Suraj ki Khubsurat kirno ne kamre me ek roshni or Aksh ki zindagi me nayi ashao ko bikhera hua tha, Suraj ki kirne sidha Aksh ki aakho par pad rahi thi, Aksh apni aakhe masalte hue apni nind se jaag jata he, lekin usne paya ke Sakshi uske upar use kas kar gehri nind me thi. Dono ka badan ek dusre se puri tarah chipka hua tha, or ye nazara dekh kar Aksh thoda conscious ho jata he. Aksh Sakshi ko apne upar se hatane ki koshish me lagg jata he, lekin Sakshi ne use kafi kass liya tha.
Sakshi: uhhhh..... Sone dona.....
Wo apni aadhi nind me hi Aksh ko or zyada kaste hue kehti he. Ab Aksh kya karta, or baat to ye thi ke use bhi Sakshi se alag hone ka mann nahi tha. Aksh foran apna haath Sakshi ke sar pe rakh kar use apne sine me chupa sa leta he.
or uske makhnaki balo me apni ungliya ferne lagta he, fir khud aakhe band kare apni soch me chala jata he.
Kareeb 1 ghante ki nind le kar Sakshi ki aakhe khulne lagti he, wo aaj kafi sukoon bhari nind soyi thi, lekin jab use ehsas hota he ke uski sukoon bhari nind ka raaz kya he, to wo hadbadate hue uthkar Aksh se alag ho jati he. Aksh jagne ke baad firse soya hi nahi tha wo to 1 ghante se Sakshi ki zulfo se khel raha tha, Sakshi ko aisa dekh kar wo bhi heran sa uth jata he.
Aksh: kya hua Sakshi?
Wo bed pe uthkar beth te hue puchta he.
Sakshi: N..... Nahi.... Kuch nahi.....
Wo uthkar ayne ke samne apne baal bandh te hue kehti he.
Aksh: yaar tu kafi moti ho gayi he Sakshi......
Wo muskurate hue Sakshi ke piche khada ho kar kehta he, jise sunkar Sakshi gussa ho jati he.
Sakshi: kuch bhi bakwas mat kar Aksh tu.....
Wo piche palat kar Aksh ko ungli dikhate hue kehti he.
Aksh: me sach keh raha hu, tu to mere upar so gayi thi, lekin yaha mere badan ka purza purza dard karne laga he, moti kahi ki......
Wo kamre se bahar jate waqt Sakshi ko chidhate hue kehta he or apne kamre me chala jata he.
Uske jane ke baad Sakshi ke chehre par sharm or hasi ke bhav ajate he, or wo apne aap ko mirror me dekhne lagti he.
Sakshi(mann me): bavlat...... Kuch bhi bolta rehta he, lekin Aksh ab kitna alag sa behave ane laga he, mujhe Aksh ko humesha isi tarah dekhna he, hasta hua, khush hota hua..... Or me uski khushi ke liye har ek ciz karne ke liye tayar hu.....
Wo apne mann me bass Aksh ke bare me soche ja rahi thi, lekin ab use bahot ajib sa lagne lagg raha tha, use bahot bechaini si hone lagi thi. Sakshi jaldi se naha kar ajati he or tayar ho kar sabke saath milkar nashta kar rahi hoti he.
Sakshi: Aai.... Me Neha se milne ja rahi hu, thodi der baad ajaungi.....
Radha: thik he....
Aksh: chal me tujhe chhod deta hu waha....
Sakshi: ahh.... N... Nahi tu rehne de.... Me chali jaungi....
Wo hadbadate hue Aksh se kehti he.
Aksh: thik he..... Aai me kuch kaam se Garage ja raha hu, Dopeher ko aa jaunga ghar....
Or wo ghar se apni bike le kar nikal jata he, lekin wo thoda aage ja kar bike rok deta he. Wahi Sakshi bhi ghar se nikal jati he, wo to bass apni soch me gum thi or aage chali ja rahi thi, Aksh use ata hua dekh leta he, lekin Sakshi use dekhe bina hi bagal se aage nikal jati he.
Aksh: Sakshi.....
Uski awaz sunkar Sakshi apne khayalo se bahar ajati he or piche mudkar Aksh ke paas ajati he.
Sakshi: t.... Tu gaya nahi?
Aksh: kya hua Sakshi? Tu kuch pareshani si lagg rahi he mujhe.....
Sakshi: nahi.... Nahi.... Aisi to koi baat nahi he.... Wo to bass thodi si thakan mehsus ho rahi he....
Aksh: accha? Chal beth ja....
Sakshi: Aksh tu fikar matt kar me chali jaungi......
Aksh: kya baat he? Koi or araha he kya tujhe pick karne ke liye?
Wo Sakshi ko tease karte hue kehta he.
Sakshi: Bavlat..... Kuch bhi matt bol,
Wo gusse me Aksh ko mukka marne ka ishara karte hue kehti he or jakar bike pe beth jati he. Aksh muskurate hue bike start kar deta he or aage badh jata he. Kuch der baad Sakshi Neha ke ghar se kuch dur Aksh ko bike rokne ke liye kehti he.
Aksh: lene ke liye ajau?
Sakshi: nahi me bass thodi der me chali jaungi ghar....
Wo Bike se utarte hue kehti he. Fir Aksh apne garage chala jata he, Sakshi dekhti he ke Aksh ab nazar nahi araha, to wo Neha ke ghar pe jane ke bajaye kuch duri par jo bus stop tha waha chali jati he or bus ka intezar karne lagti he.
•
•
•
•
•
•
•
•
Place: Surat, Gujrat
Mansi or uske kafi sari friends unki ek dost jiska naam Kavita tha uske ghar pe the, Mansi, Kavita or kuch ladkiya saath beth kar baate kar rahe hote he, tabhi Mansi ki nazar samne ate ek ladke par pad jati he.
Mansi: Ahhhh..... Kavita..... Me ja rahi hu apne ghar....
Wo gusse me apni jagah se uth te hue kehti he.
Kavita: are kya ho gaya Mansi?
Wo Mansi ka haath pakadkar use rokte hue puchti he.
Mansi: is ghadhe ko yaha kyu bulaya tumne?
Wo apne daat piste hue us ladke ki taraf ishara kar ke Kavita se puchti he.
Kavita: yaar..... Mansi ab tumhari or Shahid ki jamti nahi usme meri kya galati? Wo mera accha dost he na...
Mansi: lekin tum janti ho na ye mera dimag khata rehta he humesha.... Fir bhi....
Kavita: Mansi ab wo pura waqt thodi na humare saath hi bethega..... Please try to understand...
Wo Mansi ko samjhate hue use wahi par bitha deti he.
Shahid: hey Girls...... How are you....
Wo Kavita or baki sab ke paas akar Mansi ko dekhte hue puchta he. Baki sab to us se baat kar leti he, lekin Mansi use bina dekhe apne Mobile me lagg jati he.
Shahid: Mohatrma....... Humne pucha kesi he aap?
Wo chair Mansi ke samne rakh kar us pe beth te hue kehta he.
Mansi: tum se Matlab?
Shahid: Haye..... Aap na humesha vaar karne ke liye tayar bethi rehti ho.... Waise aap to humara qatl bhi kar de to has kar aapke samne qurban ho jaye....
Mansi: Hahaha..... Very funny.... Now get lost.... Tumhe dikhayi nahi de raha yaha hum ladkiya bethi hui he? Ohh sorry... Pehle ye Glasses hatao shayad dikh jaye.....
Uski baat par Kavita or baki ladkiya hasne lagti he.
Shahid: are Mansi ji.... Ye Glasses is liye lagaye he humne ke kahi humari aakhe dekh aap unme kho na jao....
Mansi: accha? Ek minute hatao to Glasses.....
Uski baat par Shahid apne glasses hata deta he.
Mansi: ohh.... Ab samjhi kyu tum ye glasses pehenkar ghumte ho.... Kavita ye He ek number ka Nashedi..... Dekho to aakhe kitni laal ho gayi he Nasha kar kar ke.... ohh nahi.. nahi.. mat dekhna warna hum ladkiya yahi chakkar kha kar gir jayengi.....
Wo Shahid ka mazak udate hue kehti he. Jis se waha majud sab hasne lagte he. Or Shahid ka muh puri tarah se utar jata he.
Mansi: Kara li bezzati? Ab jaoge ya or kuch kahu?
Wo Shahid ke nazdeek akar kehti he.
Kavita: yaar ab bass karo tum dono..... Maza karne aye ho ya ladne ke liye?
Wo Mansi or Shahid ko chup karate hue kehti he or fir sablog waha party enjoy karte he. Shahid waha se hatkar apne kuch dosto ke saath join ho jata he, lekin wo Mansi ko hi dekhe ja raha tha.
Shahid(mann me): koi baat nahi Mansi ji..... Bezzati to ki he aapne humari.... Baki aap to humari begum hi banogi..... Or Begum apne Shohar ka mazak udaye to usme konsi badi baat ho gayi.... Huhhh....
•
•
•
•
•
•
•
•
Place: Mumbai, Maharashtra
Sakshi bus se utar gayi or samne bane ek Mandir me jane lagi. Kuch sidhiya chadhne ke baad wo Bhagwaan ki murti ke samne ja kar khadi ho jati he or apne haath jodkar aakhe band kar leti he.
Sakshi(mann me): he bhagwaan, meri madat kijiye.... Mujhe samajh nahi araha ke akhir mere dil me kya chal raha he, lekin aap to sabkuch jante ho na? To please meri madat kijiye or mujhe is duvidha se bahar nikalye.... Me janti hu ke jo kuch mere dil me chal raha he wo galat he, lekin me use puri tarah se nahi samajh pa rahi..... Agar me galat hu to mujhe uska ehsas kara dijiye.... Or agar me sahi hu to mujhe Aksh.......
Wo is se aage kuch soch pati ke uski aakho se asu ane lagte he. Kuch der Sakshi bass aise hi apne haath jode bhagwaan se baate karti he, fir apne aap ko sambhal kar mandir ke kuch gol chakkar laga kar samne bani bethne ki jagah par jakar beth jati he. Sakshi kuch der apna dil wahi par halka karti he. Kareeb 1 ghante tak waha bethne ke baad Sakshi apne ghar jane ke liye nikalti he kyu ke use ghar ja kar Aksh ke App par bhi kaam karna tha, wo ja kar bus pakad leti he or jab wo seat par bethi thi to use ab bhi bas kuch soch khaye ja rahi thi.
Sakshi(mann me): me to in sab me or bhi zyada ulajhti ja rahi hu, jitni koshish karti hu in bato ko nazar andaz karne ki, utna hi ye baate mere upar hawi ho rahi he..... me kya karu? Ye he to galat hi na? To kya me Aksh se thoda distance maintain kar lu? Nahi... nahi..... fir to pata nahi Aksh apne purane roop me wapis chala jaye.... to kya karu me? Kuch samajh me nahi araha he.... mujhe apne aap ko is daldal me jane se rokna he.... lekin kese? Deva.... Please Help me....
Wo apna sar window se lagaye apne dil or dimag se jung ladd rahi thi. Lekin ab is jung me jeet kiski hogi ye na to Sakshi ko pata tha or nahi kisi or ko.
kuch der baad Sakshi ghar ajati he lekin wo dekhti he ke darwaze par to Tala laga hua he, unke ghar ki ek chabi pados wale ghar me hoti, Sakshi waha jakar chabi le leti he or akar ghar me chali jati he, usne waqt dekha to 12 baje hue the. Sakshi Radha ko call kar ke puchti he ke wo kaha he, to wo kuch kaam se bahar gayi thi or use ghar ate 4 bajne wale the.
Sakshi(mann me): chalo, Aksh abhi ata hi hoga ghar.... Khuch khane ke liye bana leti hu pehle, badme Aksh ka kaam bhi to karna he.....
Fir wo apne kaam me lagg jati he, kareeb 1 baje Aksh ghar agaya tha, wo kafi thaka hua sa lagg raha tha. Sakshi use pani la kar deti he.
Sakshi: kya hua bahot kaam tha Garage me?
Wo Aksh ke samne khadi ho kar puchti he.
Aksh: ha bass, aisa hi samajh le....
Sakshi: chal tu haath muh dho le, me khana lagati hu.....
Aksh bass ha me gardan hila deta he, Sakshi ja kar kitchen me khana parosne lagti he, lekin Aksh wahi par betha hua tha, Sakshi plate le kar uske paas akar beth jati he.
Sakshi: tu abtak yahi betha he?
Aksh: yaar mera mann nahi kar raha uthne ka....
Sakshi: are khana kha kar tu soja...
Aksh: ab khila de tu apne haatho se, waise bhi tere haatho se khana or bhi zyada swad lagta he.......
Wo tirchi nazro se Sakshi ko dekhte hue kehta he.
Sakshi: tu na sach me pagal ho gaya he Aksh....
Wo Aksh ki baat par haste hue kehti he.
Aksh: kyu? To kya me pehle jesa hi bann jau fir?
Sakshi: Aksh tuna kisi din pitega mujhse.... Hazar baar kaha he matt kiya kar wo baate, fir bhi tu manta kyu nahi he?
Wo bahot hi gusse me apne dant piste hue Aksh se kehti he.
Aksh: are shant ho ja.... Me to mazak kar raha tha, ab khana khila rahi he ya.....
Fir Sakshi apne haatho se Aksh ko khana khilane lagti he. Aksh kafi thak gaya tha to Sakshi ne use aram karne ko kaha or khud Aksh ka App banane me jut gayi. Dono is waqt Aksh ke kamre me the. Sakshi pura waqt App banane me laga deti he, lekin bich bich me uski nazar baar baar Aksh par pad rahi thi, wo laakh koshish kar rahi thi ke wo apne kaam par dhyan de sake lekin is bich Sakshi ki nazar Aksh par pad hi jati or fir uske dil me firse kuch kuch hone lagta, use apne kamre me jane ka bhi dil nahi kar raha tha, to wo bass yahi bethkar apna kaam karti he.
Aise hi Kuch din nikal jate he, ab Aksh ka App or Website dono hi ready thi, sablog kafi khush the, Aksh ne bhagwaan or apne Aai Baba ke Ashirwad le kar Website or App Public kar di. Is naye idea ko launch hue bass kuch hi din hue the, lekin Aksh ke behtarin Idea ne logo ka dhyan apni taraf khich liya, Aksh ka Start Up successful hone laga tha, Aksh ke idea ne logo ko kafi sahuliyat di thi apni gadi ko bina kahi le jaye Modify karne ki.
Dekhte hi dekhte ek mahina nikal chuka tha, Aksh ne to apna investment Breakthrough bhi kar liya, or ab uska Profit ana shuru ho chuka tha. Pehla profit Aksh ko uski ummid se kahi zyada mila. Usne Karim ke saath pura profit 50/50 karne ki baat kahi, lekin Karim ne is se mana kar diya, Karim ka kehna tha ke Garage ke kaam ke alag se yani jo profit Aksh ko Website or App se hota he (Advertisement) wo sirf Aksh hi rakhega. Aksh ab kafi busy rehne laga tha, usne is kaam ko sambhalne ke liye ek chota sa office space rent par le liya jaha se wo in sabka dhyan rakh sakta tha, wo pura din bass apne office or Garage par hi rehta, jis se Sakahi ko uski kami mehsus hone lagi thi. Lekin use pata tha ke Shuruwat me sara waqt business me lagana padta he, lekin uska mann karta tha ke wo Aksh ke saath rahe, ghume.
2 Mahine nikal chuke the, ek baar Raat ko 7 baje Aksh ghar ajata he, uske haath me kafi sare Shopper the. Wo akar sofe par beth jata he.
Radha: beta ye kya? Itna sare bag?
Tabb Aksh kuch bags utha kar Radha ko de deta he.
Aksh: Aai.... Ye tumhare liye Sadiya, or ye lo... Tumhara mangalsutra tut chuka tha na... Use thik kara diya he, mujhe pata tha tum naya nahi logi.... Isliye yahi thik kara diya mene....
Radha to Aksh ka gift dekh kar ro padti he or use apne sine se laga leti he.
Aksh: Aai please agar mene kabhi tumhe takleef di ho, jo mene pehle kayi baar aap sabko di he to mujhe maaf karna, lekin ab kisi ko mujhse koi shikayat nahi hogi. I promise.....
Wo Radha ko apne se alag kar uske asu pochte hue kehta he.
Radha: Maa Baap ko apne baccho se shikayat nahi hoti beta..... Wo bass ek chinta hoti he, jise bacche Shikayat samajh lete he.... Lekin me bahot khush hu ki mera beta ab jesa chahta tha waise usne kar hi liya...
Wo Aksh ke maathe ko chumte hue kehti he. Ab ye sari baate sunkar Sandeep or Sakshi ke akho me bhi asu agaye the, Aksh uthkar Santosh ke samne ajata he or use apne saath bahar ane ko kehta he. Jese hi sab bahar aye to waha ek new Bike khadi thi.
Aksh: Baba aapke liye ye Bike li he....
Wo bike ki chabi Santosh ke haath me dete hue kehta he.
Santosh: Aksh iski kya.....
Aksh: please Baba mana mat kijiye..... Jab aapne mere kehne se pehle hi mujhe sari chize mere samne hazir kar di thi, to kya me itna sa bhi kuch kar nahi sakta?
Wo Santosh ki baat bich me kaat te hue kehta he. Santosh ko aaj Aksh par bahot hi naaz ho raha tha. Fir wo log ghar ke andar ajate he. Sakshi Sofe ke ek corner me muskurate hue khadi thi. Aksh uske paas akar ek bag Sakshi ke haath me thama deta he. Sakshi use dekhti he to usme ek dress tha. Lekin us ek dress ko dekh kar bhi Sakshi bahot khush dikh rahi thi.
Aksh: pehen kar ajana ise jaldi.....
Sakshi: bass abhi ayi...
Wo muskurate hue Aksh se kehti he or bhagte hue apne kamre me chali jati he.
Radha: Aksh beta uske liye sirf ek dress laya tu? Or kuch le ata na beta......
Wo Aksh ke paas akar kehti he.
Aksh: Aai tum chinta kyu karti ho.... Bass dekhti jao aage...
Or wo aage Sakshi ke kamre ki taraf badh jata he, usne apne haatho ko piche kiye usme kuch chupaya hua tha.
Aksh: Sakshi..... hua ya nahi? Kitni der lagayegi?
Wo Sakshi ke kamre ke bahar se kehta he.
Sakshi: ha ek minute ayi....
Fir wo akar apne kamre ka darwaza khol deti he. Sakshi par wo dress kafi jach raha tha, or us se bhi zyada Khubsurat thi Sakshi ki muskurahat. Aksh to soch me padd gaya ke ek choti si gift se hi Sakshi itni khush ho gayi.
Aksh: andar chal.....
Sakshi: kyu? Kya hua?
Aksh: yaar tu sawal bahot karti he... Chalna andar...
Fir Sakshi kamre ke andar ajati he.
Aksh: chal ab us taraf ghum ja...
Fir Sakshi bina kuch kahe ayne ke samne apna chehra fer deti he. Aksh apne haath aage badha kar Sakshi ke gale tak le ata he, or uske haath me ek Gold Chain thi, jisme ek Diamond bhi laga hua tha, or wo kafi chamak raha tha. Sakshi ka muh wo dekh kar khula ka khula reh gaya tha.
Aksh: jis tarah se tune meri help ki he na... Uske samne agar me is duniya ki sabse kimti chiz bhi tere samne la kar rakh du na... To wo bhi bahot choti si lagegi....
Wo apne haatho se chain ko Sakshi ke gale me pehnate hue kehta he. Sakshi ki akhe ab num ho chuki thi. Lekin tabhi Aksh apni jeb se Gold Earrings nikalta he, or Sakshi ko pehen ne ke liye bolta he. Sakshi ke muh se koi alfaz nahi nikal pa raha tha, wo chup chap Earrings le kar apne kano me pehen leti he. Aksh bass Sakshi ko ayne se niharne me laga hua tha. Sakshi Earrings pehen kar Aksh ki taraf mudti he, uski akhe Asuo se bhari hui thi. Lekin Aksh apni jeb me haath dal kar ek box nikalta he or use kholne ke baat usme se Sakshi ke liye Ring nikal kar Sakshi ko pehna deta he.
Aksh: accha laga Gift?
Wo Sakshi ki akho me dekhte hue puchta he. Sakshi bina der kiye Aksh ko kas kar gale laga leti he, or sisak kar rone lagti he.
Aksh: yaar isme rone wali konsi baat he?
Wo Sakshi ke sar pe haath ferte hue kehta he. Kuch der Sakshi yu hi Aksh ki baho me roti rehti he. Or Aksh se alag ho kar uske aakho me aakhe dalkar dekhne lagti he.
Sakshi: agar me tujhse kuch or mannungi to tu manega?
Aksh: tu bass mujhe bata kya chahiye tujhe?
Wo Sakshi ki aakhe saaf karte hue kehta he.
Sakshi: wo...... Ahh... Wo....
Aksh: kya hua? Bata na Sakshi....
Sakshi: Aksh.... Wo... Jabse tera ye business start hua he, tabse tu apna zyada tar waqt ghar se bahar hi bita raha he, Sunday ho ya koi or din, tu bass kaam me hi fasa rehta he. Or Mujhe.... Mujhe bahot akela sa mehsus hota he.....
Wo narazgi se apna muh fulaye Aksh se kehti he, Aksh ko bhi apni galati ka ehsas ho jata he or wo apne kaan pakad kar Sakshi se mafi mangta he.
Aksh: I'm Really Sorry Sakshi..... Me sach me pagal hu, me apne kaam ke bich ye bhul hi gaya ke koi he jo mere liye sab se zyada ehem he... Mujhe maaf kar de Sakshi.....
Sakshi: Tu... Tu mafi kyu mang raha he? Me tujhe galat nahi keh rahi hu, lekin kya tu... Kuch din tak.....
Wo Aksh ke haath niche leti hui apni adhuri baat kehti he, lekin Aksh uski baat samajh jata he.
Aksh: Done..... Agle 4 dino tak koi kaam nahi..... Tere liye kuch surprise hone wala he....
Sakshi: Surprise? Nahi mujhe koi Surprise nahi chahiye ab....
Wo apna muh fulaye sar naa me hilate hue kehti he.
Aksh: tu chup kar yaar.... Or chal bahar Aai Baba kabse wait kar rahe honge...
Fir wo Sakshi ke saath bahar ajata he, Radha or Santosh to Sakshi ko dekhte hi reh gaye the, Dress se le kar chain or earrings se le kar Sakshi ki Ring... Har chiz Sakshi par jach rahi thi. Sakshi sharmate hue wahi khadi thi.
Radha: Deva... Deva.... Dekho to Sakshi ko.... Kisi ki nazar na lage tujhe.....
Wo Sakshi ke nazdeek akar kala tika karte hue kehti he.
Fir kuch der baad sablog bahar chale jate he Dinner ke liye, aaj inka pura pariwar behadd khush tha. Ghar akar sablog apne apne kamre me chale jate he.
To dosto aaj ke Update me bass itna hi, ab aage dekhna interesting hoga, kya Sakshi ki feelings uspar overpower hogi ya Sakshi use sambhal legi? Aksh ke behtarin Idea ko jesa push milna chahiye tha waisa hi push mil gay, lekin ab kya Aksh is se ek kadam or badhayega? Kyu ke Aksh ki personality aisi thi ke wo thode me samane wala nahi tha, aage uske kya plans honge? Or jis surprise ki baat usne ki he Sakshi se wo kya hogi? Jaan ne ke liye bane rahiye.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Kal Raat ki khushi apne mann me liye Sakshi bechain si so rahi thi, Aksh aaj 6 baje hi uth chuka tha, sabse pehle wo Sakshi ke kamre me chala jata he or Sakshi ke Mobile me alarm off kar deta he. Sakshi bed par ek taraf chehra kiye so rahi thi, Aksh kuch der bass Sakshi ko niharta he.
Aksh(mann me): aaj teri har shikayat dur kar dunga me.....
Wo Sakshi ke nazdeek akar uske baalo ko chehre se hatate hue apne mann me kehta he, or apne kamre me ja kar mobile me kuch kaam karne lagta he, Radha ne apna kitchen sambhal liya tha, Santosh bhi apne kaam par jane ke liye tayar tha, lekin tabhi Aksh Radha ke paas ajata he.
Aksh: Aai..... Ruko.... Koi kaam mat karo aaj....
Wo Radha ko kaam karne se rokte hue kehta he.
Radha: are are.... Kya ho gaya? Tere Baba ko kaam par jane me late ho jayega....
Aksh: tum shant raho ek minute.... Baba..... Baba.....
Wo Radha ko chup kara kar Santosh ko bahar bula leta he. Santosh Aksh ki awaz sunkar bahar ajata he.
Aksh: Aai, Baba.... ab aapko 2 din tak chutti he or....
Radha: chutti? Kis baat ki chutti he?
Aksh: meri puri baat to suno.... Baba aap apne kaam par bata dijiye ke aap 2-3 din tak nahi ayenge....
Santosh: aise achanak kyu? Meri kuch samajh nahi araha he....
Aksh: Aai, Baba aap dono to kabhi apne liye waqt nikalne se rahe..... Mene aap dono ke liye 2 din ki trip ka intezam kiya he...
Radha: ek minute.... Ye achanak tune trip or ye sab....
Santosh: ha Aksh.... Me bhi aise achanak kahi nahi nikal sakta..... or....
Aksh: Baba please mana mat kijiye.....
Radha or Santosh Aksh ki baat ko mana nahi kar pate kyu ke itne salo baad unhe Aksh ka ye roop dekhne mila tha, or wo dono is se bahot hi khush the.
Santosh: to hum sab saath jayenge na... Sakshi or tu...
Aksh: darasal Baba me itne waqt se na to Soham se zyada mila, or na hi Neha se.... or ab Sakshi ka college bhi start ho jayega.... To me soch raha hu ke Sakshi, me, Soham or Neha bhi kahi chale jaye....
Santosh: ab.... Me kya kahu? Thik he.....
Uski hami milte hi Aksh khush ho jata he or fir use sari details de deta he, usne car, hotels sara kuch book kar diya tha, kuch hi der me car waha ajati he, Radha or Santosh khushi khushi apni trip ke liye nikal jate he, Aksh akar dekhta he ke Sakshi abtak soyi hui he, wo Sakshi ko sone deta he or Soham ko call kar deta he.
Darasal usne kal raat me hi sabkuch soch liya tha, ab Sakshi ka college kuch waqt baad shuru hona tha, or ab barish ka mosam ane laga tha to use is waqt Matheran se acchi koi or jagah nahi lagti.
Waha Soham Aksh ka call dekh kar fatak se utha leta he.
Soham: are bhai..... Itne dino baad call kiya, sab thik he na?
Wo Aksh ka call dekh kar kafi heran sa reh gaya tha.
Aksh: are ha yaar, sab kuch thik he.... Tu bata kesa he?
Soham: me to bilkul thik hu bhai, tu apna bata, kesa chal raha he business?
Aksh: sabkuch bahot accha chal raha he.... Waise me soch raha tha kyu na tu, Neha, me or Sakshi 2-3 kahi trip par jate he na....
Soham: zarur yaar....... kab jana he?
Aksh: aaj hi chale jate he.....
Soham: are yaar..... 2-3 din ka plan aise suddenly kon banata he be? Or waise bhi me 2 din pehle hi Nani ke ghar aya hu, or humara plan he next month tak yaha rehne ka.....
Aksh: ohh.... Ye to gadbad ho gayi.... Koi baat nahi, tu aja tabb bhi fir se jayenge.... Lekin Sakshi ko mene abhi hi ghumana he to.... Neha ko call karta hu....
Soham: chal thik he, or me ane ke baad zarur jayenge....
Aksh: are ha pakka.... Tu aja...
Soham: chal thik he....
Fir Aksh call cut kar ke Neha ko call kar deta he, Neha to Aksh ka call dekh kar heran si reh jati he, or jaldi se call pick kar leti he.
Neha: Hello.... Hello... Aksh... Tune call kiya mujhe?
Aksh: yaar kya ho gaya tum logo ko? Soham bhi shock tha mene call kiya to, kya nahi kar sakta me tum dono se baat?
Neha: are nahi nahi.... Tu aise call par to dur, samne ho to bhi baat nahi karta..... Anyways.... Bata na kese call kiya?
Fir Aksh use puri baat bat deta he, lekin wo baat sunkar Neha bahot hi lachar si mehsus karne lagti he.
Neha: yaar Aksh.... Sakshi ne tujhe bataya nahi?
Aksh: kya nahi bataya?
Neha: yahi ke mere pair me fracture he.....
Aksh: ohh.... Wo me nahi janta tha yaar, or baat to ye he ke Sakshi ko bhi mene abtak ye baat nahi batayi...
Neha: kya mera naseeb he.....
Wo royi hue swar me kehti he.
Aksh: are koi baat nahi, Soham ko ane de.... Fir hum sab milkar Long trip par jayenge....
Neha: ye thik he.... And ha Aksh.. ab aise hi Normal insan ki tarah pesh ana.... Or enjoy karna dono....
Aksh: okay... Tu bhi apna khayal rakhna...
Neha: okay....
Or fir Aksh call cut kar deta he.
Aksh(mann me): normal insan ki tarah pesh ana? Is se pehle kya Alien bana firta tha me? Chalo koi baat nahi, chalo plan me thode changes kar leta hu.
Fir Aksh apne plan me thode se changes kar deta he, or sabkuch arrange karne me lagg jata he, kuch der baad Aksh uthkar fresh ho jata he or kitchen me jakar Sakshi ke liye breakfast banane lagta he.
Yaha Sakshi ki aakhe dhire dhire khulne lagi thi, Sakshi ki nazar jab ghadi par jati he to wo heran si reh jati he.
Sakshi: kya? 9 baj gaye..... Or mera alarm kyu nahi baja? Ahhh..... Aalsi ho gayi hu me ek number ki....
Wo hadbada kar uth jati he or jaldi se fresh ho kar apne kamre se bahar ajati he lekin subah uthkar sabse pehla chehra use Aksh ka nazar ata he jo kitchen me kuch paka raha tha, Sakshi muskurate hue Aksh ko dekhte wahi tham si jati he. Aksh ki nazar murti bani Sakshi par padd jati he.
Aksh: Sakshi.... Kya hua? Aise kyu khadi he?
Sakshi: ah.... Nahi... Nahi... Wo to...
Aksh ki awaz sunkar wo apni soch se bahar akar khudko sambhalte hue kehti he.
Sakshi: tu... Tu kitchen me kya kar raha he? Or Aai kaha he?
Uski baat par Aksh kitchen se bahar ajata he or Sakshi ka haath pakad kar use sofe par bitha deta he. Sakshi kuch samajh nahi pa rahi thi, fir Aksh use bata deta he ke Radha or Santosh kuch din ghumne gaye he.
Sakshi: waise ye tune thik kiya Aksh..... Baba humesha apne kaam me fase rehte he or Aai ko to ghar ke kaamo se fursat milti nahi.... Chal ab tu beth ja me kuch bana deti hu....
Wo khushi se apni jagah se uth te hue kehti he. Lekin tabhi Aksh use firse niche bitha deta he.
Aksh: yaar itna bhi bura khana nahi banata me....
Sakshi: waisi baat nahi he... Me bana.....
Wo is se aage kuch kehti ke Aksh apna haath uske honto par rakh kar use bolne se rok leta he. Dono ke chehre is waqt ek dusre ke kafi kareeb the, Sakshi to bass Aksh ki aakho me dekhne lagti he.
Aksh: bahot maza ata he tujhe kaam karne me?
Lekin Sakshi uski baat ka koi jawab nahi deti, or kese deti, wo to Aksh ki aakho me madhosh si ho gayi thi.
Aksh: kaha kho gayi?
Wo apna haath Sakshi ke muh par se hatate hue kehta he. Sakshi uski baat se hosh me ajati he.
Aksh: ab bethi reh yaha chup chap.....
Wo kitchen ki taraf jate hue kehta he, or apne kaam me lagg jata he. Sakshi to bass Aksh ko dekhe apna dil pyaar se bhar rahi thi. Aksh plate me Sakshi ke liye uske favorite Kanda Pohe le kar ajata he or saath me chay. Sakshi to aaj bahot hi khush thi, lekin use pata nahi tha ke Aksh aage kya karne wala he. Nashta karne ke baad Aksh apni gadi ki chabi le kar Sakshi ke paas ajata he.
Aksh: Sakshi me bass 15 minutes me wapis araha hu, tu tayar ho ja, or apne 2 din ke kapde bhi pack kar lena....
Sakshi: ek.... Ek... Minute..... Tayar ho jau, or kapde pack.... Aksh tu....
Aksh: yaar tu jo kaha he wo karna.... 15 minutes me tu tayar dikhni chahiye mujhe....
Wo tezi se ghar ke bahar jate hue kehta he, Sakshi bhi uske piche darwaze ke paas ajati he.
Sakshi: are lekin mujhe puri baat to bata.... Aksh.... Aksh.... Sunn....
Wo Aksh ke piche ate hue us se puch rahi hoti he lekin Aksh bina jawab diye bike par beth kar nikal jata he.
Sakshi: Bavlat..... Kuch batata bhi nahi he....
Wo narazgi se apna muh fulaye kehti he, or ab uske paas koi chara nahi tha, siwaye Aksh ki baat maan ne ka. Wo ja kar Aksh ne kal raat laya dress pehen leti he or kuch kapde bag me pack kar ke Aksh ka intezar kar rahi hoti he, tabhi Aksh ghar ajata he, wo apne saath Karim ki Car le kar aya tha.
Sakshi: Aksh please bata bhi de na kaha ja rahe he hum?
Wo Aksh ka haath pakadte hue pareshan si hokar kehti he.
Aksh: are tujhe kya ho gaya? Ghumne hi to ja rahe he na?
Sakshi: are lekin tu bata kyu nahi raha kaha ke jana kaha he?
Ab Sakshi kafi frustrate ho gayi thi, Aksh uski halat par mann hi mann hase ja raha tha.
Aksh: accha thik he, to hum ja rahe he Matheran, Khush?
Sakshi: Matheran?
Wo Matheran ka naam sunkar andar hi andar kafi khush ho gayi thi. Or uski khushi uske chehre par saaf nazar arahi thi. Aksh apne kamre me ja kar kuch kapde bhi pack kar leta he. Uske baad Aksh or Sakshi apni 2 din ki chutti manane nikal jate he. Aaj Sakshi ka chehra dekh kar koi bhi saaf saaf bata sakta tha ke wo kitni khush he. Upar se aaj ka mosam bhi bahot khushnuma tha. Aksh car drive kar deta he or low sound par gaane chala deta he.
"Bakhuda..... Tumhi ho... Har jagah.... Tumhi ho,
Ha me dekhu jaha jab, us jagah tumhi ho,
Ye jahan.... Tumhi ho, wo jaha.... Tumhi ho,
Is zameen se falak ke, darmiyan tumhi ho"
Aksh pure dil se ye gana gun guna raha tha, lekin Sakshi chori chupe uske besure gane par apni hasi dabane ki koshish kar rahi thi. Ab ye gana tha Atif Aslam ka, or ab bari thi High Notes ki.
Aksh puri feel ke saath apne aap ko singer samajh betha tha, or pure josh se high notes gaa raha tha, lekin is baar Sakshi apne aap ko rok nahi pati or Zor zor se Aksh par hasne lagti he. Aksh bechara herani se Sakshi ko dekh raha tha. Lekin Sakshi ka hasna rukne se raha.
Aksh: kya hua? Itna kyu hase ja rahi he tu?
Sakshi: Aksh.... Sorry lekin.... Lekin tu bahot bada besura he.... Hahahaha
Ye kehte hi wo apni hasi ko rok nahi pati or firse hasne lagti he. Aksh apni bezzati karake ab gana hi band kar deta he. Lekin Sakshi ko itna hasta hua dekh kar Aksh kafi khush lagg raha tha, is baar wo janbujh kar music off karke khud gane lagta he, Sakshi ka hass hass kar bura haal ho chuka tha.
Sakshi: Aksh... Please.... Please band kar de tera gana..... Mera pet dard karne laga he ab....
Wo Aksh ko gane ke bich me kaat te hue kehti he.
Aksh: chal thik he.... Baki agar mere gane se tujhe hasi arahi ho to me puri zindagi gata rahu.... Or tujhe hasata rahu.....
Wo Sakshi ki aakho me aakhe dalkar muskurate hue kehta he. Sakshi bhi bass muskurate hue usko dekhne lagti he.
Aise hi hasi mazak karte hue dono ka safar chal raha tha, wo dono hi behadd khush the or dono ki Khushi ka raaz ek hi tha, or wo tha ek dusre ke saath.
Aaj ke Update me bass itna hi, aage dekhte he kya ye trip Sakshi or Aksh ko ek dusre ke or bhi nazdeek le ayegi? Lekin dosto ek bahot bada incident Aksh ki life me ane ka intezar kar raha he, ab wo incident apne saath khushi layega ya dukh, ye to ane wale Updates me hi pata chalega. And I know ke Update kafi chota sa he, but story ko flow me rakhne ke liye karna pada, or ha, apni job change ho chuki he, to ab Update me zyada delay nahi hoga.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Raftar se dod rahi car ke shishe niche the, tez hawaye Sakshi ki zulfo ko hawa de kar uda rahi thi, Or Sakshi ke mann me bhi koi baat thi, jiske karan uske dil or dimag se jung chal rahi thi.
"Nahi aisa kuch bhi nahi he..... To fir me is bare me hi kyu soche ja rahi hu? Na chahte hue bhi me..... Me apni khushiyo ke liye dusro ki zindagi barbad nahi kar sakti.... Lekin in sab baato se chutkara pana mere liye bahot mushkil ho raha he.... Kya karu me"
Sakshi apne mann me behadd badi duvidha se ladd rahi thi, wo apni soch se tabb bahar ati he jab Aksh Gadi ko ek jagah par rok deta he. Dono ek restaurant me khane ke liye ruke hue the, dono jab andar jate he to Aksh aage badh kar table ke paas rakhi chair ko piche karta he, taki Sakshi waha akar beth sake, Aksh ki har ek harkat par Sakshi ke dil me uske liye feelings strong hote ja rahi thi. Khana khate waqt Aksh Sakshi se baate kare ja raha tha, lekin Sakshi to bass uski baato me kho si gayi thi or muskurate hue use dekhe ja rahi thi.
Aksh: oye.... Sakshi...
Wo Sakshi ko apni taraf ek takk dekhta hue apne haath Sakahi ke samne lehrate hue kehta he.
Sakshi: ha.... Ha..... Kya hua?
Wo Aksh ki awaz se apni soch me se bahar ate hue kehti he.
Aksh: yaar Sakshi... kon he wo khush naseeb?
Usne behadd ashcharya chakit hokar Sakshi se pucha. Lekin uski baat Sakshi samajh na saki.
Sakshi: kya? Kis ki baat kar raha he tu?
Aksh: are wahi.... Jiske khayalo me tu itni der se khoyi hui he....
Wo khane ka niwala apne muh me dalte hue kehta he. Lekin uski baat se Sakshi clean Bold ho jati he, or uska chehra sharm se laal hone lagta he.
Aksh: oye... Me to mazak kar raha tha, lekin tu to sach me sharmane lagi... Yane ke sachme koi he jo.....
Wo Sakshi ko sharmata hua dekh uspar haste hue kehta he.
Sakshi: tu mujhe yaha ghumane ke laya he ya mujhe pareshan karne ke liye?
Wo narazgi se apna muh fulaye Aksh se kehti he.
Aksh: ohh sorry... Me to bass mazak kar raha tha...
Wo apne kaan pakad kar Sakshi se maafi mangta he. Dono kuch der aise hi hasi khushi waha bethe khana kha rahe the, or kuch der baad dono ne apna safar shuru kar diya.
•
•
•
•
•
•
•
•
Place: Surat, Gujrat
Virani Industries me Company ke 3 head Employees ek Meeting Room me bethe hue the, is meeting ko Suhana aage badha rahi thi, kuch der tak ye meeting chalti he, Suhana Meeting khatam hote hi Aman ke cabin me chali jati he.
Aman: come in.... Betho Suhana....
Fir Suhana Aman ke samne ki chair par beth jati he.
Suhana: Sir.... Abhi mene humare Head Employees se ek meeting ki thi.... Jisme mene ek Start Up ke bare me humare Head Employees se sujhav liya tha.
Aman: accha? Aisa kya Start Up he ye?
Suhana: Sir... Darasal Mumbai me ek new Start Up shuru hua he... Or bass kuch hi waqt me wo behadd hi Successful raha... Ek alag hi concept thi, darasal ek chalta firta garage hi bana diya, ek App ki madat se. Jisme koi bhi apni gadi ko apne hisab se modify kar sakta he, or fir jab use ye modification accha lagta he to wo sidha unke Garage par visit kar ke ise anjam de sake, or bahot sari new concept isme shamil he Sir...
Aman: hmm.... To tum kya kehna chahti ho? Ke hum bhi ye Business ko shuru kar de?
Suhana: no sir.... Lekin ha....
Aman: kya? No.... Ha.... Please saaf saaf baat kaho...
Suhana: Sir hume koi is Business ko shuru se shuru nahi karna he.... Hum kya kar sakte he ke jo is Start Up ka Founder he us se is Business ko acquire kar le... Jis se hume ek bana banaya Business mil jayega....
Suhana ki baat sunkar Aman ko uska idea kafi accha lagg raha tha.
Aman: hmm.... Thik he.... Lekin iska Founder he kon?
Suhana: Sir... Mumbai se hi ek ladka he, Aksh.... Or wo ek Middle class family se belong karta he, usne hi is Start Up ki Shuruwat ki he.... Agar hum ise Acquire kar lete he to Aksh bhi khush, or hum bhi....
Aman: very Good Suhana.... To fir next Week ki Meeting fix kar do... Me khud us Ladke se meeting karunga...
Suhana: Okay sir... Me aaj hi Contact karti hu unse...
Fir Suhana Aman ke cabin se bahar ajati he, or apne cabin me jakar Aksh ke business handle par Mail kar deti he.
•
•
•
•
•
•
•
•
Place: Matheran, Maharashtra
Aksh or Sakshi Matheran pahoch chuke the, Aksh ek behadd hi sundar Cottage ke samne car ko rok deta he, Jab usne Sakshi par nazar dali to wo soyi hui thi, Aksh car ke bahar ajata he, bahar ek aadmi khada hua tha, wo akar sara saman andar le jata he, or waha se chala jata he, Aksh Sakshi ki taraf ka door open kar ke Sakshi ko jagane lagta ne, Sakshi apni aakhe masalte hue nind se jaag jati he.
Aksh: kya yaar Sakshi.... Tu to mast so gayi, ab utar bhi ja...
Sakshi: ha... Ha....
Fir wo apni seat belt kholne ki koshish karne lagg jati he lekin wo khul nahi rahi thi, tabb Aksh wahi se andar jhukte hue Seat belt kholne ki koshish karta he, Uska chehra Sakshi ke bilkul samne tha, wo Seat belt ko dekh raha tha or Sakshi uske chehre ko. Aksh seat belt khol deta he or Sakshi ki taraf dekhne lagta he to Sakshi bass use dekh muskuraye ja rahi thi.
Aksh: kya ho gaya?
Sakshi bass muskurate hue naa me sar hilati he. Jab Sakshi car se bahat utri to samne ka wo ghar dekh uska muh khula ka khula reh gaya.
Aksh: kesa laga?
Wo Sakshi ke bagal me khada ho kar puchta he.
Sakshi: bahot hi pyaara laga....
Wo khushi se uchalte hue kehti he, Sakshi ki khushi dekh kar Aksh ko apna plan puri tarah se worth lagg raha tha.
Dono hi us Cottage ke andar ajate he, jitna sundar ye ghar bahar se tha utna hi andar se bhi tha, yaha 2 bedroom the, dono ek ek room me chale jate he or fresh ho kar kafi der tak bate karne lagg jate he, kuch der baad dono ka khana bhi yahi ajata he, aaj ka din to waise hi nikal chuka tha, to dono kal pura Matheran ghumne wale the. Raat ke khane ke baad dono bahar bane lawn me bethe baate kar rahe the. Raat ko kareeb 10 baje dono apne apne kamre me chale jate he sone ke liye. Lekin nind na to Sakshi ko arahi thi, or na Aksh ko.
Sakshi bass chatt ko dekh muskurate hue kuch soche ha rahu thi.
Sakshi(mann me): kitna accha lagg raha he na aaj sabkuch.... Aksh ne kitna accha intezam kiya he mere liye, mujhe to aisa lagg raha he ke Aksh or me bhai behen nahi... Balki.....
Lekin jab use ehsas hua ke wo kya sochne ja rahi he, tabb uska chehra sharm se laal ho gaya tha. Wo ulti let kar apna chehra takiye me chupa leti he.
Sakshi(mann me): ahhh.... Me sachme bahot bigad rahi hu.... Aksh.... Ye kya kar diya tune mujhe? Lekin shayad ab mujhe is sacchayi ko maan na hi hoga me Aksh se......
Wo sidhi let kar takiya apne sine se kas kar lagate hue kehti he. Ab Sakshi sone ki kafi koshish kar leti he, lekin koi fayda nahi hua, use ab nind hi nahi arahi thi, tabb wo uthkar Aksh ke kamre ki taraf badh jati he. Sakshi dekhti he ke Darwaza khula hi he, wo dhire se darwaza khol deti he, andar Aksh bed par letkar apna mobile use kar raha tha.
Aksh: Sakshi...... Kya hua?
Wo Sakshi ko itni raat ko apne kamre me aya dekh kar puchta he.
Sakshi: wo.... Wo me.... Ahh....
Wo darwaze se andar akar Aksh ke samne apna sar niche karte hue kehti he.
Aksh: kya hua? Bolna kya baat he?
Sakshi: wo mujhe... Mujhe nind nahi arahi, to kya.... Kya me yahi... So jau?
Wo Aksh se ek dafa nazre milakar firse niche nazre karte hue kehti he.
Aksh: isme puchne wali kya baat he.... Aja...
Wo bagal me sarak kar Sakshi ke liye jagah banate hue kehta he. Fir Sakshi akar Aksh ke bagal me let jati he. Lekin baat to ye thi ke dono ki aakho se nind koso dur chali gayi thi.
Aksh: Sakshi ek baat sach sach batayegi?
Wo bina Sakshi ko dekhe, chatt ko ghurte hue kehta he.
Sakshi: ha puchna....
Wo Aksh ki taraf mudte hue kehti he. Fir Aksh bhi Sakshi ki taraf ghum jata he or uski aakho me aakhe dalkar dekhne lagta he.
Aksh: yaar mene is bare me humesha tujhse mazak kiya he, lekin aaj sach puch raha hu.... Tu sach me kisi ladke se pyaar nahi karti?
Uske sawal par Sakshi ek gehri saas bhar leti he.
Sakshi: ha... Karti hu....
Wo Aksh ki aakho me aakhe dalte hue kehti he.
Aksh: sach me? Kon he wo?
Wo kafi heran sa rehkar puchta he.
Sakshi: tu.....
Uski baat Aksh mazak me le kar hasne lagta he.
Aksh: yaar Sakshi.... Pyaar to me bhi tujhse is duniya me sabse badhkar karta hu... Lekin me us tarike se nahi puch raha hu...
Wo bed par uthkar beth te hue kehta he.
Sakshi(mann me): ab me kese batau Aksh tujhe.... Tu to ye sab mazak samajh raha he.. lekin me... Me sachme tujhse pyaar karne lagi hu....
Ye sochte waqt Sakshi ki aakho se asu ki halki si bund ajati he, wo jaldi se apne aasu ponch kar uth ke beth jati he.
Sakshi: waise tujhe kyu itni dilchaspi he in baato me?
Wo mahol ko aise hi halka rakhne ke liye Aksh se puchti he.
Aksh: are bhai mujhe bhi to pata chalna chahiye na... Ke kiske bhaag itne khul gaye...
Uski baat par Sakshi apna sar Aksh ke kandhe par rakh deti he. Aksh bhi halke se apna sar Sakshi ke sar pe rakh deta he, kuch der tak dono bina baat kiye bass in lamho ko ji rahe the.
Agli subah Sakshi nind se jaag jati he or aaj bhi usne apne aap ko Aksh ke upar leta paya. Isbar wo bina hadbadaye muskurate hue firse apna sar Aksh ke sine me chupa kar apni aakhe band kar leti he.
Kareeb 10 baje dono fresh ho kar wahi breakfast kar lete he or bahar ghumne nikal jate he. Aksh se saath safar se Sakshi ko bahot khushi ho rahi thi, ghumte hue dono ek jagah ruke the or unhe apni photo khichani thi, tabb Aksh ko ek ladka ladki waha khade dikhaye dete he, Aksh unse Sakshi or apni photo khichne ke liye kehta he. Ladka Aksh ka phone le kar usi tasveer khich raha tha.
Ladka: yaar kya kar rahe ho bhai? Bhabi se jhagda hua he kya? Zara pyaar se ruko na....
Uski baat sunkar Sakshi ke hosh udd jate he lekin uski to saase hi tham gayi jab Aksh ne apna haath piche se Sakshi ki kamar par rakh diya, jis se Sakshi to ek pal ke liye uchal padti he. Wo apna muh khole Aksh ko dekhe ja rahi thi.
Ladka: are Bhabi ji.... Camera ki taraf dekhiye na...
Uski baat sunkar Sakshi hosh me ati he or camera ki taraf dekh tasveer khicha leti he. Uske jane ke baad Aksh photo me Sakshi ki sharm dekh pa raha tha, or muskurate hue Sakshi ko dekh raha tha.
Sakshi: aise hass kyu raha he tu?
Aksh: wo.. wo... Us ladke ko hum shadi shuda kyu lagg rahe the?
Sakshi: to fir bataya kyu nahi tune ki me teri behen hu..
Wo jhuti narazgi dikhate hue kehti he.
Aksh: to tu keh deti na ke ye mera bhai he.... Kyu nahi kaha fir?
Ab uski baat ka jawab Sakshi ke paas nahi tha. Fir dono aaj ka pura din ghumne me nikal dete he, Raat ko bhi Sakshi Aksh ke saath hi so gayi thi, use Aksh ke saath sone me kafi sukoon sa mehsus ho raha tha. Dusre din bhi dono ghumne nikal gaye or shaam ko 7 baje firse Mumbai ane ke liye nikal jate he. Raat ke kareeb 10 baje wo dono ghar ajate he, jaha Santosh or Radha aaj hi sham ko ghar laute the. Thakan ke karan sablog bass akhe band karte hi nind ki agosh me chale jate he.
To aaj ke Update me bass itna hi, aaj shayad Sakshi ne puri tarah se apni feelings ko samajh liya tha, lekin aage in sabka anjam kya hoga? Kya Sakshi apni feelings Aksh se share kar payegi? Or jab Aksh in sabke bare me sunega to? Wahi Aman ne Aksh ke business ko Acquire karne ke baare me soch liya tha, ab Aksh or Aman ki mulaqat kesi hogi? Is Deal ka aage ja kar kya hoga? Jaan ne ke liye bane rahe, kyu ke agla Update puri tarah se game changer hone wala he.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
"Bhai me aapke samne haath jodta hu, please mujhe drugs de do.... please"
Ek 18-19 saal ka ladka bahot hi buri halat me ek dusre ladke ke samne gid gida raha tha.
"Bhosdike.... Dafa ho ja yaha se... Agar paisa he to hi mere samne ana Drugs ke liye, samajha Madarchod... Mere paas itna faltu waqt nahi he...."
Samne khada ladka us gid gidate ladke ko dhakka dete hue kehta he. Or fir waha se aage chalne lagta he, lekin tabhi us Drugs Addict ladke ne niche beth kar, jate hue ladke ke pair pakad liye.
"Bhai..... Please... Me puri zindagi ke liye aapka gulam bann jaunga... Lekin mujhe thoda sa Drugs de do"
Us ladke ne rote hue kaha.
"Hmm... Chal thik he, bann jayega gulam mera?"
Usne niche jhukte hue us ladke se pucha.
"Haa... Lekin mujhe drugs de do"
Wo gid gidate hue us ladke se kehta he.
"Ye le.... Tera aaj ka kaam isme ho jayega, lekin abse tu mera Gulam he, ye baat bhulna mat"
Wo apni jeb se ek Drugs ka packet nika kar use dete hue kehta he, wo ladka bhi jhat se wo packet le leta he.
Waha wo ladka khushi khushi Drugs ka nasha karne lagta he, or wo dusra ladka us se thoda alag akar kisi ko call kar deta he.
Ladka: Hello Mamu.... Ek ladka bhej raha hu aaj...
Dusri taraf: chal thik he Shahid beta.... Accha kaam kar raha he tu....
Shahid: aap hi ka Bhanja hu me Mamu...
Fir wo call cut kar deta he.
To ab aapko pata chal gaya hoga ke ye ladka or koi nahi balki Shahid tha, Darasal Shahid apne Mamu ke saath milkar kaam karta tha, uska Mamu ek bade Gang ka member tha, ab wo kon he ye to aage pata chal hi jayega.
Waha jo ladka Drugs ke nashe me gum hua pada tha use kuch log utha kar gadi me daal kar Shahid ke Mamu ke paas rawana kar dete he.
•
•
•
•
•
•
•
•
Place: Mumbai, Maharashtra
Aaj Aksh kafi dino baad apne kaam par ja raha tha, Aksh uthkar fresh ho gaya or use jane se pehle Sakshi se milna tha, jab wo Sakshi ke kamre me gaya to Sakshi is waqt so rahi thi, sote waqt Sakshi bahot hi pyari dikh rahi thi, jis se Aksh ke chehre par ek muskurahat ajati he, Aksh andar akar apne ungliyo se Sakshi ke chehre par se baalo ko hatata he or fir pyaar se Sakshi ke mathe ko chum kar apne Office chala jata he.
Office par jate hi Aksh apne sare pending kaam pure karne me lagg jata he, Aksh jab apne Mails check kar raha tha to waha use Virani Industries ke naam se ek mail dikhta he, Aksh herani se mail padhne lagta he, lekin jese jese wo Mail padhne laga wo or bhi zyada shock reh gaya, jab use pata chala ke ek itni badi company uske saath koi Business karna chahti he. Mail par Suhana ka number tha, Aksh bina der kiye use call laga deta he, is waqt Suhana apne kaam par jane ke liye nikli hi the ke use call ajata he.
Suhana: Hello....
Aksh: Hello, Good Morning... Me Aksh... Aksh Joshi, mujhe aapka Mail aya tha Business deal ke regarding....
Suhana: ohh... Mr Aksh.... Good Morning.... Kese he aap?
Aksh: ji me bilkul thik hu....
Suhana: Great.... So me jaan na chahti thi ke kya aap is week Meeting ke liye free he?
Aksh: ji ha... Aap mujhe Date bata dijiye me Meeting ke liye ajaunga...
Suhana: aap takleef na le.... 2 din baad Company ke CEO khud aapse milne Mumbai ayange....
Aksh: accha thik he...
Suhana: okay, so me Sir se baat kar ke Meeting ka Time aapko bata dungi...
Aksh: okay, me aapke call ka intezar karunga...
Suhana: okay bye, have a good day...
Aksh: you too....
Fir wo call cut kar deta he, Aksh ko pata nahi tha ke meeting me kya baat hone wali he, jis se wo kafi nervous bhi tha or khush bhi tha. Berehaal.... Aksh firse apne kaam me busy ho jata he.
Waha ghar pe Sakshi apni aakhe masalte hue nind se jaag jati he, or fresh ho kar apne kamre se bahar ajati he. Santosh bhi aaj jald hi kaam par chala gaya tha, Radha Sakshi ke liye nashta le kar ati he.
Sakshi: Aai Aksh abtak so raha he kya?
Radha: ye kya baat kar di tune Sakshi? Wo to subah subah tere Baba se pehle hi kaam par chala gaya....
Sakshi: ohh.... Thik he....
Fir Sakshi apna nashta khatam kar deti he or apne kamre me ja kar let jati he, use Aksh ke bina kafi akela sa mehsus ho raha tha. Wo bass karwate badal rahi thi lekin uske dil ko bilkul chain nahi mil raha tha.
Sakshi (mann me): ahh..... Ye kya ho raha he? Aksh ka ek pal dur hona bhi mujhe itna bechain sa kar raha he, Aksh.... Bavlat, ye kya jadu kar diya tune mujhpar?
Wo kafi frustrate ho kar khud se kehti he.
"Mene to kuch bhi nahi kiya yaar"
Piche se Sakshi ko Aksh ki awaz ati he, wo jaldi se piche mudkar dekhti he to samne Aksh khada tha.
Sakshi: kya kuch nahi kiya.... Pata nahi kyu... Me.... Me tujhse pyaar karne lagi hu...
Wo bed se uthkar Aksh ke samne akar kehti he.
Aksh: lekin aisi kya wajah thi, jo tu mujhse pyaar karne lagi?
Sakshi: bewajah.... bewajah pyaar kar bethi me tujhse..... Or waise bhi, jo pyaar bewajah ho jaye uski khubsurti hi alag hoti he...
Aksh: lekin ye duniya kya kahegi Sakshi?
Sakshi: Aksh meri duniya... Mera jo kuch he, ab sirf yahi he....
Wo dusri taraf mudte hue apni num aakho se kehti he.
Aksh: or agar teri ye duniya ujad gayi to? To kya karegi?
Uski baat sunkar Sakshi ke hosh udd jate he.
Sakshi: kya matlab ke.....
Wo tezi se piche mudkar kehti he lekin waha to koi nahi tha, lekin is se Sakshi ki dhadkane hi tez ho chuki thi, uske pasine chutt chuke the.
Sakshi: bata na... Kya matlab tha tere kehne ka?
Wo dari sehmi si apne kamre me yaha waha dekhte hue kehti he. Lekin tabhi Radha uske kamre me ajati he, Sakshi ko aisa akele me badbadata dekh wo heran si reh jati he.
Radha: Sakshi.....
Uski awaz sunkar Sakshi hosh me ajati he.
Sakshi: ha.... Ha Aai.... K.. kya hua...
Wo hadbada kar khudko sambhalte hue kehti he.
Radha: tu pagal ho gayi he kya? Kis se baat kar rahi thi?
Wo andar akar Sakshi ke sar se haath ferte hue puchti he.
Sakshi: kuch nahi Aai... Wo... Wo me to bas aise hi.... Tum kaho na.. kya hua?
Wo hadbadate hue baat ko badalne ki koshish karti he.
Radha: me to bass tujhe mere kaam me haath batane ke liye bulane ayi thi, lekin tujhe kya ho gaya?
Sakshi: mene kaha na Aai kuch nahi hua... Tum chalo...
Wo baat ko sambhalte hue kehti he or kamre se bahar jane lagti he. Fir Radha bhi bahar akar apne kaam karne lagti he. Sakshi ne apne sare kaam khatam kar liye the, lekin ab bhi use bahot bechaini si ho rahi thi, tabb wo Neha se milkar ane ka faisla karti he.
Sakshi Radha ko bata kar bahar ajati he or ja kar Bus stop par bus ka intezar karne lagti he. Kuch hi der me waha bus agayi, Sakshi usme bethkar nikal jati he Neha se milne.
•
•
•
•
•
•
•
•
Place: Surat, Gujrat
Jis ladke ko Shahid ne gaadi me bheja tha use le kar kuch log ek khandar me ajate he, jaha ek aadmi haath me gun le kar betha hua tha, us Drug addict ko kisi janwar ki tarah ghasit te hue us aadmi ke samne fek diya jata he, lekin us ladke ko koi farak nahi pad raha tha, kyu ke wo to drugs ke nashe me tha. Wo aadmi ladke ko dekhta he, or apne aadmi ko ishara karte hue use waha se le jane ko kehta he. Fir jo log us ladke ko yaha lekar aye the, wo log waha bethe aadmi se ijazat lekar wapis jane lagte he ke tabhi wo aadmi un logo ko rok leta he, wo aadmi apni jeb se paiso ki gaddi nikal kar unme se ek aadmi ke haatho me fek deta he.
Aadmi: shukriya Abdul Bhai.... Salam....
Wo niche jhuk kar Abdul se ijazat le kar waha se chala jata he.
To waha betha aadmi or koi nahi, Rana ka khas, Abdul tha, or Shahid Abdul ka bhanja. Abdul kuch der wahi betha raha, tabhi us khandar me ek Police ki gaadi ajati he, usme se ek Commissioner bahar nikalta he, or khandar ke andar jane se pehle, Khandar ki rakhwali karte log, uski talashi le kar use andar jane ki ijazat de dete he, Commissioner ke paas ek case tha.
Aadmi: bhai.... Commissioner aya he...
Wo Abdul ke paas akar kehta he.
Abdul: bhej andar....
Aadmi: thik he...
Fir wo kamre se bahar ja kar Commissioner ko andar bhej deta he.
Commissioner: Salam... Abdul bhai... Salam....
Wo Abdul ki taraf akar haath aage badhate hue kehta he.
Abdul: Salam.... Commissioner sahab.... Aaye Bethiye...
Wo bhi jawab me Commissioner se haath milkar use bethne ko kehta he. Dono amne samne chair par bethe hue the.
Abdul: kahiye.... kya lenge? Whiskey, Vodka ya fir Wine?
Commissioner: aaj kuch bhi nahi.... Aaj kafi kaam he, bass mene jo aapse phone par baat ki thi wo....
Abdul: ha zarur.... Chaliye....
Wo apni jagah se uth te hue kehta he, Commissioner bhi uske piche hi uthkar chalne lagta he, wo dono andar bane ek pinjare ke paas ajate he, jisme bahot se logo ko kaid kar ke rakha hua tha.
Abdul: chun lijiye konsa janwar chahiye...
Fir commissioner aaj hi waha laye gaye us ladke ko chun leta he. Abdul apne aadmi ko ishara karte hue us ladke ko bahar nikalne ko kehta he. Wo aadmi us ladke ko bahar nikal deta he.
Commissioner: ek minute.... Ye hatkadi pehna du...
Fir wo us ladke ko hatkadi pehna deta he, wo aadmi ladke ko le jakar commissioner ki gadi me daal deta he. Commissioner Abdul ko ek paiso se bhara bag de deta he, Abdul usko apne aadmi ke paas de deta he, fir Commissioner us ladke ko le kar ek khali si jagah chala jata he, or use gadi se utar deta he.
Commissioner: Drugs chahiye tujhe?
Wo us ladke ko thik se khada karte hue puchta he. Drugs ki baat sunkar to jese us ladke me takat ajati he.
Ladke: ha.... Mujhe chahiye....
Commissioner: chal thik he... Wo samne ped dikh raha he na? Uske piche rakhe he... Ja le le....
Wo samne ke ped ki taraf ishara karte hue kehta he. Ladka apne haath hatkadi me bandhe hue us ped ki taraf bhaag raha tha, lekin uska dodna Commissioner piche se us ladke ko goli maar kar rok deta he. Jese hi goli us ladke ko lagi wo dhadam se zameen par gir jata he, or uski saase puri tarah se ruk jati he.
Darasal Commissioner bade bade politicians, naamchin logo se paise le kar fake encounter kar deta tha, unke admiyo ko bachane ke liye. or uske liye Rana se Drugs addict logo ko kharid ta tha.
•
•
•
•
•
•
•
•
Place: Mumbai, Maharashtra
Sakshi bus se utar kar kuch dur tak chalne lagti he, jaha par Neha ka ghar tha, jab Sakshi ghar ke andar Neha ke Room me jane lagi to tabhi uske samne Aksh us kamre se nikla, jise dekh kar Sakshi ko jhatka sa lagta he.
Sakshi: Deva..... Tu mera picha yaha bhi nahi chhod raha he, ghar pe Aai ne Pagal samajh liya, ab yaha Neha bhi mujhe pagal samajh jayegi.....
Wo roti hui shakal bana kar kehti he or Aksh ko soch me chhod kar Neha ke kamre me chali jati he. Neha use dekh kar kafi khush ho jati he.
Sakshi: ab kesi tabiyat he teri?
Wo bed par Neha ke paas beth te hue puchti he.
Aksh: uski tabiyat to bilkul thik he, lekin teri tabiyat ko kya ho gaya Sakshi.....
Wo darwaze se andar ate hue Sakshi se kehta he.
Sakshi: Deva... Me sachme pagal ho rahi hu, ye ladka mujhe har jagah nazar araha he....
Wo apna matha pit te hue kehti he, lekin uska behavior dekh kar Neha or Aksh dono hi soch me pad gaye the, Ab Aksh pagal sa ho gaya.
Aksh: Sakshi tu thik he na?
wo Sakshi ke nazdeek akar uske kandhe par haath rakhte hue puchta he. Jab Sakshi ko Aksh ka touch hota he tabb ja kar use ehsas hua ke Aksh sach me waha mojud he.
Sakshi: A..... Aksh... Tu... Tu yaha.... Kyu... Kese...
Wo Aksh ko dekh kar hadbadate hu kehne lagti he.
Neha: wo to mujhse milne aya tha, lekin tu aise kyu behave kar rahi thi Sakshi?
Sakshi: nahi.... Nahi wo to me... Kuch bhi nahi...
Aksh: Sakshi please bata na? Kya hua?
Wo Sakshi ke dono haath thamkar kehta he.
Sakshi: Aksh aisi koi baat nahi he... Wo to... Wo to me bass tujhse mazak kar rahi thi.
Aksh: lekin...
Sakshi: ab kitne sawal karega tu... Or... Or mujhe bataya kyu nahi ke tu yaha araha he?
Aksh: wo to me kuch kaam se yahi se guzar raha tha to socha Neha se mil leta hu.
Sakshi: ohh.. thik he...
Sakshi ne kisi tarah situation ko sambhal liya tha, fir wo tino kuch der tak bate karte beth jate he, Aksh Neha se kafi freely baat kar raha tha, or Neha bhi us se kafi has has kar baat kar rahi thi, jo dekh kar Sakshi ko bilkul accha nahi lagta.
Sakshi: Neha... Me chalti, kafi waqt ho gaya he...
Wo apni jagah se uth te hue kehti he.
Aksh: to me yaha ruk kar kya karne wala hu, chal tujhe ghar chhod deta hu me....
Fir wo dono Neha se ijazat lekar ghar ane ke liye nikal jate he, raste me Sakshi kafi naraz si lagg rahi thi, jo Aksh ne bhi dekh liya.
Aksh: Sakshi kya hua tujhe? Tu aise muh fulaye kyu bethi he?
Sakshi: tu Neha se milne kab aya tha? Or mujhe bataya tak nahi...
Wo narazgi se apna muh fulaye kehti he.
Aksh: Yaar Sakshi, tu to aise naraz ho rahi he jese me yaha kuch galat kaam karne aya tha...
Wo mazakiya lehze me kehta he.
Sakshi: accha? Or aisa waisa sochna bhi matt, warna jaan le lungi me teri.....
Wo gusse me apne daat piste hue kehti he, pata nahi kyu lekin Aksh ko Sakshi ka aisa mijaz dekh kar Bahot maza araha tha, wo bahot hi mushkil se apni hasi rok pa raha tha. Kuch der baad dono ghar ajate he.
Aksh: me kuch kaam se ja raha hu, Raat ko 9 baje tak ajaunga....
Wo bike par bethe bethe hi Sakshi se kehta he, lekin Sakshi uski baat ka koi jawab diye bina hi bike se utar kar ghar me jane lagti he. Lekin tabhi Aksh use piche se awaz laga deta he.
Aksh: Sakshi....
Uski awaz sunkar Sakshi piche mudkar dekhti he.
Sakshi: kya?
Wo rukhe swar me Aksh se kehti he.
Aksh: kya?
Sakshi: awaz kyu lagayi tune?
Aksh: mene kaha? Wo to mere dil ne awaz lagayi....
Wo muskurate hue Sakshi se kehta he. Or akhir kaar itne waqt baad Sakshi ke chehre par muskurahat ajati he. Jise dekh Aksh hasne lagta he or bike ghuma kar waha se chala jata he.
Sakshi(mann me): Bavlat.... Ek number ka chalbaz he.... Huhhh...
Wo muskurate hue kehti he or fir ghar me chali jati he.
Raat ko kareeb 8 baje ghar me Radha or Santosh khane ke liye bethe the, Sakshi khane se mana kar deti he. Kuch der baad Aksh ghar ajata he, jise dekh kar Sakshi behadd khush ho jati he, Santosh or Radha apne kamre me chale gaye the, Aksh akar sofe par beth jata he, Sakshi uske liye pani le kar ati he.
Sakshi: tu jaldi fresh ho ja, me khana laga deti hu tere liye...
Wo kitchen ki taraf jate hue kehti he.
Aksh: nahi Sakshi rehne de... Me ek Deal ke liye gaya tha, wahi se khana kha kar aya hu, ab bhuk nahi he bilkul bhi...
Uski baat sunkar Sakshi udas ho jati he. Aksh apne kamre ki taraf badh jata he, Sakshi kitchen me akar saman thik kar rahi thi.
Sakshi: huhhh..... Mene socha Aksh akele hi khana kese khayega, isliye me uske liye bhuki reh gayi, lekin janab to pehle se hi pet puja kar ke agaye the.
Wo narazgi me apne aap se keh rahi thi, lekin Aksh apne kamre me jane se pehle kitchen me firse ajata he Sakshi se kuch kehne, or usne ye baat sunn li.
Sakshi waha se apne kamre me nikal jati he, usne Aksh ko waha khada dekha hi nahi, Aksh kitchen ke andar ja kar e plate me khana paros kar Sakshi ke kamre me chala jata he, Sakshi is waqt udas si bed par leti thi, Aksh waha dekh kar Sakshi uth kar Beth jati he, Aksh akar plate side me rakh uske bagal me beth jata he.
Aksh: yaar Sakshi..... Ye kya tarika hua? Tu kyu bhuki bethi rahi?
Wo Sakshi ke dono haath thamkar kehta he.
Sakshi: me to tera hi intezar kar rahi thi, mene socha kaha tu ghar akele khana khayega, me bhi tere saath hi kha lungi... Lekin... Ab jane de...
Wo apna muh fulaye Aksh se kehti he, uski masumiyat dekh Aksh ka dil to bass pighal sa jata he.
Aksh: sorry Sakshi..... Ab se roz me ghar akar hi khana khaunga, promise....
Uski baat par Sakshi halka sa muskura deti he, fir Aksh use ek niwala khila deta he, Sakshi apne haath se khana kha rahi thi, Sakshi ki nazar Aksh par padti he jo kuch pareshan sa lagg raha tha, tabb Sakshi plate ko bagal me rakh kar Aksh ke haath par apna haath rakh deti he.
Sakshi: kya hua Aksh? Tu pareshan lagg raha he...
Aksh: nahi yaar.... Pareshan nahi lekin.... Lekin... Nervous hu...
Sakshi:. Or wo kis liye?
Aksh: darasal ek bahot bade business man he, unka mail aya tha ke wo mere saath kuch business karna chahte he, or 3 din baad meri unke saath meeting he...
Sakshi: kya? Ye to bahot khushi ki baat he, tu nervous kyu ho raha he?
Aksh: mujhe pata nahi ke akhir Deal kya he? Or agar koi aisi deal hui jo mujhe pasand na aye, to me unhe mana kese karunga? Mujhe sachme bahot darr lag raha he...
Sakshi: Aksh... Jab bhi tujhe darr lag raha ho, ya fir koi bahot bada decision lena ho, tabhi apna haath apne dil par rakhna, or aakhe band kar ke apne dhadkano ko mehsus karte hue ek gehri saas le kar khud se sawal puchna, or jab tu sacche mann se sawal puchega na, to tujhe jawab zarur mil jayega, or agar tere dil se awaz aye ke ye galat he ya sahi he, to fir zyada sochna mat, apne dreams ko logic or kisi reason se tolna mat.... Kyu ke ye awaz sirf tere dil ki awaz nahi he, ye is jahan ke Creator ki, us artist ki awaz he jisne ye sara jahan racha he, ye sirf teri awaz nahi he, ye tere Zindagi ka maksad he, ye tere janm lene ki wajah he... Bhale hi kuch bhi ho jaye, apne dil ki awaz ko sunte jana, or apne kadam aage badhate jana... And I'm sure, ki tabb tu sahi decision le payega...
Wo Aksh ke haath thamkar uski aakho me aakhe dalkar kehti he. Aksh ko uski baat puri tarah se samajh agayi thi.
Aksh: thanks... Thanks Sakshi... Pata nahi yaar agar to tu meri life me na hoti to.... Thanks....
Sakshi: chal ab ja kar so ja...
Aksh: okay... Good Night...
Ye kehte hue wo Sakshi ke gaal par kiss kar deta he, or apne kamre me chala jata he. Lekin uske kiss karne se Sakshi ke chehre ka rang hi udd gaya, or wo kafi sharmane lagi.
Aaj tha Aksh or Aman ki Meeting ka din, Aksh aaj kafi nervous sa tha, subah ke 10 baje hue the, Aman to ki flight bass kuch hi der me Mumbai me land karne wali thi.
Ghar me Aksh jaldi jaldi tayar ho jata he, usne Aaj ek Suit pehna tha, jisme wo kafi dashing lagg raha tha, Sakshi use nashte ke liye bulane uske kamre me ati he lekin jese hi usne kamre me enter kuya to wo bas Aksh ko dekhte hi reh gayi.
Aksh: oye... Kya ho gaya tujhe?
Sakshi: hmm... Bahot hi accha lagg raha he tu....
Wo Aksh ke samne khadi ho kar muskurate hue kehti he.
Aksh: are ye Tie bandhne ki kabse koshish kar raha hu, har baar galat hi bandh rahi he...
Sakshi: rukja... Me bandh deti hu...
Wo Aksh ke haatho se Tie lete hue kehti he, or Aksh ke gale me Tie bandh deti he.
Sakshi: ab thik he... Chal jaldi nashta kar le... Late ho jayega warna..
Aksh: ha chal...
Fir wo sab milkar nashta kar lete he, Santosh subah hi kaam par chala gaya tha, nashte ke baad Aksh ko ab nikalna tha, wo sabse pehle Radha ke pair chu kar uske Ashirwad leta he.
Radha: tera har kaam safal ho....
Wo Aksh ke sar pe haath ferte hue kehti he.
Radha: Sakshi.... Dahi Sakhar gheun ye... (Dahi Shakkar le kar aja)
Fir Sakshi Katori me dhahi le kar ati he or Aksh ko khila deti he. Aksh ghar ke bahar akr bike par beth jata he, tabhi Sakshi uske paas ajati he.
Sakshi: Aksh... Yaad he na mene kya kaha tha? Jo tera dil kahe wahi karna, agar sahi he to sahi he, or galat he to duniya yaha se waha ho jaye wo galat hi rahega...
Aksh: ha yaad he...
Sakshi: hmm... Best Of Luck...
Wo Aksh ko hug karte hue kehti he or use gaal par kiss kar ke ghar ke andar chali jati he. Aksh bike ko apne office ki taraf le jata he, or waha Aman ka intezar karne lagta he.
Yaha Mumbai Airport par Aman Suhana ke saath pahoch chuka tha, wo log car me beth kar kuch der me Aksh ke Office pahoch jate he. Aksh bahar akar dono ko welcome karta he.
Aman: hmm.. to ye he aapka office?
Wo Aksh ke office me charo taraf nazar ferte hue kehta he. Darasal Aksh ka office koi bahot bada nahi tha.
Aksh: ji.... Abhi to bass Shuruwat ki he, bhagwaan ne chaha to jald hi ise upgrade karunga...
Aman: Office chota bada hone se koi farak nahi padta, farak to insan ke Hosle se padta he....
Aksh: thik kaha... Aap please Bethiye na...
Fir Aman or Suhana samne chair par beth jate he, or Aksh bhi samne beth jata he.
Kuch der tak Aman Aksh se kafi sari baate karta he uske business ke regarding, ane wale plans ke regarding.
Aman: to ab main point par ate he.... Dekho Aksh, aap ne ye Start Up to shuru kar hi diya, jo kafi accha chal raha he, lekin jese jese time badhega is field me bhi bahot competition ho jayega, or aise time me bahot se new Entrepreneurs Fail ho jate he.... To mere paas aapke liye ek accha offer he, Virani Industries aapke is business ko Acquire kar degi, with the amount of 50 crores.... Or bass itna hi nahi, is particular business me aapka 10% Stake bhi hoga, that means you will involve in this business for rest of your life, lekin farak ye hoga ke aapke business ka pura handle Virani Industries ke paas hoga.... So... It will be a very good opportunity for you, in future aap or bhi businesses start kar with proper way....
Ab yaha Aksh ke tote ude pade the, use kuch samjh nahi araha tha ke wo is baat ka kya jawab de, ek taraf use Aman ki baat to thik lagg rahi thi, lekin uske dil or dimag me ek jung chal rahi thi, tabhi Aksh ko Sakshi ki kahi baat yaad ajati he, Aksh apna haath apne dil par rakh deta he, or aakhe band kar ke apne aap se iska jawab mang ne lagta he. Aksh ki is harkat par Aman or Suhana herani se ek dusre ko dekh rahe tha. Lekin tabhi Aksh ke chehre par ek muskurahat si ajati he, shayad use apne sawal ka jawab mil gaya tha. Aksh pehle puri tarah se relax ho jata he or apni aakhe khol leta he.
Aksh: aapka offer waqayi me accha he.... Lekin I'm sorry, mujhe ye deal nahi karni.....
Join Our
Discord Server
For Daily Updates
