisha..


"Huh".. karti hui Jivisha wahan se uth'kar sidhe pahunchi apne ksmre me, jahan Nandni bistar par leti thi.. Jivisha uske pass let'ti.. "Ac compartment se aayi hai, fir bhi leti hai, chal uth.. pahle kuch kha le fir sona"…


Nandni:- Subah bhukh lagi thi to station par daba'kar bread omelet khayi thi..


Jivisha:- Chal na uth bhi ja, kitna soyegi.. din me so lena na... Mujhe tere sath dher sari baten karni hai.. aur tumhare doctor se bhi..


Nandni:- Mai bhi bahut sari baten karna chahti hun, lekin abhi ek nap le lene de.. Mere compartment me ek family thi aur unke gode me baby.. bechara baby andhre me rota tha aur light par wo khelne lagta.. ab wo khel raha tha to halla-gulla hota raha aur natija mai bhi uth'kar baith gayi..


"Mai tujhe bahut miss kar rahi thi.… Achhe sath wale waqt kitni jaldi bit jate hai na"… Jivisha kuch pal khamosh hokar kahne lagi...


Nandni, Jivisha ke ore karwat leti usse dhyan se dekhti.… "Tujhe sach me uske bare me ek lamha yaad nahi"..


Jivisha:- "Mai teri dost hun ya wo Nischal, jo tu har din mujhse yahi sawal puchhti hai... Pahle mai teri baat sunkar sochti thi ki mere sath wo "Sadma" film wala haal hua hai jisme shree devi pagalpan se thik hoti hai aur Kamal Hasan ko bhul jati hai.."

"Sirf tere kahne par mai apne ander ye feeling lati rahi 'ki nahi jiski chahat sachhe dil ki hogi, usse mujhe bhi pyar ho hi jayega'.. Isliye mai kayi dino tak yahi manti rahi ki mera bhi ek boyfriend hai jise mujhe samjhna hai.. lekin hua kya.."

"Kahan hai tumhara Nischal..… Kabhi-kabhi Nischal ke naam par tu mujhse khaffa si dikhti hai.. tere ander dikhta hai ki tu uski kami si mehsus karti hai.. Kya rishta kya nibhaya usne... Mujhe yaad nahi shyad mai pagalpan ka shikar thi, to fir wo kahan hai aur usse kyon kuch bhi yaad nahi.."

"Sach to ye hai ki wo jo koi bhi tha, uske jindgi se wo hisse gayab ho gaya, jisme hum the. Aur meri jindgi se un logon ka.. ek bus bich ki kadi tu bachi hai, jise sab yaad hai lekin koi fayda nahi, kyonki sachai tu bhi janti hai.. wo nahi lautega.."

"Mai to uske bare me yah bhi nahin kah sakti ki bhul'kar aage badh jati hun. Kyonki jab dimag me koi tasveer hi nahi to kya hi kar sakti hun mai.. bus tere liye mayus hai dil.. kyonki ek dost ki kami tumhe mehsus ho rahi aur mere rahte meri bahan aisi kami mehsus kare, aisa bhala ho sakta hai kya.. isliye tera rona band.."

"Haan samjhti hun ki ab tujhe jindgi ke dusre maze mil rahe kamini. Tu apne us nirdayi dost ko jo mujhse bhi badh'kar tha, usse tu apne pati ke sath chipak'kar bhi yaad kar sakti thi.. lekin mere pass tere wo bhi maze khatm.."

"Lekin janeman.. Are O Jumma, Meri Janeman.. jarra idhar to najre daal de.. Chumma De De Chumma… "


Kahti hui Jivisha apne honth dhire-dhire badhane lagi... Nandni hadbada kar uth'ti hui Jivisha ko takiye marti… "Tu kitni bhi sensible baten kar le, ant me aukaad par utar hi aati hai.…"…


"Abhi to sirf aukaad par utri hun janeman.. aage aage dekhti ja.. dil jigar jaan kahan kahan mai utarti hu"…


"Ae pagal.. tu dur hat.. lipatna-chiptna chhod"


"Ek dost to hun mai, to ab pati ki hi yaad aayegi na... La uss kami ko bhi puri kiye deti hun..."


"O jhalli.. bus kar tere rahte kisi ki yaad aa sakti hai kya... Mera bachpan laut aaya"…


"Pakka na... Ya jawani ke overdose ab bhi chadha hai"…


"Ab ye Jawani ka overdose matlab"


"Har baat ka matlab ho, kabhi-kabhi lay me betuki baten nikal jati hai.. punchline dekh bus.. jawani ka overdose.. mast hai na"..


"Tu pagal ho gayi hai"…


Kuch hi der me dono ki hansi us kamre me gunjne lagti hai... aur chahakti hui Jivisha ko dekhkar Nandni muskurati hui khud se kahne lagi… "Shayad aaj tunhare sawalon ka jawab nahi mere pass aur shayad kabhi na bhi ho, kise pata.. tu to hai na mere pass, mai isi me khush hun… wo bhi jahan ho khush rahe..."

 

[Aanand]

Update:-2 ​

Somewhere In Universe...

Fauj ke kayi 5 bade-bade jahaj ek unknown planet par utar rahe the.. Har viman ke upar saaf aksharon (word) me likha hua tha.. "Middle State Of Aizem Planet"…


Sare viman kisi Aizem Grah ke Madhya Rajya se the, jinke hajaron ke tadat ki sainya tukdi us jagah par utar rahi thi.…


Viman ke land hote hi sainik apne viman se bahar utar'kar ek katar bana rahe the. Har sainik jaise hi us jamin par apne paun rakhta, bus itna hi khyal unke man me aata, "Kya manhush si jagah hai"


5 katar me tukdi khadi thi, aur har sainik umda technology se laish hathiyaron ke sath khade the... Har katar ke sabse aage me uss tukdi Front Officer khada tha, aur un 5 Front Officer ko command dene ke liye ek Suzerain thi.


Sabhi soldier jabtak katar laga rahe the, Suzerain Meerasi apne ek chief officer Nizal ke sath char kadam chal'kar us jagah ka muvayna karne lagi.. khusk hawa, hawa me ret ke kan.. charo ore bilkul tapa dene wala tapman aur jahan tak najar jaye kewal ret hi ret...


Kuch hi samay me puri tukdi katar me thi, Nizal bhi aakar apni team ke sath khada ho gaya.… Aur Meerasi apne tukdi ko mission samjhati...


"Aizem ki Uttari seema walon ne humare rajya me isi planet ke kisi janwar ko chhoda tha.. Us janwar ka tracker tum sabke screen par flash ho raha hai... Har tukdi ko uss janvar ko chhip'kar dhundhna hai.. anukul mauka dekh'kar usse maar dalo aur sabse aham baat.… Uttari seema wale iss kshetr me ghuse the, is baat ka sboot dhundh nikalo, chalo jao jao jao jaldi se jao"…


Meerasi sabhi soldiers ko command dene ke baad apne commanding viman me gayi aur wahan se har kisi par najar banayi hui thi.. jaise-jaise ye kshetr explore ho raha tha, Meerasi ko apne air-conditioned viman me bhi pasine aane lage the...


Soldier tukdiyon ki vaman jaise-jaise us kshetr ko scan kar rahi thi, kafi visamtayen aur khuffnak si jagah dikh rahi thi.. Har 50 kilometre par yahan ki jalwayu aur kshetr puri tarah se badla hua tha...


Retila ilake ke samapt hote hi ek bahut lambi aur utni si chaudi nadi wahan se gujarati thi, jiske pani ki dhara itni tej thi ki wo ummid ke pare the.. Uske thik aage jungle aur pahad shuru hote the, jiske pedon ki unchai aasman chhute the.


Jungle bhi kafi ajib, jiske bare me na to aaj tak kabhi dekha aur na hi suna... Har ped takriban 2000 fit mota aur 8000 se 10000 fit uncha tha.. aisa lag raha tha building ke badle yahan ped hi khade rahte hai...


Unki sakhayen itni moti thi ki aisa lag raha tha wo sakha na hokar, 1000 sal purana koi bargadh ka ped nikla ho dayen bayen se.… aur har sakha par viman ke barabar ki chidiyon ne jaise ghosla bana rakha ho...


Shwansen to tab ruk gayi, jab soldier aircarft ko achanak hi dayen-bayen puri takat se modne pare, kyonki junglon ke aage badlon se bhi unche pahad the, jinme se kayi to sakriya jwalamukhi the...


Meerasi, apne opretor ko dekhti hui... "Kya isliye is planet ka naam, Final Planet rakhe huye the kyonki iski jamin par ruke to hum apne final place ko dekhenge"…


Operator:- Meerasi mujhe nahi lagta ki yahan ki jamin par utarkar, yahan ke kisi janwar ko le jaya bhi ja sakta hai... Wo janwar yahin ke kshetr ki kisi antriksh yatri ki galti se apne elaake me pahuncha hoga."…..


Operator aur Meerasi dono baat kar hi rahe the, tabhi samne ke screen par jaise hi najar gayi, Meerasi chillati hui kahne lagi.… "Abort the mission"… "I repeat abort the mission"…


Najron ke samne kaleja chid'kar bahar nikal aaye aisa drishya tha. Dur-dur tak jahan najar jaye bada sa sapaat maidan, jahan par the Final Planet par basne wale jiv...


Koi apne kaamsutra me laga hua tha, to kayi aapas me khel rahe the.. maidan ke is bhag me halke laal rang me nar aur halke pile rang me madayen thi, jo 5-6 ke jhundh me the aur aapas me kayi sare kamo me sanlipt the...


Maidan ke is hisse me kya ho raha tha uska aaklan karna bilkul hi muskil tha, kyonki ek najar jo wahan ke jiv ko dekh le, wo heart attack se mar jaye... Sabhi stanpayi (mammals), apne dono paun par khade hone wale.. nar ka pura sharir halke balon se cover the..


Unke sarir ki banawat to insano ki tarah hi thi.. purn nange insan jis swaroop me milenge, unki roop Rekha aur banwat bhi waisi hi thi.. kewal jo anter tha wo uske sharir ka rang jo halke laal aur halke pile rang ka pratit hota tha.. aur unka aakar...


Aakhen fat jaye unka aakar dekh'kar, kuch aur fat jaye dekhkar wo to anterman ki pukar hai. Baharhaal jo najron ke samne the... unka aakar kuch yun tha ki paun ka ek panja 15 fit ki lambai ka hoga.. unka sarir kam se kam 30 fit ka ilaka gher leta ho, aur unki lambai kam se kam 200-300 fit to hogi hi... dekhkar hi shwans tham jaye..


Alag-alag disha se urr'kar jaise hi pancho viman us maidani ilake me the, sabki fat'kar hath me aa chuki thi... Meerasi abort the mission kah to rahi thi, lekin wahan khel rahe bachon ne jaise koi urrta hua khilona pakad liye ho.. pal bhar me hi pachon viman wahan khel rahe bachon ke hath me thi, aur pal bhar me hi sab jamin par..


Jaise hi yah ghatna hui, wahan ke kuch niwasi ne dekha aur sab ek sath chillane lage... Kaan faad wo chillana tha, jise sunkar kya-kya fat chuka tha viman me baithe sainikon ka, wo to wahi achhe se explain kar sakte the. Un giant insano ka samanya roop se baat karna hi behra kar de, fir to ye log jod-jod se chilla rahe the...


Mission abort hone se pahle hi pachon viman chhatigrast hokar maidan me the aur charo ore se unhe giant insan ghere... "Sabhi abhi bahar aa jao"… Itna kahkar ek giant insan ne pachon viman ke bich khali jagah me mukka maar diya...



Mukka parne se jo wahan kampan aur awaj paida hui, uske bhay se sabhi apne viman se bahar nikal aaye.. har kisi ke chehre par dar saaf dekha ja sakta tha.. kayi sainikon ke halakh sukh chuke the to kayi apni paint gili kar chuke the…


3000 hazar ki bhid me chand logon ko chhod diye jaye to sab yahi soch rahe the ki paun ke niche kuchle jayenge ya chutki se masle jayenge..


Meerasi yah najara dekhkar oprator ko missiles activate karne boli aur viman ko unke ilake me lene ke liye kah di.. Meerasi ke order turant follow huye... 2000 fit ki unchai par Meerasi ne apne viman sthir ki aur upar se announce karne lagi... "Hum dushman nahi hain dost hain.. hum yahan kisi ko nuksan pahunchane nahi aaye, humare logon ko jane do"


Meerasi ki awaj niche pachon viman me lage bhonpu se gunjne lagi, jise sunkar wahan ki fijaon me paglon wali hansi gunjne lagi… Ek giant insan ne jhuk'kar apne mutthi me 4-5 sainikon ko utha liya aur uske pass wale uske sathi ne uske hatheli par tali baja dali...


Sabhi soldirs aise hatheli par chipak gaye jaise machhar ko markar chipka diye ho.. aur wo giant insan apni hathli wahan ke khade viman ke ore kar diya.. Meerasi ka khun puri tarah se khaul gaya.. ataack ke aadesh dekar Meerasi ne apne viman me loaded chhote missaile se humla kar di..


Niche se goliyan barasni shuru hui aur upar ke viman se missile... 5 minute me hi wo ilaka dhuwan-dhuwan ho chuka tha. Meerasi operator ko rukne kahi aur dhuwa chhatne ka intzar karne lagi..


Jaise hi wahan ka dhuwan hata, samne giant insan khamosh khade the.. unme se ek ne fir se apne hatheli par 4-5 soldier ko rakha aur uska dusre sathi ne tali dete huye sanbko hatheli par chipkate huye kahne laga… "Yahan kewal tumhara bahubal kaam aayega, baki ke hathiyar Jin tatvon (ingredients/chemical) ke bane hai yahan ke jalwayu unhe un tatwon me ghol degi"…


Meerasi ko aisa laga jaise wo sadme me na kahin chali jaye.. test karne ke liye usne ilaka saaf karne wala missile chhod dee, jo 20 kilometer ke kshetr ko malwe me tabdil kar deta, bina dimag me dusra khyal laye ki niche wahan uske log fase hai..


Missile chhuta aur agle hi pal kewal wahan dhwan hi dhuwna tha aur dhuwan jab chhata tab is baar sabhi giant hans rahe the. Is baar 10 giant ke hateli par takriban 150 se jyada soldier...


Tabhi achanak wahan hooting hone lagi.. sabhi soldiers ek sath chillane lage.. hatheli par bhi jo khade apni maut ka soch rahe the.. wo sab bhi siti bajane aur hooting karne me lage the…


Haan unki awaj bahut dhimi giants ke kano me ja rahi thi, lekin jaa jaroor rahi thi... Upar aasman me jab unhone dekha to Meerasi ki viman ke sath dusra viman bhi pahunch chuka tha... Unhe aisa laga jaise us viman se koi chhoti si chij chhalang laga'kar niche kudi hai, jo teji se unke ore badh rahi hai...


Niche sainikon ki dhimi aa rahi hooting par wo sab hansne lage, mano kah rahe ho "pagal kahin ke" aur agle hi pal har hatheli par tali tokhne ke liye unka dusra sathi taiyar tha...


Ye bada sa 20 fit ka panja hawa me ek sath aur agle hi pal aise laga jaise wahan ke mahol me khamoshi si chha gayi... 10 giant jo apne hath upar kar chuke the, jabtak apne hath niche karte, kisi ke bahubal ne un giants ki pariksha leni shuru kar di thi...


10 giant jo hath uthaye tali marne ko taiyar the.… ek ke baad dusre aur fir teesre ne mehsus kiya ki ek hawa ka patla jhonka unke pass aaya aur gaya.. aur itne hi der me unka vishal, sharir sar se lekar paun tak, kayi hisson me bantkar khun ki dhar chhodte huye jamin par gira para..


Uss Bahubali ne tabahi ka yah manjar, sabhi giant ke palak jhapkne se pahle hi dikha chuka tha.. 10 uthe hath jo apne sathi ke hath par tali ki thap dete. Wo sabhi hath niche aane se pahle kat chuke the...


Kisi bhi giant ke muh se awaj nikalne se pahle hi bhadi bhadkam maans ke lothre maidan me the, aur ek ladka apne logon ke bich sina tane khada tha, jiske bade se khanjar se khun tapak raha tha…


Sabhi sainik wapas se hooting karne lage.. charo ore.. Nischal, Nischal, Nischal, Nischal... ki gunj hone lagi…


Pal bhar ka hi samay to liya tha Nischal ne aur 200 se 300 fit se unche 10 tower ko wo apne khanjar se mahaj chand second me chid-faad'kar niche jamin par gira chuka tha... Unke pass itna waqt bhi nahi tha ki apni maut ki pira par chilla de.. Na hi Nischal ne unhe itna waqt diya ki pahle wale giant ke ander jab wo khanjar dal raha tha, to aakhri wala apni tali ki thap de de.. aisa laga jaise slow motion me 10 hath niche aa rahe the jo inch dar inche niche aate-aate kat fat'kar bikhar gaye...


Gahri si chinkhen aur gusse se pagal giant insano ka swaroop pal bhar me aaya.. aur tabhi Nischal apne viman me lage bhonpu se sabko sunane laga...


"Doston ye kanjar beraham hai... Ek baar jab katna shuru karti hai to fir tum dekhoge ki tumhari aabadi kam ho rahi hai, lekin kuch kar nahi paoge... Charo ore bebas sa mahol hoga aur mai tumhe chinkhne ka bhi waqt nahi dunga"…

"Mai har safar par apni aakhri manjil soch'kar nikalta hun.. jise bhi mere khanjar ka shwad chakhna hai wo aage aa jaye.. Aur yadi aisi chahat na ho to humne aapas me bahut khun baha liya, koi hai jo baat kare ya fir tum sabko kaat'kar hi mai apne logon ko yahan se le jaun"…

 

[HAKIM]

for starting this fabulous story

 

[HAKIM]

i love this one

 

[Aanand]

for starting this fabulous story

Thanks brother

 

[Aanand]

Update:-3 ​

"Ek Viggo Sigma (Viggo ek prakar ka samuday hai, aur Sigma uske ander ki classification) mere kshetr me.... Sab pichhe hato abhi"…. Sabse piche se ek mota tagda, pet nikla hua giant chala aa raha tha.. Usne kuch ishara kiya aur pass kadhi ek giant ne apni hatheli jamin par faila'kar usse apne hatheli par chadhne ke liye kahne lagi.…


Nischal apne khanjar ko saaf karke apne kamar me dala aur hatheli par khada ho gaya... Wo ladki apni hatheli ko uncha karke Nischal ko apne sar par rakhne lagi.. Ijjat matr ke liye Nischal apne paun ke boot khol'kar niche gira diya aur wo us yuvti ke sar par khada tha...


Haalaki sab to wahan par daitya hi the lekin unke samuday ke hisab se wo ek tond nikla hua vridhh tha, shayad apne kshetr ka mukhiya... Nischal jab us ladki ke sar par baith'kar uss mukhiya ke samne aaya, Nischal ka size uske naak se bhi chhota lag raha tha…


Mukhiya apna parichay dete huye kahne laga... "Main BoYo hun, Final Planet ka shashak. Apne aane ka karan batao.. kya tum bhi unme se ek ho jo humari duniya ko explore karke sabke samne rakhna chahte hain"…


Nischal:- Nahi BoYo... Humare kshetr me upadrav macha'kar ek janwar is planet aaya hai... Haan pahle janwar hi laga tha kyonki andhere me kewal sabne uska size dekha tha, thik se pahchan nahi hua.. yahan aakar samjh me aaya ki wo tum me se koi ek hai"…


BoYo:- Tracking device yahan kaam kar raha hai.. kamal ki technology hai fir... Thik hai track karo ki wo kaun tha, aur koi sewa humare kshetr se..

Nischal:- Nahi, mujhe bus itna pata karna hai ki wo kiske kahne par humare Middle State me pahuncha tha… ya fir bhatakte huye aaya aur galti se usne upadrav machaya hai...


BoYo ne turant hi apne logon ko ishara kiya … kuch sainikon ko wo giant manav apne kandhe par bitha'kar unke bataye disha me chalne lage... Idhar Nischal aur BoYo aapas me baten kar rahe the..


Tabhi achanak us yuvti ne chhink diya aur sir par palthi laga'kar baitha Nischal, jhatak'kar fisal gaya.… "Areee, balon chameli ka tel laga rakhi thi kya"…


Nischal fislate huye kahne laga aur kuch pakad'kar wo khud ko jamin se girne se bachaya... Ye kuch aur nahi balki Nischal uss yuvti ke stan ke nipple ko pakad'kar jhul raha tha... Jaise hi Nischal idhar jhulna shuru kiya, upar us yuvti ne kuch to apne chehre par erotic expression laye thi, jise dekh'kar ek yuvak gusse me aage aaya aur Nischal ko mutthi me daboch'kar apne sar par rakha. Nische khade uske sabhi sathi yah dekh'kar hans rahe the.. Hans to us samuday ke log bhi rahe the, jo itne chhote se insan ki pakad ke karan apne hi samuday ki ek ladki ko madak bhawanyen lete dekh liya…


Khair kuch der ki sabki hansi aur us yuvak aur yuvti ke chidh ke baad, ek baar aur BoYo aur Nischal ki baten shuru ho chuki thi.. Kuch samay bitne ke baad mamla saaf ho chuka tha.. Final Planet ke antriksh khojkarta ne emergency landing li thi.. aur jabran uss kshetr me ghusne ke karan saari ghatnayen hui...


Nischal aaschrya se kahne laga... "Ek to planet ki hawai seema langh gaye upar se kshetr me jabran landing... Humne to kabhi kisi antrikshyatri ko emergency landing ke liye nahi roka..."


BoYo bahut vinamrta-purvak javab diya... "Hum kaise dikhte hai ya hum kya hai, ye hum jahir nahi hone dena chahte.. Isliye emergency ke waqt yadi koi chara na ho to khud Universe ocean me kud'kar jaan de do, ya jabran ghuskar kaam khatm karo aur laut aao… Planet Privecy Policy...


Nischal:- Lekin mai to yahan se apne logon ko lekar jaunga.. Aur ye hokar rahega..


BoYo:- Tum pahle Viggo nahi ho Nischal, jo yahan se jinda jayega... Kayi 100 varsh purv yahan pahle bhi Viggo aa chuka hai.. haan lekin tum usse kayi guna jyada khatarnak ho... Lekin tumhare sathiyon ke liye afsos hai.. wo ye jagah chhod'kar nahi ja sakte.. wo yahan surakshit hai uski jimmedari mai leta hun..


Nischal:- Prastav to achha hai BoYo, lekin kuch mamlon me mai pichhe nahi hat'ta..


BoYo:- Hmmm ! Thik hai kuch mamlon me hum bich ka rasta nikal lete hain... Tumhare upar hi chhodta hun, kuch aisa karo ki inki kahi baten matr kalpna lage…


Nischal:- Kewal Mera viman Final Planet par aaya.. Ab jab mere log yahan pahunche hi nahi to wo kuch bhi kah nahi sakte ki yahan kya dekha...


Takriban 2 ghante aur 5 technician ke sath milkar, Nischal ne sabhi chhatigrast Viman ko urne layak bana diya... BoYo se vidai lekar sabhi viman wahan se ek katar me urr chale...


Nischal ka viman apne 2 pilot 20 viman karmchari aur 2 mehmano ko lekar urr raha tha.. Meerasi, Nischal ki mehmannawaji khushi se swikaar karti uske sath ja rahi thi...


Meerasi, hot shower lene ke baad taiyar hokar jaan bachane ke liye Nischal ko dhanywad kahne chal dee... Patle sifon ke halke pardarshi libas me wo ek kamayani lag rahi thi, jise dekh'kar Nischal ke karamchari aahen bharne lage aur Meerasi sabke armano ko jalati, Nischal ke kamre me...


Nischal, Meerasi ko ek jhalak upar se niche dekhte... "Meerasi, kafi khubsurat lag rahi ho"..


Meerasi, Nischal ke bistar ke ore badti hui apne badan ke kapde ko wahin jamin par giraati uske bistar par baith'ti... "Aise aur jyada khubsurat lagungi"… Nischal bina der kiye uske upar toot para..


"Aaaaaaahhhhhh... Nischalllll... Ummmmmmmmm.… Aahhhhhhh... Ufffffffff... Harderrrrr, nischallll.… Aaahhhhhhh"… Bahar khade Nischal ke dono karmchari lagatar 2 ghante tak bus yahi sunte rahe aur jale se arman liye ek dusre ka muh dekhte rahe...


Ander dono hafte huye bistar par hath failaye the... Meerasi uth'kar cigerattee ke ek kas khinchti.… "Maza aa gaya Nischal, aur tumhe"…


Nischal:- Apna to nara hi hai, aapki khushi me hi humari khushi hai…


Meerasi:- Haan baant lo khushiyan jab tak baant sakte ho.. Serin (Nischal Step sister) tumhari jodi banane ki soch rahi hai. aur uska kahna tha ki Viggo ke rashm anusar jodi banayegi..


Nischal:- "Viggo ki jodi banane ki koi rashm nahi hoti, balki ek sache pyar ke sath wo apne aap puri rashmon ke sath jodi bana leta hai ya bana leti hai, fir uske liye kisi samaroh ya khas mauke nahi dekhne parta"….

"Sache prem me dube do dil jab rashmon se bandhte hai to us alokik raushni ki prawah darsha jati hai ki uska dil mujhme dhadak raha hai aur mera dil uske sine me.. Fir uske bina mere jivan ki kalpna nahi ki ja sakti aur mere bina wo jivit nahi rah sakti... Ek Viggo ki sachi Mohabbat.. sunne me kitna achha lag raha hai… lekin mere jivan me Serin ke alawa koi sacha nahi mila aur yahi ek matr satya hai.. kya tum kuch der mujhe akela chhod sakti ho.…"



Meerasi use akela chhod'kar wahan se chali gayi... Nischal gahri shwans lete kuch varsh purv ki ghatna par sochne laga jab bachpan se kuch bhi achha na chal rahe uske jeevan me bada sa toofan aaya... Aur jab hosh aaya to wo toofan ja chuka tha… Uski bahan Serin kafi khush thi aur Aizem ke charo ore khushiyon ki lahar thi..


In khushiyon ko lautane wala bhi wahi Nischal hi tha jise Serin ne pura samarthan diya.. Lekin dono me se kisi ko yaad nahi ki uss waqt hua kya tha.


Dono kabhi-kabhi baith'kar inhi bato par charcha karte aur kahne lagte... "Bhale us daur ke panne dimag se kisi ne fad diye ho, lekin humne jaisa apne rajya ki kalpna ki thi ye usse kahin behtar hai… afsos kewal jaal mahal ka ho raha aur mujhe yaad nahi ki mera Viggo viman kahan hai"


Meerasi ki baton se Nischal ko bus yahi khyal aata raha… aur fir ant me ek chhota sa armaan.… "Kya kabhi sacha prem mujhe bhi hoga, jaisa Viggo ki kahaniyon me hota hai"……


_______________________________________



India Pune.…


Jivisha, Nandni ke sath Subah-Subah hi Kasak ke ghar se chal dee, takriban 1 ghante ki driving ke baad dono pahunch chuke the Jivisha ke bade papa ke ghar... Jaise hi car ek bunglow ke samne ruki, Nandni, Jivisha ko ghurti... "Pahunch gaye gaanv"


Jivisha:- Nahi baba, bade papa rahte gaanv me hi the, lekin yahan bhi makan ka kaam chal raha tha to 2 sal pahle shift kiye hai.. tab shayad mai kahin gayab thi...


South Pune City ke ilake me chhota sa bunglow jiske aage 'Kanak Villa' likha hua tha. Dono darvaja kholkar dakhil hui.. jaise hi hall me pahunchi, achanak hi Jivisha ke muh se jod se nikal gaya... "Subah-Subah ladki dekhne kaun aata hai"..


Darasal jaise hi Nandni aur Jivisha ander pahunche, Kasak puri tarah saji hui hall me baithi thi. Ek ore se Kasak ka pura pariwar aur dusri ore se ladke ka pariwar aur ghadi me waqt ho raha tha, 8.30 A.M.


Jivisha ki baat sun'kar dono paksh wale fiki-fiki muskan dene lage aur Nandni budbudati hui kahne lagi... "Jhalli, volume to check kiya kar"..


Jivisha:- Are yaar subah ke 8.30 baj rahe hain, tu samjh rahi hai…


Nandni:- Chup ho ja jarra comedy queen...


Jivisha ke bade papa Sudhanshu, sabko Jivisha ka parichay karwate kahne lage… "Ye mere chhote bhai ki beti Jivisha hai, aur uske sath uski dost Nandni khadi hai"..


Tabhi gumsum baithi Kasak anayas (suddenly) hi kafi jod bol pari.… "Papa ye meri bhi to"….. itna bolkar shayad khyal aaya ki kahan baithi hai, to apni awaj normal karti... "Meri bhi to dost hai"


"Haan aur ye teri gurumata"… Nandni, Jivisha ko dekh'kar dhime se kahne lagi aur dono chup chap kamre ke ander ghus gaye.…


Takriban aadhe ghante baad Kasak kamre me aakar Nandni aur Jivisha ke gale lagti.… "Tum dono achanak yahan"…


Jivisha:- Kyon humara aana tujhe pasand nahi aaya...


Kasak:- Ek inch bhi mai mazak ke mood se nahi hun, ab puri baat batayegi…


Jivisha:- Hum aaj chal rahe hain post graduation me admission lene, 2 saal mann laga'kar padhenge aur pass honge...


Nandni:- Ladka pasand aaya...


Kasak:- 2 minute ruk batati hun... Tu bol Jisa..


Jivisha:- Aate hi itni enquiry kyon, pahle ladke ke baare me bata..


Kasak:- Tujhse nahi bataungi to kis'se bataungi.. lekin pahle ek baat puri kar..


Jivisha:- Bus wahi, admission le'kar post graduation karenge...


Kasak apne sir pit'ti.… "Tujhe kisi ne kuch nahi bataya kya?"


Jivisha:- Kya ???


Kasak:- In bade logon ke parr nikal aaye hain, humare sath hi khel rahe...


Jivisha:- Paheliyan kyon bujha rahi hai.. sidha sidha bol na...


Kasak:- Halla mat karna aur shanti se sun'na.. Nandu tu advance me iska muh daba de...


Jivisha:- Thik hai samjh gayi, puri baat sun leti hun...


Kasak:- Tu salo bhar gayab thi.. Nandni bhi nahi thi... So karne ko kuch nahi tha to maine apna post graduation pura kar liya... Uske baad khali baithi thi to...


Nandni, Kasak ko ghurti hui... "Ye pause kyon le rahi hai"…


Kasak:- Khali baithi thi to socha pyar hi kar lu..


Jivisha:- What ??? Matlab ye jo abhi sarif ladka aaya tha…


Kasak:- Sarif to nahi hai, lekin pure kabu me hai… to bacha, moral of the story is, Ansh (Nandni Husband) ke influence se mujhe mil gayi hospital ke patients ki file management ki job... Subah 10 baje se jitni der lag jaye last day ki entry karne se lekar, unke file taiyar karne me...

Aur samne hai tumhare hone wale jiju Sahil ka cafe... Kuch samjhi ki nahi samjhi... Chal chill maar aur smile kar.. Aaj raat ki party tere jiju ke ore se...


Jivisha:- Prit ki reet lag gayi.. chal best of luck… hum dono chalte hai admission lene.. tujhse sham me mulakat karti hun...


Kasak:- Aree kaun sa apna family college bhaga ja raha hai… aayi hai to ruk na..


Jivisha wapas jati... "Aaj sham ko party me milti hun"…


Jivisha jaise gayi thi waise hi Nandu ke sath wapas laut aayi... Raste me kuch der dono khamosh hi rahe...


Nandni:- Car se bag kyon nahi nikali..


Jivisha:- Aise hi, laga ki ek baar ander ja'kar pahle sab se mil lun.. achha hi hua.. bag le'kar ander jati to Kasak mujhe aane nahi deti, aur mai is situation ko analyze nahi karna chahti thi ki kyun main yahan nahi ruki...


Nandni:- Tu jaisa soch rahi hai waisa kuch bhi nahi hai...


Jivisha:- Lekin mai to kuch soch hi nahi rahi...


Nandni:- Kha le kasam, tere dil me ye khyal nahi aaya ki har umr ke padaw ki apni baat hoti hai... Har samay ek jaisa nahi hota, unme badlav bhi dekhne milta hai...


Jivisha:- Tu anteryami hai na, jo itna soch Lee...


Nandni:- Anteryami to main bilkul bhi nahi hun, lekin tere chehre ko padhna aata hai... Ab jyada soch mat, kyonki wo Kasak hai aur wo kabhi badal nahi sakti...


Jivisha:- Samjh me aa gaya ki meri memory reset kyon hui hai..


Nandni:- Kyon ???


Jivisha:- Kyonki main bhi kabhi pyar me thi aur shayad sab kuch bhul'kar pyar me rahi houngi.. tabhi to mujhe Kasak ke bare me kuch bhi pata nahi... Wo un salon ka dard nahi bata payi, jin salon me main nahi thi.. warna khali baith'kar pyar karte hain, ya fir dil se dard mitane ki kosis me Sahil se mili thi…


Nandni:- Pagal kahin ki itna kyon sochti hai... Wo Kasak hai Kasak.. Sham tak ka intzar kar, dekhna wo tera dard aise mitayegi ki tu bhi kya yaad karegi..


Jivisha:- Isliye to upar wale ne un salon ka reset button dabaya tha jisme mai shayad swarthi ho gayi thi... Ek mauka apni pichhli galti sudharne ka..


"Pagal kahin ki, tu kabhi swarthi nahi thi... Jo waqt yaad hi nahi unme apni galti dhundhne ki kosis kyon kar rahi... Niyati ko kya manjoor hai wo to niyati hi samjhe"….. Jivisha ki baat par Nandni muskura'kar bus itna hi sochi aur Jivisha ke sath laut aayi...


Lautne ke kram me tay ye hua ki Nandu apne pune wale flat me rahegi aur jaisa pahle tha sab kuch waisa hi hoga... Sab tay hone ke baad Jivisha ne car Nandu ke flat ke ore le liya...


Dono ki car apartment ke karib thi aur Jivisha, Ansh ke naam par Nandni ko chhed di... Nandni ko bhi aa gaya gussa aur usne de diya ghuma ke uske sar par.. pura baal bikhar'kar aa gaye aage aur jab tak Jivisha baal ko hatati, tab tak kinare khadi ek sport bike boundry wall ke upar thi.

Jivisha ne jaise hi car rok'kar bahar dekhne utri, uski car ki chabhi us bike owner ke pass... Bhadi bhid ka mahol aur wo ladka apni laal-laal aankhon se Jivisha ko ghurte huye...

 

[Aanand]

Update:-4





Dono ki car apartment ke karib thi aur Jivisha, Ansh ke naam par Nandni ko chhed di... Nandni ko bhi aa gaya gussa aur usne de diya ghuma ke uske sar par.. pura baal bikhar'kar aa gaye aage aur jab tak Jivisha baal ko hatati, tab tak kinare khadi ek sport bike boundry wall ke upar thi.

Jivisha ne jaise hi car rok'kar bahar dekhne utri, uski car ki chabhi us bike owner ke pass... Bhadi bhid ka mahol aur wo ladka apni laal-laal aankhon se Jivisha ko ghurte huye...


"O pagal ladki, khadi bike thok dee... Teri to"…. Wo ladka ghurte huye kahne laga...


Nandni:- Tum wahi station par wale Viyog ho na...


Vyom:- Ae satkeli, jakar dimag ka ilaj karwa. Mera naam Vyom hai.. dono me se pahle ye bata ki gaadi kaun chala rahi thi...


Jivisha:- Sir, ab koi bhi chala rahi thi jane do na... Nadan ladki thi, galti ho gayi...


Vyom:- Jakar bike thik karwa'kar le aana aur apni car lekar chali jana, chal side hat... Sare pagal mere hi matthe hai...


Wo dusri baar mila aur iss baar bhi dono ko kinare karte huye chala gaya... Jivisha usse jate dekh... "Iss bande par na mujhe shaq sa ho raha hai"…


Nandni:- Kaisa Shak...


Jivisha:- Jyadatar filmon me fasane ke liye yahi trick istamaal hote hai... Mujh jaisi bholi-bhali aur khubsoorat ladki jiske lakhon followers ho, aakhir uske samne alag kaise dikhe isliye ye trick... Baar-baar najron ke samne to aao lekin attitude dikhate raho taki main usse notice kar sakun..


Nandni:- Wo to tune kar bhi liya, tabhi to uske bare me baat kar rahi hai...


Jivish:- Sale ye kamine ladke.. batao khud ko notice bhi karwa liya... Alexaaa... Alexaaa..


Alexa:- Gala kyon faad rahi ho... Yahin hun aur sab dekh liya maine…


Jivisha:- Alexa uski bike boundry se utar'kar pahle jaisa karwa dena aur bike uske muh par maar'kar car wapas le aana.. aur haan car me humare bag hain.. wo check kar lena...


Alexa:- Ducati hai, agency me thik karwane ke 5-6 lakh lenge kam se kam...


Jivisha:- hihhh !!! Hihhhh !!! Hiihhh.. 5 lakh.. bike me kya sona jara tha.. Alexaaa..


Alexa:- Bahar 10 hazar ka kharch lagega aur usse kuch pata bhi nahi chalega… lekin upar se utarenge kaise...


Jivisha:- 200-300 kilo ki bike hai, mere followers me se kisi ko bhi bol dena niche utarwa dene, mai uske sath ek cup coffee pi lungi...


Alexa:- Fir to lottery system karna hoga.. thik hai jao, 3 baje phone karunga, car lena...


Din ke 2 baje ke karib Alexa uski bike le'kar car ke pass pahunch chuka tha... Wo ladka Vyom akele me baitha cigerattee funk raha tha… "Dost apni bike le lo, aur car de do"…


Vyom usse upar se niche dekhte... "Hmmm ! Car me keys lagi hai le jao.. acha suno apni madam ko meri ore se sorry kah dena, apni niji samsya ke karan na jane usse kya kuch nahi bol diya"….


Alexa thanks kahte chalte bana. Jab wo Jivisha ko car lauta raha tha, Jivisha khush hokar uske dono gaal khinch dee... Chinies bulb ki tarah uski aaken blink karne lagi, aur khile chehre ki to baat hi alag thi... Jate-Jate aaj sham ki party ke liye Alexa ko bhi nimantran mil gaya...


Sham ke 7 baje ke karib Nandni taiyar hokar Jivisha ke darwaje par thi.. Puri tarah Saj sanwar kar. jitni khubsurat wo lag rahi thi utni hi hot bhi..


Hall me hi Nandni ki mulakat is ghar ke sabse jyada dilfek aur Jivisha ke dusre bhai Abhishek se ho gayi… Abhishek city bajate... "Aahhh si uth gayi Nandu tumhe dekh'kar, pub ja rahi kya?"…


Nandni kuch sochti… "Haan ja to rahi hun, tumne puchha nahi, shayad tumhe bhi sath liye chalti"…


Abhishek:- Jab mauka dena tha tab di nahi ab ghanta karunga, mai aunties par line nahi maarta… jao mauj karo..


Nandni:- What aunties... Bhagwan kare tumhari girlfriend se tumhara aaj hi break up ho jaye...


Abhishek:- Dayan tera diya shrap jaroor parega… jao upar mai chala nayi girlfriend banane, purani wali se to breakup pakka hai aaj...


Nandni uski baat sunkar hansti hui Jivisha ke darwaje par jaise hi pahunchi, thik ussi waqt Jivisha bahar aa rahi thi... Usse dekh'kar Nandni ka muh khula hi rah gaya...


Jivisha Black clour ki short gown pahni thi jo open shoulder aur ghutno se ek Inch upar tha... Ye kale rang ki paridhan me wo bijli to gira hi rahi thi, lekin sath hi sath uske paun, hath, gala, chehra sab aise glow kar raha tha mano diamond chamak raha ho...


Nandni:- Tu aise bahar gayi to log ek dusre ko kaat dalenge..


Jivisha:- Haan aur ye tera hot avtaar par koi ladka aahen nahi bharega.. jalkukri, Kaun sa planet tha wo...


Nandni:- Zoren


Jivisha:- Haan un Zoren walon ko experiment karne se kyon nahi roki.. Achha lagta hai jab apne deewane hazar ho. Lekin ye to shapit roop lagta hai..


Nandni:- Wo dava nahi li jo glow normal karta hai...


Jivisha:- Haan le li hun.. Aadhe ghante lagte hain usse bhi.. abhi li hai.. teri aur Abhishek bhaiya ki nok-jhonk par bhagi aa rahi thi...


Nandni, aankh maarti.… Nok jhonk nahi tha darling, usse mai chhed rahi thi..… bahut pareshan kiya tha na.. Wo chhod, ye bata ab tu kya karegi..


"Don't worry, sab ilaj hai apne pass" kahti hui Jivisha ne full body coat apne upar dali aur Complete face mask... "Ab bata kaisi lag rahi hun"…


"Tere bhai wala compliment de deti hun.. bilkul Dayan"….


Jivisha usse bag maarne lagi aur Nandni khilkhilati hansi ke sath sidhiyon se utarne lagi... Priya aur Nandita ghar par hi thi aur dono ki hansi kilkari aur nok jhonk sunkar aapas me kahne lagi.….. "zindgi me maine aaj tak kabhi aisi dosti nahi dekhi"…


Car chal padi disco ke ore. Jivisha ne raste se Alexa ko pick kiya aur teeno 10 miniut me disco pahunch gaye.. Disco pahunche to sahi lekin Jivisha ka pahnawa dekh'kar usse gate par hi rok liya...


Ajib duvidha, jiske bare me dono ne socha hi nahi tha. Alexa ek kadam aage badkar bhahr khade bouncer se baat karne laga, aur baton ke dauran hi badi safai se apna haath pichhe karke Jivisha ka hath tham liya...


Jivisha ka pura dhyan aage tha, Nandni bhi wahan ho rahi bahasbaji hi dekh rahi thi, tabhi uski najar ek jhalak Alexa ke hath par gayi, jo Jivisha ka hath thame tha... Nandni ko aisa laga ki kuch hua lekin jab dhyan di to samanya roop se hi haath pakde tha…

"Madam aap overcoat aur mask nikal lijiye, koi paresani nahi hai"…. Alexa hath chhod'kar kahne laga.…


Jivisha:- No Alexa, tum samjhte nahi...


Alexa:- Koi baat nahi madam aap car me intzar kar lijiye, mai yahin khada hun...


Jivisha, Nandni ko lekar car tak gayi, ek baar face mask utar'kar dekhne lagi... Uski aakhen badi ho gayi.… "Nandu, ye to aaj 15 minute me hi Sara glow chala gaya... Not bad, chal chalte hai"…


Nandni Alexa ko lekar kuch to bhaanp gayi thi. Ek shak ka mahol jo paida ho chuka tha, "Aakhir ye ladka hai kaun, aur itne sare pichha karne wale ladkon me Jivisha kyon kewal issi se baat karti hai"….


Nandni inhi sab baton ko sochti pub ke ander thi.. tabhi wo apna gal pakad kar "aaw... Kamini" ki dhimi si awaj nikali aur ghur'kar Kasak ko dekhne lagi jo usse thappad maar chuki thi…


"Tera dhyan kidhar hai reeee"…. Kasak puchhi..


"Tere hone wale husband par"… Hansti hui Jivisha ne javab diya...


"Hello girls, and my dear friends.. ummid hai aap log ek dusre ko jante honge. Lekin itni hot aur beautiful ladki ko dekh'kar meri jaan'ne ki jigyasa badh gayi hai"… Kasak ke hone wala husband Sahil ne glass toast karte huye kaha...


Kasak kuch pratikriya deti usse pahle Alexa bolne laga.… "Miss Kasak is also lookin awesome and sexy... Jaisi cocktail me Deepika thi.. aapki dressing bhi same hai"…


Kasak:- Awwwww Cuteee !!! Kaun hai ye... Jo tum dono ko chhod'kar mujhe notice kar raha...


Jivisha:- Tujhme notice na karne jaisa kya hai... Upar se tera size...


Nandni khinch'kar ek sandel maari paun par, Jivisha bolte-bolte chup ho gayi.. Kasak khilkhilati hansti hui Jivhsha ko pichhe se gale lagati uske gaal ko chumti... "Mujhe ye Sahil kuch der apne bich nahi chahiye... Kuch baten hum teeno ki kewal... Wo bhi jaam ke sath"…


Kasak dhime se Jivisha ke kaan me kahi aur Jivisha hansti hui.… "Alexa, humare hone wale jiju ko hot girls se jaan pahchan karni hai... Mai chahti hun ki wo pahle in hot girls ke cute friend se jaan pahchan kare. Kahin aur jakar aapas ki pahchan badhao aur haan jate-jate 21 shots bhijwa dena..."


Alexa, Sahil ka hath khinchte... "Chaliye sir thodi jaan pahchan badhayi jaye"…


Bechara jaana to nahi chahta tha lekin jaana para. Unke jate hi teeno crouch par aaram se baithi aur unka drink bhi serve ho chuka tha... Kasak chupke se apne bag se achar nikal'kar table par rakhti... "Ye kanjar pub wale achar nahi dete"…


"Bewadi kahin ki" …. Aur khili si hasne ki awaj... Chhotu-chhotu glass ka ho gaya toast aur ye jaam gaya ander.. pahla Takila shot lene ke baad teeno ne achar chata.. fir dura shot.. fir teesra...


Back to back 4 Takila shots lene ke baad Kasak apni kaan pakadti... "Sorry aaj subah ke liye... Mai janti thi ki tu mere pass rukne aayi hai, lekin fir bhi maine wo utsah nahi dikhayi"…


Jivisha... "Pine ke baad log kahte hain sach hi nikalta hai, lekin jhuthi Kasak. Ye bhanda phod iss Nabdu ki bachi ne kiya hoga... Tu to bus mujhse khaffa thi, par aisa to hum dono ke bich jhagre me bhi nahi ho sakta ki tu mujhe roke na.. fir to abhi koi kand bhi nahi hua humare bich"…


Kasak:- "Mujhe laga tu 6 mahine tak sab se us Nischal ke wajah se kati hai... Ye thode na pata tha ki tujhe blank kar diya gaya hai aur mansik badlav ke karan pichhle 6 mahine se kisi se baat nahi kar rahi thi... Tu jab shant rahti hai to lagta hai sala jindgi shant ho gayi hai…"

"Galti meri bhi thi... Uss chutiye Sahil se affair ki vajah se apni bahan ko samjh nahi payi… kamini swarthi Kasak.… Isse dekh (Jivisha).. maine muh par kah diya ki maine jaan bujh kar subah jane diya, fir bhi ye samjh gayi ki mai jhuth bol rahi... Nalayak gadhi Kasak"…


Nandni:- Oye who are you jo humari gurumata ko ulta sidha bol rahi... Bawal ho jayega idhar..


Jivisha:- Exactly bawal ho jayega… waise bhi wo jo bita 6 mahina gaya uske liye kyon ro rahe ho… jo hona tha ho gaya… main hafte bhar pahle nind se jaag rahi thi.. aur jaise hi jagi... I am back…


Kasak:- Tu jara khadi ho...


Jivisha khadi ho gayi.. Kasak uske piche ek chamat lagati… "Gawn ke upar back ka pata kahan chal raha... Be like us... Logon ke muh khule rahte hai aur ander se awaj aati hai... What a superb back"…


Nandni:- ha ha ha ha... Ise chadh gayi re baba.. ghar le jao.. apni hi bahan ke back par haath saaf kar rahi.. iske irade nek na hai...


Kasak:- Pine ke baad kahe ke achhe irade... Khatm kar fir thoda dance floor par aag lagaya jaye...


Jivisha:- Are lekin wo hone wale Jiju...


Kasak:- Ghar jayega apne aur kya... Lekin ye cute sa ladka kaun hai… tera naya BF


Jivisha:- Nahhh ! Cutee sa sathi...


Kasak:- Waise jab tak tujhe Nischal yaad nahi aata tab tak tu bhi maze kar.…. Jis din wo yaad aa gaya... Tu to royegi re pushpa… kahan hai mera janu..


Nandni aur Kasak dono tali ka thap deti aur idhar Jivisha 2 Takila shots marne ke baad.… "Jab yaad aayega to mai kaun hoti hun apne aashu rokne wali.. Ye tum dono ke liye… Lekin main to blank hun, aur koi mera boyfriend hoga to tum dono ko koi aitraj to nahi na.….


Kasak:- Hum kyon rokenge janeman... Jab sab blank hi hai to enjoyyyyy kar...


Jivishsa:- Ohk kal hi boyfriend ka interview lungi…


Nandni:- Jhalli... Hayyy wo tera Alexa kitna chuteee hai, pahle usse mauka de... Usse dekh'kar Ji karta hai chum lunnnn...


"Fir mera kya hoga"….. Bin bulaye mehman.. Dr Ansh, Nandini ke pati achanak hi apni baton se sabki najar me aate...


"Awwww Dr sahab.. hum 2 saliyan hai na... Use chhodo, aur mere sath extra marital affair kar lo"…. Kasak Ansh ke gale me hath dalti boli... Itne me Jivisha, Nandni ko ek baar dekhti Ansh ke gaal chum li... Nandni hansti hui... "Oye Jhalli, itna to bhai bahan ko kiss karte hai.. mujhe jalana ho to lip lock se niche kaam na banega"….


Teeno nashe me aur bechare Ansh ki entry par hi usse dysentery hone lagi... Wo to janta tha isliye kisi tarah bach gaya aur khamoshi se jakar crouch par baith gaya... Bechara wo Sahil, Kasak ko Ansh ke sath chipakte dekh jala bhuna sa aaya aur jhunjhla'kar puchhne laga…


"Kaun hai wo jise tum log apne sath samil kar liye aur mujhe us pagal ke sath bitha rakhe ho... paka diya pura"…


Jivisha:- Hone wale Jijaji ek lip lock yadi aapne wo Umrao Jaan ka dance kiya to…. Dil kya hai aap meri jaan lijiye...


Sahil:- wowwwww !!! Abhi dikhao kaise karte hain...


Jivisha:- Alexa inhe tum Umrao Jaan karke dikhao…


Alexa ne karke dikha diya... Bechara wo Sahil asmanjas me... Teeno ladkiyan haath dikhati.… "Karke dikhao, jabtak hum bhi thoda "Main Sharabi" song par jhum len"…


Nashe me dhutt teeno bevdi ne kuch jyada hi overdose le liya tha... Teeno khud ko deepika hi samajh lee aur serve karne wale glass table par chadh'kar jhumne lagi... Unhe dekhkar ladko ki to masti ho gayi lekin Pub ka nusksan utne hi shandar tarike se ho raha tha…


Mamla dekh'kar lady bouncer pahunch gayi pakadne aur teeno jaise pakdam pakdai khel rahi ho... Ansh apne mathe par hath maarte.… "Bade bhaiya…. Bina aapke entry ke idhar ab baat nahi banne wali"….


Itne me hi ek lady bouncer ne Kasak ko pakad'kar bori ki tarah hawa me utha lee aur tabhi wahan pahunch gaya Alexa… Alexa in suit and boot... Jay Hollywood aur chinies movie... Bruse Lee, Jakie Chain, Tony Jaa sabki aatma mix ho gayi ho...


Male ho ya Female bouncer, sabko ek najron se dekh raha tha… Kartab karte huye jo maar raha tha so to maar hi raha tha… Sath me "hiyaaaaa heeee" ki awaj jod-jod se nikalte, jo hi pub ka saman aur mahngi sarab ki bottol tod raha tha so alag...


Jabtak pura pub ujar'kar usse kabad me nahi tabdil kiya, tab tak ruka nahi... Aur jab ruka to kuch pal ke liye ladkiyon ki bidh me gum ho gaya... Na to Jivisha, Na hi Kasak aur Nandni ko dikha.… Aur jab dikha to ladkiyon ne uski haalat ujad di thi.…


Pura muh lipstic ke nishan. Court ke niche pahne shirt ke button pure khule huye... Aur sine par lipstic ke nishan... Teeno uski haalat dekhti hui taali bajane lagi….


"Deva he hal koni kele? Pub nahi vidhwa magni ekli (deva kisne ye haal kiya? Pub nahi vidhwa ki suni maang lag rahi)... Kaun hai re Brush Lee aur Jakie Chain ka fan... Bahar aao.… "


Pass ka thana prabhari puri force ke sath entry marte.. Tabhi teeno trideviyan jod se chillati... "Kasa aahes Ghorpade bhav"…. Unke saath badhaal haalat wala wo Alexa bhi hath utha diya…


Teeno ko dekh'kar wo inspector Ghorpade. apna sir pit'te... "Tuja mayla... Teeno.. lag gaye apne"….

 

[Aanand]

Update:-5​

Pass ka thana prabhari puri force ke sath entry marte.. Tabhi teeno trideviyan jod se chillati... "Kasa aahes Ghorpade bhav (Kaise hain Ghorpade Bhav)"…. Unke saath badhaal haalat wala wo Alexa bhi hath utha diya…


Teeno ko dekh'kar wo inspector Ghorpade. apna sir pit'te... "Tuja mayla... Teeno.. lag gaye apne"….


Karyawahi shuru hui aur kuch hi der me pahunch gaye humare Pune City SP Sawalker Tripathi, bole to bade bhaiya... Sawalker ko dekh'kar Kasak aur Nandni roti hui unke pass pahunch gayi... Ek ke baad ek apne upar huye 100 atyachar ko ginwa dee...


Manager ka to muh khula ka khula hi rah gaya. Ant me hua wahi jo iss Pub ka hota aaya hai. Ujar'kar chal diye. Har koi wahan se hanste huye bahar nikla aur Sawalker chidhte huye Ansh se kahne laga.… "Doctor sahab ek din dekh lena Mera divorce pakka hai. Tumhari bhabhi ko aaj picture dikhane le ja raha tha aur in logon ko kand karne ke liye aaj ka hi din mila tha…"


Nandni:- Bade bhaiya dimag mat khao... Itna to mera Ansh bhi mujhse nahi darta… aapko dekh'kar to ek hi feeling aati hai... Bechara ghabraya pati… thoda to himmat jutao...


Kasak:- Yes bade bhaiya... Bilkul aaj to chha jana hai... Jyoti bhabhi ko dikha dene hai ki ghar ka maukhiya ek mard hota hai mard...


Sawaker:- Ae Ghorpade chup karwa inhe, warna mere lag jane hain...


Ghorpade:- Pichhli kahani me aapne hi sikhaya saheb, seniors ke mamle me kuch nahi bolna...


Sawalker:- Kal se tu chaurahe par khada milega Ghorpade, Tujhe abhi se traffic me daal raha...


Ghodpare:- Saheb nahi !!!


Sawalker:- Saheb ke sath comedy karega to yahi hoga….. traffic wo bhi night duty..



Kuch der pahle pub me, ab sadak par hungama. Lekin kisi ko pata nahi tha ki Sawalker ke sath uski patni Jyoti bhi pahunchi thi, jo gaadi me baith'kar sub sun rahi thi.…


Gusse me aag babuli hokar Jyoti car se bahar aayi…. "Mai ja rahi hun. Ghar aao tum wahin baat karte hain"…


Sawalker:- Nahi Jyoti sun to...


Jyoti:- Main sab sun rahi thi... Aaj to chha jaoge... Himmat dikhaoge…


Kasak:- Bhabhi bechara pati se sher pati ban'na hai... Ghar ka malik kaun hai wo batana hai...


Jyoti:- Thanks Kasak… inhe ghar chhod'kar aao, banati hun tumhe sher pati...


Sawalker:- Areee, mai to chup tha, yahi bole ja rahi thi…


Nandni:- Haan hum bolenge.… To aap chup nahi karwa sakte.. waise bhi hum to kuch bhi bolte rahte hain…


Jyoti:- Haan muh me dahi jami thi jo tum dono ko mana nahi... Ek minute Jisa kahan hai... Teeno sath me hi thi na...


Mahol hungama aur baton ke dauran kisi ko dhyan hi nahi raha ki Jivisha kahan hai...


Kuch samay purv Jivisha pub se bahar nikal aayi aur ladkhadati hui sadkon par chal rahi thi. High hills ki wajah se usse chalne me samasya ho rahi thi, aur usne apne paun se sandel nikal'kar hawa me uchhal diya.….


"Ae pagal hai kya"….. "pachta nahi to piti kyon hai bewdi"…. Jis-jis ke sar par sandel pari, apni-apni pratikriya dene laga.. aur Jivisha apni madmast chaal me aage badh rahi thi.…


Jivisha ko sadak ke dusri ore gola wala dikha aur wo apne ladkhadati kadmon se sadak paad karne lagi... Achanak uske sadak par aane se, pichhe se aa rahi tej bike pura aniyantrit ho gayi. Bike fatak se right lete huye bike wale ne break lagaya….


"Pata nahi ye ladki baar-baar kyon mujhse takra rahi hai"…. Bike par wahi ladka Vyom tha jo barbarata hua apne helmet ka shisa upar kiya aur pichhe mud'kar Jivisha ko dekhne laga... Jivisha gadiyon ke takkar ki ek level paar karke, kuch kadam aage badhi hi thi ki Vyom daud'kar aaya aur Jivisha ka hath pakad'kar khincha...


Shayannn se ek car galiyan deti hui cross ki.… Jivisha kafi gusse me uss car wale ko ghurti hui apne jaan bachane wale se kahne lagi.… "Thankkks dosstt... Ye sale car wale ko drivinggg license kisne de diya"…


Vyom, khinch'kar Jivisha ko footpath par late….. "Koi hai sath me"…


Jivisha, bade gaur se uske helmet ko dekhti, helmet par mutthi se maarti... "Knock-Knock kaun hai"…


Vyom hanste huye jaise hi apna helmet utara.…. "Areee tum"….


Vyom:- Haan main...


Jivisha:- Aaj bada khush lag rahe ho baat kya hai...


Vyom:- Mai to kewal khush hun, tum to khushi se jhum rahi ho.…


Jivisha 2 kadam aage chalti, apni dono bahen faila'kar…. "Aaj thodi si pi lee hai, isliye khush hun"…


Vyom jhatak'kar uske sath chalte.…. "Hello miss, akeli ho kya?.. tumhara BF kahan gaya"…


Jivisha uski baat par jod se hansti hui.… "Pagal usi ko to dhundhne nikli hun... Jante ho mera koi boyfriend nahi hai"…


Vyom:- Jan'kar behad khushi hui, ladko ka dil toot'ne se bach gaya...


Jivisha footpath bench par bait'ti.… "Tum bahut rude ho Vyom... Mujhse achhe se baat nahi karte… aao baitho tumhari akdu hone ki kahani sunti hun"…


Vyom:- Sorry miss.. chalo mai tumhe ghar drop kar dun...


Jivisha:- Itni hot aur beautiful ladki tumse baat karna chahti hai aur tum usse ghar drop karne ki baat kar rahe.… How rude... Girlfriend bahut tourcher karti hai kya, jo kisi ladki se thik se baat nahi karte….


Vyom:- Girlfriend… haan kuch aisa hi samjho... Chalo tumhe ghar chhod dun... Ya number do kisi ka...


Jivisha:- Tum ho kaun haan… jakar apna kaam karo… abhi apna mood romantic hai aur sair sapate ka mood hai.…


"Aree yaar ye mai kahan faas gaya"… Vyom khud me kuch sochte huye police station call kar hi raha tha, tabhi usse samne Alexa dikha... "Kya yaar iss bevdi ko akela kyon chhodte ho... Lekar jao isse"… Alexa ko dekh'kar Vyom ne tikhi pratikriya dee, aur Alexa usse muskura'kar thanks kah'kar Jivishsa ko Kasak aur Nandni tak pahuncha diya...


Nashe ki gahraeyon me dub'kar sone ke baad, subah Nandni angdai lekar jaise hi jagi, uske pass Chirag aur Chirag ki girlfriend Aarsi baithi hui thi...


Bechari Nandni, thik se angdai bhi nahi le payi thi aur samne dono ko dekh'kar uski aakhen badi ho gayi.… "Kya hua bua aise kyon ghur rahi ho?"…


Aarsi, jhapak se Nandni ke paun chhuti... "Kaisi hain bua sasu, fuafa ji ko sath nahi layee"


Nandni, apna sar pit'ti... "Tum dono fir school bunk karke ghumne nikle ho, aur mere flat me tum dono ghuse kaise"…


Chirag:- Class me sir jo padhate hai wo to hum kabka pura padh chuke hain.. ab to class me bachon ko dekh'kar hum bore ho jate hain.. .


"Oye dada ji, to class na jakar kya karoge"… Nandni dono ko kha jane wali najron se ghurti hui...


Aarsi:- Hum bhi apna ek Jaal mahal bana rahe hain... Khufiya jagah, jahan hum science experiments karte hain..


Nandni:- Tum dono mazak kar rahe ho na..


Chirag:- Lagta hai raat ki utri nahi hai... Alexa kidnap kar lo aur sath liye chalo...


Nandni ho chuki thi kidnap aur Alexa use lekar apartment ke top par le aaya... Nandni puri gusse se, apne hathon me pahna transparent electric gloves se Alexa ke hathon par bijli ka 1200 volt tak ka jhatka dee.…

(Transparent electronic gloves, electricity generating gloves hai, jisme se kuch second ke liye ikchha anusar current flow supply karwa sakte the, jo totally mind se control hota hai… Pure universe me eklauti Nandni hi thi jo iss gloves ka istamal kar payi thi.. Baki kisi ka brain niyantrit current flow nahi karwa paya tha...
3-4 sal pahle Nandni ne apne hatho me yah pardarshi gloves chadhya tha. Uske baad to usse yaad bhi nahi ki uske pass aisa bhi koi device hai... Kewal jaroorat ke waqt wo istamal karti hai aur vipatti ke waqt kuch second tak 5 gigawatt tak current supply kar sakti thi)


Jaise hi Alexa ne apne ander current mehsus kiya, Alexa khushi se apna pura muh faadte... "Thanks for giving me meal"


Nandni kuch bol pane me asamarth thi aur wo samjh chuki thi ki ye Alexa kya hai, Aarsi aur Chirag kaise uske flat me ghuse, aur ye bache ab wo bache na rahe balki next level kid ho chuke hain...


Rooftop par tha ek adrishya viman, shayad Zoren grah ki kuch technology ko copy kiya gaya tha, warna Nischal ke banaye viman to najar aate the... Palak jhapkte hi sabhi sawar hokar kisi virane thande kshetr me the.. puchhne par pata chala ki Russia ki koi jagah hai...


Nandni jab ander ghusi to uska muh khula ka khula rah gaya... Achha khasa area me in dono ne apna work station bana rakha tha...


Nandni:- Ye kya hai.. kab kiya, bina humare jankari ke


Chirag:- Ye mere aur Aarsi ke request par Serin didi ne hume gift kiya tha.. humara personal work station... Kamal ki jagah hai na.. aaeye dikhata hun yahan se kya kya kar sakte hain..


Dono baith gaye rolling chair par.. kaam shuru karne se pahle, honth se honth lagakar ek baar chume, jise dekh'kar Nandni apne muh par hath rakh'kar bus hasne lagi.. udhar Aarsi aur Chirag fatafat kya speed se apne hath keypad par chala rahe the...


Kaam jaise hi khatm hua ek jordar press enter button par aur fir se rolling chair khisak gaya. Ek baar firse dono ne ek dusre ko chum'kar apni kursi se khade ho gaye … "tantarannnn … Pesh hai the magic hands"…


Dono ne kuch commands diye the. Diwal ki side se ek self bahar nikli thi, jisme kuch tha hi nahi... Bus 5 fit ka box khula tha aur usme sisa rakha...


Nandni dono ko ghurti… "Is box me kya hai wo to baad me samjhungi. Pahle ye jo tum dono ek dusre ko chum rahe the, kya hai ye sab..


Chirag:- Shit Aarsi, you stupid Nandni bua yahan thi..


Aarsi apne chehre par na aaye baal ko pahle chehre par lekar aayi, fir jhatak'kar style se pichhe karti hui kahne lagi... "Hum kaam shuru karne se pahle aur kaam khatm hone ke baad aise hi ek dusre ko cheer up karte hai.. aap ko iss baat se koi pareshani nahi honi chahiye.. ulta aapki bahu aur aur tum kya lage inke baby..


Chirag:- Nandni bua, aapko mai bua kahta hun to mai aapka kya laga..


Nandni:- Bhatija...


Chhirag:- Sweety Bhatija laga mai..


Aarsi:- Haan bua sasu to aapko apni bahu aur bhatije par to pyar aana chahiye, dono hamesa kareeb rahte hai..


Nandni apne aakhon aur hathon se "kamal hai" wale expression laati... "Waah bete, bahu to heera dhundha hai tune"…


Alexa:- Chirag lekar dhundha hai Chirag ne..


Aarsi:- Thanks Alexa, you are my sweetheart…


Chirag gussa se Alexa ko dekhte... "Alexa go outside. Agli baar meri girlfriend ko impress kiya to jaan nikal dunga"…


Aarsi:- Chill pill baby.. kyon irritate hote ho… agli baar Nischal fufa aayenge to usnse bolkar Alexi banwa lena..


Nandni:- Kya ?? Ye Alexa ko Nischal ne banaya tha…


Aarsi:- Haan.. wo bhi lagatar 8 raat jaag'kar aur Bua (Jivisha) se chhip'kar..


Nandni:- So, jane se pahle wo ek protector chhod'kar gaya tha... Ye usi ka dimag ho sakta hai jo aise realistic robo creat kar gaya...


Chirag:- Nandni bua Nischal fufa kab aayenge.. Serin didi bhi nahi lauti abhi tak... Mujhse kah'kar gaye the chhota sa kaam khatm karke jaldi laut aayenge..


Aarsi:- Dumbo.. wo to abhi action kar rahe honge.… Dhoom Dhoom dhaynnn dhaynnn...


Nandni:- Wo dono jab lautenge tab, pahle mujhe yahan ki puri detail do.. aur aaj se tum dono jo bhi karoge uska mai supervision karungi... Jis kaam ke liye mai mana kar dungi, mana ho jaoge...


Chirag:- Matlab aaj se aap humari team leader...


Nandni:- Yesss team leader..


Aarsi, Chirag ke jod se gale lagti..… "No baby, fir bua sasu baat-baat par tokti rahegi... Hum intentionally thode na kiss karte hai, wo to ho jata hai... Fir bhi ye tokegi to kahan se khul'kar kaam karenge..."


Nandni:- Uffff ye chhote packet aur atom bomb dhamaal…


"Dono ka yahan hona koi samsya nahi, lekin galti se koi upadrav na macha de kahin dono. Waise Serin aur Nischal ne inke hawale ye work station kiya hai to kuch soch kar hi kiya hoga. Fir bhi mujhe check karna hoga."


Nandni apne mann me khyal lati... "Alexa ki detail do mujhe, usse command kaun kar raha hai hai"…


Chirag:- Pata nahi, bus jaroorat ke waqt Alexa ko pukaro aur wo aa jata hai..


Aarsi:- Tumhe to kuch bhi nahi pata buddhu... Nischal fufa bata rahe the ki ye hum dono ka hai aur hum dono ke liye hai... Aur jab humare pass iska koi kaam nahi hoga tab pata nahi wo kahan jata hai.. puchh'kar bataun kya?


Nandni:- Rahne do… Alexa, Alexaaa


Alexa:- Chilla kyon rahi ho.. yahi hun tumhare pass...


Nandni:- Apni detail do...


Alexa:- Nachij ko Alexa pukarte hai... Dil kya chij kya hai jaan lijiye.. bus ek baar humara kaha maan lijiye...


Nandni:- Hmmm !!! Matlab dhit ho.. chalo tumhe samjh gayi... Ab jara in dono ki detail do...


Alexa:- Cute lovers hai... 5 sal se realation me hai aur apni mehnat se pahla invention kar liya hai... Mujhe lagta hai agar tum madad kar do to shayad pahla safal invention hoga... Warna iss ek invention ko kam se kam 80 bar kosis kar chuke hain...


Nandni:- Iss Ek matlab kaun sa invention..


Alexa:- Jald hi dikh jayega... Bus inki thodi help kar do...


Nandni:- Iska matlab invention me tum inki madad karte ho...


Alexa:- Yesss !!! Ye theory dete hain.. fir hum vichar karne baith jate hain… science khangalna, fir us topic ko samjhna aur dono ko practically samjhana, yahi sab chalta hai... Aur ant me hum invention preocess start karte hain…


Nandni:- Par tumne to kaha ki ab tak kewal ek hi invention par kaam kiya hai... Lekin tumhari baton se to lag raha hai kayi invention kiye hai...


Alexa:- Bahut chalu ho... Fasa dee. Mai in dono ki madad tab se kar raha tha, jab ye dono Jaal mahal (Universe ki number 1 Inovation & Technology ki jagah) me the... Jab ye dono laute tab Serin ne gift ke roop me mujhe de diya... Aur yahan aakar Nischal ne mujhe roop rang aur aakar de diya... Dekho baton ke dauran apne bhi raaj jahir kar diya...


Nandni:- Bahut muh fat bana diya hai tumhe. Bus bolte polite ho lekin bhasha puri Nischal ki hi hai..


Alexa:- Us gadhe ko maine bolna sikhaya tha... Warna jyadatar wo chup hi rahta tha… Jaal mahal tabah hone se humara spark toot gaya hai.. warna abhi confirm kar deta.…


Nandni:- Abhi sun leta na to apni khanjar se tumhe chid'kar 2 hisson me bant deta...


Alexa:- Main Energy hun... Ek form se dusre form me convert ho sakta hun… mar nahi sakta.… Basically jisne mujhe banaya kewal wahi janta hai mujhe shant karna, lekin afsos wo sadiyon pahle shant ho gaya... Ha ha ha ha...


Nandni:- Rapid fire khatm karti hun tum jite mai hari...


Alexa:- Tum race me bhi thi kya???


Chirag ek hath Alexa ko maarte…. "Duffer yahan kyon aaye the, wo to kar lo"…


Alexa:- Opps !!! Sorry mai bhul gaya...


Nandni:- Ye kya hai... Ye to pakka robo nahi ho sakta… ye bhulta bhi hai... Mere liye to ye pacha pana muskil hai…


Alexa:- Tum nahi samjhogi.. abhi tum in mamlon me Aarsi aur Chirag se bahut chhoti ho... Suno hume 1 gigawatt ki energy supply chahiye...


Nandni:- Oye mental… kya bol rahe ho pata bhi hai... Kahin koi bade dhamake ka to plan nahi kiya hai...


Alexa:- Tumhe hum par viswas hona chahiye.. baki sare sawalon ka jawab mil jayega...


Nandni puri tarah se ghabra chuki thi. Ek asmanjas ki stithi paida ho gayi thi. Ye log kya kar rahe hai bata nahi rahe the aur itni power supply ka matlab hota ki kahin koi unch-nich hui to pura work station bomb ki tarah fat jata...

 

[Aanand]

5 update post kiye hain kam se kam 5 update roj dunga aap log enjoy kariye