Incest SAAJAN

[anandsngh12]

Dosto,

Is kahani ko maine 10 chapter me devide kiya hai…..ye kahani hai……Saajan aur Divya ke agadh Sachche Prem ki, Jaha Hawas ke liye koi jagah nahi hai… Sirf aur sirf Real True Love hai, ye kisi ek janam ki prem kahani nahi hai….balki ye to dono ke pichchle lagatar saat janmo ki Love Story hai….Ye story incest based bhi hai…

Ye kahani hai pyar ki, atoot vishwas ki, dosti ki, dhokha aur nafrat ki, Sex ki…..aur hairat angej ghatnao aur kriya kalapo ki…….

Kya Saajan aur Divya ka Pavitra, Nishchhal, Nihswarth, Nishkaam Prem Safal hoga….? Kya unke is Prem ko ye samaj swikar karega…? Kiski kiski Bali chadhegi is Prem par…? Kya hoga anjam is Prem ka..?

《 INDEX 》​

SAAJAN
5th Janam Ki Love Story​

Update 《226》​	Update 《227》​	Update 《228》​	Update 《229》​	Update 《230》​
Update 《231》​	Update 《232》​	Update 《233》​	Update 《234》​	Update 《235》​
Update 《236》​	Update 《237》​	Update 《238》​	Update 《239》​	Update 《240》​
Update 《241》​	Update 《242》​	Update 《243》​	Update 《244》​	Update 《245》​
Update 《246》​	Update 《247》​	Update 《248》​	Update 《249》​	Update 《250》​

Present Time ​

Update 《306》​	Update 《307》​	Update 《308》​	Update 《309》​	Update 《310》​
Update 《311》​	Update 《312》​	Update 《313》​	Update 《314》​	Update 《315》​
Update 《316》​	Update 《317》​	Update 《318》​	Update 《319》​	Update 《320》​

 

[anandsngh12]

SAAJAN
UPDATE- 227
5th Janam Ki Love Story Continues....
​

Pari (anshu bahate)—bas tab se aaj tak main ussi dard me tadapte huye bhatak rahi hu...na to tumhe hasil hi kar pa rahi hu aur na hi tumhe bhul pa rahi hu...tumhari mohabbat aur nafrat ke beech phans kar rah gayi hu...na to mujhe tumhari mohabbat hi nasib huyi aur na hi main tumhe maarne ki himmat kar pa rahi hu...tum mujhe bhale hi bhul gaye hoge saajan lekin ye pari aaj bhi tumhe nahi bhuli..main aaj bhi kuch nahi bhuli hu..

“Kabhi Ro Ke Mushkuraye, Kabhi Mushkura Ke Roye,

Jab Bhi Teri Yaad Aayi, Tujhe Bhula Kar Roye,

Ek Tera Hi To Naam Tha, Jise Hazar Bar Likha,

Jitna Likh Ke Khush Huye, Usse Jyada Mita Ke Roye.”​

Ab Aage…….

Mujhse uska dard dekha nahi gaya to main aage badh kar uske samne baith gaya..na jane kyo uska dard mujhe apna sa lag raha tha…? Jane kaisi kashish thi uski baato me, ki main barbas hi uski taraf akarshit hota ja raha tha.

Jitu (nam ankhe)—dekho pari, jaisa tum kah rahi ho vaisa mujhe to kuch yaad nahi hai..lekin phir bhi agar ye sach hai to main nishchit hi tumhara gunahgar hu…tum jo chaho mujhe saza de sakti ho..main tumhare samne apna ye sir saza ke liye prastut karta hu..

Pari—iss janam me mera saajan pahli bar mere paas aaya hai..bhala main iss khushi ke mouke par kaise saza de sakti hu…? Iss waqt to tumhare seene se lagne ki tamanna hai…mujhe apni baho me samet lo saajan..

Main uska aagrah thukra nahi saka aur usko kandhe se pakad kar khada kiya..khade hote hi vo mujhse amarnel ki tarah lipat gayi…pari ko seene se lagate hi ek chir parichit jana pahchana ehsaas mahsoos hone laga, jaisa ki main sach me hi usko janta hu. Na jane kitni der tak vo mujhse aise hi lipti rahi..phir anayas hi hamare hosh aapas me ek dusre ko akarshit karte huye aalingan baddh ho kar ek dusre ke adhro me khote chale gaye.

Pari ne iss adhar chumban me mera poora sath diya…jab tak uska dil nahi bhar gaya vo aise hi mujhse lipti chumti rahi, maine bhi usko nahi roka…kafi der baad usne apne hoth alag kiye.

Jitu—main to tumse saza ki guzarish kar raha tha..ye kaisi saza hai….?

Pari—maine kaha na ki abhi tum mujhe mile ho, abhi to mujhe jee bhar ke dekh lene do, Lekin waqt aane par saza bhi jarur dungi…philhal to tum bhojan karo, tum kafi thake huye aur bhukhe ho..

Jitu—mere sath ek ladki thi, vo kaha gayi…? Kahi vo kisi musibat me to nahi phans gayi ya phir Kahi use kisi ne maar to nahi diya…? Mujhe use dhoondna hoga…

Pari—uski chinta mat karo…vo yahi hain, dusre kamre me..(dhire me)..bhala main apne aap ko kaise maar sakti hu..chitra bhi to main hi hu..

Jitu—nahi, pahle mujhe batao vo kaha hai…? Vo mujh par vishwash kar ke mere sath jid kar ke aayi thi…uski suraksha meri jimmedari hai..

Pari (mushkura kar)—use kuch nahi hoga..aao khud hi dekh lo..

Pari mujhe apne sath dusre kamre me le gayi to main dekh kar dang rah gaya…kyon ki vaha ek aalishan bistar par baith kar chitra sundar kapde pahne huye ghapaghap khana thoonsne me lagi huyi thi aur vo bhi dono hath se…use sahi salamat dekh kar maine rahat ki saans li…tab tak uski nazar bhi hum par pad chuki thi.

Chitra—yuvraj..aao..aao..main aap ko hi dhoond rahi thi…phir socha ki thoda sa kha leti hu, phir dhoondna chalu karu to theek rahega…achcha hua aap khud hi aa gaye…aur ye aap ke sath me ladki koun hai….? Ye to bilkul meri jaisi dikhti hai..

Jitu—kuch nahi tum khao…main yahi hu..

Uske baad pari ne mere liye bhi bhojan vahi manga diya to maine bhi khaya..chitra to aise kha rahi thi jaise ki janam janam ki bhukhi ho..lekin samay kafi ho chuka tha to mujhe vapis loutne ki bhi chinta hone lagi thi.

Jitu—pari, kya tum mujhe bata sakti ho ki ye tilism kaisa hai aur yaha se bahar kaise nikla ja sakta hai….?

Pari—tum to jante ho saajan ki ek bar tilism me pravesh karne ke baad bina uss tilism ko tode usse bahar nikalna sambhav nahi hai…yaha ek nahi balki paanch tilism ki shrinkhla hai ek ke baad ek…

Jitu—mujhe to bas ye pata lagana hai ki jo bhi log mere rajya se achanak gayab ho jate hain, unn sab ke piche kis ka hath hai..?

Pari—Bhairav Nath ka..

Jitu—bhairav nath..! ye koun hai…?

Pari—bahut bada tantrik….jo amar hone ke liye ye sab kar raha hai…logo ko pakad kar unki bali de deta hai vo..

Jitu—kaha milega vo bhairav nath mujhe…? Main use uske kiye ki saza avashya dunga..

Pari—bhairav nath koi bakri ka memna nahi hai jise jab chaha kisi ne bhi pakad kar halaal kar diya….bhairav nath ke paas hazaro ek se badi ek siddhiya hain…iske sath hi sath vo mayavi bhi hai…apni maya se vo koi bhi roop bana sakta hai ya phir kisi ko bhi koi bhi roop de sakta hai…sath me shaitani kali shaktiyo ka bhi malik hai vo….uss tak pahuchna to door uske kshetra me kadam rakhna matlab apni mout ko nimantran dena hai..

Jitu—mujhe tum sirf uska pata batao…mout se main nahi darta…iss rajya ka yuvraj hone ke naate apne praja ki raksha karna mera farz hai..aur main apne farz se piche nahi hat sakta..

Pari—uss kali pahadi ke piche uska basera hai…lekin inn 5 tilism ko tode bina tum uss tak nahi pahuch sakte…kali pahadi par kadam rakhne ke liye tumhe ye tilism todna hi hoga..

Jitu—ye 5 tilism ka kya raaz hai..aur inko kaise toda ja sakta hai…?

Pari—ye main nahi janti..lekin itna jarur bata sakti hu ki bhairav nath bhi inhe todna chahta hai..shaayd koi na koi shakt yaha tilism me qaid hain jinhe vah bhi hasil karna chahta hai…lekin vo tilism tode bina hasil ho nahi sakti..

Jitu—bhairav nath jab itna taqatwar hai to phir use ye tilism todne me kya pareshani hai…?

Pari—kyon ki tilism ko taqat se nahi balki yukti se hi toda ja sakta hai…shaktiyo se kisi ko mara to ja sakta hai lekin usse tilism nahi toda ja sakta…ek bar jo tilism me phans gaya vo usme hi phans kar tilism ki bhul bhulaiya me kho jata hai…bina tilism ko tode bahar nahi nikal sakta.

Jitu—tab to main bhi iss tilism me phans gaya hu…ab yaha se kaise bahar nikal sakta hu…? Magar ek baat samajh me nahi aayi ki vo bhediya manav yaha se kaise bar bar bahar nikal jata hai…?

Pari—yaha aate samay tumhe chaar raste mile honge..unme se ek rasta bahar jane ka tha..baki teen tilismi the...vo bhediya manav uss raste se hi bahar nikal jata hai.

Chitra—iska matlab ki hum faltu me itna pareshan huye..hame bhi uss raste se bahar nikal jana chahiye tha..vo bhediya manav aaya bhi ussi raste se hi hoga…?

Pari—vo rasta sirf bahar jane ke liye hi hai, andar aane ke liye nahi hai vah….kintu ab to tum iss tilism me aage ghus chuke ho, isliye tumhe isko todna hi padega…

Jitu—kaise tutega ye tilism…?

Pari—vastav me ye tilism tumhare liye hi hai saajan…yaha tumhari ek keemti cheez hai..usko hasil karte hi ye tilism bhi toot jayega.

Jitu (chounk kar)—meri cheez..‼ lekin main to yaha pahli bar aaya hu..aur koun si meri cheez yaha hai tilism ke andar…?

Pari—tumhari neel mani..jise hasil karte hi tumhe apna pichla janam yaad aa jayega…aur phir tum mujhe bhi pahchan jaoge.. ye mani tumhari hi hai..jo sirf tumhe hi mil sakti hai…bhairav nath ke sath sath bahut se logo ko bhi iss mani ki talash hai…vo bhairav nath to ye bhi janta hai ki ye tilism sirf tum hi tod sakte ho…

Jitu—theek hai..agar aisa hai to main jarur aage badhunga…chitra tum yahi ruko, ..main aage jata hu..

Chitra—nahi..nahi..main tumhare sath jaungi…kahi tum par koi khatra aa gaya to…? Tumhe bachane wala bhi to koi chahiye na.. tumhe khatro se bachane ka kaam main karungi…meri kulhadi ke samne koi nahi tik sakta..

Jitu—chal mar mere sath..

Chitra—kyu maru main…? Yuvraj, ye sapne dekhna chhod do ki main mar jaungi aur aapka mujhse picha chhut jayega…Main nahi marne wali..abhi to mujhe tumhare sath shadi karni hai..phir shadi ke ek saal baad hamare itne chhote chote chote chote nanhe munhe bachche poore mahal me khelenge..

Jitu—ye chup kar apni nanhe munhe bachcho ki puran..jab dekho shuru ho jati hai..ab chalna hai to chal..

Hum bhojan se nivratt ho kar apne shayan kaksh se bahar nikal kar ek khubsurat bagiche me tahalne lage..piche palat kar dekah to chounk gaye..kyon ki ab na to vaha koi shahi mahal tha aur na hi pari ka kuch pata thikana.

Chitra—achcha hua main vaha nahi ruki, warna ab tak main bhi pata nahi kaha gayab ho jati uss mahal ke sath hi..

Hum ek jungle me khade the..vaha se kuch door chalne par ek jhopdi dikhayi di…jhopdi ke karib pahuche to ye dekh kar chounk gaye ki vaha ek buddhi aurat chakki pees rahi thi…hame dekhte hi vo khush ho gayi.

Buddhi aurat (gidgidate huye)—aao bahan..aao bhai…meri kuch madad karo…raja ke yaha kuch mehman aane wale hain, aur mujhe 5 mann anaaj peesne ka hukum mila hai…aur abhi tak maine aadha mann anaaj bhi nahi peesa hai…5 mann anaaj ka kab tak aata taiyar hoga…? Agar samay par aata taiyar nahi hua to senapati meri gardan kaat dega…aao bahan, tum dono meri anaaj peesne me kuch madad karo….bhagwan tumhara bhala karega.

Chitra (shocked)—hey bhagwan..! ye kya musibat hai…? Ye budhiya, main iss rajya ki maharani hu..main tujhe aata peesne wali nazar aati hu…? Ab mere bhagya me hath chakki se aata peesna hi baki rah gaya tha..main kabhi jindagi me chakki ko hath tak nahi lagaya..samjhi khusat budhiya..ab agar dubara mujhe aata peesne ko boli to apni kulhadi se teri gardan kaat dungi..

Jitu—achcha to hai tum iss bahane kam se kam chakki me aata peesne ka anand to utha logi….dekho bechari buddhi aurat kitni mehnat kar rahi hai..hame uski madad karni chahiye..

Chitra (gussa hote huye)—jitne bachche paida karna hai, main kar dungi lekin ye kaam mujhse nahi hoga..main saaf saaf bata deti hu haan yuvraj..

Jitu—teri gadi bar bar bachcho par hi aa kar rukti hai..chal aa ja..bechari buddhi aurat hai..

Mujhe uss budhiya par daya aane lagi thi bechari asha bhari nazro se hamari taraf dekh rahi thi…main chitra ka hath pakad kar jabardasti uske paas madad ke liye jane laga tabhi kisi ki awaz sun kar hamare kadam vahi thahar gaye.

Hamne palat kar dekha to piche se ek buddha admi khanste huye hamari taraf awaz lagate huye chala aa raha tha..hamse kuch doori par aa kar vo ruk gaya.

Buddha admi (khanste huye)—aap log iss budhiya ke paas mat jana…nahi to jaise hi aap chakki ko hath lagayenge to aap ka hath chakki se chipak jayega..aur phir ye chakki aap dono ke gale ka phanda ban jayegi…phir aap ko saalo saal tab tak aata peesna padega jab tak ki aap dono kisi dusre ko bahla fusla kar ye chakki nahi pakda dete..aap ke chakki ko hath lagate hi ye budhiya azad ho kar yaha se bhag jayegi aur phir khud hi aap dono ko ye chakki chalani padegi..ye tilismi chakki hai.

Dono (chounk kar)—kyaaaaa….?

Chitra (hath pakad kar)—bhago yuvraj yaha se…Sali budhiya…tujhe nark me bhi jagah nahi milegi..khusat chakki pakda kar hame phansana chahti thi..achcha hua ki vo buddha aa gaya..warna main to bina bachche paida kiye hi chakki peeste peeste hi mar jati..chalo jaldi yuvraj yaha se..

Mujhe bhi chitra ke sath vaha se bhagna pada…pata nahi uss budhiya ki vyatha katha satya thi ya phir uss buddhe ki baate satya thi…? Mere liye kuch bhi tay kar pana sambhav nahi tha ki kya satya hai aur kya jhuth…? Lekin chitra iss chakkar me nahi padna chahti thi, uska dimag to budhiya ki baat sunte hi apni jagah se hil chuka tha.

Ab kisi bhi tarah ka nirnay karne ke liye meri samarthya shakti bhi jawab de chuki thi…chitra ne to kabhi socha bhi nahi tha ki kabhi ye din bhi dekhne padenge..vivash ho kar mujhe bhi uske sath bhagna pada.

Vaha se bhag kar abhi kuch door hi pahuche the ki samne ki pahadi se doodh ke jharne bahte huye nazar aane lage…gulab jamun se lade huye vriksho se bhara hua ek bagicha nazar aaya.

Chitra—arrey wah..! yuvraj dekho gulab jamun..chalo khate hain..

Jitu—chup..vo bhi mujhe to dristi bhram hi lag raha hai..iss chakkar me mat pado..aao aage chalte hain..

Main chitra ka hath pakad kar aage nikal gaya..kuch aage aur chalne par kal kal kar ke bahti huyi ek nadi dikhayi padi…chitra ko pyas lagi thi to maine socha ki chalo do ghoont pani hi pi liya jaye.

Jaise hi chitra ne hatheli me jal bhar kar pine ka prayas kiya vaise hi….

 

[anandsngh12]

SAAJAN
UPDATE- 228
5th Janam Ki Love Story Continues....​

Ab kisi bhi tarah ka nirnay karne ke liye meri samarthya shakti bhi jawab de chuki thi…chitra ne to kabhi socha bhi nahi tha ki kabhi ye din bhi dekhne padenge..vivash ho kar mujhe bhi uske sath bhagna pada.

Vaha se bhag kar abhi kuch door hi pahuche the ki samne ki pahadi se doodh ke jharne bahte huye nazar aane lage…gulab jamun se lade huye vriksho se bhara hua ek bagicha nazar aaya.

Chitra—arrey wah..! yuvraj dekho gulab jamun..chalo khate hain..

Jitu—chup..vo bhi mujhe to dristi bhram hi lag raha hai..iss chakkar me mat pado..aao aage chalte hain..

Main chitra ka hath pakad kar aage nikal gaya..kuch aage aur chalne par kal kal kar ke bahti huyi ek nadi dikhayi padi…chitra ko pyas lagi thi to maine socha ki chalo do ghoont pani hi pi liya jaye.

Jaise hi chitra ne hatheli me jal bhar kar pine ka prayas kiya vaise hi….

Ab Aage…….

Jaise hi chitra ne hatheli me jal bhar ke pine ka prayas kiya vaise hi uske muh me pani ki jagah par dhool bhar gayi..usne chounk kar apne hath ki taraf dekha to usme pani ka namo nishan tak nahi tha…dhool andar jate hi uska dimag bhan bhana utha..usne dubara hatheli me jal le kar dekha to pahle pani hi nazar aaya lekin muh me lagate hi vo pani gayab ho kar dhool me badal gaya.

Chitra—yuvraj..ye kya ho raha hai….? Ye pani apne aap dhool kaise ban ja raha hai…?

Jitu—shayad tum bhul rahi ho ki hum tilism ke andar hain…yaha ki har cheez tilismi hai…sab kuch ankho ka dhokha hai..isliye pani chhodo aur aage badhne ki taiyari karo..

Chitra—hmmm..chalo…manhoos nadi hai ye…dikhta to bahte huye pani hai, lekin pite hi dhool bhar jati hai muh me..

Hum dono nadi paar karte huye dusre kinare par pahuch gaye…uss kinare par niche dhalaan tha..dhalaan par utarte huye hum behad satark aur savdhan the aur kisi bhi musibat ka samna karne ke liye bhi main taiyar ho chuka tha.

Halanki bhagwan ki ye kripa rahi ki ab tak koi aisi musibat gale nahi padi jisse ki hathapayi karne ki naubat aayi ho…lekin aage bhi nahi hoga, aisa nahi kaha ja sakta hai…ye tilismi kshetra hai to aage kuch bhi ho sakta hai, kisi bhi prakar ki samasya samne aa sakti hai..marg me koi bhi kathinayi ka samna ho sakta hai..chalte huye maine apne mastisk ko chaitanya karne ka prayas kiya.

Chalte chalte andhera hone laga to aisa laga jaise ki suryast ho gaya hai ..halanki abhi tak hame ek bar bhi surya devta ke darshan nahi huye the to phir raat hone ka to prashna hi paida nahi hota hai kintu andhera hone ke karan hame aisa prateet ho raha tha jaise ki suryast ho chuka hoga.

Ab raatri vishram ke liye vaha koi sthan to tha nahi..sone ke liye palang ki vyavastha bhi nahi thi..odhna, bichhouna kaha se ayega, ye to sochna hi bekar tha.

Chitra—yuvraj, thand lag rahi hai..yaha aag nahi jal sakti kya…?

Jitu—lakdiya to mil jayengi lekin aag jalayenge kaise…?

Chitra—itna bura din bhi dekhna padega, iski to maine kalpana bhi nahi ki thi..

Chitra ka kahna bhi theek hi tha…aisa jatil samay bhi uske jeevan me aa sakta hai, usne kabhi socha nahi hoga…yeh sari jhanjhat khadi huyi thi uss gufa me pravesh karne ke baad…hum vahi ke ek vat vriksh (bargad ka ped) ke upar chadh kar baith gaye..aur soch vichar karne lage.

Abhi hum yaha se aage badhne ke baare me soch vichar kar hi rahe the ki tabhi hame apne sharir me jakdan si mahsoos hone lagi..maine dhyan se dekha to vat vriksha ki jade dhire dhire badhte huye hamare paas pahuch kar hame apni agosh me jakad chuki thi…maine bahut koshish ki lekin hath pair hilana to door, gardan ko idhar udhar nahi hila pa raha tha.

Chitra (tension)—yuvraj, kuch karo…ye kya nayi musibat gale aan padi…?

Jitu—main kya karu..mera bhi to vahi haal hai..jab hath pair tas se mas honge tabhi to kuch karunga na... ?

Chitra (pareshan)—ab mera kya hoga…? Main abhi nahi marna chahti yuvraj…mujhe to abhi aapke do darzan bachcho ki maa banna hai..jaldi se kuch karo na..

Jitu—arrey chup…yaha jaan bachane ki sochne ki jagah tera dhyan abhi bhi bachcho par hi atka hua hai..

Tabhi te dekh kar main chounk gaya ki samne se ek chakra badi tezi se hawa me tairta hua ussi vriksh ki taraf chala aa raha tha jiski latao ne hame jakad rakha tha.

Chitra (chilla kar)—yuvrajj..vo dekho..vo chakra hamari gardan kaatne aa raha hai..mujhe bachao yuvraj..

Jitu—chup rah..

Vaise chitra ka ghabrana bhi jayaz hi tha kyon ki uss chakra ki jamin se unchayi bilkul hamari gardan ke barabar hi thi, agar koi chamatkar nahi hua to hamari gardan ko karne se koi nahi rok sakta tha.

Chitra—hey prabhu, ab tu hi hame bacha..nahi ho ab mera pranant hone wala hai….agar main yuvraj ke bachcho ki maa bane bina hi marr gayi to tumhe bahut paap lagega bhagwan..isliye mujhe bacha le..

Chakra apni masti me apni hi raftar se vriksh ki oar badha chala aa raha tha, aur vriksh ke karib pahuchte hi chakra ne apni unchayi se kuch niche jhukna shuru kar diya aur dhire dhire vo hamare pair ke jitna jhuk gaya…aur usne uss vriksh ko kaat diya.

Ye dekh kar chitra ki jaan me jaan aayi thi ki agle pal vo phir se ghor ashcharya me doob gayi jab chakra ne vriksh ko utha kar upar hawa me udna shuru kar diya to..hum dono bhi ussi vriksh me baithe huye the isliye hum bhi vriksh ke sath sath udte ja rahe the.

Upar vriksh me baithe huye bade bade pahad, nadi, jharne niche bahte huye dikhayi de rahe the….udte huye vo chakra akash ki anant unchayi par pahuch gaya..kano me sirf chakra ke chalne ki su-su-su ki awaz ke atirikt aur kuch bhi sunayi nahi pad raha tha.

Upar se dikhne wale drishya atyant manoram the kintu hum inn manoram drishyo ka koi anand anubhav nahi kar pa rahe the aur anand anubhav karne ka prashna hi paida nahi hota jab jaan janjal me phansi ho to…sath me jab iss baat ka koi bharosa hi na ho ki kab, kaha aur koun si ghatna ghat jaye. Ya ghatna achanak kis taraf naya mod le le…drishya kab, kis prakar badal jaye.. ye sabhi prashna soch samajh aur maanviya buddhi se bahar ho chuke the.

Chakra pata nahi kitne samay tak akash me udta raha..kintu pahado ki talahti me ja kar ke vah niche ki taraf jhukne laga aur ek chote se ashram jaise lagne wale sthan par ja kar vo niche utra..niche utarte hi usne uss vat vriksh ko vaha ki samtal bhumi par sthapit kar diya aur phir chakra achanak hi gayab ho gaya.

Chitra (shocked)—ye ..ye chakra kaha gayab ho gaya…?

Jitu (hairan)—pata nahi..meri to khud hi samajh me kuch nahi aa raha hai abhi..

Tabhi dusri ashcharya janak ghatna ghat gayi…hua ye ki vat vriksh ki jin jado ne hame jakad rakha tha, vah jade bhi vilupt ho gayi..kintu vat vriksh apni jagah vahi sthit iss tarah khada tha jaise ki yahi par chote se bada hua ho…hum dono vriksh se turant niche utar aaye.

Chitra—ye koun si jagah hai…? Hum ye kaha aa gaye hain... ?

Jitu—mujhe kya malum... ? samne ek ashram hai, chalo vahi chal kar pata karte hain..

Chitra—mujhe to ab ashram me bhi jane me darr lag raha hai…kya pata vaha jate hi koi nayi musibat gale na phans jaye…? Jane se pahle achchi tarah se soch lo yuvraj..

Jitu—chitra, jab yaha ki koi bhi ghatna hamare niyantran me nahi hai to jaisa bhi hoga dekha jayega...chalo ashram me chalte hain.

Chitra—hmmm...lekin aap pahle mera hath pakad lo kas ke..agar aap par koi sankat aaya to main apni kulhadi se kaat dungi..

Jitu—hahahaha...tum aur tumhari kulhadi....hahaha

Chitra—haso mat aur mera hath pakad kar chalo jaldi se..

Maine chitra ka hath pakad liya kyon ki main janta tha ki vo thoda dari huyi hai...uska hath pakad kar main ashram ke mukhya dwar se ashram me pravesh kar gaya...andar pahuchte hi ye samajh me aa gaya ki ashram nishchit roop se kisi yogi, sanyasi ya pahuche huye tapaswi ka raha hoga..ashram ke bhitar bade hi anokhe aur ashcharya janak drishya vidhyaman the..

Hum abhi ashram ke andar chalte huye kuch door hi gaye the ki kuch dekh kar hum chounkne par vivash ho gaye...kyon ki vaha koi sadhak ped se ulta latka hua mantro ka jaap kar raha hai..koi sadhak jal me niche sir kar ke upar pair kiye huye jal sadhana me leen hai...koi ek pair par khada hua hai to koi dharti par pada hua hai.

Kintu kul mila kar vaha jitne bhi sadhak nazar aaye sabhi chitr vichitr sadhanao me leen dikhayi pad rahe the...tabhi ashram ke bhitar se do sadhwiya prakat huyi aur hamare samne aa kar khadi ho gayi.

Unhone hamara swagat karte huye kuch kaha lekin unki bhasa hamari samajh me nahi aayi...kintu unke kahne ka ashay avashya hi main samajh gaya tha ki vo kahna kya chahti hain... ?

Shayad vo hamse bhitar chalne ka anugrah kar rahi thi..dono sadhwiyo ke sath chalte huye hum dono ashram ke ghaas phoos se nirmit ek kaksh me pahuch gaye jaha unhone hame jalpan karaya...uske baad unhone hame vishram karne ko bol kar vaha se chali gayi.

Kuch samay taduprant dono sadhwiya phir upasthit huyi aur unhone phir hamse kuch kaha lekin iss bar bhi unki bhasa hamari samajh me nahi aayi...hame to ye bhi samajh nahi aaya ki vastav me ye bhasa koun si bhasa hai... ? sansar ke kis kone me boli jati hai... ? kam se kam aaj ke adhunik sansar me to yeh bhasa shayad kisi bhi rastra me nahi boli jati hai...

Mujhe iss baat ka yakin to ho chuka tha ki ho sakta hai koi puratan bhasa rahi hogi…? Philhal sadhwiyo ka ishara samajh kar hum dono bhi unke piche piche chal pade..chitra mera hath pakad ke bilkul chipak kar chal rahi thi..

Chalte huye kuch kshan baad hum unn sadhwiyo ke sath ek bade se kaksh me pahuch gaye jaha koi mahan sadhak apni sadhana me leen baithe huye the..kintu unke darshan karte hi hame ek ashcharya ka mahan jhatka laga..

 

[anandsngh12]

SAAJAN
UPDATE- 229
5th Janam Ki Love Story Continues...​

Kuch samay taduprant dono sadhwiya phir upasthit huyi aur unhone phir hamse kuch kaha lekin iss bar bhi unki bhasa hamari samajh me nahi aayi...hame to ye bhi samajh nahi aaya ki vastav me ye bhasa koun si bhasa hai... ? sansar ke kis kone me boli jati hai... ? kam se kam aaj ke adhunik sansar me to yeh bhasa shayad kisi bhi rastra me nahi boli jati hai...

Mujhe iss baat ka yakin to ho chuka tha ki ho sakta hai koi puratan bhasa rahi hogi…? Philhal sadhwiyo ka ishara samajh kar hum dono bhi unke piche piche chal pade..chitra mera hath pakad ke bilkul chipak kar chal rahi thi..

Chalte huye kuch kshan baad hum unn sadhwiyo ke sath ek bade se kaksh me pahuch gaye jaha koi mahan sadhak apni sadhana me leen baithe huye the..kintu unke darshan karte hi hame ek ashcharya ka mahan jhatka laga..

Ab Aage…….

Ashcharya janak baat to ye thi ki yogi maharaj padmasan ki mudra me baithe huye the aur hawan pujan me leen the..kintu jhatka lagne wali asal baat ye thi ki vah pujan to avashya kar rahe the lekin vaha unke samne koi pratima sthapit nahi thi balki samne aasan par swayam unka hi kata hua sir rakha hua tha aur vah apne hi kate huye shish ka abhishek karte huye sadhana me talleen the.

Badi ajib sthiti thi..kya koi sadhak aisa bhi ho sakta hai jo apna sir kaat kar samne rakhe aur phir apne hi sir ki sadhana me leen ho jaye….? Inn sari paristhitiyo par vichar karne ka anukool samay nahi tha…main aur chitra ye drishya dekh kar hairan rah gaye. Abhi hum iss drishya ke jhatke se bahar ubre bhi nahi the ki tabhi uss sadhaka ke kate huye sir ke shree mukh se awaz nikalti dekh kar chounk gaye..

“Aaiye, Padhariye Saajan, aap ka hardik abhinandan hai…aapki pratiksha karte karte chaar sadiya vyateet ho gayi, tab ja kar aapke darshan prapt huye hain.” Uss sadhak ke kate huye sir ke shree mukh se awaz nikli.

Main aur chitra hairani se mook darshak ki bhanti uss sadhak ke kate huye sir ko bolte huye dekhte rah gaye…yogi maharaj ke kate huye sir ke mukh se nikle huye ek ek shabd meri samajh me aa gaye..kintu shabd samajh me aana ek alag baat hai aur shabdo ka arth samajhna dusri baat hai…unke shabd bhale hi meri samajh me aa gaye the kintu kahne ka taatparya samajh me nahi aaya ki chaar shatabdiyo se vo sadhak mera intazar kar rahe hain…?

Chitra (hairan)--Iska kya matlab hua, yuvraj…?

Jitu—pata nahi..ab iska matlab to yogi maharaj hi samjha sakte hain ..

“Saajan, ashcharya me mat padiye…aapki duniya se sadhako ka sadhana sansar bada vichitra hota hai…yaha ka har sadhak apne aap me ek vichitra sansar samaye huye hai…aur hum chaar shatabdiyo se aapke aane ki pratiksha kar rahe hain…aap ka yaha aana to poorv niyojit hi tha aur aapko yaha tak aana hi tha…kintu aapke yaha aane me itna lamba samay vyateet ho jayega hum samajh nahi paye…kintu aaj hamari lambi sadhana sarthak ho gayi…aapke charan padte hi hamari ye sadhana sthali pavitra ho gayi.” Yogi raj ne apne shree mukh se bahut hi shant swar me vinamrata se kaha.

Jitu—kintu aap meri pratiksha kyo kar rahe the vah bhi itne lambe antaral se…?

Sadhak—saajan, sadiyo se hamare paas rakhi huyi aapki dharohar aapke supurd kar ke hum rin mukt hona chahte hain..aapki amanat aapke hatho surakshit soumpne ke liye hi hum aapke yaha aagman ki pratiksha kar rahe the…ye tilism aapki iss dharohar ki suraksha hetu hi nirmit kiya gaya tha jo aapke hatho me aapki dharohar aate hi toot jayega..aapke atirikta anya koi bhi yaha tak nahi pahuch sakta.

Jitu (hairan)—meri dharohar..! meri koun si dharohar aapke paas hai..? meri to kuch bhi samajh me nahi aa raha yogi raj..

Sadhak—ye mera kata hua sir jiski main aradhana kar raha hu..vastav me yahi aapki dharohar hai…isko hi aapke supurd kar ke hum rin mukt hone ki anubhuti prapt karna chahte hain…aapke sparsh karte hi ye kata hua sir neel mani me badal jayega…

Jitu (shocked)—kyaaa..? aapka ye kata hua sir meri dharohar hai…?

Sadhak—hey saajan, ye mani koi sadharan mani nahi hai…ye aapke janmo janmo ki tapasya ka parinam hai…ise dharan karte hi aapke andar kayi daivik shaktiya jagrit ho jayengi…aap sansar ki kisi bhi bhasa ko samajh aur bol sakenge…chahe vo bhasa vartaman ki ho ya phir aadikalin ho…aap kisi bhi bhasa ko jaan samajh sakte hain…itna hi nahi agar ko aapke samne ek bhi shabd na bole tab bhi aap uski moun bhasa ko samajh sakte hain..kisi ke bhi mann me chal rahe vicharo ko padh sakte hain…iske madhyam se aapko apne pichle janam ka smaran bhi ho jayega…yadi aap kahi jana chahe to iska smaran karte hi tatkal aap apni manovankshit jagah par pahuch jayenge..chahe aap kahi bhi ho, kisi bhi haal me ho, desh kaal aur paristhitiyo ke bandhan se mukt ho kar aapke dwara mani ke smaran karte hi aap ka bhoutik astitva vaha prakat ho jayega…baki sab aap isko sparsh karte hi samajh jaoge…atah aap isko grahan kar mujhe iss rin se mukt karne ki kripa kare saajan..

Maine to yogi raj sadhak ki kuch baate suni aur kuch ansuni hi rah gayi…kyon ki meri avastha uss samay ardh murchhit jaisi ho rahi thi…aur main ashcharya ke mahasagar me jaise dubkiya laga raha tha…mujhe apna astitva pata nahi jaise akash me ud raha tha ya ki sagar ki gaharayi me tair raha tha…? Mere liye kuch bhi tay karna asambhav jaisa lag raha tha.

Phir bhi sadhak ke dubara kahne par main thoda hosh hawash me louta aur unke samne rakhe kate huye sir ko jaise hi sparsh kiya vaise hi unka vo kata hua sir aloukik tez roshni se jagmagane laga…meri ankhe swarah hi band hone lagi…hum kuch samajh pate ki tab tak dusre ashcharya ka jhatka lag chuka tha…yahi haal chitra ka bhi tha..

Maine ankhe khol kar dekha to vaha ab na to koi ashram tha aur na hi samne vo yogi raj dikhayi diye..aur to aur hame yaha tak utha kar laane wala vo vat vriksh hi vaha moujud tha.

Dhire dhire vo roshni mere andar samane lagi aur main sangya shunya ho kar vahi par gir gaya...chitra to kab ki murchhit ho chuki thi...yahi avastha kanva rishi ke ashram me divya ki ho rahi thi...hamare behosh hote hi hame apne pichle janam ki yaade ek ek kar ke taro taza hone lagi...divya aur mera atoot prem dikhayi dene laga...pari ki nafrat drishti gochar hone lagi..

"Upar Ambar Niche Dharti, Beech Me Hain Dil Ke Afsaane,
Afsaano Me Dard Hai Kitna, Pyar Ke Dushman Ye Kya Jaane."​

Kuch samay pashchat jab vo roshni ka aavran dhire dhire samapt hua aur phir ek cheekh ‘’divyaaaa’’ ka naam chillate huye sath hi meri ankhe khuli to maine khud ko jamin par pade huye paya…meri ankho se ashruo ki jal dhara pravahit ho rahi thi..samne hi chitra chetna shunya ho kar padi huyi thi…pahli bar chitra ko dekh kar mujhe usko apni baho me samet kar pyar karne ki teevra abhilasa hone lagi…usko uthane ke liye maine uthne ka prauatna kiya to uth nahi paya…

Sharir ekdam kamjor aur jarjar ho chuka tha..sharir me itni bhi shakti shesh nahi bachi thi ki uth kar khada ho jaau…uth kar khade hona to door ki baat hai, hath pair hilana bhi sambhav nahi lag raha tha…sirf saanse hi chal rahi thi…lekin pichli ghatnao par avishwas karne ka to sawal hi paida nahi ho raha tha kyon ki pichli ghatnao ke sakshi ke roop me vo mani mere andar moujud ho kar apne hone ka ehsaas kara rahi thi…vah iss baat ki gawahi de rahi thi ki jo kuch bhi hua, vah satya tha, jo ghata vo satya tha.

Dhire dhire phir se meri ankhe band hone lagi…iske sath hi meri chetna vilupt hoti ja rahi thi..maine khud ko chaitanya rakhne ka bahut prayas kiya kintu ab swayam ki chetna par mera koi niyantran nahi rah gaya tha aur antatah main punah achet hota chala gaya.

Na jane kitni hi der tak main achet pada raha..jab chetna vapis louti to maine apne andar kayi shaktiyo ka samavesh mahsoos kiya…sharir pahle ki tulna behad majbut aur shaktishali lag raha tha..maine uthne ka prayas kiya to iss bar kisi bhi tarah ki kathinayi pesh nahi aayi.

Maine nazre ghuma kar dekha to chitra abhi bhi vaisi hi avastha me sangya shunya ho kar niche padi huyi thi…maine turant uske paas ja kar usko apni god me utha liya aur uske chehre ko dekhne laga.

Jitu—mujhe maaf kar dena chitra..main tumhe aur tumhare prem ko samajh nahi paya tha kintu ab mujhe sab kuch yaad aa chuka hai…hosh me aao chitra..ankhe kholo..

Mere kayi bar awaz dene par bhi jab use hosh nahi aaya to na jane mujhe kya sujhi ki mere hoth apne aap hi uske adhro ki tarah jhukte chale gaye aur phir uske adhro ka raspan karne lage.

Jaise hi hamare adhro ka milan hua vaise hi chitra ke jism me halchal honi shuru ho gayi aur usne ankhe khol kar jaise hi mujhe apne hotho ka ras pite huye dekah to maare khushi ke vah mujhse kas ke chipak gayi aur mera sath dene lagi.

Chitra—saajannn..

Jitu—chitra..tumhe hosh aa gaya..

Chitra (chounk kar)—aaaannnn…saajann..vo sadhaka aur ashram kaha gaya…main yaha kaise aa gayi…?

Jitu—vo sab gayab ho gaya…chalo ab vapis chalte hain…

Chitra—saajan, ab to mujhse shadi karoge na... ?

Jitu (mushkura kar)—ab to jabardasti tumse shadi karunga main..

Ye sunte hi vo mere gale se jhul gayi aur ek bar phir se hum hotho ke gahan chumban me kho gaye…jab chumban toota to hum vapis apne ashiyane ki taraf lout chale…

Chitra—kya ye tilism ab toot gaya saajan…?

Jitu—haan, aao chale..

Phir chitra ka hath pakad kar maine divya ke paas jane ka dhyan kiya to turant hi adrishya ho kar kanva rishi ke ashram me pahuch gaya..ashram me pahuchte hi mere kano ek cheekh mere kano me goonj uthi..

“Saajannnnnnn.”

 

[anandsngh12]

SAAJAN
UPDATE- 230
5th Janam Ki Love Story Continues...
​

Phir chitra ka hath pakad kar maine divya ke paas jane ka dhyan kiya to turant hi adrishya ho kar kanva rishi ke ashram me pahuch gaya..ashram me pahuchte hi ek cheekh mere kano me goonj uthi..

“Saajannnnnnn.”

Ab Aage……

Cheekh sunte hi hum uss disha me turant daud kar pahuch gaye…cheekhne ki awaz divya ki kutiya se hi aayi thi..aur ye cheekhne wali aur koi nahi balki divya hi thi jo mani pe prabhav me aa kar apne pichle janam ki yaado me dhyan magn ho gayi thi aur pichle janam ki sabhi ghatnao ko dekhte huye uske mukh se ye cheekh nikal gayi thi.

Main jaise hi vaha pahucha to samne koi daudte huye achanak mujhse lipat gaya lambi lambi saanse chhodte huye…mujhe samajhte der nahi lagi ki ye divya hi hai..maine usko kas ke apni agosh me samet liya.

Divya (ghabrayi huyi)—tum aa gaye saajan…mujhe chhod kar kaha chale gaye the..

Divya ko seene se lagate hi mujhe bada hi sukun mahssos hua...uski tez chalti saanse, uski ankho se bahte anshu mujhe apne hriday patal par saaf saaf mahsoos ho rahe the..

Chitra—yuvraj, ye divya hai na…?

Jitu—hmmm..ankhe kholo divya..dekho main aa gaya hu na..

Divya—nahi..main nahi chhodungi..

‘’Divyaa beti...kya hua... ? tum aise cheekhi kyo... ?” piche se aati huyi ek aurat ne kaha jisne tapaswini ke vastra pahne huye the...

Vo aurat kuch hi der me hamare paas pahuch gayi..aur uske piche piche priyamvada aur anusuiya bhi aa gayi use khojte khojte.. divya ko mere seene se lipte dekh kar teeno hairan ho kar ruk gayi, magar jyada hairani to uss aurat ko ho rahi thi.

Aurat—beti, ye sab kya hai…?

Divya (masumiyat se)—maar dalungi..

Aurat—yuvraj ... ?

Vo aurat vastav me divya ki dhaay maa thi jisne divya ka lalan palan kiya tha isliye unka sthan kisi mata ke sthan se kinchit bhi kam nahi mana ja sakta...mujhe dekh kar vo vaha se vapis lout gayi...divya ko mere seene se lage dekh kar anusuiya ka dil bhi meri baho me samaane ko karne laga to vah bhi mere paas aa gayi aur meri ankho me dekhne lagi, jabki priyamvada uski halat samajhte huye hum dono ko ghure ja rahi thi..lekin anusuiya mere seene se lagti ki use aisa karte dekh kar chitra ka mood kharab ho gaya aur usne anusuiya ka hath pakad kar apni taraf khich liya.

Chitra—tum log aise kya ankhe phad phad ke dekh rahi ho... ? mere pati ki taraf dekha bhi na to ye kulhadi dekh rahi hai, isse tum dono ki ankhe nikal lungi..

Priyamvada—koun pati... ?

Chitra—yuvraj ..aur koun.. ? yuvraj mere pati hain aur main unki patni, samjhi..ab unki taraf dekhna bhi mat..chal bhag yaha se..

Anusuiya (shocked)—kyaaaa... ?

Priyamvada (shocked)—pati.. ! lekin yuvraj ki to abhi shadi hi nahi huyi hai phir vo tumhare pati kaise huye... ?

Chitra (chilla kar)—nahi to kya main jhuth bol rahi hu... ? sharam nahi aati tum dono ko…? Ek sundar rajkumar dekha nahi ki muh se laar tapkane lagi..arrey tum dono ki umra ke to hamare do darzan bachche hain..samjhi..

Chitra ki baat sun kar maine apna sir pakad liya…jabki anusuiya, priyamvada to gahre shock me pahuch gayi…divya ko to jaise koi fark hi nahi pada tha, chitra ki baato se, vah mujhse vaise hi amarbel ki bhanti lipti rahi.

Jitu (mann me)—kitna bada safed jhuth bolti hai ye chitra bhi…?

Priyamvada (hairan)—tumhari umra to khud hi hamari jitni hai, phir tumhare hamari umra ke bachche kaise ho sakte hain..? vo bhi do darzan…? Dusra yuvraj ne shadi kab ki…? Kal tak to vah avivahit hi the..

Chitra—vo kya hai ki kal raat hi hamne shadi ki thi…aur vo kya hai na ki hum dono tilism me phans agye the..to raat me hamare jitne bhi bachche paida huye , uss tilism ke prabhav se turant hi bade ho gaye..

Priyamvada (shocked)—ek hi raat me do darzan bachche paida kar liye tumne…?

Chitra—to kya hua, main to isse jyada bhi kar sakti thi, lekin yuvraj ke paas thoda samay kam tha, to baad ke liye chhod diya…aur tum hoti koun ho ye mujhse sawal jawab karne wali…? Apni maharani se baat karne ki bhi tamiz nahi hai tunhe…?

Chitra ki jhuthi baato ne dono ko hairan kar diya tha...dono prashnavachak dristi se meti taraf dekh rahi thi jaise ki puch rahi ho ki ye bakbaki koun hai... ?

Jitu (mushkura kar)—ye chitra hai, tum dono iski baato ka bura mat manna..ise har baat par jhuth bolne ki adat hai..

Chitra (ghurte huye)—kya main jhuth bol rahi hu... ?

Jitu—main tumhare hath jodta hu..shant ho jao..

Chitra—phir ye dono koun hain…?

Jitu—ye anusuiya hai, meri hone wali patni aur ye priyamvada hai, inki sakhi..

Chitra (chounk kar)—kyaa ye bhi hone wali patni hai... ? main aur divya kya kam thi aap ke liye jo ek aur patni ki jarurat pad gayi aap ko... ?

Maine badi mushkil se samjah bujha kar shant kiya chitra ko...aur sabse uska parichay karaya...divya se mil kar vo bhi bahut khush huyi..divya to usse aise mil rahi thi jaise ki dono bichdi huyi sagi bahne ho.

Priyamvada—yuvraj, ab to aap vivah ki baat kar hi daliye..kanva rishi bhi apni tapasya poorn kar ke - vapis aa gaye hain

Jitu—kyaa sach... ?

Divya—hmmm

Kanva rishi ke aagman ki baat sun kar mujhe bhi unke darshan karne ki utkantha jagrit hone lagi..mera mann unse milne ko aatur ho gaya to main unke darshanarth yagya sthal par pahuch gaya...jaha sabhi rishi yagya anusthan me leen the...aaj yagya ka sanchalan kanva rishi kar rahe the..unke mastak par unki tapasya ke tez saaf jhalak raha tha.

Maine mann hi mann unhe pranam karne ke uprant yagya sthal ki suraksha ke nihit vaha savdhani se vicharan karne laga..kintu aaj bhi koi apriya ghatna ghatit nahi huyi..aaj ka anusthan samapt hote hi sabhi rishi muhiyo ne kanva rishi ko naman kiya .. to main bhi unhe sastang dandwat karne pahuch gaya.

Jitu—kanva rishi ke shree charno me sevak ka pranam swikar ho..

Kanva (mushkurate huye)—aao saajan, tumhara sarvatra kalyan ho…tumhara swagat hai..iss ashram ki tapobhumi tumhare aagman se atyant pavitra aur dhanya ho gayi..tumhari vajah se ye yagya abhi tak nirvighnata se chal raha hai.

Jitu—ye to aapka badappan hai muni shrestha jo apne sevak ko itna samman de rahe hain warna main to ek nimitt maatra hu..

Kanva—yahi vinamrata hi to tumhari sabse badi vishesta hai saajan jo kisi ke bhi hriday ko barbas hi sammohit kar leti hai..

Vivan—gurudev, saajan ne aapki anupasthiti me hamara yagya sahazata se sampann karane me bahut yogdan kiya hai..ab hame koi chinta nahi hai..

Kanva—nahi vats, yagya abhi sampann nahi hua hai..kal yagya ki poornahuti hai, uske taduprant hi anusthan sanpann hoga isliye itna abhi itna nishchint hone ki avashyakta nahi hai….

Vivan—ji gurudev, main kshama chahta hu..

Jitu—kintu munivar, aapne yagya ki safalta purvak samapan me anishchitta ki baat kyo ki…? Kya kahi se koi avrodh ki ashanka hai munivar..?

Kanva—maine aisa isliye kaha saajan kyon ki kal iss anusthan ka antim din hai, aur abhi tak ye safalta purvak apne antim padaav tak pahuch gaya, kuch choti moti ghatnao ko chhod kar, iska matlab ki unki taraf se kuch badi yojna taiyar ho rahi hogi kal ke liye..

Jitu—kintu rishi var..jaisa ki mujhe gyat hai, aapka ashram kisi adrishya suraksha kawaxh se surakshit kiya hua hai..bahar se bhi ye sirf ek choti si jhopdi ke roop me hi dikhayi deta hai…ashram vasiyo ke atirikt koi bhi yaha pravesh nahi kar sakta ..aisi haalat me koun yaha aa kar yagya ko khandit karne ki kshamta rakhta hai…?

Kanva—suraksha kawach nirmit karte samay kuch dust shaktiya jaise ki kuch asur yaha chhadm roop me chhupe huye the jisse unka sambandh iss tapovan se sthapit ho gaya tha..unke atirikt koi nahi pravesh kar sakta..magar taqatwar shaktiya akash marg se to vyavdhan uttapann kar hi sakti hain..unhe ashram me pravesh karne ki avashyakta hi nahi padegi..

Jitu—aapke tapobal se takrane ka bhala koun aisa dussahas kar sakta hai munivar…?

Kanva—vaise to yaha jitne bhi upadravi tatva the, unhe tumne pahle hi parast kar ke yaha se bhagne par vivash kar diya tha, unke dubara aisa karne ki sambhavna bahut kam hi hai..khatka to sirf ek ka hi hai jo aisa kuch karne ki soch sakta hai..

Vivan—aap kis ki baat kar rahe hain gurudev…?

Kanva—daitya raj raktasur ki..

Vivan—kintu maine to suna hai ki daityo ka raja to namuchi hai jo patal me rahta hai, phir ye raktasur koun hai….?

Jitu—haan rishi var….koun hai ye raktasur…..? aur bhala aapke tapobal ke samne uski kya bisaat hai..?

Kanva—saajan, main yagya anusthan chhod kar beech me nahi uth sakta…vaise bhi hamara kaam to yagya aur bhakti karna hai.. suraksha ka jimma to raja ka hota hai..raja ka prati nidhi hone ke naate iss samay iss yagya ki suraksha ka uttardayitva tumhara hai.

Jitu—aap nishchint rahe guruvar..mere jivit rahte koi buri shakti yagya ke sampann hone me badha uttapann nahi kar sakti.

Kanv—ye main janta hu saajan….kintu raktasur ko parast karna asaan nahi hoga…raktasura ko parajit karna devtao ke liye bhi atyant dushkar karya hai..

Jitu—mujhe uske baare me kuch bataye guruvar….

Kanv—saajan, aaj se lagbhag dus hazar varsh pahle jab dev aur asur sangram ho raha tha..jiska ki praman hamare purano aur grantho me bhi moujud hai….uss devasur sangram me jab asur devtao se haar rahe the tab unke guru shukracharya ne asuro ki jeet ke liye dwapar yug khatam hone tak intazar kiya…aur 100 crore daityo ko devtao ke hatho khud marwaya…devta bhi unhe maarte gaye..lekin uss waqt devta bhi apni jeet ke ahankar me shukracharya ki uss chaal ko samajh nahi paye…devtao samajh rahe the ki vo daityo ko maar rahe hain jabki satya to ye tha ki shukracharya jaan bujh kar unhe devtao ke hatho marwa rahe the….uss yuddh me 100 crore daitya maare gaye..aur iss tarah devta jeet gaye…uss ghatna ke ek pahar baad kaliyug shuru ho gaya.

Kanv—satyug, tretayug, dwapar yug..sirf inn teen yug me devtao ki shaktiya charam par hoti hain..lekin kaliyug, ek yug aisa bhi hota hai jisme asuro ki shaktiya devtao se bhi jyada hoti hain aur vo kaliyug aa chuka tha….devta jeet ke unmad me khushiya mana rahe the, raas rang aur apsarao ke sath bhog vilas me lipt ho gaye the…aur vahi shukracharya ne apni chaal chal di thi.

 

[anandsngh12]

SAAJAN
UPDATE- 231
5th Janam Ki Love Story Continues...
​

Kanv—saajan, aaj se lagbhag dus hazar varsh pahle jab dev aur asur sangram ho raha tha..jiska ki praman hamare purano aur grantho me bhi moujud hai….uss devasur sangram me jab asur devtao se haar rahe the tab unke guru shukracharya ne asuro ki jeet ke liye dwapar yug khatam hone tak intazar kiya…aur 100 crore daityo ko devtao ke hatho khud marwaya…devta bhi unhe maarte gaye..lekin uss waqt devta bhi apni jeet ke ahankar me shukracharya ki uss chaal ko samajh nahi paye…devtao samajh rahe the ki vo daityo ko maar rahe hain jabki satya to ye tha ki shukracharya jaan bujh kar unhe devtao ke hatho marwa rahe the….uss yuddh me 100 crore daitya maare gaye..aur iss tarah devta jeet gaye…uss ghatna ke ek pahar baad kaliyug shuru ho gaya.

Kanv—satyug, tretayug, dwapar yug..sirf inn teen yug me devtao ki shaktiya charam par hoti hain..lekin kaliyug, ek yug aisa bhi hota hai jisme asuro ki shaktiya devtao se bhi jyada hoti hain aur vo kaliyug aa chuka tha….devta jeet ke unmad me khushiya mana rahe the, raas rang aur apsarao ke sath bhog vilas me lipt ho gaye the…aur vahi shukracharya ne apni chaal chal di thi.

Ab Aage…..

Shukracharya ne asur lok ke bhavi maharaj aur unki patni se putresthi yagya ka anusthan karwaya…uss yagya me Shukracharya ne yuddh ke dauran marne wale unn 100 crore rakshaso me se har ek rakshas ke sharir se ek ek boond rakt nikal kar unki aahuti de di….jiske phalswaroop uss hawan kund se ek maha daitya ka janam hua…iss tarah 100 crore daityo ke rakt ki aahut dene se uttapann huye uss maha rakshas ka naam raktasur pada.

Apne hi asuro ke rakt ki aahut se uttapann hone ke karan raktasur hawan kund se nikalte samay hi atyant kroadh me tha..uske kroadh se sara asur lok kaamp utha…yagya ki agni me khade uss maha rakshas ko dekh kar sabhi asuro ke rongte khade ho gaye, sab uske aage jhuk gaye.

Uss maha rakshas ko dekh kar swayam asur samrat aur uski patni bhi bhaybheet ho gayi, tab Shukracharya ne unhe samjhate huye kaha ki..”aap dono ka ye putra maha balwan, maha rakshas (shaitan) hai…ye 100 crore rakshaso ke rakt ki ahuti se uttapann hua hai, isliye sansar me ye raktasur ke naam se jana jayega…iske sharir ke andar 100 crore daityo ki taqat hai..”

Raktasur ne bramha ji ki ghor tapasya kar ke unse ye vardan bhi prapt kar liya ki “ samast devta, yaksh, gandharv, kinnar.Ek sath mil kar bhi use na to maar sakte hain aur na hi parajit kar sakte hain.”

Pahle hi uske andar 100 crore daityo ki taqat thi, upar se brahma dev se aisa vardan pa kar raktasur devtao ke liye bhi aparajey ban gaya…usne dev lok har hamla kar diya….kaliyug ke prabhav se devtao ki shaktiya pahle hi ksheen ho chuki thi…phalswaroop raktasur ne devtao ko buri tarah se hara diya…uske darr se devta swarg chhod kar bhag gaye…jo uski pakad me aaye unhe usne bandi bana kar karagar me daal diya.

Uske baad kafi samay tak devta uske darr se idhar udhar chhup chhup kar bhatakte rahe…kuch samay tatpashchat na jane achanak aisi kya ghatna huyi…ki raktasur akasmaat hi kahi rahasyamay dhang se gayab ho gaya…magar uss ghatna ke parinam swaroop devtao ko unka swarg ka singhasan vapis mil gaya.

Jitu—iska matlab ki raktasur behad taqatwar hai..lekin vo kaha chala gaya…? aur jab vo gayab ho chuka hai to yagya me uske dwara kisi prakar ka vighn paida karne ki ashanka kaise, rishivar…?

Kanv—asuro ka adhipati aur raktasur ka bhai danav raj namuchi to vighn uttapann kar hi sakta hai …namuchi ne bhi tapasya kar ke kayi shaktiya prapt ki huyi hain…vah bhi raktasur ki hi bhanti mayavi vidhya me nipun hai.

Jitu—kintu gurudev, ye namuchi itne samay tak jivit kaise hai…? Ab tak to uski mrityu ho jani chahiye thi…?

Kanv—shukracharya ki sanjivani vidhya ki vajah se…

Jitu—koi baat nahi munivar…aap nishchint ho kar apne yagya ka anusthan sampoorn kijiye…kisi bhi prakar ke vighn se yagya ki suraksha ka uttar dayitva mujh par chhod dijiye…main aap ko vishwash dilata hu ki mere jivit rahte koi bhi aap ke iss mangal karya me vighn uttapann nahi kar payega.

Kanv—tum dhanya ho saajan,,tumhari sada vijay ho..

Jitu—munivar…hamare rajya se jo log rahasyamay tarike se achanak gayab ho rahe hain…unke sambandh me aap ka dristikon kya kahta hai…? Maine suna hai ki inn sab ke piche bhairav nath ka hath hai..?

Vivan—ye sabhi ghatnaye gurudev ke tapasya karne ke uprant hi shuru huyi hain.

Kanv—tumhara kathan satya hai saajan, inn sabhi ghatnao ke piche tantrik bhairav nath ka hi hath hai…usne bahut si siddhiya prapt ki huyi hain…vo amar hona chahta hai, apne yahi uddeshya ki poorti ke liye vah nirdosh logo ko gayab kar ke unki bali de deta hai…bhairav nath ka ant kiye bina logo ke gayab hone ki ghatna ko rok pana asambhav hai…

Jitu—aise manavta ke dushman ka ant hona hi avashyak hai…shayad uska kaal nikat aa gaya hai..?

Kanv—nahi saajan, bhairav nath ko maarna itna sahaz karya nahi hai, jitna ki tum samajh rahe ho…uss tak pahuchne se pahle tumhe vo paanch anmol cheeze hasil karni hongi jo ki paanch tilismi darwajo ke bhitar surakshit hain aur jinhe bhairav nath bhi pana chahta hai kintu tilism ke karan vo unn cheezo ko hasil kar sakne me asmarth hai…

Jitu—hmmm, kintu aisi koun si cheeze hain jinhe tilism me surakshit kiya gaya hai aur unki kya vishesta hai…?

Kanv—unn paancho vastuye adbhut shaktiyo se yukt hain...har kisi me alag shaktiya hain...unki vishestao aur vaha tak pahuchne ke baare me jaanne ke liye tumhe sukanya pari ki madad leni hogi..

Jitu—sukanya pari.. ? ye koun hai... ?

Kanv—pari lok ki raj kumari hai ..

Jitu—kintu vo meri madad kyo karegi aur main uss tak pahuchunga kaise... ?

Kanv—tum apne kartavya path par aage chalte raho…samay khud hi tumhe sukanya pari tak pahucha dega…

Jitu—jaisi aap ki aagya muni var..

Kanv—haan, ek baat aur saajan, bhairav nath ki buri nazar divya par hai..vo murkh divya ka bhog kar ke amarta prapt karne ke sapne dekh raha hai..yahi vajah hai ki tapasya karne jane se poorv maine iss ashram ko ek tilismi kavach se surakshit kar diya tha jisse ki ashram ke bahar ka koi bhi vyakti yaha pravesh na kar sake…jab vo yaha divya tak nahi pahuch paya iss kavach ke karan to usne ye logo ki bali dene ka marg chuna..

Divya ke baare me ye sun kar ki bhairav nath ki buri niyat uske upar dol rahi hai...meri ankho me akrosh umad aaya...gusse se meri mutthiya band hoti chali gayi..

Jitu (gusse me)—kyaaa..uski buri nazar divya par hai... ? uss dust ko uski iss dustata ka dand avashya dunga..

Kanv—shant saajan, apne iss avesh ko bhairav nath se takrane ke samay ke liye surakshit karo...kyon ki asamay ka kroadh mann ko vichlit kar deta hai..aur mann ke vichlit hone se vyakti apne lakshya ke marg se bhi vichlit ho jata hai..kroadh ek bahut mahatvapoorn ashtra hai jiska upyog hamesha uchit samay par hi karna chahiye warna ye swyam ke liye bhi vinashkari siddh ho sakta hai.

Jitu—main kshama chahta hu rishi var..

Kanv—aao, aashram vapis chalte hain..

Uske baad hum dharm aur shastra ki baate karte huye kutiya ki taraf chal pade...main kanva rishi se divya ke janam se jude rahasya aur unse hamare vivah ke vishay me bhi baat karna chahta tha kintu ye samay mujhe uchit nahi laga kyon ki iss samay mera pratham uddeshya yagya ki raksha karna tha aur main uski suraksha ka uttardiyitva le chuka tha isliye iss vishay ko yagya anusthan ki samapti tak ke liye sthagit kar diya...udhar chitra, ashram me divya, priyamvada aur anusuiya ke sath vartalap karte huye apni betuki baato se unke dimag ki chatni banane me lagi huyi thi.

Chitra—kya naam banaya tumne apna.. ?

Anusiya—anusuiya..

Chitra—hmmm..suiya

Anusuiya—suiya nahi,,anusuiya...

Chitra—suiya ho ya anusuiya...kya fark padta hai... ? hai to tu suyi hi na..jo sidhe mere yuvyaj ke seene me suyi ki tarah chubh gayi..

Anusuiya—tumhara kahne ka matlab kya hai... ?

Chitra—mere kahne ka sidha matlab ye hai ki teri maang me na to sindoor hai aur na hi gale me mangalsutra..phir tu mere jitu ki biwi kaise ho gayi…? Kahi tune mere yuvraj ke sath kuch gadbad to nahi kar di…?

Priyamvada—yahi sawal hum tujhse bhi puch sakti hain…

Chitra—mujhse puchne wali tu koun hoti hai…? Kahi tu bhi tu yuvraj ke sapne nahi dekh rahi.. ? agar dekh rahi hai to dil se ye khyal nikal de..(kulhadi dikhate huye)...nahi to ye kulhadi dekh rahi hai na...aage tu khud samajh ja ki main kya karungi tere sath... ?

Anusuiya—sahi to kaha hai priyamvada ne..tujhe mirchi kyo lag rahi hai... ?

Chitra—kya sahi kaha hai... ? mere do darzan bachche iss baat ka sabut hain ki main yuvraj ki biwi hu...phir bhi jisko yakin na ho to gaon walo se ja kar puch sakta hai..sab gaon walo ko pata hai mere aur yuvraj ke baare me..

Priyamvada (muh bichkate huye)—huunnhhh...do darzan bachche..jhoothi kahi ki..

Chitra (ankhe dikha kar)—ye..jhuthi kis ko bolti hai..ye kulhadi dekh rahi hai na..kaat dungi..samjhi

Anusuiya—divya, dekh samjha le iss pagal ko...mera dimag ghante bhar se chaate ja rahi hai..

Chitra—kis ko boli pagal... ? ruk abhi batati hu..

Priyamvada—pagal to pagal hi kahenge na...kabhi to bolti hai ki mere do darzan bachche hain vo bhi iski hi umra ke..bina shadi ke hi iske bachche ho gaye..jabki yuvraj to abhi tak avivahit hain..

Chitra kulhadi utha kar anusuiya ki taraf daud padi, ye dekh priyamvada aur anusuiya ghabra gayi aur bhagte huye divya ke piche chhupne lagi.

Priyamvada—divya, samjha isko..iss pagal ka koi bharosa nahi..kahi sach me hi na maar de ye hame..

Chitra—divya, tum ek taraf ho jao..main inn dono ki gardan kaat dungi..

Priyamvada—maarna hai to divya ko maar...yuvraj ki jaan isme hi basti hai..

Divya (naak ke niche ungli ghumate huye)—maar dalungi..

Anusuiya—yuvraj jitu to vaise hi teri ek nazar se ghayal ho jate hain..maarne ki jarurat hi nahi padegi..hihihihi

Divya (ghur kar)—tujhe maar dalungi..

Chitra—divya, ab tumne bilkul sahi kaha..

Divya—chitra didi, maaf kar do na dono ko..

Chitra—theek hai..tum kahti ho to chhod deti hu...lekin ise pahle meri baat ka jawab dena hoga..

Anusuiya—koun si baat ka... ?

Chitra—vahi jo maine tumse pucha tha...

Divya—vo baat aisi hai ki..(divya ne anusuiya aur jitu ke beech jo hua tha, batane lagi.)

Chitra—ab samjhi..ye baat hai..

Priyamvada—kya samjhi…?

Chitra—yahi ki isne jaan bujh kar yuvraj ke sath apna muh kala kar ke yuvraj ko phansa liya..(mann me)..ye to sab gadbad ho gayi…yuvraj ne mere hotho tak ko nahi chuma abhi tak aur isne unke sath sab kuch kar liya…main to bachche chillati hi rah jaungi aur ye to bachcha bhi mujhse pahle hi paida kar legi..mujhe bhi yuvraj ke sath aisa hi kuch karna padega nahi to main yuvraj ke do darzan bachcho ki maa kaise banungi…?

Priyamvada—to tumne kya kiya..? tumne bhi to vahi kiya hoga…?

Chitra—ye..kahi tu bhi to yuvraj ke sath apna muh kala karne ka nahi soch rahi hai…? Abhi se bataye deti hu..yuvraj ke baare me sochna bhi mat..nahi to meri ye kulhadi ..baki samajh gayi na..haan..

Divya—aap sab ladna band karengi ya nahi…? Anusuiya bhi saajan se prem karti hai, jaise ki aap aur main..isliye ab yuvraj ko le kar lado mat..

Chitra—tum kahti ho to main anusuiya ka maan leti hu lekin ye, priyamvada ne bhi kahi yuvraj ke sath apna muh kala kar liya to..?

Divya—main to chahti hu ki priyamvada bhi mere saajan ki patni bane..iss tarah hum teeno sakhi aur aap hamesha ek sath rahengi..vaise tum kya kahti ho priyamvada…? Baat karu saajan se…?

Priyamvada (sharma kar)—dhattt..

Anusuiya (mushkura kar)—ab bata bhi de…? Hamare sath saajan ki dulhan banegi…?

Priyamvada (nazre jhuka kar)—mujhe kya pata…maa aur pita shri jane..

Chitra—dekha, main na kahti thi ki ye bhi yuvraj ke sath apna muh kala karne ke chakkar me hai…haqiqat aa gayi na iske chehre par..main to soch rahi thi tum aur main do hi biwi rahnegi yuvraj ki lekin yaha to tumne do aur jod diya…tumhe dukh nahi hota ye soch kar isse tumhara pyar bant jayega…? Main to aisa kabhi na karu..

Divya—nahi didi, main to chahti hu ki mere saajan se jo bhi dil se prem karti hai use saajan ka pyar avashya mile..mujhe isme hi khushi milti hai..mujhe kabhi lesh maatra bhi dukh nahi hota iss baat se ki mere saajan ki hone wali biwiya kitni hain..balki mujhe iss baat ki khushi hoti hai ki mere saajan ko prem karne wali lagatar badh rahi hain, aur main chahti hu ki unn sab ko unka adhikar aur saajan ka pyar mile..saajan ki hone wali patniya meri soutan nahi balki meri bahne hain.

Priyamvada (bhav vibhor)—tum dhanya ho divya…tumhari jaisi sakhi pa kar main khud ko gauravanvit mahsoos kar rahi hu..

Anusuiya—haan, divya tum sach me mahan ho…tumhari jaisi dusri koi nahi ho sakti jise apne pati ke pyar ko kisi dusri aurat ke sath baantne me tanik bhi dukh na ho..

Chitra—mujhe maaf karna divya…main tumhari jaisi tto nahi hu aur na hi kabhi ban sakti hu …tum shayad eklouti ho jo apni anginat soutan chahti hai..jise iss baat se koi fark nahi padta ki uske pati ka pyar uske liye isse kam ho jayega..vo tumhe vo haq nahi de payega jiski tum haqdar ho..tum mahan ho divya..

Divya—didi, ye baat aapki samajh me nahi ayegi…saajan ki chahe kitni bhi patniya ho jaye, mere dil me saajan ke liye pyar kabhi kam nahi hoga, balki samay ke sath badhta hi jayega…mere saajan ko mujhse koi nahi chheen sakta, na abhi aur na hi kabhi kisi janam me…khud bhagwan bhi chahe to vo bhi mere pyar ko khatam nahi kar sakte..kyon ki saajan to meri aatma me basa hai aur aatma to amar hai…jo ek sharir chhod kar dusra sharir dhaaran karti rahti hai…iss tarah meri aatma jis bhi sharir ko dharan karegi, uss sharir me saajan ka pyar to vaisa hi rahega kyon ki aatma to meri hai jisme sirf saajan ke siwa kuch bhi nahi hai.. chahe jitni bhi patniya ho jaye saajan ki, unhe to sirf saajan ka sharir hi milega na jo ki samay ke sath ek din nast ho jayega..lekin aatma nahi..phir mera pyar kaise khatam ya kam ho sakta hai…? Aisa hi kuch saajan ke sath bhi hai..phir hamara pyar kaha kam ho sakta hai..? koun kam kar sakta hai..? hum dono to ek dusre ki aatma me base hain..aur jab hamara pyar koi kam kar hi nahi sakta to phir saajan ki jindgi me aane wali patniyo se vidwesh kaisa…?

Priyamvada—tumne itna goodh gyan kaha se seekha divya…?

Divya—jab kisi se sachcha, nisswarth prem ho jata hai to vahi prem sab kuch sikha deta hai..

Chitra—tum aloukik ho divya…tumhari baate, tumhare itne uchch sanskar kisi sadharan kanya ke nahi ho sakte..tum nissandeh asadharan ho..

Vo sab abhi baate kar hi rahi thi ki tabhi…

 

[anandsngh12]

SAAJAN
UPDATE- 232​

Priyamvada—tumne itna goodh gyan kaha se seekha divya…?

Divya—jab kisi se sachcha, nisswarth prem ho jata hai to vahi prem sab kuch sikha deta hai..

Chitra—tum aloukik ho divya…tumhari baate, tumhare itne uchch sanskar kisi sadharan kanya ke nahi ho sakte..tum nissandeh asadharan ho..

Vo sab abhi baate kar hi rahi thi ki tabhi…

Ab Aage..........

Hum sab bhi aa gaye, hame dekh kar vo chup ho gayi...meri nazar to divya par hi ja kar tik gayi, halanki vo bhi chori chori mujhe hi dekh rahi thi kintu mere sath me kanv rishi ke hone ke kaaran sakucha bhi rahi thi isliye vah nazre utha kar mujhe dekhti aur phir jhuka leti.

Kanv—kya baat hai putri, kisi vishay par gahan mantrana chal rahi hai kya jo hamare aate hi band ho gayi ?

Divya (sakucha kar)—nnn..nahi to pita ji...hum to bas aise hi baate kar rahi thi..

Kanv—theek hai...aao vats, andar chal kar tum bhi tanik vishram kar lo...tab tak main snan kar ke sandhya vandan karunga...

Jitu—ji, rishivar...

Uske baad kanv rishi kutiya ke bhitar ja kar apne vastra lene ke baad snan karne chale gaye aur main divya ke hasin chehre ko itminan se dekhne me leen ho gaya...mujhe apni taraf aise ektak dekhte dekh kar divya sharma gayi..uski iss ada ne to jaise uski khubsurti me aur bhi nikhaar la diya.

Chitra—aise kyon ghoor rahe ho rajkumar ?

Priyamvada—aag dono taraf barabar lagi huyi hai..hihihi...jaldi se kanv rishi se apni aur divya ki shadi ki baat kyon nahi kar lete aap ? bechari hamari sakhi piya milan ke liye tadap rahi hai..

Divya (naak ke niche ungli ghuma kar)—(priyamvada ko ghurte huye)..maar dalungi..

Jitu—samay aane par vo bhi karunga kintu abhi main jis kaam ke liye yaha aaya hu pahle usko poora karna mera pahla dharm hai...

Chitra—theek hai...main khud hi unse baat kar lungi..

Jitu—tum aisa kuch nahi karogi..

Chitra—aap shayad bhul rahe hain ki yaha divya ke alawa main bhi hu...meri taraf bhi dekhiye, akhir patni hu aapki..

Jitu—tumne apni nautanki phir se chalu kar di ?

Anusuiya—iss jhoothi ki nautanki ne to hame bhi pareshan kar diya hai..

Jitu—kyon kuch kiya kya isne ?

Priyamvada—ye itna jhooth bolti hai ki ab kya kahna...bolti hai ki iski aur aapki shadi ho chuki hai ..

Anusuiya—aur to aur..bolti hai ki aapse iske darzan bhar bachche hain vo bhi hamare jitne bade.. hihihihi..jhoothi kahi ki...

Chitra (tunak kar)—ye ..jhoothi kisko boli ? ruk abhi teri jeebh kaat deti hu...kaha gayi meri kulhadi ? ruk batati hu abhi tujhe...

Tunak kar chitra apni kulhadi dhoondne lagi aur phir milte hi unn dono ki taraf daudi to maine jaldi se uska hath pakad kar apne paas kheench liya.

Jitu—ye kya pagalpan hai ?

Chitra (gussa dikhate huye)—haan to inki himmat kaise huyi mujhe jhoothi kahne ki ?

Jitu—theek hi kahti hain dono..tum ho hi ek number ki jhoothi..ye jhooth nahi to aur kya hai jo sabse kahti phirti ho ki tum meri biwi ho aur hamare darzan bhar bachche hain..

Chitra—haan to isme jhooth kya hai ? shadi to hamari honi hi hai aur jab shadi hogi to bachche bhi to honge hi kam se kam darzan bhar...

Jitu (sir pakad kar)—ufff..ye ladki bhi na..poori pagal hai..

Chitra—haan lekin sirf aapke pyar me..

Anusuiya—itni der se ye aise hi hamara bhi dimag chaat rahi thi..

Chitra (aankhe dikha kar)—ek to raat ke andhere me mere pati ke sath apna munh kala karne ke baad unhe majboor kar diya ki vo tujhe swikar kar le....ab jyada juban chalayi to juban hi kaat dungi teri..

Divya—priyamvada, anusuiya...shant ho jao dono..kyon pareshan kar rahi ho chitra ko ?

Priyamvada—hum kaha kuch bol rahi hain sakhi..yahi ulta hame dhamkaye ja rahi hai tab se..

Chitra—main dhamki de rahi hu ? aur tu badi sharif hai jo andar hi andar rajkumar ke sath iss anusuiya ki tarah munh kala karne ka khwab dekh rahi hai..

Jitu—chitra, ye kya anaap shanaap bak rahi ho, hosh me to ho na ?

Chitra—main jhooth nahi bol rahi...sach yahi hai ki ye bhi aapke sath munh kala karne ki soch rahi hai....aur divya ne to isko bhi aapki patni banane ka vachan de diya hai..yakeen nahi ho to khud divya se hi puch lo aap ...

Jitu (hairan)—kyaaa ?

Divya—vo baat ye hai ki priyamvada bhi mann hi mann me aapko chahti hai...aur phir ye dono meri bachpan ki sakhiya hain isliye maine socha ki jab anusuiya ko aapne swikar kar liya hai to isko bhi apna pyar mil jaye...aisa hone se hum teeno ka sath hamesha bana rahega..

Chitra—kaha main soch rahi thi ki divya aur sirf main hi aapki biwi banengi lekin yaha aa kar to do se chaar ho gayi....aise hi agar aap yaha vaha rajya bhar me ghumte rahe to na jane kitni aur ho jayengi....? lekin ab isse jyada ek bhi nahi..agar ab koi aur bhi aayi to main apni kulhadi se uski gardan hi kaat dungi..kyonki divya ko to apna pyar kisi se baantne me koi taklif nahi hoti, magar mujhe hoti hai, main divya ki tarah mahan nahi hu..ab aap hi divya ko kuch samjhao na .

Jitu—agar divya ne vachan de diya hai to phir main uske vachan ka samman karunga..aur kya ye sach hai priyamvada ?

Priyamvada ne koi jawab nahi diya aur sharma kar vaha se bhag gayi...aise hi kafi der tak hamari baate chalti rahi, phir kanv rishi ke aane ke baad hum kutiya ke bhitar aa gaye.

Kal ka din yagya anushthan ka antim din hai, jaisa ki kanv rishi ne bataya ki antim din danvi utpat ki sambhavna adhik hai, to main bhi aane wale kal ke baare me soch vichar karte huye bhojan karke so gaya.

Agle din subah jaldi uth kar dainik kriya se nivratt ho kar kanv rishi ke sath unke yagya ki raksha ke liye chal pada...unka yagya shuru hote hi main uske charo taraf sajagta se pahra dene me lag gaya.

Kafi samay beet jane ke baad bhi abhi tak koi apriy ghatna nahi ghati thi aur yagya bina kisi vighn badha ke apni samapti ki oar badh raha tha....par achanak tabhi....

 

[anandsngh12]

SAAJAN
UPDATE- 233

 

[anandsngh12]

SAAJAN
UPDATE- 234

 

[anandsngh12]

SAAJAN
UPDATE- 235

 

[anandsngh12]

SAAJAN
UPDATE- 236