Update:-14
Kayi kathayen hain jivan ki. Kuch ka man'na hai prithvi jaisi kai aise grah hain, jahan par jivan basta hai, to kaiyon ka man'na hai ki ye sab kewal magadhant kahaniyan hai. Alians ka astitw lagbhag waisa he hai jaisa bhut ka astitw.
Kuch log jo mante hain unhe viswas hai aur jo log nahi mante wo log un viswas karne walon ko andh-viswasi mante hain. Sach ka koi sakshay nahi, isliye iss baat ko kabhi sabit nahi kiya ja sakta.
Dusre grah se rah rahe iss prajati ki bhi kahani lagbhag kuch aisi he thi. Inke astitw ka koi sakshya tha nahi, aur jinhone bhi inhe dekha ya mehsus kiya, koi bhi iss baat ko batane ke liye jinda nahi bache.
Ek prajati, Zoren grah ke, jiss ke kuch sadsya dharti par khoji the, aur unke hone ka kisi ko ilm tak nahi tha. Aesi prajati jo kisi bhi sajiw ka roop le sakte the, narbhakchhiyon ka ek samuh jinhe insani mans khane me ajib sa sukoon milta tha.
Kai varshon se ye sher ke roop me rahte the aur apna shikar ko aise he fasa kar uski sari indriyan jagrit karke, usse noch-nich kar khate the.... panch logon ka samuh jisme 3 nar aur 2 madyen thi. Josefer, Uday ka asli naam tha aur wo iss samuh ka mukhiya tha.
Josefer..... Iss ladki ke ander cotten dal kar isse thik karo, hum isse bhi kahin fek aate hain jaise baki do ko pahle feka tha....
Ek adrisya viman, jo macro particle se bana tha. Jise insani aakhon se dekh pana muskil tha. Palak jhapakte he ye viman light wave se travel karte duniya ke ek chhor se dusre chhor par pahunch sakta tha.
Josefer apna viman taiyar kar raha tha, jab tak uske baki ke sathi Sweksha ke ander cotton bhar kar, uske upar ke fate chamri ko sil kar thik kar rahe the ... tabhi char bare viman uss jagah par utra...
Kai sare logon ke bich se ek lamba kad-kathi ka aadmi bahar nikla..... usse dekh kar panchon apne ghutne par baith kar apna sir jhuka liya....
Wo aadmi sare sena ko command dena wala Rijo tha. Rijo koi naam nahi balki ek padwi thi, jo pure Zoren grah me eklauta hota tha. Wahan ke mahamahim ka sab se karibi aur uss ke baad uss jagah ka sab se shaktisali sadasya.
Rijo, Josefer ko utha kar uske kandhe par hath rakhta...... "Tumhara kaam kabil-e-tarif hai. Hum tum se bahut khush hain"
Josefer, bakiyon ki tarah sir jhukaye...... "Sukriya Rijo"
Rijo.... Tumhe pata hai na humari malkia ka pata chal chuka hai.
Josefer..... Haan pata hai Rijo. Par usse to Apini dekh raha hai na.
Rijo.... Haan par iss baar Apini bhi usse kabu nahi kar sakta. Yun samjh lo ki ab tak jitni bhi Malkia ka pata chala hai, unme ye sabse shaktisali hai. Uss ki ikchha shakti ka koi mel nahi. Apni soyi hui ikchha skatiyon me bhi usne khatre ko itni dur se bhanpa ki, Apini bhi bas dekhta rah gaya.
Josefer.... Humare liye kya hukum hai Rijo.
Rijo..... Tum apne logon ke sath Apini se sampark karo. Malkia ko dhundho aur hifajat ke sath usse Zoren ki seema tak le kar aao.
Josefer..... Ji Rizo main aap ko niras nahi karunga.
Rijo.... Tum aur Apini ne mil kar, yadi ye kaam kar diye, to fir hum, tum dono ko khoji ke kaam se hata kar, uttari aur dakhsni sima ki kaman de denge.
Josefer.... Sukriya Rijo hume wapas bulane ke liye.
Rijo..... Haan tum dono ne yahan apni bahut sewayen di hai isliye hum ne ye faisla kiya. Lekin uss se pahle tumhe ye kaam karna hoga. Malkia ko puri hifajat se, aur bina uski jankari ke lana hai. Malkia ke bare me tumhe jankari to hai na.
Josefer.... Haan Rijo, Apini ne hume bataya tha. Humari malkia yahan Jivisha naam se jani jati hain. Aur wo Pune sahar se kahin gayab ho gayi hain.
Rijo.....Thik hai tum sab mil kar iss kaam ko anjaam do. Tab tak main tumhari jagah kisi aur khoji ke samuh ko yahan par bhejne ki taiyari karta hun.
Rijo ke jate he pure samuh me khushi ki lahar daur gayi. Pura samuh khushi se nachne laga.... Sab ko shant karte huye Josefer kahne laga.... "Adrish Janwar ko nind se jagane ka waqt aa gaya hai. Usse jagao hum abhi Apini se milne chalenge"
Evening time ..... Indore....
Kaam ki thakan se jivisha ke paun me jaise pankhe lage ho, paun itne kanp rahe the ki bechari thik se khadi bhi nahi ho pa rahi thi. Sabse najren bacha kar aaram karne ke liye Durga devi ke he kamre me ghus gayi.
Dusri ore Durga devi ne Nischal ko apne kamre se anguthi lane bheji thi, jo wo dhund raha tha. Jaise he Jivisha ander ghusi, Nischal ko uss kamre me kuch dhundhte dekhi...... "Mujhe pakka yakin ho gaya ki tum chor ho"
Nischal..... Ye almira kidhar hai...
Jivisha, Shocked..... Himmat to dekho mujh se he puchh raha, almira kidhar hai. Bhago iss kamre se, iss kamre se to kya mujh se he dur bhag jao.
Nischal.... Teri problem kya hai, main tere kisi kaam me tang arrata hun, jo tu mujhe har waqt kuch na kuch kahti rahti hai.
Jivisha..... Sadak chhap, tum jaise choron se aur kaisi bhasha ki ummid kar sakti hun.... tumhe kya chahiye, paise, jewar... sab main de dungi, par tum iss ghar se kuch nahi churaoge.
Nischal kuch sochte huye..... Hmmm ! Thik hai tu chidh mat main he jata hun...
Nischal sidha uss ghar se he bahar nikal kar aaya, aur khali si jagah dekh kar fir se ek baar Serin se contact kiya.....
Serin, ne ke device par ussi frequency se dobara contact.. wo harbara kar Nischal ko frequency ko line par leti kahne lagi..... "Nischal tumhe locate kiya ja raha hai, jald he ek team yahan se nikalne wali hai".
Nischal..... Kis commander ko apni maut itni pyari ho gayi...
Serin.... Commander nahi Sabaiya aa raha hai tumhare pichhe...
Nischal....... Kya ??? Sabaiya..... Yahan se main nikal nahi paunga bina yahan ki jankari ke. Tum se ek kaam thik se nahi ho paya. Ye kaisi decoding ki ho Serin, main inke bich famlier nahi ho pa raha. Sab mujhe shaq ki najar se dekh rahe hain. Main apni chijen wapas nahi le pa raha uski wajah sirf tum ho.
Serin..... Mera viswas karo, maine puri jankari tumhe bhej di hai. Waise kya tumne uss jagah ko bina jane he apni chijen wapas khud se jorne ki kosis kiye...
Nischal..... Haan, mujhe laga main iss jagah ko jaan chuka hun, isliye khud ko sari chijon se jorne ki kosis kiya tha, par asafal raha.
Serin..... Tabhi tumhe locate kar pa raha hain...
Nischal.... Tum kuch kar sakti ho kya....
Serin.... Nahi, main kuch nahi kar sakti. Sari chijen active ho chuki hai, usse jab tak tum se jora na gaya active he rahega. Signal weak hai, par ek baar uss signal ko trace karne wo log yahan nikal gaye to tumhara pata laga lenge.
Nischal.... Yahan ki bhasha ko ek baar aur decode karo aur pata karo ki mujhse kya chuk ho rahi hai. Tabtak main bhi yahan dekhta hun... sayad kuch madad yahan se mil jaye....
Serin ko sari baten samjhakar, Nichal contact karne ki sari chijen samet, jaise he pichhe mura, samne Nandni thi. Nandni usse hairani se dekhte huye puchhne lagi..... "Ye tum paglon ki tarah mathe aur hathon par pura wire lagaye kis bhasha me baat kar rahe the".
"Lagta hai yahan ek raajdar banana he parega, ab samay nahi bacha hai mere pass"...... Nischal, Nandni ka hath pakrte usse khinchte huye.... "Chal mere sath"
Nandni.... Hath chhoro mera jungli....
Nischal... Tu mere sath aisi jagah chal jahan hume koi na dekh sake..... Tu chal to main sab samjhata hun....
Nadni, apna hath chhurane ki kosis karti huyi..... "Pagal, gawar main tumhare sath kahin nahi jane wali"
Nischa..... Kaise tujhe samjhaun. Tu meri juban par mat ja, bas itna samjh ki main tum se madad mang raha hun...
Nandni, hairani se Nischal ko dekhne lagi, aankhon me minnat aur juban par ajib si bhasha... kuch sochti wo nischal ko ek aisi jagah le gayi jahan un dono ko koi sun aur dekh nahi sakta tha....
Nadni.... Kaho kya kahna hai tumhe..
Nischal ek gahri sans leta.... "Main tum logon ke bich ka nahi hun, kahin dur se aaya hun"...
Nandni.... Haan dekh kar he lagta hai, kisi jungle se aaye ho...
Nischal.... Nahi tu samjhti kyon nahi, main tumhare iss grah ka he nahi hun... kahin dur antriksh se aaya hun...
Nandni jor-jor se hasti hui...... "Aaj din bhar alian wali bahut sari filmen dekh chuke na. Ab mujhe samjh me aa raha hai, kyon tum wire laga kar aise paglon ki tarah kar rahe the. Suno Nischal wo movie me dikhayi ghatna sab kalpnik hoti hai".....
Nischal..... Kaise samjhaun. Tujhe meri baton par yakin kyon nahi ho raha.....
Nandni.... Hehehehe.... haan jungli tumhari baton par pura yakin hai... chalen ab ghar...
Nischal.... Chup ekdum... achha tu bata, apni aankhon se kahan tak dekh sakti hai....
Nandni hasti hui.... "Kyon uss jagah se tum pani nikal kar dikhane wale ho kya ??"....
Nischal ki ore dekhte huye wo bolte-bolte apni najar kahin dur tak daurayi. Dhak se kaleja, aur hansi bilkul gayab. Nandni ka muh khula ka khula rah gaya....
Abhi to bagal me usse dekte huye najar dusri ore ki thi, aur wahan dur Nischal khara tha. Nandni chaunk kar fir najron ko wahan ki jahan par Nischal pahle tha.... sir jaise ghum gaya ho aur hath paun kapne lage..... Nischal wahan pass me bhi tha...
Nandni ke chehre par dar ka pasina aa gaya. Nichal apna hath badha kahne laga..... "Main tumhari najron ke wave se jyada tej daur sakta hun"....
Nandni usse sunegi kya.... Jaise he Nischal apne hath uski ore badhate huye ye baat kah raha tha wo chakkar kha kar gir gayi......