Thriller KAYAKALP

[Rockstar Rocky]

Shukriya, bas aap sabhi hasinaao ke pyar ne story shuru karwa di hai.
Khair intzaar rahega aapke reviews ka, sath bane rahiye

Hum fir job chod de

 

[TheBlackBlood]

Next update de dijiye

Jald hi dene ki koshish karuga

 

[TheBlackBlood]

waiting for next update bhai

Half se zyada likh liya hai, jald hi complete kar ke post karuga

 

[TheBlackBlood]

Waiting

Sirf waiting??
Na koi wishes aur na hi story ke bare me koi teeka tippani. Ham aapse ye ummid nahi kiye the

 

[TheBlackBlood]

Aakesh > maya aur neelam ka ek lota rakhwala

Noice joke

 

[TheBlackBlood]

Update - 04
━━━━━━━━━━━━━​

Uski kathorta aur uske is rookhe byohaar se wafa ka dil chhalni ho jaata tha aur phir wo apne kamre me bed par lete lete khoob roti thi magar phir ye tasalli karti ki jise usne toot toot kar chaaha tha aur jiske haasil hone ki koi ummeed hi nahi thi wo aaj uske ghar me uske itne qareeb to hai.

Present_____

Apne ateet ke ek maamuli hisse me khoye huye us shakhs ko jaane kab neend aa gayi iska use pata hi na chala. Ek do ghante baad subah hone waali thi. Aane wali subah aur aane wala waqt jane kaun si saugaat liye khada tha?

━━━━✦༺❁༻✦━━━━​

Ab Aage______

Doosre din ritu gungun se jab apne gaav haldipur pahuchi to dekha haweli me ek alag hi nazara dikh raha tha. Dring room me rakhe sofo par chacha abhay singh, karuna, saumya, gauri, rukmini, divya shagun aadi sab baithe huye the aur un sabke beech gahra sannata byaapt tha. Jaha abhay singh aur gauri ka chehra shakht aur gusse se bhara hua nazar aa raha tha wahi baaki logo ke chehro par gambheerta kaayam thi. Ritu apni police car se utar kar jaise hi haweli ke andar dring room me daakhil huyi to waha baithe huye logo ko aur waha chhaaye huye sannate ko dekh kar man hi man chaunk jana pada tha. Halaaki use is sab ki pahle se hi ummid thi aur usne is sabke liye khud ko taiyar bhi kar liya tha lekin baavjood iske use jhooth bolne me aur jhooth ko chhupane me thoda uncomfortable feel ho raha tha.

"Kya baat hai, aap sab is tarah chup chaap se kyo baithe huye hain?" Fir usne har baat se anjaan bante huye sabki taraf ek ek nazar daalte huye kaha____"Kuch hua hai kya?"

"Neelam kaha hai?" Ritu ke puchhne par abhay singh ne uski taraf dhyaan se dekhte huye lekin shakht bhaav se puchha. Abhay ke puchhne par ritu ne apne chehre par aise bhaav ujaagar kar liye jaise use apne chacha ki baat samajh me na aayi ho, boli____"Neelam kaha hai??? Main kuch samjhi nahi chacha ji."

"Anjaan banne ki koshish mat karo ritu." Abhay singh ne usi shakht lahje me kah____"Tum achhi tarah samajh rahi ho ki maine tumse kya puchha hai?"
"Main bhala kisi baat ke liye anjaan banne ki koshish kyo karugi chacha ji?" Ritu ne masoom si shakal bana kar kaha____"Raat me department se mujhe phone aaya tha to main yaha se chali gayi thi. Savita aunty ko maine bataya bhi tha. Mujhe samajh me nahi aa raha hai ki aap mujhse ye kyo puch rahe hain ki neelam kaha hai, jabki neelam to haweli me hi apne kamre me hogi."

"Nahi hai." Abhay singh ne kathorta se kaha____"Use uske kamre ke sath sath puri haweli me khoja ja chuka hai lekin uska kahi pata nahi chala. Maujooda waqt me jo halaat hain usse saaf zaahir hai ki wo haweli se hi nahi balki is gaav se hi ja chuki hai."

"Ye aap kya kah rahe hain chacha ji?" Ritu ne ye sun kar buri tarah uchhal padne ki acting ki, fir hairaani ke bhaav liye boli____"Kal raat ko to wo apne kamre me hi thi aur main khud bhi kuch der uske kamre me hi thi. Use samjha rahi thi ki use apni zid chhod kar shadi ke liye maan jana chahiye."

"To tum ye kahna chaahti ho ki neelam ke bare me tumhe kuch pata hi nahi hai ki wo kaha hai ya kaha gayi hai?" Gauri ne teekhe bhaav se uski taraf ghoorte huye kaha____"Jabki ham sabko yakeen hai ki use haweli se tumne hi nikaala ho sakta hai lekin is tarah se ki kisi ko is baat ki bhanak tak na lag sake."

"Aap bewajah mujh par shak kar rahi hain chachi ji." Ritu ne is baar dukhi bhaav se kaha_____"Aapne ye kaise soch liya ki main is tarah ki bachkaani harkat karugi? Ishwar jaanta hai ki mere dil me aap sabke liye kitni izzat aur sammaan ki bhaavna hai. Kya aap mujh par sirf is liye shak kar rahi hain kyoki main ajay singh aur pratima jaise ghatiya mata pita ki aulaad hu?."

"Tum galat samajh rahi ho ritu." Saumya ne halaat ki gambheerta ko dekhte huye kaha____"Gauri bhabhi ke kahne ka ye matlab nahi tha."

"Main koi bachchi nahi hu bua jise itni bhi samajh na ho ki kisi ki baato ka kya matlab hota hai." Ritu ne pahle ki bhaanti hi dukhi bhaav se kaha____"Pichhle saat saalo se main yahi saabit karne ki koshish kar rahi hu ki mere mata pita bhale hi chaahe jaise rahe ho aur bhale hi meri rango me unka hi ganda khoon daud raha ho lekin main apne mata pita ki tarah giri huyi soch nahi rakhti. Ishwar jaanta hai ki in saat saalo me maine ek pal ke liye bhi haweli me rahne wale apne azizo ko gair nahi samjha, balki is baat ke liye ishwar ko shukriya hi kaha hai ki mujhe ek aisa pariwar mila hai jo mujhe apni beti ki tarah pyar karte hain lekin bua hakikat to ye hai ki main bhale hi yaha par apni begunaahi ke liye apna sir patak ke mar jaau lekin mere ye apne mujh par yakeen nahi kar sakte. Aisa is liye kyoki main aise mata pita ki aulaad hu jinhone apne jeewan me kabhi bhi kisi ke sath achha nahi socha."

"Tum bewajah baato ka patangad bana rahi ho ritu." Gauri ne is baar thoda narm lahje me kaha_____"Maine ya kisi ne bhi tum par kisi baat ka shak nahi kiya aur na hi shak karne ke bare me socha hai kyoki main achhi tarah jaanti hu ki meri ritu bitiya laakho me ek hai. Main sirf is liye aisa kah rahi hu kyoki sambhav hai ki neelam ne kisi tarah tumhe bargala diya ho aur tum uske moh me aa kar ya yu kahu ki uski baato me aa kar use yaha se chup chaap nikaal diya ho."

"Gauri bhabhi sach kah rahi hain ritu beta." Abhay singh ne bhi is baar narm lahje me kaha____"Baat tum par shak karne ki nahi hai balki baat hai halaat ki. Tum bhi achhi tarah jaanti ho ki jaise jaise waqt guzarta ja raha hai waise waise hamare prati gaav samaaj ke logo ki soch me yakeenan fark bhi padta ja raha hoga. Insaan laakh achhaaiyo ka putla ho lekin agar wo waqt ke sath apne uchit karm nahi karta to uski achhaaiyo par log sawaal khade karne lagte hain. Ham aur hamara khandaan is gaav ke liye ek misaal ke taur par hai lekin agar ham hi uchit samay par uchit kaarya nahi karenge to ham logo ke liye prerna aur aadarsh kaise bane rah sakenge?"

"Main samajhti hu chacha ji." Ritu ne gambheer bhaav se kaha____"Lekin mera bhi yakeen kijiye. Mujhe sach me nahi pata ki neelam kaha hai aur agar aapko ye lagta hai ki maine use haweli se nikaal kar kahi bhej diya hai to aap yaha ke kisi bhi naukar se puchh lijiye. Raat me jab main yaha se gayi thi to us samay haweli se baahar gate par do pahredaar the. Unhe maine bataya tha ki zyada der huyi to main waapas nahi aaugi yaha. Itna hi nahi jab raat ko main yaha se ja rahi thi to savita aunty ne bhi mujhe dekha tha aur unke puchhne par maine unhe bataya bhi tha ki main kis kaam se ja rahi hu. Wo aapko bata sakti hain ki main yaha se akele hi gayi thi ya mere sath neelam bhi thi."

"Haan ham pata kar chuke hain." Abhay singh ne gahri saans li_____"Sabka yahi kahna hai ki tum akele hi apni police car me haweli se baahar gayi thi. Unme se kisi ne bhi tumhare sath neelam ko kahi jaate nahi dekha."

"Kaise dekhte chacha ji?" Ritu ne man hi man raahat ki saans lete huye kaha____"Main to raat ko haweli se akele hi gayi thi. Yaha aane ke baad hi aap sab ke dwara mujhe pata chala hai ki neelam yaha nahi hai. Aakhir wo kaha gayi hogi aur kis waqt gayi hogi? Itna hi nahi use kisi ne yaha se jaate huye kaise nahi dekha?"

Ritu ne ye sab kahte waqt apne chehre par aise bhaav ujaagar kar liye the jaise wo sach me is baat se behad hairaan ho aur use neelam se aise kaam ki ummid na rahi ho. Kuch der aur isi bare me baate huyi uske baad ritu man hi man muskuraati huyi upar apne kamre ki taraf badh gayi. Halaaki use sab logo se neelam ke bare me is tarah safed jhooth bolne me zara bhi achha nahi laga tha lekin neelam ki bhavnaao ka use bakhubi ehsaas tha is liye usne ye sab kiya tha. Upar wale se usne iske liye maafi bhi maag li thi.

Ritu ke jane ke baad abhay singh ne haweli ke sabse khaas naukar shankar aur hariya ko bulaya aur un dono ko neelam ki khoj karne ke kaam me laga diya. Uske chehre par chinta aur pareshaani ke bhaav saaf dekhe ja sakte the. Yahi haal lagbhag sabka hi tha.

❁❁❁❁❁

Subah ke aath baj chuke the.
Chhote se aayatakaar hall me rakhi aayatakaar table ke charo taraf kareeb chaar kursiya rakhi huyi thi. Un chaar kursiyo me se ek kursi par ek ladki baithi huyi thi. Ladki ka naam Wafa Khan tha. Chehra saadgi aur masoomiyat se bhara hua tha lekin is waqt uske chehre ki khubsurti me ek grahan sa laga hua tha jo ki uske chehre par chhaayi huyi udaasi ka hi nateeja tha. Chehre par gardish karte bhaav bata rahe the ki wo kisi khayaalo me gum hai. Tabhi baaye taraf huyi aahat se uska dhyaan toota to wo halke se chaunki aur suraahidaar gardan ko halka baayi taraf mod kar usne dekha.

Seedhiyo se use ek aisa shakhs neeche aata hua nazar aaya jiska chehra badi badi daadhi aur moonchho se bhara hua tha. Sir par bade bade baal the jo uske kandho se bhi neeche tak jhool rahe the. Uski height chhah fit se hargiz bhi kam nahi lag rahi thi. Hatte katte jism par kaale rang ki jeans aur kaale rang ki hi t-shirt thi. T-shirt half baaju wali thi jisme uski bhujaao ki machhaliya buri tarah kasi huyi dikh rahi thi. Chauda seena t-shirt me ek alag hi nazara pesh kar raha tha. Apne baaye kandhe par usne kaale rang ka hi over coat taang rakha tha. Wafa use apni taraf aate dekh thoda samhal kar baith gayi thi lekin nazre jaise uske chehre par hi chipak gayi thi. Uske dil me halchal to shuru ho gayi thi lekin sath hi ek dard bhari tees bhi ubhar aayi thi jo uske samuche jism me sihran si dauda gayi. Kuch hi palo me wo shakhs aayatakaar table ke paar rakhi ek kursi par baith gaya. Chehra patthar ki tarah shakht tha.

Wafa ne jab dekha ki wo kursi par baith gaya hai to wo apni kursi se uthi aur kitchen ki taraf badh gayi. Kuch hi der me wo do thaali le kar aayi aur ek thaali usne us shakhs ke saamne table par rakha aur doosri thaali le kar wo apni kursi par baith gayi. Hall me aisa sannata chha gaya tha ki agar kahi sui jaisi mamooli cheez bhi gire to uski awaaz dhamake jaisi lage.

"Raat ko tum kitne baje aaye the raj?" Wafa ne us shakhs ki taraf ek nazar daalte huye santulit lahje se puchha, halaaki uski dhadkane tez ho gayi thi, boli____"Maine tumhe kitna phone lagaya lekin tumne uthaya hi nahi. Kya ek baar bhi mere bare me nahi socha ki aise me yaha meri kya haalat ho rahi hogi?"

"Main faaltu ki baate nahi sochta." Us shakhs ne shakht aur sapaat lahje me uski taraf dekhte huye kaha____"Agar tum ye sochti ho ki tumne jo kuch mere liye kiya hai uska ehsaan maan kar tumhe shukriya kahuga to galat sochti ho tum. Maine nahi kaha tha ki tum mere liye wo sab karo. Us raat mar jane diya hota mujhe."

"Khuda ke liye aisi baate mat karo raj." Wafa ki awaaz bhaari ho gayi___"Aakhir kyo khud ko itna saza dete ho aur apne sath mujhe bhi? Hazaar baar puchh chuki hu tumse ki aisa kya ho gaya hai jiski vajah se tum aise patthar dil ban gaye ho? Kya mera itna bhi haq nahi hai ki tumhare dukh dard baant saku aur tumhe do pal ke liye hi sahi magar khushiya de saku?"

"Kya tum ye chaahti ho ki main yaha se bina kuch khaye uth kar chala jaau?" Us shakhs ne usi shakht lahje me kaha jise wafa ne raj naam se sambodhit kar rahi thi.

"Nahi nahi." Wafa ekdam se hadbada gayi thi, fir gahri saans le kar boli____"Main ab kuch nahi bolugi. Tum araam se naasta kar lo."

Uske baad sach me wafa kuch na boli thi. Dono ke beech ek baar fir se sannata chha gaya tha. Kuch hi der me shakhs ne naasta khatam kiya aur fir uth kar kursi ki pichhli pusht se apna over coat le kar baahar nikal gaya. Peechhe wafa aankho me aansu liye usko jata dekhti rah gayi thi.

Baahar aa kar wo car me baitha aur fir car ko start kar bandookh se chhooti goli ki tarah udan chhu ho liya. Pakki sadak par uski car hawa se baate kar rahi thi. Isi beech uska keypad mobile baja. Usne call pick ki aur ye kah kar call cut kar diya ki____"Paanch minute me pahuch raha hu."

Paanch minute baad uski car shahar ke us ilaake me daakhil huyi jaha par construction ka kaam chal raha tha. Waha ek chamchamaati huyi car pahle se hi khadi thi. Raj naam ke us shakhs ne usi chamchamaati car se thoda door apni car ko roka aur driving door khol kar baahar nikla. Aas paas ek baar nazar daalne ke baad wo dusri car ki taraf badh chala.

"Ham kaafi der se yaha tumhara intzaar kar rahe the shera." Doosri car ki pichhli sheet par baithe ek aise shakhs ne usse kaha jiske bhare huye jism par sky blue colour ka coat pant tha. Car ki driving sheet par ek aur aadmi baitha tha jo shayad us blue coat wale aadmi ka driver tha.

"Maaf kijiye thoda aane me time lag gaya." Shera ne kaha lekin maafi maagne jaise bhaav uske chehre par hargiz nahi the, balki wo pahle ki tarah ki kathor nazar aa raha tha.

"Koi baat nahi." Us blue coat wale ne kaha____"Aao andar baitho. Hame tumse kuch zaruri baate karni hain."
"Aap mujhe bangle par hi bula lete." Shera ne kaha____"Is jagah par kyo?"

"Tum hamare sabse khaas aadmi ho shera." Coat wale ne kaha___"Aur yakeen maano ham tumhe dil se apna samajhte hain. Ye alag baat hai ki tum hame dil se apna nahi samajhte. Hamare laakh puchhne par tumne kabhi apne bare me kuch nahi bataya. Halaaki tumhare bare me jaanne ke hazaar raaste ham nikaal sakte the lekin nikala is liye nahi kyoki ham chaahte hain ki apna sach tum khud apne mukh se hame bataao. Khair koi baat nahi, aao andar baitho."

Us blue coat wale ne ye kaha to shera naam ka wo shakhs car ke andar uske bagal se baith gaya. Udhar us shakhs ne driver se baahar nikal jane ke liye kaha to driver ji sahab kah kar baahar nikal gaya.

"Ab bataaiye singhaniya sahab." Driver jab baahar chala gaya to shera ne us coat wale se kaha____"Aisi kaun si zaruri baat thi jise karne ke liye aapne mujhe is jagah par bulaya hai?"

"Ham tumse ghuma fira kar koi baat nahi karenge shera." Singhaniya ne gahri saans lete huye kaha____"Is liye ham tumse seedhe taur par yahi kahte hain ki ab se tum hamari beti maya ki suraksha ki jimmedaari apne kandhe par le lo. Tumhara kaam sirf yahi hoga ki tum uske sath har waqt uska saaya ban kar rahoge."

"Ye aap kya kah rahe hain singhaniya sahab?" Shera naam ka shakhs buri tarah chaunka, bola____"Nahi nahi, ye jimmedaari main nahi le sakta. Aap is kaam ke liye apne kisi aur aadmi ko kah dijiye. Aapke paas to waise bhi mere jaise bahut log hain."

"Beshak hain shera." Singhaniya ne kaha____"Lekin wo tum jaise imandaar aur bahadur nahi hain. Doosri baat ye bhi hai ki agar tum maya ki suraksha ki jimmedaari loge to ham puri tarah se uske liye befikra ho jayenge."

"Wo to theek hai singhaniya sahab." Shera ke chehre par chinta aur pareshani ke bhaav ubhar aaye the____"Lekin main ye jimmedaari nahi le sakta. Please iske liye mujhe maaf kar dijiye."

"Hame samajh nahi aa raha ki tum is jimmedari ko lene se inkaar kyo kar rahe ho?" Singhaniya ke chehre par uljhan ke bhaav ubhar aaye the, bola____"Aakhir baat kya hai? Tumhare chehre par achanak hi nazar aane lagi chinta aur pareshani ka kya matlab hai?"

"Aap mujhe is kaam ke alawa duniya ka koi bhi kaam de dijiye main mana nahi karuga." Shera ne sapaat lahje me kaha____"Lekin is kaam ko main nahi kar sakta. Meri kuch apni majburiya hain singhaniya sahab."

"Badi ajeeb baat hai." Singhaniya hairaani aur uljhan bhare bhaav se bola____"Tum duniya ka koi bhi kaam kar sakte ho lekin hamari beti ki suraksha ki jimmedaari nahi le sakte. Ye aisi baat hai jis par yakeen karna behad mushkil hai. Ham jaanna chaahte hain ki aakhir tum is kaam ke liye inkaar kyo kar rahe ho?"

"Apni ek kamzori ki vajah se singhaniya sahab." Shera ne car ki khidki ke us paar dekhte huye kaha____"Darasal mujhe ek gambheer bimaari hai. Chaubees ghante me ek baar mujhe ek aisa injection lena padta hai jo mujhe chaubees ghante ke liye normal banaye rakhe. Agar durbhagya se maine injection nahi liya to main kisi ke bhi sath anarth kar sakta hu. Yahi vajah hai ki main aapki beti ki suraksha ki jimmedari lene se inkaar kar raha hu. Main nahi chaahta ki meri vajah se kisi masoom ki zindagi tabaah ho jaye."

Shera ki baate sun kar singhaniya use is tarah dekhne laga tha jaise achanak hi use shera ke sir par qutub minar dance karta hua nazar aane laga ho. Kuch der tak dono ke beech gahra sannata kaayam raha.

"Ye to waakayi me badi gambheer bimaari hai tumhe." Fir singhaniya ne gahri saans lete huye kaha____"Lekin tumne kabhi iska ilaaz kyo nahi karwaya?"

"Karwana bhi nahi chaahta." Shera ne shakhti se apne jabde bheenchte huye kaha to singhaniya ki aankhe ashcharya se fail gayi, bola____"Ye kya kah rahe ho tum? Duniya me aisa kaun sa insaan hai jo apni kisi bimaari se nijaat paane ki hasrat na rakhe? Dekho, agar rupaye paise ki samasya ki vajah se tum apna ilaaz nahi karwa rahe to tumhari ye samasya ham door kar denge. Tumhare ilaaz me chaahe jitna bhi rupaya lage ham khushi se lagayenge."

"Rupaya paisa kya cheez hai singhaniya sahab." Shera is tarah muskuraya tha jaise singhaniya ne koi bachkaani baat kah di ho, bola_____"Meri nazar me uski koi ehmiyat nahi hai aur na hi main uske peechhe bhagne wala insaan hu. Khair mujhe achha laga ki aap mere liye aisa sochte hain lekin sach yahi hai ki main apni is bimaari ka ilaaz nahi karwana chaahta. Agar karwana hi hota to kab ka karwa liya hota."

Singhaniya ko samajh na aaya ki shera kis type ka insaan hai? Pichhle teen saalo se wo uske liye kaam kar raha tha. Usne hamesha is shakhs ko khamosh hi dekha tha. Uske chehre par kabhi usne normal bhaav nahi dekhe the. Halaaki singhaniya ek anubhavi insaan tha aur is shahar ka ek bada business man tha is liye wo ye achhi tarah samajhta tha ki shera naam ka uska ye aadmi apne andar na jane kitne raaz dabaye baitha hai aur na jane kitne jwalamukhi sanjoye huye hai jo agar baahar nikal aaye to har jagah tabaahi macha sakta hai. In teen saalo me singhaniya ke dwara diya gaya aisa koi kaam nahi tha jo shera ne apni kabiliyat aur bahaduri se kar na dikhaya ho. Yahi vajah thi ki wo use apna sabse khaas aadmi bana ke rakhe huye tha. Shera ek aisa shakhs tha jo kisi ki bandisho me bandh kar nahi rahta tha aur singhaniya bhi use azaad sher bana ke rakhta tha.

"Ham nahi jaante ki jeewan me tumhare sath kya hua hai aur na hi tumne hamare puchhne par kabhi bataya hai." Singhaniya ne ek cigar jalane ke baad kaha____"Lekin itna zarur kahenge ki upar wale ne tumhe jo anmol jeewan diya hai use yu byarth me mat gawaao. Agar koi dukh hai ya koi baat hai to use itna bada na bana lo ki uski vajah se tumhe apna jeewan byarth lagne lage aur tum apne andar maujood khwaahisho ka gala ghont do. Duniya ka sabse bada sach ye bhi hai ki waqt hamesha ek jaisa nahi rahta. Aaj agar hame kisi cheez ka dukh hai to samjho ek din ye dukh zarur door ho jaayega aur jeewan me khushiyo ka waqt aa jaayega. Khair hame yakeen hai ki ek din aisa zarur aayega jab tumhare jeewan me sab kuch theek ho jaayega. Ab rahi baat hamari beti ki suraksha ki jimmedaari lene ki to wo tumhe lena hi hoga. Hame pura yakeen hai ki tumhari suraksha me rahne ke baad hamari beti ko kabhi bhi kisi tarah ka koi sankat nahi aayega."

"Aap samajh nahi rahe hain singhaniya sahab." Shera ne bebas bhaav se kaha____"Durbhagya kisi ko bata kar nahi aata. Main ek badnaseeb insaan hu, is liye main ye hargiz nahi chaah sakta ki meri badnaseebi ki chhaya kisi masoom par pade."

"Tum aisa is liye kah rahe ho kyoki tum apne jeewan se bahut hi zyada niraash ho chuke ho." Singhaniya ne kaha____"Jabki ham jaante hain ki waisa kuch bhi nahi hoga jaise ka tumhe dar hai. Hamari beti ki suraksha ki jimmedari ab se tumhari hi hogi. Ham chaahte hain ki tum uske sath har waqt uska saaya ban kar raho. Ek baat aur, wo thoda ziddi hai aur muhfat bhi hai is liye agar wo tumhe kuch ulta seedha bol de to uska bura mat maanna."

Singhaniya itna kah kar chup hua aur cigar ke kash lene laga. Idhar shera uski baate sunne ke baad pareshaan haalat me baitha tha. Use samajh nahi aa raha tha ki wo aisa kya kare ki singhaniya use ye kaam karne ko na kahe lekin filhaal use kuch soojh nahi raha tha.

"Itna mat socho shera." Singhaniya ne use socho me gum dekha to kaha____"Aur na hi hamesha negative soch rakho. Hamesha yahi socho ki jo hoga achha hi hoga. Jitna ham tumhe in teen saalo me samjhe hain usse ham daave ke sath kah sakte hain ki tum ek majboot tabiyat ke insaan ho. Jis ladki ke sath tum rahte ho wo is baat ka saboot hai ki ab tak tumne apni is bimaari ki vajah se kisi bhi ladki ke sath anarth nahi kiya hai aur aage bhi hame tumse yahi ummid hai. Khair, ham tumse apne dil ki ek baat kahna chaahte hain aur wo ye ki achanak se hame apni beti ki suraksha ka khayaal is liye aaya hai kyoki hame kahi na kahi ye ehsaas hua hai ki kuch log hamari beti me hamari dhan daulat ko dekhte hain. Halaaki ham jaante hain ki hamari beti ko itna jaldi koi bhi bargala nahi sakta lekin ye bhi sach hai ki ham apne is yakeen ke aasre nahi rahna chaahte. Yahi vajah hai ki hamne tumhe ye kaam aur ye jimmedaari saumpi hai."

"Agar aapne soch hi liya hai to fir bhala main kaise aapko inkaar kar sakta hu?" Shera ne bujhe man se lekin gahri saans le kar kaha_____"Main kal se hi maya madam ka saaya ban kar unke sath rahne laguga lekin....!"

"Lekin???" Singhaniya ke chehre par sawaaliya bhaav ubhre.
"Aap jaante hain ki main ek ladki ke sath rahta hu." Shera ne kaha____"Uski suraksha ki jimmedari bhi maine le rakhi hai. Is shahar me wo bhi meri tarah akeli hi hai is liye main ye bhi nahi chaahta ki us par kisi tarah ka sankat aaye."

"Haan ham samajhte hain." Singhaniya ne sir hilaate huye kaha____"Lekin ham ye nahi kah rahe ki tum hamari beti ka saaya ban kar chaubeeso ghante uske sath raho, balki tumhe uske sath tabhi tak rahna hai jab tak ki wo apne office se bangle par aa nahi jaati."

"Fir theek hai." Shera ne kaha____"Achha ab mujhe ijaazat dijiye."
"Ek baat aur." Shera jaise hi car ka darwaza khol kar baahar aaya to peeche se singhaniya ne kaha_____"Apna ye huliya bhi theek kar lena. Tumhare is huliye ko dekh kar sambhav hai ki hamari beti tumhe body guard ke roop me apne paas rakhne se saaf inkaar kar de is liye apna ye huliya badal lena. Yaar upar wale ne tumhe itni achhi personality di hai iske bavjood jane kyo tumne khud ka fakeero jaisa haal bana rakha hai."

Shera ne suna aur fir palat kar waapas apni car ki taraf badh gaya. Car ka driving door khol kar usne andar se apna over coat nikala aur use pahan kar driving sheet par baith gaya. Kuch hi palo me uski car U-Turn le kar usi taraf badhi chali ja rahi thi jis taraf se wo aayi thi.

━━━━✦༺❁༻✦━━━━​

 

[TheBlackBlood]

Next update posted...
Read, enjoy and give your feedback

 

[Aakesh.]

Update - 04
━━━━━━━━━━━━━​

Uski kathorta aur uske is rookhe byohaar se wafa ka dil chhalni ho jaata tha aur phir wo apne kamre me bed par lete lete khoob roti thi magar phir ye tasalli karti ki jise usne toot toot kar chaaha tha aur jiske haasil hone ki koi ummeed hi nahi thi wo aaj uske ghar me uske itne qareeb to hai.

Present_____

Apne ateet ke ek maamuli hisse me khoye huye us shakhs ko jaane kab neend aa gayi iska use pata hi na chala. Ek do ghante baad subah hone waali thi. Aane wali subah aur aane wala waqt jane kaun si saugaat liye khada tha?

━━━━✦༺❁༻✦━━━━​

Ab Aage______

Doosre din ritu gungun se jab apne gaav haldipur pahuchi to dekha haweli me ek alag hi nazara dikh raha tha. Dring room me rakhe sofo par chacha abhay singh, karuna, saumya, gauri, rukmini, divya shagun aadi sab baithe huye the aur un sabke beech gahra sannata byaapt tha. Jaha abhay singh aur gauri ka chehra shakht aur gusse se bhara hua nazar aa raha tha wahi baaki logo ke chehro par gambheerta kaayam thi. Ritu apni police car se utar kar jaise hi haweli ke andar dring room me daakhil huyi to waha baithe huye logo ko aur waha chhaaye huye sannate ko dekh kar man hi man chaunk jana pada tha. Halaaki use is sab ki pahle se hi ummid thi aur usne is sabke liye khud ko taiyar bhi kar liya tha lekin baavjood iske use jhooth bolne me aur jhooth ko chhupane me thoda uncomfortable feel ho raha tha.

"Kya baat hai, aap sab is tarah chup chaap se kyo baithe huye hain?" Fir usne har baat se anjaan bante huye sabki taraf ek ek nazar daalte huye kaha____"Kuch hua hai kya?"

"Neelam kaha hai?" Ritu ke puchhne par abhay singh ne uski taraf dhyaan se dekhte huye lekin shakht bhaav se puchha. Abhay ke puchhne par ritu ne apne chehre par aise bhaav ujaagar kar liye jaise use apne chacha ki baat samajh me na aayi ho, boli____"Neelam kaha hai??? Main kuch samjhi nahi chacha ji."

"Anjaan banne ki koshish mat karo ritu." Abhay singh ne usi shakht lahje me kah____"Tum achhi tarah samajh rahi ho ki maine tumse kya puchha hai?"
"Main bhala kisi baat ke liye anjaan banne ki koshish kyo karugi chacha ji?" Ritu ne masoom si shakal bana kar kaha____"Raat me department se mujhe phone aaya tha to main yaha se chali gayi thi. Savita aunty ko maine bataya bhi tha. Mujhe samajh me nahi aa raha hai ki aap mujhse ye kyo puch rahe hain ki neelam kaha hai, jabki neelam to haweli me hi apne kamre me hogi."

"Nahi hai." Abhay singh ne kathorta se kaha____"Use uske kamre ke sath sath puri haweli me khoja ja chuka hai lekin uska kahi pata nahi chala. Maujooda waqt me jo halaat hain usse saaf zaahir hai ki wo haweli se hi nahi balki is gaav se hi ja chuki hai."

"Ye aap kya kah rahe hain chacha ji?" Ritu ne ye sun kar buri tarah uchhal padne ki acting ki, fir hairaani ke bhaav liye boli____"Kal raat ko to wo apne kamre me hi thi aur main khud bhi kuch der uske kamre me hi thi. Use samjha rahi thi ki use apni zid chhod kar shadi ke liye maan jana chahiye."

"To tum ye kahna chaahti ho ki neelam ke bare me tumhe kuch pata hi nahi hai ki wo kaha hai ya kaha gayi hai?" Gauri ne teekhe bhaav se uski taraf ghoorte huye kaha____"Jabki ham sabko yakeen hai ki use haweli se tumne hi nikaala ho sakta hai lekin is tarah se ki kisi ko is baat ki bhanak tak na lag sake."

"Aap bewajah mujh par shak kar rahi hain chachi ji." Ritu ne is baar dukhi bhaav se kaha_____"Aapne ye kaise soch liya ki main is tarah ki bachkaani harkat karugi? Ishwar jaanta hai ki mere dil me aap sabke liye kitni izzat aur sammaan ki bhaavna hai. Kya aap mujh par sirf is liye shak kar rahi hain kyoki main ajay singh aur pratima jaise ghatiya mata pita ki aulaad hu?."

"Tum galat samajh rahi ho ritu." Saumya ne halaat ki gambheerta ko dekhte huye kaha____"Gauri bhabhi ke kahne ka ye matlab nahi tha."

"Main koi bachchi nahi hu bua jise itni bhi samajh na ho ki kisi ki baato ka kya matlab hota hai." Ritu ne pahle ki bhaanti hi dukhi bhaav se kaha____"Pichhle saat saalo se main yahi saabit karne ki koshish kar rahi hu ki mere mata pita bhale hi chaahe jaise rahe ho aur bhale hi meri rango me unka hi ganda khoon daud raha ho lekin main apne mata pita ki tarah giri huyi soch nahi rakhti. Ishwar jaanta hai ki in saat saalo me maine ek pal ke liye bhi haweli me rahne wale apne azizo ko gair nahi samjha, balki is baat ke liye ishwar ko shukriya hi kaha hai ki mujhe ek aisa pariwar mila hai jo mujhe apni beti ki tarah pyar karte hain lekin bua hakikat to ye hai ki main bhale hi yaha par apni begunaahi ke liye apna sir patak ke mar jaau lekin mere ye apne mujh par yakeen nahi kar sakte. Aisa is liye kyoki main aise mata pita ki aulaad hu jinhone apne jeewan me kabhi bhi kisi ke sath achha nahi socha."

"Tum bewajah baato ka patangad bana rahi ho ritu." Gauri ne is baar thoda narm lahje me kaha_____"Maine ya kisi ne bhi tum par kisi baat ka shak nahi kiya aur na hi shak karne ke bare me socha hai kyoki main achhi tarah jaanti hu ki meri ritu bitiya laakho me ek hai. Main sirf is liye aisa kah rahi hu kyoki sambhav hai ki neelam ne kisi tarah tumhe bargala diya ho aur tum uske moh me aa kar ya yu kahu ki uski baato me aa kar use yaha se chup chaap nikaal diya ho."

"Gauri bhabhi sach kah rahi hain ritu beta." Abhay singh ne bhi is baar narm lahje me kaha____"Baat tum par shak karne ki nahi hai balki baat hai halaat ki. Tum bhi achhi tarah jaanti ho ki jaise jaise waqt guzarta ja raha hai waise waise hamare prati gaav samaaj ke logo ki soch me yakeenan fark bhi padta ja raha hoga. Insaan laakh achhaaiyo ka putla ho lekin agar wo waqt ke sath apne uchit karm nahi karta to uski achhaaiyo par log sawaal khade karne lagte hain. Ham aur hamara khandaan is gaav ke liye ek misaal ke taur par hai lekin agar ham hi uchit samay par uchit kaarya nahi karenge to ham logo ke liye prerna aur aadarsh kaise bane rah sakenge?"

"Main samajhti hu chacha ji." Ritu ne gambheer bhaav se kaha____"Lekin mera bhi yakeen kijiye. Mujhe sach me nahi pata ki neelam kaha hai aur agar aapko ye lagta hai ki maine use haweli se nikaal kar kahi bhej diya hai to aap yaha ke kisi bhi naukar se puchh lijiye. Raat me jab main yaha se gayi thi to us samay haweli se baahar gate par do pahredaar the. Unhe maine bataya tha ki zyada der huyi to main waapas nahi aaugi yaha. Itna hi nahi jab raat ko main yaha se ja rahi thi to savita aunty ne bhi mujhe dekha tha aur unke puchhne par maine unhe bataya bhi tha ki main kis kaam se ja rahi hu. Wo aapko bata sakti hain ki main yaha se akele hi gayi thi ya mere sath neelam bhi thi."

"Haan ham pata kar chuke hain." Abhay singh ne gahri saans li_____"Sabka yahi kahna hai ki tum akele hi apni police car me haweli se baahar gayi thi. Unme se kisi ne bhi tumhare sath neelam ko kahi jaate nahi dekha."

"Kaise dekhte chacha ji?" Ritu ne man hi man raahat ki saans lete huye kaha____"Main to raat ko haweli se akele hi gayi thi. Yaha aane ke baad hi aap sab ke dwara mujhe pata chala hai ki neelam yaha nahi hai. Aakhir wo kaha gayi hogi aur kis waqt gayi hogi? Itna hi nahi use kisi ne yaha se jaate huye kaise nahi dekha?"

Ritu ne ye sab kahte waqt apne chehre par aise bhaav ujaagar kar liye the jaise wo sach me is baat se behad hairaan ho aur use neelam se aise kaam ki ummid na rahi ho. Kuch der aur isi bare me baate huyi uske baad ritu man hi man muskuraati huyi upar apne kamre ki taraf badh gayi. Halaaki use sab logo se neelam ke bare me is tarah safed jhooth bolne me zara bhi achha nahi laga tha lekin neelam ki bhavnaao ka use bakhubi ehsaas tha is liye usne ye sab kiya tha. Upar wale se usne iske liye maafi bhi maag li thi.

Ritu ke jane ke baad abhay singh ne haweli ke sabse khaas naukar shankar aur hariya ko bulaya aur un dono ko neelam ki khoj karne ke kaam me laga diya. Uske chehre par chinta aur pareshaani ke bhaav saaf dekhe ja sakte the. Yahi haal lagbhag sabka hi tha.

❁❁❁❁❁

Subah ke aath baj chuke the.
Chhote se aayatakaar hall me rakhi aayatakaar table ke charo taraf kareeb chaar kursiya rakhi huyi thi. Un chaar kursiyo me se ek kursi par ek ladki baithi huyi thi. Ladki ka naam Wafa Khan tha. Chehra saadgi aur masoomiyat se bhara hua tha lekin is waqt uske chehre ki khubsurti me ek grahan sa laga hua tha jo ki uske chehre par chhaayi huyi udaasi ka hi nateeja tha. Chehre par gardish karte bhaav bata rahe the ki wo kisi khayaalo me gum hai. Tabhi baaye taraf huyi aahat se uska dhyaan toota to wo halke se chaunki aur suraahidaar gardan ko halka baayi taraf mod kar usne dekha.

Seedhiyo se use ek aisa shakhs neeche aata hua nazar aaya jiska chehra badi badi daadhi aur moonchho se bhara hua tha. Sir par bade bade baal the jo uske kandho se bhi neeche tak jhool rahe the. Uski height chhah fit se hargiz bhi kam nahi lag rahi thi. Hatte katte jism par kaale rang ki jeans aur kaale rang ki hi t-shirt thi. T-shirt half baaju wali thi jisme uski bhujaao ki machhaliya buri tarah kasi huyi dikh rahi thi. Chauda seena t-shirt me ek alag hi nazara pesh kar raha tha. Apne baaye kandhe par usne kaale rang ka hi over coat taang rakha tha. Wafa use apni taraf aate dekh thoda samhal kar baith gayi thi lekin nazre jaise uske chehre par hi chipak gayi thi. Uske dil me halchal to shuru ho gayi thi lekin sath hi ek dard bhari tees bhi ubhar aayi thi jo uske samuche jism me sihran si dauda gayi. Kuch hi palo me wo shakhs aayatakaar table ke paar rakhi ek kursi par baith gaya. Chehra patthar ki tarah shakht tha.

Wafa ne jab dekha ki wo kursi par baith gaya hai to wo apni kursi se uthi aur kitchen ki taraf badh gayi. Kuch hi der me wo do thaali le kar aayi aur ek thaali usne us shakhs ke saamne table par rakha aur doosri thaali le kar wo apni kursi par baith gayi. Hall me aisa sannata chha gaya tha ki agar kahi sui jaisi mamooli cheez bhi gire to uski awaaz dhamake jaisi lage.

"Raat ko tum kitne baje aaye the raj?" Wafa ne us shakhs ki taraf ek nazar daalte huye santulit lahje se puchha, halaaki uski dhadkane tez ho gayi thi, boli____"Maine tumhe kitna phone lagaya lekin tumne uthaya hi nahi. Kya ek baar bhi mere bare me nahi socha ki aise me yaha meri kya haalat ho rahi hogi?"

"Main faaltu ki baate nahi sochta." Us shakhs ne shakht aur sapaat lahje me uski taraf dekhte huye kaha____"Agar tum ye sochti ho ki tumne jo kuch mere liye kiya hai uska ehsaan maan kar tumhe shukriya kahuga to galat sochti ho tum. Maine nahi kaha tha ki tum mere liye wo sab karo. Us raat mar jane diya hota mujhe."

"Khuda ke liye aisi baate mat karo raj." Wafa ki awaaz bhaari ho gayi___"Aakhir kyo khud ko itna saza dete ho aur apne sath mujhe bhi? Hazaar baar puchh chuki hu tumse ki aisa kya ho gaya hai jiski vajah se tum aise patthar dil ban gaye ho? Kya mera itna bhi haq nahi hai ki tumhare dukh dard baant saku aur tumhe do pal ke liye hi sahi magar khushiya de saku?"

"Kya tum ye chaahti ho ki main yaha se bina kuch khaye uth kar chala jaau?" Us shakhs ne usi shakht lahje me kaha jise wafa ne raj naam se sambodhit kar rahi thi.

"Nahi nahi." Wafa ekdam se hadbada gayi thi, fir gahri saans le kar boli____"Main ab kuch nahi bolugi. Tum araam se naasta kar lo."

Uske baad sach me wafa kuch na boli thi. Dono ke beech ek baar fir se sannata chha gaya tha. Kuch hi der me shakhs ne naasta khatam kiya aur fir uth kar kursi ki pichhli pusht se apna over coat le kar baahar nikal gaya. Peechhe wafa aankho me aansu liye usko jata dekhti rah gayi thi.

Baahar aa kar wo car me baitha aur fir car ko start kar bandookh se chhooti goli ki tarah udan chhu ho liya. Pakki sadak par uski car hawa se baate kar rahi thi. Isi beech uska keypad mobile baja. Usne call pick ki aur ye kah kar call cut kar diya ki____"Paanch minute me pahuch raha hu."

Paanch minute baad uski car shahar ke us ilaake me daakhil huyi jaha par construction ka kaam chal raha tha. Waha ek chamchamaati huyi car pahle se hi khadi thi. Raj naam ke us shakhs ne usi chamchamaati car se thoda door apni car ko roka aur driving door khol kar baahar nikla. Aas paas ek baar nazar daalne ke baad wo dusri car ki taraf badh chala.

"Ham kaafi der se yaha tumhara intzaar kar rahe the shera." Doosri car ki pichhli sheet par baithe ek aise shakhs ne usse kaha jiske bhare huye jism par sky blue colour ka coat pant tha. Car ki driving sheet par ek aur aadmi baitha tha jo shayad us blue coat wale aadmi ka driver tha.

"Maaf kijiye thoda aane me time lag gaya." Shera ne kaha lekin maafi maagne jaise bhaav uske chehre par hargiz nahi the, balki wo pahle ki tarah ki kathor nazar aa raha tha.

"Koi baat nahi." Us blue coat wale ne kaha____"Aao andar baitho. Hame tumse kuch zaruri baate karni hain."
"Aap mujhe bangle par hi bula lete." Shera ne kaha____"Is jagah par kyo?"

"Tum hamare sabse khaas aadmi ho shera." Coat wale ne kaha___"Aur yakeen maano ham tumhe dil se apna samajhte hain. Ye alag baat hai ki tum hame dil se apna nahi samajhte. Hamare laakh puchhne par tumne kabhi apne bare me kuch nahi bataya. Halaaki tumhare bare me jaanne ke hazaar raaste ham nikaal sakte the lekin nikala is liye nahi kyoki ham chaahte hain ki apna sach tum khud apne mukh se hame bataao. Khair koi baat nahi, aao andar baitho."

Us blue coat wale ne ye kaha to shera naam ka wo shakhs car ke andar uske bagal se baith gaya. Udhar us shakhs ne driver se baahar nikal jane ke liye kaha to driver ji sahab kah kar baahar nikal gaya.

"Ab bataaiye singhaniya sahab." Driver jab baahar chala gaya to shera ne us coat wale se kaha____"Aisi kaun si zaruri baat thi jise karne ke liye aapne mujhe is jagah par bulaya hai?"

"Ham tumse ghuma fira kar koi baat nahi karenge shera." Singhaniya ne gahri saans lete huye kaha____"Is liye ham tumse seedhe taur par yahi kahte hain ki ab se tum hamari beti maya ki suraksha ki jimmedaari apne kandhe par le lo. Tumhara kaam sirf yahi hoga ki tum uske sath har waqt uska saaya ban kar rahoge."

"Ye aap kya kah rahe hain singhaniya sahab?" Shera naam ka shakhs buri tarah chaunka, bola____"Nahi nahi, ye jimmedaari main nahi le sakta. Aap is kaam ke liye apne kisi aur aadmi ko kah dijiye. Aapke paas to waise bhi mere jaise bahut log hain."

"Beshak hain shera." Singhaniya ne kaha____"Lekin wo tum jaise imandaar aur bahadur nahi hain. Doosri baat ye bhi hai ki agar tum maya ki suraksha ki jimmedaari loge to ham puri tarah se uske liye befikra ho jayenge."

"Wo to theek hai singhaniya sahab." Shera ke chehre par chinta aur pareshani ke bhaav ubhar aaye the____"Lekin main ye jimmedaari nahi le sakta. Please iske liye mujhe maaf kar dijiye."

"Hame samajh nahi aa raha ki tum is jimmedari ko lene se inkaar kyo kar rahe ho?" Singhaniya ke chehre par uljhan ke bhaav ubhar aaye the, bola____"Aakhir baat kya hai? Tumhare chehre par achanak hi nazar aane lagi chinta aur pareshani ka kya matlab hai?"

"Aap mujhe is kaam ke alawa duniya ka koi bhi kaam de dijiye main mana nahi karuga." Shera ne sapaat lahje me kaha____"Lekin is kaam ko main nahi kar sakta. Meri kuch apni majburiya hain singhaniya sahab."

"Badi ajeeb baat hai." Singhaniya hairaani aur uljhan bhare bhaav se bola____"Tum duniya ka koi bhi kaam kar sakte ho lekin hamari beti ki suraksha ki jimmedaari nahi le sakte. Ye aisi baat hai jis par yakeen karna behad mushkil hai. Ham jaanna chaahte hain ki aakhir tum is kaam ke liye inkaar kyo kar rahe ho?"

"Apni ek kamzori ki vajah se singhaniya sahab." Shera ne car ki khidki ke us paar dekhte huye kaha____"Darasal mujhe ek gambheer bimaari hai. Chaubees ghante me ek baar mujhe ek aisa injection lena padta hai jo mujhe chaubees ghante ke liye normal banaye rakhe. Agar durbhagya se maine injection nahi liya to main kisi ke bhi sath anarth kar sakta hu. Yahi vajah hai ki main aapki beti ki suraksha ki jimmedari lene se inkaar kar raha hu. Main nahi chaahta ki meri vajah se kisi masoom ki zindagi tabaah ho jaye."

Shera ki baate sun kar singhaniya use is tarah dekhne laga tha jaise achanak hi use shera ke sir par qutub minar dance karta hua nazar aane laga ho. Kuch der tak dono ke beech gahra sannata kaayam raha.

"Ye to waakayi me badi gambheer bimaari hai tumhe." Fir singhaniya ne gahri saans lete huye kaha____"Lekin tumne kabhi iska ilaaz kyo nahi karwaya?"

"Karwana bhi nahi chaahta." Shera ne shakhti se apne jabde bheenchte huye kaha to singhaniya ki aankhe ashcharya se fail gayi, bola____"Ye kya kah rahe ho tum? Duniya me aisa kaun sa insaan hai jo apni kisi bimaari se nijaat paane ki hasrat na rakhe? Dekho, agar rupaye paise ki samasya ki vajah se tum apna ilaaz nahi karwa rahe to tumhari ye samasya ham door kar denge. Tumhare ilaaz me chaahe jitna bhi rupaya lage ham khushi se lagayenge."

"Rupaya paisa kya cheez hai singhaniya sahab." Shera is tarah muskuraya tha jaise singhaniya ne koi bachkaani baat kah di ho, bola_____"Meri nazar me uski koi ehmiyat nahi hai aur na hi main uske peechhe bhagne wala insaan hu. Khair mujhe achha laga ki aap mere liye aisa sochte hain lekin sach yahi hai ki main apni is bimaari ka ilaaz nahi karwana chaahta. Agar karwana hi hota to kab ka karwa liya hota."

Singhaniya ko samajh na aaya ki shera kis type ka insaan hai? Pichhle teen saalo se wo uske liye kaam kar raha tha. Usne hamesha is shakhs ko khamosh hi dekha tha. Uske chehre par kabhi usne normal bhaav nahi dekhe the. Halaaki singhaniya ek anubhavi insaan tha aur is shahar ka ek bada business man tha is liye wo ye achhi tarah samajhta tha ki shera naam ka uska ye aadmi apne andar na jane kitne raaz dabaye baitha hai aur na jane kitne jwalamukhi sanjoye huye hai jo agar baahar nikal aaye to har jagah tabaahi macha sakta hai. In teen saalo me singhaniya ke dwara diya gaya aisa koi kaam nahi tha jo shera ne apni kabiliyat aur bahaduri se kar na dikhaya ho. Yahi vajah thi ki wo use apna sabse khaas aadmi bana ke rakhe huye tha. Shera ek aisa shakhs tha jo kisi ki bandisho me bandh kar nahi rahta tha aur singhaniya bhi use azaad sher bana ke rakhta tha.

"Ham nahi jaante ki jeewan me tumhare sath kya hua hai aur na hi tumne hamare puchhne par kabhi bataya hai." Singhaniya ne ek cigar jalane ke baad kaha____"Lekin itna zarur kahenge ki upar wale ne tumhe jo anmol jeewan diya hai use yu byarth me mat gawaao. Agar koi dukh hai ya koi baat hai to use itna bada na bana lo ki uski vajah se tumhe apna jeewan byarth lagne lage aur tum apne andar maujood khwaahisho ka gala ghont do. Duniya ka sabse bada sach ye bhi hai ki waqt hamesha ek jaisa nahi rahta. Aaj agar hame kisi cheez ka dukh hai to samjho ek din ye dukh zarur door ho jaayega aur jeewan me khushiyo ka waqt aa jaayega. Khair hame yakeen hai ki ek din aisa zarur aayega jab tumhare jeewan me sab kuch theek ho jaayega. Ab rahi baat hamari beti ki suraksha ki jimmedaari lene ki to wo tumhe lena hi hoga. Hame pura yakeen hai ki tumhari suraksha me rahne ke baad hamari beti ko kabhi bhi kisi tarah ka koi sankat nahi aayega."

"Aap samajh nahi rahe hain singhaniya sahab." Shera ne bebas bhaav se kaha____"Durbhagya kisi ko bata kar nahi aata. Main ek badnaseeb insaan hu, is liye main ye hargiz nahi chaah sakta ki meri badnaseebi ki chhaya kisi masoom par pade."

"Tum aisa is liye kah rahe ho kyoki tum apne jeewan se bahut hi zyada niraash ho chuke ho." Singhaniya ne kaha____"Jabki ham jaante hain ki waisa kuch bhi nahi hoga jaise ka tumhe dar hai. Hamari beti ki suraksha ki jimmedari ab se tumhari hi hogi. Ham chaahte hain ki tum uske sath har waqt uska saaya ban kar raho. Ek baat aur, wo thoda ziddi hai aur muhfat bhi hai is liye agar wo tumhe kuch ulta seedha bol de to uska bura mat maanna."

Singhaniya itna kah kar chup hua aur cigar ke kash lene laga. Idhar shera uski baate sunne ke baad pareshaan haalat me baitha tha. Use samajh nahi aa raha tha ki wo aisa kya kare ki singhaniya use ye kaam karne ko na kahe lekin filhaal use kuch soojh nahi raha tha.

"Itna mat socho shera." Singhaniya ne use socho me gum dekha to kaha____"Aur na hi hamesha negative soch rakho. Hamesha yahi socho ki jo hoga achha hi hoga. Jitna ham tumhe in teen saalo me samjhe hain usse ham daave ke sath kah sakte hain ki tum ek majboot tabiyat ke insaan ho. Jis ladki ke sath tum rahte ho wo is baat ka saboot hai ki ab tak tumne apni is bimaari ki vajah se kisi bhi ladki ke sath anarth nahi kiya hai aur aage bhi hame tumse yahi ummid hai. Khair, ham tumse apne dil ki ek baat kahna chaahte hain aur wo ye ki achanak se hame apni beti ki suraksha ka khayaal is liye aaya hai kyoki hame kahi na kahi ye ehsaas hua hai ki kuch log hamari beti me hamari dhan daulat ko dekhte hain. Halaaki ham jaante hain ki hamari beti ko itna jaldi koi bhi bargala nahi sakta lekin ye bhi sach hai ki ham apne is yakeen ke aasre nahi rahna chaahte. Yahi vajah hai ki hamne tumhe ye kaam aur ye jimmedaari saumpi hai."

"Agar aapne soch hi liya hai to fir bhala main kaise aapko inkaar kar sakta hu?" Shera ne bujhe man se lekin gahri saans le kar kaha_____"Main kal se hi maya madam ka saaya ban kar unke sath rahne laguga lekin....!"

"Lekin???" Singhaniya ke chehre par sawaaliya bhaav ubhre.
"Aap jaante hain ki main ek ladki ke sath rahta hu." Shera ne kaha____"Uski suraksha ki jimmedari bhi maine le rakhi hai. Is shahar me wo bhi meri tarah akeli hi hai is liye main ye bhi nahi chaahta ki us par kisi tarah ka sankat aaye."

"Haan ham samajhte hain." Singhaniya ne sir hilaate huye kaha____"Lekin ham ye nahi kah rahe ki tum hamari beti ka saaya ban kar chaubeeso ghante uske sath raho, balki tumhe uske sath tabhi tak rahna hai jab tak ki wo apne office se bangle par aa nahi jaati."

"Fir theek hai." Shera ne kaha____"Achha ab mujhe ijaazat dijiye."
"Ek baat aur." Shera jaise hi car ka darwaza khol kar baahar aaya to peeche se singhaniya ne kaha_____"Apna ye huliya bhi theek kar lena. Tumhare is huliye ko dekh kar sambhav hai ki hamari beti tumhe body guard ke roop me apne paas rakhne se saaf inkaar kar de is liye apna ye huliya badal lena. Yaar upar wale ne tumhe itni achhi personality di hai iske bavjood jane kyo tumne khud ka fakeero jaisa haal bana rakha hai."

Shera ne suna aur fir palat kar waapas apni car ki taraf badh gaya. Car ka driving door khol kar usne andar se apna over coat nikala aur use pahan kar driving sheet par baith gaya. Kuch hi palo me uski car U-Turn le kar usi taraf badhi chali ja rahi thi jis taraf se wo aayi thi.

━━━━✦༺❁༻✦━━━━​

mast fadu update.
raj kitna kismatwala hai wafa aur maya dono mil gai
ye shera aur raj ka kya chakar hai .
aur wafa ko kisse darr hai. raj kyu raha raha tha wafa ko bhi security ki jarurat hai.
haweli me ritu ne mast topi pehnai sabko abhay aur gori ka mijaj naram pad gya jab ritu ne ye kaha ke ajay aur pratima beti hone ki waja se shak kar rahe the us par. par neelam gyi kaha hogi
abhay ne apne admio ko laga diya neelam ko dhundne. par kya dhund payenge.
bite dino me viraj ki ma bahut gusse bali ho gayi hai. bete ka gussa sab par nikalti haii.

 

[Naina]

Update - 04
━━━━━━━━━━━━━​

Uski kathorta aur uske is rookhe byohaar se wafa ka dil chhalni ho jaata tha aur phir wo apne kamre me bed par lete lete khoob roti thi magar phir ye tasalli karti ki jise usne toot toot kar chaaha tha aur jiske haasil hone ki koi ummeed hi nahi thi wo aaj uske ghar me uske itne qareeb to hai.

Present_____

Apne ateet ke ek maamuli hisse me khoye huye us shakhs ko jaane kab neend aa gayi iska use pata hi na chala. Ek do ghante baad subah hone waali thi. Aane wali subah aur aane wala waqt jane kaun si saugaat liye khada tha?

━━━━✦༺❁༻✦━━━━​

Ab Aage______

Doosre din ritu gungun se jab apne gaav haldipur pahuchi to dekha haweli me ek alag hi nazara dikh raha tha. Dring room me rakhe sofo par chacha abhay singh, karuna, saumya, gauri, rukmini, divya shagun aadi sab baithe huye the aur un sabke beech gahra sannata byaapt tha. Jaha abhay singh aur gauri ka chehra shakht aur gusse se bhara hua nazar aa raha tha wahi baaki logo ke chehro par gambheerta kaayam thi. Ritu apni police car se utar kar jaise hi haweli ke andar dring room me daakhil huyi to waha baithe huye logo ko aur waha chhaaye huye sannate ko dekh kar man hi man chaunk jana pada tha. Halaaki use is sab ki pahle se hi ummid thi aur usne is sabke liye khud ko taiyar bhi kar liya tha lekin baavjood iske use jhooth bolne me aur jhooth ko chhupane me thoda uncomfortable feel ho raha tha.

"Kya baat hai, aap sab is tarah chup chaap se kyo baithe huye hain?" Fir usne har baat se anjaan bante huye sabki taraf ek ek nazar daalte huye kaha____"Kuch hua hai kya?"

"Neelam kaha hai?" Ritu ke puchhne par abhay singh ne uski taraf dhyaan se dekhte huye lekin shakht bhaav se puchha. Abhay ke puchhne par ritu ne apne chehre par aise bhaav ujaagar kar liye jaise use apne chacha ki baat samajh me na aayi ho, boli____"Neelam kaha hai??? Main kuch samjhi nahi chacha ji."

"Anjaan banne ki koshish mat karo ritu." Abhay singh ne usi shakht lahje me kah____"Tum achhi tarah samajh rahi ho ki maine tumse kya puchha hai?"
"Main bhala kisi baat ke liye anjaan banne ki koshish kyo karugi chacha ji?" Ritu ne masoom si shakal bana kar kaha____"Raat me department se mujhe phone aaya tha to main yaha se chali gayi thi. Savita aunty ko maine bataya bhi tha. Mujhe samajh me nahi aa raha hai ki aap mujhse ye kyo puch rahe hain ki neelam kaha hai, jabki neelam to haweli me hi apne kamre me hogi."

"Nahi hai." Abhay singh ne kathorta se kaha____"Use uske kamre ke sath sath puri haweli me khoja ja chuka hai lekin uska kahi pata nahi chala. Maujooda waqt me jo halaat hain usse saaf zaahir hai ki wo haweli se hi nahi balki is gaav se hi ja chuki hai."

"Ye aap kya kah rahe hain chacha ji?" Ritu ne ye sun kar buri tarah uchhal padne ki acting ki, fir hairaani ke bhaav liye boli____"Kal raat ko to wo apne kamre me hi thi aur main khud bhi kuch der uske kamre me hi thi. Use samjha rahi thi ki use apni zid chhod kar shadi ke liye maan jana chahiye."

"To tum ye kahna chaahti ho ki neelam ke bare me tumhe kuch pata hi nahi hai ki wo kaha hai ya kaha gayi hai?" Gauri ne teekhe bhaav se uski taraf ghoorte huye kaha____"Jabki ham sabko yakeen hai ki use haweli se tumne hi nikaala ho sakta hai lekin is tarah se ki kisi ko is baat ki bhanak tak na lag sake."

"Aap bewajah mujh par shak kar rahi hain chachi ji." Ritu ne is baar dukhi bhaav se kaha_____"Aapne ye kaise soch liya ki main is tarah ki bachkaani harkat karugi? Ishwar jaanta hai ki mere dil me aap sabke liye kitni izzat aur sammaan ki bhaavna hai. Kya aap mujh par sirf is liye shak kar rahi hain kyoki main ajay singh aur pratima jaise ghatiya mata pita ki aulaad hu?."

"Tum galat samajh rahi ho ritu." Saumya ne halaat ki gambheerta ko dekhte huye kaha____"Gauri bhabhi ke kahne ka ye matlab nahi tha."

"Main koi bachchi nahi hu bua jise itni bhi samajh na ho ki kisi ki baato ka kya matlab hota hai." Ritu ne pahle ki bhaanti hi dukhi bhaav se kaha____"Pichhle saat saalo se main yahi saabit karne ki koshish kar rahi hu ki mere mata pita bhale hi chaahe jaise rahe ho aur bhale hi meri rango me unka hi ganda khoon daud raha ho lekin main apne mata pita ki tarah giri huyi soch nahi rakhti. Ishwar jaanta hai ki in saat saalo me maine ek pal ke liye bhi haweli me rahne wale apne azizo ko gair nahi samjha, balki is baat ke liye ishwar ko shukriya hi kaha hai ki mujhe ek aisa pariwar mila hai jo mujhe apni beti ki tarah pyar karte hain lekin bua hakikat to ye hai ki main bhale hi yaha par apni begunaahi ke liye apna sir patak ke mar jaau lekin mere ye apne mujh par yakeen nahi kar sakte. Aisa is liye kyoki main aise mata pita ki aulaad hu jinhone apne jeewan me kabhi bhi kisi ke sath achha nahi socha."

"Tum bewajah baato ka patangad bana rahi ho ritu." Gauri ne is baar thoda narm lahje me kaha_____"Maine ya kisi ne bhi tum par kisi baat ka shak nahi kiya aur na hi shak karne ke bare me socha hai kyoki main achhi tarah jaanti hu ki meri ritu bitiya laakho me ek hai. Main sirf is liye aisa kah rahi hu kyoki sambhav hai ki neelam ne kisi tarah tumhe bargala diya ho aur tum uske moh me aa kar ya yu kahu ki uski baato me aa kar use yaha se chup chaap nikaal diya ho."

"Gauri bhabhi sach kah rahi hain ritu beta." Abhay singh ne bhi is baar narm lahje me kaha____"Baat tum par shak karne ki nahi hai balki baat hai halaat ki. Tum bhi achhi tarah jaanti ho ki jaise jaise waqt guzarta ja raha hai waise waise hamare prati gaav samaaj ke logo ki soch me yakeenan fark bhi padta ja raha hoga. Insaan laakh achhaaiyo ka putla ho lekin agar wo waqt ke sath apne uchit karm nahi karta to uski achhaaiyo par log sawaal khade karne lagte hain. Ham aur hamara khandaan is gaav ke liye ek misaal ke taur par hai lekin agar ham hi uchit samay par uchit kaarya nahi karenge to ham logo ke liye prerna aur aadarsh kaise bane rah sakenge?"

"Main samajhti hu chacha ji." Ritu ne gambheer bhaav se kaha____"Lekin mera bhi yakeen kijiye. Mujhe sach me nahi pata ki neelam kaha hai aur agar aapko ye lagta hai ki maine use haweli se nikaal kar kahi bhej diya hai to aap yaha ke kisi bhi naukar se puchh lijiye. Raat me jab main yaha se gayi thi to us samay haweli se baahar gate par do pahredaar the. Unhe maine bataya tha ki zyada der huyi to main waapas nahi aaugi yaha. Itna hi nahi jab raat ko main yaha se ja rahi thi to savita aunty ne bhi mujhe dekha tha aur unke puchhne par maine unhe bataya bhi tha ki main kis kaam se ja rahi hu. Wo aapko bata sakti hain ki main yaha se akele hi gayi thi ya mere sath neelam bhi thi."

"Haan ham pata kar chuke hain." Abhay singh ne gahri saans li_____"Sabka yahi kahna hai ki tum akele hi apni police car me haweli se baahar gayi thi. Unme se kisi ne bhi tumhare sath neelam ko kahi jaate nahi dekha."

"Kaise dekhte chacha ji?" Ritu ne man hi man raahat ki saans lete huye kaha____"Main to raat ko haweli se akele hi gayi thi. Yaha aane ke baad hi aap sab ke dwara mujhe pata chala hai ki neelam yaha nahi hai. Aakhir wo kaha gayi hogi aur kis waqt gayi hogi? Itna hi nahi use kisi ne yaha se jaate huye kaise nahi dekha?"

Ritu ne ye sab kahte waqt apne chehre par aise bhaav ujaagar kar liye the jaise wo sach me is baat se behad hairaan ho aur use neelam se aise kaam ki ummid na rahi ho. Kuch der aur isi bare me baate huyi uske baad ritu man hi man muskuraati huyi upar apne kamre ki taraf badh gayi. Halaaki use sab logo se neelam ke bare me is tarah safed jhooth bolne me zara bhi achha nahi laga tha lekin neelam ki bhavnaao ka use bakhubi ehsaas tha is liye usne ye sab kiya tha. Upar wale se usne iske liye maafi bhi maag li thi.

Ritu ke jane ke baad abhay singh ne haweli ke sabse khaas naukar shankar aur hariya ko bulaya aur un dono ko neelam ki khoj karne ke kaam me laga diya. Uske chehre par chinta aur pareshaani ke bhaav saaf dekhe ja sakte the. Yahi haal lagbhag sabka hi tha.

❁❁❁❁❁

Subah ke aath baj chuke the.
Chhote se aayatakaar hall me rakhi aayatakaar table ke charo taraf kareeb chaar kursiya rakhi huyi thi. Un chaar kursiyo me se ek kursi par ek ladki baithi huyi thi. Ladki ka naam Wafa Khan tha. Chehra saadgi aur masoomiyat se bhara hua tha lekin is waqt uske chehre ki khubsurti me ek grahan sa laga hua tha jo ki uske chehre par chhaayi huyi udaasi ka hi nateeja tha. Chehre par gardish karte bhaav bata rahe the ki wo kisi khayaalo me gum hai. Tabhi baaye taraf huyi aahat se uska dhyaan toota to wo halke se chaunki aur suraahidaar gardan ko halka baayi taraf mod kar usne dekha.

Seedhiyo se use ek aisa shakhs neeche aata hua nazar aaya jiska chehra badi badi daadhi aur moonchho se bhara hua tha. Sir par bade bade baal the jo uske kandho se bhi neeche tak jhool rahe the. Uski height chhah fit se hargiz bhi kam nahi lag rahi thi. Hatte katte jism par kaale rang ki jeans aur kaale rang ki hi t-shirt thi. T-shirt half baaju wali thi jisme uski bhujaao ki machhaliya buri tarah kasi huyi dikh rahi thi. Chauda seena t-shirt me ek alag hi nazara pesh kar raha tha. Apne baaye kandhe par usne kaale rang ka hi over coat taang rakha tha. Wafa use apni taraf aate dekh thoda samhal kar baith gayi thi lekin nazre jaise uske chehre par hi chipak gayi thi. Uske dil me halchal to shuru ho gayi thi lekin sath hi ek dard bhari tees bhi ubhar aayi thi jo uske samuche jism me sihran si dauda gayi. Kuch hi palo me wo shakhs aayatakaar table ke paar rakhi ek kursi par baith gaya. Chehra patthar ki tarah shakht tha.

Wafa ne jab dekha ki wo kursi par baith gaya hai to wo apni kursi se uthi aur kitchen ki taraf badh gayi. Kuch hi der me wo do thaali le kar aayi aur ek thaali usne us shakhs ke saamne table par rakha aur doosri thaali le kar wo apni kursi par baith gayi. Hall me aisa sannata chha gaya tha ki agar kahi sui jaisi mamooli cheez bhi gire to uski awaaz dhamake jaisi lage.

"Raat ko tum kitne baje aaye the raj?" Wafa ne us shakhs ki taraf ek nazar daalte huye santulit lahje se puchha, halaaki uski dhadkane tez ho gayi thi, boli____"Maine tumhe kitna phone lagaya lekin tumne uthaya hi nahi. Kya ek baar bhi mere bare me nahi socha ki aise me yaha meri kya haalat ho rahi hogi?"

"Main faaltu ki baate nahi sochta." Us shakhs ne shakht aur sapaat lahje me uski taraf dekhte huye kaha____"Agar tum ye sochti ho ki tumne jo kuch mere liye kiya hai uska ehsaan maan kar tumhe shukriya kahuga to galat sochti ho tum. Maine nahi kaha tha ki tum mere liye wo sab karo. Us raat mar jane diya hota mujhe."

"Khuda ke liye aisi baate mat karo raj." Wafa ki awaaz bhaari ho gayi___"Aakhir kyo khud ko itna saza dete ho aur apne sath mujhe bhi? Hazaar baar puchh chuki hu tumse ki aisa kya ho gaya hai jiski vajah se tum aise patthar dil ban gaye ho? Kya mera itna bhi haq nahi hai ki tumhare dukh dard baant saku aur tumhe do pal ke liye hi sahi magar khushiya de saku?"

"Kya tum ye chaahti ho ki main yaha se bina kuch khaye uth kar chala jaau?" Us shakhs ne usi shakht lahje me kaha jise wafa ne raj naam se sambodhit kar rahi thi.

"Nahi nahi." Wafa ekdam se hadbada gayi thi, fir gahri saans le kar boli____"Main ab kuch nahi bolugi. Tum araam se naasta kar lo."

Uske baad sach me wafa kuch na boli thi. Dono ke beech ek baar fir se sannata chha gaya tha. Kuch hi der me shakhs ne naasta khatam kiya aur fir uth kar kursi ki pichhli pusht se apna over coat le kar baahar nikal gaya. Peechhe wafa aankho me aansu liye usko jata dekhti rah gayi thi.

Baahar aa kar wo car me baitha aur fir car ko start kar bandookh se chhooti goli ki tarah udan chhu ho liya. Pakki sadak par uski car hawa se baate kar rahi thi. Isi beech uska keypad mobile baja. Usne call pick ki aur ye kah kar call cut kar diya ki____"Paanch minute me pahuch raha hu."

Paanch minute baad uski car shahar ke us ilaake me daakhil huyi jaha par construction ka kaam chal raha tha. Waha ek chamchamaati huyi car pahle se hi khadi thi. Raj naam ke us shakhs ne usi chamchamaati car se thoda door apni car ko roka aur driving door khol kar baahar nikla. Aas paas ek baar nazar daalne ke baad wo dusri car ki taraf badh chala.

"Ham kaafi der se yaha tumhara intzaar kar rahe the shera." Doosri car ki pichhli sheet par baithe ek aise shakhs ne usse kaha jiske bhare huye jism par sky blue colour ka coat pant tha. Car ki driving sheet par ek aur aadmi baitha tha jo shayad us blue coat wale aadmi ka driver tha.

"Maaf kijiye thoda aane me time lag gaya." Shera ne kaha lekin maafi maagne jaise bhaav uske chehre par hargiz nahi the, balki wo pahle ki tarah ki kathor nazar aa raha tha.

"Koi baat nahi." Us blue coat wale ne kaha____"Aao andar baitho. Hame tumse kuch zaruri baate karni hain."
"Aap mujhe bangle par hi bula lete." Shera ne kaha____"Is jagah par kyo?"

"Tum hamare sabse khaas aadmi ho shera." Coat wale ne kaha___"Aur yakeen maano ham tumhe dil se apna samajhte hain. Ye alag baat hai ki tum hame dil se apna nahi samajhte. Hamare laakh puchhne par tumne kabhi apne bare me kuch nahi bataya. Halaaki tumhare bare me jaanne ke hazaar raaste ham nikaal sakte the lekin nikala is liye nahi kyoki ham chaahte hain ki apna sach tum khud apne mukh se hame bataao. Khair koi baat nahi, aao andar baitho."

Us blue coat wale ne ye kaha to shera naam ka wo shakhs car ke andar uske bagal se baith gaya. Udhar us shakhs ne driver se baahar nikal jane ke liye kaha to driver ji sahab kah kar baahar nikal gaya.

"Ab bataaiye singhaniya sahab." Driver jab baahar chala gaya to shera ne us coat wale se kaha____"Aisi kaun si zaruri baat thi jise karne ke liye aapne mujhe is jagah par bulaya hai?"

"Ham tumse ghuma fira kar koi baat nahi karenge shera." Singhaniya ne gahri saans lete huye kaha____"Is liye ham tumse seedhe taur par yahi kahte hain ki ab se tum hamari beti maya ki suraksha ki jimmedaari apne kandhe par le lo. Tumhara kaam sirf yahi hoga ki tum uske sath har waqt uska saaya ban kar rahoge."

"Ye aap kya kah rahe hain singhaniya sahab?" Shera naam ka shakhs buri tarah chaunka, bola____"Nahi nahi, ye jimmedaari main nahi le sakta. Aap is kaam ke liye apne kisi aur aadmi ko kah dijiye. Aapke paas to waise bhi mere jaise bahut log hain."

"Beshak hain shera." Singhaniya ne kaha____"Lekin wo tum jaise imandaar aur bahadur nahi hain. Doosri baat ye bhi hai ki agar tum maya ki suraksha ki jimmedaari loge to ham puri tarah se uske liye befikra ho jayenge."

"Wo to theek hai singhaniya sahab." Shera ke chehre par chinta aur pareshani ke bhaav ubhar aaye the____"Lekin main ye jimmedaari nahi le sakta. Please iske liye mujhe maaf kar dijiye."

"Hame samajh nahi aa raha ki tum is jimmedari ko lene se inkaar kyo kar rahe ho?" Singhaniya ke chehre par uljhan ke bhaav ubhar aaye the, bola____"Aakhir baat kya hai? Tumhare chehre par achanak hi nazar aane lagi chinta aur pareshani ka kya matlab hai?"

"Aap mujhe is kaam ke alawa duniya ka koi bhi kaam de dijiye main mana nahi karuga." Shera ne sapaat lahje me kaha____"Lekin is kaam ko main nahi kar sakta. Meri kuch apni majburiya hain singhaniya sahab."

"Badi ajeeb baat hai." Singhaniya hairaani aur uljhan bhare bhaav se bola____"Tum duniya ka koi bhi kaam kar sakte ho lekin hamari beti ki suraksha ki jimmedaari nahi le sakte. Ye aisi baat hai jis par yakeen karna behad mushkil hai. Ham jaanna chaahte hain ki aakhir tum is kaam ke liye inkaar kyo kar rahe ho?"

"Apni ek kamzori ki vajah se singhaniya sahab." Shera ne car ki khidki ke us paar dekhte huye kaha____"Darasal mujhe ek gambheer bimaari hai. Chaubees ghante me ek baar mujhe ek aisa injection lena padta hai jo mujhe chaubees ghante ke liye normal banaye rakhe. Agar durbhagya se maine injection nahi liya to main kisi ke bhi sath anarth kar sakta hu. Yahi vajah hai ki main aapki beti ki suraksha ki jimmedari lene se inkaar kar raha hu. Main nahi chaahta ki meri vajah se kisi masoom ki zindagi tabaah ho jaye."

Shera ki baate sun kar singhaniya use is tarah dekhne laga tha jaise achanak hi use shera ke sir par qutub minar dance karta hua nazar aane laga ho. Kuch der tak dono ke beech gahra sannata kaayam raha.

"Ye to waakayi me badi gambheer bimaari hai tumhe." Fir singhaniya ne gahri saans lete huye kaha____"Lekin tumne kabhi iska ilaaz kyo nahi karwaya?"

"Karwana bhi nahi chaahta." Shera ne shakhti se apne jabde bheenchte huye kaha to singhaniya ki aankhe ashcharya se fail gayi, bola____"Ye kya kah rahe ho tum? Duniya me aisa kaun sa insaan hai jo apni kisi bimaari se nijaat paane ki hasrat na rakhe? Dekho, agar rupaye paise ki samasya ki vajah se tum apna ilaaz nahi karwa rahe to tumhari ye samasya ham door kar denge. Tumhare ilaaz me chaahe jitna bhi rupaya lage ham khushi se lagayenge."

"Rupaya paisa kya cheez hai singhaniya sahab." Shera is tarah muskuraya tha jaise singhaniya ne koi bachkaani baat kah di ho, bola_____"Meri nazar me uski koi ehmiyat nahi hai aur na hi main uske peechhe bhagne wala insaan hu. Khair mujhe achha laga ki aap mere liye aisa sochte hain lekin sach yahi hai ki main apni is bimaari ka ilaaz nahi karwana chaahta. Agar karwana hi hota to kab ka karwa liya hota."

Singhaniya ko samajh na aaya ki shera kis type ka insaan hai? Pichhle teen saalo se wo uske liye kaam kar raha tha. Usne hamesha is shakhs ko khamosh hi dekha tha. Uske chehre par kabhi usne normal bhaav nahi dekhe the. Halaaki singhaniya ek anubhavi insaan tha aur is shahar ka ek bada business man tha is liye wo ye achhi tarah samajhta tha ki shera naam ka uska ye aadmi apne andar na jane kitne raaz dabaye baitha hai aur na jane kitne jwalamukhi sanjoye huye hai jo agar baahar nikal aaye to har jagah tabaahi macha sakta hai. In teen saalo me singhaniya ke dwara diya gaya aisa koi kaam nahi tha jo shera ne apni kabiliyat aur bahaduri se kar na dikhaya ho. Yahi vajah thi ki wo use apna sabse khaas aadmi bana ke rakhe huye tha. Shera ek aisa shakhs tha jo kisi ki bandisho me bandh kar nahi rahta tha aur singhaniya bhi use azaad sher bana ke rakhta tha.

"Ham nahi jaante ki jeewan me tumhare sath kya hua hai aur na hi tumne hamare puchhne par kabhi bataya hai." Singhaniya ne ek cigar jalane ke baad kaha____"Lekin itna zarur kahenge ki upar wale ne tumhe jo anmol jeewan diya hai use yu byarth me mat gawaao. Agar koi dukh hai ya koi baat hai to use itna bada na bana lo ki uski vajah se tumhe apna jeewan byarth lagne lage aur tum apne andar maujood khwaahisho ka gala ghont do. Duniya ka sabse bada sach ye bhi hai ki waqt hamesha ek jaisa nahi rahta. Aaj agar hame kisi cheez ka dukh hai to samjho ek din ye dukh zarur door ho jaayega aur jeewan me khushiyo ka waqt aa jaayega. Khair hame yakeen hai ki ek din aisa zarur aayega jab tumhare jeewan me sab kuch theek ho jaayega. Ab rahi baat hamari beti ki suraksha ki jimmedaari lene ki to wo tumhe lena hi hoga. Hame pura yakeen hai ki tumhari suraksha me rahne ke baad hamari beti ko kabhi bhi kisi tarah ka koi sankat nahi aayega."

"Aap samajh nahi rahe hain singhaniya sahab." Shera ne bebas bhaav se kaha____"Durbhagya kisi ko bata kar nahi aata. Main ek badnaseeb insaan hu, is liye main ye hargiz nahi chaah sakta ki meri badnaseebi ki chhaya kisi masoom par pade."

"Tum aisa is liye kah rahe ho kyoki tum apne jeewan se bahut hi zyada niraash ho chuke ho." Singhaniya ne kaha____"Jabki ham jaante hain ki waisa kuch bhi nahi hoga jaise ka tumhe dar hai. Hamari beti ki suraksha ki jimmedari ab se tumhari hi hogi. Ham chaahte hain ki tum uske sath har waqt uska saaya ban kar raho. Ek baat aur, wo thoda ziddi hai aur muhfat bhi hai is liye agar wo tumhe kuch ulta seedha bol de to uska bura mat maanna."

Singhaniya itna kah kar chup hua aur cigar ke kash lene laga. Idhar shera uski baate sunne ke baad pareshaan haalat me baitha tha. Use samajh nahi aa raha tha ki wo aisa kya kare ki singhaniya use ye kaam karne ko na kahe lekin filhaal use kuch soojh nahi raha tha.

"Itna mat socho shera." Singhaniya ne use socho me gum dekha to kaha____"Aur na hi hamesha negative soch rakho. Hamesha yahi socho ki jo hoga achha hi hoga. Jitna ham tumhe in teen saalo me samjhe hain usse ham daave ke sath kah sakte hain ki tum ek majboot tabiyat ke insaan ho. Jis ladki ke sath tum rahte ho wo is baat ka saboot hai ki ab tak tumne apni is bimaari ki vajah se kisi bhi ladki ke sath anarth nahi kiya hai aur aage bhi hame tumse yahi ummid hai. Khair, ham tumse apne dil ki ek baat kahna chaahte hain aur wo ye ki achanak se hame apni beti ki suraksha ka khayaal is liye aaya hai kyoki hame kahi na kahi ye ehsaas hua hai ki kuch log hamari beti me hamari dhan daulat ko dekhte hain. Halaaki ham jaante hain ki hamari beti ko itna jaldi koi bhi bargala nahi sakta lekin ye bhi sach hai ki ham apne is yakeen ke aasre nahi rahna chaahte. Yahi vajah hai ki hamne tumhe ye kaam aur ye jimmedaari saumpi hai."

"Agar aapne soch hi liya hai to fir bhala main kaise aapko inkaar kar sakta hu?" Shera ne bujhe man se lekin gahri saans le kar kaha_____"Main kal se hi maya madam ka saaya ban kar unke sath rahne laguga lekin....!"

"Lekin???" Singhaniya ke chehre par sawaaliya bhaav ubhre.
"Aap jaante hain ki main ek ladki ke sath rahta hu." Shera ne kaha____"Uski suraksha ki jimmedari bhi maine le rakhi hai. Is shahar me wo bhi meri tarah akeli hi hai is liye main ye bhi nahi chaahta ki us par kisi tarah ka sankat aaye."

"Haan ham samajhte hain." Singhaniya ne sir hilaate huye kaha____"Lekin ham ye nahi kah rahe ki tum hamari beti ka saaya ban kar chaubeeso ghante uske sath raho, balki tumhe uske sath tabhi tak rahna hai jab tak ki wo apne office se bangle par aa nahi jaati."

"Fir theek hai." Shera ne kaha____"Achha ab mujhe ijaazat dijiye."
"Ek baat aur." Shera jaise hi car ka darwaza khol kar baahar aaya to peeche se singhaniya ne kaha_____"Apna ye huliya bhi theek kar lena. Tumhare is huliye ko dekh kar sambhav hai ki hamari beti tumhe body guard ke roop me apne paas rakhne se saaf inkaar kar de is liye apna ye huliya badal lena. Yaar upar wale ne tumhe itni achhi personality di hai iske bavjood jane kyo tumne khud ka fakeero jaisa haal bana rakha hai."

Shera ne suna aur fir palat kar waapas apni car ki taraf badh gaya. Car ka driving door khol kar usne andar se apna over coat nikala aur use pahan kar driving sheet par baith gaya. Kuch hi palo me uski car U-Turn le kar usi taraf badhi chali ja rahi thi jis taraf se wo aayi thi.

━━━━✦༺❁༻✦━━━━​

Dekh liya aapne.... sun liya...pad gayi kaleje ko thandak..... main to pehle se hi keh rahi thi ki abhay ,karuna aur saumya ki sab mili bhagat hai....ab dhire dhire gauri bhi in logo ke rang mein rang gayi hai.......
ush bichari iphone wali ritu ko kish kadar khadi khoti suna rahi thi.... Kis kadar iljaam pe iljaam lagaye jaa rahi thi..... jab ki in logo ke paas koi evidence bhi nahi tha ki ye sabit ho ki ritu ne hi neelam ki madad ki bhaagne ke liye... bas ek bahana chaahiye beijjat karne ke liye..... aaj ajay ya pratima waha haweli hote to kya aise iljaam laga paate wo log.... Kabhi nahi.... Ajay aur pratima ke naa hone ka pura faida utha raha hai gauri, abhay, karuna aur saumya ....
Main kya keh rahi thi ki ritu ko naa apne side wali zaaydaad ko bech baach ke shahar jaake alag se reh lena chaahiye...... aur kuch aisa karna chaahiye jish se ki viraj khud ba khud uske paas chala aaye..... aur phir wo aur neelam viraj ko samjha bujha ke pyar ka vaasta deke shaadi kar le..... Phir nidhi ko bhi bula le saath rehne..... Lekin ye sab jaldi karna hoga...
Kyunki ab ek baat tay hai ki Viraj ki zindagi mein the great maya entry lene wali hai..... aur ye 101% sach hai ki thode dino baad maya viraj ko chaahne lagegi.... Upar se wo wafa bhi hath per muh dhoke piche padi hai.. aise mein competition badhne ki possibility zyada hai...
So fighter ritu vs Maya na ho....
Dr. Neelam vs Dr. wafa na ho....
iske liye ritu ko jald se jald kadam uthane honge apni manjil ko paane ke liye... Kyunki usne pyar kya hai koi mazak nahi......
Singhaniya ke saamne viraj khud ko shera naam se kyun intro diya..... Ye bhi sochne wali baat hai.....
Singhaniya ke liye aisa kya kaam karta hai viraj ye bhi gaur talab baat hai........
wafa ki history kya hai ye bhi sochne wali baat hai......
Aur sabse aham baat.... Naina bua kaha hai


Shaandaar kahani, shaandaar lekhni, shaandaar shabdon ka chayan sath dilchasp kirdaaron ki bhumika bhi dekhne ko mili hai...

Let's see what happens next..
Brilliant update with awesome writing skills

 

[Avni]

Update - 04
━━━━━━━━━━━━━​

Uski kathorta aur uske is rookhe byohaar se wafa ka dil chhalni ho jaata tha aur phir wo apne kamre me bed par lete lete khoob roti thi magar phir ye tasalli karti ki jise usne toot toot kar chaaha tha aur jiske haasil hone ki koi ummeed hi nahi thi wo aaj uske ghar me uske itne qareeb to hai.

Present_____

Apne ateet ke ek maamuli hisse me khoye huye us shakhs ko jaane kab neend aa gayi iska use pata hi na chala. Ek do ghante baad subah hone waali thi. Aane wali subah aur aane wala waqt jane kaun si saugaat liye khada tha?

━━━━✦༺❁༻✦━━━━​

Ab Aage______

Doosre din ritu gungun se jab apne gaav haldipur pahuchi to dekha haweli me ek alag hi nazara dikh raha tha. Dring room me rakhe sofo par chacha abhay singh, karuna, saumya, gauri, rukmini, divya shagun aadi sab baithe huye the aur un sabke beech gahra sannata byaapt tha. Jaha abhay singh aur gauri ka chehra shakht aur gusse se bhara hua nazar aa raha tha wahi baaki logo ke chehro par gambheerta kaayam thi. Ritu apni police car se utar kar jaise hi haweli ke andar dring room me daakhil huyi to waha baithe huye logo ko aur waha chhaaye huye sannate ko dekh kar man hi man chaunk jana pada tha. Halaaki use is sab ki pahle se hi ummid thi aur usne is sabke liye khud ko taiyar bhi kar liya tha lekin baavjood iske use jhooth bolne me aur jhooth ko chhupane me thoda uncomfortable feel ho raha tha.

"Kya baat hai, aap sab is tarah chup chaap se kyo baithe huye hain?" Fir usne har baat se anjaan bante huye sabki taraf ek ek nazar daalte huye kaha____"Kuch hua hai kya?"

"Neelam kaha hai?" Ritu ke puchhne par abhay singh ne uski taraf dhyaan se dekhte huye lekin shakht bhaav se puchha. Abhay ke puchhne par ritu ne apne chehre par aise bhaav ujaagar kar liye jaise use apne chacha ki baat samajh me na aayi ho, boli____"Neelam kaha hai??? Main kuch samjhi nahi chacha ji."

"Anjaan banne ki koshish mat karo ritu." Abhay singh ne usi shakht lahje me kah____"Tum achhi tarah samajh rahi ho ki maine tumse kya puchha hai?"
"Main bhala kisi baat ke liye anjaan banne ki koshish kyo karugi chacha ji?" Ritu ne masoom si shakal bana kar kaha____"Raat me department se mujhe phone aaya tha to main yaha se chali gayi thi. Savita aunty ko maine bataya bhi tha. Mujhe samajh me nahi aa raha hai ki aap mujhse ye kyo puch rahe hain ki neelam kaha hai, jabki neelam to haweli me hi apne kamre me hogi."

"Nahi hai." Abhay singh ne kathorta se kaha____"Use uske kamre ke sath sath puri haweli me khoja ja chuka hai lekin uska kahi pata nahi chala. Maujooda waqt me jo halaat hain usse saaf zaahir hai ki wo haweli se hi nahi balki is gaav se hi ja chuki hai."

"Ye aap kya kah rahe hain chacha ji?" Ritu ne ye sun kar buri tarah uchhal padne ki acting ki, fir hairaani ke bhaav liye boli____"Kal raat ko to wo apne kamre me hi thi aur main khud bhi kuch der uske kamre me hi thi. Use samjha rahi thi ki use apni zid chhod kar shadi ke liye maan jana chahiye."

"To tum ye kahna chaahti ho ki neelam ke bare me tumhe kuch pata hi nahi hai ki wo kaha hai ya kaha gayi hai?" Gauri ne teekhe bhaav se uski taraf ghoorte huye kaha____"Jabki ham sabko yakeen hai ki use haweli se tumne hi nikaala ho sakta hai lekin is tarah se ki kisi ko is baat ki bhanak tak na lag sake."

"Aap bewajah mujh par shak kar rahi hain chachi ji." Ritu ne is baar dukhi bhaav se kaha_____"Aapne ye kaise soch liya ki main is tarah ki bachkaani harkat karugi? Ishwar jaanta hai ki mere dil me aap sabke liye kitni izzat aur sammaan ki bhaavna hai. Kya aap mujh par sirf is liye shak kar rahi hain kyoki main ajay singh aur pratima jaise ghatiya mata pita ki aulaad hu?."

"Tum galat samajh rahi ho ritu." Saumya ne halaat ki gambheerta ko dekhte huye kaha____"Gauri bhabhi ke kahne ka ye matlab nahi tha."

"Main koi bachchi nahi hu bua jise itni bhi samajh na ho ki kisi ki baato ka kya matlab hota hai." Ritu ne pahle ki bhaanti hi dukhi bhaav se kaha____"Pichhle saat saalo se main yahi saabit karne ki koshish kar rahi hu ki mere mata pita bhale hi chaahe jaise rahe ho aur bhale hi meri rango me unka hi ganda khoon daud raha ho lekin main apne mata pita ki tarah giri huyi soch nahi rakhti. Ishwar jaanta hai ki in saat saalo me maine ek pal ke liye bhi haweli me rahne wale apne azizo ko gair nahi samjha, balki is baat ke liye ishwar ko shukriya hi kaha hai ki mujhe ek aisa pariwar mila hai jo mujhe apni beti ki tarah pyar karte hain lekin bua hakikat to ye hai ki main bhale hi yaha par apni begunaahi ke liye apna sir patak ke mar jaau lekin mere ye apne mujh par yakeen nahi kar sakte. Aisa is liye kyoki main aise mata pita ki aulaad hu jinhone apne jeewan me kabhi bhi kisi ke sath achha nahi socha."

"Tum bewajah baato ka patangad bana rahi ho ritu." Gauri ne is baar thoda narm lahje me kaha_____"Maine ya kisi ne bhi tum par kisi baat ka shak nahi kiya aur na hi shak karne ke bare me socha hai kyoki main achhi tarah jaanti hu ki meri ritu bitiya laakho me ek hai. Main sirf is liye aisa kah rahi hu kyoki sambhav hai ki neelam ne kisi tarah tumhe bargala diya ho aur tum uske moh me aa kar ya yu kahu ki uski baato me aa kar use yaha se chup chaap nikaal diya ho."

"Gauri bhabhi sach kah rahi hain ritu beta." Abhay singh ne bhi is baar narm lahje me kaha____"Baat tum par shak karne ki nahi hai balki baat hai halaat ki. Tum bhi achhi tarah jaanti ho ki jaise jaise waqt guzarta ja raha hai waise waise hamare prati gaav samaaj ke logo ki soch me yakeenan fark bhi padta ja raha hoga. Insaan laakh achhaaiyo ka putla ho lekin agar wo waqt ke sath apne uchit karm nahi karta to uski achhaaiyo par log sawaal khade karne lagte hain. Ham aur hamara khandaan is gaav ke liye ek misaal ke taur par hai lekin agar ham hi uchit samay par uchit kaarya nahi karenge to ham logo ke liye prerna aur aadarsh kaise bane rah sakenge?"

"Main samajhti hu chacha ji." Ritu ne gambheer bhaav se kaha____"Lekin mera bhi yakeen kijiye. Mujhe sach me nahi pata ki neelam kaha hai aur agar aapko ye lagta hai ki maine use haweli se nikaal kar kahi bhej diya hai to aap yaha ke kisi bhi naukar se puchh lijiye. Raat me jab main yaha se gayi thi to us samay haweli se baahar gate par do pahredaar the. Unhe maine bataya tha ki zyada der huyi to main waapas nahi aaugi yaha. Itna hi nahi jab raat ko main yaha se ja rahi thi to savita aunty ne bhi mujhe dekha tha aur unke puchhne par maine unhe bataya bhi tha ki main kis kaam se ja rahi hu. Wo aapko bata sakti hain ki main yaha se akele hi gayi thi ya mere sath neelam bhi thi."

"Haan ham pata kar chuke hain." Abhay singh ne gahri saans li_____"Sabka yahi kahna hai ki tum akele hi apni police car me haweli se baahar gayi thi. Unme se kisi ne bhi tumhare sath neelam ko kahi jaate nahi dekha."

"Kaise dekhte chacha ji?" Ritu ne man hi man raahat ki saans lete huye kaha____"Main to raat ko haweli se akele hi gayi thi. Yaha aane ke baad hi aap sab ke dwara mujhe pata chala hai ki neelam yaha nahi hai. Aakhir wo kaha gayi hogi aur kis waqt gayi hogi? Itna hi nahi use kisi ne yaha se jaate huye kaise nahi dekha?"

Ritu ne ye sab kahte waqt apne chehre par aise bhaav ujaagar kar liye the jaise wo sach me is baat se behad hairaan ho aur use neelam se aise kaam ki ummid na rahi ho. Kuch der aur isi bare me baate huyi uske baad ritu man hi man muskuraati huyi upar apne kamre ki taraf badh gayi. Halaaki use sab logo se neelam ke bare me is tarah safed jhooth bolne me zara bhi achha nahi laga tha lekin neelam ki bhavnaao ka use bakhubi ehsaas tha is liye usne ye sab kiya tha. Upar wale se usne iske liye maafi bhi maag li thi.

Ritu ke jane ke baad abhay singh ne haweli ke sabse khaas naukar shankar aur hariya ko bulaya aur un dono ko neelam ki khoj karne ke kaam me laga diya. Uske chehre par chinta aur pareshaani ke bhaav saaf dekhe ja sakte the. Yahi haal lagbhag sabka hi tha.

❁❁❁❁❁

Subah ke aath baj chuke the.
Chhote se aayatakaar hall me rakhi aayatakaar table ke charo taraf kareeb chaar kursiya rakhi huyi thi. Un chaar kursiyo me se ek kursi par ek ladki baithi huyi thi. Ladki ka naam Wafa Khan tha. Chehra saadgi aur masoomiyat se bhara hua tha lekin is waqt uske chehre ki khubsurti me ek grahan sa laga hua tha jo ki uske chehre par chhaayi huyi udaasi ka hi nateeja tha. Chehre par gardish karte bhaav bata rahe the ki wo kisi khayaalo me gum hai. Tabhi baaye taraf huyi aahat se uska dhyaan toota to wo halke se chaunki aur suraahidaar gardan ko halka baayi taraf mod kar usne dekha.

Seedhiyo se use ek aisa shakhs neeche aata hua nazar aaya jiska chehra badi badi daadhi aur moonchho se bhara hua tha. Sir par bade bade baal the jo uske kandho se bhi neeche tak jhool rahe the. Uski height chhah fit se hargiz bhi kam nahi lag rahi thi. Hatte katte jism par kaale rang ki jeans aur kaale rang ki hi t-shirt thi. T-shirt half baaju wali thi jisme uski bhujaao ki machhaliya buri tarah kasi huyi dikh rahi thi. Chauda seena t-shirt me ek alag hi nazara pesh kar raha tha. Apne baaye kandhe par usne kaale rang ka hi over coat taang rakha tha. Wafa use apni taraf aate dekh thoda samhal kar baith gayi thi lekin nazre jaise uske chehre par hi chipak gayi thi. Uske dil me halchal to shuru ho gayi thi lekin sath hi ek dard bhari tees bhi ubhar aayi thi jo uske samuche jism me sihran si dauda gayi. Kuch hi palo me wo shakhs aayatakaar table ke paar rakhi ek kursi par baith gaya. Chehra patthar ki tarah shakht tha.

Wafa ne jab dekha ki wo kursi par baith gaya hai to wo apni kursi se uthi aur kitchen ki taraf badh gayi. Kuch hi der me wo do thaali le kar aayi aur ek thaali usne us shakhs ke saamne table par rakha aur doosri thaali le kar wo apni kursi par baith gayi. Hall me aisa sannata chha gaya tha ki agar kahi sui jaisi mamooli cheez bhi gire to uski awaaz dhamake jaisi lage.

"Raat ko tum kitne baje aaye the raj?" Wafa ne us shakhs ki taraf ek nazar daalte huye santulit lahje se puchha, halaaki uski dhadkane tez ho gayi thi, boli____"Maine tumhe kitna phone lagaya lekin tumne uthaya hi nahi. Kya ek baar bhi mere bare me nahi socha ki aise me yaha meri kya haalat ho rahi hogi?"

"Main faaltu ki baate nahi sochta." Us shakhs ne shakht aur sapaat lahje me uski taraf dekhte huye kaha____"Agar tum ye sochti ho ki tumne jo kuch mere liye kiya hai uska ehsaan maan kar tumhe shukriya kahuga to galat sochti ho tum. Maine nahi kaha tha ki tum mere liye wo sab karo. Us raat mar jane diya hota mujhe."

"Khuda ke liye aisi baate mat karo raj." Wafa ki awaaz bhaari ho gayi___"Aakhir kyo khud ko itna saza dete ho aur apne sath mujhe bhi? Hazaar baar puchh chuki hu tumse ki aisa kya ho gaya hai jiski vajah se tum aise patthar dil ban gaye ho? Kya mera itna bhi haq nahi hai ki tumhare dukh dard baant saku aur tumhe do pal ke liye hi sahi magar khushiya de saku?"

"Kya tum ye chaahti ho ki main yaha se bina kuch khaye uth kar chala jaau?" Us shakhs ne usi shakht lahje me kaha jise wafa ne raj naam se sambodhit kar rahi thi.

"Nahi nahi." Wafa ekdam se hadbada gayi thi, fir gahri saans le kar boli____"Main ab kuch nahi bolugi. Tum araam se naasta kar lo."

Uske baad sach me wafa kuch na boli thi. Dono ke beech ek baar fir se sannata chha gaya tha. Kuch hi der me shakhs ne naasta khatam kiya aur fir uth kar kursi ki pichhli pusht se apna over coat le kar baahar nikal gaya. Peechhe wafa aankho me aansu liye usko jata dekhti rah gayi thi.

Baahar aa kar wo car me baitha aur fir car ko start kar bandookh se chhooti goli ki tarah udan chhu ho liya. Pakki sadak par uski car hawa se baate kar rahi thi. Isi beech uska keypad mobile baja. Usne call pick ki aur ye kah kar call cut kar diya ki____"Paanch minute me pahuch raha hu."

Paanch minute baad uski car shahar ke us ilaake me daakhil huyi jaha par construction ka kaam chal raha tha. Waha ek chamchamaati huyi car pahle se hi khadi thi. Raj naam ke us shakhs ne usi chamchamaati car se thoda door apni car ko roka aur driving door khol kar baahar nikla. Aas paas ek baar nazar daalne ke baad wo dusri car ki taraf badh chala.

"Ham kaafi der se yaha tumhara intzaar kar rahe the shera." Doosri car ki pichhli sheet par baithe ek aise shakhs ne usse kaha jiske bhare huye jism par sky blue colour ka coat pant tha. Car ki driving sheet par ek aur aadmi baitha tha jo shayad us blue coat wale aadmi ka driver tha.

"Maaf kijiye thoda aane me time lag gaya." Shera ne kaha lekin maafi maagne jaise bhaav uske chehre par hargiz nahi the, balki wo pahle ki tarah ki kathor nazar aa raha tha.

"Koi baat nahi." Us blue coat wale ne kaha____"Aao andar baitho. Hame tumse kuch zaruri baate karni hain."
"Aap mujhe bangle par hi bula lete." Shera ne kaha____"Is jagah par kyo?"

"Tum hamare sabse khaas aadmi ho shera." Coat wale ne kaha___"Aur yakeen maano ham tumhe dil se apna samajhte hain. Ye alag baat hai ki tum hame dil se apna nahi samajhte. Hamare laakh puchhne par tumne kabhi apne bare me kuch nahi bataya. Halaaki tumhare bare me jaanne ke hazaar raaste ham nikaal sakte the lekin nikala is liye nahi kyoki ham chaahte hain ki apna sach tum khud apne mukh se hame bataao. Khair koi baat nahi, aao andar baitho."

Us blue coat wale ne ye kaha to shera naam ka wo shakhs car ke andar uske bagal se baith gaya. Udhar us shakhs ne driver se baahar nikal jane ke liye kaha to driver ji sahab kah kar baahar nikal gaya.

"Ab bataaiye singhaniya sahab." Driver jab baahar chala gaya to shera ne us coat wale se kaha____"Aisi kaun si zaruri baat thi jise karne ke liye aapne mujhe is jagah par bulaya hai?"

"Ham tumse ghuma fira kar koi baat nahi karenge shera." Singhaniya ne gahri saans lete huye kaha____"Is liye ham tumse seedhe taur par yahi kahte hain ki ab se tum hamari beti maya ki suraksha ki jimmedaari apne kandhe par le lo. Tumhara kaam sirf yahi hoga ki tum uske sath har waqt uska saaya ban kar rahoge."

"Ye aap kya kah rahe hain singhaniya sahab?" Shera naam ka shakhs buri tarah chaunka, bola____"Nahi nahi, ye jimmedaari main nahi le sakta. Aap is kaam ke liye apne kisi aur aadmi ko kah dijiye. Aapke paas to waise bhi mere jaise bahut log hain."

"Beshak hain shera." Singhaniya ne kaha____"Lekin wo tum jaise imandaar aur bahadur nahi hain. Doosri baat ye bhi hai ki agar tum maya ki suraksha ki jimmedaari loge to ham puri tarah se uske liye befikra ho jayenge."

"Wo to theek hai singhaniya sahab." Shera ke chehre par chinta aur pareshani ke bhaav ubhar aaye the____"Lekin main ye jimmedaari nahi le sakta. Please iske liye mujhe maaf kar dijiye."

"Hame samajh nahi aa raha ki tum is jimmedari ko lene se inkaar kyo kar rahe ho?" Singhaniya ke chehre par uljhan ke bhaav ubhar aaye the, bola____"Aakhir baat kya hai? Tumhare chehre par achanak hi nazar aane lagi chinta aur pareshani ka kya matlab hai?"

"Aap mujhe is kaam ke alawa duniya ka koi bhi kaam de dijiye main mana nahi karuga." Shera ne sapaat lahje me kaha____"Lekin is kaam ko main nahi kar sakta. Meri kuch apni majburiya hain singhaniya sahab."

"Badi ajeeb baat hai." Singhaniya hairaani aur uljhan bhare bhaav se bola____"Tum duniya ka koi bhi kaam kar sakte ho lekin hamari beti ki suraksha ki jimmedaari nahi le sakte. Ye aisi baat hai jis par yakeen karna behad mushkil hai. Ham jaanna chaahte hain ki aakhir tum is kaam ke liye inkaar kyo kar rahe ho?"

"Apni ek kamzori ki vajah se singhaniya sahab." Shera ne car ki khidki ke us paar dekhte huye kaha____"Darasal mujhe ek gambheer bimaari hai. Chaubees ghante me ek baar mujhe ek aisa injection lena padta hai jo mujhe chaubees ghante ke liye normal banaye rakhe. Agar durbhagya se maine injection nahi liya to main kisi ke bhi sath anarth kar sakta hu. Yahi vajah hai ki main aapki beti ki suraksha ki jimmedari lene se inkaar kar raha hu. Main nahi chaahta ki meri vajah se kisi masoom ki zindagi tabaah ho jaye."

Shera ki baate sun kar singhaniya use is tarah dekhne laga tha jaise achanak hi use shera ke sir par qutub minar dance karta hua nazar aane laga ho. Kuch der tak dono ke beech gahra sannata kaayam raha.

"Ye to waakayi me badi gambheer bimaari hai tumhe." Fir singhaniya ne gahri saans lete huye kaha____"Lekin tumne kabhi iska ilaaz kyo nahi karwaya?"

"Karwana bhi nahi chaahta." Shera ne shakhti se apne jabde bheenchte huye kaha to singhaniya ki aankhe ashcharya se fail gayi, bola____"Ye kya kah rahe ho tum? Duniya me aisa kaun sa insaan hai jo apni kisi bimaari se nijaat paane ki hasrat na rakhe? Dekho, agar rupaye paise ki samasya ki vajah se tum apna ilaaz nahi karwa rahe to tumhari ye samasya ham door kar denge. Tumhare ilaaz me chaahe jitna bhi rupaya lage ham khushi se lagayenge."

"Rupaya paisa kya cheez hai singhaniya sahab." Shera is tarah muskuraya tha jaise singhaniya ne koi bachkaani baat kah di ho, bola_____"Meri nazar me uski koi ehmiyat nahi hai aur na hi main uske peechhe bhagne wala insaan hu. Khair mujhe achha laga ki aap mere liye aisa sochte hain lekin sach yahi hai ki main apni is bimaari ka ilaaz nahi karwana chaahta. Agar karwana hi hota to kab ka karwa liya hota."

Singhaniya ko samajh na aaya ki shera kis type ka insaan hai? Pichhle teen saalo se wo uske liye kaam kar raha tha. Usne hamesha is shakhs ko khamosh hi dekha tha. Uske chehre par kabhi usne normal bhaav nahi dekhe the. Halaaki singhaniya ek anubhavi insaan tha aur is shahar ka ek bada business man tha is liye wo ye achhi tarah samajhta tha ki shera naam ka uska ye aadmi apne andar na jane kitne raaz dabaye baitha hai aur na jane kitne jwalamukhi sanjoye huye hai jo agar baahar nikal aaye to har jagah tabaahi macha sakta hai. In teen saalo me singhaniya ke dwara diya gaya aisa koi kaam nahi tha jo shera ne apni kabiliyat aur bahaduri se kar na dikhaya ho. Yahi vajah thi ki wo use apna sabse khaas aadmi bana ke rakhe huye tha. Shera ek aisa shakhs tha jo kisi ki bandisho me bandh kar nahi rahta tha aur singhaniya bhi use azaad sher bana ke rakhta tha.

"Ham nahi jaante ki jeewan me tumhare sath kya hua hai aur na hi tumne hamare puchhne par kabhi bataya hai." Singhaniya ne ek cigar jalane ke baad kaha____"Lekin itna zarur kahenge ki upar wale ne tumhe jo anmol jeewan diya hai use yu byarth me mat gawaao. Agar koi dukh hai ya koi baat hai to use itna bada na bana lo ki uski vajah se tumhe apna jeewan byarth lagne lage aur tum apne andar maujood khwaahisho ka gala ghont do. Duniya ka sabse bada sach ye bhi hai ki waqt hamesha ek jaisa nahi rahta. Aaj agar hame kisi cheez ka dukh hai to samjho ek din ye dukh zarur door ho jaayega aur jeewan me khushiyo ka waqt aa jaayega. Khair hame yakeen hai ki ek din aisa zarur aayega jab tumhare jeewan me sab kuch theek ho jaayega. Ab rahi baat hamari beti ki suraksha ki jimmedaari lene ki to wo tumhe lena hi hoga. Hame pura yakeen hai ki tumhari suraksha me rahne ke baad hamari beti ko kabhi bhi kisi tarah ka koi sankat nahi aayega."

"Aap samajh nahi rahe hain singhaniya sahab." Shera ne bebas bhaav se kaha____"Durbhagya kisi ko bata kar nahi aata. Main ek badnaseeb insaan hu, is liye main ye hargiz nahi chaah sakta ki meri badnaseebi ki chhaya kisi masoom par pade."

"Tum aisa is liye kah rahe ho kyoki tum apne jeewan se bahut hi zyada niraash ho chuke ho." Singhaniya ne kaha____"Jabki ham jaante hain ki waisa kuch bhi nahi hoga jaise ka tumhe dar hai. Hamari beti ki suraksha ki jimmedari ab se tumhari hi hogi. Ham chaahte hain ki tum uske sath har waqt uska saaya ban kar raho. Ek baat aur, wo thoda ziddi hai aur muhfat bhi hai is liye agar wo tumhe kuch ulta seedha bol de to uska bura mat maanna."

Singhaniya itna kah kar chup hua aur cigar ke kash lene laga. Idhar shera uski baate sunne ke baad pareshaan haalat me baitha tha. Use samajh nahi aa raha tha ki wo aisa kya kare ki singhaniya use ye kaam karne ko na kahe lekin filhaal use kuch soojh nahi raha tha.

"Itna mat socho shera." Singhaniya ne use socho me gum dekha to kaha____"Aur na hi hamesha negative soch rakho. Hamesha yahi socho ki jo hoga achha hi hoga. Jitna ham tumhe in teen saalo me samjhe hain usse ham daave ke sath kah sakte hain ki tum ek majboot tabiyat ke insaan ho. Jis ladki ke sath tum rahte ho wo is baat ka saboot hai ki ab tak tumne apni is bimaari ki vajah se kisi bhi ladki ke sath anarth nahi kiya hai aur aage bhi hame tumse yahi ummid hai. Khair, ham tumse apne dil ki ek baat kahna chaahte hain aur wo ye ki achanak se hame apni beti ki suraksha ka khayaal is liye aaya hai kyoki hame kahi na kahi ye ehsaas hua hai ki kuch log hamari beti me hamari dhan daulat ko dekhte hain. Halaaki ham jaante hain ki hamari beti ko itna jaldi koi bhi bargala nahi sakta lekin ye bhi sach hai ki ham apne is yakeen ke aasre nahi rahna chaahte. Yahi vajah hai ki hamne tumhe ye kaam aur ye jimmedaari saumpi hai."

"Agar aapne soch hi liya hai to fir bhala main kaise aapko inkaar kar sakta hu?" Shera ne bujhe man se lekin gahri saans le kar kaha_____"Main kal se hi maya madam ka saaya ban kar unke sath rahne laguga lekin....!"

"Lekin???" Singhaniya ke chehre par sawaaliya bhaav ubhre.
"Aap jaante hain ki main ek ladki ke sath rahta hu." Shera ne kaha____"Uski suraksha ki jimmedari bhi maine le rakhi hai. Is shahar me wo bhi meri tarah akeli hi hai is liye main ye bhi nahi chaahta ki us par kisi tarah ka sankat aaye."

"Haan ham samajhte hain." Singhaniya ne sir hilaate huye kaha____"Lekin ham ye nahi kah rahe ki tum hamari beti ka saaya ban kar chaubeeso ghante uske sath raho, balki tumhe uske sath tabhi tak rahna hai jab tak ki wo apne office se bangle par aa nahi jaati."

"Fir theek hai." Shera ne kaha____"Achha ab mujhe ijaazat dijiye."
"Ek baat aur." Shera jaise hi car ka darwaza khol kar baahar aaya to peeche se singhaniya ne kaha_____"Apna ye huliya bhi theek kar lena. Tumhare is huliye ko dekh kar sambhav hai ki hamari beti tumhe body guard ke roop me apne paas rakhne se saaf inkaar kar de is liye apna ye huliya badal lena. Yaar upar wale ne tumhe itni achhi personality di hai iske bavjood jane kyo tumne khud ka fakeero jaisa haal bana rakha hai."

Shera ne suna aur fir palat kar waapas apni car ki taraf badh gaya. Car ka driving door khol kar usne andar se apna over coat nikala aur use pahan kar driving sheet par baith gaya. Kuch hi palo me uski car U-Turn le kar usi taraf badhi chali ja rahi thi jis taraf se wo aayi thi.

━━━━✦༺❁༻✦━━━━​

Amazing update. Ritu ne kabhi jhuth ka sahara nahi liya. aur apne parivaar se jhuth bolna, uske liye ye badi muskil se bhari baat thi. fir bhi apni bahan ke liye jhuthi bat bolni padi. ek anubhavi police officer thi wo, isliye chehre par a rahe bhavo ko chupana itna muskil bhi nahi tha.
par jis tone me viraj ki mom aur abhay baat kar rahe the bilkul bhi thik nahi laga. ek javan ladki ghar chhod gyi thi, sabhi ko chinta thi. ghar par itne members the . lekin ritu par hi kyu ungli uthai . is saval ka javab ritu ne khud hi de di. Ritu ajay aur pratima baghel ki beti hai , aur isliye ritu aisa kaam kar sakti. May be kahi na kahi sabhi yehi sochte the..
wafa ke mom dad aur parivar ke sath kya hua? wafa raj ke bharose hai ya raj wafa ke bharose hai? raj do do naam rakhne ka koi khas kaaran? sighania , raj se kab aur kaise mila ? Kya sighania ke andar rehke bure kaam karta hai? Maya ki jaan ko khtra hai, sighania ko kaise pata chala? injection na lene ke kaaran raj agar Maya hamla kar dia to iski jimmedar kon hoga? wafa kehagi aur karegi jab usko pata chalegi ye bat?
Savalo ka bhool bhuliya sa uth raha ho dimag me.

 

[Riya]

Update - 04
━━━━━━━━━━━━━​

Uski kathorta aur uske is rookhe byohaar se wafa ka dil chhalni ho jaata tha aur phir wo apne kamre me bed par lete lete khoob roti thi magar phir ye tasalli karti ki jise usne toot toot kar chaaha tha aur jiske haasil hone ki koi ummeed hi nahi thi wo aaj uske ghar me uske itne qareeb to hai.

Present_____

Apne ateet ke ek maamuli hisse me khoye huye us shakhs ko jaane kab neend aa gayi iska use pata hi na chala. Ek do ghante baad subah hone waali thi. Aane wali subah aur aane wala waqt jane kaun si saugaat liye khada tha?

━━━━✦༺❁༻✦━━━━​

Ab Aage______

Doosre din ritu gungun se jab apne gaav haldipur pahuchi to dekha haweli me ek alag hi nazara dikh raha tha. Dring room me rakhe sofo par chacha abhay singh, karuna, saumya, gauri, rukmini, divya shagun aadi sab baithe huye the aur un sabke beech gahra sannata byaapt tha. Jaha abhay singh aur gauri ka chehra shakht aur gusse se bhara hua nazar aa raha tha wahi baaki logo ke chehro par gambheerta kaayam thi. Ritu apni police car se utar kar jaise hi haweli ke andar dring room me daakhil huyi to waha baithe huye logo ko aur waha chhaaye huye sannate ko dekh kar man hi man chaunk jana pada tha. Halaaki use is sab ki pahle se hi ummid thi aur usne is sabke liye khud ko taiyar bhi kar liya tha lekin baavjood iske use jhooth bolne me aur jhooth ko chhupane me thoda uncomfortable feel ho raha tha.

"Kya baat hai, aap sab is tarah chup chaap se kyo baithe huye hain?" Fir usne har baat se anjaan bante huye sabki taraf ek ek nazar daalte huye kaha____"Kuch hua hai kya?"

"Neelam kaha hai?" Ritu ke puchhne par abhay singh ne uski taraf dhyaan se dekhte huye lekin shakht bhaav se puchha. Abhay ke puchhne par ritu ne apne chehre par aise bhaav ujaagar kar liye jaise use apne chacha ki baat samajh me na aayi ho, boli____"Neelam kaha hai??? Main kuch samjhi nahi chacha ji."

"Anjaan banne ki koshish mat karo ritu." Abhay singh ne usi shakht lahje me kah____"Tum achhi tarah samajh rahi ho ki maine tumse kya puchha hai?"
"Main bhala kisi baat ke liye anjaan banne ki koshish kyo karugi chacha ji?" Ritu ne masoom si shakal bana kar kaha____"Raat me department se mujhe phone aaya tha to main yaha se chali gayi thi. Savita aunty ko maine bataya bhi tha. Mujhe samajh me nahi aa raha hai ki aap mujhse ye kyo puch rahe hain ki neelam kaha hai, jabki neelam to haweli me hi apne kamre me hogi."

"Nahi hai." Abhay singh ne kathorta se kaha____"Use uske kamre ke sath sath puri haweli me khoja ja chuka hai lekin uska kahi pata nahi chala. Maujooda waqt me jo halaat hain usse saaf zaahir hai ki wo haweli se hi nahi balki is gaav se hi ja chuki hai."

"Ye aap kya kah rahe hain chacha ji?" Ritu ne ye sun kar buri tarah uchhal padne ki acting ki, fir hairaani ke bhaav liye boli____"Kal raat ko to wo apne kamre me hi thi aur main khud bhi kuch der uske kamre me hi thi. Use samjha rahi thi ki use apni zid chhod kar shadi ke liye maan jana chahiye."

"To tum ye kahna chaahti ho ki neelam ke bare me tumhe kuch pata hi nahi hai ki wo kaha hai ya kaha gayi hai?" Gauri ne teekhe bhaav se uski taraf ghoorte huye kaha____"Jabki ham sabko yakeen hai ki use haweli se tumne hi nikaala ho sakta hai lekin is tarah se ki kisi ko is baat ki bhanak tak na lag sake."

"Aap bewajah mujh par shak kar rahi hain chachi ji." Ritu ne is baar dukhi bhaav se kaha_____"Aapne ye kaise soch liya ki main is tarah ki bachkaani harkat karugi? Ishwar jaanta hai ki mere dil me aap sabke liye kitni izzat aur sammaan ki bhaavna hai. Kya aap mujh par sirf is liye shak kar rahi hain kyoki main ajay singh aur pratima jaise ghatiya mata pita ki aulaad hu?."

"Tum galat samajh rahi ho ritu." Saumya ne halaat ki gambheerta ko dekhte huye kaha____"Gauri bhabhi ke kahne ka ye matlab nahi tha."

"Main koi bachchi nahi hu bua jise itni bhi samajh na ho ki kisi ki baato ka kya matlab hota hai." Ritu ne pahle ki bhaanti hi dukhi bhaav se kaha____"Pichhle saat saalo se main yahi saabit karne ki koshish kar rahi hu ki mere mata pita bhale hi chaahe jaise rahe ho aur bhale hi meri rango me unka hi ganda khoon daud raha ho lekin main apne mata pita ki tarah giri huyi soch nahi rakhti. Ishwar jaanta hai ki in saat saalo me maine ek pal ke liye bhi haweli me rahne wale apne azizo ko gair nahi samjha, balki is baat ke liye ishwar ko shukriya hi kaha hai ki mujhe ek aisa pariwar mila hai jo mujhe apni beti ki tarah pyar karte hain lekin bua hakikat to ye hai ki main bhale hi yaha par apni begunaahi ke liye apna sir patak ke mar jaau lekin mere ye apne mujh par yakeen nahi kar sakte. Aisa is liye kyoki main aise mata pita ki aulaad hu jinhone apne jeewan me kabhi bhi kisi ke sath achha nahi socha."

"Tum bewajah baato ka patangad bana rahi ho ritu." Gauri ne is baar thoda narm lahje me kaha_____"Maine ya kisi ne bhi tum par kisi baat ka shak nahi kiya aur na hi shak karne ke bare me socha hai kyoki main achhi tarah jaanti hu ki meri ritu bitiya laakho me ek hai. Main sirf is liye aisa kah rahi hu kyoki sambhav hai ki neelam ne kisi tarah tumhe bargala diya ho aur tum uske moh me aa kar ya yu kahu ki uski baato me aa kar use yaha se chup chaap nikaal diya ho."

"Gauri bhabhi sach kah rahi hain ritu beta." Abhay singh ne bhi is baar narm lahje me kaha____"Baat tum par shak karne ki nahi hai balki baat hai halaat ki. Tum bhi achhi tarah jaanti ho ki jaise jaise waqt guzarta ja raha hai waise waise hamare prati gaav samaaj ke logo ki soch me yakeenan fark bhi padta ja raha hoga. Insaan laakh achhaaiyo ka putla ho lekin agar wo waqt ke sath apne uchit karm nahi karta to uski achhaaiyo par log sawaal khade karne lagte hain. Ham aur hamara khandaan is gaav ke liye ek misaal ke taur par hai lekin agar ham hi uchit samay par uchit kaarya nahi karenge to ham logo ke liye prerna aur aadarsh kaise bane rah sakenge?"

"Main samajhti hu chacha ji." Ritu ne gambheer bhaav se kaha____"Lekin mera bhi yakeen kijiye. Mujhe sach me nahi pata ki neelam kaha hai aur agar aapko ye lagta hai ki maine use haweli se nikaal kar kahi bhej diya hai to aap yaha ke kisi bhi naukar se puchh lijiye. Raat me jab main yaha se gayi thi to us samay haweli se baahar gate par do pahredaar the. Unhe maine bataya tha ki zyada der huyi to main waapas nahi aaugi yaha. Itna hi nahi jab raat ko main yaha se ja rahi thi to savita aunty ne bhi mujhe dekha tha aur unke puchhne par maine unhe bataya bhi tha ki main kis kaam se ja rahi hu. Wo aapko bata sakti hain ki main yaha se akele hi gayi thi ya mere sath neelam bhi thi."

"Haan ham pata kar chuke hain." Abhay singh ne gahri saans li_____"Sabka yahi kahna hai ki tum akele hi apni police car me haweli se baahar gayi thi. Unme se kisi ne bhi tumhare sath neelam ko kahi jaate nahi dekha."

"Kaise dekhte chacha ji?" Ritu ne man hi man raahat ki saans lete huye kaha____"Main to raat ko haweli se akele hi gayi thi. Yaha aane ke baad hi aap sab ke dwara mujhe pata chala hai ki neelam yaha nahi hai. Aakhir wo kaha gayi hogi aur kis waqt gayi hogi? Itna hi nahi use kisi ne yaha se jaate huye kaise nahi dekha?"

Ritu ne ye sab kahte waqt apne chehre par aise bhaav ujaagar kar liye the jaise wo sach me is baat se behad hairaan ho aur use neelam se aise kaam ki ummid na rahi ho. Kuch der aur isi bare me baate huyi uske baad ritu man hi man muskuraati huyi upar apne kamre ki taraf badh gayi. Halaaki use sab logo se neelam ke bare me is tarah safed jhooth bolne me zara bhi achha nahi laga tha lekin neelam ki bhavnaao ka use bakhubi ehsaas tha is liye usne ye sab kiya tha. Upar wale se usne iske liye maafi bhi maag li thi.

Ritu ke jane ke baad abhay singh ne haweli ke sabse khaas naukar shankar aur hariya ko bulaya aur un dono ko neelam ki khoj karne ke kaam me laga diya. Uske chehre par chinta aur pareshaani ke bhaav saaf dekhe ja sakte the. Yahi haal lagbhag sabka hi tha.

❁❁❁❁❁

Subah ke aath baj chuke the.
Chhote se aayatakaar hall me rakhi aayatakaar table ke charo taraf kareeb chaar kursiya rakhi huyi thi. Un chaar kursiyo me se ek kursi par ek ladki baithi huyi thi. Ladki ka naam Wafa Khan tha. Chehra saadgi aur masoomiyat se bhara hua tha lekin is waqt uske chehre ki khubsurti me ek grahan sa laga hua tha jo ki uske chehre par chhaayi huyi udaasi ka hi nateeja tha. Chehre par gardish karte bhaav bata rahe the ki wo kisi khayaalo me gum hai. Tabhi baaye taraf huyi aahat se uska dhyaan toota to wo halke se chaunki aur suraahidaar gardan ko halka baayi taraf mod kar usne dekha.

Seedhiyo se use ek aisa shakhs neeche aata hua nazar aaya jiska chehra badi badi daadhi aur moonchho se bhara hua tha. Sir par bade bade baal the jo uske kandho se bhi neeche tak jhool rahe the. Uski height chhah fit se hargiz bhi kam nahi lag rahi thi. Hatte katte jism par kaale rang ki jeans aur kaale rang ki hi t-shirt thi. T-shirt half baaju wali thi jisme uski bhujaao ki machhaliya buri tarah kasi huyi dikh rahi thi. Chauda seena t-shirt me ek alag hi nazara pesh kar raha tha. Apne baaye kandhe par usne kaale rang ka hi over coat taang rakha tha. Wafa use apni taraf aate dekh thoda samhal kar baith gayi thi lekin nazre jaise uske chehre par hi chipak gayi thi. Uske dil me halchal to shuru ho gayi thi lekin sath hi ek dard bhari tees bhi ubhar aayi thi jo uske samuche jism me sihran si dauda gayi. Kuch hi palo me wo shakhs aayatakaar table ke paar rakhi ek kursi par baith gaya. Chehra patthar ki tarah shakht tha.

Wafa ne jab dekha ki wo kursi par baith gaya hai to wo apni kursi se uthi aur kitchen ki taraf badh gayi. Kuch hi der me wo do thaali le kar aayi aur ek thaali usne us shakhs ke saamne table par rakha aur doosri thaali le kar wo apni kursi par baith gayi. Hall me aisa sannata chha gaya tha ki agar kahi sui jaisi mamooli cheez bhi gire to uski awaaz dhamake jaisi lage.

"Raat ko tum kitne baje aaye the raj?" Wafa ne us shakhs ki taraf ek nazar daalte huye santulit lahje se puchha, halaaki uski dhadkane tez ho gayi thi, boli____"Maine tumhe kitna phone lagaya lekin tumne uthaya hi nahi. Kya ek baar bhi mere bare me nahi socha ki aise me yaha meri kya haalat ho rahi hogi?"

"Main faaltu ki baate nahi sochta." Us shakhs ne shakht aur sapaat lahje me uski taraf dekhte huye kaha____"Agar tum ye sochti ho ki tumne jo kuch mere liye kiya hai uska ehsaan maan kar tumhe shukriya kahuga to galat sochti ho tum. Maine nahi kaha tha ki tum mere liye wo sab karo. Us raat mar jane diya hota mujhe."

"Khuda ke liye aisi baate mat karo raj." Wafa ki awaaz bhaari ho gayi___"Aakhir kyo khud ko itna saza dete ho aur apne sath mujhe bhi? Hazaar baar puchh chuki hu tumse ki aisa kya ho gaya hai jiski vajah se tum aise patthar dil ban gaye ho? Kya mera itna bhi haq nahi hai ki tumhare dukh dard baant saku aur tumhe do pal ke liye hi sahi magar khushiya de saku?"

"Kya tum ye chaahti ho ki main yaha se bina kuch khaye uth kar chala jaau?" Us shakhs ne usi shakht lahje me kaha jise wafa ne raj naam se sambodhit kar rahi thi.

"Nahi nahi." Wafa ekdam se hadbada gayi thi, fir gahri saans le kar boli____"Main ab kuch nahi bolugi. Tum araam se naasta kar lo."

Uske baad sach me wafa kuch na boli thi. Dono ke beech ek baar fir se sannata chha gaya tha. Kuch hi der me shakhs ne naasta khatam kiya aur fir uth kar kursi ki pichhli pusht se apna over coat le kar baahar nikal gaya. Peechhe wafa aankho me aansu liye usko jata dekhti rah gayi thi.

Baahar aa kar wo car me baitha aur fir car ko start kar bandookh se chhooti goli ki tarah udan chhu ho liya. Pakki sadak par uski car hawa se baate kar rahi thi. Isi beech uska keypad mobile baja. Usne call pick ki aur ye kah kar call cut kar diya ki____"Paanch minute me pahuch raha hu."

Paanch minute baad uski car shahar ke us ilaake me daakhil huyi jaha par construction ka kaam chal raha tha. Waha ek chamchamaati huyi car pahle se hi khadi thi. Raj naam ke us shakhs ne usi chamchamaati car se thoda door apni car ko roka aur driving door khol kar baahar nikla. Aas paas ek baar nazar daalne ke baad wo dusri car ki taraf badh chala.

"Ham kaafi der se yaha tumhara intzaar kar rahe the shera." Doosri car ki pichhli sheet par baithe ek aise shakhs ne usse kaha jiske bhare huye jism par sky blue colour ka coat pant tha. Car ki driving sheet par ek aur aadmi baitha tha jo shayad us blue coat wale aadmi ka driver tha.

"Maaf kijiye thoda aane me time lag gaya." Shera ne kaha lekin maafi maagne jaise bhaav uske chehre par hargiz nahi the, balki wo pahle ki tarah ki kathor nazar aa raha tha.

"Koi baat nahi." Us blue coat wale ne kaha____"Aao andar baitho. Hame tumse kuch zaruri baate karni hain."
"Aap mujhe bangle par hi bula lete." Shera ne kaha____"Is jagah par kyo?"

"Tum hamare sabse khaas aadmi ho shera." Coat wale ne kaha___"Aur yakeen maano ham tumhe dil se apna samajhte hain. Ye alag baat hai ki tum hame dil se apna nahi samajhte. Hamare laakh puchhne par tumne kabhi apne bare me kuch nahi bataya. Halaaki tumhare bare me jaanne ke hazaar raaste ham nikaal sakte the lekin nikala is liye nahi kyoki ham chaahte hain ki apna sach tum khud apne mukh se hame bataao. Khair koi baat nahi, aao andar baitho."

Us blue coat wale ne ye kaha to shera naam ka wo shakhs car ke andar uske bagal se baith gaya. Udhar us shakhs ne driver se baahar nikal jane ke liye kaha to driver ji sahab kah kar baahar nikal gaya.

"Ab bataaiye singhaniya sahab." Driver jab baahar chala gaya to shera ne us coat wale se kaha____"Aisi kaun si zaruri baat thi jise karne ke liye aapne mujhe is jagah par bulaya hai?"

"Ham tumse ghuma fira kar koi baat nahi karenge shera." Singhaniya ne gahri saans lete huye kaha____"Is liye ham tumse seedhe taur par yahi kahte hain ki ab se tum hamari beti maya ki suraksha ki jimmedaari apne kandhe par le lo. Tumhara kaam sirf yahi hoga ki tum uske sath har waqt uska saaya ban kar rahoge."

"Ye aap kya kah rahe hain singhaniya sahab?" Shera naam ka shakhs buri tarah chaunka, bola____"Nahi nahi, ye jimmedaari main nahi le sakta. Aap is kaam ke liye apne kisi aur aadmi ko kah dijiye. Aapke paas to waise bhi mere jaise bahut log hain."

"Beshak hain shera." Singhaniya ne kaha____"Lekin wo tum jaise imandaar aur bahadur nahi hain. Doosri baat ye bhi hai ki agar tum maya ki suraksha ki jimmedaari loge to ham puri tarah se uske liye befikra ho jayenge."

"Wo to theek hai singhaniya sahab." Shera ke chehre par chinta aur pareshani ke bhaav ubhar aaye the____"Lekin main ye jimmedaari nahi le sakta. Please iske liye mujhe maaf kar dijiye."

"Hame samajh nahi aa raha ki tum is jimmedari ko lene se inkaar kyo kar rahe ho?" Singhaniya ke chehre par uljhan ke bhaav ubhar aaye the, bola____"Aakhir baat kya hai? Tumhare chehre par achanak hi nazar aane lagi chinta aur pareshani ka kya matlab hai?"

"Aap mujhe is kaam ke alawa duniya ka koi bhi kaam de dijiye main mana nahi karuga." Shera ne sapaat lahje me kaha____"Lekin is kaam ko main nahi kar sakta. Meri kuch apni majburiya hain singhaniya sahab."

"Badi ajeeb baat hai." Singhaniya hairaani aur uljhan bhare bhaav se bola____"Tum duniya ka koi bhi kaam kar sakte ho lekin hamari beti ki suraksha ki jimmedaari nahi le sakte. Ye aisi baat hai jis par yakeen karna behad mushkil hai. Ham jaanna chaahte hain ki aakhir tum is kaam ke liye inkaar kyo kar rahe ho?"

"Apni ek kamzori ki vajah se singhaniya sahab." Shera ne car ki khidki ke us paar dekhte huye kaha____"Darasal mujhe ek gambheer bimaari hai. Chaubees ghante me ek baar mujhe ek aisa injection lena padta hai jo mujhe chaubees ghante ke liye normal banaye rakhe. Agar durbhagya se maine injection nahi liya to main kisi ke bhi sath anarth kar sakta hu. Yahi vajah hai ki main aapki beti ki suraksha ki jimmedari lene se inkaar kar raha hu. Main nahi chaahta ki meri vajah se kisi masoom ki zindagi tabaah ho jaye."

Shera ki baate sun kar singhaniya use is tarah dekhne laga tha jaise achanak hi use shera ke sir par qutub minar dance karta hua nazar aane laga ho. Kuch der tak dono ke beech gahra sannata kaayam raha.

"Ye to waakayi me badi gambheer bimaari hai tumhe." Fir singhaniya ne gahri saans lete huye kaha____"Lekin tumne kabhi iska ilaaz kyo nahi karwaya?"

"Karwana bhi nahi chaahta." Shera ne shakhti se apne jabde bheenchte huye kaha to singhaniya ki aankhe ashcharya se fail gayi, bola____"Ye kya kah rahe ho tum? Duniya me aisa kaun sa insaan hai jo apni kisi bimaari se nijaat paane ki hasrat na rakhe? Dekho, agar rupaye paise ki samasya ki vajah se tum apna ilaaz nahi karwa rahe to tumhari ye samasya ham door kar denge. Tumhare ilaaz me chaahe jitna bhi rupaya lage ham khushi se lagayenge."

"Rupaya paisa kya cheez hai singhaniya sahab." Shera is tarah muskuraya tha jaise singhaniya ne koi bachkaani baat kah di ho, bola_____"Meri nazar me uski koi ehmiyat nahi hai aur na hi main uske peechhe bhagne wala insaan hu. Khair mujhe achha laga ki aap mere liye aisa sochte hain lekin sach yahi hai ki main apni is bimaari ka ilaaz nahi karwana chaahta. Agar karwana hi hota to kab ka karwa liya hota."

Singhaniya ko samajh na aaya ki shera kis type ka insaan hai? Pichhle teen saalo se wo uske liye kaam kar raha tha. Usne hamesha is shakhs ko khamosh hi dekha tha. Uske chehre par kabhi usne normal bhaav nahi dekhe the. Halaaki singhaniya ek anubhavi insaan tha aur is shahar ka ek bada business man tha is liye wo ye achhi tarah samajhta tha ki shera naam ka uska ye aadmi apne andar na jane kitne raaz dabaye baitha hai aur na jane kitne jwalamukhi sanjoye huye hai jo agar baahar nikal aaye to har jagah tabaahi macha sakta hai. In teen saalo me singhaniya ke dwara diya gaya aisa koi kaam nahi tha jo shera ne apni kabiliyat aur bahaduri se kar na dikhaya ho. Yahi vajah thi ki wo use apna sabse khaas aadmi bana ke rakhe huye tha. Shera ek aisa shakhs tha jo kisi ki bandisho me bandh kar nahi rahta tha aur singhaniya bhi use azaad sher bana ke rakhta tha.

"Ham nahi jaante ki jeewan me tumhare sath kya hua hai aur na hi tumne hamare puchhne par kabhi bataya hai." Singhaniya ne ek cigar jalane ke baad kaha____"Lekin itna zarur kahenge ki upar wale ne tumhe jo anmol jeewan diya hai use yu byarth me mat gawaao. Agar koi dukh hai ya koi baat hai to use itna bada na bana lo ki uski vajah se tumhe apna jeewan byarth lagne lage aur tum apne andar maujood khwaahisho ka gala ghont do. Duniya ka sabse bada sach ye bhi hai ki waqt hamesha ek jaisa nahi rahta. Aaj agar hame kisi cheez ka dukh hai to samjho ek din ye dukh zarur door ho jaayega aur jeewan me khushiyo ka waqt aa jaayega. Khair hame yakeen hai ki ek din aisa zarur aayega jab tumhare jeewan me sab kuch theek ho jaayega. Ab rahi baat hamari beti ki suraksha ki jimmedaari lene ki to wo tumhe lena hi hoga. Hame pura yakeen hai ki tumhari suraksha me rahne ke baad hamari beti ko kabhi bhi kisi tarah ka koi sankat nahi aayega."

"Aap samajh nahi rahe hain singhaniya sahab." Shera ne bebas bhaav se kaha____"Durbhagya kisi ko bata kar nahi aata. Main ek badnaseeb insaan hu, is liye main ye hargiz nahi chaah sakta ki meri badnaseebi ki chhaya kisi masoom par pade."

"Tum aisa is liye kah rahe ho kyoki tum apne jeewan se bahut hi zyada niraash ho chuke ho." Singhaniya ne kaha____"Jabki ham jaante hain ki waisa kuch bhi nahi hoga jaise ka tumhe dar hai. Hamari beti ki suraksha ki jimmedari ab se tumhari hi hogi. Ham chaahte hain ki tum uske sath har waqt uska saaya ban kar raho. Ek baat aur, wo thoda ziddi hai aur muhfat bhi hai is liye agar wo tumhe kuch ulta seedha bol de to uska bura mat maanna."

Singhaniya itna kah kar chup hua aur cigar ke kash lene laga. Idhar shera uski baate sunne ke baad pareshaan haalat me baitha tha. Use samajh nahi aa raha tha ki wo aisa kya kare ki singhaniya use ye kaam karne ko na kahe lekin filhaal use kuch soojh nahi raha tha.

"Itna mat socho shera." Singhaniya ne use socho me gum dekha to kaha____"Aur na hi hamesha negative soch rakho. Hamesha yahi socho ki jo hoga achha hi hoga. Jitna ham tumhe in teen saalo me samjhe hain usse ham daave ke sath kah sakte hain ki tum ek majboot tabiyat ke insaan ho. Jis ladki ke sath tum rahte ho wo is baat ka saboot hai ki ab tak tumne apni is bimaari ki vajah se kisi bhi ladki ke sath anarth nahi kiya hai aur aage bhi hame tumse yahi ummid hai. Khair, ham tumse apne dil ki ek baat kahna chaahte hain aur wo ye ki achanak se hame apni beti ki suraksha ka khayaal is liye aaya hai kyoki hame kahi na kahi ye ehsaas hua hai ki kuch log hamari beti me hamari dhan daulat ko dekhte hain. Halaaki ham jaante hain ki hamari beti ko itna jaldi koi bhi bargala nahi sakta lekin ye bhi sach hai ki ham apne is yakeen ke aasre nahi rahna chaahte. Yahi vajah hai ki hamne tumhe ye kaam aur ye jimmedaari saumpi hai."

"Agar aapne soch hi liya hai to fir bhala main kaise aapko inkaar kar sakta hu?" Shera ne bujhe man se lekin gahri saans le kar kaha_____"Main kal se hi maya madam ka saaya ban kar unke sath rahne laguga lekin....!"

"Lekin???" Singhaniya ke chehre par sawaaliya bhaav ubhre.
"Aap jaante hain ki main ek ladki ke sath rahta hu." Shera ne kaha____"Uski suraksha ki jimmedari bhi maine le rakhi hai. Is shahar me wo bhi meri tarah akeli hi hai is liye main ye bhi nahi chaahta ki us par kisi tarah ka sankat aaye."

"Haan ham samajhte hain." Singhaniya ne sir hilaate huye kaha____"Lekin ham ye nahi kah rahe ki tum hamari beti ka saaya ban kar chaubeeso ghante uske sath raho, balki tumhe uske sath tabhi tak rahna hai jab tak ki wo apne office se bangle par aa nahi jaati."

"Fir theek hai." Shera ne kaha____"Achha ab mujhe ijaazat dijiye."
"Ek baat aur." Shera jaise hi car ka darwaza khol kar baahar aaya to peeche se singhaniya ne kaha_____"Apna ye huliya bhi theek kar lena. Tumhare is huliye ko dekh kar sambhav hai ki hamari beti tumhe body guard ke roop me apne paas rakhne se saaf inkaar kar de is liye apna ye huliya badal lena. Yaar upar wale ne tumhe itni achhi personality di hai iske bavjood jane kyo tumne khud ka fakeero jaisa haal bana rakha hai."

Shera ne suna aur fir palat kar waapas apni car ki taraf badh gaya. Car ka driving door khol kar usne andar se apna over coat nikala aur use pahan kar driving sheet par baith gaya. Kuch hi palo me uski car U-Turn le kar usi taraf badhi chali ja rahi thi jis taraf se wo aayi thi.

━━━━✦༺❁༻✦━━━━​

Wonderful update. ek naya twist dekhne ke liye mila hai.
kisiki gehri sajish sabhi ko dhakel rahi hai ek bhanvar me. majuda halat bhi yahi kehta hai . us sajish ke piche jiska bhi hath hai usse ghar ka hi koi mila hua hai jo abhi parde ke piche chupa hua hai. ajay ke tarah samne se vaar nahi kar raha hai.
viraaj, neelam ka ghar chhodke jana, nidhi ki chuppi, naina ka out of picture ho jana, ritu par shaq karna ye sabhi weirdo events indicate karta hai ke puri family ek sath hoke bhi jese ek sath nahi hai. udhar wafa jitni bhi kosis kar le par raaj ki taraf se bat saaf hai. jab tak wafa raaj ke shart maan kar usse duri banaye rakhegi tab tak raj uske sath us ghar me rahega anytha wo chala jayega. itna rude hona bhi achi baat nahi hai. wafa se itni rudely baat karne wala raaj, shera banke singhania se itna namra hoke baat karta hai, uski har baat mamta hai. ye kaha ki baat hui. jisne ek naya jiwan diya uske sath aesa saluk aur jiske liye sirf kaam karta hai uski ji hujuri. aur agar ladki ke liye uski haivaniat hi uski majburi hai to ab kyu ja raha hardam maya ko suraksa dene.