Aksh: aapka offer waqayi me accha he.... Lekin I'm sorry, mujhe ye deal nahi karni.....
Wo khushi Khushi is deal ko reject kar deta he, lekin is se Aman or Suhana heran se reh jate he, kyu ke un dono ko iski ummid nahi thi.
Aman: me puch sakta hu aisa kyu?
Aksh: Sir.... I want to be independent... me jo kuch karna chahta hu, wo apne hosle se karna chahta hu, jesa ke aapne kuch der pehle kaha.... Farak insan ke Hosle se padta he.
Aman: Hosle ke saath saath paiso ki bhi importance hoti he....
Aksh: bilkul thik kaha, zarurat hoti he.... Lekin zarurat or lalach ke bich ki line kafi kam log dekh pate he...
Aman: or sirf yahi wajah he ke aap itni badi amount ko mana kar rahe ho?
Aksh: Sir... Me pehle bhi is paiso ke daldal me fas gaya tha, waha se bahot hi mushkil se me bahar nikal paya hu, or agar is bar me us daldal me chala gaya to mera wapis bahar ana namunkin ho jayega....
Aman: hmm... Mujhe lagta he tumhare andar ek darr he, ke shayad future me koi dusra business successful ho ya na ho or....
Aman aage kuch bol hi raha tha ke Aksh uski baat bich me kaat deta he.
"darr..... Darr to pehle tha, lekin ab baat wade ki he.... Wo wada jo mene ek bacche se kiya tha, jiska sapna sirf apne pariwar ko khush rakhna tha... Lekin jab me bada hua, to mene us bacche ki awaz ko sunna hi band kar diya, wo baccha mujhse kehta raha, "daro matt, apna wada nibhao" lekin me kaha uski baat sunta, kyu ke me to tabb bada ho gaya tha, busy ho gaya tha, is paiso ke system me fit hone me, me to busy ho gaya tha dusro ki success dekh kar uski nakal karne me, me to busy ho gaya tha, apne frustration ko pleasures se dabane me, or is busyness me, mene wo wada tod diya... Mene us bacche ka dil tod diya... Or uske baad samajh aya ke Zindagi me kuch bhi karo, par us bacche ka dil kabhi matt todo, kyu ke wo sirf ek baccha nahi he, wo mera confidence he, wo meri self esteems he, wo meri khushi he, wo meri energy he, wo meri light he, wo meri himmat he.... Wo Mera zindagi ko excitement ke saath jine ka spark he... Bahot mushkil se wo wada firse pura karne ki koshish kar raha hu, agar is baar mene wo wada tod diya na..... To life me humesha, ek khalipan rahega... Or ho sakta he ke aapki offer maan ne ke baad, mere paas sabkuch ho, par life ko jine ka wo spark hi na ho, wo excitement hi na ho... or sir me darunga kis chiz se? Is comfortable life ko khone se? Failure se? Bure se bura kya hoga, jaan chali jayegi na? To sahi he, wo wada tod kar pal pal marne se accha to yahi hoga na? Jitna darna tha utna darr liya, ab or nahi, ab to meri zindagi ka sirf ek hi maksad he.... Khud se kiya wo wada nibhana or kuch bhi nahi... Wo baccha apna wada pura hone ka wait kar raha he, me uska dil nahi tod sakta...."
Aksh Aman ki aakho me aakhe dalkar bina kisi hich kichahat ke sabkuch bol deta he, lekin uski sari baate sunkar Aman to shock reh gaya tha, kyu ke wo aajtak bade bade logo se mila he lekin kabhi bhi aisi soch rakhne wale insan se nahi mila. Aman ko Aksh ke offer thukrane se kafi hurt hota he.
Aman: okay.... No problem.... As your wish....
Wo apni jagah se khade hote hue kehta he. Aksh or Suhana bhi apni jagah se khade ho jate he.
Aksh: Sir please, aap meri baat ka bura matt maniyega.... Me to....
Wo apne haath jod kar Aman se kehta he.
Aman: are aisi baat nahi he..... har kisi ki soch alag hoti he... Anyways, Best of luck for your future....
Aksh: Thanks sir....
Or wo apna haath Aman se milane ke liye aage badha deta he, lekin Aman bina Aksh se haath milaye hi chala jata he. Aksh samajh gaya ke Aman ko uske decision se kafi hurt hua he. Aksh ka mood ab thoda kharab ho chuka tha. Wo firse apne kuch kamo me lagg jata he.
Waha car me bethkar Aman or Suhana chale gaye, lekin Aman apne dimag me kuch soche ja raha tha, aaj use Aksh ki himmat ke samne apne paiso ki Power bhi choti padti dikhayi di.
Waha Aksh ka mann ab bilkul bhi nahi lagg raha tha, tabb wo apni bike start kar ke ghar jane ke liye nikal jata he.
Waha ghar pe Sakshi akeli TV dekhte hue bethi thi, Radha market ghar ka kuch saman lene ke liye gayi thi. Tabhi ghar ki Doorbell bajti he, Sakshi akar darwaza kholti he to samne Aksh ko khada paati he.
Sakshi: Agaya tu?
Aksh: ha....
Wo rukhe swar me kehkar andar ajata he, or ja kar sofe par beth jata he. Sakshi samajh gayi ke Aksh ki Deal shayad nahi hui he. Sakshi pehle Aksh ke liye pani le kar ati he or pani ka glas Aksh ko de kar uske bagal me beth jati he.
Sakshi: kya hua Aksh?
Wo Aksh ke kandhe par haath rakhte hue kehti he. Fir Aksh aaj ki sari baate Sakshi ko batane lagta he.
Aksh: tujhe kya lagta he Sakshi? Kya mene thik kiya?
Wo Sakshi ki aakho me aakhe dalkar puchta he.
Sakshi: Aksh tune tere dil ki baat mani, or tune bilkul sahi kiya, Aksh tu aaj sahi mayne me apni zindagi me Successful hua he... kyu ke bahot kam log aisi deal ke liye mana kar pate he... I'm Proud Of You....
Wo muskurate hue Aksh ke dono haath thamkar kehti he. Or Aksh ko gaal par kiss kar deti he.
Aksh: lekin unhe mere mana karne se kafi bura lagg raha tha to....
Wo chintit swar me kehta he.
Sakshi: Aksh na to wo iske baad tujhse milne wale he, or na hi tu kabhi unse milne jayega.... in fact itne bade aadmi he wo, bass kuch dino me to ye sari baate bhi bhul jayegnge wo.... To fikar kis baat ki kar raha he?
Wo Aksh ki baat bich me kaat te hue kehti he.
Aksh: fir bhi....
Sakshi: ab zyada sochna chhod de... Or ja, fresh ho kar aja, me khana laga deti hu....
Fir Aksh apne kamre me chala jata he, or fresh ho kar Sakshi ke saath milkar khana kha leta he.
•
•
•
•
•
•
•
•
Place: Surat, Gujrat
Aman apne kamre me gehri soch me betha hua tha, uske dimag me sirf or sirf Aksh ki baate ghum rahi thi, tabhi waha Mansi ajati he, Mansi akar Aman ko piche se Hug kar deti he.
Mansi: Dad....... Aap kab aye?
Aman: are beta me to kabse agay..... Tumhara hi ata pata nahi he....
Wo Mansi ka haath pakadkar use apne samne late hue kehta he.
Mansi: me to shopping karne ke liye gayi thi.... Waise kya hua? Aapki meeting kesi rahi?
Wo sofe par Aman ke bagal me beth te hue puchti he.
Aman: hmm.... Aaj pehli baar meri koi Meeting fail hui he...
Wo nirash ho kar Mansi se kehta he.
Mansi: kya? Ye kese ho sakta he?
Mansi ye sunkar kafi heran si reh gayi thi.
Aman: koi baat nahi.... Tum batao, ab konse college me admission Lena he tumhe? Waqt par Admission kara lena...
Mansi: kya Dad.... Me Mr. Aman Virani, or Mrs. Kiran Virani ki beti hu, mujhe jab chahe tabb kisi bhi college me admission mil sakta he.....
Wo apne jagah se uthkar bade hi rutbe me kehti he.
Aman: Nahi beta.... Paisa..... naam.... Rutba... kayi baar bilkul kaam nahi ata.....
Wo kafi gehri soch me dube kehta he.
Mansi: kya matlab Dad?
Aman: n.... Nahi.... Kuch nahi.... Tum apne college select kar dena.... okay?
Mansi: okay Dad.....
Yaha ek kamre me dhamasan Sex chal raha tha. Pure kamre me ladki ki tez awaze gunj rahi thi, tabhi wo ladka dhadam se us ladki par gir padta he, or dono zor zor se hafne lagte he.
Ladki: ahhh.... Aise hi..... Aise hi us Slut ke saath hashr karna..... Aakho se Asu rukne na paye uske....
Wo lambi lambi saase lete hue kafi gusse me kehti he.
Ladka: chinta kyu karti ho Mohatrma..... Humari begum bana kar na us Mehjabin ki zindagi barbad ki to humara Gala badan se alag kar dijiye ga....
Wo bed se uthkar apne kapde pehente hue kehta he.
Ladki: me bass use rota, chillata, or gid gidate hue dekhna chahti hu..... or ye kaam tumhe hi karna he Shahid...
Shahid: lekin ek baat to bataye Kavita Ji..... Aisi kya wajah he jo aap apni itni Khubsurat dost se jalti ho?
Kavita: Mansi jabb dekho tabb apne naam ka rutba dikhate firti he.... Uska wo sara rutba cheen'na he mujhe.... Uski sari khushiya maatang me Badalte dekhna he....
Shahid: hoga.... Zarur hoga, aap chinta na kare... Bass us se humari baat karvati rahiyega.... Baki kaam to hum bakhubi pura kar denge....
To yaha Shahid or Kavita Mansi ke bare me baat kar rahe the, Kavita humesha se Mansi se jealous rehti thi, Mansi bass mazak masti ke liye apna rob jhadti thi, lekin Kavita ko is se kafi jalan hone lagi. Or Shahid Kavita ka Boyfriend tha, to wo uske saath milkar Mansi ko apne jaal me fasana chahte the.
•
•
•
•
•
•
•
•
"Jise zindagi dhund rahi he, kya ye wo makam mera he....
Yaha chain se bass ruk jau,
kyu dil ye mujhe kehta he...
Jazbat naye se mile he,
jane kya asar ye hua he.
Ek aas mili fir mujh ko,
jo Qubul kisi ne kiya he...
kisi shayar ki gazal,
jo de ruh ko sukoon ke pal...
koi mujh ko yu mila he, jese banjare ko ghar...."
Is gane ki tarah hi Sakshi ki situations ho gayi thi, or Sakshi apne kamre me bed par lete hue yahi gana gun guna rahi thi. Jitne dil se iske singer ne gaane ko nahi gaya hoga, us se zyada dil laga kar Sakshi ise gaa rahi thi, kyu ke har ek line ko Sakshi feel kar paa rahi thi, lekin tabhi uske kamre me Aksh aa dhamakta he. Lekin Sakshi to apni dhun me gana gun gunaye ja rahi thi, Aksh kafi heran sa reh gaya tha, tabb wo ja kar Sakshi ke bagal me beth kar Sakshi ko dekhne lagta he, lekin Sakshi apna Gana jari rakhti he. Aksh to Sakshi ke aise pesh ane se bahot hase ja raha, lekin ab wo khudko rok nahi pata, or zor zor se apna pet pakadke hasne lagta he, Aksh ki awaz sunkar Sakshi ekdum se apni duniya se bahar ajati he.
Sakshi: t..... Tu..... Kya... Kya hua? Tu aise... Has kyu raha he?
Wo Aksh ko zor zor se haste hue dekh puchta he.
Aksh: Yaar.... Mene..... Mene suna tha ke... Ke log pyaar me hosh kho dete he.... Lekin aaj dekh bhi liya.... Hahahaha.....
Wo Sakshi ke samne akar kehta he kr firse haste hue bed par gir jata he, tabb Sakshi ko ehsas hota he ke Aksh ne use gana gate hue sunn liya tha.
Sakshi: aye bavlat..... Chup ho ja, chup....
Wo Aksh ko hasta hua dekh kar gusse me use pakadte hue kehti he.
Aksh: are yaar.... Sakshi tu mujhse kyu chupati rahi ye? Mujhe bata deti na pehle hi....
Wo apne aap ko hasne se rokte hue Sakshi se kehta he.
Sakshi: mene kaha na aisa kuch nahi he.....
Aksh: yaar kyu jhut bol rahi he? Tu to apne Aashiq ki yaado me aise gum ho gayi thi ke tujhe ye bhi pata nahi chala ke me yaha akar betha hu....
Uski baat ka jawab ab Sakshi ke paas nahi tha, tabb Sakshi haklana shuru kar deti he.
Aksh: kya kehna chahti he? Mujhe kuch samajh nahi araha....
Sakshi: are.... Aisa.... Aisa kuch bhi nahi he.... Me to bass aise hi gana gaa rahi thi...
Aksh: chal chal rehne de.... Chehra dekha he apna? Sharm se laal ho chuki he tu... Hahaha
Sakshi: Aksh tu bass karna mujhe satana...
Wo narazgi se roti hui shakal banakar kehti he.
Aksh: chal thik he.... Me to tujhe khane ke liye bulane aya tha, apne yaado ke raaj kumar ko kaho ke khana kha kar ati hu wapis...
Wo Sakshi ke nazdeek akar kehta he, jis se Sakshi gussa ho jati he.
Sakshi: Aksh me sach me maar dungi tujhe chup kar......
Wo gusse me Aksh ko ungli dikhate hue kehti he.
Aksh: accha sorry.... Jaldi se aja bahar, sab intezar kar rahe he tera...
Sakshi: thik he...
Fir Aksh Sakshi ke kamre se bahar jane lagta he, lekin tabhi use Sakshi ko pareshan karne ka mann karta he.
"Tere ishq ne sathiya, mera haal kya kar diya...
Tere ishq ne sathiya, mera haal kya kar diya...
Gulshan bhi ab to virana lagta he.....
Har apna humko begana lagta he..... Hum teri yado me khoye rehte he.....
Log hume pagal diwana kehte he....."
Wo kuch line par zor dete hue Sakshi ko tease kar raha tha, lekin ab Sakshi ka para satve asman par chala gaya, or wo piche se hi Aksh ko marne ke liye badh jati he.
Sakshi: Aksh aaj to tu mujhse pitega hi...
Ye kehte hue wo Aksh par dhava bol deti he lekin Aksh us se bach kar aage bhag jata he or bahar hall me ajata he.
Sakshi: ab bhaag kyu raha he, besharam.... Rukja....
Wo Aksh ko pakadne ki koshish me uske piche bhagte hue ati he.
Radha: kya ho gaya tum dono ko.....
Sakshi: Aai me Aksh ko aaj pitkar rahungi... Bewajah tang kar raha he wo mujhe....
Wo gusse me apne pair patakte hue Radha se kehti he.
Aksh: yaar mene to aisa kuch bhi nahi kiya....
Wo Radha ke piche khada ho kar kehta he.
Sakshi: accha? To samne ana mere..... Fir batati hu tujhe me...
Aksh: ye le... Agaya tere samne, ab bata kya hua? Ya fir me hi bata du?
Wo Sakshi ko aakh marte hue Kehta he, jis se Sakshi chup ho jati he.
Sakshi: tujhe baadme dekh lungi me....
Wo apne daat piste hue dhimi awaaz ne kehti he.
•
•
•
•
•
•
•
•
Place: Surat, Gujrat
Raat ke 12 bajne ko aye the, lekin Aman ki aakho se nind koso door thi, wo bass karvate badal raha tha, uske dimag me sirf Aksh ki kahi bate or uske dwara tukhraya offer baar baar dhyan me arahe the.
Aman uthkar Suhana ko call kar deta he, Suhana itne raat ko Aman ka call dekh kar heran thi, wo jaldi se call pick kar deti he.
Suhana: yes sir... Aapne is waqt..
Aman: Suhana... Kal subah jaldi office ajana...
Suhana: okay sir... Lekin koi problem...
Aman: problem ko hi solve karna he.... Usi bare me baat karni he, Subah jaldi ajana Office...
Suhana: okay sir...
Fir Aman call cut kar deta he, or apne dimag me kuch sochte hue so jata he.
To dosto aaj ke Update me bass itna hi, aaj aksh ne jo kiya, wo sach me kafi kam log kar pate he, 50 crore ki kimat thukrana asan baat nahi thi, lekin Aksh ne paise se badhkar Apne wade ko zyada ehmiyat di. Ab dekhte he Aman kya soch raha he, or aage wo kya karega.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Apne Cabin me Aman Subah se kisi kaam me laga hua tha, Aman to tabhi yaha chala aya jabb Suraj bhi nahi uga tha. Thodi der baad Suhana bhi office ajati he, wo akar sidha Aman ke cabin me chali jati he.
Suhana: Sir aap kis problem ko solve karne ke bare me raat ko keh rahe the?
Aman: Log mujhe humesha se Multi Business Entrepreneur ke naam se hi jante he, or ek Multi Business Entrepreneur ka kaam sirf ek Business ko sambhalne ka nahi hota.... So we are going to start another business....
Suhana: Okay sir... Waise bhi aapke har business successful hote he... And what will be my role sir?
Aman: is naye business ko puri tarah se tum handle karogi.... Lekin yaha rehkar nahi, Mumbai me rehkar....
Mumbai ka naam sunkar Suhana thodi heran ho jati he.
Suhana: Mumbai.... Sir can i ask you ke business model kya he?
Aman: zarur..... Kal humne Mumbai ja kar meeting ki thi, or pehli baar kisi ne meri deal thukra di....
Suhana: aapka Matlab, Aksh....
Aman: sahi kaha.... Hum uska business to Acquire nahi kar paye, lekin ab yahi business me shuru karunga... Wo bhi Mumbai me....
Wo kafi gehrayi se kuch soch kar kehta he. Suhana samajh gayi ke Aman ab Aksh ko compete karna chahta he.
Suhana: okay sir... I'm Ready...
Aman: Good.... Aaj se hi is kaam par lagg jao, or is hi week me Mumbai me ye Business shuru ho jana chahiye....
Suhana: Sir don't Worry.... Sabkuch ho jayega...
Aman: Good.... Ab Aksh ko samajh ayega ke life me kabhi ati hui Laxmi ko mana nahi karna chahiye....
•
•
•
•
•
•
•
•
Place: Mumbai, Maharashtra
Subah ke 7 baje hue the, Aksh aaj kaam par nahi jane wala tha, isliye wo chain se so raha tha. Tabhi uske kamre me Sakshi ajati he, use sota dekh kar Sakshi ke dimag me kuch khichadi pakne lagti he.
Sakshi(mann me): kal raat mujhe sata raha tha na? Ab dekh....
Fir Sakshi Aksh ke paas ajati he or Aksh mo zor zor se hila kar uthane lagti he.
Sakshi: Aksh...... Aksh.... uthja na... Dekh teri Girlfriend ayi he Aai se teri shikayat karne..... Uthna jaldi...
Aksh: ahhh... Kya...
Wo ab bhi gehri nind me hi tha.
Sakshi: are bahar dekh teri Girlfriend Aai se teri shikayat karne ayi he, ja jaldi...
Aksh: ahhh.... Are yaar ye kya? Wo kyu agayi yaha?
Wo apni adhi nind me hi badbadate hue kehta he.
Sakshi: ab jaldi bahar ja...
Wo Aksh ka haath pakad kar bed se uthate hue kehti he. Aksh bechara apni aadhi nind me hi bahar chalne lagta he, Sakshi uske piche khade ho kar aage ka tamasha dekhne me lagg jati he.
Bahar Santosh bethkar News Paper padh raha tha, or Radha kitchen me kaam kar rahi thi, Aksh apni aakhe band kiye waha diwar ko tek laga kar khada ho jata he.
Aksh: umm.... Kya hua?
Wo apni aakhe band kare hi kehta he
Santosh: kya hua?
Wo paper niche kar ke Aksh ko dekhte hue kehta he.
Aksh: wo... Meri girlfriend ayi thi na.... Uhmm meri shikayat karne?
Wo kafi mushkil se apni aadhi akhe kholte hue puchta he, Radha or Santosh ko to kuch samajh hi nahi araha tha, lekin piche khadi Sakshi apni awaz dabaye Aksh par hass rahi thi.
Radha: kya kaha tune? Firse bol....
Wo Aksh ke nazdeek akar use hilate hue kehti he. Ab kahi ja kar Aksh ki nind tut gayi. Or wo yaha waha dekhne laga.
Aksh: kya?
Wo apni aakhe masalte hue puchta he.
Santosh: are abhi tune hi kaha na, teri Girlfriend yaha ayi he teri shikayat karne...
Aksh: kya? Mene.....
Wo apne dimag par zor dalte hue soch raha tha ke tabhi use kuch der pehle hua sara khel samajh ata he, wo jaldi se piche mudkar dekhta he to Sakshi uspar bahot hass rahi thi.
Aksh: Sakshi..... Tu to gayi....
Ye kehkar wo Sakshi ko pakadne ke liye daud padta he. Sakshi bhi furti se apne kamre ki taraf bhagne lagti he, wo tezi se andar ajati he or Darwaza band karne wali hi hoti he ke Aksh akar darwaza pakad leta he.
Aksh: aaj nahi bachegi tu....
Wo apni puri takat lagakar Darwaza khol deta he, Sakshi us se bachne ke liye bed par chaddh kar Aksh ko takiya de marti he.
Aksh: or kaha bhagegi? Tujhe pitkar rahunga aaj me...
Wo Sakshi ke upar jhapat te hue kehta he, or is baar Sakshi uske haath lagg hi jati he.
Aksh: agayi na haath me? Ab kese bachegi?
Wo Sakshi ko pakad kar bed par litate hue kehta he.
Sakshi: ahhh... Chhod Mujhe.... Tune bhi to kal meri masti kari thi na....
Wo Aksh ki kaid se chutt te hue kehti he.
Aksh: wo ab me kuch nahi janta....
Lekin is jhapat ke bich Aksh ka haath fisal jata he, or wo Sakshi ke upar hi gir gaya, ab dono ke badan ek dusre se puri tarah se chipke hue the, dono ke chehre hi apas me kafi nazdeek the. Sakshi Aksh ki aakho me dekhte hue Aksh ke piche se haath dalkar muskurane lagti he.
Aksh: are chhod mujhe....
Sakshi: kyu? Abhi to mujhe marne ke liye daud raha tha na tu?
Wo ek takk Aksh ki aakho me dekh kar muskurate hue us se puchti he. Lekin Aksh ko aise kafi uncomfortable sa feel ho raha tha.
Aksh: umm... Wo... Ahh... Badme dekh lunga tujhe... Ab chhod bhi de mujhe...
Wo Sakshi ki baho se bahar ane ki koshish karte hue kehta he. Sakshi ko bhi laga ke is se zyada kuch karna thik nahi hoga, to wo Aksh ko chhod deti he, Aksh uthkar bed se thoda dur khada ho kar apne aap ko sambhalne lagta he, Lekin Sakshi bhi uske piche hi uthkar Aksh ke nazdeek ajati he or uski aakho me dekhte hue zor se Aksh ko hug kar leti he. Dono ko ek dusre ki dhadkane saaf sunayi de rahi thi.
Aksh: kya ho gaya Sakshi?
Wo Sakshi ke sar pe haath ferte hue puchta he. Sakshi bass naa me sar hilati he, lekin Aksh ko Sakshi ke behavior me kafi samay se badlav sa lagg raha tha. Aksh kuch der takk aise hi khada raha, Sakshi ko to pata bhi nahi lagg raha tha ke waqt beet raha he, uske liye to Aksh ki baho me waqt puri tarah se tham sa jata.
Aksh: ab chhod bhi de mujhe....
Ab kahi ja kar Sakshi ko realize hua ke wo kafi der se Aksh ko hug kare hue thi. Tabb wo hadbada kar Aksh se alag ho jati he. Aksh aage akar Sakshi ke haath apne hatho me thaam leta he.
Aksh: Sakshi.... Kya baat he? Me kafi waqt se tujhe dekh raha hu, tu kuch alag alag si pesh ane lagi he... Agar koi problem ho to please mujhe bata de...
Wo Sakshi ki aakho me aakhe dalkar kehta he.
Sakshi: aisa kuch bhi nahi he Aksh wo to me bass.....
Wo apni nazre Aksh se churate hue kuch keh rahi hoti he ke Aksh uski baat bich me kaat deta he.
Aksh: yaar ab me itna bhi nahi samajh paunga? Please Sakshi.... Bata na kya baat he? Me humesha apne dil ki baate tujhse share karta hu na? Tu bhi bata de na kya hua?
Sakshi: s.... Sach me bata du...
Wo ghabrayi awaz me kehti he.
Aksh: ha bata na....
Ab Sakshi ka chehra kafi gambhir ho chuka tha. Or uski saase kafi tez chalne lagi thi.
Sakshi: Darasal.... Wo.... Aksh.... Umm.. Me.... Me tujhse...
Aaj Sakshi puri himmat juta kar shayad Aksh se apne pyaar ka izhar karne hi wali thi, ke tabhi waha Radha ajati he.
Radha: Aksh tu abtak tayar nahi hua? Beta jaldi aja mujhe bhi bahot kaam pade he.... Or Sakshi tu bhi chal mere kaam me haath bata de....
Sakshi: ha..... Ha... Aai... Bass... Ayi....
Wo Aksh se apne haath chuddate hue kehti he. Fir Radha waha se chali jati he, Sakshi bhi Radha ke piche hi kamre se jane lagi lekin Aksh piche se uska haath pakad kar use rok deta he.
Aksh: are pehle bata na, kya keh rahi thi tu?
Sakshi: are... Me kuch nahi... Me baad me baat karti hu tujhse...
Wo bina Aksh se nazre milaye apna haath Aksh se chuddate hue kehti he, or tezi se kamre se bahar chali jati he.
Aksh(mann me): yaar ye Sakshi ko hua kya he? Aise ajib sa bartav kyu karne lagi he ye ladki? Koi baat nahi, baad me puch lunga...
Fir wo apne kamre me ja kar tayar hone lagta he.
Sakshi(mann me): Deva..... Ye me kya karne ja rahi thi, agar mene kuch bol diya hota to.... To pata nahi kya anarth ho jata, lekin me kar bhi kya sakti hu? Mere liye khudko rok pana bahot mushkil hota ja raha he... Subah uth te hi Aksh ke khayal, raat ko sote hue bhi bass uske hi khayal, sapno me baate karta tha wo to thik tha, ab to jese har waqt mere samne hi dikhayi deta he... Deva me kya karu?
Yaha Sakshi gas par kuch rakh kar behadd gehri soch me dubi hui thi, tabhi Radha ki nazar uspar padd jati he, Radha use gas band karne ko kehti he lekin Sakshi to jese waha mojud hi nahi thi, tabb Radha khud gas band kar ke Sakshi ko kandhe se hilate hue hosh me lati he.
Sakshi: ha.... Ha... kya hua?
Wo Ghabrate hue Radha se kehti he.
Radha: tujhe 2 baar kaha gas band kar de... Lekin tu to itni gehri soch me padi thi...
Sakshi: asa kahi nahiye Aai... (Aisa kuch bhi nahi he)
Wo firse apne kaam me mashruf hote hue kehti he.
Radha: Sakshi bata bhi de kya baat he? Aai ko nahi batayegi to or kise batayegi?
Sakshi: Aai tum... Tum bewajah pareshan ho rahi ho, wo to me bass soch rahi thi ke konse college me admission lu, or kuch bhi nahi...
Radha: khara sangtes na? (Sach bata rahi ho na)
Wo Sakshi ko ungli dikhate hue kehti he.
Sakshi: Khote ka bolel mi (Jhut kyu bolungi me)..... Ab tum in sab baato par zyada dhyan matt do, Baba ko late ho raha he....
Wo situation ko kisi tarah sambhal leti he. Fir kuch der baad Aksh bhi ready hokar ajata he, Sakshi ko pata tha ke Aksh ab kuch der pehle wali baat firse dohrayega. Tabb wo Aksh ko nashta de kar Neha ke ghar par chali jati he. Aksh ne aaj Sakshi ke saath time spend kar ke apna mood fresh karne ke liye chutti kari thi, lekin jabb Sakshi waha thi hi nahi to wo bhi apne office chala jata he.
Sakshi bus me bethe hue apne aap kuch faisle kare ja rahi thi, ab wo kya soch rahi thi wo to aage pata chal hi jayega.
Sakshi Neha ke ghar bhi kafi khoyi khoyi si lagg rahi thi, Neha us se baate kar rahi thi lekin Sakshi ka dhyan to sirf Aksh ko yaad karne me laga hua tha.
Neha: Sakshi.... Sakshi.... Kaha dyhan he tera?
Uski awaz se Sakshi hosh me ajati he.
Sakshi: ha... Ha bolna... Kya.. kya keh rahi he...
Neha: me kabse pagalo ki tarah bole ja rahi hu, or tu he ke pata nahi kya soch rahi he...
Sakshi: yaar aisa nahi he.... Wo to aaj mera mann kahi lagg nahi raha he... To bass.... Waise Neha mujhe tujhse ek zaruri baat karni thi...
Neha: ha bolna kya baat he?
Sakshi: Darasal mene decision liya he ke me apni aage ki padhai Mumbai me rehkar nahi karne wali hu....
Uski baat sunkar Neha ke hosh ud jate he.
Neha: kya? Tu kya bol rahi he Sakshi? Mumbai me nahi karegi to fir kaha?
Sakshi: Gujrat..... Surat me ek college he, jo computer Science stream ke liye jana jata he, me wahi par apni aage ki padhai karungi....
Neha: Sakshi tu pagal ho gayi kya? Aise suddenly ye sab....
Sakshi(mann me): ab kya batau Neha tujhe.... Me kitni badi mushkil me fas gayi hu....
Neha: Sakshi.... Bolna kya hua?
Sakshi: ha... Ha... Yaar Neha me to bass apne future ka soch kar ye sab kar rahi hu...
Neha: lekin tu yaha rehkar bhi to acchi padhai kar sakti he na...
Sakshi: ha... Lekin wo college technical study me number one he... Or tu bhi janti he mujhe in sab chizo ms kitni dilchaspi he...
Neha: yaar tu bahot galat kar rahi he Sakshi....
Wo narazgi se Sakshi se kehti he.
Sakshi: tu Naraz kyu ho rahi he? Me humesha ke liye na waha ja rahi hu, me har month ati rahungi....
Neha: tu kuch bhi keh le.... Tera ye faisla galat he...
Sakshi: yaar please Neha, tu to mujhe samajh.... aaj kal to waise bhi mujhe koi samajh hi nahi raha he...
Lekin Neha maan ne ko tayar nahi thi, fir Sakshi use kafi der takk samjhati he, or bemann se Neha bhi maan jati he. Sakshi waha se apne ghar ane ke liye bus se nikalti he.
Sakshi(mann me): mene ye sab to khud decide kar diya... Lekin kya Aai Baba manenge? Or Aksh? Mujhe nahi pata me ye kyu kar rahi hu... Lekin mene ab faisla kar liya he... Me kuch bhi kar ke sabko mana lungi... Or Surat jane wale din, me Aksh se apne dil ki baat kar lungi, agar usne mana kiya to... To me.. me kabhi bhi us se nahi milungi.... Kabhi nahi... Us se kabhi baat bhi nahi karungi..... kya meri feelings koi mayne nahi rakhti? Aksh... Please tu maan ja.... Meri feelings ko samajh ja, me or kuch nahi chahti tujhse.... Please....
Wo window seat par bethkar apni num aakhe le kar apne dil se baate kare ja rahi thi, kuch der baad wo ghar ajati he. Aaj usne ek baar bhi Aksh ko call nahi kiya, Aksh ne to kayi baar Sakshi ko call, message kiye, lekin Sakshi apne aap ko kaam me busy rakhe hue thi. Sham ko jab Santosh or Radha baramde me bethe the, tabb Sakshi ne un dono se baat karna thik samjha.
Sakshi: Aai... Baba... Mujhe aapse kuch baat karni he...
Santosh: ha kaho na kya baat he...
Fir Sakshi dono ke paas beth jati he.
Sakshi: Aai.. Baba, Darasal mujhe apni padhai ko pe kar aapse kuch zaruri baat karni he.... Baba mujhe ab apni padhai kisi bade college me karni he, or mene ek college select kar liya he...
Santosh: to thik he na beta... Agle mahine se college admissions open ho rahe he na? Tabb waha kara lenge tera admission...
Sakshi: Baba.... Wo college.... G.... Gujrat me he...
Radha: kya? Gujrat?
Sakshi: ha Aai... Wo india ke kuch sabse behtarin colleges me se ek he... Or mujhe wahi par apni padhai karni he...
Santosh: Sakshi lekin Gujrat? Yaha Mumbai me hi kisi college me padh lo na....
Sakshi: Baba, yaha par kafi acche college he... Lekin Surat ke us college me is particular stream ki padhai bahot acchi hoti he....
Radha: to itni dur tujhe akele rehna he?
Wo kafi Sakht lehze me Sakshi se puchti he.
Sakshi: h.... Ha.... Wo meri dost bhi rehti he waha par(jhut)..... Me uske saath hi rehkar....
Radha: bakwas band kar de Sakshi.... Kahi nahi ja rahi tu, yahi Mumbai me koi college dekh kar usme hi padhai kar..
Wo Sakshi ki baat bich me kaat te hue gusse me kehti he.
Santosh: ha Sakshi.... Kahi janeki zarurat nahi he... Yahi rehkar padhai karo....
Sakshi: Baba lekin....
Radha: ab bass ho gaya Sakshi.... Mujhe ab is bare me koi baat nahi karni...
Sakshi: thik he.... To... To fir mujhe aage ki padhai nahi karni....
Santosh: Sakshi... Kya ho gaya tujhe? Ye kesi betuki zidd lekar beth gayi tu?
Sakshi: Baba parents apne baccho ko Study karne ke liye Abroad to asani se bhej dete he, lekin ye to bass dusre sheher ki baat he na? Agar mujhe kahi Abroad jakar padhne ka moka milta to kya aap mana karte?
Ab is sawal par Santosh chup ho jata he, kyu ke sach to ye tha ke agar aisa hota to Santosh khushi khushi Sakshi ko dusri country me padhne ke liye bhej deta.
Sakshi: Baba please..... Waha meri dost bhi to rehti he... Mujhe koi pareshani nahi hogi...
Wo aage badhkar Santosh ke haath thamkar kehti he. Santosh chup ho kar kuch soch raha tha.
Radha: aap kya soch rahe ho? Kahi nahi jane dena he ise...
Sakshi: Aai please na meri itni si baat maan lo.... Mene kabhi aapse kisi bhi baat ke liye zidd nahi ki he, lekin please is baar meri te baat maan lo na...
Wo Radha ke dono haath thamkar kehti he.
Santosh: Sakshi lekin tum akele waha kese rahogi...
Sakshi: Baba college me girl's Hostel bhi to he na.... Or agar koi zarurat padi to me apni dost se keh dungi... Lekin please mujhe waha padhne ki permission de dijiye...
Ab Santosh ko Sakshi ki baat sahi lagne lagi thi, lekin uska mann nahi maan raha tha Sakshi ko akele bhejne ka. Lekin ye baat Radha notice kar leti he.
Radha: dekhiye aap ko jo faisla karna he kariye... Lekin me Sakshi ko akele bhejne ke liye bilkul tayar nahi hu bass.....
Wo aage akar Santosh ke samne khade ho kar kehti he, or waha se ghar ke andar chali jati he.
Sakshi: Baba... Please aap samajhne ki koshish kijiye.... Mene humesha aap dono ki baat mani he, lekin please aap is baar meri baat maan jayiye na... Please Baba...
Wo Santosh ke haath thamkar uske samne gidgida rahi thi.
Santosh: Sakshi mann to mera bhi nahi maan raha tujhe akele bhejne ke liye, Lekin Radha maan jati he to.....
Wo Sakshi ko ek soft signal dete hue kehta he, lekin Sakshi janti thi ke Radha ka maan na lagbagh namumkin sa hi tha. Fir Santosh bhi andar chala jata he Radha se is baare me baat karne ke liye. Bahot der takk Santosh or Radha is bare me baat karte he, lekin Radha iske liye mana hi kar rahi thi.
Santosh: Radha tumhe chinta kis baat ki he?
Radha: kis baat ki Matlab? Wo akeli kese rahegi waha? Ek to mahol itna kharab ho chuka he or usme ye ladki pata nahi kesi zidd le kar beth gayi he....
Santosh: dekho Radha Sakshi ne aaj pehli baar itni zidd ki he, warna wo to humare ek baar kehne se har baat maan jati he, is baar itni zidd kar rahi he to koi baat hogi hi na? Mujhe lagta he ke hume Sakshi ko jane dena chahiye....
Wo Radha ke kandhe par haath rakh kar use samjhata he, lekin uski baat se Radha shock si reh gayi thi.
Radha: ye aap kya keh rahe ho? Sakshi kahi nahi jayegi.... Bass...
Santosh: Radha agar humne Sakshi ko mana kiya to use kitna bura lagega.... Usne pehli baar itni mannate ki he humse, or agar ab bhi hum use nahi jane de to..... Tumhara chinta karna lazmi he, lekin kabtak? Kya humesha humesha ke liye uske saath hi rehne wale he hum? Nahi na? Or Sakshi bahot hoshiyar he, usne kuch soch samajh kar hi ye sab socha hoga na?
wo bilkul shanti se Radha ko apni baat samjha raha tha, jiska asar ye hua ke Radha ko bhi ye sab sahi lagg raha tha, lekin after all wo he to ek Maa.
Radha: lekin wo akele kese waha reh legi? Kon khayal rakhega uska? Or...
Santosh: Wo bacchi nahi he.... Apna khayal rakh sakti he wo... Or hum milne bhi to jaya karenge hi na...
Lekin Radha ab bhi Haa Naa ke bich jung ladd rahi thi.
Santosh: Dekho Radha.... Jane do use... Uske future ke liye shayad yahi thik ho.... Maan jao....
Wo Radha ke Haath par apna haath rakhte hue kehta he. Kuch der takk soch vichar karne ke baad Shayad Radha maan chuki thi.
Radha: t... Thik he... Jesa aap sahi samjhe....
Santosh: Radha chinta matt karo, sabkuch thik hoga...
Fir wo dono bahar akar Sakshi ko ye baat bata dete he ke wo dono hi maan chuke he. Lekin Sakshi bilkul khush nahi thi, kyu ke ye sab wo majburi me kar rahi thi. Lekin ab bhi uska sabse bada padhav baki tha, wo tha Aksh ko manana.
Kareeb 7 baje Aksh ghar agaya tha, is waqt Sakshi akeli sofe par bethe TV dekh rahi thi, Aksh andar ajata he or ek nazar Sakshi ko dekh kar firse apni nazre fer kar sidha kitchen me chala jata he. Sakshi uthkar uske paas ajati he.
Sakshi: Aksh tu beth ja na....
Lekin Aksh uski baat ka koi jawab nahi deta or pani pi kar apne kamre me chala jata he.
Sakshi(mann me): ye Aksh ko kya ho gaya? Isne to mujhe dekha takk nahi...
Fir Sakshi uske kamre me chali jati he, jaha Aksh towel le kar washroom me jane wala hi hota he.
Sakshi: Aksh.... Kya hua? Tera mood aaj itna off kyu he?
Wo andar akar Aksh ke samne khadi ho kar puchti he. Lekin Aksh uski baat ka koi jawab nahi deta.
Sakshi: yaar me tujhse kuch puch rahi hu....
Is baat Sakshi unchi awaz me kehti he.
Aksh: mujhe tujhse koi baat nahi karni.... Hatt ja samne se....
Wo Sakshi ko apne samne se hatate hue kehta he. Lekin Sakshi use piche se hi pakad leti he or apni taraf ghuma leti he.
Sakshi: lekin baat kya he ye to bata na?
Aksh: accha? Tujhe call kar raha hu, message kar raha hu, ek baar reply bhi nahi de sakti thi tu?
Wo narazgi se apna muh latkate hue kehta he. Uski baat sunkar Sakshi thodi rahat bhari saas leti he.
Sakshi: Deva.... Dara diya tune mujhe.... Itni si baat par drama kar rah he...
Aksh: ha... Tere liye to choti si baat hi he, ab to koi or he na jo teri life me mujhse bhi zyada important he...
Wo piche mudkar sarcastically kehta he, lekin ye baat Sakshi ko bahot hurt kar deti he.
Sakshi: kya kaha tune? Teri himmat kese ho gayi aisi baat karne ki.... ha?
Wo gusse me Aksh ko ungli dikhate hue kehti he.
Aksh: to kya kahu? Ye baat tu bhi acchi tarah se janti he, ke me tere siwa kisi or se baate nahi karta, uske bawajud bhi tu pata nahi kyu mujhe ignore karne lagi...
Wo kafi udas sa ho kar bed par beth te hue kehta he. Aksh ka aisa mijaz dekh Sakshi ka dil to jese pighal sa jata he. Wo akar Aksh ke bagal me beth jati he.
Sakshi: Aksh.... I'm Sorry.... Me to aaj Neha se milne gayi thi na, to us se bate karte waqt mujhe moka hi nahi mila reply karne ka... Or jab ghar ayi to kaamo me itni busy ho gayi ke me mobile check karna hi bhul gayi... Ab maaf bhi kar de na mujhe....
Wo apne kaan pakad kar bahot hi pyaar se kehti he. Or ab Aksh kese Sakshi se naraz reh pata.
Aksh: chal chal... Me to mazak kar raha tha, ab mere liye khana laga de na, mujhe bahot bhuk lagi he...
Wo Sakshi ke haath niche karte hue kehta he.
Sakshi: thik he.... Tu jaldi se fresh ho ja...
Wo kamre se bahar jate hue kehti he. Fir Aksh ja kar fresh ho jata he or bahar akar jaldi jaldi khana khane lagta he. Sakshi ko ab darr sa lagg raha tha, kyu ke use Aksh se apni Surat jane ki baat bhi to karni thi.
Sakshi: Ahh... Aksh... mujhe tujhse kuch zaruri baat karni he....
Khana khatam hote hi wo sab kuch kitchen me rakh kar Aksh ke paas beth te hue kehti he.
Aksh: are ha.... Tu Subah bhi kuch batane wali thi na?
Sakshi: nahi nahi.... Ha... Ha wahi baat karni thi...
Wo subah ki baat ko nakarne lagti he lekin use us baat ko abhi convert karna thik lagta he.
Aksh: ha to fir bata...
Sakshi: nahi yaha nahi.... Bahar chalte he na...
Aksh: thik he chal....
Fir wo dono chalte hue thodi dur ek nadi kinare raste par ajate he.
Aksh: ab bata kya hua?
Sakshi: Aksh please pehle meri puri baat sunn na...
Aksh: okay...
Sakshi: Aksh.... Me.... Me apni aage ki padhai karne ke liye Gujrat ja rahi hu.....
To Be Continued.....
To dosto ye tha aaj ka Update, aaj Aman ne soch liya tha ke wo Aksh ko uske hi sheher me harayega, lekin kya uska plan successful hoga? Wahi Sakshi ne aaj kafi bada nirnay le liya tha, lekin kya Aksh is baat ko manega, kehte he na Niyati ka khel kisi ko samajh nahi ata, to bass ab agle Update me aapko Niyati ka khel samajh ayega, akhir Niyati ko kya manzur he.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Aksh: ab bata kya hua?
Sakshi: Aksh please pehle meri puri baat sunn na...
Aksh: okay...
Sakshi: Aksh.... Me.... Me apni aage ki padhai karne ke liye Gujrat ja rahi hu.....
Uski baat sunkar Aksh chalte chalte ruk jata he or ek takk Sakshi ko dekhne lagta he.
Sakshi: k.... Kya hua?
Jabb Aksh kuch kehta nahi tabb Sakshi us khamoshi ko tod deti he.
Aksh: tune kaha na pehle teri puri baat sunu.... To fir puri baat bata mujhe....
Wo kafi gambhir swaro me Sakshi se kehta he.
Sakshi: wo... Wo, Surat me ek college he, jaha par computer science kafi acche se sikhaya jata he, to mene faisla kiya ke me wahi par apni aage ki padhai karungi... Or....
Aksh: tu kahi nahi ja rahi he...
Wo Sakshi ki baat bich me kaat te hue kehta he.
Sakshi: lekin....
Aksh: mene kaha na kahi nahi jane wali tu.... Ab ghar chal...
Wo rukhe swar me Sakshi se kehta he or piche mud kar chalne hi lagta he ke Sakshi kuch keh kar use rok deti he.
Sakshi: Aksh me tujhse puch nahi rahi hu ke mujhe jana chahiye ya nahi.... Me tujhe bata rahi hu ke me ja rahi hu....
Wo sapat lehze me Aksh se kehti he, jis se Aksh ko thoda gussa ajata he wo piche mudkar Sakshi ko dekhne lagta he.
Sakshi: or... Or Aai Baba ne bhi mujhe jane ke liye permission de di he... To me next week college me apna admission kara rahi hu, or agle mahine me Surat chali jaungi.....
Sakshi ki sari baate Aksh ko chubh rahi thi, uske dil ko jese thes si pahoch chuki thi, tabb wo bina Sakshi ko kuch kahe tezi se ghar ke raste chalne lagta he. Sakshi bhi uske piche piche use awaz lagate hue chal padti he, lekin Aksh kafi tezi se chal raha tha, or wo ghar akar sidha apne room me ja kar darwaza andar se band kar deta he.
Sakshi: Aksh.... Please darwaza kholna... Aksh.... Aksh... Meri baat sunn le na please....
Wo bahar se darwaza pit te hue keh rahi thi, lekin andar Aksh Asu bahate hue bed par betha hua tha. Sakshi ab ghabra gayi thi, usne ab rona shuru kar diya, ye to accha tha ke ghar me in dono ke alawa koi bhi nahi tha.
Sakshi: Aksh please mujhse baat karna.... Aksh.... Please darwaza khol....
Wo chillakar zor zor se darwaza pit te hue kehti he.
Aksh: kya baat karu? Kya baat karu tujhse me? Jab tune sare faisle apne aap hi lene he to me kya baat karu?
Wo kafi unchi awaaz me darwaze ke paas ja kar kehta he.
Sakshi: Aksh ek baar meri puri baat sunn le na.... Please.... Kyu mujhe or takleef de raha he Aksh tu? Please....
Or Wo niche zameen par beth kar bikhar kar rone lagti he, Shayad ye rona Sakshi ne kafi waqt se apne andar daba rakha tha, ab Aksh apne aap ko rok nahi pata or fatak se darwaza khol deta he, or samne nazara dekh uska dil challi ho gaya tha, Sakshi ka pura chehra asuo se bhara hua tha, wo kafi sisak kar ro rahi thi, Aksh jaldi se uske paas bethkar Sakshi ko kass kar apne sine se laga leta he.
Sakshi: please mujhe or takleef matt de Aksh.... Please....
Wo Aksh ko kaskar rote hue kehti he.
Aksh: me nahi tu de rahi he mujhe takleef....... mujhse dur jane ki baat kehkar...
Wo Sakshi ka sar sehlate hue kehta he. Kuch der me Aksh Sakshi ko shant kar deta he, or use andar bitha kar pani le ata he.
Aksh: chal ab chup ho ja, or apne dimag se ye Gujrat jane wali baat nikal de....
Wo Sakshi ke chehre se asu saaf karte hue kehta he, lekin tabhi Sakshi uska haath pakad kar gardan naa me hilati he.
Aksh: Yaar Sakshi kyu kar rahi he tu ye sab?
Sakshi: Aksh me apne future ke bare me soch rahi hu, kya mujhe apne future ke bare me sochne ka koi haqq nahi he?
Aksh: to tu yaha rehkar bhi to acche se padh sakti he na....
Sakshi: nahi Aksh... Me yaha rehkar kabhi bhi thik se padh nahi paungi....
Aksh: lekin kyu?
Sakshi: wo.... Wo.... Computer Science ki padhai mushkil hoti he, or... Or us college me iski padhai kafi acchi hoti he... Isliye me waha par padhna chahti hu...
wo baat ko chupate hue kehti he.
Aksh: Sakshi lekin tu mujhe be wajah kyu saza de rahi he... Tu nahi hogi yaha to me... Me kese...
Sakshi: Aksh kabtak mujhpar depend rahega tu? Kabtak? Sari Zindagi ek saath nahi reh sakte hum...
Wo Aksh ki baat bich me kaat te hue Kehti he.
Aksh: pata he.... Lekin jabtak.... jabtak saas chal rahi he tabtak to saath reh hi sakte he na?
Wo Sakshi ka chehra apne haatho me thamkar kehta he. Ek pal ko to Sakshi ko lagg raha tha ke shayd Aksh uske dil ki baat samajh lega, lekin ye shayad is waqt namumkin tha.
Sakshi: Aksh please tu meri takat bann.... Na ke meri kamzori....
Aksh: thik usi tarah na jis tarah tu meri takat he? Tune ye nahi socha ke agar meri takat mujhse dur chali gayi to mera kya hoga? Sakshi agar tu mujhse aise dur chali jayegi fir ye to wahi naat ho jayegi na ke... Ke mujhe andhere ke darr ki adat dalkar, tune meri Zindagi raat bana di....
Wo Sakshi ke haath kaskar pakadte hue kehta he, or is baat ka jawab to Sakshi ke paas bhi nahi tha.
Aksh: kya hua? Nahi he na koi jawab?
Sakshi: Aksh please tu samajhne ki koshish kar... Meri bhi ek life he, mere bhi kuch sapne he.... Or un sabko pura karne ke liye mujhe aise decision lene hi padenge...
Is baat Sakshi ne apne dreams or life ki baat samne rakh kar Aksh ko bhi sochne par majbur kar diya.
Aksh(mann me): jo mere sapne pure hue he, uska agar koi asli haqdar he to wo sirf Sakshi he... usne humesha mere sapne pure hone ke liye meri har baar madat ki he... To fir me....
Aksh kafi gehrayi se Sakshi ki baat ko samjhane ki koshish kar raha tha, tabb Sakshi uska chehra pakad kar apne chehre ke ekdum nazdeek le ati he, or uske mathe se apna matha laga deti he.
Sakshi: Aksh tu kya chahta he.... Teri Sakshi kabhi life me kuch hasil na kare? Jis tarah tune apne sapno ko pura kiya, usi tarah mujhe bhi apne sapne pure karta hua nahi dekhna chahta tu?
Aksh: lekin mere sapne pure hote waqt, me tere saath hi tha, lekin tu to....
Sakshi: bavlat kuthla (pagal kahi ka).... Tu to aise pesh araha he jese me humesha ke liye tujhse dur ja rahi hu.....
Wo Aksh ke sar me halke se marte hue kehti he.
Aksh: kise pata? Ho sakta he tera wala Gujrat me hi rehta ho....
Wo Sakshi se thoda dur hokar mazakiya lehze me kehta he, jise sunkar Sakshi ki aakhe gusse se laal ho jati he.
Sakshi: kutte.... Agar tune firse aisi baat ki na to dekh lena....
Wo Aksh ka collar pakadkar zor zor se hilate hue kehti he. Ab mahol firse Normal ho chuka tha.
Sakshi: Aksh... To me jau na?
Aksh bass haa me gardan hila deta he.
Sakshi: Aksh aise naraz ho kar jane ko keh raha he tu mujhe?
Aksh: me Naraz nahi hu.... Me soch raha hu ke kahi aisa na ho jaye ke tu waha jakar padhai me itni mashruf ho jaye ki.....
Uske aage kuch bolne se pehle hi Sakshi uthkar uske bagal me ajati he or apna sar Aksh ke kandhe par rakh deti he.
Sakshi: aaj se bahot saal pehle, duniya ke kisi kone me ek masum sa baccha tha, jiski life ki kuch situations ki wajah se us bacche ke andar se chink nikli thi, ek accha insaan bann ne ki chink, life me kuch bhi, thoda sa bhi dhang ka karne ki chink... Or mujhe aaj bhi yaad he, ke mene us bacche se promise kiya tha ke uske safar me, mai humesha uske saath hu....
Aksh: tu sach keh rahi he?
Sakshi: Aksh tu mere liye first priority he... Uske baad sabkuch ata he...
Fir wo dono kuch der takk aise hi bethe rehte he, Aksh to ab bhi udas tha, lekin wo Sakshi ke future ka soch kar koi compromise nahi karna chah raha tha.
Aksh: waise tu rahegi kaha?
Sakshi: College me Girl's Hostel bhi he... Wahi par reh lungi...
Aksh: Hostel? Nahi... Nahi... Tu Hostel me nahi rahegi....
Sakshi: are isme konsi badi baat ho gayi?
Aksh: mene kaha na.... Me tere liye waha rehne ka intezam kar dunga...
Sakshi: lekin....
Aksh: yaar ab kuch baat meri bhi maan liya karna...
Wo Sakshi ki baat ko kaat te hue kehta he.
Sakshi: accha baba thik he...
Fir wo dono hi normal ho jate he, halaki Aksh ko to bilkul mann nahi tha Sakshi se alag hone ka. Lekin wo bhi to majbur tha, use lagg raha tha ke Sakshi sachme Padhai ke liye waha ja rahi he, or isi wajah se wo Sakshi ko apne swarth ke liye yaha nahi rokna chah raha tha. Lekin sacchayi to kuch or hi thi, Sakshi ne tay kar liya tha ke wo jate waqt Aksh se apne dil ki baat zarur karegi, or agar Aksh na mana, to wo kabhi Aksh se baat nahi karegi, lekin ab ye kitna asan hone wala he ye to dono me se koi nahi janta, lekin Niyati ko to kuch or hi manzur tha. 1 hafta nikal chuka tha, Aman ka pura business model ready tha, ab uske paas paise ki koi kami nahi thi, to usne bahot hi bade level par is business ko khada kar diya tha, Mumbai ke almost har bade garages ke saath partnership, saath hi saath advertising par bhi Aman ne kafi budget set kiya tha. In sab se be khabar Aksh apne pure din se apna business chala raha tha.
Jab Aman ka Business launch hua tabb Aksh to heran sa reh gaya tha, use yakeen nahi ho rah tha ke sachme Aman use harane ke liye kuch aisa kar dega. Ab Aksh ko kuch samajh nahi araha tha, kyu ke Aman ka business ek professional business tha, usne Marketing se le kar app development har ek chiz ko bakhubi suljhaya hua tha.
Aksh(mann me): yaar ye kya ho gaya? Me kese itne bade business se compete karunga? Matlab mene galati kar di unki deal thukra kar? Ab aage kya karu me? Ahhhh.... Mujhe kuch samajh nahi araha ab...
Aksh ko kuch samajh nahi araha tha ke wo aage kya kare, Aksh sabse pehle ja kar Karim se baat karta he in sabke bare me, dono kuch der takk apne business model me thode se changes lane ke bare me discuss karte he, Aksh waha se sidha apne office ja kar kuch changes implement kar deta he, Sakshi use kayi baar call kar chuki thi, lekin Aksh aaj pura din busy raha jis wajah se usne Sakshi ke call or messages ke answer nahi kiye.
Raat ko 9 baje Aksh ghar ajata he, darwaza Sakshi open karti he, lekin uske chehre par narazgi saaf saaf dikhayi de rahi thi. Sakshi bass ek nazar Aksh ko dekh kar Aksh ko andar ane ka rasta deti he, Aksh andar Radha or Santosh ke saath beth gaya, Sakshi uske liye pani lakar bina Aksh se nazre milaye sofe ke dusre kone me beth jati he, or apni nigahe TV par tika deti he. Aksh samajh gaya ke Sakshi us se naraz he.
Radha: tu haath muh dho kar aja, me khana lagati hu tere liye....
Wo apni jagah se uthkar kitchen ki taraf jate hue kehti he.
Aksh: nahi Aai.... Mujhe mann nahi he khane ka....
Wo Sakshi ki dekhte hue kehta he, uske khana na khane ki baat par Sakshi apni nazre TV se hatkar Aksh par gaadh deti he.
Radha: kyu? Bahar kuch kha kar aya he kya tu?
Aksh: ha Aai...
Fir wo Uthkar apne kamre me chala jata he or fresh ho kar beth jata he. Tabhi Sakshi uske kamre me khane ki plate le kar ajati he. Use dekh kar Aksh ke chehre par hasi ajati he.
Aksh: yaar mene kaha na me khana kha kar aya hu...
Sakshi: jhut bol raha he tu.... Mujhe bewakuf matt samajh...
Wo bina Aksh ko dekhe narazgi se kehti he or plate ko table par rakh kar kamre se bahar jane ko hoti he ke tabhi Aksh ne uska haath piche se pakad kar use apni taraf khinch liya.
Aksh: kya yaar Sakshi.... Itna bhi kyu naraz ho rahi he tu mujhse?
Sakshi: me kaha naraz hu....
Aksh: tu bhi mujhe bewakuf na samajh... Yaar tune to mujhse wajah bhi nahi puchi ke kyu mene teri calls or messages ka reply nahi diya...
Wo Sakshi ko piche se hug karte hue kehta he.
Sakshi: mujhe nahi jaan na kuch bhi... Chhod mujhe...
Wo apne aap ko Aksh se alag karte hue kehti he. Lekin Aksh apni pakad or bhi zyada mazbut kar leta he. Sakshi apni kohni zor se Aksh ke pet me de marti he, jis se Aksh ki pakad kamzor ho gayi or Sakshi us me se nikal kar tezi se apne kamre me chali gayi. Aksh uske piche piche hi uske kamre me ajata he, jaha wo bethkar kitab padh rahi thi, Aksh ek chair le kar uske bagal me rakh deta he or waha bethkar Sakshi ko bass niharne lagta he.
Aksh: waise Gusse me or bhi zyada Khubsurat lagti he Sakshi tu....
Wo muskurate hue Sakshi ko chedd te hue kehta he, jo sunn kar Sakshi mann hi mann hasne lagti he, lekin usne apne chehre par jhuta gussa zahir kiya hua tha. Aksh aage badhkar Sakshi ke gaal par ek lambi si kiss kar deta he, jis se Sakshi ka sara ka Sara gussa hawa ho gaya tha.
Aksh: Sakshi.... ab maan bhi ja yaar....
Ye kehkar wo firse Sakshi ko gaal par kiss karne ke liye aage badhta he, lekin tabhi Sakshi apna chehra Aksh ki taraf ghuma deti he, jiska natija ye hua ke Sakshi or Aksh ke hont ek dusre se mil gaye. Kuch friction of seconds ka ye milaw dono ke andar alag alag Bhawnao ko lekar ata he. Aksh jhatke se piche ho gaya or chair se uthkar khada ho jata he.
Aksh: s.... So... Sorry.... Sakshi.... Wo... Me... Wo.....
Wo apni ghabrayi si awaz me hadbadate hue Sakshi se maafi mang na chah raha tha, lekin jo kuch abhi hua us se Aksh kafi ghabra gaya tha. Lekin wahi Sakshi murti si bann kar Aksh ko dekhe ja rahi thi, jis se Aksh ki buri tarah se fati padi thi. Sakshi uthkar washroom me chali jati he or darwaze ko jhatake se band kar deti he. Aksh bhi jaldi se apne kamre me ja kar beth jata he.
Aksh(mann me): fuck..... Ye... Ye kya ho gaya.... waha Sakshi pehle se hi mujhse gussa thi or pata nahi mene ye.... Ye kya harkat kar di.... Ahhhhh... Ab kya karu? Kese Sakshi se baat karu? Meri to himmat nahi ho rahi us se nazre milane ki.... Deva vachav re mala (bhagwaan bacha lo mujhe)....
Wo apne kamre me bethe apne kiye par afsos kar raha tha, or yaha Sakshi washroom ke andar ja kar darwaze se lagg kar khadi ho jati he. Uski saase kafi tez chal rahi thi, dhadkane dhimi hone ka naam nahi le rahi thi, or chehre par bikhri sharm ko wo chupa nahi pa rahi thi. Tabhi wo apni 2 ungliya, apne honto par ghuma kar apni akho ke samne la kar dekhne lagti he, or muskurate hue un ungliyo ko chumkar apna chehra sharm se haatho me chupa leti he.
Raat ke 1:30 baje hue the, Sakshi ne laakh koshish kar li thi sone ki, lekin in aakhi me sirf Aksh ka chehra tha, uski socho me sirf Aksh ka ana tha.
Sakshi uthkar apne ghar ki chatt par ja kar khadi ho jati he, asman se laakho meel ki duri par base chand ne dharti par apni Khubsurat roshni bekheri hui thi, or isi chand ki roshni me khadi Sakshi apne mann me Aksh ke bare me soche ja rahi thi.
Sakshi(mann me): kya karu me? Jitna us se dur jane ki koshish kar rahi hu, utna hi Aksh ke kareeb ja rahi hu... Lekin ye he to galat hi na.... Me janti hu ke Aksh mujhse bahot pyaar karta he, lekin uska pyaar to sirf ek behen ke liye he, agar use sacchayi ka pata chal gaya to... To wo mujhse kitni nafrat karne lagega, mujhe pehle hi Neha ki baat maan leni chahiye thi, me pagal humesha dusre ladko se dur rahi, agar aisa nahi hota to shayad koi paraya pasand ajata, yaha me apne bhai ko hi pyaar karne lagi hu, or pure pariwar ki barbadi apne sar pe liye ghum rahi hu....
Sakshi chand ko dekh kar apne aap se baate lare ja rahi thi, tabhi piche se kisi ne uske kandhe par haath rakh diya, jis se Sakshi jald se piche mudkar dekhti he to wo Aksh tha. Use yaha dekh kar Sakshi sakpaka jati he.
Sakshi: Aksh... Tu... Tu soya nahi abtak?
Aksh: n... Nahi... Wo nind nahi arahi thi to....
Wo apni nazre Sakshi se churate hue kehta he. Sakshi samajh gayi ke Aksh raat ki baat se Sharminda sa mehsus kar raha he. Waha ek khaufnak shanti chayi hui thi, or us shanti ko Aksh tod deta he.
Aksh: Sakshi.... S.... Sorry... I'm Really Sorry....
Wo apna sar jhukate hue Sakshi se kehta he.
Sakshi: Aksh ab aise kyu behave kar raha he tu? Me tujhpar gussa nahi hu....
Wo Aksh ke haath thamkar ek muskurahat ke saath kehti he. Sakshi ke normal behavior se Aksh thoda sukoon sa mehsus karta he. Dono kuch der aise hi chand ko dekhte hue khade hue the.
Sakshi: waise tu abtak soya kyu nahi?
Wo Aksh ki taraf dekhte hue puchti he.
Aksh: bass aise hi.... Nind nahi arahi....
Wo chand ki taraf nazar banaye kehta he.
Sakshi: or nind kis wajah se udi he teri?
Aksh: Sakshi tujhe yaad he kuch waqt pehle meri ek Deal, jiske liye mene mana kar diya tha?
Sakshi: ha... Ha, yaad he... To kya?
Aksh: darasal unhone mujhe compete karne ke liye Mumbai me hi same business start kar diya he....
Wo nirasha bhare swar me kehta he. Sakshi ko bhi ye sunkar thoda bura lagta he. Lekin use ye baat pata thi ke Aksh ko hosla dene wali sirf or sirf wohi he.
Sakshi: to ab aage ka kya socha he tune?
Aksh: mujhe kuch samajh nahi araha..... Wo itne bade Industrialists he, unhone to is business me har ek department me waha ke best log hire kiye honge... Or me... me har chiz khud sambhalta hu, chahe wo technical support ho, ya kisi chiz ki inquiry ho.... Ye sare kaam me khud hi sambhalta hu..
Sakshi: you know what.... Teri yahi baat sabse acchi he...
Aksh: kya matlab he tera?
Sakshi: are Bavlat.... Log tere is baat se hi to impress honge... Mujhe ek baat bata, jo unhone business yaha shuru kiya he, to kya unke customers unse directly kabhi baat kar payenge?
Aksh: ye kese ho sakta he? Wo kyu logo se baat karenge?
Sakshi: to bass yahi....Aksh business humesha Trust par chalta he... Logo ko unse zyada trust tujhpar hoga, kyu ke sabse tu khud hi to baat karta he na? Aksh unhone har jagah log hire kiye he na? Lekin wo log to sirf apne kaam par simit rehkar hi sabkuch karenge.... Wo bass utni hi improvement karenge jitna unhe sahi lagta he, kyu ke wo log us business ke maalik thodi na he... Lekin tu.... Tu khud malik he, or tujhe acche se pata he ke kaha par kya improvement karni he...
Sakshi ki sari baate Aksh ko sahi lagg rahi thi, lekin usme sirf ek jhijak thi.
Aksh: Sakshi teri sari bate sahi he... Lekin.... lekin....
Sakshi: lekin kya Aksh? Bass itni baat yaad rakhna ke agar tu kabil na hota, to teri aakho me ye khwab kabhi bhi nahi hota....
Wo Aksh ke kandhe par haath rakh kar, use hosla dete hue kehti he. Aksh bhi Sakshi ki sari baate samjha chuka tha.
Aksh: dekha Sakshi..... Kitni bhi badi problem ho, tu mujhe humesha sahi rasta dikhati he... Ab tu hi bata kese reh paunga tere bina me?
Sakshi: mere bina? Tu to kehta rehta he na ke "Sakshi tu to mere dil me basti he.... Blah blah..." To? Or jo insan aapke dil me basta ho, use aap kabhi dur nahi hoge, not even Death can separate us....
Wo apna chehra Aksh ke sine me chupate hue kehti he.
Aksh: yaar me sachme bahot khush naseeb hu, jo mujhe tujh jesi behen mili....
Wo Sakshi ka sar sehlate hue kehta he.
Sakshi: Sirf behen?
Wo Aksh ki kamar me chimti kaat te hue puchti he.
Aksh: Ahhhhh..... To behen hi he na tu...
Wo Sakshi ko apne se alag karte hue kehta he.
Sakshi: accha? To behen ko koi kiss karta he?
Wo apne dono haath kamar par rakh kar, jhuta gussa dikhate hue puchti he. Jis se Aksh ki sitti pitti gum ho jati he. Or wo apna sar jhuka leta he. Sakshi uski halat par mann hi mann bahot has rahi thi.
Sakshi: are Bavlat.... Maskari kartey (mazak kar rahi hu).....
Wo Aksh ke dono haath thamkar haste hue kehti he.
Sakshi: chal ab... So ja, or kal se apne business me naye hosle se kaam karna.
Fir wo dono hi niche apne apne kamre me akar so jate he.
Aise hi ek hafta nikal jata he, Aksh ne pure josh ke saath apne business ki aage badhaya, and guess what... Aksh apne customers ka dil jitne me puri tarah se kamiyab raha. Dusri taraf Aman ki baat kare to initially use Mumbai me Failure hi mil gaya. Uske business ko wo boost nahi mil Paya jo Aksh ko mila tha. Sabko Aksh par hi bharosa tha, kyu ke Aksh apne customers se phone, messages, emails par baat karta, unhe har ek Suggestion deta, jo Aman nahi kar paya. Or Aksh ki isi khubi ko logo ne dil se sarhaya. Aksh ke paas ab kafi sara capital jama ho gaya tha, use ek or business shuru karna tha, wahi Sakshi ka haal din ba din bura hota ja raha tha, Aksh ke bina use bilkul accha nahi lagta, har waqt bass Aksh ka uske khayalo me ana, wo to ab apne kamre me Humesha Aksh ko dekha karti, or bass apne dil ki baate Aksh ki chabi se karti.
2 din baad Sakshi ka admission karane Aksh or Sakshi Surat jane wake the. Waise to Aksh bilkul khush nahi tha, lekin Sakshi ke future ke aage wo kuch nahi kar sakta tha. Is waqt Aksh Karim ke saath Garage me bethe chay pi raha tha.
Aksh: chacha me parso Mumbai me nahi honga... To kya aap sab sambhal lenge?
Karim: are ha... Ha... Me sab dekh lunga... Lekin tu jaa kaha raha he?
Aksh: darasal me parso Surat ja raha hu...
Karim: Surat.... Kis liye?
Aksh: sorry me aapko batana bhul hi gaya.... Darasal Sakshi ko apni aage ki padhai Surat ke college me karni he, to uska admission karne jana he...
Karim: kya? Sakshi waha akeli reh legi?
Aksh: ha.... Mann to waise mera bhi nahi he use akele bhejne ka... Lekin kya kare....
Karim: or wo kaha rahegi?
Aksh: wo to keh rahi thi ke Hostel me reh legi, lekin mene mana kar diya, mene kuch Flats dekhe he waha Rent par, to parso usme se ek final kar dunga... Jaha par Sakshi bina kisi dikkat ke reh sake....
Karim: Aksh... ye flat ke chakkar me kaha pad raha he... Flats to aisa lagta he jese ek Jail ho... Tu ek kaam kar... Meri behen ka ghar he na, waha Sakshi bina kisi dikkat ke reh sakti he...
Aksh: are iski zarurat nahi he chacha... wo....
Karim: tu meri baat chup chap maan ja... dekh meri behen to uske Shohar ke saath Dubai me hi shift ho chuki he, wo log jab yaha aate he to sirf humse milne ke liye, waha to dono jate nahi... or wo mohalla bhi kafi accha he, samne jo log rehte he, wo humare kafi acche dost he, apne pariwar ke saath rehte he, to wo log Sakshi ko koi dikkat nahi hone denge....
Karim ki baate Aksh ko sahi lagg rahi thi.
Aksh: lekin is se aapko koi dikkat to....
Karim: kya baat kar rah he tu Aksh.... Tum dono mere baccho jese hi ho, mujhe kya dikkat hogi?
Aksh: thik he... Thank You Chacha....
Wo Karim ko gale lagate hus kehta he, fir dono hi apne kaam me mashruf ho jate he.
Aaj Sakshi or Aksh Surat jane wale the, Aksh ne waha jane ke liye flight Book ki hui thi, subah 8 baje dono ko Airport pahochana tha. Dono bass nikal hi rahe the ke Santosh unhe rok leta he.
Santosh: Sakshi..... Ye le....
Wo Sakshi ke haath me ek Debit Card dete hus kehta he.
Sakshi: ye kya Baba?
Santosh: Beta me pichle 20 salo se is bank account me tum dono ki padhai ke liye paise jama kar raha tha, ke kabhi tujhe or Aksh ko padhai me kisi bhi tarah ki koi pareshani nahi aye. Isme abtak 15 lakh jama kar diye he mene.... Apni Admission fees is se hi bharna...
Sakshi or baki sabko ye baat pata hi nahi thi, Sakshi to ye sunkar dung hi reh gayi thi, ke pichle 20 saal Santosh apne paise bachata raha. Sakshi is waqt speechless thi, uski aakhe Santosh ki apne liye itni fikr dekh kar num ho chuki thi.
Aksh: Baba me sab kuch kar lunga... Aap kyu takleef le rahe ho?
Santosh: oye... Chal chal... Pata he bahot bada Business man bann gaya he tu, lekin bhai sahab aapke padhai ke saath kabhi accha sambhand nahi rahe he... Aapke paise Business me hi lagao.... Samjha....
Wo mazakiya lehze me Aksh ko dant te hue kehta he.
Aksh: thik he...
Radha: ab jao jaldi.... Wo plane tum dono ke liye rukne nahi wala.... Time dekho..
Wo Aksh or Sakshi ko ghadi dikhate hue kehte he. Fir Dono ghar se nikal jate he.
Sakshi: Aksh hum Train se nahi ja sakte the?
Airport ke raste jate hue Sakshi Aksh se kehti he.
Aksh: yaar train or plain me farak hota he... Train se kitna waqt lagg jata...
Sakshi: Deva... Mujhe to lagg raha he bahot darr....
Aksh: are isme darne wali kya baat he? Dedh ghante me hum waha pahoch jayenge.....
Fir wo dono kuch der me Airport pahoch jate he. Sakshi pehli baar Plane me bethne wali thi, jis se wo thodi dari hui thi. Sakshi ne pure waqt Aksh ka haath kas kar pakda hua tha.
•
•
•
•
•
•
•
•
Place: Surat, Gujrat
Mansi: Mom.... Me ja rahi hu, Dopeher me ajaungi ghar....
Wo tezi se sidhiya utarte hue unchi awaz me kehti he.
Kiran: Ruk jao beta.... Me bhi arahi hu...
Wo Mansi ko rokte hus kehti he.
Mansi: ohh.... My Cut and beautiful Mom, kyu aap itni fikar karti ho meri? Me ja sakti hu akeli.... Or meri friends bhi to he mere saath...
Kiran: Maa hu, isliye fikar karti hu...
Mansi: accha? Or apni tabiyat ka koi khayal nahi? Aap aram karo.... Me jaldi ajaungi...
Kiran: beta..
Mansi: Mom.... Me chali jaungi... Aap aram karo..
Wo zabardasti Kiran ko uske kamre me chhod kar ati he or car le kar college me Admission karne nikal jati he.
Mansi or uski best friend Diksha car me college pahoch gayi thi. Jaha par Kavita or Shahid saath me bethe hue the. Mansi or Diksha ko ata dekh, Kavita Shahid ko waha se jane ke liye kehti he, or khud dono ke paas chali jati he.
Yaha plane land kar chuka tha, Aksh or Sakshi Airport ke bahar apni cab me beth kar chal pade the College ki taraf. Kuch hi der me wo log College pahoch gaye the, waha Sakshi ka admission bhi ho chuka tha, Sakshi Aksh se kehti he ke use College thik se dekhna he, to wo dono andar ghumne lagte he.
Waha samne Mansi, Diksha or Kavita baate kar rahi thi, tabhi waha Kavita or Diksha ki mutual friend ajati he, wo tino Mansi ko kehkar waha se ek taraf ajate he. Mansi samne bethe Coffee pi rahi thi, usne jo top pehna tha usme se Mansi ka Cleavage thoda exposed tha, or ye sab kuch samne khada Shahid apne phone me capture kar raha tha. Waha Aksh ko ek zaruri call ajata he, or yaha kafi bhid hone se wo Sakshi se alag ho kar Call par baat karne lagta he, Sakshi charo taraf college dekh rahi thi, tabhi uski nazar Shahid par padti he, Sakshi dekhti he ke Shahid samne bethi Mansi ki picture click kar raha he, Sakshi tezi se Mansi ki taraf bad jati he.
Sakshi: Hello.....
Wo Mansi ke nazdeek akar badi muskurahat ke saath kehti he.
Mansi: Hello....
Wo bhi jawab me ek muskurahat Sakshi ko deti he.
Sakshi: kya me yaha beth sakti hu?
Mansi: ohh yeah... Please have a seat...
Wo Sakshi ke liye jagah banate hue kehti he.
Sakshi: Kya aap waha khade us ladke ko janti he?
Wo dhimi awaz me apni nazro se hi Shahid ki taraf ishara karte hue puchti he. Mansi Sakshi ki nazro ka picha karti he to usne paya ke wo Shahid he.
Mansi: ahh... Nahi... Lekin kyu? Kya hua?
Sakshi: darasal wo ladka kabse Tumhari photo kinch raha he...
Mansi: whattt....
Or ye kehkar wo tezi se Shahid ki taraf badh jati he, Shahid Mansi ko apne paas ata dekh sakpaka jata he. Lekin Mansi waha ate hi Shahid ko ek zor daar thappad laga deti he.
Mansi: How dare you? Ha? Tumhari itni himmat ke meri photo kinch rahe ho?
Wo gusse me apne daat piste hue kehti he, waha khade sare Students ye nazara dekh rahe the, Kavita bhi Mansi ko dekh kar yaha daud te hue agayi or Mansi ko rokne lagi.
Mansi: Kavita please don't stop me.... Aaj to isne hadd paar kar di he...
Wo Shahid ka collar pakad kar kehti he.
Shahid: m.... Mene... Mene kya kiya?
Wo apni ghabrayi si awaz me kehta he, lekin uska ye bolna uske liye ek or thappad ka karan banta he.
Mansi: kya kaha? You Bloody Jerk....
Wo zor se Shahid ko thappad lagate hue kehti he.
Kavita: Mansi... Please jane do use...
Mansi: kya kaha? Jane du? Kavita tum....
Wo Kavita se kuch keh hi rahi hoti he ke Kavita Shahid ko ek thappad jadd deti he.
Kavita: Shahid..... How dare you.... Tumhari himmat kese hui Mansi ko pareshan karne ki? Ha?
Wo gusse me Shahid ka collar pakadkar kehti he.
Kavita: me humesha tumhe support karti ayi hu Mansi ke samne... Lekin aaj... Ab bass ho gaya.... Aaj ke baad hum dono ki koi dosti nahi rahegi...
Shahid: Kavita... I'm... Sorry.... Wo...
Chatakkkkk....
Wo uske aage kuch kehta ke Kavita ne use ek or thappad jadd diya.
Kavita: get lost from here.... Apni shakal mat dikhana, warna tumhare liye bahot bura hoga...
Uska gussa dekh kar Mansi bhi chup ho gayi thi, Shahid aaj sabke samne apni bezzati kara ke waha se ja hi raha hota he ke Sakshi use rok deti he.
Sakshi: oh... Hello.... Pehle apna mobile do yaha...
Fir Shahid use apna mobile de deta he, Sakshi Mansi ki khichi sari photos delete kar deti he or Shahid waha se kafi gusse me chali jati he.
Mansi: Thanks.... Thank You So Much... Agar tum na hoti to ..
Wo Sakshi ke haah thamkar kehti he.
Sakshi: it's Okay....
Mansi: waise tumhara naam kya he?
Fir Sakshi or Mansi me kuch der tak bate hoti he, Sakshi or Mansi apne Number exchange karti he. Wo dono bate hi kar rahe hoti he ke tabhi Sakshi ko Aksh ka call ajata he. Wo call pick kar ke Aksh ko gate ke paas milne ko kehti he.
Sakshi: okay me chalti hu...
Mansi: okay... Next Month milte he....
Sakshi: Sure... Bye...
Mansi: bye.
Fir Sakshi tezi se Aksh ke paas chali jati he, dono khana kha kar Airport chale jate he or waha se sidha apne ghar.
Sakshi is waqt apne kamre me soyi hui thi, Aksh hall me betha kar news dekh raha tha (halaki ajkal news dekhne jesi nahi hoti) tabhi waha ek news flash hone lagti he, jise sunkar kuch seconds Aksh normal hi tha, lekin tabhi uske dimag me kuch ajata he.
Aksh: ek minutes.... Agar jesa me soch raha hu to... To fir maza hi ajayega.... Fir to me Sakshi se dur bhi nahi rahunga.... Ha..... Lekin me Sakshi ko surprise dunga..... Yes.....
To Be Continued....
To dosto aaj ke Update me bass itna hi, agla Update kafi interesting hone wala he to use miss mat karna, or ha, aaj pehli baar +5k words ka Update likha he, darasal dosto me kafi dino se bahot demotivated sa feel kar raha hu, story ko jitna soch tha, utna reach nahi mili, utne likes, Comments nahi arahe jitna mene socha tha, waise mera kaam to likhne ka he, baki Like Karna, Comments karna, nahi karna wo to aapki marzi he na? But thanks to all of you jo humesha apne kimti Comments se mujhe story likhne ke liye motivated rakhte he. Mene socha tha ke USC me bhi ek story likhu, lekin kafi demotivate ho gaya tha me, dekhte he, kal koshish karunga waha Story post karne ki. Baki please mujhe aise hi support karte rahiye.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Sakshi is waqt apne kamre me soyi hui thi, Aksh hall me betha kar news dekh raha tha (halaki ajkal news dekhne jesi nahi hoti) tabhi waha ek news flash hone lagti he.
News: Aaj ki badi khabar, is saal desh me Drugs Smuggling ki sankhya adhik ho gayi he, or Drug Smuggling me Gujrat 1 number par he, kareeb 30% Smuggling akele Gujrat me hui he... CBI ke dwara pata chala he ke ye Smuggling Transport Vehicles se ho rahi he, or isme bahot se bade log jude hue he, jo badi badi ghus de kar Transport check pass karva lete he. CBI apni taraf se puri koshish me he ke is Smuggling me shamil sab logo ko hirasat me liya jaye.
News sunkar kuch seconds Aksh normal hi tha, lekin tabhi uske dimag me kuch ajata he.
Aksh: ek minutes..... Transport System se ye sari Smuggling ho rahi he.... to ise rokne ka koi na koi rasta to zarur hoga... lekin kya rasta? Yaar technology to aaj itni aage badh chuki he, to kya is Smuggling ko technology ke sahare tackle kiya ja sakta he? Kyu nahi kiya ja sakta... I think ye mere liye bahot badhiya mauka he, ek or business ko start karne ka, jis se ho sakta he me kayi sare logo ki zindagi bhi bacha lu? Lekin ye sab me karunga kese?
Aksh apni soch ke pare ja kar is sawal ka jawab dhund raha tha, kuch der tak usne apna pura dimag laga diya, or shayad use apne sawal ka jawab mil gaya.
Aksh: ek minutes.... AI (Artificial Intelligence)... me AI ki madat se is problem ko suljha sakta hu, or Agar jesa me soch raha hu to... To fir maza hi ajayega.... Fir to me Sakshi se dur bhi nahi rahunga.... Ha..... Lekin me Sakshi ko surprise dunga..... Yes.....
Aksh ko apna idea mil gaya tha, wo sabse pehle ghar me rakhi bhagwaan ki tasveer ke samne ja kar khada ho jata he, or apne haath jodkar bhagwaan se prarthana karne lagta he.
Aksh ko ab sabse pehle ek company shuru karni thi, kyu ke agar wo sidha hi kisi ke paas nahi ja sakta tha ye idea le kar. CBI wale to fir uski baat bhi nahi sunte, lekin agar ek proper company hogi to uski baat ka asar ho sakta tha. Aksh janta tha ke wo bahot bada risk le raha he, kyu ke use nahi pata tha ke CBI se uski baat ho bhi payegi ya nahi, lekin Aksh ka hosla buland tha or niyat bilkul nek kaam karne ki thi. Aksh jaldi se ghar se bahar chala jata he, or apne office me ja kar aage ki tayari me jut jata he.
Sham ke 7 baje hue the, thaki hari Sakshi apni nind se jaag gayi thi. Jagte hi use Aksh ki kami satane lagi, wo jaldi se uthkar Aksh ke kamre me jati he, lekin wo to apne kamre me hi nahi tha. Sakshi hall me ajati he.
Radha: Uth gayi Sakshi tu?
Wo Sakshi ko bahar ata dekh puchti he.
Sakshi: ha... Ha Aai.... Aksh kaha he Aai?
Radha: are wo to kabse zaruri kaam he bolkar gaya he, na aram kiya na kuch....
Sakshi: thik he...
Fir Sakshi apne kamre me ja kar Aksh ko call karti he.
Aksh: Sakshi ne tujhe badme call karta hu, me is waqt bahot busy hu.... Bye...
Sakshi: hello.... Aksh... Aksh....
Aksh call pick kar ke Sakshi ko bolne ka mauka diye bina hi call kaat deta he.
Sakshi(mann me): Aksh ki himmat kese hui mera call cut karne ki? Wo bhi meri baat sune bagair....
Sakshi Aksh ke call katne se bahot gussa ho gayi thi. Wo 2-3 baar firse Aksh ko call karti he, lekin Aksh uska number blacklist me daal deta he, jis se Sakshi ka ka para satve asman par chala jata he.
Sakshi(mann me): Aksh tu bass ghar aja, tabb bataungj tujhe.... Nahi lekin me kyu us se kuch kahu? Use to meri parwah hi nahi he, mera number block kar diya usne.... Huhhh...
Sakshi Aksh ke call kaatne par bahot gusse me thi, wo fresh ho kar ghar ke kamo me lagg jati he.
Waha Aksh ne kuch technology ke experts se baat ki thi, or use ek aisa ladka milta he, jo kafi intelligent tha. Aksh use bata deta he ke use kis tarah ki system ki zarurat he, wo ladka bhi kuch samajh nahi paya tha ke akhir Aksh is system ka kya karega. Lekin usne Aksh ko bataya ke isme kam se kam ek hafte ka waqt lagg jayega. Aksh ke is pure project ka budget usne nikal liya tha, jo tha kareeb 80 lakh. Aksh ke paas is baar paiso ki koi dikkat nahi thi, jis se wo kafi khush tha.
Raat me 11 baj chuke the, Aksh ko ghar se Radha ka call bhi agaya tha, Aksh ab ghar ane ke liye nikal jata he. Ghar akar Radha use khana parosti he, Khana kha kar Aksh sidha Sakshi ke kamre ki taraf chal padta he, Sakshi is waqt mayus si khidki ke bahar nazar gadhaye bethi thi. Aksh use dekh kar Muskurane lagta he, wo janta tha ke Sakshi us se naraz he. Aksh ke haath me kafi sare Shopper the, usne Sakshi ke liye bahot se kapde kharide the.
Aksh: tu abtak jaag kyu rahi he Sakshi?
Wo kamre ke andar akar Sakshi ke samne khade ho kar kehta he. Sakshi uski awaz sunkar Aksh ki taraf ek nazar dekhti he, or firse apni nazre khidki ke bahar fer deti he.
Sakshi: mujhe nind nahi arahi.....
Wo sapat lehze me Aksh se kehti he.
Aksh: bapre, Itna gussa... Sakshi itna gussa karna sehat ke liye accha nahi hota....
Wo Sare shoppers bed par rakh kar, Sakshi ke samne beth te hue kehta he. Sakshi use bass gusse bhari nazro se dekhti he.
Aksh: yaar Sorry na Sakshi.... itna kyu gussa ho rahi he?
Wo apne kaan pakad kar Sakshi se maafi mangta he, lekin Sakshi aaj shayad Aksh ko maaf karne ke mood me nahi thi. Wo firse apni nazre Aksh se fer leti he. Tabb Aksh ne Sakshi ke liye jo shopping kari thi, wo sab uske haath me de deta he.
Aksh: dekh Sakshi.... Isme tere liye kafi sare kapde laye he mene....
Sakshi: mujhe nahi chahiye kuch bhi.... mujhe jo chahiye hoga me Aai Baba se mang lungi...
Wo sare shoppers Aksh ke haath me thamate hue kehti he.
Aksh: yaar ye kya baat hui? Mujhse kyu nahi legi kuch?
Sakshi: kyu ke mujhe un paiso se kuch nahi chahiye jiske liye tu mujhe Avoid kare....
Wo apni jagah se uthkar gusse me kehti he, or upar chatt par chali jati he. Aksh ko Sakshi ki kahi baat ka bahot bura lagta he, kyu ke uske liye paiso se zyada important Sakshi hi thi. Wo bhi Sakshi ke piche piche upar chala jata he, Sakshi chatt ki adhi diwaro par bahar ki taraf chehra karke bethi thi. Aksh akar uske bagal me beth gaya, Aksh ka sar niche jhuka hua tha, kuch seconds beet jane ke baad Aksh Sakshi ka haath pakad kar apne dhadakte dil par rakh deta he.
Aksh: Sakshi... ye jo meri dhadkane chal rahi he na... Iski asli wajah sirf or sirf tu he... Sakshi me kabhi tujhe kisi ke saath compare nahi kar sakta, tune kaha ke me paiso ke liye tujhe avoid kar raha hu, lekin Sakshi agar bhagwaan ne mujhe 2 choice de di, ke ek taraf is duniya ki sari daulat, shohrat... Or dusri taraf meri Sakshi.... To me sirf or sirf meri pyari Sakshi ko choose karunga....
Wo Sakshi ki aakho me aakhe dalkar kehta he, jis se Sakshi ko apne kahe par bura lagne lagta he, lekin uske andar Aksh ne us se baat na kiya hua gussa abhi bhi tha.
Sakshi: rehne de teri ye mithi mithi baate, agar aisa hi he to tune mujhse baat kyu nahi ki? Kyu mujhe blacklist kar diya?
Wo narazgi se apna muh fulaye Aksh se kehti he. Aksh bhi Sakshi ki masumiyat dekh kar pighal gaya.
Aksh: Sakshi me sachme bahot important kaam kar raha tha, or me janta tha ke me tera call nazar andaz nahi kar paunga, isliye mene tera number hi black list kar diya, ke tu mujhe call message na kar paye... Lekin please ab maaf kar de mujhe....
Wo puri imandari se apni baat Sakshi ke samne rakh deta he, lekin Sakshi bass apna sar niche jhuka deti he.
Aksh: accha thik he... Ye le.... Le me Murga bann jata hu... Ab to maaf kar de mujhe....
Wo apne kaan pakad kar Sakshi ke samne murga bante hue kehta he. Jis se Sakshi ke honto par halki si hasi ajati he.
Aksh: yaar Sakshi agar tune mujhe maaf nahi kiya to me... To me isi waqt gaana gana shuru kar dunga.... Dekhna he Tujhe?
Sakshi: nahi nahi.... Tu gana matt ga.. sablog soye hue he is waqt.... Chup....
Wo Aksh ke muh par haath rakhte hue kehti he. Aksh Sakshi ko kamar ke piche se pakad kar apne nazdeek le ata he.
Aksh: kya yaar Sakshi.... Aise kyu naraz hoti he tu mujhpar?
Sakshi: I'm Sorry Aksh... Lekin, mujhe accha nahi lagta jab tu... Jab tu mujhse baat na kare.... us waqt Mujhe Bahot gussa ajata he.....
Wo Aksh ke sine me apna chehra chupate hue kehti he.
Aksh: lekin is se ek baat to mere liye bahot acchi he.....
Wo Sakshi ke sar pe haath ferte hue kehta he.
Sakshi: isme accha kya he?
Wo apna sar jhatke se Aksh ke sine par se hatate hue puchti he.
Aksh: are mujhe is baat ki training mil jati he ke ladkiyo ko kese manaye.... Aage ja kar agar meri koi Girlfriend bani, to use manana mere liye chutkiyo ka khel bann jayega na.....
Wo Sakhsi ko aakh marte hue kehta he, jis se Sakshi ki hasi chutt jati he.
Sakshi: Bavlat....
Wo Aksh ke sar pe halke se marte hue kehti he, or firse Aksh se lipat jati he.
Sakshi(mann me): Aksh ab me kese batau ke.... Ke... Mujhe hi bann na he teri Girlf..... Ahhhhh
Wo apne mann me soch kar bahot sharma rahi thi.
Subah 8 baje Aksh Breakfast kar ke apne kaam par jane ke liye tayar tha, Sakshi ne kal raat Aksh ne layi hui dresses me se ek Dress pehni hui thi, jisme wo bahot hi zyada Khubsurat lagg rahi thi. Aksh ne use kayi baar tease kiya, jis se Sakshi ke chehre ki ronak sharmane ki wajah se or bhi zyada badh jati.
Radha, Sakshi or Aksh is waqt saath me bethe hue the, Aksh ko Radha or Sakshi se kuch baat karni thi, jo wo kal raat nahi kar paya.
Aksh: Aai.... Me aaj 2 din ke liye ek zaruri kaam se ja raha hu....
Uski baat sunkar sabse zyada shock Sakshi ko lagta he.
Radha: kya? 2 din ke liye? Aise achanak kyu? Sab thik he na?
Aksh: ho Aai... Kalji nako karu (chinta matt karo)... Sab thik he, darasal me apne dusre business ke kaam se bahar ja raha hu....
Radha: dusra business.... Pehla to bilkul thik chal raha he na?
Aksh: ha Aai... Bass ek or mauka mila he to socha use kyu chhodu....
Radha: thik he beta.... Sambhal kar jana....
Wo Aksh ke mathe ko chumkar kehti he or andar chali jati he.
Sakshi: Aksh tune.....
Aksh: yaar kal raat batana bhul gaya me... Tujhe naraz hone se fursat kaha milti he... Tujhe manane me ye baat batana hi bhul gaya...
Wo Sakshi ke bolne se pehle hi kehta he. Or apne kamre se kapdo ki bag le kar bahar ajata he.
Sakshi: lekin tu kaha ja raha he? Or ye konse business ke bare me baat kar raha he tu?
Aksh: are yaar me to bass Delhi ja raha hu, apne naye business ko register karwane ke liye, ab me chalta hu.... Bye...
Wo aage badh kar Sakshi ko hug karte hue kehta he, or use Gaal par kiss kar ke ghar se nikal jata he Airport ke liye.
Place: Surat, Gujrat
Aman aaj khas Mantri se milne ke liye aya tha, dono us waqt Mantri ke office me the.
Mantri: kaho Aman.... Kese ana hua?
Aman: Mantri ji aapne kal ki news to dekhi hi hogi wo Drugs wali...
Mantri: are ha dekhi thi.... To uska kya?
Aman: dekhiye Mantri ji, mere business me jitna bhi transport hota he, usme humesha aapka bhi maal hota he, to me bass ye jaan na chahta hu ke kahi wo Maal Drugs to....
Mantri: Yaar tum chinta kyu kar rahe ho? Wo drugs hi he, lekin is se tumhe darne ki koi zarurat nahi he...
Aman: Mantri ji mujhe in sab chakkar me nahi padna, me aapse guzarish karta hu ke aap ye sara maal mere Transport me na include kare....
Wo Mantri ke samne haath jod kar nivedan karte hue kehta he.
Mantri: yaar tum darte bahot ho.... Hum bethe he na yaha par... Tumhe koi takleef nahi ane dunga me...
Aman: me darr nahi raha hu, lekin mene kabhi koi galat kaam nahi kiya, or aaj bhi nahi karunga.... Aapse nivedan he ke is kaam ke liye koi dusra businessman dhund lijiye....
Wo apni jagah se uth te hue kehta he, or piche mudkar bahar jane lagta he ke Mantri use rok leta he.
Mantri: fir tumhe kafi takleef asakti he Aman....
Uski baat ya fir ye kehna thik hoga ke dhamki sunkar Aman ruk jata he. Mantri apni chair se uthkar Aman ke piche akar khada ho jata he.
Mantri: Dekho Aman, tum in sab me nahi fasoge, iski guarantee me leta hu.... Or kehne ko to ye me tumhari bhalayi ke liye kar raha hu.... Transport to hum khud bhi kar sakte he, lekin fir usme kharcha humara hoga, or us kharche ka bhugdan karne ke liye hume aap jese Businessman se chanda bhi zyada lena hoga na?
Wo Aman ke kandhe par haath rakhte hue kehta he. Aman majbur tha, use apna Business to chalaye rakhna hi tha.
Aman: thik he.... Lekin apni baat se mukarna nahi.... In sab me mera kahi koi naam nahi ana chahiye.... Kyu ke mere paas bhi kafi sare aise raaz he, jis se aap mushkil me padd sakte he....
Wo Mantri ki aakho me aakhe dalkar kehta he, or waha se nikal jata he.
Aksh Gujrat pahoch chuka tha, kyu ke use apni Company ka registration Surat me hi karana tha, to wo apni formalities Complete karne me lagg jata he.
Aksh ke 2 din puri tarah se busy the, wo bich bich me Sakshi or apne parents se baat karne ke liye ghar call bhi karta tha. Or aaj use ghar pe lautna tha. Wo Airport par samay se pehle hi pahoch gaya tha.
Place: Mumbai, Maharashtra
Sakshi apne kamre me udas si leti hui thi, kyu ke dhire dhire uska Aksh se dur jane ka waqt araha tha, use do tarfi chinta khaye ja rahi thi, na to wo Aksh se dur reh pa rahi thi, or na hi uske paas rehkar apne aap ko us se pyaar karne se rok pa rahu thi.
Sakshi: Aksh... Please tu maan ja, me nahi reh sakti tere bina, me janti hu ke me tujhse dur rehkar apni koshish me harne hi wali hu.... Aksh ka ek pal baat na karne se meri aisi halat ho jati he, agar use sacchayi pata chali, or agar use mujhse nafrat ho gayi to... To me kya karungi? Fir to me jee te jee marr jaungi.... Aksh please meri khushi ke liye to maan jana...
Wo apni num aakho se apne aap se baate kare ja rahi thi ke tabhi use piche se kisi ki awaz ajati he.
"Teri khushi or meri khushi alag alag thodi na he Sakshi"
Aksh ki awaz sunkar Sakshi jhatt se piche mudkar dekhti he.
Sakshi: agaya tu firse.... Mujhe na Mental bana kar hi manega tu......
Wo gusse me Aksh ke samne akar kehti he.
Aksh: tu to pehle se hi is pyaar me pagal ho chuki he, me kese or pagal kar paunga tujhe?
Sakshi: or nahi to? Aise to tujhse sabkuch keh sakti hu, lekin jab tu sachme mere samne hota he to... To me apne dil ki baat tujhe kyu nahi bata pati?
Aksh: Sakshi tere paas ab bhi waqt he..... Apna Sheher chhod kar jane ka faisla badal le... kahi aisa na ho ke tera ye faisla, hum dono ki puri zindagi ki disha na badal de.....
Sakshi: jana to mujhe padega hi.... Or me tujhse nahi, balki teri adat se dur jana chahti hu.... Kayi baar kisi insan ki adat hi humari zindagi ko tehes mehes kar deti he...
Wo piche mudkar apni Num aakho se kehti he.
Aksh: lekin is chakkar me tu kayi sari zindagiya barbad kar sakti he....
Uski baat ko Sakshi samajh nahi pati.
Sakshi: kya matlab ke.....
Wo jhatt se piche mudkar Aksh se puchna chah rahi thi, lekin waha Sakshi ke alawa koi mojud nahi tha. Sakshi kafi frustrate hone lagi thi, uska dil kar raha tha wo zor zor se ro kar apna mann halka kare. Wo apne kamre ka darwaza andar se lock kar ke, washroom me chali jati he or shower on kar ke rona shuru kar deti he.
Kuch der rone ke baad Sakshi ka mann halka ho gaya tha, wo bahar akar kapde change kar ke bed par leti jawab dhund rahi thi ke akhir uski ye uljhi hui zindagi kis disha me jana chah rahi he. Lekin use koi jawab nahi mil raha tha.
Tabhi Sakshi ka phone ring ho jata he, usne dekha ke ye call Aksh ka tha, wo sabse pehle apne aap ko sambhal leti he or call pick kar leti he.
Sakshi: H... Hello... Ha... Aksh... Bol...
Uski awaz kafi ladkhada rahi thi. Jis se Aksh conscious ho gaya.
Aksh: Sakshi.... Tu thik he na?
Sakshi: Ha.... Ha... Me to thik hu...
Aksh: lekin teri awaz to kuch or hi bata rahi he... Tu ro rahi thi Sakshi?
Uski baat sunkar Sakshi charo khane cheet ho gayi, kyu ke jitna wo Aksh ko samjhati thi, utna hi Aksh bhi use samajhta tha. Ab Sakshi apne aap ko rok nahi pati or rone lagti he.
Sakshi: Aksh..... Me.... Me.... Mujhe.....d....
Wo Aksh se kuch kehna chah rahi thi, lekin wo kafi sisak kar ro rahi thi, jis se uski baat puri nahi ho pa rahi thi, Aksh Sakshi ko rota sunn darr gaya tha.
Aksh: Sakshi... Tu ro kyu rahi he? Ha? Kya hua bolna?
Sakshi: Aksh.... Mujhe..... Mujhe.... Darr lagg raha he...
Wo kisi tarah se apne shabd pure karte hue kehti he.
Aksh: darr? Kis baat ka darr Sakshi? Please saaf saaf bata na?
Sakshi: me nahi janti..... Aksh... Tu.... Tu ajana.... Please....
Aksh: Sakshi tu... Tu rona band kar me bass kuch der me Mumbai pahoch jaunga....
Fir wo call cut kar deta he, Aksh ko bahot Ghabrahat ho rahi thi, uska dimag kaam nahi kar raha tha, tabhi Flight ki boarding shuru ho jati he, Aksh apna mobile band kar ke plane me beth gaya tha, kuch hi der me plane ne udaan bhar li thi, or kareeb 2 ghante baad Aksh apne ghar par pahoch gaya tha, darwaza Radha kholti he.
Radha: Aksh... Aja beta....
Wo Aksh ko andar ane ka rasta dete hue kehti he.
Aksh: ha Aai....
Radha: tera kaam kesa raha?
Aksh: ha me jis kaam se gaya tha wo ho gaya...
Radha: Wah... Acchi baat he..
Aksh: Aai, Sakshi......
Radha: are uska sar dard kar raha he to wo so rahi he... Tu haath muh dho le me kuch bana deti hu tere liye...
Wo kitchen ki taraf jate hue kehti he, Aksh tezi se Sakshi ke kamre me chala jata he, jaha Sakshi apne upar chadar liye leti thi.
Aksh: Sakshi.....
Uski awaz ate hi Sakshi apne upar se chadar hata deti he, or Aksh ko samne dekh kar uske taraf daud laga kar Aksh ko kas kar gale lagg jati he.
Aksh: Sakshi, please Rona band kar.... Me agaya hu na... Ab kyu ro rahi he? Please chup ho ja...
Wo Sakshi ki pith sehlate hue use shant kara raha tha. Lekin Sakshi shayad Aksh se alag hi nahi hona chahti thi, Aksh use kisi tarah chup kara deta he, or use andar bed par bitha kar Sakshi ke chehre par se Asuo ko saaf karne lagta he.
Aksh: ab bata kis baat ka darr lagg raha he tujhe?
Sakshi: m.... Me.... Nahi janti Aksh... Lekin.... Lekin mujhe bahot darr sa lagg raha he....
Wo firse Aksh ko lipat kar rote hue kehti he.
Aksh: Sakshi kya ho gaya tujhe? Mujhe please thik se bata na kya problem he?
Sakshi: me.... me nahi janti.... me nahi janti.....
Aksh ke palle kuch nahi padd raha tha, wo bass Sakshi ko lipte hue tha, lekin dhire dhire Sakshi ki pakad dhili ho rahi thi.
Aksh: Sakshi..... Sakshi....
Fir Aksh Sakshi ko apne se alag karta he to Sakshi ki aakhe dhire dhire band ho rahe thi.
Aksh: Sakshi kya ho raha he tujhe? Sakshi....
Wo Sakshi ko bed par lita kar uske gaal thap thapa kar use jagane ki koshish kar raha tha.
Aksh: Sakshi..... Apni aakhe khol... Sakshi...
Ab Aksh ki awaz kafi unchi ho gayi thi, jo sunkar Radha bhi waha agayi.
Radha: Aksh... Kya hua? Sakshi.... Sakshi ko kya hua?
Wo Sakshi ke paas akar puchti he. Aksh jaldi se Sakshi ko utha kar unke Mohalle me paas hi me bane clinic me le jata he.
Aksh or Radha bench par bethe Doctor ke bahar ane ka intezar kar rahe the. Tabhi Doctor bahar ajate he.
Radha: kya hua Sakshi.... Sakshi thik he na...
Doctor: ha wo bilkul thik he....
Aksh: wo behosh kyu....
Doctor: kya usne khana kam kar diya he? Kyu ke wo kafi kamzor si lagg rahi he... Baki koi ghabrane ki baat nahi he, lekin uske khane par please dhyan dijiye...
Radha: thik he... Me dhyan rakhungi....
Fir Doctor waha se chale jate he Aksh or Radha andar agaye, jaha Sakshi ko nind ki dawai dene se wo gehri nind me thi.
Aksh: Aai.... Ye khana kyu nahi kha rahi?
Radha: beta hazar baar use kehti hu khana kha le, ya to badme kha lungi, ya to mann nahi he... Itna hi kehti he, zabardasti khilao to bass thoda sa kha kar keh deti he pet bhara hua he...
Wo apne asu bahate hue pichle kuch dino ki baate Aksh ko bata deti he. Aksh soch ne pada tha ke Sakshi aisa kyu kar rahi he, kuch der baad Radha ko Santosh ka call ajata he, Radha use sabkuch bata deti he, Santosh jaldi se clinic me pahoch gaya. Sakshi ab jaag gayi thi. uski nazar piche khade Aksh par padti he, Aksh ke chehre par gussa saaf nazar araha tha.
Radha: Sakshi... Kya baat he sach sach bata? Kyu aise pesh arahi he tu?
Sakshi: Aai.... Aisa.... Aisa kuch nahi he... Wo to...
Radha: dekh Sakshi jhut matt bol, kyu tune khana pina chhod diya he?
Sakshi: Aai... Darasal... Wo... Wo me... Apni padhai ko le kar pareshan thi, to bass, usi tension me.....
Radha: Sakshi tu pagal ho gayi he? Padhai ko le kar itni pareshani koi utha ta he?
Sakshi: Sorry.... Sorry Aai....
Usne kisi tarah baat ko palat diya tha, lekin Aksh ko ye baat hazam nahi ho rahi thi. Lekin Sakshi ko or zyada takleef ho rahi thi, kyu ke Aksh ne us se baat hi nahi ki thi, ghar akar bhi Aksh Sakshi se baat nahi karta. Raat ko khana khane ke baad Radha Sakshi ko dawai de deti he, Aksh or Sakshi saath me hi apne apne kamre me jane ke liye nikalte he, Aksh pehle hi apne kamre me ja kar ek kitab padhne lagta he, Sakshi dhime kadmo se Aksh ke kamre me agayi thi, Aksh use dekhta he or firse apni nazre kitab par gada deta he. Sakshi akar Aksh ke bagal me beth gayi.
Sakshi: Aksh tu.....
Aksh: puchna bhi matt me kyu baat nahi kar raha hu tujhse...
Wo Sakshi ki baat bich me kaat te hue sakht lehze me kehta he.
Aksh: Sakshi tune Aai Baba ko to jhut bol diya... Lekin me janta hu tu zarur kuch chupa rahi he mujhse....
Sakshi ne socha ke situation ko zyada bhari na hone diya jaye, warna baat bigad sakti he. Tabb Wo Aksh se mazak karne ka sochti he.
Sakshi: me bhala apni Jaan se kyu kuch chupane lagi?
Wo Aksh ke kandho par apni bahe dalte hue kehti he.
Aksh: rehne de, nahi batana to matt bata.... waise bhi Me hota kon hu jo tu mujhse apni baate share karegi, he koi or teri life me special jise sabkuch batayegi tu....
Wo Sakshi ke haath apne kandho se hatate hue narazgi se kehta he. Sakshi ko bahot gussa ata, jab bhi Aksh kisi special one ki baat karta. Lekin usne isi situation ko mazakiya banana chaha.
Sakshi: hmm.... Tujhe jaan na he wo special one kone he?
Uski baat sunkar Aksh shock ho gaya, kyu ke wo to aise hi bol deta tha.
Aksh: kon he?
Sakshi: wo tu he.... mera pyaara, gussa karne wala Aksh....
Wo Aksh ke gaal khinch te hue kehti he.
Aksh: yaar me mazak ke mood me nahi hu Sakshi....
Sakshi: ab ye tujhe tay karna he... Me bhi mazak ke mood me nahi hu....
Aksh: yaar Sakshi tu kyu aise behave kar rahi he? Tujhe kya lagta he? Ke agar tu aise baat ko chupane ki koshish karegi to kya me samajh nahi paunga?
Wo aage badh kar Sakshi ke dono haath thamte hue kehta he.
Sakshi: Aksh tu kha ma kha pareshan ho raha he... Me sach keh rahi hu, mujhe bass apni padhai ki chinta thi, or jis waqt tune mujhe call kiya tha, tabb mujhe kafi anxiety sa feel ho raha tha...
Aksh: tu sach keh rahi he na Sakshi?
Sakshi: me kyu tujhse jhut Kahungi?
Sakshi pure confidence ke saath Aksh se jhut bol rahi thi, jisme Aksh fas bhi gaya.
Fir wo dono kafi der takk bate karte beth jate he, aise hi din nikalte chale gaye, jaha Sakshi bass apne aap ko tayar kar rahi thi ke wo kese Aksh se apne pyaar ka izhar karegi, Aksh ne use abtak apne ane wali baat nahi batayi thi. Wahi Aksh ki company ka registration successful raha, or ab Aksh ek or company ka malik bann chuka tha. Usne bahot hi mushkil se CBI se baat karne ka mauka paya tha. Kal uski meeting CBI ke ek kabil Officer Anant ke saath thi, jo ke Abhinav ka sabse bharose mand officer tha.
To dosto aaj ke Update me bass itna hi, maafi chahta hu ke Update late tha, lekin bass usi short story ko pura kar raha tha, baki mujhe lagg raha he ke apan ne sirf Laal Ishq or Ishq Hai Tumse 2 par hi dhyan dena chahiye. Jis se me zyada se zyada samay apni long run Stories par de pau.
Dusri baat aap sabka bahot shukriya itna support dene ke liye, pichle kuch din jo me demotivate tha, aap sabka support dekh kar wo demotivation gayab hi ho gaya, ab apna sirf ek hi goal he, story likhte rehna.... Bass aise hi support karte rehna dosto.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
Join Our
Discord Server
For Daily Updates
