Chapter#2
UPDATE*45
Train chhut gayi raj ke plateform par pahuchte hi…to usne doud laga di…idhar mahak ke dil ki bechaini had se jyada achanak badh gayi….use lagne laga uska saajan yahi hai….vo charo taraf nazar ghumane lagi…
Raj ne akhir doudte doudte train ke last dibbe me ghus gaya…..
Idhar subah ke 9 am tak dono bua aur sandhya ghar pahuch gaye….
Kajal bua ne pahle hi phone kar ke bata diya tha ki vo by road aa rahi hain….
Tab se mamta, neha, mitaly aur ruchi ghar ke darwaje par hi chair laga kar baith kar dhadakte dilo ke sath unke aane ka intazar kar rahi thi……
Ruchi ne night se hi fever ka bahana kar ke SP sahib se aaj ki leave le li thi…baki sab to shoping karne gaye huye the…….
Jaise hi bua ki gadi ghar ke samne pahuchi…sabhi bhag kar gadi ke pass pahuch gaye….
Sabse pahle driver bahar nikal ke piche ka gate khola….
Ek taraf se kajal bua aur dusri gate se sandhya aur meera bua nikli …. magar sab ki nigahe to kisi aur ke gadi se bahar nikalne ke intazar me thi jisme is ghar me rahne wale logo ki jaan basi huyi thi…….lekin ye kya.. gate band……
Sabne question mark bane chehro se kajal ki taraf dekha….
Kajal bua bhi samajh gayi un sabhi ke manobhavo ko….
K bua- namaste bhabhi…..raj bhopal me hi utar gaya….kuch kaam tha usko….sham tak aa jayega……
Ye sunn kar sabhi ke chehro par phir se udasi chha gayi….lekin mann me ye santosh tha ki raj kuch ghanto me aa jayega…..
Sabhi ek dusre se gale mil kar apne gile sikwe dur karne lage andar aakar…..
Mitaly ne sab ko pani pilaya…phir unko unke room me fresh hone pahucha diya…..
Sandhya ko diksha ke room me shift kar diya….halanki vo raj ke room me rukna chahti thi..lekin ab kuch bol to sakti nahi thi to majburi me diksha ke room me apna saman rakh liya……
Thodi der baad aur 3 gadi aakar ghar ke bahar ruki..to ek baar phir sabne bahar aakar utsukta me dekhne lagi…
Pahli gadi se nani Rajeshwari devi, mama virendra, mami rupaly aur kiran didi utari…..
Dusri gadi se mami geeta, mami madhu, mami ki betiya pooja aur kavita utar kar bahar aayi….
Teesri gadi se vidhya aur sarita mousi utari…
Vidhya , sarita aur mamta teeno sagi bahne hain aur avni vidhya moushi ki beti hai…..jo nahi aayi shayad…
Vidhya aur sarita sagi moushi hain ye baat ghar me kisi bhi bachche ko pata nahi hai ab tak…na batane ki vajah malum nahi…
Sab andar aakar ek dusre se achchhi tarah mile…
Phir sabne kajal bua aur meera bua ko gher liya aur raj ko lekar sawalo ki jhadi laga di….
Dono bechari in sab ke sawalo ke jawab dete dete hi thak kar chur ho gayi…
Neha – achha hua didi…aap log time par aa gaye…vo kya hai na ki ham market ja rahe the…Raj ke liye shoping karne…to agar aap sath me rahengi to uski pasand ki cheese purchase karne me easy rahega…..
K bua- theek hai..Bhabhi…
Meera bua- bhai mai to thak gayi hu…mai aaram karungi…tum log ghum aao….
Sabhi ne ek sath lunch kiya…sandhya aur meera room me aram karne lagi….
Phir baki sabhi taiyyar hone apne apne room chali gayi….mamta ready hone ke baad apne room se hall me aa rahi thi ki use mahak ka room khula hua mila……..
Mamta- ye ladki bhi na bilkul hi pagal hai…..hamesha sapno ki duniya me hi khoyi rahti hai…..room band karne ka bhi isko hosh nahi rahta ….pata nahi kya hoga meri is masum gudiya ka…..
Mamta aise hi badbadate huye uske room ke andar jane lagi…ye check karne ki aur to nahi hai koi andar jisne room khola ho…..
Room ke andar to mamta aa gayi…magar use kya malum tha ki yaha aakar usko ek jabardast jhatka lagne wala hai….Jispar yakin karna uske liye behad kathin tha….
Train jaise jaise aage badh rahi thi….raj aur mahak ke dil ki dhadakne ki speed bhi train ki raftar ke sath taal se taal mila kar badhti ja rahi thi…..
Mahak ne jab charo taraf achchhi tarah se dekh kar jayza le liya..magar use kahi bhi uske sapno ka Raj kumar nahi dikha….
ankho ne to uske yaha moujud hone ko nakaar diya..parantu Dil abhi bhi uske saajan ke yahi kahi aaspass hone ki gawahi de raha tha….
Apni pyari ankhon mein chhupa lo mujhko,
Mohabbat tum se hai, chura lo mujhko.
Dhup ho ya Sehar tere sath chalenge hum,
Yaqeen naa ho toh aazma lo mujhko.
Tere her dukh ko seh lenge hans ke hum,
Apne wajood ki chadar bana lo mujh ko.
Zindagi bhi tere naam kar di hai humne,
Bas chand lamhe seene se laga lo mujhko.
Akhir usne train me ek baar check karne ka vichar kiya…
Payal ne apni jagah se uthate huye dekha to uske puchhne par bathroom jane ka kah diya….
Pass ke bathroom tak usne ja kar dekha magar uska saajan nahi mila…
To usne dusre bathroom ki oor apna rukh kiya…abki baar paridhi ne puchha ki kya hua…to koi jawab diye bagair mahak aage badh gayi…is samay uske mann me hazaro jwar bhata umad rahe the….
Mahak har sheet me baithe khade vyakti ko bade gour se dekhte huye aage badh rahi thi…magar jaise jaise vo aage badhti ja rahi thi uske dil ki dhadakan bhi tez hoti ja rahi thi…..
Idhar kajal bua ne raj kaha tak pahucha ye janne ke liye Raj ko call laga diya…..
Mahak sabhi ko dekhte huye us dibbe ke akhir tak pahuch gayi…apne sapne ko haqiqat ka jama pahnane…..uska saajan kahi nahi dikha idhar bhi to usne bathroom aur gate chhod diya dekhna……vo nirash hokar loutne lagi….uski ankhe nam ho gayi thi….
Tabhi gate ke pass khade kisi ke mobile me ringtone bajne lagi……
Jane wafa ho ke Bekarar,
Barso kiya Maine Intazar…
Ye ringtone sunte hi Mahak ki ankhe khushi se ro padi..usne ye ringtone saajan ke mobile me bajte kayi baar sapne me suna tha……
Ringtone ke bajte hi Mahak turant palat kar uss shakhs ki taraf jane lagi apne tez kadmo se…aur tabhi…..
