Join Our
Discord Server
For Daily Updates
Horror Char Ratein (Horror) (Completed)
-
Thread starter
HAKIM
- Start date
- 2,372
- 1,837
- 143
bro for your review
- 2,372
- 1,837
- 143
Update 08
Chand maah pehle ghar tabdeel kar ke sehar ke eek posh elaqe me muntakil ho chuke the
Is tamam arse me ahmad ke sath aisakoi waqiya pesh na aaya, albata us road se who bahut zarurat ke waqt guzarta to us ke zehan me eek film ki tarha wo manzar ghoom jaata, us raste lo wo bahut kam istemaal karta tha "tum chahte to bachaa sakte the" ye alfaaz ahmad jab yaad karta to dehal kar reh jata
Waqt ke sath wo tamam batein us ke lie eek kissa ban gayi then, jo wo dusron ko sunata aur sunne walon ka muh herat se khule ke khule reh jate, jabke kuch log use kahani aur zehani bimari ka naam dete
***********************
Ahmad ke ghar kisi bhi waqt naye mehmaan ki aamad honi thi, usi silsle me ahmad ki saas us ke ghar me ruki hui thi
Us rooz shaam 7 baje ka waqt tha jab ahmad sasha ke pass betha hua batein kar raha thaaur us ki saas bhi kareeb mojood then, bell bajne par ahmad darwaza ki taraf barha
Samne apne purane doston ke group ko dekh kar wo heran reh gya
Us ke university ke doston ne aaj achanak halla bol dia tha aur us keg har par milne chale aaye the
Ye ahmad ke un doston ka group tha jin ke sath wo subah saham , din raat ghooma phiraa karta tha , itne saalon bad achanak apne samne inhein dekh kar ahmad ki aankh herat aur Khushi se phatti ki phatti reh gayin
"kamine, andar nahi bulaye ga kia? " zohain ne sawal kia
"haan , haan, kyun nahi" ahmad darwaze se ek taraf hote hue kaha aur eke k kar ke sab se gale milne laga
Wo tamam doston samet drawing room me betha gup shup karta raha aur chaye ka dour chala jabke khane ke lie ahmad ne ghar par na kha kar bahar khane ko kaha kyuki us ki biwi ki halat is kabil na thi
Baton hi baton me purane ghar ka zikr aur accident wali baat bhi khul gayi
Ahmad na chahate hue bhi apne doston se wo ba chuppa saka aur tamam batein unhein batani padi
Mehfil par sannata chaa gya "yaar ye sab insaan ka zehni dabao ka asar hota hai, in sab baton ka haqeeqat se koi lena dena nahi" sultan ne apne khyal ka izhar kia
"ooh yaar ye sahih keh raha hai, mera mobile phone kuch arse pehle istemal karte hue khud ba khud chalne laga tha, main ek baar screen par hath lagata aur wo lagatar khud hi jaise touch hota rehta tham kabhi koi app khul jati , kabhi ajeeb typing ho jati, main to dar jata aur mobile band kar deta tha, phir ek bande ko dikhaya aur us ne btaya ke ye touch screen ka masla hai, screen me loosing ki wajah se khud kuch hisse andar touch hote aur alag hote rehte hain, aur hamein lagta hai mobile khud chal raha hai, aisa kuch nahi hota" Zohaib ne apna tajarba btaya aur tamam dost qehqe mar kar hansne lage
Wo sab batein aur mazaq urane lage jabke ahmad ke lie wo ek haqeeqat thi jis ka wo in kar nahi kar sakta tha
"abe lekin is ke camera me bhi record hua hai sab kuch is ka kia matlab hai? " Faheem ki baat ne sb ko khamosh kar dia
"achaa chal video dikhaa humein" Zohaib ne chitkhara lete hue kaha
"nahi yaar choro ,dafa kar " is bar ahmad ne baat ko ghumane ki koshish ki jo us ke doston ke samne bilkul kam na aayi aur sab hi us ke peeche pad gye
Kuch der me ahmad apne in doston samet laptop lie betha tha, videon purani thi is lie recording dhondhna mushkil tha, cctv me mushkil se ek mahine ki video ka record rehta tha
Kadhig ne is moke par apne IT ke tajurbe ki wajah se kisi na kisi tarah wo recording dhundh nikali jo ahmad ne ek clip me mehfooz kar rakhi thi
Kamre ke darmiyan me ahmad soofe par laptop apne goad me lie betha tha jabke tamam dost us ke ird gird aur kuch soofe ke peeche khade hoye laptop me jhuke hue the
Wo sab video dekhne me masroof ho gaye aur mahool me ek baar phir se sannata chaa gya tha
Ahmad video ke shuru se hi ek anjaane khoof ki nazar hone laga tham us ke doston me kuch heran aur khofzada to kuch mazaq kar rahe the, aur aane wale manzar ke bare me pesh goi (bhavishyavanee) karte hue ahmad ka mazaq urraa rahe the
Video me ab raat ka waqt shuru ho chuka tha aur sab ghoor se recording dekhne me masroof the
Achanak hi laptop ka plug switch board se nikal kar gir gya
"ye kia hua?" jawad ne laptop ki screen madham hone aur plug girne ki awaz par kaha aur sab ne eek sath ghor kia ke laptop ka plug neeche gira hua hai
Mehaz ittefaaq samajh kar use wapas lagya aur kuch deer me wo tmaam dost ek baar phir video dekhne me masroof the
Ahmad ke zehan me plug nikalne se ek khatka hua tha lekin video ka ye hissa usne bhi pehle kabhi nahi dekha tha jiski wajah se us ki dilchaspi use dekhne me thi
Ahmad ne video me mehsoos kia ke us raat jo waqiyat peesh aaye the us me kayi cheezein jo us ne mehsoos tak na ki then wo recording me shamil thi
Raat ke us peher jab ahmad ki chadar peer se sirki thi , us se chand lamhon pehle zameen par mojood shayan ka ek peer kuch deer ke lie hawa me utha tha jo yaqeenan ajeeb tha, is ke baad vide me tv screen khud roshan hoti nazar aayim kuch lamhon baad fanoos me harkat hoti nazar aayi
Sab video ghor se dekhne me masroof the aur wo waqt aa gya tha jab ahmad soofe se neeche gira tha, ye manzar dekh kar sab ke rongte khare ho gye
Use peer se pakad kar khinchta hua dekh kar sab doston ke hosh urne lage the
Is se pehle ke wo aage tak kuch dekh paate kamre me mojood pankha neeche aa giraa
Pankhe ka yun achanak jhatke le kar chalte chalte rukna aur achanak neeche girna sab ne apni aankhon se dekha ,ahmad aur dayen bayen mojood do dost jo soofe par tangein phaila kar ke bethe the foran apne peer kheench kar mushkil se khud ko bachaa sake
Bachne ki is koshis me laptop neeche gir kar band ho gya tha aur sath hi us ka taar jo switch board me laga hua tha phir se bahar aa gira
"kia hua ahmad ye kis cheez ki awaaz thi" ahmad ki saas dusre kamre se bahar nikli
"kuch nhi ammi , sab theek hai aap pareshaan na hon" ahmad ne aawaz maar kar unhein tasalli dete hue kaha
Abhi mushkil se panch second hi guzre honge ke kamre ki light band hui aur foran wapas on bhi
Tamam dost eek dusre ki shakal dekh rahe the aur unhein apne upper khatra mandlata nazar aane laga tha, lekin koi us waqt apne zehno me umadte khyaalon ko alaaf dene ki himmat nahi kar paa raha tha
"yaar ye pankha to bilkul sahih tha ye kaise gir gya achanak" ek dost ne khamoshi ko door karte hue herat se kaha
"chal yaar aisa karte hain , khaana khane chalte hai kahein" fawad ne is moke par ahmad keg har se jaane me hi khair samajhte hue mashwra pesh kia
"haan yaar bhook bhi lagi hai aur Bhabhi ki haalat aisi nahi ke un se kuch khane ki farmaish ki jaye, baahar chal kar khana khaate hain" ek aur dost ne fawad ki haan me haan milai aur sab foran hi is par razi ho gaye
"aur pankhe ka kia karein" ahmad ne pucha
"khan kha kar dekhte hain, wapas aa kar use mil kar laga len ge" Zohaib ne chalne ke lie apni jagha se khare hote hue kaha
"waise bhi ahmad keg har bahut jald khush khabri aane wali hai to is ki taraf se advance treat hi le lete hain" ek dost ne kaha, aur tamam dost chalne ke lie khare ho gye
Ahmad dheemi si muskurahat ke saath raazi ho gya
Haqeeqat me tamam doston ke dilon me ek khatka ho gya tha aur wo ahmad keg har se jald se jald nikalna chahte the
Kuch deer me wo log apartment ki serhiyoun se neeche utar rahe the, aur usi doran serhiyoun ki light off ho gyi, sab ne foran apne apne mobile phone nikal kar light on ki aur jald se jald neeche utarne lage
"yaar yahan light jaati to nahi , pata nahi kyun …….shayad light khraab ho gyi hai" ahmad ne mahool ki sanjeedgi aur pur israriyat par qaboo pane ki koshsih ki
"haan puri serhiyoun ki light ek sath khraab huyi hain, gharon ki to jal rahi hai" fawad ne jaldi jaldi serhiyan utarte tanz kia aur is ka matlab samajhte hue sab jaldi se utarne lage
Ahmad ko apne peeche kisi ki mojodgi ka ehsaas ho raha tha aur khoof se us ka dil zoor zoor se dharak raha tha
Wo sab teezi se neeche pohnche them kuch deer bad wo jagha ka faisla kar ke do alga lg gariyoun me khane ke lie chal pade
Shehar se hat kar high way ki taraf wo ek mashoor restaurant ki taraf chal diye, aaj hafte ki raat thi is lie aaj unhone ne door aur deer raat tak bethne ka plan bn aliya tha
"yaar aaaj program cancel karte hain, phir kisi din khaa len ge, ghar chalte hain wapas " gadi high way par apne puri raftaar se ja rhi thi ke achanak fawad ne wapas lene ki baat kahi
"haain? Abe bhai kia ho gya tujhe? Abhi to tu khud plan bnaa raha tha ab wapas chalne ki baat kar raha hai " ammar ne fawad ko jharte hue kaha
"abee nahi yaar , bas pata nahi kyun mera dil nah maan raha" fawad ne bechargi se kaha
"dil me to mere bhi bahot kuch aa raha hai, lekin koi nahi yaar, kuch nahi hota, khudaa malik hai" Zohaib ne tasalli dete hue mahol ki sanjeedgi ko kam kia
"yaar bas pata nahi kyun ajeeb khoof mehsoos kar raha hun" fawad ne dil ki baat keh dali
"aree yar tu wo pankhe aur light band hone se dar gya hai, aur koi baat nah tenshion mat le wo voltage ki wajah se bhi ho jata hai" ammar jo ab tak chup betha tha wazahat dete hue bola
"ooh bhai….voltage ki wajah se light off hona samajh me aata hai, pankhaa kaise gir gyaa………" zohab ne is be tuki wazahat par mazaq urate hue kaha
Is gadi me mojood sab hi log eek jaisa soch rahe the lekin, khud ko aur dosroon ko barabar tasalli dete ja rahe the
Kabhi kabhar insaan kuch cheezon ki haqeeqat jante bujhte hue bhi use nazar andaz karta hai, ya us ka zikar karne se katrata hai, un dono gadioyoun me ahmad samet us ke tamam doston ka yahi haal tha
"chalo yaar choro tum log ye sab, gaane sunte hain" ammar ne ye keh kar music player ki awaz teez kar di
Ahmad jo is tamam baat chet me khamosh tha, haqeeqat me dil hi dil me kych parh raha tha, gaano ki awaz teez hone par usi me magan ho gya
Kuch deeer bad dono gariyan restaurant ke samne mojood thi, aur wo apne lie ek achii jagha select karke Wahan beth chuke the
Ye high way par mojood ek bada restaurant tha jahan bethe loog khana khane me baton me masroof nazar aa rahe the
Khaane ka order de kar wo log baton me masroof ho gye aur ird gird ke mahol se be khabar apni university life aur us ke baad ki zindgi ke baare me share kar rahe the
Albata ahmad is doran khamosh betha raha tha
"bhai tu kyun itna chup chaap betha hai" ek dosh ne ahmad se pucha
"kuch nahi yaar bas aise hi…." Ahmad ne taka sa jawab di
"abhi tujhe taang se pakad kar kheechte hain
tujhe pata chal jaye ga kyun khamosh betha hai ye " ek dusre dost ne mazaq me baat bnayi aur sab us ki baat par hansne lageKhaane se farigh ho kar chaye ka dour chala aur baton baton me teen ghanta guzar gye
Ahmad apni jagh a se uthaa
"kia hua kahan ja raha hai" ek dost ne puchaa
"aa rha hun washroom se " keh kar ahmad washroom ki traf chal dia
wo hath dhoo rha tha ke wash basin ke sath lage bade sheeshe me use dusre washroom ka darwaza khulta nazar aaya
ahmad ki nazar na chahte hue bhi us par padi lekin phir hat na saki
Continued………………
Last edited:
- 2,372
- 1,837
- 143
Update 09
Last update
Last update
Washroom ke darwaze se nikalne wala koi aur nahi wahi chotti bachii thi, jis ka ahmad ki gadi se accident hua tha
Wo bathroom ke darwaze par hi khadi aayene me ahmad ke akas ki taraf nigahein tikaye huye thi
Washroom me is waqt koi aur mojood nahi tha
Ahmad ko apni sansain ukharti hui mehsoos hone lagi thi
Bachii ke hath aise latke hue the jaise kandhe ki haddi toot kar alag ho gayi ho
Bachii ki ankhein bahar ko ubal rahi then, jinhein dekh kar ahmad ki redh ki haddi me sansanahat doud gayi
Khoof se us ka dil band hone ko tha
Wo ek masoom bachii jis ki umar char se paanch saal ki ho gi, us ke chehre par khatarnak had tak tareeki aur sanjeedgi thi, ahmad ko musalsal dekhe ja rahi thim ahmad us se pehle koi faisla karta ya bhagta , dusra darwaza khulaa
Is me se nikalne wali koi aur nahi wahi aurat thi jo bachii ke sath accident ke waqt mojood thi
Ahmad ne us ko dekhte hi darwaze ki taraf doud lgai aur unhi ki taraf dekhte hue washroom ka darwaza kholna chaha, jo ab tak lock tha
Ahmad ke peer larkhra rahe the, ahmad ne dusri hi koshish me itni zor se wo handle ghumaya tha ek lock tut ke us ke hath me aa gya tha
Bachii ab us aurat ke pass aa kar us ki kameez thaame khari thi aur wo don ahmad ko ek tak dekh rahi then
Ahmad ko un donon ki nazrein apne andar pighalati hui dakhil hoti mehsoos ho rahi thi
"mujhee maaf kardo ……please khuda ke lie mujhe chor do….. maine jaan bujh ke nahi maara tha tumhein…" ahmad darwaze ki taraf peeth kar ke peeche hone ki koshish kar raha tha lekin wo darwaze se lag chuka tha , wo dono bina kuch kahe use hi dekhe ja rahi thin aur dono ke chehron par mojood wehshat bulandiyoun ko choo rahi the
Dekhne me wo aam insaan jaisi lag rahi then , lekin un ki haqeeqat ahmad ke samne pehle hi khul chuki thi jis ki wajah se wo un ke chehron par werani ko bakhubi dekh sakta tha
Dono ke chehre bilkul safed maloo, hote the aur un par kisi kisam ke koi aasaar nahi the
Ahmad girgiraa kar un se mafiyaan mangta aur kabhi darwaza kholne ki koshish karta hua ab zameen par beth gya tha
Paseene se sharaboor aur kapkapte jisam ke sath tutti bikharti aawaz sirf aur sirf "mujhe maaf kardo, please mujhe chor do " aa rahi thi
Ahmad chillana chahta tha lekin uski zaban uska saath nahi de rahi thi wo zameen par darwaze se kamar lagaye betha chilla raha tha aur un se hath jor jor kar mafiyan maang raha tha, jabke samne mojood do wajood mehaz ek nazar se dekh rahe the
"ahmad uth yaar, kia hua tujhe"
"is ko hospital le chalo"
"is par pani ke cheente maro"
"ahmad uth yar, uth bhai, please kia hua tujhe"
Ahmad ko halka halka hosh aaya jab use ye aawazein apne kaanon me parti sunayi dein, us ne halki si aankhein kholi aur apne gird apne tamam doston samet aur kayi dusre logon ko payaa
"chalo jaldi se ise le kar aao gadi me" door se fawad ki aawwaz aayi thi jo gadi parkin me kareeb le aaya tha
"hoosh aa gya hai ise shayad" kuch logon ne kaha jo ahmad ko sunaiyi di
Wo apni ankhein nahi khool pa raha tha, sar me shaded dard aur bhari pan mehsoos ho raha tha
Use sahara de kart hora sar upper kar ke litaya hua tha
Wo log ise le jane ke lie uthana chaahh rahe the jab ahmad ne unhein mana kia
Us ka chehra pani se bheega hua tha
Sahara le kar usne uthna chaha lekin use lete rehne ka kaha gya
"kahan hun main " ahmad ne nashe ki si halat me pucha
"bhai tu hamare sath ahi, khana khane aaye hue hain hum" ahmad ke dost ne btaya
Ahmad ko hosh me aata dekh kar us ke doston ki pareshani kuch kam ho chuki thi lekin us ke sath kia hua aur wo kyun bathroom me behoosh pada hua tha wo koi nahi janta tha
"ahmad kia hua yaar tu theek to hai na? chal tujhe hospital le kar ja rahe hain……" ahmad ke doston ne use hosh me aata dekh kar pucha
"nahi main theek hun.." wo keh kar uthne laga
Ahmad ke doston ne use sahara de kar uthaya aur wo beth kar idhr udhr dekhne laga jaise use kisi anjaan jagha laya gya ho, aas paas doston aur logon ko dekh kar use guzra hua manzar yaad aa gya
"kia hua tha ahmad, tu bathroom me darwaze ke sath behosh pada hua tha aur andar se lock bhi toota hua tha" ek dost ne use behtar hota dekh kar logon ko jane ka kaha aur phir ahmad se sargoshi me sawal kia
"ghar chalo" ahmad ne uski baat ko nazar andaz karte hue kaha
"haan ja rahe hain ghar, to theek to hai na? hospital jana hai ? " jawad ne pucha
"theek hun main …. Chalo ghar" ahmad ne bethi hui awaaz me kaha
Abhi wo jane ke lie gadioyun ki taraf barhne hi lage the ke ahmad ke mobile par ghar se call aane laga
Dusri taraf ahmad ki saas thi
"beta jaldi se ghar aao, sashaa ko emergency me hospital le kar jana pade ga"
Ahmad ye sun kar pareshan ho gya
"main aata hun, bas aadhe ghanta me, ammi sab kheriyat hai na…" ahmad ne apna tamam dard aur dar nazar andaaz karte hue ek dam kaha, apne dost ko driving seat par dekh kar us ne hatne ka kaha
"kadhif hat main chalaunga" aur bazoo se pakad kar bahar ki taraf kheencha
Ahmad ke is achanak bartao se wo heran pareshan gadi se utra tha dusre doston ne jab ye dekha to use driving se mana kia, lekin wo bazid tha , wo khud jald se jald drive karke ghar pohnchna chahta tha
Tmam dost dono gadiyoun me swar ho chuke the aur ahmad intehai teez raftari se gadi reverse karta hua chand lamhon bad main road par mojood tha, gadi ki raftaar intehai teez aur us ki nazar road par jami hui thi , albata raat ke do baj rahe the ji ski wajah se road par zyada traffic na thi , lekiin badi gadiyan aur containers road par zyada nazar aa rahe the
Ahmad dusri gadi me moojod tha jo aate waqt ke mukable me badi aur raftaar me teez thi , gadi me moojod baqi dost dare sehme bethe the aur baar bar use ehtiyat se chalane aur driving seat chorne ka keh rahe the
Ahmad sasha ki halat ka soch kar apne is plan par afsoos kar raha tha aur jald bazi me badi gadiyoun ko overtake karta aage nikalta ja raha tha
Achanak gadi ko ek zor dar break laga aur gadi bahot teezi se disbalance hoti hui road se utar kar kachee medan me utar gyi aur ek pathar se takra kar ruk gyi
Ahmad ne teez raftari me back view mirror me peeche dekhne ke lie dekha tha jab use is ke sath latke lakdi se sajaya hua show piece ki jagha ek chotti bachii ka hath hilta nazar aaya tha
Gadi ki speed break se toot gyi thi lekin is ke bawajood, itni raftar thi ke gadi sambhal na saki aur road se neeche utri thi
Wo ek darmiyane size ka pathar tha jo us kache medan me mojood gadi ke rukne ki wajah bana
Gadi me moojood tamam logon ka mehfoz rehna ek moijza /Karishma tha aur agli seat par mojood ahmad aur fawad air bag ki wajah se bach gye the
Ahmad ke dost achanak break lagne par heran the aur ahmad se iski wajah puch rahe the,ahmad unhein kuch btane se qasir tha jabke hadsee ki wajah se kuch log wahan un ki madad ko aan pohnche the
Jaise taise fadi ko wahan se nikal kar start karne ki koshish ki lekin gadi start na hui
Gadi ka agla hissa kafi had tak nusaan ka shikar ho chuka tha
Ahmad ki pareshani ko samajhte hue koi bhi use kuch kehne se garez kar raha tha
Jald hi ek dost ko dusri gadi ka khyal aaya aur us ne ahmad ko unke sath jane mashwra dia, ahmad chonek is waqt jaldi aur pareshani me tha is hadse ka koi khaass asar lie bagher foran dusre doston ko phone karne laga, wo chonke in se kaafi peeche the aur bad kismati se fadi me teez aawaz me chal rahe gaano ki wajah se ahmad ki call koi sun na saka
Ahmad ko achanak shayan ka khyal aaya aur use phone mila kar foran ghr pohnchne aur sasha ko hospital le jane ka kaha
Shayan raat ke is waqt ahmd ki call se garbara kar utha lekin uski pareshani sun kar agle hi lamhe jaane ke lie uth khara hua
Ahmad aur us ke dost dusri gadi me mojood doston ko call karne ki musalsal koshish kar rahe the aur is doran gadi ko start karne ki bhi koshish kar rahe the. Bahot koshish ke baad kafi deer baad un ki call receive hui aur pata chala ke wo log is jagha ko cross karke aage nikal chuke hain, ahmad ne unhein wapas aane ko kaha
Bahot deer intezar karne ke baad dusri gadi wapas aayi ,chonke wo high way par they aur koi U-turn mojood na tha I, inhein ek lamba rasta guzar kar wapas aana pada
Ahmad ki pareshani urooj par thi aur is ki pareshani dekhte hue us ke sathi gadi ki pareshani ko bhool kar ahmad ko hosla de rahe the
Ahmad ne gadi ke aate hi unhein sari tafseel btayi aur jald se jald wahaan se hospital chalne ka kaha jo is waqt ek lamba safar fasle par tha, ahmad ne gadi me bethte hi shayan se rbt kia aur wo ahmad keg har pohnch chuka tha aur apni Bhabhi ko le kra hospital jane ki tyari kar raha tha
Ahmad dil hi dil me acha ho jane ki duaayein kar raha tha aur abhi wo hospital se chand mint ke fasle par hi tha ke is ke pass call aayi aur dusri traf se use apni beti ke paida hone ki khushkhabri di gyi, ahmad ye sun kar heran bhi tha aur khush bhi, aur haqeeqat me ye uske lie ek heran kar dene wali baat thi,lekin sath hi is waqt wo apni biwi ke pass na hone ka afsoos kar raha tha,is lie ke doctor ke mutabiq paidaish do din ke bad ki thi, dusri traf se use room no btaya gya aur call end ho gyi
Ahmad Khushi aur herani ki mili juli halat me dorta hua hospital me btaye hue kamre ki taraf bhaga m wahan mojood apni biwi aur sath me bachii ko dekh kar wo Khushi se dil hi dil me dewana ho raha tha
Achanak se phone ki bell bji
Apni beti ko hath me lie usne Khushi se phone kaan se lgya
"hello, aap ahmad ahsan baat kar rahe hain" dusri taraf se aawaz aayi
"ji ahmad baat kar raha hun"
Call kisi anjaan number se aayi thi
"main city hospital se bol rha hun , abhi hamare pass ek accident case aaya hai, aur aurat ke mobile se aapka number mila hai" dusri traf se aawaz aayi
"sorry kia keh rahe hain? Main samjha nahi? "Ahmad ne phone kaan par dabate hue kaha
"sir main city hospital se baat kar raha hun hamare pass abhi abhi ek accident ka case aaya hai , is me se ek aurat ke sath kuch hospital ki files then jis me aapka number tha, aurat ka naam sasha hai aur wo pregnant then " ye baatein ahmad ke lie kisi pahad ke tootne se kam na thein
"lekin ………" ahmad itna keh saka
"sir we are sorry ke ham inhein nahi bachaa sake" ahmad ke kaano me ye aawaz aayi thi aur use phone kaano se sirakta hua mehsoos hua aur apne gale par kisi hath ki grift
Us ne gardan jhukaa kar neeche dekha
"tum chahte to bachaa sakte the"ahmad ko hathon me wazan barhta hua mehsoos hua, ek gehri muskurahat lie wo bachii us ke hath me mojood thi jis ye awwaz us ke lie ajnabi na thi, us ne nigah bed par dali aur wahan leti aurat us ki traf dekh kar wehshat se muskuraa rahi thi
Ahmad ko apni ankhon ke samne andhera sa mehsos hua aur gale par grift mazboot hoti chali gyi
========================
"yaar kafi deer ho gyi ahmad ko call kar, wo hamein khushkhabri nahi sunayega kya? " ek dost ne kaha
Jawad ne call mila kar phone kaan se lgya…kafi der tak bell jati rahi lekin koi jawaab nahi aya
Kuch der intezar karne ke baad ek bar phir call milayi lekin ahmad call receive nahi kar raha tha
"excuse me, is room em ahmadn hon ge , inhein please bahar bheeej sakti hain" Zohaib ne kareeb se guzarti nurse se request ki
"sir yahan patient ke sath ek se zyada log allowed nahi hain, please aap log bahar wait karein" nurse ne inkar karte hue unki baat ko nazar andaz karte hue jawaab dia
"hum bas jaa rahe hainaap sirf unhein do mint bahar bula dein" us ke doston ne samne private room ki taraf ishara karte hue kaha
"sir ye room khali hai, yahaan koi patient nahi hai" nurse kehti hui apne kaam se aage barh gayi
Wo log herangi se ek dusre ki shakal dekhte reh gaye
"pagal hai yarr ye…..main bulata hun" jawad kehta hua darwaze ki taraf barh gya
Darwaze par knock kar ke wo ek taraf khara ho gya
Andar se koi jawab na aaya
Ek baar phir knock kar ke us ne knob ko ghumaya aur aadhe khule darwaze se andar jhanka
Bed par aur us ke ird gird koi nazar nahi aa raha tha , us ne dusre doston ko bulaya aur dono hi sath andar dakhil hue
Darwaze se andar ek taraf nazar parne par inki cheekh nikal gayi
Baqi dost bhi awaz sun kar bhaagte hue kamre me dakhil hue andar ka manzar dekh kar sab ke peeroon ke neeche se zameen nikal gayi thi
Zameen par ulta pada hua shaks, us ke peer mude hue aur taangein tuut hui lag rahi then
Maathe se khoon beh raha tha aur chehra ek taraf ghuma hua tha , jaise wo kisi bahut bure hadse ka shikar hua ho, us ke doston ke muh se sirf us ka naam nikla ,…….ahmad……..
The End
- 2,372
- 1,837
- 143
ye bhootni to shayan aur ahmad ke sath us amil ki bhi khatiya ladi katne par tuli hai... aise kaleen khinchi ki pond hi tut gayi teeno ki
Lagta hai bhootni ki nazar mein weh teeno kaleen pe bhi baithne layak nahi
wo amil bhi soch raha hoga ki jaane kaha un do kambakhto ke sath aake fansh gaya
Awww... Kitni cute hai na dono hi
Update 7
Itni heavy comedy
sabse bada comedian to wo Ahmad... waise chutiyapa first update se hi karta aa raha hai...
apni biwi aur bachi niche le aane ki bajaye upar sawal jawab kiya jaa raha tha....
Phir..Phir ..Phir...
aur uski bewakoofi to dekho, dono ko wohi upar room mein akele chhod aaya.... Kya uske dimag ye baat nahi khatki ke wo ruh phir se uski biwi pe kabza jama sakti hai...
Khair... Ahmad ke chutiyappa dastan mein ek aur karmana jud gaya
udhar niche bhootni ki bina ijajat liye uski video dekhne par bhadak gayi aur un teeno ki hi baja di..
Are kam se kam puch hi lete... aise personal cheeje kahe chedhne jaate hai log
matlab bhootni ko
Ye lo ...kar lo baat . ... matlab Ahmad ne kuch kiya hi nahi, bhootni to khali pili hukka pani leke uske piche padi hai byanj kaatke
bas uski yahi galti hai ki wo galat waqt pe,jagah jagah car drive kar raha tha...
Ahmad be like .... mere to ***lag gaye
ab ye amil kya karne ko keh raha Usko
Khair mujhe ki.. jo marzi kare
Baaki us ladki aur uski bachi ke sath jo hua sach mein hriday vidaarak tha...
Shaandaar update, shaandaar lekni aur shaandaar shabdon ka chayan...
bahot nirale aur uttejak tarike se update ko pesh kiya gaya hai..
Khair... let's see what happens next...
Brilliant update with awesome writing skills :applause: :applause
for these entertaining reviews story completed and do not forget to tell me about the end of story
- 2,372
- 1,837
- 143
Bhootni ne aahmad ki achi wali khatiya khadi kar rakhi hai. Raat ho ya din jab bhi mauka mil rahi hai ahmad ko lapet le rahi hai.
Shain ne kuch sujahv diya hai jise mane ko taiyar hua ab wapas acdient wali jagah ja raha hai shayad kuch jankari mil jaye. Dekhte hai vahan naya kiya hota hai.
Adbhut atulniya lekhan kaushal
- 2,372
- 1,837
- 143
Ek alag hi darvna kissa ho gaya pahle bahut dhundha par mila nehi phir achanak ladki aur bachchi ki lash mil gaya. Phir jo bola kisi bhi dil se majbut inshan ka dil dahla de. Daar dono ke dil bakhubi baith gaya hai ab delhte hai chhat par jo kuch girne aur tutne ki avaj ahmad ko sunai diya kiya vo chaukidar ko aisa kuch dikhta hai jisse lage ki ahmad jo suna ya mahsus kiya sahi hai.
Adbhut atulniya lekhan kaushal
for reviews
- 2,372
- 1,837
- 143
- 22,461
- 14,689
- 143
- 8,797
- 16,984
- 143
Update 05Ahmad darte darte serhiyoun ki taraf barha lekin upper charhne ki himmat na kar saka "baba….baba" wo darte darte baba ko awaz lagane laga lekin upper se koi jawab nahi aaya , us ne bamushkil himmat bandh kar upper jane wali serhiyoun ki taraf kadam rakha lekin do char kadam se zyada uoer nahi charh saka uski himmat hi na ho saki
" baba salah din baba , …….. awaz sun rahe ho meri?" ek baar phir awazein lagane laga lekin upper se mukammal khamoshi ke siwa kuch naseeb na hua, albata us ki apni awaz use jaise gunjti wapas aati sunai di jo ek ajeeb si baat thi
Ek baar phir himmat kar ke wo zara sa aur upper charha , jabke ek pori sirhi abhi baki thi jo chat se milti thi, yaka yak use ek baar phir khof ne aa ghera aur wo wapas palat gya aur neeche uterne laga, bamushkil do kadam utra hoga ke koi cheez ludhakti hui us ke peeron se aa kar takrayi jis se wo apna tawazan barqarar na rakh saka aur kamar ke bal seerhiyoun par hi gira
Wo salah din baba tha jo serhiyoun par na jane achanak kahan se ludhakta hua aakar ahmad ke peeron se takraya tha.
Salah din baba behoshi ki halat me serhiyoun se ludhakta hua neeche aaya tha lekin ahmad ko takrane se pehle us ki koi awaz yahan tak ke ludhakne ki awaaz bhi nahi aayi…
"baba,……. Baba kia hua baba uthoo" wo khud ko sambhalne me kamyaab ho gya tha, ahmad jo baba ke upper hi gira tha is lie kisi kisam ki choot se mehfooz raha tha
Baba ko is halat me dekh kar ahmad ke toote urr gaye, ek nazar upper chat ki taraf mari jahan serhiyoun par andhera aur sannata khofnaak manzar pesh kar raha tha
Ahmad foran baba ko le kar kamre ki taraf bhaga aur us par pani daal kar hosh me lane ki koshish karne laga lekin na kamyan raha
Abhi wo baba ko hosh me lane ki koshish me tha ke use nichle floor se ek zor dar awaaz sunai di, is baar awaaz par sasha bhi choonk gayi thi , us awwaz ne mahol ko mukammal tor par khof ki lapet me le lia tha
"tum ne suni ye awwaz?" ahmad na kapkapati awwaz me pucha
Sasha ne haan me sar hilaya aur sehmi hui ahmad ki taraf dekhne lagi
"sasha tum baba ko dekho , pani waghera maro aur hosh me lane ki koshish karo main check karta hun" ahmad ne himmat kar ke khare hote hue kaha
"nahi ahmad mujhe bahout dar lag raha hai , aap yahin ruken please" sasha ne ghabrahat ke mare iltaja ki
"bas do mint, main check kar ke aaya" keh kar wo kamre se nikal gya
Kamre se nikal kar phonkte hue kadam rakhta wo neeche ki taraf utarne laga
Ye serhiyan un ke hall numa kamre me ja kar utarti thin jo in ka tv longe bhi tha aur dining rom bhi
Haal ki chhat ke darmiyan me aaraish ki garz se laga hua jhilmilata hua fanoos teezi se hil raha tha , jaise wo abhi gir jaye ga
Fanoos beshak bahot khubsurat aur bada sat ha , sath hi itna wazni bhi ke halki phulki hawa use hilla bhi nahi sakti thi, wo itni teezi se jhool raha tha ke jaise kisi ne use hilaya hoo
Fanoos ki jalti bujhti Roshni aur ke sheeshon ki khar'kharahat us pur'israr mahool ko aur khatarnaak bana rahi thi
"yaa khudaa …… ye kia majra hai ……….. " us ne khud se keh kar serhiyoun se neeche kadam barhana shuru kiye hi the ke wahan mojood sab ki sab lights khud ba khud off ho gun , lights band hona ahmad ke liye na hone wala waqiya tha ,
Ahmad ne wapas bhaag kar kamre ka rukh kiya aur kamre ke bahar switch board par hath mara to tamam switches off the , usne jaldi se on kar ke kamre me ghusne me hi ghanimat samjha
Baba ko ab hosh aane laga tha , sasha us se kuch fasle par khadi use aawazein de kar jagane ki koshish me lagi hui thi , ahmad ne baba ko kamar se sahara de kar bithaya aur wo bad hawasi ke aalam me idhr udhr ka jaiza lene laga
"kia hua baba" jaise hi us ko hosh aaya wo sasha ki taraf dekh kar ek dam khara hua aur darwaze ki taraf lapka
"baba kia huaa? Kahan ja rahe hoo" dono ne herangi se pucha
"hum ja raha hai , yahan kaam nahi kare ga " wo dantne ke andaaz me keh kar teezi se kamre se bahar nikla tha
Ahmad jaise hi us ke peeche jane ke lie kamre se bahar nikla ke tamam lights on dekh kar heran hue bagher na reh saka, switch board ke tamam switches bhi on the.
Ahmad bina ruke baba ke peeche peeche bhaga aur gate ke kareeb us ke mare me use rok lia
"baba kia hua , kyun bhaag rahe ho aise . upper chat par kia hua tha" ahmad ne apne hawaas par kabo pate hue puchaa
"choro hamein sahib , hum yahan kaam nahi kare ga hum jaa raha hai " wo apna zaruri saman jama kar raha tha
"are baba lekin hua kia hai ? kahan ja rahe ho , mujhe batao upper chat par kia hua " ahmad ne use rok kar kamre me mojood charpayi per bithaya
"sahib aap ne hamein upper bheja ke jao dekh kar aao kuch girah ai aawaz aayi hai, hum upper gya to begam sahiba aur human bibi upper khara hua tha"
Wo kapkapati hui awaaz me bata raha tha , ahmad ka munh ye sun kar khulaa ka khula reh gya
"phir??????????" ahmad ne foran puchaa
"sahib hum ne begam sahiba ke paas ja kar pucha ke kia hua hai to wo humein dekh kar hanstaa raha phir bolta hai , wahan kone me koi betha hua hai , ja kar dekho , humne wahan dekha to udhr kuch bhi nahi tha sirf gamle rakha hua tha, hum gamle ko dekhne wahan gya to begam sahiba ne hamein dhakka de dia , hum chat se neeche gir jata lekin lohe ka grill pakad ke hum bach gya , hum giraa nahi , phir hum khud ko sambhal ke wapas khara hua to begam sahiba ka chehra Roshni me sahi se nazar aaya , wo to koi aur tham aur humne phir dekha hamna bibi chat se neeche kudne ka koshish kar raha hai , wo dewaar par charh raha tha , hum bhaga us ko bachane ke lie , aur us ne hamara pohnchne se pehle chalang laga dia, hum foran neeche jhanka to udhar koi bhi nahi thaa, aur hamein aisa laga jaise kisi ne phir se dhakka dia ho, humne khud dubara girte girte bachaya aur wapas dekha to chat par koi bhi nahi tha , phir to hum neeche aane ke lie bhaaga to table khud ba khud hamein paun par takra gya aur hum zameen par gira, phir pata nahi kia hua, hamein kuch pta nahi hai "/…….
"sahib humne apni zindgi me bahot kuch dekha hai , hamein dar nahi lagta kisi se lekin ye hamein maar de ga , begam sahiba pehle hum se baat kar ke hamein wahan bheja phir un ka chehra badal gya,,, hamein marna chahta tha" baba ne ghabrate hue ukhri sanson ke sath sara qissa sunaya aur wapas apna saman jama karne laga
"achaa baba tum ruko , subah chale jana be shak" ahmad ne baba se rukne ki ilteja ki
"hum ja raha hai abhi yahan se , tum bhi jaao idhr se tumhara ghar me kuch hai" wo saaman utha kar bahar nikal gyaa
Ahmad ko yak dam sasha ka khyal aaya aur wo doud kar ghar ke andar ki taraf bhaga aur andar pohanch kar idhr udhr dekhe binaa foran upper ka rukh kia, kamre me sasha ko pa kar sakoon ka sans lia aur us ke barabar me ja kar beth gya…..use mehsoos hua sasha ek taraf kuch ghor ghor kar dekh rahi hai
Baba ke bare me puchne ki jaga ye kia dekh rahi hai ? ahmad ek zehan me khyal aaya aur us ne sasha ke kandhon se pakad kar harkat di " sasha …? Kia hua ? kia dekh rahi ho " ahmad ne kareeb hote hue pucha..
" TUM CHAHTE TO BACHAA SAKTE THE " ek wehshat bhari awaaz ahmad ke kanoo se takrayi , jo uski biwi ke muh se nikli thi, ankhein khoon ki tarah surkh aur chehra kayi dino ka thaka hua lag raha tha, us ne ahmad ki taraf gardan mor kar kaha
Awaz me kadre bhari pan tha , ye awwaz us awwaz se mukhtalif ne thi jo us ne jhariyoun me suni thi
Ahmad ko yun laga jaise us awaz ne use dur dhakeel dia hoo, aao dekha na taao foran darwaze ki taraf lapka aur use junhi kamre ka lock ghumaya wo band tha, ahmad zoor lagane laga ,
Usi kashmakash me uski ek nazar sasha par padi jo bahot pareshan pareshan aur ghabrai hui use dekh rahi thi , nazrein milte hi baba ke bare me puchne lagi
"kia hua tha baba ko , ahmad " ahmad ko uski asli awaaz aur chehre ke taasrat se ehsaas hua ke ye ek lamhe pehle wali sasha nahi hai m
"chalo yahan se chalte hai" ahmad ne sasha ka hath pakda aur dobara darwaza khola jo foran khul gya
**********************
Kych der me wo log sasha ki mama ke ghar ke bahar khare the , jahan human pehle se ruki hui thi….
Raste bhar sasha puchne ki koshis karti rahi lekin ahmad teezi se gadi chalata raha aur kuch bhi bolne se mana karta raha
"sasha meri baat suno, goor se ," ahmad ne hidayat karte hue baat shuru ki
"main tumhein ammi ke ghar choor raha hun , ho sakta hai ek do din tumhein yahin rukna pade , mere saath ghar me kuch ajeeb waqiyat ho rahe hain aur us ke peeche ek bahi wajah hai jo maine tumse baad me share karun ga , tumhein apna aur hamna ka khyal rakhna hai aur me in cheezon se nimat kar tumhein wapas le luun ga" ahmad ne ek hi saans me mukhtasar qissa keh dala aur sasha hakka bakka us ka chehra dekhti rahi
"tum andar jaao ab me tum se phone par rabte me rahunga " ahmad ne use gadi se utarne ka ishara karte hue kaha , aur sakht lehje mi hidayat ki
"ahmad please aap bhi yahin ruk jayen , mat jayen wahan, mera dil doob raha hai, mujhe bahot khoof aa raha hai …….please ahmad" sasha ne fikar mandi se guzarish ki
"nahi me shayan ko le kar ghar jaun ga , tum fikar na karo, jao ab andar" ahmad ne chehre par jhooti muskurahat late hue kaha, sasha gadi se utar kar ghar ke andar chali gayi
Ahmad gadi wapas mod kar ghar ki taraf jaa raha tha, ye wahi rasta tha jise ahmad ne us accident ke baad aane jaane ke lie use kar raha tha, aur dusra rasta wo kab kaa chor chuka tha
Gadi dourate hue achanak ek moqe par ahmad ko ye ehsaas hua ke gadi ki pichli seat par koi mojood hai , us ne back mirrior me dekh kar tasalli kar li , wahan koi nahi tha , albata us ka khoof ko khatam hua hi nahi tha ab mazeed barh chuka tha
Gadi ki speed bahot teez ho gayi aur ahmad dil hi dil me apni kheriyat se ghar pohnchne ki duaa magne laga , sath sath wo back mirror me pichli seat ki taraf dekhta jata aur gadi ki andar ki light bhi on kar di..
Ek lamhe ke lie us ki nazar apne mobile par padi aur ke zehan me shayan ka khyal aaya, dusre chand lamhon me wo shayan ke sath line par tha
"shayan, main tujhe lene aa raha hun , jaldi se tyar ho ja, aaj mere ghar par rukna hai tujhe mere sath " ahmad ne jaldi se baat mukammal ki
" abe kia ho gya hai ? is waqt ? " shayan ne chonk kar puchaa , lekin agle hi lamhe call disconnect ho gayi…
Shayan ke ghar pohnchne se 2 mint pehle use call ki aur gate par aane ka bol dia
" kia ho gya bhai ? ab kia masla ho gya hai yaar " shayan ne ahmad ke pohnchte hi swal dag dia aur gadi me beth gya
"kia ho gyaa? Abe ye puch kia nahi huaaa!!" bhai puch mat kia kia ho raha hai, chowkidat baba bhag gya hai, lights khud on ho jati hain, kabhi off ho jati hain, fanoos hill raha hai, kabhi sasha apna roop badal rahi hai to kabhi lag raha hai gadi me piche koi betha hua hai , bas bahot ho gyaa, yaar ab kuch karna hi pare ga mujhe" ahmad ne tilmilaa kar sari baat sunayii aur ghusse me gadi teezi se bhagata raha
"oo bhai ! zyada jazbati mat ban, aqal se kaam lee aqal se , wo koi pehlwan nahi jis se tu is tarah ladne ja raha hia!!" shayan ne samjhane wale andaaz me kaha aur sath hi peche mud kar seat ko check karne laga
" abe yaar to main kia karun, ye mere peeche pad gayi hai, tum chahte to bachaa sakte the, tum chahte to bachaa sakte the , abe kahaan se bachata main, apni biwi aur bachi ko le kar un darakhton me ghussaa deta gadi? Accident kar deta gadi ka ? tu khud bata yaar tu meri jagha hota to kia karta ? yaar maine kia ghalat kia hai? " ahmad ne taqreban rohansi hote hui ghusse bhari awaaz me kaha
" bhai main samajh sakta hun, teri ghalti nahi hai , magar, use tu samjha sakta hai ye baat? " shayan ne ye keh kar ahmad ke hont siil diye…..aur sawalaya nazron se ahmad ko dekhne laga
Ahmad tezi se gado bhaga raha tha afsurda chehra bna kar gadi ki speed kuch kam kar di
" nahi yaar ……… lekin ab kia hal hai is masle ka shayan… kia karna chaiye hamein? Un Cameron ki madad se hum kia karen ge, sirf recording na? lekin hum kuch nahi kar paye to kal ko log camera ki recording me ye dekhen ge ke mujhe aa kar kisi ne maar dia phir? Kia faydaa" ahmad ke sawal ne shayan ko bhi sochne par majboor kar dia
Un ki baat cheet ke doran gadi ki speed kuch slow ho gayi thi m ahmad kin azar samne road par aur shayan back mirror me pichli seat par ghor kar raha tha, yaka yak ahmad ko aisa lagaa jaise samne andheraa chaa gya ho, windo screen par kale kapre numa kisi cheez ne samne ka manzar oojhal kar dia tha
Yaka yak gadi ka handle bayen taraf khud muda aur isi doran inhone mehsoos kia ke wo kisi andhere wali jagha me dakhil ho rahe hain
"shayan , gadi khud chal rahi hai , main kuch nahi kar paa raha " wo chilla chilla kar bol raha tha, aur break par zoor zoor se paun maar raha tha
"gadi rook ahmad ,,,, gaadi roooo, rooooook ahmad gadi rooook " shayan chilla raha tha
"shayaaan nnnn kuch kar yaar gadi khud chal rahi hai I I I I I ……. Shayaaa ………nnnn nnn " ahmad ki chekhein goonj rahi then
Dono buri tarah chilla rahe the aur sath hi mil kar handle ko morne ki koshish to kabhi darwaza kholne ki koshish karne lage, lekin kuch na kar sake………………………………….
*********************
Continued……………………
Give your reviews here……….
Ek ke bad ek update aage bad raha hai aur story aor jayada darwna hota ja raha hai aor kitna darana chate ho HAKIM
ji.Diwal par inshan chal raha chera automatic badal ja raha hai. Sala darawna scen bhootiya filmes jaisa ho raha. Shukr hai bhootiya film dekhne ka chaska varna iss story padhte padhte kahi mera hart uri baba bolke bahar nikal aata phir log mujhe kahte bina heart wala vahiyat inshan
Adbhut atulniya lekhan kaushal
